မရမ်းကုန်းမြို့နယ်တွင် ထမင်းစားနေသည့် အမျိုးသမီးကို စနောက်သူနှစ်ဦး ဓားထိုးခံရ

မရမ်းကုန်းမြို့နယ်တွင် ထမင်းစားနေသည့် အမျိုးသမီးကို စနောက်ခဲ့သူနှစ်ဦး ဓားထိုးခံရမှု ဖြစ်ပွားကြောင်း စက်တင်ဘာ ၈ ရက်တွင် အနောက်ပိုင်းခရိုင် ရဲတပ်ဖွဲ့မှ တာဝန်ရှိသူတစ်ဦးက ပြောကြားသည်။

တိုက်ကြီးမြို့နယ်နေ ထက်ဝေယံလွင် (၂၀ နှစ်) နှင့် ရန်ရှင်း(၁၉ နှစ်) တို့သည် ၎င်းတို့အလုပ်လုပ်ကိုင်သည့် မရမ်းကုန်းမြို့နယ် ဘုရင့်နောင်ပွဲရုံမှ အလုပ်ပြီးသဖြင့် ယင်းမြို့နယ် ကံ့ကော် ၅ လမ်းထိပ်ရှိ ထမင်းဆိုင်တွင် ထမင်းစားခဲ့ကြောင်း သိရသည်။

ထိုသို့ထမင်းစားနေစဉ် အခြားဝိုင်းတွင် ထမင်းထိုင်စားနေသည့် အမျိုးသမီး တစ်ဦးအား စနောက်ခဲ့ကြောင်း၊ ယင်းသို့ စနောက်သဖြင့် အဆိုပါ အမျိုးသမီးဝိုင်းမှ ပွကြီး(၂၅နှစ်) က ၎င်းတို့အား အသင့်ပါလာသည့်ဓားဖြင့် ထိုးခဲ့ကြောင်း သိရသည်။

“ဒဏ်ရာရတဲ့သူနှစ်ဦးက အလုပ်ပြီးလို့ အရက်သောက်ပြီး ထမင်းဆိုင် ထမင်းသွားစားတာပါ။ ဒဏ်ရာကတော့ တစ်ဦးက ၀ဲဘက်နံဘေး ထိုးသွင်းဒဏ်ရာနဲ့ တစ်ဦးက လက်ခုံပြတ်ရှဒဏ်ရာပါ။ သက်ဆိုင်ရာစခန်းမှာ အမှုဖွင့်ထားပါတယ်။ ဓားနဲ့ထိုးတဲ့သူကို ဖမ်းဆီးရမိဖို့ ဆောင်ရွက်နေပါတယ်” ဟု အနောက်ပိုင်းခရိုင် ရဲတပ်ဖွဲ့မှ ရဲအရာရှိ တစ်ဦးက ပြောကြားသည်။

အဆိုပါ ဖြစ်စဉ်အား ဘုရင့်နောင်နယ်မြေ ရဲစခန်းက (ပ)၁၈၀၄/၂၀၁၈ ရာဇသတ်ကြီးပုဒ်မ ၃၂၆ ဖြင့် အမှုဖွင့်ထားကြောင်း သိရသည်။

ညောင်လေးပင်မြို့  အ.ထ.က (၁) ကျောင်းအတွင်း န၀မတန်းကျောင်းသား အချင်းချင်း ဓားထိုးမှုဖြစ်ကာ ကျောင်းသားတစ်ဦး ဒဏ်ရာရရှိပြီး ဆေးရုံတင်ပို့ ကုသလျက်ရှိ

ဓားထိုးခံရသော မောင်နိုင်လင်းအောင်အား ညောင်လေးပင်ဆေးရုံမှ ပဲခူးဆေးရုံသို့ ပို့ဆောင်နေသည်ကို ဇွန် ၆ ရက်က တွေ့ရစဉ်

ပဲခူးတိုင်းဒေသကြီး ညောင်လေးပင်မြို့ အခြေခံပညာအထက်တန်းကျောင်း၊ အမှတ် (၁) ကျောင်းဝင်းအတွင်း၌ ဇွန် ၆ ရက် နံနက်ပိုင်းက န၀မတန်းကျောင်းသား အချင်းချင်း ဓားထိုးမှုဖြစ်ပွား၍ ကျောင်းသားတစ်ဦး ပြင်းထန်ဒဏ်ရာရရှိကာ ဆေးကုသမှုခံယူနေရကြောင်း ညောင်လေးပင်မြို့မရဲစခန်းမှ သိရသည်။

ကျောင်းသားအချင်းချင်း ဓားထိုးမှုဖြစ်စဉ်နှင့် ပတ်သက်ပြီး ညောင်လေးပင်မြို့မ ရဲစခန်းမှူး ဒုရဲမှူးဌေးဝင်းက “ဓားထိုးမှုဖြစ်တာဟုတ်ပါတယ်၊ အကြမ်းဖျင်းသိရတာကတော့ ကျောင်းသားအချင်းချင်းပါပဲခင်ဗျာ၊ ကျောင်းသား E ခန်း၊ F ခန်းက ကောင်လေးနဲ့ မနေ့ကတော့ သူတို့ ကလေးသဘာဝ စကားများကြတာ၊ အဲဒါနဲ့ ဒီနေ့ကျတော့ သူကအငြှိုးအတေးလေးထားမှာပေါ့၊ အိမ်ကနေပြီးတော့ ဓားယူလာခဲ့တယ်၊ ဓားယူလာပြီးတော့ အိမ်သာသွားတဲ့လမ်းမှာ ထိုးလိုက်တာပေါ့လေ၊ အဲဒါဘယ်ဘက်နံရိုး ထိသွားတာပေါ့၊ နံရိုးထိသွားတော့ လောလောဆယ်တော့ ညောင်လေးပင်ဆေးရုံမှာပဲ အော်ပရေးရှင်းလေး လုပ်နေပါတယ် ခင်ဗျ၊ အခုလောလောဆယ် ပြစ်မှုကျူးလွန်တဲ့ကလေးဆီက ဓားတို့ဘာတို့ ကျွန်တော်တို့ သိမ်းဆည်းထားတာပေါ့လေ၊ သူတို့ကာကံရှင်က အမှုဖွင့်ဖို့ ရှိ မရှိလည်း လုပ်ကြတုန်းဗျ၊ သူတို့မိဘတွေအချင်းချင်းလေ၊ တကယ်လို့ အမှုဖွင့်ဆိုရင်လည်း ကျွန်တော်တို့ ဖွင့်ပေးရမှာပေါ့ ခင်ဗျာ” ဟု နံနက် ၁၀ နာရီခွဲခန့်က ပြောကြားသည်။

ဖြစ်စဉ်မှာ ဇွန် ၅ ရက် ညနေ ၃ နာရီခွဲခန့်က ညောင်လေးပင်မြို့၊ မြို့မ (၂) ရပ်ကွက်ရှိ အ.ထ.က (၁) ကျောင်း၏ ကျောင်းဆင်းချိန်၌ န၀မတန်း (E) အခန်းမှ မောင်နိုင်လင်းအောင် (၁၅ နှစ်)(ဘ) ဦးဌေးလွင် (ခ) ဦးဘာဘူနှင့် တစ်ကျောင်းတည်းအတူ တက်ရောက်နေသော န၀မတန်း (F) အခန်းမှ မောင်ဟိန်းထက်ဝင်း (၁၆ နှစ်) (ဘ) ဦးဝင်းဇော်တို့မှာ စကားများရန်ဖြစ်ခဲ့ကြကြောင်း သိရသည်။ ထိုကဲ့သို့ စကားများရန်ဖြစ်ခဲ့ကြသည်ကို မကျေမနပ်ဖြစ်ကာ ဇွန် ၆ ရက်၌ ကျောင်းတက်လာကြစဉ် နံနက် ၈ နာရီခန့်တွင် ကျောင်းဝင်းအတွင်းရှိ အိမ်သာသို့သွားသည့်လမ်းတွင် မောင်ဟိန်းထက်ဝင်းမှ အသင့်ပါလာသော အရိုးသုံးလက်မခန့်၊ အသွား ၆ ဒသမ ၅ လက်မခန့်ရှိ၊ တိပ်အနက်ရောင်ပတ်ထားပြီး ၀ါးဓားအိမ်တပ်ထားသည့် ဓားမြှောင်ဖြင့် မောင်နိုင်လင်းအောင်အား ထိုးခဲ့ခြင်းဖြစ်ကြောင်း ရဲမှတ်တမ်းများအရ သိရသည်။

ဓားဖြင့် ထိုးခံရသဖြင့် မောင်နိုင်လင်းအောင်၏ ၀ဲဘက်ရင်ညွန့်အောက်တွင် ထိုးသွင်းဒဏ်ရာတစ်ချက်၊ ယာဘက်ပေါင်တွင် ထိုးသွင်းဒဏ်ရာတစ်ချက် (စိုးရိမ်ရဒဏ်ရာ) တို့ ရရှိခဲ့ရာ နံနက် ၉ နာရီခန့်၌ ညောင်လေးပင် ဆေးရုံသို့ ပို့ဆောင်ကုသစေခဲ့ကြောင်း၊ ညောင်လေးပင်ဆေးရုံတွင် ဆေးကုသမှုခံယူစဉ် ဒဏ်ရာပြင်းထန်သောကြောင့် နံနက် ၁၀ နာရီခွဲခန့်၌ လူနာတင်ယာဉ်ဖြင့် ညောင်လေးပင်ဆေးရုံမှ ပဲခူးဆေးရုံကြီးသို့ ထပ်မံလွှဲပြောင်း ကုသထားခဲ့ကြောင်း သိရသည်။

ယင်းဖြစ်စဉ်နှင့်ပတ်သက်ပြီး မောင်နိုင်လင်းအောင်၏ မိခင်ဖြစ်သူ ဒေါ်သီတာထွေးက တရားလိုလုပ်ကာ ဓားဖြင့်ထိုးသူ မောင်ဟိန်းထက်ဝင်းအား ဥပဒေအရ အရေးယူပေးရန် အမှုဖွင့် တိုင်တန်းခဲ့သဖြင့် ညောင်လေးပင်မြို့မရဲစခန်းမှ (ပ)၂၆၉/၂၀၁၈၊ ပြစ်မှုပုဒ်မ ၃၂၆ အရ ကနဦး အမှုဖွင့် ဆောင်ရွက်ထားကြောင်း သိရသည်။

မြန်မာ-ထိုင်းနယ်စပ် မောတောင်တွင် လျော်ကြေးကိစ္စ တစ်ခုကြောင့် အမျိုးသမီးတစ်ဦး ဓားဖြင့် အချက်ပေါင်းများစွာ ထိုးသတ်ခံရ

မြန်မာ-ထိုင်းနယ်စပ် မောတောင်မြို့တွင် လျော်ကြေးကိစ္စ တစ်ခုကြောင့် အမျိုးသမီးတစ်ဦးမှာ ဓားဖြင့် အချက်ပေါင်းများစွာ ထိုးသတ်ခံခဲ့ရကြောင်း သိရသည်။

နယ်စပ်မြို့ တစ်မြို့ဖြစ်သော မောတောင်မြို့တွင် ဇန်န၀ါရီ ၆ ရက် နံနက်ပိုင်းက ဈေးဝယ်ထွက်လာသည့် အမျိုးသမီးတစ်ဦး အသတ်ခံရကြောင်း သတင်းအရ ရဲအုပ်ရဲမြင့် ဦးဆောင်သောအဖွဲ့က သွားရောက်စစ်ဆေးရာ  ဦးထွန်းသန်း (၆၂  နှစ်)(ဘ) ဦးသောင်းရွှေ၊ မြို့မရပ်ကွက်နေသူက မ၀င်းဝင်းနွယ် (၃၅ နှစ်) ( ဘ ) ဦးထွန်းဘို၊ မြို့မရပ်ကွက်နေသူအား အသွား ကိုးလက်မ ၊ အရိုး ခြောက်လက်မ၊ ဗြက် တစ်လက်မရှိသည့် ဓားမြောင်ဖြင့် ငါးချက်ထိုးသဖြင့် ရင်ဘတ်၊ နောက်ကျောနှင့် လက်များတွင် ဓားဒဏ်ရာများ ရရှိနေသည်ကို တွေ့ရှိခဲ့ရကြောင်း သိရသည်။ မ၀င်းဝင်းနွယ်အား မောတောင်တိုက်နယ်ဆေးရုံမှ တစ်ဆင့် တနင်္သာရီမြို့နယ် ပြည်သူ့ဆေးရုံသို့ တင်ပို့ခဲ့သော်လည်း ရရှိဒဏ်ရာများဖြင့် နေ့လည်ပိုင်း တွင် သေဆုံးသွားခဲ့ရကြောင်း သိရသည်။

“မ၀င်းဝင်းနွယ် ခင်ပွန်းက ထိုင်းနိုင်ငံသားလို့ ပြောတယ်။ ဦးထွန်းသန်း သမီး(မရှမ်းမငယ်) ဆိုသူကို ယာဉ်တိုက်မှုဖြစ်ထားလို့ တရားရင်ဆိုင်နေရတယ်။ ဦးထွန်းသန်းက သူ့သမီးအတွက် ခြေထောက် ခွဲစိတ်ရမှာဖြစ် လို့ မ၀င်းဝင်းနွယ်ဆီ လျော်ကြေးငွေ တောင်းတယ်။ မ၀င်းဝင်းနွယ်က တရားရင်ဆိုင်နေရတဲ့အတွက် မပေးနိုင်သေးဘူးလို့ ပြောထားတယ်။ ဒါကို ဦးထွန်းသန်းက မကျေမနပ်ဖြစ်ပြီး ဈေးလာဝယ်တဲ့အချိန်မှာ ဓားနဲ့ လာထိုးသတ်သွားတာပါ”ဟု မောတောင်နယ်မြေရဲစခန်းမှ တာဝန်ရှိသူတစ်ဦးက ပြောကြားခဲ့သည်။ မ၀င်းဝင်းနွယ် အသတ်ခံရသည့်အချိန်တွင် ကိုယ်ဝန်ရှိနေကြောင်း ဒေသခံများက ပြောကြားခဲ့ပြီး ပြစ်မှုကျူးလွန်သူကို ရဲတပ်ဖွဲ့ဝင်များက ဖမ်းဆီးရမိခဲ့ကြောင်း သိရသည်။

အဆိုပါဖြစ်စဉ်နှင့် ပတ်သက်ပြီး မ၀င်းဝင်းနွယ်၏ ဖခင်ဖြစ်သူ ဦးထွန်းဘိုမှ တရားလိုပြုလုပ် တိုင်တန်းသဖြင့် မောတောင်နယ်မြေရဲစခန်းမှ ( ပ ) ၂ /၂၀၁၈၊ ရာဇသတ်ကြီးပုဒ်မ ၃၀၂ ဖြင့် အမှုဖွင့် ဆောင်ရွက်လျက်ရှိကြောင်း သိရသည်။

စစ်တွေမြို့တွင် ရခိုင်လူငယ်စာရေးဆရာ တစ်ဦးဖြစ်သည့် ကျော်လင်း (ရောင်စုံ) အား လူနှစ်ဦးက ဓားဖြင့်ထိုးမှုဖြစ်ပွား

ရခိုင်လူငယ်စာရေးဆရာ တစ်ဦးဖြစ်သည့် ကျော်လင်း(ရောင်စုံ) အား လူနှစ်ဦးမှ ဓားဖြင့်ထိုးကာ ထွက်ပြေးသွားခဲ့မှုတစ်ရပ် ဒီဇင်ဘာ ၂၀ ရက် နေ့လယ် ၁၂ နာရီကျော်ခန့်က စစ်တွေမြို့ ဝေသာလီကွင်းရှေ့တွင် ဖြစ်ပွားခဲ့ကြောင်း သိရှိရသည်။

ယင်းသို့ ဓားထိုးမှုကြောင့် ကျော်လင်း (ရောင်စုံ) မှာ ကျောကုန်းတွင် ဒဏ်ရာနှစ်ချက် ရရှိပြီး စစ်တွေဆေးရုံကြီး၌ ဆေးကုသမှု ခံယူနေရကြောင်းနှင့် မင်းဂံရပ်ကွက်မှ စစ်တွေမြို့ တွင်းသို့ မိတ်ဆွေတစ်ဦး၏ ဆိုင်ကယ်နောက်တွင် ထိုင်ပြီး လိုက်ပါလာစဉ် လမ်းခုလပ်တွင် ဓားဖြင့်လာရောက်ထိုးကာ ထွက်ပြေးသွားခဲ့ခြင်း ဖြစ်ကြောင်း သိရှိရသည်။

ကျော်လင်း (ရောင်စုံ) သည် နိုင်ငံရေးနှင့် ပတ်သက်သည့် ဝေဖန်ရေး ဆောင်းပါးများကို ရေးသားနေသူ တစ်ဦးဖြစ်ပြီး လူမှုကွန်ရက် စာမျက်နှာတွင်လည်း နိုင်ငံရေး ကိစ္စရပ်များကို ဝေဖန်ပြောဆိုသူ တစ်ဦးဖြစ်ကြောင်း သိရသည်။

ယခင်က သတင်းထောက်အဖြစ် လုပ်ကိုင်ဖူးသူဖြစ်ကာ ယခုအခါတွင်း ဆောင်းပါးများ ရေးသားခြင်း၊ စာပေဟောပြောခြင်း များကိုလည်း အခါအားလျှော်စွာ လုပ်ဆောင်နေသူဖြစ်ကြောင်း သိရသည်။

ယင်းကိစ္စအပေါ် ဓားထိုးသူအား မမှတ်မိသည့်အတွက် စုံစမ်းရန် ခက်ခဲနေကြောင်းနှင့် ဒဏ်ရာမှာ ပြင်းထန်မှု မရှိကြောင်း ရဲတပ်ဖွဲ့မှ သိရှိရသည်။

ထားဝယ်မြို့လယ်တွင် လူတစ်ဦး ဓားဖြင့်အချက်ပေါင်းများစွာ အထိုးခံရပြီး ဒဏ်ရာရရှိ

တနင်္သာရီတိုင်းဒေသကြီး ထားဝယ်မြို့ရှိ ဗိုလ်ချုပ်လမ်းမပေါ်၌ ဒီဇင်ဘာ ၁၄ ရက် ညက အပေါ့သွားနေသူတစ်ဦး ဓားဖြင့်အချက် များစွာအထိုးခံခဲ့ရပြီး ဒဏ်ရာရရှိခဲ့ကြောင်း သိရသည်။

ဖြစ်စဉ်မှာ ဒီဇင်ဘာ ၁၄ ရက် ည ၇ နာရီခန့်က ထားဝယ်​မြို့လယ်ရှိ ​ဒေါင်းငူရပ်​ကွက် ဗိုလ်​ချုပ်​လမ်းမပေါ်(Amara Lotus ကော်ဖီဆိုင်ရှေ့) ၌ လူတစ်​ဦး ဓားထိုးခံရလဲကျနေ​ကြောင်း သတင်းရသဖြင့်​ ဇမ္ဗူသီရိ အ​ရေး​ပေါ် လူနာတင်​ယာဉ်​ဖြင့်​ သွား​ရောက်​ကြည့်ရှုရာ ရင်​ဘတ်​နှင့်​ ၀မ်းဗိုက်​တွင်​ ထိုးသွင်းဒဏ်​ရာရရှိထား​သော လူတစ်​ဦးလဲကျ​နေသည်ကို တွေ့ရှိရသဖြင့်​ လိုအပ်​​သော ကုသမှုပြုလုပ်​​ပေးပြီး ထားဝယ်​ပြည်​သူ့​ဆေးရုံကြီးသို့ သယ်​ယူပို့​ဆောင်​​ပေးခဲ့ကြောင်း ဇမ္ဗူသီရီအရေးပေါ် လူနာတင်ယာဉ်အသင်းမှ သိရသည်။

ထို့နောက် ည ၇ နာရီခွဲတွင် ထားဝယ်မြို့ ဥသာရံရပ်ကွက်တွင် နေထိုင်သူ မသီတာမြင့်က ၎င်း၏မောင်အရင်းတော်စပ်သူဒေါင်း ငူရပ်ကွက်နေ လှမျိုးအောင် (၂၈ နှစ်) မှာ ချွန်ထက်သောအရာဖြင့် အထိုးခံရ၍ ထားဝယ်ဆေးရုံသို့ ရောက်ရှိနေကြောင်း ထားဝယ်မြို့မရဲစခန်းသို့ လာရောက်တိုင်တန်းခဲ့ပြီး တာဝန်ကျရဲအရာရှိက သွားရောက်ကြည့်ရှုရာ လှမျိုးအောင်၏ရင်ဘတ်တွင် ထိုးသွင်းဒဏ်ရာ နှစ်ချက်၊ ၀မ်းဗိုက်တွင် ထိုးသွင်းဒဏ်ရာတစ်ချက်နှင့် ၀ဲလက်မောင်းတွင် ထိုးသွင်းဒဏ်ရာတစ်ချက် (စိုးရိမ်ရ) ရရှိခဲ့ကြောင်း၊ ၎င်းမှာစကား ပြောနိုင်သဖြင့် မေးမြန်းရာ ဒေါင်းငူရပ်ကွက် ဗိုလ်ချုပ်လမ်း လမ်းသွယ်အတွင်း အပေါ့သွားနေစဉ် အမည်မသိသူတစ်ဦးက ဓားဖြင့်ထိုးသွားကြောင်း ပြောကြားခဲ့သည်ဟု တိုင်းဒေသကြီး ရဲတပ်ဖွဲ့၏ မှုခင်းမှတ်တမ်းများအရ သိရသည်။

“ညက ဓားနဲ့ထိုးသွားတဲ့ တရားခံတော့ မိပြီ။ ဥသာရံထဲကပဲ။ အရက်ဆိုင်မှာ အရက်သောက်ရင်း နေ့ခင်းပိုင်းမှာ ရန်ဖြစ်တယ်။ အဲဒီက အငြိုးနဲ့ အထိုးခံရတဲ့သူက ဆိုင်ဘေးလမ်းကြားထဲမှာ အပေါ့သွားနေတုန်းဓားနဲ့ ထိုးသွားတာ။ ရန်ဖြစ်တာက နေ့ခင်းကဖြစ်တာ။ ဓားနဲ့ ထိုးတာက ညပိုင်းမှထိုးတာ။ ဓားနဲ့ အထိုးခံရတဲ့သူက ဒီနေ့ နံနက်ခွဲခန်းဝင်တယ်။ သက်သာတယ်။ ဓားနဲ့ထိုးတဲ့သူကိုတော့ ထားဝယ်စခန်းမှာ ဖမ်းထားတယ်” ဟု ထားဝယ်မြို့မရဲစခန်းမှ ရဲအုပ်စိုးနိုင်က ပြောကြားသည်။

အကြွေးမပေးသည့် အမျိုးသားအား ဓားဖြင့်ထိုးမှု သာကေတမြို့နယ်တွင် ဖြစ်ပွား

သာကေတမြို့နယ်တွင် အကြွေးမပေးသည့် အမျိုးသားအား ဓားဖြင့်ထိုးမှုဖြစ်ပွားခဲ့ကြောင်း အရှေ့ပိုင်းခရိုင်ရဲတပ်ဖွဲ့မှ သိရသည်။

ဒီဇင်ဘာ ၃ ရက် ည ၇ နာရီကျော်တွင် သာကေတမြို့နယ် (၉) ရပ်ကွက် ကမာကြည် တံတားအနီးတွင် ဓားထိုးမှုဖြစ်ပွားကြောင်း သတင်းရသဖြင့် ရဲတပ်ဖွဲ့နှင့် အုပ်ချုပ်ရေး အဖွဲ့ဝင်များမှ သွားရောက်စစ်ဆေးရာ ဓားဖြင့် အထိုးခံရသူမှာ ဦး…(၅၄ နှစ်) ဖြစ်ကြောင်း သိရသည်။

ဓားဖြင့်အထိုးခံရသူမှာ သာကေတမြို့နယ် (၈) ရပ်ကွက်တွင် နေထိုင်သူဖြစ်ပြီး အခြားအမျိုးသားတစ်ဦးနှင့် အကြွေးကိစ္စ စကားများရာမှ ဓားဖြင့်ထိုးခံရခြင်းဖြစ်ကြောင်း သိရသည်။

“ဒဏ်ရာတွေရထားတာတွေ့တော့ ဂရုဏရံသီလူနာတင်ယာဉ်နဲ့ လူနာကို ဆေးရုံကို ပို့လိုက်ပါတယ်။ ဓားနဲ့ထိုးခံရတဲ့သူက (၈) ရပ်ကွက်ထဲမှာနေတာပါ။ အကြွေးကိစ္စနဲ့ဖြစ်တာလို့ သိရတယ်။ ဓားနဲ့ ထိုးခံရတဲ့သူက အခုတော့ သက်သာနေပါပြီ” ဟု သာကေတမြို့ နယ် (၈) ရပ်ကွက်အုပ်ချုပ်ရေးအဖွဲ့မှ တာဝန်ရှိသူတစ်ဦးက ပြောကြားသည်။

ယင်းဖြစ်စဉ်မှ ဓားဖြင့်ထိုးသူအား တာဝန်ရှိသူများက အခင်းဖြစ်ပွားသည့်ည၌ပင် ဖမ်းဆီးရမိခဲ့ကြောင်း သိရသည်။

“ကျူးလွန်တဲ့သူကိုတော့ ညတွင်းချင်းပဲ ဖမ်းဆီးရမိပါတယ်။ ဓားနဲ့ထိုးတဲ့သူက သာကေတ (၉) ရပ်ကွက်ထဲမှာနေတာပါ။ ဓားနဲ့ ထိုးရတဲ့အကြောင်းရင်းကတော့ သူရစရာရှိတဲ့ အကြွေးကိုမပေးလို့ ဓားနဲ့ထိုးတာလို့ သိရပါတယ်။ ဓားနဲ့ထိုးခံရတဲ့သူက အကြွေးပေးရမယ့်သူပါ” ဟု အရှေ့ပိုင်းခရိုင်ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

ကမာရွတ်မြို့နယ်တွင် City Mart ၀န်ထမ်းနှစ်ဦး စားသောက်ကုန်ပစ္စည်း စစ်နေစဉ် စကားများပြီး ဓားဖြင့်ထိုးမှု ဖြစ်ပွား

ကမာရွတ်မြို့နယ်၌ City Mart ၀န်ထမ်းနှစ်ဦး စားသောက်ကုန်ပစ္စည်းများ စစ်နေစဉ် စကားများပြီး ဓားဖြင့်ထိုးမှု ဖြစ်ပွားခဲ့ကြောင်း နိုဝင်ဘာ ၈ ရက်တွင် ရန်ကုန်တိုင်းဒေသကြီး ရဲတပ်ဖွဲ့မှ သိရသည်။

နိုဝင်ဘာ ၇ ရက် ညနေ ၅ နာရီခန့်တွင် သင်္ဃန်းကျွန်းမြို့နယ်နေ ကို …(၃၀ နှစ်) သည် နေအိမ်၌ရှိနေစဉ် Junction Square City Mart တွင် အလုပ်လုပ်ကိုင်နေသည့် ၎င်း၏တူဖြစ်သူကို … (၁၈ နှစ်) မှာ ဓားထိုးခံရသဖြင့် ရန်ကုန်ဆေးရုံကြီးသို့ ရောက်ရှိနေကြောင်း ဆိုင်မန်နေဂျာက ဖုန်းဆက် အကြောင်းကြားသဖြင့် သွားရောက်ကြည့်ရှု မေးမြန်းခဲ့ကြောင်း သိရသည်။

ထို့နောက် ကို …(၃၀ နှစ်) မှာ Junction Square City Mart ၏ မန်နေဂျာအား မေးမြန်းရာ ၎င်း၏တူဖြစ်သူ ကို…(၁၈ နှစ်) မှာ အဆိုပါ City Mart ရှိ စတိုပစ္စည်းလက်ခံ ဌာနမှ ၀န်ထမ်းအောင်ဝင်းထွဋ် (၂၅ နှစ်) နှင့် စားသောက်ကုန် ပစ္စည်းများ စစ်ဆေးနေစဉ် စကားများခဲ့ကြောင်း သိရသည်။

ထိုသို့စကားများစဉ် ကို … (၁၈ နှစ်) အား အောင်ဝင်းထွဋ် (၂၅ နှစ်) က အရိုးအသွား ၁၀ လက်မခန့်ရှိ လုပ်ငန်းသုံး လက်ကိုင်အ၀ါရောင် စတီးဓားဖြင့် ထိုးခဲ့ကြောင်း သိရသည်။

ဓားဖြင့်အထိုးခံရသဖြင့် ကို… (၁၈ နှစ်) မှာ ၀ဲလက်မောင်း ထိုးသွင်းဒဏ်ရာ နှစ်ချက်၊ ယာရင်ဘတ် ထိုးသွင်းဒဏ်ရာ တစ်ချက်၊ ၀ဲရင်ဘတ် ထိုးသွင်းဒဏ်ရာ တစ်ချက်နှင့် ယာခြေသလုံး စုတ်ပြဲဒဏ်ရာများ ရရှိပြီး ရန်ကုန်ဆေးရုံကြီးသို့ တင်ပို့ထားရကြောင်း သိရသည်။

“ဓားနဲ့အထိုးခံရတဲ့ ကောင်လေးက အရောင်းဝန်ထမ်းပါ။ ထိုးတဲ့သူက ပစ္စည်းလက်ခံဌာနက ၀န်ထမ်းပါ။ သူတို့နှစ်ယောက်က စားသောက်ကုန်ပစ္စည်း စစ်နေတဲ့အချိန်မှာ စကားများကြတာပါ။ ဓားနဲ့အထိုးခံရတဲ့ သူကိုတော့ ဆေးရုံတင်ထားပြီး ထိုးတဲ့သူကိုတော့ ဖမ်းဆီးအမှုဖွင့်ပြီး ဆက်လက် စစ်ဆေးနေပါတယ်” ဟု ရန်ကုန်တိုင်းဒေသကြီး ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

ဖြစ်စဉ်မှ ဓားဖြင့်ထိုးသူ အောင်ဝင်းထွဋ်အား ကမာရွတ်မြို့မ ရဲစခန်းက (ပ) ၄၉၄/၂၀၁၇၊ ရာဇသတ်ကြီးပုဒ်မ ၃၂၆ ဖြင့် အမှုဖွင့်ထားပြီး ဖမ်းဆီးစစ်ဆေးနေကြောင်း သိရသည်။