တပ်မတော်ကာကွယ်ရေးဦးစီးချုပ်၏ ဘင်္ဂါလီမွတ်စလင်တို့နှင့် ပတ်သက်သော မှတ်ချက်များကို ကုလသမဂ္ဂ အတွင်းရေးမှူးချုပ်က ပြစ်တင်ဝေဖန်

မြန်မာနိုင်ငံ၏ တပ်မတော်ကာကွယ်ရေးဦးစီးချုပ်က ဘင်္ဂါလီမွတ်စလင်များ (မူရင်း၌ ရိုဟင်ဂျာဟုဖော်ပြ) သည် အခြားတိုင်းရင်းသားလူမျိုးစုများနှင့် မည်သည့်အရာမျှ တူညီခြင်းမရှိဟု ကြေညာခဲ့ပြီးနောက် မတ် ၂၆ ရက်တွင် ကုလသမဂ္ဂ အတွင်းရေးမှူးချုပ် အန်တိုနီရိုဂူတာရက်စ်က ပြစ်တင်ဝေဖန်ခဲ့သည်။ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ စစ်ဘက်ဆိုင်ရာ တွေ့ဆုံပွဲတစ်ရပ်၌ ပြောကြားခဲ့သော မှတ်ချက်များနှင့်ပတ်သက်သော သတင်းများကြောင့် ၎င်းအနေဖြင့် အံ့သြတုန်လှုပ်ရကြောင်း ဂူတာရက်စ်က ပြောကြားခဲ့ပြီး အမုန်းတရားများ လှုံ့ဆော်မှုကို ဆန့်ကျင်ရာ၌ တစ်သားတည်းရပ်တည်ကြရန်နှင့် ယဉ်ကျေးမှုဆိုင်ရာ အဆင်ပြေညီညွတ်မှုရှိအောင် မြှင့်တင်လုပ်ဆောင်ရန် မြန်မာခေါင်းဆောင်များအား တောင်းဆိုခဲ့သည်။

မတ် ၂၆ ရက်က ကချင်ပြည်နယ်မြောက်ပိုင်းတွင် ပြုလုပ်သည့်တွေ့ဆုံပွဲနောက် ဗိုလ်ချုပ်မှူးကြီး မင်းအောင်လှိုင်သည် ရိုဟင်ဂျာများ (ပြည်ပသတင်းဌာန၏ ဖော်ပြချက်) ကို ဘင်္ဂါလီများဟု ရည်ညွှန်းခေါ်ဆိုခဲ့သည်။ ယင်းအခေါ်အဝေါ်အရ ၎င်းတို့သည် နိုင်ငံခြားသားများဖြစ်ကြောင်း ဆိုလိုခြင်းဖြစ်သည်။ ၎င်းအပြင် ဗိုလ်ချုပ်မှူးကြီး မင်းအောင်လှိုင်က ဘင်္ဂါလီများသည် မြန်မာတိုင်းရင်းသားများနှင့် စရိုက်လက္ခဏာများအရလည်းကောင်း၊ ယဉ်ကျေးမှုအရလည်းကောင်း တူညီခြင်းမရှိကြောင်းလည်း ပြောကြားခဲ့သည်။

“ဘင်္ဂါလီတွေက နိုင်ငံသားဖြစ်ခွင့် တောင်းဆိုတာကြောင့် တင်းမာမှုတွေ မီးမွှေးသလိုဖြစ်ခဲ့ပါတယ်” ဟု ဗိုလ်ချုပ်မှူးကြီး မင်းအောင်လှိုင်က ပြောကြားခဲ့ကြောင်း Dhaka Tribune က ဖော်ပြသည်။

ကုလသမဂ္ဂက လူမျိုးစုလိုက်သုတ်သင်မှု မြောက်နိုင်သည်ဟု ပြောကြားခဲ့သော တပ်မတော်၏ အဓိကစစ်ဆင်ရေးတစ်ရပ်ကြောင့် သြဂုတ်လအနှောင်းပိုင်းကတည်းက ဘင်္ဂါလီမွတ်စလင် (မူရင်း၌ ရိုဟင်ဂျာဟုဖော်ပြ) ၇၀၀,၀၀၀ ခန့်သည် အိမ်နီးချင်း ဘင်္ဂလားဒေ့ရ်ှနိုင်ငံသို့ ထွက်ပြေးခဲ့ကြသည်။

ယင်းစစ်ဆင်ရေးသည် အစွန်းရောက်များကို အမြစ်ဖြတ်ချေမှုန်းရေးအတွက်သာ ရည်ရွယ်သည်ဟု မြန်မာအာဏာပိုင်များက ပြောကြားခဲ့သည်။

မြန်မာနိုင်ငံ၏ အရပ်သားအစိုးရအဖွဲ့ခေါင်းဆောင်နှင့် ငြိမ်းချမ်းရေးနိုဘယ်ဆုရှင် ဒေါ်အောင်ဆန်းစုကြည်သည် ဘင်္ဂါလီမွတ်စလင်များဘက်မှ ကာကွယ်ပြောကြားရန် ပျက်ကွက်သောကြောင့် ကမ္ဘာ့စင်မြင့်၌ သူ့အပေါ် ဒီမိုကရေစီအိုင်ကွန်အဖြစ် သတ်မှတ်ခံထားရမှုကို ဆုံးရှုံးခဲ့ရသည်။

ဂူတာရက်စ်က “ရိုဟင်ဂျာတွေ သူတို့သဘောဆန္ဒအလျောက် ဘေးကင်းလုံခြုံစွာနဲ့ ဂုဏ်သိက္ခာရှိစွာ နေရပ်ပြန်နိုင်ရေးသေချာစေဖို့ အခြေအနေရပ်တွေ နေသားတကျရှိရေးဟာ အလွန်အရေးကြီးပါတယ်” ဟုပြောကြားခဲ့သည်။

ကုလသမဂ္ဂလုံခြုံရေးကောင်စီက ဒုက္ခသည်အကျပ်အတည်းကို ပထမဆုံးကြည့်ရှုရန် မြန်မာနိုင်ငံသို့ သွာရောက်ရေးကို မျှော်လင့်နေသော်လည်း မြန်မာအာဏာပိုင်များက ယင်းခရီးစဉ်အတွက် ယခုတိုင် မီးစိမ်းပြခြင်းမရှိသေးပေ။

ဂူတာရက်စ်သည် နိုင်ငံတကာမီးမောင်းများအောက်၌ ဘင်္ဂါလီမွတ်စလင်တို့၏ အတိဒုက္ခများကို ဖော်ပြပေးမည့် မြန်မာနိုင်ငံဆိုင်ရာ အထူးသံတမန်တစ်ဦး ခန့်အပ်ရန်ကိစ္စကို လပေါင်းအတန်ကြာ ချိန်ဆနေခဲ့သည်။

တပ်မတော်ကို နိုင်ငံရေးသိက္ခာကျအောင်၊ ပြည်သူလူထု ယုံကြည်မှုပျက်ပြားအောင်၊ တပ်မတော်သားအချင်းချင်း စည်းလုံးညီညွတ်မှုပြိုကွဲအောင် ဆန့်ကျင်ဘက်အဖွဲ့အစည်းအချို့က နည်းလမ်းမျိုးစုံဖြင့် ထိုးနှက်တိုက်ခိုက်မှု ပိုမိုလုပ်ဆောင်လာသည့်အတွက် ဆင်ခြင်သုံးသပ်ပြီး တပ်တွင်းစည်းလုံးညီညွတ်ရေးကို တည်ဆောက်သွားရမည်ဖြစ်ကြောင်း တပ်မတော်ကာကွယ်ရေးဦးစီးချုပ် ပြောကြား

(၇၃) နှစ်မြောက် တပ်မတော်နေ့ စစ်ရေးပြအခမ်းအနားတွင် စစ်ကြောင်းများအား လိုက်လံစစ်ဆေးနေသည့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အား တွေ့ရစဉ် (ဓာတ်ပုံ-တပ်မတော်ကာကွယ်ရေးဦးစီးချုပ်ရုံး)

တပ်မတော်ကို နိုင်ငံရေးသိက္ခာကျဆင်းအောင်၊ ပြည်သူလူထု ယုံကြည်မှုပျက်ပြားအောင်၊ တပ်မတော်သားအချင်းချင်း စည်းလုံးညီညွတ်မှုပြိုကွဲအောင် ဆန့်ကျင်ဘက်အဖွဲ့အစည်းအချို့က နည်းလမ်းမျိုးစုံဖြင့် ထိုးနှက်တိုက်ခိုက်မှုများ ပိုမိုလုပ်ဆောင်လာသည့်အတွက် အဆိုပါထိုးနှက်တိုက်ခိုက်မှုများကို ဆင်ခြင်သုံးသပ်ပြီး တပ်တွင်းစည်းလုံးညီညွတ်ရေးကို တည်ဆောက်သွားကြရမည်ဖြစ်ကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားသည်။

ထို့အပြင် တပ်မတော်ကိုပြိုကွဲအောင်၊ ဂုဏ်သိက္ခာကျဆင်းအောင် အခြေအမြစ်မရှိသည့် ပြောဆိုရေးသားမှုများကို သတိတရား၊ အသိတရားများနှင့် ယှဉ်ပြီးတုံ့ပြန်သွားရမည်ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က မတ် ၂၇ ရက်တွင် နေပြည်တော်၌ ကျင်းပသည့် (၇၃) နှစ်မြောက် တပ်မတော်နေ့အခမ်းအနားတွင် ပြောကြားခဲ့ခြင်းဖြစ်သည်။

(၇၃) နှစ်မြောက် တပ်မတော်နေ့အခမ်းအနားသို့ တပ်မတော်မှအရာရှိများ၊ အငြိမ်းစားများ၊ ပြည်ထောင်စုဝန်ကြီးအချို့၊ သံရုံးများမှ တာဝန်ရှိသူများ၊ ဖိတ်ကြားထားသူများ တက်ရောက်ခဲ့ပြီး တပ်မတော်ကာကွယ်ရေးဦးစီးချုပ်က မိန့်ခွန်းပြောကြားခြင်း၊ စစ်ကြောင်းများအား လမ်းလျှောက်ကာစစ်ဆေးခြင်းများ ပြုလုပ်ခဲ့သည်။ ယခုနှစ် တပ်မတော်နေ့ အခမ်းအနားတွင် ယန္တရားတပ်ခွဲမှ လက်နက်ကြီးများဖြင့် အလေးပြုခြင်း မပြုလုပ်ခဲ့သော်လည်း တိုက်ခိုက်ရေးလေယာဉ်များဖြင့် တပ်မတော်ကာကွယ်ရေးဦးစီးချုပ်အား အလေးပြုခြင်းများ ပြုလုပ်ခဲ့သည်။

တပ်မတော်ကာကွယ်ရေးဦးစီးချုပ်က “ယနေ့ဖွံ့ဖြိုးလာတဲ့ ဆက်သွယ်ရေးကွန်ရက်တွေမှာ သတင်းအချက်အလက်တွေဟာ ပေါက်ကွဲလုမတတ် များပြားလာတာကြောင့် တပ်မတော်သားတွေအနေနဲ့ အသိတရားလက်ကိုင်ထားပြီး ခွဲခြမ်းစိတ်ဖြာတတ်ဖို့ လိုပါတယ်။ လွတ်လပ်ရေးရပြီးစကာလမှာ နိုင်ငံရေးပါတီတွေရဲ့ လက်ကိုင်တုတ်တွေဟာ သူတို့ရဲ့အာဏာလွန်ဆွဲပွဲမှာ အနိုင်ရရှိရေးအတွက် တို့တပ်မတော်ကိုအသုံးချဖို့ တပ်မတော်အတွင်း လမ်းကြောင်းအမျိုးမျိုးက သွေးထိုးလှုံ့ဆော်မှုတွေ ပြုလုပ်ခဲ့ကြတာ တွေ့ရလိမ့်မယ်။ ဒါကြောင့် တို့တပ်မတော်ကို ပြိုကွဲအောင်၊ ဂုဏ်သိက္ခာကျဆင်းအောင် အခြေအမြစ်မရှိတဲ့ ပြောဆိုရေးသားမှုတွေကို သတိတရား၊ အသိတရားများနဲ့ယှဉ်ပြီး တုံ့ပြန်သွားရမယ်။ ရဲဘော်တို့ နိုင်ငံရေးအကူးအပြောင်းကာလမှာ တပ်မတော်ကို နိုင်ငံရေးသိက္ခာကျအောင်၊ ပြည်သူလူထုယုံကြည်မှု ပျက်ပြားအောင်၊ တပ်မတော်သားအချင်းချင်း စည်းလုံးညီညွတ်မှုပြိုကွဲအောင်၊ ဆန့်ကျင်ဘက်အဖွဲ့အစည်းအချို့က နည်းလမ်းမျိုးစုံဖြင့် ထိုးနှက်တိုက်ခိုက်မှုများ ပိုမိုလုပ်ဆောင်လာတဲ့အတွက် အဲဒီလိုထိုးနှက်တိုက်ခိုက်မှုများကို ဆင်ခြင်သုံးသပ်ပြီး တပ်တွင်းစည်းလုံးညီညွတ်ရေးကို တည်ဆောက်သွားကြရမှာဖြစ်တယ်။ တပ်တွင်းစည်းလုံးညီညွတ်ရေး တည်ဆောက်ရာမှာ ညီညွတ်မျှတတဲ့အမိန့်နဲ့ တာဝန်ပေးအပ်ခြင်း၊ စီမံခန့်ခွဲခြင်း၊ စည်းရုံးခြင်းတို့ကို ဆောင်ရွက်ပြီး ‘ဘယ်သူခွဲခွဲဒို့မကွဲ အမြဲစည်းလုံးမည်’ ဆိုသည့်အတိုင်း ကျစ်လျစ်ခိုင်မာစွာ တည်ဆောက်ထားကြရမှာဖြစ်တယ်” ဟုပြောကြားသည်။

ယနေ့နိုင်ငံသည် ခေတ်မီဖွံ့ဖြိုးတိုးတက်သည့် ဒီမိုကရေစီနိုင်ငံအဖြစ် လျှောက်လှမ်းလျက်ရှိကြောင်း၊ ဒီမိုကရေစီစနစ်ဆိုသည်မှာ ရှုထောင့်မျိုးစုံမှကြည့်ပြီး အမြင်မတူခြင်းများကို ပေါင်းစပ်ညှိနှိုင်းကာ တူညီသည့်သဘောထားများနှင့် စုစည်းနေထိုင်ခြင်းပင်ဖြစ်ကြောင်း၊ နိုင်ငံတော်တွင် မည်သည့်စနစ်ကို ကျင့်သုံးသည်ဖြစ်စေ၊ ပြဋ္ဌာန်းထားသည့်ဥပဒေ၊ စည်းမျဉ်း၊ စည်းကမ်းတွေရှိစမြဲဖြစ်ကြောင်း၊ ဒီမိုကရေစီစနစ်တွင် ဒီမိုကရေစီစံနှုန်းနှင့်အညီ လွတ်လပ်စွာပြောဆိုခွင့်၊ ရေးသားခွင့်ရှိသည်ဆိုသော်လည်း ပြဋ္ဌာန်းထားသည့် စည်မျဉ်း၊ စည်းကမ်းနှင့်အညီ ပြောဆိုရေးသားရန်လိုအပ်ပြီး တာဝန်ယူမှု၊ တာဝန်ခံမှုရှိရမည်ဖြစ်ကြောင်း၊ စည်းကမ်းဆိုသည်မှာ ဖွံ့ဖြိုးတိုးတက်ရေးအတွက် လမ်းညွှန်မြေပုံဖြစ်ကြောင်း၊ အခြေအမြစ်မရှိဘဲ စည်းကမ်းမဲ့ ပြောဆိုရေးသားမှုများသည် အမုန်းတရားကိုဖြစ်စေပြီး နိုင်ငံတော်၏ဂုဏ်သိက္ခာကိုလည်း ကျဆင်းစေသည့်အပြင် နိုင်ငံတော်တည်ဆောက်ရေးတွင်လည်း အဟန့်အတားဖြစ်စေကြောင်း တပ်မတော်ကာကွယ်ရေးဦးစီးချုပ်က ပြောကြားသည်။

ထို့အတူ တပ်ပြင်စည်းရုံးရေး ဆောင်ရွက်ရာ၌လည်း စစ်သည်တော်ကျင့်ဝတ်နှင့်အညီ နေထိုင်ကျင့်ကြံပြီး မိမိနယ်မြေအလိုက် ဒေသဖွံ့ဖြိုးရေးလုပ်ငန်းများ ဆောင်ရွက်ပေးခြင်း၊ သဘာဝဘေးအန္တရာယ်များနှင့် ရင်ဆိုင်ရပါက ခွဲခြားမှုမရှိဘဲ အချိန်နှင့်တစ်ပြေးညီ ကူညီဆောင်ရွက်ပေးခြင်း၊ ပညာရေး၊ ကျန်းမာရေး၊ လူမှုရေးဆိုင်ရာ ကူညီစောင့်ရှောက်မှုများအပါအ၀င် ပြည်သူ့အကျိုးပြုလုပ်ငန်းမှန်သမျှ ဆောင်ရွက်ပေးကြရမည်ဖြစ်ကြောင်း ပြောကြားသည်။

ထို့ပြင် တပ်မတော်အနေဖြင့် NCA စာချုပ်တွင် ပါဝင်လက်မှတ်ရေးထိုးပြီး စာချုပ်ပါ ပြဋ္ဌာန်းချက်များနှင့်အညီ နိုင်ငံတော်၏ လက်ရှိနိုင်ငံရေးလမ်းကြောင်း တည်ငြိမ်မှုနှင့် ခိုင်မာမှုရှိအောင် ပူးပေါင်းဆောင်ရွက်လျက်ရှိကြောင်း၊ တည်ငြိမ်အေးချမ်းမှုနှင့်အတူ ဖွံ့ဖြိုးတိုးတက်မှုအသီးအပွင့်များကို တိုင်းရင်းသား၊ ပြည်သူတစ်ရပ်လုံး အမြန်ဆုံးရရှိခံစားနိုင်ကြရန်အတွက် NCA မှတစ်ဆင့် ထာဝရငြိမ်းချမ်းရေးလုပ်ငန်းစဉ်များ ဆက်လက်အကောင်အထည်ဖော်ရာတွင် လုံခြုံရေးဆိုင်ရာ ပြန်လည်ပေါင်းစည်းခြင်း လုပ်ငန်းစဉ်များကို တိုးတက်အောင်လည်း ဆောင်ရွက်ကြရမည်ဖြစ်ကြောင်း တပ်မတော်ကာကွယ်ရေးဦးစီးချုပ်က ပြောကြားသည်။

ဗိုလ်ချုပ်မှူးကြီးမင်းအောင်လှိုင်က “ငြိမ်းချမ်းရေးကိစ္စ ဆွေးနွေးကြတဲ့အခါမှာ မဖြစ်နိုင်တာတွေတောင်းဆိုပြီး အချိန်ဆွဲနေမယ့်အစား ဖြစ်သင့်ဖြစ်ထိုက်တာတွေကို အရှည်မျှော်တွေးညှိနှိုင်းကြတာက ပိုမိုလက်တွေ့ဆန်ကြမှာ ဖြစ်ပါတယ်။ လက်နက်ကိုင်ပဋိပက္ခများ ဖြစ်ပွားပြီး တည်ငြိမ်အေးချမ်းမှုမရှိတဲ့အတွက် ဖွံ့ဖြိုးတိုးတက်မှု ဆောင်ရွက်နိုင်ခြင်းမရှိဘဲ အာဆီယံအသိုက်အ၀န်းမှာပင် နောက်ကျကျန်လျက်ရှိတာကို တွေ့ရမှာဖြစ်ပါတယ်။ ဒါကြောင့် ကျန်တဲ့နိုင်ငံတွေကို အမီလိုက်ဖို့ဆိုရင် သူများခြေတစ်လှမ်းလှမ်းရင် ကိုယ်ကခြေလှမ်းများစွာ လှမ်းနိုင်မှဖြစ်မယ်။ ဒီနေရာမှာ လူမျိုး၊ ဘာသာခွဲခြားမှုမရှိဘဲ မြန်မာစိတ်မွေးပြီး နိုင်ငံတိုးတက်ရေးအတွက် စည်းစည်းလုံးလုံး ညီညီညွတ်ညွတ်နဲ့ ကြိုးစားသွားကြဖို့လိုတယ်။ အတိတ်ကိုလက်ညှိုးထိုးပြီး အပြစ်ရှာနေတာထက် အတိတ်အပေါ် သင်ခန်းစာဖော်ထုတ်ပြီး နိုင်ငံတိုးတက်ဖွံ့ဖြိုးရေးအတွက် ဆောင်ရွက်ကြဖို့ အချိန်ရောက်နေပြီဖြစ်ကြောင်း ပြောကြားလိုပါတယ်” ဟုပြောကြားသည်။

တပ်မတော်အနေဖြင့် ပါတီစုံဒီမိုကရေစီ စနစ်ဖော်ဆောင်ရေးအတွက် လိုအပ်သည့် အခြေခံကောင်းများ ဖြစ်ပေါ်လာအောင် ပုံဖော်ဖန်တီးပေးခဲ့ပြီး ဒီမိုကရေစီအသွင်ကူးပြောင်းမှု ညင်သာချောမွေ့စွာ ဖြစ်စေရေးတို့ကိုလည်း ဆောင်ရွက်ပေးခဲ့ကြောင်း၊ ထာဝရငြိမ်းချမ်းရေးရရှိရန်နှင့် ကျင့်သုံးလျက်ရှိသည့် ပါတီစုံဒီမိုကရေစီစနစ်ကို ပိုမိုခိုင်မာစေရေးအတွက် တပ်မတော်အနေဖြင့် ရိုးသားမှုကိုအခြေခံပြီး မျှော်လင့်ချက်၊ ယုံကြည်ချက် အပြည့်အ၀ဖြင့် ပူးပေါင်းဆောင်ရွက်လျက်ရှိကြောင်း၊ တပ်မတော်မှ ချမှတ်ထားသည့် ငြိမ်းချမ်းရေးမူဝါဒခြောက်ရပ်သည် ယခင်ဖြတ်သန်းခဲ့ရသည့် ငြိမ်းချမ်းရေးအတွေ့အကြုံများနှင့် လက်ရှိငြိမ်းချမ်းရေးဆောင်ရွက်ရာတွင် တွေ့ကြုံလာသည့် အခက်အခဲများအရ နိုင်ငံတော်တည်ငြိမ်ရေး၊ စည်းလုံးညီညွတ်ရေးနှင့် ဖွံ့ဖြိုးတိုးတက်ရေးအတွက် ဦးတည်ချမှတ်ထားခြင်းလည်းဖြစ်ကြောင်း တပ်မတော်ကာကွယ်ရေးဦးစီးချုပ်က ပြောကြားသည်။

 

ငြိမ်းချမ်းရေး လုပ်ငန်းစဉ်နှင့်ပတ်သက်၍ တိုင်းရင်းသားလူမျိုးများမှာ ရိုးသားမှုရှိသော်လည်း အချို့ပယောဂများကြောင့် ပြဿနာများဖြေရှင်းရာတွင် အခက်အခဲအချို့ရှိကြောင်း တပ်မတော်ကာကွယ်ရေးဦးစီးချုပ် ပြောကြား

ပုံတူရုပ်တုအား ကြည့်ရှုနေသည့် ဗိုလ်ချုပ်မှူးကြီးမင်းအောင်လှိုင်အား တွေ့ရစဉ် (ဓာတ်ပုံ-တပ်မတော်ကာကွယ်ရေးဦးစီးချုပ်ရုံး)

ငြိမ်းချမ်းရေးလုပ်ငန်းစဉ်နှင့် ပတ်သက်၍ တိုင်းရင်းသားလူမျိုးများမှာ ရိုးသားမှုရှိသော်လည်း အချို့ပယောဂများကြောင့် ပြဿနာများဖြေရှင်းရာတွင် အခက်အခဲအချို့ရှိကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောကြားသည်။

တပ်မတော်စစ်သမိုင်းပြတိုက်၌ မတ် ၂၆ ရက် နံနက်ပိုင်းက (၇၃) နှစ်မြောက်တပ်မတော်နေ့ကို ဂုဏ်ပြုကြိုဆိုသောအားဖြင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ ပုံတူပန်းပုရုပ်တုအား ပေးအပ်လှူဒါန်းခြင်း အခမ်းအနားတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ထိုသို့ပြောကြားခြင်းဖြစ်ကြောင်း တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက်အရ သိရသည်။

ယခင်အစိုးရအဆက်ဆက် ငြိမ်းချမ်းရေးရရှိအောင် ဆောင်ရွက်ခဲ့သော်လည်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တာဝန်ထမ်းဆောင်ချိန်တွင် မိမိတို့ကရင်ပြည်နယ်ဒေသအတွင်းမှ တိုင်းရင်းသားလက်နက်ကိုင် အဖွဲ့အစည်းများ အနေဖြင့် ငြိမ်းချမ်းရေးဆွေးနွေးပွဲများ၊ NCA လက်မှတ်ရေးထိုးပွဲများ ပြုလုပ်နိုင်ခဲ့မှုများကြောင့် ငြိမ်းချမ်းရေးလမ်းကြောင်းပေါ်သို့ ရောက်ရှိလာခဲ့ပြီး ဒေသဖွံ့ဖြိုးရေး၊ လူမှုရေး၊ ကျန်းမာရေးကဏ္ဍများတွင် တိုးတက်ကောင်းမွန်လာကြောင်း၊ ဗိုလ်ချုပ်မှူးကြီးမင်းအောင် လှိုင်၏ လက်တွဲခေါ်ယူမှုဖြင့် ငြိမ်းချမ်းရေး လမ်းကြောင်းပေါ်သို့ ရောက်ရှိလာခဲ့ပြီး ကရင်ပြည်နယ် အတွင်းရှိပြည်သူလူထုများအနေဖြင့် စီးပွားရေးလုပ်ငန်းများနှင့် ဒေသဖွံ့ဖြိုးရေး လုပ်ငန်းများကို အေးချမ်းသာယာစွာဖြင့် ဆောင်ရွက်လာနိုင်ခဲ့ကြောင်း၊ ထို့ကြောင့်မိမိတို့၏ ကျေးဇူးတင်မှုကိုဖော်ပြရန်အတွက် ပိတောက်ကျီးပေါင်းသားဖြင့် ထုလုပ်ထားသည့် တပ်မတော်ကာကွယ်ရေးဦးစီးချုပ်၏ ပုံတူရုပ်တုအား လာရောက်ပေးအပ်လှူဒါန်း ခြင်းဖြစ်ကြောင်း လှူဒါန်းမှုနှင့်ပတ်သက်၍ အလှူရှင်များကိုယ်စား ဦးကျော်ကျော်က ဦးစွာ ရှင်းလင်းပြောကြားသည်။

ယခုကဲ့သို့ မိမိ၏ပုံတူရုပ်တုအား ပေးအပ်လှူဒါန်းခြင်းသည် တပ်မတော်၏ ပြည်တွင်း ငြိမ်းချမ်းရေးရရှိအောင် ကြိုးပမ်းမှုအပေါ် ပြည်သူများက လှိုက်လှဲစွာ လက်ခံအသိအမှတ်ပြုခြင်းကို ထင်ဟပ်ပေါ်လွင်စေကြောင်း၊ မိမိတို့နိုင်ငံသည် ပြည်တွင်းလက်နက်ကိုင် ပဋိပက္ခများကြောင့် တိုင်းရင်းသားများဒုက္ခရောက်ရပြီး ဖွံ့ဖြိုးတိုးတက်မှုမှာ အခြားနိုင်ငံများထက် များစွာနောက်ကျခဲ့ရသဖြင့် ငြိမ်းချမ်းရေးရရှိအောင် မဖြစ်မနေလုပ်ဆောင်ကြရမည်ဖြစ်ကြောင်း၊ မိမိစစ်ဆင်ရေးနယ်မြေများ၌ တာဝန်များထမ်းဆောင်ချိန်ကလည်း ဒေသဖွံ့ဖြိုးရေးအတွက် တတ်နိုင်သမျှ လုပ်ဆောင်ပေးခဲ့ပြီး ဒုက္ခရောက်ရှိနေသူများအားလည်း ကယ်ထုတ်ပေးနိုင်ခဲ့သည်များရှိကြောင်း၊ မိမိ တပ်မတော်ကာကွယ်ရေးဦးစီးချုပ် တာဝန် စတင်ထမ်းဆောင်ချိန်တွင် ငြိမ်းချမ်းရေးနှင့်ပတ်သက်၍ ဆောင်ရွက်ရာ၌ ယခင်အစိုးရသက်တမ်း သမ္မတကြီး ဦးသိန်းစိန်နှင့် ငြိမ်းချမ်းရေးရရှိအောင် ဆောင်ရွက်မည်ဟု ဆွေးနွေးခဲ့ပြီး ထိုသို့ဆွေးနွေးရာတွင် မိမိတို့နိုင်ငံသည် ဒီမိုကရေစီစနစ်ကိုကျင့်သုံးလျက်ရှိပြီး ဒို့တာဝန်အရေးသုံးပါးကို မထိခိုက်ရန်နှင့် ပါတီစုံဒီမိုကရေစီလမ်းကြောင်း ကိုမထိခိုက်လျှင် နိုင်ငံရေးဆွေးနွေးမှုများကို တပ်မတော်မှ သဘောတူ ဆောင်ရွက်မည်ဖြစ်ကြောင်း ပြောကြား၍ ငြိမ်းချမ်းရေးရရှိအောင် ဆောင်ရွက်ခဲ့ကြောင်း၊ မိမိတို့တိုင်းရင်းသားလူမျိုးများမှာ ရိုးသားမှုရှိသော်လည်း တချို့ ပယောဂများကြောင့် ပြဿနာများဖြေရှင်းရာ တွင် အခက်အခဲတချို့ရှိကြောင်း၊ ယခုကဲ့သို့ ကရင်ပြည်နယ်အတွင်း ငြိမ်းချမ်းရေး ရရှိ ခြင်းမှာ မိမိတို့တပ်မတော်နှင့် ကရင်ပြည်နယ်အတွင်းရှိ တိုင်းရင်းသားလက်နက်ကိုင်အဖွဲ့များ တစ်ဦးနှင့်တစ်ဦး အပြန်အလှန်ယုံကြည်စွာဖြင့် ဆောင်ရွက်နိုင်ခဲ့ခြင်းကြောင့် ဖြစ် ကြောင်း၊ မည်သည့်အစိုးရ၊ မည်သည့်ပါတီကတိုင်းပြည်ကို ဦးဆောင်သည်ဖြစ်စေ တိုင်းပြည် အေးချမ်း သာယာဖွံ့ဖြိုးတိုးတက်ရေးအတွက် တပ်မတော်ကဆောင်ရွက်သွားမည်ဖြစ်ကြောင်း၊ မိမိတို့ငြိမ်းချမ်းရေးရရှိအောင် ဆောင်ရွက်ရသည့် ရည်ရွယ်ချက်မှာ တိုင်း ပြည်တည်ငြိမ်အေးချမ်းပြီး ဖွံ့ဖြိုးတိုးတက်ရန်၊ ပြည်သူလူထုငြိမ်းချမ်းစွာဖြင့် နေထိုင်လုပ်ကိုင် စားသောက်နိုင်ရန်ဖြစ်ကြောင်း၊ တပ်မတော်မှ ငြိမ်းချမ်းရေးရရှိအောင် ဆောင်ရွက်နေမှုအပေါ် အသိအမှတ်ပြုသည့်အနေဖြင့် မိမိ၏ ပုံတူပန်းပုရုပ်တုအား ထုဆစ်ပြီးပေး အပ်လှူဒါန်းကြသော ပြည်သူပြည်သားများ၏ အစိတ်အပိုင်းတစ်ခုဖြစ်သည့် အလှူရှင်များအား ကျေးဇူးတင်ရှိပါကြောင်း တပ်မတော်ကာကွယ်ရေးဦးစီးချုပ်က ကျေးဇူးတင်စကား ပြန်လည်ပြောကြားသည်။

အဆိုပါတပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ ရုပ်တုအား မြိုင်ကြီးငူဒေသ မြန်မာ-ထိုင်းနှစ်နိုင်ငံ နယ်စပ်အနီး ပေါက်ရောက်လျက်ရှိသည့် နှစ် ၁၀၀ ကျော်သက်တမ်းရှိ ပိတောက်ပင်၏ ကျီးပေါင်းသားဖြင့် ထွင်းထုထားခြင်းဖြစ်ပြီး သစ်အလှူရှင် ဦစောလှအေး လှူဒါန်းသည့် ပိတောက်ပင်၏ ကျီးပေါင်းသားပေါ်တွင် ဦးကျော်ကျော်၏ စီစဉ်မှုဖြင့် ပန်းပုဆရာ ဦးရဲရင့်နောင်လတ်က နှစ်လခန့် အချိန်ယူ ထုဆစ်ခဲ့ရပြီး ရုပ်တုထုလုပ်ပြီးစီးချိန်တွင် ယခုကဲ့သို့ တပ်မတော်ကာကွယ်ရေးဦးစီးချုပ်အား လာ ရောက် ပေးအပ်လှူဒါန်းခဲ့ခြင်းဖြစ်ကာ ရုပ်တုမှာ အလေးချိန်အားဖြင့် တစ်တန်ခန့်ရှိပြီး ကာလတန်ဖိုး ကျပ်သိန်း ၁၀၀၀ ခန့်ရှိကြောင်း တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက်တွင် ရေးသားထားသည်။

ယင်းအခမ်းအနားသို့ တပ်မတော်ကာကွယ်ရေးဦးစီးချုပ်နှင့်အတူ ဇနီး ဒေါ်ကြူကြူလှ၊ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းနှင့်ဇနီး ဒေါ်သန်းသန်းနွယ်၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ် ချုပ်ကြီး မြထွန်းဦး၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊ နေပြည်တော်တိုင်း စစ်ဌာနချုပ်တိုင်းမှူး၊ အလှူရှင်များဖြစ်ကြသည့် ဦးစောလှအေး၊ ဦးကျော်ကျော်နှင့် ပန်းပုပညာရှင် ဦးရဲရင့်နောင်လတ်တို့ တက်ရောက်ကြကြောင်း တပ်မတော်ကာကွယ် ရေးဦးစီးချုပ်ရုံး၏ ထုတ်ပြန်ချက်အရ သိရသည်။