မွန်နိုင်ငံရေးပါတီအသစ် အမည်အား အများသဘောဆန္ဒနှင့်အညီ မွန်ပါတီဟု အတည်ပြုသတ်မှတ်

မွန်နိုင်ငံရေးပါတီများနှင့် မွန်နိုင်ငံရေး အင်အားစုများ ပါဝင်ကြသည့် မွန်နိုင်ငံရေး ပါတီအသစ်အမည်အား အများသဘောဆန္ဒ နှင့်အညီ ‘မွန်ပါတီ’ ဟု အတည်ပြုသတ်မှတ်လိုက်ကြောင်း မွန်ပါတီ၏ တွဲဖက်အတွင်း ရေးမှူး (၁) နိုင်လယိတမက ပြောကြားသည်။

သြဂုတ် ၃၁ ရက်ကပြုလုပ်သည့် အစည်းအဝေးတွင် ပဏာမရွေးချယ်ထားသည့် မွန်နိုင်ငံရေးပါတီသစ်အမည် ၁၃ ခုထဲမှ ဆန္ဒပြုသူအများဆုံးဖြစ်သည့် ‘မွန်ပါတီ’ အမည်ကို မွန်နိုင်ငံရေးပါတီအသစ်အတွက် အတည်ပြု သတ်မှတ်ခဲ့ကြောင်း၊ စက်တင်ဘာ ၂၁ ရက် တွင် ပေါင်းစည်းရေးအခမ်းအနား ပြုလုပ်သွားမည်ဖြစ်ကြောင်း၊ ထို့နောက် ပါတီမှတ်ပုံတင်ရေးကိစ္စများကို ဆောင်ရွက်သွားမည်ဖြစ်ကြောင်း နိုင်လယိတမက ပြောကြားသည်။

“မွန်ရဟန်းသံဃာတော်တွေရော၊ မဲဆန္ဒရှင်ပြည်သူတွေအနေနဲ့ပါ လိုလားနေကြတဲ့ မွန်နိုင်ငံရေးပါတီ တစ်ပါတီတည်းဖြစ်ရေးကတော့ အပြီးသတ်နိုင်ခဲ့ပြီလို့ ပြောလို့ရပါပြီ။ ပြည်သူတွေရဲ့ ဆန္ဒအတိုင်း ပြည့်မြောက် သွားပြီဖြစ်တဲ့အတွက် ဒီမွန်ပါတီကို မွန်ပြည်သူတွေအနေနဲ့ ၀န်းရံထောက်ခံပေးကြဖို့ တိုက်တွန်းပြောကြားလိုပါတယ်” ဟု နိုင်လယိတမက ဆက်လက်ပြောကြားသည်။

မွန်နိုင်ငံရေးပါတီများ၊ မွန်နိုင်ငံရေးအင်အားစုများ အားလုံးပါဝင်မည့် ပေါင်းစည်းရေး အခမ်းအနားတစ်ခုလုပ်ရန် အစီအစဉ်ရှိသည် ဟုသိရကြောင်း၊ အဆိုပါအခမ်းအနားတွင် မွန်နိုင်ငံရေးအင်အားစုများအားလုံး ပါဝင်လာမည်ဆိုပါက အနာဂတ်မွန်နိုင်ငံရေးပါတီအနေဖြင့် အင်အားတောင့်တင်းပြီး အလားအလာကောင်းသည့်ပါတီ ဖြစ်လာမည်ဟု ယူဆကြောင်း မွန်နိုင်ငံရေးလေ့လာသူတစ်ဦးဖြစ်သူ နိုင်မင်းမင်းနွယ်က ပြောကြားသည်။

“မွန်တိုင်းရင်းသားမဲဆန္ဒရှင်တွေအနေနဲ့ကတော့ ပြီးခဲ့တဲ့ရွေးကောက်ပွဲတွေတုန်းက မွန်ပါတီ နှစ်ခုသုံးခုဖြစ်နေတာက တစ်ကြောင်း၊ မွန်တစ်သီးပုဂ္ဂလကိုယ်စားလှယ်တွေ ပါနေတာက တစ်ကြောင်း မဲကွဲသွာမယ့်ပုံစံမျိုး ရှိခဲ့တော့  မဲပေးကြဖို့ ဆန္ဒသိပ်မရှိကြဘူး။ မွန်ပြည်သူတွေအနေနဲ့က မွန်ပါတီတစ်ခုတည်းဖြစ်သွားရင်တော့ မဲပေးဖို့ ပိုအဆင်ပြေမယ်ပေါ့။ မွန်ပါတီတွေများနေတော့ မဲမပေးတဲ့လူနဲ့ တခြား ပါတီတွေကို မဲပေးလိုက်ရတဲ့လူတွေနဲ့ ဖြစ်သွားကြတဲ့ပုံစံမျိုးလေးဖြစ်သွားတယ်။ အခု မွန်ပါတီတွေ၊ မွန်နိုင်ငံရေးအင်အားစုတွေ တကယ်ပေါင်းစည်းသွားပြီလို့ ပြည်သူတွေက ယုံကြည်သွားပြီဆိုရင် မွန်ပါတီအနေနဲ့ အလားအလာကောင်းတွေရရှိနိုင်ပါတယ်။ ဒါပေမဲ့ မွန်နိုင်ငံရေးပါတီ တစ်ပါတီတည်းဖြစ်၊မဖြစ်တော့ မွန် ပြည်သူတွေအနေနဲ့ စောင့်ကြည့်ဖိုတော့ လိုအပ်ဦးမယ်လို့တောင် ထင်ပါတယ်” ဟု  နိုင်မင်းမင်းနွယ်က ပြောကြားသည်။

မွန်ပါတီများ၊ မွန်နိုင်ငံရေးအင်အားစုများ တပေါင်းတစည်းတည်း ပေါင်းစည်းပြီး၍ အနာဂတ်မွန်ပါတီ ကျစ်လျစ်ခိုင်မာရေးနှင့် အင်အားတောင့်တင်းရေးကိစ္စများကို ပူးပေါင်းဆောင်ရွက်သည့်အခါတွင် ပြီးခဲ့သည့် နမူနာများဖြစ်သည့်  အချင်းချင်းသွေးကွဲခြင်း၊ အယူအဆကွဲခြင်း၊ အုပ်စုကွဲခြင်း၊ ပါတီကွဲခဲ့ခြင်းတို့ကို နမူနာယူကာ နောက်နောင်မဖြစ်ရအောင် ကြိုးစားဆောင်ရွက်ရမည် ဖြစ်ကြောင်း နိုင်မင်းမင်းနွယ်က ဆက်လက်ပြောကြားသည်။

“ပါတီကွဲတော့၊ မဲကွဲပြီး မဲရှုံးခဲ့ကြတယ်။ မဲရှုံးတော့ လွှတ်တော်မှာလည်း နေရာမရကြဘူး။ လွှတ်တော်မှာ နေရာမရကြတော့ ပြည်သူတွေအတွက် ပြောအားဆိုအားမရှိတဲ့အခါကြတော့ ပြည်သူတွေရဲ့ ယုံကြည်ကိုးစားမှု မရကြဘူးဖြစ်ခဲ့ကြတယ်။ ဒီတစ်ချီမှာတော့ အဲဒီလိုမျိုးထပ်မဖြစ်ရလေအောင် သတိပြုကြဖို့လိုပါမယ်။ ပြည်သူတွေအနေနဲ့ကလည်း မွန်ပါတီတွေပေါင်းရင် မဲပေးကြမယ်လို့ ပြောထားကြတဲ့အတိုင်း အခု မွန်ပါတီကို မဲပေးကြဖို့ တာဝန်ရှိပါတယ်” ဟု နိုင်မင်းမင်းနွယ်က ပြောကြားသည်။

မွန်နိုင်ငံရေးပါတီအသစ်ဖြစ်သော ‘မွန်ပါတီ’ အနေဖြင့် ပါတီတံဆိပ်၊ ပါတီအလံ၊ ပါတီ ဖွဲ့စည်းပုံ၊ စည်းမျဉ်း စည်းကမ်းများနှင့်ပတ်သက်၍ ဆက်လက်ညှိနှိုင်း ဆွေးနွေးအတည်ပြုသွားမည်ဟု သိရသည်။

မိမိတို့ပါတီအပါအ၀င် နိုင်ငံရေးပါတီများ အားကောင်းမောင်းသန်မဖြစ်သေးကြောင်း ရန်ကုန်တိုင်းဒေသကြီး NLD ပါတီ ဒုတိယဥက္ကဋ္ဌ သုံးသပ်

မိမိတို့ပါတီအပါအ၀င် နိုင်ငံရေးပါတီများ အားကောင်းမောင်းသန် မဖြစ်သေးကြောင်း ရန်ကုန်တိုင်းဒေသကြီး အမျိုးသားဒီမိုကရေစီအဖွဲ့ချုပ် (NLD) ပါတီ ဒုတိယဥက္ကဋ္ဌ ဒေါက်တာစိုးဝင်းဦးက သုံးသပ်ပြောကြားသည်။

ရန်ကုန်မြို့ရှိ နိုင်ငံရေးအကျဉ်းသားဟောင်းများအဖွဲ့ (FPPS) ရုံးတွင် ဇူလိုင် ၈ ရက်ကပြုလုပ်သော “နိုင်ငံရေးပါတီတွေ အားကောင်းမောင်းသန်ဖြစ်ပြီလား” ဆိုသည့် Debate စကားဝိုင်းတွင် NLD ပါတီ အရန်ဗဟို ကော်မတီဝင်လည်းဖြစ်သူ ဒေါက်တာစိုးဝင်းဦးက ထိုသို့ ပြောကြားခြင်းဖြစ်သည်။

“ဗမာပြည်မှာ ဘယ်နိုင်ငံရေးပါတီမှ  အားကောင်းမောင်းသန် ဖြစ်ကိုမဖြစ်သေးတာပါ။ ဒါကို ကျွန်တော် လက်ခံတယ်။ သို့သော် အင်အားကောင်းတဲ့ပါတီ တစ်နိုင်ငံလုံးကို Countrywide (တစ်နိုင်ငံလုံး) ပေါ့ နော်။ လွှမ်းမိုးနိုင်တဲ့ပါတီပေါ့။ ဆိုလိုတာက မြို့နယ်တိုင်းမှာ ရုံးတွေရှိတယ်။ ရွေးကောက်ပွဲဝင်တဲ့အခါမှာ လွှတ်တော်ကိုယ်စားလှယ်အများဆုံးရတဲ့ ပမာဏကို ယူနိုင်တယ်။ အင်အား ကောင်းတာတော့ ဟုတ်ပါတယ်။ ဒါပေမဲ့ အားကောင်းမောင်းသန်ဆိုတဲ့ ဟာမျိုး ကျွန်တော်တို့က သိပ်ကျွန်တော်တို့ကိုယ်၌က အားရ ကျေနပ်ခြင်းမရှိသေးပါဘူး” ဟု ဒေါက်တာစိုးဝင်းဦးက ပြောကြားသည်။

ထို့အတူ တိုင်းရင်းသားနိုင်ငံရေးပါတီ ၂၂ ပါတီဖြင့် ဖွဲ့စည်းထားသည့် ညီနောင်တိုင်းရင်းသားများ ဖက်ဒရေးရှင်း (NBF) အဖွဲ့ဝင် ဖြစ်သော ဖက်ဒရယ်ပြည်ထောင်စုပါတီ၏ ဥက္ကဋ္ဌ စောသန်းမြင့်ကလည်း အားကောင်း မောင်းသန်ဖြစ်သည့် နိုင်ငံရေးပါတီများကို မတွေ့ရသေးကြောင်း ပြောကြားသည်။

“ကျွန်တော်တို့က NBF (ညီနောင်တိုင်းရင်းသားပါတီများ ဖက်ဒရေးရှင်း)  အုပ်စုပေါ့ နော်။ ကျွန်တော်တို့မှာ ၂၂ ပါတီရှိပါတယ်။ အမှန်ကတော့ တိုင်းရင်းသားပါတီအားလုံးဟာ အားကောင်းမောင်းသန်တဲ့ပါတီ တစ်ပါတီမှ မရှိပါဘူး။ နောက်ပြီးတော့ အမှန်အတိုင်း ပြောမယ်ဆိုရင် ကျွန်တော် စောစောကပြောတဲ့အချက်တွေ အားလုံးစိစစ်မယ်ဆိုရင် တစ်နိုင်ငံလုံးမှာ အင်မတန်အားကောင်းတဲ့ ပါတီရယ်လို့ ကျွန်တော်ကတော့ သိပ်မတွေ့ရဘူး။ သို့သော်လည်းပဲ အင်အားကြီးတဲ့ ပါတီတွေတော့ ရှိတယ်။ သုံးပါတီလောက်တော့ အင်အားကြီးတဲ့ပါတီအဖြစ် တွေ့တယ်။ အားကောင်းမောင်းသန်သလားဆိုတော့ အားကောင်းမောင်းသန်တော့ မရှိပါဘူး”ဟု စောသန်းမြင့်က ပြောကြားသည်။

၂၀၀၈ ခုနှစ် ဖွဲ့စည်းပုံအခြေခံဥပဒေ ပုဒ်မ (၇) တွင် နိုင်ငံတော်သည် စစ်မှန်၍ စည်းကမ်းပြည့်ဝသော ပါတီစုံဒီမိုကရေစီစနစ်ကို ကျင့်သုံးသည်ဟု ပြဋ္ဌာန်းထားသည်။

“ပြည်သူလူထုကြားမှာ နိုင်ငံရေးပါတီတွေရှိနေတာ ပါတီစုံစနစ်ရှိနေတာ သူတို့ ဘ၀အတွက် ဘယ်လိုအကျိုးကျေးဇူးရှိလဲဆိုတာ သူတို့ မခံစားမိသေးဘူး။ အဲဒီအချက်ဟာ  နိုင် ငံရေးပါတီ အားကောင်းမောင်းသန် မဖြစ် သေးဘူးဆိုတဲ့ သဘောပါပဲ။ ဒီအချက်ဟာ ဘယ်လောက်အထိ အန္တရာယ်ရှိလဲဆိုတော့ ပါတီစုံစနစ်ကို လူတွေက ယုံကြည်မှုကျဆင်းသွားနိုင်တယ်။ ဆိုတော့ ဘယ်လိုတိုင်းတာရမလဲဆိုရင် ပါတီတွေရှိခြင်းဟာ ငါတို့အတွက် ပါတီကကိုယ်စားလှယ်တွေ ငါတို့ရွေးကောက် တင်မြှောက်ထားခြင်းဟာ ငါတို့ဘ၀အတွက် အရေးကြီးပါလားလို့ တွေးခေါ်မြော်မြင်မိတဲ့ စိတ်မရှိဘူးဆိုလို့ရှိရင် ကျွန်တော်တို့ ပါတီစုံစနစ်အတွက် အန္တရာယ်ရှိပါတယ်”ဟု နိုင်ငံရေး လေ့လာသုံးသပ်သူနှင့် သတင်းဆောင်းပါးရှင် ဦးသီဟသွေးက ပြောကြားသည်။

နိုင်ငံရေးပါတီများအပါအ၀င် အင်စတီကျူးရှင်းများ အားကောင်းမောင်းသန်ဖြစ်ရန် လူသားအရင်းအမြစ် အားကောင်းရမည်ဖြစ်ကြောင်း ဒေါက်တာစိုးဝင်းဦးက ဆိုသည်။

“အားကောင်းမောင်းသန်ဖြစ်ဖို့ဆိုတာ  အခွင့်အလမ်းဖွင့်ပေးတာက တစ်ပိုင်းပါ။ သို့ သော် အဲဒီအခွင့်အလမ်းမှာ ပါဝင်လာတဲ့သူတွေ အားလုံးက Human Resources ပေါ့။ ကျွန်တော်တို့က လူသားအရင်းအမြစ်အားကောင်းမှ ဒီ Institution တွေ အားကောင်း မှာပါ။ ဒါကြောင့် ကျွန်တော်တို့က ကျွန်တော် တို့နိုင်ငံမှာ ဘယ်အဖွဲ့အစည်းမှ အကောင်းစား မရနိုင်သေးတာ သေချာတယ်” ဟု ၎င်းက ပြောကြားသည်။ နိုင်ငံရေးပါတီများ အားကောင်းမောင်းသန်ဖြစ်ရန် ပါတီများ၏ ဖွဲ့ စည်းပုံစည်းမျဉ်းကို  ဒီမိုကရေစီစံချိန် စံနှုန်းများနှင့်အညီ ရေးဆွဲရမည့်အပြင် ပါတီတည်ဆောက်ရေးကိုလည်း အားသွန်ခွန်စိုက်လုပ်ရမည်ဖြစ်ကြောင်း နိုင်ငံရေး လေ့လာ အကဲ ခတ်သူများက သုံးသပ်ကြသည်။

ကန့်ကွက်မှုများကြောင့်ဟုဆိုကာ ပြည်ထောင်စု ရွေးကောက်ပွဲကော်မရှင် က အသုံးပြုခွင့်မပေးခဲ့သည့် ရှစ်လေးလုံးပြည်သူ့ပါတီအမည်အား ပြည်သူ့ပါတီဟု ပြောင်းလဲသတ်မှတ်

နိုင်ငံရေးပါတီဖြစ်မြောက်ရေးကော်မတီ၏ တတိယအကြိမ်စုံညီအစည်းအဝေးကို ဇူလိုင် ၈ ရက်က မန္တလေးမြို့ရှိ Golden City Light Hotel တွင် ပြုလုပ်စဉ်

ကန့်ကွက်မှုများကြောင့်ဟုဆိုကာ ပြည်ထောင်စုရွေးကောက်ပွဲကော်မရှင်က အသုံးပြုခွင့် မပေးခဲ့သည့် ရှစ်လေးလုံးပြည်သူ့ပါတီအမည်ကို ပြည်သူ့ပါတီဟု အမည်ပြောင်းလဲသတ်မှတ်ခဲ့ကာ ပါတီ၏အမှတ်တံဆိပ်၊ အလံတို့ကိုပါ အတည်ပြုဆုံးဖြတ်ခဲ့ပြီး ဇူလိုင် ၉ ရက်(ယနေ့)တွင် နေပြည်တော်ရှိ ပြည်ထောင်စု ရွေးကောက်ပွဲကော်မရှင်ထံသို့ အကြောင်းကြားစာ တင်ပြသွားမည်ဖြစ်ကြောင်း မန္တလေးမြို့၌ ဇူလိုင် ၈ ရက်က ပြုလုပ်ခဲ့သည့် နိုင်ငံရေးပါတီဖြစ်မြောက်ရေး ကော်မတီ၏ တတိယအကြိမ် စုံညီအစည်းအဝေး ဆုံးဖြတ်ချက်များအရ သိရသည်။

နိုင်ငံရေးပါတီဖြစ်မြောက်ရေးကော်မတီ၏ တတိယအကြိမ် စုံညီအစည်းအဝေးကို ဇူလိုင် ၈ ရက်က မန္တလေးမြို့ရှိ Golden City Light Hotel တွင် နံနက် ၉ နာရီမှစတင်ကာ မွန်းလွဲ ၃ နာရီအထိပြုလုပ်ခဲ့ပြီး အဆိုပါစုံ ညီအစည်းအဝေးမှ ရှစ်လေးလုံးပြည်သူ့ပါတီကို ပြည်သူ့ပါတီဟု ပါတီအမည်ကိုပြောင်းလဲ သတ်မှတ်ခဲ့ကာ အဆိုပါပြည်သူ့ပါတီအား ဆက်လက်ကန့်ကွက်လာပါက ဒုတိယအဆင့်အနေဖြင့် ပါတီအမည်နောက်တစ်မျိုးအား အရန်အဖြစ် ထည့်သွင်းစဉ်းစားထားပြီးဖြစ်ကြောင်း နိုင်ငံရေးပါတီဖြစ်မြောက်ရေးကော်မတီ၏ အဖွဲ့ခေါင်းဆောင် ဦးကိုကိုကြီးက ပြောကြားသည်။

“ကျွန်တော်တို့ပါတီနဲ့ပတ်သက်ပြီး မီဒီယာ မိတ်ဆွေတွေလည်း စိတ်လှုပ်ရှားကြပုံရပါတယ်။ ဘာကြောင့်လဲဆိုတော့ ပါတီအမည်နဲ့ပတ်သက်ပြီး တစ်ကြိမ်ခေါ်ပြောတယ်၊ ပြင်ပေးလိုက်တယ်။ နောက်တစ်ကြိမ် ထပ်ပြီးတော့ပြောင်းခိုင်းတယ်။ ပါတီ စတင် ထူထောင်စဉ်ကတည်းက သူများနဲ့မတူတဲ့ အခြေအနေဖြစ်တော့ ဒီတစ်ကြိမ်ရော ကန့်ကွက်ခံရဦးမလားလို့ စိတ်လှုပ်ရှားပုံရပါတယ်။ ဒါတွေနဲ့ပတ်သက်ပြီး ကျွန်တော်တို့ ပြင်ဆင်ထားပါတယ်။ ကျွန်တော်တို့ သန္နိဋ္ဌာန်ချထားတာက နိုင်ငံရေးပါတီ မဖြစ်ဖြစ်အောင် ကြိုးစားသွားမယ်။ ဘာကြောင့်လဲဆိုတော့ ၈၈ မျိုးဆက် ရဲဘော်တွေရော ကျွန်တော်တို့နဲ့လက်တွဲလုပ်နေတဲ့ လူငယ်မျိုးဆက်တွေရော အားလုံးအတွက် နိုင်ငံရေးပါတီ တစ်ရပ်အနေနဲ့ နိုင်ငံရေးကိုဆက်လက် ဆောင်ရွက်ဖို့ သန္နိဋ္ဌာန်ချထားပြီးဖြစ်တဲ့အတွက် မဖြစ်ဖြစ်အောင် ဆက်ပြီးဆောင်ရွက်သွားမှာပါ။ ဒီတစ်ကြိမ်ထပ်ပြီး ပြင်ပေးတဲ့အခါမှာလည်း ရှိပြီးသားနိုင်ငံရေးပါတီ အမည်၊ အလံ၊ တံဆိပ်တွေကို လေ့လာပြီးတော့ ဆင်တူရိုးမှားမရှိတဲ့ အမည်၊ အလံ၊ တံဆိပ်တွေကို ရွေးချယ်ထားတာဖြစ်ပါတယ်။ ဒါကြောင့် ဒီတစ်ကြိမ်တော့ ထပ်ပြီး ကန့်ကွက်တာမျိုး မဖြစ်နိုင်လောက်တော့ဘူးလို့ မျှော်လင့်ပါတယ်။ သို့သော် ကျွန်တော်တို့က Plan B အတွက်ပါ ဆွေးနွေးဆုံးဖြတ်ထားပြီးသားဖြစ်ပါတယ်။ နောက်ထပ် နာမည်တစ်ခုကိုလည်း အရန်အနေနဲ့ စဉ်းစားထားတာရှိပါတယ်။ အခု ပါတီမည် ပြောင်းလဲတာနဲ့ပတ်သက်ပြီး မနက်ဖြန်မှာ(ဇူလိုင် ၉ ရက်) နေပြည်တော်ကိုသွားပြီးတော့ စာရွက်စာတမ်းတွေနဲ့အတူ တင်ပြသွားမှာပါ” ဟု နိုင်ငံရေးပါတီဖြစ်မြောက်ရေးကော်မတီ၏ အဖွဲ့ခေါင်းဆောင် ဦးကိုကိုကြီးက ပြောကြားသည်။

ထို့ပြင် ရှစ်လေးလုံးပြည်သူ့ပါတီအမည်ကို ပြောင်းလဲပေးခဲ့ရမှုနှင့် ပတ်သက်၍ ကန့်ကွက်နေသူများမှာ မည်သူမည်ဝါက ကန့်ကွက်ကြောင်း အမည်အတိအကျမသိရှိသေးကြောင်း၊ နိုင်ငံရေးပါတီတစ်ခု မှတ်ပုံတင်ခြင်းနှင့် ပတ်သက်၍ ဥပဒေကြောင်းအရ ကန့်ကွက်လိုပါက အခြားသောနိုင်ငံရေး ပါတီများအချင်းချင်းကသာ ကန့်ကွက်ခွင့်ရှိကြောင်း ဆက်လက်ပြောကြားသည်။ ရှစ်လေးလုံးပြည်သူ့ပါတီ၏ အမည်မှာ ကန့်ကွက်သူများရှိခဲ့သည့်အပြင် နေ့ထူးနေ့မြတ်ဖြစ်သည့်အတွက် စာဖြင့်သော်လည်းကောင်း၊ ဂဏန်းဖြင့်သော်လည်းကောင်း ယင်းအမည်ကို ပြည်ထောင်စုရွေးကော်ပွဲကောက်မရှင်က အသုံးပြုခွင့်မပေးခဲ့ခြင်းဖြစ်ကြောင်း သိရသည်။

“ကျွန်တော်တို့ကတော့ ဥပဒေကြောင်းအရ ဆက်ပြီးတော့ သွားရမှာပဲ။ ကျွန်တော်တို့နားလည်ထားတာက မှတ်ပုံတင်ဥပဒေရဲ့ ပင်မဥပဒေတွေမှာ နိုင်ငံရေးပါတီအချင်းချင်းပဲ ကန့်ကွက်လို့ရတယ်။ သူ့ပါတီရဲ့ အမည်၊ အလံ၊ တံဆိပ်နဲ့ တူညီလျှင် ဆင်တူယိုးမှားဖြစ်လျှင် ကော်မရှင်ကနေပြီး ပြင်ဆင်ပြောင်းလဲပေးဖို့ ညွှန်ကြားနိုင်ပါတယ်။ အဲဒီတော့ ကန့်ကွက်တယ်ဆိုရင် ကျွန်တော်တို့ပါတီရဲ့ အမည်၊ အလံ၊ တံဆိပ်တွေက သူတို့ပါတီရဲ့ အမည်၊ အလံ၊ တံဆိပ်တွေနဲ့ တူညီနေတယ်ဆိုရင် ခိုင်လုံတဲ့ အထောက်အထားပြပြီးတော့ ကန့်ကွက်ရမှာဖြစ်ပါတယ်။ အခု ရွေးချယ်ထားတာက လက်ရှိနိုင်ငံရေးပါတီတွေရဲ့ အလံ၊ အမည်၊ တံဆိပ်တွေနဲ့ ဆင်တူရိုးမှာ မဖြစ်အောင် သေချာကြည့်ပြီးတော့ ရွေးချယ်ထားတာဖြစ်ပါတယ်။ နောက်ထပ် ထပ်ပြီးဖြစ်လာဦးမယ်ဆိုရင် ကျွန်တော်တို့ကတော့ ဥပဒေကြာင်းအရပဲ သွားမှာဖြစ်ပါ တယ်။ ကျွန်တော်တို့ကတော့ ဥပဒေကြောင်းအရ ဒါက မညီညွတ်ဘူးဆိုပြီး ရှင်းပြမယ်။ အဲဒီလို ရှင်းပြနေတာမှ ဆုံးဖြတ်လိုက်တယ်ဆိုရင် ဆုံးဖြတ်သူတွေရဲ့ သမိုင်းမှတ်တိုင်ဖြစ်သွားပါလိမ့်မယ်” ဟု ဦးကိုကိုကြီးက ပြောကြားသည်။

ကန့်ကွက်မှုများကြောင့် ရှစ်လေးလုံး ပြည်သူ့ပါတီမှ ပြည်သူ့ပါတီဟု အမည် ပြောင်းလဲသတ်မှတ်ခဲ့ရပြီး အမည်ပြောင်းလဲ သတ်မှတ်မှုနှင့်ပတ်သက်၍ ပြည်ထောင်စု ရွေးကောက်ပွဲကော်မရှင်ထံသို့ ဆက်လက် တင်ပြသွားရမည်ဖြစ်ကာ နိုင်ငံရေးပါတီတစ်ရပ် ပေါ်ပေါက်လာရန် ဆက်လက်ကြိုးပမ်းသွားမည်ဖြစ်ကြောင်း ဦးကိုကိုကြီးက ပြောကြားသည်။ ထို့ပြင် ၂၀၁၈ ခုနှစ် နိုဝင်ဘာတွင် ကျင်းပမည့် ကြားဖြတ်ရွေးကောက်ပွဲ ၀င်ရောက်ယှဉ်ပြိုင်ရန်အတွက်မှာ အချိန်မမီတော့သဖြင့် ၀င်ရောက်ယှဉ်ပြိုင်နိုင်မည် မဟုတ်ကြောင်း ၎င်းက ဆက်လက်ပြော ကြားသည်။

မန္တလေးမြို့တွင် ပြုလုပ်ခဲ့သည့် နိုင်ငံရေးပါတီ ဖြစ်မြောက်ရေးကော်မတီ၏ တတိယအကြိမ် စုံညီအစည်းအဝေးသို့ ကော်မတီမှ ခေါင်းဆောင်များ၊ တိုင်းဒေသကြီး ခြောက်ခုမှ ပါတီကိုယ်စားလှယ်များ၊ ရှမ်းပြည်နယ်နှင့် မွန်ပြည်နယ်တို့မှ ပါတီကိုယ်စားလှယ်များ၊ နေပြည်တော်ကောင်စီနယ်မြေမှ ကိုယ်စားလှယ်များ တက်ရောက်ဆွေးနွေးခဲ့ကြောင်း သိရသည်။

 

 

ကချင်ပါတီများ ပေါင်းစည်းမည့် ပါတီသစ်အမည်ကို ‘ကချင်ပြည်နယ်လူထုပါတီ (KSPP)’ဟု သုံးပါတီက အတည်ပြုသဘောတူခဲ့ပြီး KNC ပါတီအနေဖြင့် ပေါင်းစည်းရေးတွင် ပါသင့် မပါသင့် ပါတီတွင်း ဆက်လက်ဆွေးနွေးမည်

ကချင်နိုင်ငံရေးပါတီများ ပေါင်းစည်း၍ တစ်ပါတီတည်းအဖြစ် ထူထောင်သွားမည့် ပါတီ၏ အမည်ကို ‘‘ကချင်ပြည်နယ်လူထု ပါတီ (Kachin State People’s Party)’’ ဟု ကချင်ဒီမိုကရက်တစ်ပါတီ KDP ၊ ကချင် ပြည်နယ်ဒီမိုကရေစီပါတီ KSDP နှင့် စည်းလုံးညီညွတ်ရေးနှင့် ဒီမိုကရေစီပါတီကချင် ပြည်နယ် (စဒက) တို့က အတည်ပြုဆုံးဖြတ်ထားပြီး ကချင်အမျိုးသားကွန်ဂရက်ပါတီ (KNC) အနေဖြင့် အဆိုပါပါတီ ပေါင်းစည်းရေးတွင် ပါသင့် မပါသင့် ပါတီတွင်း ဆက်လက်ဆွေးနွေးသွားမည်ဖြစ်ကြောင်း သိရသည်။

ကချင်ပြည်သူလူထု၏ ဆန္ဒအရ ကချင်နိုင်ငံရေး ပါတီများသည် တစ်ပါတီတည်းအဖြစ် ပူးပေါင်းသွားရေး လုပ်ဆောင်လျက်ရှိရာ လက်ရှိတွင် ပူးပေါင်းသွားမည့် ပါတီ အမည်၊ အလံနှင့် အမှတ်တံဆိပ်တို့ကို အတည်ပြုပြီးဖြစ်ကြောင်းနှင့် ပေါင်းစည်းရေးတွင် ကချင်အမျိုးသား ကွန်ဂရက်ပါတီက ပါဝင်နိုင်ခြင်း မရှိသေးကြောင်း ကချင်ပြည်နယ်ဒီမိုကရေစီပါတီ (KSDP) ဥက္ကဋ္ဌ ဒေါက်တာမနာမ်တူးဂျာက ပြောကြားသည်။

ဒေါက်တာတူးဂျာက ‘‘ကျွန်တော်တို့က အစကတော့ လေးပါတီပေ့ါ။ အခု  KNC ပါတီထဲမှာတော့ အခုရွေးခဲ့တဲ့ ပါတီနာမည် နဲ့ အမှတ်တံဆိပ်ထက် မူလရွေးထားတဲ့ဟာတွေကိုပဲ ဦးစားပေးချင်တဲ့ သူတွေကလည်းရှိတယ်။ တချို့ကလည်း အပြောင်းအလဲ တစ်ခါတည်း လုပ်သွားချင်တဲ့သူတွေလည်းရှိ တယ်။ ဆိုတော့ သူတို့အထဲမှာလည်း ထပ်ဆွေးနွေးဖို့ ရှိသေးတယ်ဆိုတဲ့သဘော။ အဆင့်သင့်မဖြစ်သေးဘူးဆိုတဲ့ သဘောပေါ့။ကျွန်တော်တို့မှာလည်း အချိန်က သိပ်မရှိတော့တဲ့အတွက် အဆင့်သင့်ဖြစ်တဲ့သုံးပါတီက ပေါင်းစည်းရေးကို လက်တွေ့လုပ်ဆောင်သွားတာပေါ့။ နာမည်အသစ်၊ အလံအသစ်ကို ရွေးသွားတာပေါ့။ နောက်ပိုင်းသူတို့လည်း ပါကောင်းပါလာနိုင်တာပေါ့။အခုရွေးထားတဲ့ နာမည်နဲ့အလံကတော့ သုံးပါတီထဲကပဲရွေးတာပါ။ အများကထောက်ခံတဲ့ဟာကို ၀ိုင်းရွေးတာပေါ့။ နာမည်ကတော့ ‘‘ကချင်ပြည်နယ်လူထုပါတီ (Kachin State People’s Party)’ပါ။ ပြည်သူအတွက်ဆိုပြီးတော့ တည်ထောင်ကြတာဖြစ်ပါတယ်။ ပြည်သူအတွက်ဆိုပြီးတော့ ဆိုတဲ့သဘောမျိုးပေါ့။ ပြည်သူ့ပါတီဆိုရင်တော့ ပိုကောင်းမယ်ဆိုတဲ့သဘောနဲ့ ရွေးတာပါ’’ ဟု ပြောကြားသည်။

ရွေးချယ်ထားသည့် ‘‘ကချင်ပြည်နယ် လူထုပါတီ (Kachin State People’s Party)’’ ၏ အမှတ်တံဆိပ်နှင့် အလံသည် အနီနှင့် အစိမ်းပေါ်တွင် အပြာနုရောင် သုံးနားညီတြိဂံပုံစံဖြစ်ကြောင်း ဒေါက်တာတူး ဂျာထံမှသိရသည်။

ယခုရွေးချယ်ထားသည့် ပါတီအမည်၊ အလံ၊ အမှတ်တံဆိပ်၊ လိုဂိုတို့အား ကချင်လူထုထံ ရက်ပိုင်းအတွင်း အသိပေးသွားမည်ဖြစ်ပြီး ယင်းနောက်ပိုင်းမှာသာ ပါတီမှတ်ပုံတင်ခြင်းကိစ္စများ ဆက်လက်ဆောင်ရွက်သွား မည်ဖြစ်ကြောင်းလည်း ၎င်းက ဆက်လက်ပြောကြားသည်။

ကချင်အမျိုးသားကွန်ဂရက်ပါတီ (KNC) အနေဖြင့် အဆိုပါပေါင်းစည်းရေးတွင် ပါဝင်ခြင်းရှိ မရှိနှင့် ပတ်သက်၍ ပါတီတွင်းဆွေးနွေးသွားရန်ရှိကြောင်း ပါတီဥက္ကဋ္ဌ ဒေါက်တာအမ်ကောန်လက ပြောကြားသည်။

ဒေါက်တာအမ်ကောန်လက ‘‘ကျွန်တော်တို့ပါတီအတွင်း အစည်းအဝေးတွေမှာလည်း KNC ကတော့ ကိုယ့်ပါတီလည်းမဟုတ်ဘူး။ ကိုယ်တည်ထောင်ထားတာလည်း မဟုတ်ဘူး။ အများပြည်သူတည်ထောင်ထားတဲ့ ပါတီဖြစ်တယ်။ ဖျက်သိမ်းချင်တိုင်း ဖျက်သိမ်းလို့မရဘူး။ ထိန်းသိမ်းချင်တဲ့သူတွေက ဆက်ထိန်းသိမ်းမယ်ဆိုပြီး ထွက်လာတာရှိတယ်။ ကျွန်တော်တို့ကတော့ ပေါင်းစည်းရေးကို ဆက်လက်စဉ်းစားမယ်။ပါတီအတွင်း အစည်းအဝေးလုပ် ဆုံးဖြတ်မယ်။ ပူးပေါင်းလုပ် လို့အဆင်ပြေမပြေပေါ့။ မပူးပေါင်းဖြစ်ရင် တော့ မဟာမိတ်အနေနဲ့ ဆက်လက်ဆောင်ရွက်သွားဖို့ရှိမယ်။ ပါတီပေါင်းစည်းရေးမှာ မပါလို့လည်း ကချင်နိုင်ငံရေးအ၀န်းအ၀ိုင်းထဲက ထွက်သွားမှာမဟုတ်ဘူး’’ ဟု ပြောကြားသည်။

ကချင်နိုင်ငံရေးပါတီများပေါင်းစည်းရေးအတွက် အစောပိုင်းက ကချင်ဒီမိုကရက်တစ်ပါတီ (KDP) ၊ ကချင်ပြည်နယ်ဒီမိုကရေစီပါတီ (KSDP) နှင့် ကချင်အမျိုးသားကွန်ဂရက်ပါတီ (KNC) သုံးပါတီတို့သည် ပါတီအသစ်အမည်ကို Kachin National Congress Party (KNCP) အဖြစ် ယာယီ သဘောတူထားခဲ့သော်လည်း လူထုကရွေးချယ်သည့် ပါတီဖြစ်လာရေး ပါတီနာမည်၊ လိုဂို၊ အမှတ်တံဆိပ်တို့အား ရွေးချယ်ဆုံးဖြတ်ရန် ကချင်အမျိုးသား အတိုင်ပင်ခံအဖွဲ့က ဦးဆောင်သည့် ၁၇ ဦးပါ ကော်မတီကို ဧပြီ ၁၀ ရက်တွင် ဖွဲ့စည်းခဲ့သည်။

သို့သော် အဆိုပါ ၁၇ ဦးပါ ကော်မတီအဖွဲ့က ပါတီအမည်၊ အလံ၊ အမှတ်တံဆိပ်တို့ အား ရွေးချယ်ရန် ပြန်လည်အပ်နှံလာသည့်အတွက် KSDP ၊ KDP နှင့် ပါတီပေါင်းစည်းရေးတွင် နောက်ပိုင်းမှပါဝင်လာသည့် စဒက ပါတီတို့က ‘‘ကချင်ပြည်နယ်လူထုပါတီ’’ ဟု အတည်ပြုခဲ့ခြင်းဖြစ်ကြောင်း သိရသည်။

ထိုကဲ့သို့ ‘‘ကချင်ပြည်နယ်လူထုပါတီ’’ ဟု အမည်ပေး ရွေးချယ်ခဲ့ခြင်းနှင့် ပတ်သက်၍ KNC ဥက္ကဋ္ဌက ‘‘ပါတီပေါင်းစည်းတဲ့နေရာမှာ ပါတီတွေက အစုံပါနေတော့ ဘယ်လိုပုံစံနဲ့ ဆက်သွားမလဲ ကျွန်တော်တို့ ဆက်မေးတယ်။  ထုံးစံအတိုင်းဆို ကျွန်တော်တို့ လက်ခံ လက်မခံ အကြောင်း ပြန်ပြီးတော့မှ ကျွန်တော်တို့က ပါဝင်ပြီဆိုမှ ပါတီ၊ လိုဂို၊ အမှတ်တံဆိပ်တွေ ထုတ်ရမှာ။ ဒါပေမဲ့ သူတို့က ၁၇ ဦးကော်မတီ ကို နာမည်၊ လိုဂို၊ အမှတ်တံဆိပ်ပေးရမယ်ဆိုပြီးတော့ ကျွန်တော်တို့မပါဘဲ KSPP ဆိုပြီး လိုဂို၊ အလံတွေကိုရွေးချယ်လိုက်တယ်။  ကျွန်တော်တို့က နာမည်၊ လိုဂို၊ အမှတ်တံဆိပ်က အရေးမကြီးဘူးပဲထား။ ဒါပေမဲ့ ကျွန်တော်တို့ရဲ့ ပူးပေါင်းပါဝင်မှုကို အပြန်အလှန်လေးစားမှုလေးတော့ ထားရမယ်။ ဒါကိုမတွေ့ ရဘူး။ မတွေ့ရဘူးဆိုတော့ အဲဒီအပေါ်မှာ ကျွန်တော်တို့ KNC ကပြန်ဆုံးဖြတ်မယ်။ လူထုဆန္ဒသဘောကြောင့်သာ ကျွန်တော်တို့က ပူးပေါင်းတာဖြစ်တယ်။ပူးပေါင်းဆောင်ရွက် ရေးမှာလည်း ကျွန်တော်တို့ ဆောင်ရွက်ခဲ့တဲ့အနေအထားမှာ အပြန်အလှန်လေးစားမှုမရှိဘဲ လုပ်တာက သူတို့သုံးပါတီမှာ တာဝန်ရှိတယ်လို့ပဲပြောချင်ပါတယ်’’ ဟု ဆိုသည်။

မူလက ၎င်းတို့ရွေးချယ်ထားသည့် Kachin National Congress Party (KNCP) အမည်သည် ကချင်အမျိုးသား ကွန်ဂရက်ပါတီ (KNC) ၏ လောင်းရိပ်အောက်တွင် ရှိနေသည်ဟုဆိုကာ ကချင်လူထုအတွင်း လက်မခံသည့် သဘောထားအချို့လည်း ရှိနေကြောင်း KNC ပါတီဥက္ကဋ္ဌထံမှ သိရသည်။

နိုင်ငံရေးမျိုးဆက်များ ပါဝင်ထူထောင်မည့် ပါတီအမည်ကို ရှစ်လေးလုံးပါတီဟု သတ်မှတ်ပြီး ပါတီမှတ်ပုံတင်ခြင်းအား ယခုနှစ်မကုန်မီ ဆောင်ရွက်မည်

ပါတီဖြစ်မြောက်ရေးကော်မတီ ဒုတိယအကြိမ် ဗဟိုအစည်းအဝေးတွင် ဦးကိုကိုကြီးက ဆွေးနွေးနေစဉ် (ပုံကြီး) နှင့် ပါတီအလံနှင့် အမှတ်တံဆိပ်ကို တွေ့ရစဉ် (ပုံသေး)

နိုင်ငံရေးမျိုးဆက်အသီးသီး ပါဝင်ထူထောင်မည့် နိုင်ငံရေးပါတီအမည်ကို ရှစ်လေးလုံးပါတီ ဟု သတ်မှတ်ပြီး ပြည်ထောင်စုရွေးကောက်ပွဲ ကော်မရှင်ထံ ပါတီမှတ်ပုံတင်ခြင်း ကိစ္စရပ်များကို ယခုနှစ်မကုန်မီ ဆောင်ရွက်မည်ဖြစ်ကြောင်း ပါတီဖြစ်မြောက်ရေးကော်မတီ ဒုတိယအကြိမ် ဗဟိုအစည်းအဝေးတွင် ဆုံးဖြတ်ခဲ့သည်။

နိုင်ငံရေးပါတီ ဖြစ်မြောက်ရေးကော်မတီ ဒုတိယအကြိမ် ဗဟိုအစည်းအဝေးကို ဒီဇင်ဘာ ၁၆ ရက်နှင့် ၁၇ ရက်က ရန်ကုန်မြို့ သင်္ဃန်းကျွန်းမြို့နယ်ရှိ  ဓမ္မပီယကျောင်းတိုက်တွင် ပြုလုပ်ခဲ့ခြင်းဖြစ်ပြီး အဆိုပါနှစ်ရက်တာ အစည်းအဝေးတွင် ပါတီအမည်၊ ပါတီဖွဲ့စည်းပုံ၊ ပါတီအလံ၊ တံဆိပ်တို့ကို အတည်ပြုချက်ရရှိခဲ့ပြီး ပါတီထူထောင်လိုသူများ စာရင်းကိုလည်း လျာထားပြီဖြစ်သည့်အတွက် ပါတီမှတ်ပုံတင်ခြင်း ကိစ္စရပ်များအား မကြာမီရက်ပိုင်းအတွင်း ကြိုးစားသွားမည်ဟု နိုင်ငံရေးပါတီဖြစ်မြောက်ရေး ဗဟိုလုပ်ငန်းကော်မတီ ဦးဆောင်အဖွဲ့မှ ဦးမင်းဇေယျက ပြောကြားသည်။

“ပါတီအမည်ကတော့ တရားဝင်အသိပေးလို့တော့ ရပြီပေါ့နော်။ ဒီ နှစ်ရက်တာ ပြုလုပ်ခဲ့တဲ့ စုံညီအစည်းအဝေးမှာ တက်ရောက်လာတဲ့ ဖြစ်မြောက်ရေးကော်မတီဝင်တွေ၊ နယ်အသီးသီးက ကော်မတီဝင်တွေအားလုံးရဲ့ တစ်ခဲနက်သဘောတူညီချက်အရ ကျွန်တော်တို့ထောင်မယ့် ပါတီရဲ့နာမည်ကတော့ ရှစ်လေးလုံးပါတီပါ။ ရိုးရိုးရှင်းရှင်းလေးပါပဲ။ ဗမာလိုရေးရင် ရှစ်လေးလုံးပါတီပါ။ အက္ခရာဂဏန်း မဟုတ်ပါဘူး။ ပါတီမှတ်ပုံတင်ဖို့ ကိစ္စကလည်း အားလုံးအဆင်သင့်ဖြစ်ပြီလို့ ပြောလို့ရပါတယ်။ နှစ်ရက်တာအစည်းအဝေးမှာပဲ ပါတီဖွဲ့စည်းပုံလည်း အတည်ပြုချက်ရခဲ့ပြီ။ ပါတီအမည်လည်း အတည်ပြုချက်ရခဲ့ပြီ။ ပါတီအလံ၊ တံဆိပ်လည်း အတည်ပြုချက်ရခဲ့ပြီ။ တစ်ခါ ပါတီထူထောင်လိုသူများ စာရင်းကိုလည်း လျာထားချက်စီစဉ်ထားပြီးသားဖြစ်တဲ့အတွက်ကြောင့် အမြန်ဆုံး သုံး၊ လေး၊ ငါးရက်အတွင်းမှာ တင်နိုင်ဖို့ ကြိုးစားမှာပါ” ဟု ဦးမင်းဇေယျက ပြောကြားသည်။

ပါတီအမည်ကို ‘ရှစ်လေးလုံးပါတီ’ ဟု အမည်ပေးရခြင်းသည် လက်ရှိဖြစ်ပေါ်နေသည့် နိုင်ငံရေးအခင်းအကျင်း၊ ဖြစ်ပေါ်တိုးတက်မှုအားလုံးသည် ရှစ်လေးလုံးအရေးတော်ပုံကြီးကို အကြောင်းပြုပြီး ဖြစ်ပေါ်လာခြင်းဖြစ်သည့်အတွက် တန်ဖိုးထားဂုဏ်ပြုသည့်အနေဖြင့် ရှစ်လေးလုံးဆိုသောအမည်နှင့် ပါတီထောင်ရန် ဆုံးဖြတ်ခဲ့ခြင်းဖြစ်ကြောင်း နိုင်ငံရေးပါတီဖြစ်မြောက်ရေးဗဟိုလုပ်ငန်းကော်မတီ ဦးဆောင်အဖွဲ့တာဝန်ခံ ဦးကိုကိုကြီးကပြောကြားသည်။

ဦးကိုကိုကြီးက “အဓိက,ကတော့ လက်ရှိဖြစ်နေတဲ့ နိုင်ငံရေးအခင်းအကျင်း၊ ဖြစ်ပေါ် တိုးတက်မှုအားလုံးဟာ ရှစ်လေးလုံးအရေးတော်ပုံကြီးကို အကြောင်းပြုပြီးတော့ ဖြစ်ပေါ်လာတာဖြစ်တယ်။ နောက်ပြီး ကျွန်တော်ဒီမှာ ဆောင်ရွက်တဲ့သူ တော်တော်များများဟာလည်း ရှစ်လေးလုံးအရေးတော်ပုံကြီးကနေ ပေါ်ပေါက်လာကြတာဖြစ်တယ်။ ရန်ကုန်မှာနေတဲ့ ဦးဆောင်သူတွေတင်မကဘူး။ နယ်ဒေသ အသီးသီးမှာကိုက ရှစ်လေးလုံးအင်အားစုတွေ၊ အခြေခံပြီးတော့ ဖွဲ့စည်းကြတာဖြစ် တယ်။ နောက်တစ်ခုက ရှစ်လေးလုံးကြွေးကြော်သံဖြစ်တဲ့ ဒီမိုကရေစီရရှိရေး ဒို့အရေးဆိုတာဟာ ဒီနေ့၊ ဒီအချိန်အထိ တင်းပြည့် ကျပ်ပြည့် အကောင်အထည်မပေါ်သေးဘူး။ တကယ်တမ်း ဒီမိုကရေစီဆိုတာ ဗဟုဝါဒထွန်းကားအောင် ဆောင်ရွက်ရတာဆိုတော့ ဒါကို ဆက်လက်ပြီးတော့ ဆောင်ရွက်ဖို့အတွက် ပါတီအမည်ကို စဉ်းစားတဲ့အခါမှာ ရွေးချယ်စရာ အကြံပြုချက်တွေ အမြောက်အမြားရှိတဲ့ အထဲကနေ နောက်ဆုံးမှာ ရှစ်လေးလုံးဆိုတဲ့ နာမည်ဟာ ဒီမိုကရေစီအရေးတော်ပုံကိုလည်း ကိုယ်စားပြုပြီးသားဖြစ်တယ်။ ပြည်သူတစ်ရပ်လုံးကိုလည်း ကိုယ်စားပြုပြီးသားဖြစ်တယ်။ ဒါကြောင့် ဒီနာမည်ကို တန်ဖိုးထားဂုဏ်ပြုတဲ့ အနေနဲ့ ရှစ်လေးလုံးဆိုတဲ့ နာမည်ကိုပဲ ရိုးရိုးရှင်းရှင်း တခြားဘာစာလုံးမှ မထည့်တော့ဘဲနဲ့ ဒီနာမည်နဲ့ပဲ ပါတီထူထောင်မယ်ဆိုပြီး ဆုံးဖြတ်ခဲ့တာပါ” ဟု ပြောကြားသည်။

ဆက်လက်၍ ပါတီမူဝါဒ ၁၀ ချက် ချမှတ်ထားပြီး မူဝါဒတွင် ဒီမိုကရက်တစ်ဖက်ဒရယ် ပြည်ထောင်စု တည်ဆောက်ရေးသည် ထိပ်တန်းထည့်ထားသည့် ကိစ္စရပ်ဖြစ်ကြောင်း၊ ယင်းမှာ ရှစ်လေးလုံး ငွေရတု အခမ်းအနားမှ  ဆုံးဖြတ်ချက်လည်းဖြစ်ကြောင်း၊ အဆိုပါဆုံးဖြတ်ချက် ဆက်လက်အကောင်အထည် ဖော်ဆောင်ရန်အတွက် ဦးစားပေးတစ်ခုအဖြစ် ရေးဆွဲဖော်ပြထားခြင်းဖြစ်ကြောင်း၊  ငြိမ်းချမ်းရေးကိစ္စ၊ ဖွံ့ဖြိုးတိုးတက်ရေးကိစ္စများနှင့်လည်း တိုက်ရိုက်ဆက်စပ်မှုရှိသည့်အတွက် ဦးစားပေးခြင်းဖြစ်ကြောင်း ဦးကိုကိုကြီးက ပြောကြားသည်။

ထို့ပြင် မဟာမိတ်မူဝါဒကို ပါတီ၏မူတစ်ခုအနေဖြင့် ချမှတ်ထားပြီး ချမှတ်ထားသည့် မူများနှင့်ညီညွတ်ကိုက်ညီသော နိုင်ငံရေးပါတီများအပြင် အရက်ဘက်အဖွဲ့အစည်းများနှင့်ပါ အကြံဥာဏ်၊ပူးပေါင်းဆောင်ရွက်မှုများကို ရယူဆောင်ရွက်သွားမည်ဟု မူဝါဒချမှတ်ထားကြောင်း နိုင်ငံရေးပါတီဖြစ်မြောက်ရေး ဗဟိုလုပ်ငန်းကော်မတီ ဦးဆောင်အဖွဲ့မှ ဦးရဲနိုင်အောင်က ဆိုသည်။

“ကျွန်တော့်ပါတီရဲ့ အဓိကမူတစ်ခုက မဟာမိတ် ပေါ်လစီ ကျင့်သုံးရေးပါ။ မဟာမိတ် ပေါ်လစီကျင့်သုံးတဲ့အခါမှာ ကျွန်တော်တို့ ချမှတ်ထားတဲ့မူတွေနဲ့ ညီညွတ်တဲ့၊ ကိုက်ညီတဲ့ ကျွန်တော်တို့နဲ့အတူ လက်တွဲနိုင်မယ့် နိုင်ငံရေး ပါတီတွေနဲ့ လက်တွဲပြီးတော့ မဟာမိတ်မူဝါဒကို ကျင့်သုံးသွားမယ်လို့ ချမှတ်ထားပါတယ်။ အလားတူပဲ မဟာမိတ်မူဝါဒကို ကျင့်သုံးတဲ့အခါမှာ နိုင်ငံရေးပါတီတွေတင်မကပါဘူး။ တိုင်းပြည်ရဲ့မူဝါဒတွေ ပုံဖော်တဲ့နေရာမှာ အရပ်ဘက်အဖွဲ့အစည်းတွေရဲ့ အကြံ ဥာဏ်၊ ပူးပေါင်းဆောင်ရွက်မှုကိုလည်း ရယူ ဆောင်ရွက်သွားဖို့အတွက် ကျွန်တော့်ပါတီအနေနဲ့ မူဝါဒချမှတ်ထားပါတယ်”ဟု ဦးရဲနိုင်အောင်က ပြောကြားသည်။

အဆိုပါရှစ်လေးလုံးပါတီတွင် ၈၈ အရေးတော်ပုံမျိုးဆက်များအပြင် အခြားနိုင်ငံရေး မျိုးဆက်များလည်း ပါဝင်ကြောင်း၊ ပါတီဥက္ကဋ္ဌ အပါအ၀င် ပါတီဝင် အမည်စာရင်းများကို ပြည်ထောင်စုရွေးကောက်ပွဲ ကော်မရှင်မှ ပါတီ မှတ်ပုံတင်ခွင့်ပြုချက်ရပြီးချိန်တွင် ထုတ်ပြန်သွားမည်ဖြစ်ကြောင်း၊ ယခု ရှစ်လေးလုံးပါတီသည် ၈၈ မျိုးဆက် ငြိမ်းချမ်းရေးနှင့် ပွင့်လင်းလူအဖွဲ့အစည်းကို ပါတီထူထောင်ခြင်းမဟုတ်ကြောင်း ဦးကိုကိုကြီးက ဆက်လက်ပြောကြားသည်။

နိုင်ငံရေးပါတီတစ်ရပ် ထူထောင်ခြင်း၏ ပထမလုပ်ငန်းစဉ်တစ်ရပ်အနေဖြင့် တွေ့ဆုံ ဆွေးနွေးပွဲကို မတ်လပိုင်းကုန်က ရန်ကုန်မြို့ရှိ  UMFCCI တွင် ကျင်းပခဲ့ပြီး ဆွေးနွေးပွဲတွင် တိုင်းရင်းသားတန်းတူရေးနှင့် ဖက်ဒရယ်ဒီမို ကရေစီပြည်ထောင်စု ပေါ်ပေါက်ရေး၊ အရပ်ဘက်၊ စစ်ဘက် ဆက်ဆံရေး စသည်တို့နှင့်ပတ်သက်၍ ဦးကျော်ဝင်း၊ ဦးကိုကိုကြီး၊ ဦးစိုင်းညွန့်လွင်၊ ဦးဦးလှစော၊ ဦးမင်းဇင်တို့က ဦးဆောင် ဆွေးနွေးခဲ့ကြပြီး နိုင်ငံသားအခွင့်အရေး၊ ဒီမိုကရေစီနှင့် လူ့အခွင့်အရေး စသည်တို့နှင့်ပတ်သက်၍ ဦးမင်းဇေယျ၊ ဦးတင်မောင်သန်း (သင့်ဘ၀)၊ ဦးဘိုကြည်နှင့် ဦးခင်မောင်ရင်တို့ က ဦးဆောင်ဆွေးနွေးခဲ့ကြသည်။

နိုင်ငံရေးပါတီ ဖြစ်မြောက်ရေးကော်မတီ ဗဟိုအဆင့်ဦးဆောင်အဖွဲ့နှင့် လုပ်ငန်းကော်မတီများ ဖွဲ့စည်းခြင်းအခမ်းအနားကို ရန်ကုန်မြို့ သင်္ဃန်းကျွန်းမြို့နယ်ရှိ ဓမ္မပီယကျောင်းတိုက်တွင် ၂၀၁၇ ခုနှစ် ဇူလိုင်အတွင်း ပြုလုပ်ကာ ဗဟိုလုပ်ငန်းကော်မတီများ ဖွဲ့စည်းခဲ့သည်။

ထို့နောက် နိုင်ငံရေးပါတီသစ်၏ စည်းရုံးရေးလုပ်ငန်းများဆောင်ရွက်ရန် သြဂုတ် ၁၅ ရက်တွင် ဧရာဝတီတိုင်းဒေသကြီး နိုင်ငံရေးပါတီဖြစ်မြောက်ရေးကော်မတီကို ပထမဆုံးဖွဲ့စည်းခဲ့ပြီး ဧရာဝတီတိုင်းဒေသကြီး၏ရုံးခန်းကို ဟင်္သာတမြို့တွင် အောက်တိုဘာ ၁ ရက်က ဖွင့်လှစ်ခဲ့သည်။

ထို့အတူ မကွေးတိုင်းဒေသကြီး နိုင်ငံရေး ပါတီဖြစ်မြောက်ရေးကော်မတီကို စက်တင်ဘာ ၁၁ ရက်က ဖွဲ့စည်းခဲ့ပြီး ပဲခူးတိုင်းဒေသကြီးပါတီဖြစ်မြောက်ရေး ကော်မတီဖွဲ့စည်းခြင်းနှင့် ရုံးခန်းဖွင့်လှစ်ခြင်းကို အောက်တိုဘာ ၄ ရက်က ပြုလုပ်ခဲ့သည်။

အလားတူ စတုတ္ထမြောက်စည်းရုံးရေးအဖြစ်  အောက်တိုဘာ ၂၂ ရက်က မွန်ပြည်နယ်နိုင်ငံရေးပါတီ ဖြစ်မြောက်ရေးကော်မတီအား ဖွဲ့စည်းခဲ့သည့်အပြင် မြို့နယ်အချို့တွင်လည်း ကော်မတီများဖွဲ့စည်းထားသည်။

ထို့ပြင် ဂျပန်နိုင်ငံခြားရေးဝန်ကြီးဌာနနှင့် နီပွန်ဖောင်ဒေးရှင်းတို့၏ဖိတ်ကြားချက်အရ ဗဟိုလုပ်ငန်းကော်မတီဦးဆောင်အဖွဲ့ တာဝန်ခံဦးကိုကိုကြီး ဦးဆောင်သော နိုင်ငံရေးပါတီ ဖြစ်မြောက်ရေးကော်မတီကိုယ်စားလှယ်အဖွဲ့သည် ဂျပန်နိုင်ငံသို့ အောက်တိုဘာလအတွင်းက လေ့လာရေးခရီး သွားရောက်ခဲ့သည်။

ပါတီစုံဒီမိုကရေစီစနစ်သို့ ဦးတည်သွားနေချိန်တွင် နိုင်ငံရေးပါတီများ အားကောင်းလာရန်လိုအပ်ပြီး၊ နိုင်ငံရေးပါတီများအနေဖြင့်လည်း ရင့်ကျက်မှု၊ အမြော်အမြင်ရှိမှု၊ အတွေ့အကြုံရှိမှုများ လိုအပ်ကြောင်း၊ မြန်မာ နိုင်ငံ၏ အနာဂတ်နိုင်ငံရေးသည် ဒီမိုကရေစီ အရေး၊ ဖက်ဒရယ်ပြည်ထောင်စုထူထောင်ရေး တို့နှင့်ပတ်သက်လျှင်ေ၀၀ါးနေသေး၍ ၈၈ မျိုးဆက် ကျောင်းသားခေါင်းဆောင်များအနေဖြင့် အသက်အရွယ်၊  ဖြတ်သန်းလာခဲ့သည့် အတွေ့အကြုံများအရ မြန်မာနိုင်ငံရေးအကူး အပြောင်းတွင် အာဏာရှင်စနစ် ချုပ်ငြိမ်းရေး နှင့် ဒီမိုကရေစီစနစ်ခိုင်မာအားကောင်းလာရေးအတွက် နိုင်ငံရေးပါတီတစ်ရပ်အနေဖြင့် ဆက်လက်ရပ်တည်သွားမည်ဖြစ်ပြီး နိုင်ငံရေးပါတီတစ်ရပ် ပေါ်ထွန်းရေးအတွက် ၈၈ မျိုးဆက်များသာမက ၆၂ မှစ၍ အာဏာရှင် စနစ်ချုပ်ငြိမ်းရေးနှင့် ဒီမိုကရေစီအရေးတိုက် ပွဲဝင်ခဲ့သည့် ရဲဘော်၊ ရဲဘက်များမှ ယုံကြည်ချက်တူသူများအားလုံး ပူးပေါင်းလုပ်ဆောင်နေကြခြင်းဖြစ်ကြောင်း သိရသည်။