ရွေးကောက်ပွဲအနိုင်ရရန် အခြေအနေကောင်းနေဟု ဇင်ဘာဘွေပြိုင်ဘက်များက အပြိုင်အဆိုင်ကြေညာ

ဇူလိုင် ၃၀ ရက်တွင် ဟာရာရီဆင်ခြေဖုံး၌ မဲရုံတစ်ရုံတွင် မဲများ ရေတွက်နေကြစဉ် (Photo – AFP)

ကာလရှည်ကြာ အာဏာရှင်သမ္မတ ရောဘတ်မူဂါဘီ ရာထူးမှ ဖယ်ရှားခံခဲ့ရပြီးနောက်ပိုင်း ပထမဆုံးကျင်းပသော ဇင်ဘာဘွေ ရွေးကောက်ပွဲ၌ မဲများအား ရေတွက်နေဆဲအချိန်တွင် ပြိုင်ဘက်သမ္မတလောင်းနှစ် ဦးစလုံးက ရွေးကောက်ပွဲအနိုင်ရရန် အခြေအနေကောင်းနေကြောင်း ဇူလိုင် ၃၁ ရက်တွင် အပြိုင်ကြေညာခဲ့ကြသည်။

သမ္မတအမ်မာဆန်အမ်နန်ဂါဂွါက ၎င်း၏ အာဏာရ ZANU-PF ပါတီသည် မဲရေတွက်မှုရလဒ်များအရ အလွန်အမင်း ကောင်းမွန်သော အချက်အလက်များရရှိနေကြောင်း ပြောကြားခဲ့ပြီး အတိုက်အခံခေါင်းဆောင် နယ်လ်ဆင်ချာမီဆာကလည်း ၎င်း၏ MDC ပါတီသည် အပြတ်အသတ်အနိုင်ရနေကြောင်း အပြိုင်ကြေညာခဲ့သည်။

ထိုသမိုင်းဝင်ရွေးကောက်ပွဲတွင် အပြိုင်အဆိုင်ဖြစ်သည့်ရလဒ်သို့ ဦးတည်သွားဖွယ်ရှိပြီး မဲမသမာမှုနှင့် မလျော်ကန်သော အပြုအမူများ ပြုလုပ်ခဲ့ကြကြောင်း နှစ်ဖက်စလုံးမှ စွပ်စွဲချက်များထွက်ပေါ်ပြီး ခါးသီးသော ယှဉ်ပြိုင်မှုသို့ ပြောင်းလဲသွားနိုင်ခြေလည်း မြင့်တက်နေသည်။

မြေပြင်ရှိ ၎င်းတို့၏ ကိုယ်စားလှယ်များထံမှရရှိသော အချက်အလက်များအရ အခြေအနေ အလွန်ကောင်းမွန်နေကြောင်း၊ ဖွဲ့စည်းပုံအခြေခံဥပဒေနှင့်အညီ တရားဝင် ရလဒ်များကို စိတ်ရှည်ရှည်ဖြင့် စောင့်ဆိုင်းနေကြောင်း မူဂါဘီ၏ လက်ရုံးဟောင်းတစ်ဦးဖြစ်သော အသက် ၇၅ နှစ်ရှိ အမ်နန်ဂါဂွါက Twitter တွင် ရေးသားခဲ့သည်။

မဲမသမာမှုများရှိနိုင်ကြောင်း စွပ်စွဲချက်များကို ရွေးကောက်ပွဲမဲဆွယ်မှုများအတွင်း အကြိမ်ကြိမ် သတိပေးခဲ့သည့် အသက် ၄၀ ရှိ ချာမီဆာက ၎င်း၏ MDC ပါတီသည် မဲရုံ ၁၀၀၀၀ ကျော်အနက် အများစုမှ ရလဒ်များ ကိုရရှိထားပြီး အပြတ်အသတ်အနိုင်ရနေကြောင်း၊ အစိုးရသစ်ဖွဲ့ရန် အသင့်ရှိနေကြောင်း ဇူလိုင် ၃၀ ရက်တွင် အထင်ကရ ရွေးကောက်ပွဲအပြီး၌ Twitter တွင် ရေးသားခဲ့သည်။

မူဂါဘီမပါဝင်သော ဇင်ဘာဘွေ၏ ပထမဆုံးရွေးကောက်ပွဲတွင် မဲလာပေးသူအရေအတွက် မြင့်မားခဲ့ပြီးနောက် ထိုနေ့ တစ်ညလုံး မဲရေတွက်မှုများ လုပ်ဆောင်ခဲ့သည်။ ၁၉၈၀ ပြည့်နှစ်တွင် ဗြိတိန်ကိုလိုနီ အုပ်ချုပ်မှုမှ လွတ်မြောက်ခဲ့ပြီးနောက် ဇင်ဘာဘွေကို ZANU-PF ပါတီက သံမဏိ လက်သီးဖြင့် တင်းတင်းကျပ်ကျပ် အုပ်ချုပ်ခဲ့ပြီး ယခုရွေးကောက်ပွဲတွင် အတိုက်အခံများသာ အောင်ပွဲခံပါက ZANU-PF အတွက် အလွန်အမင်း စိတ်အနှောင့်အယှက်ဖြစ်စရာ ဖြစ်လာမည်ဖြစ်သည်။

အမ်နန်ဂါဂွါအား ထောက်ခံသော စစ်ဗိုလ်ချုပ်များက MDC အနိုင်ရသည့်ရလဒ်ကို လက်ခံ၊ မခံသည် ရှင်းရှင်းလင်းလင်း မသိရသေးကြောင်း လေ့လာသူများက ပြောကြားခဲ့သည်။ ကိုယ်စားလှယ်လောင်းအရေအတွက် စံချိန်တင်များပြားခဲ့သည့် ထိုရွေးကောက်ပွဲများအား ကြီးကြပ်ရသည့် တာဝန်ရှိသူများက မဲရုံအများအပြားတွင် လူတန်းရှည်များ စောင့်ဆိုင်းခဲ့ကြပြီး မဲလာပေးသူ ပျမ်းမျှအရေအတွက်သည် ၇၅ ရာခိုင်နှုန်းဝန်းကျင်ရှိကြောင်း ခန့်မှန်းခဲ့သည်။

ခြုံငုံပြောရလျှင် မဲလာပေးသူအရေအတွက် အထူးသဖြင့် လူငယ်ထုအကြား အလွန်အမင်း မြင့်မားခဲ့ကြောင်း၊ အများစုသည် ပုံမှန်အားဖြင့် ငြိမ်းငြိမ်းချမ်းချမ်းနှင့် အလွန်ကောင်းမွန်သော အနေအထား၌ မဲပေးခဲ့ကြကြောင်း ဥရောပသမဂ္ဂ စောင့်ကြည့်ရေးအဖွဲ့ခေါင်းဆောင် အီမာဘရွတ်က ပြောကြားခဲ့သည်။

Ref ;AFP

မူဂါဘီခေတ်လွန် ဇင်ဘာဘွေ ပထမဆုံးရွေးကောက်ပွဲတွင် မဲမသမာမှုများပြုလုပ်နိုင်သည်ဟု စွပ်စွဲမှုများထွက်ပေါ်

ဇူလိုင် ၂၇ ရက်တွင် မြို့တော် ဟာရာရီ၌ ဇင်ဘာဘွေ အာဏာရပါတီ၏ မဲဆွယ်ပိုစတာတစ်ခုအား တွေ့ရစဉ်

ဇင်ဘာဘွေ အာဏာရှင်သမ္မတ ရောဘတ်မူဂါဘီ ရာထူးမှဖယ်ရှားခံခဲ့ရပြီးနောက်ပိုင်း ပထမဆုံးအကြိမ်အဖြစ် ဇူလိုင် ၃၀ ရက်တွင် ကျင်းပမည့်ရွေးကောက်ပွဲ၌ မဲမသမာမှုများ ရှိနိုင်ကြောင်း စွပ်စွဲမှုများ မြင့်တက်လာနေပြီး ရလဒ်မှာလည်း အငြင်းပွားဖွယ်ဖြစ်နိုင် ကြောင်း ခန့်မှန်းထားကြသည်။

အာဏာရ  ZANU-PF ပါတီမှ မူဂါဘီ၏မဟာမိတ်ဟောင်းဖြစ်သော သမ္မတအမ်မာဆန်အမ်နန်ဂါဂွါသည် အာဖရိကတောင်ပိုင်းရှိ ဇင်ဘာဘွေတွင် အထင်ကရ ထိုရွေးကောက်ပွဲ၌ အဓိကအတိုက်အခံ Movement for Democratic Change (MDC) ပါတီ ခေါင်းဆောင် နယ်ဆင်ချာမီဆာနှင့် ယှဉ်ပြိုင်ရမည်ဖြစ်သည်။ ပြီးခဲ့သောနှစ် နိုဝင်ဘာတွင် ဇင်ဘာဘွေစစ်ဗိုလ်ချုပ်များက အာဏာကို ထိန်းချုပ်ခဲ့ပြီးနောက် မူဂါဘီ၏ ၃၇ နှစ်ကြာ အာဏာချုပ်ကိုင်မှုအား အဆုံးသတ်ပစ်ခဲ့ပြီး ကမ္ဘာကို အံ့အားသင့်စေခဲ့သည်။

နိုင်ငံအား အသစ်ပြန်စမည်ဟု ကတိပြုထားသော အသက် ၇၅ နှစ်ရှိ အမ်နန်ဂါဂွါက စစ်ဘက်၏ လျှို့ဝှက်ထောက်ပံ့မှု၊ သစ္စာခံ အစိုးရမီဒီယာ၊ အစိုးရရင်းမြစ်များအား ထိန်းချုပ်ထားသော အာဏာရပါတီအား ရရှိထားမှုနှင့်အတူ လာမည့်ရွေးကောက်ပွဲတွင် အနိုင် ရရန် တစ်ပြေးနေသည်။ သို့သော် ၁၉၈၀ ပြည့်နှစ်တွင် ဗြိတိန်ကိုလိုနီလက်အောက်မှ လွတ်မြောက်ခဲ့ပြီးနောက်ပိုင်း နိုင်ငံကို အုပ်ချုပ်ခဲ့သည့် ZANU-PF ပါတီအား အပြောင်းအလဲပြုလုပ်ရန်အတွက် မဲပေးနိုင်သည့် လူငယ်ထု၏ အားကို ရရှိနိုင်မည်ဟု ရွေးကောက် ပွဲမဲဆွယ်မှုများတွင် အခြေအနေ အလွန်ကောင်းခဲ့သည့် အသက် ၄၀ ရှိ ချာမီဆာက မျှော်လင့်ထားသည်။

အမှားအယွင်းရှိသော ရွေးကောက်ပွဲစာရင်း၊ မဲစာရွက်များအား မသမာပြုလုပ်မှု၊ မဲဆန္ဒရှင်များ ခြိမ်းခြောက်ခံရမှု၊ ဇင်ဘာဘွေ ရွေးကောက်ပွဲကော်မရှင် (ZEC) ၏ ဘက်လိုက်မှု၊ အာဏာရပါတီက စားစရာများအား အခမဲ့ဝေပေးမှုစသည့် အချက်များကို MDC က ထောက်ပြခဲ့သည်။ သို့သော် ရွေးကောက်ပွဲမဲဆွယ်မှုမှာ ယခင်ရွေးကောက်ပွဲများနှင့် နှိုင်းယှဉ်ပါက ကန့်သတ်ခံရမှု အတော်အသင့် နည်းပါးခဲ့ပြီး ငြိမ်းငြိမ်းချမ်းချမ်းဖြစ်ခဲ့သည်။

မူဂါဘီလက်ထက် နိုင်ငံတကာတွင် ဖယ်ကြဉ်ခံထားရသော ဇင်ဘာဘွေနှင့် ပြန်လည် ဆက်ဆံနိုင်ရန် လုံလောက်သောအကြောင်းပြချက်တစ်ခု ပေးနိုင်မည့် ထိုရွေးကောက်ပွဲကို နိုင်ငံတကာက စောင့်မျှော်နေကြကြောင်း လူ့အခွင့်အရေးတက်ကြွ လှုပ်ရှားသည့်အဖွဲ့ South African Liaision Office မှ သုံးသပ်သူ ရှိုဝါးစ်မောဝိုဝါးက ပြောကြားခဲ့သည်။ ရွေးကောက်ပွဲနေ့အပြီးတွင် အကြမ်းဖက်မှု သို့မဟုတ် စစ်ဘက်၏၀င်ရောက်စွက်ဖက်မှုအန္တရာယ်သည် အမြင့်ဆုံးဖြစ်နိုင်ကြောင်း မော်ဝိုဝါးက ခန့်မှန်းခဲ့သည်။ စစ်ဘက်သည် အထူးသဖြင့် မကြာသေးမီက အာဏာသိမ်းမှုပုံစံ အာဏာထိန်းချုပ်မှု ပြုလုပ်ထားခြင်းကြောင့် အတိုက်အခံများ၏အောင်ပွဲအား စစ်ဘက်က လက်ခံ၊ မခံသည် စိုးရိမ်ပူပန်ရန် အကြောင်းရင်းတစ်ခုဖြစ်ကြောင်းလည်း ၎င်းက ထောက်ပြခဲ့သည်။

Afrobarometer က လူပေါင်း ၂၄၀၀ အား မေးမြန်းခဲ့သော မကြာသေးမီက စစ်တမ်းတစ်ခုအရ အမ်နန်ဂါဂွါသည် ထောက်ခံမဲ ရာခိုင်နှုန်း ၄၀၊ ချာမီဆာက မဲ ၃၇ ရာခိုင် နှုန်းရရှိခဲ့ပြီး ရာခိုင်နှုန်း ၂၀ သည် မဆုံးဖြတ်ရသေးဟု သိရသည်။ ဇူလိုင် ၃၀ ရက်တွင် ကျင်းပမည့် သမ္မတ၊ ပါလီမန်နှင့် ဒေသဆိုင်ရာ ရွေးကောက်ပွဲများ၏ရလဒ်များကို သြဂုတ် ၄ ရက်တွင် ထုတ်ပြန်မည်ဖြစ်သည်။