ဟင်္သာတမြို့နယ်အတွင်း ပညာရေးဝန်ထမ်းအချို့ လုပ်ပိုင်ခွင့် အလွဲသုံးစားပြု ကိုယ်ကျိုးရှာမှုများ ရှိနေကြောင်း တိုင်ကြားမှုများ ရှိနေ

ဧရာဝတီတိုင်းဒေသကြီး ဟင်္သာတမြို့နယ်အတွင်း ပညာရေးဝန်ထမ်းအချို့ လုပ်ပိုင်ခွင့် အလွဲသုံးစားပြု ကိုယ်ကျိုးရှာမှုများ ရှိနေသည်ဟု တိုင်ကြားမှုများ ရှိနေကြောင်း သိရသည်။

ကျောင်းသားများကို လိုင်စင်ဓာတ်ပုံ လွတ်လပ်စွာ ရိုက်ကူးခွင့်မပြုဘဲ ဆရာ၊ ဆရာမများ ကိုယ်တိုင် (သို့မဟုတ်) ၎င်းတို့နှင့် ဆက်စပ်သူများထံ၌သာ ရိုက်ကူးစေပြီး ကိုယ်ကျိုးရှာမှုများ ရှိနေသည့်အတွက် ထိုသို့တိုင်ကြားခြင်း ဖြစ်ကြောင်း သိရသည်။

“မနှစ်က ကျွန်တော်တို့ ဓာတ်ပုံအသင်းသူ အသင်းသားတွေ သဘောဆန္ဒနဲ့ ကန့်ကွက်တဲ့ စာတစ်စောင် မြို့နယ်ပညာရေးဌာနကို ပေးပို့ထားပါတယ်။ အဲဒါနဲ့ ပတ်သက်လို့ ကျွန်တော်တို့ဆီ ဘယ်လို အကြောင်းပြန်ကြားချက်မှ မလုပ်ခဲ့ပါဘူး။ ဒီနှစ်အနေနဲ့လည်း ကျွန်တော်ကိုယ်တိုင် ကန့်ကွက်တဲ့စာကို ခရိုင်ကို ပေးပို့ထားပါတယ်။ အနီးစပ်ဆုံး ပြောရမယ်ဆိုရင်တော့ အခုလက်ရှိ ဆယ်တန်းဖောင်အတွက် ဆိုပြီးတော့ ကျောင်းတွေမှာ လိုင်စင်ဓာတ်ပုံတွေ ရိုက်ကြတယ်။ ဒီလိုရိုက်ကူးတဲ့ နေရာမှာလည်း တချို့ကျောင်းတွေက ကျောင်းက ဆရာတွေကိုယ်တိုင် ရိုက်တယ်။ တချို့ကျောင်းတွေက အပြင်က ဓာတ်ပုံဆရာနဲ့ ညှိပြီးတော့ အပြင်က သူတို့နဲ့ ပတ်သက်ရာ ပတ်သက်ကြောင်းတွေကို ခေါ်ပြီးတော့ ရိုက်ကြတယ်။ အဲဒီလို ကျောင်းဝင်းထဲမှာ ကျောင်းပရ၀ုဏ်ထဲမှာ ရိုက်ကြတယ် ဆိုတဲ့အခါကျတော့ ၀န်ထမ်း စည်းမျဉ်းစည်းကမ်းအရ မိမိဌာနကို အမှီပြုပြီး စီးပွားမရှာရဘူး ဆိုတဲ့ ၀န်ထမ်းစည်းမျဉ်းနဲ့လည်း ငြိပါတယ်။ နောက်တစ်ခုက စီးပွားရေးဆိုင်ရာ လုပ်ငန်းတွေနဲ့ မပတ်သက်ရဘူးဆိုတဲ့ ၀န်ထမ်း စည်းမျဉ်းစည်းကမ်းနဲ့လည်း ငြိပါတယ်။ အဲဒီလိုလုပ်တဲ့အတွက် ကျွန်တော်တို့ အခွန်ထမ်း လုပ်ငန်းရှင်တွေအနေနဲ့ အများကြီး ထိခိုက်နစ်နာပါတယ်။ ဒါကြောင့်မို့လို့ ကန့်ကွက်ရခြင်း ဖြစ်ပါတယ်။ အဲဒီတော့ ဥပဒေနဲ့လည်း မငြိစွန်းအောင် အထက်တန်းကျောင်းတွေမှာ ဆယ်တန်းဖောင်အတွက် ဓာတ်ပုံရိုက်တဲ့ နေရာမှာ လိုအပ်ချက်အတိုင်းကို ကျောင်းရှေ့မှာ ကြေညာပြီး ကျောင်းသားတွေကို လွတ်လွတ်လပ်လပ် မိမိတို့ကြိုက်နှစ်သက်ရာဆိုင်မှာ သွားရောက် ရိုက်ကူးပြီး ဘယ်နေ့နောက်ဆုံး ကျောင်းကို ယူဆောင်လာခဲ့ရမယ် ဆိုတဲ့ ကြေညာချက်မျိုး လုပ်သင့်ပါတယ်။ အဲဒီလိုလုပ်လိုက်ရင် ကျောင်းသားတွေကလည်း မိမိတို့စိတ်ကြိုက် ရွေးချယ်ခွင့် ရသွားမယ်။ အပြင်ကလူတွေလည်း လုပ်ငန်းသမားတွေလည်း အဆင်ပြေမယ်လို့ ယုံကြည်ပါတယ်”ဟု ဓာတ်ပုံဆရာ ကိုထိုက်ဦးက ပြောကြားသည်။

အဆိုပါကိစ္စနှင့် ပတ်သက်၍ ဟင်္သာတခရိုင် ပညာရေးမှူး ဦးမြင့်ဝင်းထံ သွားရောက် မေးမြန်းရာ ထိုသို့ တင်ပြလာသည့်ကိစ္စအပေါ် လိုအပ်သည့် စိစစ်မှုများ ဆောင်ရွက်နိုင်ရန် မြို့နယ်ပညာရေးမှူးထံ လမ်းညွှန်ထားကြောင်း ပြောကြားသည်။

ယင်းကိစ္စအပေါ် ဟင်္သာတမြို့နယ် ပညာရေးမှူး ဦးတင်လှအား မေးမြန်းရာ “ဆရာကြီး က ဒီရောက်တာ တစ်ပတ်လောက်ပဲ ရှိသေးတော့ တင်ပြလာတဲ့ အချက်အလက်တွေကို မဖတ်ရသေးဘူး။ တင်ပြတဲ့ အချက်အလက်ကလည်း ဒီနေ့အထိ ရုံးကိုရောက်တယ် ဆိုတာလည်း မသိရသေးဘူး။ တင်ပြချက်တွေကို ပြန်လေ့လာပြီး ၀န်ထမ်းတွေအနေနဲ့ ၀န်ထမ်း စည်းမျဉ်းစည်းကမ်းနဲ့အညီ ဆောင်ရွက်ဖို့ မှာကြားပေးမှာပါ” ဟု ပြောကြားသည်။

 

ပညာရေးဝန်ကြီးဌာန အခြေခံပညာဦးစီးဌာန လက်အောက်ရှိ နေ့စားလပေး ရုံးဝန်ထမ်းများ အနည်းဆုံး အခကြေးငွေ ကျပ် ၄၈၀၀ မရရှိသေးသဖြင့် တောင်းဆို

ပညာရေးဝန်ကြီးဌာန အခြေခံပညာ ဦးစီးဌာန လက်အောက်ရှိ နေ့စားလပေး ရုံးဝန်ထမ်းများ အနည်းဆုံး အခကြေးငွေ ကျပ် ၄၈၀၀ မရရှိသေးသဖြင့် ဇွန် ၂၆ ရက်က အခြေခံပညာ ပညာရေးလုပ်သား သမဂ္ဂများ ဖြစ်မြောက်ရေး ဗဟိုလုပ်ငန်း ကော်မတီက ထုတ်ပြန်ချက်တစ်စောင် ထုတ်ပြန်ကာ တောင်းဆိုခဲ့ကြောင်း သိရသည်။

ထုတ်ပြန်ကြေညာချက်တွင် ပြည်ထောင်စု အစိုးရအဖွဲ့၏ အတည်ပြုချက်အရ အနည်းဆုံး အခကြေးငွေကို ယခင်တစ်ရက်လျှင် ကျပ် ၃၆၀၀ နှုန်းထားမှ တစ်ရက်လျှင် ကျပ် ၄၈၀၀ နှုန်းထားသို့ တိုးမြှင့်ပေးခဲ့ကြောင်း၊ အဆိုပါ အမိန့်ကြော်ငြာစာ၏ ပုဒ်မ ၃ တွင် မြန်မာနိုင်ငံရှိ အလုပ်သမားများအတွက် နေရာဒေသနှင့် လုပ်ငန်းအမျိုးအစား မခွဲခြားဘဲ တစ်နိုင်ငံလုံး တစ်ပြေးညီ တစ်နာရီလျှင် ကျပ် ၆၀၀ နှုန်းဖြင့် အလုပ်ချိန် ရှစ်နာရီအတွက် ကျပ် ၄၈၀၀ ကို ပြည်ထောင်စု အစိုးရအဖွဲ့၏ အတည်ပြုချက်ဖြင့် သတ်မှတ်သည်ဟု အတိအလင်း ရေးသားပါရှိကြောင်း ဖော်ပြထားသည်။

ထို့ပြင် အမိန့်ကြော်ငြာစာအရ ၂၀၁၈ ဧပြီမှ စတင်ကာ အနည်းဆုံး အခကြေးငွေ ကျပ် ၄၈၀၀ ကို အခြေခံပြီး  အစိုးရ ၀န်ထမ်းများအား လစာတိုးမြှင့် ပေးခဲ့သော်လည်း ပညာရေး ၀န်ကြီးဌာန အခြေခံပညာ ဦးစီးဌာန လက်အောက်ရှိ နေ့စားလပေးရုံးဝန်ထမ်း ၄,၀၂၂ ဦးမှာ ၂၀၁၃ အနည်းဆုံး အခကြေးငွေ ဥပဒေပုဒ်မ ၂၊ အပိုဒ်ခွဲ (က)(၂) အရ အထက်ပါ တိုးမြှင့်ခံစား ခွင့်ပြုလိုက်သော အနည်းဆုံး အခကြေးငွေကို ယနေ့အထိ ခံစားခွင့် မရရှိသေးကြောင်း ကြေညာချက်တွင် ပါရှိသည်။

ထို့ကြောင့် ရုံးဝန်ထမ်းများ အနေဖြင့် တစ်လလျှင် တစ်သိန်းပင်မပြည့်သော လုပ်ခလစာဖြင့် တာဝန်ထမ်းဆောင် နေခဲ့သည်မှာ နှစ်နှစ်နီးပါး ကြာမြင့်ခဲ့ပြီဖြစ်ကြောင်း၊ ကုန်ဈေးနှုန်း မြင့်မားမှုအရ ယင်းလစာဖြင့် မိသားစု ရပ်တည်နေနိုင်ရန်မှာ မလွယ်ကူကြောင်း ကြေညာချက်တွင် ရေးသားထားသည်။

ထို့ပြင် အပြည်ပြည်ဆိုင်ရာ လူ့အခွင့်အရေး ကြေညာစာတမ်း အပိုဒ် ၂၃၊ ပုဒ်မခွဲ ၂ တွင် လူတိုင်းတွင် ခွဲခြားခြင်း မခံရစေဘဲ တူညီသော အလုပ်အတွက် တူညီသော အခကြေးငွေ ရနိုင်ခွင့်ရှိသည်ဟု ရေးသားထားကြောင်း၊ လက်ရှိအချိန်တွင် တစ်နိုင်ငံလုံး အတိုင်းအတာဖြင့် တိုးမြှင့်ပေးလိုက်သော လုပ်ခလစာကို နိုင်ငံ့ဝန်ထမ်း၊ ပုဂ္ဂလိက ၀န်ထမ်းများအားလုံး ခံစားခွင့်ရှိနေပြီ ဖြစ်သော်လည်း အခြေခံပညာ ဦးစီးဌာန လက်အောက်ရှိ နေ့စားလပေးရုံးဝန်ထမ်း ၄,၀၂၂ ဦးမှာမူ အခွင့်အရေးများ ချိုးဖောက်ခံနေရကြောင်း ထုတ်ပြန်ချက်အရ သိရသည်။

ထို့ကြောင့် ပညာရေး ၀န်ကြီးဌာန အနေဖြင့် အဆိုပါ နေ့စားလပေး ရုံးဝန်ထမ်းများအတွက် တရားမျှတစွာ ဆောင်ရွက်ပေးပြီး ၎င်းတို့ခံစားခွင့်ရှိသော အနည်းဆုံး အခကြေးငွေနှုန်းထားကို  အနည်းဆုံး အခကြေးငွေ ဥပဒေနှင့်အညီ ကျပ် ၄၈၀၀ နှုန်းထားဖြင့် ပြင်ဆင်သတ်မှတ်ပေးရန် တောင်းဆိုကြောင်း ထုတ်ပြန် ကြေညာချက်တွင် ဖော်ပြထားသည်။

 

သပိတ်ကျင်းမြို့နယ် ဇရပ်ကွင်းကျေးရွာ အုပ်ချုပ်ရေးမှူးနှင့် အပေါင်းပါတစ်စုက Grade-2 သင်တန်းမှ ဆရာများအား ဥပဒေမဲ့ ပြုကျင့်မှုအပေါ် မြန်မာနိုင်ငံလုံးဆိုင်ရာ ဆရာဆရာမများ အဖွဲ့ချုပ်က ကြေညာချက် ထုတ်ပြန်ခဲ့ပြီး တာဝန်ရှိသူများ လာရောက်စစ်ဆေး၍ မှားသည့်သူအား အရေးယူရန် ဇရပ်ကွင်းကျေးရွာ အုပ်ချုပ်ရေးမှူး အကြောင်းပြန်

ပြီးခဲ့သည့် မေ ၂၀ ရက် ည ၁၀ နာရီခွဲခန့်က မန္တလေးတိုင်းဒေသကြီး ပြင်ဦးလွင်ခရိုင် သပိတ်ကျင်းမြို့နယ် ဇရပ်ကွင်းကျေးရွာ အထကကျောင်းတွင် Grade-2 မွမ်းမံသင်တန်း တက်ရောက်နေသည့် ကျောင်းဆရာများနှင့် ဒေသခံများအကြား ရုန်းရင်းဆန်ခတ် ဖြစ်ပွားခဲ့သည့် ကိစ္စနှင့်စပ်လျဉ်း၍ ဇရပ်ကွင်းကျေးရွာ အုပ်ချုပ်ရေးမှူးနှင့် အပေါင်းပါတစ်စုက Grade-2 သင်တန်းမှ ဆရာများအား ဥပဒေမဲ့ ပြုကျင့်မှုအပေါ် မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ်က သဘောထား ကြေညာချက် ထုတ်ပြန်ခဲ့ပြီး တာဝန်ရှိသူများ လာရောက်စစ်ဆေး၍ မှားသည့်သူအား အရေးယူပေးရန် ဇရပ်ကွင်းကျေးရွာ အုပ်ချုပ်ရေးမှူးက အကြောင်းပြန်ခဲ့ကြောင်း သိရသည်။

မန္တလေးတိုင်းဒေသကြီး သပိတ်ကျင်းမြို့နယ် ဇရပ်ကွင်းကျေးရွာတွင် ကျေးရွာအုပ်ချုပ်ရေးမှူးနှင့် အပေါင်းပါ တစ်စုသည် ပြီးခဲ့သည့် မေ ၂၀ ရက်ညက ဇရပ်ကွင်း အထကသို့ Grade-2 သင်တန်း တက်ရောက်နေသည့် ဆရာများကို ညပိုင်းဂစ်တာတီးသည်ဟူသော အကြောင်းပြချက်ဖြင့် အပြင်းအထန် ဒဏ်ရာရသည်အထိ ရိုက်နှက်ခြင်း၊ ဆရာများ၏ ဂုဏ်သိက္ခာကို မထောက်ဘဲ လက်ထိပ်နောက်ပြန်ခတ်ခြင်း၊ ကူညီရန် လိုက်လာသည့် ဆရာများကိုလည်း ခြိမ်းခြောက်ပြောဆိုခြင်း စသော ဥပဒေမဲ့ အနိုင်အထက် ပြုကျင့်ခြင်းများ ပြုလုပ်ခဲ့ကြောင်း စိတ်မကောင်းဖြစ်ဖွယ် ကြားသိခဲ့ရသည်။

အဆိုပါ လုပ်ရပ်များကို ပြုကျင့်ခဲ့သော ဇရပ်ကွင်းကျေးရွာ အုပ်ချုပ်ရေးမှူးနှင့် အပေါင်းပါများကို မိမိတို့ မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ် အနေဖြင့် အပြင်းအထန် ကန့်ကွက်ရှုတ်ချကြောင်း၊ ထိုသို့ နိုင်ငံ့ဝန်ထမ်း ဆရာများအပေါ် ဥပဒေမဲ့ အနိုင်အထက် ပြုကျင့်ခြင်းသည် ကာယကံရှင် ဆရာများကို သာမကဘဲ မြန်မာနိုင်ငံ တစ်ဝန်းလုံးရှိ ဆရာ၊ ဆရာမများကိုပါ စော်ကားခြင်း ဖြစ်သည်ဟု မိမိတို့ မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ်အနေဖြင့် ယူဆပါသည်။

ထို့ကြောင့် ဥပဒေမဲ့ အနိုင်အထက် ပြုကျင့်သော အုပ်ချုပ်ရေးမှူးနှင့် အပေါင်းပါများကို မိမိတို့ အဖွဲ့ချုပ် အနေဖြင့် တရားဥပဒေကြောင်းအရ တုံ့ပြန်သွားမည်ဖြစ်ကြောင်း အသိပေးအပ်သည်ဟု မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ်က မေ ၂၂ ရက် နေ့စွဲဖြင့် သဘောထား ကြေညာချက် ထုတ်ပြန်ခဲ့သည်။

ဇရပ်ကွင်းကျေးရွာ ဒေသခံများက ကာလသားတစ်စု သောက်စားပျော်ပါး၍ ဂီတာတီးခတ်နေသဖြင့် ထိန်းသိမ်းပေးရန် ဖုန်းဆက် အကြောင်းကြားသဖြင့် မေ ၂၀ ရက်ည ၁၀ နာရီ ၁၅ မိနစ်ခန့်က ဇရပ်ကွင်းကျေးရွာ ရပ်ကွက် (၁) သို့ ထွက်လာခဲ့ကာ ဂစ်တာတီးနေသည့် လူငယ်များအား မေးမြန်းကြည့်ရာ မိမိတို့ ဒေသခံများ မဟုတ်ဘဲ အခြားနယ်များမှ လာရောက် သင်တန်းတက်နေသည့် ကျောင်းဆရာများ ဖြစ်ကြောင်း သိရသည်။

ထို့ကြောင့် ဇရပ်ကွင်းဒေသသည် နယ်မြေကြမ်းသောဒေသ ဖြစ်သဖြင့် ည ၉ နာရီကျော်ပါက ဂစ်တာတီးခတ်ခြင်း မပြုရန် တားမြစ်ထားကြောင်း အသိပေးခဲ့သည်ဟု ဇရပ်ကွင်း အုပ်ချုပ်ရေးမှူး ဦးစောချစ်ညွန့်က ပြောကြားသည်။

“အဲဒီလို အသိပေးလိုက်တော့ ဂစ်တာလာတီးတဲ့ ကျောင်းဆရာအုပ်စုက အေးအေးဆေးဆေးပဲ။ သူတို့မသိလို့ တီးမိတာပါဆိုပြီး ပြန်ကြတယ်။ သူတို့အုပ်စုက ဆိုင်ကယ်တွေနဲ့ လာကြတာပါ။ ဆယ့်လေးငါးယောက် လောက်ပါတယ်။ နောက်ဆုံး ဆိုင်ကယ်မှာပါတဲ့ သူတစ်ယောက်က ဟာ….ဂစ်တာတီးတာတောင် လာပိတ်တယ်။ မင်းတို့ကောင်တွေ သတ္တိရှိရင် ငါ့ရွာလိုက်ခဲ့။ ဘာညာနဲ့ ဆဲဆိုလိုက်တော့ အခြေအနေကြည့်နေတဲ့ ရွာခံလူငယ်တွေနဲ့ ရုန်းရင်းဆန်ခတ်ဖြစ်ပြီး အဲဒီဆိုင်ကယ်က ကျောင်းဘေးက ကုက္ကိုပင်ကြီးကို ၀င်တိုက်မိသွားတယ်။ ဒါနဲ့ ကျွန်တော်လည်း မဖြစ်တော့ဘူးဆိုပြီး ရဲကင်းမှူးကို ဖုန်းဆက် အကြောင်းကြား၊ သူတုိ့ကိုလည်း ရွာခံတွေနဲ့ ထပ်ရန်မဖြစ်ရအောင် ၀င်တားမြစ်ပြီး ဒေသခံတွေ ကျေနပ်အောင် သူတို့ကို လက်ထိပ်ခတ်ပြီး ကျေးရွာအုပ်ချုပ်ရေးမှူးရုံးကို ခေါ်လာခဲ့ပါတယ်။ ရုံးကိုရောက်တော့ ပညာရေးမှူးကို ဖုန်းဆက် အကြောင်းကြားတယ်။ လက်ထောက် ပညာရေးမှူးလည်း ကျွန်တော်တို့ဘေးနားမှာ ရှိပါတယ်။ ကျွန်တော်က အထက်ကို တင်ပြမယ်ဆိုတော့ ကလေးတွေ အလကားနေရင်း နစ်နာနေပါမယ်။ ဒီမှာပဲ ကျေအေးလိုက်ပါဆိုပြီး ပညာရေးမှူးနဲ့ ဒုပညာရေးမှူးက ပြောတာနဲ့ အဲဒီမှာတင် တစ်ခါတည်း ကျေအေးလွှာ ထိုးပေးလိုက်တယ်။ နောက်ရက်ကျ Facebook ပေါ်မှာ လိုရာဆွဲပြီး တစ်ဖက်သတ် ရေးတင်နေကြတာပါ။ ဒီဖြစ်စဉ်အပေါ် သူတို့ဘက်က အမှုဖွင့်တယ် ဆိုရင်လည်း အဖြစ်မှန်ကို တကယ်စစ်ဆေးလိုက်လို့ သူတို့အတွက် နစ်နာသွားမယ်ဆိုရင် ကျွန်တော့်ဘက်က စိတ်မကောင်း ဖြစ်ရုံပါပဲ။ တာဝန်ရှိသူတွေ လာစစ်ဆေးပါ။ မှားတယ်ဆိုရင် မှားတဲ့သူကို အရေးယူပါလို့ ကျွန်တော့်ဘက်က ပြောချင်ပါတယ်” ဟု ဦးစောချစ်ညွန့်က ပြောကြားသည်။

ဇရပ်ကွင်းဖြစ်စဉ်အား မည်သည့်ဘက်ကမှ လာရောက် အမှုဖွင့် တိုင်ကြားခြင်း မရှိကြောင်း၊ မိမိမှာ အမှုတစ်ခု လိုက်နေသဖြင့် ဖြစ်စဉ်အသေးစိတ်ကို လတ်တလော ဖြေကြားနိုင်သေးခြင်း မရှိကြောင်း ဇရပ်ကွင်း ရဲအုပ်မျိုးမင်းလွင်က အဆိုပါ ဖြစ်စဉ်နှင့် ပတ်သက်၍ ပြောကြားသည်။

လူမှုကွန်ရက်တွင် ကျောင်းဆရာဟု ယူဆရသူ အရပ်ဝတ်ဖြင့် လူငယ်သုံးဦးက ကြမ်းပေါ်တွင် ထိုင်နေသည့်ပုံများ ပျံ့နှံ့နေပြီး ကျောင်းဆရာများက တောင်းပန်သော်လည်း လက်ထိပ်ခတ်၍ ရိုက်နှက်ကာ အုပ်ချုပ်ရေးမှူးရုံးသို့ ခေါ်သွားပြီး အနိုင်ကျင့် ပြောဆိုသောကြောင့် ခံဝန်လက်မှတ် ရေးထိုးခဲ့ကြသည်ဆိုသည့် ရေးသားချက်များ ပျံ့နှံ့နေပြီး တစ်ဆင့် ဖြန့်ဝေသူများ အများအပြား ရှိသည်ကို တွေ့ရသည်။

ဧရာဝတီတိုင်းဒေသကြီး၌ ပညာရေးဝန်ထမ်းအင်အား ၁၆၇၀၀ ကျော် လစ်လပ်နေသဖြင့် ဖြည့်ဆည်းခန့်ထားရန် လိုအပ်

ဧရာဝတီတိုင်းဒေသကြီး၌ ပညာရေးဝန်ထမ်းအင်အား ၁၆၇၀၀ ကျော် လစ်လပ်နေသဖြင့် ဖြည့်ဆည်းခန့်ထားရန် လိုအပ်နေကြောင်း တိုင်းပညာရေးမှူးရုံးမှ ရရှိသည့် စာရင်းများအရ သိရသည်။

ပညာရေးအရာထမ်း၊ အမှုထမ်း ခွင့်ပြုအင်အား ၇၇၁၂၀ ဦး ခန့်ထားရန် လိုအပ်သည့် ဧရာဝတီတိုင်းဒေသကြီး၌ လက်ရှိတွင် ၀န်ထမ်း ၆၀၃၆၁ ဦးသာ ခန့်ထားနိုင်သဖြင့် ၀န်ထမ်းအင်အား ၁၆၇၀၀ ကျော် လိုအပ်နေခြင်းဖြစ်သည်။

“၀န်ထမ်းလိုအပ်ချက်တွေကို ပညာရေးဝန်ကြီးဌာန အစီအမံနဲ့ ဆက်လက်ဖြည့်ဆည်းသွားဖို့ ရှိပါတယ်။ ပြောင်းရွှေ့ဖို့၊ ရာထူးတိုးဖို့ ကိစ္စရပ်တွေနဲ့ပတ်သက်ပြီး အားလုံး လျှောက်လွှာခေါ်ယူထားပြီး ဖြစ်ပါတယ်။ တန်းစီဇယားတွေနဲ့ ဆောင်ရွက်ထားပြီး ဖြစ်ပါတယ်” ဟု ဧရာဝတီတိုင်းဒေသကြီး ပညာရေးမှူးရုံးမှ ဒုညွှန်မှူး(စီမံ) မန်းသိန်းကျော်က ပြောကြားသည်။

ပညာရေးဝန်ထမ်း ပြည့်မီမှုမရှိခြင်းကြောင့် စာသင်ကျောင်းများ၌ အခက်အခဲ ရှိနေသဖြင့် ၀န်ထမ်းအင်အား တိုးမြှင့်ခန့်ထားနိုင်ရေးနှင့် အရည်အသွေးပြည့်မီနိုင်ရေး ဆောင်ရွက်သင့်ကြောင်း ဧရာဝတီတိုင်းဒေသကြီး လွှတ်တော်ကိုယ်စားလှယ် ဦးသော်ဇင်ဝင်းက သုံးသပ်ပြောကြားသည်။

“ကျွန်တော်တို့ အများစုတွေ့ရတာက ၀န်ထမ်းအင်အားနည်းတာပေါ့။ ၀န်ထမ်း အင်အားနည်းတဲ့ အခါကျတော့ တချို့ကျောင်းလေးတွေမှာဆိုရင် ကျောင်းအုပ်ကြီး အပါအ၀င် ကျောင်းဆရာမ နှစ်ယောက်၊ သုံးယောက်လောက်ပဲ တွေ့ရတယ်။ အဲဒီကြားထဲမှာမှ မွမ်းမံသင်တန်းသွားတဲ့အခါမျိုးဆိုရင် ဆရာမကြီးနဲ့ လက်ထောက်လောက်ကပဲ ထိန်းထားရတယ်။ တစ်နှစ်ပတ်လုံး ကျောင်းသား ၁၀၀၊ ၅၀ ပတ်လည်ကို ထိန်းထားရတဲ့ အခြေအနေမျိုးရှိတယ်။ နောက်တစ်ခုက အလယ်တန်းကနေ တွဲဖက်ဖြစ်လာတဲ့ ကျောင်းတွေမှာဆိုရင် သက်ဆိုင်ရာဘာသာရပ်ကို သင်ကြားနိုင်တဲ့ ဆရာ၊ ဆရာမ အားနည်းလာတယ်။ အားနည်းတဲ့အခါကျတော့ ဘာသာရပ်တွေကို ထိရောက်စွာ သင်ကြားပေးနိုင်မှု မရှိတာ တွေ့ရတယ်။ အဓိက ခြုံပြောရမယ်ဆိုရင် ကျောင်းသားအင်အားနဲ့ သက်ဆိုင်ရာ ဘာသာရပ်သင် ဆရာ၊ ဆရာမ အင်အားဟာ မျှတမှု အင်မတန်နည်းနေတယ်။ ဒါကို တိုးမြှင့်ခန့်ထားနိုင်ရေးနဲ့ အရည်အသွေး ပြည့်မီနိုင်ရေးကို ကြိုးစားသင့်တယ် ထင်ပါတယ်” ဟု ဧရာဝတီတိုင်းဒေသကြီး လွှတ်တော်ကိုယ်စားလှယ် ဦးသော်ဇင်ဝင်းက ပြောကြားသည်။

ဧရာဝတီတိုင်းဒေသကြီးအတွင်း မြို့နယ် ၂၆ မြို့နယ်၌ အခြေခံပညာအဆင့် စာသင်ကျောင်း ၆၉၈၇ ကျောင်းရှိပြီး ကျောင်းသားကျောင်းသူ ၁၁ သိန်း ၈ သောင်းကျော်အား ဆရာ၊ ဆရာမ ဦးရေ ၅၄၃၀၀ ကျော်မှ ပညာသင်ကြားပေးလျက်ရှိကြောင်း သိရသည်။

ရခိုင်ပြည်နယ် မောင်တောနှင့် ဘူးသီးတောင်မြို့နယ်တွင် တာဝန်ထမ်းဆောင်နေသည့် ပညာရေးဝန်ထမ်း၊ ဆရာဆရာမများ၏ လုံခြုံရေးကို အစိုးရက တာဝန်ယူထား

ရခိုင်ပြည်နယ် မောင်တောနှင့် ဘူးသီးတောင်မြို့နယ်များတွင် တာဝန်ထမ်းဆောင်နေသည့် ပညာရေးဝန်ထမ်းများ၊ ဆရာဆရာမများ၏ လုံခြုံရေးကို အစိုးရက တာဝန်ယူ ဆောင်ရွက်ထားကြောင်း ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေးကော်မတီ၏ လုပ်ငန်းဆောင်ရွက်မှု အစီရင်ခံစာတွင် ဖော်ပြချက်အရ သိရသည်။

အဆိုပါ အစီရင်ခံစာအရ ရခိုင်ပြည်နယ်အတွင်းရှိ အခြေခံပညာ ကျောင်းသားကျောင်းသူ ၂၁၈၉ ဦးအတွက် ပညာသင်စရိတ် ကျပ် ၂၈ ဒသမ ၅၃ သန်းနှင့် ကျပ်ရှစ်သန်းတန်ဖိုးရှိ ကျောင်းဝတ်စုံအထည် ၄၀၀၀ ထောက်ပံ့ခဲ့ကြောင်း၊ ရခိုင်ပြည်နယ် မောင်တောမြို့နယ်နှင့် ဘူးသီးတောင်မြို့နယ်ရှိ ဆရာဆရာမ ၄၅၀ အတွက် ကျပ် ၂၂ ဒသမ ၅ သန်း ထောက်ပံ့ခဲ့ပြီး ၀န်ထမ်းများ၏လုံခြုံရေးကို အစိုးရအနေဖြင့် တာဝန်ယူ ဆောင်ရွက်လျက်ရှိကြောင်း၊ ဒေသနေ အဝေးသင်တက္ကသိုလ် မွတ်စလင် ကျောင်းသားကျောင်းသူများ စာမေးပွဲ ဖြေဆိုနိုင်ရေးအတွက် အစိုးရစက်မှုလက်မှုသိပံ္ပ (သံတွဲ) တွင် ၂၀၁၇ ခုနှစ် အောက်တိုဘာ ၂၇ ရက်မှ နိုဝင်ဘာ ၂၉ ရက်အထိ အဝေးသင် တက္ကသိုလ်ကျောင်းသားကျောင်းသူ ၆၁ ဦးကို အနီးကပ်သင်တန်းများ ဖွင့်လှစ်ပို့ချပြီး စာမေးပွဲဖြေဆိုနိုင်ရေး ဆောင်ရွက်ခဲ့ကြောင်း သိရသည်။

အဝေးသင်တက္ကသိုလ် (စစ်တွေဌာနခွဲ) တွင် မွတ်စလင်ကျောင်းသားကျောင်းသူကိုးဦး၊ (တောင်ကုတ်ဌာနခွဲ) တွင် မွတ်စလင်ကျောင်းသား ကျောင်းသူ ၃၉ ဦးတို့ကို ကျောင်းဝင်ခွင့် ဆောင်ရွက်ပေးခဲ့ကြောင်း၊ ဒေသနေ မွတ်စလင်အသိုင်းအ၀ိုင်းရှိ ကလေးသူငယ်များအား အခြေခံ မြန်မာစာအပြော၊ အရေး၊ အဖတ်ကျွမ်းကျင်စေရေးအတွက် အခြေခံစာတတ်မြောက်ရေး လုပ်ငန်းကို Pilot Project အဖြစ် ရွှေဇား၊ မောင်နီရွာ၊ ပန်းတောပြင်၊ ရွှေဇားစေတီပြင်နှင့် သရက်အုပ်ကျေးရွာများတွင် သတ်မှတ်ဆောင်ရွက်ပေးခဲ့ကြောင်းနှင့် IDP စခန်းများမှ ကျောင်းသား ကျောင်းသူများ ပညာသင်ကြားရေးအတွက် သက်ကယ်ပြင်ရွာမ (မူလွန်) ကျောင်း၊ သင်ဂနက် (မူလွန်) ကျောင်း၊ သာယာကုန်း (မူလွန်) ကျောင်းများ ဖွင့်လှစ်ထားရှိကြောင်း သိရသည်။