ဒူတာတေးက ရဲတပ်ဖွဲ့ကို ဒေါသတကြီးဝေဖန်ခဲ့ပြီး ခြစားသည့်ရဲများကို သတ်ပစ်မည်ဟု ခြိမ်းခြောက်

မနီလာတွင် သံမဏိဆလင်ဒါတစ်ခုထဲမှ ၀ှက်ထားသော မူးယစ်ဆေးဝါးများကို ဖိလစ်ပိုင်မူးယစ်ဆေးဝါးနှိမ်နင်းရေး အေဂျင်စီတာဝန်ရှိသူများက သိမ်းဆည်းနေစဉ် (Photo: AP)

ဥပဒေနှင့်ဆန့်ကျင်သည့် မူးယစ်ဆေးဝါးနှင့် အခြားရာဇ၀တ်မှုများတွင် ပါဝင်ပတ်သက်မှုရှိသည်ဟု စွပ်စွဲခံထားရသူများ အပါအ၀င် ခြစားသည့်ရဲဝန်ထမ်းများကို သတ်ပစ်မည်ဟု သြဂုတ် ၇ ရက် ရုပ်သံတိုက်ရိုက်ထုတ် လွှင့်မှုတွင် ဖိလစ်ပိုင်သမ္မတ ရိုဒရီဂိုဒူတာတေးက မကြားဝံ့မနာသာ စကားများဖြင့် ခြိမ်းခြောက်ခဲ့သည်။

မုဒိမ်းမှု၊ ပြန်ပေးဆွဲမှုနှင့် လုယက်မှု အပါအ၀င် အုပ်ချုပ်ရေးနှင့် ရာဇ၀တ်မှုဆိုင်ရာ တိုင်ကြားချက်များနှင့် ရင်ဆိုင်နေရသူ အများစုပါဝင်သည့် ရဲတပ်ဖွဲ့ဝင် ၁၀၀ ကျော်သည် ဒူတာတေးနှင့် တွေ့ဆုံရန် သမ္မတနန်းတော်သို့ စောင့်ကြပ်ခေါ်ဆောင်ခံခဲ့ရသည်ဟု တာဝန်ရှိသူများက ပြောကြားခဲ့သည်။

ခြစားမှုဗဟိုချက်ဟု ဒူတာတေးက ခေါ်ဆိုခဲ့ဖူးသည့် အမျိုးသားရဲတပ်ဖွဲ့သည် အလွဲသုံးစားလုပ်မှု အစီရင်ခံစာများကြောင့် သမ္မတ မူးယစ်ဆေးနှိမ်နင်းမှုတာဝန်မှ နှစ်ကြိမ်တိုင်တိုင် ဖယ်ရှားခံခဲ့ရပြီးနောက် ဌာနတွင်း ရှင်းလင်းဖယ်ရှားမှုနှင့် ကြုံခဲ့ရသည်။ မူးယစ်ဆေးဝါးနှိမ်နင်းရေးအေဂျင်စီတွင် ၀န်ထမ်းနည်းပါးခြင်းနှင့် အန္တရာယ်များသည့် နှိမ်နင်းမှုများတွင် လက်နက်နည်းပါးခြင်းတို့ကြောင့် မူးယစ်ဆေး အငိုက်ဖမ်း တိုက်ခိုက်မှုများတွင် ရဲတပ်ဖွဲ့ကို ပြန်လည်ပါဝင်ရန် နောက်ပိုင်းတွင် ဒူတာတေးက ပြန်လည်ခွင့်ပြုခဲ့သည်။

“ဒီလိုမျိုး ရေရှည်ရပ်တည်နေမယ်ဆိုရင် ခွေးမသားတွေ မင်းတို့ကို ငါသတ်ပစ်မယ်” ဟု ဒူတာတေးက ပြည်တွင်းရုပ်သံတိုက်ရိုက် ထုတ်လွှင့်မှုတွင် ရဲတပ်ဖွဲ့ဝင်များကို ကြိမ်းမောင်းခဲ့သည်။

ရဲတပ်ဖွဲ့ဝင်အချို့၏ ပြစ်မှုများကို ပြန်လည်သုံးသပ်မည်ဖြစ်သော်လည်း ဒူတာဒေးက “မင်းတို့ရဲ့လှုပ်ရှားမှုကို စောင့်ကြည့်မယ့် အထူးတပ်ဖွဲ့တစ်ဖွဲ့ရှိတယ်။ မင်းတို့ အမှားသေးသေးလေးတစ်ခု ကျူးလွန်တယ်ဆိုရင် မင်းတို့ကို သတ်ပစ်ဖို့ ပြောထားတယ်” ဟု ဒူတာတေးက ပြောကြားခဲ့သည်။ ရဲတပ်ဖွဲ့ဝင်များ၏ မိသားစုများကို မိန့်ခွန်းပြောကြားမှုတွင် ဒူတာတေးက “ဒီကိစ္စအတွက် ကြိုပြီး သတိပေးထားပြီးသားဖြစ်လို့ ဒီခွေးမသားတွေ သေသွားရင် လူ့အခွင့်အရေးဆိုပြီး လာမအော်ကြနဲ့” ဟု ပြောကြားခဲ့သည်။

ဒူတာတေး အာဏာရရှိခဲ့ပြီးနောက် ၎င်း၏ မူးယစ်ဆေးနှိမ်နင်းမှုတွင် လူ ၄,၅၀၀ ကျော် သေဆုံးမှုနှင့်အတူ ယင်းကဲ့သို့ သူသိရှင်ကြား ခြိမ်းခြောက်မှုများကို အနောက်တိုင်းအစိုးရများနှင့် လူ့အခွင့်အရေး စောင့်ကြည့်အဖွဲ့များက သတိပေးခဲ့သည်။

ဒူတာတေးက ၎င်း၏ ခြောက်နှစ်သက်တမ်း နောက်ဆုံးနေ့ရက်မတိုင်မီအထိ မူးယစ်ဆေးနှိမ်နင်းသည့် စစ်ဆင်ရေးကို ဖိအားပေးသွားမည်ဟု ကတိပြုခဲ့သည်။ ဒူတာတေးသည် တရားရေးကို ကျော်လွန်သည့်သတ်ဖြတ်မှုများကို ငြင်းဆိုခဲ့သော်လည်း ထောင်ထဲဝင်ရန် အသင့်ဟု မကြာခဏ ထုတ်ပြန်ခဲ့သည်။

မူးယစ်ဆေးဝါးနှိမ်နင်းသည့် စစ်ဆင်ရေးတွင် သံသယရှိသူ ၁၅၀,၀၀၀ ခန့်ကို ဖမ်းဆီးထားခဲ့ပြီး ရဲအရာရှိ ဒါဇင်များစွာ သေဆုံးခဲ့သည်ဟု ရဲတပ်ဖွဲ့က ပြောကြားခဲ့သည်။

မနီလာအပြည်ပြည်ဆိုင်ရာ ဆိပ်ကမ်း၌ စွန့်ပစ်ထားသည့် အလုံပိတ်ကွန်တိန်နာ၏ သံမဏိဆလင်ဒါနှစ်ခုတွင် ၀ှက်ထားသည့် မက်သာဖက်တမင်း ၅၀၀ ကီလိုဂရမ်ကို ရှာဖွေတွေ့ရှိခဲ့သည်ဟု အကောက်ခွန်ဗျူရိုနှင့် မူးယစ်ဆေးနှိမ်နင်းရေး အာဏာပိုင်များက သြဂုတ် ၇ ရက်တွင် ထုတ်ပြန်ခဲ့ပြီး ယင်းသည် ဒူတာတေးလက်ထက် အကြီးမားဆုံး မူးယစ်ဆေးဝါး ဖမ်းဆီးမှုတစ်ခုလည်း ဖြစ်သည်။

Ref: AP

ဖိလစ်ပိုင်သမ္မတ ဒူတာတေးက မူးယစ်ဆေးစစ်ပွဲကို မဆုတ်မနစ် ဆက်လက်လုပ်ဆောင်သွားမည်ဟု ကတိပြု

ဇူလိုင် ၂၃ ရက်တွင် မနီလာရှိ ကွန်ဂရက်၌ နိုင်ငံတော်မိန့်ခွန်းပြောကြားပြီးနောက် သမ္မတဒူတာတေးနှင့် ထောက်ခံသူများ Selfie ဓာတ်ပုံရိုက်ကူးနေစဉ် (Photo – AFP)

လူထောင်ပေါင်းများစွာကို သေစေခဲ့သော မူးယစ်ဆေးစစ်ပွဲကို ဖိဖိစီးစီး ဆက်လက်လုပ်ဆောင်သွားမည်ဟု ဖိလစ်ပိုင်သမ္မတ ရိုဒရီဂိုဒူတာတေးက ဇူလိုင် ၂၃ ရက် တွင် ကတိပြုခဲ့ပြီး ၎င်း၏ သင်္ကေတဖြစ်နေသော ထိုမူးယစ်ဆေးစစ်ပွဲအား ဝေဖန်သူများကို ပြင်းပြင်းထန်ထန် ရှုတ်ချခဲ့သည်။

ဒူတာတေးသည် ၎င်း၏နှစ်ပတ်လည် နိုင်ငံတော်မိန့်ခွန်း၏ အဖွင့်မှာပင် မူးယစ်ဆေးဝါးနှိမ်နင်းမှုများနှင့် ပတ်သက်၍ ကာကွယ်ပြောကြားခဲ့ခြင်း ဖြစ်သည်။ သုံးနှစ်ထဲသို့ဝင်လာပြီဖြစ်သော ဒူတာတေး၏ မူးယစ်ဆေးစစ်ပွဲအား နိုင်ငံတကာစောင့်ကြည့်သူများက ပြင်းပြင်းထန်ထန် ဝေဖန်ပြစ်တင်နေကြသော်လည်း ပြည်တွင်း၌မူ လူအများအပြား၏ ထောက်ခံမှုကို ရရှိနေဆဲ ဖြစ်သည်။

“ပွင့်ပွင့်လင်းလင်းပဲ ပြောပါရစေ။ မူးယစ်ဆေးစစ်ပွဲက ပြီးဆုံးဖို့ အများကြီးလိုပါသေးတယ်။ ဒီစစ်ပွဲဟာ ပထမဆုံးစစချင်းနေ့ ကလိုပဲ မဆုတ်မနစ်နဲ့ ကျောချမ်းစရာ ကောင်းနေဦးမှာပဲ ဖြစ်ပါတယ်” ဟု ဒူတာတေးက ရာပေါင်းများစွာသော ဥပဒေပြုအမတ်များ၊ ထင်ရှားကျော်ကြားသူများ၊ ဂုဏ်သရေရှိပုဂ္ဂိုလ်များကို ပြောကြားခဲ့သည်။

ဒူတာတေးသည် ၎င်းအာဏာရလာခဲ့သည့် ၂၀၁၆ ခုနှစ် ဇွန်လကတည်းက မူးယစ်ဆေးဝါးနှိမ်နင်းမှုကို စတင်ခဲ့ခြင်းဖြစ်သည်။ ထိုအချိန်မှစပြီး ရဲတပ်ဖွဲ့၏ စစ်ဆင်ရေးများအတွင်း အသတ်ခံခဲ့ရသည့် မူးယစ်ဆေးအသုံးပြုသူနှင့် ရောင်းဝယ်သူဟု သံသယရှိသူ ၄၃၅၄ ဦးရှိပြီဟု အစိုးရအရာရှိများက ပြောကြားခဲ့သည်။ သို့သော် အမှန်တကယ် အသတ်ခံခဲ့ရသူအရေအတွက်သည် ယင်းထက်သုံးဆထက်မနည်း ပိုများသည်ဟု လူ့အခွင့်အရေးအဖွဲ့များနှင့် ဝေဖန်သူများက ပြောကြားခဲ့ကြပြီး ယင်းသတ်ဖြတ်မှုများသည် လူသားချင်း စာနာမှုကိုဆန့်ကျင်သော ရာဇ၀တ်မှုများဖြစ်နေပြီဖြစ်သည်ဟုလည်း ၎င်းတို့က ဆိုသည်။

“ခင်ဗျားတို့ရဲ့ ဆန္ဒပြမှု၊ ကန့်ကွက်မှုတွေကြောင့် ကျွန်တော်က ဒီတိုက်ပွဲကိုဆက် မလုပ်တော့ဘူး ပြောမယ်လို့ ထင်တယ်ဆိုရင်တော့ ခင်ဗျားတို့ လုံးဝမှားသွားပါပြီ။ ခင်ဗျားတို့ စိတ်ပူတာက လူ့အခွင့်အရေးပါ။ ကျွန်တော်စိတ်ပူတာက လူ့အသက်တွေပါ” ဟု ဒူတာတေးက ဆက်လက်ပြောကြားခဲ့သည်။

ဒူတာတေးက ယခုကဲ့သို့ နိုင်ငံတော် မိန့်ခွန်းပြောကြားနေစဉ်မှာပင် ထောင်နှင့်ချီသော ဆန္ဒပြသူများသည် ဒူတာတေး အစိုးရ၏ မူဝါဒများ၊ မူးယစ်ဆေးစစ်ပွဲနှင့် ဖွဲ့စည်းပုံအခြေခံဥပဒေကို ပြန်ပြင်ရေးရန် အစီအစဉ်တို့အား ကန့်ကွက်ရန် လမ်းပေါ်ထွက်ဆန္ဒပြခဲ့ကြသည်။ ဆန္ဒပြသူများသည် သမ္မတ၏ပုံတူများကို မီးရှို့ခြင်း၊ လုပ်ခလစာများတိုးမြှင့်ရန်၊ ငွေကြေးဖောင်းပွမှုများ မြင့်တက်လာခြင်းမှ လွတ်မြောက်နိုင်ရန် တောင်းဆိုခဲ့ကြသည်။

တစ်ဖက်တွင်လည်း လွှတ်တော်ထဲ၌ နိုင်ငံရေးခွက်စောင်းခုတ်မှုများကြောင့် နိုင်ငံထဲမှ မွတ်စလင်လူနည်းစုများ ကိုကိုယ်ပိုင်အုပ်ချုပ်ခွင့်ပေးရန် ဥပဒေကိုအတည်ပြုရေးမှာ နှောင့်နှေးလျက်ရှိသည်။

လပေါင်းများစွာဆွေးနွေးမှုများ၊ ငြင်းခုံမှုများ ပြုလုပ်ခဲ့ပြီးနောက် ထိုဥပဒေမူကြမ်းသည် လွှတ်တော်တွင် အတည်ပြုပြီး ဒူတာတေးက လက်မှတ်ထိုးရန်သာရှိတော့သည်။ သို့သော် အောက်လွှတ်တော် ဥက္ကဋ္ဌနေရာကို ရရန်ကြိုးပမ်းမှုများကြောင့် ဥပဒေအား အတည်ပြုရေးမှာ နှောင့်နှေးနေသည်။ ဒူတာတေးကမူ ယင်းဥပဒေကြမ်း အတည်ပြုရေးသည် ရှေ့ဆက်သွားနေသည်ဟု ကတိပြုခဲ့သည်။

ထိုဥပဒေကြမ်းသည် နိုင်ငံ၏ အကြီးဆုံး အစ္စလာမ္မစ်သူပုန်အဖွဲ့ မိုရိုအစ္စလာမ္မစ်လွတ်မြောက်ရေးတပ်ဦးနှင့် ငြိမ်းချမ်းရေး သဘောတူချက်ချုပ်ဆိုရာတွင် လိုအပ်နေသည့် အဓိကအချက်ဖြစ်သည်။

Ref ; AFP

ဒူတာတေး၏ စာရင်းထဲ၌ပါသည့် ဖိလစ်ပိုင်မြို့တော်ဝန်ပစ်သတ်ခံရ

၂၀၁၆ ခုနှစ် ဇွန် ၁၈ ရက်က တာနူအန်အားကစားရုံမှ ထွက်ခွာလာသော မြို့တော်ဝန်ဟာလီလီ (လယ်) ကို တွေ့ရစဉ် (Photo – AFP)

ဖိလစ်ပိုင်သမ္မတ ရိုဒရီဂို ဒူတာတေး၏ မူးယစ်ဆေးဝါးနှင့် ဆက်နွှယ်မှုရှိသော အစိုးရ အရာရှိများစာရင်း၌ပါသည့် မြို့တော်ဝန်တစ်ဦးသည် ဇူလိုင် ၂ ရက်က နေ့ခင်းကြောင်တောင် အခမ်းအနားတစ်ခုအတွင်း လက်ဖြောင့်သေနတ်သမား၏ လက်ချက်ဖြင့် သေဆုံးခဲ့သည်ဟု ရဲများက ထုတ်ပြန်ခဲ့သည်။

မြို့တော်မနီလာတောင်ပိုင်း တာနူအန်ရှိ မြို့တော်ခန်းမ၌ အပတ်စဉ်ပြုလုပ်နေကျ အလံလွှင့်ထူရေးအခမ်းအနားအတွင်း မြို့တော်ဝန် အန်တိုနီယိုဟာလီလီသည် အဝေးမှပစ်လိုက်သည့် ကျည်တစ်ချက်ရင်ဘတ်သို့မှန်ကာ သေဆုံးခဲ့ခြင်း ဖြစ်သည်။ ထိုသို့ပစ်ခံရပြီးနောက် လူများသည် အလန့်တကြားနှင့် အော်ဟစ်ခဲ့ကြပြီး မြို့တော်ဝန်၏လုံခြုံရေး အဖွဲ့ဝင်များက သေနတ်များဖြင့် ပြန်လည်ပစ်ခတ်ခဲ့ကြသည်ဟု ဗီဒီယိုမှတ်တမ်းတစ်ခုတွင် တွေ့ရသည်။ သို့သော် သေနတ်သမားမှာ ထွက်ပြေးလွတ်မြောက်သွားပြီး ဟာလီလီမှာ သေဆုံးသွားပြီဖြစ်ကြောင်း ဆေးရုံက ထုတ်ပြန်ခဲ့သည်။

ထိုပစ်ခတ်မှုသည် မီတာ ၁၅၀ ( ၄၉၀ ပေ) အကွာမှ ပစ်လိုက်ခြင်းဖြစ်ကြောင်း တာနူအန် ရဲချုပ်ရီနာတိုမာဆယ်ဒိုက ပြောကြားခဲ့သည်။ “ဒီအကွာအဝေးကနေ ပစ်လိုက်တာဟာ အံ့မခန်းဖြစ်စဉ်ပါ။ သာမန်လူတစ်ဦးက ဘယ်လိုမှ လုပ်လို့မရပါဘူး။ သေနတ်သမားရဲ့ လက်ရည်ဟာ လေ့ကျင့်ထားတဲ့ လက်ဖြောင့်တစ်ဦးကို ယှဉ်လို့ရပါတယ်” ဟု ၎င်းက ပြောကြားခဲ့သည်။

အငြင်းပွားစရာပုဂ္ဂိုလ်တစ်ဦးဖြစ်သော ဟာလီလီသည် ကိုယ့်ကိုယ်ကို ဒူတာတေးနှင့် နှိုင်းယှဉ်ပြောကြားကာ ရာဇ၀တ်မှု၊ မူးယစ်ဆေးများနှင့် ပတ်သက်ပြီး ဒူတာတေး၏ တင်းမာသော သဘောထားများကိုလည်း လူသိရှင်ကြား မျှဝေခဲ့သူဖြစ်သည်။ ၂၀၁၇ ခုနှစ်တွင်မူ ဟာလီလီ၏အမည်သည် ဒူတာတေးက ထုတ်ပြန်ခဲ့သော မူးယစ်ဆေးဝါးနှင့် ဆက်နွှယ်မှုရှိသည့် အစိုးရအရာရှိများစာရင်းတွင် ပါဝင်လာခဲ့သည်။ ဟာလီလီသည် ထိုစာရင်းတွင် ပါဝင်ခဲ့ပြီးနောက် ရဲတပ်ဖွဲ့အား ထိန်းချုပ်ခွင့် ရုပ်သိမ်းခံလိုက်ရသည်။ သို့သော် ဟာလီလီက  ၎င်းသည် မူးယစ်ဆေးနှင့်မည်သို့မျှ ဆက်နွှယ်မှုမရှိဟု ငြင်းဆိုနေခဲ့သည်။

ဒူတာတေး၏ စာရင်းတွင် ပါဝင်သော အခြားမြို့တော်ဝန်သုံးဦးမှာလည်း ပစ်သတ်ခံခဲ့ရပြီးဖြစ်ကာ တစ်ဦးမှာအကျဉ်းထောင်၌ ရှိနေစဉ်မှာပင် အသတ်ခံရခြင်း ဖြစ်သည်။ ဖိလစ်ပိုင်တို့သည် ထိုကဲ့သို့ ပြည်တွင်းနိုင်ငံရေးသမားများ အခါအားလျော်စွာ အသတ်ခံနေရသည်ကို မြင်တွေ့နေကျဖြစ်သော်လည်း ဒူတာတေး၏ မူးယစ်ဆေးစစ်ပွဲနှင့် ပတ်သက်ပြီး ယခုကဲ့သို့ ပြောင်ပြောင်တင်းတင်း အသတ်ခံရမှုက ဒေါသထွက်မှုများကို ဖြစ်ပေါ်စေခဲ့သည်။ “ဒါဟာ အစိုးရရဲ့ မူးယစ်ဆေးစစ်ပွဲမှာ နောက်ထပ်တရားလက်လွတ် သတ်ဖြတ်မှုဆိုတာ ထင်ရှားနေပါတယ်” ဟု အတိုက်အခံခေါင်းဆောင် ဆီးနိတ်အမတ် ဖရန်စစ် ပန်ဂျီလီနန်က ပြောခဲ့သည်။

ဒူတာတေး၏ မူးယစ်ဆေးစစ်ပွဲအတွင်း အသတ်ခံခဲ့ရသည့် သံသယရှိသူ ၄၂၀၀ ကျော်ရှိပြီဖြစ်သည်ဟု အစိုးရက ထုတ်ပြန်ခဲ့သည် ။ သို့သော် အမှန်တကယ်အရေအတွက်သည် ထို့ထက် သုံးဆပိုမိုများပြားသည်ဟု လူ့အခွင့်အရေးလှုပ်ရှားသည့် အဖွဲ့များက ပြောခဲ့ကြသည်။

တာနူအန်မြို့ ရဲချုပ်မာဆယ်ဒိုက ဟာလီလီအသတ်ခံရမှုသည် တရားမ၀င်မူးယစ်ဆေးဝါး စွပ်စွဲမှုများနှင့် ဆက်စပ်နေနိုင်သည်ဟု ဆိုသည်။ ဒူတာတေး၏ ပြောခွင့်ရပုဂ္ဂိုလ် ဟာရီရော့က ဟာလီလီပစ်သတ်ခံရမှုကို ပြစ်တင်ခဲ့ပြီး ဟာလီလီသည် တိုးတက်မှုအရှိဆုံး မြို့တစ်မြို့၏ မြို့တော်ဝန်ဖြစ်သည်ဟု ချီးမွမ်းခဲ့သည်။

Ref; AFP

 

 

၎င်းတို့ ငါးဖမ်းသမားများထံမှ ငါးများ သိမ်းယူနေခြင်းကို ရပ်တန့်ရန် ဖိလစ်ပိုင်က တရုတ်ကို တောင်းဆို

မေ ၂၂ ရက်က ဖိလစ်ပိုင်ရေတပ်၏ နှစ် ၁၂၀ ပြည့် နှစ်ပတ်လည် အခမ်းအနားအတွင်း သမ္မတ ဒူတာတေးက အလေးပြုနေစဉ် (Photo: AFP)

အငြင်းပွားနေသော တောင်တရုတ် ပင်လယ်ထဲတွင် ဖိလစ်ပိုင် ငါးဖမ်းသမားများ ဖမ်းမိသည့် ငါးများကို သိမ်းယူနေခြင်းအား ရပ်တန့်ရန် ဖိလစ်ပိုင်အစိုးရက ဇွန် ၁၁ ရက်တွင် တရုတ်ကို တောင်းဆိုခဲ့ပြီး ယင်းလုပ်ရပ်အား လက်ခံနိုင်စရာ မရှိဟုလည်း ပြောကြားခဲ့သည်။

ဖိလစ်ပိုင်သည် ရင်းမြစ်ကြွယ်ဝသော ထိုရေပိုင်နက်နှင့် ပတ်သက်ပြီး တရုတ်အစိုးရနှင့် ထိပ်တိုက်မတွေ့ဘဲ ချဉ်းကပ်သည့် နည်းလမ်းကို အသုံးပြုနေခြင်း ဖြစ်သည်။ ထိုစဉ် ဖိလစ်ပိုင်သမ္မတ ရိုဒရီဂိုဒူတာတေး၏ ပြောခွင့်ရပုဂ္ဂိုလ်က ပြောခဲ့သော ယခုမှတ်ချက်များသည် တရုတ်ကို ဖိလစ်ပိုင်အစိုးရထံမှ ရှားရှားပါးပါး အပြစ်တင်မှု ဖြစ်လာခဲ့သည်။

ဖိလစ်ပိုင်နိုင်ငံ၏ အဓိကကျွန်း လူဇွန် နှင့် ၁၄၃ မိုင်သာ ကွာဝေးသော စကာဘိုရို သောင်ကို တရုတ်သည် ဖိလစ်ပိုင်ထံမှ ၂၀၁၂ ခုနှစ်တွင် သိမ်းယူခဲ့သည်။ တရုတ်သည် အဆိုပါသောင် အပါအ၀င် တောင်တရုတ်ပင်လယ် မှ ကျောက်တန်းအချို့ကို ထိန်းချုပ်ထားခြင်း ဖြစ်သည်။

မေလက စကာဘိုရိုသောင်တွင် ဖိလစ်ပိုင် ငါးဖမ်းသမားများက ဖမ်းမိသည် ငါးများ တရုတ်ကမ်းရိုးတန်းစောင့်များက သိမ်းယူခဲ့ခြင်းသည် ဖိလစ်ပိုင်များကို ထိုနေရာ၌ ငါးဖမ်းခွင့်ပြုမည်ဟု နှစ်နိုင်ငံကြားတွင် ရရှိထားသည့် သဘောတူညီချက်အား တရုတ်က ချိုးဖောက်လိုက်ခြင်းဖြစ်သည်ဟု ဒူတာတေး၏ ပြောခွင့်ရပုဂ္ဂိုလ် ဟာရီရော့က ဇွန် ၁၁ ရက်တွင် ပြောကြားခဲ့သည်။

“ကမ်းရိုးတန်းစောင့်တပ်ဖွဲ့တွေ ဒီလိုမျိုး လုပ်ရပ်တွေ လုပ်နေတာကို တရုတ်အာဏာပိုင်တွေဘက်က ရပ်တန့်ပေးဖို့လည်း တောင်းဆိုထားပါတယ်” ဟု ရော့က သတင်းထောက်များကို ပြောကြားခဲ့သည်။ “ဒါဟာ လက်ခံနိုင်စရာ မရှိပါဘူး။ ကျွန်တော်တို့ နိုင်ငံသားတွေထံကနေ ငါးတွေ ယူနေတာကို လက်မခံဘူးဆိုတဲ့အကြောင်း တရုတ်တွေကို အကြောင်းကြားထားပါတယ်” ဟု ၎င်းက ပြောကြားခဲ့သည်။ ယခုကိစ္စနှင့် ပတ်သက်၍ အေအက်ဖ်ပီ သတင်းဌာန၏ ဆက်သွယ်မေးမြန်းခြင်းကို မနီလာရှိ တရုတ်သံရုံးက တုံ့ပြန်ဖြေကြားခြင်း မရှိသေးပေ။

သို့သော် ရော့က ယခုလုပ်ရပ်ကို အနိုင်ကျင့်ခြင်း ဖြစ်သည်ဟု မပြောခဲ့ပေ။ ရော့၏ ပြောကြားချက်အရ ထိုစဉ်က တရုတ်ကမ်းရိုးတန်းစောင့်များသည် ယင်းသို့ သိမ်းယူခဲ့သည့်အတွက် အပြန်အလှန်အနေနှင့် ဖိလစ်ပိုင် ငါးဖမ်းသမားများကို ခေါက်ဆွဲများ၊ စီးကရက်များနှင့် ရေများကို ပေးခဲ့သည်ဟု သိရသည်။ ရော့နှင့်အတူ သတင်းစာရှင်းလင်းပွဲသို့ ရောက်ခဲ့သည့် ငါးဖမ်းသမားများကမူ တရုတ်တို့၏ ထပ်တလဲလဲ သိမ်းယူမှုများကို တားမြစ်ရန် ၎င်းတို့တွင် စွမ်းအားမရှိဟု ဆိုခဲ့ကြသည်။

“တရုတ် ကမ်းရိုးတန်းစောင့်တွေဟာ ကျွန်တော်တို့ လှေပေါ်ကို တက်လာပြီး ဖမ်းထားတဲ့ ငါးတွေကို ကြည့်ပါတယ်။ နောက်ပြီး အကောင်းဆုံးတွေကို ရွေးယူသွားပါတယ်။ သူတို့ သင်္ဘောကြီးတွေက ကြီးတော့ ကျွန်တော်တို့ ဘာမှ မလုပ်နိုင်ခဲ့ပါဘူး” ဟု ငါးဖမ်းသမားတစ်ဦးက ပြောကြားခဲ့သည်။

အငြင်းပွားနေသော ရေပိုင်နက်ထဲတွင် တရုတ်၏ လုပ်ရပ်များအပေါ် တုံ့ပြန်မှု အားနည်းသည်ဟု ဝေဖန်မှုများကို ဒူတာတေး၏ အစိုးရအဖွဲ့က ပယ်ချထားသည်။ တရုတ်သည် မေလက စပရက်တလီကျွန်းစုပေါ်တွင် သင်္ဘောဖျက် ခရုဇ်ဒုံးကျည်များ၊ မြေပြင်မှ ဝေဟင်ပစ် ဒုံးကျည်များကို တပ်ဖြန့်ထားပြီး အခြားသော အငြင်းပွားနေသည့် ရေပြင်မှ အခြေစိုက်စခန်းသို့ ဗုံးကြဲလေယာဉ်များ ပျံသန်းခဲ့သည်ဟု သတင်းများ ထွက်ပေါ်ခဲ့သည်။

ဖိလစ်ပိုင်သည် အော်ကြီးဟစ်ကျယ်လုပ်ပြီး တရုတ်ကို ဒေါသထွက်အောင် လုပ်မည်မဟုတ်ဘဲ ပိုင်နက်များကို ကာကွယ်ရန် သံတမန်ရေး နည်းလမ်းအားလုံးကို သုံးသွားမည်ဖြစ်သည်ဟု ဒူတာတေး၏ လက်ထောက်များက ပြောခဲ့ဖူးသည်။

အနမ်းအရှုပ်တော်ပုံကြောင့် အမျိုးသမီးများ၏ ဆန့်ကျင်မှု ကြီးမားလျှင် ရာထူးမှနုတ်ထွက်မည်ဟု ဒူတာတေး ပြောကြား

ဇွန် ၄ ရက်က ဆိုးလ်မြို့ရှိ နိုင်ငံတော်သင်္ချိုင်းသို့ ရောက်လာသော ဖိလစ်ပိုင်သမ္မတ ရိုဒရီဂိုဒူတာတေးအား တွေ့ရစဉ် (Photo: AFP)

တောင်ကိုရီးယားတွင် ပြည်ပရောက် အိမ်ထောင်ရှင် ဖိလစ်ပိုင်အမျိုးသမီးတစ်ဦးအား လူမြင်ကွင်း၌ နမ်းခဲ့မှုကို ဖိလစ်ပိုင်သမ္မတ ရိုဒရီဂိုဒူတာတေးက ကာကွယ်ပြောကြားခဲ့ပြီး အတော်အသင့်ပမာဏရှိသော အမျိုးသမီးများက ရာထူးမှနုတ်ထွက်ပေးရန်အတွက် လက်မှတ်ရေးထိုး တောင်းဆိုလျှင် ရာထူးမှ နုတ်ထွက်မည်ဖြစ်ကြောင်း ဇွန် ၅ ရက်တွင် ပြောကြားခဲ့သည်။

ဇွန် ၂ ရက်က ပြုလုပ်ခဲ့သော ထိုလုပ်ရပ်သည် ပြည်ပရောက် ဖိလစ်ပိုင်နိုင်ငံသား ပရိသတ်များအား စိတ်ပျော်ရွှင်စေရန် ရည်ရွယ်သည့် ရိုးသားသော သရုပ်ပြမှုသာဖြစ်ကြောင်း ဒူတာတေးက ကာကွယ်ပြောကြားခဲ့သည်။ သို့သော် အမျိုးသမီးရေး လှုပ်ရှားသူများကမူ ယင်းနမ်းမှုသည် အမျိုးသမီးဝေဖန်သူများအား မခံချင်အောင် ထိကပါး ရိကပါးပြောတတ်သည့် ဒူတာတေး၏ သွေဖည်သောလုပ်ရပ်ဖြစ်ကြောင်း ပြင်းပြင်းထန်ထန် ဝေဖန်ခဲ့ကြသည်။ ဒူတာတေးသည် လိင်ပိုင်းဆိုင်ရာ စော်ကားမှုအချို့အပါအ၀င် ရိုင်းစိုင်းသော မှတ်ချက်များအား မကြာခဏ ပြောကြားမှုများအတွက်လည်း ဝေဖန်သူများက အလွန်အမင်း ဒေါသထွက်ခဲ့ကြသည်။

“အမျိုးသမီးတွေက အတော်များများပေါ့။ ကျုပ်ကို ရာထူးကနေ နုတ်ထွက်ဖို့အတွက် ဒီက အမျိုးသမီးတွေအားလုံးက လက်မှတ်ထိုး တောင်းဆိုကြမယ်ဆိုရင် ကျုပ် နုတ်ထွက်ပေးမယ်” ဟု ဒူတာတေးက တောင်ကိုရီးယား ခရီးစဉ်မှ ပြန်လာပြီးနောက် ဇွန် ၅ ရက် ညတွင် မီဒီယာများကို ပြောကြားခဲ့သည်။ ဒူတာတေးက ဆိုးလ်ရှိ ထိုတွေ့ဆုံပွဲအခမ်းအနား၌ စာအုပ်တစ်အုပ်နှင့် အနမ်း အလဲအထပ်ပြုလုပ်ရန် အမည်မဖော်ပြနိုင်သော ဖိလစ်ပိုင်အမျိုးသမီးတစ်ဦးအား စင်ပေါ်၌ နမ်းနေမှုကို ရိုက်ကူးထားသည့် ဓာတ်ပုံများနှင့် ဗီဒီယိုများသည် အွန်လိုင်းတွင် ပျံ့နှံ့ခဲ့သည်။

ဒူတာတေးက နမ်းခဲ့သည့် Bea Kim ဟုခေါ်သော ထိုအမျိုးသမီးက ယင်းလုပ်ရပ်တွင် မလိုတမာစိတ်မရှိကြောင်း ဖိလစ်ပိုင် အစိုးရမီဒီယာ၌ ကာကွယ်ပြောကြားခဲ့သည်။ သို့သော် အတိုက်အခံများကမူ ဒူတာတေးသည် ဖိအားပေး၍ လုပ်ဆောင်ခဲ့သည်ဟု အပြစ်တင်ခဲ့ကြသည်။ ဇနီးဟောင်းနှင့် သမီးတစ်ဦးရရှိထားပြီး လက်ရှိ လက်တွဲဖော်နှင့် နောက်ထပ် သမီးတစ်ဦးရရှိထားသည့် ဒူတာတေးက ထိုဖြစ်ရပ်သည် ဖြစ်ရိုးဖြစ်စဉ်သာဖြစ်ကြောင်း အာခံပြောကြားခဲ့သည်။

ဒူတာတေးသည် ပြည်ပရောက် ဖိလစ်ပိုင်နိုင်ငံသား အများအပြားအကြားတွင် ရော့ခ်စတားတစ်ဦးအဖြစ် ထင်ရှားကျော်ကြားခဲ့သည်။ ဒူတာတေးက အမျိုးသမီးများအား နမ်းမှုသည် ၎င်းသမ္မတ မဖြစ်လာမီက နိုင်ငံတောင်ပိုင်းရှိ ဒါဗာအိုမြို့၌ မြို့တော်ဝန်အဖြစ် ၂၂ နှစ်ကြာ ထမ်းဆောင်စဉ်က ၎င်း၏ဟန်ပန်ဖြစ်ကြောင်း ကြွားဝါခဲ့သည်။ မြို့တော်ဝန်အဖြစ် မဲဆွယ်စဉ်အတွင်း အမျိုးသမီးတိုင်းအား နှုတ်ခမ်းချင်း နမ်းခဲ့ကြောင်း၊ ပြဿနာမှာ ၎င်း၏အကြောင်းအား မသိကြခြင်းဖြစ်ကြောင်း အသက် ၇၃ နှစ်ရှိ ဒူတာတေးက ပြောကြားခဲ့သည်။

ဒူတာတေးသည် မုဒိမ်းမှုအား လူသိရှင်ကြား ဟာသလုပ်မှု အပါအ၀င် အမျိုးသမီးများနှင့် ပတ်သက်၍ အငြင်းပွားဖွယ်မှတ်ချက်များ ပြောကြားခဲ့သော်လည်း ပြည်တွင်း၌ ၎င်းအား ထောက်ခံမှုကိုမူ မထိခိုက်ခဲ့ပေ။

Ref: AFP, Reuters

ဒူတာတေးက ကုလသမဂ္ဂ အထူးအစီရင်ခံစာတင်သွင်းသူကို ငရဲသို့ သွားရန် ပြောကြား

ဇွန် ၃ ရက်က မနီလာ အပြည်ပြည်ဆိုင်ရာ လေဆိပ်၌ သတင်းထောက်များကို စကားပြောနေသည့် ဖိလစ်ပိုင်သမ္မတ ရိုဒရီဂိုဒူတာတေးအား တွေ့ရစဉ် (Photo: AFP)

ဖိလစ်ပိုင်သမ္မတရိုဒရီဂို ဒူတာတေးက ကုလသမဂ္ဂမှ လူ့အခွင့်အရေးကျွမ်းကျင်သူ တစ်ဦးကို ‘ငရဲသို့ သွား’ ဟု ဇွန် ၃ ရက်က ပြောကြားခဲ့ကြောင်း သိရသည်။ ကုလသမဂ္ဂ အထူးအစီရင်ခံစာတင်သွင်းသူ ဒီယေဂို ဂါဆီယာ-ဆေယန်သည် ဖိလစ်ပိုင်ထိပ်တန်း တရားသူကြီးတစ်ဦးအပေါ် ဒူတာတေး၏ ခြိမ်းခြောက်မှုအား ဝေဖန်ခဲ့ခြင်းကြောင့် ယခုကဲ့သို့ ပြောခံရခြင်းဖြစ်သည်။

တရားသူကြီးချုပ်ဟောင်း မာရီယာ လော်ဒီဆီရီနိုအပေါ် ဆန့်ကျင်သော သမ္မတ ဒူတာတေး၏ ထုတ်ပြန်ချက်များသည် တရားရေးကဏ္ဍကို ပြင်းထန်သော တိုက်ခိုက်မှုတစ်ခု ဖြစ်ခဲ့သည်ဟု ဂါဆီယာဆေယန်က ပြောကြားခဲ့ပြီးနောက် ၎င်းအပေါ် ဒူတာတေး၏ ကြမ်းတမ်းသော ပြစ်တင်ဝေဖန်မှုများ ထွက်ပေါ်လာခြင်းဖြစ်သည်။ ဂါဆီယာဆေယန်သည် တရားသူကြီးများ၊ ရှေ့နေများ၏ အမှီအခိုကင်းမှုနှင့် ပတ်သက်သော ကုလသမဂ္ဂ၏ အထူးအစီရင်ခံစာ တင်သွင်းသူဖြစ်သည်။

ဒူတာတေးက အမျိုးသမီးတစ်ဦးဖြစ်သည့် ဆီရီနိုကို သူ၏ ရန်သူဖြစ်သည့်အကြောင်း ပွင့်ပွင်းလင်းလင်းခေါ်ဆိုကာ အလျင်အမြန် ဖယ်ရှားပေးရန် တောင်းဆိုခဲ့ပြီးနောက် ပြီးခဲ့သည့်လက ဆီရီနိုကို ၎င်း၏ လုပ်ဖော်ကိုင်ဖက်များက မဲပေးကာ ရာထူးမှ ဖယ်ရှားလိုက်ကြခြင်း ဖြစ်သည်။

“ကျုပ်တို့ နိုင်ငံ့အရေးကို ၀င်မပါဖို့ သူ့ကို (ဂါဆီယာ ဆေယန်) ကို ပြောလိုက်” ဟု ဒူ တာတေးက မနီလာတွင် သတင်းထောက်များကို ပြောကြားခဲ့ပြီးနောက် ဂါဆီယာဆေယန်ကို ငရဲသို့ သွားရန်လည်း ပြောခဲ့သည်။ “သူဟာ အထူးပုဂ္ဂိုလ်တစ်ဦး မဟုတ်ပါဘူး။ သူ့ရဲ့ အထူးအစီရင်ခံစာ တင်သွင်းသူဆိုတဲ့ ရာထူးကိုလည်း ကျုပ်က အသိအမှတ်ပြုမှာ မဟုတ်ဘူး” ဟု သမ္မတက ဆိုသည်။

သို့သော် ဒူတာတေးက ဆီရီနိုအား ဖြုတ်ချရန် ၎င်းဘက်မှ တစ်စုံတစ်ရာ လုပ်ဆောင်ခဲ့ခြင်းမရှိဟု အခိုင်အမာ ပြောကြားခဲ့သည်။

အသက် ၇၃ နှစ်အရွယ် ဒူတာတေးသည် ၎င်းအာဏာရခဲ့သည့် ၂၀၁၆ ခုနှစ် ကတည်းက စတင်သော မူးယစ်ဆေးစစ်ပွဲကို ဝေဖန်သူများအား ပြန်၍ ပြင်းပြင်းထန်ထန် ပြစ်တင်လေ့ရှိပြီး ရံဖန်ရံခါတွင် ကြမ်းတမ်းသော စကားများကို သုံးလေ့ရှိသည်။ ဒူတာတေး၏ အတိုက်အခံများအနက် အချို့မှာလည်း ရာထူးမှ ဖြုတ်ချခံရခြင်း၊ အပြစ်ပေးခံရခြင်း၊ ခြိမ်းခြောက်ခံရခြင်းတို့နှင့် ရင်ဆိုင်ခဲ့ရသည်။

ဆီရီနိုသည် ဒူတာတေး၏ မူးယစ်ဆေး နှိမ်နင်းမှု စစ်ပွဲကြီးအပေါ် ဝေဖန်ပြစ်တင်နေသော နောက်ဆုံးလက်ကျန် ထိပ်ပိုင်းပုဂ္ဂိုလ်တစ်ဦး ဖြစ်လာစဉ် ယခုကဲ့သို့ ဖြုတ်ချခံခဲ့ရခြင်းလည်း ဖြစ်သည်။

ဆီရီနိုအပေါ် ဒူတာတေးက လူသိရှင်ကြား ခြိမ်းခြောက်မှုများကြောင့် တရားရေးကဏ္ဍထဲရှိ ဆီရီနို၏ လုပ်ဖော်ကိုင်ဖက်များမှာ ထိတ်လန့်သွားကြခြင်းဖြစ်ကြောင်း ကုလသမဂ္ဂမှ ဂါဆီယာဆေယန်က ဇွန် ၁ ရက်တွင် ပြောကြားခဲ့သည်။ “အဲသလို ရိုင်းစိုင်းတဲ့ အသုံးအနှုန်းတွေ သုံးလိုက်ခြင်းဟာ မူးယစ်ဆေးစစ်ပွဲမှာ ငါနဲ့ အတူပူးပေါင်းမလား ဒါမှမဟုတ် ဆန့်ကျင်မလားဆိုပြီး ဖိလစ်ပိုင်ထဲက တရားသူကြီးတွေအားလုံးကို ရှင်းရှင်းလင်းလင်း သတိပေးလိုက်တာ ဖြစ်ပါတယ်” ဟု ဂါဆီယာဆေယန်က ပြောခဲ့သည်။

မူးယစ်ဆေးနှိမ်နင်းရေး စစ်ပွဲအတွင်း မူးယစ်ဆေးမှုနှင့် ပတ်သက်သည်ဟု သံသယရှိသူ ၄၂၇၉ ဦးကို သတ်ခဲ့သည်ဟု ဖိလစ်ပိုင်ရဲတို့က ပြောကြားခဲ့သည်။ သို့သော် လူ့အခွင့်အရေး လှုပ်ရှားသည့်အဖွဲ့များကမူ အမှန်တကယ် ပမာဏသည် သုံးဆ ပိုများပြားနေဖွယ်ရှိသည်ဟု ဆိုသည်။

Ref: AFP

တရုတ်လိုလားသည့် ဒူတာတေးလက်ထက်တွင် အမေရိကန်နှင့် ဖိလစ်ပိုင် ပူးတွဲစစ်ရေးလေ့ကျင့်မှု စတင်

မေ ၇ ရက်က မနီလာရှိ ဖိလစ်ပိုင်စစ်ဌာနချုပ်တွင် စစ်ရေးလေ့ကျင့်မှုအား ဦးဆောင်သည့် ဖိလစ်ပိုင်ဒုတိယဗိုလ်ချုပ်ကြီး ဆာလာမတ် (၀ဲ) က အမေရိကန်ဒုတိယဗိုလ်ချုပ်ကြီး နီကိုဆန်အား နှုတ်ဆက်နေစဉ် (Photo – AFP)

တောင်တရုတ်ပင်လယ်ရှိ ပိုင်ဆိုင်မှု အငြင်းပွားနေသော ကျွန်းစုတစ်ခုတွင် တရုတ်က ဒုံးများ ချထားကြောင်း သတင်းများ ထွက်ပေါ်နေမှုကို အများစုက နှုတ်ဆိတ်နေကြစဉ် အမေရိကန်နှင့် ဖိလစ်ပိုင်တို့သည် ကမ္ဘာလုံးဆိုင်ရာ အကြမ်းဖက်မှုအား တိုက်ဖျက်ရန် ရည်ရွယ်သည့် အဓိက စစ်ရေးလေ့ကျင့်မှုများကို မေ ၇ ရက်တွင် စတင်ခဲ့သည်။ တရုတ်၏ ကုန်သွယ်မှုနှင့် ရင်းနှီးမြှုပ်နှံမှုများအား ရရှိစေရန်အတွက် ရေပိုင်နက်အငြင်းပွားမှုတွင် အခိုင်အမာ ထုတ်ပြန်နေမှုများကို မှိန်ချခဲ့သည့် သမ္မတဒူတာတေးလက်ထက်တွင် နှစ်စဉ်ပြုလုပ်နေကျ ယခု စစ်ရေးလေ့ကျင်မှုသည် ဒုတိယအကြိမ် ဖြစ်သည်။

ဖိလစ်ပိုင်ကလည်း ပိုင်ဆိုင်သည်ဟု အခိုင်အမာ ထုတ်ပြန်ထားသော ကျွန်းစုတွင် တရုတ်က ပြီးခဲ့သောလ၌ သင်္ဘောဖျက်နှင့် ဝေဟင်မှ ဝေဟင်ပစ်ဒုံးများအား တပ်ဆင်ခဲ့ကြောင်း အမေရိကန်သတင်းဌာန CNBC က ထုတ်ပြန်ခဲ့ပြီးနောက် တစ်ပတ်မပြည့်သေးမီ အမေရိကန်နှင့် ဖိလစ်ပိုင်တို့က ၁၂ ရက်ကြာမြင့်မည့် ထိုစစ်ရေးလေ့ကျင့်မှုကို စတင်ခဲ့ခြင်း ဖြစ်သည်။

ယခုပူးတွဲလေ့ကျင့်မှုသည် ဒေသတွင်း၌ မကြာသေးမီက ဖြစ်ပေါ်ခဲ့သည့် အခြေအနေများနှင့် မသက်ဆိုင်ဘဲ တရုတ်က ဒုံးများအား ချထားသည်ဖြစ်စေ၊ မချထားသည်ဖြစ်စေ ပြုလုပ်ရန် စီစဉ်ထားပြီးဖြစ်ကြောင်း  အမေရိကန်ဒုတိယဗိုလ်ချုပ်ကြီး လောရင့်နီကိုဆန်က ပြောကြားခဲ့သည်။

ဒူတာတေး၏ရှေ့မှ ဖိလစ်ပိုင်သမ္မတ ဘင်နစ်နိုအကွီနိုသည် တရုတ်အား ဟန့်တားနိုင်ရန် ဖိလစ်ပိုင်စစ်တပ်၏ စွမ်းရည်မြှင့်တင်နိုင်ရန်အတွက် ထိုပူးတွဲလေ့ကျင့်မှုများကို အသုံးချခဲ့သည်။သို့သော် ၂၀၁၆ ခုနှစ်တွင်  သမ္မတရွေးကောက်ပွဲ၌ အနိုင်ရခဲ့သော ဒူတာတေးက ယင်းစစ်ရေးလေ့ကျင့်မှုများကို ပြည်တွင်းပြဿနာများအား ဖြေရှင်းရန်အတွက်သာ ပြောင်းလဲအာရုံစိုက်ခဲ့သည်။

ပြီးခဲ့သောနှစ်တွင် ပြုလုပ်ခဲ့သော Balikatan ပူးတွဲစစ်ရေးလေ့ကျင့်မှုသည် ဖိလစ်ပိုင်တွင် မကြာခဏ ကြုံတွေ့နေရသော သဘာဝဘေးအန္တရာယ်များ ကျရောက်စဉ် လူသားချင်းစာနာမှုဆိုင်ရာ တုံ့ပြန်ဖြေရှင်းမှုများအတွက်သာ အဓိက အာရုံစိုက်ခဲ့သည်။ ၂၀၁၇ ခုနှစ်တွင် IS ဘက်တော်သား တိုက်ခိုက်ရေးသမားများက ဖိလစ်ပိုင်တောင်ပိုင်းရှိ မာရာဝီမြို့အား တိုက်ခိုက်သိမ်းပိုက်ပြီး အမေရိကန် ကျောထောက်နောက်ခံပြု ဖိလစ်ပိုင်တပ်ဖွဲ့ဝင်များနှင့် ငါးလကြာတိုက်ခိုက်မှု ဖြစ်ပွားခဲ့ပြီးနောက် ယခုနှစ် ပူးတွဲစစ်ရေး လေ့ကျင့်မှုသည် အကြမ်းဖက်မှု တိုက်ဖျက်ရေးကို အဓိက အာရုံစိုက်မည် ဖြစ်သည်။

ယခုနှစ် စစ်ရေးလေ့ကျင့်မှုတွင် ပါဝင်သော ဖိလစ်ပိုင်တပ်ဖွဲ့ဝင် ၅ç၀၀၀ နှင့် အမေရိကန်တပ်ဖွဲ့ဝင် ၃ç၀၀၀ တို့အနက်အများစု ကိုသဘာဝဘေး သို့မဟုတ် လူကြောင့်ဖြစ်ပွားသော ဘေးအန္တရာယ်များနှင့် ကပ်ဘေးများကို တုံ့ပြန်ဖြေရှင်းရန်အတွက် မြို့ပြတိုက်ပွဲ ပုံစံဖန်တီးလေ့ကျင့်မှုတွင် လေ့ကျင့်ပေးမည်ဖြစ်ကြောင်း သိရသည်။

ထိုပူးတွဲစစ်ရေးလေ့ကျင့်မှုသို့ သြစတြေးလျနှင့် ဂျပန်တို့ကလည်း စစ်ဘက်စောင့်ကြည့်သူ စုစုပေါင်း ၄၂ ဦးကို စေလွှတ်ခဲ့ကြောင်း ဖိလစ်ပိုင်ဒုတိယဗိုလ်ချုပ်ကြီး အီမန်နျူရယ်ဆာလာမတ်က ပြောကြားခဲ့သည်။

ကျေးလက်အခြေစိုက် ကွန်မြူနစ်နှင့် မွတ်စလင်သူပုန်များအား ဆယ်စုနှစ်များစွာ တိုက်ခိုက်ခဲ့ရပြီးနောက် မာရာဝီတွင် မြို့ပြတိုက်ပွဲ၌ အလွန်အမင်း ရုန်းကန်ခဲ့ရသည့် ဖိလစ်ပိုင်တပ်ဖွဲ့ဝင်များကို လေ့ကျင့်မှုနှင့် အကူအညီများ ပိုမိုပေးအပ်ရန် အမေရိကန်နှင့် သြစတြေးလျတို့က ကတိပြုခဲ့သည်။

တောင်တရုတ်ပင်လယ်ရှိ ပိုင်နက်အငြင်းပွားမှုသည် နှစ်ပေါင်းများစွာ ဖြစ်ပေါ်နေခဲ့ပြီး ကမ္ဘာလုံးဆိုင်ရာ ရေကြောင်းသွားလာမှုအတွက် အချက်အချာကျပြီး ရေနံနှင့်သဘာဝဓာတ်ငွေ့သိုက်များ အလျှံပယ်ရှိသည်ဟု ယုံကြည်ထားကြသည့် ထိုဒေသ၏ အစိတ်အပိုင်းကို ပိုင်ဆိုင်ကြောင်း ဗီယက်နမ်၊ မလေးရှားနှင့် နိုင်ငံအချို့တို့ကလည်း အပြိုင်ထုတ်ပြန်ထားကြသည်။

Ref ; AFP

အပြည်ပြည်ဆိုင်ရာ ရာဇ၀တ်မှုတရားရုံးက သူ့အား တရားမစွဲနိုင်ဟု ဖိလစ်ပိုင်သမ္မတဒူတာတေး ပြောကြား

ဒါဗာအိုတွင် ဖေဖော်ဝါရီ ၉ ရက်က သတင်းစာရှင်းလင်းပွဲ၌ တွေ့ရသော သမ္မတ ဒူတာတေး (Photo – AFP)

ဖိလစ်ပိုင်တွင် တရားမ၀င်မူးယစ်ဆေးဝါး တိုက်ဖျက်ရေးစစ်ပွဲ၌ လူထောင်ပေါင်းများစွာ သေဆုံးခဲ့ရမှုအား အကြို စုံစမ်းစစ်ဆေးမည်ဟု အပြည်ပြည်ဆိုင်ရာ ရာဇ၀တ်မှု တရားရုံး (အိုင်စီစီ) က ထုတ်ပြန်ခဲ့ပြီးနောက် ဖိလစ်ပိုင်သမ္မတ ရိုဒရီဂိုဒူတာတေးက သူသည် ယင်းစီရင်ပိုင်ခွင့်မှ ကျော်လွန်နေကြောင်း ဖေဖော်ဝါရီ ၉ ရက်တွင် ကြေညာခဲ့သည်။

အိုင်စီစီ၏ ကြေညာချက်ထုတ်ပြန်အပြီး နောက်တစ်နေ့တွင် မိန့်ခွန်းပြောရာ၌ ဒူတာတေးက ကမ္ဘာတွင် တစ်ခုတည်းရှိသော စစ်ရာဇ၀တ်မှုတရားရုံးမှ နုတ်ထွက်သွားမည်ဟု ထပ်မံခြိမ်းခြောက်ခဲ့သည်။

၂၀၁၆ ခုနှစ်တွင် သမ္မတဖြစ်လာခဲ့ပြီးနောက်ပိုင်း လူသေဆုံးမှုများပြားသော မူးယစ်ဆေးဝါး နှိမ်နင်းရေးစစ်ပွဲကို ဦးဆောင်ခဲ့သည့် ဒူတာတေးက အိုင်စီစီအား ထူထောင်ခဲ့သည့် သဘောတူညီချက်ကို ယခင်ဖိလစ်ပိုင်အစိုးရက အတည်ပြုခဲ့ခြင်းဖြစ်ကြောင်း အသိအမှတ် ပြုလက်ခံခဲ့သော်လည်း လုပ်ထုံးလုပ်နည်းများကြောင့် ဒေသဆိုင်ရာဥပဒေအဖြစ်သို့ ပြဋ္ဌာန်းခဲ့ခြင်းမရှိကြောင်း အခိုင်အမာ ပြောကြားခဲ့သည်။

တရားလက်လွတ် သတ်ဖြတ်မှုများအတွက် မည်သည့်ပြဋ္ဌာန်းချက်မျှ မရှိသည့်အပြင် မည်သည့်နေရာတွင်မျှ အတိအကျဖွင့်ဆိုထားခြင်းလည်း မရှိရာ ရာဇ၀တ်မှုကျူးလွန်သည်ဟု သူ့အား မည်သို့စွပ်စွဲမည်နည်းဟု ဒူတာတေးက ၎င်း၏ ဇာတိဒါဗာအိုမြို့၌ ပြောကြားသောမိန့်ခွန်းတွင် ပြောကြားခဲ့သည်။

တရားမ၀င် မူးယစ်ဆေးဝါးနှိမ်နင်းရေး စစ်ပွဲတွင် မူးယစ်ဆေးမှုဖြင့် သံသယရှိသူ ၄၀၀၀ နီးပါးအား သတ်ဖြတ်ခဲ့ကြောင်း ဖိလစ်ပိုင်ရဲတပ်ဖွဲ့က ထုတ်ပြန်ထားသည်။

ဒေါသပေါက်ကွဲသည့် ကြေညာချက်များနှင့်အတူ လူသတ်မှုများအတွက် ဆွပေးလေ့ရှိသည်ဟု စွပ်စွဲခံရသော ဒူတာတေးက အာရှ၏ အစိတ်အပိုင်းအားလုံးတွင် လူအစုလိုက်အပြုံလိုက် သတ်ဖြတ်မှုများ ဖြစ်ပွားနေချိန်တွင် စုံစမ်းစစ်ဆေးရန် ၎င်းကိုသာ ကွက်၍ရွေးချယ်ခဲ့ကြောင်း၊ ရှင်းရှင်းပင် ပြောမည်ဖြစ်ကြောင်း၊ အိုင်စီစီမှ ဖိလစ်ပိုင်နုတ်ထွက်မည်ဖြစ်ကြောင်း ဒူတာတေးက အစောပိုင်း ခြိမ်းခြောက်မှုကို ထပ်မံပြောကြားခဲ့သည်။

အိုင်စီစီ၏ အကြိုစုံစမ်းစစ်ဆေးမှုသည် တရားစီရင်ရန်အတွက် ခိုင်လုံမှုရှိ၊ မရှိကို ဆုံးဖြတ်နိုင်ရန် ရှေ့နေများအား ကူညီပေးရန်ဖြစ်ကြောင်း၊ ယင်းနောက် အပြည့်အ၀ စုံစမ်းစစ်ဆေးမှုဆောင်ရွက်ပြီး နောက်ဆုံးတွင်စွဲချက်များ တင်သွားရန်ဖြစ်ကြောင်း သိရသည်။

Ref ; AFP

ဖိလစ်ပိုင်သမ္မတ ဒူတာတေးက ပီကေ၀ါးသည့် အကျင့်ကို ထုတ်ဖော်ရှင်းပြ

၂၀၁၇ ခုနှစ် ဇန်န၀ါရီ ၁၃ ရက်က ဒါဗာအိုမြို့တွင် အခမ်းအနား တစ်ခုသို့တက်ရောက်လာသည့် ဖိလစ်ပိုင်သမ္မတ ဒူတာတေးနှင့် ဇနီး၊ ဂျပန်ဝန်ကြီးချုပ် အာဘေးနှင့် ဇနီး (Photo: AFP)

ကမ္ဘာ့ခေါင်းဆောင်များနှင့် တွေ့ဆုံမှုတွင်ပင် လူမြင်ကွင်း၌ ပီကေ၀ါးသည့်အကျင့်ရှိသော ဖိလစ်ပိုင်သမ္မတရိုဒရီဂိုဒူတာတေးက ၎င်း၏ကျောရိုးနာကျင်မှုမှ သက်သာရာရစေရန် ပီကေ၀ါးခြင်းဖြစ်ကြောင်း ထုတ်ဖော် ပြောကြားခဲ့သည်။

ဒေါသထွက်လွယ်သည့် အသက် ၇၂ နှစ်ရှိပြီဖြစ်သော ဒူတာတေးသည် မိန့်ခွန်းများ၌ ဆဲဆိုကြိမ်းဝါးမှုများ၊ လူမြင်ကွင်း၌ ပီကေ၀ါးမှုများ၊ ထသွားထလာ အ၀တ်အစားများ ၀တ်ဆင်မှု၊ တစ်ခါတစ်ရံ ခြေအိတ်များ ချွတ်ထားမှုစသည်တို့ဖြင့် သင့်တင့်လျောက် ပတ်စွာနေထိုင်ရမည့် အမူအကျင့်များဆိုင်ရာ အစဉ်အလာကို ချိုးဖောက်ခဲ့သည်။

၎င်း၏တာဝန်ထမ်းဆောင်မှုများအတွက် ပြည်သူက သူ့ကို မည်သို့ပြန်လည် ပေးဆပ်သင့်ကြောင်း ဇန်န၀ါရီ ၁၁ ရက်က သီးသန့်တွေ့ဆုံမှုတစ်ခု၌ မိန့်ခွန်းပြောရာတွင် ဒူတာတေးက ၎င်း၏ ပီကေ၀ါးတတ်သည့်အကျင့်ကို ထပ်မံအတည်ပြုခဲ့ခြင်းဖြစ်သည်။

ပီကေ၀ါးနေလျှင် နာကျင်မှုသက်သာစေသောကြောင့် ၎င်းအား ပီကေသာပေးရန် ဒူတာတေးက ပြောကြားခဲ့ကြောင်း သမ္မတရုံးက ဇန်န၀ါရီ ၁၂ ရက်တွင် ထုတ်ပြန်ခဲ့သော မိန့်ခွန်းမှတ်တမ်းအရ သိရသည်။

၎င်း၏ ကျောရိုးအခြေအနေနှင့်ပတ်သက်၍ တစ်စုံတစ်ရာလုပ်ဆောင်ရမည်ဖြစ်ကြောင်း ဒူတာတေးက အကြံပြုခဲ့သော်လည်း အသေးစိတ်ကို မပြောကြားခဲ့ပေ။ ပီကေ၀ါးခြင်းက နာကျင်မှုအား အတော်အသင့် သက်သာစေကြောင်း ၎င်းက ပြောကြားခဲ့သည်။

ဒူတာတေးသည် တရုတ်သမ္မတရှီကျင်ပင်းနှင့်တွေ့ဆုံစဉ်အတွင်း ရိုင်းစိုင်းသော အပြုအမူအဖြစ် ရှုမြင်ခံရသည့် ပီကေ၀ါးနေသည်ကို ရိုက်ကူးထားသည့်ဗီဒီယို ထွက်ပေါ်ခဲ့အပြီး နိုင်ငံတော်အခမ်းအနားနှင့် သံခင်းတမန်ခင်းတွင် လိုက်နာအပ်သော လုပ်ထုံး လုပ်နည်းနှင့်ကျင့်ထုံးများအား အလွန်အမင်း သတိထားသည့် ဂျပန်တာဝန်ရှိသူများသည်  ပြီးခဲ့သောနှစ်တွင် ဂျပန်ဧကရာဇ်အာကီဟီတိုနှင့် ဒူတာတေးတို့ မတွေ့ဆုံမီ အနေအထိုင် အပြောအဆိုမတတ်မှုနှင့် ပတ်သက်၍ တပ်လှန့်မှု လုပ်ဆောင်ခဲ့သည်။

၂၀၁၆ ခုနှစ်တွင် ကမ္ဘောဒီးယားဘုရင် နိုရွန်ဒွန်သီဟာမုနိနှင့် တွေ့ဆုံမှုအတွင်း ဒူတာတေးသည် အင်္ကျီလက်ရှည်ကို လိပ်တင်ထားပြီး ကော်လံကြယ်သီးဖြုတ်ထားကြောင်း ဓာတ်ပုံထွက်ပေါ်ခဲ့ရာ လူမှုမီဒီယာတွင် သဘောမကျသည့်မှတ်ချက်များစွာ ထွက်ပေါ်ခဲ့ ကြောင်း ကမ္ဘောဒီးယားမီဒီယာများက ဖော်ပြခဲ့ကြသည်။

ဖိလစ်ပိုင်၏ အသက်ကြီးဆုံးသမ္မတ ဖြစ်သော ဒူတာတေးသည် ဖိလစ်ပိုင်တွင်လည်း တရားဝင်အခမ်းအနားများ၌ အလားတူ သမားရိုးကျမဟုတ်သော အပြုအမူများ နှင့် ဖက်ရှင်များကို ပုံမှန်ပြုလုပ်ဝတ်ဆင်ခဲ့ သည်။ ယခင်က ဆိုင်ကယ်မတော်တဆမှုများမှ ရရှိခဲ့သော ကျောရိုးဒဏ်ရာကြောင့် အားပြင်းသည့် အကိုက်အခဲပျောက်ဆေး fentayl ကို ပုံမှန်သုံးစွဲခဲ့ကြောင်း ဒူတာတေး က ၂၀၁၆ ခုနှစ်တွင် ၀န်ခံခဲ့သည်။

ထို့ပြင် ဆေးလိပ်သောက်ခြင်းကြောင့် ဖြစ်ပွားလေ့ရှိသော သွေးကြောရောင်ရမ်းမှု အပါအ၀င်  ခေါင်းတစ်ခြမ်းကိုက်သည့် ဦးယဉ်းနာနှင့် အပယိကဖျားနာမှုတို့ကိုလည်း ခံစားနေရကြောင်း ဒူတာတေးက ပြောကြားခဲ့သည်။

အခွန်ပြုပြင်ပြောင်းလဲရေး ဥပဒေမူကြမ်းကို ဖိလစ်ပိုင်အတည်ပြု

ဒီဇင်ဘာ ၁၄ ရက်က မနီလာတွင် ယာဉ်များသွားလာနေမှုအား ရိုက်ကူးထားသော ဓာတ်ပုံ (Photo : AFP)

ဖိလစ်ပိုင်သမ္မတ ရိုဒရီဂိုဒူတာတေး၏ စီးပွားရေး စီမံကိန်းတွင် ဗဟိုချက်ဖြစ်သော အခွန်ပြုပြင်ပြောင်းလဲမှု ဥပဒေမူကြမ်း တစ်ခုကို  အစိုးရက အတည်ပြုခဲ့သည်ဟု တာဝန်ရှိသူများက ဒီဇင်ဘာ ၁၄ ရက်တွင် ထုတ်ပြန်ခဲ့သည်။ ယင်းဥပဒေ မူကြမ်းအရ နိုင်ငံ၏ ယိုယွင်းနေသည့် အခြေခံ အဆောက်အအုံအတွက် ငွေကြေးပံ့ပိုးရန် ကျောက်မီးသွေး၊ မော်တော်ကား၊ အချိုရည်နှင့် အလှအပဆိုင်ရာ ခွဲစိတ်ပြုပြင်မှုကို အခွန်စည်းကြပ်မှုများကို တိုးမြှင့်မည်ဖြစ်သည်။

ဖိလစ်ပိုင်သည် ယခုသီတင်းပတ်တွင် အပြည်ပြည်ဆိုင်ရာ ကြွေးမြီပြန်ဆပ်မှု စိတ်ချရမှု အဆင့်သတ်မှတ်သည့် Fitch Ratings အေဂျင်စီထံမှ အဆင့်မြှင့်တင်မှု ရရှိခဲ့မှု၊ ကျောက်မီးသွေးအား အခွန်တိုးကောက်မှုကို သဘာဝပတ်ဝန်းကျင်ဆိုင်ရာ လှုပ်ရှားတက်ကြွသူများက ကြိုဆိုဂုဏ်ပြုမှုနှင့်အတူ အခွန်ပြုပြင်ပြောင်းလဲမှု ဥပဒေမူကြမ်းကို စီးပွားရေး ပညာရှင်များနှင့် သဘာဝပတ်ဝန်းကျင် ထိန်းသိမ်းရေး ပညာရှင်များက အမွှမ်းတင်ခဲ့ကြသည်။

“ရင်းနှီးမြှုပ်နှံမှု၊ အလုပ်အကိုင် ဖန်တီးမှုနဲ့ ဆင်းရဲမွဲတေမှု လျှော့ချဖို့ တွန်းအားပေးဖို့ ပိုမိုနည်းပါးတဲ့နှုန်းနဲ့ ကျယ်ပြန့်တဲ့ အခြေခံ အကြောင်းရင်းတွေ ပါဝင်ပြီး ရိုးရှင်းမှု၊ မျှတမှုနဲ့ ပိုမိုအကျိုးရှိတဲ့ အခွန်စနစ် ရရှိဖို့ ကြိုးစားသွားမှာပါ” ဟု ဘဏ္ဍာရေးဝန်ကြီး ကားလို့စ်ဒေါမနစ်က ပြောကြားခဲ့သည်။

ယိုယွင်းသည့်လမ်းများ၊ လူပြည့်နှက်နေသည့် မီးရထားများနှင့် ဆိုးရွားသည့် အင်တာနက်မြန်နှုန်းက ဖိလစ်ပိုင်နိုင်ငံ၏ ယှဉ်ပြိုင်မှုကို အဟန့်အတား ဖြစ်စေခဲ့ပြီး သန်းနှင့်ချီသောသူများကို ဆင်းရဲမွဲတေမှုမှ လွတ်မြောက်ရန် ကြိုးပမ်းမှုများကို  လမ်းချော်သည့် အလားအလာ ဖြစ်ပေါ်စေသည်ဟု အစိုးရက သတိပေးခဲ့သည်။

ကျောက်မီးသွေးအခွန်ကို  ၂၀၂၀ မတိုင်မီ တစ်တန်လျှင် ၁၀ ဆ (သို့မဟုတ်) ၁ ဒသမ ၉၈ ဒေါ်လာ (၁၀၀ ပီဆို) အထိ တဖြည်းဖြည်း တိုးမြှင့်မည်ဟု ဒီဇင်ဘာ ၁၃ ရက်နှောင်းပိုင်းတွင် ကွန်ဂရက်က အတည်ပြုခဲ့သည့် အဆိုအရ သိရသည်။

ယင်းဥပဒေမူကြမ်းတွင် မော်တော်ကား၊ ဒီဇယ်၊ ဓာတ်ဆီနှင့် ဓာတ်ငွေ့တို့ ပါဝင်သည့် ရေနံထုတ်ကုန်များအား အခွန်ကောက်ခံမှုကို သိသိသာသာ တိုးမြှင့်မှုနှင့် သတ္တုတွင်း အခွန်စည်းကြပ်မှုကို တိုးမြှင့်မည်ဖြစ်သည်။

ဒူတာတေးက ၎င်း၏သက်တမ်း ခြောက်နှစ်အတွင်း ကားလမ်း၊ မီးရထားလမ်းနှင့် လေဆိပ်များအတွက် ဒေါ်လာ ဘီလျံ ၁၇၀ ခန့် အသုံးပြုမှုနှင့်အတူ ရွှေခေတ်အခြေခံ အဆောက်အအုံတစ်ခု စတင်မည်ဟု ကတိပြုခဲ့သည်။

Ref : AFP