ရခိုင်ပြည်နယ်တွင် တရားဥပဒေစိုးမိုးရေးနှင့် ဖွံ့ဖြိုးတိုးတက်ရန်အတွက် ပြည်သူများအားလုံး ပူးပေါင်းပါဝင်ရန် လိုအပ်ကြောင်း ပြည်ထောင်စုဝန်ကြီး ပြောကြား

ရခိုင်ပြည်နယ်အတွင်းရှိ လူမှုအဖွဲ့အစည်းများနှင့် အစိုးရ၀န်ကြီးဌာနများ တွေ့ဆုံဆွေးနွေးပွဲကို စက်တင်ဘာ ၁၀ ရက်က ပြုလုပ်စဉ်

ရခိုင်ပြည်နယ်တည်ငြိမ်အေးချမ်းရေးအတွက် တရားဥပဒေစိုးမိုးရေးနှင့် ဖွံ့ဖြိုးတိုးတက်ရန် လိုအပ်ပြီး ပြည်သူများအားလုံး ပူးပေါင်းပါဝင်ရန် လိုအပ်ကြောင်း ပြည်ထောင်စုဝန်ကြီး ဒေါက်တာဝင်းမြတ်အေးက ပြောကြားခဲ့သည်။

နေပြည်တော်ရှိ မင်္ဂလာသီရိဟိုတယ်တွင် စက်တင်ဘာ ၁၀ ရက်က ပြုလုပ်သည့် ရခိုင်ပြည်နယ် တည်ငြိမ်အေးချမ်းရေးနှင့် လူမှုစီးပွားဖွံ့ဖြိုးတိုးတက်ရေး ဆောင်ရွက်နေသော အစိုးရဌာနဆိုင်ရာ ကိုယ်စားလှယ်များနှင့် ရခိုင်ပြည်နယ် လွှတ်တော်ကိုယ်စားလှယ်များ၊ ရခိုင်ပြည်နယ်အတွင်းရှိ လူ့အဖွဲ့အစည်း ကိုယ်စားလှယ်များ တွေ့ဆုံဆွေးနွေးပွဲတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက ယင်းကဲ့သို့ ပြောကြားခဲ့ခြင်း ဖြစ်သည်။

“ရခိုင်ပြည်နယ်မှာ ဖွံ့ဖြိုးတိုးတက်ဖို့လိုတယ်။ အဲဒီဆောင်ရွက်နေတဲ့ လုပ်ငန်းစဉ်တွေထဲက တစ်ခုပေါ့။ ဒါကတော့ ဘာလဲဆိုတော့ တကယ်ပြည်သူ ကျွန်တော်တို့ရဲ့ ဆောင်ရွက်ချက်တွေဟာ ရခိုင်ဒေသမှာရှိတဲ့ ပြည်သူပြည်သားတွေ အားလုံးပူးပေါင်း ပါဝင်မှရမှာ ဖြစ်ပါတယ်” ဟု ပြည်ထောင်စုဝန်ကြီး ဒေါက်တာဝင်းမြတ်အေးက ပြောကြားသည်။

ထို့ကြောင့် ရခိုင်ပြည်နယ်အတွင်း လုံခြုံမှုနှင့် တည်ငြိမ်အေးချမ်းမှု ရရှိရန်အတွက် စောင်ဆိုင်းနေရသည့် အချိန်တွင် ဖွံ့ဖြိုးတိုးတက်ရေးအတွက် ဆောင်ရွက်နေခြင်းဖြစ်ကြောင်း ပြည်ထောင်စုဝန်ကြီးက ဆိုသည်။

နှစ်ရက်ကြာပြုလုပ်မည့် ဆွေးနွေးပွဲတွင် ရခိုင်ပြည်နယ် ဖွံ့ဖြိုးတိုးတက်ရေးအတွက် ပညာရေး၊ ကျန်းမာရေး၊ လမ်းပန်းဆက်သွယ်ရေး၊ လျှပ်စစ်ဓာတ်အားရရှိရေး၊ ရင်းနှီးမြုပ်နှံမှုနှင့် တည်ငြိမ်အေးချမ်းရေးအတွက် တရားဥပဒေစိုးမိုးရေး၊ လုံခြုံရေးဆိုင်ရာကိစ္စများ ဆွေးနွေးမည်ဖြစ်ကြောင်း ပြည်ထောင်စုဝန်ကြီးက ဆိုသည်။

ပြည်ထောင်စုဝန်ကြီးက “ရေရှည်ပဋိပက္ခ ကင်းဝေးဖို့ အရေးကြီးဆုံးပဲ ဖြစ်ပါတယ်။ တည်ငြိမ်အေးချမ်းမှု ပျက်ပြားသွားတာနဲ့ ကျွန်တော်တို့ရရှိထားတဲ့ ဖွံ့ဖြိုးတိုးတက်မှုတွေက နောက်ဆုတ်သွားမယ်၊ တန့်နေမယ် သို့မဟုတ် နောက်ဆုတ်သွားမယ်။ ရှေ့ဆက်တိုးဖို့ မလွယ်ပါဘူး” ဟု ပြောကြားသည်။

ဆက်လက်၍ “ဆွေးနွေးတဲ့အခါကျတော့ အချက်အလက်တွေ အများကြီး ထွက်ပေါ်လာတယ်။ အကောင်အထည်ဖော်မှု အပိုင်းမှာ နည်းနည်းလေးနှောင့်နှေးရတယ်။ အဟန့်အတားတွေ ရှိတယ်ဆိုတဲ့ ကိစ္စကတော့ ရှိတယ်။ ဒါတွေကျွန်တော်တို့ ကျော်လွှားနိုင်ဖို့ ကျွန်တော်တို့ ဆက်လက်ပြီးတော့ ဆွေးနွေးတဲ့အခါမှာ ဒီအခက်အခဲတွေကို ပေါ်ထွက်လာတာပေါ့။ စိန်ခေါ်မှုတွေ ပေါ်ထွက်လာတာပေါ့။ အဲ့ဒီအခက်အခဲတွေကို ဘယ်လိုကျော်လွှားနိုင်မလဲဆိုတာ ဒီအစိုးရကနေပြီးတော့ ထပ်ပြီးတော့ ဆက်လက်ဆွေးနွေးလိုက်လို့ရှိရင် တဖြည်းဖြည်း ကျွန်တော်တို့ ကျော်လွှားနိုင်ပြီးတော့ အောင်မြင်တဲ့၊ ကျွန်တော်တို့ ဆွေးနွေးချက်တွေကို အောင်မြင်စွာ အကောင်အထည် ဖော်နိုင်မယ်လို့ ယုံကြည်ပါတယ်” ဟု ပြည်ထောင်စုဝန်ကြီးက ပြောကြားသည်။

ရခိုင်ပြည်နယ်မှ နေရပ်စွန့်ခွာ ထွက်ပြေးခဲ့ရသူများအား ပြန်လည်လက်ခံရေးနှင့် ပတ်သက်၍ နှစ်နိုင်ငံသဘောတူစာချုပ် ချုပ်ဆိုထားသည့်အတိုင်း ဆောင်ရွက်မည်ဖြစ်ပြီး မြန်မာနိုင်ငံဘက်မှ ပြန်လည်လက်ခံရန် အဆင့်သင့် ဖြစ်နေကြောင်း ပြည်ထောင်စုဝန်ကြီးက ဆိုသည်။

ကဏ္ဍပေါင်းစုံနှင့် တရားဥပဒေစိုးမိုးရေးအတွက် တရားမျှတမှုဆိုင်ရာ ပေါင်းစပ်ညှိနှိုင်းရေး ဆွေးနွေးပွဲ ကျင်းပ

ကဏ္ဍပေါင်းစုံနှင့် တရားဥပဒေစိုးမိုးရေးအတွက် တရားမျှတမှုဆိုင်ရာ ပေါင်းစပ်ညှိနှိုင်းရေး ဆွေးနွေးပွဲ ကျင်းပစဉ်

ကဏ္ဍပေါင်းစုံနှင့် တရားဥပဒေစိုးမိုးရေးအတွက် တရားမျှတမှုဆိုင်ရာ ပေါင်းစပ်ညှိနှိုင်းရေး ဆွေးနွေးပွဲကို ကဏ္ဍပေါင်းစုံနှင့် တရားဥပဒေစိုးမိုးရေးအတွက် တရားမျှတမှုဆိုင်ရာ ပေါင်းစပ်ညှိနိုင်ရေးအဖွဲ့နှင့် ကုလသမဂ္ဂ ဖွံ့ဖြိုးမှုအစီအစဉ်တို့ ပူးပေါင်းပြီး မန္တလေးမြို့ ဟိုတယ်မန္တလေးတွင် ဧပြီ ၂၈ ရက် နံနက် ၉ နာရီမှ ညနေ ၅ နာရီအထိ ကျင်းပပြုလုပ်ခဲ့ကြောင်း သိရသည်။

“တရားဥပဒေစိုးမိုးရေးနဲ့ တရားမျှတမှုဆိုင်ရာ ပေါင်းစပ်ညှိနိုင်းရေးကို နေပြည်တော်မှာ လုပ်ခဲ့တယ်။ အဲဒီကနေ ရည်မှန်းချက် ၄ ရပ်ထွက်လာခဲ့တယ်။ အဲဒီရည်မှန်းချက် ၄ ရပ်ကို အကောင်အထည်ဖော်နိုင်ဖို့အတွက် လုပ်သင့်တယ်။ ဘယ်သူတွေပါဝင်သင့်လဲဆိုတော့ ပါဝင်သင့်တဲ့သူတွေမှာ အရပ်ဘက်အဖွဲ့အစည်းတွေလည်း ဒီကိစ္စကို ဆွေးနွေးသင့်တယ်။ တရားရုံးတွေကလည်း သူတို့ရဲ့မဟာဗျူဟာရှိတယ်။ ဥပဒေကလည်း သူတို့ရဲ့ မဟာဗျူဟာတွေရှိတယ်။ ရဲကလည်း သူတို့ရဲ့လုပ်ငန်း မဟာဗျူဟာတွေရှိတယ်။ အဲဒီမဟာဗျူဟာတွေကိုလည်း ပျောက်ပျက်မသွားစေချင်ဘူး။ ကျွန်တော်တို့နဲ့ ပူးပေါင်းစေချင်တယ်။ အဲဒီတော့ ဘယ်လိုပူးပေါင်းကြမလဲ၊ ဘယ်လိုပူးပေါင်းရင်သင့်မလဲ၊ ဘယ်လိုဆောင်ရွက်သင့်တယ်၊ ဘယ်လိုဖြစ်သင့်တယ်ဆိုတာရဲ့ အဖြေတွေ ထွက်လာမယ်။ အဲဒီကနေမှ ဘယ်လိုအချက်အလက် ဘယ်လိုအခက်အခဲတွေရှိတယ်။ ဘယ်လိုစိန်ခေါ်ချက်တွေ ရှိတယ်ဆိုတာ သိချင်တဲ့အတွက်ကြောင့် ဒီပွဲကိုကျင်းပရခြင်း ဖြစ်ပါတယ်” ဟု တရားဥပဒေစိုးမိုးရေးနှင့် တရားမျှတမှုဆိုင်ရာ ပေါင်းစပ်ညှိနှိုင်းအဖွဲ့ (မန္တလေးတိုင်းဒေသကြီးအဖွဲ့ခွဲ) ၏ ခေါင်းဆောင် ဦးတင်အောင်က ပြောကြားသည်။

တရားဥပဒေစိုးမိုးရေးတွင် ကဏ္ဍအသီးသီး ပေါင်းစပ်ညှိနှိုင်းမှု တရားဥပဒေစိုးမိုးရေးအပေါ် ပြည်သူ၏ယုံကြည်မှုကို ရရှိစေရန်၊ တရားဥပဒေစိုးမိုးရေးနှင့် ပတ်သက်သော အသိပညာပေးမှုနှင့် ရှေ့ဆက်လုပ်ငန်း ဆောင်ရွက်ရန်လုပ်ငန်းများ စသည့် ရည်မှန်းချက် ၄ ရပ်ကို အကောင်အထည်ဖော်နိုင်ရန် ဆွေးနွေးဆောင်ရွက်လျက်ရှိကြောင်း သိရသည်။

ထိုကဏ္ဍပေါင်းစုံနှင့် တရားဥပဒေစိုးမိုးရေးအတွက် တရားမျှတမှုဆိုင်ရာ ပေါင်းစပ်ညှိနှိုင်းရေးဆွေးနွေးပွဲကို UNDP နှင့် အစိုးရအဖွဲ့ဝင်များ၊ တရားသူကြီးချုပ်၊ လွှတ်တော်ဥက္ကဋ္ဌတို့အပါအ၀င် တရားဥပဒေစိုးမိုးရေးနှင့် ပတ်သက်သော အခြားအဖွဲ့ဝင်များ အရပ်ဘက်အဖွဲ့အစည်းတို့ ပါဝင်တက်ရောက် ဆွေးနွေးခဲ့ကြပြီး ချမှတ်ထားသော ရည်မှန်းချက် ၄ ရပ်အပေါ် အုပ်စုဖွဲ့ဆွေးနွေးခြင်းများ ပြုလုပ်ခဲ့ကာ တင်ပြချက်များ အနှစ်ချုပ်ခြင်း၊ အကြံပြုဆွေးနွေးခြင်းများ ပြုလုပ်ခဲ့ကြကြောင်း သိရသည်။

စစ်ကိုင်းတိုင်းဒေသကြီး တရားဥပဒေစိုးမိုးရေးဌာနနှင့် တရားမျှတမှုဆိုင်ရာလုပ်ငန်းများ ပေါင်းစပ်ညှိနှိုင်းရေးအဖွဲ့သို့ ၁၁ လအတွင်း တိုင်ကြားစာပေါင်း ၈၀ နီးပါးရောက်ရှိဟု သိရ

တရားဥပဒေစိုးမိုးရေးဌာနနှင့် တရားမျှတမှုဆိုင်ရာလုပ်ငန်းများ ပေါင်းစပ်ညှိနှိုင်းရေးအဖွဲ့ အစည်းအဝေးပြုလုပ်နေစဉ်

၁၁ လတာကာလအတွင်း စစ်ကိုင်းတိုင်းဒေသကြီး တရားဥပဒေစိုးမိုးရေးဌာနများနှင့် တရားမျှတမှုများဆိုင်ရာ ပေါင်းစပ်ညှိနှိုင်းရေးအဖွဲ့ထံ တိုင်ကြားစာပေါင်း ၈၀ နီးပါးရောက်ရှိကြောင်း ယင်းအဖွဲ့ခေါင်းဆောင် ရွှေဘိုမြို့နယ် မဲဆန္ဒနယ်မြေအမှတ် (၁) တိုင်းဒေသကြီး လွှတ်တော်ကိုယ်စားလှယ် ဦးမိုးကျော်သူထံမှ သိရသည်။

ယင်းအဖွဲ့ထံ တိုင်ကြားမှုအများဆုံးသည် တရားရုံးများနှင့်ပတ်သက်သည့် တိုင်ကြားမှုမှာ အများဖြစ်ဆုံးဖြစ်ကြောင်း ၂၀၁၇ ခုနှစ် မတ်လမှ ၂၀၁၈ ခုနှစ်ဇန်န၀ါရီလအထိ တိုင်ကြားစာပေါင်း ၈၀ နီးပါး ရောက်ရှိခဲ့သော်လည်း အချို့တိုင်ကြားစာများအား ဖြေရှင်းရန်အတွက် အခက်အခဲများစွာရှိနေကြောင်း ၎င်းက ဆက်လက်ပြောကြားသည်။

“တိုင်ကြားစာအားလုံးပေါင်း ၈၀ လောက်ရှိသွားပြီ။ တိုင်ကြားစာတွေကတော့ ပေါင်းစုံလာပြီးတိုင်ကြတယ်။ များသောအားဖြင့်ကတော့ တရားရုံးတွေနဲ့ပတ်သက်တဲ့ တိုင်ကြားစာတွေလာတယ်။ နောက်တစ်ခါ မြေယာမှုခင်းနဲ့ပတ်သက်တဲ့ တိုင်ကြားစာတွေလာတယ်။ ပြီးတော့ တရားမအမှုတွေနဲ့ပတ်သက်တဲ့ တိုင်ကြားစာတွေလာတယ်။ အမျိုးအစားပေါင်းကတော့ စုံနေတာပဲ။ တချို့ဟာတွေကတော့ တရားရုံးဆုံးဖြတ်ချက် မပြတ်သေးတဲ့အမှုတွေကျတော့ ဖြေရှင်းလို့မရသေးဘူး။ ကျွန်တော်တို့ကတော့ တရားရုံးဆုံးဖြတ်ချက်ပြတ်ပြီးမှ ဖြေရှင်းပေးရတာလေ။ ၂၀၁၇ ခုနှစ် မတ်လကနေ ၂၀၁၈ ခုနှစ် ဇန်န၀ါရီလအထိ တိုင်ကြားစာပေါင်း ၈၀ ရောက်တယ်” ဟု ယင်းအဖွဲ့ခေါင်းဆောင် ရွှေဘိုမြို့နယ် မဲဆန္ဒနယ်မြေ အမှတ် (၁) တိုင်းဒေသကြီးလွှတ်တော် ကိုယ်စားလှယ် ဦးမိုးကျော်သူက ပြောကြားသည်။

စစ်ကိုင်းတိုင်းဒေသကြီး တရားဥပဒေစိုးမိုးရေးဌာနများနှင့် တရားမျှတမှုများဆိုင်ရာ ပေါင်းစပ်ညှိနှိုင်းရေးအဖွဲ့ထံ ၂၀၁၇ ခုနှစ် မတ်လမှ ၂၀၁၈ ခုနှစ် ဇန်န၀ါရီလအထိ တိုင်ကြားစာပေါင်း ၈၀ နီးပါးရောက်ရှိထားသည့်အနက် တိုင်ကြားစာပေါင်း ၆၀ နီးပါးအား ဖြေရှင်းဆောင်ရွက်ပြီးစီးပြီဖြစ်ကြောင်း အချို့တိုင်ကြားစာများသည် တိုင်ကြားသူများက အချက်အလက် တိတိကျကျပြည့်ပြည့်စုံစုံ တိုင်ကြားမှုမရှိသည့် တိုင်ကြားစာများလည်း တွေ့ရှိရကြောင်း ဦးမိုးကျော်သူက ပြောကြားသည်။ ထို့အပြင် စစ်ကိုင်းတိုင်းဒေသကြီး တရားဥပဒေစိုးမိုးရေးဌာနများနှင့် တရားမျှတမှုများဆိုင်ရာ ပေါင်းစပ်ညှိနှိုင်းရေးအဖွဲ့ထံ တရားသူကြီးများ လာဘ်စားသည်ဟု စွပ်စွဲတိုင်ကြားမှုများနှင့် ရဲတပ်ဖွဲ့နှင့်ပတ်သက်သည့် တိုင်ကြားစာများလည်း လာရောက်တိုင်ကြားကြကြောင်း ယင်းကဲ့သို့တိုင်ကြားမှုမျိုးသည် သက်ဆိုင်ရာဌာနများနှင့် ညှိနှိုင်းပေါင်းစပ်၍ လွှဲပြောင်းပေးရကြောင်း ဦးမိုးကျော်သူက ဆက်လက်ပြောကြားသည်။

တိုင်ကြားစာများထဲတွင် ချက်ချင်းဆောင်ရွက်ရမည့် ကိစ္စရပ်များရှိနေသော်လည်း ယင်းအဖွဲ့သည် သက်ဆိုင်ရာဌာနများမှ ခေါင်းဆောင်များနှင့် ဖွဲ့စည်းထားသည့်အတွက် နှစ်လလျှင်တစ်ကြိမ် အစည်းအဝေးပြုလုပ်နေရမှုကြောင့် အရေးကြီးသည့် တိုင်ကြားစာများအား ဖြေရှင်းရန်အခက်အခဲရှိနေကြောင်း ယင်းအဖွဲ့ခေါင်းဆောင် ရွှေဘိုမြို့နယ် မဲဆန္ဒနယ်မြေ အမှတ် (၁) တိုင်းဒေသကြီး လွှတ်တော်ကိုယ်စားလှယ် ဦးမိုးကျော်သူက ပြောကြားသည်။

စစ်ကိုင်းတိုင်းဒေသကြီး တရားဥပဒေစိုးမိုးရေးဌာနများနှင့် တရားမျှတမှုများဆိုင်ရာ ပေါင်းစပ်ညှိနှိုင်းရေးအဖွဲ့ကို ၂၀၁၇ ခုနှစ် မတ်လအတွင်းက စတင်ဖွင့်လှစ်ခဲ့ပြီး အဖွဲ့ဝင်များအဖြစ် စစ်ကိုင်းတိုင်းဒေသကြီး ရဲတပ်ဖွဲ့မှူး၊ တိုင်းဒေသကြီး အထွေထွေအုပ်ချုပ်ရေးမှူး၊ တိုင်းဥပဒေအရာရှိ၊ တိုင်းတရားသူကြီး၊ အရပ်ဖက်အဖွဲ့မှသုံးဦးနှင့် တိုင်းဒေသကြီးလွှတ်တော်မှတစ်ဦး စုစုပေါင်းရှစ်ဦးဖြင့် ဖွဲ့စည်းထားကြောင်း သိရသည်။

 

ဥပဒေစိုးမိုးရေးနှင့် အဂတိလိုက်စားမှု တိုက်ဖျက်ရေးကို ဦးစားပေးလုပ်ဆောင်ခြင်းဖြင့် စီးပွားရေးလုပ်ကိုင်ရ လွယ်ကူမှုအဆင့် တိုးတက်လာစေနိုင်ကြောင်း ဒစ်ဂျစ်တယ်မြန်မာအစီရင်ခံစာတွင် ဖော်ပြ

ဥပဒေစိုးမိုးရေးနှင့် အဂတိလိုက်စားမှု တိုက်ဖျက်ရေးကို ဦးစားပေးလုပ်ဆောင်ခြင်းအားဖြင့် လက်ရှိတွင် အဆင့် ၁၇၁ ရရှိကာ နိမ့်ကျနေသော စီးပွားရေးလုပ်ကိုင်ရ လွယ်ကူမှုအဆင့်ကို တိုးတက်လာစေနိုင်ကြောင်း တယ်လီနော၏ ဒစ်ဂျစ်တယ်မြန်မာအစီရင်ခံစာတွင် ဖော်ပြထားချက်အရ သိရသည်။

ဥပဒေစိုးမိုးရေးနှင့် အဂတိလိုက်စားမှု တိုက်ဖျက်ရေးကို အစိုးရက ဦးစားပေးလုပ်ဆောင်ခြင်းသည် ကမ္ဘာတွင် မြန်မာနိုင်ငံ၏ လက်ရှိစီးပွားရေး လုပ်ကိုင်ရလွယ်ကူမှုအဆင့် ၁၇၁ မှ ပိုမိုကောင်းမွန်သောအဆင့်သို့ တိုးတက်လာရန် အခွင့်အလမ်းကောင်းဖြစ်ကြောင်း အစီရင်ခံစာတွင် သုံးသပ်ထားသည်။

အစိုးရဌာနများတွင် တရားဥပဒေစိုးမိုးရေးအစား ပုဂ္ဂလိကဆန်ဆန် မညီညွတ်၊ မလျော်ကန်သော ဆုံးဖြတ်ချက်ချမှတ်ခြင်း ပြုလုပ်ခြင်းကြောင့် ပွင့်လင်းမြင်သာမှုမရှိခြင်း ဆက်လက်ဖြစ်ပေါ်နေပြီး ကမ္ဘာ့အဆင့်ညွှန်းကိန်းများတွင် မြန်မာနိုင်ငံ အဆင့်မြင့်လာစေရန် ကြိုးပမ်းမှုမှာ ခက်ခဲနေမည်ဖြစ်ကြောင်း ဖော်ပြထားသည်။

ဥပဒေနှင့် စည်းမျဉ်းစည်းကမ်းများကို တရားဥပဒေစိုးမိုးရေးနှင့် သက်ဆိုင်သော နိုင်ငံတကာကွန်ဗင်းရှင်းများနှင့်အညီ ရေးဆွဲပြဋ္ဌာန်းကာ အသက်ဝင်စေရမည်ဖြစ်ကြောင်း အကြံပြုထားသည်။ ထိုသို့လုပ်ဆောင်ခြင်းအားဖြင့် ဒစ်ဂျစ်တယ်စီးပွားရေးကို ဖွံ့ဖြိုးတိုးတက်စေနိုင်မည့်အပြင် ကမ္ဘာ့ဘဏ်၏ မြန်မာနိုင်ငံတွင် စီးပွားရေးလုပ်ကိုင်ရန် လွယ်ကူမှုအညွှန်းကိန်းကို မြင့်တက်စေကာ နိုင်ငံခြားရင်းနှီးမြှုပ်နှံမှုကို ဆွဲဆောင်နိုင်မည်ဖြစ်ကြောင်း သုံးသပ်ထားသည်။

စီးပွားရေး လုပ်ကိုင်ရလွယ်ကူမှုညွှန်းကိန်းတွင် ထိုင်းမှာ အဆင့် ၂၆၊ အင်ဒိုနီးရှားမှာ အဆင့် ၇၂၊ စင်ကာပူမှာ အဆင့် ၂၊ မလေးရှားမှာ အဆင့် ၂၄ နှင့် ဗီယက်နမ်မှာ အဆင့် ၆၈ ဖြစ်ကာ မြန်မာနိုင်ငံမှာ အဆင့် ၁၇၁ သာရရှိပြီး ဒေသတွင်းနိုင်ငံများအနက် များစွာအဆင့်နိမ့်ကျနေကြောင်း သိရသည်။

ထို့ပြင် ဥပဒေနှင့်စည်းမျဉ်းများကို လိုက်နာမှုရှိစေရေးအတွက် ကြီးကြပ်ရန် ဖွဲ့စည်းထားသော စည်းကမ်းထိန်းသိမ်းရေးအဖွဲ့များကို လိုအပ်သော လုပ်ပိုင်ခွင့်ပေးသင့်ကြောင်း အကြံပြုထားသည်။ အပြည်ပြည်ဆိုင်ရာ စံချိန်စံညွှန်းများနှင့်အညီ ၎င်းတို့အား မွမ်းမံလေ့ကျင့်ပေးပြီး အစိုးရနှင့်အမှီအခိုကင်းစေမှသာ ရေရှည်စီးပွားရေးတိုးတက်ဖွံ့ဖြိုးမှုအတွက် ဆုံးဖြတ်ချက်များ ချမှတ်နိုင်မည်ဟုဆိုသည်။ ၂၀၁၅ ခုနှစ်အကုန်တွင် လွတ်လပ်သောအဖွဲ့အစည်းအဖြစ် ရပ်တည်ရန် ဆက်သွယ်ရေးဥပဒေတွင် ပြဋ္ဌာန်းထားသော်လည်း ယင်းသို့လွတ်လပ်စွာ ရပ်တည်နိုင်ခြင်းမရှိသေးသော အဖွဲ့အစည်းများထဲတွင် ဆက်သွယ်ရေးကြီးကြပ်မှုကော်မရှင်မှာလည်း တစ်ခုအပါအ၀င်ဖြစ်ကြောင်း ဥပမာပေးထားသည်။

သက်ဆိုင်ရာဌာန အဖွဲ့အစည်းများနှင့် အရပ်ဘက် အဖွဲ့အစည်းများ၊ ပြည်သူများ ပူးပေါင်းဆောင်ရွက်မည့် လုံခြုံရေးစီမံချက်များ ရေးဆွဲပြီး တရားဥပဒေ စိုးမိုးရေးလုပ်ငန်းများ အရှိန်အဟုန်မြှင့် ဆောင်ရွက်ရေးအဆို စစ်ကိုင်းတိုင်းဒေသကြီး လွှတ်တော်တွင် တင်သွင်း

ဒုတိယအကြိမ် စစ်ကိုင်းတိုင်းဒေသကြီး လွှတ်တော် ၁၃ ကြိမ်မြောက် ပုံမှန်အစည်းအဝေးကို မတ် ၁၅ ရက်က ပြုလုပ်စဉ်

သက်ဆိုင်ရာဌာန အဖွဲ့အစည်းများနှင့် အရပ်ဘက်အဖွဲ့အစည်းများ၊ ပြည်သူများ ပူးပေါင်းဆောင်ရွက်မည့် လုံခြုံရေး စီမံချက်များ ရေးဆွဲပြီး တရားဥပဒေစိုးမိုးရေး လုပ်ငန်းများ အရှိန်အဟုန်မြှင့် ဆောင်ရွက်ရေးအဆို စစ်ကိုင်းတိုင်းဒေသကြီး လွှတ်တော်တွင် တင်သွင်းခဲ့ကြောင်း သိရသည်။

မတ် ၁၅ ရက်က ကျင်းပပြုလုပ်ခဲ့သည့် ဒုတိယအကြိမ် စစ်ကိုင်းတိုင်းဒေသကြီး လွှတ်တော် ၁၃ ကြိမ်မြောက် ပုံမှန်အစည်းအဝေးတွင် သက်ဆိုင်ရာဌာန အဖွဲ့အစည်းများနှင့် အရပ်ဘက် အဖွဲ့အစည်းများ၊ ပြည်သူများ ပူးပေါင်းဆောင်ရွက်မည့် လုံခြုံရေးစီမံချက်များ ရေးဆွဲပြီး တရားဥပဒေစိုးမိုးရေး လုပ်ငန်းများ အရှိန်အဟုန်မြှင့် အကောင်အထည်ဖော် ဆောင်ရွက်နိုင်ရေးအတွက် တိုင်းဒေသကြီး အစိုးရအဖွဲ့အား တိုက်တွန်းကြောင်း အဆိုကို ရွှေဘိုမြို့နယ် မဲဆန္ဒနယ်မြေ အမှတ်(၁)တိုင်းဒေသကြီး လွှတ်တော်ကိုယ်စားလှယ် ဦးမိုးကျော်သူက တင်သွင်းခဲ့ခြင်းဖြစ်သည်။

“တရားဥပဒေစိုးမိုးရေးဟာ နိုင်ငံတစ်နိုင်ငံရဲ့ တည်ငြိမ်အေးချမ်းရေးကို ရရှိစေမှာဖြစ်တဲ့အတွက် ဖွံ့ဖြိုးတိုးတက်ရေးကိုပါ သက်ရောက်စေမှာ ဖြစ်ပါတယ်။ စစ်ကိုင်းတိုင်းဒေသကြီး အစိုးရအနေနဲ့လည်း ဖွံ့ဖြိုးတိုးတက်ရေးလုပ်ငန်းတွေကို အရှိန်အဟုန်မြှင့် ဆောင်ရွက်နေသလို တရားဥပဒေစိုးမိုးရေး လုပ်ငန်းတွေကိုလည်း ကျွဲကူးရေပါ တစ်ပြိုင်နက်တည်း ဆောင်ရွက်ကြမယ်ဆိုရင် ဖွံ့ဖြိုးတိုးတက်ရေးနဲ့ တည်ငြိမ်အေးချမ်းရေးတွေ ရရှိလာမှာ ဖြစ်ပါတယ်” ဟု ရွှေဘိုမြို့နယ် မဲဆန္ဒနယ်မြေအမှတ် (၁) တိုင်းဒေသကြီး လွှတ်တော်ကိုယ်စားလှယ် ဦးမိုးကျော်သူက ပြောကြားသည်။

ပြည်သူလူထုသည် မိမိတို့နိုင်ငံမှာရှိသည့် ဥပဒေများသည် တရားမျှတမှု ရှိပါသလား၊ တရားမျှတသည့် ဥပဒေများကလည်း စိုးမိုးမှုရှိသလားဆိုသည့် ကိစ္စကို ပြည်သူများသည် အမြဲတမ်း သတိထားတုံ့ပြန်နေကြောင်း တရားမျှတပြီး ဘက်လိုက်သည့် တရားစီရင်ရေးစနစ်အား ယုံကြည်မှုရှိလာမည်ဆိုပါက တရားမဲ့များ၊ မှုခင်းပြဿနာများမှာလည်း လူတစ်ဦးတစ်ယောက်စီက ဥပဒေနှင့်မညီသည့် ပြင်ပနည်းဖြင့် တရားရုံးများတွင် ဖြေရှင်းအားကိုးကြမည်ဖြစ်ကြောင်း ဒီပဲယင်းမြို့နယ် မဲဆန္ဒနယ်မြေအမှတ်(၂)တိုင်းဒေသကြီး လွှတ်တော်ကိုယ်စားလှယ် ဦးမိုးမင်းဝင်းက ပြောကြားသည်။

“ဒီမိုကရေစနစ်နဲ့ တရားရုံးတွေဟာ အားကောင်းခိုင်မာနေဖို့ လိုပါတယ်။ ပြီးခဲ့တဲ့ ကာလတစ်လျှောက်မှာတော့ ဒီကဏ္ဍဟာ ဆောင်ရွက်နေတဲ့သူတွေရဲ့ ပြည်သူတွေက ယုံကြည်အားကိုးမှုတွေ လျော့ကျလာတာဟာ လက်မခံလို့ မရပါဘူး။ ဘာကြောင့်လဲဆိုတော့ အဂတိလိုက်စားမှုတွေ ရှိပါတယ်။ ဥပဒေကို ကိုယ်လိုရာဆွဲပြီးတော့ ကိုယ်ကျိုးရှာမှုတွေ ရှိပါတယ်။ တရားမျှတမှုကို ဘက်လိုက်မှုကင်းကင်းနဲ့ ဆောင်ရွက်ပေးရမယ်ဆိုရင်မူသဘောတော့ ရှိပါတယ်။ နောက်တစ်ခါ လုပ်ငန်းကျွမ်းကျင် နည်းပါးတာတွေ ရှိပါတယ်။ ဒါတွေကြောင့် ဒီကဏ္ဍကို ပြည်သူတွေဟာ ယုံကြည်မှု ကျဆင်းနေတာ ဖြစ်ပါတယ်” ဟု ဒီပဲယင်းမြို့နယ် မဲဆန္ဒနယ်မြေအမှတ်(၂)တိုင်းဒေသကြီး လွှတ်တော်ကိုယ်စားလှယ် ဦးမိုးမင်းဝင်းက ဆက်လက်ပြောကြားသည်။

သက်ဆိုင်ရာဌာန အဖွဲ့အစည်းများနှင့် အရပ်ဘက် အဖွဲ့အစည်းများ၊ ပြည်သူများပူး ပေါင်းဆောင်ရွက်မည့် လုံခြုံရေးစီမံချက်များ ရေးဆွဲပြီး တရားဥပဒေစိုးမိုးရေးလုပ်ငန်းများ အရှိန်အဟုန်မြှင့် ဆောင်ရွက်ရေးအဆိုကို ဒီပဲယင်းမြို့နယ် မဲဆန္ဒနယ်မြေအမှတ်(၂) တိုင်းဒေသကြီး လွှတ်တော်ကိုယ်စားလှယ် ဦးမိုးမင်းဝင်းက ထောက်ခံဆွေးနွေးခဲ့ပြီး ယင်းအဆိုအား တနင်္လာနေ့တွင် စစ်ကိုင်းတိုင်းဒေသကြီး လွှတ်တော်၏ အဆုံးအဖြတ်ရယူသွားမည်ဖြစ်ကြောင်း သိရသည်။

တရားဥပဒေစိုးမိုးရေးအတွက် နှစ်ဖက်တပ်များ အနေဖြင့် တည်ဆဲတရားဥပဒေများအား လေးစားလိုက်နာရမည်ဟု မော်လမြိုင်မြို့ JMC ဆိုင်ရာ အလုပ်ရုံဆွေးနွေးပွဲတွင် ပြောကြား

မော်လမြိုင်မြို့ရှိ ငွေမိုးဟိုတယ်တွင် ဖေဖော်ဝါရီ ၂၂ ရက်က JMC ဆိုင်ရာ အလုပ်ရုံဆွေးနွေးပွဲ ပြုလုပ်စဉ်

တရားဥပဒေစိုးမိုးရေးအတွက် နှစ်ဖက်တပ်များအနေဖြင့် တည်ဆဲတရားဥပဒေများအား လေးစားလိုက်နာရမည်ဖြစ်ကြောင်း မွန်ပြည်နယ် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ JMC-S (Mon) ဥက္ကဋ္ဌဖြစ်သူ အရှေ့တောင် တိုင်းစစ်ဌာနချုပ် တိုင်းမှူးဗိုလ်ချုပ်မျိုးဝင်းက ဖေဖော်ဝါရီ ၂၂ ရက် နံနက် ၉ နာရီက မော်လမြိုင်မြို့ရှိ ငွေမိုးဟိုတယ်တွင် ပြုလုပ်သော JMC ဆိုင်ရာ အလုပ်ရုံဆွေးနွေးပွဲ အဖွင့်အမှာစကားပြောကြား၌ ထည့်သွင်းပြောကြားခဲ့သည်။

“ဒီနေရာမှာ အဓိကအချက်ကတော့ တရားဥပဒေစိုးမိုးရေးပဲ ဖြစ်ပါတယ်။ တရားဥပဒေစိုးမိုးမှသာလျှင် လူတွေအားလုံးအေးအေးချမ်းချမ်းနဲ့ နေထိုင်နိုင်ပြီးတော့ လူမှုစီးပွားတိုးတက်မှာ ဖြစ်ပါတယ်။ တရားဥပဒေ ဆိုတာကလည်း ဒီကနေ့တည်ဆဲဥပဒေတွေပဲ ဖြစ်ပါတယ်။ တည်ဆဲဥပဒေကိုလည်းပဲ လေးစားလိုက်နာရမှာ ဖြစ်ပါတယ်။ တည်ဆဲဥပဒေတွေကို လေ့လာမယ်။ လေ့လာမယ့် အချက်တွေပေါ်မူတည်ပြီး ကျွန်တော်တို့ လိုက်နာဆောင်ရွက်သွားမယ်ဆိုရင် ဘာအခက်အခဲမှရှိမှာ မဟုတ်ပါဘူး။ အဲ့ဒီတော့ နှစ်ဖက်တပ်ဖွဲ့၊ အဖွဲ့အစည်းတွေအနေနဲ့လည်း တရားဥပဒေကို လေးစားလိုက်နာရမှာ ဖြစ်ပါတယ်” ဟု ဗိုလ်ချုပ်မျိုးဝင်းက ပြောကြားသည်။

၎င်းက ဆက်လက်ပြီး “ကိုယ့်ဒေသနယ်မြေအတွင်း ဆောင်ရွက်လိုတဲ့ အချက်အလက်တွေရှိရင်လည်း ပူးပေါင်းညှိနှိုင်း ဆောင်ရွက်သွားကြရမှာ ဖြစ်ပါတယ်။ ပူးပေါင်းညှိနှိုင်း ဆောင်ရွက်ခြင်းအားဖြင့် အရာရာ ဖွံ့ဖြိုးတိုး တက်မှာ ဖြစ်ပါတယ်။ ဒါကြောင့် ဒီကနေ့ အလုပ်ရုံဆွေးနွေးပွဲကို တက်ရောက်လာတဲ့ တပ်မှူးတွေအနေနဲ့ ဒီ JMC ဆိုင်ရာလုပ်ငန်းစဉ်တွေရယ်၊ COC ဆိုတဲ့ Code of Conduct တွေကို သိရှိနားလည်ပြီး ကိုယ်ကိုယ်တိုင် သိရှိနားလည်ပြီး ဒီအချက်တွေကိုလည်းပဲ လိုက်နာဆောင်ရွက်ကြဖို့၊ မိမိရဲ့ကွပ်ကဲမှုအောက်မှာရှိတဲ့ အဆင့်အားလုံးကို ချပြရှင်းလင်းပြီးတော့ တရားဥပဒေနဲ့အညီ နေထိုင်လုပ်ကိုင်ခြင်း၊ JMC ဆိုင်ရာ လုပ်ငန်းစဉ်တွေကို အောင်မြင်အောင် အထောက်အကူပြုခြင်းအားဖြင့် ဒီဘက်က နိုင်ငံရေးဆွေးနွေးပွဲတွေ အောင်မြင်ပြီးတော့ ကျွန်တော်တို့ လိုလားတဲ့၊ အားလုံးသဘောတူတဲ့ ဒီမိုကရေစီကို အခြေခံတဲ့ ဖက်ဒရယ်ပြည်ထောင်စုကိုလည်း ရရှိမှာဖြစ်ပါတယ်” ဟု ပြောကြားသည်။

“JMC အနေနဲ့က ပစ်ခတ်တိုက်ခိုက်မှုတွေ မဖြစ်အောင်၊ နှစ်ဖက်တပ်တွေ ပဋိပက္ခ မဖြစ်အောင်၊ ထိတွေ့တိုက်ခိုက်မှုတွေမဖြစ်အောင် ကျွန်တော်တို့အနေနဲ့ ညှိနှိုင်းဆောင်ရွက်နေသလို၊ တစ်ဖက်ကလည်းပဲ UPDJC ကနေပြီးတော့ အားလုံးလက်ခံနိုင်မယ့် နိုင်ငံရေးဆိုင်ရာ ဆွေးနွေးပွဲတွေ ကျင်းပပြုလုပ်သွားမှာ ဖြစ်ပါတယ်။ JMC ဆိုတာက တစ်ဖက်က နိုင်ငံရေးဆွေးနွေးပွဲတွေ အောင်မြင်စွာ ဆောင်ရွက်နိုင်ဖို့အတွက် ငြိမ်းချမ်းရေးရရှိလေအောင်၊ ငြိမ်းချမ်းရေး တည်မြဲနေအောင်၊ ခိုင်မြဲနေအောင် ဆက်လက်ဆောင်ရွက်နေတဲ့ အဖွဲ့ပဲဖြစ်ပါတယ်။ တစ်ဖက်က စားပွဲဝိုင်းမှာ ဆွေးနွေးနေတဲ့အချိန်မှာ တစ်ဖက်က ပဋိပက္ခတွေဖြစ်ပွားနေလို့ရှိရင် ဆွေးနွေးပွဲတွေက ဘယ်လိုမှအဆင်ပြေချောမွေ့မှာ မဟုတ်ပါဘူး။ ဒါကြောင့် တိုင်းရင်းသားတွေ၊ ပြည်သူလူထုတွေ လိုလားနေတဲ့ ဒီမိုကရေစီကို အခြေခံတဲ့ ဖက်ဒရယ်ပြည်ထောင်စု ဖြစ်ပေါ်လာရေးအတွက် နိုင်ငံရေးဆွေးနွေးပွဲတွေ အောင်အောင်မြင်မြင်နဲ့ ဆွေးနွေးနိုင်ဖို့ လိုအပ်ပါတယ်။ ဒီလိုဆွေးနွေးနိုင်ဖို့အတွက်လည်း တစ်ဖက်က တိုင်ရင်းသားလက်နက်ကိုင် အဖွဲ့အစည်းတွေနဲ့ အစိုးရ၊ တပ်မတော်၊ တစ်ဖက်အဖွဲ့အစည်းတွေ ငြိမ်းငြိမ်းချမ်းချမ်းနဲ့ အတူပူးပေါင်းနေထိုင်ပြီး ဒေသအတွက် လိုအပ်တဲ့ ဖွံ့ဖြိုးမှုတွေ၊ အခြေခံအချက်တွေကို ပြည့်စုံအောင် တစ်ဖက်တစ်လမ်းက ဆောင်ရွက်ရမှာဖြစ်ပါတယ်” ဟု ဗိုလ်ချုပ်မျိုးဝင်းက ပြောကြားသည်။

“ဒီနေရာမှာ အချက်တစ်ချက်အနေနဲ့ စည်းမျဉ်းစည်းကမ်းများနှင့် စစ်ဘက်ဆိုင်ရာ ကျင့်ဝတ်များ (Code of Conduct- COC) က ဘာကိုအခြေခံလဲဆိုတော့ ကျွန်တော်တို့ နှစ်ဖက်တပ်တွေ လိုက်နာရမယ့် စည်းမျဉ်းစည်းကမ်းတွေ၊ ပြီးတဲ့အခါမှာ ပြည်သူလူထုအပေါ် ကျွန်တော်တို့ နှစ်ဖက်တပ်တွေအနေနဲ့ ကာကွယ်စောင့်ရှောက်ဖို့ တာဝန်ရှိပါတယ်။ ဒါကြောင့် ပြည်သူလူထုနဲ့ ပတ်သက်တဲ့ လိုက်နာရမယ့် အချက်အလက်တွေကိုလည်းပဲ သေချာကျေကျေလည်လည် သိရှိပြီးတော့ လိုက်နာဆောင်ရွက်ဖို့ လိုပါမယ်” ဟု ဗိုလ်ချုပ်မျိုးဝင်းက ဆက်လက်ပြောကြားသည်။

“တကယ်တမ်းလက်နက်ကိုင် ပဋိပက္ခတွေ ရှည်ကြာနေလေ၊ ယုံကြည်မှုအားနည်းလေပဲ ဖြစ်ပါတယ်။ ဒီလိုမျိုး ပဋိပက္ခရှည်ကြာနေတာကို ဒီအတိုင်းပဲ သွားကြမှာလား။ ဒါကို ကျွန်မတို့ စဉ်းစားကြရပါမယ်။ သို့သော်လည်း ယနေ့ မြန်မာနိုင်ငံရဲ့ အဓိကရည်မှန်းချက်၊ ယုံကြည်ချက်ပန်းတိုင်ဟာ ကျွန်မ ထင်ပါတယ်။ တကယ့်ငြိမ်းချမ်းရေးပါပဲ။ ထိုနည်းတူစွာပဲ ငြိမ်းချမ်းရေးဟာ မြန်မာနိုင်ငံရဲ့ အဓိက ရည်မှန်းချက်၊ ဘုံပန်းတိုင်ဖြစ်နေတဲ့အတွက် ဒီနေ့ ဒီမှာရှိနေတဲ့လူအားလုံးကလည်း နှလုံးသားထဲမှာ ငြိမ်းချမ်းရေးကို လိုချင်တမ်းတကြမယ်လို့ ယုံကြည်ပါတယ်။ ထို့နည်းတူစွာ ဒီကနေ့ ငြိမ်းချမ်းရေးကို အကောင်အထည်ဖော်ဆောင်တဲ့နေရာမှာ NCA လမ်းကြောင်းကနေ ပေါ်ပေါက်လာတဲ့ JMC ဟာ တကယ့် ဒေါက်တိုင်တစ်ခုပါပဲ။ JMC လုပ်ငန်းစဉ်တွေကိုလည်း ဒီအလုပ်ရုံ ဆွေးနွေးပွဲ တက်ရောက်လာသူများအနေနဲ့ ပိုမိုသိရှိပြီးတော့ ပူးပေါင်းဆောင်ရွက်ကြမယ်ဆိုရင် ကျွန်မတို့ မြန်မာနိုင်ငံရဲ့ တကယ့်ရည်မှန်းချက်ပန်းတိုင်ကို ရောက်ရှိနိုင်လိမ့်မယ်လို့ အရပ်သားကိုယ်စားလှယ်တစ်ယောက်အနေနဲ့ ယုံကြည်ပါတယ်” ဟု မွန်ပြည်နယ် ပစ်ခတ်တိုက်ခိုက်မှုဆိုင်ရာ ပူးတွဲစောင့်ကြည့်ရေးကော်မတီ JMC-S (Mon) ဒု ဥက္ကဋ္ဌ (၂) ဖြစ်သူ ဒေါ်နော်ဆာထူးက ပြောကြားသည်။

အဆိုပါ JMC ဆိုင်ရာ အလုပ်ရုံဆွေးနွေးပွဲသို့ အရှေ့တောင်တိုင်းစစ်ဌာနချုပ် တိုင်းမှူးဗိုလ်ချုပ်မျိုးဝင်း၊ မွန်ပြည်နယ်အစိုးရ အဖွဲ့ဝင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းနိုင်ဦးစသော မွန်ပြည်နယ် ပစ်ခတ်တိုက်ခိုက်မှုဆိုင်ရာ ပူးတွဲစောင့်ကြည့်ရေးကော်မတီဝင်များ၊ တပ်မတော်သား ကိုယ်စားလှယ်များ၊ တိုင်းရင်းသားလက်နက်ကိုင် အဖွဲ့အစည်းများမှ ကိုယ်စားလှယ်များ၊ အထွေထွေအုပ်ချုပ်ရေးဦးစီးဌာနမှ ခရိုင်နှင့် မြို့နယ်အဆင့် အုပ်ချုပ်ရေးမှူးများ တက်ရောက်ခဲ့ကြပြီး အလုပ်ရုံ ဆွေးနွေးပွဲအား ဖေဖော်ဝါရီ ၂၂ ရက်မှ ၂၃ ရက်ထိ နှစ်ရက်တာ ကျင်းပပြုလုပ်သွားမည်ဖြစ်ကြောင်း သိရသည်။

မြန်မာ-ဘင်္ဂလားဒေ့ရှ် နှစ်နိုင်ငံ နယ်စပ်ဒေသ လုံခြုံရေးနှင့် တရားဥပဒေစိုးမိုးရေးဆိုင်ရာ ကိစ္စရပ်များ ဆွေးနွေးရန် ပြည်ထဲရေးဝန်ကြီး ဒုတိယဗိုလ်ချုပ်ကြီးကျော်ဆွေ ဘင်္ဂလားဒေ့ရ်ှနိုင်ငံသို့ ချစ်ကြည်ရေးခရီး သွားရောက်

နေပြည်တော် ပြည်ထဲရေးဝန်ကြီးဌာန ၀န်ကြီးရုံးတွင် ၂၀၁၇ ခုနှစ် အောက်တိုဘာ ၂၄ ရက်က မြန်မာ-ဘင်္ဂလားဒေ့ရှ် နှစ်နိုင်ငံပြည်ထဲရေးဝန်ကြီးအဆင့် အစည်းအဝေး ကျင်းပနေသည်ကို တွေ့ရစဉ်

ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးကျော်ဆွေ ဦးဆောင်၍ မြန်မာနိုင်ငံရဲတပ်ဖွဲ့၊ အထွေထွေ အုပ်ချုပ်ရေးဦးစီးဌာန၊ နိုင်ငံခြားရေးဝန်ကြီးဌာနတို့မှ ကိုယ်စားလှယ် ၁၂ ဦး ပါဝင်သော အဖွဲ့သည် ဖေဖော်ဝါရီ ၁၅ ရက် နံနက်ပိုင်းတွင် ဘင်္ဂလားဒေ့ရ်ှနိုင်ငံသို့ ချစ်ကြည်ရေးခရီး ထွက်ခွာသွားကြောင်း ပြည်ထဲရေးဝန်ကြီးဌာနမှ သတင်းထုတ်ပြန်သည်။

အဆိုပါ ခရီးစဉ်အတွင်း မြန်မာ-ဘင်္ဂလားဒေ့ရ်ှနှစ်နိုင်ငံ နယ်စပ်ဒေသလုံခြုံရေးနှင့် တရားဥပဒေစိုးမိုးရေးဆိုင်ရာ ကိစ္စရပ်များ၊ မူးယစ်ဆေးဝါး ပူးပေါင်းတိုက်ဖျက်ရေး၊ နှစ်နိုင်ငံ နယ်စပ်ဆက်ဆံရေးရုံး (Border Liaison Office) ဖွင့်လှစ်မည့်ကိစ္စရပ်များ ဆွေးနွေး ညှိနှိုင်းမည်ဖြစ်ကြောင်း သတင်းထုတ်ပြန်ချက်အရ သိရသည်။

ဘင်္ဂလားဒေ့ရ်ှနိုင်ငံပြည်ထဲရေးဝန်ကြီး ဌာန၀န်ကြီး Mr. Asaduzzaman Khan သည် မြန်မာနိုင်ငံသို့ ၂၀၁၇ ခုနှစ် အောက်တိုဘာအတွင်းက လာရောက်ခဲ့ပြီး နေပြည်တော် ပြည်ထဲရေးဝန်ကြီးဌာန၀န်ကြီးရုံးတွင် အောက်တိုဘာ ၂၄ ရက်က ကျင်းပသော မြန်မာနိုင်ငံနှင့် ဘင်္ဂလားဒေ့ရ်ှနိုင်ငံနိုင်ငံ၏ နယ်စပ်ဒေသ လုံခြုံရေးနှင့် တရားဥပဒေစိုးမိုးရေး ပူးပေါင်းဆောင်ရွက်မှု တိုးမြှင့်ရေးဆိုင်ရာ ပြည်ထဲရေးဝန်ကြီးဌာန ၀န်ကြီးအဆင့် အစည်းအဝေးသို့ တက်ရောက်ခဲ့သည်။

နှစ်နိုင်ငံပြည်ထဲရေးဝန်ကြီးအဆင့် အစည်းအဝေးတွင် နှစ်နိုင်ငံနယ်စပ်ဒေသ တရားဥပဒေစိုးမိုးရေးနှင့် လုံခြုံရေးပူးပေါင်းဆောင်ရွက်မှု တိုးမြှင့်ဆောင်ရွက်ရေး၊ အကြမ်းဖက်မှု တိုက်ဖျက်ရေး၊ နယ်စပ်ဆက်ဆံရေးရုံးများ ထူထောင်ဖွင့်လှစ်ခြင်း၊ တရားမ၀င် နယ်စပ်ဖြတ်ကျော်မှုနှင့် လူဝင်/လူထွက်မှုများ စိစစ်ခြင်းနှင့် နိုင်ငံသား စိစစ်လက်ခံမှုများ၊ မူးယစ်ဆေးဝါး တားဆီးနှိမ်နင်းရေးစသည့် ကဏ္ဍတို့တွင် အဆင့်လိုက် ပူးပေါင်းဆောင်ရွက်ရန် ဆွေးနွေးခဲ့သည်။

ထို့နောက် ဘင်္ဂလားဒေ့ရ်ှနိုင်ငံသို့ မြန်မာဘက်မှ ရောက်ရှိနေသူများအား စိစစ်မှုများ ပြုလုပ်ပြီး လုပ်ထုံးလုပ်နည်းနှင့်အညီ စနစ်တကျ ပြန်လည်လက်ခံနိုင်ရေးတို့ကိုလည်း ဆွေးနွေးခဲ့ပြီး နှစ်နိုင်ငံပြည်ထဲရေးဝန်ကြီး ဌာနများအကြား ပူးပေါင်းဆောင်ရွက်ရန် သဘောတူညီချက် ၁၀ ချက်ကို အတည်ပြုခဲ့ကြောင်း ထိုစဉ်က ပြည်ထဲရေးဝန်ကြီးဌာနက သတင်းထုတ်ပြန်သည်။

ထို့ပြင် နှစ်နိုင်ငံပြည်ထဲရေးဝန်ကြီးအဆင့် အစည်းအဝေးတွင် မြန်မာနှင့်ဘင်္ဂလားဒေ့ရ်ှနှစ်နိုင်ငံအကြား လုံခြုံရေးကဏ္ဍ ဆွေးနွေးမှုနှင့် ပူးပေါင်းဆောင်ရွက်ရေးနားလည်မှု စာချွန်လွှာ၊ နယ်စပ်ဆက်ဆံရေးရုံးများ (Border Liaison Offices) ထူထောင်မှုဆိုင်ရာ နားလည်မှု စာချွန်လွှာတို့ကိုလည်း နှစ်နိုင်ငံ တာဝန်ရှိသူများက လက်မှတ်ရေးထိုးထားသည်။

ဒီမိုကရေစီနှင့် တရားဥပဒေစိုးမိုးရေး

ဒီမိုကရေစီစနစ်တွင် တရားဥပဒေစိုးမိုးရေးသည် မရှိမဖြစ် လိုအပ်သည်။ ပြည်သူများ အနေဖြင့် မိမိတို့၏ ဆန္ဒသဘောထားများကို ဖော်ထုတ်ပြသရာ၌လည်းကောင်း၊ နိုင်ငံ၏ အချုပ်အခြာအာဏာ ပိုင်ဆိုင်မှုကို ကျင့်သုံးရာ၌လည်းကောင်း ဥပဒေမှတစ်ဆင့်သာ ဖြစ်ရမည်။ အစိုးရအဖွဲ့ဟူသည် ဥပဒေဖြင့် ဖွဲ့စည်းထားခြင်းသာဖြစ်ပြီး လူများဖြင့် ဖွဲ့စည်းထားခြင်းမဟုတ်ပေ။ ဒီမိုကရေစီ သဘောထားစည်းမျဉ်းများအောက်၌ ချမ်းသာသူဖြစ်စေ၊ အာဏာရှိသူဖြစ်စေ ဥပဒေ၏အထက်၌ မရှိပေ။ အစိုးရကိုယ်နှိုက်သည်ပင်လျှင် ဥပဒေကို ဆန့်ကျင်လျက် ထင်ရာစိုင်းခွင့်မရှိပေ။ ကောင်းမွန်သော ဒီမိုကရေစီအုပ်ချုပ်ရေးဟူသည် အခြေခံသဘောအရပင် တရားဥပဒေစိုးမိုးရေးနှင့် ယှဉ်တွဲလျက်လာသည်။

လူများနှင့် အရပ်ဘက် အဖွဲ့အစည်းများ အနေဖြင့် ဥပဒေကိုလိုက်နာသော အလေ့အထရှိရန် တရားဥပဒေစိုးမိုးရေးက တောင်းဆိုသည်။ တရားဥပဒေစိုးမိုးရေးသည် အစိုးရ၏ လုပ်ရပ်များအား ဥပဒေက ပြဋ္ဌာန်းထားသော လုပ်ပိုင်ခွင့်နှင့် တာဝန်အကန့်အသတ်များ အတွင်း၌ရှိရန် တောင်းဆိုသည်။ တရားဥပဒေစိုးမိုးမှုမရှိပါက မင်းမဲ့စရိုက်များဖြင့် ပရမ်းပတာ အနေအထားသို့ ကျရောက်သွားမည်ဖြစ်သည်။ လူများအနေဖြင့် တရားဥပဒေကို လိုက်နာခြင်းမရှိပါက၊ အစိုးရအဖွဲ့များအနေဖြင့် လုပ်ပိုင်ခွင့်အာဏာကို ကျော်လွန်လျက် ထင်ရာစိုင်းပါက နိုင်ငံသည် ပရမ်းပတာ အနေအထားသို့ ကျရောက်သွားမည်ဖြစ်သည်။ တရားဥပဒေစိုးမိုးရေးကို ပို၍ခိုင်မာစွာ အဓိပ္ပာယ်ဖွင့်ဆိုပါက ငြိမ်းချမ်းရေးနှင့် အမိန့်အာဏာထိန်းသိမ်းခြင်း၊ ခြစားမှုကင်းစင်ခြင်း၊ ဘက်မလိုက်သည့် ထိရောက်သော တရားရေးစနစ်ရှိခြင်း၊ လူ့အခွင့်အရေးများကို လိုက်နာကာ ထိန်းသိမ်းစောင့်ရှောက်ခြင်းနှင့် ရှင်းလင်းသော လူသိရှင်ကြား ထုတ်ပြန်ထားသော တည်ငြိမ်၍ မှန်ကန်သော ဥပဒေများရှိခြင်းဟု အဓိပ္ပာယ်ရသည်။

တရားဥပဒေက မြှင့်တင်ရန် ကြိုးစားသောအရာသည် တရားမျှတမှုဖြစ်သည်။ လူမှုရေးရာ ဒုစရိုက်မှုများကို ဟန့်တားရန် ဥပဒေအားနည်းသည့်အခါ၊ ဥပဒေများရှိသော်လည်း ထိရောက်မှုနှင့် တာဝန်ယူမှု အားနည်းသည့်အခါ၊ ဥပဒေအတိုင်း သစ္စာရှိရှိ ကျင့်သုံးမှုမရှိ သည့်အခါ တရားမျှတမှုကို ရရှိမည်မဟုတ်ပါ။ တရားရေးစနစ်သည် ဘက်လိုက်မှုများရှိပါက၊ ကျောသားရင်သားခွဲခြားနေပါက၊ ဆင်းရဲပြီး နိမ့်ကျသူများထက် ချမ်းသာပြီး သြဇာရှိသူများကို မျက်နှာသာပေးပါက၊ တရားရေးလုပ်ငန်းစဉ်များသည် ရှည်လျားပြီး ခက်ခဲရှုပ်ထွေးလျက် ရရှိနိုင်ရန်ခဲယဉ်းကာ ကြန့်ကြာနေပါက တရားမျှတမှုကို ရရှိမည်မဟုတ်ပါ။ အုပ်ချုပ်ရေးဆောင်ရွက်သူများအနေဖြင့် မတရားမှုများကို လုံးဝဖယ်ရှားခြင်းမပြုနိုင်သည့်တိုင် အနည်းဆုံးဖြစ်အောင် ပြုလုပ်နိုင်ပါက တရားဥပဒေစိုးမိုးရေးရှိသည်ဟု ခေါ်ဆိုနိုင်သည်။

တရားဥပဒေစိုးမိုးရေး အနေဖြင့် လူ့အဖွဲ့အစည်း၏ လိုအပ်ချက်များကို တုံ့ပြန်နိုင်သည့် ဥပဒေများရှိရန်လည်း လိုအပ်သည်။ ခေတ်မမီတော့သော၊ မဆီလျော်တော့သော ဥပဒေများကို မွမ်းမံပြင်ဆင်ခြင်း သို့မဟုတ် ရုပ်သိမ်းလျက် ခေတ်နှင့်လျော်ညီသော ဥပဒေများဖြင့် အစားထိုးခြင်းတို့ ပြုလုပ်ရန်လည်း လိုအပ်သည်။ ၎င်းအပြင် တရားဥပဒေထိန်းသိမ်းရေးအဖွဲ့များ၏ သမာဓိကို ပြည်သူအများက ယုံကြည်နေရန်လည်း လိုအပ်သည်။ ပြည်သူများအနေဖြင့် တရားဥပဒေထိန်းသိမ်းရေးအဖွဲ့များအပေါ် အယုံအကြည် မရှိပါက တရားဥပဒေကို လိုက်နာမှုလည်း လျော့ကျလာမည်ဖြစ်သည်။ အရေးကြီးဆုံးအချက်မှာ တရားဥပဒေ ထိန်းသိမ်းရေးအဖွဲ့များအနေဖြင့် ခြစားမှု လုံးဝကင်းစင်နေရန် လိုအပ်သည်။ ယင်းအဖွဲ့များအတွင်း၌ ခြစားမှုများ ဖြစ်ပေါ်နေပါက တရားဥပဒေများအပေါ် ပြည်သူများ အနေဖြင့် အယုံအကြည်ရှိတော့မည် မဟုတ်သောကြောင့် တရားဥပဒေစိုးမိုးရေးသည်လည်း ပျောက်ကွယ်သွားမည်ဖြစ်သည်။ ၎င်းအပြင် တရားရေးစနစ်၌ ဥပဒေများကို ကျင့်သုံးဆောင်ရွက်နေသူများအနေဖြင့် ဥပဒေများနှင့်ပတ်သက်၍ ကျွမ်းကျင်ပိုင်နိုင်ရမည်ဖြစ်ပြီး တရားဥပဒေစိုးမိုးရေးကို မြှင့်တင်နိုင်ရန်အတွက် အစဉ်အမြဲ အားထုတ်နေရန် လိုအပ်သည်။

မည်သို့ပင်ဆိုစေကာမူ နိုင်ငံတစ်နိုင်ငံသည် တရားဥပဒေစိုးမိုးမှုမရှိပါက ဒီမိုကရေစီသည်လည်း မှေးမှိန်ပျောက်ကွယ်သွားမည်ဖြစ်ပြီး ပရမ်းပတာ ထင်ရာစိုင်းနေကြသော အနေအထားတစ်ရပ်သို့ ကျရောက်သွားမည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

ဖေဖော်ဝါရီ (၉) ထုတ် The Daily Eleven သတင်းစာ အယ်ဒီတာ့အာဘော်