ငြိမ်းချမ်းရေးအတွက် မန္တလေးကျုံးနံဘေးတွင် ဖယောင်းတိုင်ထွန်း ဆုတောင်းခဲ့ခြင်းကြောင့် ပုဒ်မ ၁၉ ဖြင့် အမှုဖွင့် ဖမ်းဆီးခံထားရသည့် ဗကသအဖွဲ့ဝင်နှစ်ဦးအား အောင်မြေသာစံမြို့နယ်တရားရုံးက ထောင်ဒဏ်သုံးလ ချမှတ်

ထောင်ဒဏ်သုံးလချမှတ်ခံရသည့် ဗကသအဖွဲ့ဝင်နှစ်ဦးအား တွေ့ရစဉ်

စစ်ပွဲများရပ်တန့်ပေးရန်နှင့် ငြိမ်းချမ်းရေးအတွက် မန္တလေးကျုံးနံဘေးတွင် ဖယောင်းတိုင်ထွန်း ဆုတောင်းခဲ့ခြင်းကြောင့် ငြိမ်းစုစီဥပဒေပုဒ်မ ၁၉ ဖြင့် အမှုဖွင့် ဖမ်းဆီးခံထားရသည့် ဗကသအဖွဲ့ဝင်နှစ်ဦးဖြစ်သည့် ကိုသန်းထိုက်နှင့် ကိုနှင်းအောင်တို့ကို ဇူလိုင် ၅ ရက်၌ အောင်မြေသာစံမြို့နယ် တရားရုံးက ထောင်ဒဏ်သုံးလ ချမှတ်ခဲ့သည်။

ငြိမ်းချမ်းရေးအတွက် မန္တလေးကျုံးနံဘေးတွင် ဖယောင်းတိုင်ထွန်း ဆုတောင်းခဲ့မှုကြောင့် ငြိမ်းချမ်းစွာစုဝေးခွင့်နှင့် စီတန်းလှည့်လည်ခြင်းဆိုင်ရာ ဥပဒေပုဒ်မ ၁၉ ဖြင့် အမှုဖွင့် ဖမ်းဆီးတရားစွဲဆိုခံထားရသည့် ဗကသအဖွဲ့ဝင် နှစ်ဦးအမှုကို ဇူလိုင် ၅ ရက် နံနက်ပိုင်းက အောင်မြေသာစံမြို့နယ် တရားရုံးတွင် ကိုးကြိမ်မြောက် ရုံးထုတ်ခဲ့သည်။ အပြီးသတ် အမိန့်ချမှတ်မည့်ရုံးချိန်းသို့ ဖမ်းဆီးခံထားရသည့် ဗကသအဖွဲ့ဝင်နှစ်ဦး၏ မိသားစုဝင်များ၊ ဗကသအဖွဲ့ဝင်များအပါအ၀င် အမှုအား စိတ်ဝင်စားသူများ လာရောက်ခဲ့ကြသည်။

ပြီးခဲ့သည့် ဇွန် ၂၁ ရက် ရုံးချိန်းတွင် အမှုနှင့်ပတ်သက်၍ နောက်ဆုံးကျန်ရှိနေသည့် တရားလိုပြသက်သေ ရဲတပ်ဖွဲ့ဝင်တစ်ဦးကို စစ်ဆေးခဲ့ပြီးနောက် စွပ်စွဲခံထားရသူ နှစ်ဦးတို့ကို တွဲဖက်မြို့နယ်တရားသူကြီးက ဆက်လက်စစ်ဆေးခဲ့ပြီး အမှုကို အပြီးသတ် အမိန့်ချမှတ်ရန်အတွက် ဇွန် ၂၇ ရက်သို့ ထပ်မံချိန်းဆိုခဲ့သော်လည်း အမှုကိုအပြီးသတ် လျှောက်လဲချက်ကြားနာမှုသာ ပြုလုပ်ခဲ့ပြီး ယခုဇူလိုင် ၅ ရက်သို့ အပြီးသတ် အမိန့်ချမှတ်ရန်အတွက် တရားသူကြီးက ရုံးချိန်းဆက်လက်ချိန်းဆိုခဲ့ခြင်းဖြစ်ကာ ထောင်ဒဏ်သုံးလ ချမှတ်ခဲ့ပြီး ချုပ်ရက်များကို ထုတ်နုတ်ခံစားခွင့်ပြုပေးခဲ့သည်။

“ကျွန်တော်တို့က ၂၀၀၈ ဖွဲ့စည်းပုံကို အယုံအကြည်မရှိတဲ့အတွက် တရားစီရင်ရေးကို သပိတ်မှောက်ထားတယ်။ သုံးလချလိုက်တာကို ဘာမှမပြောလိုဘူး။ အမိန့်ချတာက သူတို့အပိုင်းဖြစ်တယ်။ ကျွန်တော်တို့ လွတ်လပ်စွာ ပြောဆိုခွင့်ဆိုတဲ့ ရပိုင်ခွင့်တွေကို လုယက်ခံထားရတယ်။ ဒါကြောင့် ဖွဲ့စည်းပုံ အခြေခံဥပဒေကို ဖျက်ပြီးတော့ အသစ်ပြန်ရေးဆွဲမှဖြစ်မယ်လို့ ပြောချင်တယ်” ဟု ဗကသအဖွဲ့ဝင် ကိုသန်းထိုက်က ပြောကြားသည်။

စစ်ပွဲများရပ်တန့်ရေးနှင့် ငြိမ်းချမ်းရေးအတွက် မန္တလေးမြို့တော်ခန်းမရှေ့ရှိ ကျုံးနံဘေးတွင် မေ ၈ ရက်ညက ဖယောင်းတိုင်ထွန်း ဆုတောင်းခဲ့မှုနှင့်ပတ်သက်၍ ဗကသအဖွဲ့ဝင်နှစ်ဦးဖြစ်သည့် ကိုသန်းထိုက်နှင့် ကိုနှင်းအောင်တို့ကို မေ ၁၂ ရက်က ဒိုင်းမွန်းပလာဇာရှေ့တွင် ရဲတပ်ဖွဲ့က ဖမ်းဆီးထိန်းသိမ်းခဲ့သည်။ ထိုသို့ ဖမ်းဆီးထိန်းသိမ်းခဲ့ပြီးနောက် အမှုနှင့်ပတ်သက်၍ မေ ၁၄ ရက်တွင် အောင်မြေသာစံမြို့နယ် တရားရုံးတွင် စတင်ရုံးထုတ်ကာ တရားစွဲဆိုခဲ့ခြင်းဖြစ်သည်။ အမှုကို မေ ၂၅ ရက် သုံးကြိမ်မြောက်ရုံးချိန်းတွင် တရားလိုရဲမှူးနှင့် တရားလိုပြသက်သေနှစ်ဦးကို စတင်စစ်ဆေးခဲ့သည်။ ထို့နောက် အမှုကို ဇွန် ၂၁ ရက် ခုနစ်ကြိမ်မြောက် ရုံးချိန်းတွင် နောက်ဆုံးကျန်ရှိနေသည့် တရားလိုပြသက်သေရဲတပ်ဖွဲ့ဝင်တစ်ဦးကို စစ်ဆေးခဲ့ပြီးနောက် စွပ်စွဲခံထားရသူနှစ်ဦးတို့ကို တွဲဖက်မြို့နယ်တရားသူကြီးက ဆက်လက်စစ်ဆေးခဲ့သည်။ ဇွန် ၂၇ ရက် ရုံးချိန်းတွင် အမှုအား နှစ်ဖက်လျှောက်လဲချက် ကြားနာမှုပြုလုပ်ခဲ့ကာ ဇူလိုင် ၅ ရက်တွင် ထောင်ဒဏ်သုံးလ ချမှတ်ခဲ့ခြင်းဖြစ်သည်။

ငြိမ်းချမ်းစွာစုဝေးခွင့်နှင့် စီတန်းလှည့်လည်ခြင်းဆိုင်ရာ ဥပဒေပုဒ်မ ၁၉ မှာ အာမခံပေးပိုင်ခွင့်ရှိသည့် ပုဒ်မဖြစ်သော်လည်း ဖမ်းဆီးခံခဲ့ရသူနှစ်ဦးက အာမခံရယူခြင်း၊ ခံဝန်ပြုလုပ်ခြင်းများ လုပ်ဆောင်ခဲ့ခြင်းမရှိဘဲ အချုပ်ဖြင့် အမှုရင်ဆိုင်ခဲ့ကြသည်။ ထို့ပြင် တရားရုံး၏ အမှုစီရင်မှုအပေါ် အယုံအကြည်မရှိဟုဆိုကာ ဖမ်းဆီးခံထားရသည့် ဗကသ၀င်နှစ်ဦးက ပြန်လည်ခုခံချေပခြင်း မပြုလုပ်ဘဲ တရားရုံးကိုသပိတ်မှောက်၍ အမှုအား ရင်ဆိုင်ခဲ့ကြောင်း သိရသည်။

သိမ်းဆည်းခံ လယ်ယာမြေများ ပြန်လည်ရရှိရေးနှင့် မြေယာအငြင်းပွားများအတွက် လမ်းလျှောက် ဆန္ဒပြခဲ့သည့် ဒေါ်စုစုနွေး အပါအ၀င် သုံးဦးအား ဆိပ်ကမ်းမြို့မရဲစခန်းက ပုဒ်မ ၁၉ ဖြင့် အမှုဖွင့်

သိမ်းဆည်းခံ လယ်ယာမြေများနှင့် မြေယာအငြင်းပွားများအတွက် ကော့မှူးမှ ကျောက်တံတားမြို့နယ်အထိ လမ်းလျှောက်ဆန္ဒပြခဲ့သည့် မြန်မာနိုင်ငံ တောင်သူလယ်သမားသမဂ္ဂ (ဗဟို) ဥက္ကဋ္ဌ ဒေါ်စုစုနွေး အပါအ၀င် သုံးဦးကို ဆိပ်ကမ်းမြို့မရဲစခန်းက ပုဒ်မ ၁၉ ဖြင့်  အမှုဖွင့်လိုက်ကြောင်း သိရသည်။

ပုဒ်မ ၁၉ ဖြင့် အမှုဖွင့်ခံရသူများတွင် ဒေါ်စုစုနွေးက ဆန္ဒပြပွဲ၌ ဦးဆောင်သူအဖြစ် ပါဝင်ခဲ့သော်လည်း လယ်သမားအရေး ဆောင်ရွက်သူ ကိုဇော်ရမ်းနှင့် ကိုနိုင်နိုင်အောင်တို့မှာ ဟောပြောသူများ အဖြစ်သာ ပါဝင်ခြင်းဖြစ်ကြောင်း ဒေါ်စုစုနွေးက ပြောကြားသည်။

ဒေါ်စုစုနွေးက “ဆိပ်ကမ်းရဲစခန်းကနေ ဦးဆောင်သူဆိုပြီး ကျွန်မရယ်၊ ကိုဇော်ရမ်းရယ်၊ ကိုနိုင်နိုင်အောင်ရယ်ကို ပုဒ်မ ၁၉ နဲ့ အမှုဖွင့်ထားတယ်ဆိုပြီး မနေ့က အကြောင်းကြားစာပို့တယ်။ ရုံးက၀န်ထမ်းကို လာမပေးဘဲ အိမ်တွေကို လာပေးသွားတယ်။ အပေါ်မှာ ရက်စွဲက ကွက်လပ်ဖြစ်နေတယ်။ တကယ်တော့ ကိုဇော်ရမ်းနဲ့ ကိုနိုင်နိုင်အောင်က ဦးဆောင်သူ မဟုတ်ပါဘူး။ ဟောပြောပေးဖို့ ဖိတ်ကြားခံရတာပါ။ သူတို့အမှုဖွင့်ခံရတာ ကျွန်မလက်မခံဘူး” ဟု ပြောကြားသည်။

အဆိုပါ ဆန္ဒပြပွဲကို နစ်နာသည့် လယ်သမားများနှင့် မြန်မာနိုင်ငံ တောင်သူလယ်သမား သမဂ္ဂတို့ ပူးပေါင်း၍ ကော့မှူးမြို့နယ်မှ ကျောက်တံတားမြို့နယ် မဟာဗန္ဓုလပန်းခြံအထိ နှစ်ရက်ကြာ လမ်းလျှောက်ဆန္ဒပြခဲ့ပြီး ဖြတ်သန်းခဲ့သော ကော့မှူးမြို့နယ်၊ တွံတေးမြို့နယ်၊ ဒလမြို့နယ်နှင့် ကျောက်တံတားမြို့နယ်များတွင် ကြိုတင်အကြောင်းစာ တင်ခဲ့သော်လည်း ဆိပ်ကမ်းမြို့နယ်ကိုမူ မတင်ခဲ့ကြောင်း သိရသည်။ သို့သော် ဆိပ်ကမ်းအာဏာပိုင်များကို ကြိုတင်အကြောင်းကြားခဲ့ကြောင်း သိရသည်။

“ကျွန်မတို့က ဆိပ်ကမ်းရဲကို မတင်ဘဲနဲ့ ဆိပ်ကမ်းအာဏာပိုင်ဦးစီးဆီ သွားတင်လိုက်တယ်။ သူတို့က မတင်နဲ့ဆိုလို့ ကျွန်မတို့ မတင်တာ။ ပြီးတော့ သူတို့နေရာလေးက နည်းနည်းလေး။ ဒီဘက်က အကုန်လုံး ခွင့်ပြုတာပဲလို့ ရဲတွေစကားကို သွားပြီးတော့ ယုံလိုက်တာ” ဟု ဒေါ်စုစုနွေးက ပြောကြားသည်။

ဆန္ဒပြပွဲကို ဇွန် ၃၀ ရက်တွင် ကော့မှူးမြို့နယ် ထမ်းမနိုင်ကျေးရွာမှ စတင်ခဲ့ပြီး တွံတေးမြို့နယ်တွင် တစ်ညနားခဲ့ကြောင်း၊ ဇူလိုင် ၁ ရက်တွင် ဒလမြို့နယ်၊ ပန်းဆိုးတန်းဆိပ်ကမ်း၊ ကမ်းနားလမ်းတို့ကို ဖြတ်သန်းကာ မဟာဗန္ဓုလပန်းခြံတွင် အဆုံးသတ်ခဲ့သည်။

ယင်းကိစ္စနှင့် ပတ်သက်၍ ဆိပ်ကမ်းမြို့မရဲစခန်းသို့ ဖုန်းဖြင့် သုံးကြိမ်ဆက်သွယ် မေးမြန်းခဲ့သော်လည်း ပြန်လည်ဖြေကြားခြင်း မရှိခဲ့ပေ။