မြန်မာ-ထိုင်းနယ်စပ် မောတောင်မြို့သို့ ထိုင်းနိုင်ငံမှ မြေအောက်ကေဘယ်လ်ကြိုးဖြင့် လျှပ်စစ်မီးသွယ်တန်းပြီး ဖြန့်ဝေမည့် အစီအစဉ် စတင်မည်

နယ်စပ်မောတောင်မြို့ကို တွေ့ရစဉ်

မြန်မာ-ထိုင်းနယ်စပ် မောတောင်မြို့သို့ ထိုင်းနိုင်ငံမှ မြေအောက်ကေဘယ်လ်ကြိုးဖြင့် လျှပ်စစ်မီးသွယ်တန်းကာ ဖြန့်ဝေပေးမည့်အစီ အစဉ်ကို စတင်နိုင်တော့မည်ဖြစ်ကြောင်း နယ်စပ်အစည်းအဝေးမှ သိရသည်။

မြိတ်ခရိုင်နှင့် ထိုင်းနိုင်ငံ ပရာကျွတ်ခီရီ ခန်ခရိုင်မှတာဝန်ရှိသူများ၊ ကုန်သည်များ တွေ့ဆုံသည့် ကုန်သွယ်မှု၊ ရင်းနှီးမြှုပ်နှံမှုနှင့် ခရီးသွားလာရေး ကဏ္ဍများအတွက် ဆွေးနွေးပွဲကို စက်တင်ဘာ ၁၃ ရက်က ထိုင်းနိုင်ငံ ပရာကျွတ်ခီရီခန်မြို့နယ်၊ ပရာကျွတ်ဂရင်း ဟိုတယ်တွင် ပြုလုပ်ခဲ့ပြီး အဆိုပါအစည်းအဝေးတွင် ထိုင်းနိုင်ငံမှ တာဝန်ရှိသူများက လျှပ်စစ်မီး သွယ်တန်းပေးမည့် ကိစ္စကို ဆွေးနွေးခဲ့ကြောင်း သိရသည်။

“ထိုင်းနိုင်ငံကနေ လျှပ်စစ်မီးကို သွယ်တန်းဖို့ ကြိုးစားလာတာ ခြောက်နှစ်လောက်ရှိပါပြီ။ ဒီနေ့အစည်းအဝေးမှာ ကောင်းတဲ့အဖြေ တစ်ခုတော့ ရရှိလာပါတယ်။ ထိုင်းနိုင်ငံ လုံခြုံရေးကောင်စီ အနေနှင့် သဘောတူတဲ့အကြောင်း ပြန်လည်ပြောကြားလာတာ ရှိပါတယ်။ နောက်တစ်ပတ် လုံခြုံရေးကောင်စီ အစည်းအဝေးမှာ ဆုံးဖြတ်ပေးမယ်လို့ ဖြေကြားထားတာ ရှိပါတယ်။ အခုလုပ်မယ့် အစီအစဉ်က မြေအောက်ကေဘယ်လ်လိုင်းနှင့် သွယ်တန်းမှာပါ။ လောလောဆယ် မောတောင်ဒေသကိုပဲအရင် လျှပ်စစ်ဖြန့်ဖြူး ပေးမှာပါ။ ထိုင်းနိုင်ငံမှ ခွင့်ပြုထားတာက ၂ မီဂါဝပ် ဖြစ်ပါတယ်” ဟု ဖိုးသီးချိုလျှပ်စစ်ကုမ္ပဏီမှ တာဝန်ခံ ဦးလွမ်းကိုကိုက ပြောကြားသည်။

မြန်မာ-ထိုင်း နယ်စပ်မြို့လေးတစ်မြို့ ဖြစ်သည့် မောတောင်မြို့တွင် လျှပ်စစ်မီးသုံးစွဲသည့် အိမ်ခြေ ၈၀၀ ကျော်ရှိနေပြီး လျှပ်စစ်မီးကို ဒီဇယ်ဆီဖြင့် ခုတ်မောင်းကာ ဈေးနှုန်းကြီးမြင့်စွာဖြင့် ၀ယ်ယူသုံးစွဲနေရကြောင်း၊ နယ်စပ်မြို့ ဖြစ်သည့်အတွက် ကုန်သွယ်မှုလုပ်ငန်းများနှင့် ရင်းနှီးမြှုပ်နှံမှု လုပ်ငန်းများအတွက် လျှပ်စစ်မီးမှာ အရေးပါနေသည့်အတွက် ထိုင်းနိုင်ငံမှ လျှပ်စစ်မီး ၀ယ်ယူသုံးစွဲခွင့်ရရှိရန် လွန်ခဲ့သည့် ခြောက်နှစ်ခန့်မှ စတင်ကြိုးစား နေခဲ့ခြင်း ဖြစ်ကြောင်း သိရသည်။

“မောတောင်မြို့အတွက် လျှပ်စစ်မီးဝယ်ယူဖို့ တင်ပြထားတယ်။ အစည်းဝေးမှာလည်း ထိုင်းဘက်က တင်ပြလာတာရှိတယ်။ မောတောင်ကို လျှပ်စစ်မီးသွယ်တန်းဖို့ ထိုင်းဘက်ခွင့်ပြုပေးလိုက်ပြီလို့ ကြားသိရပါတယ်။ ဒါကြောင့် မောတောင်မြို့က မကြာမီမှာ ဖွံ့ဖြိုး တိုးတက်လာပါလိမ့်မယ်။ မြို့အနေနှင့် သတ်မှတ်ပေးလိုက်ပြီ ဖြစ်တဲ့အတွက် အချိန်တိုအတွင်းမှာပဲ မောတောင်မြို့လေးက အတော်လေး ဖွံ့ဖြိုးတိုးတက် လာလိမ့်မယ်လို့ ကျွန်တော့်အနေနှင့် ယုံကြည်ပါတယ်” ဟု မြိတ်ခရိုင် ကုန်သည်များနှင့် စက်မှုလက်မှု လုပ်ငန်းရှင်များအသင်းဥက္ကဋ္ဌ ဦးလှသန်းကဆိုသည်။

မောတောင်မြို့သို့ လျှပ်စစ်မီးပေးရန် အစီအစဉ် ရေးဆွဲနေကြောင်း၊ နှစ်နိုင်ငံ ချစ်ကြည်ရေးနှင့် ဖွံ့ဖြိုးရေးအတွက် ရည်ရွယ်ကာ လျှပ်စစ်မီးပေးရန် လုပ်ဆောင်နေပြီး နယ်စပ်ကိစ္စရပ်များတွင် အခက်အခဲတချို့ ရှိနေသည့်အတွက် ဓာတ်တိုင်များ စိုက်ထူကာ လျှပ်စစ်မီးသွယ်တန်းပေးခြင်း မရှိဘဲ မြေသွင်းပိုက်လိုင်းဖြင့် သွယ်တန်းကာ လျှပ်စစ်မီးပေးသွားမည်ဖြစ်ကြောင်း ထိုင်းနိုင်ငံ ပရာကျွတ်ခီရီခန် ဒုတိယခရိုင်ဝန်က ပြောကြားသည်။

မြန်မာနိုင်ငံမှ လိုအပ်ချက် တစ်ခုဖြစ်သည့် လျှပ်စစ်မီးကို ထိုင်းနိုင်ငံမှ သွယ်တန်းရာတွင် မြန်မာတာဝန်ရှိသူများက သဘောတူကြောင်း၊ ကန့်ကွက်ရန် မရှိသည့် ထောက်ခံချက်ကို လိုအပ်မည်ဖြစ်ရာ ဒေသဖွံ့ဖြိုးရေးနှင့်  ဒေသခံပြည်သူများ လျှပ်စစ်မီး ဈေးနှုန်းသက်သာစွာ သုံးစွဲခွင့်ရရန်အတွက် ကူညီပေးပါရန် ဦးလွမ်းကိုကိုက ပြောကြားသည်။

လက်ရှိထိုင်းနိုင်ငံဘက်တွင် လျှပ်စစ်မီး တစ်ယူနစ်လျှင် ၆ ဘတ် (မြန်မာငွေ ၂၈၀ ခန့်) ကျသင့်နေပြီး သွင်းကုန်အခွန်များ၊ မီးသွယ်တန်းစရိတ်များ၊ တခြားကုန်ကျစရိတ်များကို တာဝန်ရှိသူများနှင့် တွက်ချက်ပြီး တစ်ယူနစ်လျှင် မည်မျှဖြင့် ဖြန့်ဝေပေးမည်ကို သတင်းထုတ်ပြန်ပေးသွားမည် ဖြစ်ကြောင်း သိရသည်။

 

ထားဝယ်-မြိတ် လမ်းပိုင်းပေါ်ရှိ သဲချောင်းသား ကျေးရွာတွင် မီနီဘတ်စ်နှင့် ဆိုင်ကယ် မျက်နှာချင်းဆိုင် တိုက်မိရာမှ နှစ်ဦးသေဆုံးပြီး တစ်ဦးဒဏ်ရာရ

ယာဉ်တိုက်မှု ဖြစ်ပွားပြီးနောက် တွေ့ရစဉ် (ဓာတ်ပုံ – ဇမ္ဗူမေတ္တာအရေးပေါ်လူနာ ကူညီသယ်ဆောင်ရေးအဖွဲ့)

တနင်္သာရီတိုင်းဒေသကြီး ထားဝယ်-မြိတ် လမ်းပိုင်းပေါ်ရှိ ထားဝယ်မြို့မှ မိုင် ၃၀ ကျော်ခန့်အကွာ သရက်ချောင်းမြို့နယ် သဲချောင်းသား ကျေးရွာတွင် စက်တင်ဘာ ၁၁ ရက် နံနက် ၁၁ နာရီခန့်က မီနီဘတ်စ်နှင့်    ဆိုင်ကယ်မျက်နှာချင်းဆိုင် တိုက်မိရာမှ လူငယ်နှစ်ဦး သေဆုံးပြီး တစ်ဦးဒဏ်ရာ ရရှိခဲ့ကြောင်း သိရသည်။

ယာဉ်တိုက်မှု ဖြစ်ပွားသည့်နေရာမှာ ထားဝယ်-မြိတ် အဝေးပြေး လမ်းမပေါ်ရှိ သရက်ချောင်းမြို့နယ် သဲချောင်းသား ကျေးရွာတွင်ဖြစ်ပြီး ထားဝယ်ဘက်မှလာသည့် မီနီဘတ်စ်ကားနှင့် မြိတ်ဘက်မှလာသော လူငယ်သုံးဦး စီးနင်းလာသည့် ဆိုင်ကယ်တို့ မျက်နှာချင်းဆိုင် တိုက်မိခဲ့ခြင်းဖြစ်ကြောင်း၊ ယာဉ်တိုက်မှုကြောင့် လူငယ်သုံးဦး စီးလာသည့် ဆိုင်ကယ်ပေါ်မှ နှစ်ဦးမှာ အခင်းဖြစ်နေရာတွင် သေဆုံး၍ တစ်ဦးမှာ ဒဏ်ရာအပြင်းအထန် ရရှိကာ ရငဲတိုက်နယ် ဆေးရုံမှတစ်ဆင့် ထားဝယ်ပြည်သူ့ ဆေးရုံကြီးသို့ တင်ပို့ခဲ့ရကြောင်း သိရသည်။

“အခင်းဖြစ်တာကတော့ ၁၁ နာရီခွဲလောက်ဖြစ်ပြီး အုပ်ချုပ်ရေးမှူးဆီ သတင်းဝင်လာတော့ ကျွန်တော်တို့ကို အကြောင်း ကြားလိုက်တယ်။ ဆိုင်ကယ်နဲ့ကား တိုက်တယ်ဆိုတော့ ကျွန်တော်တို့ တက်လိုက်သွားတဲ့ အချိန်မှာ အခင်းဖြစ်နေရာမှာ နှစ်ယောက်က သေတယ်။ အသက် ၁၇ နှစ်နဲ့ ၁၈ နှစ်။ ဖြစ်တဲ့နေရာနဲ့ ကျွန်တော်တို့ရွာက ၁၀ မိုင် လောက်ဝေးတော့ ကျွန်တော်တို့တက် လိုက်သွားတဲ့အချိန်မှာ အခြားကားတစ်စီးကနေ မသေသေးတဲ့ တစ်ယောက်ကို သယ်လာပေးတော့ လမ်းမှာကျွန်တော်တို့နဲ့ လူနာလွှဲတယ်။ ပြီးတော့ ရငဲဆေးရုံကို သယ်လာပေးတယ်။ ပြီးတော့ ကျွန်တော်တို့နဲ့ မိတ်ဖက်အဖွဲ့ဖြစ်တဲ့ ကနက်သီရိရွာက ဖြူစင်မေတ္တာအဖွဲ့ကို အကြောင်းကြားပြီး သူတို့ကားတစ်စီးနဲ့ အလောင်းနှစ်လောင်းကို ရငဲဆေးရုံဆီ သယ်လာပေးတယ်။ မသေတဲ့ တစ်ယောက်ကို ရငဲဆေးရုံလာပို့တော့ သူ့မှာ ဦးခေါင်းဒဏ်ရာရတယ်၊ ခြေကျိုးတယ်၊ ဦးနှောက်မှာ လေးနေရာလောက်ကွဲတယ်။ ဆရာဝန်တွေက ဆေးတွေထည့်ပေး၊ ကျိုးနေတဲ့ ခြေထောက်ကို ကြပ်ထုပ်စည်းပြီးတော့ ကျွန်တော်တို့က ထားဝယ်ဆေးရုံကို ပို့ပေးလိုက်တယ်။ အဲဒီလူနာကတော့ ယူသွားတုန်းက သတိမေ့နေပေမယ့် အခုတော့ သတိရသွားပြီ။ သေသွားတဲ့ သူတွေကတော့ အတွင်းကြေ ဒဏ်ရာလို့ပဲ ပြောရမှာပေါ့။ ဦးခေါင်းခွံ ကွဲတာတွေရှိတယ်။ သုံးယောက်စလုံး အသက် ၁၇၊ ၁၈ အရွယ်တွေပါ။ သေတဲ့သူတွေကို ရငဲဆေးရုံ ရေခဲတိုက်ထဲ ထည့်ထားတယ်” ဟု ဇမ္ဗူမေတ္တာ အရေးပေါ်လူနာ ကူညီသယ်ဆောင်ရေး အဖွဲ့ (ရငဲရွာ) မှ ဥက္ကဋ္ဌဖြစ်သူ ဦးညီညီမင်းက ပြောကြားသည်။

ယာဉ်တိုက်မှု ဖြစ်ပွားခဲ့သည့် မီနီဘတ်စ်မှာ ရန်ကုန်ဘက်မှ ဘုရားဖူးလာရောက်သည့် ယာဉ်ဖြစ်ပြီး ယာဉ်တိုက်မှုကြောင့် ယာဉ်၏အရှေ့ဘက်ခြမ်း ပျက်စီးခဲ့ပြီး ယာဉ်ပေါ်ပါသူများ ထိခိုက်သူ မရှိခဲ့ကြောင်း၊ အခင်းဖြစ်သည့် နေရာတွင် ယင်းမီနီဘတ်စ်မှာ ယာဉ်ကြော၏ ဘယ်ဘက်အခြမ်းသို့ သုံးပုံတစ်ပုံခန့် ရောက်ရှိနေပြီး လူငယ်သုံးဦးမှာ လမ်း၏ညာဘက် အခြမ်းတွင် လဲကျနေသည်ကို တွေ့ခဲ့ရကြောင်း၊ ဆိုင်ကယ်ပေါ်တွင် လိုက်ပါလာသည့် လူငယ်သုံးဦးမှာ သဲချောင်းသားရွာတွင် နေထိုင်သူများ ဖြစ်သည်ဟု ဦးညီညီမင်းက ပြောကြားသည်။ ပြီးခဲ့သည့် သြဂုတ် ၂၂ ရက်ကလည်း အဆိုပါ ထားဝယ်-မြိတ် လမ်းပိုင်းပေါ်ရှိ  သရက်ချောင်းမြို့နယ် ကဇိတံတားဦး ကျေးရွာတွင် ဆိုင်ကယ်နှစ်စီး မျက်နှာချင်းဆိုင် တိုက်မိမှု ဖြစ်ပွားပြီး အမျိုးသမီး တစ်ဦးနှင့် အမျိုးသားနှစ်ဦး သေဆုံးခဲ့ကြောင်း၊ ယင်း ထားဝယ်-မြိတ် လမ်းပိုင်းပေါ်ရှိ သရက်ချောင်းမြို့နယ် အပိုင်းတွင် ယခုနှစ်ပိုင်းအတွင်း ယာဉ်တိုက်မှုနှင့် ယာဉ်မတော်တဆမှုများ မကြာခဏ ဖြစ်ပွားခဲ့ပြီး လူသေဆုံး ဒဏ်ရာရရှိမှုများ ရှိခဲ့ကြောင်း သိရသည်။

 

တနင်္သာရီမြစ်ရေ တတိယအကြိမ် ရေလွှမ်းမိုးမှုကြောင့် ကယ်ဆယ်ရေးစခန်းများ ထပ်တိုးဖွင့်ခဲ့ရပြီး ရေဘေးသင့် ပြည်သူဦးရေ တိုးလာခဲ့ကာ ရေ၀င်ဧရိယာများမှ ဒေသခံများ အခက်အခဲ ဖြစ်နေကြောင်း သိရ

တနင်္သာရီမြစ်ရေ တတိယအကြိမ် တက်နေသည်ကို သြဂုတ် ၂၃ ရက်က တွေ့ရစဉ်

တနင်္သာရီမြစ်ရေ တတိယအကြိမ်ရေ လွှမ်းမှုကြောင့် ကယ်ဆယ်ရေးစခန်းများ ထပ်တိုးဖွင့်ခဲ့ရသလို ရေဘေးသင့်ပြည်သူ ဦးရေလည်း တိုးလာခဲ့ပြီး ရေမြုပ်ဧရိယာအပြင် ရေ၀င်ဧရိယာများမှ ဒေသခံများ အနေဖြင့်လည်း အခက်အခဲများ ဖြစ်နေကြောင်း သိရသည်။

ယခုနှစ်အတွင်း မြစ်ဖျားပိုင်းတွင် မိုး သည်းထန်စွာ ရွာသွန်းမှုကြောင့် တနင်္သာရီ မြစ်ရေမှာ သုံးကြိမ်အထိ ရေလွှမ်းမှုဖြစ်ခဲ့ပြီး နေအိမ် ထောင်နှင့်ချီကာ နစ်မြုပ်ခဲ့သလို ရေ ဘေးသင့်ပြည်သူ ၂၄၀၀၀ ကျော်အထိ တိုး လာခဲ့ကြောင်းသိရသည်။ နှစ်လခန့်အတွင်း မြစ်ရေ သုံးကြိမ်ကြီးမှုကြောင့် ဒေသခံများ  စားဝတ်နေရေး အခက်အခဲများစွာဖြစ်ခဲ့ကာ အသက်မွေးဝမ်းကျောင်း ပြုလုပ်နေသော လယ်ယာ/ဥယျာဉ်များစွာလည်း ပျက်စီးခဲ့ကြောင်း သိရသည်။

“၁၉၈၁ ခုနှစ်တုန်းက ရေအရမ်းကြီးခဲ့ ဖူးတယ်။ ၁၉၉၄ ခုနှစ် ရေဘေးလိုပဲရေအရမ်း ကြီးပြီး ဆေးရုံတွေ ရေနစ်မြုပ်ခဲ့တယ်။ မြို့ဦး ဈေးလည်း ရေနစ်မြုပ်ခဲ့တယ်။ တစ်မြို့လုံး ရေနစ်မြုပ်ခဲ့တယ်။ အခုဆိုရင် သုံးကြိမ်မြောက် ရေနစ်မြုပ်နေတယ်။ ဒီနှစ်ထဲမှာပေါ့။ တချို့ ဒေသခံတွေက တစ်နေ့လုပ်မှ တစ်နေ့စား တဲ့သူတွေရှိပါတယ်။ အဲဒီလူတွေဆိုရင် ပင် ပန်းဆင်းရဲနေကြပြီ။ ငွေကြေးတတ်နိုင်တဲ့သူ တွေအတွက်ကတော့ ပြောစရာမလိုဘူးလေ။ တစ်နေ့လုပ် တစ်နေ့စားတွေမှာပဲ အခက် အခဲရှိတယ်။ အရင်တုန်းက လူတွေမှာ လှေ တွေရှိတယ်။ အခုကျတော့ အိမ်တိုင်းနီးပါးမှာ လှေမရှိနိုင်တော့ဘူး။ ဦးဇင်းတို့ကျောင်း မှာ ဒုက္ခသည်တွေ အရင်ကအိမ်ထောင်စု ၃၈ စုလောက်ရှိတယ်။ အခုရက်ပိုင်းမှာ အိမ် ထောင်စု ၆၀ နီးပါးအထိ ရှိလာနေတယ်။ ရေ မြုပ်တာ ပိုများလာတော့ ဒုက္ခရောက်တဲ့သူ တွေလည်း များလာတယ်” ဟု တနင်္သာရီမြို့ နယ် ချောင်းကြီးကျောင်းတိုက်တွင် သတင်း သုံးသည့် အရှင်ဝါသေဋ္ဌက မိန့်ကြားသည်။

တနင်္သာရီမြစ်ရေမှာ နှစ်စဉ်စိုးရိမ်ရေ မှတ်နီးပါးသို့ ရေကြီးမှုဖြစ်ပွားလေ့ရှိသော် လည်း အန္တရာယ်ရေမှတ်အထိ ရေမလွှမ်းသည်မှာ နှစ်အတန်ကြာခဲ့ပြီး ယခုနှစ်မှ မိုးသည်းထန်စွာ ရွာသွန်းပြီး သုံးကြိမ်မြောက် မြစ်ရေကြီးမှု ဖြစ်ပွားနေခြင်းဖြစ်ကြောင်း သိရသည်။

တနင်္သာရီ မြို့နယ်ရှိ ရေကြီးနစ်မြုပ်သော ကျေးရွာတစ်ရွာကို တွေ့ရစဉ်

“တနင်္သာရီမြစ်ရေက ပုံမှန်အတိုင်း ၁၇ ပေ၊ ၁၈ ပေအထိတက်လာရင် ကျွန်တော်တို့ နယ်ခံတွေ ဘာမှမစိုးရိမ်ကြဘူး။ ကျွန်တော်တို့ဆီမှာ အန္တရာယ်ရေမှတ်က ၂၄ သတ်မှတ် ထားတယ်။ အခုဆိုရင် ၂၄ ပေကိုကျော်ပြီးတဲ့ အပြင် ၂၆ ပေအထက်ကိုရောက်နေပြီ။ အဲဒီ အချိန်မှာ ကျွန်တော်တို့ ကစဥ့်ကလျားဖြစ် လာတယ်။ ကွမ်းပင်တွေ၊ ပျိုးပင်တွေ၊ ဥယျာဉ်တွေ၊ မြေမအုံဘက်မှာဆိုရင် လယ်မြေစိုက်ခင်းတွေ၊ သီးနှံစိုက်ခင်းတွေ အားလုံးကုန်သွားပြီ။ မြန်မာအင်းတော်ရွာဆိုရင် ရွာလုံးကျွတ် ရေနစ်မြုပ်နေတယ်။ လုံးဝကိုမဖော်နိုင်ဘူး။ ကျွန်တော်ကိုယ်တိုင် ကယ်ဆယ်ရေး လိုက်နေလို့ သိရတာပါ။ မိုးလည်းများတယ်။ သစ်တောတွေကလည်း မိုးရေကိုမထိန်းနိုင် တော့ဘူး။ အဲဒီတော့ ရေတွေက အရမ်းကို လျှံတက်လာတယ်။ ခံစားနေရတာက တန င်္သာရီတစ်မြို့နယ်လုံးပါပဲ။ မြစ်အောက်ဘက် မှာဆိုရင် လယ်သစ်ကျေးရွာအထိ အဖျား သွားခတ်တယ်။ ခံစားရတာက တနင်္သာရီမြစ် ဖျားကနေ အောက်ဘက်အထိ ရွာတိုင်းနီးပါး ခံစားရတယ်။ စိုက်ခင်းဧရိယာတွေကတော့ အတော်များများကို ကုန်သွားပြီ။ စံချိန်တင်အောင်ကို ဆုံးရှုံးတာပါ။ မျိုးစပါးတွေလည်းအကုန်ဆုံးရှုံးသွားပြီ။ ရိက္ခာတွေကိုတော့ ငါးရက်တစ်ဖြတ်စီ ပေးနေတယ်။ အစိုးရအနေနဲ့ ထောက်ပံ့ပေးပါတယ်။ တတိယအကြိမ်ရေ နစ်မြုပ်တဲ့အခါမှာ အိမ်ထောင်စုဦးရေ ပိုများ လာပါတယ်။ ချောင်းကြီးမှာလည်း ပြောင်းရွှေ့ရတဲ့သူတွေ များလာတယ်။ ရေအမှတ် ကအရမ်းမြင့်လာတယ်။ အရင်စံချိန်ထက် ကျော်သွားပါပြီ။ ချောင်းကြီးနဲ့ ချောင်းငယ် ရပ်ကွက်နှစ်ခုစလုံးမှာ ရေနစ်မြုပ်တဲ့ လူစာ ရင်း တိုးလာပါတယ်။ တခြားရွာတွေမှာလည်း ဒီအတိုင်းပဲ တိုးလာပါတယ်။ နောက်တစ်ခု  ကျွန်တော်တို့ဆီမှာက ရေမြုပ်ဧရိယာအပြင် ရေ၀င်တဲ့ဧရိယာလည်း ရှိနေတယ်။ သူတို့လည်း ထိခိုက်တယ်။ ဘာအလုပ်မှလည်း မလုပ်နိုင်ကြဘူး။ အားလုံးက ကယ်ဆယ်ရေး  ပစ္စည်းကိုမှီခိုပြီး စားသောက်နေရပါတယ်။ကယ်ဆယ်ရေးပစ္စည်း မပြတ်လပ်အောင် အစိုးရအဖွဲ့ရယ်၊ တိုင်းဒေသကြီးလွှတ်တော် အမတ်နဲ့၊ ပြည်သူလွှတ်တော်အမတ်နှစ်ဦး စလုံး အတော်လေးဆောင်ရွက်ပေးပါတယ်။ နှစ်ဦးစလုံးတော်ကြပါတယ်။ ဒီမှာရှိတဲ့ တာ ၀န်ရှိသူတွေက ရေတံခါးဖွင့်မယ်။ ရေငါးပေခန့် ထပ်တိုးမယ်ဆိုပြီး လိုက်လံကြေညာပေး ပါတယ်။ နယ်ခံတွေအားလုံး ပြောင်းရွှေ့ဖို့ အချိန်ရပါတယ်။ ကျွန်တော်တို့လည်း ပြောင်း ရွှေ့ပြီးသားဖြစ်နေတယ်။ မြို့ရိုးကို ရေကျော် လာတဲ့အခါမှာ ၀ုန်းဒိုင်းတွန်းမှာ စိုးလို့ပါ။တဖြည်းဖြည်းဖွင့်ရပါတယ်။ လက်ရှိ ရေသုံး ပေခွဲအထိ ကွာဟနေပါတယ်” ဟု တနင်္သာရီ မြို့နယ် ချောင်းကြီးရပ်ကွက်တွင် နေထိုင်သော ဦးတင်ဝင်းသော်က ပြောကြားသည်။

တနင်္သာရီမြစ်ရေကြီးမှု ဖြစ်ပွားနေသည့် တနင်္သာရီမြို့သို့ လူကယ်ပြန်ပြည်ထောင်စုဝန်ကြီး ဒေါက်တာဝင်းမြတ်အေး လာရောက် ကြည့်ရှုခဲ့ပြီး ပြန်လည်ထူထောင်ရေး လုပ်ငန်းများကို မကြန့်ကြာစေဘဲ ဆောင်ရွက်ပေးမည်ဖြစ်ကြောင်း ပြောကြားထားသည်။

သြဂုတ် ၂၃ ရက် နံနက် ၉ နာရီတိုင်းထွာချက်အရ တနင်္သာရီမြစ်ရေမှာ အနည်းငယ် ပြန်လည်ကျဆင်းနေပြီး အန္တရာယ်ရေမှတ်အောက် တစ်လက်မသို့ ပြန်လည်ကျဆင်းလာကြောင်း သိရသည်။ နောက်ဆုံး ကောက်ယူထားသော စာရင်းများအရ ရေနစ်မြုပ်ခံခဲ့ရသည့် အိမ်ခြေ ၄၈၃၃ အိမ်၊ အိမ်ထောင်စု ၄၈၈၇ စု ရှိပြီး ရေဘေးသင့် ပြည်သူ ၂၄၁၉၈ ဦးအထိရှိလာကြောင်း သိရသည်။

ရေဘေးကြောင့် ပြောင်းရွှေ့ပေးရသူ ၆၇၆၂ ဦးရှိခဲ့ပြီး လူဦးရေ ၁၃၃၄ ဦးကို ကယ်ဆယ်ရေးစခန်းတွင် စီစဉ်ပေးထားရကာ ရေ၀င်ဧရိယာများအတွင်း ကျရောက်နေသည့် ဒေသခံပြည်သူများကိုလည်း ကယ်ဆယ်ရေး ပစ္စည်းများ လိုက်လံပေးဝေနေကြောင်း သိရသည်။

တနင်္သာရီမြစ်ရေ အန္တရာယ်ရေမှတ်သို့ တတိယအကြိမ် ထပ်မံရောက်ရှိလာပြီး ဒေသခံများ မြစ်ရေကြီးမှုဒဏ် ကြာရှည်ခံစားလာရ

တနင်္သာရီမြို့အတွင်းရှိ အထက်တန်းကျောင်း ၀န်းကျင်တွင် ရေကြီးနစ်မြုပ်နေသည်ကို တွေ့ရစဉ်

တနင်္သာရီမြစ်ရေ တတိယအကြိမ် အန္တရာယ်ရေမှတ်သို့  ထပ်မံရောက်ရှိလာပြီး ဒေသခံများမှာ မြစ်ရေကြီးမှုဒဏ်ကို ကြာရှည်ခံစားလာရကြောင်း သိရသည်။

မြိတ်ခရိုင် တနင်္သာရီမြို့နယ်အတွင်း ဖြတ်သန်းစီးဆင်းနေသည့် တနင်္သာရီမြစ်ရေမှာ ယခုနှစ်အတွင်း အကြိမ်ကြိမ်ရေကြီးမှု ဖြစ်ပွားနေပြီး တနင်္သာရီမြို့နှင့် ကျေးရွာပေါင်း ၃၀ ကျော်မှာ ရေနစ်မြုပ်မှု ခံစားနေရကြောင်း သိရသည်။ စိုးရိမ်ရေအမှတ်ဖြစ်သည့် ၁၇ ပေကို များစွာကျော်လွန်ပြီး အန္တရာယ်ရေမှတ် ဖြစ်သည့် ၂၄ ပေသို့ သုံးကြိမ်တိုင် ရောက်ရှိလာကြောင်း သိရသည်။

မြစ်ရေနစ်မြုပ်မှုကို ခံစားရသည့်  ကျေးရွာများအပြင် ရေပတ်လည်ဝိုင်းနေသည့် ကျေးရွာများပါ အဆိုပါ ရေကြီးမှုဒဏ်ကြောင့် အခက်အခဲများ ဖြစ်နေကြောင်း သိရသည်။

“ဒီနေ့ မနက်  ခြောက်နာရီမှာ အန္တရာယ်ရေမှတ်ကို ကျော်သွားပါပြီ။ အခက်အခဲက နှစ်ပိုင်းဖြစ်နေပါတယ်။ ပုံမှန်ထောက်ပံ့ရေးက ဆက်သွားနေတယ်။ အစိုးရအဖွဲ့က ထောက်ပံ့တဲ့ ကယ်ဆယ်ရေး ပစ္စည်းတွေ၊ အလှူခံ ရရှိထားတဲ့ ပစ္စည်းတွေနဲ့ သွားနေပါတယ်။ ရေကြီးနစ်မြုပ်တဲ့အပိုင်းကို ပုံမှန်ထောက်ပံ့နေတဲ့ အပိုင်းပါ။ နောက်တစ်ပိုင်းက ရေလည်းမကြီးဘူး။ အိမ်လည်း မရွှေ့ပြောင်းရဘူး။ ရေမကြီးဘူး ဆိုတာက ရွာမှာရေမကြီးဘူး။ ဒါပေမဲ့ပတ်လည်မှာ ရေအားလုံး နစ်မြုပ်နေတယ်။ ဘယ်မှသွားလို့မရဘူး ။ အလုပ်ခွင်တွေကိုလည်း သွားလို့မရဘူး။ တချို့လက်လုပ်လက်စားတွေ ရှိနေတယ်။ ဥယျာဉ်ခြံတွေကိုသွားမှ စားဝတ်နေရေး ဖြေရှင်းလို့ရမယ့် အနေထား။ အခု ကျွန်တော်တို့ ရိက္ခာဖြန့်ဝေတယ် ဆိုတာက ရေကြီးနစ်မြုပ်နေတဲ့ ကျေးရွာတွေ၊ ရွှေ့ပြောင်းတဲ့ သူတွေအတွက် လုပ်နေတယ်ဆိုတော့ သူတို့အတွက် မပါဘူး ဖြစ်နေတယ်။ ကျွန်တော်တို့ တတ်နိုင်သလောက် ဆက်သွားပါတယ်။ ရပ်မိရပ်ဖတွေကို သင့်တော်သလို  စီမံခန့်ခွဲပေးဖို့ ပြောထားပါတယ်” ဟု တနင်္သာရီမြို့နယ် ပြည်သူ့လွှတ်တော် ကိုယ်စားလှယ် ဦးအောင်ကျော်ဟိန်းမှ ပြောကြားသည်။

တနင်္သာရီမြစ်ရေမှာ ထားဝယ်ဘက်တွင် မြစ်ဖျားခံလာသည့်အတွက် မြစ်ဖျားပိုင်းတွင် မိုးရွာသွန်းမှုများပါက မြစ်ရေကြီးမှု ဖြစ်ပေါ်လေ့ရှိကြောင်း သိရသည်။ ရေကြီးနစ်မြုပ်မှု ရက်ကြာရှည်လာသည့်အတွက် တာဝန်ရှိသူများက ကယ်ဆယ်ရေး လုပ်ငန်းများ ဆောင်ရွက်နေသည့်အပြင် လာမည့်နှစ်များတွင် ကြိုတင်ပြင်ဆင်ရမည့် နည်းလမ်းများကိုလည်း စီစဉ်နေကြောင်း သိရသည်။

“လက်ရှိအနေထားမှာ ရေမမြုပ်ပေမယ့် သကျက်ရွာ၊ ပျို့အိုင်ရွာ အခက်အခဲ ဖြစ်နေတယ်။ ဥယျာဉ်လုပ်ကိုင်ကြတဲ့ မော်တုန်းရွာတွေ အခက်အခဲ ဖြစ်နေတယ်။ အစိုးရအဖွဲ့မှ ထောက်ပံ့တာကို ရေကြီးနေတဲ့ နေရာတွေကိုပေးမယ့် အရပ်ဘက်က ပေးပို့လာတဲ့ ကယ်ဆယ်ရေး ပစ္စည်းတွေကို အခုနက ရွာကိုပေးဖို့ တိုင်ပင်နေပါတယ်။ မြစ်ရေကြီးတာက ၂၀၁၄ နောက်ပိုင်းမှ မြစ်ရေပြန်ကြီးတာပါ။ မြစ်ချောင်း တိမ်ကောနေတာကို ပြန်ပြီးသုံးသပ်ရပါ့မယ်။ မြစ်ဖျားပိုင်းမှာရှိတဲ့ တကူ၊ ဘန်လော ကျေးရွာတွေဘက်မှာ သောင်ထွန်းနေပါတယ်။ ဒါကို ပြန်သုံးသပ်ရမယ်။  မြစ်ရေ သုံးကြိမ်ကြီးတယ်။ တစ်လကျော်ကြာနေပြီ ဆိုတာက စံချိန်လို့ ပြောလို့ရနိုင်မယ့် အနေအထားရှိတယ်။ ၀န်ကြီးဦးမြင့်စန်း လာတုန်းက ဆိုင်ကလုန်း ရှယ်လ်တာတွေ ထားဖို့တော့ ပြောထားတာ ရှိပါတယ်။ ရွာလုံးကျွတ် ရေနစ်မြုပ်နေတဲ့ရွာ တွေမှာ ဒီလိုထားပေးဖို့ ပြောထားတာရှိပါ တယ်။ ကျေးရွာတွေ ပြောင်းဖို့ကလည်း ဒေသခံတွေနဲ့ အဆင်ပြေမယ့် အနေအထား မရှိဘူး” ဟု ဦးအောင်ကျော်ဟိန်းက ပြောကြားသည်။

မြစ်ရေပြန်ကြီမှုကြောင့် ရန်ကုန်-မြိတ်-ကော့သောင်း ပြည်ထောင်စုလမ်းမကြီးရှိ လမ်းအစိတ်အပိုင်း တချို့တွင် ကားလမ်းရေကျော်မှုများ ဖြစ်ပေါ်နေပြီး တနင်္သာရီလမ်းအပိုင်း အောက်ကင်းကျေးရွာ အနီးတွင် ရေနှစ်ပေကျော်၊ လယ်တောင်ယာရွာတွင်  သုံးပေခန့် ကားလမ်းရေကျော်မှုများ ဖြစ်ပေါ်နေကြောင်း သိရသည်။

“ကယ်ဆယ်ရေးပစ္စည်းတွေ လိုအပ်နေပါတယ်။ တိုင်းအစိုးရက ကူညီထားတဲ့ ကယ်ဆယ်ရေး ပစ္စည်းတွေအပြင်  ပြည်သူလူထုက လာရောက် ကူညီနေတာတွေလည်း ရှိတယ်။ ဒီလိုရက်ကြာရှည်လာတော့ ကယ်ဆယ်ရေး ပစ္စည်းတွေက နေ့စဉ်လိုအပ်နေပါတယ်။ ကျောင်းတွေလည်း ပိတ်ထားရတော့ ပညာရေးပိုင်းမှာ ထိခိုက်သွားမှာကိုလည်း စိုးရိမ်နေပါတယ်” ဟု တိုင်းဒေသကြီး လွှတ်တော်ကိုယ်စားလှယ် ဦးရဲမြင့်ဆွေက ပြောကြားသည်။

တနင်္သာရီမြစ်ရေ ပထမအကြိမ် ရေကြီးမှု ဇူလိုင် ၁၉ ရက်က မြစ်ရေ ၂၆ ပေ ၃ လက်မ၊ ဒုတိယအကြိမ် ရေကြီးမှုတွင် သြဂုတ် ၈ ရက်က၂၄ ပေ ၃လက်မ၊ တတိယအကြိမ် ရေကြီးမှု သြဂုတ် ၁၉ ရက်က ၂၄ ပေသို့ အသီးသီး ပြန်လည်ရောက်ရှိခဲ့ကြောင်း သိရသည်။

 

ထားဝယ်ခရိုင်အတွင်း မိုးသည်းထန်စွာ ရွာသွန်းမှုကြောင့် ရေကြီးရေလျှံမှု ထပ်မံဖြစ်ပွား

ထားဝယ်ခရိုင်တွင် ရေကြီးရေလျှံမှု ဖြစ်ပွားနေသည်ကို တွေ့ရစဉ်

တနင်္သာရီတိုင်းဒေသကြီး ထားဝယ်ခရိုင်အတွင်းတွင် သြဂုတ် ၁၆ ရက်မှစ၍ နေရာအနှံ့ မိုးသည်းထန်စွာ ရွာသွန်းခဲ့မှုကြောင့် သြဂုတ် ၁၇ ရက်မှစတင်ကာ မလွှဲတောင်-ထားဝယ်-မြိတ်လမ်းပိုင်းနှင့် ထားဝယ်-ထီး ခီးလမ်းပိုင်းပေါ်ရှိ နေရာအချို့ ရေကျော်နေသည့်အပြင် ထားဝယ်မြို့ပေါ်ရှိ လမ်းအချို့နှင့် အနိမ့်ပိုင်း ရပ်ကွက်များ၌ ရေ၀င်ရောက်လျက်ရှိနေကြောင်း သိရသည်။

သြဂုတ် ၁၆ ရက်မှစ၍ ထားဝယ်ဒေသအတွင်း မိုးရွာသွန်းမှု များပြားခဲ့သဖြင့် တောင်ကျရေများ ကျဆင်းမှု များလာသည့်အတွက် ထားဝယ်မြစ်အတွင်း ရေများပြည့်လျှံလာပြီး မြစ်အတွင်းသို့ စီးဝင်သည့် ချောင်းရိုးများ၌ ရေစီးဆင်းမှု နည်းပါးခဲ့သောကြောင့် အနိမ့်ပိုင်းနေရာများနှင့် လမ်းအချို့ ရေကျော်ခဲ့ခြင်းကြောင်း၊ ယခုအကြိမ် ရေကျော်မှုမှာ ယခုနှစ် မိုးတွင်းပိုင်းအတွင်း လေးကြိမ်မြောက်အဖြစ် ရေကြီးရေလျှံမှု ဖြစ်ခဲ့ခြင်းဖြစ်ပြီး မြို့ပေါ်ရှိ လမ်းအချို့၌ တစ်ပေခန့်အထိ ကျော်တက်နေကာ ရပ်ကွက်အချို့နှင့် တိုးချဲ့မြို့သစ်ရပ်ကွက်အတွင်း ရေ၀င်ရောက်နေမှုများ ရှိနေကြောင်း သိရသည်။

“ရေတော့ကျော်တယ်။ ရေက တစ်ပေလောက်ပဲ ရှိတာပါ။ မလွှဲတောင်နဲ့ မြိတ်နဲ့အကြားထဲပေါ့။ ဒီမောင်မယ်ရှောင် (ထားဝယ်မြို့အ၀င်) နားလေးမှာ တစ်ပေလောက် ကျော်တာရှိတယ်။ သရက်ချောင်းဘက်မှာ အဲလိုပဲ တစ်ပေလောက် ကျော်တာရှိတယ်။ အဲဒါပဲ။ ကျန်တာတွေတော့ အများကြီးတော့ ကားသွားလို့ မရလောက်အောင် မရှိပါဘူး။ (သရက်ချောင်းအပိုင်း မင်းဒပ်၊ စုံစင်ဘက်မှာ) ညက မိုးနည်းနည်းများတော့ ခဏကားတွေ ဖြတ်မရ ဖြစ်သွားလိုက်တာ။ ထီးခီးလမ်းပိုင်းမှာလည်း သွားလို့မရဘဲ မဲချောင်းမှာ ငါးပေလောက် ရှိနေတယ်။ ရေကျော်နေတဲ့ဟာတွေကို လောလောဆယ်တော့ ဘာမှမလုပ်သေးဘူး။ သူကတော့ လမ်းပိုင်းဆိုင်ရာ မဟုတ်ဘဲနဲ့ မိုးများလို့ မိုးကလည်း ထူးထူးခြားခြား များတဲ့အခါ အဲလိုကြောင့် ရေကြီးတာမျိုးဆိုတော့ လမ်းတွေကို ရေတိုက်စားပြီး မပါသွားအောင်ရယ်၊ ရေမြှုပ်သွားတော့ လမ်းကို ကားတွေဘာတွေ မမြင်ရဘူးပေါ့။ မမြင်ရတော့ လမ်းချော်ပြီး ဘေးရောက်သွားမှာစိုးတော့ အမှတ်အသားတွေ လိုက်ပြတာမျိုးတော့ လုပ်ထားပါတယ်။ လမ်းပိုင်းတွေမှာ တောင်ပြိုကျတာ လမ်းသားပဲ့ကျတာမျိုးတော့ လောလောဆယ် ဒီတစ်ခေါက် မိုးမှာပေါ့နော်။ ဒီတစ်ရက်နှစ်ရက်ထဲမှာ ရွာတဲ့မိုးမှာတော့ မရှိသေးဘူး။ အရင်တစ်ခေါက်ကပဲ ရှိတယ်” ဟု တိုင်းဒေသကြီး လမ်းဦးစီးဌာန ညွှန်ကြားရေးမှူး ဦးဝင်းမင်းထွဋ်က ပြောကြားသည်။

သို့သော် သြဂုတ် ၁၇ ရက်က မိုးသည်းထန်စွာ ဆက်တိုက် ရွာသွန်းခဲ့သောကြောင့် ထားဝယ်-မြိတ် လမ်းပိုင်းပေါ်ရှိ သရက်ချောင်းမြို့နယ်မှ သရက်နှစ်ခွ၊ ဘုတ်ကိုင်း၊ စုံစင်ဖျား၊ မင်းဒပ်စသည့် နေရာများတွင် လမ်းမပေါ်သို့ ရေတစ်ပေမှ သုံးပေကျော်အထိ ကျော်တက်ခဲ့သည့်အပြင် ညပိုင်းတွင် ရေပိုမိုတိုးလာသောကြောင့် ယာဉ်အချို့ ဖြတ်သန်း၍ မရဘဲ ပိတ်မိခဲ့ကြောင်း၊ လက်ရှိအချိန်တွင်မူ မိုးရွာသွန်းမှု နည်းပါးချိန်၌ ရေအနည်းငယ် ကျဆင်းလာ၍ အချို့နေရာများတွင် ယာဉ်များ ဖြတ်သန်းနေပြီဖြစ်ကာ ရေကျော်တက်မှု များပြားသည့် နေရာများတွင် အောက်ခံဘော်ဒီမြင့်သည့် ယာဉ်များ ဖြတ်သန်းနေပြီ ဖြစ်သော်လည်း ယာဉ်ငယ်များမှာမူ အခြေအနေ စောင့်ကြည့်နေဆဲဖြစ်ကြောင်း ယင်းလမ်းပိုင်းသို့ သွားရောက်ခဲ့သူများထံမှ သိရသည်။

ထို့ပြင် ထားဝယ်-ထီးခီး လမ်းပိုင်းပေါ်ရှိ တလိုင်းတောင်၊ မဲချောင်း၊ ၈ မိုင်နှင့် ပကာရီ ကျေးရွာတို့ရှိ လေးနေရာခန့်တွင် လမ်းပေါ်သို့ ရေတစ်ပေမှ ငါးပေခန့်ထိ ကျော်တက်နေသောကြောင့် ယာဉ်များဖြတ်သန်း၍ မရတော့ကြောင်း၊ ဒေသခံများမှာ ရေကျော်နေသည့် နေရာများကို ဖြတ်သန်းပြေးဆွဲပေးနေသည့် စက်လှေငယ်များဖြင့် သွားလာနေရပြီး တလိုင်းတောင်မှ မဲချောင်း၊ ရှစ်မိုင်အထိ တစ်ဦးလျှင် ကျပ် ၄၀၀၀ နှင့် ဆိုင်ကယ်တစ်စီးလျှင် ကျပ် ၆၀၀၀ ပေးရကြောင်း သိရသည်။

“ဒီနားမှာ ရေကျော်နေတာ သုံးရက်လောက်ရှိပြီ။ မိုးက မနေ့ကတည်းကနေ သည်းသည်းမဲမဲ ရွာနေတော့ ချောင်းဖျား ရေပိုဆင်းလာတာ။ မနေ့က ရေသိပ်မရှိသေးဘူး။ ညတုန်းက ပိုများလာတာ။ အခုမိုးတွင်းထဲမှာ ရေကျော်နေတာ လေးခါရှိပြီ။ ဒီတစ်ခါ ရေအများဆုံးပဲ” ဟု ထားဝယ်-ထီးခီးလမ်းပိုင်းမှ တလိုင်းတောင်ရွာနှင့် ကသန်းရွာအကြား လမ်းရေကျော်နေသည်ကို ဖြတ်သန်းရန် စောင့်ဆိုင်းနေသည့် တလိုင်းတောင်ကျေးရွာမှ ဒေသခံတစ်ဦးက ပြောကြားသည်။

ထို့ပြင် ထားဝယ်မြို့အနီး ဖြတ်သန်းစီးဆင်းနေသော ပေါက်တိုင်းချောင်းမှာလည်း တောင်ကျရေ အများအပြား စီးဆင်းခဲ့မှုကြောင့် ချောင်းနံဘေးရှိ လယ်မြေများ ရေလွှမ်းခံခဲ့ရသည့်အပြင် အနိမ့်ပိုင်း နေရာများဖြစ်သော ပေါက်တိုင်း၊ ရှမ်းမတွင်း၊ တောနားစသည့် ကျေးရွာများတွင်လည်း ရေများဝင်ရောက်လျက်ရှိပြီး ချောင်းရိုးတစ်လျှောက်ရှိ ထားဝယ်-ထီးခီး လမ်းမပေါ်မှ ကျေးရွာအချို့တွင်လည်း နေအိမ်များအတွင်း ရေ၀င်ရောက်မှု ဖြစ်ပွားနေကြောင်း၊ ထားဝယ်ခရိုင်အတွင်းရှိ အခြားမြို့နယ်များဖြစ်သော လောင်းလုံး၊ ရေဖြူနှင့် သရက်ချောင်း မြို့နယ်များတွင်လည်း မိုးသည်းထန်စွာ ရွာသွန်းမှုကြောင့် တောင်ကျရေများ ကျဆင်းလာပြီး လမ်းမပေါ်ရေကျော်မှုများနှင့် အနိမ့်ပိုင်းနေရာများကို ရေ၀င်ရောက်မှုရှိခဲ့ကာ လယ်ကွင်းအများအပြားလည်း ရေနစ်မြုပ်နေသည်ဟု ဒေသခံများထံမှ သိရသည်။ ပြီးခဲ့သည့် ဇူလိုင်လမှစ၍ ထားဝယ်ဒေသအတွင်း မိုးသည်းထန်စွာ ရွာသွန်းခဲ့မှုကြောင့် တောင်ကျရေများ ချောင်းအတွင်း ကျဆင်းမှုများလာပြီး ဒေသအနှံ့ ရေကြီးရေလျှံမှုများ ဖြစ်ပွားခဲ့ကာ လမ်းများလည်းရေ ကျော်ခဲ့သည့်အပြင် တောင်ပြိုမှုများလည်း ဖြစ်ပွားခဲ့သောကြောင့် ဒေသအချို့ ဆက်သွယ်မှု ပြတ်တောက်ခဲ့ရပြီး ရေဘေးသင့်သူများကိုလည်း နီးစပ်ရာသို့ ရွှေ့ပြောင်းပေးခဲ့ရကြောင်း သိရသည်။

 

 

တနင်္သာရီတိုင်းဒေသကြီး သရက်ချောင်းနှင့် ပုလောမြို့နယ်တွင် Plasmodium Vivax ရောဂါပိုးကြောင့် ငှက်ဖျားရောဂါ ဖြစ်ပွားသူ မြင့်မားနေပြီး ကပ်ရောဂါအသွင်ဖြစ်နေ

ငှက်ဖျားရောဂါဆိုင်ရာ အသိပညာပေး လက်ကမ်းစာစောင် ဖတ်ရှုနေသူ တစ်ဦးအား တွေ့ရစဉ်

တနင်္သာရီတိုင်းဒေသကြီး သရက်ချောင်းနှင့် ပုလောမြို့နယ်တို့တွင် Plasmodium Vivax ရောဂါပိုးကြောင့်  ဖြစ်ပွားသော ငှက်ဖျားရောဂါ ဖြစ်ပွားသူ ယခင်နှစ်များနှင့် နှိုင်းယှဉ်ပါက မြင့်မားနေပြီး ကပ်ရောဂါအသွင် ဖြစ်ပွားနေကြောင်း အမျိုးသားငှက်ဖျားရောဂါ တိုက်ဖျက်ရေးစီမံချက်မှ သိရသည်။

“သရက်ချောင်းနဲ့ ပုလောမြို့တွေမှာ ဒီနှစ် ဧပြီလကစပြီး ဇွန်လအထိ Plasmodium Vivax ရောဂါ ပိုးကြောင့်ဖြစ်တဲ့ ငှက်ဖျားရောဂါ ဖြစ်ပွားသူများနေပြီး ကပ်အသွင်ဖြစ်နေပါတယ်။ ဒီလိုကပ်အသွင် ဖြစ်ပွားမှုကြောင့် ရေဖြူ၊ ကော့သောင်းနဲ့ ဘုတ်ပြင်းမြို့နယ်တွေမှာ အလားတူ ငှက်ဖျားရောဂါ ကပ်အသွင် ဖြစ်ပွားနိုင်ခြေ ရှိနေတဲ့အတွက် တနင်္သာရီတိုင်းဒေသကြီး ရပကနအဖွဲ့နဲ့ URC အဖွဲ့တို့ပူးပေါင်းပြီး ရောဂါကာကွယ်နှိမ်နင်းရေး လုပ်ငန်းတွေကို ဆက်လက် ဆောင်ရွက်နေပါတယ်” ဟု အမျိုးသား ငှက်ဖျားရောဂါ တိုက်ဖျက်ရေးစီမံချက်မှ တာဝန်ရှိသူတစ်ဦးက ပြောကြားသည်။

Plasmodium Vivax ရောဂါပိုးကြောင့် ဖြစ်ပွားသော ငှက်ဖျားရောဂါအား ကုသရာတွင် အဓိကကျသော Primaquine ဆေးကို National Treatment Guideline အတိုင်း ဆေးပတ်လည်အောင် တိုက်ကျွေးရကြောင်းနှင့် တိုင်းဒေသကြီး အစိုးရအဖွဲ့၊ မိတ်ဖက်အဖွဲ့အစည်းများနှင့် အမျိုးသား ငှက်ဖျားရောဂါ တိုက်ဖျက်ရေး စီမံချက်တို့ ပူးပေါင်း၍ အသိပညာပေး ဆွေးနွေးမှုများ  ပိုမိုတိုးမြှင့် ပြုလုပ်ရန်နှင့် ကာကွယ်နှိမ်နင်းရေး၊ ကပ်ရောဂါထိန်းချုပ် ခြင်းလုပ်ငန်းများကို ဆောင်ရွက်ရန် တနင်္သာရီတိုင်းဒေသကြီး အစိုးရအဖွဲ့သို့ တင်ပြထားကြောင်း သိရသည်။

မြန်မာနိုင်ငံတွင် လူဦးရေ ၁၀၀၀ လျှင် နှစ်ဦးနှုန်း ငှက်ဖျားရောဂါဖြစ်ပွားမှုရှိနေပြီး လာမည့် ၂၀၂၀ ပြည့်နှစ်တွင်  ဖြစ်ပွားနှုန်း၏ ၈၅  ရာခိုင်နှုန်း၊ သေဆုံးမှုနှုန်း၏ ၉၅ ရာခိုင်နှုန်းအထိ လျှော့ချနိုင်ရန် လုပ်ဆောင်သွားမည် ဖြစ်ကြောင်းနှင့် လက်ရှိမြန်မာနိုင်ငံ၏ ငှက်ဖျားရောဂါ ဖြစ်ပွားနှုန်းမှာ ၂၀၁၂ ခုနှစ်ဖြစ်နှုန်း၏ ၈၅ ရာခိုင်နှုန်းအထိ လျှော့ချနိုင်ခဲ့ပြီး ယခင်က မြန်မာနိုင်ငံတွင် ငှက်ဖျားရောဂါဖြစ်ပွားသူ ခြောက်သိန်းခန့်ရှိကြောင်း သိရသည်။

လာမည့် ၂၀၂၀ ပြည့်နှစ်တွင် ဖြစ်ပွားနှုန်း၏ ၈၅ ရာခိုင်နှုန်း၊ သေ ဆုံးမှုနှုန်း၏ ၉၅ ရာခိုင်နှုန်းအထိ လျှော့   ချနိုင်ရန် လုပ်ဆောင်သွားမည်ဖြစ် ပြီး ၂၀၃၀ ပြည့်နှစ်တွင် ငှက်ဖျားရောဂါ ကင်းစင်ပပျောက်ရေးကို ဦးတည်လုပ်ဆောင်သွားရန် ရှိကြောင်းနှင့် မြန်မာနိုင်ငံရှိ မြို့နယ်ပေါင်း ၃၀၀ ကျော်ကို  ငှက်ဖျားရောဂါ ကူးစက်မှု ရှိနိုင်သောနေရာများအဖြစ် သတ်မှတ်ထားကြောင်း အာရှ-ပစိဖိတ် ငှက်ဖျားရောဂါ ကင်းစင်ပပျောက်ရေး ကွန်ရက်က ပြုလုပ်သော ငှက်ဖျားရောဂါ ရက်သတ္တပတ် လှုပ်ရှားမှု အစည်းအဝေးမှ သိရသည်။

အာရှနှင့် ပစိဖိတ်ဒေသ အတွင်း ငှက်ဖျားရောဂါဖြစ်ပွားမှုသည် ၂၀၁၅ ခုနှစ်တွင် ၈၆ ရာခိုင်နှုန်းမှ ၂၀၁၆ ခုနှစ်တွင် ၄၇ ရာခိုင် နှုန်းအထိ ကျဆင်းသွားသည်ကို တွေ့ရှိရကြောင်း၊ မြန်မာနိုင်ငံအနေဖြင့် ၂၀၁၆ ခုနှစ်တွင် ငှက်ဖျားရောဂါ ဖြစ်ပွားမှုပေါင်း ၁၁၀၁၄၆ ခုနှင့်ငှက်ဖျား ရောဂါကြောင့် သေဆုံးမှုပေါင်း၂၁ မှု သာရှိခဲ့ကြောင်း၊ ၂၀၁၂ ခုနှစ် ကိန်းဂဏန်း အချက်အလက်များနှင့် နှိုင်းယှဉ်ပါက ငှက်ဖျားရောဂါ ဖြစ်ပွားမှုပေါင်း ၇၇ ရာခိုင်နှုန်းနှင့် ငှက်ဖျားရောဂါကြောင့်  သေဆုံးမှုပေါင်း ၉၁ ရာခိုင်နှုန်းအထိ လျှော့ချနိုင်ခဲ့ကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

ငှက်ဖျားရောဂါပိုး ကူးစက် ဖြစ်ပွားမှုသည် ကချင်ပြည်နယ်၊ ရခိုင်ပြည်နယ်နှင့် စစ်ကိုင်းတိုင်းဒေသကြီးတို့တွင် ဖြစ်ပွားမှု အများဆုံးဖြစ်ကြောင်း၊ ငှက်ဖျားရောဂါ လက္ခဏာများသည် ငှက်ဖျားရောဂါပိုးကိုဖြစ်စေသော ရောဂါပိုး အမျိုးအစားပေါ်တွင် မူတည်ကြောင်း၊ ရောဂါပိုးရှိသော ခြင်ကိုက်ပြီး ၁၀ ရက်မှ ၂၁ ရက်အတွင်း ဖြစ်တတ်ကြောင်းနှင့် ၎င်းရက်များထက်လည်း ပို၍ကြာနိုင်ကြောင်း သိရသည်။

မြန်မာနိုင်ငံတွင် ငှက်ဖျားရောဂါဖြစ်ပွားနှုန်း ကျဆင်းလာသော်လည်း ယင်း၏နောက်ဆက်တွဲ ဆေးယဉ်ပါး ငှက်ဖျားမှာမူ ဖြစ်ပွားမှုနှုန်း မြင့်တက်နေကြောင်း၊ ဆေးယဉ်ပါးငှက်ဖျားဖြစ်နှုန်း မြင့်မားနေခြင်းကြောင့် အာတီမီစနင်း ငှက်ဖျားဆေးယဉ်ပါးမှု ထိန်းချုပ်ရေး စီမံချက်နေရာများကို တိုးမြှင့်လုပ်ဆောင် လျက်ရှိကြောင်း သိရသည်။

ဆေးယဉ်ပါး ငှက်ဖျားတိုက်ဖျက်ရေး လုပ်ငန်းများ လုပ်ဆောင်ရာတွင် ဆေးယဉ်ပါး ငှက်ဖျားဖြစ်ပွားမှု စတင်တွေ့ရှိခဲ့သည့် တနင်္သာရီတိုင်းဒေသကြီး ကော့သောင်းမြို့ အပါအ၀င် မြို့နယ် ၁၀ မြို့နယ်၊ မွန်ပြည်နယ် အတွင်းရှိ မြို့နယ် ၁၀ မြို့ နယ်နှင့် ပဲခူးတိုင်းဒေသကြီး ရွှေကျင်မြို့ စုစုပေါင်း မြို့နယ် ၂၁ မြို့နယ်ကို အာတီမီစနင်း ငှက်ဖျားဆေးယဉ်ပါးမှု ထိန်းချုပ်ရေး စီမံချက်နေရာများအဖြစ် သတ်မှတ်ထားကြောင်း သိရသည်။

 

ယခုနှစ်အတွင်း ကရင်ပြည်နယ်နှင့် တနင်္သာရီတိုင်းဒေသကြီး အတွင်းရှိ ရွာကိုးရွာမှ အိမ်ခြေ တစ်ထောင်ခန့်အား ဆိုလာမီး ဖြန့်ဖြူးပေးနိုင်ရန် ဆောင်ရွက်နေ

သန့်ရှင်းသောစွမ်းအင် အကြောင်းနှင့် ပတ်သက်ပြီး မီဒီယာတွေ့ဆုံပွဲ ပြုလုပ်စဉ်

ယခုနှစ်အတွင်း ကရင်ပြည်နယ်နှင့် တနင်္သာရီတိုင်းဒေသကြီး အတွင်းရှိ ရွာကိုးရွာမှ အိမ်ခြေ တစ်ထောင်ခန့်အား ဆိုလာမီး ဖြန့်ဖြူးပေးနိုင်ရန် ဆောင်ရွက်နေကြောင်း WWF မှ စွမ်းအင်ဌာနမန်နေဂျာ ဦးရွှန်းစိုဦးက သြဂုတ် ၇ ရက်တွင် ရန်ကုန်မြို့ သံတမန်လမ်းရှိ WWF ရုံးတွင်ပြုလုပ်သည့် သန့်ရှင်းသော စွမ်းအင်အကြောင်းနှင့် ပတ်သက်ပြီး မီဒီယာတွေ့ဆုံပွဲတွင် ပြောကြားသည်။

“နှစ်မကုန်ခင်မှာ အိမ်ခြေတစ်ထောင် ဆိုလာနဲ့ မီးလင်းတော့မှာပါ။ ပြည်နယ်၊ တိုင်းဒေသကြီး အစိုးရက ဦးဆောင်မယ်ဆိုရင် ကျွန်တော်တို့ဘက်က အကူအညီ အလုံးအရင်းနဲ့ ပံ့ပိုးပေးနိုင်ဖို့ပေါ့။ တနင်္သာရီမှာ ရွာခြောက်ရွာ အိမ်ခြေ ၇၅၀ လောက်၊ ကရင်မှာက ရွာနှစ်ရွာ အိမ်ခြေ ၂၅၀ လောက်ဆိုလာနဲ့ မီးပေးနိုင်ဖို့ လုပ်နေတာပါ” ဟု WWF မှ စွမ်းအင်ဌာန မန်နေဂျာ ဦးရွှန်းစိုဦးက ပြောကြားသည်။

လျှပ်စစ်မီးသည် အမြဲတမ်းလိုအပ်နေကြောင်း၊ အစိုးရဘက်မှ ဦးဆောင်ပေးမည်ဆိုပါက ၀ိုင်းဝန်းကူညီမည် ဖြစ်ကြောင်း ဦးရွှန်းစိုဦးက ပြောကြားသည်။

“မြန်မာနိုင်ငံက ဖွံ့ဖြိုးတိုးတက်ဆဲနိုင်ငံလေ။ ဟိုဟာမလုပ်နဲ့ ဒီဟာမလုပ်နဲ့ ပြောမယ့်အစား လက်ရှိမှာတော့ အစိုးရအဖွဲ့အစည်းတွေရော လူမှုအဖွဲ့အစည်းတွေရော ပူးပေါင်းပြီးတော့ ၂၀၁၇ ခုနှစ်မှာဆို မြန်မာနိုင်ငံအတွက် စွမ်းအင်ဘယ်လို ထုတ်လုပ်လို့ရလဲ ဆိုတာကို Clean Energy ပေါ် မူတည်ပြီး report တစ်ခုထုတ်လိုက်တယ်။ အဲဒီကနေပြီး ဘာတွေဆင့်ပွား ဖြစ်လာလဲဆိုရင် အစိုးရနဲ့ပူးပေါင်းပြီး အစိုးရ၀န်ထမ်း ၂၂ ယောက်ကို ပြန်လည်ပြည့်ဖြိုးမြဲစွမ်းအင် ၀င်လာရင် ဘယ်လိုလုပ်ရမလဲ ဆိုတာကို နှစ်နှစ်ပရောဂျက်နဲ့ သင်ကြားပေးနေတယ်” ဟု ဦးရွှန်းစိုဦးက ပြောကြားသည်။

ထို့ပြင် မြန်မာနိုင်ငံတွင် ပြန်ပြည့်မြဲစွမ်းအင်အတွက် ဥရောပအဖွဲ့အစည်းများမှ ဒေါ်လာသန်းနှင့်ချီ ထောက်ပံ့ပေးမည့် ကိစ္စများ ရှိနေကြောင်း၊ လက်ရှိတွင် WWF နှင့် ဒိန်းမတ်၊ ဆွီဒင်အစိုးရ၊ ပုဂ္ဂလိက လုပ်ငန်းရှင်များ၊ နိုင်ငံတကာမှ ပညာရှင်များက နည်းပညာအကူအညီများ၊ ငွေကြေးအထောက်အပံ့များ ပေးနေကြောင်း ဦးရွှန်းစိုဦးက ပြောကြားသည်။

မြန်မာနိုင်ငံ၏ ရာခိုင်နှုန်း ၇၀ သည် လျှပ်စစ်မီးကို သုံးစွဲနိုင်ခြင်း မရှိသေးကြောင်း၊ နေရောင်ခြည်၊ လေနှင့် သဘာဝဓာတ်ငွေ့များ ရရှိနိုင်သည့် အချိန်တွင် ပြန်လည်ပြည့်ဖြိုး မြဲရင်းမြစ်များကို ထပ်တိုးအသုံးပြုပါက စွမ်းအင်ပြဿနာကို ဖြေရှင်းနိုင်သည့်အပြင် ၁၀၀ ရာခိုင်နှုန်း သန့်ရှင်းသော စွမ်းအင်အနာဂတ်ကို ဖော်ဆောင်နိုင်မည်ဖြစ်သည်။

သန့်ရှင်းသော စွမ်းအင်အကြောင်းနှင့် ပတ်သက်ပြီး မီဒီယာတွေ့ဆုံပွဲ ပြုလုပ်ရခြင်းမှာ မြန်မာနိုင်ငံအတွက် အသင့်တော်ဆုံးဖြစ်သည့် သန့်ရှင်းသောစွမ်းအင် အကြောင်းနှင့် ပတ်သက်ပြီး လုပ်ဆောင်ရန် လိုအပ်သည့် ကိစ္စရပ်များကို ပိုမိုပြည့်စုံစွာ နားလည်သဘော ပေါက်စေရန်အတွက် လုပ်ဆောင်ခဲ့ခြင်းဖြစ်ကြောင်း သိရသည်။

 

ထားဝယ်မြို့ အရှေ့ဘက်ရှိ MPC ကုမ္ပဏီ၏ ဟိန္ဒားသတ္တုမိုင်းတွင် တစ်လအတွင်း ဒုတိယအကြိမ် မြေပြိုကျမှုကြောင့် ဒေသခံတစ်ဦး သေဆုံး

ဟိန္ဒားသတ္တုမိုင်းလုပ်ကွက် B ၌ မြေပြိုကျမှုကို တွေ့ ရစဉ် (ဓာတ်ပုံ – စည်သူ)

တနင်္သာရီတိုင်းဒေသကြီး ထားဝယ်မြို့၏ အရှေ့ဘက် မိုင် ၃၀ ကျော်အကွာ ဟိန္ဒားရွာရှိ ထိုင်းနိုင်ငံသားပိုင် မြန်မာပွန်ပီပက်ကုမ္ပဏီ (Myanmar PongPiPat Co.,Ltd – MPC) က လုပ်ကိုင်နေသည့် ဟိန္ဒားခဲမဖြူနှင့် အဖြိုက်နက် သတ္တုမိုင်းတွင် တစ်လအတွင်း ဒုတိယအကြိမ်အဖြစ် ဇူလိုင် ၃၀ ရက် ညနေပိုင်းက မြေပြိုကျမှု ထပ်မံဖြစ်ပွားခဲ့ပြီး ဒေသခံတစ်ဦး မြေပိ၍ သေဆုံးခဲ့ကြောင်း သိရသည်။

မြေပြိုကျမှု ဖြစ်ပွားခဲ့သည့်နေရာမှာ ဟိန္ဒားသတ္တုမိုင်းလုပ်ကွက် ဆိုက် (B) တောင်ဘက်ရှိ ဒေသအခေါ် မရမ်းချိုင်လျှို အတွင်း၌ ဖြစ်ပြီး တစ်နိုင်တစ်ပိုင် လုပ်ကိုင်စားသောက်နေသည့် ဒေသခံများ ခဲယင်းနေစဉ် ပြိုကျမှု ဖြစ်ပွားခဲ့ခြင်းဖြစ်ကြောင်း၊ မြေပြိုကျမှုကြောင့် စွန့်ပစ်မြေစာပုံ လျှိုအတွင်း ခဲယင်းနေသည့်  မြောင်းပြိုကျေးရွာနေ ကိုဇော်မင်းဦး (၂၆ နှစ်) မှာ မြေပိ၍ သေဆုံးခဲ့ကြောင်း ဒေသခံများထံမှ သိရသည်။

“ဖြစ်တဲ့နေရာက ဒေသအခေါ်ဆိုရင် နံပါတ် ၂၊ ၃၊ ၄၊ ၅ လျှိုဆိုပြီး ဒေသအခေါ် နာမည်တွေရှိတာပေါ့နော်။ အရင်ကတည်းက ခဲရှာဖွေလုပ်ကိုင်စားသောက်နေတဲ့ ခဲထုတ်တဲ့ နယ်မြေတွေမှာ သူတို့ဒေသအခေါ်နဲ့ လျှိုလေးတွေ သတ်မှတ်ထားတာ။ အဲဒီလျှိုမှာ အရင်တစ်ပတ်က သေတာက နံပါတ် ၅ လျှိုမှာ။ အခုဖြစ်တာက နံပါတ် ၂ လျှိုမှာပါ။ ဟိန္ဒား မိုင်းကနေပြီး တူးထားတဲ့နေရာမှာ မလိုတဲ့ သတ္တုပါဝင်မှုနည်းတဲ့ မြေတွေကို အဲဒီလျှိုထဲကို ပစ်ချထားတယ်။ ပစ်ချထားတဲ့ မြေတွေက မိုးရွာရင် ဒေသခံတွေက အဲဒီလျှိုတွေမှာ ရှာစားကြတာပေါ့နော်။ အဲဒီနေ့မှာ မိုးက မနက်ပိုင်းရော ညနေပိုင်းပါ ရွာခဲ့တော့ အဲဒီမြေစာတွေက ရေနဲ့အလုံးအရင်း ဆင်းလာတဲ့အချိန် ညနေပိုင်း ၃ နာရီလောက်မှာ မြောင်းပြိုရွာက ကောင်လေး အဲဒီမှာ မြေဖုံးပြီး သေသွားတယ်။ အဲဒီနေရာက ဒီအတိုင်း စွန့်ပစ်တဲ့မြေတွေကို  စနစ်တကျခိုင်ခံ့ပြီး ကြံ့ခိုင်အောင် မလုပ်ထားဘူး ဆိုလို့ရှိရင်၊ ဒီလိုပဲ မိုးကြီးလာရင်၊ မိုးရွာလို့ရှိရင် ဒေသခံတွေကို ထပ်ပြီးထိခိုက်နိုင်တယ်။ အခုလည်း ဒီလထဲမှာကို နှစ်ယောက် ဖြစ်နေပြီပေါ့နော်။ ဖားကန့်လို ဖြစ်နေတာပေါ့ ကျွန်တော်တို့ဒေသမှာ။ တကယ်ဆိုရင် စွန့်ပစ်မြေစာ အဓိကဆိုးကျိုးတွေပေါ့” ဟု ဟိန္ဒားသတ္တုမိုင်းအနီးရှိ မြောင်းပြိုရွာမှ ဒေသခံဖြစ်သူ ဦးရဲအောင်က ပြောကြားသည်။

ထားဝယ်မြို့ရှိ စည်ပင်သာယာရေး နယ်နိမိတ်အတွင်း လမ်းများပေါ်၌ မြေကြီး၊ သဲ၊ ကျောက်နှင့် အမှိုက်များ သယ်ဆောင်ရာတွင် လမ်းမပေါ် ကျကျန်ခဲ့သည့် ယာဉ်များအား စည်ပင်သာယာဥပဒေဖြင့် စတင်အရေးယူမည်

ထားဝယ်မြို့အ၀င် လမ်းမကြီးအား တွေ့ရစဉ်

တနင်္သာရီတိုင်းဒေသကြီး၏မြို့တော် ထားဝယ်မြို့ရှိ စည်ပင်သာယာရေး နယ်နိမိတ်အတွင်း လမ်းများပေါ်၌ မြေကြီး၊ သဲ၊ ကျောက်နှင့် အမှိုက်များ သယ်ဆောင်ရာတွင် လမ်းမပေါ် ကျကျန်ခဲ့သည့် ယာဉ်များအား စည်ပင်သာယာဥပဒေဖြင့် စတင်အရေးယူ ဆောင်ရွက်သွားမည်ဖြစ်ကြောင်း သိရသည်။

ထားဝယ်မြို့ပေါ်ရှိ ၁၅ ရပ်ကွက်မှ လမ်းမများပေါ်တွင် မြေကြီး၊ သဲ၊ ကျောက်နှင့် အမှိုက်သယ်ယာဉ်များထံမှ စည်းကမ်းမဲ့ သယ်ယူမှုကြောင့် လမ်းပေါ်သို့ မြေကြီးများ၊ သဲ၊ ကျောက်နှင့် အမှိုက်များ ကျကျန်ခဲ့မှုများ ရှိနေသောကြောင့် ခေါ်ယူသတိပေးမှုများ ဆောင်ရွက်ခဲ့သော်လည်း ထပ်မံဖြစ်ပွားလာသည့်အတွက်  ယင်းလုပ်ငန်းရှင်များကို ဇူလိုင် ၁၃ ရက်က နောက်ဆုံးအကြိမ်အနေဖြင့် ခေါ်ယူအသိပေးခဲ့ပြီး ထပ်မံဖြစ်ပွားလာပါက စည်ပင်သာယာရေး ဥပဒေဖြင့် အရေးယူသွားမည်ဖြစ် ကြောင်း ထားဝယ်မြို့နယ် စည်ပင်သာယာရေး ကော်မတီ ဥက္ကဋ္ဌ ဦးလှဦးက ပြောကြားသည်။

“အရေးယူမယ့်ဟာ မလုပ်ခင် အသိပညာပေးတာပေါ့။ သူတို့လည်းသိတယ်။ တစ် ဖက်နိုင်ငံမှာ သဲ၊ ကျောက်ကားတွေဆိုရင် လမ်းတွေကောင်းတော့ လမ်းတွေ ပျက်စီးမှာစိုးလို့ ကျောက်စရစ်ခဲတစ်လုံးတောင် လမ်းပေါ်မကျ အောင်ဂရုစိုက်ကြတယ်။ ထားဝယ်မှာလည်း ပြောထားတာကြာပြီ။ ဥပဒေအသစ်ပြဋ္ဌာန်း ထားတာကလည်း ၂၀၁၇ ကတည်းက။ လုပ်ငန်းလိုင်စင် ပေးကတည်းက သူတို့ကိုမှာထားပြီးသား။ မလိုက်နာကြဘူး။ သိရဲ့သားနဲ့ ထပ် ပြီးဖြစ်လာတော့ လမ်းပေါ်မှာ ကျောက်စရစ် ကျလို့ လုပ်ငန်းကိုစုံစမ်းပြီး သတိပေးတာတွေ လုပ်ခဲ့ပြီးပြီ။ မြေကားတွေလည်း ဒီလိုပဲ။နွေ ရာသီမှာ သယ်ရင် ဖုန်ထလို့ မိုးရာသီမှာ သယ်ကြတော့ မိုးရာသီမှာ လမ်းတွေက ညစ်ပတ် ပြန်တယ်။ နေ့ဘက်မှာ လူတွေ ကျန်းမာရေးထိမှာ ရှေးရှုပြီး ညဘက်လူတွေ အိပ်တဲ့အချိန် မြို့ပြင်လမ်းကြောင်းရွေးပေးပြီး သယ်ခိုင်းတယ်။ ဒီလိုသယ်ခိုင်းရင်းနဲ့ မြေတွေကျလာတယ်။ အဲဒီအချိန်မှာ လမ်းက မကောင်းသေးတော့ လမ်းကောင်းလာတော့ အဖုံးဖုံးကြပါ။ အဖုံးဖုံးပေမယ့် မြေသယ်ကားကြီးတွေက အလယ်မှာပဲတင်တော့ ပြဿနာ သိပ်မရှိပေမယ့် ဘီးမှာညှပ်ပြီးပါလာတဲ့ မြေတွေကို ရေဆေးဖို့ပြောတယ်။ ရေဆေးဖို့ အဆင်မပြေရင် ခြစ်ချဖို့ပေါ့။ ကျွန်တော်တို့က လမ်းပေါ်မှာ ကျောက်စရစ်တွေ မြေတွေမကျရင်ရပြီ” ဟု ထားဝယ်မြို့နယ် စည်ပင်သာယာရေး ကော်မတီဥက္ကဋ္ဌ ဦးလှဦးက ပြောကြားသည်။

လက်ရှိတွင် မြေကြီး၊ သဲ၊ ကျောက်နှင့် အမှိုက်သိမ်းယာဉ် လုပ်ငန်းရှင်များ အားလုံးကို နောက်ဆုံးအနေဖြင့် ခေါ်ယူအသိပေးခြင်း ဖြစ်ပြီး နောက်ထပ်တွေ့ရှိပါက ဒဏ်ငွေရိုက် အပြစ်ပေးသွားမည့်အပြင် ဒဏ်ကြေးငွေမှာ တစ်ကြိမ်ထက်တကြိမ် ဆတိုးမြင့်တက်လာမည်ဖြစ်ကာ စည်ပင်သာယာရေး ဥပဒေအရ အရေးယူခြင်းကို မခံယူပါက တရားစွဲဆိုသွား မည်ဖြစ်ကြောင်း သိရသည်။ ထို့အပြင် အဓိကအားဖြင့် လမ်းပေါ်၌ မြေကြီး၊ သဲ၊ ကျောက်နှင့် အမှိုက်များ မကျစေရန် လိုအပ်ပြီး မြေသယ်ယာဉ်များ အနေဖြင့် အပေါ်မှ အဖုံးဖြင့်ဖုံးကာ သယ်ယူရန်ဖြစ်ကြောင်း၊ အမှိုက်သိမ်းယာဉ်များ လမ်းပေါ်တွင် အမှိုက်ကျကျန်ခဲ့ပါက ပုဂ္ဂလိကသာမက စည်ပင်သာယာရေးအဖွဲ့မှ အမှိုက်သိမ်းယာဉ်များကိုပါ အရေးယူသွားမည်ဖြစ်ပြီး ပြည်သူများအနေဖြင့် လမ်းမများပေါ်၌ မြေကြီး၊ သဲ၊ ကျောက်နှင့် အမှိုက်များ ကျကျန်ခဲ့သည်ကို တွေ့ရှိပါက မြို့နယ်စည်ပင်သာယာရေး ကော်မတီထံ ဖုန်းဆက်တိုင်ကြား နိုင်သည်ဟု ဦးလှဦးက ဆက်လက်ပြောကြားသည်။

အများပြည်သူပိုင် လမ်းမများပေါ်၌ မြေကြီး၊ သဲ၊ ကျောက်နှင့် အမှိုက်များ စသည်တို့ ကျကျန်ခဲ့ပါက တနင်္သာရီတိုင်းဒေသကြီး လွှတ်တော်က အတည်ပြု ပြဋ္ဌာန်းထားသည့် ၂၀၁၇ ခုနှစ် တိုင်းဒေသကြီး စည်ပင်သာယာရေး ဥပဒေ အခန်း ၁၉၊ ပုဒ်မ ၇၀ ပါ ပြဋ္ဌာန်းချက်များအရ ပြစ်မှုကျူးလွန်ကြောင်း ထင်ရှားပါက အနိမ့်ဆုံးငွေဒဏ် ကျပ်သုံးသောင်းမှ ကျပ်သုံးသိန်းအထိ ချမှတ်နိုင်ကြောင်း သိရသည်။ ထားဝယ်မြို့ပေါ်ရှိ လမ်းများနှင့် မြို့အ၀င်အထွက် လမ်းမများမှာ AC နိုင်လွန်ကတ္တရာနှင့် ကွန်ကရစ်လမ်းများဖြစ်ပြီး မြေကြီး၊ သဲ၊ ကျောက်ယာဉ်အချို့၏ စည်ကမ်းမဲ့ သယ်ယူမှုကြောင့် လမ်းပိုင်းအချို့ ပျက်စီးမှု ရှိနေသည့်အပြင် အရှိန်ပြင်းစွာ မောင်းနှင်မှုများကြောင့် ယာဉ်မတော်တဆ မှုများလည်း ဖြစ်ပွားခဲ့ဖူးကြောင်း သိရသည်။

 

ပုလောမြို့နယ်ရှိ Myanmar Thai Rubber Joint Cooperation ၏ ရော်ဘာစက်ရုံမှ ထွက်ရှိသော အနံ့ဆိုးဒဏ်ကို ဒေသခံများ ဆိုးရွားစွာ ခံစားနေရပြီး ကျန်းမာရေး စိုးရိမ်စရာဖြစ်နေ

တနင်္သာရီတိုင်းဒေသကြီး မြိတ်ခရိုင် ပုလောမြို့နယ်ရှိ Myanmar Thai Rubber Joint Cooperation ၏ ရော်ဘာစက်ရုံမှ ထွက်ရှိလာသော အနံ့ဆိုးဒဏ်ကို ဒေသခံများ ဆိုးရွားစွာ ခံစားနေရပြီး ကျန်းမာရေးအတွက် စိုးရိမ်နေရကြောင်း သိရသည်။

ဇွန် ၁၄ ရက်မှ စတင်ကျင်းပသည့် ဒုတိယအကြိမ် တနင်္သာရီတိုင်းဒေသကြီး လွှတ်တော် န၀မပုံမှန် အစည်းအဝေး တတိယမြောက်နေ့တွင် ပုလောမဲ ဆန္ဒနယ်အမှတ် (၁) မှ တိုင်းဒေသကြီး လွှတ်တော် ကိုယ်စားလှယ် ဦးကျော်မင်း (ခ) ဦးဖိုးမင်းက ပုလောမြို့နယ် ကြဲကျေးရွာအုပ်စု ဘုတ်ချောင်းကျေးရွာရှိ  Myanmar Thai Rubber Joint Cooperation ရော်ဘာအစေးခံ ကုမ္ပဏီအား မြေယာအခြားနည်း အသုံးပြုခွင့်နှင့် လုပ်ငန်းလုပ်ဆောင်ရန် တရားဝင်ခွင့်ပြုထားခြင်း ရှိ မရှိနှင့် ဆိုးရွားလှသည့် ရော်ဘာ အနံ့ဆိုး ထွက်မှုကို တားဆီးကာကွယ်ရန် အစီအစဉ် ရှိ မရှိ သိလိုကြောင်း မေးမြန်းခဲ့ကြောင်း၊ Myanmar Thai Rubber Joint Cooperation ရော်ဘာအစေးဝယ် အစေးခဲ ကုမ္ပဏီကို ၂၀၁၅ ခုနှစ်မှ စတင်အကောင်အထည်ဖော်ပြီး ကုမ္ပဏီမှာ ပုလော-သမုတ်ကား လမ်းဟောင်း၏ နံဘေးတွင်ရှိကာ ကုမ္ပဏီ၏ အရှေ့ဘက်မျက်နှာစာ ကားလမ်းတစ်ဖက်တွင် ဘုတ်ချောင်း အခြေခံပညာ မူလတန်းကျောင်း၊ တောင်ဘက်နှင့် အနောက်ဘက်တွင် အိမ်ခြေ ၁၀၀ ခန့်နှင့် လူဦးရေ ၄၀၀ ခန့်ရှိ ဘုတ်ချောင်း ကျေးရွာတည်ရှိကြောင်း၊ စက်ရုံမှထွက်ရှိလာသည့် အနံ့ဆိုးများမှာ ပတ်ဝန်းကျင် တစ်ခုလုံး မခံနိုင်အောင် ဆိုးရွားနေပြီး အနီးရှိ စာသင်ကျောင်းနှင့် ရွာအတွင်း နေထိုင်သူများ အနံ့ဆိုးဒဏ်ကို ခံစားနေရကာ ကုမ္ပဏီရှိ အလုပ်သမားများလည်း အနံ့ဆိုးဒဏ်ကြောင့် ကျန်းမာရေး ထိခိုက်ကာ ဆေးကုသမှုများ ခံယူနေရကြောင်း လွှတ်တော်၌ မေးခွန်းမေးမြန်းရာတွင် ပြောကြားသည်။

“၎င်းရော်ဘာစေး အရည်ဝယ်အစေးခဲတဲ့ စက်ရုံက ထွက်လာတဲ့ အနံ့ဆိုးဟာ ပတ်ဝန်းကျင် တစ်ခုလုံး မခံရပ်နိုင်အောင် ဆိုးရွားလှပါတယ်။ ကုမ္ပဏီအနေဖြင့် အနံ့ဆိုးကာကွယ်ရန် ကြိုးစားလုပ်ဆောင် နေတယ်လို့တော့ ပြောပါတယ်။ ဒါပေမဲ့ အနောက်မြောက်လေ တိုက်လာတဲ့ အခါဆိုရင် စာသင်ကျောင်းနှင့် အရှေ့လေတိုက်တဲ့ အခါမျိုးမှာ ရွာထဲရှိ ပြည်သူများ မနေနိုင်လောက်အောင် အနံ့ဆိုးဒဏ်ကို ခံစားနေကြရပါတယ်။ မနှစ်တုန်းကဆိုလျှင် အ.မ.က ဘုတ်ချောင်းရှိ ဆရာမများနဲ့ ကျောင်းသား ကျောင်းသူများ အော့အန်မူးလဲတဲ့အထိ ဖြစ်ကြရပါတယ်။ စက်ရုံရဲ့ အနောက်ဘက် မျက်နှာစာမှာ စုပုံထားတဲ့ ရော်ဘာချေးများကို သိမ်းကျုံးလဲလှယ်တဲ့ အချိန်များမှာ သော်လည်းကောင်း၊ ၎င်းစွန့်ပစ်ရေဆိုး စုဆောင်းတဲ့ ကန်များအတွင်းရှိ ရေများကို ဒလက်ပန်ကာများဖြင့်လည်ပြီး အနံ့ထုတ်တဲ့ အခါများမှာဆိုလျှင် တစ်ရွာလုံး မနေနိုင်လောက်အောင် ခံစားနေကြရပါတယ်” ဟု ပုလောမဲဆန္ဒနယ် အမှတ် (၁) မှ တိုင်းဒေသကြီး လွှတ်တော်ကိုယ်စားလှယ် ဦးကျော်မင်း (ခ) ဦးဖိုးမင်းက ပြောကြားသည်။

၎င်း၏ မေးမြန်းမှုကို တိုင်းဒေသကြီး အစိုးရအဖွဲ့ သယံဇာတနှင့် ပတ်ဝန်းကျင် ထိန်းသိမ်းရေးဝန်ကြီး ဦးမြင့်မောင်က ပြန်လည်ဖြေကြားရာတွင် Myanmar Thai Rubber Joint Cooperation ၏ စိုက်ပျိုးမြေ ဧရိယာ ၇၈၆ ဒသမ ၅၈ ဧကမှာ ဗင်းတေ့ခ်ျကုမ္ပဏီမှ ဦးစိုင်းသန်းအောင် အမည်ဖြင့် မြေလွတ်မြေလပ်နှင့် မြေရိုင်းများ စီမံခန့်ခွဲရေး ဗဟိုကော်မတီထံမှ ၂၀၁၅ ခုနှစ်တွင် ၃၃၆ ဒသမ ၈၂ ဧက နှင့် ၂၀၀၃ ခုနှစ်တွင် ၄၄၉ ဒသမ ၇၆ ဧက စုစုပေါင်း ၇၈၆ ဒသမ ၅၈ ဧကအား ရာဘာစိုက်ပျိုး လုပ်ကိုင်ရန်အတွက် လုပ်ကိုင်ခွင့် ရရှိထားကြောင်း၊ ၂၃.၁၂.၂၀၁၅ ရက်တွင် ဗင်းတေ့ခ်ျကုမ္ပဏီမှ Myanmar Thai Rubber Joint Cooperation Ltd., ထံ လွှဲပြောင်းပေးအပ်ရာ ယနေ့အထိ  ရာဘာပင်များ စိုက်ပျိုးခြင်း၊ အစေးလှီးခြင်းများ လုပ်ကိုင်လျက်ရှိကာ ယင်းမြေဧရိယာ အနက်မှ ၈ ဒသမ ၅၀ ဧက ခန့်အား စက်ရုံမြေအဖြစ် အသုံးပြုထားလျက်ရှိပြီး လုပ်ကိုင်ခွင့်ရရှိသူမှာ ၂၀၁၂ ခုနှစ် မြေလွတ်မြေလပ်နှင့် မြေရိုင်းများ စီမံခန့်ခွဲရေး ဥပဒေနှင့်အညီ ဆောင်ရွက်ရန် လိုအပ်ပါကြောင်းနှင့် ပုဂ္ဂလိက စက်မှုလုပ်ငန်းဥပဒေ လုပ်ထုံးလုပ်နည်းများနှင့်အညီ ပုဂ္ဂလိကစက်ရုံ မှတ်ပုံတင်နိုင်ရေး လျှောက်ထား ဆောင်ရွက်လျက် ရှိသည်ကို သိရကြောင်း ပြန်လည်ဖြေကြားသည်။

ထို့ပြင် Myanmar Thai Rubber Joint Cooperation Ltd., အနေဖြင့် လုပ်ငန်းဆောင်ရွက်ရန် အမျိုးသား စီမံကိန်းနှင့် စီးပွားဖွံ့ဖြိုးတိုးတက်မှု ဦးစီးဌာနမှ မှတ်ပုံတင်လက်မှတ် (749) FE/2013-2014 အရ Myanmar Thai Rubber Joint Cooperation Ltd., အနေဖြင့် ကုမ္ပဏီလက်မှတ် ရရှိထားပြီး မြန်မာနိုင်ငံ ရင်းနှီးမြှုပ်နှံမှု ကော်မရှင်မှ ၈.၄.၂၀၁၈ ရက်စွဲဖြင့် ခွင့်ပြုမိန့်အမှတ် (၇၀၅/၂၀၁၄) ဖြင့် ရာဘာစိုက်ပျိုးခြင်း၊ ရာဘာအစေးခြစ်ခြင်း၊ Air Dried Sheet Concentrated Latex နှင့်အခြားတန်ဖိုးမြင့် ပစ္စည်းများ ထုတ်လုပ်ခြင်းအား နှစ် ၅၀ လုပ်ငန်းခွင့်ပြုမိန့်ရရှိပြီး ဖြစ်ကြောင်း၊ ဆိုးရွားလှသည့် ရာဘာအနံ့ဆိုးထွက်မှုကို တားဆီးကာကွယ်ရန် အစီအစဉ်နှင့် ပတ်သက်၍ Myanmar Thai Rubber Joint Cooperation Ltd., ရာဘာအစေး စက်ရုံသည် သဘာဝပတ်ဝန်းကျင် ထိခိုက်မှု မရှိစေရေးအတွက် ကနဦး ပတ်ဝန်းကျင်ဆန်းစစ်ခြင်း အစီရင်ခံစာ (IEE) နှင့်ပတ်ဝန်းကျင် စီမံခန့်ခွဲမှု အစီအစဉ် (EMP) ကို Green Myanmar Enviromental Service Co.,Ltd နှင့်ရေးဆွဲဆောင်ရွက်ပြီး သယံဇာတနှင့် ပတ်ဝန်းကျင် ထိန်းသိမ်းရေး ၀န်ကြီးဌာနသို့  တင်ပြထားဆဲဖြစ်ကြောင်း ၀န်ကြီးဦးမြင့်မောင်က ဆက်လက်ဖြေကြားသည်။

ဝန်ကြီးဦးမြင့်မောင်က စက်ရုံနှင့် ပတ်သက်၍ IEE နှင့် EMP ရေးဆွဲရာတွင် တွေ့ရှိချက်များနှင့် ကာကွယ်ရမည့် အပိုင်းများပါ အပြည့်အစုံပါပြီး ဖြစ်ကြောင်းနှင့် ယင်းအစီအစဉ်များအပေါ် လိုက်နာဆောင်ရွက်သွားမည် ဆိုပါက မြေပြင်၌ ဆိုးရွားလှသည့် ပတ်ဝန်းကျင်ထိခိုက်မှု ရှိနိုင်မည်မဟုတ်ကြောင်း၊ ၎င်းတို့အနေဖြင့် တွေ့ရှိချက်များ အပေါ်တွင်ထပ်မံ၍ မြေပြင်ကွင်းဆင်း စစ်ဆေးမှုများ ဆောင်ရွက်မည်ဖြစ်ပြီး ဥပဒေနှင့်မညီပါက အရေးယူ ဆောင်ရွက်မည်ဖြစ်ကြောင်း ပြန်လည် ဖြေကြားခဲ့သည်။