ဝယ်ယူရန် သဘောတူညီမှု ရထားသည့် Su-30 SM တိုက်လေယာဉ် အမျိုးအစားအား ကာကွယ်ရေးဦးစီးချုပ် (လေ) ကိုယ်တိုင် မောင်းနှင်ပျံသန်းခဲ့ဟု ရုရှားသတင်းဌာန ဖော်ပြ

ဝယ်ယူရန် သဘောတူညီမှု ရထားသည့် Su-30 SM တိုက်လေယာဉ် အမျိုးအစားကို ရုရှားနိုင်ငံ မော်စကိုမြို့သို့ အလည်အပတ်ခရီး ရောက်ရှိနေစဉ် ကာကွယ်ရေးဦးစီးချုပ် (လေ) ဗိုလ်ချုပ်ကြီး မောင်မောင်ကျော် ကိုယ်တိုင် ပျံသန်းခဲ့ကြောင်း ရုရှား TASS သတင်းဌာနက သြဂုတ် ၂၃ ရက်မှာ ဖော်ပြခဲ့သည်။

ရုရှား စစ်ဘက်ဆိုင်ရာ ထုတ်လုပ်ရေး သတင်းရင်းမြစ်မှ TASS သတင်းဌာနကို ပြောကြားမှုအရ ဗိုလ်ချုပ်ကြီး မောင်မောင်ကျော်သည် သြဂုတ် ၁၇ ရက်က မော်စကိုမြို့တော် အနောက်ဘက်ရှိ Kubinka လေတပ် အခြေစိုက်စခန်းတွင် Su-30 SM တိုက်လေယာဉ်ကို မောင်းနှင်ခဲ့ခြင်း ဖြစ်သည်ဟု သိရသည်။

သတင်းရင်းမြစ်၏ ပြောကြားမှုအရ ဗိုလ်ချုပ်ကြီး မောင်မောင်ကျော် အနေဖြင့် တွဲဖက်လေယာဉ်မှူး အနေဖြင့် မောင်းနှင်ခဲ့ခြင်းဖြစ်ပြီး ဦးစီးလေယာဉ်မှူး ပြောင်းလဲ တာဝန်ယူခဲ့ကာ သရုပ်ပြ မောင်းနှင်ပျံသန်းမှု အမျိုးမျိုးလည်း မောင်းနှင်ပြခဲ့ကြောင်း သိရသည်။

တွဲဖက် ရုရှားလေယာဉ်မှူး ဖြစ်သည့် ဗိုလ်ကြီးအဆင့်ရှိသူက ကာကွယ်ရေးဦးစီးချုပ် (လေ) ဗိုလ်ချုပ်ကြီး၏ လေယာဉ်မောင်းနှင်မှု စွမ်းရည်ကို အမြင့်ဆုံးရမှတ်ပေးခဲ့ပြီး လျင်မြန်စွာ ချည်းကပ် သင်ယူနိုင်စွမ်းရှိသူဟုလည်း ချီးကျူးခဲ့ကြောင်း ရုရှားစစ်ဘက်ဆိုင်ရာ သတင်းရင်းမြစ်က TASS သတင်းဌာနကို ထပ်လောင်း ပြောကြားခဲ့သည်ဟု ဖော်ပြခဲ့သည်။

“ဗိုလ်ချုပ်ကြီးဟာ တိုက်လေယာဉ်ကို ယုံကြည်မှုရှိစွာနဲ့ ညက်ညောစွာ ထိန်းသိမ်း ပျံသန်းတတ်သူပါ”ဟုလည်း အဆိုပါ ရုရှားစစ်ဘက် သတင်းရင်းမြစ်က ပြောကြားသည်။

ယခုမောင်းနှင် ပျံသန်းမှုသည် ပြီးခဲ့သည့် ဇန်န၀ါရီလအတွင်းက ရုရှားကာကွယ်ရေးဝန်ကြီး၏ မြန်မာနိုင်ငံ ခရီးစဉ်အတွင်း ရောင်းချရန် သဘောတူညီမှု ရခဲ့သည့် Su-30 တိုက်လေယာဉ် ခြောက်စင်းအတွက် စမ်းသပ် မောင်းနှင်မှုဖြစ်သည် ဟုလည်း ရုရှား စစ်ဘက်ဆိုင်ရာ သတင်းရင်းမြစ်က ပြောကြားခဲ့သည်ဟု TASS သတင်းတွင် ဖော်ပြခဲ့သည်။

Su-30 တိုက်လေယာဉ် အမျိုးအစားသည် နေတိုးအခေါ် Flanker-C ဖြစ်ပြီး လေသူရဲ နှစ်ဦးမောင်း၊ အင်ဂျင် နှစ်လုံးတပ် ၄+မျိုးဆက် ဘက်စုံသုံး တိုက်ခိုက်ရေး လေယာဉ်ဖြစ်ပြီး Su-30 SM အမျိုးအစားသည် ယခင်က ရုရှားတပ်မတော် အတွက်သာ အဓိက ထုတ်လုပ်ထားခြင်း ဖြစ်ကာ ကာဇတ်စတန်နိုင်ငံ တစ်နိုင်ငံတည်းကိုသာ ခြောက်စီး ရောင်းချထားကြောင်း သိရသည်။

လက်ရှိတွင် မြန်မာ့တပ်မတော် (လေ) ၏ အဓိက တိုက်လေယာဉ်အဖြစ် ရုရှားထုတ် MiG-29 အမျိုးအစား ဘက်စုံသုံး တိုက်လေယာဉ်များကို အသုံးပြုနေသလို ပြီးခဲ့သည့်နှစ် ဒီဇင်ဘာလ အတွင်းကလည်း ရုရှားထုတ် YaK-130 အမျိုးအစား တန်းမြင့် အမောင်းသင် ဂျက်လေယာဉ်များကို တပ်တော်ဝင်ခဲ့သည်။

ထို့ပြင် တပ်မတော် (လေ) သည် ရုရှားထုတ် Mi-2 ၊ Mi -17 ၊ Mi-35 အမျိုးအစား ရဟတ်ယာဉ်များကို အသုံးပြုနေပြီး နှစ်နိုင်ငံ ကာကွယ်ရေး သဘောတူစာချုပ်တစ်ရပ်ကိုလည်း ၂၀၁၇ ခုနှစ်အတွင်းက ချုပ်ဆိုခဲ့ကြောင်း သိရသည်။

 

ဘင်္ဂါလီမွတ်စလင်ကိစ္စနှင့်ပတ်သက်၍ အမေရိကန်ဘဏ္ဍာရေးဝန်ကြီးဌာနက မြန်မာတပ်မတော်အပေါ် ပိတ်ဆို့မှုများချမှတ်

ဘင်္ဂါလီ မွတ်စလင်များအပေါ် လူမျိုးစုလိုက် သုတ်သင်မှုနှင့် အခြားလူမျိုးစု လူနည်းစု အုပ်စုများအပေါ် ကျယ်ပြန့်သော လူ့အခွင့်အရေး ချိုးဖောက်မှုများအတွက် မြန်မာလုံခြုံရေးတပ်ဖွဲ့များအား စီးပွားရေးပိတ်ဆို့မှုများ ချမှတ်လိုက်ကြောင်း  အမေရိကန်ဘဏ္ဍာရေး ဌာနက သြဂုတ် ၁၇ ရက်တွင် ကြေညာခဲ့သည်။

ယင်းအရေးယူမှုသည် မြန်မာတပ်မတော် နှင့် နယ်ခြားစောင့်တပ်ဖွဲ့တို့မှ ဦးစီးမှူး လေးဦးနှင့် တပ်မတော်တပ်ဖွဲ့နှစ်ခုတို့ကို ပစ်မှတ်ထားသည်။ ဘင်္ဂါလီမွတ်စလင် ၇၀၀,၀၀၀ ကို ဘင်္ဂလားဒေ့ရ်ှနှင့် အာရှတိုက် အခြားနေရာများသို့ ထွက်ပြေးစေခဲ့သည့် အကြမ်းဖက်မှုအတွက် အမေရိကန်သည် ယခင်က တပ် မတော်အရာရှိတစ်ဦးကိုသာ အရေးယူခဲ့သည်။ ဥရောပသမဂ္ဂနှင့် ကနေဒါတို့က အရာရှိ ခုနစ်ဦးကို ပိတ်ဆို့မှုများ ချမှတ်ခဲ့သည်။

“မြန်မာလုံခြုံရေး တပ်ဖွဲ့ဝင်တွေဟာ လူမျိုးစုလိုက် သုတ်သင်မှု၊ အစုလိုက် အပြုံလိုက် သတ်ဖြတ်မှု၊ လိင်ပိုင်းဆိုင်ရာတိုက်ခိုက်မှု၊ တရားဥပဒေမဲ့ သတ်ဖြတ်မှုနဲ့ တခြားပြင်းထန်တဲ့ လူ့အခွင့်အရေးချိုးဖောက်မှုတွေအပါအ၀င် မြန်မာနိုင်ငံတစ်လွှားက လူမျိုးစု လူနည်းစုအုပ်စုတွေအပေါ် အကြမ်းဖက်လုပ်ဆောင်မှုတွေမှာ ပါဝင်ခဲ့ပါတယ်” ဟု အမေရိကန်ဘဏ္ဍာရေးဌာန အကြီးတန်းအရာရှိတစ် ဦးဖြစ်သူ စီဂေါပီမန်ဒယ်ကာက ထုတ်ပြန်ချက်တစ်ရပ်၌ ပြောကြားထားသည်။

ရခိုင်ပြည်နယ်မှ ဘင်္ဂါလီမွတ်စလင်များအပေါ် လူမျိုးစုလိုက် သုတ်သင်မှုအပြင် မြန်မာအစိုးရက လူမျိုးစု လူနည်းစုအုပ်စုများကို ကိုယ်စားပြုသည့် လက်နက်ကိုင်တပ်များနှင့် နှစ်ပေါင်းများစွာကြာ ပြည်တွင်းစစ်ဆင်နွှဲနေ သည့် မြောက်ပိုင်းတောင်တန်းဒေသများ ဖြစ်သော ကချင်ပြည်နယ်နှင့် ရှမ်းပြည်နယ်တွင် တပ်မတော်က လူ့အခွင့်အရေးချိုးဖောက်မှုများကိုလည်း အမေရိကန်၏ ကြေညာချက်က ထောက်ပြခဲ့သည်။ ယင်းဒေသများတွင် မြန်မာတပ်မတော်တပ်ဖွဲ့များသည် ၎င်းတို့အနေဖြင့် ဘင်္ဂါလီမွတ်စလင်များအပေါ် ကျင့်သုံး သည့် နည်းဗျူဟာများအတိုင်း ပြုလုပ်ခဲ့သည်ဟု အမေရိကန်ဘဏ္ဍာရေးဌာနက ပြောကြားခဲ့သည်။

ယခုပိတ်ဆို့မှုများ ပြုလုပ်ရာ၌ ပစ်မှတ်ထားခံရသူများမှာ အမှတ် (၃) စစ်ဆင်ရေး အထူးအဖွဲ့မှူး ဒုတိယဗိုလ်ချုပ်ကြီးဟောင်း အောင်ကျော်ဇော၊ အမှတ် (၁၅) စစ်ဆင်ရေးကွပ်ကဲမှု ဌာနချုပ်မှူး ဗိုလ်မှူးချုပ် ခင်မောင်စိုး၊ နယ်ခြားစောင့်တပ်ဖွဲ့မှူးဟောင်း ရဲမှူးချုပ် သူရစန်းလွင်၊ တပ်မ (၉၉) တပ်မမှူးဟောင်း ဗိုလ်မှူးချုပ် ခင်လှိုင်၊ တပ်မ (၉၉) နှင့် တပ်မ (၃၃) တို့ ဖြစ်ကြသည်။

အမေရိကန်ဘဏ္ဍာရေးဌာနက ယင်းဦးစီးမှူးများနှင့် ယင်းတပ်ဖွဲ့တို့၏ တပ်ဖွဲ့ဝင်များနှင့်ပတ်သက်သော နိုင်ငံခြားပိုင်ဆိုင်မှု သို့မဟုတ် နိုင်ငံခြားဘဏ္ဍာရေး ဆက်နွှယ်ချက်များအကြောင်း အသေးစိတ်အချက်အ လက်များကိုမူ ပြောကြားခဲ့ခြင်းမရှိပေ။ တပ် ဖွဲ့များကို အမည်တပ်ခြင်းသည် ယင်းတပ်ဖွဲ့များနှင့် အလုပ်လုပ်ရန် သို့မဟုတ် ပူးပေါင်း ဆောင်ရွက်ရန်ရှိသည့် အမေရိကန်စစ်တပ် သို့မဟုတ် အခြားနိုင်ငံအချို့မှ စစ်တပ်တို့အ တွက် ခက်ခဲစေနိုင် သို့မဟုတ် မဖြစ်နိုင်ဟု ဆိုသည်။

“ခင်ဗျားတို့ လုပ်မှာတွေအတွက် အန္တ ရာယ်တွေရှိတယ်ဆိုတာ ဒါက မြန်မာတပ်မတော်ကို မက်ဆေ့ခ်ျတစ်ရပ် ပေးလိုက်တာပါ ပဲ။ ဒါက အင်စတီကျူးရှင်းဆိုင်ရာ ပြုပြင် ပြောင်းလဲမှုဆီ ဦးတည်သွားစေလိမ့်မယ်လို့ ကျွန်တော် ထင်ပါတယ်” ဟု လူ့အခွင့်အရေး ဆိုင်ရာ စောင့်ကြည့်ရေးအဖွဲ့ (HRW) ၏ အာရှညွှန်ကြားရေးမှူး ဘရက်အဒမ်က ပြောကြားခဲ့သည်။

မစ္စတာအဒမ်က အစိုးရတစ်ရပ်အနေဖြင့်  တပ်မတော်တပ်ဖွဲ့တစ်ရပ်လုံးကို အမည်တပ်ခြင်းသည် ရှားပါးသည့်ကိစ္စဖြစ်သည်ဟုလည်း ဆိုသည်။ “တကယ်ကို ကြီးမားတဲ့ ကိစ္စပါပဲ”  ဟု ၎င်းက ဆို၏။

အမေရိကန် နိုင်ငံခြားရေးဌာနသည် ဘင်္ဂါလီမွတ်စလင်များအပေါ် အကြမ်းဖက်မှုနှင့်ပတ်သက်၍ အသေးစိတ်အစီရင်ခံစာတစ်စောင်ကို ပြင်ဆင်နေပြီး လာမည့်သီတင်းပတ်အတွင်း တွေ့ရှိချက်များကို ထုတ်ပြန် ဖွယ်ရှိသည်။ ယင်းအစီရင်ခံစာ၌ နောက်ထပ်လူများကို အမည်တပ်လိမ့်ဦးမည်ဟု မျှော်လင့်ကြောင်း အဒမ်က ပြောကြားခဲ့သည်။ အမေရိကန်က မြန်မာထိပ်တန်းတပ်မတော်ဦးစီးမှူးများကို ပိတ်ဆို့မှုများ ချမှတ်မည်လားနှင့်  လူမျိုးတုံးသတ်ဖြတ်မှုဟု ခေါ်ဆိုမည်လားဟူ၍ ယင်းအစီရင်ခံစာအတွက် မေးခွန်း နှစ်ရပ်ရှိနေသည်ဟု ဆိုသည်။

မြန်မာတပ်ဖွဲ့များက လူသတ်မှုများ၊ မုဒိမ်းမှုများနှင့် ဘင်္ဂါလီမွတ်စလင်များကို အတင်းအဓမ္မ မောင်းထုတ်မှုများ ကျူးလွန်ခြင်းသည် လွန်ခဲ့သည့် နှစ်နှစ်အတွင်း ကမ္ဘာ့အဆိုးရွားဆုံး လူ့အခွင့်အရေးဆိုင်ရာ ရက်စက် ကြမ်းကြုတ်မှုတစ်ခုဖြစ်သည်ဟု ဆိုသည်။

ရခိုင်ပြည်နယ်မြောက်ပိုင်းရှိ မြို့နယ်သုံးခုတွင် မြန်မာတပ်မတော် ဦးစီးမှူးများနှင့် တပ်မတော်သားများက ကျယ်ကျယ်ပြန့်ပြန့် စနစ်တကျ အကြမ်းဖက်မှုကျူးလွန်ခဲ့သည့် ၂၀၁၆ ခုနှစ် အောက်တိုဘာ ပဋိပက္ခ စတင် ချိန်၌ မြန်မာတပ်ဖွဲ့များ၏ အခန်းကဏ္ဍကိုလည်း အမေရိကန်ဘဏ္ဍာရေးဌာနက ထောက်ပြခဲ့သည်။

၂၀၁၇ ခုနှစ် သြဂုတ်လအတွင်း နယ်စပ်စခန်းများ တိုက်ခိုက်ခံရမှုကို မြန်မာတပ်မတော်က တုံ့ပြန်သည့်အခါ ဒုက္ခသည်များအား ဘင်္ဂလားဒေ့ရ်ှနိုင်ငံသို့ အစုလိုက်အပြုံလိုက် ထွက်ပြေးစေပြီး နယ်စပ်အနီးရှိ ခနော်နီခနော် နဲ့ စခန်းများ၌ နေထိုင်နေရစေသည့် ဘင်္ဂါလီမွတ်စလင်များအပေါ် ရက်စက်ကြမ်းကြုတ်သော စစ်ဆင်ရေး တစ်ရပ်နှင့်အတူ အကြမ်းဖက်မှုက အဆင့်သစ်များဆီသို့ ရောက်ရှိသွားခဲ့သည်။

 

 

တပ်မတော်သည် နိုင်ငံရေးအသွင်ကူးပြောင်းမှုနောက်ပိုင်း တရုတ်နိုင်ငံအပေါ်မှီခိုနေရမှုကို ဟန်ချက်ပြန်ညှိရန်ကြိုးစားခဲ့သော်လည်း ရခိုင်ပြဿနာနှင့်ပတ်သက်၍ ပြန်လည်နီးကပ်လာသည်ကို တွေ့ရပြီး ပိုမိုနီးစပ်သွားနိုင်မည့် အလားအလာဖြစ်နေကြောင်း တကောင်းနိုင်ငံရေးလေ့လာမှုအဖွဲ့ အစီရင်ခံစာတွင်ဖော်ပြ

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့် တရုတ်သမ္မတရှီကျင်ပင်းတို့ ၂၀၁၇ ခုနှစ် နိုဝင်ဘာလအတွင်းက တရုတ်နိုင်ငံတွင် တွေ့ဆုံဆွေးနွေးစဉ် (ဓာတ်ပုံ-တပ်မတော်ကာကွယ်ရေးဦးစီးချုပ်ရုံး)

တပ်မတော်သည် နိုင်ငံရေးအသွင်ကူး ပြောင်းမှုများပြုလုပ်ပြီးနောက်ပိုင်း နိုင်ငံတကာ ဆက်ဆံရေးနယ်ပယ်တွင် တရုတ်နိုင်ငံအပေါ် မှီခိုနေရမှုကို ဟန်ချက်ပြန်ညှိရန် တစိုက်မတ်မတ်ကြိုးစားလာခဲ့သည်ကို တွေ့ရှိ ရသော်လည်း ရခိုင်ပြဿနာနှင့်ပတ်သက်၍ ပြန်လည်နီးကပ်လာခဲ့သည်ကို တွေ့ရှိရကာ လက်ရှိအနေအထားအရ တရုတ်နှင့် ပိုမိုနီးစပ်သွားနိုင်မည့် အလားအလာဖြစ်နေကြောင်း တကောင်းနိုင်ငံရေးလေ့လာမှုအဖွဲ့၏ အစီရင်ခံစာတွင် ဖော်ပြထားသည်။

တကောင်းနိုင်ငံရေးလေ့လာမှုအဖွဲ့က သြဂုတ် ၁၀ ရက်တွင်ထုတ်ပြန်သည့် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ နိုင်ငံတကာခရီးစဉ်များကိုလေ့လာချက် စစ်ဘက်ဆိုင်ရာ သံခင်းတမန်ခင်းနှင့် တပ်မတော်၏ နိုင်ငံတကာ ဆက်ဆံရေးအရွေ့ အစီရင်ခံစာတွင် အဆိုပါ သုံးသပ်ချက်အား ဖော်ပြထားခြင်းဖြစ်သည်။

မြန်မာ့တပ်မတော်အနေဖြင့် ၂၀၁၇ ခုနှစ်သည် နိုင်ငံတကာဆက်ဆံရေးနယ်ပယ်တွင် အထူးခြေသွက်လှသည့် နှစ်ကာလ အပိုင်းအခြားဟု ဆိုနိုင်ကြောင်း၊ ရခိုင်ပဋိပက္ခ ဖြစ်ပွားခဲ့သော ၂၀၁၇ ခုနှစ်နှောင်းပိုင်းကာလတွင်မူ အဆိုပါအခင်းအကျင်းမှာ ရုတ်တရက် ပြောင်းလဲသွားခဲ့ကြောင်း၊ ရခိုင်ပြည်နယ် မြောက်ပိုင်း၌ တပ်မတော်၏ နယ်မြေရှင်းလင်းရေး ဆောင်ရွက်ချက်များနှင့် ပတ်သက်၍ နိုင်ငံတကာမျက်နှာစာထက်တွင် ဝေဖန်မှု များမြင့်တက်လာခဲ့ပြီး အထူးသဖြင့် အမေရိကန်နှင့် ဥရောပသမဂ္ဂအစရှိသည့် အနောက် နိုင်ငံများအနေဖြင့် တပ်မတော်အပေါ် ဒဏ်ခတ် အရေးယူမှုများပြုလုပ်ရန်အထိပင် ပြန်လည်စဉ်းစားလာကြကြောင်း၊ ၂၀၁၇ ခုနှစ် သြဂုတ် ၂၅ ရက်နောက်ပိုင်းတွင် တပ်မတော်အနေဖြင့် နိုင်ငံတကာဆက်ဆံရေးနယ်ပယ်တွင် အရှိန်ပြန်လည်လျော့ကျလာခဲ့သည်ကို တွေ့ရကြောင်း အစီရင်ခံစာတွင် ရေးသားထားသည်။

တရုတ်နိုင်ငံသည် ရခိုင်ပြဿနာနှင့် ပတ်သက်၍ မြန်မာနိုင်ငံဘက်မှ ခိုင်ခိုင်မာမာ ရပ်တည်ပေးထားခဲ့သည့်နိုင်ငံဖြစ်ပြီး ၂၀၁၇ ခုနှစ် သြဂုတ်နောက်ပိုင်းတွင်လည်း နိုင်ငံတကာ မျက်နှာစာနှင့် ကုလသမဂ္ဂတွင် မြန် မာနိုင်ငံကို အကာအကွယ်ပေးထားခဲ့ကြောင်း၊ ရခိုင်ပြဿနာနှင့်ပတ်သက်၍ နိုင်ငံတကာ ဖိအားများ ပြင်းထန်နေချိန်တွင် ၂၀၁၇ ခုနှစ် နိုဝင်ဘာ၌ ဗိုလ်ချုပ်မှူးကြီး မင်းအောင်လှိုင်သည် တရုတ်နိုင်ငံသို့ ချစ်ကြည်ရေးခရီး သွားရောက်ခဲ့ပြီး ခရီးစဉ်အတွင်း တရုတ်နိုင်ငံသမ္မတ ရှီကျင်ပင်းနှင့် တွေ့ဆုံခဲ့ခြင်း၊  တရုတ် နိုင်ငံ၏ Three Georges Dam ကို သွားရောက်လေ့လာခြင်းနှင့် OBOR စီမံကိန်းသည် မြန်မာနိုင်ငံအတွက်လည်း အထောက်အကူပြုနိုင်ကြောင်း ဗိုလ်ချုပ်မှူးကြီး မင်းအောင်လှိုင်က ထောက်ခံ ပြောကြားခဲ့သည်ဟု အစီရင်ခံစာတွင် ဖော်ပြထားသည်။

တပ်မတော်သည် လက်ရှိအနေအထားအရ တရုတ်နှင့်ပိုမိုနီးစပ်သွားနိုင်မည့် အလားအလာဖြစ်နေသော်လည်း တပ်မတော်အနေဖြင့် နှစ်ပေါင်းများစွာ တရုတ်နှင့်ဆက်ဆံလာခဲ့သော အတွေ့အကြုံများအရ လက်ရှိအချိန်တွင် တရုတ်အပေါ် လုံးဝမှီခိုနေရသည့် ပုံစံမျိုး မရောက်သွားစေရေးအတွက် ဟန်ချက်ထိန်းညှိသွားရန် တတ်နိုင်သမျှ ကြိုးစားသွားမည့်အလားအလာမျိုးရှိနေကြောင်း၊ အထူးသဖြင့် အနောက်နိုင်ငံများနှင့် ဆက်ဆံရေး ဆိုးရွားနေသော်လည်း အာဆီယံနိုင်ငံများ၊ ရုရှား၊ ဂျပန်၊ အိန္ဒိယအစရှိသည့် နိုင်ငံများနှင့် ဆက်ဆံရေးကို ပိုမိုခိုင်မာစွာတည်ဆောက်ပြီး ဟန်ချက်ထိန်းညှိရန် တတ်နိုင်သမျှကြိုးစားသွားမည်ဟု သုံးသပ်မိကြောင်းနှင့် တရုတ်၏ သြဇာစက်ဝန်းကို မည်သည့်အတိုင်းအတာအထိ ဟန်ချက်ထိန်းညှိသွားနိုင်မည်နည်း ဆိုသည့် မေးခွန်းမှာမူ တပ်မတော်၏ အနာဂတ် နိုင်ငံတကာဆက်ဆံရေးမှာ စိတ်ဝင်စားစရာ ကောင်းလှကြောင်း တကောင်းအဖွဲ့၏ အစီ ရင်ခံစာတွင် ပါရှိသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် တပ်မတော်ကာကွယ်ရေးဦးစီးချုပ် တာဝန်စတင်ထမ်းဆောင်ခဲ့သည့် ၂၀၁၁ ခုနှစ် မတ် ၃၀ ရက် မှ ၂၀၁၈ ခုနှစ် ဇွန် ၃၀ ရက်အထိ ခုနစ်နှစ်ကျော်အတွင်း၌ နိုင်ငံပေါင်း ၂၃ နိုင်ငံသို့ စုစုပေါင်း ၄၆ ကြိမ် သွားရောက်ထားပြီး ထိုင်း နိုင်ငံသို့ ၁၀ ကြိမ်၊ တရုတ်နိုင်ငံသို့ လေးကြိမ် အများဆုံးဖြစ်ကြောင်း အစီရင်ခံစာတွင် ပါရှိသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် ၂၀၁၁ ခုနှစ် နိုဝင်ဘာလအတွင်း တရုတ်နိုင်ငံသို့ ပထမဆုံးအကြိမ်သွားရောက်ခဲ့ပြီး ဒုတိယအကြိမ် ၂၀၁၃ ခုနှစ်တွင် ထပ်မံသွားရောက်ခဲ့သော်လည်း ၂၀၁၆ ခုနှစ်နှောင်းပိုင်းကာလ မတိုင်ခင်အထိ တရုတ်နှင့် မြန်မာနိုင်ငံအကြား စစ်ဘက်ဆိုင်ရာသံတမန်ဆက်ဆံရေးမှာ အတန်ငယ်အေးခဲနေခဲ့သည်ကို တွေ့ရှိရကြောင်း၊ ထိုကဲ့သို့ အေးခဲသွားရသည့် အဓိကအကြောင်း ရင်းများမှာ မြန်မာနိုင်ငံတွင် တရုတ်၏ သြဇာအာဏာကြီးထွားလာမှုကို စိုးရိမ်နေကြသော တပ်မတော်ခေါင်းဆောင်များအနေဖြင့် နိုင်ငံရေး အသွင်ကူးပြောင်းကာလတွင် အနောက် နိုင်ငံများနှင့် ပိုမိုနီးစပ်အောင်ကြိုးစားလာ သကဲ့သို့  အဆိုပါကာလအပိုင်းအခြားအတွင်း တရုတ်-မြန်မာနယ်စပ်ရှိ တိုင်းရင်းသားလက်နက်ကိုင်အဖွဲ့များနှင့် မြန်မာ့တပ်မတော်၏ တိုက်ပွဲများကလည်း နှစ်ဖက်ဆက်ဆံရေးကို အေးခဲစေခဲ့ကြောင်း အစီရင်ခံစာတွင် ဖော်ပြ ပါရှိသည်။

၂၀၁၆ ခုနှစ်တွင် တတိယအကြိမ်သွားရောက်သည့် ခရီးစဉ်သည် စိတ်ဝင်စားစရာ ကောင်းပြီး အမျိုးသားဒီမိုကရေစီအဖွဲ့ချုပ် အစိုးရအာဏာရယူပြီးနောက် ဗိုလ်ချုပ်မှူးကြီး မင်းအောင်လှိုင်အနေဖြင့် တရုတ်နိုင်ငံသို့ ပထမဆုံး သွားရောက်ခဲ့ခြင်းဖြစ်ကြောင်း၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တရုတ်နိုင်ငံသို့ ၂၀၁၆ ခုနှစ် သြဂုတ်တွင်သွားရောက်ခဲ့ပြီး နှစ်လခန့်အကြာတွင် ဗိုလ်ချုပ်မှူးကြီးမင်းအောင်လှိုင်သည် တရုတ်နိုင်ငံသို့ ချစ်ကြည်ရေးခရီးသွား ရောက်ခဲ့ခြင်းဖြစ်ပြီး အဆိုပါခရီးစဉ်မှာ ၂၀၁၆ ခုနှစ် အောက်တိုဘာလအတွင်း ရခိုင်ပြည်နယ်ရှိ လုံခြုံရေးစခန်းများကို အကြမ်းဖက် တိုက်ခိုက်မှုများ ဖြစ်ပွားပြီးချိန်နှင့်လည်း တိုက်ဆိုင်နေကြောင်း တကောင်းအဖွဲ့၏ အစီရင်ခံစာတွင် ပါရှိသည်။

သို့ရာတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် မြန်မာနိုင်ငံ၏နယ်နိမိတ်ထိစပ်နေသည့် အိမ်နီးချင်း ဘင်္ဂလားဒေ့ရ်ှနိုင်ငံသို့ သွားရောက်ထားခြင်း မရှိသေးသည်ကို တွေ့ရကြောင်းလည်း တကောင်းအဖွဲ့၏ အစီရင်ခံစာတွင် ပါရှိသည်။

 

 

ဘီးလင်းမြို့နယ်အတွင်း ရေဘေးသင့်ပြည်သူများအား ကူညီကယ်ဆယ်စဉ် ရေစီးနှင့်အတူ မျောပါသွားခဲ့သည့် စစ်သည်သုံးဦးအနက် စစ်သည်တစ်ဦး၏ ရုပ်အလောင်း ထပ်မံတွေ့ရှိကြောင်းနှင့် ကျန်စစ်သည်တစ်ဦးအား ဆက်လက်ရှာဖွေလျက်ရှိကြောင်း ထုတ်ပြန်

ဘီးလင်းမြို့နယ်အတွင်း ရေဘေးသင့် ဒေသခံပြည်သူများအား ကူညီကယ်ဆယ်စဉ်ရေစီးနှင့်အတူ မျောပါသွားခဲ့သည့်  စစ် သည်သုံးဦးအနက် စစ်သည်တစ်ဦး၏ ရုပ် အလောင်းအား ထပ်မံတွေ့ရှိကြောင်းနှင့် ကျန်စစ်သည် တစ်ဦးအား ဆက်လက် ရှာဖွေလျက်ရှိကြောင်း ဇူလိုင် ၃၁ ရက် မွန်းလွဲ ပိုင်းက တပ်မတော် ကာကွယ်ရေး ဦးစီးဌာနမှ သတင်းထုတ်ပြန်ခဲ့ကြောင်း သိရသည်။

ဇူလိုင် ၃၁ ရက် နံနက် ၈ နာရီ ၄၅ မိနစ် တွင် မစောတံတား၏ တောင်ဘက် မီတာ ၁၄၀၀ ခန့်အကွာ ရေအောက်ရှိ ချုံနွယ်များ အတွင်း ငြိတွယ်လျက်ရှိသော စစ်သည်တစ်ဦး၏ ရုပ်အလောင်းအား ထပ်မံရှာဖွေ တွေ့ရှိခဲ့ပြီး ဘီးလင်းမြို့ပြည်သူ့ဆေးရုံသို့ ပို့ဆောင်၍ လုပ်ထုံးလုပ်နည်းများနှင့်အညီ ဆောင်ရွက်လျက်ရှိကာ ၎င်းစစ်သည်ရုပ်အလောင်းအား စစ်အခမ်းအနားဖြင့် ကောင်းမွန်စွာ သင်္ဂြိုဟ်ပေးသွားမည် ဖြစ်ကြောင်းနှင့် ကျန်စစ်သည် တစ်ဦးအား ဆက်လက်ရှာဖွေ လျက်ရှိကြောင်း တပ်မတော်ကာကွယ်ရေး ဦးစီးဌာနမှ ထုတ်ပြန်ချက်အရသိရသည်။

“နံနက်က တပ်မတော်သားအလောင်း တစ်လောက်ထပ်တွေ့တယ်လို့ သိရတယ်။ နာမည်က တပ်သားဖြိုးရန်နိုင်ခန့်လို့ သိရပါတယ်။ ကျွန်တော်တို့ တောင်ကလေးရွာဘက်မှာ တပ်မတော်ကရော၊ မီးသတ်တွေရော၊ အရပ်ဘက်အဖွဲ့အစည်းတွေရော ၀ိုင်းရှာရင်းနဲ့ ပြန်တွေ့တယ်လို့ သိရပါတယ်” ဟု တောင်ကလေးကျေးရွာ ဒေသခံတစ်ဦး ဖြစ် သူ ကိုထွန်းလင်းက ပြောကြားသည်။

ဇူလိုင် ၂၇ ရက် မွန်းလွဲ ၂ နာရီခွဲတွင် ဘီးလင်းမြို့ လမ်းရေကျော်သည့် နေရာတွင် ကယ်ဆယ်ရေးလုပ်ငန်း ဆောင်ရွက်နေသော ကျိုက်ထိုမြို့ အမှတ် (၂) ခြေမြန်တပ်ရင်းမှ တပ်မတော်သား ခုနစ်ဦး ရေထဲမျောပါသွားရာ လေးဦးကယ်တင်ရရှိပြီး တပ်သားသုံးဦး ဖြစ်သည့် ဖြိုးရန်နိုင်ခန့်၊ ကျော်ကျော်၊ စောတင်မောင်ဝင်းတို့ ရေစီးနှင့်အတူ မျှောပါသွားခဲ့ပြီး သုံးရက်အကြာ ဇူလိုင် ၃၀ ရက် နံနက် ၁၁ နာရီ မိနစ်၄၀ တွင် တပ်မ (၄၄) ဒုဗိုလ်မှူးကြီး ဖြိုးဝေလတ်ဦးစီးအဖွဲ့ အမှတ် (၂) ခြေမြန်တပ်ရင်း ဗိုလ်ကြီးထွန်းလင်း တပ်စိတ်မှ မစောတံတားအနီး ရေအောက်ချုံနွယ်နှင့် ညှိနေသည့် တပ်သား စောတင်မောင်ဝင်း အလောင်းအား ရှာဖွေတွေ့ရှိခဲ့ကြောင်း၊ ယင်းနောက် တပ်သားစောတင်မောင်ဝင်း၏ အလောင်းအား မွန်းလွဲ ၁ နာရီခွဲတွင် ဘီးလင်းမြို့နယ် ပြည့်သူ့ဆေးရုံရင်ခွဲရုံမှ နာရေးကူညီမှုယာဉ်ဖြင့် သယ်ဆောင်ခဲ့ပြီး ညနေ၄ နာရီ ၁၅ မိနစ်တွင်ဘီးလင်းမြို့၊ ကန်သာယာရပ်ကွက်၊ ဂျပန်ကုန်းရပ်ရှိ သုသာန်ဇရပ်၌ တပ်မတော် အခမ်းအနားဖြင့် သင်္ဂြိုဟ်ခဲ့ကြောင်းနှင့် ကျန်ရှိနေသည့် တပ်မတော်သား တစ်ဦးကိုလည်း စစ်ဘက် နယ်ဘက် လူမှုကယ်ဆယ်ရေးအဖွဲ့မှ ဆက်လက် ရှာဖွေနေကြောင်း သိရသည်။

တပ်မတော်နှင့် KNU ကြား လမ်းဖောက်လုပ်မှုနှင့်ပတ်သက်၍ ပစ်ခတ်မှုကြောင့် တိမ်းရှောင်နေသည့် ဒေသခံ ၂၀၀၀ ကျော် တောထဲတွင်သာ တိမ်းရှောင်နေရဆဲဟု MEAT အဖွဲ့ပြောကြား

ဖာပွန်ဒေသတိုက်ပွဲများကြောင့် တိမ်းရှောင်လျက်ရှိသူများအား မတ်လတတိယပတ်က ရိုက်ကူးထားသည့် ဓာတ်ပုံအား တွေ့ရစဉ် (Photo: KPSN)

တပ်မတော်နှင့် NCA ရေးထိုးထားသည့် ကရင်အမျိုးသားအစည်းအရုံး (KNU) လက်အောက်ခံ KNLA တပ်မဟာ (၅) ကြား လမ်းဖောက်လုပ်မှုနှင့်ပတ်သက်၍ ပစ်ခတ်မှုကြောင့် တိမ်းရှောင်နေသည့် ဒေသခံ ၂၀၀၀ ကျော်သည် တောထဲတွင်သာ တိမ်းရှောင်နေရဆဲဖြစ်ကြောင်း မူတြော် (ဖာပွန်) ခရိုင်အရေးပေါ် ကူညီထောက်ပံ့ရေးအဖွဲ့ (MEAT) မှ စောစိုးဒိုက ပြောကြားသည်။

ကရင်ပြည်နယ် ဖာပွန်မြို့နယ် ခေးပူ-လွယ်မူပလော လမ်းဟောင်းအား တပ်မတော်ဘက်မှ ပြုပြင်ဖောက်လုပ်မှုနှင့်ပတ်သက်၍ အဆိုပါဒေသတွင်လှုပ်ရှားနေသည့် KNLA တပ်မဟာ (၅) နှင့် တပ်မတော်တို့ မတ်လဆန်းကစတင်ကာ ထိတွေ့ပစ်ခတ်မှုဖြစ်ပွားခဲ့ပြီး ယင်းဒေသရှိ ကျေးရွာများမှ ရွာခံ ၂၀၀၀ ကျော်သည် ထွက်ပြေးတိမ်းရှောင်နေခြင်းဖြစ်သည်။

အဆိုပါတိမ်းရှောင်နေသူများထဲမှ လူဦးရေ ၁၆ ဦးပါဝင်သော အိမ်ထောင်စုသုံးစုသည် ထိုင်းနိုင်ငံဘက်ရှိ ဒုက္ခသည်စခန်းများသို့ သွားရောက်ခိုလှုံခဲ့သော်လည်း ထိုင်းအာဏာပိုင်များက လက်မခံဘဲ ဧပြီ ၂၆ ရက်က မြန်မာဘက်သို့ ပြန်လည်ပို့ဆောင်ခဲ့ကြောင်း သိရသည်။

“လက်ရှိကတော့ တောထဲမှာပဲရှိပါသေးတယ်။ ရွာပြန်လို့မရသေးဘူး။ မိသားစုသုံးစု၊ ထိုင်းနိုင်ငံက ဒုက္ခသည်စခန်းမှာ နေမလားဆိုပြီးလာတာ ဒီကလက်မခံဘဲ ပြန်ပို့လိုက်တယ်” ဟု စောစိုးဒိုက ပြောကြားသည်။

ထိုသို့ တိမ်းရှောင်နေသူများအနက် အချို့သည် ယခင်ကတည်းက ဖာပွန်ခရိုင်တွင် ဖွင့်လှစ်ထားသည့် ပြည်တွင်းနေရပ်စွန့်ခွာ ရွှေ့ပြောင်းနေထိုင်သူ ၂၀၀၀ ကျော်ခိုလှုံလျက်ရှိသော အီးတူထာဒုက္ခသည်စခန်းတွင် သွားရောက်ခိုလှုံသူများလည်းရှိကြောင်း သိရသည်။

အီးတူထာစခန်းသည် ၂၀၀၆ ခုနှစ်က တပ်မတော်နှင့် ကရင်အမျိုးသားအစည်းအရုံး (KNU) တို့ကြားတိုက်ပွဲများကြောင့် နေရပ်စွန့်ခွာကာ စစ်ဘေးရှောင်လာသူများ ခိုလှုံနေထိုင်နေသည့်စခန်းဖြစ်သည်။

“သူတို့ အဲဒီ (အီးတူထာ) မှာ ပြန်နေဖို့များတယ်။ လောလောဆယ်ကတော့ အဲဒီမှာပဲပြန်နေရမယ့်ပုံစံ။ အီးတူထာမှာလည်း စားနပ်ရိက္ခာ တအားနည်းသွားပြီးဆိုတော့ သူတို့ပြန်ဖို့ကျတော့လည်း နည်းနည်းခက်ခဲမှာပေါ့။ အဲဒါကြောင့် သူတို့ ဒီဘက် (ထိုင်း) ကိုဝင်လာတာထင်တယ်။ ဒီဘက်မှာပိုပြီး အဆင်ပြေမလားဆိုပြီးတော့ ကျွန်တော်ထင်တာပေါ့။ ဒီဘက် ထိုင်းက လက်မခံဘဲပြန်ပို့တယ်ဆိုတော့ အီးတူထာဘက်ပြန်ဖို့ အလားလာများတယ်” ဟု စောစိုးဒိုက ပြောကြားသည်။

ထို့ပြင် တပ်မတော်ဘက်မှ စစ်ကြောင်းများ လှုပ်ရှားဝင်ရောက်လာသည်မှာ လယ်မူပလောခွင်တွင် ကျယ်ပြန့်သွားပြီဖြစ်သည့်အပြင် ၎င်းတို့ စားသောက်လုပ်ကိုင်နေသည့်နေရာများတွင် တိုက်ပွဲများရှိနေသောကြောင့် နေရပ်ပြန်ရန် စိုးရိမ်နေကြကာ ဒုက္ခသည်များ နေရပ်ပြန်နိုင်ရန်အတွက် တပ်မတော်၏လမ်းဖောက်လုပ်မှုကို ရပ်တန့်ထားရန်လိုကြောင်း စောစိုးဒိုက ဆက်လက်ပြောကြားသည်။

“ဒုက္ခသည်တွေ နေရပ်ပြန်နိုင်ဖို့ကတော့ တပ်မတော်ရဲ့လုပ်ဆောင်နေတဲ့ လမ်းဖောက်လုပ်မှုကို ရပ်ထားဖို့လိုမယ်။ ဒီအချိန်မှာ တစ်ဖက်နဲ့တစ်ဖက် ယုံကြည်မှုတည်ဆောက်နိုင်အောင် လုပ်ဆောင်ကြမယ်ဆိုပြီးတော့ တစ်ဖက်နဲ့တစ်ဖက် သံသယစရာဖြစ်စရာ လုပ်ဆောင်ချက်တွေ မလုပ်သင့်တော့ဘူး။ NCA အရလည်း ရှိပါတယ်။ နှစ်ဖက်တပ်တွေ သူ့သတ်မှတ်တဲ့နေရာမှာ ရှိဖို့လိုတယ်။ ပြီးတော့ တစ်ဖက်က ဆုံးဖြတ်တဲ့နေရာမှာ လက်မခံဘူးဆိုရင် ခွင့်ပြုချက်မရသေးဘူး။ သဘောတူညီချက်မရသေးဘူးဆိုရင် မလုပ်ရမယ့်ဟာတွေပါတယ်။ သူတို့လုပ်လာတဲ့အတွက် အခက်အခဲဖြစ်လာတဲ့အချိန် ပြည်သူတွေက ကြောက်ကြတယ်။ အရင့်အရင်က ခါးသီးတဲ့အတွေ့အကြုံတွေကြောင့် မနေရဲတော့ဘူး။ ထွက်ပြေးကြတယ်။ တပ်မတော်က ဒါတွေမလုပ်ရင်မဖြစ်ဘူး။ အဲဒီလမ်းကိုလုပ်တာလည်း ရွာသူရွာသားတွေက မလိုလားဘူး။ သူတို့ဘာသာသူတို့ ဒီလမ်းကိုဖောက်တာကြောင့် အရှင်းဆုံး ပြဿာနာကတော့ တပ်မတော်ဘက်က ဒီကိစ္စကိုရပ်ပြီးတော့မှ ပြည်သူတွေနေတဲ့နေရာကနေ ထွက်ခွာပေးဖို့ ပြန်ဆုတ်ပေးဖို့ ဒါမှလည်း သူတို့ပြန်ရဲမှာ” ဟု စောစိုးဒိုက ပြောကြားသည်။

သို့ရာတွင် လူဦးရေ ၂၀၀၀ ကျော် ထွက်ပြေးတိမ်းရှောင်နေရသည် ဆိုသည်မှာမဟုတ်ကြောင်း၊ ကျေးရွာနှစ်ရွာမှ လူဦးရေ ၅၀၀ ခန့်သာရှိနိုင်ကြောင်း၊ မိမိတို့အနေဖြင့် တပ်မဟာ (၅) ကို ရန်သူဟု သဘောမထားကြောင်း မတ် ၃၀ ရက်က ပြုလုပ်သည့် (၁၃) ကြိမ်မြောက် ပဲခူးတိုင်းဒေသကြီး ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-S) အစည်းအဝေးတွင် JMC-S (ပဲခူး)ဥက္ကဋ္ဌ တောင်ပိုင်းတိုင်းစစ်ဌာနချုပ်တိုင်းမှူးက ပြောကြားထားသည်။

ဖာပွန်မြို့နယ်အတွင်း ၁၅ မိုင်အရှည်ရှိ ခေးပူရွာနှင့် လွယ်မူပလောရွာ ဆက်သွယ်ထားသော ယခင်လမ်းကြောင်းဟောင်းအား ဒေသဖွံ့ဖြိုးရေးနှင့် ဒေသခံပြည်သူများ အသုံးပြုနိုင်ရန် အတွက်လည်းကောင်း၊ တပ်ပိုင်းဆိုင်ရာ အုပ်ချုပ်မှုကိစ္စရပ်များ ဆက်သွယ်ဆောင်ရွက်မှု လွယ်ကူစေရန်လည်းကောင်း၊ ပြန်လည်ပြုပြင် မွမ်းမံရန်ရှိသဖြင့် အဆိုပါကိစ္စအား တောင်ပိုင်းတိုင်းစစ်ဌာနချုပ်မှ နယ်မြေခံ KNLA တိုင်းရင်းသားလက်နက်ကိုင် အဖွဲ့အစည်းထံသို့ ကြိုတင်အကြောင်းကြား ညှိနှိုင်းခြင်း (၁၁) ကြိမ်ပြုလုပ်ခဲ့ပြီး လမ်းဖောက်လုပ်ရေး လုပ်ငန်းများအား စတင်ဆောင်ရွက်ခဲ့ကြောင်း၊ ထိုသို့ လမ်းဖောက်လုပ်ရေးလုပ်ငန်းများအား စက်ယန္တရားများနှင့် ဆောင်ရွက်ရာတွင် နယ်မြေအတွင်းရှိ တိုင်းရင်းသားလက်နက်ကိုင် အဖွဲ့အချို့မှာ တပ်ပိုင်းဆိုင်ရာ စစ်ဆင်ရေးများတွင် အသုံးပြုရန် ဖောက်လုပ်ခြင်းဟု စိုးရိမ်စိတ်များပြားပြီး လမ်းဖောက်လုပ်ရေးလုပ်ငန်းများ ဆောင်ရွက်လျက်ရှိသော တပ်မတော်စစ်ကြောင်းများအား မိုင်းထောင်ခြင်း၊ နှောင့်ယှက်ပစ်ခတ် တိုက်ခိုက်မှုများပြုလုပ်ခြင်းတို့ကို ဆောင်ရွက်ခဲ့ရာ စတင်ဖောက်လုပ်ချိန်မှ ယနေ့ထိ စစ်သည်မိုင်းနင်းမှု သုံးကြိမ်၊ နှောင့်ယှက်ပစ်ခတ်မှု ၂၆ ကြိမ်၊ မိုင်းဖော်ထုတ်ရရှိမှု ရှစ်ကြိမ် (မိုင်း ၂၁ လုံး) ရရှိခဲ့ပြီး တပ်မတော်ဘက်မှ စစ်သည်တချို့ ထိခိုက်ကျဆုံး ဒဏ်ရာရရှိမှုများရှိခဲ့ကြောင်းနှင့် လမ်းဟောင်းပြုပြင်ခြင်းအား ဆက်လက်ဆောင်ရွက်မည်ဖြစ်ပြီး တစ်ဖက်တွင်လည်း စေ့စပ်ညှိနှိုင်းခြင်းဖြင့် စိုးရိမ်စိတ်နှင့် ယုံကြည်မှုလျော့နည်းမှုမဖြစ်စေရေး ဆွေးနွေးမည်ဖြစ်ကြောင်း တပ်မတော်သတင်းမှ ပြန်ကြားရေးအဖွဲ့က ဧပြီ ၁၀ ရက်က ထုတ်ပြန်ထားသည်။

အဆိုပါဖြစ်စဉ်အပါအ၀င် တပ်မတော်နှင့် KNLA တပ်မဟာ (၅) ကြားထိတွေ့မှုများ နှင့်ပတ်သက်၍ တပ်မတော်နှင့် KNU တို့ ပဲခူးတိုင်းဒေသကြီး ကျောက်ကြီးမြို့တွင် တွေ့ဆုံရန် စီစဉ်ခဲ့သော်လည်း တွေ့ဆုံမှုတွင် KNU ကိုယ်စားလှယ်အဖွဲ့တွင် KNLA တပ်မဟာ (၅) တပ်မဟာမှူးမပါဝင်သည့် အကြောင်းပြချက်ဖြင့် တွေ့ဆုံမှုအား ရွှေ့ဆိုင်းထားသည်။

ထို့အတူ လမ်းဖောက်လုပ်မှုနှင့်ပတ်သက်၍ တိမ်းရှောင်လျက်ရှိသည့် ဒေသခံရွာသားများ၏ရိက္ခာများ ပြန်လည်ယူဆောင်ရေး ကိစ္စရပ်များအား JMC အရပ်သားကိုယ်စားလှယ်များက တင်ပြမှုအပေါ် အစိုးရကိုယ်စားလှယ်က လက်ခံကူညီရန် ဧပြီ ၂၃ ရက်တွင်ပြုလုပ်သည့် ပဲခူးတိုင်းဒေသကြီး ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-S) တွင် ဆွေးနွေးဆုံးဖြတ်ခဲ့ကြောင်း JMC-U က သတင်းထုတ်ပြန်ထားသည်။

ကရင်ပြည်နယ် ဖာပွန်ခရိုင်အတွင်း လမ်းဖောက်လုပ်ခြင်းနှင့် ပတ်သက်၍ ပစ်ခတ်မှုဖြစ်ပွားခဲ့ခြင်းအပေါ် တောင်ပိုင်းတိုင်းစစ်ဌာနချုပ်နှင့် KNU တပ်မဟာ (၅) အကြား အပြန်အလှန်ကန့်ကွက်

ကရင်ပြည်နယ်ဖာပွန်ခရိုင်အတွင်း လမ်းဖောက်လုပ်ခြင်းနှင့်ပတ်သက်၍ ပစ်ခတ်မှုဖြစ်ပွားခဲ့ခြင်းအပေါ် တပ်မတော်လက်အောက်ခံ တောင်ပိုင်းတိုင်းစစ်ဌာချုပ်နှင့် NCA ရေးထိုးထားသည့် ကရင်အမျိုးသားအစည်းအရုံး (KNU) လက်အောက်ခံ KNLA တပ်မဟာ (၅) အကြား အပြန်အလှန် ကန့်ကွက်စာများ ပေးပို့ထားကြောင်း သတင်းရရှိသည်။

တောင်ပိုင်းတိုင်းစစ်ဌာချုပ်တိုင်းမှူး၏ ကန့်ကွက်စာအား ဧပြီ ၁၆ ရက်တွင် လက်ခံရရှိကြောင်း၊ ၎င်းကန့်ကွက်စာအရ စစ်သည်များအုပ်ချုပ်မှုကိစ္စ ဆောင်ရွက်ရန် ကားလမ်းအား ဖောက်လုပ်နေစဉ် တောင်ပိုင်းတိုင်း စစ်ဌာနချုပ်နယ်မြေအတွင်း နှောင့်ယှက်ပစ်ခတ်မှုများ ပြုလုပ်နေခြင်းဟု ဆက်ကာဆက်ကာ စွပ်စွဲကန့်ကွက်စာပေးပို့သည့်အပေါ် မိမိတို့ တပ်မဟာ (၅) သည် အပစ်အခတ်ရပ်စဲရေး အဓွန့်ရှည်တည်တံ့ခိုင်မာစေရန် KNU ၏ နိုင်ငံရေးဦးဆောင်မှုကိုခံယူကာ နှစ်ဖက်လေးစားလိုက်နာရမည့် ပစ်ခတ်တိုက်ခိုက်မှုရပ်စဲရေးဆိုင်ရာ စည်းမျဉ်းစည်းကမ်းများနှင့် စစ်ဘက်ဆိုင်ရာကျင့်ဝတ်များပါ ရည်ရွယ်ချက်အတိုင်း တစ်သဝေမတိမ်း ထိန်းသိမ်းဆုပ်ကိုင်ကာ အကောင်အထည်ဖော်လျက်ရှိကြောင်း KNLA တပ်မဟာ (၅) ၏ တပ်မဟာမှူး ဗိုလ်မှူးချုပ်စောမူဟဲက ဧပြီ ၁၉ ရက်တွင် တောင်ပိုင်းတိုင်းစစ်ဌာချုပ်တိုင်းမှူးထံ လိပ်မူ၍ ပြန်လည်ပေးပို့သည့် စာတွင်ဖော်ပြထားသည်။

ထို့ပြင် မြန်မာ့တပ်မတော်အနေဖြင့် NCA စာချုပ်ပါ အပစ်ရပ်နယ်မြေများတွင် တပ်ပိုင်းဆိုင်ရာ အုပ်ချုပ်မှုကိစ္စရပ်များကို ညှိနှိုင်းဆောင်ရွက်ရန်အချက်အား တစ်ဖက်သတ်ဆုံးဖြတ်ခြင်း၊ ကြိုတင်ညှိနှိုင်းသဘောတူညီမှုမရှိဘဲ အသိပေးရုံမျှဖြင့် ချက်ချင်းအကောင်အထည်ဖော်ကာ တစ်ဖက်သတ်ဆန္ဒအတိုင်း ထိပ်တိုက်ရင်ဆိုင်မှုအပြုအမူများကို သွယ်ဝိုက်နည်း၊ တိုက်ရိုက်နည်းစသည်ဖြင့် ချိုးဖောက်လျက်ရှိကြောင်း၊ ထို့သို့ ပြောဆိုရခြင်းအကြောင်းမှာ စာချုပ်ပါ ထိပ်တိုက်ရင်ဆိုင်မှုများကို ရှောင်ရှားနိုင်ရန် လက်နက်ကိုင်အဖွဲ့များ နေရာချထားခြင်းအရ တပ်ဖွဲ့ဝင်များ သတ်မှတ်နေရာတွင်သာထားရှိရန်နှင့် တပ်စခန်းအရေအတွက် ညှိနှိုင်းအကောင်အထည်ဖော်ဆောင်ရွက်ရန် အစရှိသည်တို့ကို ကနဦးကတည်းကပင် မိမိတို့ဘက်မှ တင်ပြထားသော်လည်း ယခုထိညှိနှိုင်းအကောင်အထည်ဖော်မှု မရှိသေးခြင်းကြောင့်ဖြစ်ကြောင်း တပ်မဟာ (၅) ၏ ကန့်ကွက်စာတွင် ပါရှိသည်။

ထို့အတူ မိမိအနေဖြင့် ယခုနှစ်အစောပိုင်းက ထိပ်တိုက်ရင်ဆိုင်မှု၏ နောက်ပိုင်း စစ်ရေးပဋိပက္ခများကို မြေပြင်စစ်ရေးအရ မဖြေရှင်းစေလိုဘဲ စားပွဲဝိုင်းနိုင်ငံရေးနည်းဖြင့်သာ ညှိနှိုင်းဖြေရှင်းရန် ညွှန်ကြားထားကြောင်း NCA စာချုပ်ပါ ကတိက၀တ်အတိုင်း ထိပ်တိုက်ရင်ဆိုင်မှုများမရှိစေရန်အတွက် အခါအားလျော်စွာ ကိုယ်စားလှယ်များစေလွှတ်ခဲ့ကြောင်း၊ ယခုနောက်ဆုံး မတ် ၂၈ ရက်တွင် ထိပ်တိုက်ရင်ဆိုင်မှုဖြစ်စဉ်အား ဆွေးနွေးညှိနှိုင်းဖြေရှင်းရန်အတွက် တပ်မဟာ (၅) ကိုယ်စားလှယ် ဗိုလ်မှူးစောကလယ်ဒိုနှင့် KNLA တာဝန်ရှိတပ်မှူးကြီးများ ပါဝင်ဖွဲ့စည်းထားသည့် စစ်ဘက်ဆိုင်ရာညှိနှိုင်းဆွေးနွေးရေးအဖွဲ့ (MANT-Military Affair Negotiation Team) အား စေလွှတ်ခဲ့သော်လည်း ပြဿနာများ ညှိနှိုင်းဖြေရှင်းနိုင်မှု တစ်စုံတစ်ရာမျှမရှိဘဲ တွေ့ဆုံဆွေးနွေးဖြေရှင်းမှုတွင် မိမိမပါ၍ရွှေ့ဆိုင်းလိုက်ရသည်ဟု တပ်မတော်ဘက်မှ အချိန်ဆွဲဆိုင်းငံ့ခြင်းဖြင့်သာ ပြန်လှည့်လာခဲ့ရကြောင်း၊ အခြားတစ်ဖက်တွင် တပ်မတော်၏ စစ်ရေးပြင်ဆင်မှုများကို တွေ့မြင်လာရကြောင်း အမှတ် (၅) တပ်မဟာမှူးက ပြန်ကြားစာတွင် ရေးသားထားသည်။

တပ်မဟာ (၅) အနေဖြင့် NCA စာချုပ်ပါမူအတိုင်း ငြိမ်းချမ်းရေးလုပ်ငန်းစဉ်နှင့် ရေရှည်တည်တံ့ခိုင်မြဲမည့် အပစ်အခတ်ရပ်စဲရေးအား ဆက်လက်အကောင်အထည် ဖော်ဆောင်သွားမည်ဖြစ်သကဲ့သို့ အခြားတစ်ဖက်တွင်လည်း အပစ်အခတ်ရပ်စဲရေး ကြားကာလအတွင်း တပ်မတော်၏ လိုအင်ဆန္ဒများကို ရပ်တန့်ပေးရန်နှင့် ညှိနှိုင်းအဖြေရှာ ဖြေရှင်းရန် တရားဝင်ရွေးချယ်ထားသည့် MANT အဖွဲ့နှင့် တွေ့ဆုံညှိနှိုင်းအဖြေရှာ မပြုလုပ်နိုင်ဘဲ ယခုကဲ့သို့ စွပ်စွဲကန့်ကွက်စာ တင်ပြလာသည့် ကိစ္စအပေါ် တပ်မတော် (၅) အနေဖြင့် ကန့်ကွက်ကြောင်း တောင်ပိုင်းတိုင်းစစ်ဌာနချုပ်သို့ ပြန်လည်ပေးပို့သည့် အကြောင်းကြားစာတွင် ဖော်ပြပါရှိသည်။

ဖာပွန်မြို့နယ်အတွင်း ၁၅ မိုင်အရှည်ရှိ ခေးပူရွာနှင့် လွယ်မူပလောရွာ ဆက်သွယ်ထားသော ယခင်လမ်းကြောင်းဟောင်းအား ဒေသဖွံ့ဖြိုးရေးနှင့် ဒေသခံပြည်သူများ အသုံးပြုနိုင်ရန်အတွက်လည်းကောင်း၊ တပ်ပိုင်းဆိုင်ရာ အုပ်ချုပ်မှုကိစ္စရပ်များ ဆက်သွယ်ဆောင်ရွက်မှု လွယ်ကူစေရန်လည်းကောင်း၊ ပြန်လည်ပြုပြင်မွမ်းမံရန်ရှိသဖြင့် အဆိုပါကိစ္စအား တောင်ပိုင်းတိုင်းစစ်ဌာနချုပ်မှ နယ်မြေခံ KNLA တိုင်းရင်းသားလက်နက်ကိုင် အဖွဲ့အစည်းထံသို့ ကြိုတင်အကြောင်းကြား ညှိနှိုင်းခြင်း ၁၁ ကြိမ်ပြုလုပ်ခဲ့ပြီး လမ်းဖောက်လုပ်ရေး လုပ်ငန်းများအား ၂၀၁၈ ခုနှစ် မတ် ၄ ရက်မှစတင်၍ ဆောင်ရွက်ခဲ့ကြောင်း၊ လမ်းဖောက်လုပ်ရေးလုပ်ငန်းများအား ဆောင်ရွက်ရာတွင် နယ်မြေအတွင်းရှိ တိုင်းရင်းသားလက်နက်ကိုင်အဖွဲ့အချို့က တက်မတော်အနေဖြင့် စစ်ဆင်ရေးများတွင် အသုံးပြုရန်ဖောက်လုပ်ခြင်းဟု စိုးရိမ်စိတ်များပြားပြီး လမ်းဖောက်လုပ်ရေး ဆောင်ရွက်လျက်ရှိသော တပ်မတော်စစ်ကြောင်းများအား မိုင်းထောင်ခြင်း၊ နှောင့်ယှက်ပစ်ခတ်တိုက်ခိုက်မှုများ ပြုလုပ်ခြင်းတို့ကို ဆောင်ရွက်ခဲ့ရာ စတင်ဖောက်လုပ်ချိန်မှ ယနေ့ထိ စစ်သည်မိုင်းနင်းမှု သုံးကြိမ်၊ နှောင့်ယှက်ပစ်ခတ်မှု ၂၆ ကြိမ်၊ မိုင်းဖော်ထုတ်ရရှိမှုရှစ်ကြိမ် (မိုင်း၂၁ လုံး) ရရှိခဲ့ပြီး တပ်မတော်ဘက်မှ စစ်သည်တချို့ ထိခိုက်ကျဆုံး ဒဏ်ရာရရှိမှုများရှိခဲ့ကြောင်း တပ်မတော်သတင်းမှန်ပြန်ကြားရေးအဖွဲ့က ဧပြီ ၁၀ ရက်တွင် သတင်းထုတ်ပြန်ထားသည်။

တပ်မတော်သားများအနေဖြင့် လူမှုကွန်ရက်စာမျက်နှာများ သုံးစွဲရာတွင် လုံခြုံရေးမကျိုးပေါက်စေရန်၊ မူးယစ်ဆေးဝါးနှင့် တရားမ၀င် သစ်မှောင်ခိုလုပ်ငန်းများတွင် ပါဝင်ပတ်သက်မှုမရှိစေရန် ဒုတိယတပ်မတော်ကာကွယ်ရေးဦးစီးချုပ် ပြောကြား

Photo: တပ်မတော်ကာကွယ်ရေးဦးစီးချုပ်ရုံး

တပ်မတော်သားများအနေဖြင့် လူမှုကွန်ရက်စာမျက်နှာများ သုံးစွဲရာတွင် လုံခြုံရေးမကျိုးပေါက်စေရန်၊ မူးယစ်ဆေးဝါးနှင့် တရားမ၀င် သစ်မှောင်ခိုလုပ်ငန်းများတွင် ပါဝင်ပတ်သက်မှုမရှိစေရန် ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး စိုးဝင်းမှ ပြောကြားခဲ့ကြောင်း တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက်အရ သိရသည်။

အဆိုပါကိစ္စအား ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းသည် ဧပြီ ၇ ရက် နံနက်ပိုင်းနှင့် မွန်းလွဲပိုင်းတို့တွင် ဗထူးတပ်နယ်နှင့် လွိုင်ကော်တပ်နယ်တို့အတွင်း စိုက်ပျိုးမွေးမြူရေး ဆောင်ရွက်ထားရှိမှုများအား လှည့်လည်ကြည့်ရှုစစ်ဆေးပြီး တပ်နယ်မှအရာရှိ၊ စစ်သည်၊ မိသားစုများအား တွေ့ဆုံစဉ်ပြောကြားခဲ့ခြင်းဖြစ်သည်။

တွေ့ဆုံပွဲတွင် ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) က နိုင်ငံတော်ကာကွယ်ရေးနှင့် လုံခြုံရေးဆိုင်ရာ သိသင့်သိထိုက်သော ကိစ္စရပ်များနှင့် စဉ်ဆက်မပြတ် လေ့ကျင့်ရေးဆိုင်ရာကိစ္စရပ်များ၊ စစ်သည်တော် ကျင့်ဝတ်အပါး ၆၀ အား လိုက်နာကျင့်သုံး၍ ညီညွတ်မျှတသော အုပ်ချုပ်မှုဖြင့် တပ်တွင်းစည်းလုံးညီညွှတ်မှုကို ပိုမိုကျစ်လျစ်ခိုင်မာအောင် တည်ဆောက်ရေးဆိုင်ရာကိစ္စရပ်များ၊ တပ်မတော်အား ခေတ်မီတပ်မတော် (Standard Army) တည်ဆောက်ရာတွင် လိုအပ်သည့်တိုက်စွမ်းအား၊ တိုက်စွမ်းရည်မြင့်မားစေရေး စဉ်ဆက်မပြတ် ဆောင်ရွက်နေရမည့်လုပ်ငန်းများနှင့် စစ်သည်များ၏ ပညာရည်မြှင့်တင်ရေးအတွက် ဆောင်ရွက်ရမည့်လုပ်ငန်းများ၊ ပြည်သူ့စစ်မဟာဗျူဟာကို လက်တွေ့အကောင်အထည်ဖော် ဆောင်ရွက်နိုင်ရေးအတွက် လေ့ကျင့်သားပြည့်ဝသော စစ်သည်၊ ရဲမေများဖြစ်လာစေရေး လေ့ကျင့်ရန်လိုအပ်သည့် ကိစ္စရပ်များကို ပြောကြားခဲ့သည်။

ထို့ပြင် တပ်မိသားစုများ သက်သာချောင်ချိရေးနှင့် ကုန်ဈေးနှုန်းကြီးမြှင့်မှုကို အထိုက်အလျောက် သက်သာစေမည့် တပ်ပိုင်နှင့် တစ်ပိုင်တစ်နိုင် စိုက်ပျိုးမွေးမြူရေးလုပ်ငန်းများ အောင်မြင်စွာ အကောင်အထည်ဖော် ဆောင်ရွက်နိုင်ရေးဆိုင်ရာ ကိစ္စရပ်များ၊ လူမှုကွန်ရက်စာမျက်နှာများ သုံးစွဲရာတွင် လုံခြုံရေးဆိုင်ရာ မကျိုးပေါက်စေရေး သတိပြုဆင်ခြင်စောင့်ထိန်းရမည့် ကိစ္စရပ်များ၊ မူးယစ်ဆေးဝါးနှင့် တရားမ၀င်သစ် မှောင်ခိုလုပ်ငန်းများတွင် စစ်သည်၊ မိသားစုဝင်များ ပါဝင်ပတ်သက်မှုမရှိစေရေး ဆိုင်ရာကိစ္စရပ်များအား ဒုတိယတပ်မတော်ကာကွယ်ရေးဦးစီးချုပ်က ပြောကြားခဲ့သည်။

တပ်မတော်နှင့် ကေအိုင်အေတို့ ကချင်ပြည်နယ် ဖားကန့်လမ်းပိုင်းတွင် ပစ်ခတ်မှုဖြစ်ပွားသဖြင့် ယာဉ်အစီးရေရာနှင့်ချီ ပိတ်မိနေ

တိုက်ပွဲများကြောင့် ဖားကန့်အတက်ကားများ နန့်တိန်းကျေးရွာတွင် ပိတ်မိနေစဉ်

တပ်မတော်နှင့် ကေအိုင်အေတို့ ဧပြီ ၆ ရက်က ဖားကန့်မြို့နယ် ဖားကန့်လမ်းမကြီးပေါ် တံတားညီနောင် အနီးတွင် ပစ်ခတ်မှု ဖြစ်ပွားခြင်းကြောင့် ကားအစီးရေ ရာနှင့်ချီ ပိတ်မိနေကြောင်း သတင်းရရှိသည်။

ပစ်ခတ်မှုများမှာ ဧပြီ ၆ ရက် နံနက်ပိုင်း ကတည်းက ဖြစ်ပွားခဲ့ခြင်းဖြစ်ပြီး ဖားကန့်သို့ အတက်ကားများမှာ နန့်ယားကျေးရွာတွင် လည်းကောင်း၊ အဆင်းကားများမှာ နန့်တိန်းကျေးရွာ အနီးတွင်လည်းကောင်း ယာဉ်အစီးရေ ရာနှင့်ချီ ပိတ်မိနေခဲ့ခြင်းဖြစ်ကြောင်း သိရ သည်။

ဖားကန့်မှပြန်လာသည့် ယာဉ်မောင်းတစ်ဦးက “ဖြစ်တာကတော့ မနက်ကတည်းက ဖြစ်နေတာ။ ကားတွေက နှစ်မိုင်လောက် ပိတ်တယ်။ ကားအစီးရေ ၃၀၀ ကျော်မယ်။ လေယာဉ်တွေနဲ့လည်း သွားတယ်ဗျ။ နှစ်စင်း။ ပစ်သလား မပစ်လားတော့ အတိအကျ မသိဘူး။ အတော်ပြင်းတဲ့ သဘောရှိတယ်။ လက်နက်ကြီးသံတွေလည်း ကြားတယ်။ လမ်းပေါ်မှာ ဖြစ်တာက နန့်ယားနဲ့ နန့်တိန်းကြား တံတားညီနောင်မှာ ဖြစ်တာ။ ကားတွေက ပိတ်ဆို့ပြီး မောင်းလာရတော့ ဘေးကိုမကြည့်အားဘူး။ လမ်းပေါ်မှာ အသေအပျောက်တွေ မတွေ့ဘူး။ ကေအိုင်အေရော စစ်သားရော မတွေ့ဘူး။ ဆက်ဖြစ်ရင်တော့ ဒုက္ခပေါ့။ လမ်းမှာလည်း မိုးကောင်း ရှစ်မိုင်ဘက် အထွက်လမ်းမှာလည်း ဂိတ်တွေက ဖြစ်ချင်သလို ဖြစ်နေတာ။ ပိတ်လိုက် လွှတ်လိုက်တာ ဖြစ်နေတာ။ တစ်လမ်းလုံးလည်း ငွေကြေးတွေ တောင်းနေတာ။ များတော့မများဘူး။ အခုဖြစ်ရင် ပိုဆိုးတာပေါ့” ဟု ပြောကြားသည်။

တနိုင်းဒေသ KIA ရင်း (၁၄) တပ်ရင်း နယ်မြေအတွင်း ရွှေနှင့်ပယင်း လုပ်ကိုင်နေသူများအား ဧပြီ ၁၀ ရက် နောက်ဆုံးထား ထွက်ခွာပေးရန်နှင့် ပြောက်ကျားစစ်နှင့် မိုင်းစစ်ဆင်ရေး လုပ်မည်ဟု ဧပြီ ၅ ရက်က သတိပေးချက် ထုတ်ပြန်ပြီးနောက်ပိုင်း ယခုလို ပစ်ခတ်မှုများ ဖြစ်ပွားခဲ့ခြင်းဖြစ်သည်။

ယင်းထုတ်ပြန်ချက်တွင် ရင်း (၁၄) နယ်မြေ၊ ဟူးကောင်းခရိုင် နယ်မြေဒေသ အတွင်းရှိ ရှဒူဇွပ်ဂျာဝမ်၊ နန်ဗျူ၊ နန့်ကွမ်း၊ တုံမဏီ၊ ဒဂွမ်ချောင်း၊ ဒဘားချောင်းဖျားရွှေမှော်နှင့် ပယင်းမှော်များတွင် ခိုးတူးလုပ်ကိုင်နေကြသော လုပ်ငန်းရှင်များ၊ လက်လုပ်လက်စား မိဘပြည်သူများသို့ အသိပေးကြောင်း၊ ဧပြီ ၁၀ ရက်မှစ၍ ပြောက်ကျား စစ်ဆင်ရေးနှင့် မိုင်းစစ်ဆင်ရေးများ ပြုလုပ်မည်ဖြစ်၍ မိမိရပ်ရွာသို့ အမြန်ဆုံး ထွက်ခွာကြပါရန် သတိပေးကြောင်း၊ လိုက်နာခြင်းမရှိဘဲ ဆက်လက်ခိုးတူး လုပ်ကိုင်နေသော မိဘပြည်သူများသည် ဖြစ်ပေါ်လာသော ပြဿနာ အလုံးစုံနှင့် ပတ်သက်၍ မိမိ၏ ကံကြမ္မာနှင့် မိမိသာဖြစ်ကြောင်း၊ မိမိဆွေမျိုးများနှင့် မိတ်ဆွေများအား ဆက်လက် အသိပေးစေလိုကြောင်း ထုတ်ပြန်ချက်များအရ သိရသည်။

မြစ်ကြီးနားအခြေစိုက် KIO နည်းပညာ အကြံပေးအဖွဲ့ရုံးမှ ပြောဆိုခွင့်ရှိသူ ဦးဒေါင်ခါးက “စာထုတ်တာက အမှန်ဖြစ်ပါတယ်။ အဲဒီဒေသတွေမှာက လွန်ခဲ့တဲ့နှစ် မိုးဝင်စ ကာလကတည်းက တပ်မတော်ကလည်း စာတွေဖြန့်ဝေပြီး မောင်းထုတ်ခဲ့တယ်။ ကျေးရွာဒေသခံတွေက တနိုင်းမြို့ပေါ်ကို ရောက်နေကြပါပြီ။ အခုက ဒေသခံနည်းနည်း၊ တခြားအောက်ပြည် အောက်ရွာက လာတဲ့သူတွေ အများစုက ရွှေ၊ ပယင်း ၀င်လုပ်နေတဲ့ သူတွေကို သတိပေးတဲ့ သဘောပါ။ KIA က ပြောက်ကျားစစ်ထိုးရင် မဆိုင်သူတွေ အထိနာမှာကြောင့်လို့ သိရတယ်။ တပ်မဟာ (၂) လက်အောက်ခံ KIA ရင်း (၁၄) က လွန်ခဲ့တဲ့ လပိုင်းကတည်းက တပ်မတော်က ၀င်သိမ်းလိုက်တော့ ရင်း (၁၄) ရယ် ဖားကန့်ဘက်က ရင်း (၆) ရယ်က နေရာအမှန် မရှိတော့ဘဲ လှုပ်ရှားတပ်အသွင် နေကြရတာ ဖြစ်ပါတယ်။ တပ်ရင်းနှစ်ခုစလုံးက တစ်ဆက် တစ်စပ်တည်း ဖြစ်ပါတယ်။ စစ်ရေးအနေနဲ့က ကျွန်တော်တို့အပိုင်း မဟုတ်တော့ သိလည်းမသိသလို ပြောပိုင်ခွင့်လည်း မရှိပါဘူး” ဟု ပြောကြားသည်။

ငြိမ်းချမ်းရေး အကျိုးဆောင်အဖွဲ့က ယင်း တနိုင်း-ဟူးကောင်း ချိုင့်ဝှမ်းဒေသ ပြဿနာများနှင့် ပတ်သက်၍ အစပိုင်းတွင် တပ်မတော်နှင့် ကေအိုင်အေတို့ နှစ်ဖက်အပြန်အလှန် စကားကမ်းလှမ်း ပြောဆိုမှုများ ရှိသော်လည်း ပြင်းထန်သော တိုက်ပွဲများ ဖြစ်ပွားပြီးနောက်ပိုင်း ဆက်ဆံရေး ပြောဆိုမှု မရှိတော့ကြောင်း၊ ယင်းဒေသတွင် စစ်ဆင်ရေးလုပ်မည့် အခြေအနေများကြောင့် ရွှေမှော်၊ ပယင်းမှော်များတွင် ရောက်ရှိနေသူများကို ထိခိုက်မှုများ ရှိနိုင်သည့်အတွက် ထွက်ခွာစေခြင်းဖြစ်ကြောင်း၊ ပစ်ခတ်တိုက်ခိုက်မှုများ ပိုမိုဖြစ်ပွား လာနိုင်ကြောင်း ပြောကြားသည်။

တပ်မတော်နှင့် ကေအိုင်အေတို့သည် ၁၉၉၄ ခုနှစ်တွင် အပစ်အခတ် ရပ်စဲရေးစာချုပ် ချုပ်ဆိုခဲ့ပြီး ၂၀၁၁ ခုနှစ် ဇွန် ၉ ရက်တွင် ဗန်းမော်ခရိုင်အတွင်း တိုက်ပွဲများ ပြန်လည် ဖြစ်ပွားခဲ့သည်။ တစ်ကျော့ပြန် စစ်ပွဲများကြောင့် လူဦးရေ တစ်သိန်းကျော် နေရပ်စွန့်ခွာပြီး ကယ်ဆယ်ရေး စခန်းများတွင် ခိုလှုံနေခဲ့ရသည်မှာ ၂၀၁၈ ခုနှစ် ဇွန် ၉ ရက်တွင် ခုနစ် နှစ်ပြည့်တော့မည်ဖြစ်သည်။

တပ်မတော်မှ ပုဒ်မ (၅၀၀) ဖြင့် တရားစွဲဆိုထားသည့် ကျောင်းသားကိုးဦးအနက် ရှစ်ဦးအား ငွေဒဏ်အသီးသီး အမိန့်ချမှတ်ခဲ့

ဧရာဝတီတိုင်းဒေသကြီး ပုသိမ်မြို့တွင် တပ်မတော်မှ ပုဒ်မ(၅၀၀)ဖြင့် ကျောင်းသားကိုးဦးကို တရားစွဲဆိုထားသည့်အမှုတွင် ကျောင်းသားရှစ်ဦးအား ဧပြီ ၄ ရက်က ပုသိမ်မြို့နယ်တရားရုံးမှ ငွေဒဏ်အမိန့်ချမှတ်ခဲ့ကြောင်း သိရသည်။

အဆိုပါအမှုတွင် တပ်မတော်ကိုယ်စား ဒုဗိုလ်မှူးကြီး အောင်မျိုးနိုင်က ပုဒ်မ ၅၀၀၊ ၅၀၀/ ၃၄ ဖြင့် ကျောင်းသားကိုးဦးအား တရားစွဲဆိုခဲ့ရာ တစ်ဦးမှာ အမှုစတင်စွဲဆိုပြီး မကြာခင်မှာပင် ထွက်ပြေးသွားခဲ့သောကြောင့် ရှစ်ဦးကိုသာ အမိန့်ချမှတ်ခဲ့ကြောင်း၊ အောင်ခန့်ဇော်အပါအ၀င် နှစ်ဦးအား ပုဒ်မ (၅၀၀)ဖြင့်အပြစ်ရှိကြောင်း ဆုံးဖြတ်ကာ ဒဏ်ငွေကျပ် ၅၀၀၀၀ နှင့် ဒဏ်ငွေမပေးဆောင်ပါက ထောင်ဒဏ်ခြောက်လ ကျခံရမည်ဟုလည်းကောင်း၊ ကျောင်းသားခြောက်ဦးအား ပုဒ်မ ၅၀၀/၃၄ အရ အပြစ်ရှိကြောင်းဆုံးဖြတ်ကာ ဒဏ်ငွေကျပ် ၃၀၀၀၀ ဖြင့် ဒဏ်ငွေမပေးဆောင်ပါက ထောင်ဒဏ်သုံးလ ကျခံရမည်ဟု အသီးသီးအမိန့်ချမှတ်ခဲ့ကြောင်း ပုသိမ်မြို့နယ် တရားသူကြီး ဦးဝင်းအောင်ထံမှ သိရသည်။

“စစ်သားတွေရဲ့ မိန်းမတွေကိုစွပ်စွဲတဲ့အတွက် ဟုတ်လည်းမဟုတ်တဲ့အတွက် ရာဇသတ်ကြီးပုဒ်မ ၄၉၉ အရ ကင်းလွတ်ခွင့်မရတဲ့အတွက် အပြစ်ပေးခဲ့ရတာပါ” ဟု တရားသူကြီး ဦးဝင်းအောင်က သုံးသပ်ပြောကြားခဲ့သည်။

အဆိုပါအမှုမှာ ဇန်န၀ါရီ ၉ ရက်က ပုသိမ်ဟိုတယ်တွင် ပြုလုပ်သည့် ငြိမ်းချမ်းရေးထောက်ခံသည့် အလုပ်ရုံဆွေးနွေးပွဲတွင် သရုပ်ဖော်ပြသခဲ့သည့် ပြဇာတ်တွင် တပ်မတော်၏ဂုဏ်သိက္ခာ ညှိုးနွမ်းစေသည့် သရုပ်ဖော်မှုပါဝင်သည်ဟုဆိုကာ သရုပ်ဖော်ကပြခဲ့သည့် ကျောင်းသားကိုးဦးအား တပ်မတော်က ပုဒ်မ(၅၀၀)ဖြင့် တရားရုံးသို့ ဦးတိုက်လျှောက်ထားခဲ့ရာ ပုသိမ်မြို့နယ်တရားရုံးမှ ဇန်န၀ါရီ ၂၅ ရက်က လက်ခံစစ်ဆေးခဲ့သည့်အမှုဖြစ်ပြီး ထွက်ပြေးခဲ့သည့် ကျောင်းသားတစ်ဦးအား ရာဇ၀တ်ကျင့်ထုံး ၅၂၁ အရ တရားခံပြေးအမှုဖွင့်ထားကြောင်း သိရသည်။

တပ်မတော် အက်ဖ်-၇ လေယာဉ် ပျက်ကျမှုဖြစ်ပွားပြီး ဗိုလ်မှူးတစ်ဦးသေဆုံး

(ဓာတ်ပုံ – ဇော်ဝင်းချစ် (တောင်ငူ))

တောင်ငူမြို့နယ်၊ ကျွန်းကုန်းရွာနှင့် မြောက်ရေကြည်ရွာကြားတွင် ဧပြီ ၃ ရက် နံနက် ၁၁ နာရီ ၀န်းကျင်က တပ်မတော် အက်ဖ်-၇ လေယာဉ်တစ်စင်း လေ့ကျင့်ပျံသန်းစဉ် ပျက်ကျမှုဖြစ်ပွားခဲ့ပြီး လေယာဉ်မှူး ဗိုလ်မှူးတစ်ဦးသေဆုံးခဲ့ကြောင်း တပ်မတော်ကာကွယ်ရေး ဦးစီးချုပ်ရုံးမှ ထုတ်ပြန်ခဲ့သည်။

တောင်ငူလေတပ်စခန်းဌာနချုပ်မှ လေ့ကျင့်ပျံသန်းမှု ဆောင်ရွက်နေသော အက်ဖ် – ၇ လေယာဉ်တစ်စီးသည် ယနေ့ နံနက်ပိုင်းတွင် လေယာဉ်ကွင်း၏ အနောက်ဘက် ၃ မိုင်ခန့်အကွာ အမြင့်မီတာ ၅၀၀ ခန့် အရောက်၌ စက်ချို့ယွင်းမှုကြောင့် ပျက်ကျသွားခဲ့ခြင်း ဖြစ်ကြောင်း ထုတ်ပြန်ချက်အရ သိရသည်။

(ဓာတ်ပုံ – ဇော်ဝင်းချစ် (တောင်ငူ))

အဆိုပါ လေယာဉ်ပျက်ကျရာနေရာသို့ တောင်ငူလေတပ်စခန်း ဌာနချုပ်မှ ရှာဖွေကယ်ဆယ်ရေး အဖွဲ့ ဝင်များက သွားရောက်ရှာဖွေခဲ့ရာ တောင်ငူမြို့၊ ကျွန်းကုန်းရွာနှင့် မြောက်ရေကြည်ရွာကြားတွင် ပျက်ကျ ပျက်စီးသွားခဲ့သော လေယာဉ်အား ရှာဖွေတွေ့ ရှိခဲ့ကြောင်း သိရသည်။

ယင်းလေယာဉ် ပျက်ကျမှုကြောင့် လေယာဉ်မှူး ဗိုလ်မှူးအာကာဝင်းသည် အရေးပေါ်လေထီးဖြင့် ခုန်ထွက်ခဲ့သော်လည်း ရရှိသော ဒဏ်ရာများကြောင့် တောင်ငူမြို့ရှိ တပ်မတော်ဆေးရုံသို့ ပို့ဆောင်ကုသမှုခံယူစဉ် ကွယ်လွန်သွားခဲ့ပြီး အသေးစိတ် အခြေအနေများအား ဆက်လက်စုံစမ်း စိစစ်လျက်ရှိကြောင်း တပ်မတော် ကာကွယ်ရေး ဦးစီးချုပ်ရုံးမှ သတင်းထုတ်ပြန်ခဲ့သည်။