ဈေးကျပြီး မြန်နှုန်းမြင့်လာသော မိုဘိုင်းဖုန်းအင်တာနက်၊ မြန်မာနိုင်ငံလူဦးရေနှင့် တူညီသွားသော ဆင်းမ်ကတ်အရေအတွက်

ဓာတ်ပုံ-ကြည်နိုင်

တယ်လီနော၊ အူရီဒူးစသည့် ပြည်ပဆက်သွယ်ရေး အော်ပရေတာများ ၀န်ဆောင်မှုစတင်ခြင်း သုံးနှစ်ခန့်ကြာမြင့်လာပြီးနောက် ပြည်တွင်းဆက်သွယ်ရေးကဏ္ဍမှာ အခြေအနေတစ်ခုတွင် တည်ငြိမ်စပြုလာခဲ့သည်။

မြန်မာနိုင်ငံရှိလူတိုင်း မိုဘိုင်းဖုန်းကိုင်ဆောင်နိုင်ပြီဟု မဆိုနိုင်သော်လည်း တစ်နိုင်ငံလုံးတွင် သုံးစွဲနေသော စုစုပေါင်းဆင်းမ်ကတ်အရေအတွက်မှာ မြန်မာနိုင်ငံရှိ လူဦးရေနှင့် တူညီသောပမာဏသို့ ရောက်ရှိလာခဲ့သည်။ အင်တာနက်သုံးစွဲမှုအတွက် ဖုန်းအင်တာနက်ကိုသာ အားထားနေရဆဲဖြစ်ပြီး ၂၀၁၇ ခုနှစ်အတွင်း မိုဘိုင်းဖုန်းအင်တာနက်မှာ ဈေးကျပြီး မြန်နှုန်းပိုမိုမြင့်မားလာသောကြောင့် ၂၀၁၇ ခုနှစ်၏ ထင်ရှားကျော်ကြားကဏ္ဍတွင် ထည့်သွင်းဖော်ပြလိုက်ရပါသည်။

တယ်လီနော၏ စုဘူးအင်တာနက် အစီအစဉ်မှာ တစ်လတာအင်တာနက် အစီအစဉ်များတွင် 500 MB မှာ ၇၉၉ ကျပ်၊ 2 GB အင်တာနက်အစီအစဉ်မှာ ၂၉၉၉ ကျပ်၊ 5 GB အင်တာနက်အစီအစဉ်မှာ ၆၉၉၉ ကျပ်၊ 9 GB အစီအစဉ်မှာ ၁၁၉၉၉ ကျပ်၊ 14 GB အင်တာနက်အစီအစဉ်မှာ ၁၇၉၉၉ ကျပ် ဖြစ်ခဲ့သည်။

အူရီဒူး၏ အင်တာနက်အစီအစဉ်သစ်မှာ 350 MB ကို ၆၉၉ ကျပ်၊ 650 MB ကို ၉၉၉ ကျပ်၊ 2 GB ကို ၂၉၉၉ ကျပ်၊ 3 . 5 GB ကို ၄၉၉၉ ကျပ်၊ 6. 5 GB ကို ၈၉၉၉ ကျပ်၊ 10 GB ကို ၁၃၄၉၉ ကျပ်၊ 15 GB ကို ၁၉၉၉ ကျပ်နှင့် 20 GB ကို ၂၅၉၉၉ ကျပ် ဖြစ်ခဲ့သည်။

MPT ၏ အင်တာနက်အစီအစဉ်မှာလည်း 350 MB ကို ၆၉၉ ကျပ်၊ 650 MB ကို ၉၉၉ ကျပ်၊ 2 GB ကို ၂၉၉၉ ကျပ်၊ 3 . 5 GB ကို ၄၉၉၉ ကျပ်၊ 7 GB ကို ၉၉၉၉ ကျပ်နှင့် 15 GB ကို ၁၉၉၉၉ ကျပ် ဖြစ်လာခဲ့သည်။

ထို့ပြင် ဆက်သွယ်ရေးအော်ပရေတာ သုံးခုစလုံးအနေဖြင့် 4G ကွန်ရက် ချဲ့ထွင်ခဲ့သောကြောင့် မြန်နှုန်းမြင့်အင်တာနက်ကို အသုံးပြုလာနိုင်ပြီး ယခင်ကထက်ပိုမိုကောင်း မွန်သောအင်တာနက်ဝန်ဆောင်မှုကို ရရှိလာခဲ့သည်။ ကနဦးတွင် မြို့ပြများ၌စတင်တိုးချဲ့ခဲ့ပြီး နောက်ပိုင်းတွင် အခြားမြို့အသီးသီး၌လည်း 4 G ကွန်ရက်ကို ဆက်လက်တိုးချဲ့ခဲ့သည်။

မိုဘိုင်းဖုန်းအင်တာနက်မှာ ဈေးကျလာသည်ဟုဆိုသော်လည်း ဒေတာအကန့်အသတ်ဖြင့်သာ သုံးစွဲနိုင်ခြင်းဖြစ်ပြီး အိမ်နီးချင်း နိုင်ငံများကဲ့သို့ လစဉ်ကြေးဖြင့်ဒေတာ အကန့်အသတ်မဲ့သုံးစွဲနိုင်သော နေအိမ်သုံး Broad band အင်တာနက်မှာ ကျယ်ပြန့်လာရန် လိုအပ်ချက်များရှိနေဆဲ ဖြစ်သည်။

ပြီးခဲ့သော နှစ်များအတွင်း မြန်မာနိုင်ငံမှာ ဆင်းမ်ကတ် အလျင်အမြန်တိုးပွားနေသော ထိပ်ဆုံးငါးနိုင်ငံတွင် အပါအ၀င်ဖြစ်ခဲ့သော်လည်း ယခုနှစ်တွင် လုံလောက်သွားသော အခြေအနေတစ်ခုကိုရောက်ရှိပြီးနောက် ဆင်းမ်ကတ်အလျင်အမြန် တိုးပွားနေသော ထိပ်ဆုံးနိုင်ငံများစာရင်းတွင် မြန်မာနိုင်ငံပါဝင်ခြင်း မရှိတော့ကြောင်း Ericsson ၏ အစီရင်ခံစာအရ လေ့လာတွေ့ရှိရသည်။

နှစ်ပေါင်း ၂၀ ကျော်ကြာမှ ပြန်လည်အသက်ဝင်လာသည့် RC-2 နှင့် အစိုးရစက်မှုလက်မှုသိပ္ပံ (အင်းစိန်)

နှစ်ပေါင်း ၂၀ ခန့်ပိတ်ထားခဲ့သော ရန်ကုန်တက္ကသိုလ် (လှိုင်နယ်မြေ) ကို ဒီဇင်ဘာ ၄ ရက်ကစတင်ဖွင့်လှစ်ခဲ့ရာ ရန်ကုန်တက္ကသိုလ်မှ မေဂျာစုံပထမနှစ် ကျောင်းသားကျောင်းသူများ စတင်တက်ရောက်နေစဉ် (ဓာတ်ပုံ-ကြည်နိုင်)

သင်တန်းများဖွင့်လှစ်ခွင့်ရပ်ဆိုင်းခဲ့ပြီး နှစ်ပေါင်းများစွာကြာမှ ပြန်လည်အသက်ဝင်လာခဲ့ကြသော မြန်မာနိုင်ငံ၏ ပထမဦးဆုံးအင်ဂျင်နီယာသိပ္ပံဖြစ်သည့် အစိုးရစက်မှုလက်မှုသိပ္ပံ (အင်းစိန်) နှင့် လှိုင်တက္ကသိုလ်နယ်မြေတို့မှာ ၂၀၁၇ ခုနှစ်အတွက် ပညာရေးကဏ္ဍ၏ ထူးခြားသော အထင်ကရ မှတ်တိုင်များအဖြစ် ဖော်ပြရေးသားအပ်ပါသည်။

မြန်မာနိုင်ငံ၏ ပထမဦးဆုံးအင်ဂျင်နီယာသိပ္ပံဖြစ်သည့် Government Technical Institute (GTI) ကို ၁၈၉၅ ခုနှစ်တွင် စတင်ဖွင့်လှစ်ခဲ့ပြီး ၁၉၉၆ ခုနှစ် ဒီဇင်ဘာ ၇ ရက်တွင်ပိတ်ခဲ့ကာ သိပ္ပံနှင့်နည်းပညာဝန်ကြီးဌာန လက်အောက်မှ ရန်ကုန်မြို့တော် စည်ပင်လက်အောက်သို့ လွှဲပြောင်းပေးအပ်ခဲ့ခြင်းဖြစ်သည်။ ၂၀၁၆ ခုနှစ်တွင် မြို့တော်စည်ပင်က ပညာရေးဝန်ကြီးဌာနအောက်သို့ ပြန်လည်လွှဲပြောင်းခဲ့ပြီး လုပ်ငန်းခွင်နှင့်ကိုက်ညီမှုရှိသော မြန်မာ့လူငယ်များ မွေးထုတ်ပေးနိုင်ခြင်း၊ လုံလောက်သောဝင်ငွေရရှိမှုများ ဖြစ်ပေါ်လာစေခြင်းနှင့် မြန်မာနိုင်ငံ၏ စီးပွားရေးဖွံ့ဖြိုးတိုးတက်မှု ရေရှည်တည်တံ့စေရေးအတွက် စက်ရုံ၊ အလုပ်ရုံများတွင်လိုအပ်သော ကျွမ်းကျင်လုပ်သားများ မွေးထုတ်ပေးနိုင်ခြင်း စသည့်ရည်ရွယ်ချက်များဖြင့် သက်မွေးပညာသင်တန်းများအား ၂၀၁၇-၂၀၁၈ ပညာသင်နှစ်၌ စတင်ဖွင့်လှစ်ပို့ချပေးရန် ဆောင်ရွက်ခဲ့ခြင်းဖြစ်သည်။ ဂျီတီအိုင်ပညာရေးနှစ် ၁၂၀ ပြည့်အထိမ်းအမှတ်ပွဲတော်ကို ၂၀၁၇ ခုနှစ် ဒီဇင်ဘာ ၁၂ ရက်တွင် ရန်ကုန်မြို့ အင်းစိန်ဂျီတီအိုင်ကျောင်းဝင်းအတွင်း ပြုလုပ်ခဲ့ပြီး ၁၉၀၈ ခုနှစ်ကတည်ဆောက်ကာ သက်တမ်း ၁၀၈ နှစ် ပြည့်မြောက်ခဲ့ပြီဖြစ်သည့် အင်းစိန်ဂျီတီအိုင်ပင်မကျောင်းဆောင်ကို ရန်ကုန်မြို့ပြအဆောက်အအုံ အမွေအနှစ်စာရင်းဝင် အပြာရောင်ကမ္ပည်းပြားကိုလည်း အဆိုပါနေ့တွင် တပ်ဆင်ခဲ့ကြသည်။

၂၀၁၇-၂၀၁၈ ပညာသင်နှစ်အတွက် အစိုးရစက်မှုလက်မှုသိပ္ပံ (အင်းစိန်) သို့ တက်ရောက်ရန် လျှောက်ထားသူ ၂၆၀၀ ကျော်အနက် ၂၇၀ တက်ရောက်ခွင့်ရရှိခဲ့ပြီး အီလက်ထရွန်နစ် အင်ဂျင်နီယာသင်တန်း (EC)၊ စက်မှုလုပ်ငန်း အင်ဂျင်နီယာသင်တန်း (IE)၊ စက်မှုအင်ဂျင်နီယာသင်တန်း (ME)၊ မြို့ပြအင်ဂျင်နီယာသင်တန်း (Civil)၊ လျှပ်စစ်စွမ်းအားအင်ဂျင်နီယာသင်တန်း (EP) စသည့်သင်တန်းငါးခုကို ၂၀၁၇ ခုနှစ် ဒီဇင်ဘာ ၁ ရက်မှ စတင်ဖွင့်လှစ်ပို့ချနေပြီဖြစ်သည်။ အစိုးရစက်မှုလက်မှုသိပ္ပံ (အင်းစိန်) မှာ မြန်မာနိုင်ငံ၏နည်းပညာ၊ သက်မွေးပညာလေ့ကျင့်ရေးဌာနအတွက် အခြေခံကျသည့် ပြုပြင်ပြောင်းလဲမှုလုပ်ငန်းများ အကောင်အထည်ဖော်ဆောင်ရွက်ရာတွင် အရေးပါသည့်အဆောက်အအုံတစ်ခုအဖြစ် ရပ်တည်လျက်ရှိသည်။ အလားတူ ၁၉၉၆ ခုနှစ်မှစ၍ နှစ်ပေါင်းနှစ်ဆယ်ကျော်ကြာ ပိတ်ထားခဲ့သည့် ရန်ကုန်တက္ကသိုလ်၊ လှိုင်နယ်မြေ (ယခင် RC-2) ၌လည်း ၂၀၁၇ ခုနှစ် ဒီဇင်ဘာ ၄ ရက်မှစပြီး ရန်ကုန်တက္ကသိုလ်မှ ၂၀၁၇-၂၀၁၈ ပညာသင်နှစ် ပထမနှစ်သင်တန်းများကို ပြောင်းရွှေ့ဖွင့်လှစ်သင်ကြားခဲ့သည်။ လှိုင်တက္ကသိုလ်နယ်မြေအတွင်းရှိ TTC ကမာရွတ်၏ KG တန်းမှ ပဉ္စမတန်းအထိ ကျောင်းသားကျောင်းသူများအား ပြည်လမ်းရှိ TTC သို့ ပြောင်းရွှေ့သင်ကြားပေးခဲ့ပြီး ရန်ကုန်တက္ကသိုလ်မှ ပထမနှစ်သင်တန်းသားဦးရေ ၁၀၀၀ ကျော်ကို လက်ခံသင်ကြားပေးလျက်ရှိသည်။

သင်ထောက်ကူပစ္စည်းများကိုလည်း လိုအပ်ချက်ပေါ်မူတည်၍ ထပ်မံဖြည့်ဆည်းမှုများကိုလည်း ဆောင်ရွက်သွားမည်ဖြစ်ကြောင်း သိရသည်။

ရန်ကုန်တက္ကသိုလ်၊ လှိုင်နယ်မြေ၌ ရန်ကုန်တက္ကသိုလ်မှ ၀ိဇ္ဇာသိပ္ပံကျောင်းသားများအား ပြောင်းရွှေ့သင်ကြားလာသည့်နည်းတူ ဗဟန်းမြို့နယ် သံလွင်လမ်း၌ ဖွင့်လှစ်ထားသည့် သတင်းအချက်အလက် နည်းပညာတက္ကသိုလ်ကိုလည်း ၂၀၁၈ ခုနှစ် ဇန်န၀ါရီလအတွင်း ပြောင်းရွှေ့ဖွင့်လှစ်မည်ဖြစ်ကြောင်း သိရသည်။

သတင်းအချက်အလက်နည်းပညာ တက္ကသိုလ်ကို ၂၀၁၂-၂၀၁၃ ပညာသင်နှစ်မှ စတင်ဖွင့်လှစ်ခဲ့ခြင်းဖြစ်ပြီး ကျောင်းသားကျောင်းသူများ အဆင်ပြေချောမွေ့စွာ ပညာသင်ကြားနိုင်စေရေးအတွက် ၂၀၁၇-၂၀၁၈ ပညာသင်နှစ်ဖြစ်သော ၂၀၁၈ ခုနှစ် ဇန်န၀ါရီ ၂ ရက်မှစ၍ ပထမနှစ်အပါအ၀င် မဟာတန်းအထိတက်ရောက်မည့် ကျောင်းသား ကျောင်းသူများအား ရန်ကုန်တက္ကသိုလ် လှိုင်နယ်မြေအတွင်း အသစ်ဖွင့်လှစ်မည့် သတင်းအချက်အလက် နည်းပညာတက္ကသိုလ်ကျောင်းတွင် ပြောင်းရွှေ့သင်ကြားမည်ဖြစ်ကြောင်း သိရသည်။ အဆောင်များကိုလည်း ထပ်မံတိုးချဲ့ဖွင့်လှစ်သွားရန်လည်း စီစဉ်ထားပြီး ဆရာ ဆရာမဦးရေ ၁၂၀ နှင့် ကျောင်းသား ကျောင်းသူဦးရေ ၁၀၀၀ ခန့်သင်ကြားနိုင်မည်ဖြစ်သည်။

ပါရဂူဘွဲ့သင်တန်းများကိုလည်း ဆက်လက်ဖွင့်လှစ်သွားရန်လည်း စီစဉ်ဆောင်ရွက်မည်ဖြစ်ပြီး ကျောင်းသားကျောင်းသူများအတွက် အလုပ်အကိုင်အခွင့်အလမ်းကောင်းများ ရရှိစေနိုင်သည့် သင်တန်းများ ဖွင့်လှစ်သင်ကြားပြီး နိုင်ငံတော်အတွက် ခေတ်ပညာတတ် ဘွဲ့ရကျောင်းသားကျောင်းသူများကိုလည်း ယခင်ကကဲ့သို့ ရန်ကုန်တက္ကသိုလ်၊ လှိုင်နယ်မြေမှ ပြန်လည်မွေးထုတ်ပေးနိုင်တော့မည်ဖြစ်သည်။

MMA ကစားသမားဘ၀ ၁၀ နှစ်ကျော်တွင် မစ်ဒယ်ဝိတ်တန်းကမ္ဘာ့ချန်ပီယံဖြစ်လာသူ အောင်လအန်ဆန်

ကမ္ဘာ့ချန်ပီယံဆုရရှိအပြီး အောင်လအန်ဆန် အောင်ပွဲခံနေစဉ် (ဓာတ်ပုံ-ညီညီစိုးညွန့်)

အမေရိကန်နိုင်ငံတွင် နေထိုင်ကာ MMA ဘက်စုံကိုယ်ခံပညာသုံး အားကစားနည်းဖြင့် နာမည်ကျော်ကြားလာသည့် ကချင်တိုင်းရင်းသား အောင်လအန်ဆန်အတွက် ၂၀၁၇ ခုနှစ်မှာ ထူးခြားသည့်နှစ်တစ်နှစ်ဖြစ်ခဲ့ပြီး ကစားသမားဘ၀ ဆယ်နှစ်ကျော်ကာလတွင် ပထမဆုံးအကြိမ် မစ်ဒယ်ဝိတ်တန်း ကမ္ဘာ့ချန်ပီယံအဖြစ် ရပ်တည်နိုင်ခဲ့သည်။

အောင်လအန်ဆန်သည် နှစ်ဆန်းပိုင်းက ထိုးသတ်သည့်ပွဲတွင် ရှုံးပွဲကြုံတွေ့ခဲ့သော်လည်း စိတ်မကျေပွဲ ပြန်လည်ထိုးသတ်သည့်ရာတွင် ရုရှားနိုင်ငံသား ဗစ်တာလီဘစ်ဒက်ရ်ှကို အမှတ်ဖြင့်အနိုင်ယူကာ ကမ္ဘာ့ချန်ပီယံ ဖြစ်ခဲ့ခြင်းဖြစ်သည်။ အောင်လအန်ဆန်သည် ကစားသမားဘ၀ ပထမဆုံးကမ္ဘာ့ချန်ပီယံဆုကို မိမိနိုင်ငံ၌ ရယူနိုင်ခဲ့သဖြင့် ပြီးပြည့်စုံသည့် အောင်ပွဲတစ်ခုဖြစ်ခဲ့ပြီး ၂၀၁၇ ခုနှစ်၏ ထင်ရှားကျော်ကြား ကဏ္ဍတွင် ထည့်သွင်းဖော်ပြရခြင်းဖြစ်သည်။ အောင်လအန်ဆန်သည် ၂၀၁၅ ခုနှစ်မှစ၍ မြန်မာနိုင်ငံတွင် ပြိုင်ပွဲများ လာရောက်ထိုးသတ်ခဲ့ပြီး မိခင်နိုင်ငံတွင် ထိုးသတ်တိုင်းအနိုင်ရသည့် အစဉ်အလာကောင်းကို ယခုနှစ်တွင်လည်း ထိန်းသိမ်းနိုင်ခဲ့သည်။ ဇန်န၀ါရီဒုတိယပတ်တွင် အင်ဒိုနီးရှားနိုင်ငံ၌ ဗစ်တာလီဘစ်ဒက်ရ်ှနှင့် ထိုးသတ်ခဲ့ရသည့် ပထမအကြိမ် ကမ္ဘာ့ချန်ပီယံလုပွဲမှာ အောင်လအန်ဆန်အတွက် တွန်းအားဖြစ်စေမည့် ရှုံးပွဲ ဖြစ်ပြီး ဒုတိယအကြိမ် ပြန်လည်ထိုးသတ်ရာတွင် အနိုင်ရရန် များစွာအထောက်အကူ ဖြစ်စေခဲ့သည်။ ပထမအကြိမ် စိန်ခေါ်ပွဲမှာ အောင်လအန်ဆန် ထိုးသတ်ရမည့်ပြိုင်ပွဲမဟုတ်ဘဲ ဗစ်တာလီဘစ်ဒက်ရ်ှနှင့် ယှဉ်ပြိုင်ထိုးသတ်ရန် စီစဉ်ထားသည့် ပြိုင်ဘက်ကစားသမား ထိုးသတ်နိုင်ခြင်း မရှိသောကြောင့် အစားထိုးယှဉ်ပြိုင်ရခြင်းဖြစ်သည်။ ၎င်းသည် ပြင်ဆင်ချိန်  နည်းပါးသောကြောင့် လက်ရည်ကွာပြီး အလဲအကွဲခံခဲ့ရသော်လည်း အမှတ်ဖြင့် ရှုံးခဲ့သောကြောင့် နောက်တစ်ကြိမ် စိန်ခေါ်ပွဲ ထိုးသတ်ခွင့်ရခဲ့သည်။ ဇွန်လကုန်ပိုင်းတွင် ရန်ကုန်မြို့ရှိ အမျိုးသားအားကစား ပြိုင်ပွဲရုံ-၁ သုဝဏ္ဏ၌ အောင်လအန်ဆန်နှင့် ဗစ်တာလီဘစ်ဒက်ရ်ှတို့၏ ဒုတိယအကြိမ် ကမ္ဘာ့ချန်ပီယံဆုစိန်ခေါ်ပွဲ ကျင်းပခဲ့ပြီး အောင်လအန်ဆန်က အမှတ်ဖြင့် အနိုင်ယူကာ မြန်မာပရိသတ်များရှေ့မှောက်တွင် အောင်ပွဲခံနိုင်ခဲ့သည်။  အောင်လအန်ဆန်သည် ပထမပွဲမှ အမှားများကို အကောင်းဆုံးပြင်ဆင်နိုင်ခဲ့ပြီး ထိုက်ထိုက်တန်တန် အနိုင်ယူကာ မြန်မာနိုင်ငံသား တစ်ဦးအနေဖြင့် MMA ပြိုင်ပွဲတွင် ပထမဆုံး ကမ္ဘာ့ချန်ပီယံဆု ရရှိသူဖြစ်လာခဲ့သည်။ အောင်လအန်ဆန်သည် ကမ္ဘာ့ချန်ပီယံ ဖြစ်ပြီး နိုဝင်ဘာလဆန်းပိုင်းတွင် အထူးစိန်ခေါ်ပွဲတစ်ပွဲကို ရန်ကုန်မြို့၌ ထိုးသတ်ခဲ့ပြီး ၀ိတ်တန်းကြီးသည့် ကင်မရွန်းနိုင်ငံဖွား အန်ဂယ်လာနီကို ပထမအချီမှာပင် ၎င်း၏နာမည်ကျော် ချုပ်ကွက်ဖြင့် အနိုင်ယူခဲ့သည်။

အောင်လအန်ဆန်သည် MMA ပြိုင်ပွဲများ တာဝန်ယူကျင်းပနေသည့် ONE Championships အဖွဲ့အစည်းနှင့် သုံးနှစ်စာချုပ် ချုပ်ဆိုထားရာ ၂၀၁၉ ခုနှစ်အထိ ပြိုင်ပွဲများ ထိုးသတ်မည်ဖြစ်သည်။ အောင်လအန်ဆန်သည် လာမည့်နှစ်ဆန်းပိုင်းတွင် ပထမဆုံးအကြိမ် ကမ္ဘာ့ချန်ပီယံဆု ကာကွယ်ပွဲ ထိုးသတ်ရမည်ဖြစ်သည်။

အခြေခံမူ ၃၇ ချက် ထွက်ပေါ်လာသည့် ပြည်ထောင်စုငြိမ်းချမ်းရေးညီလာခံ – ၂၁ ရာစုပင်လုံ ဒုတိယအစည်းအဝေး

မေ ၂၉ ရက်က နေပြည်တော်ရှိ အပြည်ပြည်ဆိုင်ရာ မြန်မာကွန်ဗင်းရှင်းစင်တာ (၂) တွင် ပြည်ထောင်စုသဘောတူစာချုပ်၏ အစိတ်အပိုင်း(၁)ကို ညီလာခံကိုယ်စားလှယ်များဖြစ်သည့် အစုအဖွဲ့ငါးခုမှ ကိုယ်စားလှယ်ငါးဦးက သဘောတူ လက်မှတ်ရေးထိုးစဉ် (ဓာတ်ပုံ-ချမ်းဝေစိုး)

ပြည်ထောင်စုငြိမ်းချမ်းရေး ညီလာခံကို သမ္မတဟောင်း ဦးသိန်းစိန်အစိုးရလက်ထက်တွင် စတင်ကျင်းပခဲ့ပြီးနောက် NLD ပါတီဦးဆောင်သော အစိုးရလက်ထက်တွင် ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံဟု အမည်ပြောင်း၍ နှစ်ကြိမ်တိုင် ကျင်းပခဲ့ရာ ၂၀၁၇ ခုနှစ် မေလအတွင်းက ကျင်းပသည့် ဒုတိယအကြိမ် အစည်းအဝေးတွင် ပြည်ထောင်စုသဘောတူစာချုပ်၏ အစိတ်အပိုင်း ၃၇ ချက် ထွက်ပေါ်လာသောကြောင့် ၂၀၁၇ ခုနှစ် ထင်ရှားကျော်ကြားဖြစ်ရပ်တစ်ခုအဖြစ် ဖော်ပြအပ်ပါသည်။

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) ကို ယခင်သမ္မတဟောင်း ဦးသိန်းစိန်အစိုးရလက်ထက်တွင် အစိုးရနှင့် တိုင်းရင်းသားလက်နက်ကိုင်အဖွဲ့များကြား ရေးဆွဲခဲ့ပြီး ၂၀၁၅ ခုနှစ် အောက်တိုဘာ ၁၅ ရက်တွင် အစိုးရနှင့် တိုင်းရင်းသားလက်နက်ကိုင်အဖွဲ့ ရှစ်ဖွဲ့တို့ လက်မှတ်ရေးထိုးခဲ့သည်။

NCA ရေးထိုးခဲ့သော တိုင်းရင်းသားလက်နက်ကိုင်ရှစ်ဖွဲ့မှာ ကရင်အမျိုးသား အစည်းအရုံး (KNU)၊ DKBA၊ KNU/KNLA (PC)၊ ရှမ်းပြည်ပြန်လည်ထူထောင်ရေးကောင်စီ (RCSS)၊ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO)၊ ချင်းအမျိုးသားတပ်ဦး (CNF)၊ ရခိုင်ပြည်လွတ်မြောက်ရေးပါတီ (ALP)၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) တို့ဖြစ်သည်။ NCA စာချုပ်ပါ နိုင်ငံရေးလမ်းပြမြေပုံမှာ (၁) NCA စာချုပ် လက်မှတ်ရေးထိုးခြင်း၊ (၂) အစိုးရကိုယ်စားလှယ်များနှင့် တိုင်းရင်းသားလက်နက်ကိုင် အဖွဲ့အစည်းများက “နိုင်ငံရေးဆွေးနွေးမှုဆိုင်ရာမူဘောင်” ကို ရေးဆွဲ သဘောတူညီမှုရယူခြင်း၊ (၃) ထိုမူဘောင်ကို အခြေခံ၍ အမျိုးသားအဆင့် နိုင်ငံရေးဆွေးနွေးပွဲများ ကျင်းပခြင်း၊ လုံခြုံရေးဆိုင်ရာ ပြန်လည်ပေါင်းစည်းခြင်းကိစ္စရပ်များ၊ လုပ်ငန်းစဉ်များကို ညှိနှိုင်းဆွေးနွေးခြင်းနှင့် နှစ်ဖက်သဘောတူညီသော ကြိုတင်ဆောင်ရွက်ဖွယ်ရာများကို လုပ်ဆောင်ခြင်း၊ (၄) ပြည်ထောင်စုငြိမ်းချမ်းရေး ညီလာခံကျင်းပခြင်း၊ (၅) ပြည်ထောင်စုသဘောတူ စာချုပ်ချုပ်ဆိုခြင်း၊ (၆) ပြည်ထောင်စုလွှတ်တော်သို့ တင်သွင်း၍ အတည်ပြုချက်ရယူခြင်း၊ (၇) “ပြည်ထောင်စု သဘောတူစာချုပ် (Pyidaungsu Accord)” ပါ သဘောတူညီချက်များကို အကောင်အထည်ဖော်ခြင်းနှင့် လုံခြုံရေးဆိုင်ရာ ပြန်လည်ပေါင်းစည်းခြင်း လုပ်ငန်းစဉ်များ အကောင်အထည်ဖော် ဆောင်ရွက်ခြင်းတို့ဖြစ်သည်။

သမ္မတဟောင်း ဦးသိန်းစိန်အစိုးရလက်ထက် NCA ရေးထိုးပြီးနောက် NCA စာချုပ်ပါ နိုင်ငံရေးလမ်းပြမြေပုံအတိုင်း အမျိုးသားအဆင့် နိုင်ငံရေးဆွေးနွေးပွဲများကို ကျင်းပခြင်းမရှိဘဲ ပြည်ထောင်စုငြိမ်းချမ်းရေးညီလာခံကို ၂၀၁၆ ခုနှစ် ဇန်န၀ါရီလတွင် ကျင်းပခဲ့ပြီး ဆုံးဖြတ်ချက်တစ်စုံတစ်ရာ မရှိခဲ့ပေ။

NLD ပါတီဦးဆောင်ဖွဲ့စည်းသည့် အစိုးရသစ် တက်လာပြီးနောက်တွင်လည်း ၂၀၁၆ ခုနှစ် စက်တင်ဘာ၌ ပြည်ထောင်စုငြိမ်းချမ်းရေးညီလာခံ၂၁ ရာစုပင်လုံဟု အမည်ပြင်ဆင်ကာ NCA မရေးထိုးရသေးသည့် တိုင်းရင်းသား လက်နက်ကိုင်အဖွဲ့များကိုပါ တက်ရောက်စေခဲ့ပြီး ၎င်းတို့၏ သဘောထားအမြင်များကို စာတမ်းဖတ်ကြား ခွင့်ပြုခဲ့သော်လည်း အဆိုပါပွဲတွင် ဆုံးဖြတ်ချက် တစ်စုံတစ်ရာ မရှိခဲ့ပေ။

ထို့နောက် ၂၁ ရာစု ပင်လုံပထမအစည်းအဝေးအပြီးတွင် NCA ရေးထိုးထားသည့် တိုင်းရင်းသားလက်နက်ကိုင် နယ်မြေများတွင် လမ်းပြမြေပုံပါအဆင့် (၃) ဖြစ်သည့် အမျိုးသားအဆင့် နိုင်ငံရေးဆွေးနွေးပွဲများကို စတင်ကျင်းပခဲ့သည်။

လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ သုံးပွဲ၊ ဒေသအလိုက်အမျိုးသားအဆင့် နိုင်ငံရေးဆွေးနွေးပွဲသုံးပွဲအား ကျင်းပခဲ့ပြီး အဆိုပါပွဲများမှ ရရှိသည့် သဘောထားများကို စုစည်းကာ ၂၀၁၇ ခုနှစ် မေလတွင် ၂၁ ရာစု ပင်လုံဒုတိယအစည်းအဝေးကို ကျင်းပခဲ့သည်။

အကြောင်းအရာအလိုက် အမျိုးသားအဆင့် နိုင်ငံရေးဆွေးနွေးပွဲ (သို့မဟုတ်) အရပ်ဘက် အဖွဲ့အစည်းများဖိုရမ်ကို ကျင်းပနိုင်ခဲ့သော်လည်း ညီလာခံသို့ စာတမ်းတင်သွင်းနိုင်ခြင်း မရှိခဲ့ပေ။

ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ ဒုတိယအစည်းအဝေးသို့ အစိုးရ၊ တပ်မတော်၊ လွှတ်တော်ခေါင်းဆောင်များ၊ NCA လက်မှတ်ရေးထိုးထားသည့် တိုင်းရင်းသားလက်နက်ကိုင် အဖွဲ့အစည်းများမှ ကိုယ်စားလှယ်များ၊ နိုင်ငံရေးပါတီများမှ ကိုယ်စားလှယ်များ ညီလာခံကိုယ်စားလှယ် ၇၀၀ တက်ရောက်ခဲ့ပြီး အခြားနိုင်ငံရေး လေ့လာစောင့်ကြည့်သူများနှင့် အရပ်ဘက် လူမှုအဖွဲ့အစည်းများမှ လေ့လာသူ ၁၂၀ ကျော် တက်ရောက်ခဲ့သည်။

၂၁ ရာစုပင်လုံ ဒုတိယအစည်းအဝေးကို မေ ၂၄ရက်မှ ၂၉ ရက်အထိ နေပြည်တော်ရှိ အပြည်ပြည်ဆိုင်ရာ မြန်မာကွန်ဗင်းရှင်းစင်တာ (MICC-2) တွင် ခြောက်ရက်ကြာ ပြုလုပ်ခဲ့ပြီး ညီလာခံသို့ လူမျိုးအလိုက်၊ ဒေသအလိုက် ကျင်းပထားသည့် အမျိုးသားအဆင့် နိုင်ငံရေးဆွေးနွေးပွဲများမှ စုစည်းချက်များဖြစ်သည့် နိုင်ငံရေး၊ လူမှုရေး၊ စီးပွားရေး၊ မြေယာနှင့် သဘာဝပတ်ဝန်းကျင်ကဏ္ဍလေးခုမှ မူဝါဒအဆိုပြုချက် ၄၁ ချက်အား တင်သွင်း ဆွေးနွေးခဲ့သည်။

လုံခြုံရေးကဏ္ဍအား ဆွေးနွေးမှု ရှိခဲ့သော်လည်း ဆုံးဖြတ်ချက် မရှိခဲ့ပေ။

ထိုသို့ညီလာခံသို့ တင်သွင်းဆွေးနွေးခဲ့သည့် အဆိုပြုချက်များမှာ ကဏ္ဍအလိုက် လုပ်ငန်းကော်မတီများနှင့် ပြည်ထောင်စုငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) တွင် စိစစ်ညှိနှိုင်းထားသည့် မူဝါဒအဆိုပြုချက်များဖြစ်သည်။

ယင်းကဲ့သို့ ညီလာခံ၌ ကဏ္ဍအလိုက်ခွဲကာ အုပ်စုဖွဲ့၍ စတင်ဆွေးနွေးသည့် ညီလာခံ ပထမနေ့၌ပင် နိုင်ငံရေးကဏ္ဍအောက်ရှိ အခြေခံရမည့်မူများမှ ဖက်ဒရယ်ပြည်ထောင်စုမူ (ဖွဲ့စည်းမှုနှင့်အာဏာခွဲဝေမှု) တွင် နယ်မြေ အပိုင်းအခြား ဟူသမျှသည် နိုင်ငံတော်မှ မည်သည့်အခါမှ ခွဲမထွက်ရဟု ဖော်ပြထားရာ ယင်းအချက်နှင့် ပတ်သက်၍ အချေအတင် ဆွေးနွေးခဲ့ရသည်။

အဆိုပါ အချက်ကို တိုင်းရင်းသားလက်နက်ကိုင် အဖွဲ့များက တိုင်းရင်းသားအချင်းချင်းအကြား စည်းလုံးညီညွတ်မှုကို ထိခိုက်စေနိုင်မည်ဖြစ်ပြီး ၎င်းတို့အနေဖြင့် စိုးရိမ်ပူပန်မှု ဖြစ်ပေါ်နိုင်သည်ဟု ယူဆသည့်အတွက် မထည့်သွင်းသင့်ကြောင်း ဆွေးနွေးခဲ့ကြပြီး ကဏ္ဍအလိုက် ဆွေးနွေးမှု ပြီးဆုံးသည်အထိ ပြေလည်သည့် သဘောတူညီမှု တစ်စုံတစ်ရာ မရရှိခဲ့ဘဲ လာမည့်ညီလာခံတွင် ထပ်မံဆွေးနွေးရန် အချက်အဖြစ် ကျန်ရှိခဲ့သည်။

ထို့အတူ လုံခြုံရေးကဏ္ဍတွင်လည်း အနာဂတ်တွင် ပြည်ထောင်စုတပ်မတော်တစ်ခုတည်းရှိရေးဆိုသည့် အချက်ကို ဆွေးနွေးခဲ့ကြရာ တပ်မတော်တစ်ခုတည်း ထားရှိရေးမူကို လက်ခံခဲ့ကြသော်လည်း စကားလုံး အသုံးအနှုန်းနှင့် ပတ်သက်၍ သဘောထားသုံးရပ် ကွဲလွဲမှု ထွက်ပေါ်ခဲ့သည်။

လုံခြုံရေးကဏ္ဍ ဆွေးနွေးပွဲ တက်ရောက်ခဲ့သူများ၏ ပြောကြားချက်များအရ အချို့မှာ ဒီမိုကရေစီအစိုးရ၏ ကွပ်ကဲမှုအောက်တွင်ရှိရမည့် တပ်မတော်၊ အချို့မှာ ဒီမိုကရေစီနှင့် ဖက်ဒရယ်စနစ်ကို အာမခံသည့် ပြည်ထောင်စုတပ်မတော်ဟူ၍ နာမ၀ိသေသနတပ်ကာ သုံးနှုန်းလိုပြီး အချို့မှာ တစ်ခုတည်းသော တပ်မတော်ဟုသာ သုံးနှုန်းထားရှိရန် စသဖြင့် ကွဲလွဲမှုဖြစ်ပေါ်ခဲ့သည်။

ယင်းနောက် ၂၁ ရာစု ပင်လုံညီလာခံ ဒုတိယအစည်းအဝေးတွင် နိုင်ငံရေးကဏ္ဍမှ မူဝါဒအဆိုပြုချက် အချက် ၂၀ ရှိသည့်အနက် သဘောတူချက် ၁၂ ချက်၊ စီးပွားရေးကဏ္ဍမှ မူဝါဒအဆိုပြုချက် ၁၁ ချက်၊ လူမှုရေးကဏ္ဍမှ မူဝါဒအဆိုပြုချက် လေးချက်၊ မြေယာနှင့် သဘာဝပတ်ဝန်းကျင်ကဏ္ဍမှ မူဝါဒအဆိုပြုချက် ၁၀ ချက် စုစုပေါင်း မူဝါဒအဆိုပြုချက် ၃၇ ချက်ကို သဘောတူခဲ့ပြီး ပြည်ထောင်စုသဘောတူစာချုပ်၏ အစိတ်အပိုင်း (၁) အဖြစ် ညီလာခံ ကိုယ်စားလှယ်များဖြစ်သည့် အစိုးရ၊ တပ်မတော်၊ လွှတ်တော်၊ တိုင်းရင်းသားလက်နက်ကိုင် အဖွဲ့အစည်းများနှင့် နိုင်ငံရေးပါတီ အစုအဖွဲ့ငါးခုမှ ကိုယ်စားလှယ်ငါးဦးက သဘောတူ လက်မှတ်ရေးထိုးခဲ့ပြီး အသိသက်သေများအဖြစ် တိုင်းရင်းသားကိုယ်စားလှယ် သုံးဦးနှင့် ပါဝင်ပါဝင်ထိုက်သူသုံးဦးတို့က ပါဝင်လက်မှတ် ရေးထိုးခဲ့သည်။

ပြည်ထောင်စုငြိမ်းချမ်းရေးညီလာခံ ၂၁ ရာစု ပင်လုံဒုတိယအစည်းအဝေးမှ ရရှိသည့် ပြည်ထောင်စုသဘောတူညီချက် အစိတ်အပိုင်း (၁) အဖြစ် ရရှိခဲ့သော ၃၇ ချက်သည် အမျိုးသားအဆင့် နိုင်ငံရေးဆွေးနွေးပွဲများ ကျယ်ပြန့်စွာ မလုပ်ထားနိုင်သေးခြင်း၊ ညီလာခံတွင် သဘောတူညီချက်များ ရယူသည့်အခါ နိုင်ငံရေးဆွေးနွေးမှုဆိုင်ရာ မူဘောင်အတိုင်း ဆောင်ရွက်ခဲ့ခြင်းမျိုးမဟုတ်ဘဲ ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ (UPDJC) က ဆုံးဖြတ်ချက်နှင့် ဆောင်ရွက်ခဲ့သည့်အတွက် အစိုးရနှင့် တိုင်းရင်းသားလက်နက်အဖွဲ့ အချို့ကြားတွင် နားလည်မှုလွဲခဲ့သည့် အခြေအနေရှိခဲ့သည်။

အမျိုးသားအဆင့် နိုင်ငံရေးဆွေးနွေးပွဲများ ကျယ်ကျယ်ပြန့်ပြန့် ဆောင်ရွက်နိုင်ခြင်း မရှိသေးချိန်၊ NCA ရေးထိုးရန် တိုင်းရင်းသားလက်နက်ကိုင်အဖွဲ့များ ကျန်ရှိသေးချိန် ၂၁ ရာစု ပင်လုံအစည်းအဝေးမှ ပြည်ထောင်စုသဘောတူညီချက်များ ချမှတ်ခြင်းသည် ၂၀၀၈ ဖွဲ့စည်းပုံ အခြေခံဥပဒေ ရေးဆွဲသကဲ့သို့ ဖြစ်နေကြောင်းလည်း ဝေဖန်မှုများရှိနေသည်။

ထိုသို့ဝေဖန်မှုများအပေါ် NCA ရေးထိုးထားသည့် ပအိုဝ်းအမျိုးသားလွတ်မြောက်ရေး အဖွဲ့ချုပ် (PNLO) ဥက္ကဋ္ဌ ခွန်မြင့်ထွန်းက ဘ၀ဖြတ်သန်းမှုများ၊ အခြေအနေများ မတူကြသည့်အခါ စဉ်းစားမှုများသည် ကွာနိုင်သဖြင့် အမြင်အယူအဆများအပေါ် မည်သည့်ဘက်က မှန်သည်ကို မှတ်ချက်ပြုရန်မရှိကြောင်း၊ သို့ရာတွင် ဖြတ်သန်းခဲ့သည့် အတွေ့အကြုံများအရ ပြည်ထောင်စုငြိမ်းချမ်းရေးညီလာခံတွင် အခြေခံမူများ ရရှိခဲ့ခြင်းသည် ၂၀၀၈ ဖွဲ့စည်းပုံ အခြေခံဥပဒေကို ရေးဆွဲခဲ့သည့်ဖြစ်စဉ်များ၊ လုပ်ငန်းစဉ်များနှင့် မတူညီကြောင်း၊ အလားတူ ညောင်နှစ်ပင်ညီလာခံအား ကျင်းပခဲ့သည့်ဖြစ်စဉ်များ၊ လုပ်ငန်းစဉ်များနှင့် မတူညီကြောင်း၊ အမျိုးသားညီလာခံအား ထိုစဉ်အချိန်က တပ်မတော်အစိုးရက ဦးဆောင် ခေါ်ယူကျင်းပခဲ့ခြင်းဖြစ်ကြောင်း၊ ယခုကျင်းပသည့် ၂၁ ရာစု ပင်လုံညီလာခံမှာမူ တစ်စုတစ်ဖွဲ့တည်းက ခေါ်ယူကျင်းခြင်းမဟုတ်ဘဲ NCA သဘောတူညီချက်အရ အစုအဖွဲ့အားလုံး ပူးတွဲကျင်းပခြင်းဖြစ်ကြောင်း ပြောကြားသည်။

မြန်မာနိုင်ငံတွင် နှစ်ပေါင်းရှည်ကြာစွာ ဖြစ်ပွားနေသည့် နိုင်ငံရေးပြဿနာအရင်းခံ ပြည်တွင်းစစ်ပဋိပက္ခကို ဖြေရှင်းရန်အတွက် NCA စာချုပ်သည် အစိုးရနှင့်တိုင်းရင်းသားလက်နက်ကိုင် တော်လှန်ရေးအဖွဲ့အစည်းများကြားရရှိသည့် အမြင့်ဆုံး စာချုပ်တစ်ခုအဖြစ် NCA ရေးထိုးထားသည့် တိုင်းရင်းသားလက်နက်ကိုင်များဘက်က ယူဆထားပြီး နှစ်ပေါင်း ၆၀ ကျော် ပြည်တွင်းစစ်ပဋိပက္ခအတွင်း ၂၁ ရာစုပင်လုံညီလာခံမှ ရလဒ်စတင်ထွက်ပေါ်လာခြင်းသည် ဖက်ဒရယ်ပြည်ထောင်စု တည်ဆောက်ရန် ပထမဆုံး ထွက်ပေါ်လာသည့် အခြေခံမူများလည်းဖြစ်သည်။

ပြည်ထောင်စုငြိမ်းချမ်းရေးညီလာခံအား တစ်နှစ်လျှင် အနည်းဆုံးနှစ်ကြိမ်ကျင်း ပရန်ဆုံးဖြတ်ထားသဖြင့် ထပ်မံကျင်းပမည့် တတိယအကြိမ် အစည်းအဝေးအား ဒီဇင်ဘာလအတွင်း ကျင်းပရန် အစိုးရဘက်က ဆန္ဒရှိသော်လည်း အမျိုးသားအဆင့် နိုင်ငံရေးဆွေးနွေးပွဲများ ထပ်မံမကျင်းပနိုင်မှု အပါအ၀င် အဆင်သင့်မဖြစ်သေးဟု တိုင်းရင်းသားလက်နက်ကိုင်အဖွဲ့များဘက်က ယူဆကာ ၂၀၁၈ ခုနှစ် နှစ်ဆန်းတွင် ကျင်းပရန် အဆိုပြုခဲ့ပြီး နိုဝင်ဘာ ၂၇ ရက်က ပြုလုပ်သည့် ခြောက်ကြိမ်မြောက် JICM တွင်လည်း ၂၁ ရာစု တတိယ အစည်းအဝေးအား လာမည့်ဇန်န၀ါရီလကုန်ပိုင်းတွင် ကျင်းပရန် ဆုံးဖြတ်ခဲ့သည်။

FIFA ဥက္ကဋ္ဌ အင်ဖန်တီနိုနှင့် ဘောလုံးသမားဟောင်းများ၏ ခရီးစဉ်

FIFA ဥက္ကဋ္ဌ အင်ဖန်တီနို (ဓာတ်ပုံ-ညီညီစိုးညွန့်)

မြန်မာနိုင်ငံဘောလုံးအဖွဲ့ချုပ်(MFF) သည် နိုင်ငံတကာ ဘောလုံးအသိုင်းအ၀ိုင်း နှင့် ထိတွေ့ဆက်ဆံမှု ကောင်းမွန်လာခြင်း နှင့်အတူ ကမ္ဘာ့ဘောလုံးအသိုင်းအ၀ိုင်းမှ တာဝန်ရှိသူများ၊ ကမ္ဘာကျော်ဘောလုံးသမားဟောင်းများမှာ မြန်မာနိုင်ငံသို့ လာရောက်၍ ဘောလုံးနှင့်ပတ်သက်သည့် အစီအစဉ်များ ဆောင်ရွက်ပေးခဲ့သည်။

မိုရီယန်တေးစ် ခြင်းလုံးသရုပ်ပြကစားစဉ်

လက်ရှိ ကမ္ဘာ့ဘောလုံးအဖွဲ့ချုပ် (FIFA) ဥက္ကဋ္ဌ အင်ဖန်တီနိုသည် ဖေဖော်ဝါရီတွင် အမျိုးသားဘောလုံး အကယ်ဒမီ (ရန်ကုန်) ဖွင့်ပွဲသို့ တက်ရောက်ခဲ့ပြီး အကယ်ဒမီ ကျောင်းအား ဖွင့်လှစ်ပေးခဲ့သည်။ FIFA ဥက္ကဋ္ဌ အင်ဖန်တီနိုနှင့် MFF ဥက္ကဋ္ဌ ဦးဇော် ဇော်သည် ဆက်ဆံရေးကောင်းများရှိသောကြောင့် မြန်မာ့ဘောလုံးတိုးတက်ရေးအတွက် လိုအပ်သည့်ပံ့ပိုးမှုများ ပြုလုပ်ပေးလျက်ရှိပြီး FIFA ၏ အကူအညီဖြင့် တည်ဆောက်ထားသည့် အမျိုးသားဘောလုံးအကယ်ဒမီ (ရန်ကုန်) ဖွင့်ပွဲသို့ တက်ရောက်ခဲ့ခြင်းဖြစ်သည်။ ၂၀၁၁ ခုနှစ်က မြန်မာဘောလုံးအကယ်ဒမီ (မန္တလေး) ဖွင့်ပွဲကိုလည်း FIFA ဥက္ကဋ္ဌဟောင်း ဆပ်ဘလတ္တာ တက်ရောက် ဖွင့်လှစ်ပေးခဲ့ဖူးသည်။ ၂၀၁၇ ခုနှစ်တွင် အင်ဖန်တီနိုကဲ့သို့ မြန်မာနိုင်ငံသို့ လာရောက်ခဲ့သည့် ကမ္ဘာကျော် ဘောလုံးသမားဟောင်းများမှာ မန်ယူနောက်ခံလူဟောင်း ရွန်နီဂျွန်ဆင်နှင့် ရီးရဲယ်မက်ဒရစ်တိုက်စစ်မှူးဟောင်း မိုရီယန်တေးစ်တို့ဖြစ်သည်။ မိုရီယန်တေးစ်သည် ချန်ပီယံလိဂ်ဗိုလ်လုပွဲ လာရောက်ကြည့်ရှုခြင်းဖြစ်ပြီး ဘောလုံး နှင့် မြန်မာ့ရိုးရာ ခြင်းလုံး အားကစားနည်းအား သရုပ်ပြကစားခဲ့သည်။ ဂျွန်ဆင်မှာမူ Football Clinic အစီအစဉ်အရ လာရောက်ခြင်းဖြစ်ပြီး ရန်ကုန်နှင့် ပုသိမ်မြို့၌ သင်ကြားပေးခဲ့သည်။

အာဆီယံပြိုင်ပွဲ၌ အောင်မြင်မှု လမ်းကြောင်းပေါ် တက်လှမ်းလာနိုင်ပြီး အာရှခြေစစ်ပွဲ ပထမဆုံးအကြိမ်အောင်မြင်ခဲ့သည့် မြန်မာဖူဆယ်အသင်း

ဓာတ်ပုံ – MFF

နိုင်ငံတကာပြိုင်ပွဲများတွင် အောင်မြင်မှု နှင့် ဝေးကွာနေသည့် မြန်မာ့လက်ရွေးစင် ဖူဆယ်အသင်းသည် ၂၀၁၇ ခုနှစ်တွင် အောင်မြင်မှု လမ်းကြောင်းပေါ်ရောက်ရှိလာခဲ့ပြီး အာဆီယံ ဖူဆယ်ချန်ပီယံရှစ်ပြိုင်ပွဲများတွင် အောင်မြင်မှုများ ရယူနိုင်ခဲ့သည်။

အာဆီယံဘောလုံးအဖွဲ့ချုပ် (AFF) သည် ၂၀၁၆  အာဆီယံဖူဆယ်ပြိုင်ပွဲကို ၂၀၁၇ ခုနှစ် နှစ်ဆန်းပိုင်းသို့ ပြောင်းလဲကျင်းပခဲ့ရာ ယခုနှစ်တွင် အာဆီယံ ဖူဆယ်ချန်ပီယံရှစ် ပြိုင်ပွဲ နှစ်ကြိမ်ကျင်းပခဲ့ပြီး နှစ်ကြိမ်စလုံး ဆုရရှိခဲ့သည်။ မြန်မာဖူဆယ်အသင်းသည် ၂၀၁၆ ပြိုင်ပွဲတွင် ဒုတိယ၊ ၂၀၁၇ ပြိုင်ပွဲတွင် တတိယရခဲ့ပြီး အောင်မြင်သည့် နှစ်တစ်နှစ်ဖြစ်ခဲ့သလို  နှစ်ကြိမ်စလုံးကို ပြည်တွင်းနည်းပြဖြစ်သည့် ဦးဌေးမြင့်က ကိုင်တွယ်ခဲ့ရာ ဂုဏ်ယူစရာဖြစ်ခဲ့သည်။ ဦးဌေးမြင့်သည် နှစ်ကြိမ်စလုံး ယာယီ နည်းပြအဖြစ်သာ ကိုင်တွယ်ခွင့်ရခဲ့သော်လည်း ၂၀၁၆ ပြိုင်ပွဲတွင် မြန်မာဖူဆယ် သမိုင်းတစ်လျှောက် အမြင့်ဆုံးအောင်မြင်မှုဖြစ်သည့် ဒုတိယနေရာရအောင် စွမ်းဆောင်ပေးနိုင်ခဲ့ပြီး ၂၀၁၇ ပြိုင်ပွဲတွင်မူ တတိယဆု နှင့်အတူ ၂၀၁၈ အာရှဖူဆယ်ချန်ပီယံရှစ် ပြိုင်ပွဲဝင်ခွင့်ကိုပါ ရယူပေးနိုင်ခဲ့သည်။ မြန်မာ အမျိုးသား လက်ရွေးစင် ဖူဆယ်အသင်းသည် ယင်းပြိုင်ပွဲ နှစ်ခုကြားတွင် မလေးရှားနိုင်ငံ၌ ကျင်းပသည့် (၂၉) ကြိမ်မြောက် ဆီးဂိမ်းစ် ပြိုင်ပွဲတွင်မူ အောင်မြင်မှုမရဘဲ အုပ်စုအဆင့်မှ ထွက်ခဲ့ရသည်။ မြန်မာနိုင်ငံဘောလုံးအဖွဲ့ချုပ်သည် ဆီးဂိမ်းစ်ပြိုင်ပွဲယှဉ်ပြိုင်သည့် အသင်းအား အီရန်နိုင်ငံသားနည်းပြကို တာဝန်ပေးခဲ့ခြင်းဖြစ်ပြီး အောင်မြင်မှု ရယူနိုင်ခြင်းမရှိခဲ့ပေ။ ယင်းပြိုင်ပွဲအပြီးတွင် အီရန်နည်းပြနှင့် လမ်းခွဲခဲ့ပြီး ဦးဌေးမြင့်ကို ပြန်လည်တာဝန်ပေးအပ်ခဲ့ရာ ၂၀၁၇ အာဆီယံဖူဆယ်ချန်ပီယံရှစ် ပြိုင်ပွဲ၌ အောင်မြင်မှုရခဲ့ခြင်းဖြစ်သည်။ ထို့ကြောင့် ပြည်တွင်းနည်းပြ ဦးဌေးမြင့်နှင့် နိုင်ငံတကာ ပြိုင်ပွဲများတွင် အောင်မြင်မှုရအောင် စွမ်းဆောင်ပေးနိုင်ခဲ့သည့် မြန်မာ အမျိုးသားဖူဆယ်အသင်းကို ၂၀၁၇ ခုနှစ်၏ မြန်မာအားကစား ထင်ရှားကျော်ကြားကဏ္ဍတွင် ထည့်သွင်းဖော်ပြပေးခြင်းဖြစ်သည်။

ကမ္ဘာ့ပြိုင်ပွဲနှင့် အာရှပြိုင်ပွဲတွင် ရွှေဆုရယူခဲ့သည့် ကာယဗလ ကစားသမား ထွန်းထွန်းအောင်

မြန်မာ ကာယဗလ ကစားသမားတစ်ဦးဖြစ်သူ ထွန်းထွန်းအောင်သည် ယခုနှစ်အတွင်း ကျင်းပခဲ့သည့် အာရှနှင့် ကမ္ဘာ့အဆင့်ပြိုင်ပွဲတွင် ရွှေတံဆိပ်များရယူနိုင်ခဲ့သည်။ မြန်မာ အားကစားသမားများအနေဖြင့် အာရှအဆင့်၊ ကမ္ဘာ့အဆင့်ပြိုင်ပွဲများ၌ အောင်မြင်မှုရရန် ရုန်းကန်လာရချိန်တွင် ထွန်းထွန်းအောင်၏ အောင်မြင်မှုမှာ မြန်မာ့အားကစားလောကအတွက် ဂုဏ်ယူစရာဖြစ်သောကြောင့် ၂၀၁၇ မြန်မာ့အားကစား ထင်ရှားကျော်ကြားကဏ္ဍတွင် ဖော်ပြခြင်းဖြစ်ပါသည်။

ထွန်းထွန်းအောင်သည် သြဂုတ်တွင် တောင်ကိုရီးယားနိုင်ငံ၌ ကျင်းပသည့် အာရှ ကာယဗလပြိုင်ပွဲတွင် ရွှေတံဆိပ်တစ်ခုနှင့် ငွေတံဆိပ်တစ်ခု၊ အောက်တိုဘာတွင် မွန်ဂိုလီးယားနိုင်ငံ၌ကျင်းပသည့် ကမ္ဘာ့ကာယဗလ ပြိုင်ပွဲတွင် ရွှေတံဆိပ်တစ်ခု ရယူနိုင်ခဲ့သည်။ ထွန်းထွန်းအောင်သည် ငယ်စဉ်ကတည်းက ကာယဗလအားကစားနည်းကို စိတ်ပါဝင်စားခဲ့သူဖြစ်ပြီး ၁၉၉၅ ခုနှစ်တွင် ပထမဆုံးနိုင်ငံတကာပြိုင်ပွဲအဖြစ် အာရှအငယ်တန်း ကာယဗလပြိုင်ပွဲတွင် ၀င်ရောက်ယှဉ်ပြိုင်ခဲ့ရာ ရွှေ တံဆိပ်ရယူနိုင်ခဲ့သည်။ ထွန်းထွန်းအောင်သည် နောက်ပိုင်းယှဉ်ပြိုင်ခဲ့သည့် နိုင်ငံတကာပြိုင်ပွဲများတွင် အောင်မြင်မှုများရယူနိုင်ခဲ့ပြီး  အဆင့်မြင့်ဆုံးပြိုင်ပွဲနှစ်ခုဖြစ်သည့် အာရှနှင့် ကမ္ဘာ့ပြိုင်ပွဲများတွင် ရွှေတံဆိပ်ရယူနိုင်ခဲ့သည့် ၂၀၁၇ ခုနှစ်မှာ ထူးခြားသည့်နှစ်တစ်နှစ်ဖြစ် ခဲ့သည်။ မြန်မာကာယဗလ ကစားသမားများသည် နိုင်ငံတကာအဆင့်ပြိုင်ပွဲများတွင် အောင်မြင်မှုများ ဆက်တိုက်ရယူလာနိုင်ပြီး ထွန်းထွန်းအောင်အတွက် အောင်မြင်သည့် နှစ်ဖြစ်သလို မြန်မာနိုင်ငံ ကာယဗလနှင့် ကာယ ကြံ့ခိုင်မှုအဖွဲ့ချုပ်အတွက်လည်း အောင်မြင်မှုများ ရယူနိုင်ခဲ့သည့်နှစ် ဖြစ်စေခဲ့သည်။

ကူကယ်ရာမဲ့နေဆဲ အသေးစားနှင့်အလတ်စား စီးပွားရေးလုပ်ငန်းများ

မြန်မာနိုင်ငံတွင် ၉၈ ရာခိုင်နှုန်းသော လုပ်ငန်းများသည် ပုဂ္ဂလိကကဏ္ဍမှ ဆောင်ရွက်နေသည့် အသေးစားနှင့်အလတ်စား စီးပွားရေးလုပ်ငန်းများ (SMEs) ပင်ဖြစ်သည်။တိုင်းပြည်စီးပွားရေး တိုးတက်စေရန် SMEs များဖွံ့ဖြိုးရေးများစွာ အရေးပါသော်လည်း လက်ရှိအချိန်အထိ SMEs အများစု ရုန်းကန်နေရဆဲဖြစ်သည့် အခြေအနေကို ၂၀၁၇ ခုနှစ်အတွက် စီးပွားရေးဆိုင်ရာထင်ရှားသော ဖြစ်ရပ်တစ်ခုအဖြစ် ထည့်သွင်းဖော်ပြအပ်ပါသည်။

လက်ရှိအစိုးရလက်ထက် သက်တမ်းတစ်နှစ်ကျော်ချိန်အထိ အသေးစားအလတ်စား စက်မှုလုပ်ငန်းများ (SMEs ) ဖွံ့ဖြိုးရေး နှင့်ပတ်သက်ပြီး လုပ်ဆောင်မှုများ ဖြစ်ဖြစ်မြောက်မြောက် အောင်မြင်မှုမရှိကြောင်း စက်မှုဝန်ကြီးဌာန ပြည်ထောင်စုဝန်ကြီး ဦးခင်မောင်ချိုက ၀န်ခံပြောကြားထားသည်။

မြန်မာနိုင်ငံရှိ အသေးစားအလတ်စား စီးပွားရေးလုပ်ငန်းများမှာ တိုင်းပြည်စီးပွား ရေးလုပ်ငန်းအားလုံး၏ ၉၈ ရာခိုင်နှုန်းအထိ ပါဝင်နေပြီး လက်ရှိအချိန်၌ အစိုးရက SME လုပ်ငန်းများ ဖွံ့ဖြိုးတိုးတက်စေရေးအတွက် လုပ်ဆောင်နေသော်လည်း တစ်နှစ်ကျော်လာသည့်အချိန်အတွင်း ဖြစ်ဖြစ်မြောက်မြောက် အောင်မြင်မှုမရှိဟု အသေးစားအလတ်စား စီးပွားရေးလုပ်ငန်းများ ဖွံ့ဖြိုးတိုးတက်မှုနှင့် အဓိကသက်ဆိုင်သည့် စက်မှုဝန်ကြီးဌာန ပြည်ထောင်စုဝန်ကြီးက ၀န်ခံခဲ့ခြင်း ဖြစ်သည်။

နိုင်ငံတိုင်းနိုင်ငံတိုင်းတွင် SME ကဏ္ဍမှာ စီးပွားရေးတွင် အဓိကအခန်းကဏ္ဍ ပါဝင်လျက်ရှိကြောင်း၊ မြန်မာနိုင်ငံတွင်မူ SME ကဏ္ဍ ဖွံ့ဖြိုးရေးအတွက် ကြိုးစားလျက်ရှိသည့်အခါတွင် တစ်နှစ်ကျော်ကြာသည်အထိ ဖြစ်ဖြစ်မြောက်မြောက် အောင်အောင်မြင်မြင် ဖြစ်ထွန်းလာသည်ကို မတွေ့ရသေးကြောင်း ဦးခင်မောင်ချိုက ဆိုသည်။

အသေးစားနှင့်အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးအတွက် SME National Strategy ကို ချမှတ်ရေးနှင့် ထိရောက်စွာ ဖော်ဆောင်ရေးလိုအပ်နေကြောင်း ကုန်သည်စက်မှုအသင်းချုပ် တွဲဖက်အထွေထွေ အတွင်းရေးမှူး ဒေါက်တာအောင်သိန်းက ပြောကြားသည်။

နိုင်ငံတစ်ဝန်း ပျံ့နှံ့နေသည့် SME များအား အသင်းအဖွဲ့တစ်ရပ်ဖွဲ့စည်း၍ ကိုယ်စားပြုကူညီထောက်ပံ့နိုင်ရေး၊ မြန်မာ့ SME များ ဈေးကွက်အချက်အလက်များ ရရှိနိုင်ရန်နှင့် ဖွံ့ဖြိုးရေးသုတေသနများ ပြုလုပ်နိုင်ရန် SME Information Center လုပ်ငန်းမှတ်ပုံတင် One – stop Center နှင့် SME Research Center များ တည်ထောင်နိုင်ရေးနှင့် SME ဥပဒေ၊ နည်းဥပဒေနှင့် မူဝါဒများချမှတ်ထား ပြီးဖြစ်သော်လည်း နောင်အနာဂတ် နှစ် ၃၀၊ နှစ် ၄၀ စသည်ဖြင့် SME ဖွံ့ဖြိုးတိုးတက်မှုဆိုင်ရာ ရည်မှန်းချက်များနှင့် SME National Strategy ကို ချမှတ်ရေးနှင့် ထိရောက်စွာ ဖော်ဆောင်ရေး လိုအပ်နေသည်ဟု ဒေါက်တာ အောင်သိန်းက ဆက်လက်ပြောကြားသည်။

ထို့ပြင် စတင်တည်ထောင်သည့် SME လုပ်ငန်းများ ရှင်သန်နိုင်ရေးအတွက် အချိန်ကာလတစ်ခုသတ်မှတ်ပြီး အခွန်သက်ညှာခွင့် ရရှိစေရေး၊ SME လုပ်ငန်းများ ဖွံ့ဖြိုးရေးဘဏ်တည်ထောင်ကာ သီးသန့်ချေးငွေ အစီအစဉ်များချမှတ်ရေး၊ သွင်းကုန်အစားထိုး ထုတ်လုပ်မှုလုပ်ငန်းများ အသုံးပြုနေသည့် စက်များ၊ ယန္တရားတင်သွင်းခြင်းအပေါ် အကောက်ခွန်ကင်းလွတ်ခွင့် ရရှိစေရေးနှင့် လူမှုအကျိုးပြုလုပ်ငန်းများ (Social Enterprises ) အခွန်သက်ညှာခွင့် ရရှိစေရေးနှင့် လူမှုအကျိုးပြုလုပ်ငန်းအဖြစ် သီးသန့်မှတ်ပုံ တင်စနစ်ချမှတ်ကာ အားပေးရေးများ လုပ်ဆောင်ပေးရန်လိုအပ်ကြောင်း ဒေါက်တာအောင်သိန်းက ဆက်လက်ပြောကြားသည်။

အစိုးရက ထူထောင်မည့် SME Working နှင့် SME Agency ပေါ်ပေါက်လာမည်ဖြစ်ပြီး လက်ရှိတွင် SME များအတွက် အဖွဲ့ဝင်ကတ်များ ထုတ်ပေးနေကြောင်း စက်မှုဝန်ကြီးဌာန အမြဲတမ်းအတွင်းဝန် ဦးကိုကိုလွင်က ပြောကြားထားသည်။

မြန်မာနိုင်ငံအနေဖြင့် ထုတ်လုပ်မှုအခန်းကဏ္ဍတွင် အလားအလာများစွာရှိကြောင်း၊ လောလောဆယ် ထုတ်လုပ်မှုကဏ္ဍတွင် လျော့နည်းနေသည့်အတွက် ပြန်ပြီးတိုးတက်လာအောင် လုပ်ဆောင်ရန်လိုအပ်ကြောင်း၊ ထုတ်လုပ်မှုကဏ္ဍ တိုးတက်လိုပါက သွင်းအားစုများ လိုအပ်ကြောင်း၊ ရေ၊ မီး၊ လျှပ်စစ် ပုံမှန်ရရှိရမည်ဖြစ်ကြောင်း၊ လိုအပ်သည့် ကုန်ကြမ်းပစ္စည်းများ အမြန်ဆုံးတင်သွင်းနိုင်ရေး ဆောင်ရွက်ပေးရမည်ဖြစ်ကြောင်း ဦးကိုကိုလွင်က ဆိုသည်။

ဒုတိယသမ္မတဦးမြင့်ဆွေက  အသေးစားနှင့် အလတ်စား စီးပွားရေးလုပ်ငန်းများအား မြှင့်တင်သွားရန်အတွက် အသေးစားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးမူဝါဒ၊ ရည်မှန်းချက်များ ချမှတ်ပြီး လူ့စွမ်းအားအရင်းအမြစ်၊ နည်းပညာဖွံ့ဖြိုးမှုနှင့် တီထွင်ဖန်တီးတတ်မှု၊ ငွေကြေးအရင်းအမြစ်၊ အခြေခံအဆောက်အအုံ ဖွံ့ဖြိုးတိုးတက်ရေး၊ ဈေးကွက်ရရှိရေး၊ သင့်လျော်သော အခွန်အကောက်နှင့် လုပ်ထုံးလုပ်နည်းများ၊ လုပ်သာကိုင်သာရှိသည့် စီးပွားရေး ၀န်းကျင်ကောင်းများရရှိရေးတို့ ဆောင်ရွက်ရမည်ဖြစ်ကြောင်း နေပြည်တော်တွင် ကျင်းပသည့် အသေးစားနှင့်အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးလုပ်ငန်းကော်မတီ ပထမအကြိမ် အစည်းအဝေးတွင် ပြောကြားထားသည်။

ASEAN SME Policy Index အရ စင်ကာပူ၊ မလေးရှား၊ ထိုင်းနှင့် အင်ဒိုနီးရှားတို့သည် Policy Index အနေဖြင့် အမြင့်ဆုံး တွင်ရပ်တည်နေပြီး ကမ္ဘောဒီးယား၊ လာအိုနှင့် မြန်မာနိုင်ငံတို့မှာ အနိမ့်ဆုံးအခြေအနေတွင် ရပ်တည်နေကြောင်း၊ ယင်းကြောင့် မြန်မာနိုင်ငံအနေဖြင့် SME Development Policy Index မြင့်မားစေရေး အဘက်ဘက်က ၀ိုင်းဝန်းကြိုးပမ်းဆောင်ရွက်ရမည်ဖြစ်ကြောင်း ဒုတိယသမ္မတ ဦးမြင့်ဆွေက ပြောကြားသည်။

မြန်မာနိုင်ငံတွင် ၉၉ ရာခိုင်နှုန်းသော စီးပွားရေးလုပ်ငန်းများသည် SMEs များဖြစ်ပြီး SMEs များအောင်မြင်မှသာ နိုင်ငံ့စီးပွားရေး အောင်မြင်မည်ဆိုခြင်းကို ထူးထူးထွေထွေ ရှင်းပြစရာမလိုကြောင်း အသေးစားနှင့်အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးကော်မတီ တွဲဖက်ဥက္ကဋ္ဌ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားခဲ့သည်။

ထိုင်းနိုင်ငံ၏ အဆင့်မြင့်ဆုံးလိဂ်ပြိုင်ပွဲတွင် ဆုကြေးစားသွားရောက်ကစားခွင့်ရခဲ့သည့် အောင်သူနှင့် ကျော်ကိုကို

Police Tero အသင်းတွင် တစ်ရာသီအငှားစာချုပ်ဖြင့် သွားရောက်ကစားမည့် အောင်သူ (၀ဲပုံ)နှင့် ချင်းရိုင်အသင်းသို့ ပြောင်းရွှေ့မည့် ကျော်ကိုကို (ဓာတ်ပုံ-ညီညီစိုးညွန့်)

ယခုနှစ်ကုန်ပိုင်းတွင် မြန်မာဘောလုံးသမားများအတွက် အာဆီယံဒေသတွင်း၌ အဆင့်မြင့်ဆုံးလိဂ်ဖြစ်သည့် ထိုင်းလိဂ်-၁  တွင် ကစားခွင့်ရမည့် အခွင့်အရေးများပေါ်လာခဲ့ပြီး လက်ရှိ မြန်မာ့အကောင်းဆုံး ဘောလုံးသမားများအဖြစ် သတ်မှတ်နိုင်သည့် အောင်သူနှင့် ကျော်ကိုကိုတို့မှာ ဆုကြေးစား သွားရောက်ကစားခွင့်ရခဲ့သည်။ မြန်မာ့လက်ရွေးစင် တိုက်စစ်မှူးများဖြစ်သည့် ရတနာပုံတိုက်စစ်မှူး အောင်သူမှာ Police Tero အသင်း၊ ရန်ကုန်တိုက်စစ်မှူး ကျော်ကိုကိုမှာ ချင်းရိုင်ယူနိုက်တက်အသင်းသို့ တစ်ရာသီ အငှားစာချုပ်ဖြင့် ပြောင်းရွှေ့ကစားမည်ဖြစ်သည်။ ထို့ကြောင့် ထိုင်းကလပ်အသင်းများတွင် သွားရောက်ကစားမည့် လက်ရွေးစင် တိုက်စစ်မှူး အောင်သူနှင့် ကျော်ကိုကိုအား ၂၀၁၇ ခုနှစ်အတွက် မြန်မာ့အားကစား ထင်ရှားကျော်ကြားကဏ္ဍတွင် ထည့်သွင်းဖော်ပြပေးလိုက်ပါသည်။

မြန်မာ့ဘောလုံး ပရော်ဖက်ရှင်နယ်စနစ် ကူးပြောင်းပြီးနောက်ပိုင်းတွင် မြန်မာဘောလုံးသမားအချို့ ထိုင်းအောက်တန်းလိဂ်ကလပ်များ၊ မလေးရှားနှင့် စင်ကာပူကလပ်အသင်းများတွင် သွားရောက်ကစားခဲ့ပြီး ၎င်းတို့နှစ်ဦးသည် ထိုင်းလိဂ်-၁ (ယခင် ထိုင်းပရီးမီးယားလိဂ်)  ပထမဆုံး သွားရောက်ကစားခွင့်ရသည့် မြန်မာ ပရော်ဖက်ရှင်နယ်ဘောလုံးသမားများ ဖြစ်လာခဲ့သည်။ ၁၉၉၀ ပြည့်နှစ်နောက်ပိုင်းတွင် မြန်မာ့ဘောလုံးလောက၌ နာမည်ကြီးခဲ့သည့် အောင်ထွန်းထွန်း၊ မျိုးလှိုင်ဝင်း၊ သန်းတိုးအောင်၊ ကြည်လွင်၊ ၀င်းအောင်၊ စိုးနိုင်၊ အောင်နိုင် စသည့်ကစားသမားများသည် ထိုင်းနှင့် မလေးရှားကလပ်အသင်းများတွင် သွားရောက်ကစားခဲ့ဖူးသော်လည်း ပရော်ဖက်ရှင်နယ်စနစ် ကူးပြောင်းအပြီးတွင် အောင်သူနှင့် ကျော်ကိုကိုမှာ ထိုင်းလိဂ်-၁ ၌ ပထမဆုံး ကစားခွင့်ရမည့် မြန်မာကစားသမားများ ဖြစ်လာခဲ့သည်။ အောင်သူသည် မြန်မာဘောလုံးအကယ်ဒမီ (မန္တလေး) မှ ထွက်ပေါ်လာသည့် ကစားသမားတစ်ဦးဖြစ်ပြီး မြန်မာ ယူ-၁၉ အသင်း ၂၀၁၅ ယူ-၂၀ ကမ္ဘာ့ဖလားပြိုင်ပွဲ ၀င်ခွင့်ရခဲ့ခြင်းနှင့်အတူ ပိုမိုနာမည်ကျော်ကြားလာခဲ့သူဖြစ်သည်။  အောင်သူသည် ၂၀၁၅ ခုနှစ်အတွက် အာဆီယံ လူငယ်အကောင်းဆုံး ဘောလုံးသမားဆုရခဲ့ပြီး မြန်မာကစားသမားများတွင် ပထမဆုံး ရရှိသူလည်းဖြစ်သည်။ ထို့ပြင် အောင်သူသည် မြန်မာနေရှင်နယ်လိဂ်ပြိုင်ပွဲ၏ အကောင်းဆုံးဘောလုံးသမားဆုကို ၂၀၁၅၊ ၂၀၁၆၊ ၂၀၁၇ သုံးရာသီဆက်တိုက် ရယူနိုင်ခဲ့သည်။

အား/ကာသိပ္ပံ (မန္တလေး) မှ ထွက်ပေါ်ခဲ့သည့် တိုက်စစ်မှူး ကျော်ကိုကိုသည် ဇေယျာရွှေမြေအသင်းတွင် ပရော်ဖက်ရှင်နယ်ကစားသမားဘ၀ စတင်ခဲ့ပြီး ၂၀၁၃ ရာသီတွင် ရန်ကုန်အသင်းသို့ ပြောင်းရွှေ့ခဲ့သည်။ ကစားသမားဘ၀တွင် ပြည်ပကလပ်အသင်းများ၏ ကမ်းလှမ်းမှုများရရှိခဲ့သော်လည်း ယခုမှသာ ပြောင်းရွှေ့ခဲ့ခြင်းဖြစ်သည်။ ယင်းကစားသမားနှစ်ဦးသည် သက်ဆိုင်ရာကလပ်အသင်းများတွင် လစာအဖြစ် တစ်လလျှင် ဒေါ်လာ ၇၀၀၀ (မြန်မာငွေ ကျပ်သိန်း ၉၀ ကျော်) ရရှိ မည်ဖြစ်ပြီး မြန်မာကစားသမားများအနက် လစာငွေ အများဆုံးရရှိသူများ ဖြစ်လာမည် ဖြစ်သည်။

အသင်းဖျက်သိမ်းမှုများနှင့် စိုးရိမ်ဖွယ်ရာ မြန်မာ့ဘောလုံးအနာဂတ်

လစာကြွေးကျန်ပြဿနာများကြောင့် အသင်းဖျက်သိမ်းခဲ့ရသည့် နေပြည်တော်အသင်း

၂၀၁၆ ခုနှစ်ကတည်းက အသင်းဖျက်သိမ်းမှုများရှိခဲ့သည့် မြန်မာပရော်ဖက်ရှင်နယ် လိဂ်မှာ ၂၀၁၇ ခုနှစ်တွင်လည်း အလားတူ ဖြစ်ရပ်များ ထပ်မံဖြစ်ပေါ်ခဲ့ပြီး ကလပ်အသင်း လေးသင်းအထိ ဖျက်သိမ်းခဲ့သည်။

၂၀၁၇ ရာသီတွင် နေပြည်တော်၊ ချင်း ယူနိုက်တက်၊ သန်လျင်ယူနိုက်တက်နှင့် စီးတီး ရန်ကုန်အသင်းတို့ ဖျက်သိမ်းခဲ့ပြီး နေပြည်တော်၊ သန်လျင်ယူနိုက်တက်နှင့် ချင်းယူနိုက်တက်အသင်းတို့မှာ ငွေကြေးပိုင်း အခက်အခဲကြောင့် ဖျက်သိမ်းခဲ့ရခြင်းဖြစ်သည်။ နှစ်ရာသီအတွင်း ကလပ်အသင်းခြောက်သင်းအထိ ဖျက်သိမ်းခဲ့ခြင်းမှာ မြန်မာ့ဘောလုံးအတွက် ကောင်းမွန်သည့် လက္ခဏာမဟုတ်ဘဲ စိုးရိမ်ဖွယ်ရာဖြစ်လာပြီး ပြည်တွင်းလိဂ်ပြိုင်ပွဲများ ဆက်လက်ကျင်းပနိုင်ရန် အခက်အခဲများ ရှိလာခဲ့သည်။ MNL တွင် အသင်းများ လျော့ကျခဲ့သောကြောင့် MNL-2 (ပထမတန်း) အမှတ်ပေးပြိုင်ပွဲမှ အသင်းများကို တန်းတင်ကာ ၂၀၁၈ ရာသီတွင် ၁၂ သင်းပြည့်အောင် စီစဉ်ထားသော်လည်း အောက်တန်းဖြစ်သည့် ပထမတန်းပြိုင်ပွဲမှာ အသင်းအရေအတွက် ပိုမိုနည်းပါးလာခဲ့သည်။ ပထမတန်းကလပ် သန်လျင်ယူနိုက်တက်အသင်းသည် ငွေကြေး အခြေအနေကြောင့် ပထမအကျော့မပြီးဆုံးမီ ထွက်ခွာခဲ့ပြီး လစာကြွေးကျန်များ ဖြေရှင်းနိုင်ခြင်း မရှိသည့် MNL ကလပ် နေပြည်တော်အသင်းကိုလည်း ပြိုင်ပွဲပြီးဆုံးခါနီးတွင် ထုတ်ပယ်ခဲ့သည်။ ချင်းယူနိုက်တက်အသင်းသည် ပြိုင်ပွဲပြီးဆုံးသည်အထိ ယှဉ်ပြိုင်ခဲ့သော်လည်း ဆက်လက်ရပ်တည်ရန် မဖြစ်နိုင်သဖြင့် လာမည့် ရာသီတွင် မယှဉ်ပြိုင်ခြင်းဖြစ်ပြီး ပထမတန်းချန်ပီယံ စီးတီးရန်ကုန်အသင်း ဖျက်သိမ်းခဲ့ခြင်းမှာ ငွေကြေးကြောင့် မဟုတ်ဘဲ အသင်းဘုတ်အဖွဲ့ဝင်များအား တူရကီနိုင်ငံမှ Black List သွင်းပြီး ဗီဇာသက်တမ်း မတိုးရန်တောင်းဆိုခဲ့သောကြောင့် အသင်းပျက်သွားရခြင်းဖြစ်သည်။ မြန်မာနိုင်ငံဘောလုံး အဖွဲ့ချုပ်အနေဖြင့် လိဂ်ပြိုင်ပွဲ ရေရှည်ရပ်တည်နိုင်ရန် အဖြေရှာရတော့မည်ဖြစ်သည်။