ဂျပန်နိုင်ငံတွင် ဒုက္ခသည်အဖြစ် လျှောက်ထားသူ စံချိန်တင် များပြားလာသည့်အတွက် ဒုက္ခသည်အဖြစ် လိမ်လည် လျှောက်ထားသူများကို နေရပ်ပြန်ပို့မည်

ဂျပန်နိုင်ငံ၌ ဒုက္ခသည်အဖြစ် လျှောက်ထားသူ စံချိန်တင် များပြားလာသည့်အတွက် ဒုက္ခသည်အဖြစ် လိမ်လည် လျှောက်ထားသူများကို နေရပ်သို့ ပြန်ပို့မည် ဖြစ်ကြောင်း မတ် ၂၉ ရက်တွင် ဂျပန်နိုင်ငံဆိုင်ရာ မြန်မာသံရုံး၏ သတင်းထုတ်ပြန်ချက်အရ သိရသည်။

ဂျပန်တရားရေး ၀န်ကြီးဌာန၏ ဖော်ပြချက်အရ ဂျပန်နိုင်ငံတွင် ၂၀၁၆ ခုနှစ် ဇန်န၀ါရီလမှ စက်တင်ဘာလအထိ ဒုက္ခသည်အဖြစ် လျှောက်ထားသူ ၆၁၁၇ ဦးသာ ရှိခဲ့သော်လည်း ၂၀၁၇ ခုနှစ် ဇန်န၀ါရီလမှ စက်တင်ဘာလအထိ ဒုက္ခသည်အဖြစ် လျှောက်ထားသူ ၁၄၀၄၃ ဦး ရှိလာသည့်အတွက် ၂၀၁၆ ခုနှစ်နှင့် နှိုင်းယှဉ်ကြည့်ပါက ဒုက္ခသည်အဖြစ် လျှောက်ထားသူ ၇၇ ရာခိုင်နှုန်း တိုးလာကြောင်း သိရသည်။

ယင်းသို့ ဒုက္ခသည် လျှောက်ထားမှုများအနက် ၄၄ ရာခိုင်နှုန်းသည် ပုံမှန်ပြဿနာဖြစ်ပြီး ၆၆ ရာခိုင်နှုန်းမှာ အကြွေးပြန်မဆပ်နိုင်၍ လျှောက်ထားခြင်း ဖြစ်ကြောင်း သိရသည်။ ဂျပန်နိုင်ငံ၌ ဒုက္ခသည်အဖြစ် လျှောက်ထားသူများထဲတွင် မြန်မာနိုင်ငံသားများလည်း ပါဝင်ပြီး ၂၀၁၄ ခုနှစ်မှ ၂၀၁၇ ခုနှစ် အထိ လေးနှစ်အတွင်း ဒုက္ခသည်အဖြစ် လျှောက်ထားသူ ၇၄၅ ဦးရှိကြောင်း သိရသည်။

ထိုသို့ ဒုက္ခသည်အဖြစ် လျှောက်ထားမှု များပြားလာသည့်အတွက် ဂျပန်နိုင်ငံ တရားရေးဝန်ကြီးဌာနသည် ဒုက္ခသည်လျှောက်ထားမှုကို ပြန်လည် ကြပ်မတ်ရန်အတွက် ဂျပန်နိုင်ငံ၌ ကာလရှည်ကြာစွာ နေထိုင်အလုပ်လုပ်ကိုင်ရန် ဒုက္ခသည်အဖြစ် လိမ်လည်လျှောက်ထားမှုများကို ထိန်းချုပ်နိုင်ရန်နှင့် အမှန်တကယ် ဒုက္ခသည် ဟုတ်၊ မဟုတ်ကို စစ်ဆေးနိုင်ရန်အတွက် ရည်ရွယ်၍ ဂျပန်နိုင်ငံ၌ ဒုက္ခသည် အသိအမှတ်ပြုစနစ်သစ်တစ်ရပ်ကို ဂျပန်တရားရေးဝန်ကြီးဌာနက သတင်းထုတ်ပြန်သည်။

စနစ်သစ်အရ နိုင်ငံရေးအရ အမှန်တကယ် ဒုက္ခရောက်သူ မဟုတ်သူများ၊ ကျောင်းသားများ၊ အလုပ်သင် အလုပ်သမားများ၊ လုပ်ငန်းခွင်မှ ထွက်ပြေးသည့် အလုပ်သမားများ ဒုက္ခသည်အဖြစ် လိမ်လည်လျှောက်ထားပါက မိမိနိုင်ငံသို့ ပြန်လည် ပို့ဆောင်သွားမည်ဖြစ်ကြောင်း ဂျပန်နိုင်ငံ တရားရေးဝန်ကြီးဌာနက ဖော်ပြထားသည်။

ဒုက္ခသည်ဆိုသည်မှာ ရိုးရိုး ဒုက္ခရောက်နေသူကို ဆိုလိုခြင်း မဟုတ်ဘဲ မိမိမူရင်း မိခင်နိုင်ငံတွင် ဆက်လက်နေထိုင်ရန် အခက်အခဲရှိပြီး နိုင်ငံရေးအပြစ်ဒဏ် ခံရနိုင်ရန် အလားအလာရှိ၍ နိုင်ငံရပ်ခြားသို့ ထွက်ပြေးလာသူများမှ ဒုက္ခသည်အဖြစ် လျှောက်ထားနိုင်မည် ဖြစ်ကြောင်း သိရသည်။

မြိုင်ကြီးငူ စစ်ဘေးရှောင်စခန်း၌ ခိုလှုံနေသူ ဒုက္ခသည် ၅၀၀၀ ကျော်အတွက် ရိက္ခာ အရေးတကြီး လိုအပ်နေ

မြိုင်ကြီးငူ စစ်ဘေးရှောင်စခန်း၌ ခိုလှုံနေသည့် စစ်ဘေးဒုက္ခသည်များအား တွေ့ရစဉ် (ဓာတ်ပုံ-ကိုစောဝင်းစိုး)

မြိုင်ကြီးငူ စစ်ဘေးရှောင်စခန်း၌ ခိုလှုံနေသူ ဒုက္ခသည် ၅၀၀၀ ကျော်အတွက် စားသောက်ရေး အဓိက ရိက္ခာဆန် အရေးတကြီး လိုအပ်နေကြောင်း ရိက္ခာတာဝန်ခံ ဂေါပကအဖွဲ့ထံမှ သိရသည်။

ကရင်ပြည်နယ် ဖာပွန်ခရိုင် လှိုင်းဘွဲမြို့နယ်တွင် လွန်ခဲ့သောနှစ်က တပ်မတော်၊ BGF နှင့် ခွဲထွက် DKBA တို့ ဖြစ်ပွားခဲ့သည့် ရက်ရှည်တိုက်ပွဲများကြောင့် မဲသဝေါဒေသမှ ကျေးရွာ ၃၀ ကျော်တွင် နေထိုင်သည့်  ပြည်သူ ၅၀၀၀ ကျော် မြိုင်ကြီးငူဒေသသို့ ခိုလှုံခဲ့ရသည်။

စစ်ဘေးရှောင်ပြည်သူများ၏ နေထိုင်ရေးထက် စားသောက်ရေး အခက်အခဲအပြင် ကျန်မာရေး၊ ကလေးငယ်များ ပညာသင်ကြားရေးတို့အတွက် ခက်ခက်ခဲခဲ ဆောင်ရွက်နေရ ပြီး ယခုအခါ ရိက္ခာဆန် ပြတ်လပ်မှု ဖြစ်နေကြောင်း သိရသည်။

မကြာသေးမီက တစ်ကျော့ပြန် ဖြစ်ပွားခဲ့သော ထိတွေ့မှု၊ ချုံခိုတိုက်ခိုက်မှုနှင့် မိုင်းဆွဲခြင်းများကြောင့် မြိုင်ကြီးငူ-မဲသဝေါသွား ကားလမ်းကို လုံခြုံရေးအရ ပိတ်ထားခဲ့ရသည့်အတွက် စစ်ဘေးရှောင်ပြည်သူများ စားသောက်ရေး ပိုမိုခက်ခဲလာသည်။

ယခုအခါ မြေမြှုပ်မိုင်းအန္တရာယ်ကြောင့် နေရပ်ဒေသသို့ ပြန်နေရန် ခက်ခဲနေဆဲဖြစ်ပြီး အချိန်ကြာလာသည်နှင့်အမျှ အလှူရှင် နည်းပါးကာ အဓိကရိက္ခာဆန် ပြတ်လပ်လာသည် ဟုဆိုသည်။

“မနေ့က မြိုင်ကြီးငူ စစ်ဘေးရှောင်စခန်းမှ ရိက္ခာတာဝန်ခံ ဂေါပကဥက္ကဋ္ဌကိုယ်တိုင် ကျွန်တော့်ထံ ဖုန်းဆက်ပြီး အကြောင်းကြား လာပါတယ်။ ဆန်နဲ့ စားနပ်ရိက္ခာပြတ်လပ်ပြီး အရေးပေါ် လိုအပ်နေလို့ အကူအညီတောင်းဖို့ ပြောပါတယ်။ အရေးပေါ်ရိက္ခာ လိုအပ်နေပါတယ်။ စစ်ဘေးရှောင်ပြည်သူများ ထမင်းငတ်ဖို့ ရှိနေပါတယ်။ တာဝန်ရှိသူများရဲ့ အရေးစိုက်မှုကို မခံရတော့ပါဘူး။ စေတနာရှင်ကိုသာ အားကိုးမျှော်လင့် နေရပါတယ်” ဟု စစ်ဘေးရှောင် ပြည်သူများအား တစ်ဖက်တစ်လမ်းမှ ကူညီမှုပေးနေသူ ကိုစောဝင်းစိုးက ပြောကြားသည်။

ထို့ပြင် ကိုစောဝင်းစိုးက “ပြည်နယ်က ကူညီပေးဖို့ အစီအစဉ်လည်း မကြားမိဘူး။ သူတို့က စစ်ဘေးဒုက္ခသည်တွေကို ပြန်ပို့သင့်ပြီလို့ ယူဆကြတယ်။ ဒီအတိုင်းကျွေးထားရင် ပြည်သူတွေ အပျင်းထူလာလိမ့်မယ်လို့ ပြောကြတယ်။ လောလောဆယ်မှာ မိုင်းတွေက ဗလပွ ထောင်ထားတော့ လမ်းနံဘေးတောင် မဆင်းရဲတဲ့ အခြေအနေ ရောက်သွားပြီ။ ကျုံထော် ရေတံခွန်မှာလည်း မိုင်းတွေနဲ့ ပြည့်နေပြီလို့ ဆိုကြတယ်။ ဒီအခြေအနေနဲ့ဆို စစ်ဘေးဒုက္ခသည်တွေ ဘယ်လိုမှ အိမ်ပြန်ဖို့ မဖြစ်နိုင်ဘူး” ဟု သုံးသပ်ပြောကြားသည်။

 

ဂျပန်က ခိုလှုံခွင့်တောင်းခံသူများအား တင်းကျပ်သွားမည်ဟု ယိုမီယူရီသတင်းစာက ဖော်ပြ

စက်တင်ဘာ ၁၃ ရက်က တိုကျိုရှိ United Nations University ရှေ့တွင် ဘင်္ဂါလီအရေးအား ဆန္ဒပြနေကြသော မြန်မာများကို တွေ့ရစဉ် (Photo: AP)

ဂျပန်သည် ခိုလှုံခွင့်တောင်းခံလာသူများ၏ အလုပ်လုပ်ခွင့်အား ထိန်းချုပ်ရန်၊ ဒုက္ခသည်များဟု ယူဆရခြင်းမခံရသူများ သို့မဟုတ် လျှောက်လွှာမျိုးစုံ ပြုလုပ်သူများအား ထိန်းသိမ်းရန် လုပ်ဆောင်သွားမည်ဟု ယိုမီယူရီ နေ့စဉ်သတင်းစာက အောက်တိုဘာ ၃၁ ရက်တွင် ဖော်ပြခဲ့ရာ ကမ္ဘာပေါ်တွင် ဒုက္ခသည်များအား အတင်းကျပ်ဆုံးစနစ်ရှိသည့် ဖွံ့ဖြိုးပြီးနိုင်ငံ ဂျပန်တွင် ထပ်မံတင်းကျပ်ရန် စီစဉ်မှုဖြစ်သည်။

အစောဆုံးအနေဖြင့် လာမည့်နိုဝင်ဘာလလယ်မှစ၍ ဂျပန်သည် စစ်မှန်သောဒုက္ခသည်များဟု ယူဆရသူများကိုသာ အလုပ်လုပ်ခွင့် ပြုတော့မည်ဖြစ်သည်။ ယင်းစည်းမျဉ်းသစ်သည် ဒုက္ခသည်အဖြစ် သတ်မှတ်ချက် မပြည့်သည့် တစ်နှစ်လျှင် ၀င်ရောက်ရန် ကြိုးပမ်းသည့် ခိုလှုံခွင့်တောင်းခံသူ ၁၀၀၀၀ ကျော်အား အလုပ်လုပ်ခွင့် ငြင်းပယ်ရန် သက်ရောက်မှုရှိမည်ဖြစ်သည်ဟု တရားရေးဝန်ကြီးဌာနက ခန့်မှန်းခဲ့ကြောင်း ယိုမီယူရီက သတင်းရင်းမြစ်များအား မရည်ညွှန်းဘဲ ဖော်ပြခဲ့သည်။ အစောပိုင်းစစ်ဆေးမှုများတွင် ဒုက္ခသည်များအဖြစ် သတ်မှတ်ချက်မပြည့်မီသူများနှင့် ခိုလှုံခွင့်လျှောက်ထားမှုမျိုးစုံရှိသူများ အပါအ၀င် တချို့အား ဂျပန်တွင် နေထိုင်ခွင့်သက်တမ်းကျော်လွန်ပြီးနောက် ထိန်းသိမ်းရေးစခန်းများတွင် ထိန်းသိမ်းသွားမည်ဖြစ်သည်။

လတ်တလောစနစ်အရ ခိုင်လုံသော ဗီဇာများဖြင့် ခိုလှုံခွင့်လျှောက်ထားသူများသည် ၎င်းတို့၏ ဒုက္ခသည်လျှောက်ထားမှုအား ပြန်လည်သုံးသပ်နေချိန်၌ ဂျပန်တွင် ဗီဇာသက်တမ်းတိုး၍ အလုပ်လုပ်ကိုင်ခွင့်ပြုထားသည်။ ယင်းစနစ်ကြောင့် ခိုလှုံခွင့် တောင်းခံသူများအား အလုပ်လုပ်ရန် လှုံ့ဆော်ပေးကြောင်း အစိုးရက ထုတ်ပြန်ခဲ့သည်။ ယိုမီယူရီတွင် ဖော်ပြခဲ့သော သတင်းအပါအ၀င် ၎င်းတို့သည် မူဝါဒများအား သုံးသပ်နေကြောင်း၊ သို့သော် ယင်းအား လုပ်ဆောင်မှု ရှိ၊ မရှိကို မဆုံးဖြတ်ရသေးကြောင်း ဒုက္ခသည်သတ်မှတ်ခြင်းအား ကြီးကြပ်ရသည့် တရားရေးဝန်ကြီးဌာနမှ တာဝန်ရှိသူ ယာဆူဟီရိုဟီရှီဒါက ပြောကြားခဲ့သည်။

ဂျပန်သည် ၂၀၁၇ ခုနှစ် ပထမနှစ်ဝက်တွင် ခိုလှုံခွင့်လျှောက်ထားသူ စံချိန်တင် ၈၅၆၁ ဦးအထိ ရှိခဲ့သော်လည်း သုံးဦးကိုသာ ဒုက္ခသည်အဖြစ် လက်ခံထားသည်။ ၂၀၁၆ ခုနှစ်တွင်မူ ၂၈ ဦးသာ လက်ခံခဲ့သည်။ ခိုလှုံခွင့်တောင်းခံသူများအား ဂျပန်၏ လက်ခံမှုစံချိန်သည် အလွန်ဆိုးရွားကြောင်း လူ့အခွင့်အရေး စောင့်ကြည့်အဖွဲ့က ပြီးခဲ့သော ဇန်န၀ါရီတွင် ထုတ်ပြန်ခဲ့သည်။

ကမ္ဘာ့စီးပွားရေး တတိယအင်အားအကြီးဆုံး ဂျပန်တွင် ဆယ်စုနှစ်လေးခုအတွင်း လူဦးရေကျုံ့ခြင်းနှင့် သက်ကြီးရွယ်အိုအရေအတွက် အလွန်အမင်း မြင့်တက်ခြင်းတို့ ကြောင့် အလုပ်သမားထု ရှားပါးခြင်းအား ပိုမိုဆိုးရွားစေခဲ့ပြီး ယခင်ကတည်းက စီးပွား ရေးတိုးတက်မှု အရှိန်နှေးနေခြင်းအား အတောမသတ်ဖြစ်စေခဲ့သည်။

ဂျပန်သည် အခြားဖွံ့ဖြိုးပြီး နိုင်ငံများ နှင့်မတူဘဲ ပြည်ပအလုပ်သမားများနှင့် ဒုက္ခသည်များအား လက်ခံရန် အလွန်အမင်းတွန့်ဆုတ်ခဲ့ပြီး ယင်းအတွက်ကြောင့် ဆောက်လုပ်ရေးနှင့် ကုန်ထုတ်လုပ်ရေး အပါအ၀င် အလုပ်သမားလိုအပ်ချက် အလွန်အမင်းမြင့်မားသည့် ကဏ္ဍများအတွက် အလုပ်လုပ်ခွင့် ပေးထားရသည့် ခိုလှုံခွင့်တောင်းခံသူများကို မှီခိုနေရသည်။ လူမျိုး၊ ဘာသာရေးနှင့် တိုင်းရင်းသားများ မျိုးစုံခြင်းသည် ၎င်းတို့ နိုင်ငံအား ပိုမိုဆိုးရွားသွားစေနိုင်ကြောင်း ဂျပန် ၁၀ ဦးလျှင် ခြောက်ဦးနီးပါးက ယူဆခဲ့ဟု Pew သုတေသနစင်တာက ယခုလစစ်တမ်း၌ ဖော်ပြခဲ့သည်။