အမေရ်ိကန်နှင့် တရုတ်တို့ စည်းကြပ်ခွန်များ အပြန်အလှန်ထပ်မံပြဋ္ဌာန်း

၂၀၁၇ ခုနှစ် ဇူလိုင် ၁၃ ရက်တွင် တရုတ်အရှေ့ပိုင်း ရှန်တုံပြည်နယ်၌ ဆိပ်ကမ်းတစ်ခုကို ရိုက်ကူးထားသော ဓာတ်ပုံ (Photo : AP)

ဒေါ်လာ ၁၆ ဘီလျံ တန်ဖိုးရှိသော တရုတ်ကုန်ပစ္စည်းများကို သြဂုတ် ၂၃ ရက်တွင် အမေရိကန်က စည်းကြပ်ခွန်များ ထပ်မံပြဋ္ဌာန်းခဲ့ပြီး တရုတ်ကလည်း လက်တုံ့ပြန်သည့် အနေဖြင့် စည်းကြပ်ခွန်များ ပြန်လည် ပြဋ္ဌာန်းခဲ့သည်။

အမေရိကန်နှင့် တရုတ်တို့သည် ကုန်သွယ်ရေး တင်းမာမှုများ လျော့ကျစေရန် စေ့စပ်ညှိနှိုင်း နေကြသော်လည်း အမေရိကန်သမ္မတ ဒေါ်နယ်ထရန့်က ဒေါ်လာ ၅၀ ဘီလျံ ဖိုးအထိ တရုတ်ကုန်ပစ္စည်းများကို စည်းကြပ်ခွန်များ ပြဋ္ဌာန်းမည်ဟု ကြေညာထားမှုကို အပြည့်အ၀ အကောင်အထည် ဖော်ခဲ့ခြင်းဖြစ်သည်။

စည်းကြပ်ခွန်များ ပြဋ္ဌာန်းမှုကို တရုတ်က ပြင်းပြင်းထန်ထန် ဆန့်ကျင်ကြောင်း၊ သို့သော်လည်း လိုအပ်သော တန်ပြန် ပြဋ္ဌာန်းမှု ဆောင်ရွက်ရန်မှတစ်ပါး ရွေးချယ်ရန်မရှိကြောင်း တရုတ်ကူးသန်း ရောင်းဝယ်ရေး ၀န်ကြီးဌာနက ကြေညာချက် ထုတ်ပြန်ခဲ့သည်။

ဟာလေဒေးဗစ်ဆင်ဆိုင်ကယ်၊ ကုန်တင်ကားများနှင့် ကျောက်ဂွမ်းတို့ အပါအ၀င် ညီတူညီမျှ တန်ဖိုးရှိသော အမေရိကန်၏ အဓိက ထုတ်ကုန်များကို အခွန်ပြဋ္ဌာန်းမှု ဆောင်ရွက်မည်ဟု ကြေညာထားသည်။

အမေရိကန်၏ စည်းကြပ်ခွန် ပြဋ္ဌာန်းမှုများသည် ကမ္ဘာ့ကုန်သွယ်ရေးအဖွဲ့၏ စည်းမျဉ်းများကို ချိုးဖောက်ခြင်း ဖြစ်ကြောင်း၊ ထိုအတွက် တိုင်ကြားမှု ဆောင်ရွက်သွားမည်ဖြစ်ကြောင်း တရုတ်ကူးသန်းရောင်းဝယ်ရေး ၀န်ကြီးဌာနက ဆိုသည်။

ကမ္ဘာ့အကြီးဆုံး စီးပွားရေးအင်အားကြီး နှစ်နိုင်ငံကြား ဇွန်လနောက်ပိုင်း ပထမဆုံးအကြိမ် တရားဝင် ဆွေးနွေးမှုများ ဆောင်ရွက်နေစဉ် တင်းမာမှုများ ထပ်မံမြင့်တက် ခဲ့ခြင်းဖြစ်သည်။ ကြီးမားကျယ်ပြန့်သော အငြင်းပွားမှုသည် ဆန့်ကျင်ဘက် သက်ရောက်မှုများ ဖြစ်လာနိုင်ဖွယ်ရှိကြောင်း၊ စီးပွားရေးကို ယုံကြည်မှု၊ ရင်းနှီးမြှုပ်နှံမှုဆိုင်ရာ သုံးစွဲမှုနှင့် အလုပ်အကိုင်တို့ကို ထိခိုက်စေနိုင်ကြောင်း အမေရိကန်ဗဟိုဘဏ် တာဝန်ရှိသူများက မူဝါဒရေးရာ အစည်းအဝေးတွင် သတိပေးခဲ့သည်။

ဒေါ်လာ ၂၀၀ ဘီလျံ တန်ဖိုးရှိသော တရုတ်ကုန်ပစ္စည်းများကို စည်းကြပ်ခွန်သစ်များ ထပ်မံပြဋ္ဌာန်းရန် ထရန့်က ခြိမ်းခြောက်ထားပြီး အမေရိကန် ကားလုပ်ငန်းကို ကာကွယ်ရန်အတွက် ကားလုပ်ငန်းဆိုင်ရာ သွင်းကုန်အားလုံးကို ၂၅ ရာခိုင်နှုန်းအထိ အခွန်ကောက်ခံရန် ထရန့်က အကြံပြုထားသည်။

တရုတ်ကလည်း ဒေါ်လာ ၆၀ ဘီလျံဖိုးအထိ အမေရိကန် ကုန်ပစ္စည်းများကို စည်းကြပ်ခွန်များ ထပ်မံပြဋ္ဌာန်းရန် ခြိမ်းခြောက်ထားသည်။ တောင်ကိုရီးယား၊ ဂျပန်တို့နှင့် ယခင်က အငြင်းပွားမှုများတွင် တရုတ်က ဆောင်ရွက်ချက်များအတိုင်း အမေရိကန် ကော်ပိုရေးရှင်းများ၏ တရုတ်လုပ်ငန်းများအား ပစ်မှတ်ထား၍ စစ်ဆေးရန်နှင့် သပိတ်မှောက်ရန် တို့ကိုလည်း တရုတ်ဘက်မှ ဆောင်ရွက်လာနိုင်သည်။

Ref : AFP

အမေရိကန်က တရုတ်၏ သတ္တုပိုက်များအပေါ် သွင်းကုန်ခွန် ၁၃၂ ရာခိုင်နှုန်း စည်းကြပ်

ဇူလိုင် ၂၅ ရက်တွင် NUCOR Steel Gallatin စက်ရုံ၌ သံမဏိခွေကို ကားပေါ်တင်နေစဉ် (Photo: AP)

တရုတ်နှင့် ကုန်သွယ်ရေးပဋိပက္ခကို ဖြေရှင်းရန် ကြိုးပမ်းသည့်အနေဖြင့် ဆွေးနွေးမှုများ နောက်တစ်ကြိမ် ပြုလုပ်တော့မည့်အချိန်တွင် အမေရိကန် ကုန်သွယ်ရေးဌာနက တရုတ်၏ သတ္တုပိုက်များအပေါ် သွင်းကုန် အခွန် ၁၃၂ ရာခိုင်နှုန်း စည်းကြပ်လိုက်ကြောင်း သိရသည်။

ရေနံနှင့် ဓာတ်ငွေ့တူးဖော်ရေး လုပ်ငန်းများတွင် အသုံးပြုသော အချင်းကျယ် သတ္တုပိုက်များကို တရုတ်က ပုံမှန်ဈေးထက်လျှော့ပြီး ရောင်းချနေကြောင်း၊ ယင်းလုပ်ရပ်များသည် အမေရိကန် စီးပွားရေးကို ထိခိုက်စေကြောင်း ကုန်သွယ်ရေးဝန်ကြီးဌာနက ထုတ်ပြန်ခဲ့သည်။ ယမန်နှစ်က အမေရိကန်သို့ တင်သွင်းခဲ့သော တရုတ်ပိုက်တန်ဖိုးမှာ စုစုပေါင်း ဒေါ်လာသန်း ၁၈၀ ရှိခဲ့သည်။

ယခုကိစ္စသည် တရုတ်ထုတ်ကုန် ထောင်ပေါင်းများစွာအပေါ် အမေရိကန်သမ္မတ ဒေါ်နယ်ထရန့်က ဆက်တိုက် ချမှတ်နေသည့် ပြင်းထန်သော အခွန်များနှင့် မပတ်သက်ပေ။ သို့သော် ယင်းသည် အမေရိကန် စက်မှုလုပ်ငန်းကို ကာကွယ်ရန်နှင့် ကုန်သွယ်ရေး လိုငွေပြမှုကို လျှော့ချရန်အတွက် တရုတ်အပေါ် အမေရိကန်၏ ခက်ထန်သော နောက်ထပ်နည်းဗျူဟာများ၏ ဥပမာတစ်ခု ဖြစ်လာခဲ့သည်။

အမေရိကန်တွင် လျှော့ဈေးဖြင့် သတ္တုပိုက်များ ရောင်းချနေသည်ဟု တွေ့ရှိခဲ့သော ကနေဒါအပေါ် အခွန် ၂၄ ရာခိုင်နှုန်း၊ အိန္ဒိယအပေါ် အခွန်ရာခိုင်နှုန်း ၅၀ ၊ ဂရိ နှင့် ကိုရီးယားအပေါ် အခွန် ၂၂ ရာခိုင်နှုန်းနှင့် တူရကီအပေါ် အခွန် ငါးရာခိုင်နှုန်း စည်းကြပ်မည်ဟုလည်း ကုန်သွယ်ရေးဝန်ကြီးဌာနက ထုတ်ပြန်ခဲ့သည်။

တရုတ်ခြိမ်းခြောက်မှု ကြီးထွားလာစဉ် ထိုင်ဝမ်သမ္မတက ကာကွယ်ရေး ဘတ်ဂျက်ကို ဒေါ်လာ ၁၁ ဘီလျံသို့ တိုးမြှင့်ရန် ကြိုးပမ်းနေ

၂၀၁၇ ခုနှစ် သြဂုတ် ၁၆ ရက်တွင် တိုင်ပေ၌ လေကြောင်း အာကာသနှင့် ကာကွယ်ရေး နည်းပညာပြပွဲ ပြုလုပ်နေစဉ် (Photo : AFP)

တရုတ်နှင့် ဆက်ဆံရေးမှာ ယိုယွင်းလာစဉ် ထိုင်ဝမ်သမ္မတ ဆန်အင်းဝမ်က လက်နက်ကိုင် ကာကွယ်ရေး အင်အားစု၏ အသုံးစရိတ်အား မြှင့်တင်ရန် ကြိုးပမ်းနေသည့်အကြောင်း သြဂုတ် ၆ ရက်က ပြောကြားခဲ့သည်။

နွေရာသီ လွှတ်တော်ရပ်နားထားချိန်အပြီး ပြန်လည်စတင်ချိန်၌ ၂၀၁၉ ခုနှစ်အတွက် ကာကွယ်ရေး ဘတ်ဂျက်ကို ထိုင်ဝမ် ဒေါ်လာ ၃၄၆ ဘီလျံ (အမေရိကန်ဒေါ်လာ ၁၁ ဒသမ ၃ ဘီလျံ) အထိ ၅ ဒသမ ၆ ရာခိုင်နှုန်း တိုးမြှင့်ပေးရန်အတွက် ဆန်အင်းဝမ်က အဆိုပြုချက် တင်သွင်းမည်ဟု သိရသည်။

“နိုင်ငံတကာနဲ့ ဒေသတွင်း အခြေအနေတွေမှာ အပြောင်းအလဲတွေ အများကြီး ဖြစ်ပေါ်နေပါတယ်။ ကျွန်မတို့ရဲ့ အမျိုးသား လုံခြုံရေးဟာ ဆိုရင်လည်း ပိုမိုသိသာလာပြီး ရှုပ်ထွေးတဲ့ ခြိမ်းခြောက်မှုတွေနဲ့ ရင်ဆိုင်နေရပါတယ်” ဟု ဆန်က ရေတပ်အခမ်းအနားတစ်ခုသို့ တက်ရောက်စဉ် ပြောကြားခဲ့ပြီး ကာကွယ်ရေး အသုံးစရိတ်ကိုလည်း ကြေညာခဲ့သည်။

၂၀၁၉ ခုနှစ်အတွက် ကာကွယ်ရေး အသုံးစရိတ်ကို ယမန်နှစ်ကထက် ထိုင်ဝမ်ဒေါ်လာ ၁၈ ဒသမ ၃ ဘီလျံ ထပ်မံတိုးမြှင့်လိုက်ပါက ထိုင်ဝမ်ဂျီဒီပီ၏ ၂ ဒသမ ၁၆ ရာခိုင်နှုန်းနှင့် ညီမျှသွားမည်ဖြစ်သည်။ ၂၀၁၈ ခုနှစ်၏ ကာကွယ်ရေး ဘတ်ဂျက်မှာမူ ရှေ့တစ်နှစ်ကထက် ၁ ဒသမ ၉ ရာခိုင်နှုန်းသာ တိုးမြှင့်ခဲ့ခြင်းဖြစ်ပြီး ထိုင်ဝမ် ဒေါ်လာ ၃၂၇ ဒသမ ၇ ဘီလျံရှိခဲ့သည်။

၂၀၁၉ ခုနှစ် ကာကွယ်ရေးဘတ်ဂျက်၏ ငါးပုံတစ်ပုံခန့်ကို မိမိကိုယ်ကိုယ် ခုခံကာကွယ်နိုင်စေရန် စီမံကိန်းများအတွက် အသုံးချသွားမည်ဟု ဆန်က ပြောကြားခဲ့သည်။ ဆန်အင်းဝမ်သည် ပြည်တွင်းမှာပင် ထုတ်လုပ်သည့် ကာကွယ်ရေးစနစ် အထူးသဖြင့် ရေငုပ်သင်္ဘောများကို အဆင့်မြှင့်တင် လိုနေသည်။

ထိုစဉ် အမေရိကန် အစိုးရသည် ထိုင်ဝမ်သို့ ရေငုပ်သင်္ဘော နည်းပညာများ ရောင်းချရန် လိုအပ်သည့် လိုင်စင်တစ်ခုကို ယခုနှစ်အတွင်းက ချပေးခဲ့သည်။

ယမန်နှစ်ကလည်း ထိုင်ဝမ်သည် ၂၀၂၆ ခုနှစ်တွင် ပြည်တွင်း၌ ဆောက်လုပ်သည့် လေ့ကျင့်ရေး ဂျက်လေယာဉ် မျိုးဆက်သစ်တစ်ခု ထွက်ပေါ်လာစေရန်အတွက် ၎င်း၏ ကြိုးပမ်းမှုအကြောင်းကို ထုတ်ပြန်ကြေညာထားသည်။

တရုတ်အစိုးရသည် ဒီမိုကရေစီနည်းလမ်းတကျဖြင့် သီးခြားအုပ်ချုပ်ရေးရှိသည့် ထိုင်ဝမ်ကျွန်းကို ၎င်းတို့နိုင်ငံ၏ နယ်မြေတစ်စိတ်တစ်ပိုင်းဟု ရှုမြင်လျက်ရှိပြီး ပြန်လည်ပေါင်းစည်းရန်လည်း လိုအပ်ပါက အင်အားသုံးရေး အတွက်လည်း ချိန်ရွယ်နေသည်။ ထိုင်ဝမ်မှာ တရုတ်၏ အစိတ်အပိုင်း ဖြစ်ကြောင်းကို အသိအမှတ် မပြုသည့် ဆန်အင်းဝမ်၏ အစိုးရအဖွဲ့ တက်လာပြီးနောက် တရုတ်သည် ထိုင်ဝမ်အပေါ် ဖိအားများ တိုးမြှင့်ပေးခဲ့သည်။ တရုတ်သည် ရေတပ်နှင့် လေတပ် စစ်ရေးလေ့ကျင့်မှု များစွာကို လုပ်ဆောင်ပြလျက်ရှိပြီး ဧပြီလကလည်း ထိုင်ဝမ်မှ လွတ်လပ်ရေး လိုလားသည့် အင်အားစုအတွက် ရည်ရွယ်သည်ဟု တရုတ်ကဆိုပြီး ထိုင်ဝမ်ရေလက်ကြားတွင် ကျည်အစစ်သုံးသော စစ်ရေးလေ့ကျင့်မှု တစ်ခုကို ပြုလုပ်ခဲ့သည်။

Ref : AFP

တရုတ်အစိုးရအား ဝေဖန်သူတစ်ဦး VOA နှင့် ဖုန်းအင်တာဗျူး ပြုလုပ်နေစဉ် ရဲများ၏ ဖမ်းခေါ်ခြင်းခံခဲ့ရ

Photo: AFP

တရုတ်အစိုးရအား ဝေဖန်သူတစ်ဦးသည် အမေရိကန်အထောက်အပံ့ယူသော  Voice of America (VOA) နှင့် ဖုန်းအင်တာဗျူး ပြုလုပ်နေဆဲအချိန်တွင် လုံခြုံရေးများက နေအိမ်ထဲသို့ အတင်းဝင်ရောက်လာပြီးနောက် ၎င်းသည် ပျောက်ဆုံးသွားခဲ့ကြောင်း သိရသည်။ အသက် ၈၀ ကျော် အရွယ်ရှိ အငြိမ်းစားပညာရှင် ဆန်ဝမ်ကွမ်သည်  VOA ၏ တရုတ်ဘာသာ ရုပ်သံအစီအစဉ်အတွက် တိုက်ရိုက်အမေးအဖြေပြုလုပ်နေစဉ် အာဏာပိုင်များက ရုတ်တရက် ပေါ် ထွက်လာခဲ့ခြင်း ဖြစ်သည်။

“ရဲတွေက ဒီကိုလာပြီး နှောင့်ယှက်နေ ပြန်ပြီ” ဟု ဆန်က နိုင်ငံအရှေ့ပိုင်း ရှန်တုံ ပြည်နယ်၊ ကျီနန်ရှိ ၎င်း၏နေအိမ်၌ ပြောကြားခဲ့သည်။ သြဂုတ် ၂ ရက်တွင် ဖုန်းဖြင့် အမေးအဖြေပြုလုပ်နေစဉ် လူရှစ်ဦးခန့်က အိမ်ထဲသို့ ၀င်လာခဲ့ကြောင်း ၎င်းက ပြောကြားခဲ့သည်။ “ကျုပ်အိမ်ထဲကို ဒီလိုဝင်လာတာ ဥပဒေနဲ့မညီဘူးနော်။ ကျုပ်မှာ လွတ်လပ်စွာ ပြောဆိုပိုင်ခွင့်ရှိတယ်နော်” ဟူသော စကားများသည် ဆန်ထံမှ နောက်ဆုံးကြားခဲ့ရသည့် စကားများဖြစ်သည်။

ယခုကဲ့သို့ အံ့သြဖွယ်ကောင်းသော အသံသွင်းမှုများသည် တရုတ်တွင် အစိုးရ၏ မူဝါဒများအား ဝေဖန်သူများကို နှုတ်ဆိတ်စေရန် အဆက်မပြတ်ကြိုးပမ်းမှု အရှိန်မြင့်တက်လာနေမှုကို မီးမောင်းထိုးပြနေသည်။ တရုတ်သမ္မတ ရှီကျင်ပင်းက အာဖရိကတိုက်သို့ ပြီးခဲ့သောလတွင် ခရီးစဉ်ထွက်ခွာစဉ် တရုတ်၏ ချက်လက်မှတ် သံတမန်ရေးကို ဝေဖန်ထားသည့်အိတ်ဖွင့်ပေးစာအား ဆန်က ပြီးခဲ့သောလ၌ ရှီထံ ပေးပို့ခဲ့ကြောင်း VOA က ဖော်ပြခဲ့သည်။ အွန်လိုင်းတွင် ဖော်ပြထားသည့် ထို screenshot များအား အေအက်ဖ်ပီက လွတ်လပ်စွာ အတည်မပြုနိုင်သေးပေ။

“ကျုပ်ပြောတာ နားထောင်ကြဦး။ပြောတာ ဘာမှားနေလို့လဲ”  ဟု ဆန်က အသံသွင်းနေစဉ်အတွင်း လုံခြုံရေးများကို မေးမြန်းခဲ့သည်။ “လူတွေက ဆင်းရဲနေတယ်။ ကျုပ်တို့ရဲ့ငွေတွေကို အာဖရိကတိုက်ထဲ မပစ်ချပါနဲ့။ အဲဒီလိုမျိုး လိုက်လုပ်နေရင် ကျုပ်တို့ နိုင်ငံနဲ့လူမှုပတ်ဝန်းကျင်အတွက် မကောင်းဘူး” ဟု ဆန်က လုံခြုံရေးများကို ပြောကြားခဲ့ပြီးနောက် လိုင်းသည် ပြတ်တောက်သွားခဲ့ကြောင်း သိရသည်။

တရုတ်၏အသက်ကြီးဆုံး တက်ကြွ လှုပ်ရှားသူတစ်ဦးဖြစ်သည့် ဆန်သည် ပုံမှန်စောင့် ကြည့်ခံရလေ့ရှိသည်။ တရုတ်ငြိမ်းချမ်းရေး နိုဘယ်ဆုရှင် လျူရှောင်ပိုနှင့် အခြားတစ်ဦးတို့အား ထောင်ထဲသို့ ရောက်ရှိစေခဲ့ပြီး အလျင်အမြန်ပင် ဆင်ဆာထိခဲ့သည့် ဒီမိုကရေစီ လိုလားသော မူဝါဒကြေညာစာတမ်း charater 08 ကို လက်မှတ်ထိုးခဲ့သူများတွင် ဆန်လည်း ပါဝင်သည်။

၁၉၈၉ ခုနှစ်တွင် တီယန်မင်ရင်ပြင်၌ ဒီမိုကရေစီတောင်းဆိုဆန္ဒပြမှုများအား နှိမ်နင်းရာတွင် အင်အားသုံးမှုကို ဆန့်ကျင်ခဲ့သည့် ဖြုတ်ချခံဝန်ကြီးချုပ်ဟောင်း ကျောင်းကျိယန်၏ ကွယ်လွန်မှုလေးနှစ်ပြည့် အခမ်းအနားသို့တက်ရောက်ရန် ၂၀၀၉ ခုနှစ်တွင် ၎င်းအား စောင့်ကြည့်နေသည့်ကြားမှ ခိုးထွက်ခဲ့သည့် ဆန်သည် အာဏာပိုင်များ၏ ပြင်းပြင်းထန်ထန်ရိုက်နှက်ခြင်း ခံခဲ့ရသည်။

 

 

ဖိလစ်ပိုင်၌နေထိုင်သည့် တရုတ်များက တရုတ်ဘာသာစကား ပြောတတ်သည့် မြန်မာများကို WeChat မှတစ်ဆင့် မက်လုံးပေးပြီး လူကုန်ကူးမှုများ ရှိနေဟု လူကုန်ကူးမှု တားဆီးနှိမ်နင်းရေး ရဲတပ်ဖွဲ့မှ ရဲအရာရှိ သတိပေး

ဖိလစ်ပိုင်တွင် နေထိုင်သည့် တရုတ်များက တရုတ်ဘာသာစကား ပြောတတ်သည့် မြန်မာများကို လူမှုကွန်ရက် WeChat မှ တစ်ဆင့် မက်လုံးပေးကာ လူကုန်ကူးမှုများ ရှိနေကြောင်း လူကုန်ကူးမှု တားဆီးနှိမ်နင်းရေး ရဲတပ်ဖွဲ့မှ ရဲအရာရှိက သတိပေး ပြောကြားသည်။

ရှမ်းပြည်နယ် အလုပ်သမား ညွှန်ကြားရေး ဦးစီးဌာနနှင့် ရှမ်းပြည်နယ် အမှတ်(၁၅) လူကုန်ကူးမှု တားဆီးနှိမ်နင်းရေး ရဲတပ်ဖွဲ့တို့ ပူးပေါင်းပြုလုပ်သည့် ရွှေ့ပြောင်းသွားလာခြင်းနှင့် ဖွံ့ဖြိုးတိုးတက်ရေးဆိုင်ရာ အလုပ်ရုံ ဆွေးနွေးပွဲတွင် ယင်းတပ်ဖွဲ့စုမှ တပ်ဖွဲ့စုမှူး ဒုရဲမှူး မျိုးကိုကိုက ပွဲတက်ရောက်လာသူများနှင့် ဆွေးနွေးရာတွင် ထည့်သွင်းသတိပေး ပြောကြားခဲ့ခြင်း ဖြစ်ကြောင်း သိရသည်။

ဖိလစ်ပိုင်နိုင်ငံ မနီလာမြို့တွင် နေထိုင်ကြသည့် တရုတ်လူမျိုးများက လူမှုကွန်ယက် WeChat မှတစ်ဆင့် တရုတ်ဘာသာစကား ပြောတတ်သည့် မြန်မာနိုင်ငံသားများအား ၀င်ငွေကောင်းသည့်အလုပ် ရရှိမည်၊ လာရောက်မည့် စရိတ်များကို ကျခံပေးမည်ဟု စည်းရုံးကာ တရားဥပဒေနှင့် မညီသည့် လောင်းကစားဒိုင်များတွင် ခိုင်းစေရန် ခေါ်ယူကာ လုပ်အားခေါင်းပုံဖြတ်ခြင်း၊ အနိုင်အထက်ပြုခြင်း၊ လစာနည်းနည်းသာပေး၍ ခိုင်းစေခြင်း စသည့်ဒုက္ခများ ခံစားနေရကြောင်း၊ သက်ငယ်မုဒိမ်းမှုများနှင့် ပတ်သက်၍လည်း အသက် ၁၆ နှစ်မပြည့်သေးသော မိမိသားသမီးများအား ကလေးဟု တွေးမြင်ပြီး လွတ်လပ်စွာ ဆော့ကစားစေခြင်း၊ မိမိတို့ မိသားစု၊ ဆွေမျိုးတော်စပ်သူ၊ သူစိမ်းအမျိုးသားများနှင့် ယုံကြည်စွာ အတူထားခြင်းဖြင့် မုဒိမ်းမှု ကျူးလွန်သူများအတွက် အခွင့်အရေး ရရှိနိုင်သဖြင့် မိဘများ အနေဖြင့် အယုံမလွယ်ကြရန်၊ အမြဲစောင့်ကြည့်ရန်၊ မိဘများနှင့် ကလေးများ လိုက်နာသတိပြုရန် အချက်များ၊ ရွှေ့ပြောင်းသွားလာမှုဆိုင်ရာ သိသင့်သိထိုက်သည့် အချက်များအား အမှတ် (၁၅) လူကုန်ကူးမှု တားဆီးနှိမ်နင်းရေး ရဲတပ်ဖွဲ့စု တပ်ဖွဲ့စုမှူး ဒုရဲမှူးမျိုးကိုကိုက အသိပေး ဆွေးနွေးခဲ့ကြောင်း လူကုန်ကူးမှု တားဆီးနှိမ်နင်းရေး ရဲတပ်ဖွဲ့၏ လူမှုကွန်ရက် စာမျက်နှာတွင် ဖော်ပြပါရှိသည်။

အလားတူ တပ်ဖွဲ့စု (၁၅)တောင်ကြီးမှ ရဲအုပ်စိန်ဝင်းထွန်းကလည်း အမျိုးသမီးများ၏ အခွင့်အရေးများကို ဖွဲ့စည်းပုံ အခြေခံဥပဒေ၊ ရာဇသတ်ကြီးဥပဒေ၊ ရာဇ၀တ်ကျင့်ထုံးဥပဒေ၊ လူကုန်ကူးမှု တားဆီးကာကွယ်ရေး ဥပဒေများမှ ကာကွယ်ပေးထားမှု၊ ရွှေ့ပြောင်းသွားလာရာမှ လူကုန်ကူးမှု မခံရစေရေးအတွက် ဆောင်ရန်၊ ရှောင်ရန် အချက်များအား ရှင်းလင်း ပြောကြားခဲ့ကြောင်း သိရသည်။

ထို့အပြင် ဆွေးနွေးပွဲသို့ တက်ရောက်လာသူများအား အသိပညာပေး လက်ကမ်းစာစောင်များလည်း ဝေငှခဲ့ကြောင်း သိရသည်။

 

တရုတ်၏ ရေတံခွန်မိုးမျှော်တိုက်ကြီး ပြည်တွင်းမှ သရော်လှောင်ပြောင်မှုများနှင့် ရင်ဆိုင်နေ၇

ဇူလိုင် ၂၀ ရက်တွင် တရုတ်အနောက်တောင်ပိုင်း ကွေကျိုးပြည်နယ်၌ လူလုပ်ရေတံခွန်ပါဝင်သော အဆောက်အအုံအားတွေ့ရစဉ် (Photo: AFP)

ကမ္ဘာ့အကြီးဆုံးလူလုပ်ရေတံခွန်ကြီးဟု ပိုင်ရှင်ဖြစ်သူက ခေါ်ဆိုဂုဏ်ယူနေသော တရုတ်နိုင်ငံ အနောက်တောင်ပိုင်းမှ မိုးမျှော်တိုက်ကြီးတစ်တိုက်သည် ပြည်တွင်းမှ လှောင်ပြောင် သရော်မှုများကို ရရှိခဲ့သည့်နောက်ဆုံး ဗိသုကာလက်ရာတစ်ခု ဖြစ်လာခဲ့သည်။

ကွေးယွမ်မြို့ရှိ မိုးမျှော်တိုက်ကြီးတစ်တိုက်၏မျက်နှာစာတွင် တ၀ုန်းဝုန်းကျဆင်းနေသော ၁၀၈ မီတာ (၃၅၀ ပေ) မြင့်သည့် ရေတံခွန်ကြီးတစ်ခုအား ထည့်သွင်းဆောက် လုပ်ထားခဲ့သည်။ သို့သော် ငွေကုန်ကြေးကျ အလွန်များနေခြင်းက အဆိုပါ အပြင်ဘက် ဒီဇိုင်းကြီး၏ ပြဿနာတစ်ခုဖြစ်နေကြောင်းကို ပြသနေသည်။

၁၂၁ မီတာမြင့်သော  Liebian International  မိုးမျှော်တိုက်ကြီးသည် ယခုအချိန်အထိ ဆောက်လုပ်ပြီးစီးခြင်း မရှိသေးသော်လည်း တိုက်၏မျက်နှာစာမှ ရေတံခွန်ကြီးမှာ လွန်ခဲ့သည့် နှစ်နှစ်ကတည်းက ပြီးနေခြင်း ဖြစ်သည်။ စတင်ပြီးစီးချိန်မှစပြီး ခြောက် ကြိမ်သာ ရေတံခွန်ကြီးကို ရေဖွင့်ခဲ့ဖူးသော်လည်း တစ်နာရီလျှင် ယွမ် ၈၀၀ (ဒေါ်လာ ၁၂၀) ကုန်ကျသဖြင့် အဆောက်အအုံပိုင်ရှင်တို့က ကုန်ကျစရိတ်များလွန်းသည်ဟု အပြစ်တင်နေကြသည်။

Ludi Industry Group က တည်ဆောက်သော ယင်းမိုးမျှော်တိုက်တွင် ရှော့ပင်းမောတစ်ခု၊ ရုံးခန်းများနှင့် ဇိမ်ခံဟိုတယ်တစ်ခု ပါဝင်မည်ဖြစ်သည်။ တိုက်ကြီး၏ အမှတ်သင်္ကေတဖြစ်သော ရေတံခွန်ကြီးအား စီဆင်းစေရန် ကြီးမားလှသော မြေ အောက်ရေတိုင်ကီကြီးများ၌ သိုလှောင်ထားသော ရေပိုရေလျှံ၊ မိုးရေ၊ မြေအောက်ရေတို့ ကို အသုံးပြုမည်ဖြစ်သည်။

ဆောက်လုပ်ရေးကုမ္ပဏီကမူ ထိုမိုး မျှော်တိုက်ကြီးသည် ဒေသ၏ ကျောက်ဆောင်ထူထပ်သော သဘောသဘာဝကို ဂါရ၀ပြု ခြင်းဖြစ်သည်ဟု ဆိုသည်။ သို့သော် တရုတ် အင်တာနက်အသုံးပြုသူများကမူ ယင်းစီမံကိန်းကြီးအား ငွေဖြုန်းတီးမှုဟု သရော် လှောင်ပြောင်နေကြသည်။

“လနည်းနည်းကြာတိုင်း တစ်ခါတစ်ခါ ဖွင့်ဖွင့်ပေးရင်တော့ ကုမ္ပဏီအနေနဲ့ ပြတင်းပေါက် ဆေးခကို သက်သာစေနိုင်တာပေါ့”  ဟု Twitter ကဲ့သို့ တရုတ်လူမှုမီဒီယာဖြစ်သည့် Weibo တွင် အသုံးပြုသူတစ်ဦးက ရေးသားခဲ့သည်။ တရုတ်စီးပွားရေး လျင်မြန်စွာတိုးတက်မှုနှင့်အတူ နိုင်ငံ၏ ဆောက်လုပ်ရေး လုပ်ငန်းကြီးထွားမှုမှာလည်း အတူတကွ လိုက်ပါလာသည်။ သို့သော် ရံဖန်ရံခါတွင် မျက်စိနောက်စရာ ကိုရိုကားယားအဆောက်အအုံများမှာမူ ပြည်သူ့ဘဏ္ဍာ သို့မဟုတ် ရှယ်ယာရှင်များ၏ ငွေကို ဖြုန်းတီးခြင်းဟု လှောင်ပြောင် သရော်ခံရလေ့ရှိသည်။

ပေကျင်းတွင်ရှိသော တရုတ်ဗဟိုရုပ်သံဌာနချုပ်အဆောက်အအုံ၏ ခေတ်ရှေ့ပြေးသော ဒီဇိုင်းသည်  နာမည်ပြောင်အဖြစ် ‘အတွင်းခံကြီး’ ဟု ခေါ်ဆိုခံနေရသည်။  ထိုအတူ People’s Daily သတင်းစာတိုက်၏ ပုံစံသည် ဆောက်လုပ်ဆဲကာလအတွင်း  ယောကျာ်းလိင်အင်္ဂါနှင့်တူသည်ဟု အပြောခံရပြီး ရေအရင်းမြစ်တက္ကသိုလ်တစ်ခု၏ ပုံစံမှာလည်း အိမ်သာကြီးနှင့်တူသည်ဟု တရုတ် လူမှုမီဒီယာပေါ်တွင် ပြောခံခဲ့ကြရသည်။

ကုန်သွယ်ရေး ပဋိပက္ခကို ရှောင်လွှဲရန် ဥရောပသမဂ္ဂက အင်အားကြီးနိုင်ငံများအား တိုက်တွန်း

ဇူလိုင် ၁၆ ရက်တွင် ပေကျင်း၌ တရုတ်-ဥရောပသမဂ္ဂ စီးပွားရေးဆွေးနွေးပွဲ ကျင်းပနေစဉ် (Photo: AFP)

ကမ္ဘာလုံးဆိုင်ရာ ကုန်သွယ်မှုတွင် တင်းမာမှု ဆိုးရွားလာခြင်းကို လျှော့ချနိုင်ရန် အမေရိကန်၊ တရုတ်နှင့် ရုရှားတို့က လက်တွဲ လုပ်ဆောင်ကြရန် ဥရောပသမဂ္ဂက ဇူလိုင် ၁၆ ရက်တွင် တိုက်တွန်းခဲ့ပြီး ထိုတင်းမာမှုများသည် ပြင်းထန်သော ပဋိပက္ခနှင့် ၀ရုန်းသုန်းကားဖြစ်စဉ်သို့ တဖြည်းဖြည်း ထိုးတက်သွားနိုင်ကြောင်း သတိပေးခဲ့သည်။

အမေရိကန်က မဟာမိတ်ဥရောပ၊ ကနေဒါတို့နှင့်လည်း ကုန်သွယ်ရေး တင်းမာမှု ဖြစ်နေချိန်တွင် ကမ္ဘာ့စီးပွားရေးကို ပြင်းပြင်းထန်ထန် ထိခိုက်စေနိုင်ကြောင်း စိုးရိမ်နေကြရသည့် အမေရိကန်နှင့် တရုတ်အကြား ကျယ်ပြန့်သော ကုန်သွယ်ရေးစစ်ပွဲ ဖြစ်ပေါ်ရန် တာစူနေချိန်၌ ဥရောပကောင်စီဥက္ကဋ္ဌ ဒေါ်နယ်တက်စ်က ယင်းကဲ့သို့ ပြောကြားခဲ့ခြင်း ဖြစ်သည်။

ကမ္ဘာလုံးဆိုင်ရာ ကုန်သွယ်ရေးအစီအစဉ်အား ဖျက်ဆီးရန် မဟုတ်ဘဲ တိုးတက်အောင် လုပ်ဆောင်ရန်၊ ၎င်းတို့၏ သမိုင်းတွင် အမြဲလိုလို ဖြစ်ပေါ်သော ပြင်းထန်သည့် ပဋိပက္ခများသို့ ပြောင်းလဲသွားစေခဲ့သော ကုန်သွယ်ရေးစစ်ပွဲများကို မစမိစေရန်သည် ဥရောပနှင့် တရုတ်တို့အပြင် အမေရိကန်နှင့် ရုရှားတို့၏ ဘုံတာဝန်ဖြစ်ကြောင်း ၎င်းက ပြောကြားခဲ့သည်။ ပဋိပက္ခနှင့် ၀ရုန်းသုန်းကား ဖြစ်စဉ်များအား ကြိုတင် ကာကွယ်နိုင်ရန် အချိန်ရှိနေဆဲဖြစ်ကြောင်း ၎င်းက ပြောကြားခဲ့သည်။

ကမ္ဘာလုံးဆိုင်ရာ ကုန်သွယ်ရေးတွင် ပဋိပက္ခ နက်ရှိုင်းနေချိန်၌ နှစ်စဉ် ပြုလုပ်နေကြ ဥရောပသမဂ္ဂ-တရုတ် ထိပ်သီးတွင် တရုတ်ဝန်ကြီးချုပ် လီခယ်ကျင်းနှင့် တွေ့ဆုံဆွေးနွေးခဲ့ပြီးနောက် တက်စ်က ယင်းကဲ့သို့ ပြောကြားခဲ့ခြင်း ဖြစ်သည်။

နိုင်ငံပေါင်း ၂၈ နိုင်ငံ ပါဝင်ပြီး လူဦးရေ စုစုပေါင်း သန်း ၅၀၀ ရှိသော ကမ္ဘာ့အကြီးဆုံး ဈေးကွက်ဖြစ်သည့် ဥရောပသမဂ္ဂသည် အမေရိကန်သမ္မတ ထရန့်၏ “အမေရိကန်သည်သာ ပထမ” မူဝါဒကြောင့် ဖြစ်ပေါ်သော ကိုယ်ကျိုးစီးပွား ကာကွယ်ရေးဝါဒီများအား ရင်ဆိုင်နေရစဉ် မဟာမိတ်များကို ထောက်ပံ့ပေးရန် ကြိုးစားနေသည်။ ထရန့်က ရုရှားသမ္မတ ဗလာဒီမာပူတင်နှင့် ဟယ်ဆင်ကီးတွင် ထိပ်သီးကျင်းပရန် စီစဉ်နေစဉ် ဥရောပကော်မရှင်ဥက္ကဋ္ဌ ယန်းကလော်ဒီယန်ကာလည်း ပါဝင်သည့် တရုတ်နှင့် ဥရောပသမဂ္ဂ တာဝန်ရှိသူများအကြား ထိပ်သီးကျင်းပခဲ့ခြင်း ဖြစ်သည်။

ကမ္ဘာကြီးသည် ကုန်သွယ်ရေးဆိုင်ရာ ထိပ်တိုက် ရင်ဆိုင်မှုမဟုတ်ဘဲ ပြုပြင်ပြောင်းလဲရေးကို လိုအပ်နေကြောင်း တက်စ်က ပေကျင်းတွင် ပြောကြားခဲ့သည်။ ယင်းအတွက်ကြောင့် အိမ်ရှင်တရုတ် အပါအ၀င် သမ္မတ ထရန့်နှင့် ပူတင်တို့ကပါ ကမ္ဘာ့ကုန်သွယ်ရေးအဖွဲ့ (WTO) ကို စေ့စေ့စပ်စပ် ပြုပြင်ပြောင်းလဲမှု ဖော်ဆောင်နိုင်ရန် လုပ်ငန်းစဉ်ကို ပူးတွဲစတင်ရန် တိုက်တွန်းလိုကြောင်း ၎င်းက ပြောကြားခဲ့သည်။

WTO အား အလုံးစုံ ပြုပြင်ပြောင်းလဲရန်အတွက် ဆွေးနွေးရန် ပြင်သစ်သမ္မတ အီမန်နျူရယ်မက်ခရွန်ကလည်း ပြီးခဲ့သော မေနှောင်းပိုင်းတွင် တောင်းဆိုထားသည်။ ဥရောပကုမ္ပဏီများသည် ဇွန် ၁ ရက်တွင် စတင် သက်ဝင်ခဲ့သည့် သံမဏိနှင့် အလူမီနီယမ် သွင်းကုန်များအား အမေရိကန်၏ စည်းကြပ်ခွန်ပြဋ္ဌာန်းမှုအတွက် ကြံ့ကြံ့ခံနိုင်ရန် ကြိုးပမ်းနေရသည်။ ဥရောပသမဂ္ဂ၊ ရုရှားနှင့် အမေရိကန် အဓိကကုန်သွယ်ဘက်များအား ထိုစည်းကြပ်မှုများအပြင် အမေရိကန်သည် တရုတ်သွင်းကုန် ဒေါ်လာ ၃၄ ဘီလျံအား စည်းကြပ်ခွန်ချမှတ်မှုကို ယခုလ အစောပိုင်းတွင် အကောင်အထည်ဖော်ခဲ့သည်။ တရုတ်ကလည်း ယင်းပမာဏအတိုင်း အမေရိကန် ကုန်ပစ္စည်းများကို စည်းကြပ်ခွန်များ ပြန်လည် ပြဋ္ဌာန်းခဲ့သည်။

 

ယခုနှစ် ဒုတိယ သုံးလပတ်ကာလအတွင်း တရုတ်စီးပွားရေး တိုးတက်မှု နှေးကွေးခဲ့

ဇွန် ၂၃ ရက် တရုတ်အရှေ့ပိုင်း အန်ဟွေးပြည်နယ်၌ မော်တာအသေးစား ထုတ်လုပ်သည့် စက်ရုံတစ်ရုံ၏ အတွင်းပိုင်းကို တွေ့ရစဉ် (Photo: AFP)

အမေရိကန်နှင့် တရုတ်တို့၏ ကုန်သွယ်ရေးစစ်ပွဲမှာ အရှိန်မြင့်တက်လာစဉ် တရုတ်အစိုးရက ၎င်းတို့နိုင်ငံ၏ စီးပွားရေးတိုးတက်မှုသည် ဒုတိယ သုံးလပတ် ကာလအတွင်း အနည်းငယ် နှေးကွေးသွားသည်ဟု ဇူ လိုင် ၁၆ ရက်က ထုတ်ပြန်ခဲ့သည်။ ထိုကုန်သွယ်ရေး စစ်ပွဲသည် ရှေ့ဆက်သွားပါကတစ် ကမ္ဘာလုံးကို ထိခိုက်စေလိမ့်မည်ဟုလည်း တရုတ်က သတိပေးခဲ့သည်။

ကမ္ဘာပေါ်တွင် စီးပွားရေး ဒုတိယအင်အားအကြီးဆုံး တရုတ်စီးပွားရေးသည် ဧပြီမှ ဇွန်လအတွင်း ၆ ဒသမ ၇ ရာခိုင်နှုန်း တိုးတက်လာခဲ့သည်ဟု သိရသည်။ သို့သော် ယင်းသည် တိုးတက်မှု ၆ ဒသမ ၈ ရာခိုင်နှုန်းရှိသော ပထမ သုံးလပတ် ကာလထက် ၀ ဒသမ ၁ ရာခိုင်နှုန်း လျော့သွားခဲ့သည်။

ထိုအချက်အလက်များ ထွက်လာစဉ် တစ်ဖက်တွင်မူ ဥရောပကောင်စီဥက္ကဋ္ဌ ဒေါ်နယ်တက်စ်က ကုန်သွယ်ရေး တင်းမာမှုများသည် ပြင်းထန်သော အကျပ်အတည်းအတွင်းသို့ တရိပ်ရိပ် သက်ဆင်းသွားနိုင်သည်ဟု ပေကျင်းတွင် ပြုလုပ်သော တရုတ်- ဥရောပသမဂ္ဂ အစည်းအဝေးတစ်ခုတွင် ပြောကြားခဲ့သည်။ အမေရိကန်၊ တရုတ်နှင့် ရုရှားတို့ကိုလည်း အဖြေတစ်ခုရှာကြရန် ၎င်းက ဆော်သြခဲ့သည်။

တရုတ်စီးပွားရေး တိုးတက်မှုသည် အနည်းငယ် နှေးကွေးသွားသော်လည်း ထိုတိုးတက်မှု နှုန်းထားသည် အစိုးရက ချမှတ်ထားသော နှစ်အလိုက် တိုးတက်မှု ရည်မှန်းချက်ဖြစ်သော ၆ ဒသမ ၅ ရာခိုင်နှုန်းထက် သာလွန်နေဆဲ ဖြစ်သည်။ “ဘယ်လိုပဲဖြစ်ဖြစ် တရုတ်ဟာ ပြည်တွင်းရော ပြည်ပမှာပါ အလွန်ရှုပ်ထွေးတဲ့ အခြေအနေတစ်ခုနဲ့ ရင်ဆိုင်နေရပါတယ်” ဟု အမျိုးသားစာရင်းအင်းဌာနမှ ပြောခွင့်ရပုဂ္ဂိုလ် မော်ရှန်ယုံက ပြောခဲ့သည်။

တရုတ်အစိုးရသည် နိုင်ငံ၏ စီးပွားရေးကို ကာကွယ်ရန် အမေရိကန်နှင့် ကုန်သွယ်ရေး ထိပ်တိုက်တွေ့မှုသာမကဘဲ စစ်မျက်နှာ များစွာပါသည့် စစ်ပွဲတစ်ခုနှင့် ရင်ဆိုင်နေရခြင်း ဖြစ်သည်။ ယွမ်ငွေကြေးနှင့် တရုတ် စတော့ဈေကွက်များ ထိုးကျလာစဉ် တရုတ်အစိုးရ အနေနှင့် ၎င်းတို့၏ ကြွေးမြီပုံကြီးကိုလည်း လျှော့ချရန်လည်း လုပ်ဆောင်ရဦးမည် ဖြစ်သည်။

“ကမ္ဘာ့ကုန်သွယ်ရေးရဲ့ ကိုယ်ကျိုးစီးပွား ကာကွယ်မှုမူဝါဒဟာ ဆက်တိုက် အရှိန်တက်လာခဲ့ပါတယ်။ ဒီအခြေအနေဟာ ကမ္ဘာ့စီးပွားရေး ပြန်လည် နာလန်ထမှုကို စိန်ခေါ်နေပြီး ကျွန်တော် နိုင်ငံအတွက်လည်း စိန်ခေါ်မှုတွေ၊ မရေရာမှုတွေကို တိုးပွားစေပါတယ်” ဟု မော်က ဆက်လက် ပြောကြားခဲ့သည်။ ပြည်တွင်းရှုထောင့်မှ ကြည့်လျှင် တရုတ် စီးပွားရေးဖွံ့ဖြိုးမှုမှာ ဟန်ချက် မညီ၊ မတည်ငြိမ်ဆဲ ဖြစ်နေသည်ဟုလည်း ၎င်းက ဆိုခဲ့သည်။

ပိုမိုနက်ရှိုင်းလာသော အမေရိကန်ပြည်ထောင်စုနှင့် ကုန်သွယ်ရေးပဋိပက္ခ၏ သက်ရောက်မှုသည် လက်ရှိအချိန်အထိ အပြည့်အ၀ မထွက်ပေါ်သေးကြောင်း၊ ယခုနှစ် ဒုတိယနှစ်ဝက်အထိ တရုတ်အစိုးရသည် ထိုအခြေအနေကို ဆက်လက် ရင်ဆိုင် ကိုင်တွယ်ရမည် ဖြစ်ကြောင်း မော်က ဆက်လက် ပြောကြားခဲ့သည်။

ပြီးခဲ့သည့် ဆယ်စုနှစ်အတွင်းက တရုတ်ပို့ကုန်များ၏ ၂၀ ရာခိုင်နှုန်းသည် အမေရိကန်ဈေးကွက်သို့ ၀င်ရောက်ခဲ့ခြင်း ဖြစ်သည် ဟု Moody ရင်းနှီးမြှုပ်နှံမှုဆိုင်ရာ ၀န်ဆောင်မှု၏ ပြောကြားချက်အရ သိရသည်။ ထရန့်၏ နောက်ဆုံး ခြိမ်းခြောက်မှုအရ အမေရိကန်သည် ၎င်းနိုင်ငံသို့ တင်သွင်းနေသော တရုတ်ပို့ကုန် စုစုပေါင်း၏ ထက်ဝက် ၀န်းကျင်အပေါ် အခွန်စည်းကြပ်ရန် ရည်ရွယ်ထားသည်ဟု အဓိပ္ပာယ် သက်ရောက်သည်။

ဇွန်လအတွင်းက တရုတ်၏ ကုန်ထုတ်လုပ်မှု ပမာဏမှာလည်း နှေးကွေးသွားခဲ့ကြောင်း သိရသည်။

တရုတ်-အမေရိကန် ကုန်သွယ်ရေးစစ်ပွဲနဲ့ ကြုံလာရနိုင်တဲ့ ကမ္ဘာ့စီးပွားပျက်ကပ်မှာ မြန်မာနိုင်ငံ ဘယ်လိုရင်ဆိုင်မလဲ

လက်ရှိအစိုးရသက်တမ်း နှစ်နှစ်ကျော် ကာလအတွင်း ကျဆင်းလာသည့် ဂျီဒီပီ ဖွံ့ဖြိုးတိုးတက်မှုနှုန်းကို တွေ့ရစဉ်

တရုတ်-အမေရိကန် ကုန်သွယ်ရေးစစ်ပွဲရဲ့ ဂယက်ကြောင့် ကမ္ဘာ့စီးပွားပျက်ကပ်ကို ကြုံလာရနိုင်တယ်လို့ ခန့်မှန်းနေချိန်မှာ အထိနာနိုင်တာက မြန်မာနိုင်ငံလို ဖွံ့ဖြိုးဆဲနိုင်ငံတွေပါ။

ဒီလို ဖွံ့ဖြိုးဆဲနိုင်ငံတွေထဲမှာမှ ပိုပြီးတော့ အထိနာနိုင်တဲ့ နိုင်ငံကို ရွေးထုတ်ပေးပါဆိုရင် အဓိက ကုန်သွယ်ဖက်က တရုတ်ဖြစ်နေတဲ့အပြင် ရခိုင်အရေး၊ ပြည်တွင်းစစ်ပဋိပက္ခ၊ နိုင်ငံခြား ရင်းနှီးမြှုပ်နှံမှု ကျဆင်းမှု၊ နိုင်ငံခြား ခရီးသွား ကျဆင်းမှုတွေနဲ့ မြန်မာကျပ်ငွေတန်ဖိုး ကျဆင်းမှုအပြင် အထွေထွေ ပြိုကျနေတဲ့ ပြည်တွင်းစီးပွားရေး ကဏ္ဍတွေထဲမှာ ပိတ်မိနေတဲ့ မြန်မာနိုင်ငံကပဲ အထိနာနိုင်ဆုံး နိုင်ငံအဖြစ် ရွေးထုတ်ခံရမှာပါ။

တရုတ်-အမေရိကန် ကုန်သွယ်ရေးစစ်ပွဲမှာ အထိနာနိုင်တဲ့ နိုင်ငံက တရုတ်နိုင်ငံလို့ ကမ္ဘာက ခန့်မှန်းနေချိန်မှာ နိုင်ငံရေး၊ စီးပွားရေး၊ ငြိမ်းချမ်းရေး အတွက်ပါ တရုတ်ကို မှီခိုနေရတဲ့ မြန်မာနိုင်ငံဟာ သေချာပေါက်ကို အထိနာနိုင်တယ်လို့ သတ်မှတ်နေချိန်မှာ ဒီအခြေအနေဆိုးကို ဘယ်လိုကြိုတင် အဖြေရှာမလဲဆိုတာ စဉ်းစားထားဖို့ လိုအပ်တဲ့ အခြေအနေ ဖြစ်လာပါတယ်။

“၂၁ ရာစု တတိယပင်လုံ ကျင်းပနေတယ်။ ပြီးခါနီးနေပြီ။ သူတို့ဘယ်လောက် အောင်မြင်မလဲဆိုတာ စောင့်ကြည့်ရမှာပေါ့။ အဲဒီဘက်က အောင်မြင်ရင် အောင်မြင်သလောက်၊ ဒီနိုင်ငံရေးလိုင်းချည်း အာရုံစိုက်နေမယ့်အစား စီးပွားရေးဘက်ကို အာရုံစိုက်လာလို့ ရတာပေါ့။ အခုဟာက တစ်လမ်းသွားကြီး ဖြစ်နေတယ်။ စီးပွားရေးက အခုအချိန်မှာ နောက်ဘယ်တော့ ကောင်းလာမလဲ ပြောရခက်တယ်။ နိုင်ငံရေး ဆိုတာက လူမျိုးရေးနဲ့ ဘာသာရေး ပဋိပက္ခမှာလည်း တိုင်းပြည်ရဲ့ ပုံရိပ်က တော်တော်လေးကျနေတယ်။ အဲဒီဟာကို ဘယ်လိုဆွဲတင်မလဲဆိုတာ အရေးတကြီး စဉ်းစားဖို့လိုတယ်။ အဲဒီဘက်က ရိုဟင်ဂျာလို့ ကမ္ဘာက သုံးကြတယ်။ ရှစ်သိန်းကျော် တစ်သန်းနီးနီး ထွက်ပြေးသွားတယ် ဆိုတာကြီးက ပြန်လက်ခံဖို့ကိုလည်း ပြဿနာမျိုးစုံ လုပ်နေတယ်။ အဲဒီဟာကို အင်မတန် ခေါင်းကောင်းကောင်းနဲ့ မြန်မြန်လေး ဖြေရှင်းပေးမယ်ဆို စီးပွားရေးဘက် ပြန်လှည့်လို့ရမှာပေါ့” စီးပွားရေး ဆောင်းပါးရှင် အောင်ချိန်ဘွားက သုံးသပ်ပြောကြားပါတယ်။

ကုန်သွယ်ရေးစစ်ပွဲ ကောက်ကြောင်း

တရုတ်ရဲ့ ပို့ကုန်တွေကို အမေရိကန်နိုင်ငံက စည်းကြပ်လိုက်မှုမှာ ကမ္ဘာ့စီးပွား ပျက်ကပ်လို့ ယူဆမှုတွေရှိသလို ကမ္ဘာ့နိုင်ငံ အများအပြားကိုလည်း ဂယက်ရိုက်ပြီး စီးပွားရေး ကျဆင်းမှုတွေ ဖြစ်စေမယ်လို့ ခန့်မှန်းမှုတွေလည်း ရှိနေပါတယ်။

အခြားသော တစ်ဖက်မှာလည်း အမေရိကန်က တရုတ်ရဲ့ ပို့ကုန်တွေနဲ့ သူ့နိုင်ငံဆီကို အများအပြား ပို့ကုန်တင်သွင်းနေတာကို တုန့်ပြန်ဖို့၊ ကုန်သွယ်မှု လိုငွေကို လျှော့ချဖို့အတွက် ပို့ကုန်အများအပြား တင်ပို့နေတဲ့ တရုတ်၊ ကနေဒါ၊ မက္ကဆီကိုနဲ့ ဥရောပသမဂ္ဂ စတဲ့နိုင်ငံတွေကိုပဲ အဓိကထား တုံ့ပြန်နေတာဖြစ်လို့ ပို့ကုန်အခွန် မြှင့်တင်ခံရတဲ့ နိုင်ငံကြီးတွေဆီက ရင်းနှီးမြှုပ်နှံမှုတွေက ပို့ကုန်အခွန် မြှင့်တင်ခံရတဲ့ နိုင်ငံလေးတွေဆီကို သူတို့ရဲ့ ရင်းနှီးမြှုပ်နှံမှုတွေ စီးဝင်လာနိုင်တာမို့လို့ နိုင်ငံငယ်လေးတွေအတွက် အခွင့်အရေး ရလာနိုင်တယ်လို့ တွက်ဆမှုတွေလည်း ရှိနေပါတယ်။

ဘယ်လိုပဲ ခန့်မှန်းနေပါစေ။ ကြုံလာရနိုင်တဲ့ ကမ္ဘာ့စီးပွားပျက်ကပ်မှာ ကိုယ့်နိုင်ငံ မထိခိုက်ဖို့ဟာ အစိုးရတစ်ရပ်ရဲ့ အမြော်အမြင်နဲ့ တိုင်းပြည်အခြေအနေကို ကမ္ဘာကြည့် ကြည့်ပြီး ရေရှည်ကို ရင်ဆိုင်တတ်ဖို့ပါ။ မြန်မာနိုင်ငံဟာ ဟိုးတုန်းက တံခါးပိတ် ကြားနေနိုင်ငံဖြစ်လို့ အရင်က ကြုံခဲ့ရတဲ့ ကမ္ဘာ့စီးပွား ပျက်ကပ်တွေမှာ မထိခိုက်ခဲ့ဘူး ဆိုပေမဲ့ အခုအခြေအနေကတော့ ဈေးကွက်စီးပွားရေးစနစ် ဖြစ်တာနဲ့အညီ မြန်မာနိုင်ငံဟာ ပြည်ပသွင်းကုန်တွေကို အဓိကထား ရပ်တည်နေရသလို နိုင်ငံခြား ရင်းနှီးမြှုပ်နှံမှုများများဝင်မှ တိုင်းပြည်စီးပွားရေး တိုးတက်တယ်ဆိုတဲ့ အခြေအနေမို့လို့ ကမ္ဘာ့စီးပွားပျက်ကပ်သာ ကြုံလာရမယ်ဆိုရင် မလွဲမသွေထိခိုက်မှု ကြုံလာရနိုင်ပါတယ်။

အမေရိကန်နဲ့ တရုတ်က ဒေါ်လာ ၃၄ ဘီလျံဖိုးရှိတဲ့ စည်းကြပ်ခွန်တွေကို အပြန်အလှန်ချမှတ်မှု စတင်အသက်ဝင်လာတဲ့နောက်မှာ ဒေါ်လာဘီလျံ ၂၀၀ တန်ဖိုးရှိတဲ့ တရုတ်သွင်းကုန်တွေကို ထပ်ပြီးတော့ စည်းကြပ်သွားမယ်လို့ အမေရိကန်က ခြိမ်းခြောက်မှုဟာ ကုန်သွယ်ရေးစစ်ပွဲရဲ့ အရှိန်ကို ပိုမိုမြင့်တက် လာစေခဲ့ပါတယ်။

တရုတ်သွင်းကုန် ဒေါ်လာဘီလျံ ၂၀၀ ကို စည်းကြပ်ခွန် ၁၀ ရာခိုင်နှုန်းချမှတ်ဖို့ လုပ်ငန်းစဉ်ကို ဒေါ်နယ်ထရန့်က ကုန်သွယ်ရေးဌာနကို ညွှန်ကြားခဲ့တယ်လို့ အမေရိကန် ကုန်သွယ်ရေး အကြံပေး ရောဘတ်လိုက်သီဇာက ကြေညာချက် ထုတ်ပြန်ခဲ့ပြီး ပစ်မှတ်ထားမယ့် ကုန်ပစ္စည်းစာရင်းကို သြဂုတ်လကုန်ပိုင်းမှာ ဆွေးနွေးမှာဖြစ်ပြီး ဒီဆွေးနွေးမှုက နှစ်လလောက်ပဲ ကြာမြင့်မှာဖြစ်လို့ Trade War ဂယက်ဟာ ၂၀၁၈ အကုန်ပိုင်းထဲမှာကို ပိုပြီးတော့ ပြင်းထန်လာမယ့် အခြေအနေပါ။ ဒါ့အပြင် လက်ရှိကုန်သွယ်ရေးစစ်ပွဲရဲ့ ဂယက်ဟာ လာမယ့် ၂၀၁၉ ခုနှစ်ထဲမှာ ပိုပြီးအရှိန်ပြင်းထန်လာမယ်လို့ ခန့်မှန်းထားတာကြောင့် ဘယ်သူတွေပိုပြီး အထိနာမလဲဆိုတာ စိတ်ဝင်တစား စောင့်ကြည့်ချင်စရာပါ။

တရုတ်နဲ့ ကုန်သွယ်မှုက ကုန်သွယ်ရေးလိုငွေပြမှုဟာ ပြီးခဲ့တဲ့နှစ်မှာ ၃၇၅ ဘီလျံကျော် စံချိန်တင် ဖြစ်ခဲ့ပြီးတဲ့နောက်မှာ ဒေါ်နယ်ထရန့်က ဒေါ်လာဘီလျံ ၄၅၀ အထိရှိနေတဲ့ တရုတ်သွင်းကုန် အားလုံးကိုလည်း စည်းကြပ်မယ်လို့ ကြွေးကြော်ခဲ့ပြီး တရုတ်ကလည်း တန်ပြန်ဆောင်ရွက်မယ်လို့ တုံ့ပြန်ခဲ့ပါတယ်။ တရုတ်တုံ့ပြန်မှုအတိုင်း အမေရိကန်နိုင်ငံကလည်း စည်းကြပ်ခွန်တွေတိုးဖို့ ပြင်ဆင်နေတာကြောင့် ကုန်သွယ်ရေးစစ်ပွဲ ဂယက်ဟာ အရှိန်မြင့်လာဖို့ပဲ ရှိပါတယ်။

ဘီလျံ ၅၀၀ လောက်ရှိတဲ့ တရုတ်သွင်းကုန်တွေကို အမေရိကန်က စည်းကြပ်မယ်ဆိုရင် တရုတ်နိုင်ငံအနေနဲ့ လက်တုံ့ပြန်နိုင်မှာက ဘီလျံ ၁၅၀ မပြည့်တဲ့ အမေရိကန်သွင်းကုန်တွေ အပေါ်ပဲဖြစ်လို့ ကုန်သွယ်ရေးစစ်ပွဲမှာ အထိနာနိုင်တာက တရုတ်လို့ ခန့်မှန်းနေကြတာပါ။ လက်ရှိမှာဆိုရင်ကို တရုတ်နိုင်ငံဟာ ယွမ်ငွေတန်ဖိုး ကျဆင်းမှုအပြင် အခြားသော ဆိုးကျိုးတွေအဖြစ် ရှန်ဟိုင်းအညွန်း ကျဆင်းတာတွေလည်း ဖြစ်လာပါတယ်။ ဒါပေမဲ့ မြင်နေရတဲ့ ကုန်သွယ်မှု ကိန်းဂဏန်းတွေကိုပဲ တွက်ဆနေတာဖြစ်ပြီး တခြားသောအကြောင်း အရာတွေအဖြစ် တရုတ်နိုင်ငံက အမေရိကန်ထုတ် ဇိမ်ခံကားတွေကို သပိတ်မှောက်တာ၊ တရုတ်ခရီးသွားတွေနဲ့ ကျောင်းသားတွေရဲ့ အမေရိကန်နိုင်ငံဆီ သွားရောက် လည်ပတ်တာနဲ့ ပညာသင်ကြားမှုတွေ ကန့်သတ်လိုက်တာ၊ အမေရိကန်လေယာဉ်ကုမ္ပဏီ ဘိုးအင်းဆီက လေယာဉ်မှာယူမှုတွေ ချုပ်ကိုင်လိုက်တာ၊ ကမ္ဘာ့အများဆုံး နိုင်ငံခြားအရန်ငွေကြေး ကိုင်ထားမှုနဲ့ အမေရိကန် ဘဏ္ဍာရေး စာချုပ်မှာ ဒေါ်လာဘီလျံနဲ့ချီ မြှုပ်နှံထားတာတွေကြောင့် တရုတ်က ဒီကုန်သွယ်ရေးစစ်ပွဲမှာ နိုင်မယ်လုိ့ ခန့်မှန်းမှုတွေ ရှိနေပါတယ်။

ကုန်သွယ်ရေးစစ်ပွဲမှာ အမေရိကန်နိုင်ခြင်း၊ တရုတ်နိုင်ခြင်းက မြန်မာနိုင်ငံအတွက် အဓိက မကျပါဘူး။ အဓိကကျတာက ကုန်သွယ်ရေးစစ်ပွဲသာ တကယ်ဖြစ်လာရင် မြန်မာနိုင်ငံ အထိမနာဖို့ပါ။ ဒီလိုဖြစ်လာဖို့ဆိုရင် အနည်းဆုံး အဆင့်မှာကို အမေရိကန်က တရုတ်ဆီက ဘယ်လိုသွင်းကုန်မျိုးကို စည်းကြပ်သလဲ။ မြန်မာက တရုတ်နဲ့ အမေရိကန်ဆီတိုးပြီး တင်ပို့လာနိုင်မယ့် ပို့ကုန်မျိုးကဘာလဲ။ အမေရိကန်လို ဒေါ်လာသန်း ရာဂဏန်းလောက် နိုင်ငံမျိုးကို ဘီလျံအဆင့် တင်ပို့နိုင်အောင် ဘယ်လိုမူဝါဒ ချမှတ်မလဲ။ တရုတ်ဘက်က မြန်မာ့ပို့ကုန်တွေကို ထိန်းချုပ်ထားတဲ့ အခြေအနေတွေကို ဘယ်လိုကျော်လွှားမလဲဆိုတဲ့ အခြေအနေမျိုးတွေကို ပြင်ဆင်ဖို့ လိုအပ်မှာ ဖြစ်ပါတယ်။ သူတို့ဘာသာ ဖြစ်နေတာ ငါတို့နဲ့ ဘာဆိုင်လဲတွေးနေပြီး ကြိုတင်ပြင်ဆင်မှု မရှိရင်တော့ လက်ရှိကြုံနေတဲ့ စီးပွားရေး ကျဆင်းမှုက ပိုဆိုးပါလိမ့်မယ်။ အာဏာမရခင် သုံးနှစ်လောက်မှာ ကြိုတင်ပြင်ဆင်မှု အားနည်းတာနဲ့ မဟာဗျုဟာ မရှိတာကြောင့် ဘာတစ်ခုမှ နားမလည်ဘဲ ပြောခဲ့တာတွေနဲ့ ကြုံလာရတာ တခြားစီ ဖြစ်နေလို့ စီးပွားရေး တုံ့သွားတာမျိုး ထပ်ဖြစ်လို့ မရတော့ဘူးဆိုတာ အသေအချာ သုံးသပ်ပြင်ဆင်ဖို့ လိုနေပါပြီ။

လတ်တလောမှာကြည့်ရင်ကိုပဲ ကုန်သွယ်ရေးစစ်ပွဲအစမှာကို မြန်မာနိုင်ငံက မြန်မာကျပ်ငွေတန်ဖိုး ထိုးကျသွားတာ၊ တရုတ်ကို တင်ပို့နေတဲ့ ကုန်ပစ္စည်းတွေက ယွမ်ငွေတန်ဖိုးကျဆင်းမှု၊ ဈေးနှုန်းကျဆင်းမှုတွေကို ရင်ဆိုင်နေရပြီ ဖြစ်ပါတယ်။ တစ်ခုခံသာနေတာက ဒေါ်လာဈေး မြင့်တက်မှုကြောင့် အဓိက ကုန်သွယ်ဖက် နိုင်ငံတွေရဲ့ ငွေကြေးတန်ဖိုးတွေလည်း ကျနေတာပါ။ ဒါပေမဲ့ တစ်ခုသတိချပ်ရမှာက မြန်မာနိုင်ငံဟာ ငွေကြေးတန်ဖိုး ကျဆင်းတိုင်း ဖြစ်သင့်တာထက် ပိုမိုကျဆင်းမှုဖြစ်ပြီး လက်ရှိဗဟိုဘဏ်ဥက္ကဋ္ဌ ဦးကျော်ကျော်မောင် လက်ထက်မှာ ကျပ်ငွေတန်ဖိုး ရာခိုင်နှုန်း ၄၀ ကျော် ကျဆင်းလာတာနဲ့ ကမ္ဘာ့စီးပွားပျက်ကပ် စိန်ခေါ်မှုအသစ်မှာ ဗဟိုဘဏ်က ကျပ်ငွေတန်ဖိုး လိုတာထက် ပိုမကျအောင် တောင့်ခံနိုင်ပါ့မလားဆိုတာ သံသယ၀င်စရာ ဖြစ်လာနေပါတယ်။

ကမ္ဘာ့စီးပွားပျက်ကပ်မှာ အခက်ကြုံနေဆဲ မြန်မာ

မြန်မာနိုင်ငံကို ရင်းနှီးမြှုပ်နှံသူတွေက လက်တွန့်ကြပါတယ်။ ဘာကြောင့် လက်တွန့်သလဲဆို မြေယာအငြင်းပွားမှု ပြဿနာ၊ အလုပ်သမား ဆန္ဒဖော်ထုတ်မှု၊ ဥပဒေ မခိုင်မာတဲ့အပြင် ပြောင်းလွယ်ပြုလွယ်တာ၊ လျှပ်စစ်၊ ရေ၊ မီး၊ လမ်း၊ သယ်ယူပို့ဆောင်ရေး ကုန်ကျစရိတ် ကြီးမြင့်လွန်းတာ၊ အချိန်မရွေး နောက်ပြန်လှိုင်း ရိုက်ခတ်နိုင်တာ (Democracy Back Wave) နဲ့ အဆိုးဆုံးက ရခိုင်အရေးမှာ ပုံရိပ်ကျဆင်းပြီး လူမျိုးရေး၊ ဘာသာရေး အကဲဆတ်လွန်းတဲ့ သွေးဆူဆူပူလွယ်တဲ့ နိုင်ငံအဖြစ် နိုင်ငံတကာက အမြင်စောင်း ခံနေရတာပါ။

ဒီလိုအမြင်စောင်း ခံရမှုမျိုးက မြန်မာနဲ့ ယှဉ်ပြိုင်ဖက် ကမ္ဘောဒီးယား၊ လာအို၊ ဗီယက်နမ်၊ ထိုင်း စတဲ့ နိုင်ငံမျိုးတွေမှာ မရှိပါဘူး။ ဒီလို ကမ္ဘာ့အလယ်မှာ မြန်မာ့ပုံရိပ်ကျဆင်းမှုကို ဘယ်လိုပြန်လည် ကုစားမလဲ ဆိုတာက NLD အစိုးရအတွက် အသေအချာ မဟာဗျု ဟာ ချမှတ်လုပ်ဆောင်ရမယ့် လုပ်ငန်းစဉ်တစ်ခု ဖြစ်လာပါတယ်။

ဒါ့အပြင် တခြားသော အာဆီယံနိုင်ငံတွေရဲ့ ရင်းနှီးမြှုပ်နှံမှု၊ လုပ်သားစီးဆင်းမှုတွေကို အလွယ်တကူ ခွင့်ပြုပေးရမယ့် အာဆီယံ စီးပွားရေး အသိုက်အ၀န်း (AEC) ကလည်း ၂၀၁၈ ဒီဇင်ဘာ ၃၁ ရက်မှာ စတင်တော့မှာ ဖြစ်ပါတယ်။ ဒီလိုအခြေအနေတွေအတွက်လည်း မြန်မာက အသင့်မဖြစ်သေးပါဘူး။

“အမေရိကန်နဲ့ တရုတ်ဆိုတာ ကမ္ဘာ့နံပါတ် (၁) နဲ့ နံပါတ် (၂) ပေါ့။ အမေရိကန်ကစပြီး ကုန်ပစ္စည်းအမျိုး ၈၀၀ ကို ပထမ ၃၄ ဘီလျံ၊ နောက်တော့ ဘီလျံ ၅၀၊ အခုဆို ဘီလျံ ၂၀၀ အထိ အကောက်ခွန် စည်းကြပ်မယ် ဆိုတော့ တရုတ်ကနေ အမေရိကန်ဆီ ပို့နေတဲ့ ကုန်တွေက အမေရိကန်မှာ ဈေးကြီးသွားမယ်။ ဈေးကြီးသွားမယ်ဆိုတော့ အ၀ယ်နည်းသွားမယ်။ အ၀ယ်နည်းသွားရင် တရုတ်က Export Promotion လုပ်နေတာဆိုတော့ သူတို့ US Market Only ဆိုတဲ့ ကုန်ပစ္စည်း အကောင်းစားတွေ အမေရိကန်ကို ပို့မရရင် သူတို့ဘာလုပ်မလဲ။ အဲဒီတော့ အိမ်နီးနားချင်း နိုင်ငံတွေကို ရောက်ဖို့များတော့ လူသုံးကုန်၊ လျှပ်စစ်၊ IT ပစ္စည်းတွေက အစပေါ့။ အမေရိကန်က မ၀ယ်ရင် အာဆီယံနိုင်ငံတွေဆီ ဈေးချိုချိုနဲ့ ထုတ်ရောင်းမယ့်သဘော ရှိတာပေါ့။

နောက်တစ်ချက်က အမေရိကန်ကနေ သူတို့ဝယ်မယ့် ပစ္စည်းတွေကိုလည်း ၂၅ ရာခိုင်နှုန်း အကောက်ခွန် စည်းကြပ်မှု တင်လိုက်တယ်။ ဘီလျံ ၅၀ အပေါ် စည်းကြပ်လိုက်တယ်။ ဆိုတော့ တရုတ်ကနေ အမေရိကန်ဆီ အဓိက သွားတာက ပဲပုပ်စေ့။ နောက်ပြီး ဟင်းသီးဟင်းရွက်၊ အသားငါး နည်းနည်းရှိတယ်။ အဲဒါတွေကို ဈေးတင်လိုက်ပြီဆိုတော့ သိပ်မ၀ယ်နိုင်တော့ဘူးပေါ့။ အဲဒီလိုဖြစ်နေတယ်။ အဓိက,ကတော့ အသေးစား၊ မော်တော်ကား၊ ၀ီစကီတို့ပေါ့။ မြန်မာက ဘာလုပ်လို့ရလဲဆိုရင် ပဲမျိုးစုံကို များများရောင်းဖို့ အခွင့်ကြုံတုန်း လုံးပန်းရမယ်။ စိုက်ပျိုးရေးသီးနှံ ကုန်သည်တွေရဲ့အလုပ်။ ဆန်လည်း ပိုပြီးရောင်းနိုင်အောင် ကြိုးစားရမယ်။ နောက်ပြီးတော့ တကယ်လို့ တော်လို့ရှိရင်ပေါ့။ အမေရိကန်က ၀ီစကီမသွင်းတော့ဘူး။ တို့ဆီက ၀ီစကီသွင်းနေတယ်။ ဘော်ဒါတွေကနေ ကုန်သည်တွေ သွားရောင်းရင် အမြတ်အစွန်း ရနိုင်တာပေါ့။ အဲဒီတော့ ဆိုလိုတာက ကမ္ဘာ့နံပါတ် (၁) နဲ့ (၂) ရဲ့ ကုန်သွယ်မှု ထိပ်တိုက်ဖြစ်တာကို တချို့ကလည်း Trade War လို့ သုံးတယ်ပေါ့။ ကုန်သွယ်မှု စစ်ပွဲသဘောမျိုးပေါ့။ အဲဒါဆိုရင် သူတို့နှစ်ခုစလုံးက WTO ကို ၀င်ထားတာဆိုတော့ ကုလသမဂ္ဂက ၀င်ကိုင်တွယ်ရမှာပေါ့။ သူတို့ဆီက ဖြစ်လာမယ့် ကိစ္စတွေက အခုနက ပြောသလို မြန်မာနိုင်ငံကလူတွေ ထိုင်မနေဘဲ အမြတ်ထုတ်တတ်ရင် ရမယ်ပေါ့။ နောက်တစ်ခုက AEC ဖြစ်လာရင်ပေါ့။ ဒါက သိပ်ပြီး ပြဿနာ မရှိနိုင်ဘူး။ ဘာလို့ မရှိဘူးလဲဆိုရင် ထိုင်းတို့၊ စင်ကာပူတို့ မလေးရှားတို့ ပစ္စည်းတွေက တန်းစီအောတိုက်ပြီး ၀င်နေတာက Securest ဖြစ်နေပြီ။ ဒီ့ထက်ပိုပြီး ထပ်ဝင်လာစရာလည်း မရှိဘူး။ ဘာရှိမလဲဆို ကိုယ်ကတော်လို့ရှိရင် အစားအစာ၊ ဆေးဝါးလုံခြံမှု (Food, Medical Security) မရှိဘူး။ ပြီးတော့ Standardization လို့ခေါ်တဲ့ စံထားသတ်မှတ်ချက် မရှိဘူး။ လွတ်လွတ်လပ်လပ် ၀င်နေတဲ့ဟာတွေကို စံနှုန်းတွေ သတ်မှတ်ပြီးတော့ စိတ်မချရတဲ့ပစ္စည်း၊ ဒီမှာ မှတ်ပုံတင်မထားတဲ့ပစ္စည်း ၀င်မရဘူး ဆိုတာမျိုး လုပ်လို့ရတယ်။ လွတ်လွတ်လပ်လပ် ဆိုပေမယ့် ဒီလိုစံနှုန်းတွေက တစ်ကမ္ဘာလုံး တားပိုင်ခွင့်ရှိတဲ့ ကုန်သွယ်ရေး စနစ်တစ်ခု။ အဲဒီနည်းတွေနဲ့ ပြန်ကိုင်လို့ရတယ်” လို့ စီးပွားရေးပညာရှင် ဦးလှမောင်က ပြောပါတယ်။

မြန်မာ့ပုံရိပ် မြှင့်တင်ရေး၊ Doing Business နဲ့ Trade War မှာ ဘာတွေပြင်ထားမလဲ

ဇူလိုင် ၆ ရက်က ကယ်လီဖိုးနီးယားရှိ လောင်းဘိခ်ျဆိပ်ကမ်းတွင် ဆိုက်ကပ်ထားသော သင်္ဘောတစ်စင်းပေါ်၌ China Shipping မှ ကွန်တိန်နာများ စီထားသည်ကို တွေ့ရစဉ်

ဆိုးဆိုးရွားရွား ကျဆင်းနေတဲ့ အထဲမှာ မြန်မာနိုင်ငံအတွက် ပထမဆုံး ဆွဲတင်သင့်တာက NLD အစိုးရလက်ထက်မှာ ပြန်ပြီးတော့ ကျဆင်းသွားတဲ့ Doing Business မှာ အဆင့်ပြန်လည် မြင့်တက်ရေးပါ။

တရားဥပဒေစိုးမိုးရေး၊ တရားစီရင်ရေးကာလ၊ လာဘ်ပေးလာဘ်ယူကစလို့ ရေ၊ မီး စတဲ့ ရင်းနှီးမြှုပ်နှံသူတွေ ကြုံရနိုင်တဲ့ ကဏ္ဍမျိုးစုံအားလုံးပါအောင် တွက်ချက်အမှတ်ပေးတဲ့ Doing Business မှာ အဆင့်ပြန်ပြီး ကောင်းမွန်လာရေး ကြိုးပမ်းမှုဟာ ၂၀၁၈ ခုနှစ် ညွှန်းကိန်းမှာ အဆင့်ပြန်လည် တက်လာမလားဆိုရင် လက်ရှိအနေအထား အရတော့ မလွယ်ကူသေးပါဘူး။

စီးပွားရေးလုပ်ငန်းတစ်ခု စတင်ခြင်း၊ အဆောက်အအုံ ဆောက်လုပ်ခွင့် ရယူခြင်း၊ လျှပ်စစ်သွယ်တန်းရယူခြင်း၊ မြေနှင့်အိမ်ရာ အဆောက်အအုံ မှတ်ပုံတင်ခြင်း၊ ချေးငွေရယူခြင်း၊ အနည်းစုသော ရင်းနှီးမြှုပ်နှံသူများကို အကာအကွယ်ပေးခြင်း၊ အခွန်များပေးဆောင်ခြင်း၊ ပြည်ပသို့ ကုန်သွယ်ခြင်း၊ စာချုပ်များ သဘောတူညီမှု အာဏာတည် လိုက်နာစေခြင်း၊ ဒေ၀ါလီခံမှုကို ဖြေရှင်းခြင်း စတဲ့အချက်တွေမှာ ၂၀၁၈ ရလဒ်မြင့်တက်ဖို့ ထူးထူးခြားခြား ကြိုးပမ်းနိုင်တာ မရှိဘဲ အမြင့်ဆုံး စွမ်းဆောင်ရည်က ကွာလှမ်းမှုရမှတ် (DTF Score) တွေမှာ အဆင့်တက်ဖို့ သိပ်မလွယ်ပါဘူး။ ကဏ္ဍတစ်ခုဖြစ်တဲ့ ဒေ၀ါလီခံမှုကို ဖြေရှင်းခြင်း အတွက်ဆိုရင် လူမွဲအဖြစ်ခံယူမှု ဥပဒေ (Insolvency Law) ဟာ ဥပဒေပြဋ္ဌာန်းဖို့တောင်မှ မလုပ်နိုင်သေးတာနဲ့ တချို့လုပ်ငန်း ဆောင်ရွက်မှုတွေက၂၀၁၈ အညွှန်းကိန်း သတ်မှတ်ချိန် ကာလအတွင်း မလုပ်နိုင်ခဲ့တာကြောင့် ၂၀၁၇ ခုနှစ်မှာ နိုင်ငံပေါင်း ၁၉၀ ထဲက အဆင့် ၁၇၁ မှာ ရပ်တည်နိုင်ခဲ့တာထက် မဆိုးသွားဖို့ဘဲ ဆုတောင်းရမှာပါ။

နောက်တစ်ချက် ကမ္ဘာ့ဘဏ်ကနေပြီးတော့ Doing Business မှာ အဆင့်ပြန်တက်ဖို့ အချက်ငါးချက် အကြံပြုထားပေမယ့် ဒီအချက်တွေကို မြန်မာနိုင်ငံဘက်က လုံးဝနီးပါး လုပ်ဆောင်နိုင်မှု မရှိသေးတာကလည်း အဆင့်တက်ဖို့ မဖြစ်နိုင်တဲ့ အခြေအနေမျိုးပါ။

ဥပမာအားဖြင့် Credit Bureau ကို ခွင့်ပြုလိုက်ပေမဲ့လည်း အကောင်အထည်ဖော်နိုင်ဖို့ သုံးနှစ်လောက် အချိန်ယူရမှာ၊ အခွန်ပေးဆောင်မှုတွေမှာ လာဘ်ပေးလာဘ်ယူတွေ ရှိနေဆဲ ဖြစ်နေတာ၊ အစိုးရအဖွဲ့ကနေ အဆင့်ဆင့်တင်ပြ၊ ဆင်းပြီးစစ်၊ အောက်ခြေ ပြန်ရောက်နဲ့ လုပ်ငန်းအသေးလေး တစ်ခုတောင်မှ ခြောက်လ၊ တစ်နှစ် ကြာတဲ့အထိ ဖြစ်လာတာတွေကို ပြင်ဆင်ဖို့ လိုအပ်မှာပါ။

“Rank (အဆင့်) ကတော့ တက်ချင်မှ တက်မှာပေါ့။ ဘာကြောင့်လဲဆို တခြားနိုင်ငံတွေကလည်း ကြိုးစားနေတာ။ ကျွန်တော်တို့ ကြိုးစားသလို တခြားနိုင်ငံတွေလည်း ကြိုးစားနေတာ။ စင်ကာပူတို့ ဆိုရင်လည်း ကြိုးစားနေရင်း အဆင့် (၁) ကနေ အဆင့် (၃) ပြန်ရောက်သွားပြီး သူ့နောက်ကသူတွေ တက်သွားတာတို့။ ကျွန်တော်တို့လည်း အလားတူပါပဲ။ သို့သော် အမှတ်ကတော့ အရင်ကထက်ကောင်းမယ် ထင်ပါတယ်” လို့ ဒုတိယသမ္မတ ဦးမြင့်ဆွေက Doing Business မှာ အဆင့်တက်ခြင်း မတက်ခြင်းအပေါ် ပြောကြားပါတယ်။

တကယ်တော့ ညွှန်းကိန်းတွေကို သတ်မှတ်ရာမှာ ပုံသေနည်းရှိတယ် ဆိုပေမဲ့ အုပ်ချုပ်တဲ့အစိုးရအပေါ် အမြင်မကြည်မှု၊ အဆင့်တွေ သတ်မှတ်ဖို့ စစ်တမ်းကောက်ယူချိန်တွေက မြန်မာနိုင်ငံမှာ  သီးနှံစိုက်ပျိုးချိန် မဟုတ်လို့ အလုပ်မရှိတာမျိုး၊ ရေကြီးရေလျှံနေလို့ အစိုးရက ဂရုမစိုက်နိုင်တာမျိုး၊ လာပြီးတော့  စစ်တမ်းကောက်ယူတဲ့ ကာလတွေနဲ့ မြန်မာ့ရေမြေ အခြေအနေအရ အလုပ်မလုပ်တဲ့ အချိန်ကာလမျိုး ဖြစ်နေမယ်ဆိုရင် စစ်တမ်းအမှန်ထွက်မှာ မဟုတ်ပါဘူး။ ဒီလို စစ်တမ်းအမှန် မထွက်နိုင်ဘူး ဆိုပေမဲ့လည်း ၀န်ကြီးဌာနတွေ လျှော့ချပြီး ကြိုးနီစနစ် မလျှော့နိုင်တာ၊ ငါးကြီးကြီးလည်း မဖမ်းနိုင်၊ ငါးသေးသေးလည်း မတားနိုင်ဘဲ ပေါ်တင်တောင်းခံနေတဲ့ လာဘ်ပေးလာဘ်ယူမှုတွေ ဆက်ရှိနေတာ တွေကလည်း မြန်မာနိုင်ငံအတွက် အားနည်းချက် ဖြစ်နေတဲ့အပြင် ၀န်ကြီးဌာနတွေတိုင်းမှာ ၀န်ထမ်းတစ်ယောက်ချင်းစီ၊ အဆင့်တိုင်းစီအတွက် တာဝန်ယူမှု၊ တာဝန်ခံမှု အလေ့အထ မရှိတာကလည်း မြန်မာနိုင်ငံဟာ ၀ါးအစည်းပြေနေတဲ့နိုင်ငံလို့ မြင်စေတဲ့ ဖြစ်ရပ်ပါ။ ဒီလိုအခြေအနေတွေကို ကျော်လွှားဖို့ဆိုရင် ၀န်ကြီးဌာနတိုင်းမှာ အဆင့်အလိုက် တာဝန်ယူမှု၊ တာဝန်ခံမှုနဲ့ တင်ပြလာတဲ့ လုပ်ငန်းတစ်ခုကို အချိန်ဘယ်လောက်အတွင်း လုပ်ကိုလုပ်ရမယ်ဆိုတဲ့ ဆုပေးဒဏ်ပေး Standard Operation Procedure တွေ မဖြစ်မနေရေး ဆွဲသတ်မှတ်ဖို့ လိုပါလိမ့်မယ်။ ဒါမှလည်း လာဘ်ငွေမရရင် အချိန်ဆွဲတဲ့ ၀န်ကြီးဌာနတွေရဲ့ အလေ့အထတွေကို တစ်ဖက်တစ်လမ်းက လျှော့ချနိုင်မှာပါ။

“နံပါတ် (၁) အနေနဲ့ ကြိုးနီစနစ်တွေကို လျှော့ချရမယ်။ ပိုပြီးလျော့အောင်လုပ်ရမယ်။ နံပါတ် (၂) က Business Friendly ဖြစ်အောင် ပိုပြီးလုပ်ရမယ်။ လုပ်ငန်းတွေ ပိုပြီးတော့ လွယ်ကူအောင်လုပ်ရမယ်။ တချို့သော အခွန်နှုန်းထားတွေကို ပြန်လည်ပြင်ဆင်ပြီးတော့ လျှော့သင့် လျှော့ထိုက်တာတွေ ပြန်ပြီးလျှော့ချရမယ်။ ဒါတွေက အဆိုးဆုံး အခြေအနေအတွက် ကြိုတင်ပြင်ဆင် ထားဖို့ပေါ့။ ဘာကြောင့်လဲဆိုတော့ အမေရိကန်ကလည်း ကမ္ဘာ့စီးပွားရေး အင်အားကြီးနိုင်ငံ၊ တရုတ်ကလည်း ဒုတိယ စီးပွားရေး အင်အားကြီးတဲ့နိုင်ငံ ဖြစ်တဲ့အခါကျတော့ ဒါကိုသူတို့ရဲ့ ဂုဏ်သိက္ခာအရ အလျှော့ပေးမှာ မဟုတ်ဘူး။ အရှုံးပေးလို့ မရတဲ့ အခါကျတော့ နှစ်ဖက်စလုံးကလည်း တစ်ဖက်နဲ့တစ်ဖက် စောင့်ကြည့်ပြီး အခြေအနေ အတိုင်းအတာအရ ကစားနေတာပေါ့။ ဒါက စီးပွားရေး အားပြိုင်မှုတင် မဟုတ်ဘဲ နိုင်ငံရေး အားပြိုင်မှုဆိုလည်း ဟုတ်တယ်။ ကျွန်တော်တို့နိုင်ငံကို ပြန်ကြည့်မယ်ဆိုရင် နိုင်ငံခြား အရန်ငွေအနေနဲ့ အမေရိကန်ဒေါ်လာကို အဓိကသုံးတဲ့နိုင်ငံပေါ့။ နောက်တစ်ခု တရုတ်နဲ့ကျတော့ အဓိက ကုန်သွယ်ဖက်နိုင်ငံ။ အဓိက ရင်းနှီးမြှုပ်နှံမှုနိုင်ငံ။ ပြီးတော့ နယ်စပ်မိုင်ထောင်ချီ ထိစပ်နေတဲ့ အကြီးဆုံး အိမ်နီးချင်းနိုင်ငံ။ နောက်ပြီးတော့ ငြိမ်းချမ်းရေးမှာ တရုတ်က ပါဝင်ပတ်သက်နေတဲ့နိုင်ငံ ဖြစ်တဲ့အခါကျတော့ အမေရိကန်နဲ့တရုတ် အားပြိုင်တဲ့အခါမှာ အင်မတန်ကို သတိကြီးစွာနဲ့ စောင့်ကြည့်ဖို့ လိုပါတယ်” လို့ မူဝါဒဆိုင်ရာ စီးပွားရေးပညာရှင် ဒေါက်တာအောင်ကိုကိုက သုံးသပ်ပါတယ်။

ရခိုင်ပဋိပက္ခကြောင့် အနောက်နိုင်ငံတွေက မြန်မာနိုင်ငံဆီ ရင်းနှီးမြှုပ်နှံမှု မလာကြတော့ဘဲ Sanction လှုပ်ရှားမှုတွေ စတင်လာချိန်မှာ မြန်မာနိုင်ငံအတွက် တရုတ်နဲ့ အာရှနိုင်ငံ အချို့ကိုပဲ မျှော်လင့်ရတော့မှာပါ။ ကမ္ဘာက အမြင်စောင်းနေတဲ့ အခြေအနေမျိုးမှာ လက်ရှိစွမ်းဆောင်ရည်ဟာ အနောက်နိုင်ငံတွေက ရင်းနှီးမြှုပ်နှံမှုတွေ တစ်ဟုန်ထိုး တိုးဝင်လာဖို့ ဘယ်လိုမှ မဖြစ်နိုင်ပါဘူး။ ပိုပြီးဆိုးနေတာက မြန်မာ့အဓိက ကုန်သွယ်ဖက်နဲ့ ရင်းနှီးမြှုပ်နှံမှုနိုင်ငံဖြစ်တဲ့ တရုတ်နိုင်ငံသာ ကမ္ဘာ့စီးပွားပျက်ကပ်မှာ ပြိုဆင်းသွားရင် OBOR မှာပါလာမယ့် ကျောက်ဖြူရေနက်ဆိပ်ကမ်း စီမံကိန်း၊ ကျောက်ဖြူ အထူးစီးပွားရေးဇုန်စီမံကိန်း၊ ကျောက်ဖြူ-ကူမင်း ရထားလမ်း၊ ထိုင်းနိုင်ငံအထိ ဖောက်လုပ်ဖို့ရှိတဲ့ အမြန်ရထားလမ်း စီမံကိန်းတွေနဲ့ တရုတ် CCCC ကို ပုံအပ်ထားတဲ့ ရန်ကုန်မြို့သစ် စီမံကိန်းတွေဟာ အဟောသိကံ ဖြစ်သွားနိုင်ပါတယ်။ အနောက်နိုင်ငံတွေဆီက ရင်းနှီးမြှုပ်နှံမှု တွေကလည်း အယုံအကြည်မရှိလို့ မလာ။ တရုတ်ကလည်း ပြိုဆင်းသွားမယ်ဆိုရင် ဒီကုန်သွယ်ရေး စစ်ပွဲမှာ အထိအနာနိုင်ဆုံး နိုင်ငံဟာ မြန်မာနိုင်ငံ ဖြစ်သွားမှာ မြေကြီးလက်ခတ်မလွဲ ဖြစ်နိုင်ပါတယ်။ ဒီအခြေအနေတွေကို ကျော်ဖြတ်နိုင်ဖို့ကတော့ လက်ရှိအစိုးရရဲ့ စွမ်းဆောင်ရည်ကိုပဲ စောင့်ကြည့်ရမှာဖြစ်ပြီး အရင်ကထက် စွမ်းဆောင်ရည် မြင့်တက်ပါစေ။ မြန်မာကို ကမ္ဘာကြည့်ကြည့်ပြီး မဟာဗျုဟာမြောက် ပြင်ဆင်နိုင်ပါစေလို့ပဲ ဆုတောင်းရမှာပါ။

 

ဆိုင်ကယ်သော့တောင်းရာမှ အလုပ်ရှင်၊ အလုပ်သမား စကားများကာ ရန်ပွဲဖြစ်ပွားခဲ့ပြီးနောက် ကျောက်ဝိုင်းတွင် လူစုလူဝေးဖြစ်ပေါ်

ကျောက်ထုတူဖြင့် ထုရိုက်ခဲ့သူအား တာဝန်ရှိသူများက ထိန်းသိမ်းနေစဉ် (ဓာတ်ပုံ-ဇော်ဦးကို)

မန္တလေးမြို့ ကျောက်ဝိုင်းတွင် ဆိုင်ကယ် သော့တောင်းရာမှ အလုပ်ရှင်နှင့် အလုပ်သမား စကားများကာ ရန်ပွဲဖြစ်ပွားခဲ့ပြီးနောက် လူစုလူဝေးဖြစ်ပွားခဲ့ကြောင်း သိရသည်။

ဇွန် ၂၂ ရက် နံနက် ၉ နာရီ ၁၅ မိနစ်က မဟာအောင်မြေမြို့နယ် ဒေးဝန်းအရှေ့ရပ်ကွက် မဟာအောင်မြေ ကားဝန်းတိုက်တန်း ရတနာနတ်မယ်တိုက်ခန်းနေဦးလောက်ဆန်၏သား ဟိန်းဇော် (ခ) အငယ်လေး ကျောက်ပွဲ စားလုပ်ကိုင်သူသည် အပြင်သွားရန်အတွက် အဆိုပါနေအိမ်မှ အိမ်အကူ ဒေါ်ငွေကြည်အား ဆိုင်ကယ်သော့သွားယူခိုင်းရာ ဒေါ်ငွေ ကြည်က ဆိုင်ကယ်သော့ထားသည့် နေရာကိုမသိသဖြင့် မယူပေးနိုင်ကြောင်းပြောရာမှ စကားများရန်ဖြစ်ခဲ့ခြင်းဖြစ်သည်။

ယင်းနောက် အငယ်လေး (ခ) ဟိန်းဇော် က ဆဲဆိုခဲ့ပြီး ဟင်းလှီးဓားနှစ်ချောင်းကိုင်ကာ ဒေါ်ငွေကြည်အား ချိန်ရွယ်ခဲ့ကြောင်း၊ ဒေါ် ငွေကြည်၏ အမျိုးသားဖြစ်သူ ဦးဝင်းမြင့်နိုင်က ၎င်း၏ဇနီးအား ဆဲဆိုသည်ကို မကျေနပ် သဖြင့် အနီးရှိ တုတ်နှစ်ချောင်းဖြင့် ရိုက်မည် ပြုရာ ဟိန်းဇော်က အနီးရှိ ကျောက်ထုတူ (အသေး) ဖြင့် ဦးဝင်းမြင့်နိုင်နဖူးအား ထုခဲ့ရာ နဖူးတွင် ပေါက်ပြဲဒဏ်ရာရခဲ့သဖြင့် ဆေးရုံ ကြီးသို့ ပို့ဆောင်ပေးခဲ့ကြောင်း သိရသည်။

အဆိုပါဖြစ်စဉ်အား တရုတ်-ဗမာ ရန်ဖြစ်သည်ဟု ကောလာဟလပြန့်ပွားလာသဖြင့် လူအများ ၀ိုင်းအုံလာသောကြောင့် ကျောက်မျက်ဈေးကော်မတီဝင်များ၊ ရပ်ကွက်အုပ်ချုပ်ရေးမှူးများက ဖြေရှင်းပေးခဲ့ကြောင်း သိရသည်။

“အလုပ်ရှင်က တရုတ်ပါ။ အလုပ်သမားက ဗမာပါ။ အလုပ်သမားက ဆိုင်ကယ်သော့ တောင်းရာကနေ စကားများပြီး ဆင်စွယ်တူနဲ့ အလုပ်ရှင်တူက ထုလိုက်တယ်။ အဲဒီကနေ စကားများရန်ဖြစ်ပြီး ကျောက်ဝိုင်းအကျိုးတော် ဆောင်အဖွဲ့ကို လာတိုင်တယ်။ ကျွန်တော်တို့ ဖြေရှင်းပေးပြီး သက်ဆိုင်ရာနယ်ထိန်းက တူနဲ့ထုတဲ့တရုတ်ကို လက်ထိတ်ခတ်ပြီး စခန်းကို ပို့ဖို့ ဆိုင်ကယ်ပေါ်တင်နေတဲ့အချိန်မှာ အပြင်ကကြည့်နေတဲ့လူအုပ်ထဲက တစ်ယောက်က ခဲနဲ့လှမ်းပေါက်တာကနေစပြီး လူစုလူဝေးဖြစ် ပေါ်သွားတယ်။ ဒါပေမဲ့ ခဏအတွင်းမှာပဲ လူစုခွဲနိုင်ပါတယ်။ အဲဒီ တရုတ်တွေကိုလည်း အခု အမှတ် (၇) ရဲစခန်းမှာ ခေါ်ယူစစ်ဆေး အမှုဖွင့်ထားပါတယ်။ ဒဏ်ရာရတဲ့သူကိုလည်း ဆေးရုံကြီး အရေးပေါ်ဌာနမှာ ဆေးကုသမှုခံယူပြီး ဒဏ်ရာသက်သာလို့ အခုပြန်ဆင်းသွားပါပြီ” ဟု ကျောက်ဝိုင်းအကျိုးတော်ဆောင် ကော်မတီဝင်တစ်ဦးက ပြောကြားသည်။

အဆိုပါ အမှုအား ၂၁၇/၂၀၁၈/၂၉၄ (ဆဲဆိုမှု) ၃၂၅ (အပြင်းအထန်နာကျင်စေမှု) တို့ဖြင့် ဟိန်းဇော် (ခ) အငယ်လေးအား အမှတ် (၇) ရဲစခန်းတွင်အမှုဖွင့်ထားကြောင်း အမှတ် (၇) ရဲစခန်းတာဝန်ရှိသူတစ်ဦးက ဆိုသည်။

ယင်းဖြစ်စဉ်နှင့်ပတ်သက်ပြီး လူမှုကွန်ရက်စာမျက်နှာ Facebook တွင် မန္တလေး ကျောက်ဝိုင်း၌ တရုတ်နှင့်မြန်မာ ပြဿနာ ဖြစ်ပွားကြောင်း၊ တရုတ်က မြန်မာကို တူဖြင့် လိုက်ထုသဖြင့် ခေါင်းကွဲကာ ဆေးရုံပို့လိုက်ရကြောင်း၊ စည်ပင်ရဲနှင့် နယ်ထိန်းကို လှမ်း ခေါ်ရာ နယ်ထိန်းတော်တော်နှင့်မလာသဖြင့် လူများလာကြောင်း၊ နယ်ထိန်းရောက်လာပြီး လက်ထိတ်ထုတ်ရာမှ ဘေးက၀ိုင်းနေသည့် လူအုပ်နှင့် စကားများရာမှ ရုန်းရင်းဆန်ခတ် ဖြစ်ပွားခဲ့ကြောင်း ရေးသားဖော်ပြချက်များ ပျံ့နှံ့လျက်ရှိသည်ကို တွေ့ရသည်။