တာမွေမြို့နယ် တာမွေဈေးရှေ့တွင် အုပ်စုနှစ်စု ခိုက်ရန်ဖြစ်ပွားပြီး ဓားခုတ်ခံရသောကြောင့် တစ်ဦးသေ၊ နှစ်ဦးဒဏ်ရာရ

အခင်းဖြစ်နေရာအား တာဝန်ရှိသူများ လာရောက်စစ်ဆေးနေသည်ကို တွေ့ရစဉ် (ဓာတ်ပုံ – ကြည်နိုင်)

တာမွေမြို့နယ် တာမွေဈေးရှေ့တွင် အုပ်စုနှစ်စု ခိုက်ရန်ဖြစ်ပွားပြီး  ဓားခုတ်ခံရသောကြောင့် အခင်းဖြစ်နေရာတွင် တစ်ဦးသေဆုံးခဲ့ပြီး နှစ်ဦးဒဏ်ရာရရှိမှု  စက်တင်ဘာ ၁၁ ရက် ည ၁၀ နာရီခန့်က ဖြစ်ပွားခဲ့ကြောင်း ကနဦးသတင်းများအရ သိရသည်။

ယင်းနှင့်ပတ်သက်၍ တာမွေမြို့မ ရဲစခန်းသို့ သွားရောက်မေးမြန်းခဲ့ရာ ကျူးလွန်သူများကို လိုက်လံဖမ်းဆီးဆဲဖြစ်ပြီး အခင်းဖြစ်စဉ် အသေးစိတ်အား ရန်ကုန်တိုင်းဒေသကြီးရဲတပ်ဖွဲ့မှ သတင်းထုတ်ပြန် ရေးကိုမေးမြန်းရန် ပြန်လည်ဖြေကြားခဲ့သည်။

“တစ်ယောက်သေပြီး နှစ်ယောက်ဒဏ်ရာရတယ်၊ အခုတော့ ကျူးလွန်တဲ့သူတွေကို လိုက်ဖမ်းနေဆဲဖြစ်တယ်။ ဖြစ်စဉ်ကို တိုင်းရဲတပ်ဖွဲ့ သတင်းထုတ်ပြန်ရေးကိုမေးပါလို့ တာဝန်မှူးကပြောတယ်” ဟု တာမွေ မြို့မရဲစခန်းမှ တာဝန်ကျရဲတပ်ဖွဲ့ဝင်တစ်ဦးက ည ၁၁ နာရီ ၄၅ မိနစ်ခန့်က ပြောသည်။

ရန်ဖြစ်ပြီး ဓားခုတ်မှုဖြစ်ပွားသည့် နေရာမှ ဓားအရှည်နှင့် ဓားအတို လေးချောင်းခန့် တာမွေမြို့နယ်ရဲတပ်ဖွဲ့မှ တာဝန်ရှိသူများ သိမ်းဆည်းရမိသည်ကို  Daily Eleven  မှ သတင်းသွားယူရာတွင် တွေ့မြင်ခဲ့ရသည်။

တာမွေဈေးအနီးနေထိုင်သူတစ်ဦးက “အုပ်စုနှစ်စု ရန်ဖြစ်တာမှာ ဓားတွေနဲ့ ၀ိုင်းခုတ်ကြတယ်လို့ သိရတယ်။ တခြားမြို့နယ်က လူတွေနဲ့ တာမွေမြို့နယ်က လူတွေလို့တော့ ကြားတယ်။ ညနေကတည်းက ဂိမ်းဆိုင်တစ်ခုမှာ ရန်ဖြစ်ခဲ့ကြသေးတယ်လို့လည်း ကြားမိတယ်” ဟု ပြောကြားသည်။

ဖြစ်ပွားခဲ့သည့် ဖြစ်စဉ်အား တာမွေမြို့မရဲစခန်းမှ ဆက်လက်စစ်ဆေးလျက်ရှိပြီး ကျုးလွန်သူများအား ဖမ်းဆီးရမိရန် ဆောင်ရွက်နေကြောင်း သိရသည်။

အုပ်စုနှစ်ဖွဲ့၏ အခင်းဖြစ်ပွားမှုမှ ရရှိသည့် စစ်ဆေးဖော်ထုတ်ချက်များကို ဆက်လက်ဖော်ပြသွားပါမည်။

တရားခံဖမ်းရန် သွားသည့် ရဲတပ်ကြပ် တစ်ဦးအား လူလေးဦးက ဓားဖြင့် ၀ိုင်းခုတ်မှု မတ္တရာမြို့နယ်တွင် ဖြစ်ပွား

မသင်္ကာတရားခံ ဖမ်းရန်သွားခဲ့သည့် ရဲတပ်ကြပ်ကြီး တစ်ဦးအား လူလေးဦးက ၀ိုင်း၍ ဓားဖြင့်ခုတ်မှု သြဂုတ် ၂၁ ရက်ညက မတ္တရာမြို့နယ်တွင် ဖြစ်ပွားခဲ့ပြီး ကျူးလွန်သူများကို ဖမ်းမိထားကြောင်း သတင်းရရှိသည်။

သြဂုတ် ၂၁ ရက် ည ၁၁ နာရီကျော်တွင် မတ္တရာမြို့မရဲခစန်းမှ ရဲတပ်ကြပ် အောင်အောင်သည် မြို့ပေါ်ရပ်ကွက်များအတွင်း ဆိုင်ကယ်သူခိုးများ ရောက်ရှိနေကြောင်း သတင်းရသဖြင့် ရပ်ကွက် တာဝန်ရှိသူများနှင့် စုံစမ်းမှုများ ပြုလုပ်ခဲ့ရာ အမှတ် (၅) ရပ်ကွက်ရှိ နေအိမ်တစ်ခုကို စစ်ဆေးခဲ့ကြောင်း၊ ထိုသို့ စစ်ဆေး ရှာဖွေနေစဉ် နေအိမ်ရှိ ထက်ကြီးဆိုသူက အရိုးအသွား လက်မ ၂၀ ခန့်ရှိ ဓားဖြင့် ရဲတပ်ကြပ်အား ၀င်ခုတ်ခဲ့ကြောင်း၊ ရဲတပ်ကြပ် လဲကျသွားစဉ် ထက်ကြီး၏ အဖေဖြစ်သူ နှင့် အခြားသူ တစ်ဦးတို့ကလည်း ဓားများဖြင့် ၀င်ခုတ်ခဲ့ပြီး ထွက်ပြေးခဲ့ကြောင်း သိရသည်။

ထိုသို့ ဓားဖြင့် ၀ိုင်းခုတ်သည့် ဖြစ်စဉ်ကြောင့် ရဲတပ်ကြပ် အောင်အောင်တွင် ဦးခေါင်းထိပ် နှစ်လက်မခန့် ပြတ်ရှဒဏ်ရာများ၊ လက်ဖျံ၊ လက်ခလယ်၊ လက်သူကြွယ်၊ လက်သန်း စသည်တို့တွင် အသီးသီး ဒဏ်ရာရရှိခဲ့ပြီး မန္တလေးဆေးရုံကြီးတွင် အတွင်းလူနာအဖြစ် ကုသမှုခံယူနေရကြောင်း သိရသည်။

အဆိုပါဖြစ်စဉ်နှင့် ပတ်သက်၍ မတ္တရာမြို့မရဲခစန်းသို့ ဆက်သွယ် မေးမြန်းရာ “ကျူးလွန်သူ လေးဦးကို ဖမ်းဆီးရမိထားပါပြီ။ ဓားနဲ့ အခုတ်ခံရတဲ့ ရဲတပ်ကြပ်ကတော့ အတွင်းလူနာအဖြစ် ဆေးကုသမှု ခံယူနေရပါတယ်။ အသက်အန္တရာယ်ကတော့ မစိုးရိမ်ရတော့ပါဘူး။ ကျူးလွန်သူတွေကို တာဝန်ဝတ္တရား နှောင့်ယှက်မှု၊ နာကျင်စေမှုစတဲ့ ပုဒ်မတွေနဲ့ ဖွင့်ဖို့ ဆောင်ရွက်သွားမှာပါ” ဟု စခန်းမှူး ဒုရဲမှူး ခင်ဝင်းဇော်က ပြောကြားသည်။

အဆိုပါ ဓားခုတ်မှုဖြစ်စဉ် ဖြစ်ပွားပြီးနောက် အခင်းဖြစ် နေအိမ်ဝန်းကျင်သို့ ဆက်လက် ရှာဖွေရာ ပိုင်ဇင်ဦး ဆိုသူကို တွေ့ရှိခဲ့ပြီး စစ်ဆေးရာ ၎င်းမှာ ဓားဖြင့်ခုတ်ခဲ့ခြင်းမရှိဘဲ ချုပ်နှောင် ဟန့်တားပေးခဲ့ခြင်း ဖြစ်သည်ဟု စစ်ဆေး ပေါ်ပေါက်ခဲ့ကြောင်း သိရသည်။

ထိုသို့ မသင်္ကာတရားခံများ ဖမ်းဆီးရန်လာသည့် ရဲတပ်ဖွဲ့ဝင်တစ်ဦးကို ၀ိုင်းဝန်း ဓားဖြင့်ခုတ်ခဲ့သူများကို မတ္တရာမြို့မရဲစခန်းတွင် အမှုဖွင့် အရေးယူ ဆောင်ရွက်လျက်ရှိကြောင်း သိရသည်။

 

ဒဂုံတောင်မြို့နယ်တွင် အမျိုးသားတစ်ဦးအား မင်းမဲ့စရိုက်ဆန်ဆန် ဓားဖြင့် ၀ိုင်းခုတ်သတ်ခဲ့သည့် ရာအိမ်မှူးပါ ခြောက်ဦးအား တရားရုံးဝင်းတံခါး ပိတ်ကာ အလုံပိတ်ယာဉ်ဖြင့် ရုံးထုတ် ရမန်ယူခဲ့ပြီး ရဲအင်အားအများအပြား အသုံးပြုခဲ့

ရာအိမ်မှူးပါ ခြောက်ဦးအား အလုံပိတ်ယာဉ်ဖြင့် ရုံးထုတ် ရမန်ယူလာစဉ်

ဒဂုံတောင်မြို့နယ်တွင် အမျိုးသားတစ်ဦးအား မင်းမဲ့စရိုက်ဆန်ဆန် ဓားဖြင့် ၀ိုင်းခုတ်သတ်ခဲ့သည့် ရာအိမ်မှူးပါ ခြောက်ဦးအား မြို့နယ်တရားရုံး ၀င်းတံခါးပိတ်ကာ အလုံပိတ်ယာဉ်ဖြင့် ဇူလိုင် ၁၆ ရက်က ရုံးထုတ် ရမန်ယူခဲ့သည်။

ရာအိမ်မှူးပါ ခြောက်ဦးအား ဇူလိုင် ၁၆ ရက် ညနေ ၄ နာရီခွဲကျော်တွင် ဒဂုံတောင်မြို့နယ် တရားရုံး၌ အလုံပိတ်ယာဉ်ဖြင့် တင်ဆောင်လာကာ ရုံးထုတ်ရမန်ယူခဲ့ခြင်း ဖြစ်သည်။ ယင်းသို့ ရုံးထုတ် ရမန်ယူချိန်တွင် တရားရုံးဝင်းအတွင်းရှိ လူများအား အပြင်သို့ ထွက်ခိုင်းခဲ့ပြီး တရားရုံး ၀င်းတံခါးကို ပိတ်ကာ ရဲတပ်ဖွဲ့အင်အား အများအပြား အသုံးပြုခဲ့သည်။

ထို့ပြင် တရားရုံးပိတ်ချိန် ၄ နာရီခွဲကျော်မှသာ အလုံပိတ်ယာဉ်ဖြင့် ဖမ်းဆီးထားသည့် ခြောက်ဦးအား ခေါ်ဆောင်လာကာ ရုံးထုတ် ရမန်ယူခဲ့သည်။

“တရားရုံးကို ပိတ်ချိန်မေးတော့ ၄ နာရီခွဲ ပြောတယ်။ ဒါပေမဲ့ သူတို့က ၄ နာရီ မိနစ် ၄၀ မှ အလုံပိတ်ကားကို သုံးပြီး ရုံးထုတ် ရမန်ယူတယ်။ ရဲလုံခြုံရေးတွေလည်း ချထားတယ်။ ဒါပေမဲ့ လာရောက် သတင်းယူတဲ့ မီဒီယာတွေ ဓာတ်ပုံရိုက်တာကို ရဲတပ်ဖွဲ့ဝင်တွေက တားမြစ်တယ်။ ဖမ်းဆီးခံထားရသူကို လာတွေ့တဲ့ လူတွေကလည်း ဖုန်းတွေနဲ့ သတင်းထောက်တွေကို ရိုက်တာတွေ ဘာတွေ တွေ့ရတယ်”ဟု အဆိုပါရုံးချိန်းသို့ သတင်းလာယူသည့် သတင်းထောက်တစ်ဦးက ဆိုသည်။

ယင်းဖြစ်စဉ်မှာ ဇူလိုင် ၁၃ ရက် ည ၉ နာရီကျော်ခန့်တွင် ဒဂုံတောင်မြို့နယ် ၁၄၀ ရပ်ကွက် ရတနာမေတ္တာလမ်းနေ သက်ဝေထူး (၃၆ နှစ်) အား အဆိုပါ ရပ်ကွက်အတွင်းရှိ ရာအိမ်မှူးနှင့် ၎င်း၏ ဆွေမျိုးများက ဓားဖြင့် ၀ိုင်းခုတ်သတ်ခဲ့ကြောင်း သိရသည်။

ဓားဖြင့် ၀ိုင်းခုတ်ခံရသဖြင့် သက်ဝေထူး မှာ ဦးခေါင်း၊ ခါးယာဘက်ခြမ်း၊ ယာပေါင်ရင်း၊ နောက်ကျောဝဲဘက်၊ ယာတင်ပါးအပေါ် တို့တွင် ဒဏ်ရာများရရှိကာ သေဆုံးခဲ့ကြောင်း သိရသည်။

ဖြစ်စဉ်နှင့် ပတ်သက်၍ ရဲမှတ်တမ်းတွင် သေဆုံးသူ သက်ဝေထူးမှာ အရက်မူးပြီး ရမ်းကားနေသည်ကို ရာအိမ်မှူးဖြစ်သူ ဦးနိုင်ဝင်း က ထိန်းသိမ်း တားဆီးစဉ် ဦးနိုင်ဝင်းအား သက်ဝေထူးက ပေါက်တူးဖြင့် လိုက်လံခုတ်ခဲ့ကြောင်း၊ ထိုသို့ ခုတ်သဖြင့် ဦးနိုင်ဝင်းနှင့် မိသားစုမှ တုတ်၊ ဓားတို့ဖြင့် ပြန်လည် ခုခံရာမှ သေဆုံးခဲ့ခြင်းဖြစ်သည်ဟု ရဲတပ်ဖွဲ့၏ မှုခင်းမှတ်တမ်းများအရ သိရသည်။

ယင်းသို့ ဖမ်းဆီးခံထားရသည့် သန်းနိုင်ဦး (၁၉ နှစ်) နှင့် နေလင်း (၁၆ နှစ်) တို့မှာ ဦးနိုင်ဝင်း (၄၃ နှစ်) ၏ သားများဖြစ်ပြီး ဦးချစ်လှ (၆၀ နှစ်) မှာ ဦးနိုင်ဝင်းနှင့် ယောက်ဖ တော်စပ်ကြောင်း၊ အောင်စိုး (၄၀ နှစ်)မှာ ဦးချစ်လှ၏ သားဖြစ်ပြီး အောင်သက်ပိုင်မှာ အောင်စိုး၏ သားဖြစ်ကြောင်း သိရသည်။

အဆိုပါဖြစ်စဉ်အား ဒဂုံတောင်မြို့မရဲစခန်းက (ပ) ၁၃၁၈/၂၀၁၈၊ ရာဇသတ်ကြီး ပုဒ်မ-၃၀၂/၁၁၄ ဖြင့် အမှုဖွင့်ထားကြောင်း သိရသည်။

မန္တလေးမြို့တွင် နေအိမ်အတွင်း ဓားကိုင်ဝင်ရောက်ပြီး ဆိုင်ကယ်ခိုးမှုများ ဖြစ်ပွားလျက်ရှိပြီး မေ ၂၂ ရက် တစ်ရက်တည်းမှာပင် ဓားခုတ်လုယက်မှု သုံးမှု ဆက်တိုက်ဖြစ်ပွား

ချမ်းမြသာစည်မြို့နယ်၊ လမ်း ၆၀ နှင့် သိပ္ပံလမ်းထောင့်တွင်​ဖြစ်ပွားခဲ့သည့် ဓားခုတ်မှုအား တွေ့ရစဉ် (ဓာတ်ပုံ – မနောကြာဖြူ လူမူကူညီရေးအသင်း)

မန္တလေးမြို့တွင် နေအိမ်အတွင်း ဓားကိုင်ဝင်ရောက်ကာ ဆိုင်ကယ်ခိုးမှုများ ယခုရက်ပိုင်းအတွင်း ဖြစ်ပွားလျက်ရှိပြီး မေ ၂၂ ရက် တစ်ရက်တည်းမှာပင် ဓားခုတ်လုယက်မှု သုံးခုဆက်တိုက် ဖြစ်ပွားခဲ့ကြောင်း သတင်းရရှိသည်။

မေ ၁၂ ရက်က ချမ်းအေးသာစံမြို့နယ်၊ ၃၄ လမ်းနှင့် ၃၅ လမ်းကြား၊ ၈၅ လမ်းနှင့် ၈၆ လမ်းကြားရှိ နေအိမ်တစ်ခုတွင် ခြံဝင်းတံခါး သော့မခတ်မိသောကြောင့် ထိုင်းအမျိုးအစား ဆိုင်ကယ် Scoppy ငါးစီး (စုစုပေါင်းတန်ဖိုး ကျပ် ၈၂ သိန်းကျော်) ပျောက်ဆုံးမှု ဖြစ်ပွားခဲ့ကြောင်း တိုင်းရဲတပ်ဖွဲ့မှူးရုံးမှ သိရသည်။

ထိုသို့ နေအိမ်တစ်အိမ်ထဲမှ ဆိုင်ကယ်ငါးစီး ခိုးယူခံရမှု ဖြစ်ပွားပြီးနောက် ရက်ပိုင်းအတွင်းမှာပင် မန္တလေးမြို့ နေအိမ်တစ်ခုအတွင်း ဓားကိုင်ဆောင်ထားသည့် အမျိုးသားခြောက်ဦး ၀င်ရောက်ပြီး ဆိုင်ကယ်ခိုးယူမှု ထပ်မံဖြစ်ပွားခဲ့ကြောင်း၊ အဆိုပါ အုပ်စုလိုက် ဓားကိုင်ပြီး ခိုးယူမှု မူဗီဖိုင်မှာ လူမှုကွန်ရက်တွင် ပျံ့နှံ့ခဲ့ရာ ယင်းသို့ဓားကိုင်ခိုးယူမှုမှာ အိမ်ရှင်သာ နိုးလာပါက ပြန်လည် ရန်ပြုနိုင်သောကြောင့် မြို့သူမြို့သားများ အနေဖြင့် စိုးရိမ်မှုများ ရှိခဲ့ကြောင်း စုံစမ်းသိရှိရသည်။

“တစ်အိမ်တည်း ဆိုင်ကယ်ငါးစီး ပျောက်တာရော၊ အင်တာနက်မှာ တက်လာတဲ့ ဓားကိုင်ဆိုင်ကယ် ခိုးယူမှုတွေနဲ့ ပတ်သက်ပြီး စုံစမ်းစစ်ဆေးမှုတွေ ပြုလုပ်ခဲ့ပါတယ်။ ဆိုင်ကယ် ၁၈ စီးနဲ့ အမျိုးသား ခြောက်ဦးကို ဖမ်းဆီးထားပါတယ်။ အခုဖမ်းမိတဲ့ ဆိုင်ကယ်တွေထဲမှာတော့ အဲဒီဖြစ်စဉ်က ဆိုင်ကယ်တွေ မပါသေးဘူး” ဟု အမှတ်(၆) ရဲစခန်းမှူး ရဲအုပ်ခင်သန်းက ပြောကြားသည်။

ထိုသို့ ဓားများဖြင့် အိမ်တွင်းဝင်ရောက် ခိုးယူသူ ခြောက်ဦးနှင့် ပတ်သက်၍ မသင်္ကာသူများကို ခေါ်ယူစစ်ဆေး နေသည်ဟုလည်း မဟာအောင်မြေမြို့နယ် ရဲတပ်ဖွဲ့မှူးထံမှ သိရသည်။

ထို့ပြင် မေ ၂၂ ရက် နံနက် ၁ နာရီ မထိုးမီကလည်း ချမ်းမြသာစည်မြို့နယ် လမ်း ၆၀ နှင့် သိပ္ပံလမ်းထောင့်တွင် ဆိုင်ကယ်ရပ် စကားပြောနေသည့် အမျိုးသားနှင့် အမျိုးသမီးတို့နှစ်ဦးထံ အမည်မသိ အမျိုးသား ခြောက်ဦး ရောက်ရှိလာပြီး အသင့်ပါလာသည့် ဓားဖြင့်ခုတ်ကာ ငွေနှင့်ဖုန်း ယူဆောင်သွားသည့်ဖြစ်စဉ်၊ အဆိုပါ ဓားကိုင်ဆောင်ထားသည့် လူငယ်ခြောက်ဦးမှပင် မဟာအောင်မြေမြို့နယ် ၆၈ လမ်းနှင့် ၄၃ လမ်းထောင့်တွင် ဆိုင်ကယ်ရပ်၍ အပေါ့သွားနေသည့် လူငယ်နှစ်ဦးအား ဓားဖြင့်ခုတ်ကာ ငွေများယူဆောင်သွားသည့် ဖြစ်စဉ်နှင့် ၅၆ လမ်းနှင့် အောင်ဆန်းလမ်းထောင့်ရှိ သန်းတစ်ရာ လက်ဖက်ရည်ဆိုင်မှ စားပွဲထိုးကလေးများကို ဓားရှည်ဖြင့် ခုတ်သွားသည့်ဖြစ်စဉ် သုံးခုဆက်တိုက် ကျူးလွန်ခဲ့သည်ဟု စုံစမ်းသိရှိရသည်။

ယင်းဖြစ်စဉ်များနှင့် ပတ်သက်၍ အောင်ပင်လယ်ရဲစခန်းသို့ ဆက်သွယ်မေးမြန်းရာ “လက်ဖက်ရည်ဆိုင်က စားပွဲထိုးကလေးနှစ်ဦး ဒဏ်ရာရရှိသွားပါတယ်။ မစိုးရိမ်ရပါဘူး။ ကျူးလွန်သူတွေကို ကျွန်တော်တို့ စုံစမ်းရှာဖွေနေပါတယ်။ အဲဒီဓားကိုင်တဲ့ ခြောက်ဦးပဲ တခြားမြို့နယ်နဲ့ တခြားစခန်းအပိုင်မှာ ဓားကိုင်လုသွားကြသေးတယ်လို့တော့ သိရတယ်။ ကျွန်တော့်စခန်း အပိုင်ထဲက ဖြစ်စဉ်ကတော့ အမှုဖွင့်ထားပါတယ်” ဟု ရဲအုပ်ခင်ဇော်က ပြောကြားသည်။

မန္တလေးမြို့တွင် ယခုရက်ပိုင်းအတွင်း အဆိုပါဖြစ်စဉ်များ ဖြစ်ပွားနေမှုနှင့် ပတ်သက်၍ ရဲတပ်ဖွဲ့ ဆောင်ရွက်ချက်များကို မေးမြန်းရာ မန္တလေးခရိုင် ရဲတပ်ဖွဲ့မှူး  ဒုရဲမှူးကြီး မျိုးအောင်က “တိုင်းခရိုင်မှုကူဌာနတွေ အနေနဲ့ရော၊ စခန်းတွေကရော ဆိုင်ကယ်ခိုးမှုတွေ ဖော်ထုတ်ဖမ်းဆီးထားတာ ရှိပါတယ်။ ခိုးမှုတွေ ထပ်မဖြစ်အောင် ညဥ့်ဦးညဥ့်နက် လှည့်ကင်းတွေလည်းတိုးပြီး ပိုမိုလုံခြုံရေးရယူ ဆောင်ရွက်နေပါတယ်။ ရပ်ကွက်အုပ်ချုပ်ရေး အဖွဲ့တွေနဲ့ ပူးပေါင်းပြီး တင်းတင်းကျပ်ကျပ် လုံခြုံရေး ရယူနေပါတယ်” ဟု ပြောကြားသည်။

ထိုသို့ ဓားကိုင်ကျူးလွန်သူများကို ဖြစ်ပွားခဲ့သည့် မြို့နယ်အလိုက် သက်ဆိုင်ရာ ရဲစခန်းများတွင် အမှုဖွင့်ထားကြောင်း သိရသည်။

မြ၀တီမြို့နယ်​​တွင် အရက်​အတူ​သောက်​ရာမှ စကားများကာ ဓားခုတ်​မှုဖြစ်​ပြီး တစ်​ဦး​သေ၊ နှစ်​ဦး ဒဏ်​ရာရ

ကရင်​ပြည်​နယ်​ မြ၀တီမြို့ ရွှေကုက္ကိုမြိုင်​​ ပူလွဲပူကျေးရွာအုပ်​စု ​ကျောက်​ခွဲစက်​လုပ်​ငန်းခွင်​တွင်​ လုပ်​ကိုင်နေသူ အလုပ်​သမားချင်း ရန်​ဖြစ်​ရာမှ လုပ်​​ဖော်ကိုင်ဖက်​ သုံးဦးဓားခုတ်​ခံရကာ တစ်​ဦးသေဆုံး​ခဲ့သည့်​ဖြစ်​ရပ်​တစ်​ခု​ ​ဖြစ်​ပွားခဲ့​ကြောင်း သိရသည်​။

မြ၀တီမြို့နယ်​ ပူလွဲပူ​ကျေးရွာ ​ကျောက်​ခွဲစက်​အနီးရှိတဲအတွင်း၌ အမျိုးသားတစ်​ဦး ဓားဒဏ်​ရာဖြင့်​ ​သေဆုံးနေေ​ကြာင်း ​ရွှေကုက္ကိုမြိုင်​ကျေးရွာအုပ်​ချုပ်​​ရေးမှူး၏ သတင်း​ပေးချက်​အရ ညီ​နောင်​ရဲစခန်းမှူး ရဲအုပ်​မြ၀င်း နယ်​ထိန်း​ခေါင်း​ဆောင်​ ဒုရဲအုပ်​ သက်​နိုင်​စိုးနှင့်​ နယ်​ထိန်းအဖွဲ့ဝင်​များက  သက်​​သေ ​ရွှေကုက္ကိုမြိုင်​ကျေးရွာ အုပ်​ချုပ်​​ရေးအဖွဲ့ဝင်​များနှင့်​ သွား​ရောက်​စစ်​​ဆေးခဲ့ရာ ​သေဆုံး​နေသူမှာ ​မောင်​ပြည့်​ဖြိုး​အောင်​ ၂၃ နှစ် (ဘ) ဦးနိုင်​​ ဇော်​မင်းကုန်း ရပ်​ကွက်​​ မြစ်​သာမြို့နယ် မန္တ​လေးတိုင်းဒေသကြီးမှ လာ​ရောက်​ပြီး ​ကျောက်ခွဲစက်​လုပ်​ငန်းတွင်​ လုပ်​ကိုင်​​နေသူဖြစ်ကြောင်း သိရသည်​။

အဆိုပါဖြစ်​စဉ်​အား ရဲတပ်​ဖွဲ့မှ စစ်​​မေးရာ ​ကျောက်​ခွဲစက်​လုပ်​သားများ ဖြစ်​ကြ​သော ​သေဆုံးသူ ​မောင်​ပြည့်ဖြိုး​အောင်အပါအ၀င်​ စိုင်း​ကျော်​ ၃၅ နှစ်​ (ဘ) ဦးလှိုင်ဟိန်း  ​ကောင်းကင်​ရွာအုပ်​စု လားရှိုးမြို့နယ်​ ရှမ်းပြည်​နယ်၊​ မောင်​သန့်​ဇင်​ထွန်း ၂၃ နှစ်​ (ဘ) ဦးတုန်​ဟန်​ လားရှိုးမြို့နယ်​ ရှမ်းပြည်​နယ်​၊ ကျော်​ကိုကို ၂၃ နှစ်​ (ဘ) ဦး​မောင်​​သောင်း၊​ လေး​ထောင့်ကန်​ကွက်​သစ်၊​ ရန်​ကုန်​တိုင်းဒေသကြီးနေသူ တို့​လေးဦးမှာ အတူအရက်​​သောက်​စားမူးယစ်ပြီး အချင်းချင်းစကားများ ရန်​ဖြစ်​ကြရာမှ စိတ်​မထိန်းနိုင်​သည့်​ ​ကျော်ကိုကိုက တဲအ​နောက်​ဘက်​တွင်​ရှိ​သော ဓားမကိုယူကာ လုပ်​​ဖော်​ကိုင်​ဖက်​သုံးဦးကို ဓားဖြင့်​ခုတ်​ခဲ့ကြောင်း သိရသည်​။

ကျော်​ကိုကို၏ ဓားခုတ်​ချက်​​ကြောင့်​ ​မောင်​ပြည့်​ဖြိုး​အောင်​မှာ ဦး​ခေါင်းနောက်​​စေ့ ပြတ်​ရှဒဏ်​ရာ တစ်​ချက်​နှင့်​ အခင်းဖြစ်​​နေရာတွင်​ ပွဲချင်းပြီး ​သေဆုံးခဲ့​ပြီး ဦး​ခေါင်​ဒဏ်​ရာ သုံးချက်​ရရှိခဲ့သူ စိုင်း​ကျော်​​အေးနှင့်​ သန့်​ဇင်​ထွန်းတို့ နှစ်​ဦးကို ​ရွှေကုက္ကိုမြိုင်​ကျေးရွာဥက္ကဋ္ဌ နှင့်​အဖွဲ့က မဲ​ဆောက်​​ဆေးရုံသို့ ပို့​ဆောင်​ထား​ကြောင်း သိရသည်​။

ကရင်​ပြည်​နယ်​ နယ်​ခြားစောင့်​တပ်​ တပ်​နယ်​ (၃) ဗိုလ်​မှူးအဆင့်​ရှိ​ စောမင်းဦးနှင့်​အဖွဲ့ တို့က ဓားဖြင့်​ ခုတ်ခဲ့သူ ​ကျော်​ကိုကိုအား ရဲတပ်​ဖွဲ့ဝင်​များထံအပ်​နှံခဲ့ပြီး ရဲအုပ်​မြ၀င်းနှင့် အဖွဲ့သည်​ အရိုးအသွား ၂၈ လက်​မခန့်​ရှိဓားအား သက်​​သေများ​ရှေ့ တွင်​ သိမ်းဆည်းခဲ့သည်​။ အဆိုပါဖြစ်​ရပ်​နှင့်​ ပတ်​သက်​၍ သင်္ဃန်း ညီနောင်​ရဲခန်းမှ စခန်းမှူး ရဲအုပ်​မြ၀င်းက ​ဖေ​ဖော်​၀ါရီ ၉ ရက်​​တွင်​ တရားလိုပြုလုပ်​ တိုင်​တန်းသဖြင့်​လူတစ်ယောက်အား​ သေဆုံး​အောင်​ခုတ်​သတ်​ပြီး နှစ်​​ယောက်ကို ဒဏ်​ရာရရှိ​အောင်​ ဓားဖြင့်​ခုတ်ခဲ့သူ ​ကျော်ကိုကိုအား သင်္ဃန်းညီ​နောင်​ ​ ရဲစခန်းမှ (ပ) ၄၁/၂၀၁၈ ရာ​ဇသတ်​ကြီးပုဒ်​မ ၃၀၂/ ၃၂၆ ဖြင့်​ အမှုဖွင့် စစ်​​ဆေးလျက်​ရှိ​သည်​။

နိဗ္ဗာန်ဈေး လက်မှတ်တိုးရာမှ စကားများရန်ဖြစ်ပြီး လင်မယားနှစ်ဦးအား အခြားနှစ်ဦးက ဓားဖြင့်ခုတ်၊ တုတ်ဖြင့်ရိုက်မှု ပုဇွန်တောင်မြို့နယ်တွင် ဖြစ်ပွား

ရန်ကုန်တိုင်းဒေသကြီး ပုဇွန်တောင်မြို့နယ်တွင် နိဗ္ဗာန်ဈေးလက်မှတ် တိုးဝှေ့ရာမှ  စကားများရန်ဖြစ်ပြီး လင်မယားနှစ်ဦးအား အခြားလူနှစ်ဦးက ဓားဖြင့်ခုတ်၊ တုတ်ဖြင့်ရိုက်နှက်မှု နိုဝင်ဘာ ၂၀ ရက် မွန်းလွဲ ၁၂ နာရီခွဲခန့်က ဖြစ်ပွားခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှ သိရသည်။

ဖြစ်စဉ်မှာ သာကေတမြို့နယ် ကျူးကျော်ရပ်ကွက်နေ ကို…. (၃၄ နှစ်) နှင့် ၎င်း၏ဇနီး  ဖြစ်သူ မ…. (၂၃ နှစ်) တို့သည် ပုဇွန်တောင်မြို့နယ် သီတာဆိပ်လမ်းမပေါ်တွင် နိဗ္ဗာန်ဈေး လက်မှတ်တိုးရာမှ စိန်ကုလား၊ ဝေဠုကျော်ဆိုသူတို့နှစ်ဦးနှင့် စကားများရန်ဖြစ်ခဲ့ကြကြောင်း၊ ထိုသို့စကားများစဉ် ကို…. (၃၄ နှစ်) နှင့် ဇနီးဖြစ်သူ မ….(၂၃ နှစ်) တို့အား စိန်ကုလားဆိုသူက အရှည်တစ်တောင်ခန့်ရှိ ဓားဖြင့်လည်းကောင်း၊ ဝေဠုကျော်ဆိုသူက  အရှည်တစ်တောင်ခန့်ရှိ သစ်သားတုတ်ဖြင့်လည်းကောင်း ၀ိုင်းဝန်းထိုးခုတ်ရိုက်နှက်ပြီး ထွက်ပြေးသွားကြောင်း သိရသည်။

ယင်းသို့ ဓားဖြင့်ခုတ်၊ တုတ်ဖြင့်ရိုက်နှက်ခံခဲ့ရသဖြင့် ကို…. (၃၄ နှစ်) မှာ ဦးခေါင်းချို စောင်းပြတ်ရှ၊ ၀ဲလက်ဖျံပြတ်ရှ၊ ယာမျက်လုံး ဖူးရောင်ဒဏ်ရာနှင့် မ…. (၂၃ နှစ်) မှာ ဦးခေါင်းထိပ် ပေါက်ပြဲဒဏ်ရာ လေးချက်တို့ရရှိခဲ့ကာ ရန်ကုန်ပြည်သူ့ဆေးရုံကြီးတွင် အတွင်းလူနာများအဖြစ် တင်ပို့ကုသထားရကြောင်း သိရသည်။

“ဓားနဲ့ခုတ်၊ တုတ်နဲ့အရိုက်ခံရတဲ့ လင်မယားကတော့ခု ဆေးရုံမှာပါ။ စိုးရိမ်ရတဲ့ အနေအထားတော့ မရှိတော့ဘူးလို့ သိရတယ်။  နိဗ္ဗာန်ဈေးလက်မှတ်တိုးကြရင်းနဲ့ ဖြစ်တာပါ။ ကျူးလွန်သူနှစ်ဦးကို ဖမ်းမမိသေးပါဘူး။ ဖမ်းဆီးရမိဖို့ ဆောင်ရွက်နေပါတယ်” ဟု အရှေ့ပိုင်းခရိုင် ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

အဆိုပါဖြစ်စဉ်ကို ပုဇွန်တောင်မြို့မရဲ စခန်းက (ပ) ၂၆၉/ ၂၀၁၇၊ ရာဇသတ်ကြီး ပုဒ်မ ၃၂၆/  ၃၂၅ /၁၁၄ ဖြင့် အမှုဖွင့်ထားပြီး ကျူးလွန်သူများအား ဖမ်းဆီးရမိရေး ဆောင်ရွက်လျက်ရှိကြောင်း သိရသည်။