ကချင်ပြည်နယ် အစိုးရအဖွဲ့နှင့် ဒေသခံများ ပထမဆုံးအကြိမ် တွေ့ဆုံပြီး မြစ်ဆုံဆည်စီမံကိန်း အပါအ၀င် တရုတ်တစ်ရှူးငှက်ပျောနှင့် မူးယစ်ဆေးဝါး ကိစ္စများကို ဒေသခံများက တင်ပြ

ကချင်ပြည်နယ် ၀ိုင်းမော်မြို့နယ် အတွင်းရှိ တရုတ်တစ်ရှူး ငှက်ပျောခင်းများနှင့် စိုက်ပျိုးမည့်မြေနေရာ ပြင်ဆင်နေသည်ကို တွေ့ရစဉ်

ကချင်ပြည်နယ် အစိုးရအဖွဲ့ တာဝန်ရှိသူများနှင့် ဒေသခံများ ပထမဆုံးအကြိမ် တွေ့ဆုံမှုကို သြဂုတ် ၂၅ ရက်က ကချင်ပြည်နယ် မြစ်ကြီးနားမြို့ မြို့တော်ခန်းမတွင် ပြုလုပ်ခဲ့ကြောင်း သိရသည်။

ယင်းတွေ့ဆုံပွဲသို့ နိုင်ငံရေးပါတီမှ ခေါင်းဆောင်များ၊ လူမှုအဖွဲ့အစည်းခေါင်းဆောင်များ၊ ဌာနဆိုင်ရာများ၊ ရပ်မိရပ်ဖများ၊ ဘာသာရေး အသင်းအဖွဲ့ခေါင်းဆောင်များ လူဦးရေ တစ်ထောင်ဝန်းကျင် တက်ရောက်ခဲ့ကြောင်း သိရသည်။

ယင်းတွေ့ဆုံမှုတွင် ကချင်ပြည်နယ် ၀န်ကြီးချုပ်က အစိုးရ၏ ငါးနှစ်တာမူဝါဒများ၊ မျှော်မှန်းချက်များ၊ ရည်မှန်းချက်များ၊ လုပ်ဆောင်နေသည့် အခြေအနေများကို ပြည်သူထံ ချပြခဲ့သည်။

ဝန်ကြီးချုပ်က ငြိမ်းချမ်းရေး၊ လမ်းပန်းဆက်သွယ်ရေး၊ တောင်တန်းမြေပြန့် တစ်ပြေးညီဖွံ့ဖြိုးရေး၊ မြစ်ကြီးနား စီးပွားရေးဇုန်ကိစ္စ၊ တရုတ်တစ်ရှူးငှက်ပျောကိစ္စ၊ လယ်ယာမြေပြဿနာများ ဖြေရှင်းရေးကိစ္စ၊ နယ်စပ်ရေးရာ ကုန်သွယ်ရေးကိစ္စများ၊ တရားဥပဒေစိုးမိုးရေး ကိစ္စရပ်များကို တင်ပြခဲ့ပြီး ပြည်သူအားလုံး တတ်နိုင်သည့်ဘက်မှ ပါဝင်ကူညီကြရန် တိုက်တွန်းခဲ့ကြောင်း သိရသည်။

တက်ရောက်လာသူများက စည်ပင်သာယာကိစ္စ၊ လမ်းတံတားကိစ္စရပ်များ၊ ဘာသာရေးကျောင်း အငြင်းပွားမှုကိစ္စ၊ တရုတ်တစ်ရှူးငှက်ပျောကိစ္စ၊ မြေယာကိစ္စရပ်များ၊ မြစ်ဆုံဆည်စီမံကိန်းကိစ္စ၊ မူးယစ်ဆေးဝါး ကိစ္စရပ်များ၊ ဌာနအချို့တွင် ပြည်သူလူထုနှင့် အဆင်မပြေဖြစ်နေသည့် ကိစ္စရပ်များကို တင်ပြဆွေးနွေး ခဲ့ကြသည်။

ကချင်ပြည်နယ်ဝန်ကြီးချုပ် ဒေါက်တာခက်အောင်က “ကျွန်တော်က လူထုနဲ့တွေ့ဖို့ ၂၀၁၆ ခုနှစ် စက်တင်ဘာ ၃၀ မှာ တွေ့ဖို့စီစဉ်ပါတယ်။ အနီးကပ်ပြီး နေပြည်တော်သွားဖို့ရှိလို့ အစီအစဉ် ပျက်သွားတယ်။ လွန်ခဲ့တဲ့ ဧပြီလက သင်္ကြန်ကာလနောက်ပိုင်း တွေ့ဖို့လုပ်ပြန်တော့ တိုက်ပွဲတွေ ဖြစ်ပြန်တယ်။ အခုမှ တွေ့ရတဲ့အတွက် တောင်းပန်ပါတယ်။ ကျွန်တော်တို့ တာဝန်ထမ်းဆောင်တာ နှစ်နှစ်နဲ့ ငါးလရှိပါတယ်။ ငါးနှစ်တာကာလမှာ အစိုးရဘက်က အကောင်အထည်ဖော်ဖို့ အစီအစဉ်ဆွဲထားတာ ရှိပါတယ်။ ကျွန်တော်တို့ မျှော်မှန်းချက်က အားလုံး ငြိမ်းချမ်းသာယာတဲ့၊ မူးယစ်ကင်းစင်တဲ့ ပြည်နယ်ကြီးကို ထူထောင်ဖို့ပါ။ ရည်မှန်းချက်အနေနဲ့က လမ်းပန်းဆက်သွယ်ရေး ပိုကောင်းမွန်ရေး၊ မြို့၊ ကျေးရွာများ လျှပ်စစ်မီးရရှိရေး၊ မူးယစ်ဆေးဝါး ပပျောက်ရေး၊ တိုင်းရင်းသားများ အချင်းချင်း ချစ်ကြည်ရင်းနှီးစွာ ပိုမိုခိုင်မြဲရေး၊ လုံခြုံရေးနှင့် တရားဥပဒေစိုးမိုးရေး၊ ပြည်နယ်သူ ပြည်နယ်သားများ စီးပွားဘ၀ ဖွံ့ဖြိုးတိုးတက်ရေး၊ ဌာနဆိုင်ရာဝန်ထမ်းများ အနေဖြင့် ပြည်သူကို အလုပ်အကျွေး ပြုရာတွင် အကောင်းဆုံး ၀န်ဆောင်မှုပေးရေး၊ အဂတိတရား ကင်းရှင်းစွာ ကူညီပေးရေးတွေက ရည်ရွယ်ချက် ဖြစ်ပါတယ်” ဟု ပြောကြားသည်။

တရုတ်တစ်ရှူးငှက်ပျောစိုက် ကုမ္ပဏီများသည် လက်ရှိတွင် မြန်မာနိုင်ငံသား အလုပ်သမားများကို အပင်လိုက် ထိန်းသိမ်းစောင့်ရှောက်ခိုင်းပြီး အရည်အသွေးမီသည့် ငှက်ပျောသီးများကို တစ်ကျင် (၃၃ ကျပ်သားခန့်) ကို တရုတ်ယွမ်ငွေ သုံးယွမ်နှုန်းဖြင့် ၀ယ်ယူဖြေရှင်းနေကြောင်း သိရသည်။ ကျင်စားလုပ်သားတစ်ဦးက “ကျင်စားဆိုတာကတော့ အပင် ငါးထောင်၊ တစ်သောင်း ကိုယ်နိုင်သလောက်ယူပေါ့။ ဧကနဲ့ ပြောရင် ငါးဧက အထက်ပေါ့။ ထွက်လာတဲ့ ငှက်ပျောက ကိုယ့်ငှက်ပျောပဲ။ အလုပ်သမားခ၊ ပိုးသတ်ဆေး၊ ငှက်ပျောနဲ့ ပတ်သက်တာတွေကို ကိုယ်ကခံရတယ်။ ငှက်ပျောထွက်လာရင် အပြင်မှာ ဘယ်ဈေးပေါက်ပေါက် ကျွန်တော်တို့က တစ်ကျင်သုံးယွမ်ပဲရတယ်။ မအောင်ရင် ကိုယ်က လုပ်အားရှုံး၊ အချိန်ရှုံး၊ အပင်တစ်သောင်းလောက် အောင်ရင် သိန်း ၇၀ လောက်အထိ ကျန်တတ်တယ်။ ငှက်ပျောက ဂရုအရမ်း စိုက်ရတယ်။ လက်သည်း ခြစ်ရာတောင်ရှိရင် မယူဘူး။ ကြီးလွန်းရင်၊ ငယ်လွန်းရင်၊ ပုရင် ပယ်ပစ်လိုက်တာ။ ဈေးကွက်ပို့မယ့် ငှက်ပျောက ဘာမှထိခိုက်လို့ရတာမဟုတ်။ တရုတ်လုပ်ကွက်တွေမှာ မြန်မာနိုင်ငံသား အားလုံးက ဒီအတိုင်း လုပ်စားနေကြတာပေါ့။ တရုတ်က ရှုံးရင်နည်းတယ်။ မြတ်ရင်များတယ်။ ကျွန်တော်တို့က ရှုံးရင် လုပ်အားခ မရဘူး။ ရာသီမှန်ရင် ရှုံးခဲပါတယ်” ဟု ပြောကြားသည်။

ကချင်ပြည်နယ်တွင် အစိုးရအဖွဲ့က ၂၀၁၇ ခုနှစ် မေလက ကောက်ယူထားသော စာရင်းများအရ ကချင်ပြည်နယ်တွင် တရုတ်တစ်ရှူးငှက်ပျော စိုက်ဧက လေးသောင်းကျော်ရှိကြောင်း သိရပြီး ကချင်ပြည်နယ် စိုက်ပျိုး၊ မွေးမြူရေးနှင့် ဆည်မြောင်းဝန်ကြီးဌာန၏ စာရင်းများအရ ခွင့်ပြုချက်ရပြီးသော မြေလွတ်၊ မြေရိုင်းတွင် ဧက ၄၉၆၀၊ ခွင့်ပြုချက် မရသေးသော မြေလွတ်မြေရိုင်းတွင် ၆၁၆၇ ဧက၊ ပုံစံ (၇) ရပြီး မြေတွင် ၃၁၆၇ ဧက၊ ပုံစံ (၇) မရရှိသေးသည့်မြေတွင် ၉၃၄၈ ဧက၊ သစ်တောမြေတွင် ၄၂၀၅ ဧက ရှိနေကြောင်း သိရသည်။

 

တစ်သျှူးငှက်ပျော စိုက်ခင်းများအား ဒေသအာဏာပိုင်များက ခွင့်ပြုထားသောဧက ၆၃၈၄ ရှိပြီး ခွင့်ပြုမိန့်မရရှိသေးသော မြေလွတ်၊ မြေလပ်နှင့် မြေရိုင်းများ ၄၃၉၆၁ ဧကခန့်တွင်လည်း လုပ်ကိုင်လျက်ရှိသည်ကို စိစစ်တွေ့ရှိရကြောင်း ဒုတိယ၀န်ကြီးဦးလှကျော် ပြောကြား

တစ်သျှူးငှက်ပျော စိုက်ခင်းများအား ဒေသအာဏာပိုင်များမှ ခွင့်ပြုထားသော ၆၃၈၄ ဧကရှိပြီး ခွင့်ပြုမိန့် မရရှိသေးသော မြေလွတ်၊ မြေလပ်နှင့် မြေရိုင်းများ ၄၃၉၆၁ ဧကခန့်တွင် လုပ်ကိုင်လျက်ရှိသည်ကို စိစစ်တွေ့ရှိရကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယ၀န်ကြီး ဦးလှကျော်က ပြောကြားသည်။

သြဂုတ် ၂၃ ရက်က ပြုလုပ်ခဲ့သည့် အမျိုးသားလွှတ်တော်အစည်းအဝေးတွင် ကချင်ပြည်နယ် မဲဆန္ဒနယ်အမှတ် (၁၂) မှ ဦးနိုင်ကိုကိုက ကချင်ပြည်နယ်လွှတ်တော်မှ ကွင်းဆင်းစစ်ဆေးခဲ့သည့် တရုတ်တစ်သျှူးငှက်ပျောပင် စိုက်ခင်းများနှင့်ပတ်သက်ပြီး နိုင်ငံတော် အစိုးရတွင်ရှိသည့် စာရင်းနှင့်မြေပြင်စာရင်းများ ကွဲလွဲနေပြီး အခွန်အခဘီလျံနှင့်ချီနစ်နာ နေခြင်း၊ လက်ရှိ စိုက်ပျိုးဧက ၄၀၀၀၀ ကျော်အနက် ခွင့်ပြုချက်မရသေးသည့် မြေများပေါ်တွင် စိုက်ပျိုးလုပ်ဆောင်နေခြင်းများကို သက်ဆိုင်ရာဝန်ကြီးဌာနအနေဖြင့် မည်သို့အရေး ယူဆောင်ရွက်မည်ကို သိရှိလိုကြောင်း မေးမြန်းခဲ့သည်။

ဒုတိယ၀န်ကြီးဦးလှကျော်က “ကချင်ပြည်နယ် မြစ်ကြီးနား၊ ၀ိုင်းမော်၊ ဗန်းမော်၊ ရွှေကူ၊ မံစီ၊ မိုးမောက်၊ ဒေ့ါဖုန်းယန်မြို့နယ်များမှာ တစ်သျှူးငှက်ပျောသီးနှံများကို စိုက်ပျိုးကြပြီး ယခင်ဗဟိုအဖွဲ့နဲ့ ဒေသအာဏာပိုင်တွေက ခွင့်ပြုထားတဲ့ မြေလွတ်၊ မြေလပ်၊ မြေရိုင်း ၆၃၈၄ ဧကရှိပါတယ်။ ခွင့်ပြုမိန့်မရသေးတဲ့ မြေလွတ်၊ မြေလပ်နဲ့ မြေရိုင်းတွေပေါ်မှာ ၁၉၆၈၉ ဧကခန့်၊ လယ်ယာမြေပေါ်မှာ ၁၇၅၂၂  ဧက၊ သစ်တောမြေတွေပေါ်မှာ ၆၃၆၅ ဧက၊ အခြားမြေတွေပေါ်မှာ ၃၈၅ ဧကဖြစ်လို့ စုစုပေါင်း ၅၀၃၄၅ ဧကခန့် စိုက်ပျိုးလုပ်ကိုင်လျက်ရှိတာကို စိစစ်သိရှိရပါတယ်” ဟု အမျိုးသားလွှတ်တော်တွင် ပြောကြားသည်။

တစ်သျှူးငှက်ပျောများကို ပြည်တွင်းကုမ္ပဏီများမှ နယ်စပ်ဂိတ်များမှတစ်ဆင့် တစ်ဖက်နိုင်ငံ တရုတ်ပြည်သို့ တင်ပို့ရာတွင် ကြိုတင်ဝင်ငွေခွန် နှစ်ရာခိုင်နှုန်းကို မြစ်ကြီးနားမြို့နယ် အခွန်ဦးစီးဌာနရုံးတို့မှ ကောက်ခံလျက်ရှိကြောင်း၊ တစ်သျှူးငှက်ပျောစိုက်ပျိုးမှုနှင့်ပတ်သက်ပြီး ကုမ္ပဏီ၊ အဖွဲ့အစည်း၊ လုပ်ငန်းရှင်များမှ ခွင့်ပြုချက်မရသေးသည့် မြေများပေါ်တွင် စိုက်ပျိုးနေမှုများကို ဥပဒေနှင့်အညီဖြစ်စေရေး ကချင်ပြည်နယ်အစိုးရ အဖွဲ့၏ ၂၀၁၈ ခုနှစ် ဇွန် ၇ ရက်တွင် ဖွဲ့စည်းထားသောအဖွဲ့မှ စိစစ်ဆောင်ရွက်လျက်ရှိကြောင်း ဦးလှကျော်က ပြောကြားသည်။

ပြည်ထဲရေးဝန်ကြီးဌာနနှင့် ပြည်နယ်အစိုးရတို့မှ ဖြေကြားချက်များအရ ကချင်ပြည်နယ် မြစ်ကြီးနားခရိုင်နှင့် ဗန်းမော်ခရိုင် အတွင်းတွင် တစ်သျှူးငှက်ပျော စိုက်ပျိုးထားရှိသည့် မြို့နယ်များရှိ လယ်ယာမြေများပေါ်တွင် စိုက်ပျိုးလုပ်ကိုင်နေသူများ၊ မြေလွတ်၊ မြေလပ်နှင့် မြေရိုင်းများ လုပ်ပိုင်ခွင့်၊ အသုံးပြုခွင့် ရရှိထားသည့် လုပ်ငန်းရှင်များ၊ လျှောက်ထားဆဲ လုပ်ငန်းရှင်များ၊ ကျူးကျော်လုပ်ကိုင်နေသော ဒေသခံတောင်သူလယ်သမားများ၊ တစ်သျှူးငှက်ပျော စိုက်ပျိုးလုပ်ကိုင်လျက်ရှိသည့် ကုမ္ပဏီ၊ အဖွဲ့အစည်းများကို ခေါ်ယူတွေ့ဆုံပြီး ငှက်ပျောစိုက်ဧကစာရင်းနှင့် မြေရာဇ၀င်များရယူကာ ယင်းမြေများအားဥပဒေနှင့် အညီဖြစ်စေရန် ကချင်ပြည်နယ် စိုက်ပျိုးမွေးမြူရေးနှင့်ဆည်မြောင်း ပြည်နယ်ဝန်ကြီး အပါအ၀င် ခုနစ်ဦးဖြင့် ဖွဲ့စည်းထားကြောင်း၊ အဖွဲ့အနေဖြင့် တစ်သျှူးငှက်ပျော စိုက်ခင်းရှိသည့် ဒေသအားလုံးသို့ ကွင်းဆင်းစိစစ်ရန်မှာ လုံခြုံရေးပိုင်းဆိုင်ရာ ကန့်သတ်ချက်ရှိသော နယ်မြေများ ပါရှိသည့်အတွက် အဆိုပါနယ်မြေများကို သတင်းစာရင်းကောက်ယူမှုလုပ်ငန်းဖြင့် ဆောင်ရွက်ရမည်ဖြစ်ကြောင်း ဦးလှကျော်က ပြောကြားသည်။

တရုတ်တစ်သျှူးငှက်ပျောပင်များ စိုက်ပျိုးမှုသည် ကုန်သွယ်လုပ်ငန်းခွန် ကင်းလွတ်ခွင့်ပေးထားသည့် ကုန်စည်အမျိုးအစားတွင် ပါဝင်သည့်အတွက် ကုန်သွယ်လုပ်ငန်းခွန် ကင်းလွတ်ခွင့်ရှိသော်လည်း ၀င်ငွေခွန်စည်းကြပ်ထိုက်သည့် စုစုပေါင်းဝင်ငွေရရှိမှုအပေါ်တွင် ၀င်ငွေခွန်ကောက်ခံလျက်ရှိကြောင်း၊ ကချင်ပြည်နယ်အစိုးရအဖွဲ့မှ ပြည်တွင်းကုမ္ပဏီများအပေါ် ကန်ပိုက်တီးနယ်စပ်ဂိတ်စခန်းနှင့် လွယ်ဂျယ်နယ်စပ်ဂိတ်စခန်းတို့မှတစ်ဆင့် တစ်သျှူးငှက်ပျောကားများ ဖြတ်သန်းသယ်ယူခွင့်ကို လုပ်ထုံးလုပ်နည်း၊ စည်းကမ်းချက်များနှင့်အညီ ခွင့်ပြုပေးလျက်ရှိကြောင်း ဦးလှကျော်က ပြောကြားသည်။

တစ်သျှူးငှက်ပျောကားများ ပြည်တွင်းကုမ္ပဏီများက နယ်စပ်ဂိတ်များမှတစ်ဆင့် တစ်ဖက်နိုင်ငံ တရုတ်ပြည်သို့ တင်ပို့ရာတွင် ကြိုတင်ဝင်ငွေခွန် နှစ်ရာခိုင်နှုန်းကို  ကောက်ခံလျက်ရှိရာတွင်၂၀၁၃-၂၀၁၄ ဘဏ္ဍာနှစ် မှ၂၀၁၇-၂၀၁၈ ဘဏ္ဍာနှစ်အထိ ကုမ္ပဏီစုစုပေါင်း ၂၈ ခုတို့မှ ကြိုတင်ဝင်ငွေခွန် ကျပ်သန်းပေါင်း ၃၇၀၄ ဒသမ ၂၈၂ သန်း ကောက်ခံရရှိခဲ့ကြောင်း သိရသည်။