ပခုက္ကူမြို့နယ် အနောက်သီရိကျေးရွာမှာ ယခုရေကျကာလတွင် မြစ်ရေတိုက်စားမှုကြောင့် နေအိမ် ၁၆ လုံး ထပ်မံရွှေ့ပြောင်းထားရပြီး ရွှေ့ပြောင်းရသည့် အိမ်ခြေ ၁၀၆ လုံးထိ ရှိလာကြောင်း သိရ

မြစ်ရေတိုက်စားမှုကြောင့် ပြိုကျပျက်စီးနေသည့် အနောက်သီရိကျေးရွာအနီး မြစ်ကမ်းပါးကို တွေ့ရစဉ်

ပခုက္ကူမြို့နယ် အနောက်သီရိကျေးရွာမှာ ယခုအောက်တိုဘာလ၏ ရေကျကာလတွင် ဧရာဝတီမြစ်ရေ တိုက်စားမှုကြောင့် နေအိမ် ၁၆ လုံး ထပ်မံရွှေ့ပြောင်းထားရပြီး ရေတိုက်စားမှုကြောင့် ရွှေ့ပြောင်းရသည့် အိမ်ခြေ ၁၀၆ လုံးထိ ရှိလာကြောင်း ဒေသခံများထံမှ သိရသည်။

ပခုက္ကူမြို့နယ် အနောက်သီရိကျေးရွာမှာ ယခုနှစ် မြစ်ရေတက်ကာလ စတင်ချိန် ဇူလိုင်လလယ်ပိုင်းတွင် မြစ်ရေ တိုက်စားမှုကြောင့် နေအိမ် ၁၈ လုံး၊ စက်တင်ဘာလတွင် နေအိမ် ၁၃ လုံးနှင့် ယခုရေကျကာလ အောက်တိုဘာလတွင် နေအိမ် ၁၆ လုံး စုစုပေါင်း နေအိမ် ၄၇ လုံး အရေးပေါ် ရွှေ့ပြောင်းထားရကြောင်း သိရသည်။

မြစ်ရေတိုက်စားမှုကြောင့် နေအိမ်မြေနေရာများသာမက စိုက်ပျိုးမြေရင့်များနှင့် ရေကျချိန်တွင် ပေါ်ထွန်းသည့် မြေနုများပါ ပြိုကျပျက်စီးနေပြီး ရွှေ့ပြောင်းရသည့် နေအိမ်များမှာလည်း မြေနေရာ ၀ယ်ယူရေးအတွက် မြေဈေးနှုန်း ကြီးမြင့်မှုနှင့် ကြုံတွေ့နေရကြောင်း သိရသည်။

“မြစ်ကြောင်းက ရွာဆီကို အရှေ့ကနေ တည့်တည့်လာတာဆိုတော့ ရေဦးတိုက်ဖြစ်ပြီး ကမ်းကတအား ပြိုနေတယ်။ ကမ်းပါးက ၀ါဆိုလဆန်း ၂ ရက်လောက်က စပြိုတယ်။ တဖြည်းဖြည်းနဲ့ ဆုတ်ဆုတ်လာတာ ရွှေ့ရတဲ့ အိမ်ခြေ ၁၀၆ လုံးထိရှိပါပြီ။ မြေနေရာ ပြန်ရဖို့ အစိုးရဆီကို မရသေးတဲ့ အိမ်တွေအတွက် လျှောက်ထားတယ်။ ၀ါဆိုလဆန်း ၂ ရက်က ပြိုလာတာမှာ ရေတက်တာနဲ့ တက်သလိုကို ပြိုနေတာ။ ရေကျရင် ကျသလို သက်သာတယ်။ တက်လာရင်တော့ အတော်ကို ပြိုကျနေတယ်” ဟု အနောက်သီရိကျေးရွာမှ ကိုမောင်နိုင်က ဆိုသည်။

ပြီးခဲ့သည့် ၂၀၁၇ ခုနှစ် ရေတက်ရေကျ ကာလတွင် မြစ်ရေတိုက်စားမှုကြောင့် နေအိမ် ၆၉ လုံးနှင့် ဘုန်းတော်ကြီးကျောင်း ရွှေ့ပြောင်းမှု ပြုလုပ်ခဲ့ရပြီး ရွာဦးစေတီနှင့် စိုက်ပျိုးမြေ အများအပြားမှာ မြစ်အတွင်း ပြိုကျပျက်စီး ခဲ့ရသည်။

လက်ရှိဖြစ်ပေါ်နေသည့် မြစ်ရေစီးကြောင်းအရ ကမ်းပြိုမှု ဆက်လက်ဖြစ်ပေါ်နေမည် ဖြစ်သည့်အတွက် တိုင်းဒေသကြီးအစိုးရမှ အနောက်သီရိကျေးရွာ ရွှေ့ပြောင်းရေးအတွက် မြေဧက ၃၀ ကျော်ဖြင့် ကျေးရွာသစ်တည်ရန် ချပေးထာပြီး နေအိမ်အချို့ ရွှေ့ပြောင်းထားကြောင်း သိရသည်။

“မြေက အရင်၂၀၁၇ ခုနှစ်က ပြောင်းတဲ့အိမ်တွေအတွက် အကွက်ရိုက်ပေးပြီးပြီ။ ဒီနှစ်ပြောင်းရတဲ့ အိမ်တွေအတွက် အကွက်မရိုက် အတည်မပြုသေးလို့ ဘယ်သူမှ မနေရဘူး။ ရေတိုက်စားလို့ ရွှေ့ထားတဲ့အိမ်တွေ အကုန်လုံးက ဖြစ်သလိုနေရတယ်။ တာဝန်ရှိသူတွေဆီကို အမြန်ဆုံး မြေနေရာ ချထားပေးဖို့ တောင်းဆိုထားတယ်။ ရေတက်ချိန်ဆိုတော့ ရွာမှာလည်း ရေ၀င်ပြီး နေစရာမလွယ်ဘူး” ဟု အနောက်သီရိ ကျေးရွာသား တစ်ဦးက ဆိုသည်။

ကမ်းပြိုမှုကြောင့် နေအိမ်ရွှေ့ပြောင်းရသူများအား ပခုက္ကူမြို့နယ် ဘေးအန္တရာယ် စီမံခန့်ခွဲမှုကော်မတီမှ နေအိမ်တစ်လုံးလျှင် ရွှေ့ပြောင်းစရိတ် တစ်သိန်းကျပ်၊ စားနပ်ရိက္ခာ တစ်ပတ်စာနှင့် ကယ်ဆယ်ရေးပစ္စည်း ကိုးမျိုးအား ထောက်ပံ့ပေးထားကြောင်း သိရသည်။

ပခုက္ကူမြို့နယ် အနောက်သီရိကျေးရွာမှာ စိုက်ပျိုးမြေ အားလုံးနီးပါး ကုန်ဆုံးသွားသည့်အတွက် အများစုမှာ ကျပန်းလုပ်ငန်းများဖြင့် အသက်မွေးဝမ်းကျောင်း ပြုနေရပြီး ကျေးရွာမှာ မြို့ပြနှင့် အလှမ်းကွာဝေးခြင်းကြောင့် စားဝတ်နေရေး ခက်ခဲနေကြောင်း သိရသည်။

ကမ်းပြိုမှု ဆက်လက်ဖြစ်ပေါ်နေခြင်း၊ မြစ်ရေစီးကြောင်းမှာ ကျေးရွာဆီသို့ ဦးတည်စီးဆင်းနေခြင်း၊ လူနေအိမ်များဆီသို့ မြစ်ရေတိုက်စားလာခြင်းနှင့် မြစ်အတွင်းရှိ မြေရင့် ကျွန်းကျေးရွာ ဖြစ်သည့်အတွက် ရွှေ့ပြောင်းရန် မြေနေရာ နည်းပါးခြင်းကြောင့် ကမ်းပြိုမှု ကြုံတွေ့ရသည့် နေအိမ်များအား ရေလွတ်ရာ ကုန်းတွင်းဘက်သို့ ရွှေ့ပြောင်းခြင်းဖြစ်ကြောင်း၊ ယခုနှစ် ရေတက်ကာလတွင် ပခုက္ကူ မြို့နယ်တွင်းတွင် ကမ်းပြိုမှု ကြုံတွေ့ရသည့် ကျေးရွာနည်းပါးသော်လည်း ရေစကြိုမြို့နယ်တွင် ချင်းတွင်းနှင့် ဧရာဝတီ မြစ်ကမ်းဘေး ကျေးရွာအချို့မှာ ရေတိုက်စားမှုကြောင့် ကမ်းပြိုမှု ဆိုးရွားစွာ ဖြစ်ပေါ်နေကြောင်း သိရသည်။

ပခုက္ကူ၊ ပေါက်၊ ဆိပ်ဖြူနှင့် ရေစကြိုမြို့နယ်အတွင်း ရေကြီးနစ်မြုပ်မှုကြောင့် ပျက်စီးခဲ့သည့် စိုက်ပျိုးမြေများနှင့် ပတ်သက်၍ ကျပ်သိန်း ၂၀၀ ကျော် ထောက်ပံ့မည်

၂၀၁၈ ခုနှစ် ဇန်န၀ါရီလကုန်ပိုင်းက အချိန်အခါမဲ့ မိုးရွာသွန်းမှုကြောင့် တောင်ကျရေ ကျဆင်းလာပြီး ယောချောင်းအတွင်း ကြက်သွန်စိုက်ခင်းများ ရေနစ်မြုပ်စဉ်

ပခုက္ကူ၊ ပေါက်၊ ဆိပ်ဖြူနှင့်ရေ စကြိုမြို့နယ်အတွင်း ၂၀၁၇ – ၂၀၁၈ ခုနှစ်တွင် ရေကြီးနစ်မြုပ်မှုကြောင့် ပျက်စီးခဲ့သည့် စိုက်ပျိုးမြေများနှင့် ပတ်သက်၍ စိုက်ပျိုးရေးဦးစီးဌာနက ကျပ်သိန်း ၂၀၀ ကျော် ထောက်ပံ့မည်ဖြစ်ကြောင်း သိရသည်။

ပြီးခဲ့သည့် ၂၀၁၇ -၂၀၁၈ ခုနှစ် တွင် ရေကြီးနစ်မြုပ်မှုကြောင့် ပခုက္ကူမြို့နယ်တွင် နွေစပါး နှစ်ဧက၊ ဖူးစား ပြောင်း ကိုးဧကနှင့် ကြက်သွန်နီ ၄၆၃ ဧက ပျက်စီးခဲ့ပြီး အဆိုပါ နစ်နာဆုံးရှုံးမှုများနှင့် ပတ်သက်၍ မကွေးတိုင်းဒေသကြီး စိုက်ပျိုးရေး ဦးစီးဌာနက ကျပ် ၅၂၂၀၀၀၀ ထောက်ပံ့ပေး မည်ဖြစ်ကြောင်း သိရသည်။

ပေါက်မြို့နယ်အတွင်း ရေကြီးနစ်မြုပ်မှုကြောင့် မြေပဲ (ဆောင်း) ၄၀ ဧက၊ အာလူး ၁၉ ဧကနှင့် ကြက် သွန်နီ ၂၉၇ ဧကပျက်စီးခဲ့ပြီး အဆိုပါ နစ်နာဆုံးဆုံးရှုံးမှုများနှင့် ပတ်သက်၍ မကွေးတိုင်းဒေသကြီး၊ စိုက်ပျိုးရေး ဦးစီးဌာနက ကျပ် ၃၃၆၀၀၀၀ ထောက်ပံ့ပေးမည်ဖြစ်ကြောင်း သိရသည်။

ရေစကြိုမြို့နယ်အတွင်း ရေကြီးနစ်မြုပ်မှုကြောင့် နွေစပါး ၁၁ ဧကနှင့် မိုးစပါး ၁၁၂၄ ဧကပျက်စီးခဲ့ပြီး နစ်နာဆုံးရှုံးခဲ့သည့် တောင်သူများအား မကွေးတိုင်းဒေသကြီး၊ စိုက်ပျိုးရေး ဦးစီးဌာနက ၁၃,၉၉၀,၀၀၀ ကျပ် ထောက်ပံ့ပေးမည်ဖြစ်ကြောင်း သိရသည်။

ဆိပ်ဖြူမြို့နယ်အတွင်း ရေကြီးနစ်မြုပ်မှုကြောင့် ကြက်သွန်နီ ၁၀၂ ဧက ပျက်စီးခဲ့ပြီး နစ်နာဆုံးရှုံးခဲ့သည့် တောင်သူများအား မကွေးတိုင်းဒေသကြီး စိုက်ပျိုးရေးဦးစီးဌာနက ကျပ် ၁၀၂၀၀၀၀ ထောက်ပံ့ပေးမည်ဖြစ်ပြီး ထောက်ပံငွေအားလုံးကို အရေးပေါ်ရန်ပုံငွေမှ ကျခံသုံးစွဲခြင်းဖြစ်ကြောင်း သိရသည်။

“ရေကြီးနစ်မြုပ်ဒဏ် ခံစားခဲ့ရတဲ့ တောင်သူတွေကို လျော်ကြေးပေးမှာ ဖြစ်ပါတယ်။ ရေစကြိုနယ်ကတော့ ပြီးခဲ့တဲ့ ၂၀၁၇ ခုနှစ် ရေတက်ကာလမှာ ရေကြီးတဲ့ ဖြစ်စဉ်တင်မကဘဲ ရေလျှံရေနစ်တဲ့အထိ ကြုံရပါတယ်။ ကျွန်းကျေးရွာတွေ ကမ်းနားတစ်လျှောက်က ကျေးရွာတွေ အများဆုံးခံရပါတယ်။ အချိန်အခါမဟုတ် ရေတက်လာတာကြောင့် ပျိုးခင်းမြုပ်တာ၊ စပါးခင်းတွေ မြုပ်ကုန်တာတွေလည်း ရှိပါတယ်။ ဒီလိုငွေထောက်ပံ့ ပေးခြင်းအားဖြင့် တောင်သူတွေအတွက် အရင်းအနှီးစရိတ် အနည်းနဲ့အများ ဆိုသလို ရမှာပါ။ ရုံးးဖွင့်ရက်တွေမှာ ဌာနဆိုင်ရာ တာဝန်ရှိသူတွေနဲ့ တွေ့ဆုံဆွေးနွေးပြီး ထောက်ပံ့ငွေပေးသွားမှာပါ” ဟု ရေစကြိုမြို့နယ်မှ တိုင်းဒေသကြီး လွှတ်တော်ကိုယ်စားလှယ် ဦးတင်သောင်းက ပြောကြားသည်။

၂၀၁၇ ခုနှစ် မြစ်ရေတက်ကာလတွင် မြစ်ရေ၀င်ဒေသများမှ နွေစပါးနှင့် မိုးစပါးစိုက်ခင်းများမှာ ရေနစ်မြုပ်မှုကြောင့် ပျက်စီးမှု ကြုံတွေ့ရခြင်းဖြစ်ပြီး ကြက်သွန်နီနှင့် အာလူးစိုက်ခင်းများမှာ ၂၀၁၈ ခုနှစ် ဇန်န၀ါရီလကုန်ပိုင်းတွင် ရွာသွန်းခဲ့သည့် မိုးအပြင် ချောင်းရေတိုက်စားမှုကြောင့် ရေမျောပါ နစ်မြုပ်ဆုံးရှုံးရခြင်း ဖြစ်ကြောင်း ဒေသခံတို့ အဆိုအရ သိရသည်။

“တကယ်ရခဲ့မယ် ဆိုရင်တော့ တောင်သူတွေအနေနဲ့ ပျော်တာပေါ့။ ကျွန်တော်တို့လည်း ကြက်သွန်စိုက်ပြီးရော မိုးရွာလို့ ချောင်းရေကျလာပြီးေ ရမြုပ်တာတွေမြုပ်၊ မျောတဲ့အခင်း မျောကုန်တယ်။ ဒီနှစ်အထွက်ရော ဈေးရော မကောင်းတော့ ထောက်ပံ့ငွေရခဲ့ရင် စိုက်စရိတ်အတွက် အထောက်အကူ ဖြစ်တာပေါ့” ဟု ပေါက်မြို့နယ် သမားတော်ကျေးရွာမှ တောင်သူတစ်ဦးက ပြောကြားသည်။

စိုက်စရိတ် ကြီးမြင့်လာခြင်း၊ ရာသီဥတု ဖောက်ပြန်မှုကြောင့် သီးနှံအထွက်နှုန်း လျော့ကျခြင်းနှင့် တောင်သူများ သီးနှံရောင်းချချိန်တွင် ဈေးကောင်း မရခြင်းများကြောင့် ပခုက္ကူနယ်တစ်ဝိုက် စိုက်ပျိုးရေး လုပ်ကိုင်သည့် တောင်သူများမှာ တစ်နှစ်ထက်တစ်နှစ် ရပ်တည်ရေး ခက်ခဲလာကြောင်း သိရသည်။

 

ပခုက္ကူ သီးနှံဈေးကွက်အတွင်း နှမ်းမျိုးစုံမှာ ပြည်တွင်းနှင့် တရုတ်ဝယ်လက် များနေခြင်းကြောင့် ဈေးနှုန်းစံချိန်တင် မြင့်တက်နေပြီး နှမ်းနက်တစ်တင်း ကျပ် ၆၀၀၀၀ အထက် ပေါက်ဈေးရှိ

ပခုက္ကူမြို့နယ်တွင်းရှိ နှမ်းစိုက်ခင်းတစ်ခုတွင် တောင်သူများ နှမ်းရိတ်သိမ်းနေစဉ်

ပခုက္ကူ သီးနှံဈေးကွက်အတွင်း ၀င်ရောက်လျက်ရှိသည့် နှမ်းမျိုးစုံမှာ ပြည်တွင်းဝယ်လက်နှင့် တရုတ်ဝယ်လက်များ ၀ယ်ယူမှု များပြားနေခြင်းကြောင့် ဈေးနှုန်းမြင့်တက်နေပြီး နှမ်းနက်တစ်တင်းကျပ် ၆၀၀၀၀ အထက် ပေါက်ဈေးရှိကြောင်း သိရသည်။

ယောဒေသမှ ထွက်ရှိသည့် နှမ်းနက် (စမှုံနက်) မှာ ပခုက္ကူဈေးကွက်အတွင်း ယခုစက်တင်ဘာမှစ၍ ၀င်ရောက်လာပြီး တရုတ်ဝယ်လက်များ ၀ယ်ယူမှု များပြားနေခြင်းကြောင့် တစ်တင်းလျှင် အနိမ့်ဆုံး ကျပ် ၆၂၀၀၀ မှ အမြင့်ဆုံး ကျပ် ၆၉၀၀၀ ထိ ပေါက်ဈေးရှိကြောင်း သိရသည်။

ပခုက္ကူဈေးကွက်အတွင်း ပြီးခဲ့သည့် သြဂုတ်လမှစတင် ၀င်ရောက်လာသည့် နှမ်းညို၊ နှမ်းဝါများမှာ ပြည်တွင်း နှမ်းလှော်လုပ်ငန်းများမှ ၀ယ်ယူမှု မြင့်တက်လာခြင်းကြောင့် တစ်တင်းလျှင်ကျပ် ၄၀၀၀၀ အထက် ပေါက်ဈေးရှိပြီး နှမ်းညိုတစ်တင်း ၄၇၀၀၀ ကျပ်နှင့် နှမ်းဝါ တစ်တင်း ကျပ် ၅၀၃၀၀ ပေါက်ဈေး ရှိကြောင်း စက်တင်ဘာ ၁၁ ရက် ဈေးကွက်အရ သိရသည်။

“နှမ်းညို၊ နှမ်းဝါနဲ့ နှမ်းဖြူတွေကတော့ ပြည်တွင်းလုပ်ငန်းသုံးတွေ များပါတယ်။ သူတို့ဝယ်လက် များတာကြောင့် ဈေးတက်တာဖြစ်သလို ဒီနှစ် အထွက်နှုန်း လျော့တော့ အပြိုင်ဝယ်ကြတာကြောင့်လည်း တက်တာပါပါတယ်။ နှမ်းနက် ယောဒေသထွက်တွေကတော့ ခုမှဈေးကွက်ကို စ၀င်ပေမဲ့ တရုတ်ဝယ်လိုအား ကောင်းတာကြောင့် ဈေးလည်းကောင်းပါတယ်။ နှမ်းကာလာစုံ နေ့စဉ် အိတ် ရေ ၅၀၀ ကနေ ၁၀၀၀ ကြားလောက် ၀င်မယ်လို့တော့ မှန်းပါတယ်။ လက်ရှိဖြစ်နေတဲ့ ဈေးအခြေအနေအရ တောင်သူတွေ အဆင်ပြေမှာပါ” ဟု ပခုက္ကူမြို့မှ သီးနှံရောင်းဝယ်ရေး လုပ်ကိုင်သူ ကိုမျိုးအေးက ပြောကြားသည်။

ပြီးခဲ့သည့် ၂၀၁၇ ခုနှစ် နှမ်းသစ်ပေါ်ချိန်တွင် နှမ်းမျိုးစုံဈေးနှုန်း ကျဆင်းခဲ့ပြီး နှမ်းညို၊ နှမ်းဝါ တစ်တင်းကျပ် ၃၀၀၀၀ အောက်နှင့် နှမ်းနက်တစ်တင်း ကျပ် ၄၀၀၀၀ ၀န်းကျင်ဖြင့် ရောင်းချခဲ့ရပြီး ယခုနှစ်မှသာ နှမ်းဈေးနှုန်း ကောင်းမွန်ခြင်းဖြစ်ကြောင်း သိရသည်။

ယခုနှစ် နှမ်းစိုက်တောင်သူများမှာ သီးနှံပွင့်ဖူးချိန်တွင် မိုးသည်းထန်စွာ ရွာသွန်းမှုကြောင့် နှမ်းစိုက်ခင်းများ ပျက်စီးမှု ကြုံတွေ့ရသည့်အတွက် အထွက်နှုန်း လျော့ကျမှု ကြုံတွေ့နေပြီး နှမ်းညိုသစ်ဈေးနှုန်း မြင့်တက်နေသော်လည်း အကျိုးအမြတ်ခံစားရမှု နည်းပါးနိုင်ကြောင်း သိရသည်။

“ဒီနှစ် နှမ်းပွင့်ချိန်မှာ မိုးက ရက်ရှည် သည်းသည်းမည်းမည်း ရွာလိုက်တဲ့အတွက် ပျက်စီးမှုတွေများတယ်။ အပွင့်တွေ ကြွေကျတယ်။ အပင်တွေ ရေပိပြီး လဲကုန်တယ်။ ရက်ရှည် မိုးအုံတဲ့အတွက် ပိုးကျတာတွေလည်း ကြုံရတယ်။ လက်ရှိ ရိတ်သိမ်းခြွေလှေ့ပြီး သမျှတော့ ပုံမှန်အထွက်နှုန်းရဲ့ ထက်ဝက်အောက်အထိ လျော့ပါတယ်။ လက်ရှိဈေးနှုန်း တစ်တင်း ၄၀၀၀၀ ကျော်ကတော့ ဈေးကောင်းတယ်။ မနှစ်က တစ်တင်းမှ ၂၈၀၀၀ ကျပ်လောက်ပဲရှိတယ်” ဟု မြိုင်မြို့နယ် တောရွာမှ တောင်သူကိုစိုးဝင်းကျော်က ဆိုသည်။

ပခုက္ကူနယ်တစ်ဝိုက် ရာသီဥတု ပြောင်းလဲမှုအား တစ်နှစ်ထက် တစ်နှစ် ပိုမိုကြုံတွေ့လာသည့်အတွက် အချို့သော တောင်သူများမှာ မိုးဦးသီးနှံများအား စိုက်ပျိုးခြင်း မပြုတော့ဘဲ မိုးလယ်မိုးနှောင်း ကာလမှသာ နှမ်းရင်းနှင့် မြေပဲတို့အား စိုက်ပျိုးကြောင်း သိရသည်။

 

မကွေးတိုင်းဒေသကြီးအတွင်း တရားမ၀င် သစ်စက်များနှင့် တရားမ၀င် ရေနံချက်ဖိုများကို စီမံချက်ဖြင့် ဖမ်းဆီးမှုများ ထပ်မံလုပ်ဆောင် သွားမည်ဖြစ်ပြီး တရားဝင် ရေနံချက် လုပ်ငန်းများ ခွင့်ပြုပေးသွားမည်

မကွေးတိုင်းဒေသကြီး မင်းလှမြို့နယ် အတွင်းရှိ ရေနံမှော်တစ်ခုကို တွေ့ရစဉ်

မကွေးတိုင်းဒေသကြီးအတွင်း ပဲခူးရိုးမတောင်ကြောနှင့် ပခုက္ကူခရိုင်တို့တွင် တရားမ၀င် သစ်စက်များနှင့် တရားမ၀င် ရေနံချက်ဖိုများကို စီမံချက်ဖြင့် စစ်ကြောင်းဖွဲ့ ဖမ်းဆီးမှုများရှိခဲ့ပြီး ယင်းသို့ဖမ်းဆီးမှုများကို ထပ်မံလုပ်ဆောင် သွားမည်ဖြစ်ကာ တရားဝင်ရေနံချက် လုပ်ငန်းများ ခွင့်ပြုပေးသွားရန်ရှိကြောင်း တိုင်းဒေသကြီး အစိုးရအဖွဲ့ သဘာဝသယံဇာတ၊ လျှပ်စစ်နှင့် စွမ်းအင်ဝန်ကြီး ဦးမြင့်ဇော်က The Daily Eleven သတင်းစာသို့ ပြောကြားသည်။

မကွေးတိုင်းဒေသကြီး အောင်လံမြို့နယ်အတွင်း ပဲခူးရိုးမ တောင်ကြောများပေါ်တွင် မတ် ၁၈ ရက်မှ၂၁ ရက်အထိ သယံဇာတ၀န်ကြီး ဦးမြင့်ဇော် ဦးဆောင်၍ စစ်ကြောင်းထိုး ဖမ်းဆီးခဲ့ရာ တရားမ၀င်သစ်စက် ရှစ်လုံးနှင့် သစ် ၁၀ တန်ကျော် ဖမ်းဆီးရမိခဲ့ကြောင်း သြဂုတ် ၁၈ ရက်မှ၂၀ ရက်အထိ ပခုက္ကူခရိုင် ပေါက်မြို့နယ် အတွင်းရှိ တရားမ၀င် ရေနံချက်ဖိုများအား တိုင်းဒေသကြီး ရဲတပ်ဖွဲ့မှ ၀င်ရောက်ဖမ်းဆီးခဲ့ရာ ရေနံချက်ဖို ၇၈ ဖိုကို ဖမ်းဆီးရမိခဲ့ကြောင်း သိရသည်။

တရားမ၀င် သစ်လုပ်ငန်းများနှင့် ရေနံချက်ဖိုများအား အဆိုပါကဲ့သို့ စစ်ကြောင်းဖွဲ့ ဖမ်းဆီးမှုများနှင့် ရှောင်တခင် စစ်ဆေးမှုများကို ဆက်လက် ဆောင်ရွက်သွားမည်ဖြစ်ကြောင်း ဒေသခံများ၏ အလုပ်အကိုင် အခွင့်အလမ်းများ အတွက် တရားဝင် ရေနံချက်ဖိုများအား မကွေးတိုင်းဒေသကြီး အတွင်းတွင် ခွင့်ပြုပေးသွားရန် စီစဉ်လျက်ရှိကြောင်း ဦးမြင့်ဇော်က ပြောကြားသည်။

“ဒေသတွင်းမှာ ရေနံချက်စက်ရုံတွေ တည်ဆောင်ဖို့ ခွင့်ပြုလိုက်ခြင်းအားဖြင့် ဒေသခံတွေ အလုပ်အကိုင် အခွင့်အလမ်းတွေ ရရှိလာမယ်။ အဆင့်မှီတဲ့ ရေနံချက်စက်ရုံတွေက ထုတ်လုပ်တဲ့ နိုင်ငံတကာက လက်ခံနိုင်တဲ့ ဒီဇယ်တွေ၊ ဓာတ်ဆီတွေကို ကျွန်တော်တို့ နိုင်ငံသူ နိုင်ငံသားတွေ သုံးစွဲနိုင်မယ်။ အဆင့်မီတဲ့ ဒီဇယ်တွေ ဓာတ်ဆီတွေကို သုံးရတဲ့အတွက် ဆိုင်ကယ်တို့၊ ကားတို့၊ စက်ပစ္စည်းတွေ ပျက်စီးတာတွေ တော်တော်သက်သာ သွားပါလိမ့်မယ်။ အကျိုးဘယ်လောက်အထိ ဖြစ်ထွန်းမလဲလို့တော့ တိုင်းတာလို့ မရပါဘူး။ ပြည်သူတွေမှာတော့ အကျိုးရှိမှာ သေချာသလို ဒီဒေသမှာ အလုပ်အကိုင် အခွင့်အလမ်းတွေ ရလာမယ်။ ဒီဒေသကထွက်တဲ့ ရေနံတွေကို အဲဒီစက်ရုံတွေမှာချက်တဲ့ အခွန်အခတွေရပါမယ်။ မကွေးတိုင်းဒေသကြီးမှာ ဒီစက်ရုံတွေ ဆောက်ဖို့အတွက် အစိုးရပိုင်မြေတွေကို ခွင့်ပြုမှာဖြစ်တဲ့အတွက် ကျွန်တော်တို့ မြေငှားခလည်း ရပါလိမ့်မယ်။ ကျွန်တော်တို့ မကွေးတိုင်းဒေသကြီး မြန်မာ့လျှပ်စစ်လုပ်ငန်းက လျှပ်စစ်ကို အသုံးပြုပြီးချက်မှာ ဖြစ်တဲ့အတွက် လျှပ်စစ်အသုံးစရိတ်ကိုလည်း နိုင်ငံတော်ကရရှိမှာ ဖြစ်ပါတယ်” ဟု ဦးမြင့်ဇော်က ပြောကြားသည်။

ဦးမြင့်ဇော်က ဆက်လက်၍ “အစိုးရဆိုတာကတော့ ပြည်သူတွေရဲ့ အကျိုးစီးပွားကို ကာကွယ်ပေးရမှာပဲ။ ကာကွယ်ပေးရမှာပဲ ဆိုပေမယ့် တရားမ၀င်တဲ့ နည်းနဲ့တော့ ကျွန်တော်တို့ ကာကွယ်မပေးပါဘူး။ တရားဝင်နည်းနဲ့ပဲ ဥပဒေဘောင် အတွင်းကပဲ ကာကွယ်ပေးပါမယ်။ နိုင်ငံတော်က ချမှတ်ထားတဲ့ ဥပဒေတွေ နည်းဥပဒေတွေကို ကျော်လွန်ပြီးတော့ လုပ်ငန်းတွေလုပ်ရင်တော့ သူ့ထိုက်နဲ့ သူ့ကံပေါ့။ လုပ်ငန်းရှင်ကြီးကြီး သေးသေး ရွာသူရွာသားဖြစ်ဖြစ် တရားဝင်လုပ်ငန်းကို လုပ်နိုင်အောင် ကျွန်တော်တို့ အစိုးရအဖွဲ့က  ကူညီပေးသွားမှာ ဖြစ်ပါတယ်။ ဥပဒေဘောင်အတွင်းက အစွမ်းကုန် ကူညီပေးသွားမှာဖြစ်ပြီး တရားမ၀င်တဲ့ လုပ်ငန်းတွေကို လုပ်နေတဲ့ လုပ်ငန်းရှင်ကြီး ဖြစ်ပါစေ၊ ရွာသူရွာသားတွေ ဖြစ်ပါစေ၊ ကျွန်တော်တို့က ဥပဒေအရ အရေးယူ ဆောင်ရွက်သွားပြီး တရားဥပဒေဘောင် အတွင်းက ဆောက်ရွက်သွားမှာ ဖြစ်ပါတယ်” ဟု ပြောကြားသည်။

လက်ရှိတွင် မကွေးတိုင်းဒေသကြီးအတွင်း ပေါက်၊ ချောက်၊ မင်းလှ၊ သရက်မြို့နယ်များအတွင်း ရေနံလက်ယက်တွင်းများ လုပ်ကိုင်လျက်ရှိကြောင်း ထိုဒေသများမှ ထွက်ရှိသည့် ရေနံစိမ်းများကို စစ်ကိုင်းတိုင်းဒေသကြီး မုံရွာမြို့ ကျောက်ကာဒေသ၊ ဧရာဝတီတိုင်းဒေသကြီး အင်္ဂပူမြို့နယ်အတွင်းနှင့် မန္တလေးတိုင်းဒေသကြီး တံတားဦး၊ နွားထိုးကြီး စသည့်ဒေသများသို့ တင်ပို့ချက်လုပ်လျက်ရှိကြောင်း အဆိုပါ ရေနံလုပ်ငန်းများအတွက် မကွေးတိုင်းဒေသကြီး အစိုးရအဖွဲ့က မြေငှားခအဖြစ် တစ်ဧကလျှင် ကျပ် ၃၀၀၀၊ ထွက်ရှိလာသည့် ရေနံအပေါ်မှ ခိုင်ကြေးအဖြစ် ရာခိုင်နှုန်းဖြင့် ရရှိငွေ၊ ရေနံစိမ်းကို ရောင်းချသည့်အပေါ်မှ ကုန်သွယ်ခွန်တို့ကို ရရှိကြောင်း၊ ထို့ပြင် ရေနံစိမ်းများအား သယ်ယူခွင့်အတွက် ရေနံစိမ်း ဂါလန် ၅၀ ပါ တစ်ပီပါလျှင် ကျပ် ၃၀၀၀ နှုန်းရရှိကြောင်း ယင်းသို့ သယ်ယူခွင့်အတွက် ရရှိငွေများကို  တိုင်းဒေသကြီး အစိုးရအဖွဲ့၏ ငွေစာရင်းနံပါတ်ဖြင့် ဘဏ်တွင် တိုက်ရိုက်ပေးသွင်းရကြောင်း၊ အစိုးရသစ် တာဝန်ယူပြီး သုံးလခန့်အကြာ ၂၀၁၆ ခုနှစ် ဇွန် ၂ ရက်မှ ၂၀၁၈ ခုနှစ် ဇူလိုင်လကုန်အထိ ရေနံစိမ်း တစ်ပီပါလျှင် ကျပ် ၃၀၀၀ ကောက်ယူမှုမှ ကျပ်ခြောက်ဘီလျံကျော် ရရှိထားကြောင်း မကွေးတိုင်းဒေသကြီး အစိုးရအဖွဲ့ သဘာဝ သယံဇာတ၀န်ကြီး ဦးမြင့်ဇော်ထံမှ သိရသည်။

 

ပခုက္ကူခရိုင် ပေါက်မြို့နယ်အတွင်း ချောင်းရေတိုက်စားမှုကြောင့် ယောချောင်းဘေး ကျေးရွာအချို့ လူနေအိမ်များ ရွှေ့ပြောင်းနေရပြီး စိုက်ပျိုးမြေများပါ ပြိုကျပျက်စီး

ယောချောင်းရေ တိုက်စားမှုကြောင့် ပြိုကျပျက်စီးနေသည့် ၀က်မှေးကျေးရွာ ကမ်းပါးကို တွေ့ရစဉ် (ဓာတ်ပုံ – ရဲထွန်းဝင်း)

ပခုက္ကူခရိုင် ပေါက်မြို့နယ်အတွင်း ယောချောင်းဘေးရှိ ကျေးရွာအချို့မှာ ချောင်းရေကျဆင်းမှု များပြားနေသည့် အတွက် ရေတိုက်စားမှုကြောင့် လူနေအိမ်များ ရွှေ့ပြောင်းနေရသည့်အပြင် စိုက်ပျိုးမြေများပါ ပြိုကျပျက်စီးနေကြောင်း ဒေသခံများထံမှ သိရသည်။

ပေါက်မြို့နယ်အတွင်း ယောချောင်းဘေးရှိ ၀က်မှေးကျေးရွာမှာ ယောချောင်းရေတိုက်စားမှုကြောင့် ယခုနှစ်အတွင်း စိုက်ပျိုးမြေပေ ၄၅၀ ခန့် (ဧက ၄၀ နီးပါး) ပြိုကျပျက်စီးနေပြီး ကာကွယ်ရေးလုပ်ငန်း မလုပ်ဆောင်နိုင်ပါက ကျေးရွာအိမ်များမှာ ရွှေ့ပြောင်းရနိုင်ကြောင်း ဒေသခံများက ပြောကြားသည်။

“ချောင်းအလယ်မှာ သောင်တွေရှိတဲ့အတွက် ရေဦးကရွာဆီကို ဦးတည်ထိုးတာကြောင့် လယ်မြေတွေ ပြိုကုန်တာပါ။ အရင်နှစ်တွေကတည်းက စပြိုတယ် ဆိုပေမယ့် ဒီနှစ်မှာတော့ ရွာနဲ့ကမ်းပါးနဲ့က အတော်နီးနေပြီ။ နောက်ထပ် လယ်တစ်ကွက်စာလောက်ပဲ ကျန်တော့တယ်။ ရွာအနေနဲ့က တတ်နိုင်သမျှ လုပ်နေပေမယ့် ငွေကြေးမတတ်နိုင်တာကြောင့် အခက်အခဲရှိတယ်။ ရေအားလည်း များနေတော့ ကမ်းပါးခြေကို သိပ်မကပ်ရဲဘူး။ လုပ်နိုင်သမျှတော့ အရဲစွန့်ပြီး လုပ်နေရတယ်” ဟု ပေါက်မြို့နယ် ၀က်မှေးကျေးရွာမှ ကိုစိုးဝင်းသန်းက ပြောကြားသည်။

ယောချောင်းဘေးရှိ ၀က်မှေးကျေးရွာမှာ ပုံတောင်ပုံညာ တောင်တန်းနှင့် ထိစပ်နေသည့် ဒေသဖြစ်ပြီး စိုက်ပျိုးလုပ်ကိုင်နိုင်သည့် လွင်ပြင်နည်းပါးပြီး ရေနည်းချိန် ပေါ်ထွန်းလာသည့် မြေနုနှင့် ကမ်းပြိုမှုကြောင့် ဆုံးရှုံးသွားသည့် လယ်မြေများကိုသာ အားထားလုပ်ကိုင်ရကြောင်း သိရသည်။

“ကမ်းပါးနဲ့ ရွာက လယ်တစ်ကွက်စာလောက်ပဲ ကွာပါတော့တယ်။ ပေအားဖြင့် ပေ ၁၀၀ လောက်ပဲ ကွာပါတယ်။ ပါသွားတဲ့ လယ်တွေဆိုရင် စပါးစိုက်ပျိုးဆဲ ဖြစ်ပါတယ်။ အတော်လေး ဆုံးရှုံးမှု များနေပါတယ်။ ကျွန်တော်တို့ဘက်ကတော့ ကာကွယ်ရေးလုပ်ငန်းတွေ အမြန်ဆုံး လုပ်နိုင်အောင် ကြိုးစားနေပါတယ်” ဟု ပေါက်မြို့နယ် ပြည်သူ့လွှတ်တော် ကိုယ်စားလှယ် ဦးရဲထွန်းဝင်းက ပြောကြားသည်။

ပခုက္ကူခရိုင် ပေါက်မြို့နယ်အတွင်း ယောချောင်းအနီးရှိ ညောင်ဝန်းကျေးရွာမှာ ပြီးခဲ့သည့် သြဂုတ်လအတွင်း ချောင်းရေတိုက်စားမှုကြောင့် နေအိမ်ကိုးလုံးအရေးပေါ် ရွှေ့ပြောင်းထားရပြီး စိုက်ပျိုးမြေများ ပြိုကျပျက်စီးနေကြောင်း၊ နေအိမ်များ ရွှေ့ပြောင်းမှု ပြုလုပ်ထားသည့် ညောင်ဝန်းကျေးရွာ ကမ်းပါးကာကွယ်ရေး အတွက် တိုင်းဒေသကြီးအစိုးရမှ ကျပ်သိန်း ၁၅၀ ချထားပေးသော်လည်း ကမ်းပြိုသည့် အခြေအနေအရ လောက်ငခြင်း မရှိကြောင်း သိရသည်။

“ကမ်းပါးပြိုနေတဲ့ အရှည်က ပေ ၁၀၀၀ ကျော်ရှိပါတယ်။ ဒါပေမဲ့ ကာကွယ်ရေးလုပ်ငန်း အတွက်က သိန်း ၁၅၀ ဆိုတော့ ဘယ်လိုမှ အဆင်မပြေပါဘူး။ တိုင်းမြစ်ချောင်း/ဖြိုးက တာဝန်ရှိသူတွေနဲ့ တိုင်းဝန်ကြီးလာတော့ ကမ်းပါးအခြေအနေကို မျက်မြင်ဖြစ်အောင် ဒေသခံတွေ လိုက်ပြထားပါတယ်။ ကျွန်တော်တို့ဘက်ကလည်း ကြိုးစားနေပါတယ်” ဟုပေါက်မြို့နယ် တိုင်းဒေသကြီး လွှတ်တော်ကိုယ်စားလှယ် ဦးအောင်သန်းက ပြောကြားသည်။

ပေါက်မြို့နယ် ယောချောင်းအနီး နေထိုင်သည့် ကျေးရွာများမှ ဒေသခံများမှာ ကုန်းစိုက်ပျိုးမြေနည်းပါးပြီး ချောင်းရေနည်းပါးချိန် ပေါ်ထွန်းလာသည့် မြေနုများတွင် ကြက်သွန်၊ မြေပဲနှင့် အာလူးတို့ကို အဓိကထား စိုက်ပျိုးကြကြောင်း သိရသည်။

 

ပခုက္ကူဆေးရုံကြီး အရိုးကုသဆောင်မှ တာဝန်ကျဆရာဝန် တစ်ဦးနှင့် လူနာမိန်းကလေးတို့ ငြိစွန်းသည်ဆိုသည့် သတင်းထွက်ပေါ်မှုနှင့် ပတ်သက်၍ ဌာနတွင်း စုံခုံဖွဲ့စစ်ဆေးနေ

ပခုက္ကူဆေးရုံကြီး အရိုးကုသဆောင်မှ တာဝန်ကျဆရာဝန် တစ်ဦးနှင့် လူနာမိန်းကလေးတို့ ငြိစွန်းသည်ဆိုသည့် သတင်းထွက်ပေါ်မှုနှင့် ပတ်သက်၍ ဌာနတွင်း စုံစမ်းစစ်ဆေးနေကြောင်း မကွေးတိုင်း ကျန်းမာရေး ဦးစီးမှူးက သြဂုတ် ၂၃ ရက်တွင် ပြောကြားသည်။

အဆိုပါဖြစ်စဉ် မှန်ကန်ခြင်း ရှိ၊ မရှိနှင့် ကျင့်ဝတ်ဆိုင်ရာ ဖောက်ဖျက်မှုရှိ၊ မရှိ စုံခုံဖွဲ့ စစ်ဆေးနေပြီး ရေစကြိုမြို့ ပြည်သူ့ဆေးရုံ အုပ်ကြီးက ဥက္ကဋ္ဌအဖြစ် တာဝန်ယူ၍ မြို့နယ်ဆရာဝန် တစ်ဦးနှင့် တိုက်နယ်ဆရာဝန် တစ်ဦးမှ အဖွဲ့ဝင်အဖြစ် ပါဝင်စစ်ဆေးနေကြောင်း သိရသည်။

“ကျွန်တော့်ဘက်က ဘာသတင်းမှ မရပေမယ့် ရတဲ့သတင်းပေါ်မှာ မူတည်ပြီးတော့ ဆရာဝန်တစ်ယောက်က ဆရာဝန်ကျင့်ဝတ်နဲ့  ညီလား၊ မညီလား ဆိုတာတွေကို ကျွန်တော်တို့က စွပ်စွဲခံရတဲ့ကလေးကို အစစ်ဆေးခံသူ အနေနဲ့ စစ်တယ်။ ရေစကြိုဆေးရုံအုပ်က ဥက္ကဋ္ဌ၊ မြို့နယ်ဆရာဝန် တစ်ယောက်နဲ့ တိုက်နယ်ဆရာဝန် တစ်ယောက် အဖွဲ့ဝင် အနေနဲ့ စစ်နေတယ်။ ဒီနေ့ဆို ပြီးလောက်ပြီ။ ရီပို့တက်လာရင် ကျွန်တော့်သဘောထား မှတ်ချက်နဲ့အတူ ရုံးချုပ်ကို တင်ပေးမယ်။ သဘောထားမှတ်ချက်ပဲ ပေးလို့ရတယ်။ ဆုံးဖြတ်ပေးလို့ မရဘူး။ ဖြစ်ရင်ဖြစ်သလိုတော့ ခံရမယ်။ သူဘာလုပ်တယ်ဆိုတာ ပေါ်လာလိမ့်မယ်။ စစ်ဆေးနေပါတယ်” ဟု မကွေးတိုင်း ကျန်းမာရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာမိုးဆွေက ပြောကြားသည်။

၂၀၁၈ ခုနှစ် သြဂုတ် ၂ ရက်က လူမှုကွန်ရက်တွင် Anyarthar Luhman အမည်ဖြင့် ပခုက္ကူ = ရေစကြို သတင်းပေါင်းချုပ်ကြီး ဆိုသည့် Public Group ၌ ‘ပထမ၀ါဆိုလဆုတ် ၁၄ ရက်ညတွင် ကျမသမီး လူနာကုတင်ပေါ်မှ ပျောက်သွားခဲ့ပါတယ်။ ဘေးလူနာစောင့်တွေကို ကျမသမီး မြင်မိလားလို့ မေးကြည့်တော့ ဆရာဝန်နားတဲ့ အခန်းထဲ ၀င်သွားတာ မြင်လိုက်ကျတယ်လို့ ဆရာဝန်နားနေခန်း အနီးက လူနာစောင့်တွေက ပြန်ပြောကြတယ်။ သမီးလေးကို မေးကြည့်တော့ တိတိကျကျ အဖြေမရခဲ့ဘူး။ ဆေးရုံကို ၈ ရက်တက် ခဲ့ရတယ်။ ၄ ရက်မြောက်ညကစပြီး သမီးလေးညညမှာ ပျောက်ပျောက်သွားတာ ၄ ရက်လုံးလုံး ပျောက်နေခဲ့ပါတယ်” ဟု ရေးသားဖော်ပြခဲ့သည်။

ဆရာဝန်နှစ်ဦးက လှမ်းခေါ်၍ သမီးဖြစ်သူ လိုက်သွားကြောင်း၊ နားနေခန်းထဲအ ရောက်တွင် ဆရာဝန်နှစ်ဦးက တံခါးပိတ်လိုက်ကြောင်းနှင့် သမီးအား ဆက်မေးရာ မပြောတော့ဘဲ ငိုနေခဲ့ကြောင်း Anyarthar Luhman အကောင့်တွင် ဆက်လက်ရေးသားဖော်ပြပြီး အင်တာနက် အသုံးပြုသူများက မှတ်ချက်အများအပြား ၀င်ရောက်ရေးသားခဲ့သည်။

သြဂုတ် ၂၀ ရက်တွင် ‘ပခုက္ကူမြို့စောင့် ဘီလူး’ အမည်ဖြင့် အင်တာနက်အသုံးပြုသူ တစ်ဦးက ‘အများပြည်သူ စိတ်ဝင်စားနေသည့် ဆေးသမားကျင့်ဝတ် ဖောက်ဖျက်သော၊ လူ့စည်းကမ်း မလိုက်နာသော ဆရာဝန်နှင့် အသက်မပြည့်သေးသူ၊ အိမ်ထောင်သည် ဆရာဝန်၏ ကာမဖျားယောင်းသွေးဆောင် ရယူခြင်းခံရသူ၊ မိဘအုပ်ထိန်းမှု မကင်းလွတ်သေးသူ၊ ပခုက္ကူဆေးရုံမှ လူနာမိန်းကလေး၏ ဇာတ်လမ်းမှာ အမှန်တစ်ကယ် ဖြစ်ပွားခဲ့ပါသည်’ ဟု အင်တာနက် လူမှုကွန်ရက်တွင် ရေးသားခဲ့သည်။

လူနာမိန်းကလေးအား ဆရာဝန်ခုနစ်ဦးက မုဒိမ်းကျင့်ခြင်းနှင့် ဆရာဝန်က လူနာအား နားနေခန်းအတွင်း မုဒိမ်းကျင့်ခြင်းဆိုသည့် ဖြစ်စဉ်မျိုး မရှိကြောင်းနှင့် ရဲစခန်းတွင် အမှုဖွင့် တိုင်ကြားခြင်းများလည်း မရှိကြောင်း မကွေးတိုင်း ကျန်းမာရေး ဦးစီးဌာန ဒုတိယညွှန်ကြားရေးမှူးချုပ် ဒေါက်တာမိုးဆွေက ပြောကြားသည်။

“ဖေ့စ်ဘွတ်မှာတော့ ပထမလူတစ်ယောက်က ဆရာဝန် ခုနစ်ယောက်က Rape လုပ်တယ်ပေါ့။ နောက်တစ်ခုကတော့ ဆရာဝန်တစ်ယောက်နဲ့ လူနာနဲ့ ဌာနထဲမှာ ဖြစ်ကြတယ်ပေါ့။ ဒါလေး ထွက်တယ်။ ကျွန်တော်တို့ ဆီတော့ ဘာတစ်ပုဒ်မှ မရောက်ဘူး။ ကျွန်တော်တို့လည်း သူများပြောမှသိတယ်။ အဲဒီတော့ ပခုက္ကူဆေးရုံကြီးကို မေးတယ်။ ရဲတပ်ဖွဲ့မှူးမေးတယ်။ ရဲစခန်းမှာလည်း တိုင်တာမရှိဘူး။ ပခုက္ကူဆေးရုံအုပ်ကြီးကတော့ သူတို့ပြောတဲ့ လူနာနဲ့ မိဘတွေကို ခေါ်တွေ့တယ်။ သုံးခါတိတိ ခေါ်တွေ့တယ်။ ဘာလုပ်ပေးရမလဲ ဘာတွေဖြစ်တာတုန်းဆိုတော့ ဘာမှမဖြစ်တော့ပါဘူး။ သူ့မိဘတွေက ကလေးကို ရောဂါပျောက်အောင် ကုသပေးရင် ပြီးပါပြီလို့ ပြောတယ်ပေါ့။ အဲဒီလိုပဲ ကြားတယ်။ အပြင်မှာ ပြောနေတာတွေတော့ မကြားဘူး။ ကျွန်တော် ပြောနိုင်တာက ပခုက္ကူကိစ္စမှာ Rape လုပ်တယ်ဆိုတာ မဟုတ်ဘူး။ ဌာနထဲမှာ ဒီလိုကိစ္စ ဖြစ်သွားတယ် ဆိုတာလည်း မဟုတ်ဘူးလို့ ပြောလို့ရတယ်” ဟု မကွေးတိုင်း ကျန်းမာရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာမိုးဆွေက ဆက်လက်ပြောကြားသည်။

သြဂုတ် ၂ ရက် ညမှစ၍ လူနာမိန်းကလေးနှင့် ဆရာဝန်တို့၏ဖြစ်စဉ် မှန်ကန်မှု ရှိ မရှိ မြို့ခံများအကြား ဝေဖန်မှုများရှိနေပြီး သြဂုတ် ၆ ရက်တွင် လူနာမိန်းကလေးနှင့် ငြိစွန်းသည်ဟုဆိုသည့် ဆရာဝန်အား အခြားမြို့သို့ ယာယီပြောင်းရွှေ့ခဲ့ကြောင်း သိရသည်။

ပြောင်းရွှေ့မိန့် ထုတ်ရခြင်းနှင့် ပတ်သက်၍ တိုင်းကျန်းမာရေး ဦးစီးမှူးအား မေးမြန်းရာ လူနာနှင့် ငြိစွန်းခြင်းကြောင့် ပြောင်းရွှေ့သည့်စာထုတ်ရခြင်း မဟုတ်ကြောင်းနှင့် လုပ်ငန်းလိုအပ်ချက် ဆရာဝန် လိုအပ်နေသည့် မြို့သို့ နှစ်လခန့် ယာယီရွှေ့ပြောင်းခြင်းဖြစ်ကြောင်း ဖြေကြားသည်။

ပခုက္ကူဆေးရုံ အရိုးကုသဆောင်မှ တာဝန်ကျဆရာဝန်နှင့် အသက်မပြည့်သေးသည့် လူနာမိန်းကလေးတို့ ငြိစွန်းသည်ဆိုသည့် သတင်းနှင့် ပတ်သက်၍ ပခုက္ကူမြို့ခံများအကြား အမျိုးမျိုး ဝေဖန်ပြောဆိုနေပြီး အဆိုပါ ဖြစ်စဉ်နှင့် ပတ်သက်၍ တာဝန်ရှိသူများ၏ စစ်ဆေးတွေ့ရှိချက်အား ပွင့်လင်းမြင်သာစွာ ထုတ်ပြန်စေလိုကြောင်း မြို့ခံများက ဆန္ဒရှိနေသည်။

 

ပခုက္ကူဆေးရုံကြီးအတွင်း ရုံးခန်းဖွင့်လှစ်၍ သွေးနှင့်အောက်ဆီဂျင် ကူညီပေးနေသည့် အသင်းများအား အမြန်ဆုံးဖယ်ရှားရန် သက်ဆိုင်ရာက စာပေးပို့လာ၍ အသင်းအချို့ ရပ်နားရမည့် အခြေအနေ ကြုံတွေ့

အာယုသုခ အောက်ဆီဂျင်အသင်းသို့ လူနာမိသားစုဝင်တစ်ဦး အောက်ဆီဂျင်အိုး လာရောက် ငှားရမ်းနေစဉ်

ပခုက္ကူဆေးရုံကြီးအတွင်း ရုံးခန်းဖွင့်လှစ်၍ သွေးနှင့် အောက်ဆီဂျင် ကူညီပေးနေသည့် အသင်းများအား အမြန်ဆုံးဖယ်ရှားရန် သက်ဆိုင်ရာမှ သြဂုတ် ၂၁ ရက်တွင် စာပေးပို့လာသည့်အတွက် အသင်းအချို့ ရပ်နားရမည့် အခြေအနေ ကြုံတွေ့နေကြောင်း အသင်းတာဝန်ရှိသူများထံမှ သိရသည်။

ဆေးရုံဝင်းအတွင်း မြေဧရိယာများ၌ လူမှုရေး အသင်းအဖွဲ့များမှ ရုံးခန်းဖွင့်လှစ်၍ ဆောင်ရွက်လျက် ရှိသည့်အတွက် ကျန်းမာရေးဌာနပိုင် ဧရိယာအတွင်း မလိုလားအပ်သော ပြဿနာများ လျှော့ချနိုင်ရန် အသင်းအဖွဲ့များမှ ဖွင့်လှစ်ထားသည့် လုပ်ငန်းများကို အမြန်ဆုံးဖယ်ရှာပေးပါရန် ပခုက္ကူဆေးရုံအတွင်း ဆေးရုံအုပ်ကြီး လက်မှတ်ရေးထိုး၍ သွေးနှင့် အောက်ဆီဂျင် ကူညီပေးနေသည့် အသင်းများထံ အကြောင်းကြားစာ ပေးပို့ခဲ့ခြင်းဖြစ်သည်။

ဆေးရုံဝင်းအတွင်းမှ အသင်းဖယ်ရှားပေးရန် စာပေးပို့ခံရသည့် အသင်းများမှ ရပ်ဝေးမှ လာရောက်ဆေးကုသမှု ခံယူနေသည့် လူနာများသွေးနှင့် အောက်ဆီဂျင် လိုအပ်ချက် မဖြစ်ပေါ်စေရေးအတွက် လုပ်ငန်းဆက်လက် လုပ်ကိုင်နိုင်ရေး မေတ္တာရပ်ခံစာ ပေးပို့မည်ဖြစ်ကြောင်း သိရသည်။

“ဦးဇင်းတို့ကတော့ ဒီမှာဆက်ပြီး လုပ်နိုင်ဖို့ မေတ္တာရပ်ခံစာပို့မယ်။ ဒါမှ ဖယ်ပေးရမယ်ဆိုလည်း ဖယ်ပေးလိုက်မယ်။ အောက်ဆီဂျင် အကူအညီ ပေးတာတော့ မရပ်ဘူး။ ခြောက်ဘီးကားထိုးပြီး ကူညီမယ်။ သို့ပေမဲ့ ရာသီဥတုဒဏ်ကြောင့် ဆက်မလုပ်နိုင်တော့ဘူးဆိုမှ ရပ်မယ်။ ဆောင်းတွင်းဆိုလည်း ဒီကအရမ်းအေးတယ်။ ညနက်ထိ ကားဘေးထိုင်နေနိုင်မလား။ နွေလည်းတအားပူတယ်။ ကားပေါ်လည်း ထိုင်မနေနိုင်ဘူး။ တတ်နိုင်သမျှ ဆက်လုပ်မယ်။ မနိုင်တော့ဘူးဆိုမှ ရပ်မယ်” ဟု အောက်ဆီဂျင် ကူညီပေးနေသည့် အာယုသုခ လူမှုရေးအသင်းမှ ဦးပညာဇောတက မိန့်ကြားသည်။

မေတ္တာမီးအိမ် အောက်ဆီဂျင် ကူညီရေးအသင်းမှာ ဆေးရုံအတွင်းမှ ဖယ်ရှားရမည် ဖြစ်သည့်အတွက် ၎င်းတို့ ငှားရမ်းထားသည့် အောက်ဆီဂျင်ဘူးများအား ပြန်လည်စုဆောင်းမှု ပြုလုပ်နေပြီး အောက်ဆီဂျင် ကူညီပေးမှုအား ယာယီရပ်နားလိုက်ကြောင်း သိရသည်။

လက်ရှိတွင် ပခုက္ကူမြို့ တမာမြေသွေး အလှူရှင်အသင်းမှာ သွေးရှာဖွေလှူဒါန်းမှုအား ရပ်နားလိုက်ပြီး သွေးလိုအပ်ချက်အား ကျန်သွေးလှူရှင် အသင်းများမှ ဆက်လက် လုပ်ဆောင်နေပြီး လစဉ်သွေးလိုအပ်မှု သွေးအလုံး ၅၀၀ ခန့်ရှိကြောင်း သိရသည်။

 

ပခုက္ကူမြို့နယ် Myanmar Magic Link Co., Ltd. အထည်ချုပ်လုပ်ငန်းမှ လုပ်သား ၂၄၀ ကျော် ကြိုတင်အသိပေး အကြောင်းကြားခြင်း မရှိဘဲ အလုပ်ထုတ်ပယ်ခံရ

အလုပ်မှ ထုတ်ပယ်ခံရသည့် လုပ်သားများ ၎င်းတို့နစ်နာချက်များအား တင်ပြရန် စုဝေးနေစဉ်

ပခုက္ကူမြို့နယ် Myanmar Magic Link Co., Ltd.အထည်ချုပ်လုပ်ငန်းမှ လုပ်သား ၂၄၀ ကျော်အား သြဂုတ် ၃ ရက်နှင့် ၄ ရက်တို့တွင် အလုပ်ရှင်ဘက်က ကြိုတင်အသိပေး အကြောင်းကြားခြင်း မရှိဘဲ အလုပ်မှ ထုတ်ပယ်ခံရကြောင်း သိရသည်။

သြဂုတ် ၃ ရက်တွင် စက်ချုပ်လုပ်သား ၂၀၀ ကျော်အား အလုပ်မှ ထုတ်ပယ်ကြောင်း အသိပေးခဲ့ပြီး သြဂုတ် ၄ ရက်တွင် ယာဉ်မောင်းများနှင့် အခြားဆောက်လုပ်ရေး လုပ်သားများအား အလုပ်မှ ဆက်လက် ထုတ်ပယ်ခဲ့ကြောင်း သိရသည်။

အလုပ်မှ ထုတ်ပယ်ခံရသူများထဲတွင် လုပ်သက်ခြောက်လမှ တစ်နှစ်ထိ ၀န်ထမ်းများအား လျော်ကြေးငွေ ၁၅ ရက်လုပ်ခလစာ၊ လုပ်သက်တစ်နှစ်မှ နှစ်နှစ်ထိ ၀န်ထမ်းများအား လျော်ကြေးငွေ တစ်လစာ လုပ်ခလစာနှင့်  လုပ်သက်နှစ်နှစ်အထက် ၀န်ထမ်းများအား လျော်ကြေးတစ်လခွဲစာ ပေးလျော်မည် ဖြစ်ကြောင်းနှင့် လုပ်သက်ခြောက်လအောက် ၀န်ထမ်းအား လျော်ကြေးငွေ ပေးအပ်မည် မဟုတ်ကြောင်း သိရသည်။

“သူတို့ ထုတ်လိုက်တယ်။ လက်လွတ်စပယ်ထုတ်တယ်။ ဒီနေ့ထုတ် မနက်ဖြန် ထွက်ရတယ်။ မဖြစ်သင့်ဘူး။ ဒီအလုပ်ရဖို့ ဆေးရုံဆေးစစ် သွားရတယ်။ ထောက်ခံစာ ယူရတယ်။ အလုပ်သမားရုံး သွားရတယ်။ ရပ်ကွက်ထောက်ခံစာ ယူရတယ်။ ရဲစခန်းထောက်ခံစာ ယူရတယ်။ လွယ်လွယ်နဲ့ ဒီအလုပ်ကို ရတာမဟုတ်ဘူး။ လွယ်လွယ်နဲ့ ၀င်ခဲ့တာ မဟုတ်တဲ့အတွက် လွယ်လွယ်နဲ့တော့ မထွက်နိုင်ဘူး။ အလုပ်ထုတ်လိုက်တာမှာ ဘာခံစားခွင့်မှ မရှိဘူး။ အလုပ်သမား ခေါင်းဆောင်ကို မေးတယ်။ ဘာမှမသိဘူး ပြောတယ်။ မဖြစ်သင့်ဘူး။ ထွက်ရတဲ့အတွက် အကျိုးခံစားခွင့် လိုချင်တယ်။ ကျန်ခဲ့တဲ့ မိသားစုမှာ စားဝတ်နေရေး အဆင်မပြေနိုင်ဘူး။ အကျိုးခံစားခွင့်မရရင် ဒီအလုပ် ပြန်လုပ်ချင်တယ်။ ပြစ်ချက်မရှိဘဲ အထုတ်ခံရတယ်” ဟု အလုပ်မှ ထုတ်ပယ်ခံရသူ ကိုသန့်ဇင်ဌေးက ပြောကြားသည်။

Myanmar Magic Link Co., Ltd.အထည်ချုပ်စက်ရုံမှ ၀န်ထမ်းခန့်ထားစဉ် အလုပ်မှ ထွက်လိုပါက တစ်လကြိုတင် အသိပေးရန်နှင့် အလုပ်မှ ထုတ်ပယ်မည် ဆိုပါက ၀န်ထမ်းများအား တစ်လကြိုတင် အသိပေးမည်ဟု သဘောတူစာချုပ် ချုပ်ဆိုခဲ့ကြောင်း သိရသည်။

“မနေ့က (သြဂုတ် ၃ ရက်) ညနေ ၄ နာရီလောက်မှာ အလုပ်သမားတွေကို မနက်ဖြန်ကစပြီး နားရမယ်လို့ ပြောတယ်။ မနက်ဖြန်ကစပြီး အလုပ်မရှိတော့ဘူးလို့ ပြောပါတယ်။ စာချုပ်တုန်းက တစ်လကြိုပြောမယ် ဆိုတာပါတယ်။ ဒါပေမဲ့ ကျွန်မတုိ့ကို မနေ့ကမှပြောတယ်။ တစ်လအတွင်း အလုပ်ရှာချင်သေးတယ်။ တစ်လစာ သူတို့ဆီမှာ အလုပ်လိုချင်သေးတယ်။ အဲဒါကို သူတို့ဘက်က လက်မခံဘူး” ဟု မလှစုမွန်က ပြောကြားသည်။

အဆိုပါဖြစ်စဉ်နှင့် ပတ်သက်၍ Myanmar Magic Link Co., Ltd. အထည်ချုပ်စက်ရုံ တည်ရှိရာ အမှတ် (၁၁) အထည် စက်ရုံသို့မေးမြန်းရာ တာဝန်ရှိသူ တစ်ဦးက Myanmar Magic Link Co., Ltd. အထည် ချုပ်စက်ရုံ တာဝန်ခံများ မရှိတော့ကြောင်း ဖြေကြားသည်။

Myanmar Magic Link Co., Ltd. အထည်ချုပ်စက်ရုံမှ တရုတ်နိုင်ငံသားများမှာ ပြီးခဲ့သည့် ရက်အနည်းငယ်မှစ၍ တစ်ဖွဲ့ချင်း ထွက်ခွာသွားကြောင်းနှင့် မြန်မာလူမျိုး စကားပြန်သာ ကျန်ရှိနိုင်တော့ကြောင်း စက်ရုံလုပ်သားများထံမှ သိရသည်။

နိုင်ငံတော်ပိုင် အမှတ် (၁၁) အထည် စက်ရုံအား၂၀၁၄ ခုနှစ် ဧပြီ ၁ ရက်မှစ၍ တရုတ်နိုင်ငံသားများက ငှားရမ်းပြီး Myanmar Magic Link Co., Ltd. အထည်ချုပ်စက်ရုံအဖြစ် ပြောင်းလဲလုပ်ကိုင်ခဲ့ပြီး ပခုက္ကူနှင့် မြိုင်မြို့နယ် အတွင်းရှိ ဒေသခံများ လာရောက် လုပ်ကိုင်ကြောင်း သိရသည်။

 

ပခုက္ကူမြို့ မြို့ရှောင်လမ်းဘေးရှိ ဆောက်လုပ်ဆဲဟိုတယ် လုပ်ငန်းခွင်တစ်ခု မြေကျင်းတူးရာမှ မြေပြိုမှုဖြစ်ပွားရာ လုပ်သားနှစ်ဦး မြေပိသေဆုံး

မြေပြိုမှု ဖြစ်ပွားပြီးနောက် မြေပိနေသူများအား ကယ်ဆယ်မှု ပြုလုပ်နေစဉ်

ပခုက္ကူမြို့ မြို့ရှောင်လမ်းဘေးရှိ ဆောက်လုပ်ဆဲ ဟိုတယ်တည်ဆောက်ရေး လုပ်ငန်းခွင်တစ်ခုတွင် ဇွန် ၁၆ ရက် မွန်းလွဲ ၁၁ နာရီ  မိနစ် ၃၀ ခန့်က မြေကျင်းတူးရာမှ မြေပြိုမှုဖြစ်ပွားရာ လုပ်သားနှစ်ဦး မြေပိသေဆုံးခဲ့ကြောင်း သိရသည်။

ဖြစ်စဉ်မှာ ပခုက္ကူမြို့ရှောင်လမ်းဘေးရှိ နှစ်ထပ်သံကူကွန်ကရစ် အမျိုးအစား ဆောက်လုပ်ဆဲ အဆောက်အဦတွင် အကျယ် နှစ်ပေ၊ အနက် နှစ်ပေရှိ အောက်ခံအုတ်မြစ်လိုင်း တူးဖော်စဉ် အုတ်မြစ်လိုင်း၏ဘေး တစ်ပေအကွာ အမြင့်ကိုးပေခန့်ရှိ မြေစာပုံပြိုကျရာမှ မြေကျင်းလိုင်းတူးနေသည့် လုပ်သားနှစ်ဦး မြေများပိမိ သေဆုံးခြင်းဖြစ်သည်။

မြေပြိုမှု ဖြစ်ပွားရာ မြို့ရှောင်လမ်းဘေးနေရာသို့ ခရိုင်၊ မြို့နယ် မီးသတ်ဦးစီးဌာနမှ ကယ်ဆယ်ရေးဝန်ထမ်း ၁၇ ဦးဖြင့် သွားရောက် ကယ်ဆယ်မှု ပြုလုပ်ခဲ့ပြီး ရှာဖွေကယ်ဆယ် ရရှိသူ နှစ်ဦးအား ပုညမုဒိတာလူမှုရေး အသင်းယာဉ်နှင့် မီးသတ်ဦးစီးဌာန အရေးပေါ်လူနာယာဉ်ဖြင့် ပြည်သူ့ဆေးရုံကြီးသို့ တင်ပို့ခဲ့သော်လည်း နှစ်ဦးစလုံး သေဆုံးသွားခဲ့ကြောင်း သိရသည်။

“သတင်းရရချင်းမှာ ခရိုင်မီးသတ်ဦးစီးမှူးနဲ့ ရဲဘော်တွေ ကယ်ဆယ်ရေးယာဉ် လူနာတင်ယာဉ်တွေနဲ့ သွားခဲ့တယ်။ ကျွန်တော်တို့ ရောက်သွားချိန်မှာ လူတွေကိုကယ်နေပြီ။ ရင်အုံလောက်တော့ နှစ်ယောက်စလုံး ပေါ်နေပြီ။ ဘေးကမြေစာတွေလည်း ပြိုကျမလာအောင် ပြင်ဆင်တယ်။ ချက်ချင်းပဲ ဂေါ်ပြားတွေ ပေါက်ပြားတွေနဲ့ အန္တရာယ်လည်း မဖြစ်အောင် ကယ်ထုတ်တယ်။ အဲအထိ အသက်ရှင်နေသေးတယ်။ သူတို့နဲ့ နီးတဲ့နေရာကို လက်တွေနဲ့ သဲတွေဖယ်တယ်။ အန္တရာယ်မဖြစ်နိုင်တဲ့ နေရာကို ဂေါ်ပြားတွေနဲ့ ထိုးကော်တယ်။ ဆွဲထုတ်ရတဲ့ အခြေအနေမှာ နှစ်ဦးလုံးကို ဆွဲထုတ်ပြီး အောက်ဆီဂျင်ပေးပြီး ဆေးရုံကြီးဆီ ပို့ပေးခဲ့ပါတယ်” ဟု ပခုက္ကူမြို့နယ်၊ မြို့နယ်မီးသတ်တပ်ဖွဲ့ ဒုမီးသတ်ဦးစီးမှူး ကွမ်ဒိုလျန်က ပြောကြားသည်။

မြေကျင်းတူးစဉ် မြေပြိုကျရာမှ မြေပိသေဆုံးသူ နှစ်ဦးမှာ ကိုဗလ (၄၁) နှစ်နှင့် ကိုမင်းသိန် ( ၃၅) နှစ် ဆိုသူတို့ဖြစ်ပြီး သေဆုံးသူနှစ်ဦးမှာ အခင်းဖြစ်ပွားရာ ဆောက်လုပ်ရေးလုပ်ငန်းသို့ တခြားမြို့မှ လာရောက် လုပ်ကိုင်သူများဖြစ်ကြောင်း သိရသည်။

“သူတို့ လုပ်နေတဲ့နေရာ အနီးက နံရံက မြင့်နေတယ်။ မြေကြီးကလည်း မိုးရွာထားတဲ့အတွက် စိုရွှဲနေတယ်။ အဲဒါမျိုးတွေကို လုပ်ငန်းရှင်တွေနဲ့ လုပ်ငန်းတာဝန်ခံတွေ အနေနဲ့ ဒီလိုမျိုး အန္တရာယ်မဖြစ်အောင် ကြိုတင်ပြီး စဉ်းစားဆောင်ရွက်သင့်တယ်လို့ အကြံပြုချင်ပါတယ်” ဟု ပခုက္ကူမြို့နယ်၊ မြို့နယ်မီးသတ်တပ်ဖွဲ့ ဒုမီးသတ်ဦးစီးမှူး ကွမ်ဒိုလျန်က ပြောကြားသည်။

လူသေဆုံးမှုဖြစ်စဉ်နှင့် ပတ်သက်၍ ပခုက္ကူမြို့မရဲစခန်းမှ သေမှုသေခင်း အမှတ် ၁၀/၂၀၁၈ ဖြင့် အမှုဖွင့်စစ်ဆေး ဆောင်ရွက်နေကြောင်း သိရသည်။

 

ပခုက္ကူနယ်တစ်ဝိုက် မိုးသည်းထန်စွာ ရွာသွန်းမှုကြောင့် ချောင်းရေလျှံတက်ခဲ့သည့်အတွက် အချို့စိုက်ခင်းများ ပျက်စီးခဲ့ပြီး မိုးထပ်မံရွာပါက သီးနှံစိုက်ခင်းများ ရေ၀ပ်ရေပိမည်ကို စိုးရိမ်နေ

မြိုင်မြို့နယ်အတွင်း ချောင်းရေလျှံတက်မှုကြောင့် ပျက်စီးသွားသည့် ချောင်းအနီးရှိ စိုက်ခင်းအချို့ကို တွေ့ရစဉ်

ပခုက္ကူနယ်တစ်ဝိုက် ဇွန်လ ပထမပတ်အတွင်း မိုးသည်းထန်စွာ ရွာသွန်းမှုကြောင့် ချောင်းရေလျှံတက် ခဲ့သည့်အတွက် အချို့စိုက်ခင်းများ ပျက်စီးခဲ့ပြီး မိုးထပ်မံရွာသွန်းပါက သီးနှံစိုက်ခင်းများ ရေ၀ပ်ရေပိမည်ကို စိုးရိမ်နေကြောင်း ဒေသခံများထံမှ သိရသည်။

ပခုက္ကူနယ်တစ်ဝိုက် တောင်သူများမှာ ပြီးခဲ့သည့်မေလမှစ၍ သီးနှံများ စိုက်ပျိုးထားခဲ့ပြီး သီးနှံစတင် ဖြစ်ထွန်းချိန်တွင် မိုး သည်းထန်စွာ သွန်းမှုကြောင့် ချောင်းရေလျှံတက်ရာမှ ရေစီးဖြင့် မျောပါပျက်စီးခြင်း ဖြစ်ကြောင်း သိရသည်။

ချောင်းရေနှင့် မျောပျက်စီးခဲ့သည့် စိုက်ခင်းများမှာ မြေပဲ၊ နှမ်း၊ ပဲတီစိမ်းနှင့် ၀ါတို့အား စိုက်ပျိုးထားပြီး လက်ရှိရာသီ ဥတုမှာ မိုးအဆက်မပြတ် ရွာသွန်းနေခြင်းကြောင့် အသစ်ပြန်လည် စိုက်ပျိုးရန် မလွယ်ကူတော့ကြောင်း တောင်သူများက ပြောကြားသည်။

“မိုးက နေ့တိုင်းရွာနေတာဆိုတော့ ကန်တွေမှာလည်း ရေပြည့်ရေပိုလွှဲတွေကနေ ရေထုတ်နေရတယ်။ မိုးများလာလို့ ချောင်းရေများတာရော ကန်တွေက ရေထုတ်ရတာရောကြောင့် ချောင်းရေလျှံပြီး အနီးနားက ယာတွေ ထိခိုက်သွားတာ။ တချို့ကတော့ သဲဖုံးသွားတယ်။ တချို့ယာက အပင်မျောတာတွေ ဖြစ်ကုန်တယ်” ဟု မြိုင်မြို့နယ်မှ ကိုဗညားက ပြောကြားသည်။

ချောင်းရေနှင့် မျောပါခြင်း မရှိသည့် စိုက်ခင်းများမှာ လက်ရှိတွင် အပင်ဖြစ်ထွန်းမှု ကောင်းမွန်နေသော်လည်း မိုးရွာသွန်းမှု ဆက်လက် ကြုံတွေ့လာပါက စိုက်ခင်းအတွင်း ရေ၀ပ်ရေပိ၍ အပင်ဖြစ်ထွန်းမှု ထိခိုက်လာမည်ကို စိုးရိမ်နေကြောင်း သိရသည်။

ပြီးခဲ့သည့် မေလကုန်ပိုင်းမှစ၍ ပခုက္ကူနယ်တစ်ဝိုက် မိုးသည်းထန်စွာ ရွာသွန်းမှုကြောင့် ကားလမ်းပိုင်းမျာ ရေကျော်ခြင်း၊ လမ်းပိုင်းပြတ်တောက်ခြင်းများ ဖြစ်ပေါ်ခဲ့ပြီး ရေလိုအပ်နေသည့် သောက်ရေကန်များတွင် ရေအပြည့် ရရှိခဲ့ကြောင်း သိရသည်။

ဇွန် ၆ ရက်နှင့် ၇ ရက်တွင် မိုးသည်းထန်းစွာ ရွာသွန်းမှုကြောင့် ပခုက္ကူမြို့နယ်အတွင်းရှိ ကန်တော်ဆည် ရေပိုလွှဲပေါက် ကျိုးပေါက်ခြင်းနှင့် ရွှေချောင်းချောင်း ရေလျှံခြင်းများ ဖြစ်ပေါ်ခဲ့သည့်အတွက် ကားလမ်းပိုင်း ခေတ္တပိတ်ထားခြင်းနှင့် နေအိမ်ရွှေ့ပြောင်းခြင်းများ ပြုလုပ်ခဲ့ရသည်။