အမျိုးသားရေးနှင့် တိုင်းရင်းသားလူမျိုးစုအရေးတွင် စစ်အင်အားဖြင့် သြဇာသက်ရောက်အောင် ဆောင်ရွက်နေခြင်းကို အဆုံးသတ်ကြရမည်ဖြစ်ကြောင်း NLD ပါတီ ထုတ်ပြန်

အမျိုးသားရေးနှင့် တိုင်းရင်းသားလူမျိုးစုများအရေးတွင် စစ်အင်အားဖြင့် သြဇာသက်ရောက်အောင် ဆောင်ရွက်နေခြင်းကို အဆုံးသတ်ရမည်ဖြစ်ကြောင်း အမျိုးသားဒီမိုကရေစီအဖွဲ့ချုပ် (NLD) ပါတီက မတ် ၂၇ ရက်တွင်ပြုလုပ်သည့် (၇၃) နှစ်မြောက် ဖက်ဆစ်တော်လှန်ရေးနေ့ (တပ်မတော်နေ့) အခမ်းအနားတွင် ကြေညာချက်ထုတ်ပြန်သည်။

အမျိုးသားဒီမိုကရေစီအဖွဲ့ချုပ်သည် ပြည်သူများ၏ ဇွဲလုံ့လ၀ီရိယနှင့် မျှော်လင့်ချက်များကြောင့် ရရှိခဲ့သော ဒီမိုကရေစီအောင်ပွဲကို မည်သည့်နည်းနှင့်မျှ ဆုံးရှုံးမခံနိုင်ကြောင်း၊ အယူအဆကွဲလွဲမှုများကြောင့် ဆိုးဆိုးရွားရွား နာကျင်ခံစားရမှုမျိုးကိုလည်း မည်သည့်အခါမျှ အဖြစ်ခံမည်မဟုတ်ကြောင်း၊ အမျိုးသားရေးနှင့် တိုင်းရင်းသားလူမျိုးစုများအရေးတွင် စစ်အင်အားဖြင့် ဆောင်ရွက်နေခြင်းမျိုးကိုလည်း အဆုံးသတ်ကြရမည်ဖြစ်ကြောင်း၊ တိုင်းရင်းသားများအကြား၊ အမျိုးသားများအကြား မယုံသင်္ကာဖြစ်မှုနှင့် ရန်ငြှိုးထားသိုမှုများကို အခြေခံသည့် လက်နက်ကိုင်ပဋိပက္ခအဖြစ် အဖြေရှာရွေးချယ်မှုများကိုလည်း နိဂုံးချုပ်ရမည်ဖြစ်ကြောင်း အဆိုပါကြေညာချက်တွင် ပါရှိသည်။

ထို့အတူ ပွင့်လင်းသည့်နှလုံးသားနှင့် စာနာစိတ်ကိုအရင်းတည်ပြီး လူသား၏ဖြစ်တည်မှုအပေါ်၊ နှုန်းစံတန်ဖိုးများအပေါ် လေးစားနားလည်ကြရန် အမြော်အမြင်ရှိရှိ အပြန်အလှန်နားလည်မှုရှိရှိဖြင့် ဒီမိုကရေစီပြည်ထောင်စုသစ်ကို ကြိုးပမ်းပုံဖော်ကြရမည်ဖြစ်ကြောင်း ကြေညာချက်တွင် ဖော်ပြထားသည်။

“အမျိုးသားဒီမိုကရေစီအဖွဲ့ချုပ်က တိုင်းပြည်တာဝန်ကို စတင်ရယူထားတဲ့အချိန်ကစပြီး အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ငြိမ်းချမ်းရေးကိစ္စကို ရှေ့ဆုံးမှာ ဦးစားပေးဆောင်ရွက်နေပါတယ်။ ရည်ရွယ်ချက်ကတော့ ဒီမိုကရေစီနဲ့ ဖက်ဒရယ်စနစ် နှစ်မျိုးစလုံးကိုအခြေခံတဲ့ ပြည်ထောင်စုကြီးကို တိုင်းရင်းသားပြည်သူလူထုနဲ့အတူ ထူထောင်ဖို့ဖြစ်ပါတယ်။ ဒီလိုထူထောင်ဖို့ ကျွန်တော်တို့အချင်းချင်းကြားမှာရှိတဲ့ ပြဿနာတွေကို လက်နက်ကိုင်တဲ့နည်းလမ်းနဲ့ ဖြေရှင်းမယ့်အစား စကားဝိုင်းမှာတွေ့ဆုံကြ၊ ဖြေရှင်းကြဖို့ တိုက်တွန်းနေရခြင်း ဖြစ်ပါတယ်” ဟု အခမ်းအနားသဘာပတိမိန့်ခွန်းတွင် NLD ပါတီဗဟိုအလုပ်အမှုဆောင်အဖွဲ့၊ အတွင်းရေးမှူးအဖွဲ့ဝင် ဦးဟံသာမြင့်က ထည့်သွင်းပြောကြားသည်။

ဖက်ဒရယ်စနစ်နှင့် ဒီမိုကရေစီကိုအခြေခံသည့် ပြည်ထောင်စုကြီးကို တည်ထောင်ရသည့် ရည်ရွယ်ချက်သည် တိုင်းရင်းသားအားလုံးအတွက် မိမိတို့ကိုယ်စွမ်း၊ ဥာဏ်စွမ်းရှိသမျှ မိမိတို့ဘ၀ကို ကောင်းမွန်အောင် မိမိတို့ကသာ ပြဋ္ဌာန်းဖန်တီးနိုင်မည့် အခင်းအကျင်းမျိုးကို ရရှိရန်ဖြစ်ကြောင်း ဦးဟံသာမြင့်က ဆက်လက်ပြောကြားသည်။

ထို့ပြင် ရှေ့ဆက်မည့်ခရီးတွင် အမျိုးသားဒီမိုကရေစီအဖွဲ့ချုပ်က မြန်မာနိုင်ငံသူ၊ နိုင်ငံသားများ၏အကျိုးကို ယခုထက်ပိုမိုကြိုးစားရန်အတွက် တိုင်းရင်းသား၊ နိုင်ငံရေးပါတီများအပါအ၀င် မြန်မာပြည်သူလူထု၏အကျိုးကို လိုလားသည့် မည်သူနှင့်မဆို ပိုမိုရင်းနှီးစွာ ပူးပေါင်းဆောင်ရွက်သွားမည်ဖြစ်ပြီး ပြည်သူလူထု၏အကျိုးကို ထိခိုက်နစ်နာရန် တစ်စုံတစ်ရာ လုပ်ဆောင်နေပြီဆိုပါက အဖွဲ့ချုပ်၏ပါတီဝင်များအပြင် မည်သူကိုမဆို လက်တွဲဖြုတ်သွားရန် ၀န်လေးမည်မဟုတ်ကြောင်း ဦးဟံသာမြင့်က ပြောကြားသည်။

၂၀၁၈ ခုနှစ် မတ် ၂၇ ရက်သည် (၇၃) နှစ်မြောက် ဖက်ဆစ်တော်လှန်ရေးနေ့ဖြစ်ကြောင်း၊ မြန်မာနိုင်ငံတစ်နံတစ်လျား၊ တောင်ပေါ်မြေပြန့်၊ မြို့ပြနှင့် ကျေးလက်ဒေသများမှ အလုပ်သမား၊ လယ်သမား၊ တိုင်းရင်းသားလူမျိုးပေါင်းစုံ၊ ဘာသာသာသနာပေါင်းစုံ၊ လူတန်းစားပေါင်းစုံ၊ အလွှာပေါင်းစုံ သွေးစည်းညီညွတ်လျက် ဖက်ဆစ်ဝါဒီများအား ပြည်သူ့စစ်ပွဲအဖြစ် တော်လှန်တိုက်ပွဲဝင်ခဲ့ကြကြောင်း၊ ကွန်မြူနစ်ပါတီ၊ ဆိုရှယ်လစ်ပါတီနှင့် အခြားနိုင်ငံရေးပါတီများက အဓိကဦးဆောင်လျက် တိုင်းရင်းသားမျိုးနွယ်စုများနှင့် တပ်မတော်သာများအပါအ၀င် အမျိုသားအင်အားစုများ အားလုံးအတူတကွ သွေးစည်းညီညွတ်ကြမှသာ အောင်မြင်နိုင်မည်ဖြစ်ကြောင်းကို ဤအမျိုးသားလွတ်လပ်ရေးနှင့် ဒီမိုကရေစီရေး ရုန်းကန်မှုဖြစ်စဉ်များက သက်သေပြခဲ့ကြောင်း၊ အထူးသဖြင့် ဖက်ဆစ်တော်လှန်ရေးကြီး အချိန်ကာလတိုအတွင်း အောင်မြင်စွာ ဆင်နွှဲနိုင်ခဲ့ခြင်းကြောင့်သာလျှင် တစ်နိုင်ငံလုံး မွတ်သိပ်တောင့်တခဲ့ကြသော အမျိုးသားလွတ်လပ်ရေးကို ဂုဏ်ယူဝံ့ကြွားစွာ အရယူနိုင်ခဲ့ခြင်းဖြစ်ကြောင်း NLD ၏ ကြေညာချက်တွင် ပါရှိသည်။

မြန်မာ့တပ်မတော်သည် ဗိုလ်ချုပ်အောင်ဆန်းအမှူးပြုသော နယ်ချဲ့ဆန့်ကျင်ရေးနှင့် ဖက်ဆစ်တော်လှန်ရေး တိုက်ပွဲများအတွင်းမှ မွေးဖွားရှင်သန်ခဲ့သော သမိုင်းဝင် အမျိုးသားအင်အားစုကြီးဖြစ်ကြောင်း၊ တစ်နည်းအားဖြင့် အမျိုသားလက္ခဏာနှင့် လူထုလက္ခဏာများနှင့်လည်း ပြည့်စုံကြောင်း၊ အမျိုးသားခေါင်းဆောင်ကြီး ဗိုလ်ချုပ်အောင်ဆန်းသည် မိမိတည်ထောင်ခဲ့သော တပ်မတော်အား ပြည်သူချစ်သောတပ်မတော်၊ ပြည်သူကို အလုပ်အကျွေးပြုသော တပ်မတော်၊ ဒီမိုကရေစီနှင့် လူ့အခွင့်အရေးကို အရယူပေးသော တပ်မတော်၊ တိုင်းပြည်၏ အန္တရာယ်အသွယ်သွယ်ကို စွန့်လွှတ်စွန့်စား အကာအကွယ်ပေးသော တပ်မတော်အဖြစ် ပုံဖော်ခဲ့ကြောင်း အမျိုးသားဒီမိုကရေစီအဖွဲ့ချုပ်၏ (၇၃) နှစ်မြောက် ဖက်ဆစ်တော်လှန်ရေးနေ့ (တပ်မတော်နေ့) ကြေညာချက်တွင် ရေးသားထားသည်။

တပ်မတော်ကို နိုင်ငံရေးသိက္ခာကျအောင်၊ ပြည်သူလူထု ယုံကြည်မှုပျက်ပြားအောင်၊ တပ်မတော်သားအချင်းချင်း စည်းလုံးညီညွတ်မှုပြိုကွဲအောင် ဆန့်ကျင်ဘက်အဖွဲ့အစည်းအချို့က နည်းလမ်းမျိုးစုံဖြင့် ထိုးနှက်တိုက်ခိုက်မှု ပိုမိုလုပ်ဆောင်လာသည့်အတွက် ဆင်ခြင်သုံးသပ်ပြီး တပ်တွင်းစည်းလုံးညီညွတ်ရေးကို တည်ဆောက်သွားရမည်ဖြစ်ကြောင်း တပ်မတော်ကာကွယ်ရေးဦးစီးချုပ် ပြောကြား

(၇၃) နှစ်မြောက် တပ်မတော်နေ့ စစ်ရေးပြအခမ်းအနားတွင် စစ်ကြောင်းများအား လိုက်လံစစ်ဆေးနေသည့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အား တွေ့ရစဉ် (ဓာတ်ပုံ-တပ်မတော်ကာကွယ်ရေးဦးစီးချုပ်ရုံး)

တပ်မတော်ကို နိုင်ငံရေးသိက္ခာကျဆင်းအောင်၊ ပြည်သူလူထု ယုံကြည်မှုပျက်ပြားအောင်၊ တပ်မတော်သားအချင်းချင်း စည်းလုံးညီညွတ်မှုပြိုကွဲအောင် ဆန့်ကျင်ဘက်အဖွဲ့အစည်းအချို့က နည်းလမ်းမျိုးစုံဖြင့် ထိုးနှက်တိုက်ခိုက်မှုများ ပိုမိုလုပ်ဆောင်လာသည့်အတွက် အဆိုပါထိုးနှက်တိုက်ခိုက်မှုများကို ဆင်ခြင်သုံးသပ်ပြီး တပ်တွင်းစည်းလုံးညီညွတ်ရေးကို တည်ဆောက်သွားကြရမည်ဖြစ်ကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားသည်။

ထို့အပြင် တပ်မတော်ကိုပြိုကွဲအောင်၊ ဂုဏ်သိက္ခာကျဆင်းအောင် အခြေအမြစ်မရှိသည့် ပြောဆိုရေးသားမှုများကို သတိတရား၊ အသိတရားများနှင့် ယှဉ်ပြီးတုံ့ပြန်သွားရမည်ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က မတ် ၂၇ ရက်တွင် နေပြည်တော်၌ ကျင်းပသည့် (၇၃) နှစ်မြောက် တပ်မတော်နေ့အခမ်းအနားတွင် ပြောကြားခဲ့ခြင်းဖြစ်သည်။

(၇၃) နှစ်မြောက် တပ်မတော်နေ့အခမ်းအနားသို့ တပ်မတော်မှအရာရှိများ၊ အငြိမ်းစားများ၊ ပြည်ထောင်စုဝန်ကြီးအချို့၊ သံရုံးများမှ တာဝန်ရှိသူများ၊ ဖိတ်ကြားထားသူများ တက်ရောက်ခဲ့ပြီး တပ်မတော်ကာကွယ်ရေးဦးစီးချုပ်က မိန့်ခွန်းပြောကြားခြင်း၊ စစ်ကြောင်းများအား လမ်းလျှောက်ကာစစ်ဆေးခြင်းများ ပြုလုပ်ခဲ့သည်။ ယခုနှစ် တပ်မတော်နေ့ အခမ်းအနားတွင် ယန္တရားတပ်ခွဲမှ လက်နက်ကြီးများဖြင့် အလေးပြုခြင်း မပြုလုပ်ခဲ့သော်လည်း တိုက်ခိုက်ရေးလေယာဉ်များဖြင့် တပ်မတော်ကာကွယ်ရေးဦးစီးချုပ်အား အလေးပြုခြင်းများ ပြုလုပ်ခဲ့သည်။

တပ်မတော်ကာကွယ်ရေးဦးစီးချုပ်က “ယနေ့ဖွံ့ဖြိုးလာတဲ့ ဆက်သွယ်ရေးကွန်ရက်တွေမှာ သတင်းအချက်အလက်တွေဟာ ပေါက်ကွဲလုမတတ် များပြားလာတာကြောင့် တပ်မတော်သားတွေအနေနဲ့ အသိတရားလက်ကိုင်ထားပြီး ခွဲခြမ်းစိတ်ဖြာတတ်ဖို့ လိုပါတယ်။ လွတ်လပ်ရေးရပြီးစကာလမှာ နိုင်ငံရေးပါတီတွေရဲ့ လက်ကိုင်တုတ်တွေဟာ သူတို့ရဲ့အာဏာလွန်ဆွဲပွဲမှာ အနိုင်ရရှိရေးအတွက် တို့တပ်မတော်ကိုအသုံးချဖို့ တပ်မတော်အတွင်း လမ်းကြောင်းအမျိုးမျိုးက သွေးထိုးလှုံ့ဆော်မှုတွေ ပြုလုပ်ခဲ့ကြတာ တွေ့ရလိမ့်မယ်။ ဒါကြောင့် တို့တပ်မတော်ကို ပြိုကွဲအောင်၊ ဂုဏ်သိက္ခာကျဆင်းအောင် အခြေအမြစ်မရှိတဲ့ ပြောဆိုရေးသားမှုတွေကို သတိတရား၊ အသိတရားများနဲ့ယှဉ်ပြီး တုံ့ပြန်သွားရမယ်။ ရဲဘော်တို့ နိုင်ငံရေးအကူးအပြောင်းကာလမှာ တပ်မတော်ကို နိုင်ငံရေးသိက္ခာကျအောင်၊ ပြည်သူလူထုယုံကြည်မှု ပျက်ပြားအောင်၊ တပ်မတော်သားအချင်းချင်း စည်းလုံးညီညွတ်မှုပြိုကွဲအောင်၊ ဆန့်ကျင်ဘက်အဖွဲ့အစည်းအချို့က နည်းလမ်းမျိုးစုံဖြင့် ထိုးနှက်တိုက်ခိုက်မှုများ ပိုမိုလုပ်ဆောင်လာတဲ့အတွက် အဲဒီလိုထိုးနှက်တိုက်ခိုက်မှုများကို ဆင်ခြင်သုံးသပ်ပြီး တပ်တွင်းစည်းလုံးညီညွတ်ရေးကို တည်ဆောက်သွားကြရမှာဖြစ်တယ်။ တပ်တွင်းစည်းလုံးညီညွတ်ရေး တည်ဆောက်ရာမှာ ညီညွတ်မျှတတဲ့အမိန့်နဲ့ တာဝန်ပေးအပ်ခြင်း၊ စီမံခန့်ခွဲခြင်း၊ စည်းရုံးခြင်းတို့ကို ဆောင်ရွက်ပြီး ‘ဘယ်သူခွဲခွဲဒို့မကွဲ အမြဲစည်းလုံးမည်’ ဆိုသည့်အတိုင်း ကျစ်လျစ်ခိုင်မာစွာ တည်ဆောက်ထားကြရမှာဖြစ်တယ်” ဟုပြောကြားသည်။

ယနေ့နိုင်ငံသည် ခေတ်မီဖွံ့ဖြိုးတိုးတက်သည့် ဒီမိုကရေစီနိုင်ငံအဖြစ် လျှောက်လှမ်းလျက်ရှိကြောင်း၊ ဒီမိုကရေစီစနစ်ဆိုသည်မှာ ရှုထောင့်မျိုးစုံမှကြည့်ပြီး အမြင်မတူခြင်းများကို ပေါင်းစပ်ညှိနှိုင်းကာ တူညီသည့်သဘောထားများနှင့် စုစည်းနေထိုင်ခြင်းပင်ဖြစ်ကြောင်း၊ နိုင်ငံတော်တွင် မည်သည့်စနစ်ကို ကျင့်သုံးသည်ဖြစ်စေ၊ ပြဋ္ဌာန်းထားသည့်ဥပဒေ၊ စည်းမျဉ်း၊ စည်းကမ်းတွေရှိစမြဲဖြစ်ကြောင်း၊ ဒီမိုကရေစီစနစ်တွင် ဒီမိုကရေစီစံနှုန်းနှင့်အညီ လွတ်လပ်စွာပြောဆိုခွင့်၊ ရေးသားခွင့်ရှိသည်ဆိုသော်လည်း ပြဋ္ဌာန်းထားသည့် စည်မျဉ်း၊ စည်းကမ်းနှင့်အညီ ပြောဆိုရေးသားရန်လိုအပ်ပြီး တာဝန်ယူမှု၊ တာဝန်ခံမှုရှိရမည်ဖြစ်ကြောင်း၊ စည်းကမ်းဆိုသည်မှာ ဖွံ့ဖြိုးတိုးတက်ရေးအတွက် လမ်းညွှန်မြေပုံဖြစ်ကြောင်း၊ အခြေအမြစ်မရှိဘဲ စည်းကမ်းမဲ့ ပြောဆိုရေးသားမှုများသည် အမုန်းတရားကိုဖြစ်စေပြီး နိုင်ငံတော်၏ဂုဏ်သိက္ခာကိုလည်း ကျဆင်းစေသည့်အပြင် နိုင်ငံတော်တည်ဆောက်ရေးတွင်လည်း အဟန့်အတားဖြစ်စေကြောင်း တပ်မတော်ကာကွယ်ရေးဦးစီးချုပ်က ပြောကြားသည်။

ထို့အတူ တပ်ပြင်စည်းရုံးရေး ဆောင်ရွက်ရာ၌လည်း စစ်သည်တော်ကျင့်ဝတ်နှင့်အညီ နေထိုင်ကျင့်ကြံပြီး မိမိနယ်မြေအလိုက် ဒေသဖွံ့ဖြိုးရေးလုပ်ငန်းများ ဆောင်ရွက်ပေးခြင်း၊ သဘာဝဘေးအန္တရာယ်များနှင့် ရင်ဆိုင်ရပါက ခွဲခြားမှုမရှိဘဲ အချိန်နှင့်တစ်ပြေးညီ ကူညီဆောင်ရွက်ပေးခြင်း၊ ပညာရေး၊ ကျန်းမာရေး၊ လူမှုရေးဆိုင်ရာ ကူညီစောင့်ရှောက်မှုများအပါအ၀င် ပြည်သူ့အကျိုးပြုလုပ်ငန်းမှန်သမျှ ဆောင်ရွက်ပေးကြရမည်ဖြစ်ကြောင်း ပြောကြားသည်။

ထို့ပြင် တပ်မတော်အနေဖြင့် NCA စာချုပ်တွင် ပါဝင်လက်မှတ်ရေးထိုးပြီး စာချုပ်ပါ ပြဋ္ဌာန်းချက်များနှင့်အညီ နိုင်ငံတော်၏ လက်ရှိနိုင်ငံရေးလမ်းကြောင်း တည်ငြိမ်မှုနှင့် ခိုင်မာမှုရှိအောင် ပူးပေါင်းဆောင်ရွက်လျက်ရှိကြောင်း၊ တည်ငြိမ်အေးချမ်းမှုနှင့်အတူ ဖွံ့ဖြိုးတိုးတက်မှုအသီးအပွင့်များကို တိုင်းရင်းသား၊ ပြည်သူတစ်ရပ်လုံး အမြန်ဆုံးရရှိခံစားနိုင်ကြရန်အတွက် NCA မှတစ်ဆင့် ထာဝရငြိမ်းချမ်းရေးလုပ်ငန်းစဉ်များ ဆက်လက်အကောင်အထည်ဖော်ရာတွင် လုံခြုံရေးဆိုင်ရာ ပြန်လည်ပေါင်းစည်းခြင်း လုပ်ငန်းစဉ်များကို တိုးတက်အောင်လည်း ဆောင်ရွက်ကြရမည်ဖြစ်ကြောင်း တပ်မတော်ကာကွယ်ရေးဦးစီးချုပ်က ပြောကြားသည်။

ဗိုလ်ချုပ်မှူးကြီးမင်းအောင်လှိုင်က “ငြိမ်းချမ်းရေးကိစ္စ ဆွေးနွေးကြတဲ့အခါမှာ မဖြစ်နိုင်တာတွေတောင်းဆိုပြီး အချိန်ဆွဲနေမယ့်အစား ဖြစ်သင့်ဖြစ်ထိုက်တာတွေကို အရှည်မျှော်တွေးညှိနှိုင်းကြတာက ပိုမိုလက်တွေ့ဆန်ကြမှာ ဖြစ်ပါတယ်။ လက်နက်ကိုင်ပဋိပက္ခများ ဖြစ်ပွားပြီး တည်ငြိမ်အေးချမ်းမှုမရှိတဲ့အတွက် ဖွံ့ဖြိုးတိုးတက်မှု ဆောင်ရွက်နိုင်ခြင်းမရှိဘဲ အာဆီယံအသိုက်အ၀န်းမှာပင် နောက်ကျကျန်လျက်ရှိတာကို တွေ့ရမှာဖြစ်ပါတယ်။ ဒါကြောင့် ကျန်တဲ့နိုင်ငံတွေကို အမီလိုက်ဖို့ဆိုရင် သူများခြေတစ်လှမ်းလှမ်းရင် ကိုယ်ကခြေလှမ်းများစွာ လှမ်းနိုင်မှဖြစ်မယ်။ ဒီနေရာမှာ လူမျိုး၊ ဘာသာခွဲခြားမှုမရှိဘဲ မြန်မာစိတ်မွေးပြီး နိုင်ငံတိုးတက်ရေးအတွက် စည်းစည်းလုံးလုံး ညီညီညွတ်ညွတ်နဲ့ ကြိုးစားသွားကြဖို့လိုတယ်။ အတိတ်ကိုလက်ညှိုးထိုးပြီး အပြစ်ရှာနေတာထက် အတိတ်အပေါ် သင်ခန်းစာဖော်ထုတ်ပြီး နိုင်ငံတိုးတက်ဖွံ့ဖြိုးရေးအတွက် ဆောင်ရွက်ကြဖို့ အချိန်ရောက်နေပြီဖြစ်ကြောင်း ပြောကြားလိုပါတယ်” ဟုပြောကြားသည်။

တပ်မတော်အနေဖြင့် ပါတီစုံဒီမိုကရေစီ စနစ်ဖော်ဆောင်ရေးအတွက် လိုအပ်သည့် အခြေခံကောင်းများ ဖြစ်ပေါ်လာအောင် ပုံဖော်ဖန်တီးပေးခဲ့ပြီး ဒီမိုကရေစီအသွင်ကူးပြောင်းမှု ညင်သာချောမွေ့စွာ ဖြစ်စေရေးတို့ကိုလည်း ဆောင်ရွက်ပေးခဲ့ကြောင်း၊ ထာဝရငြိမ်းချမ်းရေးရရှိရန်နှင့် ကျင့်သုံးလျက်ရှိသည့် ပါတီစုံဒီမိုကရေစီစနစ်ကို ပိုမိုခိုင်မာစေရေးအတွက် တပ်မတော်အနေဖြင့် ရိုးသားမှုကိုအခြေခံပြီး မျှော်လင့်ချက်၊ ယုံကြည်ချက် အပြည့်အ၀ဖြင့် ပူးပေါင်းဆောင်ရွက်လျက်ရှိကြောင်း၊ တပ်မတော်မှ ချမှတ်ထားသည့် ငြိမ်းချမ်းရေးမူဝါဒခြောက်ရပ်သည် ယခင်ဖြတ်သန်းခဲ့ရသည့် ငြိမ်းချမ်းရေးအတွေ့အကြုံများနှင့် လက်ရှိငြိမ်းချမ်းရေးဆောင်ရွက်ရာတွင် တွေ့ကြုံလာသည့် အခက်အခဲများအရ နိုင်ငံတော်တည်ငြိမ်ရေး၊ စည်းလုံးညီညွတ်ရေးနှင့် ဖွံ့ဖြိုးတိုးတက်ရေးအတွက် ဦးတည်ချမှတ်ထားခြင်းလည်းဖြစ်ကြောင်း တပ်မတော်ကာကွယ်ရေးဦးစီးချုပ်က ပြောကြားသည်။

 

ပခုက္ကူတက္ကသိုလ် ကျောင်းသားများသမဂ္ဂအဖွဲ့ဝင် မောင်သက်မောင်မောင်နှင့် ပတ်သက်၍ သက်ဆိုင်ရာ တာဝန်ရှိသူများ၏ ဆောင်ရွက်ချက်သည် တပ်မတော်မှ ထုတ်ပြန်ထားသော အမိန့်၊ ညွှန်ကြားချက်၊ စည်းကမ်း၊ လုပ်ထုံးလုပ်နည်းများနှင့်အညီ ဆောင်ရွက်ခဲ့ခြင်း ဖြစ်ကြောင်း တပ်မတော်သတင်းထုတ်ပြန်

ပခုက္ကူတက္ကသိုလ် ကျောင်းသားများသမဂ္ဂအဖွဲ့ဝင် မောင်သက်မောင်မောင်နှင့် ပတ်သက်၍ သက်ဆိုင်ရာ တာဝန်ရှိသူများ၏ ဆောင်ရွက်ချက်သည် တပ်မတော်မှ ထုတ်ပြန်ထားသော အမိန့်၊ ညွှန်ကြားချက်၊ စည်းကမ်း၊ လုပ်ထုံးလုပ်နည်းများနှင့်အညီ ဆောင်ရွက်ခဲ့ခြင်းဖြစ်ကြောင်း တပ်မတော်သတင်းမှန် ပြန်ကြားရေးအဖွဲ့က မတ် ၁၃ ရက်ညနေပိုင်းတွင် သတင်းထုတ်ပြန်သည်။

အဆိုပါ သတင်းထုတ်ပြန်ချက်တွင် အချက်လေးချက်ပါရှိပြီး ထုတ်ပြန်ချက် အမှတ်စဉ် ၃ နှင့် ၄ တွင် ဖွဲ့စည်းပုံ အခြေခံဥပဒေ ပုဒ်မ ၃၃၇ အရ တပ်မတော်သည် နိုင်ငံတော် ကာကွယ်ရေးအတွက် အဓိက အကျဆုံးသော လက်နက်ကိုင် အဖွဲ့အစည်း ဖြစ်သဖြင့် အဖွဲ့အစည်းအတွင်း၌ စည်းကမ်းတကျရှိရန် ကျစ်လျစ်ခိုင်မာသော စည်းလုံးမှု၊ ညီညွတ်မှုရှိရန် မရှိမဖြစ် လိုအပ်ကြောင်း၊ ထို့ကြောင့် တပ်မတော်အနေဖြင့် သက်ဆိုင်ရာ တပ်အလိုက် “တပ်တည်မြဲအမိန့်” (Unit Standing Order) များထုတ်ပြန်ပြီး အရာရှိ၊ စစ်သည် အဆင့်အတန်းအားလုံး၊ တပ်တွင်းနေမှီခိုသူ မိသားစုဝင်အားလုံး နေ၊ ထိုင်၊ သွားလာမှု စည်းကမ်းစနစ်တ ကျ ရှိရေး၊ တပ်တွင်း စည်းလုံးညီညွတ်မှုရှိရေး ဆောင်ရွက်ရပါသည်။ တပ်တည်မြဲအမိန့်တွင် စစ်သည်အဆင့် အတန်းအားလုံးအား နိုင်ငံရေးပါတီများနှင့် ဆက်သွယ်ခြင်း၊ နိုင်ငံရေးလှုပ်ရှားမှုများတွင် ပါဝင်ပတ်သက်ခြင်း၊ နိုင်ငံတော်အစိုးရနှင့် တပ်မတော်၏ လုပ်ဆောင်ချက်များကို မလိုလားသော သဘောဖြင့် ဆန့်ကျင်မှုပြုလုပ်ခြင်း၊ လှုံ့ဆော်ဝါဒဖြန့်ခြင်း၊ ၀ိုင်းဖွဲ့ဆွေးနွေးခြင်း၊ ဆူပူမှုအတွက် အားပေးအားမြှောက်ပြုခြင်းတို့ကို တားမြစ်ထားပါသည်။ ထို့အပြင် အရာရှိ၊ အရာခံ၊ အကြပ်နှင့် တပ်သားတို့အား လိုက်နာရန် သတ်မှတ်ထားသော စည်းကမ်းဟူသမျှသည် သက်ဆိုင်ရာ အိမ်ထောင်သည်၊ မှီခိုသူများနှင့်လည်း အကျူံးဝင်ကြောင်း သိရှိထားရမည်ဟု စည်းကမ်းသတ်မှတ်ထားကြောင်း၊ အဆိုပါ စည်းကမ်းချက်များမှာ တပ်မတော်တစ်ရပ်လုံး အတွက် ထုတ်ပြန်ထားခြင်းဖြစ်ပြီး ယင်းတို့ကို သိရှိလိုက်နာနိုင်မှသာ တပ်တွင်းလိုက်ပါ နေထိုင်ခွင့်ရရှိမည်ကို တပ်မတော်သား အားလုံးနှင့် မှီခိုသူများအားလုံး သိရှိကြပြီးဖြစ်သဖြင့် အထက်ပါကိစ္စနှင့် ပတ်သတ်ပြီး သက်ဆိုင်ရာ တာဝန်ရှိသူများက လုပ်ထုံးလုပ်နည်းနှင့်အညီ ဆောင်ရွက်ခဲ့ခြင်းဖြစ်ကြောင်း ဖော်ပြပါရှိသည်။

ထို့အပြင် မောင်သက်မောင်မောင် ကိစ္စနှင့်ပတ်သက်၍ ကန့်ကွက်ကြောင်း သဘောထား ထုတ်ပြန်ချက်များ၊ သတင်းများအား ကျောင်းသားသမဂ္ဂအဖွဲ့များ၊ သတင်းမီဒီယာအချို့နှင့် လူမှုကွန်ရက် စာမျက်နှာအချို့၌ ဖော်ပြရေးသား၍ တပ်မတော်အပေါ် အထင်အမြင်လွဲမှားစေရန် ဆောင်ရွက်လျက်ရှိသည်ကို တွေ့ရကြောင်း၊ မောင်သက်မောင်မောင်အပေါ် အရေးယူဆောင်ရွက်မှုနှင့် ပတ်သက်၍ လုံခြုံရေးတာဝန် ထမ်းဆောင်နေသည့် မောင်သက်မောင်မောင်၏ ဖခင်ထံ အကြောင်းကြားခဲ့ရာ မောင်သက်မောင်မောင်၏ ဖခင်ဖြစ်သူကလည်း သဘောတူသည်ဟု အကြောင်းပြန်ကြားခဲ့ကြောင်း ထုတ်ပြန်ချက်တွင် ပါရှိသည်။

မောင်သက်မောင်မောင်သည် အမှတ် (၂၅၆) ခြေလျင်တပ်ရင်းတွင် တာဝန်ထမ်းဆောင်လျက်ရှိသည့် စစ်သည်တစ်ဦး၏ သားဖြစ်ပြီး ပခုက္ကူတက္ကသိုလ်၊ ရူပဗေဒဌာနတွင် ဒုတိယနှစ် ပညာသင်ကြားနေကာ ပခုက္ကူကျောင်းသားများ သမဂ္ဂ၏ အတွင်းရေးမှူး တာဝန်ကို ထမ်းဆောင်လျက်ရှိကြောင်း မောင်သက်မောင်မောင်ကို တပ်တွင်းလုံးဝ ဝင်ခွင့်မပြုရေးနှင့် တပ်မတော်သားများ၏ မှီခိုသူ သား၊ သမီးများ ကျောင်းသားများ သမဂ္ဂတွင် ပါဝင်ဆောင်ရွက်မှု မရှိစေရေး ကြော်ငြာချက်ကို ၂၀၁၈ခုနှစ် ဖေဖော်ဝါရီလ ၂၀ ရက်နေ့ ရက်စွဲဖြင့် အကြောင်းကြားစာ ပေးပို့ခဲ့ကြောင်း ထိုစာသည် နိုင်ငံသားတစ်ဦး (သို့) တက္ကသိုလ် ကျောင်းသားတစ်ဦး၏ ရပိုင်ခွင့်ကို ချိုးဖောက်နေသည့်အပြင် သမဂ္ဂ၏ ရပ်တည်ချက်ကိုပါ ထိပါးနေသောကြောင့် ပြင်းထန်စွာ ရှုတ်ချကန့်ကွက်ကြောင်း မန္တလေးတက္ကသိုလ် ကျောင်းသားများသမဂ္ဂက ကြေညာချက် ထုတ်ပြန်ထားသည့်အပြင် အခြားကျောင်းသားသမဂ္ဂ အသီးသီးကလည်း ကန့်ကွက်ကြောင်း သဘောထားများ ထုတ်ပြန်ကြေညာ ခဲ့ကြသည်။

 

 

 

ထိုင်းဘုရင်မင်းမြတ်ကပေးအပ်မည့် “The Knight Grand Cross (First Class) of the Most Exalted Order Of the White Elephant” အား လက်ခံရယူရန် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ထိုင်းနိုင်ငံသို့သွားရောက်

တပ်မတော်ကာကွယ်ရေးဦးစီးချုပ်အား ထိုင်းဘုရင့်တပ်မတော် ကာကွယ်ရေးဦးစီးချုပ်နှင့် ထိုင်းဘုရင့်တပ်မတော်အရာရှိကြီးများ ကြိုဆိုစဉ် (ဓာတ်ပုံ-တပ်မတော်ကာကွယ်ရေးဦးစီးချုပ်ရုံး)

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် ထိုင်းဘုရင်မင်းမြတ်မှပေးအပ်မည့် ‘The Knight Grand Cross (First Class) of the Most Exalted Order Of the White Elephant’ အား လက်ခံရယူရန်နှင့် ချစ်ကြည်ရေးခရီးသွားရောက်ရန် ဖေဖော်ဝါရီ ၁၅ ရက် နံနက်ပိုင်းက နေပြည်တော်လေဆိပ်မှ ထိုင်းနိုင်ငံသို့ ထွက်ခွာသွားကြောင်း တပ်မတော်ကာကွယ်ရေးဦးစီးချုပ်ရုံး၏ သတင်းထုတ်ပြန်ချက်အရ သိရသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် ထိုင်းဘုရင့် တပ်မတော်ကာကွယ်ရေးဦးစီးချုပ် Gen. Tarnchaiyan Srisuwan ၏ ဖိတ်ကြားချက်အရ ထိုင်းနိုင်ငံသို့ ချစ်ကြည်ရေးခရီးသွားရောက်ရန်နှင့် ထိုင်းဘုရင်မင်းမြတ်မှ ပေးအပ်မည့်  ‘The Knight Grand Cross (First Class) of the Most Exalted Order Of the White Elephant’ အပ်နှင်းခြင်းအခမ်းအနား တက်ရောက်ရန် သွားရောက်ခြင်းဖြစ်ကြောင်း သိရသည်။

တပ်မတော်ကာကွယ်ရေးဦးစီးချုပ် ဦးဆောင်သည့် ကိုယ်စားလှယ်အဖွဲ့အား ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်း၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး မြထွန်းဦး၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊ နေပြည်တော်တိုင်းစစ်ဌာနချုပ်တိုင်းမှူး၊ မြန်မာနိုင်ငံဆိုင်ရာ ထိုင်းနိုင်ငံသံရုံးမှ  သံရုံးယာယီတာဝန်ခံ Mr.Narong Boonsatheanwong ထိုင်းဘုရင့်တပ်မတော် လေတပ်စစ်သံမှူးနှင့် တာဝန်ရှိသူများက လေဆိပ်တွင် ပို့ဆောင်နှုတ်ဆက်ခဲ့ကြသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ဦးဆောင်သည့် မြန်မာ့တပ်မတော်ကိုယ်စားလှယ်အဖွဲ့တွင် အဖွဲ့ဝင်များအဖြစ် ဇနီးဒေါ်ကြူကြူလှ၊ ကာကွယ်ရေးဦးစီးချုပ်ရုံး (ကြည်း) မှ တပ်မတော်အရာရှိကြီးများနှင့် ရန်ကုန်တိုင်းစစ်ဌာနချုပ် တိုင်းမှူးတို့ အဖွဲ့ဝင်အဖြစ် လိုက်ပါသွားကြပြီး ခရီးစဉ်အတွင်း ထိုင်းဘုရင်မင်းမြတ်မှ ပေးအပ်မည့်  ‘The Knight Grand Cross (First Class) of the Most Exalted Order Of the White Elephant’ အား လက်ခံရယူခြင်းနှင့် အထင်ကရနေရာများအား လှည့်လည်ကြည့်ရှု လေ့လာသွားမည်ဖြစ်ကြောင်း သိရသည်။

ထို့နောက် တပ်မတော်ကာကွယ်ရေးဦးစီးချုပ်နှင့် ဇနီး ဦးဆောင်သည့် မြန်မာ့တပ်မတော်ကိုယ်စားလှယ်အဖွဲ့သည် မွန်းလွဲပိုင်းတွင် ထိုင်းနိုင်ငံ ဘန်ကောက်မြို့ရှိ ဒွန်မောင်း တပ်မတော်လေဆိပ် (Wing-6) သို့ ရောက်ရှိရာ ထိုင်းဘုရင့်တပ်မတော်ကာကွယ်ရေးဦးစီးချုပ် Gen. Tarnchaiyan Srisuwan  နှင့်ဇနီး၊ ထိုင်းဘုရင့်တပ်မတော်အရာရှိကြီးများ၊ ထိုင်းနိုင်ငံဆိုင်ရာ မြန်မာနိုင်ငံသံအမတ်ကြီး ဦးမျိုးမြင့်သန်း၊ မြန်မာစစ်သံ (ကြည်း၊ ရေ၊ လေ) ဗိုလ်မှူးချုပ်ခင်ဇော်နှင့် တာဝန်ရှိသူများက လေဆိပ်၌ ကြိုဆိုနှုတ်ဆက်ခဲ့ကြကြောင်း သတင်းထုတ်ပြန်ချက်အရ သိရသည်။

The Knight Grand Cross (First Class) of the Most Exalted Order Of the White Elephant ဘွဲ့တံဆိပ်သည် ထိုင်းဘုရင်မင်းမြတ်မှ နိုင်ငံ့အကျိုးသယ်ပိုးသည့် မင်းမျိုးမင်းနွယ်၊ စစ်ဘက်ခေါင်းဆောင်၊ အရပ်ဘက် ခေါင်းဆောင်၊ ပြည်ပပုဂ္ဂိုလ်များအား ပေးအပ်ချီးမြှင့်သည့် ဘွဲ့တံဆိပ်တစ်ခုဖြစ်ပြီး the Most Exalted Order Of the White Elephant ဘွဲ့တံဆိပ်အတန်းအစားရှစ်မျိုးအနက် ပထမအဆင့်ဖြစ်ကြောင်း သိရသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်အနေဖြင့် ယခုရရှိမည့်ဘွဲ့တံဆိပ်သည် ထိုင်းဘုရင်မင်းမြတ် ပေးအပ်ချီးမြှင့်သည့် ဒုတိယမြောက်ဘွဲ့တံဆိပ်ဖြစ်ပြီး ၂၀၁၃ ခုနှစ်ကလည်း The Knight Grand Cross (First Class) of the Most Noble Order of the Crown of Thailand တော်ဝင်ဘွဲ့တံဆိပ်ကို လက်ခံရရှိထားခဲ့ကြောင်း သိရသည်။

ပြီးခဲ့သည့် ဖေဖော်ဝါရီ ၅ ရက်ကလည်း ထိုင်းဘုရင့်တပ်မတော် ကာကွယ်ရေးဦးစီးချုပ် Gen. Tarnchaiyan Srisuwan သည် မြန်မာနိုင်ငံသို့ ချစ်ကြည်ရေးခရီးစဉ်အဖြစ် လာရောက်ခဲ့ပြီး ခရီးစဉ်၌ တပ်မတော်ကာကွယ်ရေးဦးစီးချုပ်က နေပြည်တော်ရှိ ဇေယျာသီရိဗိမာန်ရှေ့၌ ဂုဏ်ပြုတပ်ဖွဲ့ဖြင့်ကြိုဆိုခဲ့သည်။

ထို့နောက် နှစ်ဖက်တွေ့ဆုံ၍ နှစ်နိုင်ငံ တပ်မတော်နှစ်ရပ်အကြား ချစ်ကြည်ရင်းနှီးမှု ပိုမိုတိုးတက်ခိုင်မာရေးဆိုင်ရာကိစ္စရပ်များ၊ သင်တန်းသားများစေလွှတ်ရေးနှင့် နှစ်နိုင်ငံ တပ်မတော်ယဉ်ကျေးမှုအဖွဲ့နှင့် အားကစား အဖွဲ့များ အပြန်အလှန်စေလွှတ်ရေး၊ စစ်သင်္ဘောများ အပြန်အလှန်လည်ပတ်ရေး၊ တပ်မတော်နှစ်ရပ်အကြား အဆင့်အလိုက်  အပြန်အလှန် ပူးပေါင်းဆောင်ရွက်ရေးကိစ္စရပ်များနှင့် မြန်မာနိုင်ငံ၏ ထာဝရငြိမ်းချမ်းရေး ရရှိအောင် ဆောင်ရွက်နေမှုအခြေအနေ များအား အပြန်အလှန်ဆွေးနွေးခဲ့ကြသည်။