NLD အစိုးရလက်ထက်တွင် ငြိမ်းချမ်းစွာ စုဝေးခြင်းနှင့် စီတန်းလှည့်လည်ခြင်းဆိုင်ရာဥပဒေကိုပြင်ဆင်သည့် ဥပဒေကြမ်းအား ပယ်ဖျက်ပေးရန် လူအင်အား ၅၀၀ ခန့်ဖြင့် ဆန္ဒပြတောင်းဆို

ငြိမ်းချမ်းစွာ စုဝေးခြင်းနှင့် စီတန်းလှည့်လည်ခြင်းဆိုင်ရာဥပဒေကို ပြင်ဆင်သည့်ဥပဒေကြမ်းအား ပယ်ဖျက်ပေးရန် မတ် ၅ ရက်က ရန်ကုန်မြို့တွင် ဆန္ဒပြတောင်းဆိုနေကြစဉ် (ဓာတ်ပုံ-ပြည့်ဖြိုးအောင်)

NLD အစိုးရလက်ထက်တွင် ငြိမ်းချမ်းစွာ စုဝေးခြင်းနှင့် စီတန်းလှည့်လည်ခြင်းဆိုင်ရာ ဥပဒေကိုပြင်ဆင်သည့် ဥပဒေကြမ်းအား ပယ်ဖျက်ပေးရန် လူအင်အား ၅၀၀ ခန့်ဖြင့် ဆန္ဒပြတောင်းဆိုခဲ့ကြောင်း သိရသည်။

ဆန္ဒပြပွဲကို မတ် ၅ ရက် မွန်းလွဲ ၁ နာရီက ပြုလုပ်ခဲ့ပြီး ရန်ကုန်မြို့ သခင်မြပန်းခြံမှ မဟာဗန္ဓုလပန်းခြံအထိ လမ်းလျှောက်ဆန္ဒထုတ်ဖော်ခဲ့ကာ ငြိမ်းစုစီ ဥပဒေကြမ်းနှင့်ပတ်သက်၍ ပန်းခြံနှစ်ခုတွင် ဟောပြောမှုများပြုလုပ်ခဲ့ပြီး ပြည်သူအများအပြား ပါဝင်ခဲ့ကြောင်း၊ ဆန္ဒပြ ပွဲကို ရန်ကုန်တိုင်းဒေသကြီး လွှတ်တော်ကိုယ်စားလှယ်ဟောင်း  ဒေါက်တာညိုညိုသင်း အပါအ၀င် လယ်သမားအရေးလှုပ်ရှားသူ ဒေါ်စုစုနွေး ၊ အရပ်ဘက်အဖွဲ့အစည်းများမှ ဒေါ်နော်အုန်းလှ၊ ဦးဇော်ရမ်း စသူတို့အပါအ၀င် အခြားသော အရပ်ဘက်အဖွဲ့အစည်းများလည်း ပါဝင်ခဲ့ကြောင်း သိရသည်။

ရန်ကုန်တိုင်းဒေသကြီး လွှတ်တော်ကိုယ်စားလှယ်ဟောင်း ဒေါက်တာညိုညိုသင်းက “ငြိမ်းစုစီ ဥပဒေပြင်ဆင်ချက်ကို ကန့်ကွက်ရခြင်းအကြောင်းကတော့ ဒီဥပဒေမှာ ပြင်ဆင်ချက် သုံးချက်ရှိတာကိုတွေ့ရတယ်။ အဲဒီပြင်ဆင်ချက်သုံးချက်မှာ နှစ်ချက်ကတော့ နိုင်ငံရေးအရ မလိုလားတဲ့သူတွေကို လိုရင်လိုသလို ဖိနှိပ်နိုင်တဲ့စကားလုံးတွေဖြစ်တဲ့ နိုင်ငံတော် လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေးနဲ့ အများပြည်သူတို့ရဲ့ ကိုယ်ကျင့်တရား အကျိုးငှာဆိုတဲ့ေ၀၀ါးတဲ့ စကားလုံးတွေ၊ ယေဘုယျဆန်တဲ့စကားလုံးတွေကို ဥပဒေထဲ မှာပြဋ္ဌာန်းပြီးတော့ ထည့်ထားတာတွေ့ရပါတယ်။ ဒီဥပဒေသာ အတည်ဖြစ်သွားမယ်ဆိုရင် ကျွန်မတို့ကို အုပ်ချုပ်နေတဲ့ အာဏာပိုင်တွေကနေ လိုရင်လိုသလို ပြည်သူလူထုကို ဖိနှိပ်ပြီးတော့ တရားစွဲဆိုနိုင်ပါတယ်။ ကျွန်မတို့ ဒီမိုကရေစီနိုင်ငံကို သွားနေတဲ့နေရာမှာ ကျွန်မတိုရဲ့ ဒီမိုကရေစီအခွင့်အရေးတွေကို ချိုးဖောက်နေတဲ့ အာဏာပိုင်တွေကို ပြည်သူလူထုကို လိုရင်လိုသလိုဖိနှိပ်နိုင်တဲ့ ဥပဒေကြမ်းကို ကန့်ကွက်ရခြင်းဖြစ်ပါတယ်။ ဒီနေ့ ဒီနေရာမှာ အားလုံးစုဝေးရောက်ရှိလာပြီးတော့ အားလုံးက အဖိနှိပ်မခံချင်ကြဘူး။ လွတ် မြောက်ချင်ကြတယ်။ တစ်သွေးတည်း တစ်သားတည်း ပြကြတဲ့အတွက်ကြောင့် စုရုံးရောက်ရှိလာတဲ့ပြည်သူတွေကို အများကြီး ကျေးဇူးတင်ပါတယ်။ ကျွန်မတို့ လှုပ်ရှားမှုကို ဆက်လက်ပြီးတော့ လွှတ်တော်အထိရောက်အောင် အစိုးရကသိအောင်၊ အများပြည်သူက သိရှိအောင် ကျွန်မတို့ဆက်ပြီးတော့ ကြိုးစားသွားမှာဖြစ်ပါတယ်” ဟု  ပြောကြားသည်။

ဆန္ဒပြပွဲတွင် ပါဝင်သူများသည် သခင်မြပန်းခြံမှ မဟာဗန္ဓုလပန်းခြံသို့ ငြိမ်းချမ်းစွာ လမ်းလျှောက်ချီတက်ခဲ့ပြီး အလုံ၊ လသာ၊ လမ်း မတော်၊ ပန်းဘဲတန်းနှင့် ကျောက်တံတားမြို့ နယ်တို့ကို ဖြတ်သန်းသွားခဲ့ပြီး ယင်းကဲ့သို့ပြုလုပ်ရန် သက်ဆိုင်ရာမြို့နယ် ရဲစခန်းများသို့ ကြိုတင်အသိပေး အကြောင်းကြားထားခဲ့ကြောင်း သိရသည်။

ဆန္ဒပြပွဲတွင် ပါဝင်ခဲ့သော ရွှေမင်းသား ဖောင်ဒေးရှင်မှ ဥက္ကဋ္ဌဦးမြတ်သူဝင်းက “တချို့ ဟာတွေက လိုသလိုချုံ့နိုင်ချဲ့နိုင် ပုံစံမျိုးဖြစ်နေတယ်။ အဲဒီတော့ ဒီလို ဘာမှ မလုပ်ရဲ မကိုင်ရဲအောင် အရပ်ဘက်အဖွဲ့အစည်းတွေကို ဒီလိုလုပ်တယ်ဆို အဆင်မပြေနိုင်ဘူးပေါ့နော်။

အရပ်ဘက်အဖွဲ့အစည်းတွေကို အားပေးရမှာ။ တချို့ဟာတွေက ကျွန်တော်တို့အတွက်ကို အရမ်းကို လုပ်ရကိုင်ရခက်၊ အရမ်းကို အကန့် အသတ်တွေ အရမ်းများသွားပြီလို့ ခံစားရတယ်။

အကန့်အသတ်တွေ အရမ်းများသွားတယ်။ ကျွန်တော်တို့ကို မလိုရင် မလိုသလို အချင်းချင်း ထိပ်တိုက်တွေ့ရမယ့် အနေအထားမျိုးတွေကြုံရမယ်။ ထုတ်ပြန်ချက်ထဲမှာ အဓိကသုံးချက်ကို ရေးထားတယ်။ ကျွန်တော်တို့ရဲ့အစိုးရပါ။ ပြည်သူ့အစိုးရပဲ။ တင်းကျပ် လိုက်တယ်လို့သုံးမလား။ ပြောင်းလဲကျင့်သုံးတယ်လို့သုံးမလားပေါ့နော်။ ပြုပြင်ပြောင်းလဲတဲ့ သဘောပေါ့။ အဲဒါကို ကျွန်တော်တုိ့ သိပ်အဆင်မပြေဘူးပေါ့။ တင်းကျပ်တယ်လို့ ခံစားရတယ်။ တချို့ကလည်း ဖိနှိပ်တယ်လို့ ခံစားရတယ်။ ဒါကိုလက်ခံတဲ့အပေါ်မှာ မူတည်တယ်ပေါ့။ ကျွန်တော်ကတော့ ပြောင်းလဲ သတ်မှတ်လိုက်တယ်လို့ ခံစားရတယ်။ ပြောင်းလဲသတ်မှတ်ချက်တွေက လက်တွေ့မြေပြင်နဲ့  တကယ်လုပ်နေတဲ့သူတွေနဲ့ ဘယ်လောက် ကိုက်ညီမှုရှိသလဲပေါ့နော်။ ဘာရည်ရွယ်ချက်လဲ။ ကျွန်တော်တို့ တကယ်ကို ငြိမ်းငြိမ်းချမ်းချမ်းနဲ့ တိုင်းပြည်ဖွံ့ဖြိုးတိုးတက်ရေး၊ တိုင်းပြည်ရဲ့ ဒီမိုကရေစီလမ်းကြောင်းပေါ် ငြိမ်းချမ်းစွာသွားနေတဲ့ အရပ်ဘက်အဖွဲ့အစည်းတွေရဲ့ အခန်းကဏ္ဍက ပိုပြီးတော့ လုပ်ရကိုင်ရ ခက်သွားတယ်လို့ ကျွန်တော်တို့ ခံစားလိုက်ရတယ်” ဟု ပြောကြားသည်။

ငြိမ်းချမ်းစွာ စုဝေးခြင်းနှင့် စီတန်းလှည့်လည်ခြင်းဆိုင်ရာဥပဒေကို ပြင်ဆင်သည့်ဥပဒေကြမ်းအား ပယ်ဖျက်ပေးရန် မတ် ၅ ရက်က ရန်ကုန်မြို့တွင် ဆန္ဒပြတောင်းဆိုနေကြစဉ် (ဓာတ်ပုံ-ပြည့်ဖြိုးအောင်)

ဆန္ဒပြသူများသည် လွတ်လပ်စွာထုတ် ဖော်ခွင့် လူထုဆန္ဒပြပွဲ၊ မတရားဥပဒေဆန့်ကျင်ရေး ဒို့အရေး၊ မတရားတဲ့ဥပဒေမှန်သမျှ တာဝန်အရ ဖီဆန်ကြ၊ ငြိမ်းစုစီပြင်ဆင်ချက် ဖျက်သိမ်းရေး၊ လွတ်လပ်စွာထုတ်ဖော်ခွင့် ကာကွယ်ရေး ဒို့အရေး စသည့် ဆိုင်းဘုတ်များ ကိုင်ဆောင်ဆန္ဒပြခဲ့ကြကြောင်း သိရသည်။

ထို့ပြင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြားထားသော “အဝေဖန်မခံနိုင်ရင် ပြည်သူတွေက ဥပဒေ ဘောင်အတွင်းက မိမိတို့သဘောထားတွေကို

ထုတ်ဖော်တာ ခွင့်မပြုချင်ရင် ဒီမိုကရေစီနိုင်ငံရေး လုပ်လို့ မဖြစ်ဘူး” ၊“နိုင်ငံရေးအရ မလိုလားသူတွေကို ဆင်ခြင်ပေးပြီး ဖမ်းနိုင်မယ့် ဥပဒေအားလုံးကို ပြင်ဆင်ဖို့ ကျွန်မတိုက်တွန်းပါတယ်” ဟု စာသားများပါဝင်သော ဆိုင်းဘုတ်များကိုလည်း ကိုင်ဆောင်ခဲ့ကြသည်။

ဒီမိုကရေစီအရေး လှုပ်ရှားသူ ဒေါ်နော်အုန်းလှက “ဒီမိုကရေစီ အနှစ်သာရတွေကိုလည်း အပြည့်အ၀ခံစားချင်လို့ ကျွန်မတို့ ဒါကို ပြုလုပ်ရခြင်းဖြစ်ပါတယ်။ ဒီမိုကရေစီကို ရိုက်ချိုးသလိုဖြစ်နေလို့ မကြိုက်လို့ ပါဝင်ရခြင်းဖြစ်ပါတယ်။ ကျွန်မတို့နိုင်ငံမှာ လူ့အခွင့်အရေး တွေနဲ့ပတ်သက်လို့ ဒီဥပဒေကိုထုတ်တာကို အင်မတန်ဝမ်းနည်းပါတယ်။ အခု ဒုတိယအကြိမ် လွှတ်တော်ကိုယ်စားလှယ်တွေက အခက်အခဲအကျပ်အတည်းကြားတွေထဲကသွားတဲ့ ကိုယ်စားလှယ်တွေ အများကြီးပါပါတယ်။ ဒီလိုမျိုးထုတ်တာကို ကျွန်မတို့လက်မခံ နိုင်ဘူးဆိုတာသိအောင် လုပ်ရခြင်းဖြစ်ပါတယ်။ ဒီတစ်နှစ်ထဲမှာ ဥပဒေအများကြီးကို ပြုလိုက်တယ်။ အများစုကိုကြည့်ခြင်းအားဖြင့် ကျွန်မတို့အတွက် အခွင့်အရေးနည်းပါးတဲ့ ဥပဒေတွေဖြစ်တာသိတဲ့အတွက် ဒီလိုမျိုး ပထမဆုံး ငြိမ်းစုစီဥပဒေကို အားလုံးပူးပေါင်း ဆောင်ရွက်ရတာဖြစ်ပါတယ်” ဟု ပြောကြားသည်။

အမျိုးသားလွှတ်တော်တွင် ဆွေးနွေးနေသော ငြိမ်းစုစီဥပဒေ ပြင်ဆင်ချက်မူကြမ်းနှင့် ပတ်သက်၍ နိုင်ငံရေးပါတီ ၂၁ ပါတီကလည်း  ဖေဖော်ဝါရီ ၂၁ ရက်တွင် ပူးတွဲသဘောထား ကြေညာချက် ထုတ်ပြန်ခဲ့ပြီး ဥပဒေပြင်ဆင်ချက်သည် ဖွဲ့စည်းပုံအခြေခံဥပဒေ အခန်း (၈)၊ နိုင်ငံသားများ၏ မူလအခွင့်အရေးနှင့် တာဝန်များပါ ပြဋ္ဌာန်းချက်အချို့ကို အကန့် အသတ်ဖြစ်စေရန်နှင့် နိုင်ငံသားများ၏ မူလအခွင့်အရေးလျော့ပါးစေရန် စီမံဖန်တီးမှုတစ်ခုဖြစ်ကာ အာဏာပိုင်များ၏ လုပ်ရပ်အလွဲ အမှားများအား မည်သို့မျှ ထောက်ပြဆန့်ကျင် ခြင်းမပြုနိုင်စေရန် ထိန်းချုပ်မှုအဖြစ် ရှုမြင်ကြောင်း ထုတ်ပြန်ချက်တွင် ဖော်ပြပါရှိသည်။

ငြိမ်းစုစီ ဥပဒေကြမ်းကို ဖေဖော်ဝါရီ ၁၉ ရက်က ကျင်းပသည့် ဒုတိယအကြိမ် အမျိုးသား လွှတ်တော်အစည်းအဝေးတွင် အမျိုးသားလွှတ်တော်ဥပဒေကြမ်းကော်မတီအတွင်းရေးမှူး ဒေါက်တာမြတ်ဥာဏစိုးက အဆိုတင်သွင်းခဲ့ပြီး အဆိုပါဥပဒေကြမ်းပုဒ်မ ၄၊ ပုဒ်မခွဲ (ဃ) ငြိမ်းချမ်းစွာစုဝေးခြင်း သို့မဟုတ် ငြိမ်းချမ်းစွာ စီတန်းလှည့်လည်ခြင်းပြုလုပ်မည့် အစီအစဉ်၊ ခန့်မှန်းလူဦးရေ၊ ခန့်မှန်းကုန်ကျစရိတ်နှင့် ကုန်ကျခံမည့်ပုဂ္ဂိုလ် သို့မဟုတ် အဖွဲ့အစည်းဟု ပြင်ဆင်ထားသည်။

ထို့ပြင် ဥပဒေကြမ်း၏ ပုဒ်မ ၄ ခြေဆင်းကို ငြိမ်းချမ်းစွာစုဝေးခြင်းနှင့် ငြိမ်းချမ်းစွာစီ တန်းလှည့်လည်ခြင်း အခွင့်အရေးတို့ကို သုံးစွဲဆောင်ရွက်လိုသော နိုင်ငံသားများ သို့မဟုတ် အဖွဲ့အစည်းများသည် နိုင်ငံတော်လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေး သို့မဟုတ် ပြည်သူတို့၏ ကိုယ်ကျင့်တရားအကျိုးငှာ ပြဋ္ဌာန်းထားသည့် ဥပဒေများ နှင့် မဆန့်ကျင်လျှင် မိမိသဘောထားဆန္ဒကို ဖော်ပြန်ရန်အလို့ငှာ အောက်ပါအချက်များ ပါရှိသော အသိပေးတင်ပြချက်ကို သက်ဆိုင်ရာ မြို့နယ်ရဲတပ်ဖွဲ့မှူးထံ ယင်းသို့ဆောင်ရွက် မည့်နေ့မတိုင်မီ အနည်းဆုံး ၄၈ နာရီ ကြိုတင်၍ အသိပေးတင်ပြချက်မိတ္တူကို ပေးပို့ရမည်ဟု အစားထိုး၍ ပြင်ဆင်ထားကြောင်း သိရသည်။

ထို့အတူ ဥပဒကြမ်း၏ အခန်း (၇) ပြစ်မှု နှင့် ပြစ်ဒဏ်များ ခေါင်းစဉ်၏အောက်တွင် ပုဒ်မ ၁၈ အဖြစ် မည်သူမဆို နိုင်ငံတော်လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေးနှင့် ပြည်သူတို့၏ ကိုယ်ကျင့်တရား အကျိုးတို့ကို ပျက်ပြားစေရန် အကြံဖြင့်ဖြစ်စေ၊ ထိုသို့ ပျက်ပြားတန်ရာသော အခြေအနေဖြစ် နိုင်ကြောင်းသိလျက်နှင့်ဖြစ်စေ ငွေ သို့မဟုတ်  ပစ္စည်းကိုသော်လည်းကောင်း၊ အခြားနည်းလမ်း တစ်ခုခုကိုသော်လည်းကောင်း သုံးစွဲ၍  သူတစ်ဦးဦးအား ငြိမ်းချမ်းစွာစုဝေးခြင်းနှင့်  ငြိမ်းချမ်းစွာ စီတန်းလှည့်လည်ခြင်းပြုအောင်  လှုံ့ဆော်ခြင်း၊ သွေးဆောင်ခြင်း၊ ဖြားယောင်းခြင်း သို့မဟုတ် တိုက်တွန်းခြင်းကို ပြုကြောင်း  ပြစ်မှုထင်ရှားစီရင်ခြင်းခံရလျှင် ထိုသူကို သုံးနှစ်ထက်မပိုသော ထောင်ဒဏ်ချမှတ်ရမည့်အပြင် ငွေဒဏ်လည်း ချမှတ်နိုင်သည်ဟု အစားထိုးပြင်ဆင်ထားသည်။

ဥပဒေကြမ်း၏ ပုဒ်မ ၂၃ ကို အောက်ပါအတိုင်း အစားထိုးရမည်။ ပုဒ်မ ၁၉၊ ၂၀၊ ၂၁၊ ၂၂ တို့ကို ရဲအရေးယူပိုင်ခွင့်ရှိသော ပြစ်မှု အဖြစ်သတ်မှတ်သည်။ ပုဒ်မ ၂၄ ကို အောက်ပါအတိုင်း အစားထိုးရမည်။ မည်သူမဆို ပုဒ်မ ၁၈ မှအပ ဤဥပဒေကို ပြစ်မှုတစ်ခုခုကို ဖောက်ဖျက်ကျူးလွန်ပါက ထိုသူကို ပြစ်မှုကျူးလွန်သည့်နေ့မှ ၁၅ ရက်အတွင်း သက်ဆိုင်ရာ တရားရုံးသို့ တရားစွဲဆိုတင်ပို့ရမည်ဟု ပြင်ဆင်ထားသည်။

လှိုင်သာယာစက်မှုဇုံရှိ PREMIER COFFEE စက်ရုံမှ အလုပ်သမားများ အလုပ်သမား အခွင့်အရေး စုပေါင်းတောင်းဆိုမှု၊ အငြင်းပွားမှုများနှင့် ပတ်သက်၍ သတင်းစာ ရှင်းလင်းပွဲ ပြုလုပ်

ဓါတ်ပုံ-ပြည့်ဖြိုးအောင်
လှိုင်သာယာစက်မှုဇုံရှိ PREMIER COFFEE စက်ရုံမှ အလုပ်သမားများသည် အလုပ်သမား အခွင့်အရေး စုပေါင်း​တောင်းဆိုမှု၊ အငြင်းပွားမှုများနှင့် ပတ်သက်၍ သတင်းစာ ရှင်းလင်းပွဲကို ဖေဖော်ဝါရီ ၂၁ ရက် မွန်းလွဲ ၂ နာရီတွင် အဆိုပါ စက်ရုံရှေ့၌ ပြုလုပ်ခဲ့ကြောင်း သိရသည်။
 
အဆိုပါ သတင်းစာရှင်းလင်းပွဲကို ပရီမီယာကော်ဖီ အခြေခံအလုပ်သမား အဖွဲ့အစည်းမှ ဥက္ကဋ္ဌ နှင့် အဖွဲ့ဝင်များက အလုပ်သမား အခွင့်အရေး တောင်းဆိုချက်များနှင့် ပတ်သက်၍ အလုပ်ရှင် ကိုယ်စားလှယ်များနှင့် ဆွေးနွေးခဲ့မှု၊ မပြေလည်မှုများကို ရှင်းလင်းပြောကြားခဲ့ပြီး တရားလွှတ်တော်ရှေ့နေ ဦးဌေးကလည်း အလုပ်သမားများ၏ စုပေါင်းတောင်းဆိုမှုများသည် တရားဥပဒေနှင့်ညီကြောင်း ဥပဒေပိုင်းအရ ရှင်းလင်းပြောကြားခဲ့သည်။
 
လှိုင်သာယာစက်မှုဇုံရှိ PREMIER COFFEE စက်ရုံမှ အလုပ်သမားများက အလုပ်သမား အခွင့်အရေး ရရှိရေးအတွက် ​ဖေဖော်ဝါရီ ၁၃ ရက် ​နံနက်​၆ နာရီမှ စတင်ကာ ယနေ့အထိ PREMIER COFFEE စက်ရုံရှေ့၌ စုပေါင်း​တောင်းဆိုမှု ပြုလုပ်လျက်ရှိကြောင်း သိရသည်။

ကျောင်းထုတ်ခံရသည့် ကျောင်းသားကျောင်းသူများ ကျောင်းပြန်တက်ခွင့်ရရေး စစ်ကိုင်းပညာရေးတက္ကသိုလ်မှ ကျောင်းသားကျောင်းသူများ ဆန္ဒပြတောင်းဆို

စစ်ကိုင်းပညာရေးတက္ကသိုလ် ကျောင်းသားများသမဂ္ဂမှ ကျောင်းထုတ်ခံရသည့် ကျောင်းသားကျောင်းသူများ ကျောင်းပြန်တက်ခွင့်ရရေး ဇန်န၀ါရီ ၃၀ ရက် နံနက် ၉ နာရီက ကျောင်းတွင်းလှည့်လည် ဆန္ဒပြနေစဉ်

စစ်ကိုင်းပညာရေးတက္ကသိုလ် ကျောင်းသားများသမဂ္ဂမှ ဦးဆောင်၍ စစ်ကိုင်းပညာရေးတက္ကသိုလ် ကျောင်းသားကျောင်းသူများအနက် ကျောင်းထုတ်ခံရသည့် ကျောင်းသား ကျောင်းသူများ ကျောင်းပြန်တက်ခွင့်ရရေး ဇန်န၀ါရီ ၃၀ ရက် နံနက် ၉ နာရီမှ စတင်ကာ ကျောင်းတွင်းလှည့်လည် ဆန္ဒပြ တောင်းဆိုခဲ့ကြကြောင်း သိရသည်။

“ကျောင်းထုတ်ခံရသူများ ကျောင်းပြန်တက်ခွင့်ရရှိရေး”၊ “Justice for Student” “ဒီမိုကရေစီ၏အနှစ်သာရ = လွတ်လပ်စွာဖော်ထုတ်ခွင့်” စသည့် စာသားများရေးသားပြီး တောင်းဆိုနေကြကြောင်း သိရသည်။

စစ်ကိုင်းပညာရေး တက္ကသိုလ် ဘွဲ့နှင်းသဘင်ခန်းမရှေ့မှစ၍ တောင်းဆိုခဲ့ကြပြီး ကျောင်းတွင်းလှည့်လည် ဆန္ဒပြတောင်းဆိုနေကြောင်း သိရသည်။

“အခုလို တောင်းဆိုရတဲ့ အကြောင်းရင်းဟာဆိုရင် ကျွန်တော်တို့ ကျောင်းသူကျောင်းသားတွေဟာ မတရားတဲ့ စည်းမျဉ်းစည်းကမ်းတွေကြောင့် ကျောင်းထုတ်ခံရပါတယ်။ သူတို့တွေ ကျောင်းပြန်တက်ခွင့်ရဖို့ တောင်းဆိုရခြင်း ဖြစ်ပါတယ်။ ကျွန်တော်တို့ကျောင်းသူ ကျောင်းသားတွေဟာ ပြည်သူလူထု အကျိုးယုတ်အောင်၊ ကျောင်းကို အကျိုးယုတ်အောင် လုပ်လို့၊ မကောင်းတာလုပ်လို့ ထုတ်လိုက်တယ်ဆိုရင် ဘာမှမပြောလိုပါဘူး။ နိုင်ငံအတွက် လိုအပ်တဲ့ ပညာရေးဘတ်ဂျက် တိုးမြှင့်တောင်းတာဟာ ဘယ်ဥပဒေမှ မချိုးဖောက်ပါဘူး။ ကျွန်တော်တို့ ကျောင်းသားတွေဟာ ၁၅ နှစ်လုံးလုံး ပညာရေးအတွက် ရင်းနှီးမြှုပ်နှံပြီး ပညာရေးတက္ကသိုလ်ကို တက်နေရတာပါ။ ဒီတက္ကသိုလ် တက်ပြီးရင်လည်း ဆရာဆရာမ လုပ်ကြမှာဖြစ်လို့ နိုင်ငံတော်ကို ပြန်အကျိုးပြုမှာပါ။ ကျောင်းသားတွေဟာ ပညာရေးဘတ်ဂျက် တိုးတောင်းလို့ ကျောင်းထုတ်ခံရတာ မဖြစ်သင့်ပါဘူး။ ဒီမိုကရေစီနိုင်ငံဆိုရင် ကျောင်းသားတွေ လွတ်လပ်စွာ တောင်းဆိုခွင့် ရှိရပါမယ်။ ဒီပညာရေး တက္ကသိုလ်ကနေ ကျောင်းသားသုံးဦး အထုတ်ခံခဲ့ရပါတယ်။ ဒီကျောင်းသား သုံးဦးကနေ တပည့်ပေါင်းများစွာကို လက်ဆင့်ကမ်းနိုင်မှာပါ။ အခုလိုကျောင်းထုတ်တဲ့ လုပ်ရပ်ကို ရှုတ်ချပါတယ်” ဟု စစ်ကိုင်းပညာရေး တက္ကသိုလ် ကျောင်းသားများ သမဂ္ဂမှ ပညာရေးတာဝန်ခံ ကိုဖြိုးသူကျော်က ဆန္ဒပြ တောင်းဆိုမှုများနှင့် ပတ်သက်၍ ပြောကြားသည်။

“ကျောင်းဝင်းအတွင်း လှည့်လည်တောင်းဆိုတဲ့ ကျောင်းသားတွေကို အရေးယူဖို့မရှိပါဘူး။ နေ့ခင်း ၁၂ အထိ နောက်ဆုံးထား လုပ်ကြဖို့ပြောတော့ ကျောင်းသူကျောင်းသား တွေကလည်း ၁၂ နာရီမှာ တောင်းဆိုမှုတွေ ရပ်ခဲ့ပါတယ်” ဟု စစ်ကိုင်းပညာရေး တက္ကသိုလ် ပါမောက္ခချုပ် ဒေါက်တာစောပြုံးနိုင်က ပြောကြားသည်။

ကနဦးအစ တောင်းဆိုချိန်တွင် ကျောင်းသားကျောင်းသူ ၃၀ ခန့်သာ ရှိသော်လည်း ကျောင်းတွင်း လှည့်လည်သည့် အချိန်တွင် ပူးပေါင်းပါဝင်သူ ၁၂၀ အထိရှိကာ မွန်းလွဲ ၁၂ နာရီကျော်တွင် တောင်းဆိုဆန္ဒ ထုတ်ဖော်မှု ရပ်ဆိုင်းခဲ့ကြောင်း သိရသည်။

ဗမာနိုင်ငံလုံးဆိုင်ရာ ကျောင်းသားများ သမဂ္ဂအဖွဲ့ချုပ် ပညာရေးအသုံးစရိတ် တိုးမြှင့်ရေးတိုက်ပွဲကော်မတီမှ ဦးဆောင်၍ မန္တလေးမြို့ ရတနာပုံတက္ကသိုလ်ကျောင်းတွင် တက္ကသိုလ်ပေါင်းစုံမှ ကျောင်းသူကျောင်းသားများ ပါဝင်သည့် ဆန္ဒပြတောင်းဆိုမှုကို ဇန်န၀ါရီ ၂၂ ရက် နံနက် ၉ နာရီမှစ၍ပြုလုပ်ခဲ့ကြောင်း၊ ဇန်န၀ါရီ ၂၂ ရက် ညနေပိုင်း၊ ၂၃ ရက် နံနက်ပိုင်းနှင့် ၂၄ ရက် ညနေပိုင်းတို့တွင် ပညာရေး ၀န်ကြီးဌာနမှ တာဝန်ရှိသူများနှင့် တွေ့ဆုံညှိနှိုင်းခဲ့သော်လည်း တစ်စုံတစ်ရာ ပြေလည်မှု မရရှိခဲ့ကြောင်း၊ ဆန္ဒပြတောင်းဆိုမှုတွင် ပညာရေး အသုံးစရိတ် တိုးမြှင့်ရေး၊ ကျောင်းတွင်း အဆောင်များ တည်ဆောက်ရေး၊ သင်ထောက်ကူပစ္စည်း လုံလောက်ရေး တို့အတွက် တောင်းဆိုဆန္ဒ ဖော်ထုတ်ခဲ့ခြင်းဖြစ်သည်။

ပညာရေး ၀န်ကြီးဌာန အဆင့်မြင့်ပညာ ဦးစီးဌာန ညွှန်ကြားရေးမှူးချုပ် ဒေါက်တာသိန်းဝင်းနှင့် အခြေခံပညာ ဦးစီးဌာနဒုညွှန်ချုပ် ဒေါက်တာအောင်အောင်မင်း၊ မန္တလေးခရိုင် အတွင်းရှိ တက္ကသိုလ် ပါမောက္ခချုပ်များနှင့် ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်မှ သမဂ္ဂအဖွဲ့ဝင်များသည် ဇန်န၀ါ ရီ ၂၄ ရက်ညနေပိုင်းက တတိယအကြိမ် တွေ့ဆုံညှိနှိုင်းခဲ့သော်လည်း ပြေလည်မှု မရရှိခဲ့သောကြောင့် ဇန်န၀ါရီ ၂၅ ရက်နံနက်မှ စတင်ကာ ကျောင်းသားအချို့ အစာအငတ်ခံ ဆန္ဒပြမည်ဖြစ်ကြောင်း၊ ၎င်းတို့၏ တောင်းဆိုချက်များကို ညှိနှိုင်းအတည်ပြုပေးနိုင်မည့် တာဝန်ရှိသူများ လာရောက်တွေ့ဆုံသည်အထိ ပြုလုပ်သွားမည်ဟု ပြောကြားခဲ့ပြီးနောက် ဇန်န၀ါရီ ၂၅ ရက်နံနက် ၄ နာရီခန့်က ဆန္ဒပြ ကျောင်းသား ကျောင်းသူ ၇၂ ဦးကို ၀င်ရောက် ထိန်းသိမ်းဖမ်းဆီးကာ နေရပ်အသီးသီးသို့ ပြန်လည်ပို့ဆောင်ခဲ့သည်။

ထို့နောက် ဆန္ဒထုတ်ဖော် တောင်းဆိုမှုတွင် ပါဝင်သည့် တက္ကသိုလ် အသီးသီးမှ ကျောင်းသား ကျောင်းသူများကို ကျောင်းမှထုတ်ပယ်ခဲ့ရာ ဇန်န၀ါရီ ၃၀ ရက်အထိ စာရင်းများအရ ၄၈ ဦးရှိပြီဖြစ်ကြောင်း သိရသည်။

 

ပညာရေးဘတ်ဂျက်မြှင့်တင်ပေးရန် တောင်းဆိုနေသည့် ရတနာပုံတက္ကသိုလ် ဆန္ဒပြကျောင်းသားများအား နံနက် ၄ နာရီခန့်တွင် ရဲတပ်ဖွဲ့က ဖမ်းဆီးထိန်းသိမ်းပြီး နေရပ်ပြန်ပို့

ခရိုင်အလိုက် ကျောင်းသားများကို မိဘများထံ ပြန်လည်အပ်နှံရာ ယာဉ်များဖြင့် ကျောင်းသားအချို့လိုက်ပါသွားသည်ကို တွေ့ရစဉ် (ဓာတ်ပုံ-ယဉ်မျိုးသွယ်)

ပညာရေးဘတ်ဂျက်မြှင့်တင်ပေးရန် တောင်းဆိုနေသည့် မန္တလေးမြို့ ရတနာပုံ တက္ကသိုလ်ကျောင်းသားများအား ဇန်န၀ါရီ ၂၅ ရက် နံနက် ၄ နာရီခန့်က ရဲတပ်ဖွဲ့က ဖမ်းဆီးထိန်းသိမ်းပြီး နေရပ်သို့ပြန်လည်ပို့ဆောင်ခဲ့ကြောင်း သတင်းရရှိသည်။

“ကျွန်တော်တို့ကို မနက် ၄ နာရီကျော်လောက်မှာ အရပ်ဝတ်နဲ့မျက်နှာ Mask အုပ်ထားတဲ့ လူ ၁၅၀- ၂၀၀ လောက်က ဖမ်းခေါ်သွားပါတယ်။ ဖမ်းခေါ်ကတည်းက ဖုန်းတွေ အကုန် စက်ပိတ်သိမ်းဆည်းထားခဲ့ပြီး မန္တလာ သီရိအားကစားကွင်းကို ခေါ်ဆောင်လာခဲ့ပါတယ်။ အဲဒီရောက်တဲ့အခါ နာမည်နေရပ်လိပ်စာတွေမေးပြီး မနက် ၆ နာရီလောက်မှာပဲ သက်ဆိုင်ရာမြို့နယ်ထွေအုပ်ရုံးတွေကို ပို့ပါတယ်။ ထွေအုပ်ရုံးကို မိဘတွေ လာခေါ်ခိုင်းတယ်။ မိဘတွေဆီ ပြန်အပ်တယ်ဆိုတဲ့ သဘောပါပဲ။ ကျွန်တော်ဆိုရင် မြင်းခြံဇာတိ ဖြစ်လို့ မြင်းခြံကို ပြန်လိုက်ပို့ခံရပါတယ်။ ခုလို မိဘတွေဆီပြန်အပ်ရုံနဲ့ ကျွန်တော်တို့လှုပ်ရှားမှုတွေ၊ တောင်းဆိုမှုတွေက ရပ်တန့်သွားမှာ မဟုတ်ပါဘူး။ ကျွန်တော်တို့ကို ပို့ဆောင်တဲ့ အထွေထွေအုပ်ချုပ်ရေးအဖွဲ့အစည်းတွေကတော့ တိုင်းအစိုးရအဖွဲ့ရဲ့ ညွှန်ကြားချက်နဲ့ ခုလိုလုပ်ရတယ်လို့ပြောပါတယ်။ ကျောင်းသားတွေကို စိစစ်မေးမြန်းနေချိန် ၀န်ကြီးချုပ် ဒေါက်တာဇော်မြင့်မောင်ရှိပါတယ်။ အိမ်ရောက်မှ လုပ်ချင်ရာလုပ်။ အခုတော့ မိဘဆီ ပြန်ဖို့ ပြောပါတယ်။ ကျွန်တော်တို့ကို အကြမ်းမဖက်ပေမယ့် သပိတ်ကိုဖြိုခွင်းလိုက်တာပါပဲ” ဟု ပညာရေးအသုံးစရိတ်မြှင့်တင်ရေး တိုက်ပွဲကော်မတီမှ ကိုကျော်သီဟရဲကျော်က ၎င်းတို့အား ထိန်းသိမ်းပြီး မိဘထံပြန်လည်အပ်နှံမှုနှင့်ပတ်သက်၍ ပြောကြားသည်။

ထို့အတူ ပညာရေးအသုံးစရိတ်မြှင့်တင်ရေး တိုက်ပွဲကော်မတီဝင်တစ်ဦးဖြစ်သူ ကိုရဲမျိုးဆွေကလည်း “ခေါ်ဆောင်သွားကတည်းက ရုန်းရင်းဆန်ခတ် ဆိုးဆိုးရွားရွား မရှိပါဘူး။ကျွန်တော်တို့ကလည်း ကားပေါ်ကို အသာတ ကြည်လိုက်သွားခဲ့တာပါ။အားလုံးပေါင်း ၇၂ ဦးပါ။ အကုန်မိဘအိမ်ပြန်ပို့တယ်လို့ သိရပါတယ်။ တစ်ယောက်မှ ဖမ်းဆီးထားခြင်း မရှိပါဘူး။ကျောင်းသားအကုန်နီးပါး အဆက်အသွယ်ပြန်ရပါပြီ” ဟု ပြောကြားသည်။

ထိုသို့ ထိန်းသိမ်းမှုဖြစ်စဉ်နှင့်ပတ်သက်၍ နယ်စပ်ရေးရာနှင့် လုံခြုံရေးဝန်ကြီး ဗိုလ်မှူးကြီးကျော်ကျော်မင်းထံ ဆက်သွယ်ရာ တိုင်းရဲတပ်ဖွဲ့မှူးရုံးတွင် သတင်းထုတ်ပြန်မည်ဖြစ်ကြောင်း ပြောကြားသဖြင့် တိုင်းရဲတပ်ဖွဲ့မှူးရုံးတွင် နံနက် ၁၀ နာရီခွဲမှ မွန်းလွဲ ၂ နာရီခွဲ ခန့်အထိ စောင့်ဆိုင်းသော်လည်း သတင်းထုတ်ပြန်ခြင်းမရှိကြောင်း သိရသည်။

ထိုနည်းတူ ရတနာပုံတက္ကသိုလ် ပါမောက္ခချုပ် ဒေါက်တာမောင်မောင်နိုင်ထံ ဖုန်းဖြင့် ဆက်သွယ်မေးမြန်းရာတွင်လည်း ကနဦး ဖုန်းဆက်စတွင် ဒေါက်တာမောင်မောင်နိုင်ဖြစ်ကြောင်း ဖြေကြားပြီး ကျောင်းသားများမိဘထံ ပြန်အပ်သည့်ကိစ္စမေးမြန်းသောအခါ မကြားရတော့ကြောင်းသာ အကြိမ်ကြိမ်ပြောကြား၍ ဖုန်းချခဲ့သည်။ ထို့နောက် ထပ်မံဖုန်းခေါ်ခဲ့သော်လည်း လုံးဝကိုင်ခြင်း မရှိတော့ပေ။

ပညာရေးဝန်ကြီးဌာန အဆင့်မြင့်ပညာဦးစီးဌာန ညွှန်ကြားရေးမှူးချုပ် ဒေါက်တာသိန်းဝင်းနှင့် အခြေခံပညာဦးစီးဌာနဒုတိယညွန်ချုပ် ဒေါက်တာအောင်အောင်မင်း၊ မန္တလေးခရိုင် အတွင်းရှိ တက္ကသိုလ်ပါမောက္ခချုပ်များနှင့် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်မှ သမဂ္ဂအဖွဲ့ဝင်များက ဇန်န၀ါရီ ၂၄ ရက် ညနေပိုင်းတွင် တတိယအကြိမ် တွေ့ဆုံညှိနှိုင်းခဲ့သော်လည်း ပြေလည်မှုမရရှိသောကြောင့် ဇန်န၀ါရီ ၂၅ ရက် နံနက် မှ စ၍ ကျောင်းသားအချို့ အစာအငတ်ခံ ဆန္ဒ ပြမည်ဖြစ်ကြောင်း၊ ၎င်းတို့၏ တောင်းဆိုချက်များကို ညှိနှိုင်းအတည်ပြုပေးနိုင်မည့် တာဝန်ရှိသူများ လာရောက်တွေ့ဆုံသည်အထိ ပြုလုပ်သွားမည်ဟု ပြောကြားခဲ့ပြီးနောက် ဇန်န၀ါရီ ၂၅ ရက် နံနက် ၄ နာရီခန့်တွင် ယခုလို ၀င်ရောက်ဖမ်းဆီး ထိန်းသိမ်းခံခဲ့ရခြင်း ဖြစ်ကြောင်း သိရသည်။

ထို့နောက် ကျောင်းသားများကို ချမ်းမြ သာစည်မြို့နယ် မန္တလာသီရိအားကစားကွင်းသို့ ခေါ်ဆောင်ခဲ့ပြီး နေရပ်လိပ်စာ အသီးသီးသို့ ပြန်လည်ပို့ဆောင်ရန် စီစဉ်ခဲ့ပြီး စစ်ကိုင်းတိုင်းဒေသကြီး၊ ကချင်ပြည်နယ်၊ မန္တလေးတိုင်းဒေသကြီးတို့တွင် နေထိုင်သူများကို မိဘများ နှင့် ဆရာများက အစိုးရအဖွဲ့အစီအစဉ်ဖြင့် လိုက်လံပို့ဆောင်ခဲ့ကြောင်း သိရသည်။

ကျောင်းသားကျောင်းသူစုစုပေါင်း ၇၂ ဦးကို ဖမ်းဆီးထိန်းသိမ်းခဲ့ပြီး နေရပ်လိပ်စာအတိုင်း ပြန်လည်ပို့ဆောင်ခြင်းဖြစ်ပြီး ခံဝန်လက်မှတ် တစ်စုံတစ်ရာ မထိုးခဲ့ရကြောင်း၊ ယခုကဲ့သို့ အတင်းအကျပ် ပြန်လည်စေလွှတ်ခြင်းကို လက်မခံကြောင်း၊ နေအိမ်ပြန်ရောက်ပါက ကျောင်းသို့ပြန်လာပြီး လှုပ်ရှားသွားမည်ဖြစ်ကြောင်း ကျောင်းသားများက ကားပေါ်မှ အော်ဟစ်ပြောဆိုခဲ့ကြသည်။

ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် ပညာရေးအသုံးစရိတ်တိုးမြှင့်ရေး တိုက်ပွဲကော်မတီက ဦးဆောင်ပြီး တက္ကသိုလ်ပေါင်းစုံမှ ကျောင်းသူကျောင်းသားများ ပါဝင်သည့် ဆန္ဒပြတောင်းဆိုမှုကို ဇန်န၀ါရီ ၂၂  ရက် နံနက် ၉ နာရီမှ စတင် ပြုလုပ်ခဲ့ကြောင်း၊ ဇန်န၀ါရီ ၂၂ ရက် ညနေပိုင်း၊ ၂၃ ရက် နံနက် ပိုင်းနှင့် ၂၄ ရက် ညနေပိုင်းတို့တွင် ပညာရေးဝန်ကြီးဌာနမှ တာဝန်ရှိသူများနှင့် တွေ့ဆုံညှိ နှိုင်းခဲ့သော်လည်း တစ်စုံတစ်ရာပြေလည်မှု မရရှိခဲ့ကြောင်း၊ ဆန္ဒပြတောင်းဆိုမှုတွင် ပညာရေး အသုံးစရိတ်တိုးမြှင့်ရေး၊ ကျောင်းတွင်းအဆောင်များ တည်ဆောက်ရေး၊ သင်ထောက်ကူ ပစ္စည်းလုံလောက်ရေးတို့အတွက် တောင်းဆိုထားကြောင်း သိရသည်။

မြန်မာနိုင်ငံပညာရေးအသုံးစရိတ်ကို ယခင်နှစ် ၂၀၁၆- ၂၀၁၇  ပညာသင်နှစ်အတွက် ဘီလျံ ၁၆၉၀ ရရှိခဲ့ပြီး ဘီလျံ ၁၀၀၀ ခန့်ကို ပညာရေးဝန်ထမ်းများအတွက် အသုံးပြုခဲ့ကြောင်း၊ နိုင်ငံတစ်ဝန်းရှိ အခြေခံကျောင်းများ မှစ၍ တက္ကသိုလ်အဆင့်အထိ ကျောင်းသားဦးရေ ကိုးသန်းခန့်ရှိပြီး ၎င်းတို့အတွက် ဘီလျံ ၆၉၀ သာရရှိခဲ့ကြောင်း၊ ယခုနှစ် ၂၀၁၈ ခုနှစ် အတွက် ခြောက်လစာ ပညာရေးအသုံးစရိတ် ဘီလျံ ၈၀၀ ကျော်သာ အသုံးပြုခွင့် ရရှိခဲ့ကြောင်း သိရသည်။

ဗမာနိုင်ငံလုံးဆိုင်ရာ တက္ကသိုလ်ကျောင်းသားများသမဂ္ဂမှ ဦးဆောင်၍ တက္ကသိုလ်ပေါင်းစုံ ကျောင်းသား၊ ကျောင်းသူများက ပညာရေးအသုံးစရိတ် တိုးမြှင့်ပေးရန်အတွက် ရတနာပုံတက္ကသိုလ်ကျောင်းဝင်းအတွင်း ဆန္ဒပြတောင်းဆို

ပညာရေးအသုံးစရိတ်နှင့်ပတ်သက်ပြီး ရတနာပုံတက္ကသိုလ်ကျောင်းဝင်းအတွင်း တောင်းဆိုဆန္ဒပြကြစဉ် (ဓာတ်ပုံ-သီရိ)

မန္တလေးမြို့ ရတနာပုံတက္ကသိုလ်ကျောင်းဝင်းအတွင်း၌ ဗမာနိုင်ငံလုံးဆိုင်ရာ တက္ကသိုလ်ကျောင်းသားများသမဂ္ဂမှ ဦးဆောင်၍ တက္ကသိုလ်ပေါင်းစုံမှ ကျောင်းသား၊ ကျောင်းသူများက ပညာရေးအသုံးစရိတ် တိုးမြှင့်ပေးရန် ဆန္ဒပြတောင်းဆိုလျက်ရှိကြောင်း သိရသည်။

ဆန္ဒထုတ်ဖော်မှုအား ဇန်န၀ါရီ ၂၂ ရက် နံနက် ၉ နာရီမှ စတင်ပြုလုပ်ခဲ့ခြင်းဖြစ်ပြီး မန္တလေးမြို့ ရတနာပုံတက္ကသိုလ်ဝင်းအတွင်း ဆန္ဒထုတ်ဖော်တောင်းဆိုခဲ့ခြင်းဖြစ်ကာ မန္တလေးတိုင်းအတွင်းရှိ တက္ကသိုလ်ပေါင်းစုံမှ ကျောင်းသားကျောင်းသူ ၁၀၀ ကျော် ပါဝင်ကြောင်း သိရသည်။

“အခု ကျွန်တော်တို့ဆန္ဒပြတောင်းဆိုနေတယ်။ ပြည်သူ့အစိုးရအနေနဲ့ အမြန်ဆုံးညှိနှိုင်းမှု ပြုလုပ်မယ်လို့ မျှော်လင့်တယ်။ တကယ်လို့ ဒီနေ့တစ်နေကုန်သွားတဲ့အထိ ညှိနှိုင်း ဆောင်ရွက်မှုမရှိရင် မနက်ဖြန်ဆက်ပြီးလုပ်သွားမယ်။ မနက်ဖြန်ညှိနှိုင်းမှုမရှိရင် နောက် နေ့ဆက်လုပ်မယ်။ ညှိနှိုင်းမှုမရမချင်း ရက်အကန့်အသတ်မရှိ ဆောင်ရွက်သွားမှာပါ။ ဒီအပေါ်မှာ ဂရုမစိုက်မချင်း ကျွန်တော်တို့ဘက်က ဆောင်ရွက်သွားမှာပါ” ဟု ရမည်းသင်း နည်းပညာတက္ကသိုလ်မှ ကိုရာဇာထွန်းက ပြောကြားသည်။

အဆိုပါ ဆန္ဒပြတောင်းဆိုမှုကို ဗမာ နိုင်ငံလုံးဆိုင်ရာ ဗကသများအဖွဲ့ချူပ်၊ ပညာရေး အသုံးစရိတ်တိုးမြှင့်ရေးတိုက်ပွဲကော်မတီက ဦးဆောင်ဆောင်ရွက်ခြင်းဖြစ်ကြောင်း၊ ပညာရေးအသုံးစရိတ် တိုးမြှင့်ရေးတိုက်ပွဲ ကော်မတီကို ဇန်န၀ါရီ ၂၁ ရက်က ပြုလုပ်ခဲ့သည့် ဗကသများအဖွဲ့ချူပ် ပညာရေးနှီးနှော ဖလှယ်ပွဲတွင် ဖွဲ့စည်းခဲ့ကြောင်း၊ နှီးနှောဖလှယ်ပွဲတွင် တက္ကသိုလ် ၂၆ ခုမှ တက္ကသိုလ် ကျောင်းသား ကျောင်းသူများ တက်ရောက် ဆွေးနွေးခဲ့ကြောင်း သိရသည်။

ရတနာပုံတက္ကသိုလ်ကျောင်းဝင်းအတွင်း ဗမာနိုင်ငံလုံးဆိုင်ရာတက္ကသိုလ်ကျောင်းသားများသမဂ္ဂမှ ကျောင်းသား၊ ကျောင်းသူများက ပညာရေးအသုံးစရိတ်တိုးမြှင့်ပေးရန် ဆန္ဒပြတောင်းဆိုစဉ်

တိုက်ပွဲကော်မတီကို တက္ကသိုလ်ခြောက်ခုမှ ကျောင်းသားများဖြင့် ဖွဲ့စည်းထားကြောင်း၊ ဆန္ဒပြတောင်းဆိုမှုတွင် ပညာရေးအသုံးစရိတ် တိုးမြှင့်ရေး၊ ကျောင်းတွင်းအဆောင်များ တည်ဆောက်ရေး၊ သင်ထောက်ကူပစ္စည်း လုံလောက်ရေးတို့အတွက် တောင်းဆိုခဲ့ ကြောင်း၊ ကျောင်းသားသမဂ္ဂ တေးသီချင်းများကိုလည်း သီဆိုခဲ့ကြောင်း၊ ပညာရေး အသုံးစရိတ်မြှင့်တင်ရေးအတွက် လက်ကမ်းစာစောင်များလည်း ဝေငှခဲ့ကြောင်း၊ ဆန္ဒထုတ်ဖော်မှုအား သက်ဆိုင်ရာတာဝန်ရှိသူများ လာရောက်ညှိနှိုင်းဆောင်ရွက်မှု ရရှိသည်အထိ ပြုလုပ်သွားမည်ဖြစ်ကြောင်း သိရသည်။

“ပညာရေးအသုံးစရိတ်တိုးမှ အားလုံးအတွက် အဆင်ပြေမှာပါ။ ကျွန်တော်တို့ ဘွဲ့ရပြီးရင် အလုပ်မရဘူး။ ဘာလို့လဲဆိုတော့ ဘာမှမတတ်လို့ပါ။ အထူးသဖြင့် ဓာတုဗေဒ၊ ရူပဗေဒဘာသာရပ်တွေအတွက် သင်ထောက်ကူ ပစ္စည်းမရှိဘူး။ ရူပဗေဒနဲ့ ကျောင်းပြီးတဲ့ သူက နာရီတစ်လုံး မပြင်တတ်ပါဘူး။ ဓာတုဗေဒနဲ့ကျောင်းပြီးတဲ့သူတစ်ယောက်က အဆုံးစွန်ပြောရရင် ကျွန်တော်တို့သောက်နေကြတဲ့ အရက်တောင် မချက်တတ်ဘူး။ ပညာရေး အခြေအနေ ဘယ်လိုရှိတယ်ဆိုတာ ကောင်းကောင်းသိဖို့လိုနေပြီ။ ပညာရေးအသုံးစရိတ် မြှင့်တင်ပေးဖို့ ကျွန်တော်တို့ဘက်က လှည့်လည်ဟောပြောဆောင်ရွက်သွာ့းမယ်။ ရက်အကန့်သတ်မရှိဘူး။ အစိုးရဘက်က ညှိနှိုင်းမှုမလုပ်မချင်း ကျောင်းထဲမှာပဲ ဆက်ရှိနေမယ်။ ဒီကျောင်းမှာပဲ ဆက်လုပ်သွားမှာပါ။ ဆောင်ရွက်မပေးမချင်း ကျောင်းထဲမှာပဲရှိနေ မှာပါ” ဟု ရတနာပုံတက္ကသိုလ်မှ ကိုရဲမျိုးဆွေက ပြောကြားသည်။

ဆန္ဒပြတောင်းဆိုမှုအား ရတနာပုံတက္ကသိုလ် ကျောင်းဝင်းအတွင်း ပင်မလေးထပ် ဆောင်ရှေ့မှစတင်ကာ ကျောင်းဝင်းအတွင်း လှည့်လည်တောင်းဆိုခဲ့ကြောင်း၊ ညှိနှိုင်း ဆောင်ရွက်မှု ရရှိသည်အထိ ရက်အကန့်အသတ်မရှိ ပြုလုပ်သွားမည်ဖြစ်ကြောင်း သိရသည်။ မြန်မာနိုင်ငံ ပညာရေးအသုံးစရိတ်ကို ယခင်နှစ် ၂၀၁၆-၂၀၁၇ ပညာသင်နှစ်အတွက် ဘီလျံ ၁၆၉၀ ရရှိခဲ့ပြီး ဘီလျံ ၁၀၀၀ ခန့်ကို ပညာရေးဝန်ထမ်းများအတွက် အသုံး ပြုခဲ့ကြောင်း၊ နိုင်ငံတစ်ဝန်းရှိ အခြေခံကျောင်းများမှစတင်ကာ တက္ကသိုလ်အဆင့်အထိ ကျောင်းသားဦးရေ ကိုးသန်းခန့်ရှိပြီး ၎င်းတို့ အတွက် ဘီလျံ ၆၉၀သာရရှိခဲ့ကြောင်း၊ ယခု နှစ် ၂၀၁၈ ခုနှစ်အတွက် ခြောက်လစာ ပညာရေး အသုံးစရိတ် ဘီလျံ ၈၀၀ကျော်ခန့်သာ အသုံးပြုခွင့်ရရှိထားကြောင်း သိရသည်။

နိုင်ငံတော် အကြည်ညိုပျက်စေမှုဖြင့် တရားစွဲဆိုထားသည့် မန္တလေး အမျိုးသားရေးသပိတ် ဦးဆောင်သံဃာနှင့် လူပုဂ္ဂိုလ်များအား ချမ်းမြသာစည်မြို့နယ် တရားရုံးတွင် (၁၇) ကြိမ်မြောက် ရုံးထုတ်စစ်ဆေး

နိုင်ငံတော် အကြည်ညိုပျက်စေမှုဖြင့် တရားစွဲဆိုထားသည့် မန္တလေး အမျိုးသားရေးသပိတ် ဦးဆောင်သံဃာနှင့် လူပုဂ္ဂိုလ်များအား ချမ်းမြသာစည်မြို့နယ် တရားရုံး၌် (၁၇) ကြိမ်မြောက်ရုံးထုတ်တွင် တွေ့ရစဉ်

အစိုးရအား ကန့်ကွက်ဆန္ဒပြသည့်  မန္တလေးအမျိုးသားရေးသပိတ် ဦးဆောင်သံဃာနှင့်လူပုဂ္ဂိုလ်များအား နိုင်ငံတော် အကြည်ညိုပျက်စေမှု ပုဒ်မ ၅၀၅(ခ) ဖြင့် ချမ်းမြသာစည်မြို့နယ် တရားရုံးတွင် စွဲဆိုထားရာ ဒီဇင်ဘာ၂၀ ရက်က (၁၇) ကြိမ်မြောက် ရုံးထုတ်စစ်ဆေးခဲ့ပြီး ဒီဇင်ဘာ၂၇ ရက်တွင် သံဃာတော်များအား အပြီးသတ် အမိန့်ချမည်ဖြစ်ကြောင်း သိရသည်။

“ဒီနေ့ရုံးချိန်မှာ သံဃာတော်ခြောက်ပါးကို စွဲဆိုထားတဲ့အမှုက တရားခံတွေကို စစ်ဆေးခဲ့ပြီးတဲ့နောက် အပြီးသတ် လျှောက်လဲချက် တစ်ခါတည်း ပေးခဲ့ပါတယ်။ ဒါကြောင့် ဒီဇင်ဘာ ၂၇ ရက်မှာ အပြီးသတ် အမိန့်ချမှတ်ပါမယ်။ ကိုကျော်မျိုးရွှေကို စွဲဆိုထားတဲ့ အမှုကတော့ စစ်ဆေးဆဲ ဖြစ်ပါတယ်” ဟု ချမ်းမြသာစည်မြို့နယ် တရားရုံး ပြန်ကြားရေး အရာရှိ တွဲဖက်မြို့နယ် တရားသူကြီး ဦးကျော်စွာလင်းက အမှုနှင့် ပတ်သက်၍ မီဒီယာများအား ရှင်းလင်းပြောကြားသည်။

သံဃာတော်များကို စွဲဆိုထားသည့်အမှုမှာ အပြီးသတ် အမိန့်ချမှတ်တော့မည် ဖြစ်သော်လည်း ကိုကျော်မျိုးရွှေ အမှုတွင်မူ တရားလိုသက်သေများကိုသာ စစ်ဆေးဆဲဖြစ်ကြောင်း သိရသည်။ ကိုကျော်မျိုးရွှေမှာ ၎င်းအား အချုပ်လွတ်ထုချေခွင့် အာမခံကို အထက်ရုံးသို့ တင်ပြလျှောက်ထားခဲ့ရာ လက်မခံဘဲ ပယ်ချခဲ့သောကြောင့် မူလမြို့နယ် တရားရုံးသို့ အမှုတွဲ ပြန်ရောက်မှသာ စစ်ဆေးရသဖြင့် ယင်းအမှုမှာ ကြန့်ကြာနေခြင်းဖြစ်သည်။

မန္တလေးမြို့ ချမ်းမြသာစည်မြို့နယ်၊ ကျွန်းလုံးဥသျှောင်ရပ်ကွက်၊ ဘုရားကြီး အနောက်ဘက်မုခ်ရှိ သာသနာ၂၅၀၀ ဗိမာန်တွင် ဖွင့်လှစ်ထားသည့် သပိတ်စခန်းအား သြဂုတ် ၅ ရက် နံနက်၂ နာရီ ၁၅ မိနစ်က တိုင်းဒေသကြီး အစိုးရလမ်းညွှန်မှုဖြင့် ပူးပေါင်းအဖွဲ့က ၀င်ရောက်ရှင်းလင်းရာ သံဃာ ၁၁ ပါးနှင့် အမျိုးသမီးနှစ်ဦးကို ထိန်းသိမ်းခဲ့ပြီး ဖမ်းဆီးရမိသည့် သံဃာ ၁၁ ပါးအနက် ခြောက်ပါးအား သြဂုတ် ၉ ရက်တွင် စတင်ရုံးထုတ် စစ်ဆေးခဲ့ခြင်းဖြစ်သည်။

သပိတ်စခန်း ဦးဆောင်သံဃာရှစ်ပါး (နှစ်ပါးမှာ ဖမ်းမိခြင်းမရှိသေး) အား ခရိုင်သာသနာရေး ဦးစီးမှူးက တရားလိုပြုလုပ် စွဲဆိုခဲ့သလို ဦးကျော်မျိုးရွှေ ပါဝင်သည့် လူပုဂ္ဂိုလ်ငါးဦးကိုလည်း မြို့နယ်ထွေအုပ်က တရားလိုပြုလုပ်၍ ပုဒ်မ ၅၀၅ (ခ) ဖြင့် အသီးသီး စွဲဆိုထားခြင်းဖြစ်သည်။

သြဂုတ် ၅ ရက် နံနက် ၂ နာရီ သပိတ်စခန်း ဖြိုခွဲစဉ်က ဖမ်းဆီးခံရပြီး လူဝတ်လဲကာ ပုဒ်မ ၅၀၅ (ခ)ဖြင့် အမှုဖွင့် ခံထားရသည့် သံဃာခြောက်ပါးမှာ ဦးအဂ္ဂဓဇ (၃၅ နှစ်၊ ၁၄ ၀ါ၊ သာသနာဝင်အမှတ် ၉/မထလ (သ) ၀၀၂၇၅၃ မိတ္ထီလာမြို့နယ် မဘသ အတွင်းရေးမှူး၊ အောင်သာကျောင်း၊ ၀န်ဇင်းရပ်၊ မိတ္ထီလာမြို့)၊ ဦးဝိဝေကာနန္ဒ (၂၉ နှစ်၊ ၁၀ ၀ါ၊ သာသနာဝင်အမှတ် ၇/ပခန (သ) ၀၁၁၁၁၄ မျိုးချစ်မြန်မာ ရဟန်းတော်များသမဂ္ဂ၊ ချမ်းသာကြီး ချမ်းရကျောင်း၊ တံခွန်တိုင်ရပ်၊ ပြည်ကြီးတံခွန်မြို့နယ်၊ မန္တလေးမြို့)၊ ဦးဣန္ဒက (၂၆ နှစ်၊ ငါးဝါ၊ သာသနာဝင် အမှတ် ၉/ခမစ (သ) ၀၀၄၇၄၅၊ မျိုးချစ်မြန်မာ ရဟန်းတော်များသမဂ္ဂ၊ ဓမ္မသုခကျောင်း၊ နှမ်းကြဲကျေးရွာ၊ ပုသိမ်ကြီးမြို့နယ်၊ မန္တလေးမြို့)၊ ဦးပဏ္ဍိတ (၄၈ နှစ်၊ ၂၈ ၀ါ၊ သာသနာဝင် အမှတ် ၉/ညဥန(သ) ၀၀၁၂၁၈၊ (မည်သည့် အဖွဲ့ဝင်မှမဟုတ်) ကြံခင်းဝန်ကျောင်း၊ ညောင်ဦးမြို့နယ်)၊ ဦးအာစာရ (၂၂ နှစ်၊ နှစ်ဝါ၊ သာ သနာဝင်အမှတ် ၉/ပကခ (သ) ၀၀၂၃၉၁၊ ဓမ္မသုခကျောင်း၊ နှမ်းကြဲကျေးရွာ ပုသိမ်ကြီးမြို့နယ်) နှင့် ဦးအရိယာဝံသ (၃၀ နှစ်၊ ၁၀ ၀ါ၊ သာသနာဝင်အမှတ် (မသိရသေး) မျိုးချစ်မြန်မာ ရဟန်းတော်များသမဂ္ဂ၊ ငါးဆူ ကျောင်းတိုက်၊ ပလိုင်းရပ်၊ ချမ်းအေးသာစံ မြို့နယ် မန္တလေးမြို့) တို့ဖြစ်ကာ သပိတ်စခန်း ဦးဆောင်သည့် သံဃာဖြစ်ပြီး လက်ရှိဖမ်းဆီး မခံရသေးသည့် နှစ်ပါးမှာ ဦးဣန္ဒောဘာသ (ရခိုင်ဘုန်းကြီး) (၄၅ နှစ်၊ ၁၆ ၀ါ၊ မျိုးချစ်မြန် မာရဟန်းတော်များသမဂ္ဂ၊ သာသနာဝင်အမှတ် ၉/ပကသ (သ) ၀၀၂၁၀၀၊ ဓမ္မသုခကျောင်း၊ နှမ်းကြဲကျေးရွာ၊ ပုသိမ်ကြီးမြို့နယ်၊ မန္တလေးမြို့) နှင့် ဦးစန္ဒာသီရိ (၄၁ နှစ်၊ ၂၀ ၀ါ၊ သာသနာဝင်အမှတ် ၉/မဟမ (သ) ၀၀၁၂၉၁၊ မျိုးချစ်မြန်မာ ရဟန်းတော်များသမဂ္ဂ ဓမ္မသုခကျောင်း၊ နှမ်းကြဲကျေးရွာ၊ ပုသိမ်ကြီးမြို့နယ်၊ မန္တလေးမြို့) တို့ဖြစ်သည်။

 

ပလိပ်မြို့ရှိ ပန်ဒါ ချည်မျှင်အထည်နှင့် အချောကိုင်စက်ရုံမှ အလုပ်သမားများ ၎င်းတို့၏ တောင်းဆိုချက်များ မရရှိသေးသဖြင့် မန္တလေးမြို့သို့ လာရောက်ဆန္ဒထုတ်ဖော်

ပုလိပ်မြို့ရှိ ပန်ဒါချည်မျှင်အထည်နှင့် အချောကိုင်စက်ရုံမှ ၀န်ထမ်းများ မန္တလေးမြို့သို့ လာရောက်ဆန္ဒထုတ်ဖော်နေစဉ်

မန္တလေးတိုင်းဒေသကြီး ကျောက်ဆည်ခရိုင် ပလိပ်မြို့မှ ပန်ဒါချည်မျှင် အထည်နှင့် အချောကိုင်စက်ရုံမှ အလုပ်သမားများသည် ဒီဇင်ဘာ ၁၇ ရက် နံနက်ပိုင်းက အဆိုပါစက်ရုံရှေ့မှ စတင်ကာ မန္တလေးမြို့အထိ လာရောက်၍ အလုပ်သမားများ တောင်းဆိုထားသည့် အချက် ၂၈ ချက်အား စက်ရုံနှင့် သက်ဆိုင်ရာ တိုင်းဒေသကြီး အစိုးရအဖွဲ့က လက်ရှိအချိန်အထိ ဖြေရှင်းဆောင်ရွက်ပေးခြင်း မရှိသေးသဖြင့် မန္တလေးမြို့ မဟာအောင်မြေမြို့နယ် အတွင်းရှိ မနော်ရမ္မံ ဟစ်တိုင်ကွင်းတွင် ဆန္ဒထုတ်ဖော်ခဲ့ကြသည်။

ဆန္ဒထုတ်ဖော်မှုကို အလုပ်သမားများက ပလိပ်မြို့ရှိ ပန်ဒါချည်မျှင်အထည်နှင့် အချောကိုင်စက်ရုံမှ စတင်ထွက်ခွာခဲ့ကြပြီး မန္တလေးမြို့ မဟာအောင်မြေမြို့နယ်အတွင်းရှိ  ၆၂ လမ်း၊ မနော်ရမ္မံ ဟစ်တိုင်ကွင်းအတွင်း စုဝေးဟောပြောခြင်း ကြွေးကြော်ခြင်းများဖြင့် ဆန္ဒထုတ်ဖော်ခဲ့ကြသည်။

“ကျွန်မတို့ တောင်းဆိုထားတဲ့ တောင်းဆိုချက် ၂၈ ချက်ကို လက်ရှိအချိန်အထိ စက်ရုံဘက်ကရော တိုင်းဒေသကြီး အစိုးရအဖွဲ့ ဘက်ကပါ လိုက်လျောပေးတာ ဖြေရှင်း ဆောင်ရွက်ပေးတာ မရှိသေးပါဘူး။ ကျွန်မတို့ အလုပ်သမားတွေ တောင်းဆိုထားတဲ့ တောင်း ဆိုချက် ၂၈ ချက်ကို စက်ရုံဘက်ကရောအလုပ် ရှင်၊ အလုပ်သမား ပြန်လည်စေ့စပ်ညှိနှိုင်း ရေးအဖွဲ့တွေ သက်ဆိုင်ရာအစိုးရ ဌာနဆိုင်ရာ အဖွဲ့တွေရဲ့ရှေ့မှာ နှစ်ဦးနှစ်ဖက် သဘောတူညီ လိုက်နာဆောင်ရွက်ပါမည်ဆိုပြီး သဘောတူညီမှု စာချုပ်လည်း ချုပ်ဆိုထားပါတယ်။ သူတို့ဘက်က စာချုပ်ပါအချက် အလက်တွေကို လိုက်နာဆောင်ရွက်ပါမယ် ဆိုလို့ စက်ရုံဘက်ကို အမှုဖွင့်တရားစွဲဆို ထားတာကိုလည်း ရုပ်သိမ်းပေးလိုက်ပါတယ်။ ဒါ ပေမဲ့ ကျွန်မတို့အလုပ်သမားတွေနဲ့ သဘော တူညီပြီးချုပ်ဆိုထားတဲ့ စာချုပ်ထဲက အချက် ၂၈ ချက်ကို အခုအချိန်အထိ မလိုက်လျောပေးသေးပါဘူး။ အလုပ်ကနေ ထုတ်ပယ်ထားသူ တွေကိုလည်း လုပ်ငန်းခွင် ပြန်ခန့်အပ်တာ မရှိသေးဘူး။ ဒါကြောင့် အခုလို မန္တလေးမြို့ကို လာရောက်ပြီးတော့ ဆန္ဒထုတ်ဖော်ရတာ ဖြစ်ပါတယ်။ အလုပ်သမားတွေရဲ့ တောင်းဆိုချက်တွေအားလုံး မရမချင်း ဆက်လက်တောင်းဆို သွားမှာပါ” ဟု အလုပ်သမား ခေါင်းဆောင်တစ်ဦးဖြစ်သူ မဇာခြည်ဝင်းက ပြောကြားသည်။

ပန်ဒါချည်မျှင်အထည်နှင့် အချောကိုင်စက်ရုံမှ အလုပ်သမားများက ဆန္ဒထုတ်ဖော်ရာတွင် လွှဲပြောင်းခံ နိုင်ငံ့ဝန်ထမ်းဟောင်းများ ဘ၀အာမခံချက် ရရှိရေး တို့အရေး၊ ၂၈ ချက်ပါ သဘောတူညီချက် စာချုပ်အား အပြည့်အ၀ အကောင်အထည် ဖော်ပေးရေး တို့အရေး၊ လုပ်ငန်းခွင် ၀င်ရောက်ရန် ကျန်အလုပ်အမှုဆောင် နှစ်ဦးအား ပြန်လည်ခန့်ထားပေးရေး တို့အရေး၊ အလုပ်သမားဥပဒေ စိုးမိုးရေး တို့အရေး၊ ဥပဒေအထက်၌ရှိသော အလုပ်ရှင်များ အလိုမရှိ၊ အလုပ်သမားများအရေး ထိရောက်စွာ ဆောင်ရွက်မပေးသော လူကြီးများ အလိုမရှိ အစရှိသည့် စာသားများ ပါဝင်သည် ဗွီနိုင်းဆိုင်းဘုတ်များ ကိုင်ဆောင်ကာ ကြွေးကြော်သံများဖြင့် ဆန္ဒထုတ်ဖော် ခဲ့ကြသည်။

 

အမေရိကန်သံရုံးရှေ့ ဆန္ဒပြမှုဖြင့် ဆရာတော်ဦးပါမောက္ခအား ပုဒ်မ ၅၀၅ (ခ) ဖြင့် တရားစွဲဆိုထားမှု ရုပ်သိမ်းပေးရန် လျှောက်ထားမှု ပယ်ချခံရ

ပုဒ်မ ၅၀၅ (ခ) ဖြင့် တရားစွဲဆို ခံထားရသော ဆရာတော်ဦးပါမောက္ခအား ဒီဇင်ဘာ ၁၂ ရက် စတုတ္ထအကြိမ် ရုံးထုတ်တွင် တွေ့ရစဉ်

အမေရိကန်သံရုံးရှေ့ ဆန္ဒပြမှုနှင့်ပတ်သက်၍ နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ) ဖြင့် တရားစွဲဆို ခံထားရသော ဆရာတော်ဦးပါမောက္ခအား ဒီဇင်ဘာ ၁၂ ရက် နံနက်က စတုတ္ထအကြိမ် ရုံးထုတ်စစ်ဆေးခဲ့ကြောင်း သိရသည်။

ထိုနေ့ရုံးချိန်း၌ ဆရာတော်ဦးပါမောက္ခအား ပုဒ်မ ၅၀၅ (ခ) ဖြင့် တရားစွဲဆိုထားသည့် အမှုတွင် တရားလိုဖြစ်သူ ကမာရွတ်မြို့နယ် ဒုတိယအထွေထွေ အုပ်ချုပ်ရေးမှူး ဦးသန်းထွန်းအောင်မှာ လာရောက်ခြင်း မရှိသောကြောင့် အမှုကိုရုပ်သိမ်းပေးရန် လျှောက်ထားမှုကို တရားသူကြီးက စွဲဆိုထားသော ပုဒ်မ ၅၀၅ (ခ) သည် ထောင်ဒဏ် နှစ်နှစ်အထိ ချမှတ်နိုင်သော ပုဒ်မဖြစ်၍ အမှုရုပ်သိမ်းပေးရန် လျှောက်ထားမှုကို ပယ်ချခဲ့ကြောင်း သိရသည်။

ထို့ပြင် ဆရာတော် ဦးပါမောက္ခအား ပုဒ်မ ၅၀၅ (ခ) ဖြင့် တရားစွဲဆိုရန် ဦးတိုက်လျှောက်ထားမှုတွင် တရားလိုဘက်မှ လက်မှတ် မမှန်မကန် ဖြစ်သည်ဟုဆိုကာ ဦးတိုက်လျှောက်လွှာကို ရုပ်သိမ်း၍ ဆရာတော်ကို ပြန်လွှတ်ပေးရန် လျှောက်ထားမှုအား တရားသူကြီးက ကြားဖြတ်အမိန့်ချရန် အဆင့်သင့် မဖြစ်သေးသောကြောင့် အမိန်မချဖြစ်ဘဲ ဒီဇင်ဘာ ၂၁ ရက်သို့ ရုံးချိန်းပြန်လည် ချိန်းဆိုခဲ့ကြောင်း သိရသည်။

“ပြီးခဲ့တဲ့အပတ်က ချိန်းထားတဲ့ကိစ္စက တရားလို မလာတဲ့အတွက်ကြောင့်မို့ အမှုကို ပိတ်သိမ်းပေးဖို့ လျှောက်ထားတာကို ဆုံးဖြတ်တာက နှစ်နှစ်ထောင်ဒဏ်ရှိတဲ့ ပုဒ်မဖြစ်တာကြောင့် လျှောက်ထားချက် လွဲတယ်ဆိုပြီးတော့ သုံးသပ်ပြီးတော့ ပယ်ပါတယ်။ နောက်တစ်ခုက ဦးတိုက်လျှောက်ထားလွှာပေါ်မှာ လက်မှတ်မမှန်မကန် ဖြစ်မှုကြောင့် အမှုကို ပိတ်သိမ်းပြီးတော့ ဆရာတော်ကို ပြန်လွှတ်ပေးဖို့ ပြီးခဲ့တဲ့ ရုံးချိန်းတုန်းက လျှောက်လဲချက် ပေးခဲ့တယ်။ အဲဒီကိစ္စနဲ့ ပတ်သက်ပြီးတော့ အဆင်မပြေသေးတဲ့ အတွက်ကြောင့် လာမယ့်ရုံးချိန်းကျမှ ဆုံးဖြတ်ချက် ချပေးမယ်ဆိုပြီး ရုံးချိန်းကို ဒီဇင်ဘာ ၂၁ ရက်ကို ရုံးချိန်းပေးပါတယ်” ဟု ဦးပါမောက္ခအမှုအား ကူညီဆောင်ရွက်သူများအဖွဲ့ ပြန်ကြားရေး ဦးအောင်မြိုင်က မီဒီယာများ၏ မေးမြန်းမှုကို ဖြေကြားသည်။

၂၀၁၆ ခုနှစ် ဧပြီ ၂၈ ရက်က ကမာရွတ်မြို့နယ် တက္ကသိုလ်ရိပ်သာလမ်းပေါ်ရှိ အမေရိကန်သံရုံးရှေ့တွင် မြန်မာနိုင်ငံ၌ ရိုဟင်ဂျာ မရှိကြောင်း ဆန္ဒပြမှုနှင့် ပတ်သက်၍ မကွေးကျောင်းဆရာတော် ဦးပါမောက္ခအား ပုဒ်မ ၁၉၊ ပုဒ်မ ၅၀၅ (ခ) တို့ဖြင့် တရားစွဲဆို ထားခြင်းဖြစ်ပြီး နိုဝင်ဘာ ၂၁ ရက် ဒုတိယအကြိမ် ရုံးထုတ် စစ်ဆေးမှုတွင် ပုဒ်မ ၁၉ အပေါ် ၀န်ခံသဖြင့် ထောင်ဒဏ်တစ်လ ချမှတ်ခဲ့သည်။

ဆရာတော် ဦးပါမောက္ခအား အမေရိကန်သံရုံးရှေ့ ဆန္ဒပြမှုနှင့် ပတ်သက်၍ တရားစွဲဆိုကာ ဖမ်းဝရမ်း ထုတ်ပြန်ထားချိန် ဆရာတော်သည် မြောက်ဒဂုံမြို့မရဲစခန်းသို့ နိုဝင်ဘာ ၁၂ ရက်က သွားရောက်၍ အဆိုပါ မြို့နယ်အတွင်းရှိ မြေယာကိစ္စတစ်ခုကို ဆန္ဒပြရန် အကြောင်းကြားစာ သွားတင်ခဲ့ကြောင်း၊ ယင်းအချိန်မှာပင် ဆရာတော်အား ၀ရမ်းအရ မြောက်ဒဂုံမြို့မရဲစခန်းက ထိန်းသိမ်းခဲ့ပြီး ရန်ကုန်တိုင်းဒေသကြီး သံဃနာယကသို့ ခေါ်ဆောင်ခဲ့ကြောင်း၊ ရဟန်းသိက္ခာချရန်နှင့် လူဝတ်လဲရန် ဖိအားပေးခဲ့သော်လည်း သိက္ခာချခြင်းကို လက်မခံသဖြင့် လူဝတ်လဲ ဖမ်းဆီးခြင်းခံရပြီး တရားရင်ဆိုင်နေခြင်း ဖြစ်သည်။

ရွှေသံလွင် ဟိုင်းဝေးကုမ္ပဏီ၏ ကတိက၀တ်ပျက်ယွင်းမှု၊ ပြည်နယ်အစိုးရ၏ တာဝန်ယူ ညှိနှိုင်းဖြေရှင်းပေးမှု မရှိခြင်းကြောင့် အလုပ်မှ ရပ်စဲခံရသည့် စက္ကူစက်ရုံ (စစ်တောင်း) မှ ၀န်ထမ်းများ ဆန္ဒထုတ်ဖော်

ရွှေသံလွင်ဟိုင်းဝေးကုမ္ပဏီမှ ကတိက၀တ် ပျက်ယွင်းမှု၊ ပြည်နယ်အစိုးရမှ တာဝန်ယူညှိနှိုင်းဖြေရှင်းပေးခြင်း မရှိခြင်းကြောင့် လက်ရှိအလုပ်အကိုင်မှ ရပ်ဆိုင်းခံရသည့် စက္ကူစက်ရုံ (စစ်တောင်း) မှ ၀န်ထမ်း ၂၄၀ ခန့်က ဒီဇင်ဘာ ၉ ရက် နံနက် ၈ နာရီတွင် မွန်ပြည် နယ် ကျိုက်ထိုမြို့နယ် သိမ်ဇရပ်မြို့၌ ဆန္ဒထုတ်ဖော်ခဲ့ကြသည်။

“ဒီစက်ရုံက ရွှေသံလွင်ကုမ္ပဏီက လွှဲပြောင်းပြီးတော့ လုပ်ကိုင်တဲ့အချိန် အရင်အစိုးရ လက်ထက်ကစပြီးတော့ ကတိက၀တ်တွေ အများကြီး ကျွန်တော်တို့ဝန်ထမ်းတွေကို ပေးခဲ့ပြီးမှ ကျွန်တော်တို့ နိုင်ငံ့ဝန်ထမ်းကနေ ကုမ္ပဏီဝန်ထမ်း ဖြစ်ခဲ့ရတယ်။ ကုမ္ပဏီက လည်း ဘာတွေပြောခဲ့လဲဆိုလို့ရှိရင် သူတို့ ကုမ္ပဏီမှာ စစ်တောင်းစက္ကူစက်က ၀န်ထမ်းတွေ အလုပ်ကို စဉ်ဆက်မပြတ် လုပ်ခွင့်ရမယ်။ နောက်ဆုံး ဘယ်လိုပြောခဲ့လဲဆိုရင် အသက် ၆၀ ပြည့်တဲ့အထိကို တာဝန်ထမ်းဆောင်ခွင့်ရမယ်။ နောက်ပြီးတော့ သူတို့ကုမ္ပဏီကြောင့် ဒီက၀န်ထမ်းတွေ နစ်နာသွားတာ။ အလုပ်ပြုတ်သွားတာ။ ဒုက္ခရောက်သွားတာ မဖြစ်စေရဘူးလို့ ပြောခဲ့ပါတယ်။ အခု ကျွန်တော်တို့ ဆန္ဒထုတ်ဖော်တာကလည်း အဲဒီ ကတိက၀တ်တွေကို ပြောခဲ့ပြီးမှ အမှတ်မထင် လစာတွေ ရပ်ဆိုင်းတယ်။ ဥပဒေအတိုင်း နစ်နာကြေးကိုပေးပြီး လစာတွေ ရပ်ဆိုင်းမယ်ဆိုပြီး လုပ်တော့ ဒီကိစ္စအပေါ် ကျွန်တော်တို့ ၀န်ထမ်းထုက ကျေလည်မှုမရှိဘူး။ ဒါကြောင့် ကျွန်တော်တို့က ဆန္ဒထုတ်ဖော်ရတာ ဖြစ်ပါတယ်” ဟု ယခင် စက္ကူစက် (စစ်တောင်း) တွင် အလုပ်ရုံ စိတ်မှူးအဖြစ် တာဝန်ထမ်းဆောင်ခဲ့သူ ဦးဆန်းဝင်းက ပြောကြားသည်။

“ကျွန်တော်တို့ ဖြစ်ချင်တဲ့ဆန္ဒကတော့ အခု ကုမ္ပဏီဘက်ကပေးတဲ့ နစ်နာကြေးဆိုတာကို လက်မခံနိုင်ဘူး။ ကျွန်တော်တို့ကို ကုမ္ပဏီက ကတိက၀တ်ပြုထားခဲ့တဲ့အတိုင်း လုပ်ငန်းတစ်ခု အကောင်အထည်မဖော်မချင်း လစာခံစားခွင့် ပေးထားရမယ်။ ဒါလေးတွေ ကျွန်တော်တို့ ပြောထားတာရှိပါတယ်။ မွန်ပြည်နယ် အစိုးရအနေနဲ့ကလည်း ဒီစစ်တောင်း စက္ကူစက်မှာ လုပ်ငန်းတစ်ခု အမြန်ဆုံး အကောင်အထည်ဖော်ပေးဖို့ဆန္ဒ ကျွန်တော်တို့မှာ ရှိပါတယ်။ ဒါမှလည်း ဒီဒေသမှာ အလုပ်အကိုင်အခွင့်အလမ်းတွေ ပြန်ပေါ်လာမယ်။  ဒါမှလည်း ဒီဒေသမှာ တစ်ဦးချင်းဝင်ငွေတွေ ရှိလာမယ်ပြီးတော့ မိသားစုဘ၀တွေရဲ့ ရှေ့ရေးရပ်တည်လို့ရသွားမှာ ဖြစ်ပါတယ်” ဟု ဦးဆန်းဝင်းက ဆက်လက်ပြောကြားသည်။

“ရွှေသံလွင်ကုမ္ပဏီက နိုဝင်ဘာ ၂၉ ရက်မှာ နို့တစ်စာသုံးစောင် ကပ်ပြီးတော့ နိုဝင်ဘာ ၃၀ ရက်မှာ နောက်ဆုံးလစာအဖြစ် သတ်မှတ်ပြီးတော့ နစ်နာကြေးအဖြစ် သုံးလစာ ပေးပြီးတော့ အလုပ်ကနေ ရပ်ဆိုင်းခိုင်းပါတယ်။ ကျွန်မတို့က ကုမ္ပဏီဝန်ထမ်း စစ်စစ် မဟုတ်ဘူး။ ရွှေသံလွင်ကုမ္ပဏီမှာ တိုက်ရိုက် အလုပ်လျှောက်ပြီးတော့ အလုပ်ဝင်လာတဲ့ ကုမ္ပဏီဝန်ထမ်းစစ်စစ် မဟုတ်ဘူး။ အစိုးရ၀န်ထမ်းဘ၀ကနေပြီးတော့ ရွှေသံလွင်ကုမ္ပဏီကို အသွင်ပြောင်းဝန်ထမ်းအဖြစ် ကူးပြောင်းခဲ့ရတဲ့ ၀န်ထမ်းတွေဖြစ်တဲ့အတွက် ဒါကို နစ်နာကြေး ငါးလစာပေးပြီး အလုပ်ထုတ်တာကို ကျွန်မတို့က လက်မခံနိုင်ဘူး။ ဒါပေမဲ့ လက်ရှိ ကျွန်မတို့ဝန်ထမ်းတွေမှာ နို့တစ်ကြေး တစ်လစာဆိုပြီးတာ့ အချိန်တစ်လ ရှိသေးတယ်။ ကျွန်မတို့ ဒီအချိန် တစ်လအတွင်းမှာ ၀န်ထမ်းတွေ အဆင်ပြေအောင် လှုပ်ရှားသွားမှာဖြစ်ပါတယ်” ဟု ယခင်စက်ရုံမန်နေဂျာအဖြစ် တာဝန်ထမ်းဆောင်ခဲ့သူ ဒေါ်စုစုလှိုင်က ပြောကြားသည်။

“လက်ရှိမှာ ၀န်ထမ်းတွေက အလုပ်ရပ်ဆိုင်းသွားပြီဆိုတော့ နောက်လကစပြီး ၀န်ထမ်းအားလုံးက ကစင့်ကလျားဖြစ်ကုန်မယ်။ ကျွန်မတို့မှာက တစ်ဦးတစ်ယောက်တည်းရဲ့ ဘ၀ရပ်တည်မှု မဟုတ်ဘူး။ စက်ရုံဝန်ထမ်း ၄၇၃ ယောက်နဲ့ နောက်မှာ မိသားစုကလည်း ရှိသေးတယ်။ အခု ပြည်နယ်အစိုးရက ဒီစက်ရုံကို ပြန်လက်ခံလိုက်တယ်ဆိုတဲ့အတွက် ပြည်နယ်အစိုးရမှာ တာဝန်လုံးလုံးလျားလျား ရှိပါတယ်။ သူတို့အနေနဲ့ကလည်း တာဝန်ယူ ဖြေရှင်းပေးရမှာဖြစ်ပါတယ်။ ပြည်နယ်အစိုးရကနေ ဒီစက်ရုံ ထိန်းသိမ်းကြပ်မတ်ဖို့အတွက် ကော်မတီတစ်ခု ဖွဲ့ပေးခဲ့တယ်ဆိုပေမယ့် ကျွန်မတို့ ၀န်ထမ်းတွေ မသိရဘူး။ ၀န်ထမ်းတွေနဲ့လည်း ဘာမှဆွေးနွေးတာတွေမရှိဘူး။ သူတို့ဟာသူတို့ စက်ရုံအနေအထားကိုကြည့်သွားတာပဲ ရှိတယ်။ ကျွန်မတို့ဝန်ထမ်းတွေနဲ့ ဆွေးနွေးခြင်း၊ ညှိနှိုင်းခြင်း ဘာမှမရှိပါဘူး”  ဟု ဒေါ်စုစုလှိုင်က ဆက်လက်ပြောကြားသည်။

အဆိုပါစက္ကူစက်ရုံ (စစ်တောင်း) မှ ၀န်ထမ်းများက ဆန္ဒထုတ်ဖော်မှုကို စက်ရုံအ၀င်ဝ ဂိတ်ရှေ့မှ သိမ်ဇရပ်မြိ့ န၀ရတ်ရပ်ကွက်ရှိ ပြည်သူ့အားကစားဝင်းအထိ ‘ဒေသ အလုပ်အကိုင်ရရှိရေး ဒို့အရေး၊ အိမ်ရာနေထိုင်မှု ခိုင်မြဲရေးဒို့အရေး၊ လစာမပြတ်ရရှိရေး ဒို့အ ရေး၊ ပြည်နယ်အစိုးရအဖွဲ့မှ ညှိနှိုင်းပေးရေး ဒို့အရေး၊ ရွှေသံလွင်ကုမ္ပဏီ၏ ပျက်ကွက်မှုအား အရေးယူပေးရေး ဒို့အရေး’ စသည့်ကြွေးကြော်သံများ ကြွေးကြော်ကာ လမ်းလျှောက်ချီတက် ဆန္ဒထုတ်ဖော်ခဲ့ကြသည်။

 

ဟောင်ကောင်တွင် အာဏာရှင်စနစ် ဆန့်ကျင်ရေး ချီတက်ဆန္ဒပြမှုအား တက်ကြွလှုပ်ရှားသူ ဂျိုရှာဝေါင် ဦးဆောင်

ဒီဇင်ဘာ ၃ ရက်က ဟောင်ကောင်တွင် ဆန္ဒပြမှု၌ ဦးဆောင်နေသည့် ဂျိုရှာဝေါင်(လယ်) (photo – AFP)

ဟောင်ကောင်တွင် အာဏာရှင်စနစ်အား ဆန့်ကျင်သည့် ဆန္ဒပြမှုဟု သတ်မှတ်သော ဒီဇင်ဘာ ၃ ရက်က ချီတက်ဆန္ဒပြမှုကို တက်ကြွလှုပ်ရှားသူ ဂျိုရှာဝေါင်အပါအ၀င် ထင်ရှားသော ဒီမိုကရေစီ တက်ကြွလှုပ်ရှားသူအချို့ ဦးဆောင်ခဲ့ပြီး လူ ၁၀၀၀ ခန့် ပါဝင်ခဲ့ကြသည်။

တရုတ်၏ အထူးကိုယ်ပိုင်အုပ်ချုပ်ရဒေသ ဟောင်ကောင်တွင် တရုတ်၏ ဖိအားပေးမှု မြင့်တက်လာစဉ် အခွင့်အရေးများနှင့် လွတ်လပ်ခွင့်များ ဆုံးရှုံးနိုင်သည့် အန္တရာယ်ကြုံတွေ့နေရသည်ဟု တက်ကြွလှုပ်ရှားသူများက ပြောကြားခဲ့သည်။ တရားရုံး၌ ကြားနာမှုများအပြီး တက်ကြွလှုပ်ရှားသူများ ထောင်ဒဏ်ချမှတ်ခံခဲ့ရပြီး ဟောင်ကောင်တွင် အဖျက်အမှောင့်လုပ်ရပ်များ ဆန့်ကျင်သည့် ဥပဒေတစ်ရပ် ပြဋ္ဌာန်းမည်ကိုလည်း ၎င်းတို့က စိုးရိမ်နေသည်။

၂၀၁၄ ခုနှစ်က ထင်ရှားသော ဒီမိုကရေစီလိုလားသည့် ထီးလှုပ်ရှားမှုတွင် ပါဝင်ခဲ့မှုအတွက် အသက် ၂၁ နှစ်ရှိ ဝေါင်သည် ပြီးခဲ့သောသြဂုတ်တွင် ထောင်ဒဏ်ချမှတ်ခံခဲ့ရပြီး ၎င်းက အယူခံဝင်ထားစဉ် အာမခံဖြင့် လွတ်မြောက်နေသည်။ ဝေါင်သည် နောက်ထပ် ဆန္ဒပြမှုတစ်ခုနှင့် ဆက်နွှယ်၍ ဒီဇင်ဘာ ၇ ရက်တွင် ပြစ်ဒဏ်ချမှတ်ခံရမည်ဖြစ်ပြီး ပိုမိုပြင်းထန်သော ထောင်ဒဏ်ချမှတ်ခံရနိုင်ကြောင်း သိရသည်။

မည်သူမျှ ထောင်ဒဏ်ကျခံလိုခြင်းမရှိကြောင်း၊ (သို့သော်) အကယ်၍ ယင်းက ဟောင်ကောင်တွင် တရားစီရင်ရေးနှင့် ဒီမိုကရေစီတို့အား ပို၍ဂရုတစိုက်ရှိလာစေရန် လူများအား လှုံ့ဆော်နိုင်ပါက ယင်းသည် တန်ဖိုးရှိပြီး ၎င်းက ပေးဆပ်သွားမည်ဖြစ်ကြောင်း ဝေါင်က ပြောကြားခဲ့သည်။

ဆန္ဒပြသူများက ‘ဟောင်ကောင်၏ စိတ်ဓာတ်သည် မည်သည့်အခါမျှ အကျဉ်းချခံထားရမည်မဟုတ်’ နှင့် ‘ကြံ့ကြံ့ခံတော်လှန်သူများနှင့် အတူယှဉ်တွဲပြီး အာဏာရှင် အုပ်ချုပ်မှုအား တိုက်ဖျက်ကြ’ ဟု ရေးထားသည့် စာတန်းများအား ကိုင်ဆောင်ခဲ့ကြသည်။ ဆန္ဒပြသူအချို့ကမူ ဟောင်ကောင်ခေါင်းဆောင်များ၏ ရုပ်ပြောင်များကို ကိုင်ဆောင်ခဲ့ကြသည်။

ဆန္ဒပြသူအချို့ကလည်း အသံသွင်းထားသော တရုတ်အမျိုးသားသီချင်းအား ဖွင့်ပြခဲ့ပြီး ‘အမျိုးသားသီချင်းသံအားကြားလျှင် အစာစားမှုအားရပ်၍ ချက်ချင်းထရပ်ကြ’ ဟု ရေးထားသည့် အရုပ်တစ်ရုပ်ကိုလည်း ကိုင်ဆောင်ခဲ့ကြသည်။ တရုတ်အမျိုးသား သီချင်းအား မလေးမစားလုပ်သူများအား အပြစ်ပေးရန်ပေကျင်းတွင် ပြဋ္ဌာန်းခဲ့သည့် ဥပဒေသစ်တစ်ရပ်သည် ဟောင်ကောင်တွင်လည်း အကျုံးဝင်မည်ဖြစ်ကြောင်း သိရသည်။

ဆန္ဒပြမှုတွင် ပူးပေါင်းပါဝင်ခဲ့သည့် အသက် ၂၀ အရွယ် ကျောင်းသား ကယ်လ်ဗင်မက်က သူသည် နောင်တွင် ယင်းကဲ့သို့ ဆန္ဒပြနိုင်သည့်အခွင့်အရေးများ တဖြည်းဖြည်း ပျောက်ဆုံးသွားမည်ကို စိုးရိမ်သဖြင့် ယခုကဲ့သို့ ပါဝင်ခဲ့ခြင်းဖြစ်ကြောင်း ပြောကြားခဲ့သည်။ အနည်းဆုံးအနေဖြင့် ၎င်းတို့ရရှိနေသည့် လွတ်လပ်ခွင့်များအား ကြံ့ကြံ့ခံသည့် နောက်ဆုံးနေရာတစ်ခု ဖြစ်လိုသောကြောင့် ၎င်းတို့သည် ဆန္ဒပြမှုများကို တိုးမြှင့်ပြုလုပ်နေရခြင်းဖြစ်ကြောင်း ၎င်းက ပြောကြားခဲ့သည်။

ဗြိတိန်က ဟောင်ကောင်အား ၁၉၉၇ တွင် တရုတ်ထံလွှဲပေးခဲ့ပြီးနောက် တစ်နိုင်ငံ စနစ်နှစ်မျိုးအရ ပြည်မကြီးတွင်မရနိုင်သော လွတ်လပ်ခွင့်များအား ဟောင်ကောင်၌ ခံစားခွင့်များရရှိထားသည်။

Ref ; AFP