ရန်ကုန်တိုင်းဒေသကြီးအတွင်းရှိ တန်ဖိုးနည်း၊ တန်ဖိုးသင့် တိုက်ခန်း ၈၆၀ ကျော်အား မဲနှိုက်ရောင်းချ

တန်ဖိုးနည်း၊ တန်ဖိုးသင့် တိုက်ခန်းများအား မဲနှိုက်ရောင်းချနေစဉ် (ဓာတ်ပုံ-ရှိုင်းလင်းအောင်)

ရန်ကုန်တိုင်းဒေသကြီးအစိုးရအဖွဲ့ အိမ်ရာစီမံကိန်းများ ရောင်းချရေးကော်မတီက ရောင်းချသော တန်ဖိုးနည်း၊ တန်ဖိုးသင့် တိုက်ခန်း ၈၆၀ ကျော်အား ပြည်သူများ၊ နိုင်ငံ့ဝန်ထမ်းများ၊ ကုမ္ပဏီဝန်ထမ်းများနှင့် အငြိမ်းစား ၀န်ထမ်းများအတွက် မဲနှိုက် ရောင်းချခဲ့ကြောင်း သိရသည်။

ရန်ကုန်မြို့ ဗိုလ်ချုပ်အောင်ဆန်း လမ်းမပေါ်ရှိ မြို့ပြနှင့်အိမ်ရာ ဖွံ့ဖြိုးရေးဦးစီးဌာနရုံး၌ ဇူလိုင် ၂၅ ရက်နှင့် ၂၆ ရက်တို့တွင် နှစ်ရက်တာ မဲနှိုက် ရောင်းချပေးခဲ့ခြင်း ဖြစ်ကြောင်း သိရသည်။

အဆိုပါ တန်ဖိုးနည်း၊ တန်ဖိုးသင့် တိုက်ခန်းများကို ၀ယ်ယူရန်အတွက် လျှောက်လွှာများ ခေါ်ယူခဲ့စဉ်က ပြည်သူ့အိမ်ရာ ရောင်းချရေးကော်မတီသို့ လျှောက်လွှာ အများအပြား လာရောက် တင်ထားခဲ့ကြောင်း သိရသည်။ လျှောက်လွှာတင်သူဦးရေ အလွန်များနေသဖြင့် ၀ယ်ယူခွင့် ရှိသူများကို မဲနှိုက်ခိုင်းခြင်း မပြုဘဲ ကျောင်းသားများဖြင့် မဲနှိုက်စေခဲ့ခြင်း ဖြစ်သည်။

ယင်းတန်းစီစနစ်၏ နံပါတ်စဉ် ၁ မှ ၈၆၄ အကြားရှိ ပြည်သူများ၊ ကုမ္ပဏီဝန်ထမ်း၊ နိုင်ငံ့ဝန်ထမ်းများနှင့် အငြိမ်းစားဝန်ထမ်း ၈၆၄ ဦးအတွက် ပထမအသုတ် အနေဖြင့် လှိုင်သာယာ၊ ရွှေပြည်သာ၊ ဒဂုံဆိပ်ကမ်း၊ တောင်ဒဂုံ၊ မြောက်ဥက္ကလာ၊ သင်္ဃန်းကျွန်း စသည့်မြို့နယ်များရှိ တန်ဖိုးနည်း၊ တန်ဖိုးသင့် တိုက်ခန်း ၈၆၄ ခန်းကို စတင်ရောင်းချပေးခြင်း ဖြစ်ကြောင်း သိရသည်။

ရောင်းချပေးမည့် တိုက်ခန်း ၈၆၄ ခန်းအနက် ပြည်သူများအတွက် ၃၅ ရာခိုင်နှုန်း၊ နိုင်ငံ့ဝန်ထမ်းနှင့် ကုမ္ပဏီဝန်ထမ်းများအတွက် ၂၅ ရာခိုင်နှုန်းစီနှင့် အငြိမ်းစား ၀န်ထမ်းများအတွက် ၁၅ ရာခိုင်နှုန်း မဲနှိုက် ရောင်းချပေးခြင်း ဖြစ်သည်။

တိုက်ခန်းဝယ်ယူခွင့် လျှောက်လွှာတင်သူများတွင် မိသားစုဝင်ငွေ ငါးသိန်းအောက်အတွက် တန်ဖိုးနည်းအိမ်ရာနှင့် မိသားစုဝင်ငွေ ကျပ်ငါးသိန်း အထက်အတွက် တန်ဖိုးသင့်အိမ်ရာ ဟူ၍ သတ်မှတ်ထားသည်။ ယင်းသို့ သတ်မှတ်ထားသဖြင့် မိသားစုဝင်ငွေ ကျပ်ငါးသိန်းထက် ကျော်လွန်သော်လည်း တန်ဖိုးသင့်တိုက်ခန်း မလိုချင်ဘဲ တန်ဖိုးနည်းတိုက်ခန်းသာ ယူချင်သူများအတွက် အခက်အခဲ ဖြစ်ပေါ်လျက်ရှိကြောင်း သိရသည်။

“ကျွန်မစပြီး လျှောက်လွှာတင်တော့ ရွှေပေါက္ကံ တန်ဖိုးနည်းအိမ်ရာကို တင်ထားတာ။ တင်ထားတဲ့ လျှောက်လွှာမှာ မိသားစုဝင်ငွေ ငါးသိန်းအထက် ရှိတယ်ဆိုပြီး ဒီရောက်တော့ ရွှေလင်ပန်းအိမ်ရာ၊ တောင်ဒဂုံစက်မှုဇုန်၊ အင်းဝအိမ်ရာနဲ့ ထီးလှိုင်ရှင်အိမ်ရာ လေးခုကို ပြန်ရွေးချယ်ရမယ် ဆိုပြီး လျှောက်လွှာ ပြန်တင်ရတော့ ရွှေလင်ပန်း Shop House ကို တင်ခဲ့တာ။ အခု မဲနှိုက်တော့ ရွှေလင်ပန်း စက်မှုဇုန် Shop House က ဒုတိယထပ်ကို ပေါက်ခဲ့တယ်။ လိုချင်တာက တန်ဖိုးနည်း၊ ရတာက တန်ဖိုးသင့်ဆိုတော့ သိပ်တော့ မတတ်နိုင်ဘူးပေါ့။ အခုတော့ ပထမအရစ် ရာခိုင်နှုန်း ၂၀ သွင်းဖို့ကို စီစဉ်ရတော့မယ်”ဟု တိုက်ခန်းမဲ နှိုက်သူတစ်ဦးဖြစ်သည့် ဒေါ်ချိုချိုနိုင်က ပြောကြားသည်။

တန်ဖိုးနည်း၊ တန်ဖိုးသင့် တိုက်ခန်းများ ၀ယ်ယူသူများအား လျှောက်လွှာ ဖောင်ဖြည့်စဉ်ကတည်းက မိသားစုဝင်ငွေအလိုက် လျှောက်လွှာတင်ကြရန် အသိပေး အကြောင်းကြားထားပြီး ဖြစ်ကြောင်း ပြည်သူ့အိမ်ရာ ရောင်းချရေးကော်မတီအဖွဲ့ဝင်၊ တောင်ဒဂုံမြို့နယ် တိုင်းဒေသကြီး လွှတ်တော်ကိုယ်စားလှယ် ဦးညီညီက ပြောကြားသည်။

“ကျွန်တော်တို့ ပြည်သူ့အိမ်ရာ ရောင်းချရေးကော်မတီရဲ့ ပြည်သူ့ကို ချပြတဲ့အချက်တွေက တန်ဖိုးနည်းဆိုရင် ဘယ်လောက်ငွေကြေး အတိုင်းအတာနဲ့တင်ရင် တန်ဖိုးနည်း ဖြစ်တယ်။ ဘယ်လောက်တန်ဖိုး အတိုင်းအတာနဲ့ တင်ရင်တော့ တန်ဖိုးသင့် ဖြစ်တယ်ဆိုတာ ကျွန်တော်တို့  ပြောပြထားပြီးသား၊ တင်ပြထားပြီးသား၊ ချပြထားပြီးသား ဖြစ်ပါတယ်။  အချို့ ပြည်သူ့တွေက ဒီအပေါ်မှာ ဖတ်ရှုတာ အားနည်းတာတွေလည်း ရှိလိမ့်မယ်။ အမှတ်တမဲ့ ဖြစ်သွားတာတွေလည်း ရှိလိမ့်မယ်။ အဲဒီအခါမှာ လိုအပ်ချက်တွေ ရှိသွားတာပါ။ တန်ဖိုးနည်း လိုချင်တဲ့သူတွေက တန်ဖိုးသင့်တွေမှာ သွားလျှောက်မိတယ်။ တန်ဖိုးသင့် လိုချင်တဲ့သူတွေက တန်ဖိုးနည်းမှာ သွားလျှောက်မိတယ်။ အဲဒီလိုမျိုး ဖြစ်နေတာတွေ တွေ့ရပါတယ်။ အဲဒီတော့ ဒီလိုကွာဟချက်တွေ၊ လိုအပ်ချက်တွေ များလာတယ် ဆိုရင်တော့ ကျွန်တော်တို့ မဖြစ်မနေတော့ အစည်အဝေးတစ်ခု ခေါ်သင့်ရင်တော့ ခေါ်ရမှာပေါ့” ဟု ဦးညီညီက ပြောကြားသည်။

ယင်းအပြင် ရန်ကုန်တိုင်းဒေသကြီးအတွင်း တန်ဖိုးနည်း၊ တန်ဖိုးသင့် တိုက်ခန်းများ ဆောက်လုပ်နေလျက်ရှိပြီး အဆိုပါတိုက်ခန်းများ ဆောက်လုပ်မှုပြီးစီးပါက ထပ်မံ ရောင်းချပေးမည် ဖြစ်ကြောင်း သိရသည်။

 

တန်ဖိုးနည်းနှင့် တန်ဖိုးသင့်တိုက်ခန်း ၈၆၀ ကျော်ကို ပြည်သူများအတွက် ၃၅ ရာခိုင်နှုန်း၊ နိုင်ငံ့ဝန်ထမ်းနှင့် ကုမ္ပဏီဝန်ထမ်းများအတွက် ၂၅ ရာခိုင်နှုန်းစီနှင့် အငြိမ်းစားဝန်ထမ်းများအတွက်၁၅ ရာခိုင်နှုန်းဖြင့် မဲနှိုက်ရောင်းချမည်

ရန်ကုန်တိုင်းဒေသကြီးအတွင်းရှိ တန်ဖိုးသင့်အိမ်ရာတစ်ခုကို တွေ့ရစဉ် (ဓာတ်ပုံ-ရှိုင်းလင်းအောင်)

ရန်ကုန်တိုင်းဒေသကြီးအစိုးရအစီအစဉ်ဖြင့် တန်ဖိုးနည်းနှင့်တန်ဖိုးသင့်တိုက်ခန်း  ၈၆၀ ကျော်ကို ရောင်းချပေးတော့မည်ဖြစ်ရာ ရန်ကုန်မြို့ရှိ ပြည်သူများအတွက် ၃၅ ရာခိုင် နှုန်း၊ နိုင်ငံ့ဝန်ထမ်းနှင့်ကုမ္ပဏီဝန်ထမ်းများအတွက် ၂၅ ရာခိုင်နှုန်းစီနှင့် အငြိမ်းစားဝန် ထမ်းများအတွက် ၁၅ ရာခိုင်နှုန်းဖြင့် မဲနှိုက် ရောင်းချပေးတော့မည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့၊ အိမ်ရာစီမံကိန်းများ ရောင်းချရေးကြီးကြပ်မှုကော်မတီမှ သိရသည်။

“ရန်ကုန်တိုင်းဒေသကြီးအစိုးရအဖွဲ့ ပြည်သူ့အိမ်ရာများရောင်းချရေး ကြီးကြပ်မှု ကော်မတီကနေ တိုက်ခန်းတွေရောင်းဖို့ဆိုပြီး ပြည်သူတွေကို ကြော်ငြာတယ်။ ကြော်ငြာတဲ့အခါ ခရိုင်လေးခရိုင်ကနေ လျှောက်လွှာတွေ တင်ပြပါတယ်။ စိစစ်တဲ့အခါ လျှောက်လွှာ ၆၀၂၇ စောင်ရှိခဲ့ပါတယ်။ ဒါကို အရင်ဆုံး တန်းစီဇယားပေါ့၊ ၆၀၂၇ ကို အားလုံးတန်းစီ၊ ၁ ကနေ ၆၀၂၇ အထိ တန်းစီတယ်။ အဲလို တန်းစီတဲ့အခါ  တန်းစီဇယားကို မဲနှိုက်ပါတယ်။ အခန်း မဲနှိုက်တာမဟုတ်ပါဘူး။ တန်းစီဇယားမဲနှိုက်တာသည် ပြည်သူတွေကို ခေါ်မယ်ဆိုရင်  ၆၀၂၇ ဦးစလုံးခေါ်မယ်ဆိုရင် နေရာ အခက်အခဲရှိပါတယ်။ ဒီလူတွေကို အားလုံးခေါ်မယ်ဆိုရင်လည်း အချိန်ကန့်သတ်ချက်ရှိတယ်။ အဲဒါကြောင့် အဖွဲ့ရဲ့ ဆုံးဖြတ်ချက်နဲ့ မဲနှိုက်တာကို မဲပုံလေးတွေလုပ်ပြီး မဲ နှိုက်တယ်၊ ကြီးကြပ်ရေးအဖွဲ့တွေ လွှတ်တော် ကိုယ်စားလှယ်တွေနဲ့မဲနှိုက်ပါတယ်” ဟု မြို့ပြနှင့်အိမ်ရာဖွံ့ဖြိုးရေးဦးစီးဌာနမှ ဒုတိယညွှန်ကြားရေးမှူး ဦးခင်ဇော်က ပြောကြားသည်။

ပြည်သူ့အရောင်းအိမ်ရာ ၀ယ်ယူခွင့် တန်းစီဇယားသည်  လူမှုရေးအုပ်စု (ပြည်သူ၊ နိုင်ငံဝန်ထမ်း၊ ပုဂ္ဂလိက၀န်ထမ်း၊ အငြိမ်းစား)၊ ၀င်ငွေအုပ်စု (ပထမအုပ်စု ငါးသိန်းနှင့် အောက်၊ ဒုတိယအုပ်စု ငါးသိန်းအထက်)ဖြင့် ခွဲခြားဖော်ပြထားကြောင်း သိရသည်။

ထုတ်ပြန်ထားသည့် ဇယားများတွင် အရောင်ဖြင့် ဖော်ပြထားသောလျှောက်ထားသူများသည် ပထမအသုတ်ဝယ်ယူခွင့်ရရှိသူများဖြစ်ကြောင်း၊ ကျန်ရှိသော တန်းစီဇယားပါ လျှောက်ထားသူများကို နောင်တွင် ထပ်မံ ထုတ်လုပ်မည့် တိုက်ခန်းများအား တန်းစီဇယားအတိုင်း ဆက်လက်ရောင်းချပေးသွား မည်ဖြစ်ကြောင်း သိရသည်။

တန်းစီဇယားအရ ပထမအသုတ်ဝယ်ယူခွင့်ရရှိသူများသည် ကာယကံရှင်ကိုယ်တိုင် နိုင်ငံသားစိစစ်ရေးကတ်ပြားမူရင်းနှင့် အတူ ဇူလိုင် ၁၁ ရက်မှ စတင်ပြီး ၂၀ ရက် နောက်ဆုံးထား၍ မြို့ပြနှင့် အိမ်ရာဖွံ့ဖြိုးရေး ဦးစီးဌာနသို့ လာရောက်၍ မိမိဝယ်ယူလိုသော တိုက်ခန်းနှင့် ပတ်သက်သောအချက်အလက်များကို အတည်ပြုဖြည့်စွက်ဆောင်ရွက်ရန် ထုတ်ပြန်ခဲ့သည်။

အဆိုပါအချက်အလက်များ စိစစ်အတည်ပြုပြီးဖြစ်၍ ပထမအသုတ်ဝယ်ယူခွင့် ရရှိသူများသည် တိုက်ခန်းနေရာမဲနှိုက်ခြင်းကို ဇူလိုင် ၂၅ ရက်နှင့် ၂၆ ရက်များတွင်  မြို့ပြ နှင့်အိမ်ရာဖွံ့ဖြိုးရေးဦးစီးဌာန (ရန်ကုန်တိုင်းဒေသကြီး ညွှန်ကြားရေးမှူးရုံး) ဒုတိယထပ်တွင် ကျင်းပသွားမည်ဖြစ်ကြောင်းနှင့် သတင်းမီဒီယာများ တက်ရောက်သတင်းရယူ နိုင်ကြောင်း ဒုတိယညွှန်ကြားရေးမှူးဦးခင်ဇော်က ပြောကြားသည်။

အခန်းနေရာများ မဲနှိုက်ရောင်းချရာ တွင် ဇူလိုင် ၂၅ ရက် မနက်ပိုင်းတွင် ၀င်ငွေ ငါးသိန်းအထက် ၀ယ်ယူခွင့်ရရှိသူ ၁၆၁ ဦး၊  ၀င်ငွေငါးသိန်းအောက် ရွှေပေါက်ကံအိမ်ရာ ၀ယ်ယူခွင့်ရရှိသူ ၅၆ ဦးကိုလည်းကောင်း၊ နေ့လယ်ပိုင်းတွင် ၀င်ငွေငါးသိန်းအောက် ရွှေ လင်ပန်း တန်ဖိုးနည်းအိမ်ရာဝယ်ယူခွင့်ရရှိ သူ ၁၄၈ ဦးအား မဲနှိုက်သွားမည်ဖြစ်ကြောင်း သိရသည်။

ဇူလိုင်၂၆ ရက်မနက်ပိုင်းတွင် ၀င်ငွေ ငါးသိန်းအောက် ယုဇနတန်ဖိုးနည်းအိမ်ရာ ၀ယ်ယူခွင့် ရရှိသူ၂၉၁ ဦး၊ နေ့လယ်ပိုင်းတွင် ၀င်ငွေငါးသိန်းအောက် ကနောင်တန်ဖိုးနည်း အိမ်ရာဝယ်ယူခွင့်ရရှိသူ ၂၀၈ ဦးကိုလည်းကောင်း အသီးသီးမဲနှိုက်ပေးသွားမည်ဖြစ်ကြောင်း သိရသည်။