အိုင်ဒလစ်၌ သွေးချောင်းစီးမည်ဟု စိုးရိမ်မှုမြင့်တက်နေစဉ် အာဆတ်ကို ဓာတုလက်နက်မသုံးရန် အမေရိကန် သတိပေး

စက်တင်ဘာ ၄ ရက်တွင် အိုင်ဒလစ်ပြည်နယ်၌ လေကြောင်းတိုက်ခိုက်မှုအပြီး ပျက်စီးခဲ့သော အဆောက်အအုံတစ်လုံးကို တွေ့ရစဉ် (Photo: AFP)

ဆီးရီးယားနိုင်ငံ အိုင်ဒလစ်ပြည်နယ်၌ သွေးချောင်းစီးမည့် ဖြစ်စဉ်ကြီးတစ်ခု ဖြစ်လာနိုင်ကြောင်း ကုလသမဂ္ဂက သတိပေးနေစဉ် အမေရိကန်ကမူ ဆီးရီးယားသမ္မတဘာ ရှားအယ်အာဆတ်အနေဖြင့် ပြည်သူများကို ဓာတုလက်နက် အသုံးပြု တိုက်ခိုက်မည်ဆိုပါက သင့်တော်သလို အလျင်အမြန် တုံ့ပြန်သွားမည်ဖြစ်ကြောင်း စက်တင်ဘာ ၄ ရက်တွင် သတိပေးခဲ့သည်။

ဆီးရီးယားထဲမှ သူပုန်တို့ နောက်ဆုံး ထိန်းချုပ်ထားရာ နေရာဖြစ်သည့် အိုင်ဒလစ်ပြည်နယ်သို့ ဗုံးနှင့်ဒုံးများဖြင့် ကြဲချတိုက်ခိုက်မည့်အရေးသည် အစုလိုက် အပြုံလိုက် လူသတ်ပွဲကြီး ဖြစ်သွားလိမ့်မည်ဟု တူရကီသမ္မတ ရီဆပ်တေရစ်အာဒိုဂန်ကလည်း သတိပေးခဲ့သည်။

လူဦးရေ သုံးသန်းနီးပါး နေထိုင်သော နိုင်ငံအနောက်မြောက်ပိုင်းမှ အိုင်ဒလစ်အား ထိုးစစ်ဆင်ရန်အတွက် အစိုးရတပ်များသည် ထိုပြည်နယ်အနီးအနားသို့ စုပြုံရောက်ရှိလာစဉ် ယခုကဲ့သို့ သတိပေးချက်များ ဆက်တိုက် ထွက်ပေါ်နေခြင်းဖြစ်သည်။ ထိုစဉ် ရုရှား၏ လေကြောင်းမှ တိုက်ခိုက်မှုကြောင့် အရပ်သားကိုးဦးထက်မနည်း သေဆုံးခဲ့ရပြီဟု စောင့်ကြည့်ရေးအဖွဲ့က ထုတ်ပြန်ခဲ့သည်။

အိုင်ဒလစ်ပြည်နယ်၏ မရေရာသော အခြေအနေနှင့် ပတ်သက်ပြီး စက်တင်ဘာ ၇ ရက်၌ လုံခြုံရေးကောင်စီအစည်းအဝေး ကျင်းပမည်ဟု ကုလသမဂ္ဂဆိုင်ရာ အမေရိကန်သံအမတ် နစ်ကီဟာလေက ပြောကြားခဲ့သည်။

သူပုန်တို့ကို ကျောထောက်နောက်ခံပေးနေသော တူရကီသည် အိုင်ဒလစ်ထိုးစစ်ကို ရှောင်လွှဲနိုင်ရန် ရည်ရွယ်ပြီး ရုရှားနှင့် ဆွေးနွေးပွဲများကို အကြိမ်ကြိမ် ကျင်းပခဲ့ပြီး ဖြစ်သည်။ သို့သော် ရုရှားကမူ အိုင်ဒလစ်ဒေသသည် အကြမ်းဖက်သမားများ စုဝေးနေသည့်နေရာဟု အမည်တပ်ခဲ့သည်။

ဆီးရီးယားအစိုးရသည် အိုင်ဒလစ်ကို အားကုန်ထိုးစစ်မဆင်မီ စက်တင်ဘာ ၁၀ ရက် နောက်ဆုံးထားပြီး အဖြေတစ်ခုရှာရန် အချိန်ပေးထားသည်ဟု ကုလသမဂ္ဂဆီးရီးယားဆိုင်ရာ ငြိမ်းချမ်းရေးသံတမန်ဖြစ်သူ စတီဖင်ဒီမစ်စတူရာက ပြောကြားခဲ့သည်။

အိုင်ဒလစ်ကို အဆင်ခြင်မဲ့ မတိုက်ခိုက်ရန် အမေရိကန်သမ္မတ ဒေါ်နယ်ထရန့်က စက်တင်ဘာ ၃ ရက်တွင် အာဆတ်ကို သတိပေးခဲ့ပြီး စက်တင်ဘာ ၄ ရက်တွင်မူ အိမ်ဖြူတော်က အာဆတ်အား ဓာတုလက်နက် အသုံးပြုခြင်းနှင့် ပတ်သက်ပြီး ပြင်းပြင်းထန်ထန် သတိပေးခဲ့သည်။

သံအမတ် နစ်ကီဟာလေ၏ သတိပေးချက်အရ အမေရိကန်သည် ဓာတုလက်နက် အသုံးပြုမှုတစ်ခုတည်းကိုသာ ရည်ညွှန်းနေသည်ကို ပိုမိုသိသာထင်ရှားစေသည်။ “ဆီးရီးယားကို ပြန်သိမ်းဖို့ လမ်းကြောင်းကို ဆက်လိုက်မယ်ဆိုရင် သူတို့လိုက်လို့ ရပါတယ်။ ဒါပေမဲ့ သူတို့အနေနဲ့ ဓာတုလက်နက်တော့ သုံးလို့မရပါဘူး” ဟု ဟာလေက ပြောကြားခဲ့သည်။

တစ်ဖက်တွင်မူ ရုရှားစစ်လေယာဉ်များသည် အိုင်ဒလစ်ပြည်နယ်အား ဗုံးကြဲမှုကို ၂၂ ရက်ကြာ ရပ်ဆိုင်းလိုက်ပြီးနောက် ပြန်စတင်နေပြီဖြစ်သည်။

မေတ္တာရပ်ခံ

အိုင်ဒလစ်ပြည်နယ်ထဲ၌ ကုလသမဂ္ဂက အကြမ်းဖက်အုပ်စုဟု သတ်မှတ်ထားသည့် အဖွဲ့များနှင့်အတူ တိုက်ခိုက်ရေးသမား ၁၀၀၀၀ ခန့် ရှိနေနိုင်သည်ဟု ဒီမစ်စတူရာက ပြောကြားခဲ့သည်။ သို့သော် အိုင်ဒလစ်ထဲတွင် ကလေးတစ်သန်း အပါအ၀င် အကြမ်းဖက်သမား မဟုတ်သော အရပ်သား ၂ ဒသမ ၉ သန်းခန့် ရှိနေသေးသည်ဟု ၎င်းက အလေးပေး ပြောကြားခဲ့သည်။ “အိုင်ဒလစ်ထဲမှာရှိတဲ့ ကလေးဦးရေဟာ အကြမ်းဖက်သမားဦးရေထက် အများကြီး ပိုပါတယ်။ ဆင်ဆင်ခြင်ခြင် လုပ်ကြဖို့ ကျွန်တော်တို့ မေတ္တာရပ်ခံပါတယ်” ဟု ဆီးရီးယားဆိုင်ရာ ကုလသမဂ္ဂ လူသားချင်းစာနာထောက်ထားမှုဆိုင်ရာ အဖွဲ့၏ အကြီးအကဲ ယန်အီဂျလန်က ပြောကြားသွားခဲ့သည်။

Ref: AFP

ဆီးရီးယားက ဓာတုလက်နက် ထပ်မံအသုံးပြုလျှင် အလွန်ပြင်းပြင်းထန်ထန် တုံ့ပြန်မည်ဟု အမေရိကန် သတိပေး

သြဂုတ် ၂၂ ရက်တွင် ဂျေရုစလင်၌ သတင်းစာရှင်းလင်းပွဲတွင် ဂျွန်ဘိုတန်က စကားပြောနေစဉ်

အီဒလစ်ပြည်နယ်ကို ပြန်သိမ်းရန် ထိုးစစ်ဆင်ရာတွင် ဆီးရီးယားသမ္မတ ဘာရှား အယ်အာဆတ်သည် ဓာတုလက်နက်များကို အသုံးပြုမည်ဆိုပါက အမေရိကန်က အလွန်ပြင်းထန်စွာ တုံ့ပြန်မည် ဖြစ်ကြောင်း သမ္မတ ဒေါ်နယ်ထရန့်၏ အမျိုးသားလုံခြုံရေး အကြံပေးက သြဂုတ် ၂၂ ရက်တွင် သတိပေးခဲ့သည်။

“ အီဒလစ်ပြည်နယ်ထဲမှာ စစ်ရေးလှုပ်ရှားမှုတွေ ပြန်စဖို့ ဆီးရီးယားအစိုးရက စီစဉ်နေတာကို ကျွန်တော်တို့ တွေ့နေရပါတယ်။ အာဆတ်အနေနဲ့ ဓာတုလက်နက် ထပ်ပြီး အသုံးပြုနိုင်ခြေရှိမှုနဲ့ ပတ်သက်ပြီးလည်း ကျွန်တော်တို့ တော်တော်လေး စိုးရိမ်နေပါတယ်” ဟု အမေရိကန်သမ္မတ၏ အမျိုးသားလုံခြုံရေးအကြံပေး ဂျွန်ဘိုတန်က ၎င်း၏ ဂျေရုဆလင်ခရီးစဉ်အတွင်း ပြုလုပ်ခဲ့သော သတင်းစာရှင်းလင်းပွဲ တစ်ခုတွင် ပြောကြားခဲ့သည်။

“ အခုကတည်းက ရှင်းရှင်းလင်းလင်း ဖြစ်အောင် ပြောထားပါမယ်။ ဆီးရီးယားအစိုးရအနေနဲ့ ဓာတုလက်နက်တွေ သုံးမယ်ဆိုရင် ကျွန်တော်တို့ဘက်က အရမ်းကို ပြင်းပြင်းထန်ထန် တုံ့ပြန်မှာပါ။ သူတို့အနေနဲ့ ဒါကို အစောကြီးကတည်းက စဉ်းစားထားသင့်ပါတယ်” ဟု ဂျွန်ဘိုတန်က ပြောကြားခဲ့သည်။

နိုင်ငံမြောက်ပိုင်း၌တည်ရှိသော အီဒလစ်ပြည်နယ်သည် ဆီးရီးယားနိုင်ငံထဲမှ သူပုန်တို့၏ နောက်ဆုံးခြေကုပ်ယူရာ နေရာ ဖြစ်သည်။

ဆီးရီးယားအစိုးရသည် ဒိုမာမြို့တွင် လူအချို့ကို သေစေခဲ့သော ဓာတုလက်နက် တိုက်ခိုက်မှုတစ်ခု လုပ်ဆောင်ခဲ့သည်ဟု သတင်းထွက်ပေါ်ခဲ့ပြီးနောက် ပြီးခဲ့သော ဧပြီတွင် အမေရိကန်၊ ပြင်သစ်၊ ဗြိတိန်တို့သည် ဆီးရီးယားအစိုးရ၏ ပစ်မှတ်များအား ဒုံးကျည်များဖြင့် ပစ်ခတ် တိုက်ခိုက်မှုများကို ပူးပေါင်း လုပ်ဆောင်ခဲ့ကြသည်။

ထရန့်အစိုးရအဖွဲ့သည် အီရန်အပေါ် ပိတ်ဆို့မှုများကို ပြန်လည်ချမှတ်ခြင်းဖြင့် အီရန် ခေါင်းဆောင်ပိုင်းအား ဖြုတ်ချရန် ကြိုးပမ်းနေခြင်း မဟုတ်ကြောင်းလည်း ဘိုတန် က ပြောကြားခဲ့သည်။ “အီရန်မှာ အစိုးရအပြောင်းအလဲ ဖြစ်ဖို့ဆိုတာ အမေရိကန်ရဲ့ မူဝါဒ မဟုတ်ပါဘူး။ ဒါပေမယ့် အီရန်အစိုးရရဲ့ အပြုအမူတွေ အများကြီး ပြောင်းလဲသွားစေဖို့ကိုတော့ ကျွန်တော်တို့ လိုလားပါတယ်” ဟု ဘိုတန်က ဖြည့်စွက် ပြောကြားခဲ့သည်။

ဘိုတန်သည် အစ္စရေးနိုင်ငံသို့ သြဂုတ် ၁၉ ရက်က ရောက်ရှိခဲ့သည်။ ၎င်း၏ သုံးရက်ကြာ အစ္စရေးခရီးစဉ်အတွင်း အဓိကအားဖြင့် အီရန်အရေး၊ ဆီးရီးယား၌ အီရန်တပ်ဖွဲ့များ တည်ရှိနေသည့်အရေးနှင့် ပတ်သက်ပြီး ဆွေးနွေးခဲ့ဖွယ် ရှိသည်။

“ ပြီးခဲ့တဲ့ လတွေအတွင်းက ဆီးရီးယားနိုင်ငံထဲကို အီရန်ဟာ ဒုံးကျည် ဒါမှမဟုတ် ခြိမ်းခြောက်မှု ဖြစ်နိုင်တဲ့ လက်နက်တွေ ယူသွင်းလာတိုင်း အစ္စရေးဟာ အဲဒီပစ်မှတ်တွေကို ပစ်ခတ် တိုက်ခိုက်ခဲ့ပါတယ်။ ဒါဟာ အစ္စရေးရဲ့ ကိုယ့် ကိုယ်ကိုယ်ကာကွယ်ဖို့အတွက် တရားဥပဒေနဲ့အညီ လုပ်ရပ်ဖြစ်တယ်လို့ ကျွန်တော်ထင်ပါတယ်” ဟု ဘိုတန်က ပြောကြားခဲ့သည်။

အစ္စရေးနှင့် ဆီးရီးယားတို့သည် နယ်နိမိတ်ချင်း ထိစပ်နေပြီး အီရန်က ဆီးရီးယား စစ်ပွဲတွင် ရုရှား၊ လက်ဘနွန်ရှီအိုက် စစ်သွေးကြွအဖွဲ့ ဟဇ်ဘိုလာတို့နှင့်အတူ အာဆတ်အစိုးရကို ထောက်ပံ့လျက် ရှိသည်။ အစ္စရေးဝန်ကြီးချုပ် ဘင်ဂျမင်နေတန်ယာဟုကမူ ဆီရီးယားနိုင်ငံထဲတွင် အီရန် စစ်ဘက်ခြေကုပ်ရသွားမည့် အရေးအား ကာကွယ်သွားမည် ကတိပြုထားသည်။ မကြာသေးမီက ဆီးရီးယားတွင် ဖြစ်ပွားခဲ့သည့် အီရန် တိုက်ခိုက်ရေးသမားအချို့ကို သေဆုံးစေခဲ့သော တိုက်ခိုက်မှုများသည် အစ္စရေးလက်ချက်ဟု ယူဆရသည်။

ဆီးရီးယားတွင် ဓာတုလက်နက်တိုက်ခိုက်မှုအတွက် OPCW က အရေးအပေါ် အစည်းအဝေး ကျင်းပ

အမေရိကန်၊ ဗြိတိန်၊ ပြင်သစ်တို့၏ လေကြောင်းတိုက်ခိုက်မှုများကို ခံခဲ့ရသော ဒမတ်စကတ်မြောက်ပိုင်းမှ သိပ္ပံလေ့လာရေးနှင့် သုတေသနဌာနအား ဧပြီ ၁၄ ရက်နှင့် ၁၅ ရက်အတွင်းက ရိုက်ကူးထားသည့် ဂြိုဟ်တု ဓာတ်ပုံ (Photo: AFP)

ဆီးရီးယားတွင် ဓာတုအဆိပ်ဖြင့် တိုက်ခိုက်မှုကြောင့် အမေရိကန်၊ ဗြိတိန်၊ ပြင်သစ်တို့က လေကြောင်းတိုက်ခိုက်မှုများဖြင့် အရေးယူခဲ့ပြီးနောက် ကမ္ဘာ့ဓာတုလက်နက် ကာကွယ်ရေးအဖွဲ့ (OPCW) က ဧပြီ ၁၆ ရက်တွင် အရေးပေါ် အစည်းအဝေး ကျင်းပခဲ့သည်။

ဒမတ်စကတ်မြို့အနီးရှိ ဒိုမာမြို့တွင် ဓာတုလက်နက်ဖြင့် တိုက်ခိုက်ခဲ့ဖွယ်ရှိသည့်အတွက် အမေရိကန်ဦးဆောင်သော အနောက်အင်အားကြီးများက ဆီးရီးယားရှိ ဓာတုလက်နက်နှင့် သက်ဆိုင်သောနေရာများကို ဧပြီ ၁၄ ရက်တွင် လေကြောင်းမှ တိုက်ခိုက်ခဲ့သည်။

ဒိုမာမြို့တွင် အဆိပ်လက်နက်ဖြင့် တိုက်ခိုက်ခဲ့မှုအား OPCW က စုံစမ်းစစ်ဆေးမှု ဆောင်ရွက်ရန် လုပ်ဆောင်ချက်ကို ၀င်ရောက်စွက်ဖက်မည်မဟုတ်ကြောင်း ဧပြီ ၁၆ ရက်တွင် ရုရှားက ပြောကြားခဲ့သည်။ ထို့ပြင် ဆီးရီးယားရှိ နေရာသုံးနေရာကို အမေရိကန်၊ ဗြိတိန်၊ ပြင်သစ်တို့ တိုက်ခိုက်မှုသည် OPCW ၏ စုံစမ်းစစ်ဆေးရေးနှင့် ပတ်သက်သည့် ယုံကြည်စိတ်ချရမှုကို ထိပါးစေနိုင်ကြောင်း ရုရှားက ရှုတ်ချခဲ့သည်။ လူ ၄၀ သေဆုံးစေခဲ့သည်ဟုဆိုသော ဒိုမာတိုက်ခိုက်မှုကို စုံစမ်းစစ်ဆေးရန် OPCW က တံခါးပိတ် အစည်းအဝေးပွဲ စတင်ခဲ့ပြီး ဗြိတိန်၊ ရုရှား၊ ပြင်သစ် သံအမတ်ကြီးများသည် သည်ဟိဂ်ရှိ OPCW ရုံးချုပ်သို့ ရောက်ရှိခဲ့ကြသည်။

အဖွဲ့ဝင် ၁၉၂ နိုင်ငံပါဝင်သော OPCW ၏ အမှုဆောင်ကောင်စီ အစည်းအဝေးကို ၄၁ နိုင်ငံဖြင့် ကျင်းပမည်ဖြစ်ပြီး ဥက္ကဋ္ဌ ဘင်္ဂလားဒေ့ရ်ှသံအမတ်ကြီး ရှိတ်မိုဟာမက်ဘီလားက ဦးဆောင်မည်ဖြစ်သည်။ ဧပြီ ၇ ရက် ဒိုမာတိုက်ခိုက်မှုကို စုံစမ်းစစ်ဆေးရန်အတွက် OPCW ၏ စုံစမ်းရေးအဖွဲ့သည်လည်း ဆီးရီးယားသို့ ရောက်ရှိနေပြီဖြစ်သည်။

မြေပြင်တွင် စုံစမ်းစစ်ဆေးမှုများ ဆောင်ရွက်နေစဉ် အမေရိကန်ဦးဆောင်သော စစ်ရေးတုံ့ပြန်မှုက ဆက်လက်ပဲ့တင်ရိုက်နေခဲ့သည်။ ဆီးရီးယားတွင် အမေရိကန်တပ်ဖွဲ့ဝင်များ ဆက်လက်ရှိနေရန် အမေရိကန်သမ္မတ ဒေါ်နယ်ထရန့်ကို စည်းရုံးထားကြောင်း ပြင်သစ်သမ္မတ မက်ခရွန်က ပြောကြားခဲ့သည်။ သို့သော်လည်း နာရီအနည်းငယ်အကြာတွင် အိမ်ဖြူတော်က ဆီးရီးယားရှိ အမေရိကန်တပ်ဖွဲ့ဝင်များ အမြန်ဆုံးအိမ်ပြန်ကြစေလိုကြောင်း ကြေညာခဲ့သည်။ အသက် ၄၀ အရွယ် အလယ်အလတ်ဝါဒီ မက်ခရွန်က ရုပ်သံအင်တာဗျူးတွင် ဘာရှားအယ်အာဆတ်၏ အစိုးရအား စစ်ကြေညာထားခြင်း မဟုတ်ဟု ပြောကြားခဲ့သည်။ သို့သော်လည်း ပြင်သစ်သမ္မတတစ်ဦးအနေဖြင့် ပထမဆုံးအကြိမ် စစ်ရေးအရ ၀င်ရောက်စွက်ဖက်မှုသည် အရပ်သားများကို ဓာတုလက်နက် အသုံးပြုမှုအား အပြစ်မပေးဘဲနေမည် မဟုတ်ကြောင်း အချက်ပြရန်အတွက် လိုအပ်သည်ဟု မက်ခရွန်က အခိုင်အမာဆိုခဲ့သည်။

အမေရိကန်ဦးဆောင်သော ယင်းတိုက်ခိုက်မှုများသည် ဆီးရီးယား၏ ခုနစ်ကြာ စစ်ပွဲစတင်ခဲ့ပြီးနောက်ပိုင်း အာဆတ်အစိုးရကို အပြည်ပြည်ဆိုင်ရာက အကြီးဆုံး တိုက်ခိုက်မှုတစ်ခု ဖြစ်ခဲ့သည်။ ထိုတိုက်ခိုက်မှုက ဆီးရီးယားအစိုးရ၏ ထိပ်တန်းမဟာမိတ်ဖြစ်သော ရုရှားအစိုးရနှင့် ထိပ်တိုက်တွေ့မှု ဖြစ်လာခဲ့သည်။ ရုရှားသမ္မတ ဗလာဒီမာပူတင်က ယခုတိုက်ခိုက်မှုများကြောင့် ကသောင်းကနင်းဖြစ်ရပ်များ ပေါ်ပေါက်လာမည်ဖြစ်ကြောင်း ပူတင်က သတိပေးထားသည်။ ၀ါရှင်တန်ကလည်း စစ်ရေးတိုက်ခိုက်မှုများ ထပ်မံဆောင်ရွက်မှုထက် စီးပွားရေးပိတ်ဆို့မှုများ ဆောင်ရွက်သွားမည်ဖြစ်ကြောင်း ပြောကြားထားသည်။

ဆီးရီးယား၏ ဓာတုလက်နက် တိုက်ခိုက်မှုများအတွက် သက်သေရှိထားပြီဖြစ်ကြောင်း အနောက်အင်အားကြီးနိုင်ငံများက ပြောကြားထားပြီး ကြိုတင်လက်ဦးမှုရယူ စုံစမ်းမှုများ ဆောင်ရွက်ထားသောကြောင့် OPCW ၏ စုံစမ်းစစ်ဆေးသူများသည် ခက်ခဲသော တာဝန်ကို ထမ်းဆောင်ရမည်ဖြစ်သည်။ ရုရှားစစ်ရဲများနှင့် ဆီးရီးယားတပ်ဖွဲ့ဝင်များက ပြီးခဲ့သည့်သီတင်းပတ်တွင် ထိန်းချုပ်ထားသော ဧရိယာအတွင်းရှိ ဓာတုလက်နက် တိုက်ခိုက်မှုဆိုင်ရာနေရာ၌ သက်သေအထောက်အထားများ ဖယ်ရှားထားပြီးလည်း ဖြစ်နိုင်သည်။ ဆီးရီးယားအစိုးရ၏ ဓာတုလက်နက်များကို ဖယ်ရှားပြီးဖြစ်သည်ဟု OPCW က ၂၀၁၄ ခုနှစ်တွင် ကြေညာခဲ့သည်။ ၂၀၁၇ ခုနှစ်က ဆီးရီးယားမြောက်ပိုင်းရှိ ခန်ရှိတ်ဟန်မြို့တွင် ဆာရင်းဓာတ်ငွေ့ အသုံးပြုတိုက်ခိုက်မှု ဖြစ်ပွားခဲ့ကြောင်း နောက်ပိုင်းတွင် OPCW က အတည်ပြုထားသည်။

အမေရိကန်၊ ဗြိတိန်၊ ပြင်သစ်တို့က ဒုံးဖြင့် တိုက်ခိုက်မှုဖြစ်ခဲ့ပြီးနောက် နာရီအနည်းငယ်အကြာတွင် ဆီးရီးယားစစ်တပ်က သူပုန်တို့၏ အဓိကခြေကုပ်ဖြစ်သော အရှေ့ဂိုတာကို နှစ်လကြာထိုးစစ်ပြီးနောက် အလုံးစုံပြန်လည် သိမ်းယူနိုင်ခဲ့ပြီဖြစ်ကြောင်း ကြေညာခဲ့သည်။

Ref: AFP