ထရန့်နှင့် ရိုဟာနီတို့က အားပြိုင်ရန် ပြင်ဆင်နေစဉ် ကုလသမဂ္ဂတွင် အီရန်အရေးက လွှမ်းမိုးနေမည်

စက်တင်ဘာ ၂၄ ရက်က ကုလသမဂ္ဂ၌ အစည်းအဝေးတစ်ခု တက်ရောက်နေသော အမေရိကန်သမ္မတ ဒေါ်နယ်ထရန့် (လယ်) ကို တွေ့ရစဉ် (Photo ; AFP)

ကမ္ဘာ့အကြီးဆုံး သံတမန်ရေးရာ စုဝေးမှုအတွင်း အမေရိကန်သမ္မတ ဒေါ်နယ်ထရန့်နှင့် အီရန်သမ္မတ ဟက်ဆန်ရိုဟာနီတို့က အားပြိုင်ရန် ပြင်ဆင်နေကြစဉ် စက်တင်ဘာ ၂၅ ရက်၌ ကုလသမဂ္ဂတွင် အီရန်အရေး ကိစ္စက လွှမ်းမိုးနေမည် ဖြစ်သည်။ ထရန့်က အီရန်နျူကလီးယားသဘောတူညီချက်မှ အမေရိကန်ကို နုတ်ထွက်ရန် ဆုံးဖြတ်ခဲ့ပြီးနောက် လေးလခန့်အကြာတွင် ကုလသမဂ္ဂ အထွေထွေညီလာခံအဖွင့်နေ့၌ ထရန့်နှင့် ရိုဟာနီတို့သည် မိန့်ခွန်းများ ပြောကြားမည် ဖြစ်သည်။

အီရန်နျူကလီးယား သဘောတူညီချက်တွင် ပါဝင်သော ဗြိတိန်၊ တရုတ်၊ ပြင်သစ်၊ ဂျာမနီနှင့် ရုရှားတို့က အီရန်နှင့် စီးပွားရေးဆက်လက် ပြုလုပ်နိုင်ရန် အစီအစဉ်များကို စက်တင်ဘာ ၂၄ ရက်တွင် ကြေညာခဲ့သည်။ မြောက်ကိုရီးယားက ၎င်း၏ နျူကလီးယားနှင့် ဒုံးစီမံကိန်းများအား ဖျက်သိမ်းပစ်ရန် ခိုင်မာသော ခြေလှမ်းအနည်းငယ်သာ လှမ်းထားသော်လည်း ပြုံယမ်းနှင့် ၎င်း၏ သံတမန်ဆက်ဆံရေးသည် အနိုင်ရမှုတစ်ခုဖြစ်ကြောင်း မြောက်ကိုရီးယားခေါင်းဆောင် ကင်ဂျုံအွန်နှင့် ဒုတိယမြောက်ထိပ်သီး ကျင်းပရန် ရည်မှန်းနေသော ထရန့်က အမွှမ်းတင် ပြောကြားမည်ဖြစ်သည်။

အီရန်၏ နျူကလီးယားရည်မှန်းချက်များအား ဆက်လက်စောင့်ကြည့်စစ်ဆေးနိုင်ရန် နှစ်ပေါင်းများစွာ ညှိနှိုင်းဆွေးနွေးခဲ့ပြီးနောက် ရရှိခဲ့သည့် သမိုင်းဝင် သဘောတူညီချက်မှ နုတ်ထွက်ရန် ထရန့်က ပြီးခဲ့သော မေတွင် ဆုံးဖြတ်ခဲ့ခြင်းကြောင့် ဥရောပ မဟာမိတ်များ၊ ရုရှားနှင့်တရုတ်တို့ကို တုန်လှုပ်စေခဲ့သည်။ အီရန်သည် ၂၀၁၅ ခုနှစ် အီရန်နျူကလီးယားသဘောတူညီချက်ကို ဆက်လက်ထိန်းသိမ်းသွားမည်ဟု ရိုဟာနီက  ပြောကြားသွားမည်ဖြစ်ပြီး အမေရိကန်သည် ၎င်း၏ အပြည်ပြည်ဆိုင်ရာ ကတိပြုချက်များအား ချိုးဖျက်မှုအတွက် အပယ်ခံဖြစ်ကြောင်း ၎င်းက ပုံဖော်ခဲ့သည်။

ထရန့်သည် ပြီးခဲ့သောနှစ်တွင် ကုလသမဂ္ဂမိန့်ခွန်း၌ အီရန်နျူကလီးယား သဘောတူညီချက်သည် စိတ်ပျက်စရာတစ်ခုဖြစ်ကြောင်း အကြီးအကျယ် ဝေဖန်ခဲ့ပြီး အမေရိကန်သည် ထိုသဘောတူညီချက်မှ နုတ်ထွက်ရန် အသင့်ရှိနေကြောင်း အချက်ပြခဲ့သည်။ ယခုနှစ်တွင် ထိုသဘောတူညီချက်မှ နုတ်ထွက်ခဲ့ပြီးနောက် အမေရိကန်သည် အီရန်ကို ဖိအားတိုးမြှင့်ပေးနိုင်ရန် ဆက်လက်ကြိုးပမ်းနေခဲ့သည်။

၎င်းက အကြိမ်ကြိမ်ပြောကြားခဲ့သလိုပင် အီရန်၌ အစိုးရအပြောင်းအလဲဖြစ်ပေါ်ရေးသည် ထရန့်အစိုးရ၏ မူဝါဒမဟုတ်ကြောင်း အမေရိကန်အမျိုးသားလုံခြုံရေးအကြံပေး ဂျွန်ဘိုတန်က ပြောကြားခဲ့သည်။ အီရန်ကို အလွန်တင်းကျပ်သော ပိတ်ဆို့အရေး ယူမှုများချမှတ်ခဲ့ကြောင်း၊ နောက်ထပ်လည်း  ထပ်မံချမှတ်သွားမည်ဖြစ်ပြီး အီရန်က ၎င်း၏ အမူအကျင့်များကို ကြီးကြီးမားမား ပြောင်းလဲပစ်ရန် မိမိတို့က လိုလားကြောင်း ဘိုတန်က ပြောကြားခဲ့သည်။

နယူးယောက်တွင် ဆွေးနွေးပွဲများအား  မရပ်မနား ဆက်တိုက်ပြုလုပ်စဉ်အတွင်း ထရန့်နှင့်တွေ့ဆုံရန် အစီအစဉ်မရှိကြောင်း  ရိုဟာနီက ပြောကြားခဲ့ပြီး ဆွေးနွေးပွဲပြုလုပ်ရန် ကမ်းလှမ်းမှုသည် စစ်မှန်မှုမရှိဟု ၎င်းက ပြင်းပြင်းထန်ထန် ဝေဖန်ခဲ့သည်။ မည်သည့် ဆွေးနွေးပွဲအတွက်မဆို အကြိုသတ်မှတ်ချက်အဖြစ် ထရန့်သည် နျူကလီးယား သဘောတူညီချက်မှ နုတ်ထွက်ထားမှုကြောင့် ထိခိုက်မှုကို ပြင်ဆင်ရန် လိုအပ်မည်ဖြစ်ကြောင်း ရိုဟာနီက NBC သတင်းဌာနသို့ ပြောကြားခဲ့သည်။ ကုလသမဂ္ဂ လုံခြုံရေးကောင်စီတွင် နျူကလီးယား မပြန့်ပွားရေးဆိုင်ရာ ဆွေးနွေးပွဲအား ထရန့်က စက်တင်ဘာ ၂၆ ရက်တွင် ပထမဆုံးအကြိမ် ဦးဆောင်ကျင်းပမည်ဖြစ်ရာ အပြည်ပြည်ဆိုင်ရာက အီရန်ကိုပိုမိုတင်းမာစွာ ရပ်တည်ရန်အတွက် တွန်းအားပေးနိုင်ရန်အခွင့်အလမ်း ရရှိမည်ဖြစ်သည်။

Ref ; AFP

ထရန့်က တရုတ်၏ ဒေါ်လာဘီလျံ ၂၀၀ တန်ဖိုးရှိ နောက်ထပ်သွင်းကုန်များကို အခွန်စည်းကြပ်

 

သြဂုတ် ၂၉ ရက်တွင် တရုတ်အရှေ့ပိုင်း ရှန်တုံပြည်နယ်၌ ကားပစ္စည်းအစိတ်အပိုင်း စက်ရုံတစ်ရုံ၌ အလုပ်သမားတစ်ဦးကို တွေ့ရစဉ် (Photo – AP)

အမေရိကန်သမ္မတ ဒေါ်နယ်ထရန့်သည် သတိပေးချက်များအား အာခံ၍ တရုတ်နှင့် ကုန်သွယ်ရေး ထိပ်တိုက်တွေ့မှုကို အရှိန်မြှင့်တင်ကာ လာမည့်သီတင်းပတ်မှ စတင်၍ ဒေါ်လာဘီလျံ ၂၀၀ တန်ဖိုးရှိ တရုတ်သွင်းကုန်များအား အခွန်စည်းကြပ်သွားမည်ဟု စက်တင်ဘာ ၁၇ ရက်တွင် ကြေညာခဲ့သည်။ ပေကျင်းက လက်တုံ့ပြန်ပါက ပိုမိုပစ်မှတ်ထားသွားမည်ဟုလည်း ထရန့်က ခြိမ်းခြောက်ခဲ့သည်။

တရားမမျှတသော လုပ်ထုံးလုပ်နည်းများအား ပြောင်းလဲရန်နှင့် အမေရိကန်ကုမ္ပဏီများအား မျှမျှတတနှင့် အပြန်အလှန်တုံ့ ပြန်မှုဆောင်ရွက်ရန် ၎င်းတို့က တရုတ်ကို တိုက်တွန်းမှုသည် လပေါင်းများစွာ ကြာမြင့်ခဲ့ပြီဖြစ်ကြောင်း ထရန့်က ကြေညာချက် ထုတ်ပြန်ခဲ့သည်။ တရုတ်၏ ထိုလုပ်ရပ်များသည် အမေရိကန်စီးပွားရေး၏ ရေရှည်ခိုင်မာမှုနှင့် တိုးတက်မှုအတွက် ကြီးမားသော ခြိမ်းခြောက်မှုအဖြစ် ပေါ်လွင်နေကြောင်း၊ သို့သော် ယခုအချိန်ထိ တရုတ်သည် နည်းပညာများအား ခိုးယူမှုနှင့် အတင်းအကျပ် လွှဲပြောင်းယူမှုတို့အပါအ၀င် မမျှတသည့်လုပ်ရပ်များကို ပြောင်းလဲရန်ဆန္ဒမရှိသေးကြောင်း ထရန့်က ပြောကြားခဲ့သည်။

စက်တင်ဘာ ၂၄ ရက်တွင် အာဏာသက်ဝင်မည့် စည်းကြပ်ခွန်သစ်ချမှတ်မှုအရ တရုတ်မှ အမေရိကန်သို့ သွင်းကုန်များ၏ အကြမ်းဖျင်းထက်ဝက်ခန့်ကို အကျုံးဝင်မည်ဖြစ်ပြီး အမေရိကန်သို့ တင်သွင်းနေသော ကုန်အများစုပါဝင်မည်ဖြစ်ကြောင်း သိရသည်။ နောက်ဆုံးချမှတ်ခဲ့သော စည်းကြပ်ခွန်များအား ယခုနှစ်ကုန်အထိ ၁၀ ရာခိုင်နှုန်း ချမှတ်သွားမည်ဖြစ်ပြီး ယင်းနောက် ၂၅ ရာခိုင်နှုန်းသို့ တိုးမြှင့်သွားမည် ဖြစ်သည်။

အမေရိကန်က စည်းကြပ်ခွန်အသစ်များ ချမှတ်ပါက တရုတ်သည် ၎င်းတို့၏ တရားဝင်အခွင့်အရေးနှင့် အကျိုးစီးပွားကို အခိုင်အမာကာကွယ်ရန် တန်ပြန်စည်းကြပ်ခွန်များ ချမှတ်မှုကို ဆောင်ရွက်သွားမည်ဟု တရုတ်နိုင်ငံခြားရေးဝန်ကြီးဌာနက ပြောခွင့်ရပုဂ္ဂိုလ် ကျန်ရှုအန်က စက်တင်ဘာ ၁၇ ရက်တွင် ပုံမှန်ပြုလုပ်နေကျ သတင်းစာရှင်းလင်းပွဲ၌ ပြောကြားခဲ့သည်။

သို့သော် အမေရိကန်လယ်သမားများ သို့မဟုတ် အခြားလုပ်ငန်းများအား တရုတ်က တန်ပြန်အရေးယူမှုများ ဆောင်ရွက်လျှင် ဒေါ်လာ ၂၆၇ ဘီလျံနီးပါးရှိသော နောက်ထပ်သွင်းကုန်များကို စည်းကြပ်ခွန်များ ချမှတ်သည့် အဆင့်(၃)သို့ အလျင်အမြန် လုပ်ဆောင်သွားမည်ဖြစ်ကြောင်း၊ ယင်းသည် တရုတ်မှ အမေရိကန်သို့ တင်သွင်းသည့် ကုန်အားလုံးကို စည်းကြပ်ခွန်ချမှတ်မှု ဖြစ်လာမည်ဖြစ်ကြောင်း ၎င်းက သတိပေးခဲ့သည်။

ထရန့်၏ နောက်ဆုံးစည်းကြပ်ခွန်များ ချမှတ်မှုတွင် တရုတ်လုပ် အသံဖမ်းယူသည့် ကိရိယာများ၊ ကွန်ပျူတာမှတ်ဥာဏ်မော်ဂျူးများ၊ ကားအချက်အလက် ပရော်ဆက်ဆာများအပြင် မိတ္တူစက်နှင့် ငွေစက္ကူထုတ်စက်ကဲ့သို့ ရုံးသုံးကိရိယာများအပါအ၀င် ထုတ်ကုန်အများအပြားကို အကျုံးဝင်မည်ဖြစ်သည်။ သို့သော် သုံးစွဲသူများနှင့် စီးပွားရေး လုပ်ငန်းများထံမှ ရေးသားပေးပို့ခဲ့သည့် မှတ်ချက် ၆၀၀၀ ခန့်ကို လက်ခံရရှိခဲ့ပြီးနောက် ပြီးခဲ့သော ဇူလိုင်တွင် ထုတ်ပြန်ခဲ့သည့် ကနဦးစာရင်းမှ စည်းကြပ်ကုန်ပစ္စည်း ၃၀၀ ကို ပြန်လည်လျှော့ချပေးခဲ့ကြောင်း အမေရိကန် အစိုးရထိပ်တန်းတာဝန်ရှိသူများက ပြောကြားခဲ့သည်။

Ref ; AFP

ရွေးကောက်ပွဲအား ရုရှားဝင်ရောက်စွက်ဖက်မှု စွပ်စွဲချက်ကို စုံစမ်းစစ်ဆေးမှု၌ ထရန့်၏ အကြံပေးဟောင်း ထောင်ဒဏ်ချမှတ်ခံရ

စက်တင်ဘာ ၇ ရက်တွင် ဖလော်ရီဒါရှိ တရားရုံးသို့ ထရန့်၏ အကြံပေးဟောင်း ပါပါဒိုပူလော့စ်၏ ဇနီး (၀ဲ) က ရောက်ရှိလာစဉ် (Photo : AP)

အမေရိကန်သမ္မတ ရွေးကောက်ပွဲတွင် ရုရှား၏ ၀င်ရောက်စွက်ဖက်မှု စွပ်စွဲချက်များအား စုံစမ်းစစ်ဆေးနေမှုတွင် ရုရှားနှင့် ဆက်သွယ်ခဲ့သည့် အမေရိကန်သမ္မတ ဒေါ်နယ်ထရန့်၏ အကြံပေးဟောင်း တစ်ဦးသည် အက်ဖ်ဘီအိုင် အဖွဲ့အား လိမ်လည်ခဲ့မှုအတွက် စက်တင်ဘာ ၇ ရက်တွင် ထောင်ဒဏ်ချမှတ် ခံခဲ့ရကြောင်း သိရသည်။

နိုင်ငံခြားရေးမူဝါဒ အကြံပေးဟောင်းဖြစ်သူ ဂျော့ပါပါဒိုပူလော့စ်သည် အပြစ်ရှိကြောင်းနှင့် နောင်တရကြောင်း ၀န်ခံထွက်ဆိုခဲ့မှုကို ခရိုင်တရားသူကြီး ရန်ဒိုမော့စ်က အသိအမှတ်ပြုခဲ့ပြီး ထောင်ဒဏ် ၁၄ ရက်ချမှတ်ခဲ့သည်။ သို့သော် ပါပါဒိုပူလော့စ်သည် နိုင်ငံလုံခြုံရေးအတွက် အရေးပါသော စုံစမ်းစစ်ဆေးမှုတွင် လိမ်လည်ခဲ့ကြောင်း တရားသူကြီးက ပြောကြားခဲ့သည်။

ထရန့်၏ မဲဆွယ်အဖွဲ့နှင့် ရုရှားတို့အကြား လျှို့ဝှက်ပူးပေါင်း ကြံစည်မှု ရှိ၊ မရှိအား စုံစမ်းစစ်ဆေးမှု ၁၆ လ ကြာမြင့်လာချိန်တွင် အသက် ၃၁ နှစ်ရှိ ပါပါဒိုပူလော့စ်သည် ထောင်ဒဏ်ချမှတ်ခံခဲ့ရသည့် ဒုတိယမြောက်ပုဂ္ဂိုလ် ဖြစ်လာခဲ့သည်။ ထရန့်၏ လက်ထောက်ဟောင်း နှစ်ဦးသည် ကြီးလေးသော ပြစ်မှုများတွင် စီရင်ချက် ချမှတ်ခံခဲ့ရပြီးနောက် နှစ်ပတ်ကျော်အကြာ၌ ယခုကဲ့သို့ ထောင်ဒဏ်ချမှတ်မှု ပြုလုပ်ခဲ့ခြင်းဖြစ်သည်။

၂၀၁၇ ခုနှစ် မေတွင် စတင်ခဲ့ပြီးနောက်ပိုင်း ဒေါ်လာသန်းပေါင်းများစွာ ကုန်ကျခဲ့ပြီးဖြစ်သည့် အက်ဖ်ဘီအိုင် ဒါရိုက်တာဟောင်း ရောဘတ်မူလာ ဦးဆောင်သော ထိုစုံစမ်းစစ်ဆေးမှုအတွက် ထိုစီရင်ချက်များသည် အရေးမပါကြောင်း ထရန့်က ပြောကြားခဲ့သော်လည်း ယခုအချိန်အထိ စွဲချက်တင်မှု ၃၅ ခု၊ အပြစ်ရှိကြောင်း ၀န်ခံမှု ငါးခု၊ ရုံးတင်စစ်ဆေးနေမှုတစ်ခု ရှိလာမှုများကိုမူ လျစ်လျူရှုခဲ့သည်။

ပါပါဒိုပူလော့စ်သည် ၂၀၁၆ ခုနှစ် မတ်တွင် ထရန့်၏ မဲဆွယ်အဖွဲ့နှင့် ပူးပေါင်းခဲ့ချိန်၌ အတွေ့အကြုံ မရှိသော လန်ဒန်အခြေစိုက် ရေနံလုပ်ငန်း လေ့လာသုံးသပ်သူ တစ်ဦးသာ ဖြစ်ခဲ့သည်။ မဲဆွယ်အဖွဲ့၏ ဦးစားပေးမှာ ရုရှားနှင့် ဆက်ဆံရေး တိုးတက်စေရန် ဖြစ်သည်ဟု ညွှန်ကြားခံရပြီးနောက် ပါပါဒိုပူလော့စ်သည် ကရင်မလင်နှင့် ဆက်နွှယ်မှုရှိသော လျှို့လျှို့ဝှက်ဝှက် ပါမောက္ခ ဂျိုးဇက်မစ်ဆော့ဒ်နှင့် ဆက်သွယ်ခဲ့သည်။ မစ်ဆော့ဒ်သည် ရုရှားသမ္မတပူတင်၏ တူမဆိုသူဟု အခိုင်အမာ ဆိုခဲ့သည့် အမျိုးသမီးတစ်ဦး အပါအ၀င် အပြင်ပန်းအားဖြင့် ပူတင်နှင့် ဆက်နွှယ်မှုများရှိသော အခြားသူများအား ပါပါဒိုပူလော့စ်နှင် မိတ်ဆက်ပေးခဲ့သည်။

၂၀၁၆ ခုနှစ် မတ်လကုန်တွင် မဲဆွယ်အဖွဲ့ အစည်းအဝေးအပြီး၌ ပါပါဒိုပူလော့စ်က သူသည် နိုဝင်ဘာ ရွေးကောက်ပွဲမတိုင်မီ ထရန့်-ပူတင် ဆွေးနွေးပွဲတစ်ရပ်ကို စီစဉ်ပေးနိုင်သည့် အဆက်အသွယ်များ လန်ဒန်၌ ရှိနေကြောင်း ထရန့်အပါအ၀င် အထက်လွှတ်တော် အမတ်ဟောင်းနှင့် ယခုအခါ ရှေ့နေချုပ် ဂျက်ဖ်ဆက်ရှင်းနှင့် အခြားမဲဆွယ် တာဝန်ရှိသူများကို ပြောကြားခဲ့သည်။ စက်တင်ဘာ ၇ ရက်နှောင်းပိုင်းတွင် စီအင်န်အင်န်နှင့် အင်တာဗျူးတစ်ခု၌ ပါပါဒိုပူလော့စ်က ထရန့်သည် ထိုအစီအစဉ်အား ခေါင်းညိတ်ခဲ့သော်လည်း အကောင်အထည် မပေါ်ခဲ့ကြောင်း၊ သို့သော် ထရန့်-ပူတင် ဆွေးနွေးပွဲကို ဆက်ရှင်းက အမှန်တကယ် စိတ်အားထက်သန်ခဲ့ကြောင်း ပြောကြားခဲ့သည်။ ရုရှားတွင် ကလင်တန်အကြောင်း အီးမေးလ် ထောင်ပေါင်းများစွာ ရှိနေကြောင်းလည်း မစ်ဆော့ဒ်က ၎င်းအား ဧပြီတွင် ပြောကြားခဲ့ကြောင်း ပါပါဒိုပူလော့စ်က ပြောကြားခဲ့သည်။

Ref : AFP

မြောက်ကိုရီးယားခေါင်းဆောင် ကင်ထံမှ အပြုသဘောဆောင်သည့် စာတစ်စောင်ရရှိရန် ထရန့် မျှော်မှန်းနေ

စက်တင်ဘာ ၅ ရက်တွင် ပြုံယမ်း၌ တောင်ကိုရီးယား အထူးသံတမန်ကို စကားပြောနေသော မြောက်ကိုရီးယားခေါင်းဆောင် ကင်ဂျုံအွန်ကို တွေ့ရစဉ် (Photo : AFP)

မြောက်ကိုရီးယားခေါင်းဆောင် ကင်ဂျုံအွန်ထံမှ အပြုအသဘောဆောင်သည့် စာအသစ်တစ်စောင်ကို ရရှိရန် မျှော်လင့်နေသည်ဟု အမေရိကန်သမ္မတ ဒေါ်နယ်ထရန့်က စက်တင်ဘာ ၇ ရက်တွင် ပြောကြားခဲ့သည်။ ထရန့်သည် ထိုသို့ ပြောကြားခဲ့ခြင်းဖြင့် သီတင်းပတ်ပေါင်းများစွာ လိပ်ခဲတည်းလည်း ဖြစ်နေခဲ့ပြီးနောက် ကိုရီးယားကျွန်းဆွယ်ပေါ်၌ နျူကလီးယား ကင်းစင်စေရေးအတွက် ဆွေးနွေးမှုများမှာ အသက်ဝင်နေသေးသည့် အကြောင်းကို ရည်ညွှန်းခဲ့ခြင်းလည်း ဖြစ်သည်။

“ကင်ဂျုံအွန်ထံကနေ ကျွန်တော့်ဆီကို ပုဂ္ဂိုလ်ရေးစာတစ်စောင် ပို့လိုက်တယ်ဆိုတာ ကျွန်တော်သိပါတယ်။ အဲဒီစာကို နယ်စပ်မှာ ပေးခဲ့တာပါ” ဟု ထရန့်က ၎င်းနှင့်အတူ မြောက်ဒါကိုတာသို့ သွားရောက်ခဲ့သည့် သတင်းထောက်များကို ပြောကြားခဲ့သည်။ “ဒါဟာ အပြုသဘောဆောင်တဲ့ စာတစ်စောင် ဖြစ်လာလိမ့်မယ်လို့ ကျွန်တော်ထင်ပါတယ်” ဟု ထရန့်က ဖြည့်စွက်ပြောခဲ့သည်။

ယင်းစာကို အမေရိကန် နိုင်ငံခြားရေးဝန်ကြီး မိုက်ပွန်ပီယိုက ၎င်းထံသို့ ယူလာပေးလိမ့်မည်ဟု မျှော်လင့်ကြောင်း ထရန့်က ဆိုသည်။ ပွန်ပီယိုသည် စက်တင်ဘာ ၆ ရက်ကလည်း ကင်ထံမှ ထုတ်ပြန်ချက် တစ်စောင်ကို ယူဆောင်ခဲ့သေးသည်။ ယင်းထုတ်ပြန်ချက်ထဲ၌ ကင်က နျူကလီးယား ဖျက်သိမ်းရေး စေ့စပ်ဆွေးနွေးမှုများတွင် အခက်အခဲများ ရှိနေသော်လည်း ၎င်းအနေနှင့် ထရန့်အပေါ် ယုံကြည်မှု ရှိနေသေးသည်ဟု ပြောကြားထားသည်။

“သူကျွန်တော့်ကို ပြောတာနဲ့ ပတ်သက်ပြီး ဒါဟာ အရမ်းကို အကောင်းဘက်ကို ဦးတည်တဲ့ ထုတ်ပြန်ချက် တစ်ခုပါ။ ဒီထက်ပိုပြီး အပြုသဘောဆောင်တဲ့ ထုတ်ပြန်ချက်မျိုး မရှိတော့ပါဘူး” ဟု ထရန့်က ဆိုသည်။

ကင်က ထိုသို့ ပြောကြားခဲ့သည်ကို သတင်းခေါင်းစီးများအဖြစ် မတင်ခဲ့ကြကြောင်း ထရန့်က မီဒီယာများကို စွပ်စွဲခဲ့သေးသည်။ “ရိုးရိုးသားသား ပြောရရင် ခင်ဗျားတို့ သတင်းစာတွေရဲ့ ရှေ့မျက်နှာဖုံးမှာ အဲဒီအကြောင်းကို မတွေ့လိုက်ပါဘူး” ဟု ထရန့်က ဆိုခဲ့သည်။

ထရန့်သည် စင်ကာပူတွင် ကင်ဂျုံအွန်နှင့် ထိပ်သီးအစည်းအဝေး ပြုလုပ်ပြီးကတည်းက ရရှိခဲ့သည့် တိုးတက်မှုများကို ချီးကျူးခဲ့သေးသည်။ “ကျွန်တော်တို့ ဓားစာခံတွေ ပြန်လွတ်လာတယ်။ ဒီကြားထဲမှာလည်း ဘာ ဒုံးကျည်၊ ဒုံးပျံ၊ နျူကလီးယား စမ်းသပ်မှုတွေမှာလည်း မရှိဘူး။ ဒီအကြောင်းတွေကို ကျွန်တော်ပြောနေတာ အခေါက်ပေါင်းရာနဲ့ ချီနေပြီ” ဟု ထရန့်က ပြောကြားခဲ့သည်။

ကင်ဂျုံအွန်သည် စက်တင်ဘာ ၆ ရက်က တောင်ကိုရီးယားမှ အထူးသံတမန် တစ်ဦးနှင့် တွေ့ဆုံစဉ်ကလည်း နျူကလီးယား ဖျက်သိမ်းရေး ရည်မှန်းချက်အတွက် စိတ်ပိုင်းဖြတ်ထားကြောင်းကို ထပ်မံပြောကြားခဲ့သည်။ ကင်ဂျုံအွန်နှင့် တောင်ကိုရီးယားသမ္မတ မွန်းဂျေအင်းတို့သည်လည်း စက်တင်ဘာ ၁၈-၂၀ ရက်တို့တွင် ပြုံယမ်း၌ တွေ့ဆုံကြဦးမည် ဖြစ်သည်။ “ကိုရီးယား ကျွန်းဆွယ်ပေါ်က နျူကလီးယား ဖျက်သိမ်းရေးကို သိရှိနားလည်အောင် မြောက်ရော၊ တောင်ပါပိုပြီး ကြိုးပမ်းအားထုတ် သင့်ပါတယ်” ဟု ကင်က ပြောကြားခဲ့သည်ဟု KCNA က ဖော်ပြခဲ့သည်။

Ref : AFP

နှုတ်ပိတ်ခများ ပေးခဲ့ရသည်ဟု ရှေ့နေကိုဟင်၏ ထုတ်ဖော်မှုများကို ထရန့်က ပြင်းပြင်းထန်ထန်ဝေဖန်

(၀ဲမှယာ) သမ္မတထရန့်၏ ရှေ့နေဟောင်း မိုက်ကယ်ကိုဟင်၊ သမ္မတထရန့်၊ ထရန့်၏ မဲဆွယ်အဖွဲ့ ခေါင်းဆောင်ဟောင်း ပေါမာနာဖို့တ်တို့အား ပေါင်းစပ်ထားသော ဓာတ်ပုံ (Photo : AFP)

၂၀၁၆ ခုနှစ် အမေရိကန်သမ္မတ ရွေးကောက်ပွဲမတိုင်မီ ယင်းအချိန်က သမ္မတလောင်း ဒေါ်နယ်ထရန့်နှင့် လျှို့ဝှက်ဇာတ်လမ်းရှိခဲ့သည့် အမျိုးသမီးနှစ်ဦးအား နှုတ်ပိတ်ခများ ပေးခဲ့ရကြောင်း ၎င်း၏ရှေ့နေဟောင်း မိုက်ကယ်ကိုဟင်က ထုတ်ဖော်ပြောကြားခဲ့ပြီးနောက် သမ္မတထရန့်က သူသည် မည်သည့် အမှားအယွင်းမှ မလုပ်ဆောင်ခဲ့ကြောင်း သြဂုတ် ၂၂ ရက်တွင် ကာကွယ်ပြောကြားခဲ့သည်။ သို့သော် ထရန့်အား ၀န်းရံနေသော ဥပဒေကြောင်းဆိုင်ရာ ပြဿနာများသည် ၎င်း၏ သမ္မတရာထူးကို ထပ်မံခြိမ်းခြောက်လာနိုင်ကြောင်း ကျွမ်းကျင်သူများက သတိပေးခဲ့သည်။

ထရန့်နှင့် လျှို့ဝှက်ဇာတ်လမ်း ရှိခဲ့သည်ဆိုသည့် အပြာရုပ်ရှင်သရုပ်ဆောင်နှင့် ပလေးဘွိုင်း မော်ဒယ်လ်ဟောင်းတို့အား ထရန့်၏ ညွှန်ကြားမှုဖြင့် နှုတ်ပိတ်ခများ ပေးခဲ့ရကြောင်း သမ္မတအား ကာလရှည်ကြာ ကာကွယ်ပေးခဲ့သူ ကိုဟင်က သြဂုတ် ၂၁ ရက်တွင် တရားရုံး၌ ထွက်ဆိုခဲ့သည်။ ထိုတရားစီရင်မှုနှင့် နာရီပိုင်းသာခြား၍ နောက်ထပ် ရုံးတင်စစ်ဆေးမှု တစ်ခု၌ ထရန့်၏ မဲဆွယ်အဖွဲ့ဟောင်း ခေါင်းဆောင် ပေါမာနာဖို့တ်ကလည်း အခွန်နှင့် ဘဏ်စာရင်း လိမ်လည်မှု အပါအ၀င် စွဲချက် ရှစ်ခု၌ အပြစ်ရှိကြောင်း ဂျူရီအဖွဲ့က ဆုံးဖြတ်ခဲ့သည်။

ထိုရုံးတင် စစ်ဆေးမှုများသည် ၂၀၁၆ ရွေးကောက်ပွဲ၌ ရုရှား၏ ၀င်ရောက်စွက်ဖက်မှုအား FBI ဒါရိုက်တာဟောင်း ရောဘတ်မူလာက စုံစမ်းစစ်ဆေးမှုမှ ပထမဆုံးအကြိမ် တရားခွင်သို့ တင်နိုင်ခြင်းဖြစ်သည်။

ထိုစွပ်စွဲခံရမှုများတွင် အိမ်ခြံမြေလုပ်ငန်းရှင်အဖြစ်မှ သမ္မတဖြစ်လာခဲ့သည့် ထရန့်က အပြည့်အ၀ ပူးပေါင်းကြံစည်ခဲ့ခြင်း ရှိ၊ မရှိသည် ရှင်းရှင်းလင်းလင်း မသိရသေးသော်လည်း လျှို့ဝှက်ချက်များကို ထပ်မံဖွင့်ချဖွယ်ရှိသည့် ကိုဟင်၏ ထုတ်ဖော်မှုများကြောင့် ထရန့်သည် ဥပဒေကြောင်းဆိုင်ရာ အကျပ်အတည်း ကြုံရမည်ဖြစ်သည်။

ကိုဟင်သည် ပြစ်ဒဏ်သက်သာစေရန် အပြန်အလှန်အားဖြင့် ဇာတ်လမ်းများ ဖန်တီးခဲ့သည်ဟု ထရန့်က စွပ်စွဲခဲ့သည်။ သို့သော် ကိုဟင်၏ ထိုလုပ်ရပ်များသည် ရာဇ၀တ်မှုတစ်ခု မဟုတ်ကြောင်း၊ ထိုနှုတ်ပိတ်ခ ပေးမှုများသည် မဲဆွယ်မှု စည်းမျဉ်းကို ချိုးဖောက်မှုပင် မမြောက်ကြောင်း ထရန့်က Fox and Friends နှင့် အင်တာဗျူးတွင် ပြောကြားခဲ့သည်။ ထိုနှုတ်ပိတ်ခများကိုလည်း ၎င်း၏ငွေများဖြင့် ပေးခဲ့ရပြီး ယင်းအချိန်က မသိရှိခဲ့ရကြောင်း၊ ယင်းနောက်ပိုင်း အပြည့်အ၀ ပွင့်လင်းမြင်သာမှု ရှိခဲ့ကြောင်း ထရန့်က ပြောကြားခဲ့သည်။

လတ်တလောတွင် ကိုဟင်သည် မဲဆွယ်ထောက်ပံ့မှုဆိုင်ရာ ဥပဒေများကို ချိုးဖောက်သည့် စွဲချက်နှစ်ခုနှင့် အခြားလိမ်လည်မှုစွဲချက် ခြောက်ခုတွင် အပြစ်ရှိကြောင်း ထွက်ဆိုထားပြီး နှုတ်ပိတ်ခများ ပေးရမှုတွင် ထရန့်သည်လည်း ပူးပေါင်းပါဝင်သူဟု ထုတ်ဖော်ပြောကြားထားသည်။ ကိုဟင်၏ရှေ့နေ လန်နီဒေးဗစ်က ထရန့်ကို ရည်ညွှန်းလျက် ရာဇ၀တ်သား တစ်ဦးဟု သြဂုတ် ၂၃ ရက်တွင် ပြင်းပြင်းထန်ထန် ဝေဖန်ခဲ့သည်။ ထရန့်သည် သမ္မတသာမဖြစ်လျှင် ထိုရာဇ၀တ်မှုအတွက် စွဲချက်တင်ခံရပြီး ထောင်ဒဏ်ကျခံရမည် ဖြစ်ကြောင်း ၎င်းက CBS News သို့ ပြောကြားခဲ့သည်။

လုပ်ထုံးလုပ်နည်းအရ သမ္မတအား စီရင်ချက်ချမှတ်ရန်မှာ ဖြစ်နိုင်ခြေ အလွန်နည်းပါးသည်။ သမ္မတအား စွပ်စွဲပြစ်တင်နိုင်သော်လည်း ရီပက်ဘလီကင်များကသာ လွှမ်းမိုးထားသည့် ကွန်ဂရက်တွင် ထိုကိစ္စ ဖြစ်လာနိုင်ရန်လည်း အလှမ်းဝေးနေသည်။

ထရန့်က ၎င်းသာ စွပ်စွဲပြစ်တင်ခံရပါက အမေရိကန်စီးပွားရေးသည် ပြိုလဲသွားမည် ဖြစ်ကြောင်း သြဂုတ် ၂၃ ရက်တွင် Fox and Friends နှင့် အင်တာဗျူး၌ သတိပေးခဲ့သည်။

Ref : AFP

ထရန့်၏ လက်ထောက်နှစ်ဦး စွဲချက်များတွင် ပြစ်မှုထင်ရှားပြီး သမ္မတက ကြံရာပါဟု စွပ်စွဲခံထားရ

သြဂုတ် ၂၁ ရက်တွင် ၀က်စ်ဗာဂျီးနီးယား၌ နိုင်ငံရေးစုဝေးပွဲတွင် သမ္မတထရန့်က ထောက်ခံသူများကို နှုတ်ဆက်နေစဉ် (Photo : AFP)

အကျပ်အတည်း ကြုံနေသော အမေရိကန်သမ္မတ ဒေါ်နယ်ထရန့်အား ဥပဒေကြောင်းနှင့် နိုင်ငံရေးဆိုင်ရာ ထိုးနှက်သည့် စီရင်ချက်များကို တရားရုံးများက သြဂုတ် ၂၁ ရက်တွင် ချမှတ်ခဲ့ပြီးနောက် ထရန့်၏ လက်ထောက်နှစ်ဦးသည် ထောင်ဒဏ် ကျခံရနိုင်သည့်အရေး ရင်ဆိုင်နေရပြီး မဲဆွယ်ရန်ပုံငွေ မသမာမှုကျူးလွန်ရာတွင် ထရန့်သည်လည်း ကြံရာပါဖြစ်သည်ဟု စွပ်စွဲခံထားရသည်။

အမေရိကန်ရှိ မြို့နှစ်မြို့တွင် တစ်ပြိုင်တည်း ပြုလုပ်သော ရုံးတင်စစ်ဆေးမှု၌ တရားရုံးတစ်ရုံးတွင် ထရန့်၏ လက်ထောက်ဟောင်း တစ်ဦးသည် စွဲချက် ရှစ်ခုတွင် ပြစ်မှုထင်ရှားကြောင်း စစ်ဆေးတွေ့ရှိခဲ့ပြီး နောက်ထပ် လက်ထောက် တစ်ဦးသည် အခြားစွဲချက်ရှစ်ခုတွင် အပြစ်ရှိကြောင်း ထွက်ဆိုခဲ့သည်။ ၂၀၁၆ ခုနှစ် အမေရိကန်သမ္မတ ရွေးကောက်ပွဲ၌ ရုရှား၏ ၀င်ရောက် စွက်ဖက်မှုအား စုံစမ်းစစ်ဆေးမှုအတွက် ၎င်းတို့နှစ်ဦးသည် ယင်းကဲ့သို့ ရုံးတင် စစ်ဆေးခံရခြင်း ဖြစ်သည်။

နယူးယောက်တွင် ပြုလုပ်သော ရုံးတင်စစ်ဆေးမှု၌ ထရန့်အား ကာလရှည်ကြာ ကာကွယ်ပေးခဲ့သည့် ၎င်း၏ ရှေ့နေဟောင်း မိုက်ကယ်ကိုဟင်က တရားမ၀င် မဲဆွယ် ထောက်ပံ့မှုပြုလုပ်ခြင်း အပါအ၀င် စွဲချက်များစွာတွင် အပြစ်ရှိသည်ဟု ၀န်ခံခဲ့သည်။ ထရန့်နှင့် လျှို့ဝှက်ဇာတ်လမ်း ရှိခဲ့သည်ဟု အခိုင်အမာ ပြောကြားထားသည့် အပြာရုပ်ရှင် သရုပ်ဆောင် စတော်မီဒင်နီယယ်နှင့် ပလေးဘွိုင်းမော်ဒယ် ကာရင်မက်ဒူဂယ် တို့အား ရွေးကောက်ပွဲ မတိုင်မီ နှုတ်ပိတ်ခ ပေးခဲ့ရမှုကို ကိုဟင်က အသေးစိတ် ထွက်ဆိုခဲ့သည်။ ထို့ပြင် အံ့အားသင့်ဖွယ် အလှည့်အပြောင်းအဖြစ် သမ္မတထရန့်အား လျှို့ဝှက် ပူးပေါင်းကြံစည်မှုတွင် ပါဝင်သည့် ပုဂ္ဂိုလ်-တစ်အဖြစ် ကိုဟင်က ညွှန်ပြခဲ့သည်။ ကိုဟင် က သူသည် ပူးပေါင်းကြံစည်မှုတွင် ပါဝင်ခဲ့ခြင်းဖြစ်ပြီး ထိုနှုတ်ပိတ်ခများပေးရန် အစိုးရရာထူးအတွက် ယှဉ်ပြိုင်သည့် ကိုယ်စားလှယ်လောင်း၏ ညွှန်ကြားချက်ဖြင့် လုပ်ဆောင်ခဲ့ခြင်း ဖြစ်ကြောင်း ထွက်ဆိုခဲ့သည်။

ယင်းကဲ့သို့ ၀န်ခံမှုကြောင့် ထရန့်အတွက် ဥပဒေကြောင်းဆိုင်ရာ အကျပ်အတည်း ကြုံရနိုင်ပြီး တစ်ချိန်က ၎င်း၏ အယုံကြည်ရဆုံး လက်ထောက်သည် ပြစ်ဒဏ် လျှော့ပေါ့ရန်အတွက် အပြန်အလှန်အားဖြင့် ဆယ်စုနှစ်များစွာ စုဆောင်းထားသည့် လျှို့ဝှက်ချက်များကို ဖွင့်ချရန် အသင့်ဖြစ်နေသည်ဟု ယူဆရသည်။

ဗာဂျီးနီးယားတွင် ပြုလုပ်သော ရုံးတင်စစ်ဆေးမှု၌ ထရန့်၏ တစ်ချိန်က မဲဆွယ်အဖွဲ့ခေါင်းဆောင်ဖြစ်သော ပေါမာနာဖို့တ်သည် ဘဏ်စာရင်း လိမ်လည်မှု၊ အခွန်လိမ်လည်မှုနှင့် ပြည်ပဘဏ်စာရင်း ရှိကြောင်း ထုတ်ပြန်ရန် ပျက်ကွက်မှု အပါအ၀င် စွဲချက်ရှစ်ခုတွင် အပြစ်ရှိကြောင်း ဂျူရီအဖွဲ့က ဆုံးဖြတ်ခဲ့သည်။ ၂၀၁၆ ခုနှစ် သမ္မတ ရွေးကောက်ပွဲ၌ ယှဉ်ပြိုင်နိုင်ရန် အသက် ၇၂ နှစ် ရှိပြီဖြစ်သည့် ထရန့်က ရီပက်ဘလီကင် ကိုယ်စားပြု သမ္မတလောင်း ဖြစ်လာစေမှုတွင် အရေးပါခဲ့သည့် မာနာဖို့တ်၏ အမှုနှင့်ပတ်သက်၍ ခပ်ခွာခွာနေရန် ထရန့်က ကြိုးစားခဲ့သည်။ မာနာဖို့တ်သည် လူပေါင်းများစွာအတွက် အလုပ်လုပ်ပေးခဲ့ကြောင်း သမ္မတဟောင်း ရော်နယ်ရီဂင်နှင့် ဒုတိယသမ္မတ ကိုယ်စားလှယ်လောင်း ဘော့ဒိုးတို့အတွက် မဲဆွယ်ပေးမှုများကို ကိုးကားလျက် ၀က်စ်ဗာဂျီးနီးယားတွင် စုဝေးမှုတစ်ခုသို့ ရောက်ရှိလာစဉ် ထရန့်က ပြောကြားခဲ့သည်။

အမေရိကန်ဥပဒေအရ သမ္မတအား ရုံးတင်စစ်ဆေးမှု မပြုလုပ်နိုင်ပေ။ နိုဝင်ဘာတွင် ကွန်ဂရက်ရွေးကောက်ပွဲများ ကျင်းပရန် နီးကပ်လာစဉ် သမ္မတအား စွပ်စွဲချက်များသည် အထောက်အထား ခိုင်လုံပါက ၎င်းအား စွပ်စွဲပြစ်တင်ရန်အတွက်သာ တောင်းဆိုမှု ပြုလုပ်နိုင်မည်ဖြစ်သည်။

ဘင်လာဒင်စီးနင်းမှု စစ်ဆင်ရေးဦးဆောင်သော တပ်မှူးက လုံခြုံရေးစစ်ဆေးမှုကင်းလွတ်ခွင့် ရုပ်သိမ်းရန် ထရန့်ကို တောင်းဆို

၂၀၁၁ ခုနှစ် ဇွန် ၂၈ ရက်တွင် အထက်လွှတ်တော် လက်နက်ကိုင်ရေးရာကော်မတီ ကြားနာမှု၌ မက်ရာဗင်က ထွက်ဆိုနေစဉ် (Photo – AFP)

CIA ဒါရိုက်တာဟောင်း ဂျွန်ဘရန်နန်အား အမေရိကန်သမ္မတ ဒေါ်နယ်ထရန့်က လုံခြုံရေးဆိုင်ရာ စစ်ဆေးမှုကင်းလွတ်ခွင့်ပေးထားမှုအား ရုပ်သိမ်းခဲ့မှုကို အယ်ကေးဒါး ခေါင်းဆောင်ဟောင်း အိုစမာဘင်လာဒင်အား ချေမှုန်းသည့်စစ်ဆင်ရေးကို ဦးဆောင်ခဲ့သည့် အမေရိကန် Navy SEAL တပ်မှူး ဖြစ်သူ ၀ီလျံမက်ရာဗင်က သြဂုတ် ၁၅ ရက်တွင် ရှုတ်ချခဲ့ပြီး ၎င်းကို ပေးထားသော ထိုကင်းလွတ်ခွင့်ကိုလည်း ရုပ်သိမ်းပေးရန် ထရန့်ကို တောင်းဆိုခဲ့သည်။

ဝါရှင်တန်ပို့စ်တွင် ဖော်ပြခဲ့သော အိတ်ဖွင့်ပေးစာတစ်စောင်၌ အငြိမ်းစားရေတပ် ဗိုလ်ချုပ်ကြီး မက်ရာဗင်က ဘရန်နန်သည်  ၎င်းသိခဲ့သမျှတွင် ထိပ်တန်းအကျဆုံး အစိုးရ၀န်ထမ်းတစ်ဦးဖြစ်ကြောင်း ကာကွယ်ပြောကြားခဲ့သည်။ ဂျွန်ထက် အမေရိကန်နိုင်ငံအား ပိုမိုကာကွယ်နိုင်သည့် အမေရိကန်နိုင်ငံသား အနည်းငယ်သာရှိကြောင်း၊ ၎င်း၏ ရိုးသားမှုနှင့် သွင်ပြင်လက္ခဏာများသည် ၎င်း၏ အကြောင်းအား ကောင်းစွာမသိသူမှလွဲ၍ မေးခွန်းထုတ်စရာပင် မလိုကြောင်း မက်ရာဗင်က ချီးကျူးခဲ့သည်။

ယင်းအတွက်ကြောင့် ၎င်းအား ပေးထားသော လုံခြုံရေးဆိုင်ရာ စစ်ဆေးမှု ကင်းလွတ်ခွင့်ကိုလည်း ရုပ်သိမ်းပေးမည်ဆိုပါက ဂုဏ်ပြုမှုတစ်ခုအဖြစ် မှတ်ယူသွားမည်ဖြစ်ကြောင်း၊ ယင်းမှသာ သမ္မတအား ဆန့်ကျင်ပြောဆိုသည့် အမျိုးသား၊ အမျိုးသမီးများ စာရင်းတွင် ပါဝင်နိုင်မည်ဖြစ်ကြောင်း မက်ရာဗင်က ထိုစာတွင် ရေးသားခဲ့သည်။

၂၀၁၁ ခုနှစ်မှ ၂၀၁၄ ခုနှစ်အထိ အမေရိကန်ပူးတွဲ အထူးစစ်ဆင်ရေး ကွပ်ကဲအဖွဲ့ခေါင်းဆောင် မက်ရာဗင်သည် ၂၀၁၁ ခုနှစ်တွင် ပါကစ္စတန်၌ ဘင်လာဒင်အား သုတ်သင်နိုင်ခဲ့သည့် စီးနင်းတိုက်ခိုက်မှုကို ကြီးကြပ်ခဲ့သူ ဖြစ်သည်။

မက်ရာဗင်က ခေါင်းဆောင်ကောင်းတစ်ဦးသည် ၎င်း၏ အဖွဲ့အစည်းထံမှကောင်းမွန်သော အရည်အသွေးများကို ပိုမိုကောင်းမွန်စေရန် ကြိုးစားကြောင်း၊ အခြားသူများ၏ စံပြဖြစ်စေရန်လည်း နေထိုင်ကြောင်း ပြောကြားခဲ့သည်။ သို့သော် ၎င်း (ထရန့်) ၏ ခေါင်းဆောင်မှုသည် ယင်းကဲ့သို့ အရည်အသွေးများ မရှိသလောက် နည်းပါးကြောင်း၊ ၎င်း၏ လုပ်ရပ်များမှတစ်ဆင့် ကလေးများ၏အမြင်တွင် စိတ်ပျက်စရာဖြစ်စေခဲ့ကြောင်း၊ ကမ္ဘာ့စင်မြင့်တွင် အရှက်ခွဲခံရကြောင်း၊ အဆိုးရွားဆုံးမှာ နိုင်ငံထဲ၌ သဘောထားကွဲပြားစေခဲ့ကြောင်း မက်ရာဗင်က ပြောကြားခဲ့သည်။

ထရန့်သည် ဘရန်နန်အား ပေးထားသော လုံခြုံရေးဆိုင်ရာ စစ်ဆေးမှုကင်းလွတ်ခွင့်ကို သြဂုတ် ၁၅ ရက်တွင် ရုပ်သိမ်းခဲ့ပြီး အခြားထင်ရှားသော ဝေဖန်သူအများအပြားသည်လည်း အမည်ပျက်စာရင်းသွင်းခံရရန် အန္တရာယ်ရှိနေကြောင်း သတိပေးခဲ့သည်။ ပြီးခဲ့သောလတွင် ဖင်လန်နိုင်ငံ၌ ရုရှားသမ္မတ ဗလာဒီမာပူတင်နှင့် ပထမဆုံးအကြိမ် ထိပ်သီးကျင်းပခဲ့သည့် ထရန့်၏ အပြုအမူများသည် နိုင်ငံတော်သစ္စာဖောက်မှုထက် မလျော့ကျကြောင်း အမေရိကန်သမ္မတဟောင်း ဘာရက်အိုဘားမားလက်ထက်၌ CIA ဒါရိုက်တာအဖြစ် ထမ်းဆောင်ခဲ့သည့် ဘရန်နန်က ဝေဖန်တိုက်ခိုက်ခဲ့သည်။

ဘရန်နန်သည် အခြေအမြစ်မရှိဘဲ စိတ်ပျက်ဖွယ်စွပ်စွဲချက်များဖြင့် ၎င်း၏အစိုးရ အဖွဲ့အား တိုက်ခိုက်နေကြောင်း ထရန့်ကလည်း အင်တာနက်နှင့် ရုပ်သံများတွင် ဒေါသတကြီး ပြန်လည်တုံ့ပြန်ခဲ့သည်။

Ref ; AFP

ရုရှား ရှေ့နေနှင့် သားဖြစ်သူတို့ တွေ့ဆုံခဲ့ကြောင်း သမ္မတထရန့်က ၀န်ခံပြောကြား

သြဂုတ် ၂ ရက်တွင် ပင်ဆယ်ဗေးနီးယားပြည်နယ်၌ လူအုပ်ကြီးကို ထရန့်က စကားပြောနေစဉ် (Photo: AFP )

ပြိုင်ဘက်ဖြစ်သူ၏ သတင်းအချက်အလက်များကို ရရှိနိုင်ရန် သားဖြစ်သူ ဒေါ်နယ်ဂျူနီယာက ၂၀၁၆ ခုနှစ်တွင် ထရန့်တာဝါ၌ ရုရှားရှေ့နေနှင့် တွေ့ဆုံခဲ့ကြောင်း အမေရိကန်သမ္မတ ဒေါ်နယ်ထရန့်က သြဂုတ် ၅ ရက်တွင် ၀န်ခံခဲ့သော်လည်း ထိုတွေ့ဆုံမှုသည် ဥပဒေနှင့် လုံးဝညီညွတ်ကြောင်း ကာကွယ်ပြောကြားခဲ့သည်။

ပြိုင်ဘက်သမ္မတ ကိုယ်စားလှယ်လောင်း ဟီလာရီကလင်တန်အား အထိနာစေမည့် သတင်းအချက်အလက်များ ရရှိရန် ၂၀၁၆ ခုနှစ် ဇွန်တွင် ဒေါ်နယ်ဂျူနီယာက ကရင်မလင်နှင့် ဆက်နွှယ်သော ရုရှားရှေ့နေ နာတာလီယာ ဗီဆယ်နက်ကာယာနှင့် တွေ့ဆုံခဲ့သည့်အကြောင်းကို ထရန့်က ပထမဆုံးအကြိမ် တိုက်ရိုက် ၀န်ခံလိုက်ခြင်း ဖြစ်သည်။ ၎င်း၏ သားနှင့် ရုရှားရှေ့နေအကြား တွေ့ဆုံမှုကို ယင်းအချိန်က သိရှိခဲ့ခြင်း မရှိကြောင်း ထရန့်က Twitter တွင် အစောပိုင်း၌ ငြင်းဆန်ထားခဲ့သည်။

ထိုတွေ့ဆုံ ဆွေးနွေးပွဲသည် ပြိုင်ဘက်တစ်ဦး၏ သတင်းအချက်အလက်များကို ရရှိရန် ပြုလုပ်ခဲ့ခြင်းဖြစ်ပြီး ဥပဒေနှင့် လုံးဝညီကာ နိုင်ငံရေးတွင် လုပ်ဆောင်နေကြကြောင်း၊ ယင်းကိစ္စကို မသိရှိခဲ့ရကြောင်း ထရန့်က ရေးသားခဲ့သည်။

၂၀၁၆ ခုနှစ် သမ္မတ ရွေးကောက်ပွဲတွင် ရီပက်ဘလီကင် သမ္မတလောင်းအား အသာရစေရန်အတွက် ထရန့် မဲဆွယ်အဖွဲ့က ရုရှား နှင့် ပူးပေါင်းကြံစည်ခဲ့ခြင်း ရှိ၊ မရှိအား စုံစမ်း စစ်ဆေးနေသည့် အက်ဖ်ဘီအိုင် ဒါရိုက်တာဟောင်း ရောဘတ်မူလာက ထိုတွေ့ဆုံပွဲအကြောင်းကို စစ်ဆေးနေသည်။

မူလာ၏ စုံစမ်းစစ်ဆေးမှုသည် အမေရိကန်နိုင်ငံ သမိုင်းတွင် မလိုလားသူများအား ဖယ်ရှားသည့် တစ်ဖက်သတ် အဆန်ဆုံး လုပ်ရပ်ဖြစ်ပြီး လိမ်လည်မှုနှင့် အကျင့်ပျက်ခြစားမှုများ ပြည့်နှက်နေကြောင်း ထရန့်က အကြိမ်ကြိမ် ဝေဖန်ခဲ့သည်။

ဒေါ်နယ်ဂျူနီယာနှင့် ရုရှားရှေ့နေတို့ တွေ့ဆုံခဲ့မှုသည် မရည်ရွယ်ဘဲ ၎င်းအား ဥပဒေဆိုင်ရာ အကျပ်အတည်းသို့ ကျရောက်စေခဲ့ခြင်း ရှိ၊ မရှိကို သမ္မတက တနုံ့နုံ့ စဉ်းစားနေကြောင်း ၀ါရှင်တန်ပို့စ်က သြဂုတ် ၅ ရက် တွင် ဖော်ပြခဲ့မှုကို လုံးဝအတုအယောင်များဟု ထရန့်က ဝေဖန်ခဲ့သည်။

ထရန့်တာဝါတွင် တွေ့ဆုံမှုကို ဗြိတိန် ဂီတဖျော်ဖြေပွဲစီစဉ်သူ ရော့ဂိုးစတုန်းက စီစဉ်ပေးခဲ့ခြင်း ဖြစ်သည်။ ဟီလာရီအား ထိခိုက်စေမည့် သတင်းအချက်အလက်များ၊ ဟီလာရီနှင့် ရုရှားအကြား အပေးအယူများကို ပေးမည်ဟု ရော့ဂိုးစတုန်းက ဒေါ်နယ်ဂျူနီယာထံ ကမ်းလှမ်းခဲ့ခြင်း ဖြစ်သည်။ ထရန့် ၏ သားကလည်း ထိုကမ်းလှမ်းမှုအား လိုချင်သည်ဟု တုံ့ပြန်ခဲ့သည်။ ထရန့်၏ သမက်ဖြစ်သူ ဂျရက်ကူရ်ှနာနှင့် မဲဆွယ်အဖွဲ့ ထိပ်တန်း တာဝန်ရှိသူ ပေါမာနာဖို့တ်တို့လည်း ပါဝင်ခဲ့သည့် ထိုဆွေးနွေးပွဲ၏ သတင်းများသည် ၂၀၁၇ ခုနှစ် ဇူလိုင်တွင် စတင်ပေါက်ကြားခဲ့သည်။

ထိုတွေ့ဆုံ ဆွေးနွေးမှုတွင် ရုရှားကလေးများအား အမေရိကန်က မွေးစားရန်အကြောင်းက အဓိက ဖြစ်ခဲ့ကြောင်း ဒေါ်နယ်ဂျူနီယာက အစောပိုင်းတွင် နယူးယောက်တိုင်းမ်သို့ ပြောကြားခဲ့သည်။ သို့သော် ဟီလာရီအား ထိခိုက်စေမည့် သတင်းအချက်အလက်များ ရရှိရန် မျှော်လင့်ချက်ဖြင့် ရုရှားရှေ့နေနှင့် တွေ့ဆုံရန် လက်ခံခဲ့ကြောင်း ဒေါ်နယ်ဂျူနီယာက နောက်ပိုင်းတွင် ၀န်ခံခဲ့သည်။

ဒေါ်နယ်ဂျူနီယာက တိုင်းမ်သို့ ပြောကြားခဲ့သည့် ကြေညာချက်အား ထရန့်က နှုတ်တိုက်ချပေးခဲ့ကြောင်း ပို့စ်က ဖော်ပြခဲ့သည်။ သို့သော် ယင်းအချိန်က ထရန့်၏ ရှေ့နေများက မဟုတ်မှန်ကြောင်း ငြင်းဆန်ခဲ့သည်။

အီရန်ခေါင်းဆောင်များနှင့် အချိန်မရွေးတွေ့ဆုံရန် လိုလားဟု ထရန့်ပြောကြား

ဇူလိုင် ၃၀ ရက်တွင် အိမ်ဖြူတော်၌ စကားပြောနေသော သမ္မတထရန့် (၀ဲ)ကို တွေ့ရစဉ် (Photo – AFP)

အမေရိကန်သမ္မတ ဒေါ်နယ်ထရန့်သည် အီရန်ခေါင်းဆောင်များနှင့် ကြိုတင်သတ်မှတ်ချက်မပါဘဲ တွေ့ဆုံရန်လိုလားသည့်အကြောင်း ဇူလိုင် ၃၀ ရက်က ပြောကြားခဲ့ခြင်းဖြင့် အီရန်နှင့် စစ်ဖြစ်တော့မည်ဟု ၎င်း၏ ခြိမ်းခြောက်မှုများအား စွန့်လွှတ်လိုက်ပုံရသည်။ ယင်းသည် ခန့်မှန်း၍မရသော အမေရိကန်သမ္မတ၏ နောက်ဆုံးအံ့ အားသင့်ဖွယ်လမ်းကြောင်းပြောင်းလဲမှုတစ်ခု ဖြစ်လာခဲ့သည်။

အီရန်သည် ဖော်မပြနိုင်လောက်သည့် နောက်ဆက်တွဲအကျိုးဆက်များကို ခံစားရလိမ့်မည်ဟု ထရန့်က သတိပေးပြီး သီတင်းတစ်ပတ်အကြာမှာပင် အီရန်ခေါင်းဆောင် ဟက်ဆန်ရိုဟာနီနှင့် မည်သည့်အချိန်တွင်မဆို တွေ့ဆုံမည်ဖြစ်ပြီး မည်သည့်ကြိုတင်သတ်မှတ်ချက်မှလည်း မပါကြောင်း ထရန့်က ထပ်မံပြောကြားခဲ့ခြင်း ဖြစ်သည်။

“သူတို့တွေ့ချင်တယ်ဆိုရင်ကျွန်တော် အီရန်နဲ့ တွေ့မှာပါ။ သူတို့ဘက်က အဆင်သင့် ဖြစ် မဖြစ်ကိုတော့ ကျွန်တော် မသိပါဘူး။ ကြိုတင်သတ်မှတ်ချက် မပါပါဘူး” ဟု ထရန့်က အီတလီဝန်ကြီးချုပ် ဂူဆက်ပီကွန်တေနှင့် အိမ်ဖြူတော်၌ ပူးတွဲပြုလုပ်ခဲ့သော သတင်းစာရှင်းလင်းပွဲတွင် ပြောခဲ့သည်။

ယခုကဲ့သို့ သမ္မတထရန့်က ပွင့်ပွင့်လင်းလင်း ကမ်းလှမ်းမှု ပြုလုပ်လိုက်ဖွယ်ရှိစဉ် အိမ်ဖြူတော်နှင့် အစိုးရအရာရှိများကမူ အလျင်အမြန် ကြိုတင်သတိပေးမှုများ ထုတ်ပြန်ခဲ့ကြသည်။

ကြိုတင်သတ်မှတ်ချက်မရှိသည့် အကြောင်း ထရန့်၏ ပြောကြားချက်အပေါ် နိုင်ငံခြားရေးဝန်ကြီး မိုက်ပွန်ပီယိုက ပြန်လည်အဓိပ္ပာယ်ဖွင့်ဆိုပေးခဲ့သည်။ “ပြည်သူတွေအပေါ် ဆက်ဆံပုံတွေကိုပြောင်းလဲခြင်း၊ မကောင်းတဲ့ အကျင့်စရိုက်တွေကို လျှော့ချခြင်း၊ နျူကလီးယား တိုးတက်ပျံ့ပွားမှုကို အမှန်တကယ် တားဆီးနိုင်တဲ့ နျူကလီးယား သဘောတူညီချက်တစ်ခုထဲမှာပါဖို့ သဘောတူခြင်းအစရှိတဲ့ အခြေခံပြောင်းလဲမှုတွေကို လုပ်ဆောင်ဖို့ ကတိပြုမယ်ဆိုရင်တော့ သမ္မတဟာ ပြဿနာတွေကို ဖြေရှင်းဖို့သူတို့နဲ့ တွေ့လိုပါတယ်” ဟု ပွန်ပီယိုက ပြောကြားခဲ့သည်။

ထို့အတူ အမျိုးသားလုံခြုံရေးကောင်စီ ပြောခွင့်ရပုဂ္ဂိုလ်ကလည်း ထရန့်သည် ဆွေးနွေးပွဲကို ဖွင့်ပေးလိုက်ကာ ခါးသီးသော ဆယ်စုနှစ်လေးခုကြာ နှစ်နိုင်ငံ ဆက်ဆံရေးကို အဆုံးသတ်မည်ဖြစ်သော်လည်း အီရန်ဘက်မှ အခြေခံပြောင်းလဲမှုများ ပြုလုပ်ရမည်ဖြစ်သည်ဟု ဆိုခဲ့သည်။

နျူကလီးယား သဘောတူညီချက်သို့ အမေရိကန်ပြန်လာရမည်

ထိုစဉ် အီရန်က အမေရိကန်နှင့် ပြုလုပ်မည့် မည်သည့်တွေ့ဆုံဆွေးနွေးမှုမဆို ရန်လိုမှုများကို လျှော့ချခြင်း၊ နျူကလီးယား သဘောတူညီချက်သို့ ပြန်လာခြင်းဖြင့် စတင်ရမည်ဖြစ်ကြောင်း အီရန်သမ္မတ ရိုဟာနီ၏ အကြံပေးတစ်ဦးက ဇူလိုင် ၃၁ ရက်တွင် ပြောကြားခဲ့သည်။

“ကြီးမြတ်တဲ့နိုင်ငံ အီရန်အပေါ် လေးစားမှုရှိတဲ့အနေနဲ့ ရန်လိုမှုတွေကို လျှော့ချပြီး အမေရိကန်အနေနဲ့ နျူကလီးယားသဘော တူညီချက်ကို ပြန်လာပါ။ ဒါဟာ အခက်အခဲများတဲ့ လမ်းရဲ့အဖွင့်ပဲ ဖြစ်ပါတယ်” ဟု ဟာမစ်အဘူတာလီဘိုင်က Twitter ပေါ်တွင် ရေးသားခဲ့သည်။၂၀၁၃ ခုနှစ်က အိုဘားမားနှင့် ရိုဟာနီကြားတွင် ဖုန်းပြောခဲ့ခြင်းအပါအ၀င် အီရန်သည် တွေ့ဆုံဆွေးနွေးမှုအတွက် လမ်းဖွင့်ထားသည့် အကြောင်းကို ယခင်ကလည်း ပြသခဲ့သည်ဟု အဘူတာလီဘိုင်က ဆိုသည်။

Ref ; AFP

မီဒီယာအား ထရန့်၏ တိုက်ခိုက်မှုသည် အန္တရာယ်များပြီး ထိခိုက်စေကြောင်း နယူးယောက်တိုင်းမ် ထုတ်ဝေသူ ပြောကြား

ဧပြီ ၂၃ ရက်တွင် နယူးယောက်စီးတီးရှိ ရှီရာတန်တိုင်းမ် ရင်ပြင်၌ မက်ထရစ်ဆုပေးပွဲတွင် Sulzberger က စကားပြောနေစဉ် (Photo: AFP)

သတင်းမီဒီယာများအား အမေရိကန်သမ္မတ ဒေါ်နယ်ထရန့်၏ တိုက်ခိုက်မှု အရှိန်မြင့်တက်လာခြင်းသည် အမေရိကန်နိုင်ငံအတွက် အန္တရာယ်များပြီး ထိခိုက်နေကြောင်း နှင့် အကြမ်းဖက်မှုသို့ ဦးတည်စေမည် ဖြစ်ကြောင်း နယူးယောက်တိုင်းမ် ထုတ်လုပ်သူ က ဇူလိုင် ၂၉ ရက်တွင် သတိပေးခဲ့သည်။ အိမ်ဖြူတော်တွင် ဇန်န၀ါရီ ၁ ရက်နေ့ နောက်ပိုင်း သမ္မတထရန့်နှင့် ပထမဆုံးအကြိမ် တွေ့ဆုံခဲ့မှု၌ နယူးယောက်တိုင်းမ် သတင်းစာ ထုတ်လုပ်သူ A.G.Sulzberger က ထရန့် နှင့် မီဒီယာတို့အကြား တင်းမာပြီး ကြွပ်ဆတ်သော ဆက်ဆံရေးကို တိုးတက်စေရန် အနည်းငယ်သာ ဆောင်ရွက်နိုင်ခဲ့သည်။

သတင်းစာလုပ်ငန်းမှ ထရန့် ဆန့်ကျင်သည့် မုန်းတီးသူများအား အလွန်အမင်း မျိုးချစ်စိတ် မရှိသူများအဖြစ် ထရန့်က Twitter တွင် ပြင်းပြင်းထန်ထန် ရေးသားခဲ့သည်။ ပုံမှန်ပြုလုပ်နေကျ get-to-know-you ကဏ္ဍဟု ယူဆရသည့် အစီအစဉ်အတွက် အိမ်ဖြူတော်၏ မေတ္တာရပ်ခံမှုအပြီး ဇူလိုင် ၂၀ ရက်တွင် ထရန့်နှင့် Sulzberger တို့သည် တွေ့ဆုံခဲ့ခြင်း ဖြစ်သည်။ နယူးယောက်တိုင်းမ်၏ အယ်ဒီတာ့အာဘော် စာမျက်နှာ အယ်ဒီတာ ဂျိမ်းစ်ဘန်နက်လည်း ပါဝင်ခဲ့သည့် ထိုတွေ့ဆုံမှု အစီအစဉ်သည် အိမ်ဖြူတော်၏ မေတ္တာရပ်ခံမှုကြောင့် လျှို့ဝှက်ထားသော်လည်း ထရန့်က ဇူလိုင် ၂၉ ရက်အစောပိုင်းတွင် Twitter ၌ ထုတ်ဖော် ရေးသားခဲ့ခြင်း ဖြစ်သည်။

အိမ်ဖြူတော်တွင် A.G.Sulzberger နှင့် အလွန်ကောင်းမွန်ပြီး စိတ်ဝင်စားစရာ ကောင်းသော တွေ့ဆုံမှုပြုလုပ်ခဲ့ကြောင်း၊ မီဒီယာများက ဖြန့်ဖြူးနေသည့် များပြားလှသော သတင်းတုများအကြောင်းကို အချိန်ကြာမြင့်စွာ ဆွေးနွေးခဲ့ကြောင်း၊ ယင်းသတင်းတုများက ပြည်သူ့ရန်သူ စကားလုံးအဖြစ် ပုံစံပြောင်းစေခဲ့မှုသည် ၀မ်းနည်းစရာဖြစ်ကြောင်း ထရန့်က ရေးသားခဲ့သည်။

Twitter တွင် ထရန့်၏ ထိုရေးသားမှုများသည် တွေ့ဆုံဆွေးနွေးမှုအား တရားဝင် ထုတ်ပြန်သကဲ့သို့ ဖြစ်သွားကြောင်း၊ သမ္မတ နှင့် ပုံမှန်မဟုတ်ဘဲ တဲ့တိုးတွေ့ဆုံမှု ဖြစ်သွားပုံရကြောင်း Sulzberger ၏ ထုတ်ပြန်ချက်ကို တိုင်းမ်က ထုတ်ပြန်ခဲ့သည်။

သမ္မတ၏ အသုံးအနှုန်းများသည် သဘောထား ကွဲလွဲစေရုံသာမက အလွန်အမင်း အန္တရာယ်မြင့်တက်စေကြောင်း ၎င်းကို တိုက်ရိုက်ပြောကြားခဲ့သည်ဟု Sulzberger က ပြောကြားခဲ့သည်။ သတင်းတုဆိုသော စကားရပ်သည် မှန်ကန်မှုမရှိဘဲ ထိခိုက်စေနိုင်သော်လည်း ဂျာနယ်လစ်များအား ပြည်သူ့ရန်သူဟု ၎င်း၏ တံဆိပ်ကပ်မှုကို ပိုမိုစိုးရိမ်သည်ဟု သမ္မတကို ပြောကြားခဲ့ကြောင်း၊ ထိုပေါက်ကွဲလွယ်သော စကားရပ်များသည် ဂျာနယ်လစ်များအား ခြိမ်းခြောက်မှု မြင့်တက်လာစေရန် ပံ့ပိုးပေးနေပြီး အကြမ်းဖက်မှုသို့ ဦးတည်သွားစေနိုင်သည်ဟု သတိပေးခဲ့ကြောင်းလည်း Sulzberger က ပြောကြားခဲ့သည်။

နောက်ဆုံးတွင် ဂျာနယ်လစ်ဇင်အား ထရန့်၏ ကျယ်ကျယ်ပြန့်ပြန့် တိုက်ခိုက်နေမှုအား ပြန်လည်စဉ်းစားရန် မေတ္တာရပ်ခံခဲ့ကြောင်း၊ ထိုတိုက်ခိုက်မှုများသည် ၎င်းတို့ နိုင်ငံအတွက် အန္တရာယ်များပြီး ထိခိုက်စေသည်ဟု ယုံကြည်ကြောင်း Sulzberger က ပြောကြားခဲ့သည်။