မြန်မာ-တရုတ် ကုန်စည်ပို့ဆောင်နေသည့် ယာဉ်ပိုင်ရှင်များ သွင်းကုန်၊ ပို့ကုန်နည်းနေခြင်းကြောင့် အခက်တွေ့

သြဂုတ် ၃၀ ရက်က မိုးသည်းထန်စွာ ရွာသွန်းခဲ့ပြီး တရုတ်-မြန်မာနယ်စပ်မှ စီးဆင်းလာသည့် နန့်စလီးချောင်းမှာ ရုတ်တရက် ရေမြင့်တက်လာခဲ့ကာ ဗန်းမော်မြို့အထွက် ကားလမ်း သုံးပေခန့်အထိ ရေကျော်ခဲ့စဉ်

မြန်မာ-တရုတ် ကုန်ပို့ဆောင်နေသည့် မော်တော်ယာဉ်ပိုင်ရှင်များ သွင်းကုန်၊ ပို့ကုန် နည်းပါးခြင်းကြောင့် အခက်တွေ့နေကြောင်း ကားလုပ်ငန်းရှင်များက ပြောကြားသည်။

ကချင်ပြည်နယ်တွင် တရုတ်နိုင်ငံနှင့် ကုန်သွယ်မှု ပြုလုပ်နေသည့် တရားဝင်လမ်းကြောင်းမှာ မြစ်ကြီးနား-၀ိုင်းမော်-ကန်ပိုင်တည် လမ်းကြောင်းနှင့် ဗန်းမော်-မိုးမောက်- လွယ်ဂျယ် လမ်းပိုင်းတို့ဖြစ်ပြီး ဗန်းမော်-မိုး မောက် လွယ်ဂျယ် လမ်းပိုင်းမှာ လမ်းပိုင်းပျက်စီးမှုကြောင့် ၁၀ ဘီးအထက်ယာဉ်များကို ခွင့်ပြုချက် မရသောကြောင့် ရပ်နားထားရကြောင်း သိရသည်။

မြစ်ကြီးနား-ကန်ပိုင်တည် လမ်းကြောင်းတွင် ကုန်တင်ယာဉ်ရှစ်စီးဖြင့် ပြေးဆွဲနေသည့် ကုန်သည်ဒေါ်တူးက “ကားလုပ်ငန်းတွေ ဒီလမ်းပိုင်းမှာ ရပ်နားရတာက သုံးလကျော်သွားပြီ။ အဓိက,က အရင်နှစ်တွေက သွင်းကုန်တွေထဲမှာ ဘိလပ်မြေတွေကို တစ်လအစီး ၁၀၀ လောက်တင်ရတယ်။ ဒီကထွက်တော့ ပြောင်း၊ ဆန်ပေါ့။ အခုက ဘိလပ်မြေတွေက တရုတ်ဘက်က မ၀င်တော့ဘူး။ မြန်မာဘက်က အလုံအလောက် ထွက်နေပြီ။ ဒီကထွက်ကုန်ဖြစ်တဲ့ ပြောင်းကျတော့ ငှက်ပျောခင်းတွေ ဖြစ်ကုန်တယ်။ စပါးကျတော့ မထွက်သေးဘူး။ ကန်ပိုင်တည်ဘက်ထွက်တဲ့ ကုန်ကားလုပ်ငန်းရှင်တွေအားလုံး ဒုက္ခရောက်နေကြတယ်။ တရုတ်နိုင်ငံက ဒီမှာလာစိုက်တဲ့ ငှက်ပျောခင်းတွေကလည်း တရုတ်နိုင်ငံကနေ တိုက်ရိုက်တွေချည်း ၀င်နေတော့ ဒီကဘာမှ ၀င်လို့မရဘူး။ အစိုးရအဖွဲ့ကလည်း ဒီပြဿနာတွေကို တင်ပြပေမယ့် ဘာမှမလုပ်ပေးနိုင်ဘူး။ ကျွန်မတို့ အခုဆွေးနွေး နေကြတယ်” ဟု ပြောကြားသည်။

ကချင်ပြည်နယ် ဗန်းမော်ခရိုင်မှ တရုတ်နိုင်ငံသို့ နယ်စပ်ကုန်သွယ်ရေးလမ်းကြောင်း ဖြစ်သည့် ဗန်းမော်-မိုးမောက်-လွယ်ဂျယ် လမ်းပိုင်းပျက်စီးနေမှုကြောင့် ၁၀ ဘီးနှင့် အထက်ယာဉ်များ သြဂုတ် ၂၅ ရက်မှစတင်ကာ အောက်တိုဘာ ၁၅ ရက်အထိ သွားလာခွင့် ပိတ်ထားဆဲဖြစ်သည်။

ဗန်းမော်မြို့မှ ကားဆရာ ဦးထွန်းက “ဒီမှာက ၁၀ ဘီးနဲ့အထက်ယာဉ် မှတ်ပုံတင်ထားတာ ၁၈၀ လောက်ရှိတယ်။ လွယ်ဂျယ်လမ်းကပိတ်တော့ အားလုံးအလုပ်ပျက်ကုန်တာ။ ဗန်းမော်က ကားဆရာတွေ ကံဆိုးတဲ့နှစ်ပါ။ ကုန်သည်တွေကျတော့ အ၀တ်အထည်တို့၊ သံထည်တို့ သွင်းတာကို နေပြည်တော်မှာ ဂျူတီကြိုဆောင် ထားရတယ်။ အခုလမ်းပျက်တော့ အချိန်ထပ်ပေးဖို့ စာတော့တင်တယ်။ ဘာမှတော့ အကြောင်းမကြား ရသေးဘူး။ အခုက တရုတ်ကလာတဲ့ ၂၁ ပေ၊၂၇ ပေ တုန်ဖုန်းဝစ်သောက် (လိုင်စင်မဲ့) တွေနဲ့ မှောင်ခိုသယ်နေကြတယ်။ လမ်းပိုင်အကြောင်းကတော့ ပြောင်းဖူးကျောက်စီလမ်းကို တရုတ်လက်ကနေ မြန်မာဘက်က လွှဲယူတော့ ပျက်တာပဲ။ တရုတ်လက်ထဲမှာ လမ်းကြောင်းတစ်ခုလုံးကို လူနှစ်ယောက်ထဲက ကျောက်စခန်း-စိန်လုံတစ်ဖြတ်၊ စိန်လုံ-လွယ်ဂျယ်တစ်ဖြတ် နှစ်ယောက်ထဲလုပ်တာ။ အားလုံး အိုကေပဲ။ ကုန်သည်ရော၊ ကားဆရာတွေရော အားလုံးက တရုတ်လက်ထဲပဲ ပြန်အပ်စေချင်တယ်။ ကွန်ကရစ်လမ်းတွေ၊ ကတ္တရာလမ်းတွေထက် ဒီလမ်းပိုင်းက တောင်တက်၊ တောင်ဆင်း၊ အကွေ့တွေများတော့ ပြောင်းဖူးကျောက်စီ လမ်းက အကောင်းဆုံးပဲ။ မချောတော့ဘူး။ တာယာတော့ ပါးတာပေါ့” ဟု ပြောကြားသည်။

ကချင်ပြည်နယ် အစိုးရအဖွဲ့ ဘဏ္ဍာ၊ အခွန်၊ စီမံကိန်းနှင့် စီးပွားရေးဝန်ကြီး ဦးဝေလင်းက နယ်စပ်ကုန်သွယ်မှုတွင် ဘိလပ်မြေများ ပြည်တွင်းထုတ် ပိုမိုရရှိလာသဖြင့် နယ်စပ်မှ တင်သွင်းမှု လျော့ကျခဲ့ကြောင်း၊ အခြားသော ဆောက်လုပ်ရေးလုပ်ငန်းသုံး ပစ္စည်းများ၊ လူသုံးကုန်များ တင်သွင်းရကြောင်း၊ တစ်ရှူးငှက်ပျော စိုက်ခင်းများနှင့် ပတ်သက်၍ ငှက်ပျောတင် တွဲကားများကိုသာ အစားထိုးမှု မလုပ်နိုင်သဖြင့် သီးသန့်ဝင်ခွင့် ပြုထားပြီး အခြားသောယာဉ် အမျိုးအစားများကို လွန်ခဲ့သောလကတည်းက ၀င်ခွင့်မပြုတော့ကြောင်း ပြောကြားသည်။

 

တရုတ်ဝယ်လိုအား မြင့်တက်မှုကြောင့် မြန်မာနိုင်ငံ ၀ါစိုက်ပျိုးမှု မြင့်တက်လာပြီး တောင်သူများ ဈေးကောင်းရနေ

မန္တလေးတိုင်းဒေသကြီးရှိ ၀ါစိုက်ခင်းတစ်ခုကို တွေ့ရစဉ်

တရုတ်နိုင်ငံ၏ ၀ါဝယ်လိုအားသည့် ယခင်နှစ်များထက် ၀ယ်ယူမြင့်တက်လာမှုကြောင့် မြန်မာနိုင်ငံ ၀ါစိုက်ပျိုးမှု မြင့်တက်လာပြီး တောင်သူများ ဈေးကောင်းရနေသည်ဟု စက်မှုသီးနှံ စိုက်ပျိုးပညာပေးရေးမှ ဒုတိယ ညွှန်ကြားရေးမှူးချုပ် ဦးဇော်ထွန်းမြင့်က ပြောကြားသည်။

“ကျွန်တော်တို့ နိုင်ငံအနေအထား ကြည့်ရင် လက်ရှိဝါစိုက်ပျိုးထုတ်လုပ်မှုက အများကြီး တိုးတက်လာတာကို တွေ့ရပါ တယ်။ ၀ါဈေးနှုန်းက တစ်ပိဿာကို အရင်ဆို ကျပ် ၁၁၀၀၊ ၁၂၀၀ လောက်ကနေအခုဆိုရင် ၁၅၀၀ ကျော်ထိကို ရောက်သွားတဲ့ အနေအ ထားဖြစ်ပါတယ်။ ဒါကလည်း တရုတ်နိုင်ငံရဲ့ ၀ယ်လိုအားမြင့်တက်လာမှု ဖြစ်ပါတယ်။ ရေရှည်မှာလည်း ၀ယ်မယ့်အနေအထားရှိပါ တယ်။ ဒါကြောင့် ၀ါစိုက်မယ်ဆိုရင် အင်မတန် တွက်ခြေကိုက်တဲ့ သီးနှံဖြစ်လာပြီ ဖြစ်တဲ့အတွက် စိုက်ရေး၊ ပျိုးရေးတစ်ခုတည်းတင် လုပ်နေမှာ မဟုတ်ဘဲ အထွက်နှုန်းတိုးတာတွေ၊ ဖြန့်ဖြူးရောင်းချတာတွေ ကုန်ချော ထုတ်တာတွေထိလုပ်ဖို့ လိုအပ်ပါတယ်။ လက်ရှိမှာလည်း ကျွန်တော်တို့နိုင်ငံက ချည်ခင်တွေက နိုင်ငံခြားကနေ တင်သွင်းနေရတာပါ။ နောက်ဆုံး အပ်ချည်လုံးကအစ နိုင်ငံခြားက ၀ယ်သုံးနေရတယ်။ ပြည်ပကိုထွက်တဲ့ငွေတွေ လျော့နည်းအောင် ဆိုရင်တော့ ကျွန်တော်တို့နိုင်ငံမှာ ကုန်ချောထုတ်တဲ့ စက်ရုံတွေ တည်ထောင်ဖို့ လိုအပ်ပါတယ်။ စပ လိုင်းချိန်းတစ်ခုလုံးကို ဖွံ့ဖြိုးတိုးတက်အောင် လုပ်မယ်ဆိုရင် ကျွန်တော်တို့ဆီမှာရှိတဲ့ ၀ါစိုက်တောင်သူတွေရော၊ ၀ါလုပ်ငန်းနဲ့ ဆက်နွှယ်ပတ်သက် လုပ်ကိုင်နေတဲ့ လုပ်ငန်းရှင်တွေအားလုံး အဆင်ပြေမှာ ဖြစ်ပါတယ်” ဟု ဦးဇော်ထွန်းမြင့်က ပြောကြားသည်။

လက်ရှိတွင် ပြည်ပမှချည်ခင်များအပြင် အပ်ချည်လုံးကအစ ၀ယ်ယူသုံးစွဲနေရကြောင်း ပြည်ပထွက်ငွေ လျော့နည်းအောင် ပြုလုပ်မည်ဆိုပါက မြန်မာနိုင်ငံမှ ထွက်ရှိသည့် ကုန်ကြမ်းများအတွက် ကုန်ချောထုတ်စက်ရုံများ တည်ထောင်ရန် လိုအပ်ကြောင်း၊ ထုတ်လုပ်မှု တိုးတက်လာပြီး ကုန်ချောထုတ်လုပ်မှု အပိုင်းကို မဖြစ်မနေ တိုးမြှင့်ပေးရန် လိုအပ်လာသည့်အတွက် စိုက်ပျိုးသည့်တောင်သူ များကုန်သည်များ၊ စက်မှုလုပ်ငန်းရှင်များ ပူးပေါင်းကာ ကဏ္ဍကြီးတစ်ခုလုံး ဖွံ့ဖြိုးတိုးတက်အောင် ဆောင်ရွက်ရမည်ဖြစ်ကြောင်း၊ မန္တလေးတိုင်း ဒေသကြီးအတွင်း ၂၀၁၇-၂၀၁၈ ဘဏ္ဍာနှစ်တွင် ၀ါမျိုးစုံ ၁၈၁၉၇၉ ဧက စိုက်ပျိုးနိုင်ခဲ့သော်လည်း လျာထားချက်ကို အကောင်အထည်ဖော်နိုင်မှု အနေဖြင့် ၇၀ ဒသမ ၁၈ ရာခိုင်နှုန်း ဆောင်ရွက်နိုင်ခဲ့ပြီး ၎င်းစိုက်ဧကအနက် ချည်မျှင်ရှည်ဝါ စိုက်ဧက ၁၅၉၉၃၁ ဧက ပါဝင်ကြောင်း သိရသည်။

ငွေချည် -၆ ချည်မျှင်ရှည်ဝါမျိုးသည် တစ်ဧကလျှင် ပိဿာ ၁၀၀၀ ထိနှင့် ရွှေ တောင် – ၈ နှင့် ငွေချည်- ၉ ချည်မျှင်ရှည်ဝါ မျိုးသစ်သည် တစ်ဧကလျှင် ပိဿာတစ်ထောင်ကျော် ထွက်ရှိနိုင်သည့်အပြင် အခြားသော နှစ်လိုဖွယ်ရာ အရည်အချင်းများနှင့် ပြည့်စုံသော ၀ါမျိုးဖြစ်ကြောင်း၊ စိုက်ပျိုးရာ တွင် တစ်ဧကတွင် ကုန်ကျစရိတ် အနေဖြင့် စုစုပေါင်းကုန်ကျစရိတ်မှ ငွေချည် -၆ ချည် မျှင်ရှည်ဝါမျိုး၌ တစ်ဧကလျှင် ငွေကျပ်သုံးသိန်းကျော် ဖြစ်ပြီး ၀င်ငွေအနေဖြင့် ၁၀ သိန်း ရရှိပြီးဖြစ်ကာ တစ်ဧကအသားတင်အမြတ် ငွေမှာ ကျပ် ခြောက်သိန်းကျော် ရရှိမည်ဖြစ်ပြီး ရွှေတောင် -၈ နှင့် ငွေချည်- ၉ ချည်မျှင် ရှည် ၀ါမျိုးသစ်မှာ တစ်ဧကလျှင် ငွေကျပ် ခြောက်သိန်းကျော်ဖြစ်ပြီး အနည်းဆုံး ပိဿာ ၁၀၀၀ ထွက်ရှိပါက တစ်ပိဿာကျပ် ၁၀၀၀ နှုန်းဖြင့် ရောင်းချငွေ ၁၀ သိန်းရရှိမည်ဖြစ်ကာ တစ်ဧက အသားတင် အမြတ်ငွေမှာ သုံးသိန်းကျော် ရရှိမည်ဖြစ်ပြီး တောင်သူများ အနေဖြင့် ချည်မျှင်ရှည်ဝါမှာ စိုက်ပျိုးသင့်သည့် သီးနှံ့တစ်ခုဖြစ်ကြောင်း မန္တလေးတိုင်းဒေသကြီး စိုက်ပျိုးရေး ဦးစီးဌာနမှ သိရှိရသည်။

 

အမေရိကန်နှင့် ကုန်သွယ်မှုတွင် တရုတ်က ပိုငွေပြမှု သြဂုတ်လတွင် ဒေါ်လာ ၃၁ ဘီလျံဖြင့် စံချိန်သစ်တင်

မတ် ၂၃ ရက်တွင် ပေကျင်း၌ အမေရိကန် အ၀တ်အစား စတိုးဆိုင် တစ်ဆိုင်ရှေ့မှ နှာခေါင်းစည်း တပ်ထားသော အမျိုးသမီးတစ်ဦး ဖြတ်သန်းသွားစဉ် (Photo : AP)

အမေရိကန်နှင့် ကုန်သွယ်မှုတွင် တရုတ်ဘက်မှ ပိုငွေပြမှုသည် သြဂုတ်လ၌ ဒေါ်လာ ၃၁ ဘီလျံနှင့် စံချိန်သစ်တင်ခဲ့ကြောင်း တရားဝင် စာရင်းအင်းများက စက်တင်ဘာ ၈ ရက်တွင် ဖော်ပြခဲ့ပြီးနောက် ကုန်သွယ်ရေးစစ်ပွဲ မီးတောက်ကို ပိုမိုကြီးမား စေခဲ့သည်။

အမေရိကန်သို့ တင်သွင်းသော တရုတ်ကုန်ပစ္စည်းများကို စည်းကြပ်ခွန်များ ပြဋ္ဌာန်းရန် သမ္မတ ဒေါ်နယ်ထရန့်က ခြိမ်းခြောက်ခဲ့ပြီးနောက် အကောက်ခွန်ဌာနမှ စာရင်းအင်းများ ထုတ်ပြန်ခဲ့ခြင်းဖြစ်သည်။ လနှင့်ချီ ကြာမြင့်သော ကုန်သွယ်ရေး အငြင်းပွားမှုတွင် ပိတ်မိနေသော ကမ္ဘာ့အင်အား အကြီးဆုံး စီးပွားရေး နှစ်နိုင်ငံသည် စေ့စပ်ညှိနှိုင်းမှုများ ဆောင်ရွက်နေသော်လည်း အရာမထင် ဖြစ်နေသည်။

ဇူလိုင်လတွင် ဒေါ်လာ ၃၄ ဘီလျံ တန်ဖိုးရှိသော တရုတ်ကုန်ပစ္စည်းများကို အခွန် ၂၅ ရာခိုင်နှုန်း ပြဋ္ဌာန်းရန် ထရန့်က ညွှန်ကြားခဲ့သည်။ ထို့နောက် ထရန့်က သြဂုတ်လတွင် နောက်ထပ် ဒေါ်လာ ၁၆ ဘီလျံတန်ဖိုးရှိသော ကုန်ပစ္စည်းများကို စည်းကြပ်ခွန်များ ထပ်မံပြဋ္ဌာန်းခဲ့သည်။ တရုတ်ကလည်း လက်တုံ့ပြန်ရန် စည်းကြပ်ခွန်များ ပြဋ္ဌာန်းခဲ့သည်။

တရုတ်ကုန်ပစ္စည်းများကို စည်းကြပ်ခွန်များ ပြဋ္ဌာန်းသော်လည်း အမေရိကန်တွင် တရုတ်လုပ် ထုတ်ကုန်များအား ၀ယ်ယူလိုမှု ထိခိုက်ခဲ့ဖွယ်မရှိပေ။ သြဂုတ်လတွင် အမေရိကန်သို့ တရုတ်သွင်းကုန် တင်သွင်းမှုသည် ဒေါ်လာ ၄၄.၄ ဘီလျံဖိုးအထိ မြင့်တက်ခဲ့ပြီး ယမန်တစ်နှစ်ကထက် ၁၃.၂ ရာခိုင်နှုန်း မြင့်တက်ခဲ့သည်။

အမေရိကန်က တရုတ်သို့ တင်ပို့မှုသည် ဒေါ်လာ ၁၃.၃ ဘီလျံရှိခဲ့ပြီး ယခင်တစ်နှစ်ကထက် နှစ်ရာခိုင်နှုန်း တိုးတက်ခဲ့ကြောင်း အကောက်ခွန် စာရင်းအင်းများက ဆိုသည်။ အမေရိကန်နှင့် ကုန်သွယ်မှုတွင် တရုတ်၏ ပိုငွေပြမှုသည် သြဂုတ်လတွင် ထပ်မံမြင့်တက်ခဲ့ပြီး ယမန်တစ်နှစ် အလားတူ ကာလကထက် ၁၈.၇ ရာခိုင်နှုန်း မြင့်တက်ခဲ့ကြောင်း စာရင်းအင်းများက တွေ့ရှိခဲ့သည်။ အမေရိကန်နှင့် ကုန်သွယ်ရာတွင် တရုတ်၏ ပိုငွေပြမှုသည် မြင့်တက်ခဲ့သော်လည်း ကျန်ကမ္ဘာနှင့် ကုန်သွယ်မှု၌ ဒေါ်လာ ၂၇.၉ ဘီလျံပိုငွေပြခဲ့ပြီး တည်ငြိမ်နေခဲ့သည်။

ထရန့်က ကုန်သွယ်ရေး စစ်ပွဲများသည် အလွယ်တကူ အနိုင်ရနိုင်ကြောင်း ကြွားဝါထားပြီး ကုန်သွယ်ရေး ပိုငွေပြမှုကို လျှော့ချရန်အတွက် တရုတ်အစိုးရက အရေးယူ ဆောင်ရွက်မှုမရှိလျှင် တရုတ်သွင်းကုန်အားလုံးကို စည်းကြပ်ခွန် ပြဋ္ဌာန်းမည်ဟု ခြိမ်းခြောက်ထားသည်။

ဒေါ်လာ ၂၀၀ ဘီလျံတန်ဖိုးရှိသော တရုတ်ကုန်ပစ္စည်းများကို စည်းကြပ်ခွန်များ ထပ်မံပြဋ္ဌာန်းမည်ဟု စက်တင်ဘာ ၇ ရက်တွင် ထရန့်က သတိပေးခဲ့သည်။ ဒေါ်လာ ၆၀ ဘီလျံတန်ဖိုးရှိသော အမေရိကန် ထုတ်ကုန်များကို စည်းကြပ်ခွန် ပြန်လည်ပြဋ္ဌာန်းမည်ဟု ပေကျင်းက သတိပေးခဲ့သည်။

စည်းကမ်းထိန်းချုပ်မှုများ တင်းကျပ်ခြင်းနှင့် အခြားစီမံခန့်ခွဲမှု နည်းလမ်းများဖြင့် တရုတ်က လက်တုံ့ပြန်နိုင်ပြီး ၎င်းတို့ လက်ဝယ်ထားရှိသော အမေရိကန်ဘဏ္ဍာရေး အာမခံ ငွေကြေးစာချုပ်များကိုပင် ထုတ်ရောင်းချ နိုင်သည်ဟု စီးပွားရေး လုပ်ငန်းများက သတိပေးထားသည်။ တရုတ်ကုန်ပစ္စည်း နောက်ထပ် ဒေါ်လာ ၂၆၇ ဘီလျံဖိုးကို စည်းကြပ်ခွန်ပြဋ္ဌာန်းရန် အသင့်ရှိကြောင်း ထရန့်က မြောက်ဒါကိုတာပြည်နယ်ရှိ ဖာရိမြို့သို့ သွားစဉ်တွင် သတင်းထောက်များကို ပြောကြားခဲ့သည်။

Ref : AFP

တရုတ်၏ တံတားစီမံကိန်းသစ်ကြောင့် မော်လ်ဒိုက်၏ ကြွေးမြီအကျပ်အတည်း ပိုမိုနက်ရှိုင်းစေခဲ့ဟု အတိုက်အခံတို့ ဝေဖန်

သြဂုတ် ၃၀ ရက်တွင် မော်လ်ဒိုက်ရှိ တရုတ်-မော်လ်ဒိုက် ချစ်ကြည်ရေးတံတားအား ဝေဟင်မှ ရိုက်ကူးထားစဉ် (Photo : Xinhwa)

မော်လ်ဒိုက် အတိုက်အခံပါတီ MDP က သမ္မတ အဗ္ဗဒူလာယာမင်သည် တရုတ်၏ တံတားစီမံကိန်းသစ်ဖြင့် နိုင်ငံကို ကြွေးမြီအကျပ်အတည်းအတွင်း ပို၍နက်ရှိုင်းစွာ ကျဆင်းစေခဲ့ကြောင်း သြဂုတ် ၃၁ ရက်တွင် ဝေဖန်ခဲ့သည်။ စက်တင်ဘာ ၂၃ ရက် ရွေးကောက်ပွဲမတိုင်မီ ဖွင့်လှစ်ခဲ့သော ထိုတံတား စီမံကိန်းသစ်သည် လူဦးရေ ၃၄၀၀၀၀ သာရှိသော ဆွန်နီမွတ်စလင်နိုင်ငံအတွက် ခေတ်သစ်အာရုဏ်ဦးဖြစ်ကြောင်း တံတားဖွင့်ပွဲတွင် သမ္မတယာမင်က ပြောကြားခဲ့သည်။ ဒေါ်လာသန်း ၂၀၀ ကျော်ကုန်ကျသော ယင်းစီမံကိန်းကို သြဂုတ် ၃၀ ရက်ညတွင် တရုတ်မီးရှူးမီးပန်းများဖြင့် အလှဆင် ဖွင့်လှစ်ခဲ့သည်။

၁.၄ ကီလိုမီတာ (၀.၉ မိုင်) ရှည်လျားသော သုံးလမ်းသွားတံတားသည် ယာဉ်ကြောကျပ်တည်းနေသော မြို့တော် မာလီမှ လေဆိပ်ကို ချိတ်ဆက်ပေးထားသည်။ ယင်းတံတားသည် ယာမင်၏ ခြစားမှုအတွက် အမှတ်သင်္ကေတ တစ်ခုဖြစ်ကြောင်း အတိုက်အခံ MDP ပါတီက ပြောကြားခဲ့သည်။

အစိုးရကမူ ခြစားမှုစွပ်စွဲချက်များကို အကြိမ်ကြိမ် ငြင်းဆိုထားသည်။ မော်လ်ဒိုက်၏ ပြည်ပကြွေးမြီသည် ၂၀၁၈ ခုနှစ်တွင် ဂျီဒီပီ၏ ၄၂. ၈ ရာခိုင်နှုန်းရှိခဲ့ပြီး ၃၈.၂၉ ရှိခဲ့ သော ၂၀၁၇ ခုနှစ်ကထက် မြင့်တက်လာခဲ့သည်ဟု အပြည်ပြည်ဆိုင်ရာ ငွေကြေးရန်ပုံငွေအဖွဲ့ IMF က ပြောကြားထားသည်။

၂၀၁၃ ခုနှစ်က ရွေးကောက်ပွဲ မဲဆွယ်လှုပ်ရှားမှုတွင် တံတားစီမံကိန်းကို ယာမင်က ကတိပြုခဲ့ပြီး အခြေခံ အဆောက်အအုံ ဖွံ့ဖြိုးရေးသည် အဓိက လုပ်ငန်းစဉ်ဖြစ်ကြောင်း ပြောကြားခဲ့သည်။ ၂၀၁၄ ခုနှစ်တွင် တရုတ်သမ္မတ ရှီကျင်ပင်း မော်လ်ဒိုက်သို့ ရောက်ရှိခဲ့ချိန်တွင် စီမံကိန်းကို စတင်ခဲ့ခြင်းဖြစ်ပြီး တရုတ်၏ ဒေါ်လာ ၁ ထရီလျံ ရင်းနှီးမြှုပ်နှံမှုရှိသော ပတ်လမ်းရပ်ဝန်းစီမံကိန်းကို မော်လ်ဒိုက်က ထောက်ခံမည်ဟု ကတိပြုထားခဲ့သည်။

တရုတ်နိုင်ငံပိုင်ဘဏ် EXIM မှ ချေးငွေများနှင့် အစိုးရချေးငွေတို့ဖြင့် တံတားစီမံကိန်းကို ဆောင်ရွက်ခဲ့ခြင်း ဖြစ်ကြောင်း မော်လ်ဒိုက်အိမ်ရာရေးရာဝန်ကြီး မိုဟာမက်မူအစ်က မေလတွင် ပြောကြားခဲ့သည်။

မိုင် ၅၀၀ ကျော်ထိ ကျယ်ပြန့်သော သန္တာကျွန်းစု ၁၁၉၂ ခုဖြင့် ဖွဲ့စည်းတည်ရှိသော မော်လ်ဒိုက်သည် အရှေ့အနောက် ရေကြောင်းကုန်သွယ်ရေး လမ်းကြောင်းတွင် မဟာဗျူဟာကျကျ တည်ရှိသည်။

ပြီးခဲ့သည့် ဖေဖော်ဝါရီတွင် သမ္မတယာမင်က ၄၅ ရက်ကြာ အရေးပေါ် အခြေအနေ ပြဋ္ဌာန်းခဲ့ပြီး နောက်ပိုင်းတွင် ဇိမ်ခံခရီးသွားလုပ်ငန်း ဖွံ့ဖြိုးသော မော်လ်ဒိုက်သည် ထိရှလွယ်သော အခြေအနေ၌ ရှိနေခဲ့သည်။ နိုင်ငံ၏ ပထမဆုံး ဒီမိုကရက်တစ်နည်းကျ ရွေးကောက်ခံသမ္မတ မိုဟာမက်နာရှစ်သည် ၂၀၁၃ ရွေးကောက်ပွဲတွင် အငြင်းပွား အခြေအနေများ၌ ရှုံးနိမ့်ခဲ့သည်။

ရွေးကောက်ပွဲ ပထမအကျော့တွင် နာရှစ်က ဦးဆောင်နေခဲ့ပြီးနောက် တရားရုံးချုပ်က ယင်းရွေးကောက်ပွဲ ရလဒ်ကို ပယ်ဖျက်ခဲ့သည်။ ထို့နောက် ရွေးကောက်ပွဲကို နှစ်ကြိမ်တိုင်တိုင် ရွှေ့ဆိုင်းခဲ့ပြီးနောက် ဒုတိယအကျော့ ရွေးကောက်ပွဲတွင် ယာမင်က ပွတ်ကာသီကာ အနိုင်ရခဲ့သည်။ နာရှစ်သည် လာမည့်စက်တင်ဘာ ရွေးကောက်ပွဲတွင်လည်း ၀င်ရောက်ယှဉ်ပြိုင်ခွင့် ပိတ်ပင်ခံထားရသည်။

Ref : AFP

တရုတ်မူကြိုကျောင်းများတွင် နေရာယူလာသည့် စက်ရုပ်ဆရာမျာ

ဇူလိုင် ၃၀ ရက်တွင် ပေကျင်းရှိ ဘက်စုံယဉ်ကျေးမှု ပညာရေးဆိုင်ရာ Yiswind အင်စတီကျုတွင် Keeko စက်ရုပ်အား ကလေးများက ကြည့်ရှုနေစဉ် (Photo : AFP)

တရုတ်မူကြိုကလေးများသည် ၎င်းတို့၏ သင်ထောက်ကူအသစ်ကပေးသော ပဟေဠိများကို ဖြေရှင်းရန် ကြိုးပမ်းရင်း တခစ်ခစ် ရယ်မောလျက် ရှိကြသည်။ ထိုသင်ထောက်ကူအသစ် ဆိုသည်မှာ ဖန်သားပြင်မျက်နှာ တစ်ခုနှင့် ပုပုလုံးလုံး ပုံသဏ္ဌာန်ရှိသည့် ဆရာတစ်ဦးပင် ဖြစ်သည်။

စင်တီမီတာ ၆၀ (နှစ်ပေ) ခန့် အမြင့်သာရှိပြီး ကိုယ်တိုင်ရွေ့လျား ပြုမူနိုင်သော ထိုစက်ရုပ်ဆရာ၏ အမည်မှာ ကီကို ဖြစ်သည်။ ပုံပြင်ပြောနိုင်ခြင်း၊ ဆင်ခြေတွေးခေါ်မှုပိုင်းဆိုင်ရာ ပဟေဠိများနှင့် ကလေးများ၏ စွမ်းရည်စမ်းသပ်ခြင်းတို့ လုပ်ဆောင်နိုင်သော ကီကိုသည် မူကြိုကျောင်းအချို့တွင် လူကြိုက်များ ထင်ရှားနေသည်။

ပုလုံးလုံးပုံစံနှင့် ဘီးငယ်များ တပ်ဆင်ထားသော အဆိုပါ အဖြူရောင်စက်ရုပ်ထဲတွင် နဂိုပါဝင်ပြီးသား ကင်မရာများအပြင် ဗီဒီယို မှတ်တမ်းများကို ဖမ်းထားနိုင်ရန် မျက်နှာပြင်နေရာ၌ ကင်မရာတစ်ခု၊ သွားလာမောင်းနှင်ရန် ဆင်ဆာများ ပါဝင်သည်။

တရုတ်နိုင်ငံတွင် ကုန်စုံဆိုင်မှ ပစ္စည်းများကို သယ်ယူပို့ဆောင်ပေးရန်၊ အသက်အရွယ်ကြီးသူများအတွက် အဖော်ပြုပေးရန်၊ ဥပဒေဆိုင်ရာ အကြံဥာဏ်များ ပေးရန်အတွက် စက်ရုပ်များကို တီထွင်ထုတ်လုပ် နေကြသည်။ ယခု စက်ရုပ်ကီကိုအား တီထွင်သူများမှာမူ ၎င်းတို့၏ စက်ရုပ်အား ဆရာအဆင့်ဝင်နိုင်စေရန် မျှော်မှန်းထားကြခြင်း ဖြစ်သည်။ ပေကျင်းမြို့၏ ဆင်ခြေဖုံးဒေသတွင် တည်ရှိသော ဘက်စုံယဉ်ကျေးမှု ပညာရေးဆိုင်ရာ Yiswind အင်စတီကျုတွင် ကီကိုစက်ရုပ်သည် ကလေးများကို ကန္တာရထဲ၌ မင်းသားလေး တစ်ပါးအတွက် လမ်းကြောင်းကို ရှာခိုင်းစေခြင်းဖြင့် ပုံပြင်လည်းပြော ပဟေဠိလည်း ၀ှက်လျက်ရှိသည်။ ကလေးများက အဖြေမှန်ပေးတိုင်း စက်ရုပ်သည် ၎င်း၏အသည်းပုံသဏ္ဌာန် မျက်လုံးများကို မှိတ်တုတ်မှိတ်တုတ် လုပ်ပြခြင်းဖြင့် ကျေနပ်ဟန်ပြသည်။

“ယနေ့ခေတ် ပညာရေးဟာ ဆရာတွေက စာသင်ပြီး ကျောင်းသားတွေက သင်ယူတယ်ဆိုတဲ့ တစ်လမ်းသွားပဲ မဟုတ်တော့ဘူး။ လုံးဝိုင်းဝိုင်းပုံစံနဲ့ နှစ်သက်စရာကောင်းတဲ့ ကီကိုကို မြင်လိုက်တဲ့အချိန်မှာ ကလေးတွေကလည်း ချစ်ကြပါတယ်” ဟု ဆရာတစ်ဦးဖြစ်သော ကန်တီရှောင်က ဆိုသည်။ ကန်တီသည် လက်ရှိတွင် ကီကိုစက်ရုပ် ရှာမန်နည်းပညာဌာနတွင် သင်တန်းပေးသူအဖြစ် လုပ်ကိုင်နေသည်။

တရုတ်နိုင်ငံတစ်ဝန်းရှိ မူကြိုကျောင်း ၆၀၀ ကျော်တွင် အသုံးပြုနေပြီဖြစ်သော ကီကိုစက်ရုပ်ကို တရုတ်နိုင်ငံ၏ အခြားနေရာများနှင့် အရှေ့တောင်အာရှဒေသသို့ပါ ချဲ့ထွင်နိုင်ရန် တီထွင်သူများက မျှော်လင့်နေကြသည်။

တရုတ်အစိုးရသည် ၎င်း၏ “Made in China 2025” အစီအစဉ်၏ တစ်စိတ်တစ်ပိုင်းအဖြစ် Artificial intelligence (လူတို့၏ ဥာဏ်ရည်ကို ကွန်ပျူတာဖြင့် စီစဉ်တုပမှု) ပိုင်းတွင် ဖွံ့ဖြိုးရေးအတွက် ငွေအင်အား၊ လူအင်အားစိုက်ထုတ်ကာ ရင်းနှီးမြှုပ်နှံလျက်ရှိသည်။

ယမန်နှစ်ကပင် တရုတ်ကုမ္ပဏီတစ်ခုသည် တရုတ်နိုင်ငံ၏ ပထမဆုံးသော လူနှင့် တူသည့် စက်ရုပ်ကို ထုတ်ပြနိုင်ခဲ့သည်။ ယင်းစက်ရုပ်သည် ရိုးရိုးရှင်းရှင်း အပြန်အလှန် စကားပြောနိုင်စွမ်းရှိပြီး မျက်နှာအ မူအရာများပါ လုပ်နိုင်သည်။  အ ပြည်ပြည်ဆိုင်ရာစက်ရုပ်ဖက်ဒရေး ရှင်းမှ ထုတ်ပြန်ချက်အရ တရုတ်နိုင်ငံသည် စက်မှုလုပ်ငန်းသုံး စက်ရုပ်အများဆုံးရှိသည့် ကမ္ဘာ့ထိပ်တန်း နိုင်ငံတစ်ခု ဖြစ်သည်ဟု သိရသည်။ နိုင်ငံတစ်ဝန်းရှိ စက်ရုံများတွင် စက် ရုပ်ပေါင်း ၃၄၀၀၀၀ သည် ကုန်ထုတ် လုပ်ရေးနှင့် ကားတပ်ဆင်ရေးပိုင်းတွင် လုပ်ကိုင်လျက်ရှိကြသည်။

ပြီးခဲ့သည့် သီတင်းပတ်က ပေကျင်းတွင် ကျင်းပခဲ့သည့် ကမ္ဘာလုံးဆိုင်ရာ စက်ရုပ်ညီလာခံတွင် ရောဂါရှာဖွေနိုင်သော စက်ရုပ်၊ ကြက်တောင်ရိုက်နိုင်သော စက်ရုပ် အစရှိသည်တို့အပြင် ပရိသတ်ကို ဂီတအစွမ်းဖြင့် အံ့အားသင့်စေခဲ့သော စက်ရုပ်များလည်း ပါဝင်ခဲ့သည်။

ယခင်နှစ်ကမူ မြို့တော်ပေကျင်းရှိ ဗုဒ္ဓဘာသာဘုန်းကြီးများ အ ဖွဲ့တစ်ဖွဲ့သည် မန္တန်များကို ရွတ်ဆိုနိုင်ပြီး နိဗ္ဗာန်ရောက်နိုင်ရေး အကြံဥာဏ်များကို ပေးနိုင်သော နှစ်ပေ အမြင့်ရှိ ဘုန်းကြီးစက်ရုပ်ကို တီထွင်နိုင်ခဲ့ကြသည်။ စာသင်ခန်းများတွင် လူသားများ၏ နေရာကို စက်ရုပ်များက အလုံးစုံ အစားထိုးနိုင်ရေးမှာ ရှည်ကြာဦးမည့်ကိစ္စဟု မူကြိုကျောင်းအုပ် ရှီယီက ယုံကြည်နေသည်။ ရှီယီ၏ ကျောင်းတွင်လည်း ကီကို စက်ရုပ်ကို စမ်းသပ်အသုံးပြုလျက်ရှိသည်။

“စာသင်ကြားဖို့အတွက် သင့်မှာလူသားရဲ့ အထိအတွေ့၊ မျက်လုံးချင်းဆုံမှုနဲ့ မျက်နှာအမူအရာတွေ ရှိရပါမယ်။ ဒါတွေဟာ ပညာရေးကို ပြုလုပ်ဖန်တီးပေးတဲ့ အရာတွေပါ။ ဘာသာစကား ဒါမှမဟုတ် အကြောင်းအရာ သက်သက်ချည်းပဲ မဟုတ်ပါဘူး။ စာသင်တာဟာ အရာအားလုံး ပါဝင်ပါတယ်” ဟု ရှီယီက ပြောကြားခဲ့သည်။

ယွမ် ၁၀၀၀၀ (ဒေါ်လာ ၁၅၀၀) ကျသင့်သော ကီကိုစက်ရုပ်သည် မူကြိုဆရာမတစ်ဦး၏ လစဉ်လုပ်အားခနှင့် ညီမျှသော်လည်း အသွေးအသားနှင့် တည်ဆောက်ထားသော ဆရာတစ်ဦးထက် အားသာသည့် အချက်များလည်း ရှိနေနိုင်သည်။

“စက်ရုပ်တွေရဲ့ အားအသာဆုံးအပိုင်း ဟုတ်လား။ သူတို့ဟာ (လူသားတွေထက်) ပိုပြီး တစ်သမတ်တည်း ရှိတာပဲ ဖြစ်ပါတယ်” ဟု ကန်တီက ရယ်မောရင်း ပြောကြားခဲ့သည်။

Ref : AFP

ရှန်ဟိုင်းရှိ ကြက်ဥအိမ်က လူမှုမီဒီယာအတွက် ဓာတ်ပုံရိုက်သူများအား ဆွဲဆောင်နေ

သြဂုတ် ၃၁ ရက်တွင် ရှန်ဟိုင်းရှိ ကြက်ဥအိမ်၌ အမျိုးသမီးတစ်ဦးက ဓာတ်ပုံရိုက်ခံနေစဉ် (Photo: AFP)

ရှန်ဟိုင်းရှိ ရှော့ပင်းမောတစ်ခု၏ တတိယထပ်တွင်ရှိနေသော “ကြက်ဥအိမ်” သည် တရုတ်တင်ဆက်မှုအနုပညာရှင် ရှူပင်ပူ၏ လက်ရာဖြစ်ပြီး ပေါ်ပင်ပြတိုက်မျိုးဖြစ်သော ယင်းနေရာတွင် အလှဓာတ်ပုံရိုက်ကူးသူများဖြင့် စည်ကားနေသည်။ ဧရာမ ဇလုံခွက်ကြီးအတွင်းတွင် လူဒါဇင်ဝက်ခန့်က ၀င်ရောက်၍ ဓာတ်ပုံများ ရိုက်ကူးနိုင်ပြီး ကြက်ဥကို ချစ်မြတ်နိုးမှုအား မျှဝေရန်အတွက် ဖန်တီးထားသည့် တင်ဆက်မှုအနုပညာဖြစ်ကြောင်း စီစဉ်သူများက ပြောကြားခဲ့သည်။

ယင်းကဲ့သို့သော ကြက်ဥအိမ်များကို နယူးယောက်တွင် ပထမဆုံး တည်ဆောက်ပြသခဲ့ပြီး လာမည့်နိုဝင်ဘာတွင် လော့အိန်ဂျလိစ်၌ နောက်ထပ် ကြက်ဥအိမ်တစ်ခုကို တည်ဆောက်ပြသရန် ရှူက စီစဉ်ထားသည်။  သီတင်းပတ်ကုန်ရက်များ၌ လူကြီးနှစ်ဦးလျှင် ၁၉၈ ယွမ် (၂၉ ဒေါ်လာ) ဖြင့် အခပေး ၀င်ရောက်ရသော ကြက်ဥအိမ်တွင် ကြက်ဥ ပုံဖြင့် တန်ဆာဆင်ထားသောအခန်း အမြောက်အမြားပါဝင်သည်။ ထိုအခန်းများအတွင်း၌ ဓာတ်ပုံများ ရိုက်ကူးနိုင်မှုကအဓိက ဆွဲဆောင်မှုတစ်ခု ဖြစ်သည်။

ကြက်ဥခွက်ကြီးအတွင်းမှ ထွက်လာခဲ့သော အိုင်မားလီဆိုသူက အနီးပတ်ဝန်းကျင်ရှိ အထက်တန်းကျောင်းသူအရွယ် ကလေးများကို ကြည့်ရင်း “ဒီမှာ ကျွန်မက အသက် နည်းနည်းကြီးနေတယ်လို့တောင် ခံစားရပါ တယ်” ဟု ပြောကြားခဲ့သည်။

အသက် ၂၉ နှစ်အရွယ် လီသည် ရှန်ဟိုင်းနှင့် တိုကျို၌ ရုပ်သံလုပ်ငန်းကို လုပ်ကိုင်နေသူဖြစ်သည်။ သူငယ်ချင်းများနှင့် ရိုက်ထားသော ဓာတ်ပုံများကို လူမှုမီဒီယာတွင် တင်မည်ဖြစ်ကြောင်း လီက ပြောကြားခဲ့ သည်။

ဇူလိုင်လနှောင်းပိုင်းက ဖွင့်လှစ်ခဲ့သော ကြက်ဥအိမ်သည် လာရောက်လည်ပတ်သူ ၃၀၀၀၀ နီးပါးကို ဆွဲဆောင်ထားကြောင်း သိရသည်။ လူမှုမီဒီယာများတွင် ကိုယ်ပိုင်အကြောင်းအရာများ ဖန်တီးရန် စွဲလမ်းနေ သူများကို ကြက်ဥအိမ်က ဆွဲဆောင်နိုင်ကြောင်း အသက် ၂၅ နှစ်အရွယ်ဝမ်ကျိုးသားတစ်ဦးက ပြောကြားခဲ့သည်။

ဒစ်ဂျစ်တယ် ဖျော်ဖြေရေးကုမ္ပဏီ Refinery 29 က တပ်ဆင်ပြသသော 29 Rooms ပြပွဲက ကြက်ဥအိမ်စိတ်ကူးကို ရစေခဲ့ကြောင်း ရှူက ပြောကြားခဲ့သည်။ ၂၀၁၅ ခုနှစ်က နယူးယောက်သို့ သွားရောက်စဉ် 29 Rooms ပြပွဲ၌ ၈ နာရီကြာ တန်းစီစောင့်ဆိုင်းခဲ့ရပြီး ကျေနပ်ခဲ့ရသည့် စိတ်ကူးက ကြက်ဥအိမ်ကို ဖန်တီးရန် ဖြစ်လာခဲ့ကြောင်း ရှူက ပြောကြားခဲ့သည်။

အခြားသော ပြတိုက်များကဲ့သို့ပင်  ပေါ်ပင်ပြခန်းများသည် မကြာသေးခင်နှစ်များအတွင်း တရုတ်ရှိ မြို့ကြီးများ၌ ခေတ်စားလာနေသည်။