မြန်မာဘက်ကမ်းစပ်နားထိ သဲလာစုပ်ယူနေသော ထိုင်းသဲစုပ်လုပ်ငန်းများကြောင့် မြန်မာ့ပိုက်နက်ကမ်းပါး ပြိုကျမှုများ ဖြစ်ပေါ်နေ

မြန်မာဘက်ကမ်းစပ်နားထိ သဲလာစုပ်ယူနေသော သဲစုပ်စက်လှေ တစ်စင်းကို တွေ့ရစဉ်

မြန်မာ-ထိုင်း နယ်စပ်စည်းခြားထားသည့် သောင်းရင်းမြစ်တွင် မြန်မာဘက်ကမ်းစပ်နားထိ သဲလာစုပ်ယူသော ထိုင်းနိုင်ငံသားများ၏ သဲစုပ်လုပ်ငန်းများကြောင့် မြန်မာ့ပိုင်နက် ကမ်းပါးပဲ့ကြွေပြိုကျနေမှုကို သက်ဆိုင်ရာမှ ထိရောက်စွာ တားမြစ်ကာကွယ်ရန် လိုအပ်နေကြောင်း သိရသည်။

မြန်မာနိုင်ငံ မြ၀တီခရိုင်နှင့် ထိုင်းနိုင်ငံ တာ့ခ်ခရိုင်တို့ကို စည်းခြားထားသည့် သောင်ရင်းမြစ်အတွင်း သဲ၊ ခဲစုပ်ယူခြင်းအား သက်ဆိုင်ရာမှတား မြစ်ထားသော်လည်း ထိုင်းနိုင်ငံဘက်မှ သဲစုပ်လှေဖြင့် မြန်မာဘက် ကမ်းကမ်းစပ်အနီးသို့ လာရောက် စုပ်ယူနေခြင်းကြောင့် မြန်မာဘက်ကမ်းစပ်တွင် မြေပြိုမှုများ ဆက်တိုက် ဖြစ်ပွားလျက်ရှိပြီး နိုင်ငံပိုင်နက်မြေများ ဆုံးရှုံးနေသည်ဟု ဆိုသည်။

“ထိုင်းဘက်က သဲစုပ်တာ ကျွန်တော်တို့ ကြည့်နေစဉ်မှာပဲ၊ အနံသုံးပေ၊ အလျား ၁၀ ပေလောက် ပြိုသွားတယ်။ တကယ်လို့ လူတွေမရှိတဲ့အချိန် ဆက်စုပ်နေမယ်ဆိုရင် တစ်လအတွင်းမှာပဲ မြန်မာနိုင်ငံဘက်ကို ပေ ၅၀၊ ပေ ၇၀ လောက်ထိ ပြိုကျသွားနိုင်တယ်။ အဲဒီလို ဖြစ်အောင်လည်း စီမံချက်နဲ့ လုပ်နေတယ်လို့ထင်တယ်။ ရေကကျွန်တော်တို့ဘက်ကို တိုက်နေတာ။ အေးလိုသဲစုပ်၊ ရေတိုက်စားနေရင် ပြိုကျဖို့လည်းလွယ်တယ်။ ကမ်းပါးပြိုကျနေတော့ ကျွန်တော်တို့နိုင်ငံရဲ့ နယ်နိမိတ်ဆုံးရှုံးနေမှာ ဖြစ်တဲ့အတွက် သဲစုပ်လုပ်ငန်းကို ထိရောက်စွာ တားဆီးဖို့ လိုပါတယ်” ဟု မြ၀တီလူမှုကွန်ရက်အဖွဲ့မှ ဆရာဦးဝင်းချိုက ပြောကြားသည်။

ထိုင်းနိုင်ငံဘက်မှ သဲစုပ်ယူနေခြင်းကြောင့် မြန်မာဘက် သောင်ရင်းမြစ်ကမ်းပါး ပြိုကျနေမှုအား မြ၀တီမြို့နယ်၊ ဒုမြို့နယ် အုပ်ချုပ်ရေးမှူး ဦးအောင်မိုးလွင်နှင့် ရပ်ကွက်အုပ်ချုပ်ရေးမှူးများက ဒီဇင်ဘာ ၁၁ ရက်က သွားရောက် စစ်ဆေးခဲ့သော်လည်း ယခုလတွင် ကျောက်၊ သဲများ စုပ်ယူခြင်းကို ဆက်လက် ပြုလုပ်နေဆဲဖြစ်သည်။

“၀မ်းနည်းစရာ ကောင်းတာက ကျွန်တော်တို့ဘက်ကမ်းမှာ လာစုပ်ယူတဲ့ သဲ၊ ကျောက်တွေနဲ့ သူတို့ကမ်းဘက်မှာ ရေထိန်းနံရံ ချက်ချင်းတည်ဆောက်နေတာ တွေ့နေရတာပါပဲ။ နှစ်နိုင်ငံပေါ့နော်။ နိုင်ငံတော်အဆင့် သောင်ရင်းမြစ် အတွင်းမှာ သဲစုပ်ယူတဲ့လုပ်ငန်း မလုပ်ဖို့ တားဆီးဖို့ လိုအပ်ပါတယ်။ နိုင်ငံတော်အနေနဲ့လည်း ထိုက်သင့်တဲ့ ဘတ်ဂျက်နဲ့ ပြန်လည်ထိန်းသိမ်း စောင့်ရှောက်ဖို့ လိုအပ်ပါတယ်” ဟု မြ၀တီမြို့လူမှု ကွန်ရက်အဖွဲ့ဦးဝင်းချိုက ဆိုသည်။

ထိုင်းနိုင်ငံဘက်မှ လာရောက် သဲစုပ်ယူသည့်နေရာမှာ အမှတ် (၅) ရပ်ကွက် လူနေအိမ်ကျဲသည့် လူနေအိမ်မရှိသည့် မြစ်ကမ်းပါးကို လာရောက်စုပ်ယူခြင်းဖြစ်ပြီး အမှတ် (၂) ချစ်ကြည်ရေး တံတားနှင့် နီးပြီးလုံခြုံရေး အားနည်းသောနေရာ ဖြစ်သည်ဟု ဆိုသည်။ မိမိနိုင်ငံပိုင်နက်မြေများ၊ ပဲကြွေပြီး ကမ်းပါးပြိုကျမှုမှ ကာကွယ်နိုင်ရန် မြစ်အတွင်း သဲစုပ်ယူခြင်းများအား ထိရောက်စွာ တားမြစ်ရန် လိုအပ်သလို သောင်ရင်းကမ်းစပ် တစ်လျှောက်ကိုလည်း ထိန်းသိမ်းစောင့်ရှောက်ဖို့ လိုအပ်နေဆဲ ဖြစ်ကြောင်း သိရသည်။

 

မြန်​မာ-ထိုင်းနယ်​စပ်​ နှစ်နိုင်ငံ ချစ်​ကြည်​​ရေးတံတားအား ​ဖောက်​ခွဲ​ရေး လုပ်​ခံရမည်ဆိုသည့် သတင်း​ကြောင့်​ လုံခြုံ​ရေးတိုးမြှင့်​ ​

မြန်​မာ-ထိုင်းနယ်​စပ်​ နှစ်နိုင်​ငံ ချစ်​ကြည်​​ရေးတံတား အမှတ်​(၁) တွင်​ ​ဖောက်​ခွဲ​ရေး အဖျက်​လုပ်​ငန်း လုပ်​ခံရမည်ဟု သတင်းရရှိ​ကြောင်း လူမှုကွန်​ယက်​တွင်​ ​ရေးသားထားခြင်း​ကြောင့်​ မြ၀တီမြို့တွင်းနှင့်​ ချစ်ကြည်​​ရေးတံတား ပတ်​၀န်းကျင်​တို့၌ ​ဖေ​ဖော်​ဝါရီလ ၆ ရက်​​နေ့ နံနက်​က လုံခြုံ​ရေးတို့းမြှင့်​ ​ဆောက်​ရွက်လျက်ရှိ​ကြောင်း သိရသည်​။

လူမှုကွန်​ယက်​တွင်​ Kyaw Lin Oo ဆိုသည့်​ အ​ကောင့်​ပိုင်​ရှင်​က “မနက်​ဖြန်​ ချစ်​ကြည်​​ရေးတံတားမှာ ​ဖောက်​ခွဲရေး အဖျက်လုပ်​ငန်း​တွေ လုပ်​ခံရမယ်​လို့ သတင်းရတယ်​​။ မယုံလို့ သွားလို့ခံရရင်​ ကိုယ့်​သမိုင်းပဲ။ မယုံလဲ​နေ ငါ​သေတာမဟုတ်​။ ငါပြတ်​မှာ မဟုတ်​။ မင်းတို့ပဲ​သေကျ ပြတ်​ကြမှာ ငါက​အေး​ဆေးး” ဟု ရေးသားထားသည်​။

အဆိုပါသတင်း online ​ပေါ် မတက်​မှီ နှစ်​ရက်​ကလည်း မြ၀တီမြို့​ပေါ်ရပ်​ကွက်​များ၊ မြို့အ၀င်​အထွက်​ မြ၀တီ-ကော့ကရိတ်​ လမ်းမတွင်​ တပ်​မ​တော်​၊ နယ်​ခြား​စောင့်​တပ်​နှင့်​ ရဲတပ်​ဖွဲ့ ဝင်​များ ပါဝင်​သည့်​ ပူး​ပေါင်းအဖွဲ့ မှ လုံခြုံရေး ကြပ်​မတ်​​ဆောင်​ရွက်​ခဲ့ရာ ​သေနတ်နှစ်​လက်​နှင့်​ လူတစ်​ဦး ဖမ်းဆီးရမိခဲ့သည်​။

“ချစ်​ကြည်​​ရေးတံတား ​ဖောက်​ခွဲမယ်​။ အဖျက်​အ​မှောက်​ လုပ်​ခံ ရမယ်​ဆိုပြီး သတင်းတက်​လာ​တော့ သတင်းကမှန်​ချင်​လည်း မှန်​မယ်​။ မှားချင်​လည်း မှားမယ်​။ ပြည်​သူ​တွေရဲ့ ဘ၀ လုံခြုံဖို့ ရဲတပ်​ဖွဲ့ ရဲ့ တာဝန်​ ဖြစ်တဲ့အတွက်​ မ​နေ့ညကလည်း လုံခြုံ​ရေး တိုးမြှင့်​​ဆောင်​ရွက်​ထားပါတယ်။ မြို့အတွင်း အပြင်​လှည့်​ကင်း ​ဆောင်​ရွက်​ပြီး ချစ်​ကြည်​​ရေးတံတား ၀န်းကျင်​နဲ့ အ​ရေးကြီး​နေရာ​တွေမှာ လုံခြုံ​ရေး တိုးမြှင့်​ လုပ်​​ဆောင်​​နေပါတယ်​” ဟု မြ၀တီ ခရိုင်​ရဲတပ်​ဖွဲ့ မှူး ဒုတိယရဲမှူး ​အောင်​နိုင်​ထွန်းက ​ပြောကြားသည်​။ ​

ဖေ​ဖော်​ဝါရီလ ၅ ရက်​​နေ့ညတွင်​ ခရိုင်​ရဲတပ်​ဖွဲ့မှူး ဦး​ဆောင်​ပြီး အင်​အား ၃၀ ခန်​ဖြင့်​ လှည်းကင်း​ဆောင်​ရွက်​ခဲ့ပြီး ၁၂ နာရီ​ နောက်​ပိုင်းကိုလည်း တာဝန်​ကျ ရဲတပ်​ဖွဲ့ဝင်​များ ပါဝင်​သည့်​ ပူးပေါင်းအဖွဲ့များက မြို့တွင်းလှည့်လည်​ ခြုံ​ရေးတိုးမြှင့်​​ ဆောင်​ရွက်​ခဲ့သည်​ကြောင်း သိရသည်​။

မြ၀တီမြို့ အမှတ်​ ၁ ရပ်​ကွက်​၊ ချစ်​ကြည်​​ရေးတံတား ပတ်​လမ်းရှိ လဘက်​ရည်​ဆိုင်​ တစ်​ဆိုင်​​ရှေ့တွင်​ လွန်​ခဲ့​သော ၈ နှစ်​ခန့်​က ​ပေါက်​ကွဲမှု ဖြစ်​ပွားခဲ့ပြီး လူသုံးဦး​သေဆုံးခဲ့ဖူးကြောင်း သိရသည်​။

မြန်မာ-တရုတ်နယ်စပ် ချင်းရွှေဟော် နယ်စပ်ဂိတ်ကို အပြည်ပြည်ဆိုင်ရာ နယ်စပ်ဂိတ်အဖြစ် ဆောင်ရွက်နိုင်ရန် နိုင်ငံတော်သမ္မတရုံးသို့ တင်ပြပြီး နှစ်နိုင်ငံ နိုင်ငံခြားရေးဝန်ကြီးဌာန သဘောတူညီချက်ဖြင့် ဖွင့်လှစ်မည်ဟု ပြည်ထောင်စုဝန်ကြီး ပြောကြား

မြန်မာ-တရုတ်နယ်စပ် မူဆယ်မြို့ရှိ နန်းတော်စစ်ဆေးရေးစခန်းကို တွေ့ရစဉ် (ဓာတ်ပုံ-နီလာ)

မြန်မာ-တရုတ်နယ်စပ် ချင်းရွှေဟော် နယ်စပ်ဂိတ်ကို အပြည်ပြည်ဆိုင်ရာ နယ်စပ်ဝင်ပေါက်ဂိတ်အဖြစ် ဖွင့်လှစ်ရန် သမ္မတရုံးသို့ တင်ပြ၍ နှစ်နိုင်ငံ နိုင်ငံခြားရေးဝန်ကြီးဌာန သဘောတူညီချက်ဖြင့် ဖွင့်လှစ်မည်ဖြစ်ကြောင်း ဒီဇင်ဘာ ၃၀ ရက်က ပြုလုပ်သည့် ဒုတိယသမ္မတ (၁) နှင့် မြန်မာ့စီးပွားရေးလုပ်ငန်းရှင်များ ပုံမှန်အစည်းအဝေး (၁၃) ကြိမ်မြောက် အခမ်းအနားတွင် ပြည်ထောင်စုဝန်ကြီး ဦးသိန်းဆွေက ပြောကြားသည်။

“ကျွန်တော်တို့ ၀န်ကြီးဌာနအနေနဲ့ကတော့ ဒီချင်းရွှေဟော် နယ်စပ်ကို ဂိတ်ဖွင့်မယ်ဆိုရင် ကျွန်တော်တို့ ကန့်ကွက်ဖို့ မရှိပါဘူး။ ဆောင်ရွက်ပေးဖို့ အသင့်ပဲဖြစ်ပါတယ်။ လက်ရှိမှာတောင် ကိုးယောက် တာဝန်ချထားပြီးတော့ ဆောင်ရွက်ပေးနေပါတယ်။ အဲဒီတော့ ဒီဒေသကို အပြည်ပြည်ဆိုင်ရာ ၀င်ထွက်ပေါက်အဖြစ် ဆောင်ရွက်ချင်တယ်ဆိုရင် သက်ဆိုင်ရာပြည်နယ်၊ တိုင်းကနေမှ ပြည်ထောင်စုအစိုးရကို တင်ပြဖို့ဖြစ်ပါတယ်။ ပြည်ထောင်စုအစိုးရကမှ သက်ဆိုင်ရာ ၀န်ကြီးဌာနများပေါ့။ ပြည်ထဲရေးဝန်ကြီးဌာန ရှိမယ်။ ကာကွယ်ရေးဝန်ကြီးဌာန ရှိမယ်။ အလုပ်သမားဝန်ကြီးဌာန ရှိမယ်။ တခြားသော ၀န်ကြီးဌာနများနဲ့ သဘောထားဆန္ဒများ တောင်းခံသွားမှာ ဖြစ်ပါတယ်။ အားလုံးက ကန့်ကွက်ရန် မရှိဘူး။ လုံခြုံရေးအရလည်း အဆင်ပြေတယ်ဆိုရင် ပြည်ထောင်စုအစိုးရအဖွဲ့က ဖွဲ့စည်းထားတဲ့ လုံခြုံရေးနဲ့ငြိမ်းချမ်းရေး၊ တရားဥပဒေစိုးမိုးရေးကော်မတီကို တင်ပြပြီးတော့ အဲဒီကနေ သမ္မတရုံးကို တင်ပြမယ်။ ပြီးရင် အစိုးရအဖွဲ့ကို တင်ပြပြီး နှစ်နိုင်ငံ နိုင်ငံခြားရေးဝန်ကြီးဌာနချင်း သဘောတူညီချက် ဆောင်ရွက်ပြီးမှ ဒါကို ဒါကိုခွင့်ပြုပေးလို့ရမယ့် အနေအထားဖြစ်ပါတယ်” ဟု အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ပြောကြားသည်။

နှစ်နိုင်ငံ နယ်စပ်ဒေသရှိ နယ်စပ်ဝင်ပေါက် ဂိတ်များကို အပြည်ပြည်ဆိုင်ရာ ဂိတ်များအဖြစ် သတ်မှတ်ရန်အတွက် အဓိက အချက်သုံးချက် ရှိကြောင်း၊ အဆိုပါ အချက်သုံးချက်နှင့် ကိုက်ညီမှုရှိမှသာ နှစ်နိုင်ငံသဘောတူညီမှုဖြင့် အပြည်ပြည်ဆိုင်ရာ နယ်စပ် အ၀င်အထွက်ဂိတ်ပေါက်အဖြစ် သတ်မှတ်နိုင်မည်ဖြစ်ကြောင်း သိရသည်။

“အပြည်ပြည်ဆိုင်ရာ ဂိတ်အဖြစ် သတ်မှတ်မယ်ဆိုရင် သူ့ရဲ့ Criteria သုံးခု ရှိပါတယ်။ အဲဒါတွေကတော့ နှစ်နိုင်ငံကြားမှာ တိကျတဲ့ နယ်နိမိတ်သတ်မှတ်ချက် ရှိရပါမယ်။ နယ်မြေအလိုက် လုံခြုံရေးအာမခံချက် ရှိပါမယ်။ ဒေသတွင်း လမ်းပန်းဆက်သွယ်ရေး ကောင်းမွန်ပြီးတော့ နှစ်နိုင်ငံ သဘောတူညီချက် ရှိရမှာဖြစ်ပါတယ်” ဟု ၎င်းက ဆိုသည်။

လက်ရှိတွင် မြန်မာ-တရုတ်နယ်စပ်တွင် မူဆယ်နယ်စပ်ဂိတ် အပါအ၀င် နယ်စပ်ဂိတ် စုစုပေါင်းရှစ်ခုရှိပြီး အဆိုပါ နယ်စပ်ဂိတ်အားလုံးကို အပြည်ပြည်ဆိုင်ရာ ၀င်ထွက်ပေါက်ဂိတ်များအဖြစ်သို့ ဆောင်ရွက်နိုင်ခြင်း မရှိသေးကြောင်း သိရသည်။

သို့သော်လည်း မြန်မာ-တရုတ် နယ်စပ်ဂိတ်များမှ BP စနစ်ဖြင့် ဖြတ်သန်းသွားလာခွင့်ပြုထားပြီး တစ်လလျှင် ပျှမ်းမျှ ချင်းရွှေဟော်စခန်းမှ တရုတ်နိုင်ငံသား ၄၀၀၀ နှင့် မြန်မာနိုင်ငံသား အ၀င်အထွက် ၁၀၀၀၀ ခန့်ရှိကြောင်း အလုပ်သမား၊ လူဝင်မှုကြီးကြပ်ရေး နှင့် ပြည်သူ့အင်အားဝန်ကြီးဌာနမှ သိရသည်။

“အဲဒီမှာတော့ လောလောဆယ် BP နဲ့ ပဲ ဖြတ်သန်းခွင့် ပြုနေပါသေးတယ်။ ပျှမ်းမျှအားဖြင့် ချင်းရွှေဟော်စခန်းမှာ တရုတ်နိုင်ငံသား တစ်လမှာ ၄၀၀၀ လောက် ၀င်ထွက်မှုရှိတယ်လို့ စာရင်းဇယားအရ သိရပါတယ်။
မြန်မာနိုင်ငံသား အ၀င်အထွက်ကတော့ တစ်လကို ၁၀၀၀၀ လောက် ရှိပါတယ်” ဟု ပြည်ထောင်စုဝန်ကြီး ဦးသိန်းဆွေက ဆိုသည်။

တောင်ကျချောင်းရေ တိုက်စားမှုကြောင့် အိန္ဒိယ-မြန်မာ နယ်စပ်ကုန်သွယ်ရေးလမ်း ခေတ္တပြတ်တောက်လျက်ရှိ

အိန္ဒိယ-မြန်မာ ချစ်ကြည်ရေး လမ်းမပေါ်ရှိ ကနန်-ခမ်းပတ် ဆက်သွယ်ထားသော တံတားကို တွေ့ရစဉ် (ဓာတ်ပုံ – အောင်သူထွန်း)

တောင်ကျချောင်းရေ တိုက်စားမှုကြောင့် အိန္ဒိယ-မြန်မာ နယ်စပ်ကုန်သွယ်ရေးလမ်း (ကလေး-တမူးလမ်း) ခေတ္တပြတ်တောက်လျက် ရှိသည်ဟု သိရသည်။

“ကနန်တံတား အခြေအနေကတော့ လောလောဆယ် ချဉ်းကပ်လမ်းတွေ ပြတ်ထွက်သွားပြီ။ အနည်းဆုံး ၁၅ ပေလောက်ရှိသွားပါပြီ။ မနေ့ကအထိ ပြုပြင်လိုက်တယ်။ ချဉ်းကပ်လမ်းတွေ ပြုလုပ်လိုက်တာ။ ညနေပိုင်းကျတော့ ကားတွေ ဘာတွေ သွားလို့ရအောင်ပေါ့။ စက်တင်ဘာ ၁၉ ရက် မနက်ပိုင်းမှာ ဆက်လုပ်တယ်။ အခိုင်အမာသွားလို့ရ အောင်ဆက်လုပ်တာ။ ၇ နာရီခွဲမှာ ရေကတိုက်စားတာပေါ့၊ ၈ နာရီလောက်ကျတော့ ယာဉ်ကြီး ယာဉ်ငယ်၊ ဆိုင်ကယ် အကုန်ပိတ်လိုက်တယ်။ အခုဆိုရင် တံတားချဉ်းကပ် မြေသားတွေက ၁၅ ပေလောက် တိုက်စားသွားတယ်။  အခုဆိုရင် ချောင်းရေက များနေတယ်။ တ၀ုန်းဝုန်းနဲ့ တိုက်စားနေတယ်။ ရေကျသွားမှပဲ လုပ်ငန်းက ဆက်လုပ်သွားမှာပါ။ ရေကျသွားတယ်ဆိုရင် သံပေါင်တွေနဲ့ လမ်းဦးစီးဌာနနဲ့ ချိတ်ဆက်ပြီးတော့ ပစ္စည်းကတော့ အဆင်သင့်ရှိပါတယ်။ ရေကျသွားရင်တော့ လုပ်ပေးဖို့ ပစ္စည်းအဆင်သင့်ပါ။ ရာသီဥတု မိုးကတော့ ချင်းပြည်နယ်နဲ့ ဆက်တာဆိုတော့ နည်းနည်းညို့တာနဲ့ ရေကကျလာတာပဲ” ဟု ခမ်းပတ်မြို့နယ် အုပ်ချုပ်ရေးမှူး ဦးသန့်ဇင်ဦးက ပြောကြားသည်။

အဆိုပါ တံတားသည် ခမ်းပတ်မြို့နှင့် ကနန်ကျေးရွာကို ဆက်သွယ်ထားသော တံတားဖြစ်ပြီး စက်တင်ဘာ ၁၈ ရက်မှစ၍ ချောင်းရေ တိုက်စားမှုကြောင့် တံတားချဉ်းကပ်လမ်း ပြိုကျလျက်ရှိနေပြီး ကာကွယ်မှုများ ပြုလုပ်နေသော်လည်း တောင်ကျရေ များလာသောကြောင့် ချဉ်းကပ်လမ်းသည် ရေစီးနှင့် မျောပါ၍ လမ်းပန်းဆက်သွယ်ရေးများ ပြတ်တောက်ခဲ့သည်ဟု သိရသည်။

“ကားတွေကတော့ လာလို့မရတော့ဘူး။ ကုန်စိမ်းတွေ အတွက်တော့ မနက်က ၀င်ထားတာတွေရှိတယ်။ နန်းဖာလုံက တချို့သစ်သီး ကုန်သည်တွေကတော့ မန္တလေးကို ပစ္စည်းတွေမတင်ဖို့ ပိတ်ထားတယ်။ လောလောဆယ်တော့ တံတားပျက်တဲ့နေရာမှာ သွားလို့လာလို့ မရသေးဘူးလို့ ပြောပါတယ်။ တောင်ကျရေဆိုတော့ ရေကျတာ မြန်ရင်တော့ တမူးအတွက် သိပ်အခက်အခဲ မရှိပေမယ့် လေး၊ ငါးရက် တစ်ပတ်လောက် ကြာမယ်ဆိုရင်တော့ တမူးမြို့အတွက် အခက်အခဲ ရှိနိုင်ပါ တယ်။ တမူးမြို့ကနေ ပြည်မထဲကို ထွက်ပေါက်က ဒီတစ်လမ်းရှိတာ” ဟု တမူးမြို့ခံ ကိုပေါက်ပြားက ပြောကြားသည်။

“အခုအချိန်အထိတော့ မကူးရသေးဘူး။ ကူးရအောင် လုပ်ပေးမယ်လို့တော့ပြောတယ်” ဟု တမူးမြို့မှ ကလေးမြို့သို့အလာ ကနန်ကျေးရွာတွင် ရောက်ရှိနေသူ တစ်ဦးက ပြောကြားသည်။

 

ထိုင်းနိုင်​ငံထုတ်​ Vigo ကားများကို မြ၀တီနယ်​စပ်​မှ တင်​သွင်းခွင့်ပြု​တော့မည်​ ဆိုသည့်​ သတင်း​ကြောင့်​ တရားဝင်​ တင်​သွင်းရန်​ စိုင်းပြင်း​နေ​သော်​လည်း သက်​ဆိုင်​ရာမှ ညွှန်ကြားချက်​ တစ်​စုံတစ်​ရာ မထွက်​​သေးဟုဆို

နယ်​စပ်​မှ တရားဝင်​ တင်​သွင်းမည့်​ ကားများအား မြ၀တီ ကုန်​သွယ်​​ရေးဇုန်​တွင်​ စက်တင်ဘာ ၁၈ ရက်က စစ်​​ဆေး​နေစဉ်​

မြ၀တီနယ်​စပ်​မှ ထိုင်းနိုင်​ငံထုတ်​ Vigo ကားများ တင်​သွင်းပြု​တော့မည်ဟု စီးပွားကူးသန်းဝန်​ကြီးဌာန၏ တာဝန်​ရှိသူတစ်​ဦး ​ပြော​ကြောင်း ၁၄-၉-၂၀၁၇ ရက် CARS DB.com ၌ ထွက်​​ပေါ်လာသည့်​ သတင်း​ကြောင့်​​ နယ်​စပ်​မှ တရားဝင်​ ကားဝယ်​​ရောင်း တင်​သွင်းသူများအ​နေဖြင့်​ တင်သွင်းရန်​ ပြင်​ဆင်​စိုင်းပြင်း​နေကြ​ကြောင်း သိရသည်​။

“မြ၀တီဟာ နယ်​စပ်မြို့​ ဖြစ်​တဲ့အတွက်​ ထိုင်းနဲ့လည်း ဆက်​စပ်မှု ရှိတယ်​။ အရင်​တစ်​နှစ်​​ကျော်​က ရပ်​နားခဲ့ရတဲ့ လုပ်​ငန်းသုံး Vigo ကား​တွေကို ပြန်​လည်​ တင်​သွင်းခွင့်​ ရ​တော့မယ်​ဆို​တော့ တရားဝင်​တင်​သွင်းဖို့ ​ ပြင်​ဆင်​နေကြပါတယ်​။ ပြည်တွင်းကျေးလက်​ လမ်းတွေနဲ့ သဟဇာတဖြစ်​တဲ့အတွက်​ အကျိုးရှိမှာက​တော့ သုံးစွဲသူ ပြည်​သူ​တွေပါပဲ။ ဘာ​ကြောင့်​လဲဆို​တော့ မြန်​မာပြည်​တွင်းက လမ်း​တွေက အလုံးစုံ မ​ကောင်း​သေးပါဘူး။ မြို့ရော ​တောပါ အသုံးတည့်​တယ်​။ ဆီစားလည်း သက်​သာပါတယ်​။ ဒါ့အပြင်​ ​ဈေးနှုန်းအ​နေနဲ့လည်း ဆိပ်​ကမ်းက သွင်းတာထက်​ အနည်းဆုံး ၁၀ သိန်းနဲ့ အများဆုံး ၂၅ သိန်းထိ သက်​သာနိုင်​တဲ့အတွက်​ ဖြစ်​ပါတယ်” ဟု နယ်​စပ်​မှ တရားဝင်​ ကားတင်​သွင်းသူ ကို​ဇော်​​မော်​ထွန်းက​ ပြောကြားသည်​။

သို့​သော်​လည်း ထိုင်းနိုင်​ငံထုတ်​ Vigo ကားများကို မြ၀တီနယ်​စပ်​မှ တင်​သွင်းခွင့်​ ပြု​တော့မည်​ဆိုသည့်​ သတင်း​ကြောင့်​ နယ်​စပ်​ ကားဝယ်​​ရောင်းလုပ်​သူများက တရားဝင်​ တင်​သွင်းရန်​ စိုင်းပြင်း​နေ​သော်​လည်း ယ​နေ့ချိန်​ထိ သက်​ဆိုင်​ရာမှ ညွှန်​ကြားချက်​တစ်​စုံတစ်​ရာ မထွက်​​သေး​ကြောင်း ၎င်းးက ဆိုသည်။

ကားတင်​သွင်းမှုဆိုင်​ရာ မူဝါဒအ​ပြောင်းအလဲ၊ အခွန်​ဆိုင်​ရာ ပြောင်းလဲမှုများ​ကြောင့် နယ်​စပ်​မှ ကားတင်​သွင်းမှု လျော့နည်းနေသော်​လည်း လက်​ရှိ တင်​သွင်းခွင့်​ပြုထားသည် Delivery Van နှင့်​ Truck ကားအနည်းငယ်​သာ တင်​သွင်းလျက်​ ရှိ​ကြောင်း သိရသည်​။

“နယ်စပ်ပေါက်မှာ Vigo တွေပေးမယ်ဆိုတဲ့ ကိစ္စနဲ့ပတ်သက်လာရင် အရင်ဦးဆုံး ပျော်ကြရတာ ကျွန်တော်တို့ မြ၀တီမှာနေပြီး ကားနဲ့ အသက်မွေးဝမ်းကြောင်း ပြုနေတဲ့လူတွေပါ။ ဒီကိစ္စကို ကောင်းတဲ့ဘက်က ပြောတဲ့လူ ရှိသလို မကောင်းတဲ့ဘက် ပြောနေတဲ့လူတွေလည်း ရှိပါတယ်။ ဈေးတူမော်ဒယ်လ်တူ ကားနှစ်စီးကို တစ်ယောက်တစ်စီး ၀ယ်ပြီး ခင်ဗျားက ဆိပ်ကမ်းကနေ သွားမယ်။ ကျွန်တော်က မြ၀တီနယ်စပ်ကနေ သွင်းမယ်။ ခင်ဗျားက သင်္ဘောနဲ့သွားဖို့ Agent အပ်၊ ကျုပ်က မဲဆောက်ကို သွားဖို့ Driver အပ်ပေါ့ဗျာ။ အဲဒီမှာ စတွေ့ပြီ ခင်ဗျားသင်္ဘောခက ၁၅သိန်းလောက် ကျသွားတဲ့အချိန်မှာ ကျုပ်က Driver မောင်းကြေးနဲ့ မဲဆောက် Agent ကြေးပေါင်းမှ ငါးသိန်း မကျော်ဘူးဗျ။ အဲဒီမှာတင် ခင်ဗျားနဲ့ကျုပ် ၁၀ သိန်း ကွာသွားပြီ။ ဘယ်က သွင်းသွင်း CD တို့ ကညနတို့က အတူတူပဲ။ အားလုံးပြီးသွားလို့ တကယ်သုံးမယ့် လူကို ​ဈေးချိုချိုနဲ့ သုံးစေချင်တယ် ​ဆိုရင်​​ပေါ့ဗျာ၊ ပြန်​လည်​ခွင့်​ပြုဖို့ ​မျှော်​လင့်​ပါတယ်​” ဟု ကို​ဇော်​​မော်​ထွန်းက ဖြည့်​စွက်​ ပြောကြားခဲ့သည်​။

မြ၀တီနယ်​စပ်​မှ ကုန်စည်စီးဆင်းမှုအရ ထိုင်းနိုင်​ငံနှင့်​ ထိစပ်​​နေ​သော နယ်​စပ်​များအနက်​ အခွန်ငွေ ရှာဖွေပေးမှု အမြင့်ဆုံးနယ်စပ်တွေထဲမှာ ထိပ်တန်းနေရာ ပိုင်ဆိုင်ထားသည့်​ နယ်စပ်တစ်ခုဖြစ်ပြီး မြ၀တီနယ်စပ်ပေါက်မှ တဆင့် ထိုင်းနိုင်ငံထုတ် တရားဝင်ကားများ တင်သွင်းခွင့် ပြန်လည် ခွင့်ပြုပေးခြင်းအားဖြင့် အလုပ်အကိုင် အခွင့်အလမ်းပေါင်းများစွာ ဖန်တီးပေးနိုင်မယ့်အပြင် လိုင်စင်မဲ့ကား တင်သွင်းခြင်းများကိုလည်း တစ်ဖက်တစ်လမ်းက ထိန်းချုပ်ရာရောက်မည်​ဖြစ်​ပြီး ​နိုင်ငံတော်၏ အခွန်ငွေတိုးတက် ရရှိမည်​ဖြစ်​ပြီး သက်ဆိုင်ရာ ပြည်နယ်လည်း စီးပွားရေးပိုမို ဖွံ့ဖြိုးတိုးတက် လာစေမှာဖြစ်​ကြောင်း ကားဝယ်​​ရောင်းလုပ်​သူ ကုန်​သည်​တစ်​ဦးက ​ပြောကြားသည်​။

အိန္ဒိယ-မြန်မာ နယ်စပ်ကုန်သွယ်ရေးလမ်းဖြစ်သော တီးတိန် – ရိ လမ်းပိုင်းတွင် လမ်းပိတ်ဆို့မှုဖြစ်ပေါ်

တီးတိန်-ရိ လမ်းပိုင်းတွင် လမ်းပိတ်ဆို့မှု ဖြစ်ပွားနေမှုအား စက်တင်ဘာ ၁၂ ရက်က တွေ့ရစဉ်

အိန္ဒိယ-မြန်မာ နယ်စပ်ကုန်သွယ်ရေး လမ်းဖြစ်သော တီးတိန်-ရိ လမ်းပိုင်းဟိုင်မွန်ရွာဟောင်းနှင့် နယူးဧဒင်ကြားတွင် ကားအစင်း ၂၀၀ ခန့် ယာယီလမ်းပိတ်ဆို့မှု ဖြစ်ပေါ်နေပြီး ခရီးသည်အချို့ ခြေကျင်လမ်းလျှောက် သွားနေကြရသည်ဟု သိရသည်။

“ဟိုဘက်မှာ ကားတွေပိတ်မိနေတာ အစီး ၂၀၀ လောက်ရှိတယ်။ ရွာဟောင်းနဲ့ နယူးဧဒင်ကြားမှာဖြစ်တာ။ JCB စက်ကြီးလည်း နှစ်စီးရှိတယ်။ ကားတွေက တစ်စီးနဲ့ တစ်စီး မဖယ်နေရတာ။ ခြေကျင်ပြန်ခဲ့တဲ့ ခရီးသည်တွေ ပြောပြချက်အရ ကားကြီးတစ်စီးက ရှပ်ကျိုးတာကစပြီး ခြောက်ဘီးကား အကြီးတွေကြောင့်ပိတ်တာ။ သူလည်းရှောင်မရ ကိုယ်လည်း ရှောင်မရဖြစ်ပြီး ပိတ်တာ။ ကားကြီးက ရှပ်ကျိုးတော့ ပိတ်ရင်း ဟိုဘက်ကလည်းတက်ခဲ့၊ ဒီဘက်ကလည်း တက်ခဲ့နဲ့၊ ဆင်းတဲ့ကားကလည်းဆင်းနဲ့ အကုန်ပိတ်ကုန်တော့တာ။ ရာသီဥတုအနေနဲ့က မိုးဖွဲဖွဲ ကျနေပါတယ်။ အခုတော့ လင်တန်မှာပဲ နေတယ်။ ဟိုဘက်ကိုသွားမယ်ဆိုရင် ရွာဟောင်းလောက်အထိ သွားလို့ရပေမယ့် ကားတွေက ပုံနေတော့ စားစရာ သောက်စရာရှားတယ်။ အဓိက ရွာဟောင်းနဲ့ နယူးဧဒင်ကြားမှာ ကားတွေက နားလည်မှုမရှိတော့ ရှောင်လို့မရတာပါ” ဟု လင်တန်ကျေးရွာတွင် ရောက်ရှိနေသူ ကိုညိုချောက ပြောကြားသည်။

အိန္ဒိယ-မြန်မာနယ်စပ် ကုန်သွယ်ရေးကို ကလေး-တမူးလမ်းကို အသုံးပြု၍ တမူးနယ်စပ်ကုန်သွယ်စခန်းနှင့် ကလေး-တီးတိန်-ရိ လမ်းမှတစ်ဆင့် ချင်းပြည်နယ် ရိနယ်စပ် ကုန်သွယ်ရေးစခန်းတို့မှ ဆောင်ရွက်နေခြင်း ဖြစ်ကြောင်း သိရသည်။

“အခု နေ့လယ်ဘက်မှာတော့ တီးတိန်ဆောက်လုပ်ရေးကလာပြီး လုပ်ပေးလို့ ကားတချို့တော့ လွတ်လာပြီလို့ ပြောတယ်။ အများကြီးတော့ မဟုတ်ဘူး တစ်စီးစ၊ နှစ်စီးစပေါ့။ လမ်းပြန်ပွင့်ပြီး လင်တန်ကိုတော့ ဂျစ်ကားတွေ ရောက်ခဲ့ပြီ။ ကားကြီးတွေတော့ မလွယ်လောက်သေးဘူး” ဟု ကိုညိုချောက ပြောကြားသည်။

“လမ်းပိတ်ဆိုလို့ ရိရဲစခန်းမှူးနဲ့ တီးတိန်ဆောက်လုပ်ရေး အဖွဲ့တွေတော့ သွားတယ်။ လမ်းပိတ်နေတဲ့ နေရာက ရိနယ်မဟုတ်တော့ဘူး။ ဒါပေမဲ့ ကုန်သည်တွေဆီကရတဲ့ သတင်းကို့ သက်ဆိုင်ရာ မြို့နယ်တွေနဲ့ ဌာနတွေကိုတော့ အကြောင်းကြား ပေးထားပါတယ်” ဟု ရိမြို့နယ် အုပ်ချုပ်ရေးမှူး ဦးရဲမင်းထွန်းက ပြောကြားသည်။