နာဂကိုယ်ပိုင်အုပ်ချုပ်ခွင့်ရဒေသရှိ ကျေးရွာအချို့တွင် သံသယရာသီ တုပ်ကွေးရောဂါ အစုလိုက်ဖြစ်ပွားသေဆုံးမှုနှင့် ပတ်သက်၍ ကျန်းမာရေးဝန်ကြီးဌာန ထုတ်ပြန်

စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသ နန်းယွန်းမြို့နယ်၊ လန်သန်းကျေးရွာနှင့် ပေါ်ကွန်ကျေးရွာတို့တွင် သံသယ ရာသီတုပ်ကွေးရောဂါအစုလိုက် ဖြစ်ပွား သေဆုံးမှုနှင့် ပတ်သက်၍ တုံ့ပြန် ဆောင်ရွက်ထားမှု အခြေအနေများကို ကျန်းမာရေးနှင့်အားကစားဝန်ကြီးဌာနက သတင်းထုတ်ပြန် ကြေညာခဲ့သည်။

နန်းယွန်းမြို့နယ်၊ ရမ်စီကျေးလက် ကျန်းမာရေးဌာန၊ ရှမ်ဟဲနုတ်ညို ကျေးလက် ကျန်းမာရေးဌာနခွဲအပိုင်၊ လန်သန်း ကျေးရွာတွင်ဖျားခြင်း၊ ချောင်းဆိုးခြင်း လက္ခဏာများဖြင့် ကလေးနှစ်ဦးသေဆုံးခဲ့ကြောင်း သတင်းရသဖြင့် နန်းယွန်းမြို့နယ်ပြည်သူ့ ကျန်းမာရေးဦးစီးဌာနမှ ကွင်းဆင်းအဖွဲ့ သည် သြဂုတ်၂၉ ရက်မှ စက်တင်ဘာ ၂ ရက်အထိလည်းကောင်း၊ နန်းယွန်း မြို့နယ်မှ လက်ထောက်ကျန်းမာရေးမှူးဦးဆောင်သော အဖွဲ့သည် စက်တင်ဘာ ၃ ရက်မှ ၅ ရက်အထိလည်းကောင်း ကွင်းဆင်း ဆောင်ရွက်ခဲ့ကြောင်း သိရသည်။

ကွင်းဆင်းအဖွဲ့သည်ယာယီဆေးခန်းဖွင့်လှစ်၍ ဆေးကုသမှုပေးခြင်း၊ လူနာများ နေထိုင်ရာ လန်သန်းကျေးရွာနှင့်အနီး ပတ်ဝန်းကျင်ရှိ ကျေးရွာများသို့သွားရောက်၍ ကျန်းမာရေး စောင့်ရှောက်မှုပေးခြင်း၊ ကူးစက်ရောဂါ စောင့်ကြပ်ကြည့်ရှုခြင်းလုပ်ငန်းများဆောင်ရွက်ခဲ့ရာ လန်သန်းကျေးရွာတွင် ရာသီတုပ်ကွေးရောဂါ၏ နောက်ဆက်တွဲ ပြင်းထန်အဆုတ်ရောင်ရောဂါ လက္ခဏာများဖြင့် ကလေးငယ်သုံး ဦးသေဆုံးခဲ့ကြောင်း အတည်ပြုခဲ့ပြီး ကျေးရွာတွင် ရာသီတုပ်ကွေးရောဂါ လက္ခဏာရှိသူလူနာ ၆၄ ဦးအား ကုသမှုပေးခဲ့ကြောင်း၊ ပြင်ပလူနာများ၏ အသက်အုပ်စုမှာ အသက် သုံးလမှ အသက် ၅၀ အထိ ဖြစ်ကြောင်းနှင့် ယင်းလူနာများမှာ သက် သာပျောက်ကင်းသွားပြီဖြစ်ကြောင်း သိရသည်။

နာဂဒေသရှိ တောင်ကျချောင်းများတွင် တံတားမရှိခြင်းကြောင့် သက်စွန့်ဆံဖျား သွားလာနေကြရ

နာဂဒေသတွင်ရှိသော တောင်ကျချောင်းများတွင် ခိုင်ခန့်သော တံတားမရှိခြင်း၊ တံတားလုံးဝ မရှိခြင်းတို့ကြောင့် ဒေသခံများ အနေဖြင့် တစ်ရွာနှင့်တစ်ရွာ သွားလာကြရာတွင် သက်စွန့်ဆံဖျား သွားလာနေကြရသည်ဟု သိရသည်။

“ကျွန်တော်တို့ တောင်ပေါ်ဒေသမှာတော့ ချောင်းတွေက တော်တော်များတယ်။ အောက်ပိုင်းမှာ မူးမြစ်လို အရွယ်အစားတွေရော၊ အဲဒီထက်ကြီးတဲ့ ဟာတွေရော တော်တော်ကြီးတော့ ရွာတွေကလည်း ဒီချောင်းတွေကို ဖြတ်ပြီးသွားလာတဲ့ အခါမှာ တံတားတွေပြီးအောင်လည်း မဆောက်ပေးနိုင်လို့ မိုးတွင်းရောက်ရင်တော့ သွားရေးလာရေးက နွေရာသီထက် ပိုခက်ခဲပါတယ်။ အစိုးရကတော့ ဆောက်တော့ ဆောက်နေတယ်။ အစိုးရက သွားနေတဲ့ဟာကတော့ ဘေလီတံတားတို့၊ ကွန်ကရစ်တံတားတို့ ဆောက်တာပေါ့။  တချို့နေရာတွေကျလည်း ကြိုးတံတားလေးတွေ ဆောက်တာတော့ရှိပါတယ်။ အရေအတွက် ပမာဏ လိုအပ်ချက်က တအားများတဲ့ အခါကျတော့ အစိုးရကလည်း လေးငါးနှစ် အတွင်းမှာ အားလုံးပြည့်စုံအောင် လုပ်မပေးနိုင်သေးတာ အမှန်ပါပဲ။ အခု ကြိုးတံတား ပျက်တဲ့ဟာတွေနဲ့ ကြိုးတံတားပေါ်မှာ အန္တရာယ်ရှိရှိနဲ့ သွားလာနေကြတဲ့ ပုံတွေကိုလိုင်းပေါ်မှာ မြင်ရပါတယ်။ လွန်ခဲ့တဲ့ နှစ်ပေါင်းများစွာ ဦးနုလက်ထက်ကတည်းက ကြိုးတွေလို့ ပြောပါတယ်။ ဒေသနည်းဒေသဟန်နဲ့ ရွာသားတွေက ဆောက်ထားတဲ့ တံတားတွေ ဒါတွေကို နှစ်စဉ်နှစ်တိုင်း ပြုပြင်ပေးမယ့် သံကြိုးတွေက ကြာလာတာက တစ်ကြောင်း၊ နည်းပညာတွေ မပါတာက တစ်ကြောင်း၊ အမာခံကွန်က ရစ်တိုင်တွေ မလောင်းဘဲနဲ့ သစ်ပင်တွေနဲ့ချည်ပြီး ကြိုးတံတား ဆောက်ထားတဲ့အခါ ရေလှိမ့်ကျလာတဲ့ အခါကျတော့ ကြိုးတံတားတွေက ပြန်ပြန်ပါသွားတဲ့ ဟာတွေရှိတယ်။ လောလောဆယ် သွားရေးလာရေး တအားခက်တဲ့ ချောင်းကတော့ နမ့်ဖုတ်ချောင်းပေါ့။ ဒီချောင်းက ပေ ၄၀၀၊ ၅၀၀။ အဲဒီလောက်ဝန်းကျင်မှာ ရှိတယ်။ ဖြတ်သန်းရတဲ့ အနေအထားက နမ့်ဖုတ်ချောင်းချည်းပဲ ငါးနေရာလောက် ဖြတ်သန်းရတယ်။ ဆိုတော့ နမ့်ဖုတ်ချောင်းကို ဖြတ်သန်းပြီးတော့ ကြိုးတံတား တစ်စင်းမှကို မဆောက်နိုင်သေးတဲ့ အနေအထားမှာရှိတယ်။ နောက်ထပ် ကျန်တဲ့ချောင်းတွေလည်း ရှိပါတယ်။ လဟယ်မြို့နယ် ပတ်လည်မှာ အနောက်ဘက်၊ မြောက်ဘက်၊ အရှေ့ဘက်၊ တောင်ဘက်ခြမ်းတွေရောပေါ့။ လောလောဆယ် ကျွန်တော်တို့ ဆောက်နိုင်ရင်လည်း ကားလမ်းပေါက်နိုင်တဲ့ နေရာတွေလောက်ပဲ ဆောက်နိုင်သေးတဲ့ အနေအထားပဲ ဖြစ်ပါတယ်။ ကားလမ်းမပေါက်သေးတဲ့ နေရာလူသွားလူလာ ခက်ခဲတဲ့နေရာ အခုကျောင်းဖွင့်ရာသီ ရောက်လာတဲ့အခါ ဆရာ ဆရာမတွေ၊ ၀န်ထမ်းတွေ သွားရတဲ့အခါ အခက်ကြုံရပါတယ်။ အန္တရာယ်လည်း အင်မတန်ကြီးပါတယ်။ တချို့ရွာတွေက ကျန်းမာရေး တစ်ခုခုဖြစ်လို့ ဖျားလို့ နာလို့ လူတွေ အစုလိုက် အပြုံလိုက် သေတာလည်း လမ်းပန်းဆက်သွယ်ရေး ခက်ခဲမှုကြောင့် ဖြစ်ပါတယ်” ဟု လဟယ်မြို့နယ် တိုင်းဒေသကြီး လွှတ်တော်ကိုယ်စားလှယ် ဦးမောင်ကယ်က ဆိုသည်။

လဟယ်မြို့နယ် အတွင်းရှိ နမ့်ဖုတ်ချောင်းသည် လဟယ်မြို့ မြောက်ဘက်မှ အရှေ့ဘက်သို့ ကွေ့ပတ်စီးဆင်းပြီး ခန္တီးမြို့အထက်ဘက်မှ ချင်းတွင်းမြစ်အတွင်း စီးဝင်သော ချင်းတွင်းမြစ်၏ အဓိက ချောင်းလက်တက်ကြီးတစ်ခု ဖြစ်သည်ဟု သိရသည်။

အဆိုပါချောင်းသည် လဟယ်မြို့နယ်အတွင်း ငါးနေရာခန့် ဖြတ်သန်းသွားလာကြရပြီး ကျေးရွာပေါင်း ၄၀၊ ၅၀ ခန့်က ချောင်းကို  ဖြတ်သန်းသွားလာ နေကြရသည်ဟု သိရသည်။

နမ့်ဖုတ်ချောင်းကို နွေရာသီတွင် ရေစီးမသန်သောကြောင့် ၀ါးဖောင်များ ပြုလုပ်ဖြတ်သန်းရသည်မှာ အဆင်ပြေပြီး နာဂဒေသတွင် မိုးစတင်ရွာသွန်းလာသည့် မေ၊ ဇွန် မှစ၍ ချောင်းရေသည် ကြိုးတံတားများ ပါသည်အထိ မျောပါလေ့ရှိသောကြောင့် သွားလာရခက်ခဲသည်ဟု သိရသည်။

“အွန်လိုင်းမှာ ပျံ့နေတဲ့ ဗွီဒီယိုဖိုင်က ဇွန် ၁၃ ရက် မိုးအကြီးအကျယ် ရွာပြီးတော့ ဖြစ်သွားတဲ့ အနေအထားပါ။ အဲဒီတံတားကခါး လယ်ရွာကနေပြီးတော့ မကော်ရီရွာရယ်၊ တွီလောရယ်၊ ၀မ်သုန်၊ ရယ်ဆိုတာရှိတယ်။ ခါးလယ်ဆိုတာ အုပ်စုရွာကြီးပါ။ ကျွန်တော်တို့က နှစ်အလိုက် စီမံကိန်းရေးဆွဲပေမယ့်လည်း နှစ်အလိုက် ဘဏ္ဍာရေးက နည်းပါးတော့ လိုအပ်ချက်ကို အလျင်မီအောင် ဖြည့်ဆည်း မပေးနိုင်ပါဘူး။ ဖြစ်နိုင်ရင်တော့ တံတားကြီး မဆောက်ခင် စက်လှေသမ္ဗန်လေးတွေ လုပ်ထားရင်တော့ ၁၀ သိန်းကျော်ကျော်၊ ၁၅ သိန်း အကုန်အကျခံပြီးတော့ စက်လှေလေးတွေနဲ့ လုပ်မယ်ဆိုရင်တော့ ရွာကလူတွေက မောင်းပြီးတော့ ဟိုဘက်ဒီဘက် ကူးကြပြီး သွားရေးလာရေး အဆင်ပြေတာပေါ့။ ဒါက လတ်တလောအတွက်ပါ။ ရေရှည်အတွက်ကတော့ တံတားမဖြစ်မနေ ဆောက်ရမှာပါပဲ။ တံတားလှူပေးမယ့် ဆက်သွယ်လာမယ် ဆိုတာတော့ မရှိဘူး။ ဆက်သွယ်လာမယ် ဆိုရင်တော့ ကြိုဆိုရမှာပေါ့။ လတ်တလော လုပ်သင့် လုပ်ထိုက်တာတွေ လုပ်ဖို့ရှိပါတယ်။ တောင်ကျချောင်းတွေနဲ့ ပတ်သက်ပြီးပြောရမယ် ဆိုရင်တော့ အရင်တုန်းကတော့ ကြိုးတွေပေးပြီးတော့ ရွာသားတွေက ကိုယ့်နည်း ကိုယ်ဟန်နဲ့ ဆောက်ကြရတာပေါ့။ ဒါပေမဲ့ ရေရှည်မခံပါဘူး။ ကွန်ကရစ်တိုင်လေးနဲ့ လေးငါးပေအကျယ်လောက်နဲ့ ဆိုင်ကယ်သွားလို့ရမယ့် ကြိုးတံတားလေးတွေ လုပ်ပေးမယ် ဆိုရင်တော့ ဒေသတွင်း သွားရေးလာရေးက မြန်ဆန်လာပြီး လုံလုံခြုံခြုံ သွားနိုင်တာပေါ့” ဟု ဦးမောင်ကယ်က ဆက်လက်ပြောကြားသည်။

 

ငြိမ်းချမ်းရေးကော်မရှင်နှင့် နာဂလက်နက်ကိုင်အဖွဲ့ (NSCK-K) တို့ ရန်ကုန်မြို့၌ တွေ့ဆုံမှုတွင် NCA ရေးထိုးရေး ဆွေးနွေးခဲ့ခြင်း မရှိ

ငြိမ်းချမ်းရေး ကော်မရှင်နှင့် တွေ့ဆုံပြီးနောက် နာဂအမျိုးသား ဆိုရှယ်လစ်ကောင်စီ-ကပ်ပလန် (NSCK-K) ၏ ငြိမ်းချမ်းရေးဖော်ဆောင်ရေးကော်မတီက မီဒီယာများ၏ မေးမြန်းမှုကို ဖြေကြားစဉ် (ဓာတ်ပုံ – ကျော်ဇင်ဝင်း)

အစိုးရ၏ ငြိမ်းချမ်းရေးကော်မရှင်နှင့် နာဂလက်နက်ကိုင်အဖွဲ့ ဖြစ်သည့် နာဂအမျိုးသား ဆိုရှယ်လစ်ကောင်စီ-ကပ်ပလန် (NSCK-K) ၏ ငြိမ်းချမ်းရေးဖော်ဆောင်ရေး ကော်မတီတို့ ဒီဇင်ဘာ ၂၈ ရက်က ရန်ကုန်မြို့ အမျိုးသားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် တွေ့ဆုံခဲ့သည်။

အဆိုပါ ဆွေးနွေးပွဲတွင် ငြိမ်းချမ်းရေးဆိုင်ရာ ကိစ္စရပ်များ၊ ၂၀၁၈ ဇန်န၀ါရီလ ကုန်တွင် ကျင်းပမည့် ပြည်ထောင်စုငြိမ်းချမ်းရေးညီလာခံ – ၂၁ ရာစုပင်လုံ တတိယအစည်းအဝေး တက်ရောက်နိုင်ရေး ကိစ္စရပ်များနှင့် ဒေသတည်ငြိမ် အေးချမ်းသာယာရေး၊ ဖွံ့ဖြိုးရေးကိစ္စရပ်များကို ဆွေးနွေးခဲ့ကြောင်း ငြိမ်းချမ်းရေးကော်မရှင်က သတင်းထုတ်ပြန် သည်။

နာဂ အမျိုးသားဆိုရှယ်လစ်ကောင်စီ- ကပ်ပလန် (NSCK-K) အနေဖြင့် အစိုးရနှင့် မတွေ့ဆုံဖြစ်သည်မှာ တစ်နှစ်ကျော် ကြာပြီဖြစ်သောကြောင့် ယခုကဲ့သို့ တွေ့ဆုံရန် ၎င်းတို့ဘက်မှ ကမ်းလှမ်းခဲ့ခြင်းဖြစ်ကြောင်း NSCK-K ငြိမ်းချမ်းရေးဖော်ဆောင်ရေး ကော်မတီဝင် ဦးကျော်ဝမ်းစိန်က တွေ့ဆုံမှုအပြီး မီဒီယာများအား ပြောကြားသည်။

“ကျွန်တော်တို့ဘက်က စဆက်သွယ်တဲ့ အကြောင်းရင်းက ကျွန်တော်တို့ဒေသ ဆက်ပြီးတော့မှ တည်ငြိမ်အေးချမ်းချင်တာပေါ့နော်။ နောက်လူဆိုတာက တစ်ဖွဲ့နဲ့တစ်ဖွဲ့ အမြဲတမ်း ဆက်ဆံမှုရှိမှပဲ ဒါပိုပြီးတော့မှ ယုံကြည်စိတ်ချမှု ရှိတာပေါ့။ အဲဒီလိုမျိုးသဘောနဲ့ ချိတ်ဆက်ပြီးတော့မှ တွေ့ဆုံတာပါ။ နယ်မြေအခြေအနေကတော့ အားလုံးကောင်းပါတယ်။ ပုံမှန်ပါပဲ။ ဒါပေမဲ့လို့ ပြည်ထောင်စု မြန်မာနိုင်ငံတော်ရဲ့ ငြိမ်းချမ်းရေးကော်မရှင်နဲ့ NSCK ငြိမ်းချမ်းရေးဖော်ဆောင်ရေး ကော်မတီကြားမှာ ဒီလိုအမြဲတမ်း ထိတွေ့မှုမရှိတဲ့ အခါကျတော့ ထိတွေ့မှုအဖြစ်နဲ့ တွေ့ဆုံချင်တာပဲ ဖြစ်တယ်” ဟု ဦးကျော်ဝမ်းစိန်က ပြောကြားသည်။

ထို့ပြင် တွေ့ဆုံမှု၌ NCA လက်မှတ်ရေးထိုးရန် ကိစ္စအားလည်းကောင်း၊ ဖွံ့ဖြိုးရေးကိစ္စများအား လည်းကောင်း၊ အိန္ဒိယနှင့် ပဋိပက္ခ ဖြစ်နေသည့်ကိစ္စရပ်များကို လည်းကောင်း ဆွေးနွေးခဲ့ခြင်း မရှိကြောင်း ၎င်းက ပြောကြားသည်။

“ကျွန်တော်တို့ရဲ့ နာဂနိုင်ငံရေးကျတော့ တခြားတိုင်းရင်းသား နိုင်ငံရေးနဲ့တော့ နှိုင်းယှဉ်လို့မရဘူး။ တချို့သော တိုင်းရင်းသား နိုင်ငံရေးကတော့ NCA လက်မှတ် ထိုးချင်တာ တစ်ခု၊ သူတို့ အပေးအယူတစ်ခုနဲ့ လက်မှတ်ထိုးချင်တဲ့ အပိုင်းပေါ့။ ဒါပေမဲ့ ကျွန်တော်တို့ နာဂတွေ လက်မှတ်မရေးထိုးဘူး ဆိုတဲ့အပိုင်းကျတော့ မြန်မာနိုင်ငံအစိုးရကို ပုန်ကန်တော်လှန်တဲ့အပိုင်းတော့ မဟုတ်ဘူး။ မိမိနိုင်ငံရေး အခြေအနေကိုက ဒီ NCA မှာ လက်မှတ်ထိုးဖို့ အခြေအနေမပေးလို့ မထိုးနိုင်ရခြင်း ဖြစ်တယ်” ဟု ဦးကျော်ဝမ်းစိန်က ပြောကြားသည်။

သို့ရာတွင် အစိုးရအနေဖြင့် တွေ့ဆုံမှုတိုင်းတွင် NSCK-K အား NCA ရေးထိုးရန် အမြဲတမ်း ဖိတ်ခေါ်ကြောင်း ဦးကျော်ဝမ်းစိန် က ဆိုသည်။

ယခုတွေ့ဆုံပွဲတွင် ငြိမ်းချမ်းရေးကော်မရှင်ဘက်မှ ဥက္ကဋ္ဌ ဒေါက်တာတင်မျိုးဝင်း၊ ဒုတိယဥက္ကဋ္ဌ ဦးသိန်းဇော်၊ ဒေါက်တာအောင် ထွန်းသက်၊ ရန်ကုန်တိုင်းဒေသကြီးအစိုးရအဖွဲ့ လူမှုရေးဝန်ကြီး ဦးနိုင်ငံလင်း၊ ဦးလှမောင်ရွှေတို့ တက်ရောက်ပြီး NSCK-K ဘက်မှ ငြိမ်းချမ်းရေးဖော်ဆောင်ရေးကော်မတီ အဖွဲ့ခေါင်းဆောင် ဦးအန်ကန့်၊ ဦးကျော်ဝမ်းစိန် အပါအ၀င် အဖွဲ့ဝင်ငါးဦး ပါဝင်ကြောင်း သိရသည်။

NSCK-K အနေဖြင့် NCA လက်မှတ် ရေးထိုးရခြင်း မရှိသေးသော်လည်း တပ်မတော်နှင့် တိုက်ပွဲများမရှိဘဲ ဒေသတည်ငြိမ်နေခြင်းမှာ အောက်ခြေတွင် သွားလာသည့်အခါ နှစ်ဖက်အပြန်အလှန် သတင်းပေး သွားလာနေသောကြောင့် ဖြစ်ကြောင်း ဦးကျော်ဝမ်းစိန်က ဆိုသည်။

ထို့အတူ NSCK-K အနေဖြင့် ဒေသတည်ငြိမ် အေးချမ်းအောင် အမြဲတမ်းထားရှိရန်အတွက် ၁၀၀ ရာခိုင်နှုန်း သဘောထားရှိကြောင်း၊ ဒေသဖွံ့ဖြိုးရေး ကိစ္စများမှာမူ နိုင်ငံတော်ပေါ် မူတည်ကြောင်း ၎င်းက ပြောကြားသည်။

နာဂအမျိုးသား ဆိုရှယ်လစ်ကောင်စီ-ကပ်ပလန် (NSCK-K) အဖွဲ့သည် မြန်မာ- အိန္ဒိယနယ်စပ်တွင် အခြေစိုက်သည့်အဖွဲ့ ဖြစ်ပြီး မြန်မာအစိုးရနှင့် ငြိမ်းချမ်းရေး တည်ဆောက်ရန်အတွက် ပဏာမသဘောတူညီချက် ငါးချက်ကို ၂၀၁၂ ခုနှစ် ဧပြီ ၉ ရက်က စစ်ကိုင်းတိုင်းဒေသကြီး အစိုးရအဖွဲ့၏ ငြိမ်းချမ်းရေးဖော်ဆောင်ရေးအဖွဲ့နှင့် လက်မှတ်ရေးထိုးထားသည့် အဖွဲ့ဖြစ်သည်။

နာဂအမျိုးသား ဆိုရှယ်လစ်ကောင်စီ- ကပ်ပလန် (NSCK-K) သည် ပြည်ထောင်စုအဆင့် သဘောတူညီချက်နှင့် NCA တွင် လက်မှတ်ရေးထိုးရခြင်း မရှိသေးဘဲ နာဂလူမျိုးများ၏ မြန်မာနှင့် အိန္ဒိယနှစ်နိုင်ငံ စလုံးတွင် နေထိုင်နေမှုအရ ၎င်းတို့၏ နိုင်ငံရေးအခြေအနေမှာလည်း မြန်မာနှင့် အိန္ဒိယနှစ်နိုင်ငံစလုံးနှင့် သက်ဆိုင်လျက်ရှိပြီး အိန္ဒိယနယ်ခြားစောင့်တပ်များနှင့် မကြာခဏတိုက်ပွဲ ဖြစ်ပွားလျက်ရှိသည်။

NSCK-K သည် အိန္ဒိယ အရှေ့မြောက်ပိုင်းပြည်နယ်များနှင့် မြန်မာနိုင်ငံ စစ်ကိုင်းတိုင်းဒေသကြီးရှိ နာဂလူမျိုးများ နေထိုင်ရာဒေသများကို တစ်စုတည်း တည်ဆောက်နိုင်ရေး ကြိုးပမ်းနေသည့်အဖွဲ့ ဖြစ်သည်။

နာဂအမျိုးသားဆိုရှယ်လစ်ကောင်စီ (NSCK) သည် ၁၉၈၈ ခုနှစ်တွင် အက်စ်အက်စ်ကပ်ပလန် ဦးဆောင်ကာ NSCK-K ဟု လည်းကောင်း၊ အိုက်ဆက်ချီဆီဆုနှင့် သူယန်ဂလန်းဗွေဗာတို့က ဦးဆောင်ကာ NSCK-IM ဟု လည်းကောင်း နှစ်ဖွဲ့ကွဲလျက်ရှိပြီး NSCK-K သည် မြန်မာနိုင်ငံဘက်တွင် လှုပ်ရှားကာ NSCK-IM မှာ အိန္ဒိယနိုင်ငံဘက်တွင် လှုပ်ရှားလျက် ရှိသည်။

NSCK-K သည် ၂၀၁၀ ပြည့်နှစ်မှ စတင်ကာ မြန်မာ့တပ်မတော်နှင့် တိုက်ပွဲများ မရှိဘဲ အဖွဲ့ခေါင်းဆောင် အက်စ်အက်စ်ကပ်ပလန် မှာ ၂၀၁၇ ခုနှစ်အတွင်း ကွယ်လွန်သွားပြီ ဖြစ်သည်။

အိန္ဒိယနိုင်ငံဘက်တွင် လှုပ်ရှားလျက်ရှိသည့် NSCK-IM သည် အိန္ဒိယအစိုးရနှင့် ငြိမ်းချမ်းရေးကိစ္စရပ်များ ဆွေးနွေးလျက် ရှိသည်။

ချင်းတောင်တန်းပေါ်နှင့် နာဂတောင်တန်းပေါ်ရှိ ဒေသအချို့တွင် ဒီဇင်ဘာလအတွင်း ရေခဲသည်အထိ အေးနေခဲ့

နတ်မတောင်ပေါ်ရှိ ရေအိုင်တစ်ခုတွင် ရေခဲနေသည်ကို ဒီဇင်ဘာ ၂၅ ရက်က တွေ့ရစဉ် (ဓာတ်ပုံ- အရှင်မာဃ၀၊ မင်းတပ်)

ချင်းတောင်တန်းပေါ်နှင့် နာဂတောင်တန်းပေါ်ရှိ ဒေသအချို့တွင် ဒီဇင်ဘာလအတွင်း ရေခဲသည်အထိ အေးနေခဲ့သည်ဟု အဆိုပါဒေသများရှိ ဒေသခံများ၏ ပြောကြားချက်အရ သိရသည်။

“ကျွန်တော်တို့တွေ့ခဲ့တာ ဒီဇင်ဘာ ၂၅ ရက် နတ်မတောင်သွားတုန်းက ရေခဲနေတာ တွေ့ခဲ့တာ။ နတ်မတောင်သွားတော့ နံနက်ပိုင်း ခပ်စောစောလေးတွေ့တာ။ အပြန်ကျတော့ မခဲတော့ဘူး။ ကျွန်တော်တို့က မနက် ၆ နာရီလောက်ကသွားတာ။ နတ်မတောင် တောင်တက်လမ်း တစ်ဝက်မှာရှိတဲ့ ရေအိုင်လေးပါ။ ခြေကျင်သွားတာဆိုတော့ ပိုတွေ့ရတာပေါ့။ ဆိုင်ကယ်နဲ့သွားရင်လည်း တွေ့ရပါတယ်။ ကန်လေးတစ်ခုပဲ ရေတွေခဲနေတာ တွေ့ခဲ့ရတယ်” ဟု ဒီဇင်ဘာ ၂၅ ရက်တွင် နတ်မတောင်သို့ ခြေကျင်တက်ရောက်ခဲ့သူ ကိုကျော်စွာမင်းက ပြောကြားသည်။

၂၀၁၇ ခုနှစ် ဒီဇင်ဘာလအတွင်း ချင်းပြည်နယ် ဟားခါးမြို့တွင် ဒီဇင်ဘာ ၁ ရက်မှ ၄ ရက်အထိ -၁ ဒီဂရီစင်တီဂရိတ်နှင့် ၂၀၁၇ ခုနှစ် ဒီဇင်ဘာ ၁၇ ရက်တွင် ၀ ဒီဂရီစင်တီ ဂရိတ်အထိ အေးခဲ့သည်ဟု ချင်းပြည်နယ် မိုးဇလဌာန၏ ပြောကြားချက်အရ သိရသည်။

“ဒီဇင်ဘာ ၁၉ ၊ ၂၀ လောက်က ထန်ပါခွေမြို့နယ်ထဲက မခွာလယ်ရွာမှာ ရေခဲနေတာ တွေ့ခဲ့ပါတယ်။ ကျွန်မတို့ ရောက်တဲ့အချိန်က ရေသိပ်မခဲတော့တာ။ ဒီဇင်ဘာလ အစောပိုင်းက ပိုခဲတယ်ပြောတယ်။ စာရာမေရိတောင်နဲ့ အဲဒီရွာနဲ့ သိပ်မဝေးတော့ဘူး။ အဲဒီနားလေးက မခွာလယ်ရွာတို့၊ မကျောင်းဝါရွာတို့က စာရာမေရိတောင်ကို လှမ်းမြင်ရတယ်။ အအေးဓာတ်က ထန်ပါခွေမှာ ပိုအေးလာတယ်။ နေ့ခင်းတော့ နေလို့ရပါတယ်။ ညနေ နေ၀င်သွားရင် တော်တော်အေးလာတယ်။ မြို့ပေါ်မှာတော့ ရေခဲတာ မကြုံဖူးဘူး။ မကျောင်းဝါတို့ မခွာလယ်ရွာတို့မှာ ရေခဲတယ်။ မကျောင်းဝါရွာမှာဆိုရင် ရေပုံးထဲကရေတွေ ခဲသွားတယ်။ ကျွန်မတို့တော့ မမြင်ခဲ့ဘူး။ ကျွန်မတို့ မြင်ခဲ့တာက မြက်ခင်းတွေပေါ် ရေခဲနေတာပါ” ဟု ထန်ပါခွေမြို့ ဒေသခံတစ်ဦးက ပြောကြားသည်။

ဟုမ္မလင်းမြို့နယ် နောင်ဖွတ်မော်ရပ်ကွက်တွင် နာဂရိုးရာ မီးပုံပွဲကျင်းပ

စစ်ကိုင်းတိုင်းဒေသကြီး ဟုမ္မလင်းမြို့နယ် နောင်ဖွတ်မော်ရပ်ကွက်တွင် အောက်တိုဘာ ၁၁ ရက် (ယနေ့) ညနေ ၅ နာရီခန့်က နာဂရိုးရာ မီးပုံပွဲ ကျင်းပခဲ့ကြောင်း သိရသည်။

အဆိုပါ နာဂရိုးရာ မီးပုံပွဲကို ဟုမ္မလင်းမြို့သို့ ရောက်ရှိနေသော နိုင်ငံခြား ခရီးသွားများ၏ တောင်းဆိုချက်အရ ကျင်းပခဲ့ခြင်းဖြစ်ပြီး တန်ကွန်၊ ပါရာ၊ မကူရီ နာဂလူမျိုးစု ၃ စု၏ ရိုးရာယဉ်ကျေးမှု အကများဖြင့် ဖျော်ဖြေ ကပြခဲ့ကြောင်း သိရသည်။

“ဒီပွဲလေးက နိုင်ငံခြား ဧည့်သည်တွေက နာဂလူမျိုးတွေရဲ့ ရိုးရာယဉ်ကျေးမှုကို တွေ့မြင်ချင်တယ်ဆိုပြီး တောင်းဆိုလာလို့ လုပ်ပေးရပါတယ်။ အချိန်မရတာရယ် ရိုးရာပစ္စည်းတွေက ဒီမှာ အပြည့်အစုံ မရှိတာရယ်ကြောင့် နာဂရိုးရာ စစ်စစ်ကို မပြနိုင်ပေမယ့် အနီးစပ်ဆုံးတူအောင် ကြိုးစားထားပါတယ်။ နောင်ကို နာဂရိုးရာ ယဉ်ကျေးမှုစစ်စစ်ကို ချပြနိုင်တဲ့ ပွဲတွေလုပ်နိုင်ဖို့လည်း ကြိုးစားနေပါတယ်” ဟု ပွဲစီစဉ်ကျင်းပသူ နာဂရိုးရာ ယဉ်ကျေးမှုကော်မတီမှ ဒေါ်အေးအေးခိုင်မှ ပြောပြသည်။

နာဂမျိုးနွယ်စုပေါင်း ၄၇ စုရှိ၍ အများစုမှာ နာဂ ကိုယ်ပိုင်အုပ်ချုပ်ခွင့်ရ လေရှီးမြို့၊ လဟယ်မြို့၊ နန်းယွန်းမြို့များနှင့် နာဂတောင်တန်းများပေါ်တွင်သာ နေထိုင်ကြပြီး မျိုးနွယ်စု တစုနှင့်တစုသည် ဘာသာစကား၊ ရိုးရာယဉ်ကျေးမှုများ မတူကြကြောင်းလည်း သိရသည်။