ဂျပန်နှင့် ပိုင်နက်အငြင်းပွားမှုကို မြန်မြန်ဆန်ဆန်ဖြေရှင်းရန် မဖြစ်နိုင်ဟု ပူတင်ပြောကြား

စက်တင်ဘာ ၁၀ ရက်တွင် ဗလာဒီဗိုစတော့၌ ဂျပန်ဝန်ကြီးချုပ် အာဘေး(၀ဲ)အား ရုရှားသမ္မတ ပူတင်(ယာ)က စကားပြောနေစဉ် (Photo – AFP)

ရုရှားနှင့် ဂျပန်တို့အကြား နယ်မြေပိုင်ဆိုင်မှု အငြင်းပွားနေကြသော ကူရေးကျွန်းစုအရေးကိစ္စအား မြန်မြန်ဆန်ဆန်ဖြေရှင်းနိုင်ရန် မဖြစ်နိုင်ကြောင်း ရုရှားသမ္မတ ဗလာဒီမာပူတင်က စက်တင်ဘာ ၁၀ ရက်တွင် ပြောကြားခဲ့သည်။ ပူတင်၏ ပြောစကားသည် ယင်းကိစ္စနှင့်ပတ်သက်ပြီး ဂျပန်၏ ပိုမိုအကောင်းမြင်မှုရှိသော မျှော်မှန်းချက်အား စိတ်ပျက်အားလျော့အောင် လုပ်ဆောင်လိုက်သကဲ့သို့ ဖြစ်ခဲ့သည်။

“ဒီကိစ္စနဲ့ပတ်သက်ပြီး ဆွေးနွေးညှိနှိုင်းနေကြတာ ဆယ်စုနှစ်များစွာရှိနေပါပြီ။ ဒါကို မြန်မြန်ဆန်ဆန်ဖြေရှင်းနိုင်မယ်လို့ တွေးတာဟာ မသိနားမလည်ရာ ရောက်ပါတယ်” ဟု ပူတင်က ပြောခဲ့သည်။ ပူတင်သည် ရုရှားအရှေ့ဘက်စွန်းရှိ ဗလာဒီဗိုစတော့ စီးပွားရေးဖိုရမ်၏ ဘေးဆွယ်၌ ဂျပန်ဝန်ကြီးချုပ် ရှင်ဇိုအာဘေးနှင့် တွေ့ဆုံခဲ့ပြီး ယင်းသို့ပြောကြားခဲ့ခြင်း ဖြစ်သည်။

“ဒါပေမဲ့ ရုရှားရော ဂျပန်အတွက်ပါ အလုပ်ဖြစ်စေပြီး နှစ်ဖက်စလုံးက ပြည်သူတွေ လက်ခံနိုင်မယ့် အဖြေတွေကိုရှာဖို့ ကျွန်တော်တို့ အသင့်ဖြစ်နေပါတယ်” ဟု ပူတင်က ဆိုခဲ့ပြီး ယခုကဲ့သို့ဆွေးနွေးမှုများ ပြုလုပ်ခဲ့ပြီးနောက် ဆက်ဆံရေးကောင်းအတွက် တွန်းအားသစ် ဖြစ်လာစေလိမ့်မည်ဟု ယုံကြည်ကြောင်းလည်း ပြောကြားခဲ့သေးသည်။

ရုရှားတောင်ပိုင်းစွန်းရှိ ကူရေးကျွန်းစုကို ဒုတိယကမ္ဘာစစ်အပြီးတွင် ဆိုဗီယက် ယူနီယံက သိမ်းလိုက်ပြီး ဂျပန်ကမူ ၎င်းတို့ အပိုင်ဖြစ်သည်ဟု ထုတ်ပြန်ထားသည်။ ပူတင်၏ ပြောကြားချက်အရ ရုရှားနှင့် ဂျပန်တို့သည် ကူရေးကျွန်းစုထဲရှိ ကျွန်းလေးကျွန်းပေါ်၌ စီးပွားရေးဆက်သွယ်မှုနှင့် ပူးပေါင်းမှုတို့ကိုတည်ထောင်ခြင်းဖြင့် တိုးတက်မှုအချို့ကို လုပ်ဆောင်နိုင်ခဲ့ပြီဟု သိရသည်။ သို့သော် ယင်းပြဿနာကြောင့်ပင် ရုရှားနှင့် ဂျပန်ကြား၌ လက်ရှိအချိန်အထိ ငြိမ်းချမ်းရေး သဘောတူညီချက်တစ်ခု၌ လက်မှတ်မထိုးနိုင်သေးခြင်း ဖြစ်သည်။

ပြီးခဲ့သည့်နှစ်များအတွင်းက အာဘေးနှင့် ပူတင်ကြားတွင် ဆွေးနွေးမှုများစွာ လုပ်ဆောင်ခဲ့ပြီးနောက် ၎င်းတို့သည်ကျွန်းစုပေါ်တွင် ငါးနှင့် ဂုံးမွေးမြူရေး၊ လေအားလျှပ်စစ်စွမ်းအင်ထုတ်လုပ်ရေး၊ ခရီးသွားလုပ်ငန်း အစရှိသည့် စီးပွားရေးစီမံကိန်းများကို စတင်နိုင်ခဲ့ကြသည်။ပြီးခဲ့သည့်နှစ်ကမူ ထိုကျွန်းစုပေါ်ရှိ ဂျပန်ကျွန်းသားဟောင်းများ၏ အုတ်ဂူများထံသို့ ဂျပန်မှ မိသားစုဝင်များ လာရောက်နိုင်စေရန် လေယာဉ်ပြေးဆွဲပေးရေးအတွက် သဘောတူခဲ့ကြသည်။

“ဒီကိစ္စကို ပြီးပြတ်အောင် ကျွန်တော်ဟာ သမ္မတပူတင်နဲ့အတူ အစွမ်းကုန်ဆက် လက်ကြိုးပမ်းသွားမှာ ဖြစ်ပါတယ်” ဟု အာဘေးက ထိပ်သီးဆွေးနွေးပွဲပြီးနောက် ပြုလုပ်ခဲ့သည့် သတင်းစာရှင်းလင်းပွဲအတွင်း ပြောကြားခဲ့သည်ဟု ဂျပန်၏ ကျိုဒိုသတင်းဌာနမှ ဖော်ပြခဲ့သည်။

ဗလာဒီဗိုစတော့ စီးပွားရေးဖိုရမ်စတင်ပြီး နောက်တစ်ရက်ဖြစ်သည့် စက်တင်ဘာ ၁၁ ရက်၌ အရှေ့ဆိုက်ဘေးရီးယားတွင် တရုတ်စစ်သားများအပါအ၀င် တပ်သား ၃၀၀၀၀၀ ခန့်ပါသော ကြီးမားသည့် ရုရှားစစ်ရေးလေ့ကျင့်မှုကြီး စတင်ကျင်းပခဲ့သည်။ ထိုစစ်ရေးလေ့ကျင့်မှုကြီးကို အငြင်းပွား ကျွန်းစုတွင် ကျင်းပမည်မဟုတ်ဟု ရုရှားအစိုးရက ဆိုသည်။

ဥရောပသမဂ္ဂ စည်းလုံး၍ သာယာဝပြောသည်ကိုသာ ရုရှားက လိုလားကြောင်း ပူတင်က ပြောကြား

မေ ၃၁ ရက်က မော်စကိုတွင် အစိုးရထိပ်တန်းတာဝန်ရှိသူများ၊ ရှေ့နေများနှင့် တွေ့ဆုံပွဲ၌ သမ္မတ ပူတင်က မိန့်ခွန်းပြောနေစဉ် (Photo – AFP)

ဥရောပသမဂ္ဂ၏ စည်းလုံးညီညွတ်မှုကို ပျက်ပြားစေရန် ရုရှားက ကြိုးပမ်းနေသည်ဟု ပြောကြားမှုများကို သမ္မတဗလာဒီမာ ပူတင်က ဘေးချိတ်ခဲ့ပြီး ၎င်းတို့နိုင်ငံသည် ဥရောပသမဂ္ဂ၏ စည်းလုံးမှုနှင့်သာယာဝ ပြောမှု ရှိခြင်းကိုသာ လိုလားသည်ဟု ဇွန် ၄ ရက်က ပြောကြားခဲ့သည်။

“ဥရောပသမဂ္ဂဟာ ကျွန်တော်တို့ရဲ့ အရေးအကြီးဆုံး စီးပွားရေးနဲ့ ကုန်သွယ်ရေးမိတ်ဖက်စပြီး ဖြစ်လာကတည်းက ဥရောပသမဂ္ဂရဲ့ စည်းလုံးမှုနဲ့ သာယာဝပြောမှုရှိရေးကိုပဲ ကျွန်တော်တို့ စိတ်ဝင်စားပါတယ်” ဟု ပူတင်က သြစတြီးယားမြို့တော်  ဗီယင်နာသို့ တရားဝင်ခရီးစဉ်တစ်ခု မသွားရောက်မီ သြစတြီးယားရုပ်သံတစ်ခုဖြစ်သော ORF သို့ ပြောကြားခဲ့ခြင်း ဖြစ်သည်။

“ဥရောပသမဂ္ဂရဲ့ ဗဟိုချက်မှာ ပြဿနာတွေ ပိုပိုလာလေ ကျွန်တော်တို့အတွက် အခက်အခဲ၊ အန္တရာယ်တွေ ပိုများလေလေပါ။ ဥရောပသမဂ္ဂနဲ့ လက်တွဲလုပ်ဆောင်ဖို့ ကျွန်တော်တို့ဘက်က လိုအပ်ပါတယ်” ဟု ပူတင်က ဆိုခဲ့သည်။ ဥရောပသမဂ္ဂမှမည် သူသို့မဟုတ် မည်သည့်အရာကိုမှ ကွဲပြားစေရန် ရည်ရွယ်ချက်မရှိဟုလည်း ရုရှားသမ္မတ ပူတင်က ပြောကြားခဲ့သည်။

မကြာသေးမီကမှ စတုတ္ထမြောက် သမ္မတသက်တမ်းအတွက် ရွေးကောက်တင်မြှောက်ခံထားရသည့် ပူတင်က ၎င်း၏ အာဏာရယူနိုက်တက်ရုရှားပါတီနှင့် သြစတြီးယား၏ လက်ယာစွန်းရောက် Freedom ပါတီ၊ FPOe ပါတီတို့ကြားတွင် ဆက်နွှယ်မှုများရှိသည်ဆိုသည့် သတင်းများကိုလည်း မှိန်ချပစ်ခဲ့သည်။ ထို FPOe ပါတီသည် သြစတြီးယားနိုင်ငံကို လက်ရှိအုပ်ချုပ်နေသော ညွန့်ပေါင်းအင်အားစုထဲ၌ ပါဝင်နေပြီ ဖြစ်သည်။

သြစတြီးယားဝန်ကြီးချုပ် ဆီဘက်စတီယာန်ကာ့ဇ်၏ ပြည့်သူ့ပါတီအတွက် အငယ်တန်းမိတ်ဖက်ဖြစ်သော FPOe သည် ခရိုင်းမီးယားအား ၎င်း၏ပိုင်နက်ဖြစ်ကြောင်း ကြေညာခဲ့သော ရုရှားလုပ်ရပ်ကို ထောက်ခံသည့် ပါတီဖြစ်သည်။

Ref ; AFP

ရုရှားသမ္မတပူတင်က စတုတ္ထမြောက်သက်တမ်းအတွက် ကျမ်းသစ္စာကျိန်ဆို

မေ ၇ ရက်က မော်စကိုရှိ ကရင်မလင်တွင် ကျမ်းသစ္စာကျိန်ဆိုပွဲသို့ ရောက်ရှိလာသည့် ရုရှားသမ္မတပူတင် (Photo: AFP)

အနောက်နိုင်ငံများနှင့် ဆက်ဆံရေး အလွန်အမင်းကျဆင်းနေမှုနှင့် အတိုက်အခံများအား ဖြိုခွင်းမှု အရိပ်မည်းများက ဖုံးလွှမ်းနေစဉ် ရုရှားသမ္မတ ဗလာဒီမာပူတင်က မေ ၇ ရက်တွင် စတုတ္ထမြောက်သက်တမ်းအတွက် ကျမ်းသစ္စာ ကျိန်ဆိုခဲ့သည်။ နိုင်ငံတစ်ဝန်း၌ ၎င်းအား ဆန့်ကျင်သည့် ဆန္ဒပြမှုများအတွင်း အတိုက်အခံခေါင်းဆောင် အလက်ဇီနာဗာညီအပါအ၀င် ဆန္ဒပြသူ ၁၆၀၀ နီး ပါး ထိန်းသိမ်းခံခဲ့ရပြီးနောက် နှစ်ရက်အကြာတွင် ပူတင်က ကျမ်းသစ္စာ ကျိန်ဆိုခဲ့ခြင်းဖြစ်သည်။

ရုရှားအား အုပ်ချုပ်မှု ၁၈ နှစ် ကြာမြင့်လာပြီဖြစ်သော ပူတင်သည် ပြီးခဲ့သော သက်တမ်းအတွင်း၂၀၁၄ ခုနှစ်၌ ယူကရိန်းထံမှ ခရိုင်းမီးယားအား သိမ်းယူခဲ့ပြီး ၂၀၁၅ ခုနှစ် တွင် ဆီးရီးယား၌ သမ္မတဘာရှားအယ်အာဆတ် အစိုးရဘက်မှ ကူညီတိုက်ခိုက်မှုများ လုပ်ဆောင်ခဲ့ကာ ပြည်တွင်း၌လည်း ၎င်း၏ လာမည့်သက်တမ်းအတွင်း လူနေမှုအဆင့်အတန်း တိုးတက်စေရန် ကြိုးစားမည်ဟု ကတိပြုထားသည်။

၂၀၂၄ ခုနှစ်တွင် ၎င်း၏ စတုတ္ထမြောက်သက်တမ်း အဆုံးသတ်ချိန်၌ ရွေးကောက်ပွဲ ထပ်မံယှဉ်ပြိုင်ခွင့်ကို ဖွဲ့စည်းပုံအခြေခံဥပဒေအရ ပိတ်ပင်ထားချိန်တွင် ပူတင်သည် ၎င်းအား ဆက်ခံမည့်သူကိစ္စကို နှုတ်ဆိတ်နေဆဲဖြစ်သည်။ ခရိုင်းမီးယားအား သိမ်းယူမှုကြောင့် အနောက်နိုင်ငံများ၏ ပိတ်ဆို့အရေးယူမှု နှင့်  ၂၀၁၆ ခုနှစ်တွင် ကမ္ဘာ့ရေနံဈေးကျဆင်းမှုတို့ကြောင့် မော်စကိုက အလွန်အမင်း အထိနာခဲ့ပြီးနောက် ပူတင်သည် စီးပွားရေး ပြန်လည်အားကောင်းလာစေရန် ခက်ခက်ခဲခဲ ရုန်းကန်နေရသည်။

ယခုနှစ် ကျမ်းသစ္စာကျိန်ဆိုမှုတွင် ကရင်မလင်၌ ကြီးကျယ်ခမ်းနားသော ဂုဏ်ပြုပွဲအား ထည့်သွင်းခြင်းမပြုမှု အပါအ၀င်  အတော်အသင့် ခပ်မှိန်မှိန်သာ ကျင်းပရန် စီစဉ်ထားခဲ့သည်။ ၂၀၁၂ ခုနှစ်က တတိယမြောက် သက်တမ်းအတွက် ကျမ်းသစ္စာကျိန်ဆိုသည့် အခမ်းအနားသို့ ပူတင်သည် အနက်ရောင်ကားယာဉ်တန်းဖြင့် လူသူကင်းမဲ့နေသော မော်စကိုလမ်းများကို ဖြတ်ကာ သွားရောက်ခဲ့သည်။ ယခုအခမ်းအနားတွင်မူ ပူတင်သည် ရွေးကောက်ပွဲမဲဆွယ်စဉ်၌ ပါဝင်ကူညီခဲ့သည့် စေ့တနာဝန်ထမ်းများနှင့် တွေ့ဆုံမည်ဟု မျှော်လင့်ရသည်။

မေ ၅ ရက်က နိုင်ငံတစ်ဝန်းတွင် တစ်ရက်ကြာ ပြုလုပ်ခဲ့သည့် အတိုက်အခံများ၏ ဆန္ဒပြမှုများအား နှိမ်နင်းမှုတွင် ရုရှားအင်ပါယာခေတ်က ဇာဘုရင်များ၏ မြင်းတပ်မှ  အဖွဲ့ဝင်များအဖြစ် ထမ်းဆောင်ခဲ့သည့် ပြည်သူ့စစ်အဖွဲ့ပုံစံ Cossacks များအဖြစ် ၀တ်ဆင်ထားသည့် ပူတင်လိုလားသူများက  မော်စကို ရဲတပ်ဖွဲ့ကို ကူညီပေးခဲ့ကြောင်း သိရသည်။ Cossacks များသည် ဆန္ဒပြသူများအား ကျာပွတ်များဖြင့်ရိုက်ခြင်း၊ လက်သီးဖြင့်ထိုးခြင်း ပြုလုပ်စဉ် ရဲများက ရပ်ကြည့်နေသည်ကို ၎င်းတို့၏ကိုယ်စားလှယ်များကမြင် တွေ့ခဲ့ကြောင်း အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့က ထုတ်ပြန်ခဲ့သည်။

အတိုက်အခံများအား နှိမ်နင်းမှုသည်  ရုရှားအစိုးရက ပူတင်၏ သက်တမ်းသစ်အတွင်း အစိုးရနှင့် သဘောကွဲလွဲသူများအား  သည်းခံမည်မဟုတ်ကြောင်း ပြသလိုခြင်ဖြစ်သည်ဟု မော်စကိုရှိ Centre of Political Technologies မှ ပါရီအခြေစိုက် နိုင်ငံရေး သုံးသပ်သူ တက်ယာနာစတန်နိုဗာယာက ပြောကြားခဲ့သည်။