မြန်မာ-ဘင်္ဂလားဒေ့ရှ် နယ်စပ်ခြံစည်းရိုး ကာရံရန် ကျန်ရှိသည့် ကုန်းတွင်းမိုင် ၂၉ ဒသမ ၅ မိုင်အနက် တိုချောင်းဝမှ အငူမော်အထိ ပင်လယ်ပြင်မိုင် ၄၀ ကာရံခြင်းကို ခွင့်ပြုရန်ပုံငွေတောင်းခံ၍ ကာကွယ်ရေး ၀န်ကြီးဌာန၏ အစီအမံဖြင့် ဆောင်ရွက်မည်ဟု ပြည်ထဲရေးဝန်ကြီး ပြောကြား

မောင်တောမြို့နယ် တောင်ပြိုနယ်စပ် ခြံစည်းရိုးအပြင်ဘက်တွင် တရားမ၀င်နေထိုင်နေသည့် ဘင်္ဂါလီ နေအိမ်များအား ၂၀၁၈ ခုနှစ် နှစ်ဆန်းပိုင်းက တွေ့ရစဉ်

မြန်မာ-ဘင်္ဂလားဒေ့ရှ် နယ်စပ်ခြံစည်းရိုး ကာရံရန် ကျန်ရှိသည့် ကုန်းတွင်းမိုင် ၂၉ ဒသမ ၅ မိုင်အနက် တိုချောင်းဝမှ အငူမော်အထိ ပင်လယ်ပြင်မိုင် ၄၀ ကာရံခြင်းကို ခွင့်ပြုရန်ပုံငွေတောင်းခံ၍ ကာကွယ်ရေး ၀န်ကြီးဌာန၏ အစီအမံဖြင့် ဆောင်ရွက်မည်ဟု ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေက ပြောကြားသည်။

ပြည်ထောင်စု စာရင်းစစ်ချုပ်ရုံး၏ ၂၀၁၆-၂၀၁၇ ဘဏ္ဍာနှစ် စစ်ဆေးတွေ့ရှိချက် အစီရင်ခံစာအပေါ် ပြည်သူ့ငွေစာရင်း ပူးပေါင်းကော်မတီ၏ လေ့လာတွေ့ရှိချက်နှင့် လွှတ်တော်ကိုယ်စားလှယ်များ၏ ဆွေးနွေးချက်များကို ပြန်လည်ရှင်းလင်းစဉ် ပြောကြားခဲ့ခြင်းဖြစ်သည်။

ပြည်ထောင်စုဝန်ကြီးက “မြန်မာ-ဘင်္ဂလားဒေ့ရှ် နယ်စပ်ခြံစည်းရိုး ကာရံဖို့ကျန်ရှိတဲ့ ကုန်းတွင်းမိုင် ၂၉ ဒသမ ၅ မိုင်အနက် တိုချောင်းဝမှ အငူမော်ကျေးရွာအထိ ပင်လယ်ပြင် မိုင် ၄၀ ကာရံခြင်း လုပ်ငန်းများအတွက် ခွင့်ပြုရန်ပုံငွေ တောင်းခံ၍ ကာကွယ်ရေး ၀န်ကြီးဌာနရဲ့ အစီအမံနဲ့ ဆောင်ရွက်သွားမှာ ဖြစ်ပါတယ်။ ၂၀၁၈-၂၀၁၉ ခုနှစ် ဘဏ္ဍာရေးနှစ်မှာ ကင်းစခန်းတွေ ဆောက်လုပ်ခြင်း၊ ရေထွက်ပေါက် သံဆန်ခါတွေ ပြန်လည်တပ်ဆင်ခြင်း၊ ခြံစည်းရိုး ကင်းလှည့်လမ်းတွေ ပြုပြင်ခြင်း၊ ဖောက်လုပ်ခြင်းတွေ ဆောင်ရွက်နိုင်ဖို့အတွက် ဆက်လက်ဆောင်ရွက်သွားမှာ ဖြစ်ပါတယ်” ဟု ပြည်ထောင်စု လွှတ်တော်တွင် ပြောကြားသည်။

မြန်မာ-ဘင်္ဂလားဒေ့ရှ် နယ်စပ်ခြံစည်းရိုး တည်ဆောက်မှု၊ ပျက်စီးမှု၊ ပြန်လည်ပြုပြင်မှုများကို ရေရှည်ခိုင်ခံ့ ကောင်းမွန်ပြီး စံချိန်စံညွှန်း သတ်မှတ်ချက်များနှင့် ကိုက်ညီစေရန် မြေပြင်အနေအထားအရ လိုအပ်သည့် ရေထွက်ပေါက်များ၊ ရေကျော်များ ပြုလုပ်ထားရှိသင့်ကြောင်း လွှတ်တော်ကိုယ်စားလှယ်များ၏ အကြံပြုချက်နှင့် စပ်လျဉ်းပြီး ဒုတိယဗိုလ်ချုပ်ကြီး ကျော်ဆွေက မြန်မာ-ဘင်္ဂလားဒေ့ရှ် နယ်နိမိတ်တစ်လျှောက် ၁၈၁ ဒသမ ၆၈ မိုင် ခြံစည်းရိုး ကာရံခြင်းကို ၂၀၀၉-၂၀၁၀ ခုနှစ်မှ စတင်ပြီး ဘဏ္ဍာနှစ်အလိုက် ရန်ပုံငွေတောင်းခံ ဆောင်ရွက်ခဲ့ပြီး ၁၅၃ ဒသမ ၁၈ မိုင်ကာရံထားပြီး ဖြစ်ကြောင်း၊၂၀၁၇-၂၀၁၈ခု ဘဏ္ဍာရေးနှစ်တွင် BP – 68 အနီး ၃ ဒသမ ၅ မိုင် ခြံစည်းရိုး ကာရံခြင်း လုပ်ငန်းမှစကာ ရေရှည်တည်တံ့ ကောင်းမွန်ခိုင်မာစေရန်၊ တစ်ဖက်နှင့်တစ်ဖက် လူကျော်တက် ၀င်ရောက်မှု မရှိစေရန်အတွက် Y ပုံသဏ္ဌာန်နှင့် သွပ်ဆူးကြိုးအ၀ိုင်း နှစ်ပေထပ်တိုးပုံစံကို စံချိန်စံညွှန်းများနှင့်အညီ ပြောင်းလဲ၍ ဆောင်ရွက်ခဲ့ကြောင်း ပြည်ထောင်စုဝန်ကြီးက ပြောကြားသည်။

ရေထွက်ပေါက် သံဆန်ခါ ပျက်စီးမှုများကို ၂၀၁၇ ခုနှစ် သြဂုတ် ၂၅ ရက် အကြမ်းဖက်မှုဖြစ်စဉ်များ ဖြစ်ပွားပြီးသည့် နောက်ပိုင်းတွင် ပျက်စီးမှုကို စစ်ဆေး၍ ပြင်ဆင်ဆောင်ရွက် လျက်ရှိကြောင်း၊ မြေပြင်အနေအထားအရ လိုအပ်သည့် ရေထွက်ပေါက်များကို နေရာသတ်မှတ်ပြီး ထပ်မံထည့်သွင်း တည်ဆောက်ရန် လျာထားခဲ့ရာ BP-24 မှ BP-66 အထိ ရေထွက်ပေါက် ၇၀ တည်ဆောက်ရန် လျာထားပြီးဖြစ်ကြောင်း ၎င်းကဆက်လက် ပြောကြားသည်။

ထို့ပြင် မြန်မာ-ထိုင်း ပူးတွဲနယ်နိမိတ် ကော်မတီနှင့် ကုန်းနယ်နိမိတ်နှင့် ရေနယ်နိမိတ်ဆိုင်ရာ ကျွမ်းကျင်သူအဆင့် ကော်မတီကို ဖွဲ့စည်းထားပြီး မြန်မာနိုင်ငံနှင့် ထိုင်းနိုင်ငံအကြား နယ်နိမိတ်ဆိုင်ရာ ကိစ္စရပ်များကို နိုင်ငံတော်မှ ချမှတ်ပေးထားသည့် မူဝါဒ၊ လမ်းညွှန်ချက်များနှင့်အညီ အကောင်အထည်ဖော် ဆောင်ရွက်လျက်ရှိကြောင်း ပြည်ထောင်စုဝန်ကြီးက ပြောကြားသည်။

 

မြန်မာ-ဘင်္ဂလားဒေ့ရ်ှနယ်စပ် မြန်မာပိုင်နက်အတွင်း တရားမ၀င် တဲထိုးနေထိုင်သည့် ဘင်္ဂါလီများရှိနေဆဲဖြစ်ပြီး ဘင်္ဂလားဒေ့ရ်ှဘက်မှ CCTV များ တပ်ဆင်ကာ မြန်မာလုံခြုံရေးတပ်ဖွဲ့များ လှုပ်ရှားမှုကို စောင့်ကြည့်နေဟုဆို

မြန်မာ-ဘင်္ဂလားဒေ့ရှ် နယ်စပ်ခြံစည်းရိုး အပြင်ဘက် မြန်မာပိုင်နက်အတွင်း တရားမ၀င် တဲထိုးနေထိုင်သည့် ဘင်္ဂါလီများ ဆက်လက်ရှိနေဆဲဖြစ်ပြီး တဲထိုးနေထိုင်ရာနေရာတွင် ဘင်္ဂလားဒေ့ရ်ှဘက်မှ CCTV များ တပ်ဆင်ကာ မြန်မာလုံခြုံရေးတပ်ဖွဲ့များ လှုပ်ရှားမှုကို စောင့်ကြည့်နေကြောင်း သိရသည်။

နယ်နိမိတ်မျဉ်းမှ မြန်မာနိုင်ငံဘက်ခြမ်း နယ်စပ်ခြံစည်းရိုးအကြားတွင် တရားမ၀င် ၀င်ရောက်နေထိုင်ကြသည့် ဘင်္ဂါလီစခန်းအနီး ဘင်္ဂလားဒေ့ရ်ှဘက်မှ CCTV နောက်ထပ်တစ်တိုင် တိုးချဲ့ထောင်လာကြောင်းနှင့် လက်ရှိတွင် သုံးတိုင်ရှိပြီဖြစ်ကြောင်း သိရသည်။ ထို့ပြင် အဆိုပါ ဘင်္ဂါလီများအား ဘင်္ဂလားဒေ့ရ်ှဘက်မှ ရိက္ခာများထောက်ပံ့နေသည်ကို တွေ့ရကြောင်းလည်း သိရသည်။

မတ် ၂ ရက် အစောပိုင်းတွင် အမှတ် (၃၄) BGB တပ်ရင်း စစ်ဦးစီးအရာရှိဒုတိယ ဗိုလ်မှူးကြီးမွန်ဇူရူးက ၎င်းတို့သည် မြန်မာတပ်မတော်၏ လှုပ်ရှားမှုများနှင့် လူသူမနေသောကမ်းမြောင်၌ သောင်တင်နေသော ဘင်္ဂါလီများ၏ အနေအထားကို စောင့်ကြည့်ရန် တမ်ဘရူနယ်ခြားဒေသတွင် CCTV သုံးလုံးကိုလည်း တပ်ဆင်ထားကြောင်း ပြောကြားခဲ့ကြောင်း DHAKA TRIBUNE သတင်းစာက ရေးသားခဲ့သည်။

မြန်မာ-ဘင်္ဂလားဒေ့ရ်ှနယ်နိမိတ် ကျောက်တိုင်အမှတ် (၃၄) နှင့် (၃၅) အကြားရှိ နှစ်နိုင်ငံ နယ်နိမိတ်မျဉ်းနှင့် ခြံစည်းရိုးအကြား အဆောက်အအုံ မဆောက်လုပ်ရတားမြစ်ဇုန် None Construction Zone အတွင်း လူ ၆၀၀၀ ကျော်အထိ တရားမ၀င် ၀င်ရောက်နေထိုင်သူများ ကိစ္စနှင့်ပတ်သက်ပြီး ဖေဖော်ဝါရီ ၂၀ ရက်က မြန်မာ-ဘင်္ဂလားဒေ့ရှ် ခရိုင်အဆင့် နယ်စပ်အာဏာပိုင်အဖွဲ့များ တွေ့ဆုံဆွေးနွေးပွဲကို တောင်ပြိုလက်ဝဲမြို့တွင် ကျင်းပခဲ့ပြီး ဆွေးနွေးပွဲတွင် နှစ်နိုင်ငံနယ်နိမိတ်မျဉ်းနှင့် ခြံစည်းရိုးအကြား အဆောက်အအုံ မဆောက်လုပ်ရ တားမြစ်ဇုန် None Construction Zone အတွင်း ၀င်ရောက်နေထိုင်ခြင်းသည် နှစ်နိုင်ငံ သဘောတူညီချက်များအရ လက်ခံ၍မရကြောင်း၊ ယင်းတို့ ကာလရှည်ကြာ နေထိုင်ရေးအတွက် ထောက်ပံ့ကူညီမှုများ ဘင်္ဂလားဒေ့ရ်ှဘက်ရှိ နိုင်ငံတကာအဖွဲ့အစည်း အချို့က ပြုလုပ်နေခြင်းကြောင့် ထိန်းသိမ်းရန် ခက်ခဲသော အခြေအနေကို ဖြစ်ပေါ်လာစေခဲ့ကြောင်း၊ ထိုသို့ထောက်ပံ့နေခြင်းကို တားမြစ်ပေးစေလိုကြောင်း၊ ယင်းသို့ ၀င်ရောက်နေထိုင်သူများအကြား ARSA အကြမ်းဖက်သမားများ ရောနှောပါဝင်နေဖွယ်ရာရှိသည့်အတွက် နှစ်နိုင်ငံ နယ်စပ်လုံခြုံရေးအတွက် အထူးစိုးရိမ်စရာကောင်းသော အနေအထားသို့ ရောက်ရှိစေနိုင်ကြောင်းတို့ကို မြန်မာနိုင်ငံဘက်က ထောက်ပြဆွေးနွေးခဲ့သည်။

ယင်းသို့ နှစ်နိုင်ငံတာဝန်ရှိသူများ သွားရောက်တွေ့ဆုံပြီးနောက် အဆိုပါနေရာသို့ ၀င်ရောက်နေထိုင်သူများမှ အများစုမှာ ဘင်္ဂလားဒေ့ရ်ှနိုင်ငံအတွင်းရှိ ကူတူပါလောင်ကျေးရွာနှင့် ဘာလူခါလီကျေးရွာများရှိ ဒုက္ခသည်စခန်းများသို့ သွားရောက်နေထိုင်မှုများ စတင် ဆောင်ရွက်လာခဲ့ခြင်းဖြစ်ကြောင်းနှင့် လက်ရှိတွင် လူ ၁၀၀၀ ကျော်ခန့်မှာ ဆက်လက်နေထိုင်နေဆဲဖြစ်ကြောင်း သိရသည်။ ဘင်္ဂါလီဒုက္ခသည်စခန်းချရာအနီး ဘင်္ဂလားဒေ့ရ်ှနယ်စပ်၌ တပ်စွဲရခြင်းမှာ ARSA လှုပ်ရှားမှုနှင့် ပတ်သက်ကြောင်း နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက မတ် ၂ ရက်က ပြောကြားခဲ့ကြောင်း သိရသည်။

မြန်မာ-ဘင်္ဂလားဒေ့ရှ် နယ်စပ်ခြံစည်းရိုး တည်ဆောက်ခြင်းလုပ်ငန်း စတုတ္ထအဆင့်ကို လာမည့်ပွင့်လင်းရာသီတွင် ဆက်လက်ဆောင်ရွက်မည်ဟု သိရ

မြန်မာ-ဘင်္ဂလားဒေ့ရှ် နယ်စပ်ခြံစည်းရိုးအနီး သုညမျဉ်းတွင် တရားမ၀င် နေထိုင်နေသည့် ဘင်္ဂါလီများအား ဖေဖော်ဝါရီ တတိယပတ်က တွေ့ရစဉ်

မြန်မာ-ဘင်္ဂလားဒေ့ရှ် နယ်စပ်ခြံစည်းရိုး တည်ဆောက်ခြင်းလုပ်ငန်း စတုတ္ထအဆင့် ကျန်ရှိသည့် ၃၉ မိုင်ကျော်အား လာမည့်ပွင့်လင်းရာသီတွင် ဆက်လက်ဆောင်ရွက်မည်ဟု သိရသည်။

မြန်မာ-ဘင်္ဂလားဒေ့ရှ် ထိစပ်နယ်နိမိတ်တစ်လျှောက် နယ်စပ်ခြံစည်းရိုးပျက်စီးမှုများအား ပြုပြင်ခြင်းများကို ဆောင်ရွက်လျက်ရှိပြီး ခြံစည်းရိုးတည်ဆောက်ရန် ၃၉ ဒသမ ၂၁၇ မိုင် ကျန်ရှိနေသေးကြောင်းနှင့် အဆိုပါအပိုင်းကို လုပ်ငန်းစတုတ္ထအဆင့်အဖြစ် နယ်စပ်ခြံစည်းရိုး စီမံကိန်း (ကျီးကန်းပြင်) ကို ဆက်လက် ဆောင်ရွက်သွားမည်ဖြစ်ကြောင်း သိရသည်။

ဘူးသီးတောင်မဲဆန္ဒနယ်မှ ဦးအောင်သောင်းရွှေ တင်သွင်းထားသည့် “ရခိုင်ပြည်နယ် မြောက်ပိုင်းဒေသတွင် နိုင်ငံတော်၏ အချုပ်အခြာအာဏာနှင့် နယ်မြေတည်တံ့ခိုင်မြဲရေးအတွက်လည်းကောင်း၊ ဒေသခံဌာနေ တိုင်းရင်းသားတို့၏ အသက်အိုးအိမ်၊ ထာဝရ လုံခြုံမှုရှိသော လူမှုဘ၀ကို ထူထောင်နိုင်ရန် ဒေသခံတိုင်းရင်းသားတို့၏ လိုအပ်ချက်များကို ရေတိုရေရှည်စီမံကိန်းများ ပွင့်လင်းမြင်သာစွာ ချမှတ်၍ ထိရောက်သော အကောင်အထည်ဖော် ဆောင်ရွက်မှုများကို ပြုလုပ်ပေးရန် နိုင်ငံတော်အစိုးရအား တိုက်တွန်းကြောင်း” အဆိုနှင့်စပ်လျဉ်းပြီး လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက ဖေဖော်ဝါရီ ၂၀ ရက်က လွှတ်တော်တွင် ရှင်းလင်းပြောကြားရာတွင် ယင်းသို့ထည့်သွင်း ပြောကြားခဲ့ခြင်းဖြစ်သည်။

လက်ရှိတွင် တုံးချောင်းဝမှ BP 66 ထိ ခြံစည်းရိုး ပျက်စီးမှုများနှင့် ဖျက်ဆီးခံရမှုများကို ၂၀၁၇ ခုနှစ် စက်တင်ဘာလမှစ၍ ပြန်လည်ပြုပြင်ခြင်း လုပ်ငန်းများကိုလည်း ဆောင်ရွက်လျက်ရှိကြောင်း၊ ခြံစည်းရိုးများ ပိုမိုလုံခြုံ ကောင်းမွန်စေရေးအတွက် ခြံစည်းရိုးနှစ်ထပ် ကာရံမှုများအဖြစ် အဆင့်မြှင့်တင်ခြင်းကို ရဲအောင်ချောင်းဝကင်းစခန်းမှ BP 36 ထိ ၆ ဒသမ ၃ မိုင်ကို ၂၀၁၇ ခုနှစ် အောက်တိုဘာမှ စတင် ဆောင်ရွက်လျက်ရှိရာ ယခုအချိန်တွင် ၇၂ ရာခိုင်နှုန်းပြီးစီးပြီး ၂၀၁၈ ခုနှစ် ဖေဖော်ဝါရီတွင် ၁၀ ရာခိုင်နှုန်းပြီးစီးအောင် ဆောင်ရွက်သွားမည်ဖြစ်ကြောင်း သိရသည်။

ရခိုင်ပြည်နယ် လုံခြုံရေးအတွက် နယ်စပ်ခြံစည်းရိုး ခိုင်ခံ့ကောင်းမွန်ရေး၊ ရေပိုင်နက် နယ်နိမိတ်လုံခြုံရေးတို့သည် အဓိကကျသော အချက်များဖြစ်သဖြင့် နယ်စပ်ခြံစည်းရိုး ကာရံခြင်းနှင့် ပတ်သက်၍ မြန်မာနိုင်ငံအတွင်းသို့ တရားမ၀င် ၀င်ထွက်သွားလာမှု မရှိစေရေးနှင့် အကြမ်းဖက်သမားများ၏ အန္တရာယ်မှ လုံခြုံရေးတို့အတွက် ၂၀၁၆-၂၀၁၇ ဘဏ္ဍာနှစ်အတွင်း မြန်မာ-ဘင်္ဂလားဒေ့ရှ် ထိစပ်နယ်နိမိတ်တစ်လျှောက် နယ်စပ်ခြံစည်းရိုးပျက်စီးမှုများအား ပြုပြင်ခြင်း၊ နယ်စပ်ခြံစည်းရိုးကင်းလှည့် လမ်းပြုပြင်ခြင်း၊ ချဉ်းကပ်လမ်းများ၊ တံတားများနှင့် ကင်းစခန်းများ ပြုပြင်ခြင်းတို့ ဆောင်ရွက်လျက်ရှိကြောင်း၊ နယ်စပ်ခြံစည်းရိုး တည်ဆောက်ခြင်းကို ၂၀၀၉ ခုနှစ်မှစတင်၍ သဲသောင်ပြင်ပိုင်း၊ တာပေါင်ပိုင်းနှင့် တောင်ပေါ်ပိုင်းဟူ၍ ခြံ စည်းရိုးအမျိုးအစား သုံးမျိုးဖြင့် အဆင့်ဆင့် တည်ဆောက်လျက်ရှိသည်။

မောင်တောမြို့နယ် တောင်ပြိုလက်ဝဲမြို့အနီး မြန်မာ-ဘင်္ဂလားဒေ့ရ်ှနှစ်နိုင်ငံ နယ်နိမိတ် မှတ်တိုင် ၃၄ နှင့် ၃၅ ကြား သုညမျဉ်းတွင် ဖေဖော်ဝါရီ ၁၅ ရက်က အမှတ် (၁) ဆောက်လုပ်ရေး အင်ဂျင်နီယာတပ်ရင်းမှ တပ်မတော်သားများ ဦးဆောင်၍ နယ်စပ်ခြံစည်းရိုး ပြုပြင်ခြင်းလုပ်ငန်းများ ဆောင်ရွက်လျက်ရှိကြောင်းနှင့် ခလရ (၂၀) မှ တပ်မတော်သားများမှ လုံခြုံရေး ဆောင်ရွက်ပေးလျက်ရှိကြောင်း သတင်းထုတ်ပြန်ချက်အရ သိရသည်။

တောင်ပြိုလက်ဝဲရှိ မြန်မာ-ဘင်္ဂလားဒေ့ရှ် နယ်စပ်ခြံစည်းရိုးကို ယခင်ထက် အဆင့်မြှင့်တင် အမြင့်ပြုလုပ်ကာရံနေခြင်းဖြစ်ပြီး နယ်စပ်ခြံစည်းရိုးများအား အသစ်ကာရံခြင်း မဟုတ်သော်လည်း ယခင် ကာရံထားသည့် ခြံစည်းရိုးထက်တွင် သံဆူးခြူခွေများကို ထပ်မံဖြည့်စွက် ကာရံနေခြင်းဖြစ်ကြောင်း သိရသည်။

သြဂုတ် ၂၅ ရက်အကြမ်းဖက်ဖြစ်စဉ်အပြီး ARSA အစွန်းရောက်အကြမ်းဖက်သမားများသည် တောင်ပြိုနယ်စပ်မှ နယ်စပ်ခြံစည်းရိုးကို ဖျက်ဆီးထွက်ပြေးခဲ့ကြကြောင်း၊ ပျက်စီးနေသည့် ခြံစည်းရိုးကို ပြန်လည်ပြုပြင်ပြီးဖြစ်ကာ ယခင်ကာရံထားသည့် ခြံစည်းရိုးကို ပြန်လည်ပြုပြင်ကာ ယခင်ထက် အမြင့် တည်ဆောက်နေခြင်းဖြစ်ကြောင်း သိရသည်။

မြန်မာ-ဘင်္ဂလားဒေ့ရှ် နယ်စပ်ခြံစည်းရိုး ကာရံခြင်းလုပ်ငန်းများ ဆောင်ရွက်ခဲ့မှု အခြေအနေနှင့် ဆက်လက်ဆောင်ရွက်မည့် အစီအမံများနှင့် ပတ်သက်၍ နိုင်ငံတော်သမ္မတရုံးမှ စက်တင်ဘာ ၁၈ ရက် ညပိုင်းက ထုတ်ပြန်ကြေညာချက်တွင် မြန်မာ-ဘင်္ဂလားဒေ့ရှ် နယ်စပ်ခြံစည်းရိုး ကာရံခြင်းလုပ်ငန်းအတွက် ၂၀၀၉-၂၀၁၀ ခုနှစ်မှ ၂၀၁၇-၂၀၁၈ ခုနှစ်အထိ ဘဏ္ဍာရေးနှစ်များအတွင်း နှစ်စဉ် မူလခန့်မှန်းခြေ ငွေစာရင်းနှင့် ဖြည့်စွက်ခွင့်ပြုငွေစုစုပေါင်း ငွေကျပ် ဘီလျံ ၁၉၀ ကျော်ကို ပြည်ထဲရေးဝန်ကြီးဌာနသို့ ခွင့်ပြုပေးခဲ့ပြီး ပြည်ထဲရေးဝန်ကြီးဌာနမှ ကာကွယ်ရေးဝန်ကြီးဌာန၊ စစ်အင်ဂျင်နီယာ ညွှန်ကြားရေးမှူးရုံးသို့ လုပ်ငန်းအပ်နှံ ဆောင်ရွက်ခဲ့ပြီးဖြစ်ကြောင်း၊ ၂၀၁၇-၂၀၁၈ ဘဏ္ဍာရေးနှစ်တွင် ခြံစည်းရိုးကာရံခြင်းနှင့် ဆက်စပ်လုပ်ငန်းများအတွက် ငွေကျပ် ခြောက်ဘီလျံကျော်ကို ခွင့်ပြုပေးခဲ့ပြီး ပြည်ထဲရေးဝန်ကြီးဌာနမှ ငွေအပ်လုပ်ငန်းအဖြစ် ကာကွယ်ရေးဝန်ကြီးဌာနသို့ အပ်နှံ ဆောင်ရွက်ထားပြီးဖြစ်ကြောင်း၊ ထို့အပြင် ဖြည့်စွက်ခွင့်ပြုငွေအဖြစ် ငွေကျပ် နှစ်ဘီလျံကျော်ကို ထပ်မံသုံးစွဲနိုင်ရေး ဆောင်ရွက်လျက်ရှိကြောင်း၊ ယခုကာလအတွင်း ခြံစည်းရိုး ကာရံခြင်းလုပ်ငန်းများ ချက်ချင်းဆောင်ရွက်နိုင်ရေးအတွက် ပထမအဆင့်အနေဖြင့် ငွေကျပ် ဘီလျံ ၂၀ ကို နိုင်ငံတော်အစိုးရက လက်ငင်း ဖြည့်ဆည်းပေးသွားမည်ဖြစ်ကြောင်းနှင့် နယ်စပ်ခြံစည်းရိုး ကာရံခြင်းလုပ်ငန်းအား ယခင် ဆောင်ရွက်သည့်အတိုင်း ပြည်ထဲရေးဝန်ကြီးဌာနမှ ရန်ပုံငွေ တင်ပြတောင်းခံ၍ ကာကွယ်ရေးဝန်ကြီးဌာနသို့ လုပ်ငန်းအပ်နှံ ဆောင်ရွက်သွားစေမည်ဖြစ်ကြောင်း ပါရှိခဲ့သည်။ ခြံစည်းရိုးတည်ဆောက်ပြီးစီးမှုမှာ ၁၄၁ ဒသမ ၃၇၈ မိုင်ဖြစ်ပြီး ခြံစည်းရိုးကာရံရန် ကျန်ရှိနေသည်မှာ ၃၉ ဒသမ ၂၁၇ မိုင်ဖြစ်သည်။

မြန်မာ-ဘင်္ဂလားဒေ့ရှ် နယ်နိမိတ်ထိစပ်မှုမှာ မြန်မာ-ဘင်္ဂလားဒေ့ရ်ှနယ်စပ်သည် ကုန်းမြေထိစပ်မှု မိုင်ပေါင်း ၁၂၆ ဒသမ ၆၈ မိုင်ရှိပြီး ရေမြေထိစပ်မှု မိုင် ၃၉ ဒသမ ၈၂ မိုင်ရှိသည်။