ရာထူးမှ ထုတ်ပယ်ခံရသည့် ဒေါ်ငြိမ်းကျေးရွာ အထက်တန်း ကျောင်းအုပ်ဆရာကြီးက ပညာရေးဝန်ကြီးထံ အယူခံလွှာ တင်ပြထားမှုအပေါ် ပြန်လည်အကြောင်းပြန်ခြင်း မရှိသည့်အတွက် သတင်းစာရှင်းလင်း

ဖျာပုံမြို့နယ် ဒေါ်ငြိမ်းကျေးရွာ အခြေခံပညာ အထက်တန်းကျောင်းမှ ကျောင်းအုပ်ဆရာကြီးဖြစ်သူ ဦးကြည်သင်းအား ကျောင်းသားများထံမှ အလှူငွေ ကောက်ခံသည် ဟုဆိုကာ ရာထူးမှ ထုတ်ပယ်ခဲ့ခြင်းနှင့် ပတ်သက်၍ ပညာရေးဝန်ကြီးထံ အယူခံလွှာ တင်သွင်းထားခြင်းကို ယနေ့အထိ အကြောင်းပြန်ကြားခြင်း မရှိသည့်အပေါ် စက်တင်ဘာ ၄ ရက်က ပုသိမ်မြို့တွင် သတင်းစာရှင်းလင်းခဲ့ပြီး ရာထူးမှထုတ်ပယ်မှုနှင့် ပတ်သက်၍ တရားလွှတ်တော်သို့ အယူခံလွှာ တင်သွင်းမည်ဖြစ်ကြောင်း သတင်းရရှိသည်။

ဖြစ်စဉ်မှာ ဒေါ်ငြိမ်းကျေးရွာ အခြေခံပညာ အထက်တန်းကျောင်းမှ ကျောင်းအုပ်ဆရာကြီးဖြစ်သူ ဦးကြည်သင်းအား ဧပြီ ၁၈ ရက် နေ့စွဲပါ အမိန့်စာဖြင့် ဆရာကြီး ဦးကြည်သင်းမှာ တိုင်ကြားချက်များအရ အုတ်တံတိုင်း ဆောက်လုပ်ရန်အတွက် အတန်းအသီးသီးမှ အလှူခံခဲ့ခြင်း၊ ရှပ်တာလမ်း (ကျောင်း အ၀င်လမ်းမ) ကွန်ကရစ် ခင်းရန်အတွက် ကျောင်းသားမိဘများထံမှ အလှူခံခဲ့ခြင်း၊ ၀ါဆိုသင်္ကန်း ကပ်လှူရန်အတွက် အတန်းအသီးသီးမှ သင်္ကန်း ၈၃ စုံနှင့် ကျပ် ၈၉၃၅၅၀ အလှူခံခြင်း၊ တက္ကသိုလ်ဝင် စာမေးပွဲ ဖြေဆိုခွင့် လျှောက်လွှာအတွက် ကျပ် ၂၀၀၀ ကောက်ခံခြင်းတို့ကြောင့် နိုင်ငံ့ဝန်ထမ်း နည်းဥပဒေ အခန်း ၁၅ နည်းဥပဒေ ၁၆၂ နည်းဥပဒေခွဲ (ဃ)အရ ဥပဒေနှင့်အညီ ထုတ်ပြန်ထားသည့် အမိန့်ညွှန်ကြားချက်များကို လိုက်နာရန် ပျက်ကွက်သည့်အတွက် ရာထူးမှ ထုတ်ပယ်လိုက်သည်ဟု အမိန့်စာ ထုတ်ပြန်ခဲ့ကြောင်း၊ ယင်းအမိန့်စာတွင် ပါဝင်သည့် စွပ်စွဲချက်များမှာ မှန်ကန်မှုမရှိဘဲ တိုင်းဒေသကြီး ပညာရေးဌာနက ဌာနတွင်း စုံစမ်းစစ်ဆေးခဲ့စဉ်ကလည်း အဖြစ်မှန် ပေါ်ပေါက်ပြီးဖြစ်ကြောင်း၊ ယခုစွပ်စွဲထားသည့် စွပ်စွဲချက် လေးချက်တွင် အုတ်တံတိုင်း ဆောက်လုပ်ရန်အတွက် အတန်းအသီးသီးမှ အလှူခံခဲ့ခြင်းမှာ မဟုတ်မှန်ဘဲ ကျောင်းအကျိုးတော်ဆောင်နှင့် ဆရာ ဆရာမများက စုပေါင်းလှူဒါန်း ခဲ့ခြင်းသာဖြစ်ပြီး ကျောင်းသူ ကျောင်းသား အချို့က အလှူငွေ ထည့်ဝင်ခဲ့ခြင်းသာ ဖြစ်ကြောင်း၊ ရှပ်တာကွန်ကရစ်လမ်း ခင်းခြင်းမှာလည်း ကျောင်းသား ကျောင်းသူများ သွားလာရေး ခက်ခဲမှုကို မိဘများက ကျောင်းအကျိုးတော်ဆောင်နှင့် ပူးပေါင်းလှူဒါန်း ခဲ့ခြင်းသာဖြစ်ကြောင်း၊ ၀ါဆိုသင်္ကန်း ကပ်လှူခြင်းမှာလည်း ပညာရေး ၀န်ကြီးဌာန၏ ကျောင်းပြက္ခဒိန်အရ ကျောင်းသား ကျောင်းသူပေါင်း ၁၇၀၀ ကျော်က စုပေါင်းဝါဆိုသင်္ကန်း ကပ်လှူပွဲသာဖြစ်ပြီး အလှူငွေအား မထည့်မနေရ ကောက်ခံခဲ့ခြင်း၊ အလှူငွေ ထည့်ဝင်စေရန် ခိုင်းစေခဲ့ခြင်း မရှိကြောင်း၊ တက္ကသိုလ်ဝင်စာမေးပွဲ လျှောက်လွှာအတွက် ကျပ် ၂၀၀၀ ကောက်ခံခြင်းမှာလည်း ၎င်း၏ညွှန်ကြားချက် မဟုတ်ဘဲ ၎င်းသင်တန်း တက်ရောက်နေစဉ် တက္ကသိုလ်ဝင် စာမေးပွဲ လျှောက်လွှာများ တင်ရန်အတွက် ရန်ကုန်မြို့သို့ အကြိမ်ကြိမ် သွားရောက်ရသည့် ကုန်ကျစရိတ်များ အတွက် ကျောင်းအကျိုးတော်ဆောင်နှင့် ကျောင်းရှိ ဆရာဆရာမများ တိုင်ပင်ကာ ကောက်ခံခဲ့ခြင်းသာ ဖြစ်ကြောင်း၊ ယင်းစွပ်စွဲချက်များအတွက် တိုင်တန်းမှုများ ရှိခဲ့ပြီးနောက် တိုင်းပညာရေးဌာနက ဌာနတွင်း လာရောက် စစ်ဆေးစဉ်ကလည်း အပြစ်မရှိဟု ဆုံးဖြတ်ခဲ့ပြီးမှ ယခုကဲ့သို့ ရာထူးမှ ထုတ်ပယ်ခံခဲ့ရခြင်းမှာ မတရားသောကြောင့် ပြန်လည်စိစစ်ပေးရန် ဆရာကြီး ဦးကြည်သင်းက ပညာရေးဝန်ကြီးထံ အယူခံလွှာ တင်သွင်းခဲ့သော်လည်း မည်သည့် အကြောင်းပြန်ကြားခြင်း မရှိသောကြောင့် ယခုကဲ့သို့ သတင်းစာ ရှင်းလင်းပွဲ ပြုလုပ်ရခြင်းဖြစ်ကြောင်း သိရသည်။

“၅ လပိုင်း ၁၄ ရက်မှာ စာတင်ခဲ့တယ်။ အခုထိ ဘာမှမထူးလို့ အခုကျွန်တော် ပညာရေးမြှင့်တင်မှုကော်မတီ ဥက္ကဋ္ဌဆီကို စာတင်လိုက်တာက ၇ လပိုင်း ၃၀ ရက်နေ့။ ကျွန်တော့်စာ ရောက်တယ်ဆိုတာ ကျွန်တော်သိတယ်။ မေးကြည့်တော့ စာရောက်ပါပြီတဲ့။ နောက်တစ်ခါ သူကနေတစ်ဆင့် ပညာရေးဝန်ကြီးကို စာနဲ့လှမ်းပြီးတော့ မေးလိုက်ပါပြီတဲ့။ ပြီးခဲ့တဲ့ သောကြာနေ့က ပြောခဲ့တာ။ ဒါပေမဲ့ အခုချိန်အထိ ကျွန်တော့်ဆီကို အကြောင်းပြန်ခြင်း မရှိဘူး။ အယူခံကို လက်မခံဘူး ဆိုရင်လည်း တရားလွှတ်တော်ချုပ်ကို ကျွန်တော်သွားမှာ” ဟု ဆရာကြီး ဦးကြည်သင်းက ပြောကြားသည်။

ဆရာကြီး ဦးကြည်သင်းအား ရာထူးမှထုတ်ပယ်သည့် ဖြစ်စဉ်နှင့်ပတ်သက်၍ အခြေခံပညာ ပညာရေးဝန်ထမ်း ၄၀၀၀ ကျော်က ယခုလို ရာထူးမှ ထုတ်ပယ်ခြင်းမှာ တရားမျှတမှု မရှိကြောင်း လက်မှတ်ရေးထိုးပြီး ပညာရေးဝန်ကြီးထံ တောင်းဆိုမှုပြုလုပ်ရန် စီစဉ်လျက်ရှိကြောင်း သိရသည်။

 

အခြေခံပညာရေး ဥပဒေမူကြမ်းကို အဆောတလျင် အတည်မပြုရန်နှင့် ပြင်ဆင်ပေးရန် အခြေခံနှင့်အဆင့်မြင့် ပညာရေးဆိုင်ရာပူးပေါင်းဆောင်ရွက်ရေးကော်မတီ တောင်းဆို

အခြေခံပညာရေးဥပဒေမူကြမ်းကို အဆောတလျင် အတည်မပြုရန်နှင့် ပြင်ဆင်ပေးရန် အခြေခံနှင့် အဆင့်မြင့်ပညာရေးဆိုင်ရာ ပူးပေါင်းဆောင်ရွက်ရေးကော်မတီက သြဂုတ် ၁၉ ရက်က ရန်ကုန်တက္ကသိုလ် ဆရာ ဆရာမများသမဂ္ဂရုံးခန်းတွင် ပြုလုပ်သော  အခြေခံပညာရေးဥပဒေမူကြမ်းအား သုံးသပ်ဆွေးနွေးပွဲတွင် တောင်းဆိုခဲ့ကြောင်း သိရသည်။

ပြည်ထောင်စုလွှတ်တော်က ပြဋ္ဌာန်းထားသော အခြေခံပညာဥပဒေမူကြမ်းသည် ဗဟိုချုပ်ကိုင်မှုများခြင်း၊ အခြေခံဆရာ ဆရာမများ၏ အဖွဲ့အစည်းများ မပါဝင်ခြင်းကြောင့်  ပညာရေးနယ်ပယ်တွင် လက်တွေ့ဆောင်ရွက်နေသော ပညာရှင်များ၏ အကြံဥာဏ်ဖြင့် ရေးဆွဲသင့်ကြောင်း အခြေခံနှင့်အဆင့်မြင့် ပညာရေးဆိုင်ရာ ပူးပေါင်းဆောင်ရွက်ရေးကော်မတီမှ ဆရာဦးမင်းမင်းထွဋ်က ပြောကြားသည်။

“အခြေခံပညာရေးဥပဒေမူကြမ်းကို အဆောတလျင် အတည်မပြုပါနဲ့။ ကျွန်တော်တို့ အခြေခံပညာရေးလုပ်သားများ၏ အသံကို နားထောင်ပြီး ပြင်ဆင်သင့်တာတွေကို ပြင်ဆင်ပေးပါ။ ဆရာဆရာမများ၏ ဘ၀လုံခြုံရေးကိုပါ အာမခံချက်တွေပေးနိုင်မယ့် ဥပဒေတွေ ပြဋ္ဌာန်းပေးရမယ်။ ပညာရေးဝန်ကြီးက ဥက္ကဋ္ဌ၊ ညွန်ချုပ်က အတွင်းရေးမှူးဖြစ်နေတယ်။ ဒါတွေဟာ ဗဟိုချုပ်ကိုင်မှုများတယ်ဆိုတာ ဖော်ပြနေတယ်။ အဲဒါကို လုံးဝလျှော့ချပေးဖို့လိုမယ်။  အခြေခံပညာရေးဥပဒေမူကြမ်းကို ပြင်ဖို့ စောင့်ပေးစေချင်တယ်။ အခြေခံနဲ့ အဆင့်မြင့်ပညာရေးဆိုင်ရာ ပူးပေါင်းဆောင်ရွက်ရေး ကော်မတီက တောင်းဆိုချက်အသံတွေကို အစိုးရက နားထောင်ပေးဖို့လိုမယ်” ဟု ဆရာဦးမင်းမင်းထွဋ်က ပြောကြားသည်။

ထို့ပြင် အခြေခံပညာရေးဥပဒေမူကြမ်းတွင် ပါရှိသော အခြေခံပညာရေးကောင်စီအခန်းများကို ပြင်ဆင်ရန်လိုခြင်း၊ သင်ရိုးညွန်းတမ်းကော်မတီများ၊ ဆရာဆရာမများ၏ပြောင်းရွှေ့ခြင်းနှင့် ရာထူးတိုးမူဝါဒများကိုပါ ပြင်ဆင်ရန် လိုအပ်လျက်ရှိကြောင်း၊ ပြည်နယ် နှင့် တိုင်းများတွင် ကျောင်းသုံး ပုံနှိပ်စာအုပ်များ မရရှိခြင်းများ ဖြစ်ပွားနေသည်ကို ပြုပြင်ပေးရန်နှင့် အခြေခံပညာရေး ဥပဒေ မူကြမ်း ရေးဆွဲရာတွင် အခြေခံပညာရေး လုပ်သား ဆရာဆရာမများ ပါဝင်သင့်ကြောင်း ၎င်းက ဆက်လက်ပြောကြားသည်။

အခြေခံနှင့် အဆင့်မြင့်ပညာရေးဆိုင်ရာ ပူးပေါင်းဆောင်ရွက်ရေးကော်မတီ၏ သုံးသပ်ဆွေးနွေးများမှရရှိသော အခြေခံပညာရေး ဥပဒေမူကြမ်းများကို ပြည်သူ့လွှတ်တော်၊ အမျိုး သားလွှတ်တော်များအပြင် ပညာရေးဝန်ကြီး ဌာနများသို့ ပေးပို့ ဆောင်ရွက်သွားမည်ဖြစ်ကြောင်း၊ ပညာရေးကဏ္ဍ ဖွံ့ဖြိုးတိုး တက်ရေးအတွက် ပညာရေးကဏ္ဍများတွင် နည်းပေါင်းစုံမှ ပါဝင်ပတ်သက်နေများ၏ ထုတ်ပြန်ချက်၊ အကြံပြုချက်များကို လေးစားလိုက်နာပြီး အခြေခံပညာရေးဥပဒေမူကြမ်းကို ပြင်ဆင်ဆောင်ရွက်သင့်ကြောင်း အခြေခံပညာ ပညာရေးလုပ်သားသမဂ္ဂများ ဖြစ်မြောက်ရေး ဗဟိုလုပ်ငန်းကော်မတီ၏ အကြံပြုသုံးသပ်ချက်တွင် ဖော်ပြထားသည်။

အခြေခံနှင့်အဆင့်မြင့်ပညာရေးဆိုင်ရာ ပူးပေါင်းဆောင်ရွက်ရေးကော်မတီက ကြီးမှူးကျင်းပသော အခြေခံပညာရေးဥပဒေမူကြမ်း သုံးသပ်ဆွေးနွေးပွဲကို တက္ကသိုလ်ဆရာများသမဂ္ဂမှ ဆရာများ ၊ အခြေခံပညာ ပညာရေးလုပ်သားသမဂ္ဂများ ဖြစ်မြောက်ရေး ဗဟိုလုပ်ငန်းကော်မတီမှ ဆရာဆရာမများ၊ NNER မှ ကိုယ်စားလှယ်များ၊  အခြေခံနှင့် အဆင့်မြင့်ပညာရေးဆိုင်ရာ ပူးပေါင်းဆောင် ရွက်ရေးကော်မတီ၏ ဥပဒေပညာရှင်များ တက်ရောက်ဆွေးနွေးခဲ့ကြပြီး ဆွေးနွေးပွဲ ရလဒ်များကို နိုင်ငံတော်သမ္မတရုံး၊ နိုင်ငံတော် အတိုင်ပင်ခံရုံးများသို့ ပေးပို့မည်ဖြစ်ကြောင်း သိရသည်။

 

တပ်မတော်အစိုးရကာလကို ပညာရေးအမှောင်ခေတ်ဟု သုံးနှုန်းခဲ့ခြင်းအပေါ် ကန့်ကွက်ကြောင်းနှင့် မှတ်တမ်းမှဖြုတ်ချပေးရန် ပြည်ခိုင်ဖြိုးပါတီ လွှတ်တော်ကိုယ်စားလှယ် ပြည်သူ့လွှတ်တော်သို့ တင်ပြ

နေပြည်တော်တွင် သြဂုတ် ၁၄ ရက်က ကျင်းပသည့် ပြည်သူ့လွှတ်တော် အစည်းအဝေးအပြီး လွှတ်တော်ကိုယ်စားလှယ်များအား တွေ့ရစဉ်

တပ်မတော်အစိုးရကာလကို ပညာရေး အမှောင်ခေတ်ဟု သုံးနှုန်းခဲ့ခြင်းအပေါ်  ကန့်ကွက်ကြောင်းနှင့် မှတ်တမ်းမှ ဖြုတ်ချပေးရန် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ မင်းကင်းမဲဆန္ဒနယ် ပြည်သူ့လွှတ်တော် ကိုယ်စားလှယ် ဦးမောင်မြင့်က ပြည်သူ့လွှတ်တော်သို့ တင်ပြခဲ့သည်။

နေပြည်တော်၌ သြဂုတ် ၁၄ ရက်က ပြုလုပ်သော ဒုတိယအကြိမ် ပြည်သူ့လွှတ်တော် န၀မပုံမှန်အစည်းအဝေး န၀မနေ့တွင် တောင်တွင်းကြီးမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးမင်းသိန်းက အခြေခံ ပညာရေးကဏ္ဍတွင် အမျိုးသားဆရာဦးရေ သိသာစွာ ကျဆင်းနေသည့်အတွက် အမျိုးသားဆရာ ဦးရေတိုးချဲ့ခန့်ထားရန် သင့်လျော်သော အစီအစဉ်များ ဆောင်ရွက်ထား ခြင်း ရှိ/မရှိ မေးမြန်းရာတွင် စကားလုံး အသုံးအနှုန်းနှင့် ပတ်သက်၍ ဦးမောင်မြင့်က အထက်ပါအတိုင်း ကန့်ကွက်ကြောင်း တင်ပြခဲ့ခြင်း ဖြစ်သည်။

“တင်ပြချက်နဲ့ ပတ်သက်ပြီးတော့ မဆီလျော်တဲ့ အကြောင်းပြချက်တွေ ခိုင်လုံအထောက်အထားမပါတဲ့ ယူဆချက်တွေ မသင့်လျော်တဲ့ အသုံးအနှုန်းတွေ ဂုဏ်သရေကို ထိခိုက်စေတဲ့ ဖော်ပြချက်တွေ မပါရှိတဲ့ မေးခွန်းဖြစ်ရမယ်ဆိုတဲ့ အချက်တွေအရ စောစောကမေးမြန်းသွားတဲ့ တောင်တွင်းကြီးမဲဆန္ဒနယ်မှ ဦးမင်းသိန်းမေးသွားတဲ့ အထဲမှာ နှုတ်ချော်ပြီး တပ်မတော်အစိုးရ ကာလကို ပညာရေးအမှောင်ခေတ်ဆိုပြီး ပြောသွားတာကို ကျွန်တော်ကန့်ကွက်တာပါ။ ဒီလိုမဆီလျော်တဲ့ စကားလုံးအသုံးအနှုန်း၊ ပြီးခဲ့တဲ့ အစိုးရအပေါ် ပြက်ရယ်ပြုတဲ့ အသုံးအနှုန်း ရှုတ်ချတဲ့အသုံးအနှုန်းတွေကို မှတ်တမ်းတင်ထားမယ်ဆိုရင် လွှတ်တော်လည်း မကောင်းပါဘူး။ ဒါကြောင့် ပညာရေး အမှောင်ခေတ်ဆိုတဲ့ အသုံးအနှုန်းကို ဖြုတ်ချပေးဖို့အတွက် တင်ပြအပ်ပါတယ်” ဟု ဦးမောင်မြင့်က ပြောကြားသည်။

ထိုသို့ ပြည်ခိုင်ဖြိုးပါတီ၏ ပြည်သူ့လွှတ်တော်ကိုယ်စားလှယ် ဦးမောင်မြင့်၏ တင်ပြချက်နှင့်ပတ်သက်၍ ပြည်သူ့လွှတ် တော်ဥက္ကဋ္ဌ ဦးတီခွန်မြတ်က ပညာရေး အမှောင်ဆိုသည့် စကားလုံးကို လွှတ်တော်မှတ်တမ်းမှ ပယ်ဖျက်ရန် ဆုံးဖြတ်ကြောင်း ပြောကြားခဲ့သည်။

ကျောင်းဆရာဦးရေ မသိမသာ လျော့ပါးလာခြင်းသည် ၁၉၈၈ ခုနှစ် နောက်ပိုင်းကာလတွင် ပိုမိုသိသာလာပြီး ပညာရေး အမှောင်ခေတ်ကြီးတွင် ကျောင်းဆရာလုပ်ရခြင်းကိုစိတ်နာ၍ ပညာရေးလောကကို ကျောခိုင်းထွက်သွားခဲ့ကြသူများစွာ ရှိခဲ့ဖူးကြောင်း၊ ယနေ့ အခြေအနေတွင်လည်း ပညာရေးကောလိပ် ပညာရေးတက္ကသိုလ်များကို လျှောက်ထားသင်ယူကြသည့် ကျောင်းသားသည် ရှားပါးကြောင်း တောင်တွင်းကြီးမဲဆန္ဒနယ်မှ ဦးမင်းသိန်းက မေးခွန်းမေးရာတွင် ထည့်သွင်းပြောကြားခဲ့သည်။

“၁၉၈၈ နောက်ပိုင်းမှာ ကျောင်းဆရာတွေက တက္ကသိုလ်တွေက ထွက်ကြတာ အများကြီးပဲ။ အခြေခံပညာကဏ္ဍာမှာလည်း ထွက်ကြတာ အများကြီးပဲ။ အခုလည်း လုပ်ချင်တဲ့သူတွေကရှားနေတာ။ ဒါကြောင့် ပညာရေး အမှောင်ခေတ်ဆိုတဲ့ စကားလုံးကို သုံးလိုက်တာ။ အဲဒီမှာ အမှောင်ခေတ်ဆိုတဲ့ စကားလုံးကို မကြိုက်ပါဘူး မသုံးသင့်ပါဘူးဆိုပြီး ထပြီးကန့်ကွက်တာပါ။ အမှောင်ခေတ်ရဲ့ သဘောက လွတ်လပ်စွာ ပညာသင်ကြားခွင့် ဆုံးရှုံးတာလည်း အမှောင်ခေတ်ပဲ။ စစ်မှန်တဲ့ ပညာသင်ကြားခွင့် ဆုံးရှုံးတာလည်း အမှောင်ခေတ်ပဲ။ ပညာရေး အခွင့်အလမ်းကင်းမဲ့တာလည်း အမှောင်ခေတ်ပဲ။ ပညာရေး အသုံးစရိတ်နည်းပါးတာလည်း အမှောင်ခေတ်ပဲ။ ဒါကို ရည်ရွယ်တာ။ သို့သော်လည်း ၈၈ နောက်ပိုင်းဆိုတဲ့ စကားလုံးကို သုံးလိုက်တော့ ထကန့်ကွက်တာ။ အဲဒါပါပဲ” ဟု ဦးမင်းသိန်းက ဆိုသည်။

ပြည်သူ့လွှတ်တော် ဥက္ကဋ္ဌ ဦးတီခွန်မြတ်က မေးခွန်းရှင်အား သတိပေးပြောဆိုခြင်း ပြုလုပ်ခဲ့ပြီးဆောင်ရန်၊ ရှောင်ရန်ကိစ္စရပ်များနှင့် လိုက်နာရမည့် အချက်များကို ပြောကြားခဲ့သည်။

အလွတ်ကျက် ပညာရေးစနစ်အား ပြုပြင်ပြောင်းလဲရမည်ဖြစ်ပြီး ကိုယ်ပိုင်အတွေးအခေါ်ကို အသုံးပြုနိုင်သည့် ပညာရေးစနစ် ပြုစုပျိုးထောင်ရမည် ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား

ဓာတ်ပုံ – ဌေးလှအောင်

မြန်မာနိုင်ငံ၏ ပညာရေးစနစ်တွင် လက်ရှိအသုံးပြုနေသည့် အလွတ်ကျက်၍ အမှတ်ယူပညာရေးစနစ်ကို ပြုပြင်ပြောင်းလဲရမည်ဖြစ်ပြီး ကိုယ်ပိုင်အတွေးအခေါ်ကို အသုံးပြုနိုင်ခွင့် ရရှိသည့် ပညာရေးစနစ်ကို ပြုစုပျိုးထောင်ရမည် ဖြစ်ကြောင်း သြဂုတ် ၁၁ ရက် နံနက်ပိုင်းက မန္တလေးတက္ကသိုလ် ဘွဲ့နှင်းသဘင်ခန်းမ၌ ကျင်းပသည့် လူငယ်ဘက်စုံ ဖွံ့ ဖြိုးရေးပွဲတော် စာပေစကားဝိုင်းတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

မန္တလေးမြို့ရှိ မန္တလေးတက္ကသိုလ်တွင် သြဂုတ် ၁၁ ရက်မှ ၁၃ ရက်အထိ သုံးရက်ကြာ ကျင်းပလျက်ရှိသည့် လူငယ်ဘက်စုံ ဖွံ့ဖြိုးရေးပွဲတော် ဖွင့်ပွဲအခမ်းအနားသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက် ဖွင့်လှစ်ခဲ့ပြီးနောက် မန္တလေးတက္ကသိုလ် ဘွဲ့နှင်းသဘင် ခန်းမအတွင်း ကျင်းပသည့် တက္ကသိုလ်ပေါင်းစုံမှ ကျောင်းသူ ကျောင်းသားများနှင့် စာပေစကားဝိုင်းသို့ တက်ရောက်ဆွေးနွေး ပြောကြားခဲ့သည်။

ပညာရေးလောကတွင် ကျောင်းသားအများစုမှာ အလွတ်ကျက်စနစ်ကို ပျင်းရိနေကြပြီး ကျောင်းသူအများစုမှာ ဆရာများ၏ စကားကို နားထောင်ကာ အလွတ်ကျက်မှတ်ခဲ့သဖြင့် စာမေးပွဲတွင် အမှတ်အများဆုံး ရရှိကြကြောင်း၊ ယင်းစနစ်ကြောင့် အခြေခံပညာ အထက်တန်းကျောင်းကို ပြီးဆုံးသည့်တိုင် တက်ရောက်သင်ကြားခြင်း မရှိသည့် ယောက်ျားလေးဦးရေ မြင့်တက်လာကြောင်း၊ ယင်းသို့ မြင့်တက်လာမှုမှာ နိုင်ငံအတွက် မကောင်းနိုင်ကြောင်း၊ တက္ကသိုလ်ပညာရေးကို ဆက်လက်မသင်ယူလိုသူများ အနေဖြင့် ဘ၀အာမခံချက် ရှိနိုင်သည့် အသက်မွေးဝမ်းကျောင်း ပညာရပ်များအား ဆက်လက် သင်ယူစေလိုကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

“ပညာရေးလောကမှာ ယောက်ျားလေးတွေကို ပိုမိုပြီးတော့ ပညာရေးကို စိတ်ဝင်စားလာအောင်နဲ့ ထွန်းတောက်လာဖို့ ဘာတွေလုပ်ဖို့ လိုနေလဲဆိုတာကို သိချင်တယ်။ မိန်းကလေးတွေ အားလုံးကတော့ အလွတ်ကျက်တယ်။ မိန်းကလေးတွေကတော့ စကားနားထောင်တယ်။ အလွတ်ကျက်ဆို ကျက်လိုက်တာပဲ။ အဲဒီတော့ စာမေးပွဲတွေမှာ အမှတ်တွေ အများကြီးရတယ်။ ယောက်ျားလေးတွေက အလွတ်ကျက်ရမှာ ပျင်းကြတယ်။ အဲဒီတော့ အထက်တန်းကျောင်းကို ပြီးအောင် မသင်တဲ့ ယောက်ျားလေးနှုန်းက တက်လာတယ်။ အဲဒီဟာက ကျွန်မတို့နိုင်ငံအတွက် မကောင်းဘူး။ ဒါကြောင့်မို့လို့ တက္ကသိုလ်ပညာ မသင်တောင်မှ အသက်မွေးဝမ်းကျောင်း ပညာတွေကို သင်ယူစေချင်တယ်။ ပိုပြီးတော့ အားပေးချင်တယ်။ တက္ကသိုလ် ပရိဝုဏ် အတွင်းမှာ လာပြီးတော့ အသက်မွေးဝမ်းကျောင်း ပညာတွေကို အားပေးပါတယ်လို့ ပြောနေရတာ အားမနာတမ်း ပြောသလိုဖြစ်နေတယ်။ ဒါပေမဲ့ ကျွန်မတို့နိုင်ငံရဲ့ လိုအပ်ချက်၊ နိုင်ငံရဲ့ လိုအပ်ချက်တွေအရ အသက်မွေးဝမ်းကျောင်း ပညာရပ်တွေကို အားပေးရမယ်။ ဒီဟာက ကမ္ဘာ့ရေစီးကြောင်းပဲ။ တက္ကသိုလ်ပညာဆိုတာ လက်တွေ့ကျကျ သုံးနိုင်တာရှိတယ်။ မသုံးနိုင်တာလည်းရှိတယ်။ ဥပမာဆိုရရင် ကျွန်မဟာ သမိုင်းကို အင်မတန် စိတ်ဝင်စားတယ်။ သမိုင်းကို မြတ်နိုးတယ်။ သို့သော်လည်း သမိုင်းဆရာ၊ ဆရာမတွေ ဆိုတာကလည်း အများကြီး ထုတ်လို့မရဘူး။ ဒါကြောင့် သမိုင်းပညာရပ်ကို ယူမယ်ဆိုရင် ဘယ်လို အသက်မွေးဝမ်းကျောင်းအတွက် ဘယ်လိုအထောက်အကူ ပြုနိုင်မလဲလို့ မေးလို့ရှိရင် သမိုင်းဆရာတွေတောင် အဖြေပေးဖို့အတွက် နည်းနည် ခက်လိမ့်မယ် ထင်ပါတယ်။ ဒါကြောင့် လက်တွေ့ကျကျ ကိုယ့်နိုင်ငံရဲ့ လူမှုရေး၊ စီးပွားရေး၊ နိုင်ငံရေး လိုအပ်ချက်အရ အသက်မွေးဝမ်းကျောင်း ပညာရပ်ဆိုင်ရာ ကျောင်းတွေကို ကျွန်မတို့ အားပေးချင်တယ်” ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

ဆက်လက်၍ နိုင်ငံတော်၏ အတိုင်ပင်ခံ ပုဂ္ဂိုလ်က လက်ရှိကျင့်သုံးလျက်ရှိသည့် တက္ကသိုလ် ပညာရေးစနစ်ကိုပါ အဆင့်မြှင့်တင်ရန် လိုအပ်ကြောင်း၊ လက်ရှိနိုင်ငံ၏ တက္ကသိုလ် ပညာရေးစနစ်များတွင် သုတေသနပိုင်း ဆိုင်ရာများ၌ လွန်စွာအားနည်းသွားကြောင်းနှင့် တက္ကသိုလ်ကျောင်းများတွင် ကျောင်းသူ ကျောင်းသား အချိုးညီ မျှစေချင်ကြောင်း ပြောကြားသည်။

“တစ်ချိန်တည်းမှာပဲ တက္ကသိုလ်ပညာရေးကို အဆင့်မြှင့်စေချင်တယ်။ တက္ကသိုလ် ပညာရေးမှာဆိုရင် အထူးသဖြင့် သုတေသန ဘက်မှာပေါ့။ ဒီနိုင်ငံဟာ အဲဒီဘက်မှာ အင်မတန်မှ အားနည်းသွားတယ်။ တက္ကသိုလ်ကို ရောက်တဲ့ ကျောင်းသူ ကျောင်းသားတွေ ဆိုရင်လည်း အမျိုးသမီးတွေနဲ့ အမျိုးသားတွေ မျှစေချင်တယ်။ အခုကျတော့ မိန်းကလေးတွေက များများလာပြီးတော့ ယောက်ျားလေးတွေက တက္ကသိုလ်သွားတဲ့ဘက်မှာ နည်းနည်းလာတယ်။ အဲဒီလိုနည်းလာလို့ အသက်မွေးဝမ်းကျောင်း ပညာဘက်ကို သွားရင်တော့ ကျေနပ်တယ်။ ဒါပေမဲ့ အဲဒီလိုလည်း မဟုတ်ဘူး။ အဲဒီတော့ ကျောင်းဆက်မနေတော့တဲ့ ကလေးတွေအတွက် အများကြီး စိတ်ပူရတယ်။ လက်ဖက်ရည်ဆိုင် ရောက်သွားသလား။ အရက်ဆိုင်ကို ရောက်သွားသလား။ အဲဒီလိုဟာမျိုးတွေ စဉ်းစားရတယ်။ စိတ်မလေသွားစေချင်ဘူး။ လူငယ်တွေ စိတ်လေသွားလို့ရှိရင် ကျွန်မတို့နိုင်ငံ အတွက်လည်း ဆုံးရှုံးမှုဖြစ်တယ်။ လူငယ်တွေ အတွက်လည်း ဘ၀ဆုံးရှုံးတာတွေ ဖြစ်နိုင်ပါတယ်” ဟု နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

လက်ရှိ မြန်မာနိုင်ငံ၏ အလွတ်ကျက်ဖြေ ပညာရေးစနစ်ကို ပြောင်းလဲရမည်ဖြစ်ကာ အလွတ်ကျက်မှတ်၍ ဖြေဆိုပြီး အမှတ်ရရှိသည်ဆိုသည့် စနစ်တစ်ရပ်ကို ပြောင်းလဲရမည် ဖြစ်ကြောင်းနှင့် ကိုယ်ပိုင်အတွေးအခေါ်ကို အသုံးချပိုင်ခွင့် ရရှိသည့် စနစ်တစ်ရပ်ကို ပြုစုပျိုးထောင်သွားရမည် ဖြစ်ကြောင်း ဒေါ်အောင်ဆန်းစုကြည်က ပြောကြားခဲ့သည်။

“ယောက်ျားလေးတွေ အနေနဲ့ အတန်းပညာမှာရော အသက်မွေးဝမ်းကျောင်း ပညာမှာရော စိတ်ပါဝင်စားစွာနဲ့ ယောက်ျားလေးတွေဟာ မိန်းကလေးတွေလောက် မထက်လို့ မဟုတ်ဘူးနော်။ စိတ်ပါဝင်စားမှုနည်းလို့ မိန်းကလေးတွေလောက် အမှတ်မများတာပေါ့။ အလွတ်ကျက်တာလည်း ၀ါသနာ မပါလို့ပေါ့။ အလွတ်ကျက်တယ်ဆိုတဲ့ ဒီစနစ်ကိုလည်း ပြောင်းရမယ်။ အလွတ်ကျက်ပြီးမှ အမှတ်ရတယ်ဆိုတဲ့ စနစ်ကိုတော့ ပြောင်းရမယ်။ ကိုယ့်အတွေးအခေါ်ကို သုံးပိုင်ခွင့်ပြုတဲ့ စနစ်မျိုးကို ပြုစုပျိုးထောင်ရမယ်” ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

မန္တလေးတက္ကသိုလ်အတွင်း ကျင်းပလျက်ရှိသည့် လူငယ်ဘက်စုံ ဖွံ့ဖြိုးရေးပွဲတော်ကို သြဂုတ် ၁၁၊ ၁၂၊ ၁၃ ရက် သုံးရက်ကြာ ကျင်းပမည်ဖြစ်ပြီး ပွဲတော်အတွင်း အပန်းဖြေ အားကစားပြိုင်ပွဲများ၊ သရုပ်ပြ အားကစားနည်းများ၊ စာအုပ်အရောင်းပြခန်းများ၊ အလုပ်အကိုင် အခွင့်အလမ်းပြခန်း၊ အသိပညာပေး ပြခန်းများ၊ အသိပညာပေး ဆွေးနွေးပွဲများ၊ ဖျော်ဖြေရေး အစီအစဉ်များနှင့် အခြားစိတ်ဝင်စားဖွယ်ရာ အစီအစဉ်ပေါင်းများစွာ အပါအ၀င် စတုဒိသာ ကျွေးမွေးခြင်းများလည်း ပါဝင်ကြောင်း သိရသည်။

 

၂၀၂၂ – ၂၀၂၃ ပညာသင်နှစ်တွင် ၁၂ တန်းစလုံး၏ ကျောင်းသုံးဖတ်စာအုပ်များ အသစ်ဖြစ်အောင် ပြုစုမည်ဟု ပြည်ထောင်စုဝန်ကြီး ပြောကြား

၂၀၂၂ – ၂၀၂၃ ပညာသင်နှစ်တွင် ၁၂ တန်းစလုံး ကျောင်းသုံးဖတ်စာအုပ်များ အသစ်ဖြစ်အောင် ပြုစုသွားမည်ဟု ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက ပြောကြားသည်။

ထို့ပြင် ယခု ၂၀၁၈-၂၀၁၉ ပညာသင်နှစ်တွင် Grade – 2 ကျောင်းသုံးဖတ်စာအုပ် အသစ်များ အသုံးပြုနေပြီး ၂၀၁၉-၂၀၂၀ ပညာသင်နှစ်တွင် Grade – 3 နှင့် အလယ်တန်းပညာရေးမှ Grade – 6 ၌ ကျောင်းသုံး ဖတ်စာအုပ်အသစ်များ၊ ၂၀၂၀-၂၀၂၁ ပညာသင်နှစ်တွင် Grade – 4၊ အလယ်တန်းပညာရေးမှ Grade – 7 တို့၌ ဖတ်စာအုပ် အသစ်များ အသုံးပြုရန် စီစဉ်နေကြောင်း သိရသည်။

ပြည်ထောင်စုဝန်ကြီးက “သင်ရိုးညွှန်းတမ်းတွေကို ပြုပြင်ပြောင်းလဲတဲ့ အခါမှာ မနှစ်က Grade -1 ဖတ်စာအုပ်တွေ အသစ် JICA ရဲ့အကူအညီနဲ့ ပြုစုပြီးပြီ။ ၂၀၁၈-၂၀၁၉ ပညာသင်နှစ် ယခုမှာ Grade – 2 ဖတ်စာအုပ်တွေ အသုံးပြုနေပြီ။ နောက်နှစ်မှာ မူလတန်းတစ်တန်းဖြစ်တဲ့ Grade – 3၊ အလယ်တန်း တစ်တန်းဖြစ်တဲ့ Grade – 6 ကို ကျောင်းသုံးဖတ်စာအုပ်အသစ် အသုံးပြုနိုင်ဖို့ စီစဉ်ဆောင်ရွက်နေတယ်။ နောက် ၂၀၂၀- ၂၀၂၁ ပညာသင်နှစ်မှာတော့ Grade – 4 တစ်တန်းနဲ့ Grade – 7 ရယ်၊ အထက်တန်း တစ်တန်းဖြစ်တဲ့ Grade – 10 ရယ် ဒါတွေကို ကျွန်တော်တို့ စီမံဆောင်ရွက်တာသည် ၂၀၂၂- ၂၃ ပညာသင်နှစ်မှာ ဒီ KG+ 12 ၁၂ တန်းစလုံးသည် ကျောင်းသုံး ဖတ်စာအုပ်အသစ်တွေ ဖြစ်အောင် ပြုစုသွားမှာ ဖြစ်ပါတယ်” ဟု  ဇူလိုင် ၂၉ ရက်က Lotte Hotel တွင် ပြုလုပ်သည့် ရွှေပါရမီပညာရေး ဖောင်းဒေးရှင်း၏ ဆဋ္ဌမအကြိမ် ပညာသင်ဆုပေးပွဲတွင် ပြောကြားခဲ့သည်။

၂၀၁၉-၂၀၂၀ ပညာသင်နှစ်တွင် အခြေခံမူလတန်းပညာရေးမှ Grade – 3 အတွက် မူလတန်းပြဆရာ၊ ဆရာမများနှင့် အလယ်တန်းပညာရေးမှ Grade – 6 တို့အတွက်  အလယ်တန်းပြဆရာ၊ ဆရာမများကို သင်တန်းပေးနိုင်ရန် စီစဉ်ဆောင်ရွက်နေပြီး ယခုနှစ်တွင် Grade – 3 အတွက် မူလတန်းပြ ဆရာ၊ ဆရာမ နှစ်သိန်းခွဲကို ပညာရေး ၀န်ကြီးဌာနမှ သင်တန်းပေးခဲ့ကြောင်း ပြည်ထောင်စုဝန်ကြီးက ဆက်လက် ပြောကြားသည်။

 

အခြေခံပညာကျောင်းများတွင် ခြင်းလုံး၊ ပိုက်ကျော်ခြင်း၊ ဘတ်စကက်ဘော၊ စားပွဲတင်တင်းနစ် စသည့်အားကစားနည်းများ လွယ်လင့်တကူကစားနိုင်ရန် ကျန်းမာရေးနှင့် အားကစားဝန်ကြီးဌာန လုပ်ဆောင်မည်

အခြေခံပညာကျောင်းများတွင် ခြင်းလုံး၊ ပိုက်ကျော်ခြင်း၊ ဘတ်စကတ်ဘော၊ စားပွဲတင် တင်းနစ်စသည့် အားကစားနည်းများကို ကျောင်းသား ကျောင်းသူများ လွယ်လင့်တကူကစားနိုင်ရန် ကျန်းမာရေးနှင့် အားကစားဝန်ကြီးဌာနက လုပ်ဆောင်ပေးမည်ဖြစ်ကြောင်း ဇွန် ၂၃ ရက်က အမျိုးသားအားကစားပြိုင်ပွဲရုံ (၁) သုဝဏ္ဏတွင် ပြုလုပ်ခဲ့သည့် ‘၂၀၁၇ ခုနှစ် အတွက် အကောင်းဆုံးအားကစားသမားဆုများ ချီးမြှင့်ပွဲအခမ်းအနား’ တွင် ပြည်ထောင်စုဝန်ကြီး ဒေါက်တာမြင့်ထွေးက ပြောကြားသည်။

“တိုင်းဒေသကြီးနဲ့ ပြည်နယ်အသီးသီးမှာရှိတဲ့ အားကစားကွင်း၊ အားကစားရုံတွေ၊ ခရိုင်မြို့နယ်နဲ့ ရပ်ကွက်တွေမှာရှိတဲ့ အားကစားကွင်း / ရုံတွေကိုပြင်ဆင်တာ၊ အသစ်ဆောက်လုပ်တာတွေကို လုပ်ဆောင်ပေးနေပါတယ်။ ဒါ့အပြင် အခြေခံပညာကျောင်းများမှာလည်း ခြင်းလုံး၊ ပိုက်ကျော်ခြင်း၊ ဘတ်စကက်ဘော၊ စားပွဲတင်တင်းနစ်စတဲ့ အားကစားနည်းတွေကို ကျောင်းသားကျောင်းသူတွေ လွယ်လင့်တကူ ကစားလာနိုင်ဖို့ကိုလည်း ဆောင်ရွက်ပေးသွားမှာပါ။ ဒီလို တစ်ပြေးညီဆောင်ရွက်သွားမှ တစ်တိုင်းပြည်လုံးမှာရှိတဲ့ ရွက်ပုန်းသီးအားကစားထူးချွန် လူငယ်မောင်မယ်တွေ ပိုမိုထွက်ပေါ်လာမှာ ဖြစ်ပါတယ်” ဟု ပြည်ထောင်စုဝန်ကြီး ဒေါက်တာမြင့်ထွေးက ပြောကြားသည်။

လက်ရှိဝန်ကြီးဌာနအနေဖြင့် ကျောင်းသားကျောင်းသူများ၏ အားကစားစွမ်းရည် တိုးတက်ရေးအတွက် ပညာရေးဝန်ကြီးဌာနအောက်ရှိ အခြေခံပညာကျောင်းများတွင် အားကစားပညာဘွဲ့ရများ၊ အားကစားသိပ္ပံကျောင်းများမှ ထွက်ပေါ်လာသော လူငယ်မျိုးဆက်သစ်အားကစားသမားများနှင့် မြန်မာ့လက်ရွေးစင်အားကစားသမားများကို ကာယဆရာများအဖြစ်ခန့်ထားနိုင်ရေး စီစဉ်ဆောင်ရွက်နေကြောင်း သိရသည်။

လက်ရှိတွင် မြန်မာ့အားကစား ဖွံ့ဖြိုးတိုးတက်ရေးအတွက် ကျန်းမာရေးနှင့် အားကစားဝန်ကြီးဌာန၊ ပညာရေးဝန်ကြီးဌာနတို့ ပူးပေါင်းဆောင်ရွက်လျက်ရှိကြောင်း၊ အခြေခံပညာကျောင်းများတွင် ကာယဆရာများကို လုံလုံလောက်လောက် ခန့်ထားနိုင် ရေးစီစဉ်နေပြီး နိုင်ငံတကာတွင် ကျန်းမာရေးနှင့် အားကစားတွဲဖက်၍ အောင်မြင်မှုရရှိနေသောနိုင်ငံများ၏ အားကစားမဟာဗျူဟာများကို လေ့လာ၍ မိမိနိုင်ငံနှင့် ကိုက်ညီမည့်အချက်များကို အကောင်အထည်ဖော်ဆောင်ရွက်မည်ဖြစ်ကြောင်း သိရသည်။

ထို့ပြင် တက္ကသိုလ်ပညာရေး၌ B.Sc (Sports) သင်တန်းကို ထည့်သွင်းထားရှိပြီး အားကစားကို သိပ္ပံနည်းကျလေ့ကျင့်ခြင်း၊ ပြိုင်ပွဲဝင်ခြင်း၊ နိုင်ငံတကာနည်းတူဖြစ်စေရန် ဆောင်ရွက်လျက်ရှိပြီး အားကစားနှင့် ကာယပညာသိပ္ပံကျောင်း ခြောက်ကျောင်းကို ဖွင့်လှစ်သင်ကြားလျက်ရှိကြောင်းနှင့် မကြာမီတွင် အခြေခံပညာကျောင်းများ၌ မြန်မာ့ရိုးရာခြင်းလုံး အားကစားနည်းကို လေ့ကျင့်သင်ကြားပေး၍ ကျောင်းသားများ၏ ကျန်းမာရေး နှင့် အားကစားတွင် စိတ်ပါဝင်စားမှု မြှင့်တင်နိုင်ရန်လည်းလည်း စီစဉ်ထားကြောင်း သိရသည်။

လက်ရှိ ကျန်းမာရေးနှင့် အားကစားဝန်ကြီးဌာနအနေဖြင့် သိပ္ပံဘွဲ့ (အားကစားပညာ) ရရှိသူများကို ကျန်းမာရေးလူ့စွမ်းအား အရင်းအမြစ်ဦးစီးဌာနအောက်ရှိ ဆေးတက္ကသိုလ်များတွင် နည်းပြ (အား/ကာ)အဖြစ် စတင်ခန့်အပ်သွားမည်ဖြစ်ကြောင်း သိရသည်။

 

၂၀၁၈ ခုနှစ် တက္ကသိုလ်ဝင်တန်း အောင်မြင်သူဦးရေသည် မည်သည့်ကာလတွင်မျှ ယင်းကဲ့သို့အောင်မြင်မှုမရှိခဲ့ဟု ပညာရေးဝန်ကြီး ပြောကြား

တက္ကသိုလ်ဝင်စာမေးပွဲ ဖြေဆိုသူဦးရေ တစ်နှစ်ထက်တစ်နှစ် များပြားလာသကဲ့သို့ ၂၀၁၈ ခုနှစ် တက္ကသိုလ်ဝင်တန်းအောင်မြင်သူဦးရေသည် မည်သည့်ကာလတွင်မျှ ယင်းကဲ့သို့အောင်မြင်မှုမရှိခဲ့ဟု ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက ပြောကြားသည်။

ဇွန် ၂၁ ရက်ကပြုလုပ်သည့် ပြည်ထောင် စုလွှတ်တော် အစည်းအဝေးတွင် ပညာရေးကဏ္ဍ ပြုပြင်ပြောင်းလဲမှုများနှင့်ပတ်သက်ပြီး ရှင်းလင်းစဉ် ထိုသို့ ပြောကြားခဲ့ခြင်းဖြစ်သည်။

ဒေါက်တာမျိုးသိမ်းကြီးက “အထက်တန်းအဆင့် ကျောင်းသားကျောင်းသူတွေရဲ့ တက္ကသိုလ်ဝင်အဆင့် စာမေးပွဲဖြေဆိုအောင်မြင်မှု အခြေအနေကို တက္ကသိုလ်ဝင်စာမေးပွဲ ဖြေဆိုသူဦးရေ တစ်နှစ်ထက်တစ်နှစ် များပြား လာသလို အောင်မြင်တဲ့ဦးရေကလည်း များပြား လာတာကို တွေ့ရပါတယ်။ ယခု ၂၀၁၈ ခုနှစ် တက္ကသိုလ်ဝင်စာမေးပွဲမှာ အောင်မြင်သော ကျောင်းသား ကျောင်းသူဦးရေ ၂၅၉,၁၉၁ ဦးသည် မည်သည့်ကာလမှာမှ အောင်မြင်မှု မရှိခဲ့ပါဘူး။ ဒါကြောင့် တက္ကသိုလ် ၀င်စာမေးပွဲအောင်မြင်သူ များပြားလာသော်လည်း ဖြေဆိုတဲ့ ရာခိုင်နှုန်း၊ အောင်မြင်မှု ရာခိုင်နှုန်း လျော့နည်းသွားတာသည် ဖြေဆိုသူဦးရေ တိုးတက်များပြားလာလို့သာ အောင်မြင်သူဦးရေ ရာခိုင်နှုန်းကျဆင်းသွားရတယ်ဆိုတာကို  တင်ပြပါတယ်”ဟု ပြောကြားသည်။

လက်ရှိအချိန်တွင် ယခင်ကထက် ကျေးလက်နှင့်ဝေးလံသည့်ဒေသများ၊ အခက်အခဲ ရှိနေသည့် ဒေသများကို ဦးစားပေးပြီး ပညာရေး ပြုပြင်ပြောင်းလဲမှု ဆောင်ရွက်ခဲ့သည့်အတွက် ၂၀၁၇-၂၀၁၈ ပညာသင်နှစ်မှာ မူလတန်း၊ အလယ်တန်း၊ အထက်တန်း ကျောင်းသားကျောင်းသူ ဦးရေ ၉,၁၇၆,၄၅၄ ဦး ရှိလာသကဲ့သို့ အထူးသဖြင့် အထက်တန်းတွင် မြန်မာနိုင်ငံ၏ ပညာရေးကဏ္ဍ၌ တစ်ခါမှမရှိသေးသည့် ဂရိတ် ၁၀၊ ဂရိတ် ၁၁ တို့မှာ တစ်သန်းထက် ပိုမိုလာကြောင်း၊ ကျောင်းသား ကျောင်းသူဦးရေ များပြားလာသည်ကို တွေ့ရှိ ရမည်ဖြစ်ကြောင်း၊ ကျောင်းသားကျောင်းသူ တိုးတက်မှုကိုလည်း သုံးနှစ်တာကာလ နှိုင်းယှဉ်ကြည့်မည်ဆိုပါက ၂၀၁၅-၂၀၁၆ ပညာသင်နှစ်တွင် ၈ ဒသမ ၆ သန်းကျော်၊ ၂၀၁၆- ၂၀၁၇ ပညာသင်နှစ်တွင် ၈ ဒသမ ၈၉သန်း၊ ၂၀၁၇-၂၀၁၈ ပညာသင်နှစ်တွင် ၉ ဒသမ ၁၇ သန်းအထိ ကျောင်းအဆင့် တိုးမြှင့်ပေးနိုင်ခဲ့သောကြောင့် အဓိကအခက်အခဲရှိနေသည့် ဒေသများကို ဦးစားပေးဖြည့်ဆည်းပေးနိုင်ခဲ့သည့်အတွက် ကျောင်းသားကျောင်းသူဦးရေ များပြားလာကာ နှစ်အလိုက်အတန်းကူးပြောင်းမှု အခြေအနေသည်လည်း အလယ်တန်း၊ အထက်တန်းတွင် သိသိသာသာ ကျောင်းသား ကျောင်းသူဦးရေ တိုးတက်များပြားလာသည်ကို တွေ့ရှိရမည်ဖြစ်ကြောင်း ပြည်ထောင်စုဝန်ကြီးက ပြောကြားသည်။

“ပညာရေးဝန်ကြီးဌာနအနေဖြင့် ကျောင်းသားကျောင်းသူတွေကို သင်ယူမှုအခွင့်အလမ်းရရှိရုံ ကြိုးပမ်းအကောင်အထည်ဖော် ဆောင်ရွက်ပေးတာ မဟုတ်ပါဘူး။ သင်ယူမှုအခွင့်အလမ်း မြင့်မားလာသလို ပညာရေးအရည်အ သွေး မြင့်မားဖို့အတွက်ကိုလည်း ဆရာ ဆရာမများကို သင်တန်းပေးခြင်း၊ ဘာသာရပ်ဆိုင်ရာ အရည်အသွေးများ မြှင့်တင်ပေးခြင်း၊ သင်ရိုးညွှန်းတမ်းများ ပြုပြင်ပြောင်းလဲခြင်း၊ ကျောင်းသုံးဖတ်စာအုပ်များ အသစ်ပြုစုဖြန့်ဝေပေး ခြင်း၊ သင်ထောက်ကူပစ္စည်းများ ဖြည့်ဆည်းပေးခြင်း၊ ဆရာ ဆရာမများကို မွမ်းမံသင်တန်း ပေးခြင်းများနှင့်အတူ မူလတန်းပညာသင်ယူနေသူ အားလုံးကို မူလတန်းပညာသင်ယူပြီးမြောက်ရေးအတွက် အမျိုးသားပညာရေးမဟာ ဗျူဟာစီမံကိန်းမှာ ဖော်ပြထားသည့်အတိုင်း ကြိုးပမ်းအကောင်အထည်ဖော် ဆောင်ရွက်တဲ့အခါမှာ မူလတန်းပညာသင်ယူပြီးဆုံးတဲ့ စာမေးပွဲ ဖြေဆိုအောင်မြင်မှုအခြေအနေသည် ကျား၊ မဦးရေဟာလည်းပဲ မူလတန်းမှာ ဂရိတ် ၅ မှာ ကွာခြားမှုလျော့နည်းလာသလို ဖြေဆိုသူအားလုံးနီးပါးဟာလည်း အောင်မြင်ပြီးတော့မှ ဂရိတ် အေ၊ ဘီ၊ စီ၊ ဒီ ကိုလည်းပဲ ကြည့်မယ်ဆိုရင် ဖြေဆိုတဲ့ဦးရေ တိုးတက်လာသလို အောင်မြင်တဲ့ဦးရေလည်း ပိုမိုများပြား လာခဲ့တာကို တွေ့ရှိရမှာဖြစ်ပါတယ်” ဟု ဒေါက်တာမျိုးသိမ်းကြီးက ပြောကြားသည်။

အဆင့်မြင့်ပညာကဏ္ဍတွင် ကျောင်းသားကျောင်းသူ ဦးရေတိုးတက်မှုကို ကြည့်ပါက သင်ယူမှုအခွင့်အလမ်းပိုမိုများပြားလာသည့်အတွက် ကျောင်းသားကျောင်းသူဦးရေ တိုးတက်များပြားလာသကဲ့သို့ ပညာရေးဝန်ကြီး ဌာနအနေဖြင့် နိုင်ငံတော်သမ္မတ၏ နှစ်သစ်ကူး မိန့်ခွန်းပါအတိုင်း သင်ယူမှုအားနည်းနေသည့် ဆင်းရဲနွမ်းပါးသည့် မိသားစုများ၊ အခက်အခဲရှိနေသည့် မိသားစုများကိုလည်း ပညာသင်ထောက်ပံ့ကြေးများ ပိုမိုဖြည့်ဆည်း ထောက်ပံ့ပေးသည့် Exclusive Education ကိုလည်း ကြိုးပမ်းအကောင်အထည်ဖော် ဆောင်ရွက်နေခြင်းဖြစ်သည့်အတွက် အခြေခံပညာကဏ္ဍနှင့် အဆင့်မြင့်ပညာကဏ္ဍတို့တွင် ရှိနေသည့် တက္ကသိုလ်ကျောင်းသားကျောင်း သူများ၊ အမြင်အာရုံအားနည်းသည့် ကျောင်းသားကျောင်းသူများ၊ အကြားအာရုံအားနည်းသည့် ကျောင်းသားကျောင်းသူများ၊ ကိုယ်လက်အင်္ဂါချို့တဲ့သည့် ကျောင်းသားကျောင်းသူများကိုလည်း ပညာသင်ထောက်ပံ့ကြေးများ ထောက်ပံ့ပေးလျက်ရှိကြောင်း ပြည်ထောင်စုဝန်ကြီးက ဆိုသည်။

 

ပညာရေးကဏ္ဍအလိုက် ဥပဒေများ ပြီးစီးအောင် ကြိုးစားရမည်ဖြစ်ပြီး ဒုတိယအကြိမ် လွှတ်တော်သက်တမ်းအတွင်း ပြီးနိုင်ကြောင်း ပြည်သူ့လွှတ်တော် အခွင့်အရေးကော်မတီ အတွင်းရေးမှူး ပြောကြား

ပညာရေးကဏ္ဍာအလိုက် ဥပဒေများ ပြီးစီးအောင် ကြိုးစားရမည်ဖြစ်ပြီး ဒုတိယအကြိမ် လွှတ်တော်သက်တမ်းအတွင်း ပြီးနိုင်ကြောင်း ပြည်သူ့လွှတ်တော် အခွင့်အရေးကော်မတီ အတွင်းရေးမှူး အောင်မြေသာစံ မဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါက်တာလှမိုးက ပြောကြားသည်။

“အခုက အမျိုးသား ပညာရေးဥပဒေ ထွက်ပြီးသွားပြီ။ အဲဒီကမှ အခြေခံပညာရေးဥပဒေ၊ အဆင့်မြင့် ပညာရေးဥပဒေ၊ အသက်မွေးဝမ်းကျောင်းဥပဒေ၊ ပုဂ္ဂလိကပညာရေး ဥပဒေ ဒါတွေလာမှာပေါ့။ လောလောဆယ်မှာ အခြေခံပညာရေး ဥပဒေကတော့ လွှတ်တော်မှာ ရောက်နေပါပြီ။ ဆွေးနွေးနေပါပြီ။ ဆောင်ရွက်နေပါပြီ။ မကြာခင် အချိန်မှာ အဆင့်မြင့်ပညာရေး ဥပဒေအားလုံးက ဆက်တိုက် ထွက်လာပါလိမ့်မယ်။ ကဏ္ဍအလိုက် ဥပဒေတွေ ဒီလွှတ်တော်သက်တမ်း အတွင်းမှာ ပြီးနိုင်ပါတယ်။ မပြီးလို့လည်း မရဘူး။ ပြီးအောင်ကြိုးစား ကြရမှာပေါ့” ဟု ဒေါက်တာလှမိုးက ပြောကြားသည်။

ပညာရေး ကဏ္ဍအလိုက် ဥပဒေများကို အမြန်ဆုံး ပြဋ္ဌာန်းနိုင်ရေးအတွက် ဆောင်ရွက်ရန် အရေးတကြီး လိုအပ်နေပြီး မဟာဗျူဟာမြောက် အပြောင်းအလဲများနှင့် အသစ်ချမှတ်သည့် မူဝါဒများသည် ပညာရေး ကဏ္ဍအလိုက် ဥပဒေများနှင့် လိုက်လျောညီထွေဖြစ်ရန် လိုကြောင်း အမျိုးသား ပညာရေးမူဝါဒ ကော်မရှင်က အမျိုးသားပညာရေး မူဝါဒ ကော်မရှင်၏ ခြောက်လတာကာလ (၂၀၁၇ ခုနှစ် အောက်တိုဘာမှ ၂၀၁၈ ခုနှစ် ဧပြီအထိ) အတွင်း လုပ်ငန်းဆောင်ရွက်ခဲ့မှု အစီရင်ခံစာတွင် အကြံပြုထားသည်။

အမျိုးသား ပညာရေးဥပဒေသည် ယေဘုယျလမ်းညွှန်မြေပုံ တစ်ခုသာဖြစ်ပြီး ကဏ္ဍအလိုက် ဥပဒေများကသာ မိမိတို့လျှောက်လှမ်းရမည့် လမ်းကြောင်းအဖြစ် သတ်မှတ်ညွှန်ပြမည်ဖြစ်ကာ အဆိုပါ ကဏ္ဍအလိုက် ဥပဒေများသည် ယခုအချိန်အထိ ပြဋ္ဌာန်းနိုင်ခြင်း မရှိသေးသည့်အတွက် အချို့သော မူဝါဒပိုင်းဆိုင်ရာ အဆုံးအဖြတ်များ ပြုလုပ်ရာတွင် အခက်အခဲများ (အခြေခံပညာ ဆရာများ၏ အရည်အချင်း၊ အဆင့်အတန်းနှင့် လုပ်ငန်းခွင်လမ်းသွယ်များ သတ်မှတ်ရေး၊ ဆရာအတတ်ပညာ အစီအစဉ်များ ပြုပြင်ပြောင်းလဲရေး၊ တက္ကသိုလ်ပဋိညာဉ် စာတမ်းများ ရေးဆွဲရေး၊ နိုင်ငံတကာ သင်ရိုးညွှန်းတမ်းများဖြင့် သင်ကြားသော ပုဂ္ဂလိက ကျောင်းများကို အသိအမှတ်ပြုရေး) ရှိရာ ရှင်းလင်းသည့် မူဝါဒများ ချမှတ်ရန် အခက်အခဲများ ရှိနေသောကြောင့် ကဏ္ဍအလိုက် ဥပဒေများကို အမြန်ဆုံး ပြဋ္ဌာန်းနိုင်ရေးအတွက် ဆောင်ရွက်ရန် အရေးတကြီး လိုအပ်နေကြောင်းနှင့် မဟာဗျူဟာမြောက် အပြောင်းအလဲများနှင့် အသစ်ချမှတ်သည့် မူဝါဒများသည် ပေါ်ထွက်လာရန်ရှိသည့် သက်ဆိုင်ရာ ပညာရေးကဏ္ဍအလိုက် ဥပဒေများဖြစ်သည့် အခြေခံပညာရေး ဥပဒေ၊  အဆင့်မြင့်ပညာရေး ဥပဒေ၊ နည်းဥပဒေ၊ သက်မွေးပညာရေးနှင့် လေ့ကျင့်ရေးဥပဒေ၊ ပုဂ္ဂလိကကျောင်း ဥပဒေတို့နှင့်လည်း လိုက်လျောညီထွေဖြစ်ရန် လိုအပ်ကြောင်း အစီရင်ခံစာတွင် ပါရှိသည်။

ပညာရေးဥပဒေတစ်ခု ထွက်ပေါ်ရန်အတွက် လူတိုင်းနှင့် သက်ဆိုင်ပြီး အားလုံးပူးပေါင်းမှသာ မြန်မြန်အကောင်အထည် ဖော်နိုင်မည်ဖြစ်ပြီး သူတစ်လူ ငါတစ်မင်းဖြစ်၍ ပြောသည့်အချက် မပါသဖြင့် ကန့်ကွက်နေပါက ဥပဒေတစ်ခုထွက်ရန် ကြာသွားလိမ့်မည်ဖြစ်ကြောင်း ဒေါက်တာလှမိုးက ပြောကြားသည်။

 

မောင်တောမြို့နယ်အတွင်း အကြမ်းဖက်မှု ဖြစ်စဉ်ကြောင့် ပိတ်ခဲ့ရသောကျောင်း ၁၁၉ ကျောင်း စတင်ဖွင့်လှစ်

မောင်တောမြို့နယ်အတွင်း ကလေးများ စာသင်ကြားနေစဉ်

မောင်တောမြို့နယ်အတွင်း အကြမ်းဖက်မှုဖြစ်စဉ်ကြောင့် ပိတ်ခဲ့ရသောကျောင်း ၁၁၉ ကျောင်းကို ဖွင့်လှစ်သင်ကြားနေပြီဖြစ်ကြောင်း သိရသည်။

မောင်တောမြို့နယ်အတွင်း စာသင်ကျောင်းပေါင်း ၁၈၅ ကျောင်းရှိပြီး ၂၀၁၇ ခုနှစ် သြဂုတ် ၂၅ ရက်က ARSA အစွန်းရောက် ဘင်္ဂါလီ အကြမ်းဖက်အဖွဲ့မှ ၀င်ရောက်တိုက်ခိုက်မှု ဖြစ်စဉ်ကြောင့် ကျောင်းအားလုံး ပိတ်ထားခဲ့ရပြီးနောက် တဖြည်းဖြည်း တိုးချဲ့ဖွင့်လှစ်ခဲ့ရာ ယခင်နှစ် စာသင်နှစ်အတွင်း ကျောင်းပေါင်း ၁၀၅ ကျောင်းကို ဖွင့်လှစ်နိုင်ခဲ့ကြောင်းနှင့် ယခုနှစ် ကျောင်းဖွင့်ရာသီတွင် စာသင်ကျောင်း ၁၄ ကျောင်းကို တိုးချဲ့ဖွင့်လှစ်ခဲ့ရာ လက်ရှိတွင် ကျောင်း ၁၁၉ ကျောင်း ဖွင့်လှစ် သင်ကြားလျက်ရှိကြောင်း သိရသည်။

ကျောင်းဖွင့်လှစ်မှု အခြေအနေနှင့် ပတ်သက်ပြီး မောင်တောမြို့နယ် ပညာရေးမှူး ဦးခင်အောင်က “မောင်တောမြို့နယ်မှာ စုစုပေါင်း စာသင်ကျောင်းက ၁၈၅ ကျောင်းရှိပါတယ်။ အဲဒီထဲက ဒီနှစ် ၁၁၉ ကျောင်းဖွင့်ပါတယ်။ မူလတန်းနဲ့ အလယ်တန်းမှာတော့ လုံလောက်တယ်။ ဆရာဆရာမနည်းတဲ့ ကျောင်းတွေမှာ ပိတ်ထားတဲ့ ကျောင်းတွေက ဆရာ ဆရာမတွေကို တာဝန်ချပေးထားပါတယ်။ အထက်တန်း အဆင့်မှာတော့ ဆရာဆရာမတွေ အပြောင်းအရွှေ့ရှိတော့ နယ်ကျောင်းတွေမှာ လိုအပ်ချက်ရှိပါတယ်။ မဖွင့်လှစ်နိုင်တဲ့ကျောင်း မရှိပါဘူး။ မဖွင့်တဲ့ကျောင်း ဆိုတာက မနှစ်က မီးရှို့ထွက်ပြေးသွားတဲ့ ရွာတွေက ကျောင်းတွေဖြစ်ပါတယ်။ ဒီနှစ် တချို့ရွာတွေမှာ ပြန်လာနေတဲ့သူတွေ ရှိလာတဲ့အတွက် မနှစ်က ၁၀၅ ကျောင်း ဖွင့်ခဲ့ပေမယ့် ဒီနှစ်မှာ ၁၄ ကျောင်းတိုးဖွင့်လို့ အခုဆိုရင် အားလုံး ၁၁၉ ကျောင်း ဖွင့်ပါတယ်။ ဒီနေ့အထိ ကျောင်းသားဦးရေက ထက်၊ လယ်၊ မူ စုစုပေါင်း ၁၆၀၀၀ ကျော် ဖြစ်ပါတယ်” ဟု ပြောကြားသည်။

အကြမ်းဖက်မှု ဖြစ်စဉ်အတွင်း ပညာရေးဝန်ထမ်း တချို့သည် အသက်လုကာ ကျေးရွာသားများနှင့်အတူ တောထဲတွင် ပုန်းအောင်းနေခဲ့ရသည်များ ရှိခဲ့ကြောင်းနှင့် မီးရှို့ခံခဲ့ရသည့် ကျေးရွာများမှ ကျောင်သားများမှာ မြို့ပေါ်ကယ်ဆယ်ရေး စခန်းနှင့် ဘုန်းတော်ကြီးများတွင် ပြောင်းရွှေ့ စာသင်ကြားခဲ့ရကြောင်း သိရသည်။

အကြမ်းဖက်မှု ဖြစ်စဉ်ကြောင့် မောင်တောခရိုင်အတွင်း ပိတ်ခဲ့ရသောကျောင်း ၄၂၄ ကျောင်းအနက် ၂၀၁၈ ခုနှစ် ဇန်န၀ါရီလတွင် ၃၄ ကျောင်း ထပ်မံဖွင့်လှစ်နိုင်ခဲ့သည့်အတွက် ကလေးများ စာပေသင်ကြားနိုင်သည့် ကျောင်း စုစုပေါင်း ၃၂၄ ကျောင်းရှိပြီး ဖြစ်ကြောင်း သိရသည်။

မောင်တောခရိုင်အတွင်း စာပေသင်ကြားမှု မြှင့်တင်နိုင်ရန် ဘင်္ဂါလီစကား တတ်ကျွမ်းသော ဆရာဆရာမ ၁၀၀ ခန့်ကို အမြဲတမ်း ၀န်ထမ်းများအဖြစ် ခန့်အပ်ထားရှိကြောင်း သိရသည်။

 

သပိတ်ကျင်းမြို့နယ် ဇရပ်ကွင်းကျေးရွာ အုပ်ချုပ်ရေးမှူးနှင့် အပေါင်းပါတစ်စုက Grade-2 သင်တန်းမှ ဆရာများအား ဥပဒေမဲ့ ပြုကျင့်မှုအပေါ် မြန်မာနိုင်ငံလုံးဆိုင်ရာ ဆရာဆရာမများ အဖွဲ့ချုပ်က ကြေညာချက် ထုတ်ပြန်ခဲ့ပြီး တာဝန်ရှိသူများ လာရောက်စစ်ဆေး၍ မှားသည့်သူအား အရေးယူရန် ဇရပ်ကွင်းကျေးရွာ အုပ်ချုပ်ရေးမှူး အကြောင်းပြန်

ပြီးခဲ့သည့် မေ ၂၀ ရက် ည ၁၀ နာရီခွဲခန့်က မန္တလေးတိုင်းဒေသကြီး ပြင်ဦးလွင်ခရိုင် သပိတ်ကျင်းမြို့နယ် ဇရပ်ကွင်းကျေးရွာ အထကကျောင်းတွင် Grade-2 မွမ်းမံသင်တန်း တက်ရောက်နေသည့် ကျောင်းဆရာများနှင့် ဒေသခံများအကြား ရုန်းရင်းဆန်ခတ် ဖြစ်ပွားခဲ့သည့် ကိစ္စနှင့်စပ်လျဉ်း၍ ဇရပ်ကွင်းကျေးရွာ အုပ်ချုပ်ရေးမှူးနှင့် အပေါင်းပါတစ်စုက Grade-2 သင်တန်းမှ ဆရာများအား ဥပဒေမဲ့ ပြုကျင့်မှုအပေါ် မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ်က သဘောထား ကြေညာချက် ထုတ်ပြန်ခဲ့ပြီး တာဝန်ရှိသူများ လာရောက်စစ်ဆေး၍ မှားသည့်သူအား အရေးယူပေးရန် ဇရပ်ကွင်းကျေးရွာ အုပ်ချုပ်ရေးမှူးက အကြောင်းပြန်ခဲ့ကြောင်း သိရသည်။

မန္တလေးတိုင်းဒေသကြီး သပိတ်ကျင်းမြို့နယ် ဇရပ်ကွင်းကျေးရွာတွင် ကျေးရွာအုပ်ချုပ်ရေးမှူးနှင့် အပေါင်းပါ တစ်စုသည် ပြီးခဲ့သည့် မေ ၂၀ ရက်ညက ဇရပ်ကွင်း အထကသို့ Grade-2 သင်တန်း တက်ရောက်နေသည့် ဆရာများကို ညပိုင်းဂစ်တာတီးသည်ဟူသော အကြောင်းပြချက်ဖြင့် အပြင်းအထန် ဒဏ်ရာရသည်အထိ ရိုက်နှက်ခြင်း၊ ဆရာများ၏ ဂုဏ်သိက္ခာကို မထောက်ဘဲ လက်ထိပ်နောက်ပြန်ခတ်ခြင်း၊ ကူညီရန် လိုက်လာသည့် ဆရာများကိုလည်း ခြိမ်းခြောက်ပြောဆိုခြင်း စသော ဥပဒေမဲ့ အနိုင်အထက် ပြုကျင့်ခြင်းများ ပြုလုပ်ခဲ့ကြောင်း စိတ်မကောင်းဖြစ်ဖွယ် ကြားသိခဲ့ရသည်။

အဆိုပါ လုပ်ရပ်များကို ပြုကျင့်ခဲ့သော ဇရပ်ကွင်းကျေးရွာ အုပ်ချုပ်ရေးမှူးနှင့် အပေါင်းပါများကို မိမိတို့ မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ် အနေဖြင့် အပြင်းအထန် ကန့်ကွက်ရှုတ်ချကြောင်း၊ ထိုသို့ နိုင်ငံ့ဝန်ထမ်း ဆရာများအပေါ် ဥပဒေမဲ့ အနိုင်အထက် ပြုကျင့်ခြင်းသည် ကာယကံရှင် ဆရာများကို သာမကဘဲ မြန်မာနိုင်ငံ တစ်ဝန်းလုံးရှိ ဆရာ၊ ဆရာမများကိုပါ စော်ကားခြင်း ဖြစ်သည်ဟု မိမိတို့ မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ်အနေဖြင့် ယူဆပါသည်။

ထို့ကြောင့် ဥပဒေမဲ့ အနိုင်အထက် ပြုကျင့်သော အုပ်ချုပ်ရေးမှူးနှင့် အပေါင်းပါများကို မိမိတို့ အဖွဲ့ချုပ် အနေဖြင့် တရားဥပဒေကြောင်းအရ တုံ့ပြန်သွားမည်ဖြစ်ကြောင်း အသိပေးအပ်သည်ဟု မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ်က မေ ၂၂ ရက် နေ့စွဲဖြင့် သဘောထား ကြေညာချက် ထုတ်ပြန်ခဲ့သည်။

ဇရပ်ကွင်းကျေးရွာ ဒေသခံများက ကာလသားတစ်စု သောက်စားပျော်ပါး၍ ဂီတာတီးခတ်နေသဖြင့် ထိန်းသိမ်းပေးရန် ဖုန်းဆက် အကြောင်းကြားသဖြင့် မေ ၂၀ ရက်ည ၁၀ နာရီ ၁၅ မိနစ်ခန့်က ဇရပ်ကွင်းကျေးရွာ ရပ်ကွက် (၁) သို့ ထွက်လာခဲ့ကာ ဂစ်တာတီးနေသည့် လူငယ်များအား မေးမြန်းကြည့်ရာ မိမိတို့ ဒေသခံများ မဟုတ်ဘဲ အခြားနယ်များမှ လာရောက် သင်တန်းတက်နေသည့် ကျောင်းဆရာများ ဖြစ်ကြောင်း သိရသည်။

ထို့ကြောင့် ဇရပ်ကွင်းဒေသသည် နယ်မြေကြမ်းသောဒေသ ဖြစ်သဖြင့် ည ၉ နာရီကျော်ပါက ဂစ်တာတီးခတ်ခြင်း မပြုရန် တားမြစ်ထားကြောင်း အသိပေးခဲ့သည်ဟု ဇရပ်ကွင်း အုပ်ချုပ်ရေးမှူး ဦးစောချစ်ညွန့်က ပြောကြားသည်။

“အဲဒီလို အသိပေးလိုက်တော့ ဂစ်တာလာတီးတဲ့ ကျောင်းဆရာအုပ်စုက အေးအေးဆေးဆေးပဲ။ သူတို့မသိလို့ တီးမိတာပါဆိုပြီး ပြန်ကြတယ်။ သူတို့အုပ်စုက ဆိုင်ကယ်တွေနဲ့ လာကြတာပါ။ ဆယ့်လေးငါးယောက် လောက်ပါတယ်။ နောက်ဆုံး ဆိုင်ကယ်မှာပါတဲ့ သူတစ်ယောက်က ဟာ….ဂစ်တာတီးတာတောင် လာပိတ်တယ်။ မင်းတို့ကောင်တွေ သတ္တိရှိရင် ငါ့ရွာလိုက်ခဲ့။ ဘာညာနဲ့ ဆဲဆိုလိုက်တော့ အခြေအနေကြည့်နေတဲ့ ရွာခံလူငယ်တွေနဲ့ ရုန်းရင်းဆန်ခတ်ဖြစ်ပြီး အဲဒီဆိုင်ကယ်က ကျောင်းဘေးက ကုက္ကိုပင်ကြီးကို ၀င်တိုက်မိသွားတယ်။ ဒါနဲ့ ကျွန်တော်လည်း မဖြစ်တော့ဘူးဆိုပြီး ရဲကင်းမှူးကို ဖုန်းဆက် အကြောင်းကြား၊ သူတုိ့ကိုလည်း ရွာခံတွေနဲ့ ထပ်ရန်မဖြစ်ရအောင် ၀င်တားမြစ်ပြီး ဒေသခံတွေ ကျေနပ်အောင် သူတို့ကို လက်ထိပ်ခတ်ပြီး ကျေးရွာအုပ်ချုပ်ရေးမှူးရုံးကို ခေါ်လာခဲ့ပါတယ်။ ရုံးကိုရောက်တော့ ပညာရေးမှူးကို ဖုန်းဆက် အကြောင်းကြားတယ်။ လက်ထောက် ပညာရေးမှူးလည်း ကျွန်တော်တို့ဘေးနားမှာ ရှိပါတယ်။ ကျွန်တော်က အထက်ကို တင်ပြမယ်ဆိုတော့ ကလေးတွေ အလကားနေရင်း နစ်နာနေပါမယ်။ ဒီမှာပဲ ကျေအေးလိုက်ပါဆိုပြီး ပညာရေးမှူးနဲ့ ဒုပညာရေးမှူးက ပြောတာနဲ့ အဲဒီမှာတင် တစ်ခါတည်း ကျေအေးလွှာ ထိုးပေးလိုက်တယ်။ နောက်ရက်ကျ Facebook ပေါ်မှာ လိုရာဆွဲပြီး တစ်ဖက်သတ် ရေးတင်နေကြတာပါ။ ဒီဖြစ်စဉ်အပေါ် သူတို့ဘက်က အမှုဖွင့်တယ် ဆိုရင်လည်း အဖြစ်မှန်ကို တကယ်စစ်ဆေးလိုက်လို့ သူတို့အတွက် နစ်နာသွားမယ်ဆိုရင် ကျွန်တော့်ဘက်က စိတ်မကောင်း ဖြစ်ရုံပါပဲ။ တာဝန်ရှိသူတွေ လာစစ်ဆေးပါ။ မှားတယ်ဆိုရင် မှားတဲ့သူကို အရေးယူပါလို့ ကျွန်တော့်ဘက်က ပြောချင်ပါတယ်” ဟု ဦးစောချစ်ညွန့်က ပြောကြားသည်။

ဇရပ်ကွင်းဖြစ်စဉ်အား မည်သည့်ဘက်ကမှ လာရောက် အမှုဖွင့် တိုင်ကြားခြင်း မရှိကြောင်း၊ မိမိမှာ အမှုတစ်ခု လိုက်နေသဖြင့် ဖြစ်စဉ်အသေးစိတ်ကို လတ်တလော ဖြေကြားနိုင်သေးခြင်း မရှိကြောင်း ဇရပ်ကွင်း ရဲအုပ်မျိုးမင်းလွင်က အဆိုပါ ဖြစ်စဉ်နှင့် ပတ်သက်၍ ပြောကြားသည်။

လူမှုကွန်ရက်တွင် ကျောင်းဆရာဟု ယူဆရသူ အရပ်ဝတ်ဖြင့် လူငယ်သုံးဦးက ကြမ်းပေါ်တွင် ထိုင်နေသည့်ပုံများ ပျံ့နှံ့နေပြီး ကျောင်းဆရာများက တောင်းပန်သော်လည်း လက်ထိပ်ခတ်၍ ရိုက်နှက်ကာ အုပ်ချုပ်ရေးမှူးရုံးသို့ ခေါ်သွားပြီး အနိုင်ကျင့် ပြောဆိုသောကြောင့် ခံဝန်လက်မှတ် ရေးထိုးခဲ့ကြသည်ဆိုသည့် ရေးသားချက်များ ပျံ့နှံ့နေပြီး တစ်ဆင့် ဖြန့်ဝေသူများ အများအပြား ရှိသည်ကို တွေ့ရသည်။