ထားဝယ်မြို့နယ်ရှိ သတ္တုမိုင်းတစ်ခု၌ မိုင်းဖောက်ခွဲရာတွင် အသုံးပြုသော Detonator အချောင်း ၁၆၀၀ နှင့် ကြိုးများပျောက်ဆုံးမှုမှ ခိုးယူသူ ကုမ္ပဏီဝန်ထမ်းနှင့် ဆက်စပ်သူသုံးဦးကို ဖမ်းဆီးစစ်ဆေးနေပြီး ပျောက်ဆုံးခဲ့သည့် ပစ္စည်းများအားလုံး သိမ်းဆည်းနိုင်ခဲ့ဟု သိရ

တနင်္သာရီတိုင်းဒေသကြီး ထားဝယ်မြို့နယ် မေတ္တာမြို့ရှိ သတ္တုမိုင်းတစ်ခု၌ မိုင်းဖောက်ခွဲရာတွင် အသုံးပြုသော Detonator အချောင်း ၁၆၀၀ နှင့် ကြိုးများပျောက်ဆုံးမှုမှ ခိုးယူသူကုမ္ပဏီဝန်ထမ်းနှင့် ဆက်စပ်သူ သုံးဦးကို ဖမ်းဆီးစစ်ဆေးနေပြီး ပျောက်ဆုံးခဲ့သည့် ပစ္စည်းများအားလုံးကို သိမ်းဆည်းနိုင်ခဲ့ပြီဖြစ်ကြောင်း သိရသည်။ ထားဝယ်မြို့အရှေ့ဘက် မိုင်၂၀ ကျော်ခန့်အကွာရှိ ဟာမြင်းကြီးရွာ၌ အမှတ် (၂) သတ္တုတွင်းလုပ်ငန်းမှ ထိန်းသိမ်းထားသော ယမ်းနှင့်ဆက်စပ်ပစ္စည်းများသို လှောင်ထားသည့် ယမ်းတိုက်တွင် သြဂုတ်  ၂၂ ရက်က Detonator ၁၆၀၀ ချောင်းနှင့် ကြိုးများပျောက်ဆုံးမှုနှင့် ပတ်သက်၍ အမှုစစ်အဖွဲ့က သြဂုတ် ၂၄ ရက် ည ၁၀ နာရီတွင် ကုမ္ပဏီတာဝန်ရှိသူများ၊ သက်သေများဖြင့် ၀န်ထမ်းများအား စစ်ဆေးရာ ငွေထွန်းတောက် ကုမ္ပဏီတွင် ယာဉ်မောင်းအဖြစ် လုပ်ကိုင်နေသူဖြစ်သည့် မြင်းမတ်တပ်ရွာနေ ကျော်သူထွေး (၁၈ နှစ်) မှာ ယင်းပစ္စည်းများအား ခိုးယူခဲ့ကြောင်း စစ်ဆေးပေါ်ပေါက်ခဲ့ကြောင်း၊ ထို့နောက် ၎င်းအား ဆက်လက် စစ်ဆေးချက်အရ ၎င်းခိုးယူထားသည့် ပစ္စည်းများ သွားရောက်အပ်နှံထားသည့် မြေးခန္တီရွာရှိ ဦးဝင်းညွှန့် နေအိမ်၌ ခိုးရာပါ ပစ္စည်းအချို့ကို သိမ်းဆည်းရမိခဲ့ပြီး ယင်းပစ္စည်းများကို ၀ယ်ယူခဲ့သည့် ဆက်စပ်သူများနှင့် ပစ္စည်းများကိုပါ သြဂုတ် ၂၄ ရက်မှ ၂၆ ရက်အတွင်း ဖော်ထုတ်ဖမ်းဆီး ရမိခဲ့သည်ဟု တနင်္သာရီတိုင်းဒေသကြီး ရဲတပ်ဖွဲ့မှ သိရသည်။

“တစ်ယောက်ကိုပဲ ကျွန်တော်တို့က အမှုနဲ့ စဖမ်းလိုက်တာ။ ကျန်တာတွေကတော့ သူ့ဆီကနေ ၀ယ်သွားတဲ့သူတွေ။ ယာဉ်မောင်း ကျော်သူထွေးဆိုတာ ပထမသူက အဓိက တရားခံပေါ့။ သူ့ကိုစဖော်ထုတ် လိုက်နိုင်တာပေါ့။ သူ့ကိုဖော်ထုတ်ပြီးမှ ကျန်တာတွေက သူကလိုက်ရောင်းခိုင်းတဲ့သူတွေ သူ့ဆီကနေ ၀ယ်တဲ့သူတွေ လိုက်သိမ်းမိတာ။ ကျန်တဲ့သူ သုံးယောက်ကို နောက်ဆက်တွဲအနေနဲ့ ရမန်ယူပြီးတော့ ဖမ်းထားတယ်။ ပစ္စည်းတွေလည်း အကုန်သိမ်းထားပြီးပြီ” ဟု တိုင်းဒေသကြီး ရဲတပ်ဖွဲ့မှ ရဲအရာရှိကြီးတစ်ဦးက ပြောကြားသည်။

အမှုမှခိုးယူသူအား စတင်ဖော်ထုတ်နိုင်ခဲ့သည့် သြဂုတ် ၂၄ ရက်ညတွင် ယမ်းတိုက်အတွင်းမှ ခိုးယူခဲ့သည့် ပစ္စည်းများဖြစ်သော Detonator များနှင့်ကြိုးများကို မြေးခန္တီကျေးရွာ အလယ်ပိုင်းနေ ဦးဝင်းညွှန့်၏ နေအိမ်သို့ သွားရောက် အပ်နှံထားကြောင်း စစ်ဆေးပေါ်ပေါက်ခဲ့သဖြင့် သွားရောက်ရှာဖွေရာ Detonator No.8 ၅၀၀ ချောင်း၊ MS Delay Electric Detonator – 3 ၁၀၀ ချောင်း၊ Detonation Coed ၅၀ မီတာပါ ငါးခွေ (စုစုပေါင်း ၂၅၀ မီတာ) တို့အား ပြန်လည်သိမ်းဆည်း ရမိခဲ့ကြောင်း၊ ထို့နောက် ဆက်လက်စစ်ဆေးချက်အရ ခိုးရာပါပစ္စည်းများ ၀ယ်ယူထားသူနှစ်ဦးကို ဆက်လက်ဖမ်းဆီးရမိခဲ့ပြီး ၎င်းတို့ဝယ်ယူထားသည့် Detonator များနှင့် ကြိုးများကိုပါ သိမ်းဆည်းရမိခဲ့ကြောင်း သိရသည်။ သိမ်းဆည်းရမိခဲ့သည့် ပစ္စည်းများမှာ ပျောက်ဆုံးခဲ့သည့် Detonator ၁၆၀၀ ချောင်းအနက် ၁၅၉၂ ချောင်း သိမ်းဆည်းရရှိခဲ့ပြီး ကျန်ရှိသည့် ရှစ်ချောင်းမှာ ခိုးရာပါပစ္စည်း ၀ယ်ယူသူဖြစ်သည့် ကျော်မင်းလတ်က မိုင်းလုပ်ငန်းခွင်တွင် အသုံးပြုခဲ့ပြီး ဖြစ်သည်ဟု သိရကြောင်း၊ Detonation Coed ၅၀ မီတာပါ ကြိုးခွေမှာ ပျောက်ဆုံးစဉ်က တစ်ခွေသာ စာရင်းရှိခဲ့သော်လည်း ပြန်လည်သိမ်းဆည်း ရရှိမှုမှာ ခုနစ်ခွေ ရရှိခဲ့သဖြင့် ၅၀ မီတာပါ ကြိုးခွေ ခြောက်ခွေ ပိုမိုသိမ်းဆည်း ရမိခဲ့သည်ဟု တိုင်းဒေသကြီး ရဲတပ်ဖွဲ့၏ မှုခင်းမှတ်တမ်းအရ သိရသည်။

မိုင်း​ဖောက်​ခွဲမှုအတွက် အသုံးပြုရာ၌ လိုအပ်​သည့်​ပစ္စည်း တစ်​ခုဖြစ်​​သည့် Detonator နှင့် ကြိုးများ ပျောက်ဆုံးမှုမှ ယမ်းတိုက်အတွင်း ပစ္စည်းများကို ခိုးယူသူဖြစ်သည့် မြင်းမတတ်ရွာနေ ကျော်သူထွေး (၁၈ နှစ်) အပြင် ခိုးယူထားသည့် ပစ္စည်းများအား ထိန်းသိမ်းပေးထားသည့် မြေးခန္တီရွာနေ ဦးဝင်းညွှန့် (၄၈ နှစ်)၊ ခိုးရာပါပစ္စည်းများ ၀ယ်ယူသူ မြေးခန္တီရွာနေ ကျော်မင်းလတ် (၃၃ နှစ်) နှင့် ခိုးရာပါ ပစ္စည်းများဝယ်ယူသူ ၀ဲကျွန်းရပ်ကွက်နေ ဖိုးသား(ခ) ထက်နောင်စိုး (၂၈ နှစ်) တို့အား အမှုနှင့် ဆက်စပ်သူ အနေဖြင့် သြဂုတ် ၂၄ ရက်မှ ၂၆ ရက်အတွင်း ဖမ်းဆီးထိန်းသိမ်းခဲ့ပြီး ခိုးယူခံရသည့် ပစ္စည်းများကိုလည်း သိမ်းဆည်းခဲ့ကြောင်း၊ ၎င်းတို့ လေးဦးစလုံးအား ထားဝယ်မြို့မ ရဲစခန်းတွင် (ပ)၁၆၄၀/၂၀၁၈၊ ၁၉၄၉ ခုနှစ် လက်နက်အရေးပေါ် ပြစ်ဒဏ်စီရင်မှု (ယာယီ) အက်ဥပဒေပုဒ်မ ၂(၁)(က)ဖြင့် အမှုဖွင့်လှစ်ထားပြီး တရားရုံးတွင် ရမန်ယူကာ ဖမ်းဆီးစစ်ဆေးနေကြောင်း သိရသည်။ ၎င်းတို့ လေးဦးကို အမှုဖွင့်လှစ်ထားသည့် ၁၉၄၉ ခုနှစ် လက်နက် အရေးပေါ် ပြစ်ဒဏ်စီရင်မှု (ယာယီ) အက်ဥပဒေပုဒ်မ ၂(၁)(က)တွင်  ပြစ်မှုကျူးလွန်ကြောင်း ထင်ရှားပါက သေဒဏ်ဖြစ်စေ၊ တစ်သက်တစ်ကျွန်းဒဏ် ဖြစ်စေ၊ ၁၀ နှစ်ထက်မပိုသော အလုပ်ကြမ်းနှင့် ထောင်ဒဏ်ဖြစ်စေ၊ အလုပ်မဲ့ ထောင်ဒဏ်ဖြစ်စေ စီရင်ရမည်ဟု ဖော်ပြထားသည့်အပြင် ပြစ်မှုကို ကျူးလွန်ရန် အားပေးကူညီသူ တစ်ဦးတစ်ယောက်သည် ထိုပြစ်မှုအတွက် ပြဋ္ဌာန်းထားသော ပြစ်ဒဏ်ကို စီရင်ခြင်း ခံရမည်ဟု ဖော်ပြထားသည်။

 

ထားဝယ်မြို့ရှိ သတ္တုမိုင်းတစ်ခု၌ ယမ်းဖောက်ခွဲရာတွင် အသုံးပြုသည့် ဒီတိုနေတာ အချောင်း ၁၆၀၀ နှင့် ကြိုးများ ပျောက်ဆုံးမှုဖြစ်ပွား

တနင်္သာရီတိုင်းဒေသကြီး ထားဝယ်မြို့နယ် မေတ္တာမြို့ရှိ သတ္တုမိုင်းတစ်ခု၌ သြဂုတ် ၂၂ ရက်က ယမ်းဖောက်ခွဲရာတွင် အသုံးပြုသော ဒီတိုနေတာအချောင်း ၁၆၀၀ နှင့် ကြိုးများ ပျောက်ဆုံးမှုဖြစ်ပွားခဲ့သောကြောင့် ရဲတပ်ဖွဲ့က ဒေသတွင်း စုံစမ်းရှာဖွေမှုများဆောင်ရွက်နေကြောင်း သိရသည်။

ထားဝယ်မြို့ အရှေ့ဘက် ၁၀ မိုင်ခန့်အကွာရှိ ဟာမြင်းကြီးရွာ၌ အမှတ် (၂) သတ္တုတွင်းလုပ်ငန်းနှင့်ဖက် စပ်လုပ်ကိုင်နေသော ထွန်းကြယ်တစ်ပွင့်ကုမ္ပဏီနှင့် ငွေထွန်းတောက်ကုမ္ပဏီတို့မှ သြဂုတ်  ၂၂ ရက် ညနေ ၃ နာရီကျော်တွင် အမှတ် (၂) သတ္တုတွင်းလုပ်ငန်းမှ ထိန်းသိမ်းထားသော ယမ်းနှင့်ဆက်စပ်ပစ္စည်းများအား ယမ်းတိုက်မှ ထုတ်ယူရန် သတ္တုတွင်း နောက်ချန်တာဝန်ခံ၊ ငွေထွန်းတောက်ကုမ္ပဏီ ယမ်းတိုက်တာဝန်ခံ နှင့် ထွန်းကြယ်တစ်ပွင့်ကုမ္ပဏီမှ တာဝန်ခံတို့ ယမ်းတိုက်သို့ သွားရောက်ရာ ယမ်းတိုက်အခန်း၏ အတွင်းအပြင်တံခါးများရှိ သော့များပျက်စီးနေပြီး ယမ်းတိုက်အတွင်းမှ ကျပ် ၁၆၂၀၀၀ တန်ဖိုးရှိ ဒီတိုနေတာ NO.8 1200 ချောင်း၊ ကျပ် ၆၇၅၀၀ တန်ဖိုးရှိ MS Delay Electric ဒီတိုနေတာ 3 ၁၀၀ ချောင်း၊ ကျပ် ၂၀၂၅၀၀ တန်ဖိုးရှိ MS Delay Electric ဒီတိုနေတာ -5  ၃၀၀ ချောင်းနှင့် ကျပ် ၂၃၆၂၅ တန်ဖိုးရှိ Detonation Coed 50 မီတာ ပျောက်ဆုံးနေသည်ကို တွေ့ရှိခဲ့ရခြင်းဖြစ်ကြောင်း တနင်္သာရီတိုင်းဒေသကြီး ရဲတပ်ဖွဲ့၏မှုခင်းမှတ်တမ်းများအရ သိရသည်။

“ဒီတိုနေတာဆိုတာက အဲဒီယမ်းကို စတင်​ခွဲမယ့်​ မီးခြစ်​ဆန်လိုဟာမျိုး​ပေါ့။ စနက်​တံလို သ​ဘောမျိုး​ပေါ့။ အဓိပ္ပာယ်​​ပြောရရင်​​တော့။ ဘက်​ထရီက​နေ ခတ်​လိုက်​လို့ အဲဒီ ဒီတိုနေတာလေးကွဲမှ ယမ်း​တွေက ထ​ပေါက်​ကွဲပြီး ယမ်းရဲ့အပြင်​က ကာထားတဲ့ကာဗာ​တွေက အစိတ်​စိတ်အမြွှာမြွှာကွဲပြီး လူ​တွေကို ထိမှန်​တာ​ပေါ့။ ပမာဏက​တော့ Detonator အ​ချောင်း ၁၆၀၀ ​ပေါ့။ အမျိုးအစား အမျိုးမျိုး ရှိတယ်​။ ပြောရမယ်​ဆို နာရီထဲထည့်​တဲ့ဓာတ်​ခဲဆိုက်​ရှိတယ်​။ ရီမုထဲ ထည့်​တဲ့ဓာတ်​ခဲဆိုက်​ရှိတယ်​။ အလုံးအကြီး အ​သေးဆိုက်​ လေးမျိုး​လောက်​ထဲက အ​ချောင်း​ပေါင်း ၁၆၀၀ ​ပေါ့။နောက်​ပြီး​တော့ကြိုး​ပေါ့။ ၀ိုင်ယာကြိုးလိုဟာမျိုးက မီတာ ၅၀။ ​သော့ကိုရိုက်​ဖျက်​ထားတာ​ပေါ့။ အပြင်​တံခါး​သော့။ အတွင်းတံခါးကျ​တော့​ သော့ကို ရိုက်​မဖျက်​ဘဲနဲ့ တံခါးပတ္တာကိုဖျက်​ပြီး ဒီတို​နေတာကို ခိုးသွားတာ။ တရားခံ​တွေ​တော့ မမိ​သေးဘူး။ စုံစမ်းဆဲပဲ” ဟု တိုင်းဒေသကြီး ရဲတပ်ဖွဲ့က ရဲအရာရှိကြီးတစ်ဦးက သြဂုတ် ၂၄ ရက် ညနေပိုင်းတွင် အတည်ပြု ပြောကြားသည်။

ယင်း Detonator များနှင့် ကြိုးများ ပျောက်ဆုံးမှုဖြစ်ပွားခဲ့ပြီးနောက် ထားဝယ်ခရိုင် ရဲတပ်ဖွဲ့မှ အခင်းဖြစ်နေရာကို သွား ရောက်စစ်ဆေးခဲ့ပြီး  ဟာမြင်းကြီးရွာနှင့် အနီးဝန်းကျင်ရှိရွာများတွင် ရဲတပ်ဖွဲ့ဝင်များဖြင့် ဖြန့်ကြက်၍ ပိတ်ဆို့ရှာဖွေမှုများ ဆောင်ရွက်ခဲ့ကြောင်း၊ အခင်းဖြစ်​ပွားရာ ​နေရာဝန်းကျင်​မှ သတ္တုမိုင်း လုပ်​ကိုင်​​နေသည့်​​နေရာများနှင့် သံသယဖြစ်​ဖွယ်​​နေရာများကို လိုက်​လံစုံစမ်း ရှာ​ဖွေ​နေသည့်အပြင်​​ ဒေသအတွင်း၌လည်း ထားဝယ်​ခရိုင်​ ရဲတပ်​ဖွဲ့မှူးကိုယ်​တိုင်​ တိုက်​ရိုက်​ကွပ်​ကဲ၍ ​ဒေသတွင်းရဲတပ်​ဖွဲ့ဝင်​များဖြင့် ဖြန့်​ကြက်​ကာ စုံစမ်းစစ်​​ဆေးရှာ​ဖွေ​နေ​ပြီး Detonator ပျောက်​ဆုံးမှုဖြစ်​ခဲ့သည့်​ကုမ္ပဏီမှ ၀န်​ထမ်းကိုလည်း စုံစမ်းစ​စ်​​ဆေး​နေ​ကြောင်း ၎င်း ရဲအရာရှိကြီးက ပြောကြားသည်။

ပျောက်ဆုံးခဲ့သည့် ယင်းပစ္စည်းများမှာ တန်ဖိုးအားဖြင့် နည်းပါး​​​​သော်​လည်း မိုင်း​ဖောက်​ခွဲမှုအတွက် အသုံးပြုရာ၌ လိုအပ်​သည့်​ပစ္စည်းတစ်​ခု ဖြစ်​​ကြောင်း၊ ၎င်း သတ္တုမိုင်းမှာ အမှတ်​ ၂ သတ္ထုတွင်းလုပ်​ငန်းနှင့်​ ဖက်​စပ်​လုပ်​ကိုင်​​နေပြီး ဒီတို​နေတာများ ထားရှိသည့်​ ယမ်းတိုက်သော့မှာလည်း ကုမ္ပဏီတာဝန်​ခံများနှင့်​ အမှတ်​ ၂ သတ္တုတွင်း တာဝန်​ခံတို့တွင်​သာရှိပြီး ၎င်း သော့များရှိမှသာ ယမ်းတိုက်​အား ဖွင့်​၍ရသည်​ဟုသိရသည်။ Detonator များနှင့် ကြိုးများ ပျောက်ဆုံးမှုအတွက် သြဂုတ် ၂၃ ရက်က ထားဝယ်မြို့မရဲစခန်းတွင် (ပ)၁၆၄၀/၂၀၁၈၊ ၁၉၄၉ ခုနှစ် လက်နက်အရေးပေါ်ပြစ်ဒဏ်စီရင်မှု (ယာယီ) အက်ဥပဒေပုဒ်မ ၂ (၁)(က)ဖြင့် အမှုဖွင့်လှစ်ထားပြီး စုံစမ်းရှာဖွေနေကြောင်းသိရသည်။

ထားဝယ်ခရိုင်အတွင်း မိုးသည်းထန်စွာ ရွာသွန်းမှုကြောင့် ရေကြီးရေလျှံမှု ထပ်မံဖြစ်ပွား

ထားဝယ်ခရိုင်တွင် ရေကြီးရေလျှံမှု ဖြစ်ပွားနေသည်ကို တွေ့ရစဉ်

တနင်္သာရီတိုင်းဒေသကြီး ထားဝယ်ခရိုင်အတွင်းတွင် သြဂုတ် ၁၆ ရက်မှစ၍ နေရာအနှံ့ မိုးသည်းထန်စွာ ရွာသွန်းခဲ့မှုကြောင့် သြဂုတ် ၁၇ ရက်မှစတင်ကာ မလွှဲတောင်-ထားဝယ်-မြိတ်လမ်းပိုင်းနှင့် ထားဝယ်-ထီး ခီးလမ်းပိုင်းပေါ်ရှိ နေရာအချို့ ရေကျော်နေသည့်အပြင် ထားဝယ်မြို့ပေါ်ရှိ လမ်းအချို့နှင့် အနိမ့်ပိုင်း ရပ်ကွက်များ၌ ရေ၀င်ရောက်လျက်ရှိနေကြောင်း သိရသည်။

သြဂုတ် ၁၆ ရက်မှစ၍ ထားဝယ်ဒေသအတွင်း မိုးရွာသွန်းမှု များပြားခဲ့သဖြင့် တောင်ကျရေများ ကျဆင်းမှု များလာသည့်အတွက် ထားဝယ်မြစ်အတွင်း ရေများပြည့်လျှံလာပြီး မြစ်အတွင်းသို့ စီးဝင်သည့် ချောင်းရိုးများ၌ ရေစီးဆင်းမှု နည်းပါးခဲ့သောကြောင့် အနိမ့်ပိုင်းနေရာများနှင့် လမ်းအချို့ ရေကျော်ခဲ့ခြင်းကြောင်း၊ ယခုအကြိမ် ရေကျော်မှုမှာ ယခုနှစ် မိုးတွင်းပိုင်းအတွင်း လေးကြိမ်မြောက်အဖြစ် ရေကြီးရေလျှံမှု ဖြစ်ခဲ့ခြင်းဖြစ်ပြီး မြို့ပေါ်ရှိ လမ်းအချို့၌ တစ်ပေခန့်အထိ ကျော်တက်နေကာ ရပ်ကွက်အချို့နှင့် တိုးချဲ့မြို့သစ်ရပ်ကွက်အတွင်း ရေ၀င်ရောက်နေမှုများ ရှိနေကြောင်း သိရသည်။

“ရေတော့ကျော်တယ်။ ရေက တစ်ပေလောက်ပဲ ရှိတာပါ။ မလွှဲတောင်နဲ့ မြိတ်နဲ့အကြားထဲပေါ့။ ဒီမောင်မယ်ရှောင် (ထားဝယ်မြို့အ၀င်) နားလေးမှာ တစ်ပေလောက် ကျော်တာရှိတယ်။ သရက်ချောင်းဘက်မှာ အဲလိုပဲ တစ်ပေလောက် ကျော်တာရှိတယ်။ အဲဒါပဲ။ ကျန်တာတွေတော့ အများကြီးတော့ ကားသွားလို့ မရလောက်အောင် မရှိပါဘူး။ (သရက်ချောင်းအပိုင်း မင်းဒပ်၊ စုံစင်ဘက်မှာ) ညက မိုးနည်းနည်းများတော့ ခဏကားတွေ ဖြတ်မရ ဖြစ်သွားလိုက်တာ။ ထီးခီးလမ်းပိုင်းမှာလည်း သွားလို့မရဘဲ မဲချောင်းမှာ ငါးပေလောက် ရှိနေတယ်။ ရေကျော်နေတဲ့ဟာတွေကို လောလောဆယ်တော့ ဘာမှမလုပ်သေးဘူး။ သူကတော့ လမ်းပိုင်းဆိုင်ရာ မဟုတ်ဘဲနဲ့ မိုးများလို့ မိုးကလည်း ထူးထူးခြားခြား များတဲ့အခါ အဲလိုကြောင့် ရေကြီးတာမျိုးဆိုတော့ လမ်းတွေကို ရေတိုက်စားပြီး မပါသွားအောင်ရယ်၊ ရေမြှုပ်သွားတော့ လမ်းကို ကားတွေဘာတွေ မမြင်ရဘူးပေါ့။ မမြင်ရတော့ လမ်းချော်ပြီး ဘေးရောက်သွားမှာစိုးတော့ အမှတ်အသားတွေ လိုက်ပြတာမျိုးတော့ လုပ်ထားပါတယ်။ လမ်းပိုင်းတွေမှာ တောင်ပြိုကျတာ လမ်းသားပဲ့ကျတာမျိုးတော့ လောလောဆယ် ဒီတစ်ခေါက် မိုးမှာပေါ့နော်။ ဒီတစ်ရက်နှစ်ရက်ထဲမှာ ရွာတဲ့မိုးမှာတော့ မရှိသေးဘူး။ အရင်တစ်ခေါက်ကပဲ ရှိတယ်” ဟု တိုင်းဒေသကြီး လမ်းဦးစီးဌာန ညွှန်ကြားရေးမှူး ဦးဝင်းမင်းထွဋ်က ပြောကြားသည်။

သို့သော် သြဂုတ် ၁၇ ရက်က မိုးသည်းထန်စွာ ဆက်တိုက် ရွာသွန်းခဲ့သောကြောင့် ထားဝယ်-မြိတ် လမ်းပိုင်းပေါ်ရှိ သရက်ချောင်းမြို့နယ်မှ သရက်နှစ်ခွ၊ ဘုတ်ကိုင်း၊ စုံစင်ဖျား၊ မင်းဒပ်စသည့် နေရာများတွင် လမ်းမပေါ်သို့ ရေတစ်ပေမှ သုံးပေကျော်အထိ ကျော်တက်ခဲ့သည့်အပြင် ညပိုင်းတွင် ရေပိုမိုတိုးလာသောကြောင့် ယာဉ်အချို့ ဖြတ်သန်း၍ မရဘဲ ပိတ်မိခဲ့ကြောင်း၊ လက်ရှိအချိန်တွင်မူ မိုးရွာသွန်းမှု နည်းပါးချိန်၌ ရေအနည်းငယ် ကျဆင်းလာ၍ အချို့နေရာများတွင် ယာဉ်များ ဖြတ်သန်းနေပြီဖြစ်ကာ ရေကျော်တက်မှု များပြားသည့် နေရာများတွင် အောက်ခံဘော်ဒီမြင့်သည့် ယာဉ်များ ဖြတ်သန်းနေပြီ ဖြစ်သော်လည်း ယာဉ်ငယ်များမှာမူ အခြေအနေ စောင့်ကြည့်နေဆဲဖြစ်ကြောင်း ယင်းလမ်းပိုင်းသို့ သွားရောက်ခဲ့သူများထံမှ သိရသည်။

ထို့ပြင် ထားဝယ်-ထီးခီး လမ်းပိုင်းပေါ်ရှိ တလိုင်းတောင်၊ မဲချောင်း၊ ၈ မိုင်နှင့် ပကာရီ ကျေးရွာတို့ရှိ လေးနေရာခန့်တွင် လမ်းပေါ်သို့ ရေတစ်ပေမှ ငါးပေခန့်ထိ ကျော်တက်နေသောကြောင့် ယာဉ်များဖြတ်သန်း၍ မရတော့ကြောင်း၊ ဒေသခံများမှာ ရေကျော်နေသည့် နေရာများကို ဖြတ်သန်းပြေးဆွဲပေးနေသည့် စက်လှေငယ်များဖြင့် သွားလာနေရပြီး တလိုင်းတောင်မှ မဲချောင်း၊ ရှစ်မိုင်အထိ တစ်ဦးလျှင် ကျပ် ၄၀၀၀ နှင့် ဆိုင်ကယ်တစ်စီးလျှင် ကျပ် ၆၀၀၀ ပေးရကြောင်း သိရသည်။

“ဒီနားမှာ ရေကျော်နေတာ သုံးရက်လောက်ရှိပြီ။ မိုးက မနေ့ကတည်းကနေ သည်းသည်းမဲမဲ ရွာနေတော့ ချောင်းဖျား ရေပိုဆင်းလာတာ။ မနေ့က ရေသိပ်မရှိသေးဘူး။ ညတုန်းက ပိုများလာတာ။ အခုမိုးတွင်းထဲမှာ ရေကျော်နေတာ လေးခါရှိပြီ။ ဒီတစ်ခါ ရေအများဆုံးပဲ” ဟု ထားဝယ်-ထီးခီးလမ်းပိုင်းမှ တလိုင်းတောင်ရွာနှင့် ကသန်းရွာအကြား လမ်းရေကျော်နေသည်ကို ဖြတ်သန်းရန် စောင့်ဆိုင်းနေသည့် တလိုင်းတောင်ကျေးရွာမှ ဒေသခံတစ်ဦးက ပြောကြားသည်။

ထို့ပြင် ထားဝယ်မြို့အနီး ဖြတ်သန်းစီးဆင်းနေသော ပေါက်တိုင်းချောင်းမှာလည်း တောင်ကျရေ အများအပြား စီးဆင်းခဲ့မှုကြောင့် ချောင်းနံဘေးရှိ လယ်မြေများ ရေလွှမ်းခံခဲ့ရသည့်အပြင် အနိမ့်ပိုင်း နေရာများဖြစ်သော ပေါက်တိုင်း၊ ရှမ်းမတွင်း၊ တောနားစသည့် ကျေးရွာများတွင်လည်း ရေများဝင်ရောက်လျက်ရှိပြီး ချောင်းရိုးတစ်လျှောက်ရှိ ထားဝယ်-ထီးခီး လမ်းမပေါ်မှ ကျေးရွာအချို့တွင်လည်း နေအိမ်များအတွင်း ရေ၀င်ရောက်မှု ဖြစ်ပွားနေကြောင်း၊ ထားဝယ်ခရိုင်အတွင်းရှိ အခြားမြို့နယ်များဖြစ်သော လောင်းလုံး၊ ရေဖြူနှင့် သရက်ချောင်း မြို့နယ်များတွင်လည်း မိုးသည်းထန်စွာ ရွာသွန်းမှုကြောင့် တောင်ကျရေများ ကျဆင်းလာပြီး လမ်းမပေါ်ရေကျော်မှုများနှင့် အနိမ့်ပိုင်းနေရာများကို ရေ၀င်ရောက်မှုရှိခဲ့ကာ လယ်ကွင်းအများအပြားလည်း ရေနစ်မြုပ်နေသည်ဟု ဒေသခံများထံမှ သိရသည်။ ပြီးခဲ့သည့် ဇူလိုင်လမှစ၍ ထားဝယ်ဒေသအတွင်း မိုးသည်းထန်စွာ ရွာသွန်းခဲ့မှုကြောင့် တောင်ကျရေများ ချောင်းအတွင်း ကျဆင်းမှုများလာပြီး ဒေသအနှံ့ ရေကြီးရေလျှံမှုများ ဖြစ်ပွားခဲ့ကာ လမ်းများလည်းရေ ကျော်ခဲ့သည့်အပြင် တောင်ပြိုမှုများလည်း ဖြစ်ပွားခဲ့သောကြောင့် ဒေသအချို့ ဆက်သွယ်မှု ပြတ်တောက်ခဲ့ရပြီး ရေဘေးသင့်သူများကိုလည်း နီးစပ်ရာသို့ ရွှေ့ပြောင်းပေးခဲ့ရကြောင်း သိရသည်။

 

 

ထားဝယ်ခရိုင်၌ ကာကွယ်ရေးဝန်ကြီးဌာန လက်အောက်ရှိ လောင်းလုံးဘုတ်ကျွန်းပေါ်မှ နေရာနှစ်ခုအား နေ့ချင်းပြန်ခရီးစဉ်အဖြစ် သွားလာခွင့်ပြု

လောင်းလုံးဘုတ်ကျွန်းသို့ လာရောက်လည်ပတ်နေသူများကို ပြီးခဲ့သည့် ၂၀၁၆ ခုနှစ်အတွင်းက တွေ့ရစဉ်

တနင်္သာရီတိုင်းဒေသကြီး ထားဝယ်ခရိုင်၌ ကာကွယ်ရေးဝန်ကြီးဌာန လက်အောက်ရှိ လောင်းလုံးဘုတ်ကျွန်းပေါ်မှ နေရာနှစ်ခုကို နေ့ချင်းပြန်ခရီးစဉ်အဖြစ် သွားလာခွင့်ပြုခဲ့ပြီး ခရီးသွားလုပ်ငန်းများလိုက်နာရမည့် စည်းကမ်းချက်များကို ထုတ်ပြန်ပြီးပါကလာမည့် ပွင့်လင်းရာသီတွင် စတင်သွားရောက်ခွင့်ပြုသွားမည်ဖြစ်ကြောင်း သိရသည်။

တိုင်းဒေသကြီးအတွင်းမှ ကာကွယ်ရေးဝန်ကြီးဌာန ထိန်းချုပ်မှုအောက်တွင်ရှိသည့် ကော့သောင်းခရိုင် ဇာဒက်ကြီးအုပ်စုထဲ၌ ပါဝင်သော သူရဲကျွန်း(ခေါ်)သားရေကျွန်းနှင့် ထားဝယ်ခရိုင်ရှိ လောင်းလုံးဘုတ်ကျွန်းမှ လိပ်သောင်ကြီးအော်နှင့် အုန်းပင်အော်တို့နှင့် ပတ်သက်၍ အများအသုံးပြုနိုင်သည့် အနေအထားမျိုးဖြစ်စေရန် သက်ဆိုင်ရာဝန်ကြီးဌာနသို့ တင်ပြမှုရှိခဲ့ပြီး ယင်းကျွန်းများနှင့် ပတ်သက်၍ တပ်မတော်ရေနှင့် ညှိနှိုင်းကာအကြောင်းပြန်ကြားမည်ဟုဆိုသော်လည်း အကြောင်းမပြန်သေးသဖြင့် ကာကွယ်ရေး န်ကြီးဌာနထံလိပ်မူကာ ပြီးခဲ့သည့်မတ် ၁၃ ရက်က စာဖြင့် လက်မှတ်ရေးထိုး၍ ထပ်မံတင်ပြခဲ့ကြောင်း၊ ထိုသို့ တင်ပြခဲ့ပြီးနောက် လောင်းလုံးဘုတ်ကျွန်းမှ လိပ်သောင်ကြီးအော်နှင့် အုန်းပင်အော်တို့ကို ကာကွယ်ရေး ၀န်ကြီးဌာနမှ Day Return (နေ့ချင်းပြန်) သွားလာခွင့်ပြုလိုက်ပြီဖြစ်ကြောင်း ပြီးခဲ့သည့် ဇွန် ၇ ရက်က နိုင်ငံတော်သမ္မတရုံးထံမှတစ်ဆင့် တိုင်းဒေသကြီးအစိုးရအဖွဲ့ ထံ အကြောင်းကြားလာခဲ့သည်ဟု တိုင်းဒေသကြီး သယံဇာတနှင့် ပတ်ဝန်းကျင်ထိန်းသိမ်းရေးဝန်ကြီး ဦးမြင့်မောင်က ပြောကြားသည်။

“ပထမ သူတို့ (ကာကွယ်ရေးဝန်ကြီး ဌာန) က နှစ်ကြိမ်လောက်ငြင်းသေးတယ်။ ဒီနေရာက ဓာတ်ငွေ့ပိုက်လိုင်းနဲ့ရေနက် ဆိပ်ကမ်းအတွက် စောင့်ရှောက်ရတဲ့နေရာဖြစ်တဲ့အတွက် သူတို့နှစ်ခါလောက်ငြင်းတယ်။ နောက်ပိုင်းမှာ ဘယ်လိုဖြစ်သွားလဲ မသိဘူး၊ ပြန်ရသွားတယ်။ အပြီးစွန့်လွှတ်တာမဟုတ်ဘူး။ နေ့ချင်းပြန်ပဲသွားခွင့်ပြုတာ။ လောင်းလုံးဘုတ်ကျွန်းကို သွားလာဖို့ ခရီးသွားလုပ်ငန်းအတွက် လိုအပ်တဲ့ညွှန်ကြားချက်တွေထုတ်ပြီး ရင်တော့ခွင့်ပြုမှာပါ။ ဘုတ်ကျွန်းသွားခွင့်ရရင် ခရီးသွားလုပ်ငန်းတိုးတက်လာမယ်လို့ ထင်တယ်။ နောက်တစ်ခုက ဟိုတယ်။ ခရီးရယ်၊ ခရီးသွားလုပ်ငန်းရှင်များ အသင်းရယ်၊ စမ်းလှမ်းရွာသူရွာသားတွေနဲ့ ပေါင်းပြီးတော့ CBT တစ်ခု ခွင့်ပြုထားတယ်။ လက်ရှိအဆောက်အအုံ နှစ်လုံးတော့အကြမ်းအားဖြင့် ရုပ်လုံးပေါ်လာပြီပေါ့။ အဲဒါပြီးသွားရင်ကမ်းခြေမှာ နိုင်ငံခြားသားတွေအတွက် တည်းခိုဖို့ နေရာရလာပြီပေါ့။ ဒါဆိုဒီဟာကို အခြေစိုက်ပြီးတော့ အခြားနေရာတွေသွားလာလည်ပတ်ရပြီဆိုတော့ အခြေအနေတော်တော်ကောင်း လာမယ်ထင်တယ်” ဟု တိုင်းဒေသကြီး သယံဇာတနှင့် ပတ်ဝန်းကျင်ထိန်းသိမ်းရေးဝန်ကြီး ဦးမြင့်မောင်က ပြောကြားသည်။

ကာကွယ်ရေးဝန်ကြီးဌာနမှ နိုင်ငံတော်သမ္မတရုံးထံသို့ ၂၀၁၈ ခုနှစ် ဇွန် ၇ ရက် ရက်စွဲဖြင့် ပေးပို့သည့်စာတွင် လောင်းလုံးဘုတ် ကျွန်းပေါ်ရှိ လိပ်သောင်ကြီးအော်နှင့် အုန်းပင်အော်တို့အား စွန့်လွှတ်ပေးနိုင်ခြင်း မရှိသော်လည်း နေ့ချင်းပြန်သွားလာနိုင်ရေးအတွက် ခွင့်ပြုပေးနိုင်ပါကြောင်း နိုင်ငံတော်သမ္မတရုံးထံ အကြောင်းပြန်ကြားခဲ့ရာ နိုင်ငံတော်သမ္မတရုံးထံမှတစ်ဆင့် တိုင်းဒေသကြီး အစိုးရအဖွဲ့ထံသို့ ယင်းစာကိုပြန်လည်ပေးပို့လာခဲ့ခြင်းဖြစ်ကြောင်း၊ ကာကွယ်ရေးဝန်ကြီးဌာနမှ ယင်းသို့ ခွင့်ပြုလိုက်သော်လည်း တိုင်းဒေသကြီးအစိုးရအဖွဲ့နှင့် Tour ကုမ္ပဏီများ အကြားတွင် လုပ်ဆောင်ရမည့်အပိုင်းအဖြစ် ပတ်ဝန်းကျင်ထိန်းသိမ်းရေးနှင့် သွားလာသည့်နေရာတွင် Safety ဖြစ်စေရန် ဟိုတယ် နှင့် ခရီးသွားလာရေးညွှန်ကြားမှုဦးစီးဌာနမှ တစ်ဆင့်လိုအပ်သည့် စည်းကမ်းချက်များ ထုတ်ပြန်မည်ဖြစ်ကာ ယင်းသို့ ထုတ်ပြန်ပြီးမှသာ သွားလာခွင့်ပြုသွားမည်ဖြစ်ကြောင်း ၀န်ကြီးဦးမြင့်မောင်က ဆက်လက်ပြောကြားသည်။

လောင်းလုံးဘုတ်ကျွန်းစုတန်းမှာ အင်္ဂလိပ်အစိုးရလက်ထက် ၁၉၂၇ ခုနှစ်က မြန်မာပြည်တွင် ပထမဦးဆုံးသဘာဝထိန်းသိမ်းရေး နယ်မြေအဖြစ် သတ်မှတ်ခြင်းခံခဲ့ရသည့် နေရာတစ်ခုဖြစ်ကြောင်း သိရသည်။

ထီးခီးနယ်စပ်ရှိ ဌာနဆိုင်ရာ အရာရှိအချို့ အဂတိလိုက်စားနေကြောင်း တိုင်ကြားမှုနှင့် ပတ်သက်၍ စုံစမ်းစစ်ဆေးရာ၌ တိုင်ကြားသူ၏ နေရာလိပ်စာများ မှားယွင်းနေသော်လည်း တိုင်ကြားစာ၌ ပါဝင်သည့် Resort တွင် တရားမ၀င် ကာစီနိုလုပ်ငန်းများ ဆောင်ရွက်နေသည်ကို တွေ့ရှိထားဟုဆို

တနင်္သာရီတိုင်းဒေသကြီး ထားဝယ်ခရိုင်မှ မြန်မာ-ထိုင်း နယ်စပ်ဂိတ် ထီးခီးနယ်စပ်ရှိ ဌာနဆိုင်ရာ အရာရှိအချို့ အဂတိလိုက်စားနေကြောင်း တိုင်ကြားထားမှုနှင့် ပတ်သက်၍ စုံစမ်းစစ်ဆေးရာ၌ တိုင်ကြားသူ၏ နေရာလိပ်စာများ မှားယွင်းနေသော်လည်း တိုင်ကြားစာတွင် ပါဝင်သည့် Resort ၌ တရားမ၀င် ကာစီနိုလုပ်ငန်းများ ဆောင်ရွက်နေသည်ကို တွေ့ရှိထားကြောင်း စုံစမ်းစစ်ဆေးရေးအဖွဲ့မှ သိရသည်။

ပြီးခဲ့သည့် ဧပြီလကုန်ပိုင်းက နိုင်ငံတော်သမ္မတ ဦးဝင်းမြင့်ထံ လိပ်မူ၍ မင်းဇေခ အမည်ရှိ ဒေသခံတစ်ဦးက တိုင်ကြားခဲ့သည့် တိုင်ကြားစာအပေါ် စုံစမ်းစစ်ဆေးရန် တိုင်းဒေသကြီးအစိုးရအဖွဲ့က မေ ၂၉ ရက်တွင် ညွှန်ကြားသဖြင့် ဇွန် ၄ ရက်တွင် အဖွဲ့ဝင် သုံးဦးပါ စုံစမ်းစစ်ဆေးရေးအဖွဲ့ကို ဖွဲ့စည်းပြီးနောက် တိုင်ကြားသူများနှင့် တိုင်ကြားခံရသူများအား ခေါ်ယူ စစ်ဆေးခဲ့ကြောင်း၊ လက်ရှိတွင် တိုင်ကြားခံရသူ ငါးဦးဖြစ်သည့် ထီးခီးဒေသတွင် တာဝန်ကျနေသော ကုန်သွယ်ရေးဦးစီးဌာန၊ လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန၊ အကောက်ခွန်ဦးစီးဌာန၊ အထွေထွေအုပ်ချုပ်ရေးဦးစီးဌာနမှ တာဝန်ရှိသူများ နှင့် Power Nine ကုမ္ပဏီတို့မှ တာဝန်ရှိသူများကို ခေါ်ယူ စစ်ဆေးပြီးဖြစ်ကာ တိုင်ကြားသူများ၏ နေရပ်လိပ်စာများနှင့် မှတ်ပုံတင်အမှတ်များကို မှန်မမှန် စစ်ဆေးရာတွင် အမည်နှင့်နေရပ်လိပ်စာ မှားယွင်းနေသည်ကို တွေ့ရှိခဲ့ရသော်လည်း တိုင်ကြားစာတွင် ပါဝင်သည့် Resort များ၌ ကာစီနို လောင်းကစားဝိုင်းများ ရှိနေကြောင်းကိုမူ စုံစမ်းစစ်ဆေးရာ၌ တွေ့ ရှိရသည်ဟု စုံစမ်းစစ်ဆေးရေးအဖွဲ့ ခေါင်းဆောင် ထားဝယ်ခရိုင် အုပ်ချုပ်ရေးမှူးက ပြောကြားသည်။

“အခုကတော့ စစ်နေတုန်းပဲ။ မနေ့ကတော့ ထီးခီးက ရာအိမ်မှူးနဲ့ ဆယ်အိမ်မှူးတွေကို ခေါ်စစ်ပြီးပြီ။ နောက် အတိုင်ခံရတဲ့သူ ငါးယောက်ရယ်၊ လက်ရှိ ခရိုင်မြေစာရင်း ဦးစီးမှူးအဖြစ် တာဝန်ယူနေတဲ့သူရယ် စစ်ပြီးသွားပြီ။ တိုင်တဲ့သူက တစ်ယောက်မှ ရှာလို့မရဘူး။ တိုင်တဲ့သူရယ် တိုင်ကြားစာကို ထောက်ခံတဲ့သူ ၁၄ ယောက်ကို တိုင်ကြားစာမှာ ပါတဲ့အတိုင်း ခရိုင်လ၀ကကို ပေးလိုက်ပြီး စိစစ်ခိုင်းလိုက်တယ်။ စိစစ်တော့ တိုင်ကြားစာမှာ ပါတဲ့လူနာမည်၊ အဖေနာမည်၊ မှတ်ပုံတင်နဲ့ နေရပ်လိပ်စာတွေက အကုန်လုံး မှန်ကန်မှု မရှိပါဘူးလို့ အထောက်အထားနဲ့ ပြန်ကြားလာတယ်။ အဲဒါကြောင့် တိုင်တယ်ဆိုတဲ့သူကို ရှာလို့မရဘူး ဖြစ်နေတယ်။ Resort တွေ ဆောက်ထားတာနဲ့ ပတ်သက်ပြီး ခွင့်ပြုထားခြင်း ရှိ မရှိ အသေးစိတ်ကို ဟိုတယ်၊ခရီး ဆီမေးထားတယ်။ တိုင်စာထဲမှာပါတဲ့ Resort က ဘန်ဂလိုတွေရဲ့နောက်မှာ ကာစီနိုပါ တွဲဖွင့်ထားတာ။ လာရောက် စစ်ဆေးခံသူတွေဆီကနေ တောင်းခံရရှိတဲ့ ဓာတ်ပုံ မှတ်တမ်းတွေအရ တွေ့ရတယ်။ နောက် Resort တစ်ခုမှာကတော့ ကာစီနိုလုပ်ဖို့ စီစဉ်နေတုန်းဆိုပြီး တွေ့ရတယ်။ စစ်ဆေး တွေ့ရှိချက်တွေကိုတော့ တိုင်းဒေသကြီးအစိုးရဆီ တင်ပြသွားမယ်” ဟု စုံစမ်းစစ်ဆေးရေး အဖွဲ့ခေါင်းဆောင် ထားဝယ်ခရိုင် အုပ်ချုပ်ရေးမှူး ဦးမောင်မောင်ဇင်က ပြောကြားသည်။

ထားဝယ်ခရိုင်ရှိ မြန်မာ-ထိုင်း နယ်စပ်ဂိတ် တစ်ခုဖြစ်သော ထီးခီးနယ်စပ်တွင် တရားမ၀င် ကာစီနိုဝိုင်းများ ဖွင့်လှစ်၍ ဘတ်ငွေ သန်းချီ ရယူမှုနှင့် နယ်စပ် အ၀င်အထွက်၌ လူတစ်ဦး ဘတ်ငွေ ၄၀၀၀ ရယူထားကြောင်း နိုင်ငံတော်သမ္မတ ဦးဝင်းမြင့်ထံ တိုင်ကြားခဲ့သည့် မင်းဇေခပါ ၁၅ ဦး၏ အမည်၊ မှတ်ပုံတင် နှင့် နေရပ်လိပ်စာများ မှားယွင်းနေသည့်အပြင် ယင်းအနက် တစ်ဦး၏ မှတ်ပုံတင် နံပါတ်မှာ လ၀ကမှ တရားဝင် အသုံးပြုခြင်း မရှိသေးသည့် နံပါတ်ဖြစ်ကြောင်း၊ ယင်းသို့ တိုင်ကြားသူကို စုံစမ်းရှာဖွေ၍ မရရှိသောကြောင့် စစ်ဆေးမှုအပိုင်းတွင် အခက်အခဲများ ဖြစ်ပေါ်သော်လည်း တိုင်ကြားသူအား မတွေ့ရှိသဖြင့် စစ်ဆေးမှုကို မရပ်တန့်ဘဲ တိုင်ကြားစာအတွင်း ပါဝင်သည့်အချက်များ မှန် မမှန် ဆက်လက် စုံစမ်းစစ်ဆေးနေသည်ဟု ၎င်းက ဆက်လက်ပြောကြားသည်။ စုံစမ်း စစ်ဆေးချက်များအရ တိုင်ကြားစာတွင် ပါဝင်သည့် ဘန်ဂလို ၂၅ လုံးပါ Resort တစ်ခုတွင် ကာစီနိုဝိုင်းများ ရှိနေကြောင်း တွေ့ရှိရပြီး နောက်ထပ် Resort တစ်ခုတွင်မူ ကာစီနို လောင်းကစားဝိုင်း ပြုလုပ်ရန် စီစဉ်နေဆဲ အခြေအနေရှိသည်ကို တွေ့ရှိခဲ့ရကြောင်း၊ ၄င်း Resort နှင့် ကာစီနိုဝိုင်းများမှာ ပြီးခဲ့သည့် ဧပြီ ၁၄ ရက်က တိုင်းဒေသကြီး ရဲတပ်ဖွဲ့မှ ဒုရဲမှူးကြီးနှင့်အဖွဲ့က ထီးခီးဒေသ၌ တရားဝင်ခွင့်ပြုချက်မရှိဘဲ Resort များ ဆောက်လုပ်မှုကို သွားရောက် စစ်ဆေးပြီး လက်ရှိ ရပ်နားထားကြောင်း၊ ထို့ပြင် နယ်စပ်အ၀င်အထွက်၌ လူတစ်ဦးလျှင် ဘတ်ငွေ ၄၀၀၀ ရယူကြောင်းကို စုံစမ်းရာ၌လည်း ငွေပေးရကြောင်း တွေ့ရှိထားပြီ စုံစမ်းစစ်ဆေးရာ၌ တွေ့ရှိချက်များ အားလုံး တိုင်းဒေသကြီး အစိုးရအဖွဲ့ထံ တင်ပြမည်ဖြစ်ကြောင်း သိရသည်။

ထားဝယ်မြို့တွင် အုန်းလက်တက်ခုတ်သူတစ်ဦး ဓာတ်လိုက်သေဆုံး

ဓာတ်ပုံ – ဖိုးဇော်

တနင်္သာရီတိုင်းဒေသကြီး ထားဝယ်မြို့ ရှမ္မလည်ဆွဲရပ်ကွက် မျှော်အင်းလမ်းပေါ်ရှိ ခရစ်ယာန် ဘုရားကျောင်းဝင်း အတွင်းတွင် ဇွန် ၁ ရက် မနက်ပိုင်းက အုန်းလက်တက်ခုတ်သူတစ်ဦး ဓာတ်လိုက်သေဆုံးခဲ့ကြောင်း သိရသည်။

ဇွန် ၁ ရက် နံနက် ၉ နာရီခန့်တွင် ၎င်းခရစ်ယာန် ဘုရားကျောင်းဝင်းအတွင်း လမ်းနံဘေးရှိ အုန်းပင်ပေါ်သို့တက်၍ ဦးချစ်မောင်က အုန်းလက်တက်ခုတ်ရာ အနီးရှိ 33KV (ထားဝယ်-သရက်ချောင်း) ဓါတ်အားလိုင်းပေါ်သို့ အုန်းလက်ပြုတ်ကျသဖြင့် ယင်းအုန်းလက်အား ဆွဲယူရာမှ ဓာတ်လိုက်ကာ သေဆုံးခဲ့ခြင်းဖြစ်ကြောင်း၊ အခင်းဖြစ်ပွားရာနေရာသို့ ထားဝယ်ခရိုင် မီးသတ်တပ်ဖွဲ့က ကယ်ဆယ်ရေးယာဉ်များနှင့် ဇမ္ဗူသီရိ အရေးပေါ် လူနာတင်ယာဉ်အဖွဲ့များက သွားရောက်ကူညီခဲ့ပြီး အုန်းပင်ပေါ်ရှိ ကြိုးတန်းလန်းဖြင့် ဓာတ်လိုက်ကာ သေဆုံးနေသူကို ကရိန်းယာဉ်ဖြင့် သယ်ယူခဲ့ရကြောင်း သိရသည်။

“မနက်က ခရစ်ယာန်ကျောင်းနားမှာ လူစည်နေတော့ ပထမယာဉ်တိုက်မှု ဖြစ်တယ်ပဲထင်တာ။ နောက်မှ အုန်းပင်ပေါ်မှာ ဓာတ်လိုက်ပြီး ကြိုးတန်းလန်းနဲ့ သေနေတာကို တွေ့တာ။ သူကအုန်းပင်ပေါ် အုန်းလက်တက်ခုတ်တော့ အုန်းလက်က ဓာတ်ကြိုးပေါ် ကျတယ်ထင်တယ်။ အဲဒါကိုဖယ်ဖို့ လက်နဲ့ ဆွဲလိုက်တုန်း အခုလို ဓာတ်လိုက်သွားတယ်လို့ ယူဆတယ်။ ဓာတ်ကြိုးတွေကလည်းကာ ဗာကြိုးတွေ မဟုတ်တော့ အခုလိုဖြစ်သွားတာ” ဟု အခင်းဖြစ်ပွားရာ နေရာအနီးတွင် နေထိုင်သူတစ်ဦးက ပြောကြားသည်။

ဓာတ်လိုက်မှုကြောင့် ထားဝယ်မြို့ ၀ဲကျွန်းညောင်ရမ်းရပ်ကွက်နေ ဦးချစ်မောင် (၅၀ နှစ်) မှာ အခင်းဖြစ်ရာတွင် သေဆုံးခဲ့ပြီး ၎င်း၏ရုပ်အလောင်းအား ထားဝယ်ပြည်သူ့ဆေးရုံထံ တင်ပို့ကာ စစ်ဆေးနေကြောင်း၊ ၎င်းမှာ အုန်းလက်များ တက်ခုတ်ရာ လျှပ်စစ်မီးကြိုးပေါ်သို့ အုန်းလက်ပြုတ်ကျ၍ အုန်းလက်အား လက်ဖြင့်ဆွဲယူရာမှတစ်ဆင့် ဓာတ်လိုက်သေဆုံးခြင်း ဖြစ်ကြောင်း စစ်ဆေးတွေ့ရှိရပြီး ယင်းသေဆုံးမှုအား ထားဝယ်မြို့မရဲစခန်းမှ သေမှုသေခင်း အမှတ်စဉ် (၁၈/၂၀၁၈) ဖြင့် ဖွင့်လှစ်၍ စစ်ဆေးနေသည်ဟု ထားဝယ်မြို့မရဲစခန်းမှ သိရသည်။

ထားဝယ်ဒေသအတွင်း သွယ်တန်းထားသော ဓာတ်အားလိုင်း အများစုမှာ ကာဗာကြိုးများ မဟုတ်သည့်အပြင် နေအိမ်များ၊ သစ်ပင်များနှင့် နီးကပ်စွာ သွယ်တန်းထားသောကြောင့် မိုးရာသီ၌ လျှပ်စစ်အန္တရာယ် ကျရောက်နိုင်မှုအပေါ် ဒေသခံများ အနေဖြင့် စိုးရိမ်မှုများ ရှိနေကြောင်း၊ သက်ဆိုင်ရာ လျှပ်စစ်တာဝန်ရှိသူများမှ ဓာတ်အားလိုင်းများ အနီးရှိ သစ်ပင်များကို ရှင်းလင်းနေသော်လည်း ယခုလပိုင်းအတွင်း မြို့ပေါ်ရပ်ကွက်များအတွင်း သွယ်တန်းထားသော လျှပ်စစ်ဓာတ်အားလိုင်းများပေါ်၌ မကြာခဏရှော့ဖြစ်၍ မီးလောင်မှုများ ဖြစ်ပွားခဲ့သဖြင့် ဒေသခံများအကြား စိုးရိမ်မှုများ မြင့်တက်နေသည်ဟု သိရသည်။

 

ထားဝယ်မြို့တွင် စည်းကမ်းမဲ့ အမှိုက်ပစ်သူကို ဒဏ်ငွေကျပ်နှစ်သိန်းချမှတ်ပြီး သတင်းပေးတိုင်ကြားသူအား ဆုငွေကျပ်တစ်သိန်း ချီးမြှင့်မည့်အစီအစဉ်စတင်

တနင်္သာရီတိုင်းဒေသကြီး၏ မြို့တော် ထားဝယ်မြို့တွင် စည်းကမ်းမဲ့အမှိုက်စွန့်ပစ်သည်ကို တွေ့ရှိပါက ဒဏ်ငွေကျပ်နှစ်သိန်း ချမှတ်မည်ဖြစ်ပြီး သတင်းပေးတိုင်ကြားသူအား ဆုငွေကျပ်တစ်သိန်း ချီးမြှင့်မည့်အစီအစဉ်ကို မေလလယ်ပိုင်းက စတင်ကာ လက်ရှိတွင် လူတစ်ဦးအား အရေးယူထားသည်ဟု သိရသည်။

ပြီးခဲ့သည့်မေ ၂၁ ရက်က ထားဝယ်မြို့ မြောက်ရွာရပ်ကွက်အတွင်းရှိ နေအိမ်တစ်လုံးတွင် အမဲသား သတ်ဖြတ်နေခြင်းကို မြို့နယ်စည်ပင်သာယာရေးကော်မတီက စစ်ဆေးတွေ့ရှိပြီးနောက် လူနေရပ်ကွက်အတွင်း အသားသတ်ဖြတ်နေခြင်းကိစ္စနှင့်ပတ်သက်၍ စီမံခန့်ခွဲရေး ဒဏ်ကြေး ကျပ်ငါးသိန်းနှင့် တရားမ၀င်သွေးသားများ ရေမြောင်းအတွင်း စွန့်ပစ်ပစ္စည်းများအတွက် ဒဏ်ငွေ ကျပ်နှစ်သိန်း ပေးဆောင်စေခဲ့ပြီး လူနေရပ်ကွက်အတွင်း အသားသတ်ခြင်းကို ထပ်မံစစ်ဆေးတွေ့ရှိပါက လိုင်စင်ပိတ်သိမ်းသည်အထိ အရေးယူမည်ဟု သတိပေးကာ ၀န်ခံကတိလက်မှတ် ထိုးခိုင်းခဲ့ကြောင်း၊ ထိုသို့ အရေးယူခဲ့ပြီးနောက် စည်းကမ်းမဲ့အမှိုက်စွန့်ပစ်ခြင်းအတွက် ဒဏ်ကြေးတပ် အရေးယူမှုနှင့်သတင်းပေးသူကိုဆုငွေချီးမြှင့်မည့်အစီအစဉ်အပေါ် ပြည်သူများအကြား စိတ်ဝင်စားမှုမြင့်တက်ခဲ့သည်ဟု သိရသည်။

“အခုလောလောဆယ် တစ်ယောက်တော့ မိပြီ။ ဒဏ်ငွေနှစ်သိန်း ရိုက်ထားတယ်။ ဒါကတော့ သားသတ်လုပ်ငန်းနဲ့  ဆက်နွှယ်ပြီး ထိထိရောက်ရောက် ဒဏ်ရိုက်တဲ့သဘော ပါ။ ဒီနှစ်သိန်းဆိုတာကို အချို့ကများတယ်တဲ့။အချို့ကလည်း ဒါမှရမှာပေါ့ဆိုပြီး အမျိုးမျိုးပေါ့။ ဆင်းရဲတဲ့သူတွေကျတော့လည်း ဒီနှစ်သိန်းကို မဆောင်နိုင်ကြဘူးပေါ့ဗျာ။ ဒါလေးတော့ ရှိတာပေါ့။ ဒါပေမဲ့ ကျွန်တော်တို့အဓိက ရည်ရွယ်ထားတာကတော့  ဆိုင်ရှင်တွေပါ။ ဆိုင်ရှင်တွေက ညပိုင်း လက်ဖက်ရည်ဆိုင် တွေပိတ်တဲ့အချိန် ကုန်ပွဲရုံတွေပိတ်တဲ့အချိန်ဆို ထွက်လာတယ်။ အမှိုက်တွေကိုထော်လာဂျီတွေနဲ့  သွားပစ်ခိုင်းတယ်။ အဲဒီထော်လာဂျီတွေက အမှိုက်ကန်ကို မသွားဘဲနဲ့ ချောင်းဘေးတွေမြောင်းဘေးတွေ သတ်မှတ်မထားတဲ့နေရာတွေမှာလာပြီးတော့ ပစ်ကြတယ်။ ဒီလိုလာပစ်တာကို ထိထိရောက်ရောက် အရေးယူချင်တာက တစ်ပိုင်း။ နောက်တစ်ခုက ဆိုင်ကယ်တွေနဲ့ အမှိုက်ထုပ်တွေလာပစ်တယ်။  ကျွန်တော်တို့က လမ်းဘေးနားမှာ အမှိုက်ပုံးလေးတွေချပေးထားတယ်။ အဲဒီမှာ လာပစ်ရင်မပြောဘူး။ အခုက မှောင်ရိပ်ခိုပြီးတော့ အဲဒီနားမှ ဖြစ်သလိုပစ်ချပြီး ထွက်သွားတာ။ ဒီလိုလူမျိုးတွေ အဓိကကဆိုင်တွေပါ။ ဒါလေးတွေကို ထိထိရောက်ရောက်အရေး မယူလို့ရှိရင် တစ်ခါလာလည်း သတိပေးလက်မှတ်ထိုး၊ ၁၀၀၀၀-၂၀၀၀၀ လောက်နဲ့ ဒဏ်ရိုက်တာ မထိရောက်တော့ဘူး ဒီခေတ်က။အဓိက ဒီလိုဆိုင်ရှင်တွေကို အရေးယူချင်လို့ ကျွန်တော်တို့က ဒီလိုထုတ်လိုက်တာ” ဟု ထားဝယ်မြို့နယ် စည်ပင်သာယာရေးကော်မတီအတွင်းရေးမှူး ဦးအောင်ကျော်မျိုးက ပြောကြားသည်။

ထိုသို့ စည်းကမ်းမဲ့အမှိုက်စွန့်ပစ်သည်ကို တွေ့ရှိ၍ တိုင်ကြားလာပါက အမှိုက်ပစ်သူကို ဒဏ်ငွေ ကျပ်နှစ်သိန်း ချမှတ်မည့်ဆုံးဖြတ်ချက်ကို ပြီးခဲ့သည့်မေ ၁၄ ရက်ကပြုလုပ် သည့် ထားဝယ်မြို့နယ် စည်ပင်သာယာရေး ကော်မတီ၏ အစည်းအဝေးတွင် အရေးယူမှု ကို စတင်ရန် ဆုံးဖြတ်ချက်ချခဲ့ခြင်းဖြစ်ကြောင်း၊ ဒဏ်ရိုက်၍ရရှိသည့်ဒဏ်ငွေ ကျပ် နှစ်သိန်းအနက် တစ်သိန်းကို မြို့နယ်စည်ပင်သာယာရေး ရန်ပုံငွေသို့ ထည့်သွင်းသွားမည်ဖြစ်ပြီး ကျန်ရှိသည့်ငွေတစ်သိန်းကို သတင်းပေးသူအား ဆုငွေအဖြစ် ပေးအပ်မည် ဖြစ်ကြောင်း သိရသည်။

ရေဖြူမြို့နယ်ရှိ ကမ်းရိုးတန်းတစ်လျှောက်တွင် ရှားပါးငါးမျိုးစိတ်ဖြစ်သည့် ငါးမန်းဖလောင်း (Whale Shark) နှစ်ကောင်ကို သေဆုံးလျက် ဖမ်းဆီးရမိ

ဖမ်းဆီးရမိသော ငါးမန်းဖလောင်းကို ဓမင်းဆိပ်ကမ်းခြေတွင် တွေ့ရစဉ် (Photo – Myoe Myoe)

တနင်္သာရီတိုင်းဒေသကြီး ထားဝယ်ခရိုင် ရေဖြူမြို့နယ်ရှိ ကမ်းရိုးတန်းတစ်လျှောက်တွင် ယခုရက်ပိုင်းအတွင်း၌ ရှားပါးငါးမျိုးစိတ်ဖြစ်သည့် ငါးမန်းဖလောင်း (Whale Shark) နှစ်ကောင်အား သေဆုံးလျက် ဖမ်းဆီးရမိခဲ့ပြီး ဓမင်းဆိပ်ကမ်းခြေသို့ ဆွဲယူလာခဲ့ကြောင်း သိရသည်။

ပြီးခဲ့သည့် မေ ၁၃ ရက် ညနေပိုင်းက အရှည် ၁၇ ပေနှင့် လုံးပတ် ၁၀ ပေခန့်ရှိဒေသအခေါ် ၀ဇီပျောက် ဟုခေါ်သည့် ငါးမန်းမျိုး နွယ်ဝင်ငါးကို ပင်လယ်အတွင်း ချထားသည့် ကျားပါးစပ်ပိုက်အတွင်း ဖမ်းဆီးရမိခဲ့ကြောင်း၊ ၎င်းငါးမှာ ပိုက်အတွင်း ၀င်တိုးမိ၍ သေဆုံးခဲ့ပြီး ငါးဖမ်းစက်လှေဖြင့် ဓမင်းဆိပ်ကျေးရွာ ကမ်းခြေသို့ ဆွဲယူလာခဲ့ခြင်း ဖြစ်သည်ဟု ဓမင်းဆိပ်ကျေးရွာနေ ဒေသခံထံမှ သိရသည်။

“ငါးက တနင်္ဂနွေနေ့  ညနေ ၅ နာရီခွဲမှာ ကမ်းစပ်ကိုရောက်လာတယ်။ ဒီငါးက ပိုက်ထဲကိုဝင်တယ်။ ပိုက်ထဲကိုဝင်ပြီးတော့ နုန်းမူးပြီး သေသွားတယ်။ ပင်လယ်ထဲမှာထောင်ထားတဲ့ ကျားပါးစပ်ပိုက်ထဲကို ၀င်တိုးမိပြီး ဖြုတ်မရလို့ ကမ်းကိုဆွဲသွင်းလာတာ။ လေးလပိုင်းကနေ အခုငါးလပိုင်းအထိ ဒီလိုငါးမိနေတာ လေးကောင်ရှိပြီ။ အခုမိတဲ့ကောင်က အရှည် ၁၇ ပေနဲ့ လုံးပတ် ၁၀ ပေရှိတယ်။ ငါးကမရှိတော့ဘူး။ ဌာနဆိုင်ရာကို အကြောင်းကြားတယ်။ သူတို့ကို ဘယ်လိုလုပ်မလဲမေးတော့ သူတို့က သတင်းရပြီးတော့ ရပြီဆိုပြီး ပြောလို့ ငါးကိုမြေမြှုပ်ပစ်လိုက်တယ်။ ဘက်ဟိုးနဲ့ နက်နက်တူးပြီး မြှုပ်လိုက်တယ်။ ဒီလပိုင်းထဲမှာ ကမ်းကိုရောက်လာတဲ့ ငါးလေးကောင်စလုံး ဓမင်းဆိပ်ကမ်းခြေမှာ လာတင်တာပါ။ ဒီကောင်တွေက ဆော့ရင်းဆော့ရင်းနဲ့ ရေတိမ်ပိုင်းကို ရောက်လာတဲ့အချိန် နုန်းမူးပြီးတော့ အပြင်ပြန်မထွက်နိုင်ဘူး” ဟု ဓမင်းဆိပ်ကျေးရွာဒေသခံ ကိုမိုးနိုင်က ပြောကြားသည်။

ဖမ်းဆီးရမိခဲ့သော ငါးမန်းဖလောင်းကို ဓမင်းဆိပ်ကမ်းခြေတွင် တွေ့ရစဉ် (Photo : Myoe Myoe)

ယခုနှစ် ဧပြီလကုန်ပိုင်းမှ မေလလယ်ပိုင်းအထိ ရက် ၂၀ ခန့်အတွင်း ဓမင်းဆိပ်ကျေးရွာကမ်းခြေသို့ ရောက်ရှိလာသည့် မြန်မာအခေါ် ငါးမန်းဖလောင်း ဟုခေါ်သော ငါးမန်းလေးကောင်မှာ အရှည် ၁၅ ပေမှ ပေ ၂၀ ခန့်အတွင်းရှိခဲ့ပြီး ယင်းအနက်တစ်ကောင်မှာ ကမ်းခြေသို့ သေဆုံး၍ လာရောက်သောင်တင်ခဲ့ခြင်းဖြစ်ကာ ကျန်သုံးကောင်မှာ ပင်လယ်ပြင်အတွင်း ချထားသည့် ကျားပါးစပ် ငါးဖမ်းပိုက်အတွင်း ၀င်တိုးမိရာမှ ပြန်မထွက်နိုင်ဘဲ နုန်းမူး၍ သေဆုံးသဖြင့် ကမ်းစပ်သို့ ဆွဲယူလာခြင်းဖြစ်ကြောင်း သိရသည်။

“အဲဒီငါးကို မြန်မာအခေါ် ငါးမန်းဖလောင်း၊ ငါးမန်းကြီးလို့လည်း ခေါ်တယ်။ သိပ္ပံအခေါ်ကတော့ Rhincidom၊ နိုင်ငံတကာအခေါ်ကတော့ Whale Shark လို့ခေါ်တယ်။ ဒီမှာတော့ ၀ဇီပျောက်လို့ခေါ်တယ်။ တစ်နေရာနဲ့ တစ်နေရာ အခေါ်အဝေါ် မတူဘူး။ အများအားဖြင့် ငါးမန်းဖလောင်းလို့ခေါ်တယ်။ ကိုယ်မှာ အစက်အပြောက်လေးတွေ ပါတယ်။ အများအားဖြင့် ဒီလိုကမ်းခြေပိုင်းမှာနေတယ်။ လူကိုအန္တရာယ်မပေးဘူး။ အဓိက ငါးနီတူတို့လို ငါးအသေးလေးတွေစားတယ်။ သူ့မှာ သွားအကြီးတွေမပါဘူး။ ရှားပါးတဲ့ငါးမျိုးစိတ်ပါ” ဟု တနင်္သာရီတိုင်းဒေသကြီး ငါးလုပ်ငန်းဦးစီးဌာန ဒုတိယညွှန်ကြားရေးမှူး ဦးမြင့်ရွှေက ပြောကြားသည်။

အဆိုပါ ရှားပါးမျိုးစိတ်ဖြစ်သည့် ငါးမန်းဖလောင်းခေါ် Whale Shark ကိုဖမ်းယူ၊ သတ်ဖြတ်၊ အနှောင့်အယှက်ပြုခြင်း၊ သယ်ယူသိုလှောင်၍ လက်ဝယ်ထားရှိ ရောင်းချခြင်းမပြုရန် ငါးလုပ်ငန်းဦးစီးဌာနက ၂၀၀၁ ခုနှစ် ဇန်န၀ါရီ ၈ ရက် ရက်စွဲပါ အမိန့်ကြေညာစာအမှတ် ၂/၀၁ ဖြင့် တားမြစ်ထားပြီး တားမြစ်ချက်ကို ဖောက်ဖျက်ပါက ၁၉၉၀ ပြည့်နှစ် မြန်မာ့ပင်လယ်ငါးလုပ်ငန်း ဥပဒေအရ ထောင်ဒဏ်သုံးနှစ်အထိဖြစ်စေ၊ ငွေဒဏ်ကျပ်တစ်သိန်း အထိဖြစ်စေ၊ ဒဏ်နှစ်ရပ်စလုံးဖြစ်စေ အရေးယူ ချမှတ်ခြင်း ခံရနိုင်သည်ဟု သိရသည်။ ယင်းငါးမျိုးစိတ်မှာ ကမ်းနီးရေတိမ်ပိုင်းနှင့် ပင်လယ်ရေမှော်များ ပေါများသည့်နေရာတွင် နေထိုင်လေ့ရှိပြီး ငါးနီတူ (ဒေသအခေါ် ရေကြည်ငါး) ကဲ့သို့သော ငါးအသေးများကိုသာ စားသုံးကြောင်း၊ ထို့ပြင် ၎င်းငါးမှာ ဈေးကွက်ဝင် ငါးအမျိုးအစား မဟုတ်သည့်အတွက် စီးပွားဖြစ် ဖမ်းလေ့မရှိဘဲ မတော်တဆ ဖမ်းမိခြင်းများသာရှိကာ အရှည် ပေ ၄၀ ခန့်အထိရှိကြောင်း ဦးမြင့်ရွှေက ဆက်လက်ပြောကြားသည်။

ပြီးခဲ့သည့် မေ ၁၀ ရက်ကလည်း ရေဖြူ မြို့နယ်၏ အနောက်ဘက် ပင်လယ်ပြင်အတွင်း ချထားသည့် ကျားပါးစပ် ငါးဖမ်းပိုက် အတွင်း၌ အရှည်ပေ ၂၀ ခန့်ရှိ ငါးမန်းဖလောင်းတစ်ကောင် ဖမ်းဆီးရမိခဲ့ပြီး ဓမင်းဆိပ်ကျေးရွာ ကမ်းခြေသို့ သယ်ယူလာခဲ့ဖူးကြောင်း သိရသည်။

 

ထားဝယ်မြို့တွင် နှစ် ၁၅၀ ကျော်သက်တမ်းရှိ ရှေးဟောင်းမြေတိုက်ကျောင်း မီးလောင်မှု ဖြစ်ပွား

တနသာင်္ရီတိုင်းဒေသကြီး ထားဝယ်မြို့ ကညုံ ရပ်ကွက်ရှိ မြေတိုက်ကျောင်းဝင်းအတွင်းမှ နှစ်ပေါင်း ၁၅၀ ကျော် သက်တမ်းရှိပြီဖြစ်သည့် ရှေးဟောင်းကျောင်းဆောင်တစ်ခုမှ မေလ ၁၁ ရက်နေ့ ည ၁၂ နာရီအချိန်ခန့် က မီးလောင်ကျွမ်းမှု ဖြစ်ပွားခဲ့ကြောင်း သိရသည်။

မီးလောင်ကျွမ်းခဲ့သည့်ကျောင်းဆောင်ပေါ်၌ ရှေးဟောင်း ပေစာများနှင့် ရှေးဟောင်းပစ္စည်းများ ထားရှိထားကြောင်း၊ မီး စတင်လောင်ကျွမ်းချိန်တွင် ကျောင်းတိုက်ပေါ်၌ ဘုန်းတော်ကြီး တစ်ပါးတည်း ရှိနေချိန်ဖြစ်ပြီး ယင်းဆရာတော်အား အနီးဝန်းကျင်မှဒေသခံများက ကျောင်းတိုက်အတွင်းမှ ကယ်ထုတ်ခဲ့ရသည်ဟု သိရသည်။

မီးလောင်ကျွမ်းမှုမှာ မေလ ၁၂ ရက်နေ့  ယနေ့ နံနက် ၂ နာရီခွဲအချိန်တွင်မီးညွှန့် ကျိုးသွားခဲ့ပြီးနောက် နံနက် ၃ နာရီ အချိန်ခန့်တွင် မီးငြိမ်းသတ်နိုင်ခဲ့ကြောင်း သိရသည်။

မီးလောင်ရာသို့ တိုင်းဒေသကြီး မီးသတ်တပ်ဖွဲ့ မှ မီးသတ်ယာဉ် အများအပြားဖြင့် ငြိမ်းသတ်ခဲ့ရပြီး မြို့ပေါ်ရှိရေသယ်ယာဉ်များနှင့် ပရဟိတအဖွဲ့ များ ဒေသခံများက ဝိုင်းဝန်း ကူညီပေးခဲ့ရကြောင်း သိရသည်။

မီးလောင်ကျွမ်းခဲ့သည့် မြေတိုက်ကျောင်းဆောင်ကြီးမှာ ပြီးခဲ့သည့် ဖေဖော်ဝါရီလ ၂၅ ရက်နေ့ က နှစ် ၁၅၀ ပြည့် အထိမ်းအမှတ်ပွဲ ပြုလုပ်ထားခဲ့ခြင်းဖြစ်ပြီး မီးလောင်ကျွမ်းမှုကြောင့် ရှေးဟောင်းပစ္စည်းများနှင့် ပုရပိုက်များ မီးလောင်ဆုံးရှုံးခဲ့ရသည်ဟု သိရသည်။

လက်ရှိတွင်မီးလောင်ကျွမ်းမှုအပေါ် စုံစမ်းစစ်ဆေးနေဆဲဖြစ်ပြီး မီးလောင်ကျွမ်းသည့်နေရာကို ဝင်ထွက်မှုမရှိစေရန် ပိတ်သိမ်းထားခဲ့ကြောင်း၊ မီးလောင်ကျွမ်းရာသို့ လာရောက်ကူညီခဲ့သည့် ဒေသခံအချို့ ထိခိုက်ဒဏ်ရာ အနည်းငယ် ရရှိသည်မှအပ ကြီးကြီးမားမား ထိခိုက်ခဲ့ခြင်း မရှိဟု ဇမ္ဗူသီရိ အရေးပေါ်လူနာတင်ယာဉ်အဖွဲ့ ထံမှ သိရသည်။

ထားဝယ်မြို့၌ ပြုလုပ်သည့် နိုင်ငံတော်သမ္မတအား ထောက်ခံကြိုဆိုပွဲအတွက် ဌာနဆိုင်ရာ ၀န်ထမ်းအားလုံး တက်ရောက်ရန် စာထုတ်ခဲ့ခြင်းအပေါ် ဝေဖန်မှုများထွက်ပေါ်

ဧပြီ ၂၀ ရက်က ထားဝယ်မြို့၌ ပြုလုပ်သည့် နိုင်ငံတော်သမ္မတအား ထောက်ခံကြိုဆိုပွဲသို့ တက်ရောက် လာသူများကို တွေ့ရစဉ် (ဓာတ်ပုံ-ဖြိုးဇင်)

တနင်္သာရီတိုင်းဒေသကြီး ထားဝယ်မြို့ရှိ ဗိုလ်ချုပ်အောင်ဆန်းမြင်းစီးရုပ်တု အ၀ိုင်းတွင် ဧပြီ ၂၀ ရက် နံနက်က နိုင်ငံတော်သမ္မတ ဦးဝင်းမြင့်အား ထောက်ခံကြိုဆိုကြောင်း ဆိုင်းဘုတ်ဖွင့်ပွဲ ပြုလုပ်ခဲ့ပြီး ဌာနဆိုင်ရာ ၀န်ထမ်းအားလုံး မပျက်မကွက် တက်ရောက်ရန် စာထုတ်ခဲ့ခြင်းအပေါ် ဝေဖန်မှုများ ထွက်ပေါ်ခဲ့ကြောင်း သိရသည်။

အဆိုပါ နိုင်ငံတော်သမ္မတ ကြိုဆိုထောက်ခံပွဲသို့ တိုင်းဒေသကြီးအဆင့် ဌာနဆိုင်ရာများ၏ လက်အောက်ရှိ တိုင်း၊ ခရိုင်၊ မြို့နယ် အဆင့်များတွင် တာဝန်ထမ်းဆောင်နေသော ၀န်ထမ်းများအားလုံး မပျက်မကွက် တက်ရောက်ရန်နှင့် တက်ရောက်လာသည့် အင်အားစာရင်းကိုပါ ယူဆောင်၍ တိုင်းဒေသကြီး အစိုးရအဖွဲ့ထံ သတင်းပေးပို့ရန် ဧပြီ ၁၉ ရက် နေ့စွဲပါစာဖြင့် တိုင်းဒေသကြီး အစိုးရအဖွဲ့ ၀န်ကြီးချုပ်ကိုယ်စား အစိုးရအဖွဲ့ အတွင်းရေးမှူးဖြစ်သူ၏ လက်မှတ်ဖြင့် တိုင်းဒေသကြီးအဆင့် ဌာနဆိုင်ရာအားလုံးထံ စာထုတ်ပြန်ခဲ့ကြောင်း၊ ထိုသို့ စာထုတ်ပြန် ခေါ်ယူခဲ့ခြင်းမှာ ဒီမိုကရေစီစံနှုန်းနှင့် မကိုက်ညီဘဲ ခေတ်နောက် ပြန်ဆွဲသည့်ပုံစံ ဖြစ်နေသည်ဟု ဝေဖန်မှုများ ရှိခဲ့သည်။

“လုပ်တာကို လက်မခံတာ မဟုတ်ဘူး။ လက်ခံတယ်။ ပြည်သူတစ်ရပ်လုံးသည် ဒီသမ္မတ၊ နိုင်ငံတော် အတိုင်ပင်ခံပုဂ္ဂိုလ်နောက်မှာ ရှိတယ်ဆိုတာ ပြရမှာတော့ လက်ခံတယ်။ ဒါပေမဲ့ တစ်အိမ်တစ်ယောက် မဖြစ်မနေ လုပ်ရမှာကတော့ ဌာနထဲမှာရှိတဲ့ လူအကုန်လာပါဆိုတဲ့ စာထွက်ပြီးတော့ ခိုင်းရတာတော့ မဖြစ်သင့်ဘူးလို့ ထင်တယ်။ အခုလို အတင်းအကျပ်ကြီးနဲ့ မဖြစ်မနေ တက်ခိုင်းတာက ကျွန်တော်တို့ ကျောင်းသားဘ၀ ငယ်ငယ်က မနက်စောစောစီးစီးသွားပြီး ကောက်ညှင်းပေါင်း တစ်ယောက်တစ်ထုပ်ကျွေးပြီး  နေပူကြီးထဲ ဘောလုံးကွင်းထဲမှာထိုင်ပြီး လက်ခုတ်တီးရတဲ့ ပြည်သူထောက်ခံပွဲတွေ လုပ်သလိုမျိုး ဖြစ်နေတယ်။ အဲဒီခေတ် ပြန်ရောက်သွားသလိုပဲ။ မယောင်ရာဆီလူးတယ်လို့ ခံစားရတယ်။ နောက်တစ်ချက်က ဌာနဆိုင်ရာလူတွေ အကုန်ခေါ်တယ်။ နေပူကြီးထဲမှာ တစ်ခုခု ဖြစ်သွားရင် ဘယ်လိုလုပ်မလဲ။ ဒေါ်အောင်ဆန်းစုကြည် မိန့်ခွန်းပြောတုန်းကတောင် ရွက်ဖျင်တဲတွေ လုပ်ပေးထားသေးတယ်။ အခုဘာလို့ မလုပ်ပေးတာလဲ။ ပွင့်ပွင့်လင်းလင်း ပြောရရင် မိုးပျံပူပေါင်း လွှတ်တာတို့၊ ဘင်ခရာအဖွဲ့ခေါ်တာတို့ နိုင်ငံတော်ဘဏ္ဍာ အပိုကုန်တာ။ လမ်းတွေလည်း ပိတ်သေးတယ်။ ကလေးတွေကို မသနားကြဘူးလား။ နေပူကျဲကျဲကြီးထဲမှာ။ ဘင်ခရာတီးတယ် ဆိုတာလည်း ဘာကိုရည်ရွယ်ပြီး တီးတာလဲ။ လုပ်စေချင်တာက နိုင်ငံတော်သမ္မတရဲ့ မိန့်ခွန်းကို ပြန်ဖွင့်ပြရင်တောင်မှ မကြားလိုက်ရတဲ့သူ ကြားရအောင် လုပ်စေချင်တာ။ အခြားနေရာမှာလည်း ဒီလိုဆိုင်းဘုတ်ထောင်တာ လုပ်ကြတာပဲ။ ဘာသံမှ မကြားရဘူး။ အခုတော့  ဌာနတစ်ခုချင်းစီမှာ လာရတဲ့သူ နည်းတာမဟုတ်ဘူး။ ပုံကြီးချဲ့လုပ်တယ်လို့မြင်တယ်” ဟု  ထောက်ခံပွဲ တက်ရောက်ရန် စာထုတ်ခေါ်ယူခြင်းခံရသည့် ထားဝယ်မြို့ပေါ်ရှိ အစိုးရဌာနတစ်ခုမှ အရာထမ်းတစ်ဦးက ပြောကြားသည်။ လက်ရှိ နိုင်ငံတော်အစိုးရနှင့် နိုင်ငံတော်၏ အတိုင်ပင်ခံပုဂ္ဂိုလ်၏ ဦးဆောင်မှုအပေါ် ထောက်ခံသော်လည်း ယခင်စစ်အစိုးရခေတ်ကဲ့သို့ အတင်းအကျပ် မလာမနေရပုံစံဖြင့် ပြုလုပ်ခြင်းမှာ မဖြစ်သင့်ကြောင်း ၎င်းကဆက်လက် ပြောကြားသည်။

ဧပြီ ၂၀ ရက်က ထားဝယ်မြို့၌ ပြုလုပ်သည့် နိုင်ငံတော်သမ္မတအား ထောက်ခံကြိုဆိုပွဲသို့ တက်ရောက်ခဲ့သည့် သူနာပြု ဆရာမများအား တွေ့ရစဉ် (ဓာတ်ပုံ-ဖြိုးဇင်)

နိုင်ငံတော်သမ္မတအား ထောက်ခံကြောင်း ဆိုင်းဘုတ်ဖွင့်ပွဲအတွက် ဌာနဆိုင်ရာ ၀န်ထမ်းများအား မတက်မနေရ စာထုတ်ပြန် ခေါ်ယူခဲ့သည့်အပေါ် လုပ်လေ့ရှိသည့်အရာ တစ်ခုဖြစ်ပြီး ထူးဆန်းသည့်ကိစ္စတစ်ခု မဟုတ်သော်လည်း ယခုကိစ္စနှင့် ပတ်သက်၍ ၀န်ထမ်းများအနေဖြင့် ငြိမ်ခံနေသည့်ပုံစံ မဟုတ်ဘဲ မတရားသည့် ကိစ္စအပေါ် ဒီမိုကရေစီအစိုးရ လက်ထက်တွင် ဒီမိုကရေစီစံနှုန်းနှင့် မကိုက်ညီကြောင်း ၀န်ထမ်းများထံမှ အသံများ ထွက်ပေါ်လာသည်ကို ၎င်းအနေဖြင့် ကြိုဆိုကြောင်း၊ ဌာနဆိုင်ရာများအားလုံးထံ ယင်းအခမ်းအနားသို့ မပျက်မကွက် တက်ရောက်ရန် စာထုတ်ရာ၌ ၀န်ကြီးချုပ်၏ ကိုယ်စားအနေဖြင့် အတွင်းရေးမှူးက လက်မှတ်ရေးထိုးထားသော်လည်း ၀န်ကြီးချုပ်မှ ခွင့်ပြုသောကြောင့်သာ ယင်းကဲ့သို့ စာထုတ်ခဲ့ခြင်းဖြစ်ပြီး ယင်းစာအပေါ် ၀န်ကြီးချုပ်မသိခြင်းမှာ မဖြစ်နိုင်ကြောင်း ၎င်းအနေဖြင့် ထင်မြင်သည်ဟု တနင်္သာရီတိုင်းဒေသကြီး အတွင်းမှ လွှတ်တော်ကိုယ်စားလှယ် တစ်ဦးက ဆိုသည်။

ယင်းထောက်ခံပွဲ၌  အင်တိုက်အားတိုက် ထောက်ခံခြင်းအားဖြင့် ၀န်ထမ်းများအားလုံး သမ္မတဘက်တွင် ရှိနေကြောင်း သိရှိ၍ လက်ရှိ သမ္မတသစ်၏ ရုံးလုပ်ငန်းဆိုင်ရာ လုပ်ငန်းများ အားလုံးတွင် လုပ်ကိုင်ရာ၌ ပိုမိုအားရှိစေရန် အားဖြည့်ပေးသည့် အနေဖြင့် ထောက်ခံပွဲ ပြုလုပ်ခဲ့ခြင်းဖြစ်ကြောင်း၊ ထောက်ခံပွဲသို့ တိုင်း၊ ခရိုင်၊ မြို့နယ်အဆင့် ဌာနဆိုင်ရာများ မပျက်မကွက် တက်ရောက်ရန် စာထုတ်ခဲ့ခြင်းမှာ ၀န်ကြီးချုပ်မှသိရှိ၍ ထုတ်ခဲ့ခြင်း မဟုတ်ဘဲ ၀န်ထမ်းများအား တွန်းအားပေးဆောင်ရွက်ရန် ၎င်းအနေဖြင့် ထုတ်ခဲ့ခြင်းဖြစ်သည်ဟု တနင်္သာရီတိုင်းဒေသကြီး အစိုးရအဖွဲ့ အတွင်းရေးမှူး ဦးကောင်းစံဦးက ပြောကြားသည်။

“ငါတို့ကတော့ ၀န်ထမ်းအဖွဲ့အစည်းလေ။ ဒီလက်ရှိသမ္မတသည် ပါတီနဲ့ မဆိုင်တော့ဘူး။ သူက ငါတို့ရဲ့ နိုင်ငံတော်သမ္မတ။ အစိုးရအဖွဲ့ရဲ့ အကြီးအကဲ ဖြစ်သွားပြီ။ အဲဒီတော့ အစိုးရအဖွဲ့အောက်မှာ တာဝန်ထမ်းဆောင်နေတဲ့ ၀န်ထမ်းအားလုံး စုစုဝေးဝေးနဲ့ ညီညီညာညာနဲ့ လက်ရှိတက်လာတဲ့သမ္မတကို ထောက်ခံလိုတဲ့သဘော ရှိတဲ့အတွက်ကြောင့် အင်တိုက်အားတိုက် ထောက်ခံနိုင်ဖို့အတွက်ကို ငါတို့ကနေပြီး တွန်းအားပေးပြီး ဆောင်ရွက်တာ။ ဘယ်သူက ဘယ်လောက်တက်ပါ။ ဘယ်ဌာနကတော့ ဘယ်နှယောက်လောက် လာကြဖို့ အဲဒီလို တိုက်တွန်းတဲ့စာကို ကိုယ်ကရေးလိုက်တာ။ ၀န်ကြီးချုပ်ကိုယ်စား ဆိုတာ ၀န်ကြီးချုပ်ကိုယ်စား မဟုတ်ဘူး။ တကယ်တမ်းကျတော့။ စာတွေများနေလို့ အောက်ကတပည့်တွေကို ရေးခိုင်းလိုက်ပြီး လက်မှတ်ထိုးတာ။ အမှန်က အတွင်းရေးမှူးက ထိုးရမှာ။ ၀န်ကြီးချုပ်ကိုယ်စား မဟုတ်ဘူး” ဟု တနင်္သာရီတိုင်း ဒေသကြီး အစိုးရအဖွဲ့ အတွင်းရေးမှူး ဦးကောင်းစံဦးက ပြောကြားသည်။

အဆိုပါ ဆိုင်းဘုတ်ဖွင့်ပွဲကို နံနက် ၉ နာရီတွင် စတင်ခဲ့ပြီး တနင်္သာရီတိုင်းဒေသကြီး အတွင်းရှိ လွှတ်တော်ကိုယ်စားလှယ် အချို့နှင့် အစိုးရအဖွဲ့ ၀န်ကြီးများ တက်ရောက်ခဲ့ပြီး ၀န်ကြီးချုပ် ဒေါက်တာလဲ့လဲ့မော်က စက်ခလုတ်နှိပ်၍ ဖွင့်လှစ်ပေးခဲ့ကြောင်း၊ အခမ်းအနားသို့ တိုင်း၊ ခရိုင်၊ မြို့နယ်အဆင့် ဌာနဆိုင်ရာ ၀န်ထမ်းများအပြင် ထားဝယ်ဒေသရှိ တက္ကသိုလ်များမှ ၀န်ထမ်းများ၊ ထားဝယ်ပညာရေး ကောလိပ်မှ ကျောင်းသားများနှင့် သူနာပြု သင်တန်းကျောင်းမှ ကျောင်းသား ကျောင်းသူများ တက်ရောက်ခဲ့ပြီး လူဦးရေ ၁၀၀၀ နီးပါး တက်ရောက်ခဲ့ကာ မနက် ၉ နာရီ ၅ မိနစ်တွင် အခမ်းအနား ပြီးဆုံးခဲ့သည်။

၎င်းထောက်ခံပွဲသို့ မပျက်မကွက် တက်ရောက်ရန် တိုင်းဒေသကြီးအစိုးရအဖွဲ့မှ ဌာနဆိုင်ရာများသို့ ထုတ်ပြန်ခဲ့သည့်စာမှာ လူမှုကွန်ရက် ဖေ့စ်ဘွတ်ပေါ်တွင် ပြန့်နှံ့ခဲ့ပြီးနောက် ယင်းသို့ ခေါ်ယူမှုအပေါ် နိုင်ငံရေး လေ့လာသူများနှင့် ဝေဖန်သူများအကြား ဝေဖန်မှု မြင့်တက်ခဲ့ကြောင်း သိရသည်။