ပုပ္ပားဒေသ၌ ပြုလုပ်မည့် အစိုးရ၊ တပ်မတော်နှင့် NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့ခေါင်းဆောင်များ၏ ထိပ်သီးဆွေးနွေးပွဲနှင့် ပတ်သက်၍ ဆုံးဖြတ်ချက်ချမည့် PPST အစည်းအဝေး ချင်းမိုင်တွင် စတင်ပြုလုပ်

မြန်မာနိုင်ငံအလယ်ပိုင်း ပုပ္ပားဒေသတွင် ပြုလုပ်ရန် လျာထားသည့် အစိုးရ၊ တပ်မတော်နှင့် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့ခေါင်းဆောင်များ၏ ထိပ်သီးဆွေးနွေးပွဲသို့ အစိုးရ အဆိုပြုထားသည့်ရက်အတိုင်း တက်ရောက်နိုင်ခြင်း ရှိ၊ မရှိနှင့် ပတ်သက်၍ ဆုံးဖြတ်ချက်ချမည့် ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) အစည်းအဝေးအား ထိုင်းနိုင်ငံ၊ ချင်းမိုင်တွင် အောက်တိုဘာ ၁၀ ရက် နံနက်ပိုင်းက စတင်ပြုလုပ်ခဲ့ကြောင်း သတင်းရရှိသည်။

NCA လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့ ခေါင်းဆောင်များဖြင့် ဖွဲ့စည်းထားသော PPST အစည်းအဝေးကို အောက်တိုဘာ ၁၀ ရက်နှင့် ၁၁ ရက်တို့တွင် နှစ်ရက်တာ ပြုလုပ်သွားမည်ဖြစ်ပြီး အစိုးရဘက်ကမူ ထိပ်သီးဆွေးနွေးပွဲအား အောက်တိုဘာ ၁၅ ရက်တွင် ပြုလုပ်ရန် အဆိုပြုထားသည်။

အဆိုပါ ထိပ်သီးဆွေးနွေးပွဲသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ ဦးဆောင် တက်ရောက်မည်ဖြစ်ပြီး NCA လက်မှတ်ရေး ထိုးထားသော တိုင်းရင်းသားလက်နက်ကိုင် အဖွဲ့အစည်းခေါင်းဆောင်များကိုလည်း ယင်းထိပ်သီးအစည်းအဝေးသို့ တက်ရောက်ရန် ဖိတ်ကြားထားသည်။

သို့သော်လည်း အစိုးရ၊ တပ်မတော်တို့ နှင့် NCA-S EAO ထိပ်သီးဆွေးနွေးပွဲကို အောက်တိုဘာ ၁၅ ရက်တွင် တွေ့ဆုံနိုင်ရန် အဆိုပြုချက်နှင့်စပ်လျဉ်း၍ ရလဒ်ကောင်းများ ရရှိရန်နှင့် ပြင်ဆင်မှုများ ပိုမိုပြုလုပ်ရန် လိုအပ်နေသေးသည့်အတွက် နှစ်ဖက်တွေ့ဆုံ ဆွေးနွေးနိုင်မည့် နေ့ရက်ကို ပြန်လည်ညှိနှိုင်း ဆွေးနွေးသွားမည်ဟု အောက်တိုဘာ ၆ ရက်တွင် KNU ၏ ဗဟိုအမြဲတမ်းကော်မတီ အရေးပေါ် အစည်းအဝေးက ကြေညာခဲ့သည်။

ထို့ကြောင့် ယခုပြုလုပ်သည့် PPST အစည်းအဝေးတွင် ပုပ္ပားတောင်ဒေသတွင် ပြုလုပ်မည့် ထိပ်သီးဆွေးနွေးပွဲနှင့်ပတ်သက်၍ ဆုံးဖြတ်ချက် ချမှတ်သွားမည်ဖြစ်ပြီး ယခုပြုလုပ်သည့် PPST ၏ အစည်းအဝေးတွင် အဖွဲ့ခေါင်းဆောင်ဖြစ်သူ ကရင်အမျိုးသား အစည်းအရုံး (KNU) ဥက္ကဋ္ဌ ဗိုလ်ချုပ်ကြီး စောမူတူးစေးဖိုးက အဖွင့်အမှာစကား ပြောကြားသည်။

“ဒီအစည်းအဝေးမှာ အဓိက,ကတော့ 10 Plus 10 ထိပ်သီးခေါင်းဆောင်တွေ တွေ့ဆုံမယ့် အစီအစဉ်နဲ့ ပတ်သက်ပြီး အစိုးရနဲ့ အလွတ်သဘော သွားရောက်တွေ့ဆုံ ညှိနှိုင်းခဲ့တဲ့ ပြင်ဆင်ရေးအဖွဲ့က ပြန်လည်တင်ပြချက်တွေကို နားထောင်ကြရမှာ ဖြစ်ပါတယ်။ ဒါကြောင့် တင်ပြလာတဲ့အချက်တွေကို ညှိနှိုင်းဆွေးနွေးပြီး ဘုံရပ်တည်ချက်ကို သတ်မှတ်ကြမယ်။ ဒီဘုံရပ်တည်ချက်ကို အခြေခံပြီး ရှေ့ဆက်ဘယ်လိုလုပ်ဆောင်သွားကြမလဲ ဆိုတာကို လုပ်ငန်းစဉ် ချမှတ်ကြမယ်။ ဒါအပြင် ဒီလုပ်ငန်းစဉ်တွေကိုလည်း လက်ရှိဖြစ်တည်နေတဲ့ အလွတ်သဘောဆွေးနွေးပွဲကနေ နက်ရှိုင်းစွာနဲ့ Stakeholder တွေအကြား တည်ရှိနေကြတဲ့ နိုင်ငံရေးဆိုင်ရာ အခြေခံယူဆချက် ကွာဟမှုတွေကို ကြိုးစားစေ့စပ် ညှိနှိုင်းသွားရမှာ ဖြစ်ပါတယ်” ဟု ဗိုလ်ချုပ်ကြီး မူတူးစေးဖိုးက ပြောကြားသည်။

နက်ရှိုင်းသော ကွာဟချက်များဟု ပြောသော်လည်း ၎င်းတို့အနေဖြင့် NCA အပေါ်တွင်သာ ရပ်တည်ရမည်ဖြစ်ပြီး NCA အပေါ်တွင် နှစ်ဖက် လိုက်နာခြင်း ရှိ၊မရှိကိုလည်း အဖြေရှာရမည်ဖြစ်ကာ ပြင်ဆင်ရေးအဖွဲ့မှ တင်ပြလာသော အချက်များသည် NCA နှင့် ကိုက်ညီမှု ရှိ၊ မရှိကို ပြန်သုံးသပ်ရန် လိုအပ်သည်ဟု ဗိုလ်ချုပ်ကြီး မူတူးစေးဖိုးက ပြောကြားသည်။

“ဘာကြောင့်လဲဆိုတော့ နှစ်ဖက်ကွာဟမှုပေါင်းများစွာနဲ့ အခက်အခဲပေါင်းများစွာထဲကမှ ကျော်လွှားခဲ့ကြပြီး NCA ဆိုတာကို ရရှိလာတယ်။ ဒါကြောင့် လက်မှတ်ထိုးထားတဲ့ ကျွန်တော်တို့အဖွဲ့တွေအတွက် NCA ဟာ လမ်းညွှန်တစ်ခုပဲ ဖြစ်တယ်။ အဲဒီကနေ သွေဖည်လို့ မရပါဘူး” ဟု ၎င်းက ပြောကြားသည်။

ထို့ပြင် တိုင်းရင်းသားလက်နက်ကိုင် အဖွဲ့အစည်းများ အနေဖြင့် အနာဂတ်ပြည်ထောင်စုကို အတူတကွ အကောင်းဆုံးဖြစ်အောင် တည်ဆောက်ကြမည်ဖြစ်သည့်အတွက် NCA လက်မှတ်မထိုးရသေးသော အဖွဲ့များ အနေဖြင့်လည်း ငြိမ်းချမ်းရေး လုပ်ငန်းစဉ်တွင် ပါဝင်လာနိုင်သော အခင်းအကျင်းဖြစ်ရန် လမ်းရှာပေးကြရမည်ဖြစ်ကြောင်း၊ ငြိမ်းချမ်းရေးတည်ဆောက်ရာတွင် အမုန်းတရားကို အခြေခံပြီး တည်ဆောက်၍ မရကြောင်းနှင့် အနာဂတ်အတွက် သည်းခံခြင်း၊ ခွင့်လွှတ်ခြင်း၊ တစ်ယောက်နှင့်တစ်ယောက် ချစ်ခြင်းများကို အခြေခံကာ ငြိမ်းချမ်းရေးကို တည်ဆောက်ရမည်ဖြစ်ကြောင်း KNU ဥက္ကဋ္ဌ ဗိုလ်ချုပ်ကြီး မူတူးစေးဖိုးက ပြောကြားသည်။

ထိပ်သီးဆွေးနွေးပွဲအတွက် ပြင်ဆင်မှုအဖြစ် လာမည့်သီတင်းပတ်တွင် တောင်နှင့်မြောက်ကိုရီးယား အဆင့်မြင့်အရာရှိများ ဆွေးနွေးပွဲ ကျင်းပမည်

ဇွန် ၁ ရက်တွင် ကိုရီးယားနှစ်နိုင်ငံနယ်စပ်ရှိ ပန်မန်ဂျွန်ရွာ၌ တောင်ကိုရီးယား၏ ကိုရီးယားပူးပေါင်းဆောင်ရွက်ရေးဝန်ကြီးက မီဒီယာကို စကားပြောနေစဉ် (Photo: AP)

တောင်ကိုရီးယားသမ္မတ မွန်းဂျေအင်းနှင့် မြောက်ကိုရီးယားခေါင်းဆောင် ကင်ဂျုံအွန်တို့အကြား တတိယအကြိမ်မြောက် ထိပ်သီးဆွေးနွေးပွဲအတွက် ပြင်ဆင်မှုအဖြစ် တောင်နှင့် မြောက်ကိုရီးယားနိုင်ငံက လာမည့်သီတင်းပတ်တွင် အဆင့်မြင့်အရာရှိများအဆင့် ဆွေးနွေးပွဲကျင်းပမည်ဟု တောင်ကိုရီးယားအစိုးရက သြဂုတ် ၉ ရက်တွင် ထုတ်ပြန်ခဲ့သည်။

ထိပ်သီးဆွေးနွေးပွဲ ကျင်းပမည့်နေရာကို ကိုရီးယား ပူးပေါင်းဆောင်ရွက်ရေးဝန်ကြီးဌာနက အသေးစိတ် မထုတ်ပြန်ခဲ့သော်လည်း ဧပြီတွင် သမိုင်းဝင်ထိပ်သီးဆွေးနွေးပွဲ ကျင်းပခဲ့ပြီးနောက် မွန်းသည် ဆောင်းရာသီအတွင်း ပြုံယမ်းသို့ အလည်လာရန် ကင်အား ယခင်က အတည်ပြုခဲ့ပြီးဖြစ်သည်။

တောင်နှင့် မြောက်ကိုရီးယားနှစ်နိုင်ငံ ထိပ်သီးဆွေးနွေးပွဲနှင့် ပတ်သက်ပြီး ကြိုတင် ပြင်ဆင်မှုကိစ္စများကို ဆွေးနွေးရန် သြဂုတ် ၁၃ ရက်တွင် စစ်မဲ့ဇုန်အတွင်းရှိ ပန်မန်ဂျွန် ကျေးရွာမြောက်ပိုင်း၌ အဆင့်မြင့်အရာရှိများအဆင့် ဆွေးနွေးပွဲပြုလုပ်မည်ဟု ကိုရီးယားပူးပေါင်း ဆောင်ရွက်ရေးဝန်ကြီးဌာန၏ ကြေညာချက်တွင် ဖော်ပြခဲ့သည်။

ဇွန်တွင် စင်ကာပူ၌ ပြုလုပ်ခဲ့သည့် ကင်နှင့် အမေရိကန်သမ္မတ ဒေါ်နယ်ထရန့်အကြား သမိုင်းဝင် ဆွေးနွေးပွဲအတွက် လမ်းခင်းပေးခဲ့သည့် ဧပြီထိပ်သီးဆွေးနွေးပွဲနောက်ပိုင်း တိုးတက်မှုကို ပြန်လည်သုံးသပ်ရန်အတွက် နှစ်နိုင်ငံဆွေးနွေးပွဲ ပြုလုပ်ရန် ပြုံယမ်းက အကြံပြုခဲ့သည်ဟုဆိုသည်။

ထိပ်သီးဆွေးနွေးပွဲကျင်းပပြီးနောက် ကိုရီးယားနှစ်နိုင်ငံအကြား နယ်စပ်ဖြတ်ကျော် ဆက်သွယ်မှုများသည် သိသိသာသာ မြင့်တက်လာခဲ့ပြီး စစ်ပွဲအတွင်း ခွဲခွာခဲ့ရသည့် မိသားစုဝင်များ ပြန်လည်ဆုံစည်းမှုများကို သုံးနှစ်အတွင်း ပထမဆုံးအကြိမ်အဖြစ် မြောက်ကိုရီးယား၏ ကမ်ဂန်တောင်အပန်းဖြေစခန်းတွင် ယခုလအကုန်၌ ပြန်လည်စတင်ရန် စီစဉ်နေသည်။

သြဂုတ် ၁၃ ရက် ဆွေးနွေးပွဲတက်ရောက်မည့် တောင်ကိုရီးယားကိုယ်စားလှယ်အဖွဲ့ကို ကိုရီးယား ပူးပေါင်းဆောင်ရွက်ရေးဝန်ကြီး Cho Myoung-gyon က ဦးဆောင်မည်ဖြစ်သည်။ Cho သည် ကိုရီးယားနှစ်နိုင်ငံအကြား ချစ်ကြည်ရေး ဘတ်စကတ်ဘောပြိုင်ပွဲအတွက် ပြီးခဲ့သည့်လတွင် ပြုံယမ်းသို့ သွားရောက်ခဲ့သည်ဟု ယင်းဝန်ကြီးဌာနက ထုတ်ပြန်ခဲ့သည်။

“အောင်မြင်တဲ့ တောင်-မြောက် ထိပ်သီးဆွေးနွေးပွဲတစ်ခုအတွက် မြောက်ကိုရီးယားနဲ့ အသေးစိတ် ဆွေးနွေးသွားမှာပါ” ဟု ကိုရီးယားပူးပေါင်း ဆောင်ရွက်ရေးဝန်ကြီးဌာနက ထုတ်ပြန်ခဲ့သည်။

ယင်းထိပ်သီးဆွေးနွေးပွဲသည် မေတွင် မွန်းနှင့်ကင်တို့ ကြိုတင်ကြေညာခြင်းမရှိဘဲ ဆွေးနွေးပွဲပြုလုပ်ခဲ့ပြီးနောက် ယခုနှစ်တွင် ၎င်းတို့နှစ်ဦးအကြား တတိယအကြိမ်မြောက် ဆွေးနွေးပွဲဖြစ်လာမည်ဖြစ်သည်။ နှစ်နိုင်ငံအကြား ဆက်ဆံရေး တိုးတက်ကောင်းမွန်လာသော်လည်း မြောက်ကိုရီးယား၏ နျူကလီးယားလက်နက် ဖျက်သိမ်းရေး အဓိကရည်မှန်းချက်အတွက် တိုးတက်မှု အနည်းငယ်သာ ရရှိသေးသည်။

Ref:AFP

ထရန့်-ကင် မုန်တိုင်းကြီးအတွက် တည်ငြိမ်အေးဆေးသော စင်ကာပူတို့ ပြင်ဆင်နေ

စင်ကာပူတွင် မေ ၂၇ ရက်က Merlion ပန်းခြံထဲရှိ Marina Bay Sands ဟိုတယ်နှင့် အပန်းဖြေစခန်းအား မြင်ရသည့်နေရာတွင် ဧည့်သည်များ ရှုခင်းကြည့်နေသည်ကို တွေ့ရစဉ် (Photo: AFP)

ထောင်နှင့်ချီသော ဂျာနယ်လစ်များသည် ကမ္ဘာ့အကြီးဆုံး မီဒီယာဆပ်ကပ်ပွဲကြီးဖြစ်လာမည့် အမေရိကန်-မြောက်ကိုရီးယား ထိပ်သီးဆွေးနွေးပွဲအတွက် စုပြုံရောက်လာတော့မည့်အချိန်တွင် စင်ကာပူ ဟိုတယ်ခန်းများမှာ တစ်စတစ်စ ပြည့်လာနေပြီဖြစ်ပြီး ရဲများမှာလည်း မြို့တစ်ခုလုံးကို ပိတ်ချလိုက်ရန် ပြင်ဆင်နေကြသည်။

ထိပ်ပိုင်းအစိုးရအရာရှိများမှာမူ ဇွန် ၁၂ ရက်တွင် စင်ကာပူ၌ ကျင်းပရန်စီစဉ်ထားသည့် သမ္မတ ဒေါ်နယ်ထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့၏ သမိုင်းဝင်ထိပ်သီးဆွေးနွေးပွဲအား ဖြစ်မြောက်စေရန် အလုအယက် ကြိုးပမ်းနေကြသည်။

လုံခြုံရေးကိုယ်စီဖြင့် ရောက်ရှိလာကြမည့် အမေရိကန်နှင့် မြောက်ကိုရီးယား ကိုယ်စားလှယ်နှစ်ဖွဲ့စလုံး၏ အင်အားမှာ အလွန်ကြီးမားမည်ဟု ခန့်မှန်းရသည်။ သို့သော်လည်း ယင်းတို့အုပ်စုသည် စင်ကာပူသို့ အုံ၍ရောက်ရှိလာမည့် ဧရာမမီဒီယာအုပ်ကြီးနှင့် နှိုင်းယှဉ်လိုက်ပါကမူ သေးငယ်သွားလိမ့်မည်ဖြစ်သည်။ ထိပ်သီးဆွေးနွေးပွဲသို့ မီဒီယာအဖြစ် လာရန်လျှောက်ထားကြမည့် သူဦးရေမှာ ၃၀၀၀ ခန့်ရှိလိမ့်မည်ဟု ခန့်မှန်းထားကြောင်း ပွဲစီစဉ်မှုထဲတွင် ပါဝင်သည့် အမည်မဖော်လိုသော သတင်းရင်းမြစ်တစ်ဦးက ပြောကြားခဲ့သည်။

ထရန့်-ကင်ထိပ်သီးသို့ ရောက်လာမည့် ဂျာနယ်လစ် ပမာဏသည် စင်ကာပူတွင် နောက်ဆုံး ကျင်းပခဲ့သော အလားတူ နာမည်ကျော်ထိပ်သီးဖြစ်သည့် ၂၀၁၅ ခုနှစ်က တရုတ်သမ္မတရှီကျင်ပင်းနှင့် ထိုင်ဝမ်သမ္မတ မာယင်ကျိုးတို့ တွေ့ဆုံစဉ်က ရောက်လာခဲ့သော ဂျာနယ်လစ်အုပ်စုကြီးကိုပင် မှေးမှိန်သွားစေမည်ဖြစ်သည်။ ထိုစဉ်က ဂျာနယ်လစ်ဦးရေမှာ ရာနှင့်ချီရှိခဲ့သည်။

မီဒီယာတို့ ပြုံကျလာခြင်း

မကြာမီလာတော့မည့် မီဒီယာ စုပြုံရောက်ရှိလာမှု၏ အမြည်းအနေနှင့် ယခုသီတင်းပတ်အတွင်းမှာ ပင်ကင်ချောင်ဆန်ကို မြင်တွေ့ခွင့် ရရှိရန် အဆင့်မြင့် Fullerton ဟိုတယ်သို့ သတင်းထောက်များ လာရောက်စခန်းချနေကြပြီဖြစ်သည်။ ကင်ဂျုံအွန်၏ ၀န်ထမ်းရေးရာ အကြီးအကဲဟု သတ်မှတ်ရမည့် ကင်ချောင်ဆန်သည် ဆွေးနွေးပွဲအတွက် စီစဉ်ရန် စင်ကာပူသို့ ရောက်နေခြင်းဖြစ်သည်။

ထိုစဉ် ထိပ်သီးအစည်းအဝေးပွဲ ကျင်းပမည်ဟု သတင်းထွက်နေသော ထိပ်တန်းဟိုတယ်များ (ရှီ-မာ ထိပ်သီးဆွေးနွေးပွဲ ကျင်းပခဲ့သော ကြယ်ငါးပွင့်အဆင့်ရှိ ရှန်ဂရီလာ အပါအ၀င်) တွင်လည်း အခန်းဘိုကင်လုပ်မှုများ ပြည့်လုနီးပါး ဖြစ်နေပြီဖြစ်သည်။

ယခုစင်ကာပူထိပ်သီးသည် မြောက်ကိုရီးယားအား ၎င်း၏နျူကလီးယားလက်နက် စီမံကိန်းကြီးကို ရာသက်ပန် စွန့်လွှတ်လိုက်စေရန် လမ်းကြောင်းပေါ်သို့ ဦးတည်စေနိုင်လိမ့်မည်ဟု ကမ္ဘာခေါင်းဆောင်များက ရင်တထိတ်ထိတ်ဖြင့် စောင့်ကြည့်နေကြသည်။ တစ်ချိန်တည်းမှာပင် စင်ကာပူနိုင်ငံသားအချို့ကလည်း ၎င်းတို့၏ ငြိမ်းအေးသော နေထိုင်မှုဘ၀များအား အနှောင့်အယှက်များ ရှိလာမည့်အပေါ် ပို၍ပင် စိုးရိမ်နေကြကြောင်း သိရသည်။

စင်ကာပူသည် တည်ငြိမ်လွန်းလှသဖြင့် ရံဖန်ရံခါတွင် ပျင်းရိစရာကောင်းသည်ဟုပင် လှောင်ပြောင်ခံနေရသည့် နိုင်ငံဖြစ်သည်။ ထိုစဉ် ချန်အန်တိုနီအမည်ရှိသူက အလွန်အမင်း သန့်ရှင်းမှုရှိသည့် နိုင်ငံငယ်လေးထဲသို့ ထရန့်-ကင်ထိပ်သီး ဆွေးနွေးပွဲလာ ကျင်းပခြင်းသည် ၎င်းတို့ကို မသက်မသာ ဖြစ်စေလိမ့်မည်ဟု Facebook ပေါ်တွင် ရေးသားခဲ့သည်။ “အဲဒီနေ့ကို အများပြည်သူ ရုံးပိတ်ရက်ဆိုပြီး အစိုးရက ကြေညာပေးလို့ မရဘူးလား” ဟု ၎င်းက မေးခွန်းထုတ်ထားခဲ့သည်။

“ကမ္ဘာ့လူကြိုက်အနည်းဆုံး ခေါင်းဆောင်နှစ်ဦးက ဒီကိုလာပြီး ကမ္ဘာ့ငြိမ်းချမ်းရေးအတွက် ဆွေးနွေးကြတော့မယ်။ အိုး ဒုက္ခပါပဲ” ဟု တီမိုသီကလိန်း အမည်ရှိသူကလည်း Facebook ပေါ်တွင် ညည်းညည်းညူညူဖြင့် ရေးသားခဲ့သည်။

ထိပ်သီးဆွေးနွေးပွဲအတွက် ချထားမည့် လုံခြုံရေးမှာလည်း သေချာပေါက် အလွန်တရာ ကြီးမားမည်ဖြစ်ပြီး ဆွေးနွေးပွဲကျင်းပမည့် နေရာပတ်ဝန်းကျင်ရှိ လမ်းများကို ရှည်လျားစွာ ပိတ်ထားကာ ရဲအင်အား အမြောက်အမြားအား ချထားရန် ပြင်ဆင်နေသည်။

ကိုယ်စားလှယ်တို့အတွက် သောက်စရာအခမဲ့

စင်ကာပူနေရှင်နယ် တက္ကသိုလ်ရှိ အရှေ့အာရှအင်စတီကျုမှ လင်တိုင်ဝေကမူ ထိပ်သီးဆွေးနွေးပွဲကြောင့် ကျယ်ကျယ်ပြန့်ပြန့် အနှောင့်အယှက်များဖြစ်လာမည်ဟု စိုးရိမ်မှုများကို ဘေးချိတ်ခဲ့သည်။ “သင်တို့အနေနဲ့ မှတ်မိထားဖို့က ဒီနိုင်ငံဟာ ၂၀၁၅ ခုနှစ်တုန်းက ရှီ-မာ ထိပ်သီးကို ကျင်းပခဲ့ဖူးတဲ့ အတွေ့အကြုံ ရှိတယ်ဆိုတာပဲ။ ဒါ့အပြင် အမေရိကန်သမ္မတများစွာကိုလည်း ဧည့်ခံခဲ့ဖူးပါတယ်” ဟု ၎င်းက ပြောကြားခဲ့သည်။

တချို့ကလည်း ယင်းကဲ့သို့ မီဒီယာများ၊ သံတမန်များ၊ စီးပွားရေးများ အစုလိုက်အပြုံလိုက် ရုတ်တရက် ၀င်လာခြင်းကို အခွင့်အလမ်း တစ်ခုဟု ရှုမြင်နေကြသည်။

Singapore Sling ကော့တေးကြောင့် နာမည်ကျော်သည့် စင်ကာပူတွင် အဖျော်ဆရာများသည် ထိပ်သီးအထိမ်းအမှတ် ယမကာ ကော့တေးနှစ်မျိုးဖြင့် နာမည်ကျော်လာနိုင်သည့် အခွင့်အရေးလည်း ရှိနေသည်။

Trump ဟု အမည်ပေးထားသော ကော့တေးသည် အပြာရောင်ရှိပြီး အမေရိကန်ထုတ် ဘောဘွန်းဝီစကီအား အခြေပြုထားခြင်း ဖြစ်သည်။ Kim ဟုအမည်ရသော ကော့တေးမှာမူ အနီရောင်ရှိကာ ကိုရီးယားအရက် ဆိုဂျူအား အခြေပြု ဖျော်စပ်ထားခြင်းဖြစ်သည်။ ထိုကော့တေးနှစ်မျိုးစလုံးသည် ထိပ်သီးဆွေးနွေးပွဲ ကျင်းပမည့်နေ့ရက်ကို အစွဲပြုကာ စင်ကာပူ ဒေါ်လာ ၁၂ ဒသမ ၆ (အမေရိကန်ဒေါ်လာ ၉ ဒသမ ၄၀) ကျသင့်မည်ဖြစ်သည်။ ထိုကော့တေးနှစ်မျိုးကို ရရှိနိုင်သည့် Escobar ဘားပိုင်ရှင်ဖြစ်သူ စတန်စရီဂါနစ်ရ်ှက “သင်ဟာ ဒီပွဲကိုတက်တဲ့ ကိုယ်စားလှယ်တစ်ဦးဖြစ်ကြောင်း ပြနိုင်ရင် ကျွန်တော်က တစ်ဝိုင်းတိုက်မှာပါ” ဟု ပြောကြားခဲ့သည်။

Ref: AFP

ထရန့်-ကင် ထိပ်သီးဆွေးနွေးပွဲ ကျင်းပရေးအတွက် မျှော်လင့်ချက်များ ပြန်လည်မြင့်တက်

မေ ၂၆ ရက်က မြောက်ကိုရီးယားနိုင်ငံပိုင် မီဒီယာက ထုတ်ပြန်သည့် ဓာတ်ပုံထဲတွင် တောင်ကိုရီးယားသမ္မတ မွန်းဂျေအင်းနှင့် တွေ့ဆုံပွဲအတွင်း ရယ်နေသော ကင်ဂျုံအွန်အား တွေ့ရစဉ် (Photo: AFP)

မြောက်ကိုရီးယားခေါင်းဆောင် ကင်ဂျုံအွန်နှင့် သမိုင်းဝင် ထိပ်သီးဆွေးနွေးပွဲကျင်းပရန် စီစဉ်နေမှုများသည် အလွန်ကောင်းမွန်သည့် အခြေအနေတွင် ရှိနေသည်ဟု အမေရိကန်သမ္မတဒေါ်နယ်ထရန့်က မေ ၂၇ ရက်တွင် ပြောကြားခဲ့သည်။

ထိုစဉ် ကင်ဂျုံအွန်ကလည်း အဆိုပါ ထိပ်သီးဆွေးနွေးပွဲသည် ဆယ်စုနှစ်ပေါင်းများစွာ ထိပ်တိုက်တွေ့နေသည့် အခြေအနေကို အဆုံးသတ်ရန် သမိုင်းဝင်အခွင့်အရေး တစ်ရပ်ဖြစ်သည်ဟု သူ့အား ပြောကြားခဲ့ကြောင်း တောင်ကိုရီးယားသမ္မတ မွန်းဂျေအင်းက ဆိုသည်။

ပြီးခဲ့သည့် ရက်အနည်းငယ်အတွင်းက ကိုရီးယားကျွန်းဆွယ်ပေါ်မှ သံတမန်ရေးသည် အန္တရာယ်ခံတွင်းဝသို့ ကျရောက်လုနီးပါးဖြစ်သွားခဲ့ပြီးမှ ယခုကဲ့သို့ ပြေရာပြေကြောင်း ကြေညာချက်များ ပြန်လည်ထွက်ပေါ်လာခြင်းဖြစ်သည်။ ထရန့်သည် မြောက်ကိုရီးယား၏ ပေါ်ပေါ်ထင်ထင် ရန်လိုမှုများကြောင့် စင်ကာပူတွင် ကျင်းပမည့် ကင်နှင့် ထိပ်သီးဆွေးနွေးပွဲကို ဖျက်သိမ်းလိုက်ပြီဟု မေ ၂၂ ရက်က ကြေညာခဲ့ခြင်းကြောင့် ဒေသတွင်း တစ်ခုလုံး လှုပ်လှုပ်ရှားရှား ဖြစ်သွားခဲ့ရသည်။

သို့သော် မြောက်ကိုရီးယားအစိုးရ အရာရှိများနှင့် အပြုသဘောဆောင်သော ဆွေးနွေးမှုများ ပြုလုပ်ခဲ့ပြီးနောက် ၂၄ နာရီအတွင်းမှာပင် ထရန့်သည် သဘောထားပြန်၍ ပြောင်းသွားခဲ့ပြီး ဆွေးနွေးပွဲမှာ ဖြစ်မြောက်နိုင်သည်ဟု ပြောကြားခဲ့ခြင်းဖြစ်သည်။ “အခြေအနေတွေက အလွန်ကောင်းမွန်စွာ ရှေ့ဆက်သွားနေပါတယ်။ ကျွန်တော်တို့ စင်ကာပူမှာ ဇွန် ၁၂ ရက်အတွက် အခြေအနေတွေ စောင့်ကြည့်နေပါတယ်။ အဲဒီအတွက် ပြောင်းလဲမှုမရှိပါဘူး” ဟု ထရန့်က မေ ၂၆ ရက်တွင် သတင်းထောက်များကို ပြောကြားခဲ့သည်။

ခန့်မှန်း၍ မရသော ထရန့်ကြောင့် ကင်ဂျုံအွန်နှင့် မွန်းဂျေအင်းတို့သည် စင်ကာပူ ထိပ်သီးဖြစ်မြောက်ရေးအတွက် မေ ၂၆ ရက်က နှစ်နိုင်ငံနယ်စပ်တွင် ရုတ်ချည်းတွေ့ဆုံခဲ့ကြရသေးသည်။ ယင်းတွေ့ဆုံမှုသည် သမိုင်းတစ်လျှောက်တွင် စတုတ္ထအကြိမ်မြောက် တောင်ကိုရီးယားနှင့် မြောက်ကိုရီးယား ခေါင်းဆောင်နှစ်ဦးကြားမှ တွေ့ဆုံမှုလည်း ဖြစ်လာခဲ့သည်။

မွန်း၏ ပြောကြားချက်အရ ကင်သည် မည့်သည့် ခမ်းနားကြီးကျယ်မှုမှ မပါဘဲ တွေ့ဆုံမှုတစ်ခု အမြန်လုပ်လိုကြောင်း ၎င်းကို ပြောလာသည်ဟု သိရသည်။ “သမိုင်းတစ်လျှောက်က စစ်ပွဲတွေ ထိပ်တိုက်တွေ့မှုတွေကို မြောက်ကိုရီးယား-အမေရိကန် ထိပ်သီး ဆွေးနွေးအောင်မြင်မှုကနေတစ်ဆင့် အဆုံးသတ်ပြီး ငြိမ်းချမ်းရေးနဲ့ သာယာဝပြောရေးအတွက် ပူးပေါင်းလိုတဲ့အကြောင်း သူ့ရဲ့ ရည်ရွယ်ချက်ကို ကင်က ပြောပြခဲ့ပါတယ်” ဟု မွန်းက မေ ၂၇ ရက်တွင် ဆိုးလ်၌ သတင်းထောက်များကို ပြောကြားခဲ့သည်။

မြောက်ကိုရီးယားနိုင်ငံပိုင်မီဒီယာ KCNA သတင်းဌာန၌ ကင်သည် DPRK အမေရိကန် ထိပ်သီးနှင့်ပတ်သက်၍ ၎င်း၏ ခိုင်မာသော သဘောထားကို ဖော်ပြခဲ့သည်ဟု ထုတ်ပြန်ခဲ့သည်။ DPRK ဆိုသည်မှာ မြောက်ကိုရီးယားနိုင်ငံအမည်၏ အတိုကောက်ဖြစ်သည်။

တောင်နှင့် မြောက်ကိုရီးယားတို့သည် ဇွန် ၁ ရက်တွင် အဆင့်မြင့်အရာရှိအဆင့် ဆွေးနွေးပွဲကို ကျင်းပကြဦးမည်ဟု ကင်က ပြောကြားခဲ့သည်။

“ကင်ဟာ သူ့ဆီမှာ အလုံးစုံ နျူကလီးယား ဖျက်သိမ်းရေးဆီ ဦးတည်ဖို့ ခိုင်မာတဲ့ ဆုံးဖြတ်ချက်တစ်ခုရှိတဲ့အကြောင်း ထပ်မံအလေးပေး ပြောကြားခဲ့ပါတယ်” ဟု သမ္မတမွန်းက သတင်းထောက်များကို ပြောကြားခဲ့သည်။ ကင်အတွက် မသေချာမရေရာ ဖြစ်နေသည်မှာ နျူကလီးယားဖျက်သိမ်းရေး မဟုတ်ကြောင်း၊ ထိုသို့ နျူကလီးယား ဖျက်သိမ်းပြီးချိန်တွင် မြောက်ကိုရီးယား၏ လုံခြုံရေးကို အမေရိကန်တို့က အာမခံပေးပြီး ရန်လိုသော မူဝါဒများကို အဆုံးသတ်နိုင်မည့် အရေးအပေါ် ယုံသင့်မယုံသင့် စိုးရိမ်နေခြင်းသာဖြစ်ကြောင်း မွန်းက ဆက်လက်ပြောကြားခဲ့သည်။

“စေ့စပ်ဆွေးနွေးမှုတွေ ပြန်လည်အသက်ဝင်စေဖို့ ရှေ့ဆက်ပြီး ချောချောမောမော ဆောင်ရွက်နိုင်စေဖို့ မွန်းဟာ ထရန့်နဲ့ ကင်ကြားမှာ စကားလက်ဆင့်ကမ်းပေးတဲ့ အဓိကအခန်းကဏ္ဍကနေ ပါဝင်ကူညီပေးခဲ့တာ ဖြစ်ပါတယ်” ဟု ဆိုးလ်ရှိ Dongguk တက္ကသိုလ်မှ မြောက်ကိုရီးယားလေ့လာရေးဆိုင်ရာ ပါမောက္ခ ကင်ယွန်ဟန်က ပြောကြားခဲ့သည်။ “အခုဆိုရင် စင်ကာပူထိပ်သီးဟာ လမ်းကြောင်းမှန်ပေါ် ပြန်ရောက်သွားပြီဆိုတာ ရှင်းလင်းသွားပါပြီ” ဟု ၎င်းက ပြောကြားခဲ့သည်။

Ref: AFP

ကင်ဂျုံအွန်နှင့် ထိပ်သီးဆွေးနွေးပွဲကို ဒေါ်နယ်ထရန့်က ဖျက်သိမ်း

မေ ၁၁ ရက်က စင်ကာပူတွင် ထရန့်နှင့်ကင်ဂျုံအွန်တို့၏ ထိပ်သီးကျင်းပမည့် သတင်းပါဝင်သည့်
သတင်းစာများကို ရောင်းချနေသူတစ်ဦးအား တွေ့ရစဉ် (Photo: AP)

မြောက်ကိုရီးယားခေါင်းဆောင် ကင်ဂျုံအွန်နှင့် ထိပ်သီးဆွေးနွေးပွဲကို ဖျက်သိမ်းကြောင်း အမေရိကန်သမ္မတဒေါ်နယ်ထရန့်က မေ ၂၄ ရက်တွင် ကြေညာချက်တစ်စောင် ထုတ်ပြန်ခဲ့သည်။ အိမ်ဖြူတော်က ထုတ်ပြန်သော ယင်းကြေညာချက်တွင် ကင်ဂျုံအွန်သို့ လိပ်မူထားပြီး မြောက်ကိုရီးယားက မကြာသေးမီက ထုတ်ပြန်သော ကြေညာချက်၌ ပြောင်ပြောင်တင်းတင် ရန်လိုမှုနှင့် ဒေါသတကြီးဖြစ်မှုတို့ကြောင့် ကာလကြာရှည်ကတည်းက စီစဉ်ထားသော ဆွေးနွေးပွဲကို ကျင်းပရန် မသင့်တော်ဟု ယူဆကြောင်း ထရန့်က ပြောကြားထားသည်။

ထိပ်သီးဆွေးနွေးပွဲကို ဖျက်သိမ်းလိုက်ရသောကြောင့် ရေရှည်တည်တံ့သော ငြိမ်းချမ်းရေးနှင့် ကြီးမာသော သာယာဝပြောမှုတို့အတွက် ကမ္ဘာက အခွင့်အလမ်းကြီးတစ်ရပ် ဆုံးရှုံးသွားပြီဖြစ်ကြောင်း ထရန့်က ကြေညာချက်တွင် ပြောကြားခဲ့သည်။ မကြာသေးမီက ထုတ်ပြန်သော မြောက်ကိုရီးယားအစိုးရ၏ ကြေညာချက်တွင် အမေရိကန်ဒုသမ္မတ မိုက်ပင့်စ်ကို နိုင်ငံရေး မသိသူတစ်ဦးအဖြစ် ရည်ညွှန်းထားသည်။ ထို့ပြင် ဆွေးနွေးပွဲ စားပွဲဝိုင်း၌ တွေ့ဆုံမှုကဲ့သို့ နျူကလီးယားထိပ် တိုက်တွေ့မှုအတွက်လည်း အသင့်ရှိကြောင်း မြောက်ကိုရီးယားက ပြောကြားခဲ့သည်။

ကင်ဂျုံအွန်သည် ထရန့်နှင့်ကစားရန် ကြိုးစားပါက ကြီးမားသော အမှားအယွင်းဖြစ်သွားမည်ဖြစ်ကြောင်း အမေရိကန် ဒုတိယ သမ္မတမိုက်ပင့်စ်က မေ ၂၁ ရက်တွင် သတိ ပေးခဲ့မှုသည် ပညာမဲ့ပြီး မိုက်မဲသော မှတ်ချက်များဖြစ်ကြောင်း မြောက်ကိုရီးယား ဒုတိ ယ နိုင်ငံခြားရေးဝန်ကြီး ချိုဆန်ဟေးက မေ ၂၄ ရက်တွင် ပြင်းပြင်းထန်ထန် ဝေဖန်ခဲ့သည်။ နျူကလီးယားလက်နက်များ စွန့်လွှတ်ပြီးနောက် အမေရိကန်ကျောထောက်နောက်ခံပြု သူပုန်များ၏လက်ချက်ဖြင့် ချေမှုန်းခံခဲ့ရသည့် လစ်ဗျားအာဏာရှင်ဟောင်း မွမ်မာ ကဒါဖီအဖြစ်မျိုးကို မြောက်ကိုရီးယားက ကြုံတွေ့နိုင်ကြောင်းလည်း ပင့်စ်က သတိပေး ခဲ့ခြင်းဖြစ်သည်။

ထရန့်နှင့် ကင်တို့ကြား ထိပ်သီးဆွေးနွေးပွဲအတွက် အသေးစိတ် လုပ်ငန်းစဉ်များ ဆွေးနွေးရန် အမေရိကန် တာဝန်ရှိသူများက အကြိမ်ကြိမ်တောင်းဆိုခဲ့မှုကို မြောက်ကိုရီးယားက မတုံ့ပြန်ခဲ့ကြောင်း အမေရိကန်နိုင်ငံခြားရေး ၀န်ကြီး မိုက်ပွန်ပီယိုက ပြောကြားခဲ့သည်။

ကုလသမဂ္ဂအတွင်းရေမှူးချုပ် အန်တိုနီယိုဂူတာရက်စ်က ထရန်နှင့် ကင်တို့ကြား စီစဉ်ထားသော ထိပ်သီးဆွေးနွေးပွဲ ပျက်ပြားခဲ့ခြင်းအတွက် အလွန်အမင်း စိုးရိမ်ကြောင်း ပြောကြားခဲ့သည်။

ကိုရီးယားကျွန်းဆွယ်တွင် နျူကလီးယားကင်စင်ရေးနှင့် ငြိမ်းချမ်းရေးအတွက် လမ်းကြောင်းတစ်ခု ရှာဖွေရေး အားလုံးက ဆက်လက်ကြိုးပမ်းကြရန် တိုက်တွန်းကြောင်း ဂူတာရက်စ်က ဂျီနီဗာတက္ကသိုလ်တွင် ပြောကြားခဲ့သည်။

ယင်းအချိန်တွင် မြောက်ကိုရီးယားက ၎င်းတို့၏ နျူကလီးယားစမ်းသပ်မှု ခြောက်ကြိမ်စလုံးအား ပြုလုပ်ခဲ့သည့် ပန်ဂျီရီစမ်းသပ် စခန်းအား အလုံးစုံဖျက်ဆီးပစ်ရန် အစီအစဉ်အား လေ့လာနိုင်ရန်အတွက် ပြည်ပဂျာနယ်လစ်အချို့အား ဖိတ်ခေါ်ထားခဲ့သည်။ ထိုလုပ်ရပ်သည် မြောက်ကိုရီးယား၏ ကာလရှည်ကြာ နျူကလီးယားစွမ်းရည်များအား ဟန့်တားရန် အနည်းငယ်သာ သက်ရောက်မည်ဖြစ်သော်လည်း မြောက်ကိုရီးယားအစိုးရသည် အပြောင်းအလဲ ပြုလုပ်ရန်အတွက် အလေးအနက်ထားကြောင်း အချက်ပြခဲ့သည်ဟု ကျွမ်းကျင်ပညာရှင်များက သုံးသပ်ခဲ့ကြသည်။

အမေရိကန်နှင့် မြောက်ကိုရီးယား နှစ်ဘက်စလုံးသည် ထိပ်သီးဆွေးနွေးပွဲ မကျင်းပမီ အသာစီးမှနေ၍ ညှိနှိုင်းနိုင်ရန်အတွက် ကစားနေကြကြောင်း Asan Institute for Policy Studies မှ လေ့လာသုံးသပ်သူ ဂိုမြောင်ဟွန်းက ပြောကြားခဲ့သည်။ ထို ထိပ်သီး မဖြစ် မြောက်ခဲ့လျှင်ပင် ပန်ဂျီရီစခန်းအား ဖျက်ဆီးပစ်ခဲ့မှုအတွက် မြောက်ကိုရီးယားသည် နိုင်ငံတကာ၏ ကရုဏာသက်မှုကို ရရှိလိမ့်မည်ဖြစ်ကြောင်း ၎င်းက ပြောကြားခဲ့သည်။

မြောက်ကိုရီးယားသည် ထိုစခန်းအား ဖျက်သိမ်းရန်အတွက် မည်သည့်သတ်မှတ်ချက်မျှ တောင်းဆိုခဲ့မှုမရှိခြင်း သို့မဟုတ် အပြန်အလှန် အနေဖြင့် ၀ါရှင်တန်ထံမှ မည်သည့်အရာမျှ တောင်းဆိုခဲ့ခြင်းမရှိဘဲ သဘောတူခဲ့ခြင်းဖြစ်သည်။

ကိုရီးယား ထိပ်သီးဆွေးနွေးပွဲနှင့် ပတ်သက်ပြီး ကမ္ဘာ့နိုင်ငံများက တုံ့ပြန်မှုများ

သမိုင်းဝင် ထိပ်သီးဆွေးနွေးပွဲ ကျင်းပမှုအတွက် ကိုရီးယားနှစ်နိုင်ငံ၏ ခေါင်းဆောင်များကို တရုတ်က ချီးကျူးခဲ့ပြီး ခေါင်းဆောင်နှစ်ဦး လက်ဆွဲနှုတ်ဆက်မှုသည် သမိုင်းဝင် အခိုက်အတန့်ဖြစ်ကြောင်း ပြောကြားခဲ့သည်။

ရုရှားကလည်း ကိုရီးယားသမိုင်းဝင် ထိပ်သီးဆွေးနွေးပွဲသည် အလွန်အပြုသဘောဆောင်သော သတင်းဖြစ်ကြောင်း ချီးကျူးခဲ့ပြီး ကိုရီးယား၏ခေါင်းဆောင်များအကြား တိုက်ရိုက်တွေ့ဆုံမှုသည် အလားအလာကောင်းများရှိကြောင်း ရုရှားသမ္မတဗလာဒီမာ၏ ပြောခွင့်ရပုဂ္ဂိုလ် ဒီမစ်ထရီပက်စကော့က သတင်းထောက်များကို ပြောခဲ့သည်။

ကိုရီးယားထိပ်သီးဆွေးနွေးပွဲကို ဂျပန်ဝန်ကြီးချုပ် ရှင်ဇိုအာဘေးက ကြိုဆိုခဲ့ပြီး ကိုရီးယားကျွန်းဆွယ် နျူကလီးယားကင်းစင်ရေးအတွက် သိသာထင်ရှားသော လုပ်ဆောင်ချက်များ ဆောင်ရွက်ရန် ပြုံယမ်းကို တိုက်တွန်းခဲ့သည်။

ကိုရီးယားထိပ်သီးဆွေးနွေးပွဲသည် သမိုင်းဝင် ဆွေးနွေးပွဲဖြစ်ကြောင်း အမေရိကန်သမ္မတဒေါ်နယ်ထရန့်က ချီးကျူးခဲ့ပြီး အချိန်ကသာ ဆုံးဖြတ်ပေးလိမ့်မည်ဟု ၎င်း၏ Twitter တွင် ရေးသားခဲ့သည်။ ထို့ပြင် ထရန့်က “ကိုရီးယားစစ်ပွဲပြီးတော့မယ်။ အမေရိကန်နဲ့ ကြီးမြတ်တဲ့ အမေရိကန်ပြည်သူအားလုံးက ကိုရီးယားမှာ လက်ရှိဖြစ်ပေါ်နေတာတွေအတွက် အလွန်ဂုဏ်ယူထိုက်ပါတယ်” ဟု ရေးသားခဲ့သည်။

နေတိုးဥက္ကဋ္ဌ ယန်းစတော်တင်ဘာ့ဂ်က တောင်မြောက်ကိုရီးယားခေါင်းဆောင်များအကြား ထိပ်သီးဆွေးနွေးပွဲသည် အားတက်စရာဖြစ်ကြောင်း ချီးကျူးခဲ့သော်လည်း စိန်ခေါ်မှုများက ရှေ့တွင် စောင့်ဆိုင်းနေသည်ဟု သတိပေးခဲ့သည်။

“ဒါက ပထမခြေလှမ်းပါ။ အားတက်ဖွယ်ရာပါပဲ။ ဒါပေမဲ့ ရှေ့မှာ ခက်ခဲတဲ့ အလုပ်တွေ အများအကြီး ရှိနေတယ်ဆိုတာ ကျွန်တော်တို့ နားလည်ရပါမယ်” ဟု ဘရပ်ဆဲလ်၌ နေတိုးနိုင်ငံခြားရေးဝန်ကြီးများ အစည်းအဝေးတွင် စတော်တင်ဘာ့ဂ်က ပြောခဲ့သည်။

ကိုရီးယားထိပ်သီးဆွေးပွဲအပြီးနောက် ဂုဏ်ပြုထမင်းစားပွဲသို့ တက်ရောက်ရန် မြောက်ကိုရီးယားခေါင်းဆောင် ကင်ဂျုံအွန်၏ဇနီး ရီဆိုဂျူးသည် ဧပြီ ၂၇ ရက်တွင် ရောက်ရှိခဲ့ကြောင်း ရုပ်သံတိုက်ရိုက်ထုတ်လွှင့်မှုများတွင် မြင်တွေ့ခဲ့ရသည်။ ရီဆိုဂျူးသည် မကြာသေးခင်က နိုင်ငံရေး အခမ်းအနားများတွင် ပို၍နေရာယူလာခဲ့ပြီး ပြည်တွင်းပြည်ပ အဓိက အခမ်းအနားများ၌ ကင်နှင့်အတူ တက်ရောက်ခဲ့သည်။

Ref: AFP