ပုဂံဒေသတွင် ကွန်ကရစ်လမ်းခင်းခြင်းနှင့် ဆောက်လုပ်ရေးလုပ်ငန်းများ ဆက်လက်လုပ်ဆောင်မည် ဆိုပါက ဥပဒေအရ ဆောင်ရွက်မည် ဖြစ်ကြောင်း မြန်မာနုိုင်ငံ ရှေးဟောင်း သုတေသနပညာအသင်းမှ သိရ

ဇူလိုင်အတွင်းက ပုဂံဒေသသို့ လာရောက် လည်ပတ်သည့် ခရီးသွားများကို တွေ့ရစဉ် (ဓာတ်ပုံ- ကိုနော်)

ပုဂံဒေသအား ကမ္ဘာ့အမွေအနှစ်ဝင်ရန် စိန်ခေါ်မှုရှိနေပြီး ပုဂံဒေသတွင် ကွန်ကရစ်လမ်းခင်းခြင်းနှင့် ဆောက်လုပ်ရေးလုပ်ငန်းများ ဆက်လက် လုပ်ဆောင်မည် ဆိုပါက ဥပဒေအရ ဆောင်ရွက်မည်ဖြစ်ကြောင်း မြန်မာနိုင်ငံ ရှေးဟောင်း သုတေသနပညာအသင်းမှ တာဝန်ရှိသူက ပြောကြားသည်။

“ပုဂံမှာက အခုလက်ရှိ ယူနက်စကိုရဲ့ စီမံခန့်ခွဲမှု Guideline နဲ့ မညီတဲ့ စီမံကိန်းတွေရှိတယ်။ အဲဒီစီမံကိန်းတွေကို ပညာရှင်တွေက မြင်မသွားဘူး ဆိုရင်တော့ ကမ္ဘာ့အမွေအနှစ်ဝင်ဖို့က ဖြစ်နိုင်တယ်။ သူတို့မြင်သွားပြီ ဆိုရင်တော့ ကမ္ဘာ့အမွေအနှစ်ဝင်ဖို့က စိန်ခေါ်မှုတစ်ရပ် တစ်ရပ်ပေါ့။ အဲဒီတော့ ကမ္ဘာ့အမွေအနှစ် ၀င်ဖို့က ပညာရှင်အပေါ် မူတည်တယ်။ ဒီကြားထဲ ယူနက်စကိုရဲ့ စီမံခန့်ခွဲမှု Guideline နဲ့ မညီတဲ့ဟာတွေကို ကုစားလိုက်မယ် ဆိုရင်တော့ အဆင်ပြေမယ်” ဟု မြန်မာနိုင်ငံ ရှေးဟောင်းသုတေသန ပညာအသင်းမှ အတွင်းရေးမှူး ဦးသူရအောင်က ပြောကြားသည်။

ပုဂံဒေသအား ကမ္ဘာ့အမွေအနှစ် စာရင်းဝင်အဖြစ် အဆိုပြုလွှာ တင်သွင်းပြီးနောက် ယခုလတွင် ယူနက်စကို၏ ICOMOS မှ လာရောက်စစ်ဆေးမည့်အချိန် ဖြစ်သောကြောင့် ယခုအချိန်သည် ပုဂံဒေသအား ကမ္ဘာ့အမွေအနှစ်အဖြစ် သတ်မှတ်ပေးနိုင်ရေးအတွက် အထူးဂရုပြုရမည့် အချိန်ဖြစ်ပြီး ထိုကဲ့သို့ အရေးကြီးသည့် အချိန်တွင် ပုဂံဒေသ စီမံခန့်ခွဲရေးကော်မတီ၏ စီမံခန့်ခွဲမှု အမှားများကို ပြန်လည်ပြင်ဆင်ရန် မြန်မာနိုင်ငံ ရှေးဟောင်း သုတေသနပညာအသင်းက တိုက်တွန်းထားသည်။

ပုဂံဒေသ စီမံခန့်ခွဲရေးကော်မတီ အနေဖြင့် စီမံခန့်ခွဲမှု အမှားများကို ပြန်လည်ပြင်ဆင်ခြင်း မရှိပါက ဥပဒေအရ တိုင်ကြားမည်ဖြစ်ကြောင်း အဆိုပါအသင်းမှ သိရသည်။

အာနန္ဒာဘုရားရှေ့ ကွန်ကရစ်လမ်းခင်းခြင်း၊ ဓမ္မရံကြီးနှင့် အခြားဘုရားဝင်းများအတွင်း ပန်းခြံများ ဆောက်လုပ်ခြင်း၊ ပုဂံဒေသရှိ လူလုပ်ကုန်းများသည် ရှေးဟောင်းနေရာမြင်ကွင်းကို ပျက်စီးစေနိုင်သည့်အပြင် ပုဂံဒေသ၏ သဘာဝပတ်ဝန်းကျင်ကိုပါ ပျက်စီးစေနိုင်သောကြောင့် ၎င်းတို့အသင်းမှ ကြေညာချက်ထုတ်ပြန် ကန့်ကွက်ခဲ့ရာ ရပ်တန့်ခဲ့သော်လည်း ရပ်တန့်ကြောင်း တစ်စုံတစ်ရာ သတင်းထုတ်ပြန်ခြင်း မရှိခြင်း၊ လူလုပ်ကုန်းများကို ဖျက်သိမ်းခြင်း မရှိသလို မင်းနန်သူရွာ အနီးရှိ လူလုပ်ကုန်းအား အုတ်ရိုးဖြင့် ကာရံခြင်း လုပ်ငန်းများ လုပ်ဆောင်နေခြင်း စသည့် စီမံခန့်ခွဲမှုဆိုင်ရာ ချွတ်ယွင်းမှုများ အတွက်လည်း မြန်မာနိုင်ငံ ရှေးဟောင်း သုတေသနပညာအသင်းက မေးခွန်းထုတ်ထားသည်။

ပုဂံဒေသအား ၁၉၉၄ ခုနှစ်တွင် ကမ္ဘာ့အမွေအနှစ် စာရင်းဝင်ရန် တင်သွင်းခဲ့သော်လည်း ယဉ်ကျေးမှုအမွေအနှစ် ကာကွယ်သည့် ဥပဒေ မရှိသောကြောင့် စာရင်းမှ ပယ်ချခံခဲ့ရသည်။

ယင်းနောက် ဒုတိယအကြိမ် ကမ္ဘာ့အမွေအနှစ် စာရင်းဝင်ရန် တင်သွင်းထားခြင်းဖြစ်ပြီး ကမ္ဘာ့အမွေအနှစ် စာရင်းဝင်ပါက ထိုဒေသသည် စစ်မဲ့ဇုန်အဖြစ် သတ်မှတ်ပြီး ထိုဒေသအတွက် နိုင်ငံတကာမှ အထောက်အပံ့များ ရရှိမည်ဖြစ်ပြီး ခရီးသွားလုပ်ငန်းများ တိုးတက်လာမည်ဖြစ်သည်။

မြန်မာနိုင်ငံတွင် ပျူ (၃) မြို့သာ ကမ္ဘာ့အမွေအနှစ်စာရင်း ၀င်ထားသေးကြောင်း သိရသည်။

 

ပုဂံရှေးဟောင်း ယဉ်ကျေးမှုဇုန် အတွင်းရှိ ရှေးဟောင်းစေတီပုထိုးနှင့် အဆောက်အအုံများအနီး မြက်အလှ စိုက်ပျိုးမှုအပေါ် ဝေဖန်မှုများ ရှိနေသော်လည်း ယဉ်ကျေးမှု အမွေအနှစ်ကို ထိခိုက်နိုင်ခြင်း မရှိဟုဆို

ဓမ္မရံကြီး ဘုရားအတွင်း ဆောင်ရွက်ထားမှုကို သြဂုတ် ၁၄ ရက် နံနက်က တွေ့ရစဉ်

ပုဂံရှေးဟောင်း ယဉ်ကျေးမှုဇုန်အတွင်းရှိ ရှေးဟောင်းစေတီပုထိုးနှင့် အဆောက်အအုံများအနီး စိန်းလန်းစိုပြည်ရေး အတွက် ဟုဆိုကာ ပန်းဥယျာဉ်သဖွယ် မြက်အလှစိုက်ပျိုးနေမှုအပေါ် ဝေဖန်မှုများ ရှိနေသော်လည်း ယဉ်ကျေးမှု အမွေအနှစ်ကို ထိခိုက်နိုင်ခြင်း မရှိကြောင်း ရှေးဟောင်းသုတေသနနှင့် အမျိုးသားပြတိုက် ဦးစီးဌာန (ပုဂံဌာနခွဲ) မှ ညွှန်ကြားရေးမှူး ဦးအောင်အောင်ကျော်က ပြောကြားသည်။

ပုဂံရှေးဟောင်း ယဉ်ကျေးမှုနယ်မြေ အတွင်းရှိ ဓမ္မရံကြီးဘုရားရှေ့ ပရိဝုဏ်နှင့် သရပါတံခါးအနီးတို့တွင် ပန်းဥယျာဉ်သဖွယ် ပြုလုပ်ကာ မြက်အလှစိုက်ပျိုးနေသည့် ဓာတ်ပုံများ လူမှုကွန်ရက် စာမျက်နှာများပေါ် ထွက်ပေါ်လာချိန်တွင် မြက်အလှစိုက်ပျိုးမှုနှင့် ပန်းဥယျာဉ်သဖွယ် ရှေးဟောင်းအုတ်များပေါ်တွင် ခေတ်အုတ်များစီကာ ပြုပြင်မွမ်းမံနေမှုများနှင့် ပတ်သက်၍ ရှေးဟောင်းအမွေအနှစ်များအပေါ် ထိခိုက်မှုများ ဖြစ်ပေါ်လာနိုင်သည် ဟုဆိုကာ ဝေဖန်ကန့်ကွက်မှုများ ဖြစ်ပေါ်ခဲ့သည်။

“မြက်ခင်းစိုက်တယ် ဆိုတာက အရင်တုန်းက ချုံတွေနဲ့ ဖြစ်နေတာထက် Landscape (ရှုခင်း) ပုံစံလေးတွေ လုပ်လိုက်မယ်ဆိုရင် အရင်ထက်ပိုပြီး သပ်ရပ်သွားမယ်ပေါ့။ Landscape လုပ်တယ်ဆိုတာက ကျွန်တော်တို့ နိုင်ငံမှ လုပ်တာမဟုတ်ပါဘူး။ ဥပမာ အနီးစပ်ဆုံး ထိုင်းမှာဖြစ်တဲ့ အယုဒ္ဓယမှာပဲကြည့်ကြည့် Landscape တော့ လုပ်ကြပါတယ်။ ဒါနဲ့ပတ်သက်ပြီး ယဉ်ကျေးမှု အမွေအနှစ်တွေကို ထိခိုက်တာမျိုးတွေတော့ မတွေ့ရပါဘူး။ ဒါပေမဲ့ သတိထားရမယ့် အချက်လေးတွေတော့ ရှိပါတယ်။ ဥပမာ ယဉ်ကျေးမှု အမွေအနှစ် အဆောက်အအုံနဲ့ သိပ်ပြီးနီးကပ်နေတဲ့ နေရာမှာ စိုက်လိုက်မယ်ဆိုရင် ရေကြောင့်မို့ ရေရှည်မှာ စိုစွတ်ပြီးတော့ ဒါကိုထိခိုက်နိုင်တဲ့ အပိုင်းတွေ ရှိတာကြောင့် အဆောက်အအုံနဲ့ ခွာပြီးတော့ လုပ်မယ်ဆိုရင်တော့ မထိခိုက်တော့ဘူးပေါ့။ နောက်ပြီးမြက်ကို ရှင်သန်လာဖို့ ရေပေးရမယ်။ ရေဖျန်းရမယ်ပေါ့။ အဲဒီလိုလုပ်တဲ့ အခါမှာ အဆောက်အအုံကို ထိခိုက်သွားအောင် ရေပေးဖို့ မလိုအပ်ပါဘူး။ စိုစွတ်တဲ့ဓာတ်ရရင်ရပြီ။ ဒါကြောင့် ယဉ်ကျေးမှု အမွေအနှစ်ကို မထိခိုက်နိုင်ပါဘူး။ ဓမ္မရံကြီးရှေ့မှာ ဥယျာဉ်ပုံစံလုပ်တယ် ဆိုတာကတော့ အမှန်က ဥယျာဉ်လုပ်တာ မဟုတ်ပါဘူး မြက်ခင်းစိုက်တာ ဖြစ်ပါတယ်။ မြက်ခင်းစိုက်တာနဲ့ ပတ်သက်လို့ ထိခိုက်မှု မရှိပါဘူး။ သို့သော် အကောက်အထည်ဖော် ဆောင်ရွက်တဲ့အခါမှာ သူတို့အမြင်နဲ့ လုပ်လိုက်တဲ့အခါမှာ အဲဒီလိုဖြစ်သွားတာပါ။ အမှန်က ပန်းခြံမဟုတ်ပါဘူး။ ဒါကြောင့် ယဉ်ကျေးမှု အမွေအနှစ်နဲ့ နီးကပ်နေတဲ့နေရာမှာ ရေပေးတဲ့အချိန်မှာ သတိပြု လုပ်ဆောင်မယ်ဆိုရင် ထိခိုက်မှု မရှိနိုင်ပါဘူး။ နောက်တစ်ခုက သရပါရှေ့မှာ မြက်စိုက်တယ်။ မဟုတ်လည်း မြက်တွေပေါက်နေတာပဲ။ အရင်တုန်းက ဘေးနားမှာ ကျုံးကြီးရှိပါတယ်။ ကျုံးကြီး အရင်တုန်းက ရေသွင်းပါတယ်။ မိုးရာသီမှာဆိုရင် ကျုံးပေါ်မှာ ရေတွေရှိနေတာပဲ။ အခုဆိုလည်း မြက်တွေပေါက်နေတာပါပဲ။ ဘယ်သူလာရှင်းလဲ။ ဘယ်သူမှ လာမရှင်းပါဘူး။ မြက်စိုက်လို့ ထိခိုက်မယ်ဆိုရင် အဲဒီလူတွေက ဘာကြောင့်မို့ ဒါတွေမမြင်ကြတာလဲလို့ ကျွန်တော်က ပြန်ပြီးတော့ မေးချင်ပါတယ်။ ဒီမြက်စိုက်တယ် ဆိုတာကလည်း အဆောက်အအုံနဲ့ အရမ်းကြီး မနီးကပ်ပါဘူး။ ခုနစ်ပေ၊ ရှစ်ပေါက်လောက်ပဲ နီးပါတယ်။ ဒါကြောင့် မြက်ကို ရှင်သန်လာဖို့ ပေးမယ့်ရေဟာ မြို့ရိုးကို ထိခိုက်သွားနိုင်မယ့် အမျိုးအစား မဟုတ်ပါဘူး။ ဒါလေးကို ဆင်ခြင်ပေးဖို့ လိုပါတယ်။ တစ်ခုတော့ရှိတာပေါ့။ အရင်တုန်းက မြင်နေရတဲ့ မြင်ကွင်းနဲ့ အခုမြင်နေရတဲ့ မြင်ကွင်းက ဘယ်ဟာကပိုပြီးတော့ သင့်တော်မလဲဆိုတာ ကိုယ်တိုင်လေ့လာလိုက်ရှင်။ ထင်ထင်ရှားရှား သိလာမှာပါ။ အခုလို ဆောင်ရွက်တာကလည်း မြို့နယ်စီမံခန့်ခွဲရေး အဖွဲ့တွေက ဒီဟာတွေဟာ သစ်ပင်ချုံနွယ်တွေနဲ့ ဖြစ်နေတာထက် ဒီလို Landscape လေးတွေ လုပ်လိုက်မယ်ဆိုရင် မကောင်းဘူးလားဆိုပြီး အားလုံးဝိုင်းဝန်း တိုင်ပင်ပြီးတော့ ဆောင်ရွက်ကြတာပါ။ အဲဒီလို လုပ်ဆောင်တဲ့အခါမှာ သူတို့အမြင်တွေနဲ့ လုပ်လိုက်တဲ့အခါမှာ မျက်စိထဲမှာ အမြင်မတော်တာလေးတွေ ရှိလာတာပေါ့။ ဒါတွေကလည်း ညှိနှိုင်းဆောင်ရွက် လိုက်မယ်ဆိုရင် အဆင်ပြေသွားမှာပါ။ ရှေးဟောင်း အမွေအနှစ်တွေ မထိခိုက်စေဖို့အတွက် ကျွန်တော်တို့ ရှေးဟောင်းဌာနကတော့ ပူးပေါင်းဆောင်ရွက် ပေးနေပါတယ်” ဟု ရှေးဟောင်းသုတေသနနှင့် အမျိုးသားပြတိုက် ဦစီးဌာန (ပုဂံဌာနခွဲ) မှ ညွှန်ကြားရေးမှူး ဦးအောင်အောင်ကျော်က ပြောကြားသည်။

ထို့ပြင် ပုဂံရှေးဟောင်းယဉ်ကျေးမှု ဒေသကို ကမ္ဘာ့အမွေအနှစ်စာရင်း ၀င်ရောက်နိုင်ရန်အတွက် ရှေးဟောင်း သုတေသနနှင့် အမျိုးသားပြတိုက် ဦးစီးဌာန အနေဖြင့် ယဉ်ကျေးမှုအမွေအနှစ်တန်ဖိုး၊ ကမ္ဘာ့အမွေအနှစ် တန်ဖိုးများကို တန်ဖိုးထားနားလည် သိရှိစေရန်အတွက် ကျေးရွာများရှိ ဒေသခံများ၊ စာသင်ကျောင်းများသို့ အသိပညာပေး လုပ်ငန်းများ လုပ်ဆောင်နေပြီး UNESCO ၏ အခြေခံ စည်းမျဉ်းစည်းကမ်း မူဝါဒများနှင့်အညီ ဆောင်ရွက်လျက်ရှိကြောင်း ၎င်းကဆက်လက် ပြောကြားသည်။

 

ပုဂံရှေးဟောင်း ယဉ်ကျေးမှုနယ်မြေတွင် ဓမ္မရံကြီးဘုရားအတွင်း ပန်းခြံသဖွယ် ပြုလုပ်ထားသည့်ကိစ္စ ဝေဖန်မှုများ ထွက်ပေါ်လာသည့်အတွက် ပြန်လည်ပြင်ဆင်မည်

ဓမ္မရံကြီးဘုရားအတွင်း ဆောင်ရွက်ထားမှုကို သြဂုတ် ၁၄ ရက် နံနက်က တွေ့ရစဉ်

ပုဂံရှေးဟောင်း ယဉ်ကျေးမှု နယ်မြေတွင် ဓမ္မရံကြီးဘုရားအတွင်း ပန်းခြံသဖွယ် ပြုလုပ်ထားသည့် စိမ်းလန်းစိုပြည်ရေး ဆောင်ရွက်ထားမှုအား ဝေဖန်မှုများ ထွက်ပေါ်လာပြီးနောက် ပြန်လည်ပြင်ဆင် ဆောင်ရွက်မည်ဟု ဓမ္မရံကြီး ဂေါပကအဖွဲ့ဥက္ကဋ္ဌ ဦးသန်းအေးက ပြောကြားသည်။

“ကျွန်တော်တို့က ရှေ့မျက်နှာစာ ပေလေးဆယ်၊ ငါးဆယ်လေးကို ရှေးဟောင်းက ခွင့်ပြုပါတယ်။ စိမ်းလန်းစိုပြည်ရေး အတွက်ပါ။ တံတိုင်းမနီးရဘူးပေါ့။ စိမ်းလန်းစိုပြည်ရေးအတွက် ကျွန်တော်တို့ တစ်ဆူတည်း မဟုတ်ပါဘူးနော်။ စိမ်းလန်းစိုပြည်ရေးအတွက် ဂေါပကရှိတဲ့ ဘုရား ၁၁ ဆူမှာ စီမံချက်နဲ့ ဆောင်ရွက်ကြပါတယ်။ ရှေးဟောင်း အဆောက်အအုံလည်း မထိခိုက်အောင်ပေါ့။ ပေလေးဆယ်၊ ငါးဆယ် ကျန်တဲ့နေရာ ခွင့်မပြုဘူး။ အပင်ပုလေးတွေ စိုက်ခွင့်ပြုပါတယ်။ မနေ့ကတော့ ရှေးဟောင်းအဖွဲ့က ဒါကိုမကြိုက်ဖူး ရှေးမူမပျက်အောင် ပြန်ပြင်ရမယ် ပြောပါတယ်။ ကျွန်တော်တို့က ခေတ်အုတ်တွေနဲ့ လုပ်ထားလို့။ စီထားတာတော့ မဟုတ်ဘူး ချရုံချထားတာပါ။ အဲဒါ ပြန်ပြင်ပေးရမယ်။ ပန်းအိုးတွေ တညီတညာတည်း ဖြစ်အောင် ထားခိုင်းတယ်” ဟု ဘုရားအတွင်း စိမ်းလန်းစိုပြည်ရေးအတွက် ပန်းခြံပြုလုပ် ထားခြင်းနှင့် စပ်လျဉ်းပြီး ဓမ္မရံကြီးဂေါပကအဖွဲ့ ဥက္ကဋ္ဌ ဦးသန်းအေးက ပြောကြားသည်။

“ခရိုင်ကနေပြီးတော့ သူတို့ကို စိမ်းလန်းစိုပြည်ရေးအနေနဲ့ လုပ်ပါဆိုတော့ သူတို့မြက်စိုက်မယ်ပြောတာ။ မြက်စိုက်တာတော့ စိုက်ပါ မထိခိုက်အောင် လုပ်ပါဆိုတာ ပန်းခြံကြီးလို လုပ်လိုက်တော့ ပြောစရာ ဖြစ်သွားတယ်။ မနေ့က ကျွန်တော်တို့ဆီက အဖွဲ့သွားပြီး မလုပ်သင့်တာ မလုပ်ဖို့ တားရပါတယ်” ဟု ရှေးဟောင်း သုတေသနနှင့် အမျိုးသားပြတိုက် ဦးစီးဌာန (ပုဂံဌာနခွဲ) မှ ညွှန်ကြားရေးမှူး ဦးအောင်အောင်ကျော်က ဆိုသည်။

“မြက်ကို ဒီအတိုင်းစိုက်တာ ဘာမှမဖြစ်ဘူး။ မြက်စိုက်တာ ဘယ်နေရာမှာ ထိခိုက်လဲ။ ကမ္ဘာမှာ Landscapes တွေတောင် သေချာလုပ်နေကြတာ။ ဘာပင်ညာပင်တွေ ပါရင်တော့ တစ်မျိုးပေါ့” ဟု ရှေးဟောင်းစေတီပုထိုး အဆောက်အအုံများ ၀န်းကျင်တွင် မြက်စိုက်ခြင်းနှင့် စပ်လျဉ်း၍ ညွှန်ကြားရေးမှူး ဦးအောင်အောင်ကျော်က ပြောကြားသည်။

“ပုဂံကို ကမ္ဘာ့အမွေအနှစ်စာရင်းဝင် ဖြစ်သင့် မဖြစ်သင့် စက်တင်ဘာလအတွင်း သက်ဆိုင်ရာ ကမ္ဘာ့အဖွဲ့အစည်းတွေက လာစစ်ဆေးမယ်ဆိုတာ သက်ဆိုင်ရာ တာဝန်ရှိသူတွေ ပြောပြောနေလို့ ကျွန်တော်တို့ သိရတယ်။ ပုဂံကို ကမ္ဘာ့အမွေအနှစ် စာရင်းဝင် ဖြစ်စေချင်ရင် ခုလိုအချိန်အခါမျိုးမှာ ပုဂံရှေးဟောင်း အမွေအနှစ်တွေ ထိခိုက်ပျက်စီးစေမယ့် ဆောင်ရွက်မှုမျိုး၊ မြင်ကွင်းအလှတွေရဲ့တန်ဖိုး ထိခိုက်ကျဆင်း စေတာမျိုး ဘယ်သူမှ မလုပ်သင့်ပါဘူး” ဟု ဒေသခံတစ်ဦးက ပြောကြားသည်။

ဓမ္မရံကြီး ဘုရားသည် ပြည်တွင်း ပြည်ပ ခရီးသွားများ အဓိက လာရောက်လည်ပတ်သည့် ဘုရားများတွင် တစ်ဆူပါဝင်ပြီး ထူးခြားသည့် ဗိသုကာ လက်ရာကြောင့် Image of Bagan ဟုလည်း တင်စားခေါ်ကြသည်။

 

ပုဂံဒေသရှိ ဘုရားများတွင် လိမ့်ကျခြင်းနှင့် အသက်သေဆုံးခြင်းများ ရှိခဲ့သဖြင့် တက်ရောက်ခြင်းမပြုရန် ဆောင်ရွက်ခြင်းဖြစ်ဟုဆို

ပုဂံဒေသရှိ ဘုရားများသည် နှစ်ပေါင်းကြာမြင့်နေခြင်း၊ ဘုရားများပေါ်သို့ တက်ရောက်မှုကြောင့် လိမ့်ကျမှုနှင့် အသက်သေဆုံးမှုများ ရှိခဲ့သဖြင့် တက်ရောက်ခြင်းမပြုရန် ဆောင်ရွက်ခြင်းဖြစ်ကြောင်း ဟိုတယ်နှင့် ခရီး သွားလာရေးဝန်ကြီးဌာနမှ ဇူလိုင် ၅ ရက်တွင် ထုတ်ပြန်ထားသည်။

ထုတ်ပြန်ချက်တွင် ပုဂံဒေသရှိ ဘုရားများပေါ်သို့ တက်ရောက်ခြင်းမပြုရသည့် အကြောင်းရင်းသည် ပုဂံယဉ်ကျေးမှု အမွေအနှစ်ဒေသရှိ ရှေးဟောင်းအဆောက်အအုံများသည် အေဒီ ၁၁ ရာစု၊ ၁၂ ရာစုနှင့် ၁၃ ရာစုနှစ်များအတွင်း တည်ဆောက်ထားသော ရှေးဟောင်းအဆောက်အအုံများ ဖြစ်သည့်အတွက် နှစ်ကာလအားဖြင့် သက်တမ်း ၈၀၀ ကျော် ၉၀၀ နီးပါး ကြာမြင့်ခဲ့ပြီး သဘာဝဘေးဒဏ်များကိုလည်း ပုဂံခေတ်ကတည်းက ယနေ့ထိ ကြိမ်ဖန်များစွာ ခံစားခဲ့ရသောကြောင့် မျက်မြင် ခန့်မှန်း မသိရှိနိုင်သည့် အန္တရာယ်များ ရှိနိုင်ခြင်းကြောင့်ဖြစ်ကြောင်း သိရသည်။

ထို့ပြင် ဘာသာရေးရှုထောင့်အရ ဘုရား စေတီ ပုထိုးများတွင် ဓာတ်တော်မွေတော်များထည့်၍ ဌာပနာထားခြင်းများကြောင့် တက်ရောက်ခြင်းသည် အဂါရ၀ဖြစ်စေခြင်း၊ အချို့ဘုရားများတွင် အပေါ်တက်ရန် လှေကားများမှာ မတ်စောက်ခြင်းနှင့် ပစ္စယာများရှိ စဥ့်ကွင်းများ ပျောက်ဆုံးနိုင်ခြင်းတို့ကြောင့် တက်ရောက်ခွင့် မပြုခြင်းဖြစ်ကြောင်း သိရသည်။ ဧည့်သည်များအနေဖြင့် ပုဂံဒေသို့ လုံခြုံစိတ်ချ ဘေးကင်းစွာ သွားရောက်လည်ပတ်နိုင်ရေးအတွက် တက်ရောက်ခွင့်မပြုတော့ခြင်းဖြစ်ကြောင်း ထုတ်ပြန်ချက်အရ သိရသည်။

မိုးရွာသွန်းမှုကြောင့် ပုဂံရှေးဟောင်းယဉ်ကျေးမှုနယ်မြေ မြင်းကပါကျေးရွာအနီးရှိ ဘုရားတစ်ဆူ ပြိုကျ

ပြိုကျပျက်စီးခဲ့သော ဘုရားအမှတ် ၁၃၇၈ မြေစိုက် ဘုရားတစ်ဆူအား တွေ့ရစဉ်

ပုဂံ ရှေးဟောင်းယဉ်ကျေးမှုနယ်မြေတွင် ယခုလဆန်းပိုင်းက ရွာသွန်းခဲ့သည့် မိုးဒဏ်ကြောင့် ဇွန် ၈ ရက် ညနေပိုင်းက မြင်းကပါ ကျေးရွာမြောက်ဘက်၊ မြင်းကပါဂူပြောက် ငယ်ဘုရား၏ အနောက်တောင်ထောင့်ကိုက် ၅၀၀ ခန့်အကွာ အခြေခံပညာ အထက်တန်း ကျောင်းခွဲရှေ့ရှိ ဘုရားအမှတ် ၁၃၇၈ မြေစိုက်ဘုရားတစ်ဆူ ပြိုကျပျက်စီးခဲ့ကြောင်း သတင်းရရှိသည်။

“နှောင်းခေတ်လက်ရာတစ်ဆူပါ။ ၁၉၉၇ ခုနှစ်က အလှူရှင်တစ်ဦးပြန်လည်ပြုပြင်ထားတဲ့ဘုရားပါ။ ဒီနေ့ ညနေ ၄ နာရီခွဲလောက်မှာ ပြိုကျသွားတယ်။ မိုးက ဆက်တိုက်လိုရွာနေတော့ မိုးဒဏ်ကြောင့်ဖြစ်သွားတာပါ” ဟု ရှေး ဟောင်းသုတေသနနှင့် အမျိုးသားပြတိုက်ဦးစီးဌာန၊  ပုဂံဌာနခွဲမှ အရာရှိတစ်ဦးက ပြော ကြားသည်။

အဆိုပါ ပြိုကျပျက်စီးခဲ့သော ဘုရားသည် ဥာဏ်တော်အမြင့် ၂၇ ပေခန့်ရှိပြီး ၂၀၀၃ ခုနှစ်တွင် အက်ကြောင်းများပေါ်ထွက် လာမှုကြောင့် သံခါးပတ်များနှစ်နေရာပတ် ထားခဲ့ကြောင်း၊ ပြန်လည်ပြုပြင်စဉ်က ၀မ်းစာ အခြောက်များဖြင့် ဆောင်ရွက်ခဲ့သဖြင့် မိုးရွာသည့်အခါ မိုးရေစိမ့်ဝင်ပြီး ၀မ်းစာအခြောက်များ ကန်ထွက်သဖြင့် စေတီတော်၏ အရှေ့ ဘက်၊ တောင်ဘက်နှင့်မြောက်ဘက်တို့ သုံးပုံ နှစ်ပုံခန့်ပြိုကျပျက်စီးခဲ့ခြင်းဖြစ်ကြောင်း သိရသည်။

ပုဂံရှေးဟောင်းယဉ်ကျေးမှုနယ်မြေတွင် မိုးရွာသွန်းမှုကြောင့် ရှေးဟောင်းအမွေအနှစ် အဆောက်အအုံများ ထိခိုက်ပျက်စီးမှု နှစ်စဉ် ကြုံတွေ့ရကြောင်း၊ ပုဂံ-ညောင်ဦးတွင် ယခု လဆန်းပိုင်းရွာသွန်းခဲ့သော မိုးရေချိန်များမှာ မေ ၃၀ ရက်တွင် ၄ ဒသမ ၇၆ လက်မ၊ ဇွန် ၃ ရက်တွင် ၁ ဒသမ ၂၂ လက်မ၊ ၅ ရက်တွင် ၀ ဒသမ ၇၁ လက်မ၊ ၆ ရက်တွင် ၂ ဒသမ ၆၄ လက်မ၊ ၈ ရက်တွင် ၀ ဒသမ ၂၀ လက်မ ရွာသွန်းခဲ့ကြောင်း သိရသည်။

ပုဂံဒေသရှိ ဟိုတယ်အခန်းခနှုန်းထားများမှာ အိမ်နီးချင်းနိုင်ငံများဖြစ်သည့် ကမ္ဘောဒီးယား၊ လာအိုနှင့် ထိုင်းတို့ထက် နှစ်ဆ၀န်းကျင် မြင့်တက်နေသည့်အတွက် ဈေးနှုန်းများ လျှော့ချရန်လိုအပ်ကြောင်း သုံးသပ်

ယခုနှစ်အတွင်း ပြည်ပခရီးသွားများအား ပုဂံမြို့ ဓမ္မရံကြီးဘုရားအနီး တွေ့ရစဉ်

ပုဂံဒေသရှိ ဟိုတယ်ခနှုန်းထားများမှာ အိမ်နီးချင်းနိုင်ငံများထက် နှစ်ဆ၀န်းကျင် မြင့်တက်နေသည့်အတွက် ဟိုတယ်ခဈေးနှုန်းများ လျှော့ချရန်လိုအပ်ကြောင်း ဟိုတယ်နှင့် ခရီးသွားလာရေးဝန်ကြီးဌာန ပုဂံဇုန်မှ သိရသည်။

ပုဂံဒေသရှိ  ဟိုတယ်ခနှုန်းထားများမှာ တစ်ညလျှင် အနည်းဆုံး မြန်မာကျပ်ငွေသုံးသောင်းမှ အများဆုံး ကျပ်ရှစ်သိန်းခွဲထိပေါက် ဈေးရှိသည့်အတွက် ပြည်တွင်းပြည်ပခရီးသွားများ တည်းခိုရာတွင် ဈေးနှုန်းသက်သာမှု ရှိစေရန် ဟိုတယ်ခနှုန်းထားများကို လျှော့ချသင့်ကြောင်း သိရသည်။

“ပုဂံမှာရှိတဲ့ဟိုတယ်ခ တည်းခိုမှုဈေးနှုန်းတွေက တစ်နိုင်ငံလုံးမှာရှိတဲ့ ဟိုတယ်တွေထက် ဈေးနှုန်းတွေက များနေကြပါတယ်။ နိုင်ငံတွင်းသာမကဘူး။ အိမ်နီးချင်းနိုင်ငံတွေဖြစ်တဲ့ ဥပမာအားဖြင့် ထိုင်း၊ လာအို၊ ကမ္ဘောဒီးယားနိုင်ငံတွေထက် နှစ်ဆ၀န်းကျင်လောက်များနေတာကို တွေ့ရပါတယ်။ ဟိုတယ်တည်းခိုခတွေက များနေပေမယ့် ဇုန်ဝင်ကြေးတွေကကျတော့ နည်းနေပါတယ်။ အခုလက်ရှိ ပုဂံမှာ သတ်မှတ်ထားတဲ့ဇုန်ဝင်ကြေးက နိုင်ငံခြားသားတစ်ဦးကို နှစ်သောင်းခွဲကောက်ခံထားပါတယ်။ ဒါကြောင့် ပုဂံမှာရှိတဲ့ဟိုတယ် ခတည်းခိုမှုနှုန်းထားတွေကို လျှော့ချပြီး ဇုန်ဝင်ကြေးနှုန်းထားတွေကို အခုသတ်မှတ်ထားတဲ့ နှုန်းထားထက် တိုးမြှင့်ပြီး ကောက်ခံသင့်ပါတယ်” ဟု ဟိုတယ်နှင့်ခရီးသွားလာရေးဝန်ကြီးဌာန ပုဂံဇုန်မှ တာဝန်ရှိသူတစ်ဦးက ပြောကြားသည်။

ပုဂံဒေသ၌ ဟိုတယ်အလုံးရေ ၈၅ လုံး အခန်းပေါင်း သုံးထောင်ခန့်နှင့် ဟိုတယ်ဇုန် လေးခုရှိသော်လည်း ဟိုတယ်များမှာ အသေးစား၊ အလတ်စားအဆင့်သာရှိနေသေးကြောင်း သိရသည်။

“ပုဂံဒေသက တခြားဒေသတွေနဲ့ယှဉ်ရင် နှစ်ဆလောက်ရှိတယ်။ ပြည်တွင်းအချင်းချင်း ယှဉ်ရင်တောင် နှစ်ဆလောက်ရှိတယ်။ နိုင်ငံခြားနဲ့ယှဉ်ရင်လည်း ဒီမှာက အများကြီး ဖြစ်နေတယ်။ အန်ကောဝပ်မှာ ဧည့်သည်ငါးသန်းလောက်လာတဲ့အချိန်မှာ သူတို့မှာ ဟိုတယ်တွေ တည်းခိုခန်းတွေက အများကြီးရှိတယ်။ ကျွန်တော်တို့ဆီမှာက သူတို့နဲ့ယှဉ်ရင် သိပ်မရှိဘူး။ ပုဂံမှာက ဟိုတယ်တည်းခိုခန်းတွေက အရေအတွက်သာများနေတာ။ အသေးစားနဲ့ အလတ်စားတွေလောက်ပဲရှိတယ်။ တကယ့်ကြီးကြီးမားမား အနေအထားကျတော့ မရှိဘူး။ Confrence Hall တွေ Convention တွေမရှိဘူး။ ဒီအနေအထားတွေက နိုင်ငံတကာနဲ့ယှဉ်မယ်ဆိုရင် မယှဉ်နိုင်တဲ့အခြေအနေတွေ ဖြစ်ပါတယ်။ Supply နဲ့ Demand လည်း မမျှတဘူးဖြစ်နေတယ်” ဟု ၎င်းက ဆက်လက်ပြောကြားသည်။ “ပုဂံဘက်ကကျတော့ မိုးတွင်းလောက်ဆို သွားရလာရတာအဆင်ပြေတယ်။ နွေဘက်တွေမှာကျတော့ သွားလို့လာလို့ သိပ်မကောင်းတော့ ကမ်းခြေတွေလောက်ပဲ သွားဖြစ်တာများတယ်။ မိုးတွင်းကျတော့ ပုဂံဘက်က လည်လို့ပတ်လို့ အရမ်းကောင်းတယ်။ အေးအေးဆေးဆေးနဲ့ လေးငါးရက်လောက် အနည်းဆုံးနေမှ ပုဂံဘက်ခရီးထွက်ရတာလည်း တန်တာလေ။ ဒါပေမဲ့ ပုဂံဘက်က တည်းခိုရတာတော့ သိပ်အဆင်မပြေဘူး။ ဟိုတယ်ခတည်းခိုခန်းခတွေက ဈေးကြီးတယ်။ ရက်ကြာကြာနေလေ ကုန်ကျစရိတ်က ပိုတက်လေဆိုတော့ လည်စရာပတ်စရာတွေကို သုံးရက်လောက်နဲ့ အပြတ်ဖြတ်ရတာ ပိုများပါတယ်။ ကျွန်မတို့ခရီးသွားလုပ်ငန်းတွေဆိုလို့ရှိရင်လည်း Package စီစဉ်တဲ့အခါ ပုဂံဘက်ကို ညဥ့်အိပ်ညဥ့်နေရက် များများမစီစဉ်ဖြစ်တာ များပါတယ်။ Customer တွေအနေနဲ့လည်း တည်းခိုခန်းခဟိုတယ်ခမှာတင် ၀န်ဆောင်ခနှုန်းထားတွေက Package ထဲမှာ တစ်ခါတည်းပေါင်းတွက်ထားတာဆိုတော့ အများအဆင်ပြေစေမယ့် အနေအထားမျိုး လောက်ဈေးနှုန်းတွေနဲ့ပဲ စီစဉ်ပေးရတာတွေ များပါတယ်။ ခရီးသည်တွေအတွက် ဟိုတယ်ခ၊ တည်းခိုခန်းခတွေ လျှော့ချပေးနိုင်ရင်တော့ ပြည်တွင်းခရီးသွားတွေအတွက် ပါအများကြီး အကျိုးရှိစေနိုင်မှာပါ” ဟု ငွေလသာ ခရီးသွားလုပ်ငန်းမှ ဒါရိုက်တာ ဒေါ်နီနီစိန်ဝင်းက ပြောကြားသည်။

 

ပုဂံဒေသတွင် လာမည့်ခရီးသွားရာသီ၌ ကမ္ဘာလှည့်ခရီးသွား လျော့နည်းမည်ဟု ဒေသခံများခန့်မှန်း

၂၀၁၇ ခုနှစ် ခရီးသွားရာသီတွင် ကမ္ဘာလှည့်ခရီးသွားများအား ညောင်ဦးဈေးအနီး တွေ့ရစဉ် (ဓာတ်ပုံ-ကိုနော်)

ပုဂံရှေးဟောင်းယဉ်ကျေးမှုနယ်မြေ ဒေသတွင် လက်ရှိအခြေအနေ၌ ပြည်တွင်း ပြည်ပခရီးသွားများ လာရောက် လည်ပတ်မှု ကျဆင်းလျက်ရှိရာ လာမည့်ခရီးသွားရာသီတွင်လည်း ကမ္ဘာလှည့်ခရီးသွား လာရောက်လည်ပတ်မှု လျော့နည်းလိမ့်မည်ဟု ခရီးသွားလုပ်ငန်း လုပ်ကိုင်နေသည့် ဒေသခံများက ခန့်မှန်းပြောကြားသည်။

“အခုလည်းပဲ နည်းနေတယ်။ နောင်လည်း နည်းမယ်လို့ ယူဆပါတယ်။ ဒီနှစ်ရာသီတော့ ကျွန်တော်တို့ မျှော်မှန်းတာ လာမယ်လို့ မထင်တော့ဘူး။ ခါတိုင်းနှစ်တွေ ထက် ၂၀ တို့၊ ၃၀ တို့ ရာခိုင်နှုန်းအားဖြင့် လျော့နည်းသွားမယ်လို့ ထင်ပါတယ်” ဟု ပုဂံဒေသ ကမ္ဘာလှည့်ခရီးသွား အခြေအနေနှင့် စပ်လျဉ်း၍ ဒေသခံ ခရီးသွားလုပ်ငန်းရှင် ဦးဇော်ဝိတ်က ပြောကြားသည်။

ကမ္ဘာလှည့်ခရီးသွား ၀င်ရောက်မှု လျော့နည်းသွားခြင်းသည် ရခိုင်ဒေသတွင် ဖြစ်ပေါ်ခဲ့သော ဂယက်ကြောင့်ဟု ယူဆကြောင်းနှင့် ကမ္ဘာလှည့်ခရီးသွား လျော့ကျမည့် အခြေအနေသည် ၂၀၀၇ ခုနှစ်နှင့် နာဂစ်ဖြစ်ပွားခဲ့စဉ်က လောက်တော့ ဆိုးရွားဖွယ်မရှိကြောင်း ၎င်းကဆိုသည်။

“ကျွန်တော်တို့ ရန်ကုန်မှာရှိတဲ့ ခရီးသွားလုပ်ငန်း လုပ်နေသူတွေကတော့ မနှစ်ကထက် ရာခိုင်နှုန်း ၃၀ လောက် လျော့ကျသွားဖွယ် ရှိတယ်လို့ ခန့်မှန်းထားကြတယ်” ဟု ညောင်ဦးမြို့တွင် ခရီးသွားလုပ်ငန်း လုပ်ကိုင်နေသည့် ဒေသခံတစ်ဦးဖြစ်သူ ဦးသန်းနိုင်ဦးက ပြောကြားသည်။

“သေချာပေါက်ပြောနိုင်တာ Europe Market ကတော့ ကျသွားမယ်။ တရုတ်ခရီးသွားတွေတော့ များလာနိုင်တယ်” ဟု ဒေသခံ ၀ါရင့်ဧည့်လမ်းညွှန် တစ်ဦးဖြစ်သူ ဦးဇော်ဝင်းချိုက ပြောကြားသည်။

ပုဂံဒေသသို့ ကမ္ဘာလှည့်ခရီးသွား ၀င်ရောက်မှုသည် ရခိုင်အရေး ဖြစ်ပေါ်ပြီး နောက် ၂၀၁၇ ခုနှစ် သြဂုတ်လမှ စတင်၍သိသာစွာ လျော့နည်းသွားကြောင်း သိရသည်။

“ဒီနှစ် မတ်နဲ့ ဧပြီလ ၀င်တာတောင် မနှစ်က မတ်နဲ့ ဧပြီလထက် ရှစ်ထောင်လောက် လျော့ကျသွားတယ်လို့ သိရတယ်” ဟု ဦးဇော်ဝင်းချိုက ပြောကြားသည်။

ထို့အတူ ပြည်တွင်းခရီးသွား ၀င်ရောက်မှုသည်လည်း ပြီးခဲ့သည့် သင်္ကြန်ကာလ အတွင်းမှ စတင်၍ လျော့နည်းသွားကြောင်း သိရသည်။

“ပြည်တွင်းဘုရားဖူးတွေ နည်းသွားတာတော့ တခြား ခြောက်မိုင်၊ ခုနစ်မိုင်၊ ချောင်းသာတို့လို လည်ပတ်စရာတွေ များလာလို့ ထင်ပါတယ်” ဟု ရွှေစည်းခုံဘုရားအနီး ဈေးသည်တစ်ဦးက ဆိုသည်။

သင်္ကြန်အကျနေ့ နံနက်ပိုင်းတွင် ပုဂံမြို့သစ်ရှိ ဟိုတယ်တစ်လုံး မီးလောင်ကျွမ်းမှု ဖြစ်ပွား

ပုဂံမြို့သစ်၊ အနော်ရထာနယ်မြေ၊ ခမ်းလောင်းရပ်ကွက် ရှိရွှေဗဟို ဟိုတယ်တွင် ဧပြီလ ၁၄ ရက်နေ့ (သင်္ကြန်အကျနေ့) နံနက်လေးနာရီ ဝန်းကျင်အချိန်က မီးလောင်မှု ဖြစ်ပွားခဲ့ရာ ဟိုတယ် အိတ်ဆောင်များမှတစ်ဆင့် အနီးတွင်ရှိသော ဈေးဆိုင်ခန်းများကိုပါ ကူးစက်လောင်ကျွမ်းခဲ့ကြောင်း သတင်းရရှိသည်။

ဟိုတယ်ဧည့်ကြို အဆောက်အဦး၏ အပေါ်ထပ်တွင် ခြင်ဆေးခွေ ထားရှိရာမှ စတင်လောင်ခဲ့သည်ဟု ယူဆရကြောင်းနှင့် မီးလောင်မှုကြောင့် ဧည့်ကြိုဆောင် အာစီနှစ်ထပ် အဆောက်အဦ အပါအဝင် ဧည့်သည်များ တည်းခိုနေသည့် အိပ်ခန်းဆောင်များနှင့် အနောက်ဘက်တွင်ရှိသည့် ဈေးဆိုင်ခန်းများကိုပါ ကူးစက်လောင်ကျွမ်းခဲ့ကြောင်း သိရသည်။

“မနေ့ညနေကမှ မိသားစုစတည်းတာ။ ဗူးဘုရားပဲ ဖူးရသေးတယ်။ အော်သံကြားလို့ ငလျင်လှုပ်တယ်ထင်ပြီး ထွက်ကြည့်တာ မီးတောက်မြင်မှ မီးလောင်တာဆိုပြီး ဖိနပ်တောင်မပါဘူး တွေ့ရာဆွဲ ထွက်ပြေးရတယ်” ဟု ဟိုတယ်တွင် တည်းခိုနေသည့် ဧည့်သည်မိသားစုဝင် တစ်ဦးက ပြောကြားသည်။

တည်းခိုနေသူများတွင် နိုင်ငံခြားသားများလည်း ပါဝင်ကြောင်း သိရသည်။

မီးလောင်မှု ဖြစ်ပွားရာသို့ ညောင်ဦးခရိုင် မီးသတ်တပ်ဖွဲ့မှ လက်ထောက်ညွှန်မှူး ဦးသက်နိုင်နှင့် မီးသတ်တပ်ဖွဲ့ဝင်များ၊ ပုဂံမြို့မှ မီးသတ်တပ်ဖွဲ့ဝင်များ၊ အရန်မီးသတ်ဖွဲ့ဝင်များ၊ ကျောက်ပန်းတောင်းမြို့နယ် မီးသတ်တပ်ဖွဲ့ဝင်များ၊ နယ်မြေခံရဲတပ်ဖွဲ့ဝင်များ၊ လူမှုရေးအသင်းအဖွဲ့များ၊ ခလရ ၄၁၅ မှစစ်သည်များ၊ ဒေသခံများ ဝိုင်းဝန်းငြိမ်းသတ်ရာ နံနက် ၅ နာရီ၂၀ မိနစ်တွင် ငြိမ်းသတ်နိုင်ခဲ့ကြောင်း၊ မီးလောင်မှုကြောင့် လူ၊ တိရိစ္ဆာန် ထိခိုက်ဒဏ်ရာရရှိမှု မရှိကြောင်း သိရသည်။

အဆိုပါ ဟိုတယ်သည် ပြည်တွင်းပြည်ပ ခရီးသွားများ နှစ်သက်သဘောကျသည့် ဟိုတယ်ဖြစ်ပြီး ပုဂံမြို့သစ် မြို့လယ် လမ်းမနံဘေးတွင် တည်ရှိသည်။

မီးလောင်မှုကြောင့် ဟိုတယ်တာဝန်ခံဖြစ်သူအား ပုဂံနယ်မြေရဲစခန်းမှ (ပ)၃၈ /၂၀၁၈ ရာဇသတ်ကြီးပုဒ်မ ၂၈၅ အရ အမှုဖွင့်ထားရှိကြောင်း သတင်းရရှိပါသည်။

 

လူမှုကွန်ရက်တွင် ပျံ့နှံ့လျက်ရှိသော ပုဂံရှေးဟောင်းဇုန်ရှိ ဟိုတယ်လုပ်ငန်းခွင်မှာ ကြိုတင်ခွင့်ပြုချက်မရှိဘဲ လုပ်ဆောင်နေခြင်းဖြစ်ပြီး ရှေးဟောင်းသုတေသနမှ ဆောက်လုပ်ရေးလုပ်ငန်းများ ရပ်ဆိုင်းထားရန် တားမြစ်ချက်ထုတ်ပြန်ထား

ပုဂံဒေသဖွံ့ဖြိုးရေးအလှူငွေအဖြစ် အခန်းတစ်ခန်းလျှင် ၅၀၀၀၀ ကျပ်နှုန်း အလှူငွေ ပေးသွင်းကာ ဆောက်လုပ်နေသည်ဟု လူမှုကွန်ရက်စာမျက်နှာများတွင် ပျံ့နှံ့လျက်ရှိသော ပုဂံရှေးဟောင်းဇုန်ရှိ ဟိုတယ်လုပ်ငန်းခွင်မှာ ကြိုတင်ခွင့်ပြုချက်မရှိဘဲ လုပ်ဆောင်နေခြင်းဖြစ်ပြီး ရှေးဟောင်းသုတေသနမှ ဆောက်လုပ်ရေးလုပ်ငန်းများ ရပ်ဆိုင်းထားရန် တားမြစ်ချက်ထုတ်ပြန်ထားကြောင်း သတင်းရရှိသည်။

မန္တလေးတိုင်းဒေသကြီး၊ ညောင်ဦးခရိုင်၊ ပုဂံမြို့သစ်၊ ရွှေတွင်းရပ်ကွက်ရှိ မြေဧရိယာ ၂၄ ဒသမ ၂၅ ဧကပေါ်တွင် ကြယ်သုံးပွင့်အဆင့်ရှိ အခန်း ၂၄၂ ခန်းပါ နှစ်ထပ်အဆောက်အအုံနှင့် ကြယ်လေးပွင့်အဆင့်ရှိ ဘန်ဂလိုအမျိုးအစား ၁၀၆ ခန်းတို့ကို မြတ်မင်းကုမ္ပဏီလီမိတက်မှ ဆောက်လုပ်နေခြင်းဖြစ်ပြီး ယင်းသို့ ခွင့်ပြုချက်မရှိဘဲ လုပ်ဆောင်နေမှုကို ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ပုဂံဌာနခွဲမှ မတ် ၂၄ ရက်က ကွင်း ဆင်းစစ်ဆေးခဲ့ရာ အဆိုပါမြေဧကပေါ်တွင် အဆောက်အအုံ လေးလုံးအား ခွင့်ပြုချက်မရှိဘဲ ဆောက်လုပ်လျက်ရှိကြောင်း စစ်ဆေးတွေ့ရှိခဲ့သည်။ ယင်းအဆောက်အအုံ လေးလုံးမှာ ၂၀၁၆ ခုနှစ် ဧပြီ ၁၀ ရက် ရက်စွဲဖြင့် ရပ်ဆိုင်းထားရန် ညွှန်ကြားထားခဲ့ကြောင်း၊ ထို့ပြင် ၂၀၁၈ ခုနှစ် မတ် ၁၄ ရက်တွင် ထပ်မံတားမြစ်ထားသည့်လုပ်ငန်းများကိုလည်း ဆက်လက်ဆောင်ရွက်နေသည်ကို စစ်ဆေး တွေ့ရှိရသည်ဟု ထုတ်ပြန်တားမြစ်ချက်တွင် ဖော်ပြထားသည်။

ယင်းသို့ ခွင့်ပြုချက်မရှိ လုပ်ဆောင်နေမှုနှင့်ပတ်သက်၍ “ရှေးဟောင်းယဉ်ကျေးမှု အမွေအနှစ်များ ကာကွယ်ထိန်းသိမ်းရေး ဥပဒေအရ လုပ်မယ်ဆို ကြိုတင်ခွင့်ပြုချက်ယူရပါတယ်။ ပထမတစ်ချက်အနေနဲ့ ကြိုတင် ခွင့်ပြုချက် ယူမထားပါဘူး။ လူနေထိုင်တဲ့မြို့ပြဧရိယာထဲမှာ မဟုတ်တာက ဒုတိယအချက်ပေါ့။ နောက်တစ်ချက်က ဒါဟာ ကမ္ဘာ့ရှေးဟောင်း အမွေအနှစ်ဇုန်ထဲမှာ ပါရှိနေတာကလည်း အချက်တစ်ခုပေါ့။ နောက်တစ်ခုက ခုလို ဟိုတယ်ကြီးတွေကို ခွင့်ပြုလို့မရသေးဘဲ ကမ္ဘာ့အမွေအနှစ် တင်ထားတဲ့အချိန်မှာ ထိန်းထိန်းသိမ်းသိမ်း လုပ်ရမယ့်အခါမျိုး ဖြစ်နေတာပေါ့။ အဲ့ဒီအချက်တွေကြောင့် လုပ်ထုံးလုပ်နည်းနဲ့အညီ လောလောဆယ်မှာ ဘာမှဆက်မလုပ်ဖို့ စာထုတ်တားမြစ်ထားတာပါ။တရားစွဲတာမျိုးတော့ ဘာမှမလုပ်သေးပါဘူး။ အထက်အဆင့်ဆင့်ကို တင်ပြဖို့ရှိပါတယ်” ဟု ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ပုဂံဌာနခွဲ ညွှန်ကြားရေးမှူး ဦးအောင်အောင်ကျော်က ပြောကြားခဲ့သည်။

“တိုင်းဒေသကြီးခွင့်ပြုထားတာကလည်း လုပ်ထုံးလုပ်နည်းနဲ့အညီ ဆောင်ရွက်နိုင်ရန်အတွက် ကန့်ကွက်ရန်မရှိကြောင်းလို့ ရေးထားတာပါ။ လုပ်ထုံးလုပ်နည်းနဲ့အညီ လုပ်ဖို့ရာအတွက် ညွှန်ကြားထားပြီးသားပဲ။ အဲဒီတော့ ကာယကံရှင်တွေအနေနဲ့ လုပ်ထုံးလုပ်နည်းနဲ့အညီ လုပ်ဖို့ရာတော့ လိုတာပေါ့။ အဲဒီလို မလုပ်တဲ့အတွက် ကျွန်တော်တို့က တားမြစ်ရတာပါ။ ဌာနအနေနဲ့တော့ ၂၀၁၂ ခုနှစ်က တည်းက ခွင့်မပြုထားဘူး။ မနှစ်ကတော့ သူတို့လုပ်ငန်းခွင်စတင်ပြီး အဆောက်အအုံတွေ စလုပ်ဆောင်ဖို့ ကြိုးစားလာလို့ တားမြစ်ထားခဲ့ပါတယ်” ဟု ဦးအောင်အောင်ကျော်က ဆက်လက်ပြောကြားသည်။

“ပုဂံကို ကမ္ဘာ့အမွေအနှစ်စာရင်း တင်သွင်းထားပြီး အခုချိန်မှာက အစစ်ဆေးခံကာလဖြစ်နေပါတယ်။ အဲဒီလိုကာလမှာ ထိန်းထိန်းသိမ်းသိမ်းနဲ့ လုပ်ဖို့ရာလိုတာပေါ့။ ကမ္ဘာ့ရှေးဟောင်း အမွေအနှစ်ကို အနှောင့်အယှက်မဖြစ်စေဘဲ ဆောင်ရွက်သင့်ပါတယ်။ အဲဒါတွေကို ၀ိုင်းဝန်း ကူညီပေးကြဖို့ မေတ္တာရပ်ခံ ချင်ပါတယ်”ဟု ဦးအောင်အောင်ကျော်က ဆိုသည်။

အဆိုပါဆောက်လုပ်နေသော ဟိုတယ် လုပ်ငန်းခွင်နှင့်ပတ်သက်၍ ဆောက်လုပ်ခွင့်အား ရှေးဟောင်း သုတေသနဌာနသို့ ၂၀၁၂ ခုနှစ်က ခွင့်ပြုချက်လာရောက် တောင်းခံတင်ပြခဲ့ခြင်းဖြစ်ပြီး ယင်းအချိန်ကတည်းက ခွင့်ပြုမထားခဲ့ကြောင်း သိရသည်။

ပုဂံရှေးဟောင်းယဉ်ကျေးမှု နယ်မြေတွင် ယင်းကဲ့သို့ ခွင့်ပြုချက်မရှိဘဲ လုပ်ဆောင်နေသည့် ဟိုတယ်လုပ်ငန်းခွင်များနှင့် စေတီပုထိုးများပေါ်သို့ တက်ရောက်ခွင့်ပိတ်ပင်ကာ နေ၀င်ချိန်ကြည့်ရှုရန် ပြုလုပ်ထားသည့် လူ လုပ် ကုန်းမြင့်များအပေါ် ဝေဖန်မှုများ မြင့်တက်လျက်သည်။

ပုဂံညောင်ဦးဒေသတွင် ဆင်အခြေပြု ခရီးသွားလုပ်ငန်းအတွက် ပထမဆုံး ဆင်စခန်းကို မတ် ၂၈ ရက်တွင် ဖွင့်လှစ်မည်ဟု သိရ

ဆင်စခန်းဖွင့်လှစ်မည့် ပလင်းသစ်ဆိပ်အား တွေ့ရစဉ်

ပုဂံညောင်ဦးဒေသတွင် ဆင်အခြေပြု ခရီးသွားလုပ်ငန်းအတွက် ခရီးသွားပြည်သူများနှင့် နိုင်ငံခြားသား လာရောက်လေ့လာ အပန်းဖြေနိုင်ရန် ပထမဆုံး ပလင်းကမ်းသာ ယာဆင်စခန်းကို မတ် ၂၈ ရက်တွင် ဖွင့်လှစ်နိုင်ရန်အတွက် စီစဉ်ဆောင်ရွက်နေသည်ဟု စစ်ကိုင်းတိုင်းဒေသကြီး မြန်မာ့သစ်လုပ်ငန်း ဒုတိယ အထွေထွေမန်နေဂျာ ဦးသန်းစိုးဦးက ပြောကြားသည်။

အဆိုပါဆင်စခန်းကို ညောင်ဦးမြို့မှ ငါးမိုင်အကွာ မြင်းခြံ-ညောင်ဦးကားလမ်းမကြီး၏ မြောက်ဘက် နှစ်ဖာလုံအကွာ ဧရာဝတီမြစ်ဘေးရှိ ယခင်က ညောင်ဦးဖောင်ဖွဲ့ရေး၏ ပလင်းသစ်ဆိပ်နေရာတွင် ဖွင့်လှစ်မည်ဖြစ်သည်။ ယခုအခါ သစ်ထုတ်လုပ်ငန်းများ လျှော့ချထားမှုကြောင့် လုပ်ငန်းမလုပ်ဆောင်ဘဲ ပိုလျှံနေသည့် မြေနေရာပေါ်တွင် စီမံကိန်းများ လျှော့ချထားမှုကြောင့် ပိုလျှံနေသည့်ဆင်များနှင့် အသက်ကြီးသွားသည့်ဆင်များ၊ လက်ရှိမွေးထားသည့် ဆင်များအား ပြုစုစောင့်ရှောက်ပုံ၊ ဆင်များ၏ နေထိုင်မှုပုံစံကို အများ ပြည်သူနှင့် နိုင်ငံခြားများ လာရောက်လည်ပတ် အပန်းဖြေနိုင်ရန်အတွက် ညောင်ဦးဒေသတွင် ပထမဆုံးဖွင့်လှစ်ခြင်း ဖြစ်ကြောင်း စစ်ကိုင်းတိုင်းဒေသကြီး မြန်မာ့သစ်လုပ်ငန်း ဒုတိယ အထွေထွေ မန်နေဂျာ ဦးသန်းစိုးဦးက ပြောကြားသည်။

“ကျွန်တော်တို့ ၂၀၁၈ မတ် ၂၈ ရက်ပေါ့၊ ဖွင့်ဖို့စီစဉ်ထားတယ်။ အခုလောလောဆယ်က ဆင်လေးကောင် ရောက်ပြီး ဖွင့်ဖို့အတွက် ဆင်အထီးစွယ်စုံတစ်ကောင်၊ အမိနောက်လိုက်တစ်ကောင်၊ ဆင်အမေတစ်ကောင်၊ ဆင်မကြီးတစ်ကောင် အားလုံးပေါင်း လေးကောင် နောက်ပြီး ဆင်ပြကွက်တွေ ရေပေါ်စားသောက်ဆိုင်မျိုး လုပ်ထားတာရှိတယ်။ ၂၈ ရက်နေ့ ဖွင့်နိုင်အောင် အမီလုပ်နေတယ်” ဟု ဦးသန်းစိုးဦးက ပြောကြားသည်။

ပလင်းကမ်းသာယာဆင်စခန်း ဖွင့်လှစ်ရသည့် ရည်ရွယ်ချက်မှာ ဆင်အခြေပြု ခရီးသွားလုပ်ငန်းကို အမှီပြုပြီး အနီးဝန်းကျင်ရှိ ပြည်သူများ အလုပ်အကိုင် အခွင့်အလမ်းများ ရရှိစေရန်၊ ဆင်များနှင့် ပတ်သက်ပြီး ဗဟုသုတရရှိပြီး ဆင်များကို ချစ်ခင်မြတ်နိုးတတ်လာစေရန်၊ ဌာနေ၀န်ထမ်းများ ဆင်ထိန်းသိမ်း စောင့်ရှောက်ရေး သာမက ခရီးသွားဝန်ဆောင်မှု၊ ပြည်သူ့ဝန်ဆောင်မှု လုပ်ငန်းများပါ ပူးပေါင်းဆောင်ရွက် တတ်စေရန်၊ ပြည်တွင်း ပြည်ပ ခရီးသွားများ အပန်းဖြေနေရာတစ်ခု ပေါ်ပေါက်စေရန်ဖြစ်ကြောင်း သိရသည်။

“မတ် ၂၈ ရက်နေ့ဖွင့်ဖို့ ရည်မှန်းပြီး လုပ်ဆောင်နေတယ်။ ဧရာဝတီမြစ်ဘေးမှာတည်ရှိပြီး ညောင်ဦးမြို့နဲ့ ငါးမိုင်အကွာတည်ရှိပြီး ဆင်စခန်း အကျယ်အ၀န်းက ၄ ဒသမ ၁၈ ဧကကျယ်ဝန်းပါတယ်။ ပြည်တွင်းပြည်ပ ခရီးသွားတွေ စိတ်အပန်းဖြေ လေ့လာလည်ပတ်စရာ နေရာတစ်ခုဖြစ်ဖို့ရည်ရွယ်ပြီး လုပ်ဆောင်ခြင်း ဖြစ်ပါတယ်။ နောက်တစ်ခု ဒီဆင်စခန်းမှာ ဆင်ခုနစ်ကောင်ကနေ ၁၀ ကောင်အထိထားဖို့ ရည်ရွယ်ပေမယ့် နွေရာသီမှာ အစာရှားပါးပြီး အခက်အခဲရှိလို့ လောလောဆယ် လေးကောင်ပဲ ရွှေ့ထားပါတယ်။ အခုလက်ရှိမှာ ဆင်ပြတိုက် တည်ဆောက်နေတယ်။ ဖွင့်ပွဲအချိန်မှာ ပြီးစီးအောင် ဆောင်ရွက်မပေးနိုင်ဘူး။ ဆင်အရိုးစုတွေလည်းပြဖို့ ဆောင်ရွက်နေတယ်။ အခုလောလောဆယ် မရောက်ရှိသေးဘူး” ဟု ချင်းတွင်းဖောင်ဖွဲ့ရေးဒေသ တာဝန်ခံ လက်ထောက်အထွေထွေမန်နေဂျာ ဦးအောင်ဌေးက ပြောကြားသည်။

အဆိုပါဆင်စခန်းတွင် အရွယ်ရောက် ထီး/စုံတစ်ကောင်၊ အရွယ်ရောက် ဆင်မတစ်ကောင်၊ မိခင်ဆင်မကြီးနှင့် အမိနောက်လိုက် ဆင်တစ်ကောင် စုစုပေါင်း ဆင်လေးကောင် ပါရှိမည်ဟု သိရသည်။ ဆင်စခန်းတွင် ဆင်များစီးပြီး နံနက်ခင်း ဧရာဝတီမြစ်အလှ၊ ညနေခင်း ဧရာဝတီမြစ် ရှုခင်းများ ကြည့်ရှုနိုင်ခြင်း ဆင်များ သရုပ်ဖော်ပြသခြင်း၊ ဧရာဝတီမြစ် တစ်လျှောက်တွင် ဌာနပိုင် ဇေယျာမော်တော်ဖြင့် မြစ်အလှနှင့် ညနေခင်းရှုခင်းများကို ခံစားနိုင်မည်ဖြစ်ကြောင်း သိရသည်။ ၀င်ကြေးအနေဖြင့် နိုင်ငံသားတစ်ယောက်လျှင် ကျပ် ၁၀၀၀၊ ဆင်စီးမည်ဆိုပါက ကျပ် ၅၀၀၀ နိုင်ငံခြားသားဆိုပါက ဆင်စီးမှု အပါအ၀င် ကျပ် ၂၀၀၀၀ ကောက်ခံမည်ဟု သိရသည်။ ဆင်စခန်းတွင် ဆင်များကို အစာကျွေးခြင်း၊ ကိုယ်တိုင်ရေချိုး ပေးနိုင်ကြောင်း သိရသည်။ မြန်မာ့သစ်လုပ်ငန်း စစ်ကိုင်းတိုင်းဒေသကြီး ချင်းတွင်းဖောင်ဖွဲ့ရေး အနေဖြင့် စစ်ကိုင်းတိုင်းတွင် ကသာနှင့် မော်လိုက်တို့တွင်လည်း ဆင်စခန်း ဖွင့်လှစ်ထားပြီး ယခုပလင်းကမ်းသာယာ ဆင်စခန်း အပါအ၀င် ဆင်စခန်းကို သုံးခု ဖွင့်လှစ်ထားသည်။