သမိုင်းဝင်စေခဲ့သော ပုပ်ရဟန်းမင်းကြီး၏ ပထမဆုံး မြန်မာခရီးစဉ်

နိုဝင်ဘာ ၂၉ ရက်က ကျိုက္ကဆံကွင်းတွင် မစ္ဆားတရားတော်မြတ် ပူဇော်ဝတ်ပြု ဆုတောင်းခြင်း မစတင်မီ ပုပ်ရဟန်းမင်းကြီး ဖရန်စစ်က ဆုတောင်းပွဲတက်ရောက်လာသည့် လူထုအကြား မော်တော်ယာဉ်ဖြင့် လှည့်လည်ကာ နှုတ်ဆက်စဉ် (ဓာတ်ပုံ-ကြည်နိုင်)

ပုပ်ရဟန်းမင်းကြီးဖရန်စစ်၏ မြန်မာနိုင်ငံသို့ လေးရက်ကြာ သမိုင်းဝင်လာရောက်ခဲ့သည့် ခရီးစဉ်ကို ၂၀၁၇ ခုနှစ် ထင်ရှားကျော်ကြားဖြစ်ရပ်တစ်ခုအဖြစ် ဖော်ပြအပ်ပါသည်။

မြန်မာနိုင်ငံသို့ ပုပ်ရဟန်းမင်းကြီး ဖရန်စစ် လာရောက်မည်ဖြစ်ကြောင်း ဗာတီကန်က သြဂုတ် ၂၈ ရက်တွင် တရားဝင် ကြေညာချက် ထုတ်ပြန်သည့်အချိန်မှစ၍ မြန်မာနိုင်ငံရှိ ကက်သလစ်ဘာသာဝင်များအပြင် အခြားဘာသာဝင်များကလည်း စိတ်ဝင်တစားဖြစ်ခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ၂၀၁၇ ခုနှစ် မေလအတွင်း ဥရောပခရီးစဉ် သွားရောက်ရာတွင် ဗာတီကန်နန်းတော်၌ ပုပ်ရဟန်းမင်းကြီး ဖရန်စစ်နှင့်တွေ့ဆုံခဲ့ပြီး တွေ့ဆုံမှုအပြီးတွင် ပြည်ထောင်စုသမ္မတမြန်မာနိုင်ငံတော်နှင့် ဗာတီကန်မြို့ပြနိုင်ငံတို့အကြား သံတမန် အဆက်အသွယ် စတင်ထူထောင်ခဲ့ခြင်းသည် ပုပ်ရဟန်းမင်းကြီး၏ မြန်မာနိုင်ငံခရီးစဉ် အစကနဦးပင်ဖြစ်သည်။

ဗာတီကန်မြို့ပြနိုင်ငံအား ပုပ်ရဟန်းမင်းကြီးက ကိုယ်ပိုင်အုပ်ချုပ်ခွင့် ရရှိထားခြင်းဖြစ်ပြီး ကက်သလစ်အသင်းတော်၏ အစိုးရ (Holy See) က အုပ်ချုပ်ခြင်းဖြစ်သည်။

မြန်မာနိုင်ငံသို့ ပုပ်ရဟန်းမင်းကြီး ဖရန်စစ်သည် နိုဝင်ဘာ ၂၇ ရက် မွန်းလွဲပိုင်းတွင် စတင်ရောက်ရှိလာပြီး ရန်ကုန်အပြည်ပြည်ဆိုင်ရာလေဆိပ်နှင့် ခေတ္တတည်းခိုနေထိုင်မည့် ရန်ကုန်မြို့၊ သိမ်ဖြူလမ်းရှိ ရန်ကုန်ကက်သလစ်ဂိုဏ်းချုပ် ဆရာတော်ကြီး ကာဒီနယ် ချားလစ်စ်ဘို၏ နေအိမ်သွားရာလမ်းတစ်လျှောက် စုရပ်များတွင် ပုပ်ရဟန်းမင်းကြီးအား ကက်သလစ် ဘာသာဝင်များသာမက ပြည်သူအများအပြားက ကြိုဆိုခဲ့ကြသည်။

မြန်မာ့တပ်မတော်နှင့် ရဲတပ်ဖွဲ့တို့ ရခိုင်အရေးနှင့်ပတ်သက်၍ နိုင်ငံတကာ၏ ဝေဖန်မှုများခံနေရချိန်နှင့် ပုပ်ရဟန်းမင်းကြီး မြန်မာနိုင်ငံသို့ လာရောက်ချိန်သည်လည်း တိုက်ဆိုင်မှုရှိခဲ့သည်။

ပုပ်ရဟန်းမင်းကြီး မြန်မာနိုင်ငံသို့ ရောက်ရှိသည့် နိုဝင်ဘာ ၂၇ ရက် ညနေပိုင်းတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ပုပ်ရဟန်းမင်းကြီးအား ခေတ္တတည်းခိုနေထိုင်သည့် ရန်ကုန်ကက်သလစ်ဂိုဏ်းချုပ် ဆရာတော်ကြီးနေအိမ်တွင် သွားရောက်တွေ့ဆုံခဲ့ပြီး တွေ့ဆုံမှုသတင်းအား နှစ်ဖက်လုံးမှ ထုတ်ပြန်ခဲ့သော်လည်း သတင်းဓာတ်ပုံ ထုတ်ပြန်ခြင်းမရှိသည်ကို တွေ့ရသည်။

အလားတူ ပုပ်ရဟန်းမင်းကြီး ဖရန်စစ်သည် ရန်ကုန်မြို့၌ ခေတ္တတည်းခိုနေစဉ် နိုဝင်ဘာ ၂၈ ရက် နံနက်ပိုင်းတွင် သီတဂူဆရာတော် ဒေါက်တာ အရှင်ဥာဏိဿရနှင့် တွေ့ဆုံဆွေးနွေးခြင်း၊ ဘာသာပေါင်းစုံမှ ခေါင်းဆောင်များနှင့် တွေ့ဆုံဆွေးနွေးမှုများ ပြုလုပ်ခဲ့ပြီးနောက် မွန်းလွဲပိုင်းတွင် လေကြောင်းခရီးဖြင့် နေပြည်တော်သို့ သွားရောက်ခဲ့သည်။

နေပြည်တော်သို့ရောက်ရှိချိန်တွင် ပုပ်ရဟန်းမင်းကြီးဖရန်စစ်အား နိုင်ငံတော်သမ္မတ ဦးထင်ကျော်က သမ္မတအိမ်တော်တွင် ဂုဏ်ပြုတပ်ဖွဲ့ဖြင့် ကြိုဆိုခဲ့ပြီး နိုင်ငံတော်သမ္မတ အိမ်တော်သံတမန်ဆောင်ဧည့်ခန်းမတွင် တွေ့ဆုံခဲ့သည်။

အလားတူ ပုပ်ရဟန်းမင်းကြီး ဖရန်စစ်နှင့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် နိုင်ငံတော်သမ္မတအိမ်တော် သံတမန်ဆောင်ဧည့်ခန်းမတွင် တွေ့ဆုံဆွေးနွေးခဲ့သည်။

ပုပ်ရဟန်းမင်းကြီးသည် နေပြည်တော်သို့ ရောက်ရှိနေချိန်တွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းစင်တာ (၂)တွင် အစိုးရအဖွဲ့ဝင်များ၊ လူမှုအဖွဲ့အစည်းများနှင့် သံတမန်အမှုထမ်းများအား မိန့်ခွန်း ပြောကြားခြင်း အစီအစဉ် ပြုလုပ်ခဲ့ပြီး အဆိုပါ အခမ်းအနားသို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင် တက်ရောက်ခဲ့သည်။

နယ်အသီးသီးမှ ရန်ကုန်မြို့သို့ ရောက်ရှိနေသည့် ကက်သလစ်ဘာသာဝင်များသည် နိုဝင်ဘာ ၂၉ ရက် နံနက်တွင် ပုပ်ရဟန်းမင်းကြီး ဖရန်စစ် မစ္ဆားတရားတော်မြတ်ပူဇော်ဝတ်ပြု ဆုတောင်းပွဲပြုလုပ်မည့် ကျိုက္ကဆံကွင်းသို့ နိုဝင်ဘာ ၂၈ ရက် ညအချိန်ကတည်းက ၀င်ရောက်၍ ညအိပ်စောင့်ဆိုင်းခဲ့ကြသည်။

ပုပ်ရဟန်းမင်းကြီး ဖရန်စစ် လူထုပရိသတ်နှင့် မစ္ဆားတရားတော်မြတ်ပူဇော်ဝတ်ပြု ဆုတောင်းပွဲကို နိုဝင်ဘာ ၂၉ ရက် နံနက် ၈ နာရီခန့်တွင် စတင်ကျင်းပခဲ့ပြီး အဆိုပါပွဲသို့ ကက်သလစ်သာသနာ နယ်အသီးသီးမှ ကက်သလစ်ဘာသာဝင် သိန်းချီတက်ရောက်ခဲ့ပြီး ဂိုဏ်းကွဲခရစ်ယာန် ဘာသာဝင်များ၊ ဖိတ်ကြားထားသည့် အခြားဘာသာဝင်များနှင့် ဧည့်သည်တော်များ တက်ရောက်ခဲ့ကာ လူဦးရေ များပြားသော်လည်း ကွင်းအတွင်း ကြိုတင်စီစဉ်ထားသည့်အတိုင်း စနစ်တကျ နေရာယူကာ ဆုတောင်းမှုပြုလုပ်ခဲ့ပြီး ပဋိပက္ခ တစ်စုံတစ်ရာမရှိဘဲ ငြိမ်းချမ်းစွာ ကျင်းပခဲ့သည်ကို တွေ့ရသည်။

အဆိုပါ မစ္ဆားတရားတော်မြတ် ပူဇော်ဝတ်ပြု ဆုတောင်းခြင်းမစတင်မီ ပုပ်ရဟန်းမင်းကြီး ဖရန်စစ်သည် မစ္ဆားတရားတော်မြတ် ပူဇော်ဝတ်ပြုဆုတောင်းပွဲ တက်ရောက်လာသည့် လူထုအကြား မော်တော်ယာဉ်ဖြင့် လှည့်လည်ကာ နှုတ်ဆက်ခဲ့သည်။

ပုပ်ရဟန်းမင်းကြီး ဖရန်စစ် လူထုပရိသတ်နှင့် မစ္ဆားတရားတော်မြတ် ပူဇော်ဝတ်ပြု ဆုတောင်းပွဲတွင် ပုပ်ရဟန်းမင်းကြီး ကိုင်ဆောင်ခဲ့သည့် သိုးထိန်းတောင်ဝှေးတော်မှာ ပုပ်ရဟန်းမင်းကြီးခရီးစဉ်အား မပါဝင်နိုင်ကြသော ကချင်ပြည်နယ်နှင့် ရှမ်းပြည်နယ် မြောက်ပိုင်းတို့တွင် စစ်ဒဏ်ခံနေရသည့် IDP ဒုက္ခသည်စခန်းများမှ ကက်သလစ်ဘာသာဝင်များက ကိုယ်တိုင်ထုလုပ်၍ လက်ဆောင် ပေးအပ်ခဲ့သည့် တောင်ဝှေးတော်လည်းဖြစ်သည်။

ပုပ်ရဟန်းမင်းကြီး၏ မြန်မာနိုင်ငံခရီးစဉ်ဆောင်ပုဒ်မှာ “Love & Peace” “ချစ်ခြင်းမေတ္တာနှင့် ငြိမ်းချမ်းခြင်း” ဖြစ်သည်။

နိုင်ငံတော်သံဃမဟာနာယကအဖွဲ့ ဥက္ကဋ္ဌ ဗန်းမော်ဆရာတော်ကြီး ဒေါက်တာ ဘဒ္ဒန္တကုမာရာဘိဝံသ ဦးဆောင်သော နိုင်ငံတော်သံဃမဟာနာယက ဆရာတော်ကြီး ၁၇ ပါး တတိယအဖွဲ့ခွဲနှင့် ပုပ်ရဟန်းမင်းကြီး ဖရန်စစ်ဦးဆောင်သော အဖွဲ့တို့သည် ရန်ကုန်မြို့၊ ကမ္ဘာအေးကုန်းမြေရှိ ၀ိဇယမင်္ဂလာ ဓမ္မသဘင်တွင် နိုဝင်ဘာ ၂၉ ရက် ညနေပိုင်းတွင် တွေ့ဆုံခဲ့သည်။

ပုပ်ရဟန်းမင်းကြီး ဖရန်စစ် မြန်မာနိုင်ငံသို့ မလာရောက်မီတွင် ရခိုင်အရေးနှင့်ပတ်သက်၍ ထိလွယ်ရှလွယ်ဖြစ်သော အသုံးအနှုန်းများ ပြောကြားမည်ကို မြန်မာနိုင်ငံရှိ ကက်သလစ်ဘာသာဝင် အသိုင်းအ၀ိုင်းက စိုးရိမ်မှုများရှိခဲ့ပြီး ပုပ်ရဟန်းမင်းကြီး သိရှိနိုင်ရန်အတွက် မြန်မာနိုင်ငံကက်သလစ်ဆရာတော်ကြီးများအဖွဲ့ချုပ်မှ တာဝန်ရှိသူအချို့က မီဒီယာများမှတစ်ဆင့် ထုတ်ဖော်ပြောဆိုမှုများ ပြုလုပ်ခဲ့ပြီး ပုပ်ရဟန်းမင်းကြီးခရီးစဉ်သည် ရခိုင်အရေးကိစ္စနှင့် သက်ဆိုင်ခြင်းမရှိဘဲ ကက်သလစ်သာသနာအတွက် လာရောက်ခြင်းသာဖြစ်ကြောင်း ကြိုတင်ရှင်းလင်းခဲ့ရသည်။

အလားတူ ပုပ်ရဟန်းမင်းကြီး မြန်မာနိုင်ငံမလာရောက်မီ ရက်ပိုင်းအလိုတွင် ရခိုင်ပြည်နယ်ဆိုင်ရာ အကြံပေးကော်မရှင်ဥက္ကဋ္ဌ တာဝန်ထမ်းဆောင်ခဲ့သည့် ကုလသမဂ္ဂအတွင်းရေးမှူးချုပ်ဟောင်း မစ္စတာကိုဖီအာနန်သည် ပုပ်ရဟန်းမင်းကြီးအား သွားရောက်တွေ့ဆုံမှု ပြုလုပ်ခဲ့သေးသည်။

မြန်မာနိုင်ငံရှိ ကက်သလစ်ဘာသာဝင်များ စိုးရိမ်ခဲ့သော်လည်း ပုပ်ရဟန်းမင်းကြီး ဖရန်စစ်သည် မြန်မာနိုင်ငံသို့ရောက်ရှိချိန်တွင် ပြောဆိုခဲ့သည့် စကားလုံး အသုံးအနှုန်းများတွင် ရခိုင်အရေးကိစ္စအား ပြောကြားခဲ့ခြင်းမရှိသဖြင့် နိုင်ငံတကာမီဒီယာအချို့နှင့် နိုင်ငံတကာ လူ့အခွင့်အရေးအဖွဲ့အချို့က ဝေဖန်ခဲ့ကြသည်။

ပုပ်ရဟန်းမင်းကြီး၏ မြန်မာနိုင်ငံသို့ သွားရောက်ခဲ့စဉ်အတွင်း ဘင်္ဂါလီ (မူရင်းတွင် ရိုဟင်ဂျာဟုဖော်ပြ) မွတ်စလင် အကျပ်အတည်းအား ထုတ်ဖော်ပြောဆိုရန် ပျက်ကွက်ခဲ့သော်လည်း ပုပ်ရဟန်းမင်းကြီး၏ Moral authority (မူများ သို့မဟုတ် အခြေခံ အမှန်တရားများအား တာဝန်ယူသည့်သြဇာ) ကျဆင်းခဲ့ခြင်းမရှိကြောင်း ဗာတီကန် နိုဝင်ဘာ ၂၉ ရက်တွင် ထုတ်ပြန်ခဲ့သည်။

လေးရက်ကြာခရီးစဉ်အတွင်း ဘင်္ဂါလီ အရေးနှင့်ပတ်သက်သည့် အကြောင်းအရာများကို လက်တွေ့ကျကျ သိမြင်ခဲ့သဖြင့် မြန်မာနိုင်ငံ၏ လုပ်ဆောင်ချက်များအပေါ် ပုပ်ရဟန်းမင်းကြီးက အားပေးချီးမွမ်းခဲ့ခြင်းဖြစ်သည်ဟု ထင်မြင်မိကြောင်း ပုပ်ရဟန်းမင်းကြီး ခရီးစဉ်အပြီး မြန်မာနိုင်ငံ၌ ပြုလုပ်သည့် သတင်းစာ ရှင်းလင်းပွဲတွင် ပုပ်ရဟန်းမင်းကြီး မြန်မာနိုင်ငံခရီးစဉ်ဆိုင်ရာ ပြန်ကြားရေးတာဝန်ခံ ဖာသာစိုးနိုင်က ပြောကြားခဲ့သည်။

ပုပ်ရဟန်းမင်းကြီး ဖရန်စစ်သည် နိုဝင်ဘာ ၂၉ ရက်ညပိုင်းတွင် စိန့်မေရီကာဒီဒြယ် ဘုရားကျောင်းတွင် မြန်မာနိုင်ငံကက်သလစ် ဆရာတော်ကြီးများနှင့်တွေ့ဆုံခဲ့ပြီး နိုဝင်ဘာ ၃၀ ရက် နံနက်ပိုင်းတွင် စိန့်မေရီကာဒီဒြယ်၌ပင် ကက်သလစ်ဘာသာဝင်လူငယ်များနှင့် မစ္ဆားတရားတော်မြတ် ပူဇော်ဝတ်ပြု ဆုတောင်းပွဲပြုလုပ်၍ မွန်းလွဲပိုင်းတွင် မြန်မာနိုင်ငံမှ ပြန်လည်ထွက်ခွာကာ ဘင်္ဂလားဒေ့ရ်ှနိုင်ငံသို့ ဆက်လက် သွားရောက်ခဲ့သည်။

ဘင်္ဂလားဒေ့ရ်ှသို့ရောက်ရှိချိန်တွင် ပုပ်ရဟန်းမင်းကြီးသည် ဘင်္ဂါလီဒုက္ခသည်အချို့အား တွေ့ဆုံမှုပြုလုပ်ခဲ့ပြီး အဆိုပါတွေ့ဆုံမှုတွင် ရိုဟင်ဂျာဟု တစ်ကြိမ်ခေါ်ဝေါ် သုံးစွဲခဲ့သည်။

ပုပ်ရဟန်းမင်းကြီး ဖရန်စစ် (Jorge Mario Bergolio) ကို ၁၉၃၆ ခုနှစ် ဒီဇင်ဘာ ၁၇ ရက်တွင် အာဂျင်တီးနားနိုင်ငံ Buenos Aires မြို့တွင် မွေးဖွားခဲ့သည်။

ဓာတုဗေဒဆိုင်ရာ ကျွမ်းကျင်ပညာရှင် တစ်ဦးအဖြစ် နည်းပညာတက္ကသိုလ်မှ ဘွဲ့ရရှိပြီးနောက် ကက်သလစ်ခရစ်ယာန်ရဟန်းဖြစ် သင်ကျောင်းသို့ တက်ရောက်ခဲ့ပြီး ၁၉၅၈ ခုနှစ် မတ် ၁၁ ရက်တွင် ယေဇူး၏ မိတ်ဆွေများ အသင်းဂိုဏ်းသို့ ၀င်ရောက်ခဲ့သည်။

၁၉၆၉ ခုနှစ် ဒီဇင်ဘာ ၁၃ ရက်တွင် Archbishop Romom Jose Castellano က ၎င်းအား ကက်သလစ်ခရစ်ယာန်ဘုန်းတော်ကြီးအဖြစ် သိက္ခာတင်ပေးခဲ့သည်။ ၁၉၇၃ ခုနှစ်မှ ၂၀၁၃ ခုနှစ်ထိ ကျောင်းအုပ်၊ ၀ိညာဉ်ရေးလမ်းညွှန်၊ အာပတ်ဖြေပေးသူ၊ ကက်သလစ်ဂိုဏ်းချုပ် ဆရာတော်ကြီးနှင့် ရဟန်းအမတ် (ကာဒီနယ်) အဖြစ် တာဝန်ထမ်းဆောင်ခဲ့ပြီး အသက် ၇၆ နှစ်အရွယ် ၂၀၁၃ ခုနှစ် မတ် ၁၃ ရက်တွင် ရိုမန်ကက်သလစ်သာသနာတော်၏ ၂၆၆ ယောက်မြောက် ပုပ်ရဟန်းမင်းကြီး ဖြစ်လာခြင်းဖြစ်သည်။

“ရဟန်းမင်းကြီး ကြွလာခြင်းဟာ အောင်မြင်တယ်၊ မအောင်မြင်ဘူးဆိုတဲ့ဟာကိုတော့ ကျွန်တော်တို့နောင်အချိန်မှာ လာမယ့်လတွေမှာ သူ့ရဲ့ရလဒ်ကိုကြည့်ပြီးတဲ့နောက် အောင်မြင်တယ်၊ မအောင်မြင်ဘူးဆိုတာ သိရမှာဖြစ်ပါတယ်။ ရဟန်းမင်းကြီးမိန့်ဆိုတဲ့စကား၊ မိန့်ခွန်းတွေထဲမှာဆိုရင် နိုင်ငံတော်ရဲ့အစိုးရအတွက်လည်းပဲ လုပ်ဖော်ရမယ့်၊ ပါဝင်ပတ်သက်ရမယ့် လုပ်ငန်းတွေရှိသလို၊ နိုင်ငံတော်ရဲ့ တပ်မတော်မှာလည်းပဲ ရဟန်းမင်းကြီးအနေနဲ့က မှာထားချက်တွေလည်းပဲ ရှိပါတယ်။ ဒီဟာအပြင် ဘာသာရေးခေါင်းဆောင်များအတွက် လုပ်ရမယ့်ကိစ္စ၊ ဒါတင်မကဘဲပဲနဲ့ ဗုဒ္ဓဘာသာ သံဃာတော်များအတွက်လည်းပဲ ရဟန်းမင်းကြီးမှာထားတဲ့ အချက်တွေရှိသလို၊ ဒီကက်သလစ် အသင်းတော်အတွက် ဆရာတော်ကြီးများနဲ့ နောက်ဆုံးလူငယ်များတိုင်အောင် ရဟန်းမင်းကြီးမှာပေးထားတဲ့ လမ်းညွှန်ထားတဲ့ အရာတွေတော်တော်များများ ရှိပါတယ်။ ဒီရဟန်းမင်းကြီး ကြွလာတဲ့ခရီးစဉ်က ဆုံးသွားပေမယ့် ကျွန်တော်တို့မြန်မာပြည်အတွက် အားလုံးအတွက်၊ ကောင်းကျိုးအတွက်လုပ်ရမယ့် လုပ်ငန်းဟာ အစနိဒါန်းပဲရှိပါတယ်။ အားလုံးကြိုးစားသွားမှသာလျှင် လာမယ့်လတွေ၊ နှစ်တွေရဲ့ ရလဒ်ပေါ်မူတည်ပြီးတဲ့နောက် အကျိုးရှိတယ်၊ မရှိဘူးဆိုတာ အကဲဖြတ်နိုင်မှာ ဖြစ်ပါတယ်” ဟု ရန်ကုန်ကက်သလစ်ဂိုဏ်းချုပ် ဆရာတော်ကြီး ကာဒီနယ် ချားလစ်စ်ဘိုက Radio Veritas Asia Myanmar Service ဖေ့စ်ဘွတ်စာမျက်နှာမှ တစ်ဆင့် ဒီဇင်ဘာ ၁၁ ရက်တွင် ပြောကြားသည်။

ပုပ်ရဟန်းမင်းကြီး ဖရန်စစ် လူထုပရိသတ်နှင့် မစ္ဆားတရားတော်မြတ် ပူဇော်ဝတ်ပြု ဆုတောင်းပွဲ ရန်ကုန်မြို့ ကျိုက္ကဆံကွင်း၌ ပြုလုပ်ခဲ့ပြီး ကက်သလစ်ဘာသာဝင် သိန်းနှင့်ချီ တက်ရောက်

ပုပ်ရဟန်းမင်းကြီး ဖရန်စစ် မစ္ဆားတရားတော်မြတ် ပူဇော်ဝတ်ပြု ဆုတောင်းပွဲ တက်ရောက်လာသည့် ကက်သလစ်ဘာသာဝင်တို့အကြား မော်တော်ယာဉ်ဖြင့် လှည့်လည်နှုတ်ဆက်နေသည်ကို တွေ့ရစဉ်

ပုပ်ရဟန်းမင်းကြီးဖရန်စစ် လူထုပရိသတ် နှင့် မစ္ဆားတရားတော်မြတ် ပူဇော်ဝတ်ပြု ဆုတောင်းပွဲကို ရန်ကုန်မြို့ ကျိုက္ကဆံကွင်း၌ နိုဝင်ဘာ ၂၉ ရက် နံနက်ပိုင်းက ပြုလုပ်ခဲ့သည်။

အဆိုပါ မစ္ဆားတရားတော်မြတ် ပူဇော်ဝတ်ပြု ဆုတောင်းခြင်း မစတင်မီ ပုပ်ရဟန်းမင်းကြီး ဖရန်စစ်သည် မစ္ဆားတရားတော်မြတ် ပူဇော်ဝတ်ပြုဆုတောင်းပွဲ တက်ရောက်လာသည့် လူထုအကြား မော်တော်ယာဉ်ဖြင့် လှည့်လည်၍ နှုတ်ဆက်ခြင်း အစီအစဉ် ဦးစွာပြုလုပ်ခဲ့သည်။

“ကျွန်ုပ် ဒီတိုင်းပြည်ကို ကြွရောက်မလာမီ ဒီအချိန်အခါသမယကို အတော်ကြာအောင် စောင့်မျှော်ခဲ့ရပါတယ်။ သားသမီးတို့ထဲမှ အများစုဟာ အလွန်ဝေးကွာလှတဲ့ နေရာဒေသတွေ၊ ဝေးလံသီခေါင်လှတဲ့ တောင်ပေါ်ဒေသတွေကနေ ဒီနေရာကို ရောက်ရှိလာခဲ့ကြတာ ဖြစ်တယ်။ တချို့ဆိုရင် ခြေကျင်လာခဲ့ကြတာပါ။ ကျွန်ုပ်ကိုယ်တိုင်လည်း ဒီနေရာကို ဘုရားဖူးသူတော်စင် တစ်ပါးအနေနဲ့ လာရောက်ခဲ့ပြီး သားသမီးတို့ရဲ့အသံကို နားထောင်ဖို့၊ သားသမီးတို့ဆီက သင်ယူဖို့၊ သားသမီးတို့ကိုလည်း မျှော်လင့်ခြင်း၊ နှစ်သိမ့်ခြင်းတွေ ပေးဖို့ ရောက်ရှိလာရခြင်း ဖြစ်ပါတယ်”ဟု ပုပ်ရဟန်းမင်းကြီး ဖရန်စစ်က မစ္ဆားတရားတော်မြတ် ပူဇော်ဝတ်ပြုဆုတောင်းပွဲတွင် ပြောကြားသည်။

ထို့ပြင် ဘုရားရှင်၏ နက်နဲလှသည့် အချက်များကို အပြည့်အ၀စုံလင်စွာ အနက်အဓိပ္ပာယ် ဖွင့်ဆိုပေးနိုင်သူသည် ယေဇူးခရစ်တော် တစ်ပါးတည်းသာ ဖြစ်ကြောင်း ကက်သလစ်ဘာသာဝင်များအား ပုပ်ရဟန်းမင်းကြီးက ပြောကြားသည်။

“ဘုရားရှင်ရဲ့ ဉာဏ်ပညာတော်ဟာ ဘာလဲဆိုတာ ကားတိုင်ပေါ်ထက်မှာ ခရစ်တော် ကိုယ်တိုင် လူသားအားလုံးအတွက် မိမိရဲ့အသက်ကို ပေးဆပ်ခြင်းအားဖြင့် ကျွန်ုပ်တို့ကို သင်ကြားပေးခဲ့တယ်။ တစ်ခါတစ်ရံ ကျွန်ုပ်တို့ ကိုယ်တိုင်လည်း လောကီသားတွေ စံထားတဲ့ ကျွန်ုပ်တို့ရဲ့ ဉာဏ်ပညာပေါ်မှာ မှီခိုအားကိုးလွန်းတဲ့ ထောင်ချောက်ထဲမှာပဲ ကျရောက် ပိတ်မိတတ်ကြတယ်။ အဲဒီအခြေအနေမှာ ကျွန်ုပ်တို့အတွက် အမှန်တရား တစ်ခုကတော့ ကျွန်ုပ်တို့ရဲ့ ဦးတည်ချက်တွေ လွယ်လွယ်နဲ့ ပျောက်သွားနိုင်ခြင်းပဲ ဖြစ်တယ်။ အဲဒီလိုအချိန်မျိုးမှာ ကျွန်ုပ်တို့ရဲ့ ရှေ့မျက်မှောက်မှာရှိတဲ့ ကားတိုင်ပေါ်မှ ခရစ်တော်သာလျှင် ကျွန်ုပ်တို့ဘ၀ရဲ့ အာမခံချက်ရှိတဲ့ ဘ၀လမ်းညွှန်ဆိုတာကို သတိရကြရမယ်။ ကားတိုင်တော်၌သာလျှင် စစ်မှန်သော ဉာဏ်ပညာကို တွေ့ရှိကြရမှာ ဖြစ်တယ်။ ဒီဉာဏ်ပညာသာလျှင် ဘုရားရှင်ဆီမှလာတဲ့ အလင်းတော် ဖြစ်တဲ့အတွက် ကျွန်ုပ်တို့ဘ၀ကို ဦးဆောင်လမ်းပြပေးနိုင်မှာ ဖြစ်တယ်”ဟု ပုပ်ရဟန်းမင်းကြီးဖရန်စစ်က ပြောကြားသည်။

ဆက်လက်၍ ပုပ်ရဟန်းမင်းကြီး ဖရန်စစ် က “ကျွန်ုပ်သိထားတာကတော့ မြန်မာပြည်သူ၊ ပြည်သားအများစုက ကြမ်းတမ်း ခက်ထန်မှုရဲ့ သားကောင်တွေ၊ စိတ်ပိုင်းဆိုင်ရာ ရုပ်ပိုင်းဆိုင်ရာ ဒဏ်ရာများ ရရှိခံစားကြရသူတွေ ဖြစ်တယ်။ ကျွန်ုပ်တို့ခံစားခဲ့ရတဲ့ နာကျင်မှု၊ နာကြည်းမှုတွေအတွက် ပြန်လည်တုံ့ပြန်တဲ့အခါ ပထမကျမ်းစာမှာ ကြားနာခဲ့ရတဲ့ ဘုရင်မင်းကြီးလိုပဲ သိမ်ဖျင်းလှတဲ့ လောကီသားတွေရဲ့ ဉာဏ်ပညာကို အသုံးချပြီး တုံ့ပြန်ချင်ကြတယ်၊ တုံ့ပြန်တတ်ကြတယ်။ လက်စားချေခြင်း၊ ဒေါသနဲ့ အကြမ်းတုံ့ပြန်ခြင်းအားဖြင့် ကျွန်ုပ်တို့ ခံရတဲ့ဒဏ်ရာတွေကို ကုသပျောက်ကင်းမှု ရရှိမယ်လို့ ထင်တတ်ကြတယ်။ ဒါပေမဲ့ လက်စားချေခြင်း၊ လက်တုံ့ပြန်ခြင်း လမ်းစဉ်ဟာ ယေဇူးခရစ်တော်ရဲ့ လမ်းစဉ်မဟုတ်ပါဘူး။ ယေဇူးခရစ်တော်ရဲ့လမ်းစဉ်ဟာ လုံးလုံးလျားလျား ကွာခြားလှပါတယ်။ ခရစ်တော်ဟာ မုန်းတီးမှု၊ ငြင်းပယ်မှုတွေရဲ့ အကျိုးဆက်အနေနဲ့ ဒုက္ခဝေဒနာခံထမ်းခြင်း၊ ကားတိုင်တော်မှာတင် အသတ်ခံရခြင်းတွေကို ရင်ဆိုင်တွေ့ကြုံရတဲ့ အချိန်မှာ ခွင့်လွတ်ခြင်းနဲ့ သနားကြင်နာခြင်းကိုသာ လက်ကိုင်ထားပြီး တုံ့ပြန်ခဲ့တယ်”ဟု ပြောကြားသည်။

ထို့နောက် ပုပ်ရဟန်းမင်းကြီး ဖရန်စစ် က ဘုရားသခင်၏ ငြိမ်းချမ်းခြင်း ကောင်းချီးတော်များ ဤမြေပေါ်ဝယ် သွန်းလောင်းချ ပေးတော်မူပါစေဟု လည်းကောင်း၊ ဘုရားသခင်သည် မြန်မာပြည်ကြီးကို ကောင်းချီးပေးတော်မူပါစေဟု လည်းကောင်း ကောင်းချီးပေးကာ နိဂုံးချုပ်ခဲ့သည်။

“ဒီလိုမျိုး လာဆုတောင်းရတဲ့အတွက် ပျော်တာပေါ့နော်။ ပုပ်ရဟန်းမင်းကြီးနဲ့ အတူတူ ဒီလိုမျိုး မစ္ဆားနဲ့အတူတူ ဖူးမြော်ခွင့် မရခဲ့ဘူးလေ။ အခုလိုမျိုး ဖူးမြော်ခွင့်ရတော့ တကယ့် ဘယ်လိုလဲ ကိုယ့်ရဲ့အပျော်ရွှင်ဆုံးပေါ့။ ပျော်တာထက် အပျော်ရွှင်ဆုံးပေါ့။ အကျိုးကျေးဇူးကတော့ ပြောမပြတတ်လောက်အောင်ပေါ့” ဟု မစ္ဆားတရားတော်မြတ် ပူဇော်ဝတ်ပြု ဆုတောင်းခြင်း အခမ်းအနားသို့ ကယားပြည်နယ် လွိုင်ကော် ကက်သလစ်သာသနာနယ်မှ တက်ရောက်လာသော ဖီကေးလယ်စူးက ပြောကြားသည်။

ထို့အတူ ပုပ်ရဟန်းမင်းကြီး ဖရန်စစ် မြန်မာနိုင်ငံသို့ ကြွရောက်လာခြင်းသည် ငြိမ်းချမ်းခြင်းနှင့် ချစ်ခြင်းတရားကို ယူဆောင်လာသည့်အတွက် မြန်မာနိုင်ငံကြီး အေးချမ်းသာယာလာမည်ဟု ယုံကြည်ကြောင်း မစ္ဆားတရားတော်မြတ် ပူဇော်ဝတ်ပြု ဆုတောင်းခြင်း အခမ်းအနားသို့ တက်ရောက်လာသော ရန်ကုန်မြို့ သုဝဏ္ဏမြို့နယ်တွင် နေထိုင်သည့် ကက်သလစ်ဘာသာဝင် ဒေါ်နီလာမြင့်က ပြောကြားသည်။

“အခုလို တစ်သက်မှာ တစ်ခါလေး ကြုံရခဲတယ်ပေါ့နော်။ မြန်မာနိုင်ငံမှာဆိုရင် ပုပ်ရဟန်းမင်းကြီး ပထမဆုံး ကြွလာခြင်းမှာ ဒီလို ကြုံတွေ့ရတဲ့အတွက် အတိုင်းမသိအောင် ၀မ်းသာတယ်။ ဖူးမြော်ရင်းနဲ့ မစ္ဆားမှာ ပါဝင်ရရင်းနဲ့ အသက်ကုန်ဆုံးသွားရင်တောင်မှပဲ ဘ၀မှာ အရမ်းကို မွန်မြတ်တဲ့ မစ္ဆားတရားတော်မြတ်ကြီးပေါ့နော်။ ပုပ်ရဟန်းမင်းကြီး ကြွလာတဲ့အတွက် အရမ်းကို ၀မ်းမြောက်မိပါတယ်။ ပုပ်ရဟန်းမင်းကြီး ကြွလာတဲ့အတွက် ငြိမ်းချမ်းခြင်းနဲ့ ချစ်ခြင်းတရားကို ယူဆောင်လာတဲ့ အတွက်ပေါ့နော်။ မြန်မာနိုင်ငံကြီး အေးချမ်းသာယာမယ်။ ရှေ့ဆက်ပြီးတော့ ဖွံ့ဖြိုးတိုးတက်လာမယ်။ ချစ်ခြင်းတရားလည်း ပိုပြီး ခိုင်မြဲလာမယ်လို့ ကျွန်မတို့သာသနာအနေနဲ့ ယုံကြည်ပါတယ်”ဟု ဒေါ်နီလာမြင့်က ပြောကြားသည်။

မစ္ဆားတရားတော်မြတ် ပူဇော်ဝတ်ပြု ဆုတောင်းပွဲအစီအစဉ်ကို နံနက် ၈ နာရီခန့်တွင် စတင်ခဲ့ပြီး နံနက် ၁၁ နာရီခန့် ပြီးဆုံးခဲ့ပြီး မြန်မာနိုင်ငံတစ်ဝန်းရှိ ကက်သလစ် သာသနာနယ် အသီးသီးမှ ကက်သလစ်ဘာသာဝင် သိန်းနှင့်ချီ၍ တက်ရောက်ကာ ဂိုဏ်းကွဲခရစ်ယာန် ဘာသာဝင်များလည်း တက်ရောက်ခဲ့သည်။

ထို့ပြင် ဆုတောင်းပွဲသို့ အာဆီယံအဖွဲ့ဝင်နိုင်ငံများဖြစ်သည့် ထိုင်း၊ ဖိလစ်ပိုင်၊ ဗီယက်နမ် စသည့်နိုင်ငံအချို့မှ ကက်သလစ်ဘာသာဝင်များ တက်ရောက်ဝတ်ပြု ဆုတောင်းသည်ကိုလည်း တွေ့ရသည်။

ပုပ်ရဟန်းမင်းကြီး၏ ခရီးစဉ်မတိုင်မီ ဘင်္ဂလားဒေ့ရ်ှတွင် ကက်သလစ်ဘုန်းကြီး ပျောက်ဆုံးသွားခဲ့

နိုဝင်ဘာ ၂၉ ရက်က ဒါကာရှိ ခရစ်ယာန်ဘုရားကျောင်းမှ ထွက်ခွာလာသော ခရစ်ယာန်သီလရှင်များနှင့် ၀တ်ပြုသူများ (Photo – AFP)

အစ္စလာမ္မစ်အစွန်းရောက်မှုကို ကြုံနေရသည့် ဘင်္ဂလားဒေ့ရ်ှသို့ ပုပ်ရဟန်းမင်းကြီး၏ သမိုင်းဝင်ခရီးစဉ်မတိုင်မီ ဘင်္ဂလားဒေ့ရှ် မြောက်ပိုင်းမှ ကက်သလစ်ဘုန်းတော်ကြီး တစ်ဦးသည် ပျောက်ဆုံးသွားခဲ့ကြောင်း ရဲတပ်ဖွဲ့က နိုဝင်ဘာ ၂၉ ရက်တွင် ပြောကြားခဲ့သည်။ ပုပ်ရဟန်းမင်းကြီး ဖရန်စစ်သည် နိုဝင်ဘာ ၃၀ ရက်တွင် ဘင်္ဂလားဒေ့ရ်ှသို့ ခရီးစဉ် စတင်မည်ဖြစ်သည်။

ဘင်္ဂလားဒေ့ရ်ှမြောက်ပိုင်း နာတိုရီခရိုင်မှ ကက်သလစ် ခရစ်ယာန်ဘာသာရေးကျောင်းအုပ်လည်းဖြစ်သူ ဝေါ်တာဝီလျံရိုဆာရီရိုသည် ပျောက်ဆုံးနေကြောင်း မိသားစုက သတင်းပို့ခဲ့ပြီးနောက် ရှာဖွေရေးဆောင်ရွက်နေသည်ဟု ရဲတပ်ဖွဲ့က ပြောကြားခဲ့သည်။

“သူက တနင်္လာနေ့ (နိုဝင်ဘာ ၂၇ ရက်) ကတည်းက ပျောက်နေခဲ့ပါတယ်။ သူ့မိုဘိုင်းဖုန်းကလည်း စက်ပိတ်ထားပါတယ်” ဟု ဒေသခံရဲမှူး ဘစ်လော့ဘီဂျွိုင်းတာလူကဒါက အေအက်ဖ်ပီကို ပြောကြားခဲ့သည်။

အသက် ၄၀ အရွယ် ဝေါ်တာဝီလျံရိုဆာရီရိုသည် ပြန်ပေးဆွဲခံထားရသည်ဟု ယုံကြည်ကြောင်း အနီးအနားရှိ ရာရှာဟီမြို့မှခရိုင် ဘုန်းတော်ကြီး ဂါဘတ်ရိုဆာရီယိုက ပြောကြားခဲ့သည်။

“သူက ဒါကာမှာ ပုပ်ရဟန်းမင်းကို သွားတွေ့ဖို့ ကက်သလစ် ၃၀၀ လောက်ကို စုစည်းစီစဉ်နေခဲ့ပါတယ်။ ဒါပေမဲ့ သူပျောက်ဆုံးသွားတာကြောင့် သွားတွေ့မယ့်လူတွေက မပျော်ကြတော့ဘူး။ ဒါကာကို မသွားချင်ကြတော့ပါဘူး” ဟု ဂါဘတ်ရိုဆာရီယိုက ပြောကြားခဲ့သည်။

ရိုဆာရီယို၏ ဖုန်းနံပါတ်ဖြင့် ပြန်ပေးငွေတောင်းဆိုသည့် ဖုန်းဆက်သွယ်မှုကို မိသားစုက ရရှိခဲ့ကြောင်း သို့သော်လည်း ထိုဖုန်းဆက်သွယ်မှုသည် လိမ်ညာမှုဟု ရဲတပ်ဖွဲ့က ယူဆကြောင်း ရဲမှူးတာလူကဒါက ပြောကြားခဲ့သည်။

အစ္စလာမ္မစ်အစွန်းရောက်တို့က ပြန်ပေးဆွဲမှုဖြစ်နိုင်ခြေကို ရဲများက ပယ်ချမထားခဲ့ပေ။ ပြီးခဲ့သည့် လေးနှစ်အတွင်း ဘင်္ဂလားဒေ့ရ်ှတွင် အစ္စလာမ္မစ်အစွန်းရောက်တို့က အနည်းစု ဘာသာဝင်အုပ်စုများအား အကြမ်းဖက်မှုများ ဆောင်ရွက်ထားခဲ့ကြသည်။

ပုပ်ရဟန်းမင်းကြီး ဖရန်စစ်သည် ၃၁ နှစ်အတွင်း ပထမဆုံးအကြိမ် ဘင်္ဂလားဒေ့ရ်ှသို့ လာရောက်သည့် ပုပ်ရဟန်းမင်းကြီးဖြစ်မည် ဖြစ်သည်။ ဘင်္ဂလားဒေ့ရှ်၏ လူဦးရေ သန်း ၁၆၀ တွင် ခရစ်ယာန်ဘာသာဝင် ၀ ဒသမ ၅ ရာခိုင်နှုန်းအောက်သာရှိပြီး မကြာသေးခင်နှစ်များအတွင်း အစ္စလာမ္မစ်အစွန်းရောက်တို့၏ တိုက်ခိုက်မှုများကို ခရစ်ယာန်တို့ ကြုံထားခဲ့ရသည်။

၂၀၁၅ ခုနှစ်နောက်ပိုင်းမှစပြီး အစ္စလာမ်ဘာသာမှ ကူးပြောင်းလာသူနှစ်ဦး အပါအ၀င် ခရစ်ယာန်သုံးဦးသည် ဓားထိုးအသတ်ခံခဲ့ရပြီး ယင်းတိုက်ခိုက်မှုများအတွက် အကြမ်းဖက် Jamayetul Mujahideen Bangladesh (JMB) ကို ဘင်္ဂလားဒေ့ရ်ှအစိုးရက အပြစ်တင်ထားသည်။

Ref ; AFP

ပုပ်ရဟန်းမင်းကြီးဖရန်စစ် မြန်မာနိုင်ငံသို့ ယနေ့ ရောက်ရှိမည်ဖြစ်ပြီး ကျိုက္ကဆံကွင်း၌ပြုလုပ်မည့် ၀တ်ပြုဆုတောင်းပွဲသို့ တက်ရောက်ရန် လူထုတစ်သိန်းခွဲခန့်ရှိကြောင်း ကနဦးစာရင်းများအရ သိရ

ပုပ်ရဟန်းမင်းကြီး ဖရန်စစ် ကက်သလစ်ဘာသာဝင်များနှင့်တွေ့ဆုံ၍ ဆုတောင်းပွဲပြုလုပ်မည့် ရန်ကုန်မြို့ တာမွေမြို့နယ် ကျိုက္ကဆံကွင်းတွင် ပြင်ဆင်မှုများပြုလုပ်နေသည်ကို နိုဝင်ဘာ ၂၂ ရက်က တွေ့ရစဉ် (ဓာတ်ပုံ- ကျော်ဇင်ဖြိုး)

ပုပ်ရဟန်းမင်းကြီး ဖရန်စစ်သည် မြန်မာ နိုင်ငံသို့ နိုဝင်ဘာ ၂၇ ရက်တွင် ရောက်ရှိမည်ဖြစ်ပြီး မြန်မာပြည်ခရီးစဉ်မှာ ထိုနေ့မှ နိုဝင်ဘာ ၃၀ ရက်အထိ လေးရက်တာ ကြာမြင့်မည်ဖြစ်သည်။

မြန်မာပြည်ခရီးစဉ်၌ နိုဝင်ဘာ ၂၉ ရက်တွင် ကျိုက္ကဆံကွင်းအတွင်း ပြုလုပ်မည့်  ၀တ်ပြုဆုတောင်းပွဲသို့ တက်ရောက်ရန် စာရင်း ပေးထားသူ လူထုတစ်သိန်းခွဲခန့်ရှိပြီဖြစ်ကြောင်း ဆူးလေရှန်ဂရီလာဟိုတယ်တွင် နိုဝင်ဘာ ၂၆ ရက်က ပြုလုပ်သည့် မီဒီယာများ နှင့် တွေ့ဆုံပွဲတွင် ဖာသာစိုးနိုင်က ပြောကြားသည်။

“ပြီးခဲ့တဲ့ရက်ပိုင်းတွေကနဲ့ဆိုရင် ကျွန်တော့်တို့ဆီမှာ တစ်သိန်းကျော်လောက် စာရင်းသွင်းထားပြီးပြီ။ နောက်ဆုံးရယ်လို့တော့ မဟုတ်ဘူးပေါ့နော်။ နောက်ဆုံးမှာ စိတ်အားထက်သန်ပြီး ၀င်လာရင်ကို စဉ်းစားပြီးတော့ သူတို့မှာ ဘုန်းကြီးအသိတွေရှိမယ်။ အဲဒီဘုန်းကြီးတွေရဲ့ ထောက်ခံချက်နဲ့ ၀င်ခွင့်ကတ်တွေ ပြန်ပြီးမှ ထုတ်ပေးနေသေးတယ်။ ၂၉ ရက် ပွဲမတိုင်ခင်အထိ လုပ်ပေးနေမယ်။ အခု တစ်သိန်းငါးသောင်းကို ကျော်နေပါပြီ” မြန်မာ  နိုင်ငံ ကက်သလစ်ဆရာတော်ကြီးများအဖွဲ့ချုပ် လူထုဆက်ဆံရေးကော်မရှင် ဒါရိုက်တာ ဖာသာစိုးနိုင်က ပြောကြားသည်။

ပုပ်ရဟန်းမင်းကြီး ဖရန်စစ်သည် မြန်မာနိုင်ငံသို့ ရောက်ရှိစဉ်တွင် နိုင်ငံတော် သမ္မတဦးထင်ကျော်၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့အပြင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့် တွေ့ဆုံသွားမည်ဖြစ်ကြောင်း သိရသည်။

ဆူးလေရှန်ဂရီလာဟိုတယ်တွင် နိုဝင်ဘာ ၂၆ ရက်က ပြုလုပ်သည့် မီဒီယာများနှင့် တွေ့ဆုံပွဲကို တွေ့ရစဉ်

“ပထမဆုံးအနေနဲ့ သမ္မတကြီးနဲ့တွေ့ မယ်။ ဒေါ်အောင်ဆန်းစုကြည်နဲ့တွေ့မယ်။ နောက်ဆုံးမှာ တရားဝင် ကျွန်တော်တို့မသိထားဘဲ လွန်ခဲ့တဲ့ နှစ်ရက်လောက်ကမှ ထွက်လာတာ ဗိုလ်ချုပ်မှူးကြီးနဲ့တွေ့မယ်လို့ သတင်းထွက်ပါတယ်” ဟု ဖာသာစိုးနိုင်က ပြောကြားသည်။

ပုပ်ရဟန်းမင်းကြီးဖရန်စစ်သည် နိုဝင်ဘာ ၂၇ ရက် မွန်းလွဲ ၁ နာရီခန့်တွင် ရန်ကုန် အပြည်ပြည်ဆိုင်ရာလေဆိပ်သို့ ရောက်ရှိမည်ဖြစ်ပြီး ဗိုလ်တထောင်မြို့နယ်၊သိမ်ဖြူလမ်းရှိ ရန်ကုန် ကက်သလစ်ဂိုဏ်းချုပ်ဆရာတော်ကြီး ကာဒီနယ်ချားလစ်စ်ဘို၏ အိမ်သို့ သွားရောက်မည်ဖြစ်ကာ လမ်းတစ်လျှောက် နေရာခြောက်နေရာတွင် ကက်သလစ်ဘာသာဝင်များနှင့် ပြည်သူများက ကြိုဆိုကြမည် ဖြစ်သည်။

အဆိုပါနေရာများမှာ ရန်ကုန်အပြည်ပြည်ဆိုင်ရာလေဆိပ် VIP ပေါက်နေရာ၊ ကိုးမိုင် အိုးရှင်းစင်တာအနီး၊ ခုနစ်မိုင် အေဒီမှတ်တိုင်အနီး၊  အင်းလျားကန်ပေါင် တံတားဖြူမှတ်တိုင်အနီး၊ ရန်ကုန်တိုင်းဒေသကြီးအစိုးရအဖွဲ့ရုံးရှေ့ ပြည်လမ်းနေရာနှင့် ဟီတာချီ တာဝါရှေ့မှဂိုဏ်းချုပ်ဆရာတော်နေအိမ်အထိ နေရာတို့ဖြစ်သည်။