ဆွာတမံမှ ဆည်ရေတိုးခြင်းကြောင့် အိမ်ခြေ ၃၈၀ ကျော်ပျက်စီးပြီး ကျပ်သိန်းပေါင်း ၁၂၀၀ ကျော်ဆုံးရှုံးခဲ့ကာ လူလေးဦး သေဆုံးသော အခြေအနေမှာ ပျက်စီးဆုံးရှုံးမှု နည်းပါးသော အခြေအနေဖြစ်ကြောင်း ရေတာရှည်မြို့နယ် အုပ်ချုပ်ရေးမှူး ပြောကြား

ဆည်ရေတိုးခံခဲ့ရသော ဆွာချောင်းနံဘေးမှ ကြာအင်းရွာအား ရေကျပြီးနောက် စက်တင်ဘာ ၃ ရက် ညနေပိုင်းက တွေ့ရစဉ်

ပဲခူးတိုင်းဒေသကြီး ရေတာရှည်မြို့နယ် ဆွာမြို့ရှိ ဆွာတမံမှ ရေပိုလွှဲလက်တံမြောင်းမှာ သြဂုတ် ၂၉ ရက်က ပြိုကျမှုဖြစ်ပွားခဲ့ရာ ဆည်ရေထိုးဆင်းမှု ဖြစ်ပွားပြီး အိမ်ခြေပေါင်း ၃၈၀ ကျော် ပြိုလဲပျက်စီး၍ ကျပ်သိန်းပေါင်း ၁၂၇၉ ဆုံးရှုံးခဲ့ကြောင်း သိရသည်။

ထို့ပြင် ဆည်ရေနှင့် မျောပါရာမှ လူလေးဦးသေဆုံး၊ လူနှစ်ဦး ပျောက်ဆုံးမှုလည်း ဖြစ်ပွားခဲ့ပြီး ယင်းအခြေအနေမှာ ပျက်စီးဆုံးရှုံးမှု နည်းပါးသော အခြေအနေသာ ဖြစ်ခဲ့ကြောင်းနှင့် မြို့နယ်မှတာဝန်ရှိသူများ အချိန်မီ ကာကွယ်ကူညီ ပေးနိုင်ခဲ့ခြင်း၊ ဆည်ရေတိုးခြင်းမှာလည်း ညပိုင်းမဟုတ်ဘဲ နေ့လယ်ပိုင်းတွင် ဖြစ်ပွားခဲ့ခြင်းတို့ကြောင့် ယခုလောက်သာ ပျက်စီးဆုံးရှုံး သေဆုံးခဲ့ခြင်းဖြစ်ကြောင်း ရေတာရှည်မြို့နယ် အုပ်ချုပ်ရေးမှူး ဦးမင်းနိုင်အောင်က ပြောကြားသည်။

ယင်းအခြေအနေနှင့် ပတ်သက်ပြီး ရေတာရှည်မြို့နယ် အုပ်ချုပ်ရေးမှူး ဦးမင်းနိုင်အောင်က “လုံးဝပြိုလဲ သွားတာပေါ့နော်။ ပြိုလဲတယ်ဆိုတာ တချို့က ရေနောက်ပါသွားတယ်၊ ရေလုံးအရှိန်ကြောင့်ပေါ့နော်။ ရေနောက်ပါပြီးတော့ လုံးဝပြိုကျသွားတာတော့ ၁၈၅ လုံးရှိပါတယ်။ အဲဒီ ၁၈၅ လုံးအပါအ၀င် ကျန်တဲ့ဟာကတော့ သာမန်ပျက်စီး သွားတာပေါ့။ ပျက်စီးတယ်၊ အမိုးလန်သွားတယ်၊ တချို့ကတော့ ထရံတွေဘာတွေ ကွာသွားတယ်။ ယိုင်သွားတယ်ပေါ့နော်။ ကျန်တဲ့ အိမ် ၃၀၀ ကျော်ကတော့ အဲဒီလို အနေအထားပါဗျ။ ပျက်စီးတာက ၃၀၀ ကျော်နဲ့ လုံးဝပြိုလဲသွားတာကတော့ ၁၈၅ လုံးပါ။ ဒီဟာနဲ့ပတ်သက် ပြီးတော့ လူမှုဝန်ထမ်း ကယ်ဆယ်ရေးဌာနက တစ်သိန်းထောက်ပံ့ပါတယ်။ သဘာဝဘေး အန္တရာယ်စီမံခန့်ခွဲမှု ကော်မတီ ဗဟိုအဆင့်က နေပြီးတော့ တစ်အိမ်ကို နှစ်သိန်းနှုန်း၊ ဒီနေ့လာထောက်ပံ့သွားပြီ ဖြစ်ပါတယ်။ ထပ်မံပြီးတော့ ကယ်ဆယ်ရေးနဲ့ သဘာဝဘေးအန္တရာယ် စီမံခန့်ခွဲရေး ဌာနဖြစ်တဲ့ လူကယ်ပြန် ဦးစီးဝန်ကြီးဌာနကနေပြီး အိမ်သုံးပစ္စည်းတွေ ဖြန့်ဝေနေပြီ ဖြစ်ပါတယ်။ ဒီလိုပဲ တိုင်းဒေသကြီး အစိုးရအဖွဲ့ အစီအစဉ်နဲ့ ဆန်၊ ဆီ၊ ငါး သေတ္တာ၊ ခေါက်ဆွဲခြောက် ဒါတွေကိုလည်း အရင်ရက်တွေကလည်း ဖြန့်ထားတယ်။ ၂ ရက်နေ့ကနေ ၄ ရက်နေ့အထိ လက်ရှိဖြန့် ထားပေးပြီး ဖြစ်ပါတယ်” ဟု ပြောကြားသည်။

သြဂုတ် ၂၉ ရက် နံနက် ၅ နာရီခန့်က ဆွာတမံမှ ဆည်ရေတိုးခြင်းကြောင့် လူ ၁၀ ဦးခန့် ပျောက်ဆုံးခဲ့ရာ လေးဦးအား အကောင်းအတိုင်း ပြန်တွေ့ခဲ့သော်လည်း လေးဦးအား သေဆုံးလျက် တွေ့ရှိခဲ့ရပြီး နှစ်ဦးမှာ စက်တင်ဘာ ၃ ရက်အထိ ပျောက်ဆုံးနေဆဲဖြစ်ကြောင်း သိရသည်။ ထို့ပြင် ရေတာရှည်မြို့နယ်ရှိ ကျေးရွာအုပ်စုပေါင်း ၁၈ ရွာရှိ ကွင်းပေါင်း ၁၀၂ ကွင်းမှ မိုးစပါးစိုက်ဧက ၃၂၉၂၁ ဧကအထိ ရေလွှမ်းမိုးမှု ဖြစ်ပွားခဲ့သော်လည်း ရေများပြန်လည်ကျဆင်းမှု မြန်ဆန်ခဲ့သောကြောင့် ပျက်စီးဆုံးရှုံးမှု နည်းပါးခဲ့ပြီး နုန်းထိုး၍ ပျက်စီးသွားခဲ့သော မိုးစပါးစိုက်ဧက ၆၀၀ ခန့်သာ ပျက်စီးသွားခဲ့ကြောင်း၊ အဆိုပါ ပျက်စီးဧကများတွင် မိုးစပါးအစား အာလူးနှင့် ကြက်သွန်ကဲ့သို့သော မီးဖိုချောင်သီးနှံများကိုသာ အစားထိုးစိုက်ပျိုးရန် ဆောင်ရွက်ထားကြောင်း ဦးမင်းနိုင်အောင်က ပြောကြားသည်။

“လယ်မြေအနေနဲ့တော့ ဧကသုံးသောင်းမှာ ကျွန်တော်တို့က ဧက ၆၀၀ ပဲ ပျက်စီးတဲ့အတွက် ၀.၀၂ ရာနှုန်းလောက်ပဲ ပျက်စီးပါတယ်။ မပြောပလောက်ပါဘူး။ လူအသေအပျောက် အနေနဲ့လည်း လက်ရှိအနေအထားအရ လေးဦးပဲ သေဆုံးတာပေါ့နော်။ လေးဦးပဲ သေဆုံးတဲ့အတွက် ရာနှုန်းအင်မတန်ကို နည်းတယ်လို့ ပြောလို့ရပါတယ်။ ဒါကလည်း ရေပိုလွှဲကစပြီးတော့ ရေပေါက်တာနဲ့ ကျွန်တော်တို့က သက်ဆိုင်ရာ ဌာနဆိုင်ရာတွေကို ကျေးရွာအုပ်စုအလိုက် ချက်ချင်းလိုက်ပြောနိုင်တယ်။ ရပ်ကျေးအုပ်ချုပ်ရေးမှူးတွေကိုလည်း ကျွန်တော်တို့က ဖုန်းနဲ့တစ်ပြိုင်တည်း ချိတ်ဆက်ပြီးတော့ ရွာမှာဟန်းစပီကာတို့၊ လော်စပီကာတို့နဲ့ ဆော်သြပြီးတော့ ကုန်းမြင့်တဲ့နေရာတွေ၊ ဘေးလွတ်ရာတွေကို အမြန်ဆုံး ရွှေ့ပါဆိုတော့ အမြန်ဆုံး ရွှေ့ပြောင်းနိုင်တာ လည်းပါတယ်။ နောက်တစ်ချက်က ညပိုင်းမဖြစ်ဘဲ မနက်မိုးလင်းပိုင်းမှ ဖြစ်တဲ့အတွက် လူတွေရွှေ့ပြောင်းရတာ မြင်မြင်ထင်ထင်ဖြစ်တယ်၊ လွယ်ကူတဲ့အတွက် လူအသေအပျောက်နှုန်းက တစ်မြို့နယ်လုံးနဲ့စာရင် အင်မတန် နည်းသွားတာ ဖြစ်ပါတယ်” ဟု ၎င်းကဆက်လက် ပြောကြားသည်။

ဆွာတမံမှ ရေပိုလွှဲပဲ့ကျမှုကြောင့် ရေကြီးခြင်းများ ဖြစ်ပွားခဲ့ရာ ရေတာရှည်မြို့နယ်တွင် ရေဘေးရှောင်ပြည်သူ ၄၉၃၈၂ ဦးရှိခဲ့ပြီး ရေဘေးကယ်ဆယ်ရေးစခန်း ၄၃ ခု၊ တောင်ငူမြို့နယ်တွင် လူဦးရေ ၂၄၆၇၂ ဦးအား ကယ်ဆယ်ရေးစခန်း ၄၄ ခု၊ အုတ်တွင်းမြို့နယ်တွင် လူဦးရေ ၁၄၆၀ ဦးအား ကယ်ဆယ်ရေးစခန်း ခုနစ်ခု၊ ကျောက်ကြီးမြို့နယ်တွင် လူဦးရေ ၄၇၃ ဦးအား ကယ်ဆယ်ရေးစခန်း ၁၂ ခု တို့တွင် ယာယီရွှေ့ပြောင်း ထားခဲ့ရကြောင်း၊ ပဲခူးတိုင်းအရှေ့ခြမ်းမှ အခြေခံပညာ ကျောင်းပေါင်း ၃၁၉ ကျောင်းအား ယာယီပိတ်ထားခဲ့ရပြီး ရေဖြင့်မျောပါပြီး သေဆုံးသူ လေးဦး၊ ပျောက်ဆုံးသူ နှစ်ဦးရှိခဲ့ကြောင်း သိရသည်။

 

ဆွာတမံမှ ဆည်ရေတိုးခြင်းကြောင့် ပဲခူးတိုင်းဒေသကြီး အရှေ့ခြမ်းမှ အခြေခံပညာကျောင်းပေါင်း ၃၁၉ ကျောင်း ယာယီပိတ်ထားခဲ့ရ

ဆွာဆည် ရေတိုးခြင်းကြောင့် တောင်ငူမြို့ပေါ်ရပ်ကွက်မှ စာသင်ကျောင်း ယာယီပိတ်ထားရသည်ကို သြဂုတ် ၃၁ ရက် နံနက်ပိုင်းက တွေ့ရစဉ်

ပဲခူးတိုင်းဒေသကြီး ရေတာရှည်မြို့နယ် ဆွာမြို့ရှိ ဆွာချောင်းတမံ၏ ရေပိုလွှဲလက်တံ မြောင်းနံရံမှာ သြဂုတ် ၂၉ ရက် နံနက် ၄ နာရီခန့်က ပြိုကျမှုကြောင့် တောင်ငူခရိုင်မြို့နယ်များနှင့် စစ်တောင်းမြစ်အနီး ကျေးရွာများ၊ အနိမ့်ပိုင်း နေရာများတွင် ရေကြီးရေလျှံမှုများ ဖြစ်ပွားခဲ့ရာ ပဲခူးတိုင်းဒေသကြီး အရှေ့ခြမ်းမှ အခြေခံပညာ ကျောင်းပေါင်း ၃၁၉ ကျောင်းအား ယာယီပိတ်ထားခဲ့ရကြောင်း ပဲခူးတိုင်းဒေသကြီး ပညာရေးမှူးရုံးမှ သိရသည်။

ပဲခူးတိုင်းဒေသကြီး အရှေ့ခြမ်းတွင် ရေကြီးခြင်းကြောင့် ရေတာရှည်မြို့နယ် တစ်မြို့နယ်လုံးမှ အခြေခံပညာ ကျောင်းပေါင်း ၂၆၂ ကျောင်း၊ တောင်ငူမြို့နယ်တွင် ၄၁ ကျောင်း၊ ထန်းတပင်မြို့နယ်တွင် ၁၂ ကျောင်း၊ အုတ်တွင်းမြို့နယ်တွင် တစ်ကျောင်း၊ ဒိုက်ဦးမြို့နယ်တွင် နှစ်ကျောင်း၊ ဖြူးမြို့နယ် တစ်ကျောင်း ရှိခဲ့ရာ စုစုပေါင်း ၃၁၉ ကျောင်းအား ယာယီပိတ်ထားရခြင်း ဖြစ်ကြောင်း ပဲခူးတိုင်းဒေသကြီး ပညာရေးမှူးရုံးမှ တာဝန်ရှိသူ တစ်ဦးက ပြောကြားသည်။

တောင်ငူမြို့နယ်တွင် အခြေခံပညာကျောင်းများ ယာယီပိတ်ထားရသည့် အခြေအနေနှင့် ပတ်သက်ပြီး တောင်ငူမြို့နယ် ပညာရေးမှူး ဒေါက်တာနော်ဥမ္မာထွန်းက “ဒီနေ့က ၁၃ ကျောင်းထပ်ပိတ်တော့ အားလုံးပေါင်း ၅၄ ကျောင်းရှိသွားပြီ။ ကျောင်းပိတ်ရတာ၊ ကျွန်မတို့ ရေစ၀င်တဲ့နေ့ကနေပြီးတော့ ၂၉ ရက်ကနေပြီးတော့ ၁၃ ကျောင်းပိတ်တယ်။ အဲဒီတုန်းကတော့ ရေမ၀င်သေးဘူး။ အဲ့ဒိုးအင်း အုပ်စုဘက်ကလေ အရင်ပိတ်ထားလိုက်တယ်။ အဲဒီနေ့က ရေမ၀င်သေးဘူး။ ဒါပေမဲ့ ကြိုတင်ပိတ်ထားတယ်။ မနေ့က ၃၀ ရက်မှာ ခုနစ် ကျောင်းထပ်ပိတ်တယ်။ အဲဒါတော့ ရေ၀င်ပြီပေါ့နော်၊ အခုဒီနေ့မနက်မှာ ၁၃ ကျောင်းထပ်ပိတ်တယ်။ မိုးကောင်းအုပ်စု ဘက်ကကျောင်းတွေကို ၁၃ ကျောင်းထပ်ပိတ်ရပါတယ်။ အဲဒီတော့ အားလုံးပေါင်း ၅၄ ကျောင်းပေါ့။ အထက်တန်းကျောင်းက အခု အ.ထ.က ၄ မိုင်ကို ပိတ်ထားတာပေါ့နော်။ အ.ထ.က ၆ ကကျတော့ ကယ်ဆယ်ရေး စခန်းဖွင့်ထားတာ၊ အထက်တန်းကျောင်းက နှစ်ကျောင်းပဲ ရှိပါတယ်။ ကျောင်းက ရေကျပြီ ဆိုတာနဲ့ စနေ တနင်္ဂနွေ ပြန်တက်မယ်လို့ စီစဉ်ထားပါတယ်” ဟု သြဂုတ် ၃၁ ရက်က ပြောကြားသည်။

ယာယီပိတ်ထားသော ကျောင်းပေါင်း ၃၁၉ ကျောင်းတွင် အထက်တန်းဆင့် ၁၃ ကျောင်း၊ အလယ်တန်းဆင့် ၃၇ ကျောင်း၊ မူလတန်းအဆင့် ၂၆၉ ကျောင်းပိတ်ထားခဲ့ရပြီး အဆိုပါကျောင်းများမှ ကျောင်းသား ကျောင်းသူပေါင်း အထက်တန်းဆင့် ကျောင်းသား ၅၈၆၆ ဦး၊ အလယ်တန်းဆင့် ကျောင်းသား ၂၂၃၈၅ ဦးနှင့် မူလတန်းအဆင့် ကျောင်းသား ၃၃၂၅၅ ဦးရှိခဲ့ရာ စုစုပေါင်း ကျောင်းသား၊ သူ ၆၅၅၀၆ ဦးတို့အား ယာယီပိတ်ထားခဲ့ရခြင်း ဖြစ်ကြောင်း သိရသည်။ ယခုပိတ်ထားရသော ကျောင်းများမှာ သြဂုတ် ၂၉ ရက်က ဆွာမြို့ရှိ ဆွာဆည်မှ ရေများထိုးဆင်းခြင်းကြောင့် ရေကြီးရေလျှံမှု ဖြစ်ပွားကာ ဒုတိယအကြိမ်အဖြစ် စာသင်ကျောင်းများအား ယာယီပိတ်ထား ခဲ့ရခြင်းဖြစ်သည်။

ပဲခူးတိုင်းဒေသကြီးအတွင်း ပြီးခဲ့သော ဇူလိုင်လ နောက်ဆုံးအပတ်အတွင်းက မိုးဆက်တိုက်ရွာသွန်း၍ ရေကြီးရေလျှံမှုများ ဖြစ်ပွားခဲ့ရာတွင် ပဲခူးတိုင်းဒေသကြီး အတွင်းရှိ မြို့နယ်ပေါင်း ၁၄ မြို့နယ်မှ စာသင်ကျောင်းများအား ပထမအကြိမ်ဖြစ် ယာယီပိတ်ထားခဲ့ရပြီး ပဲခူးမြို့နယ်တွင် ၃၀ ကျောင်း၊ က၀မြို့နယ်တွင် ၂၇ ကျောင်း၊ သနပ်ပင်မြို့တွင် ငါးကျောင်း၊ ဝေါမြို့နယ်တွင် ၃၈ ကျောင်း၊ ဒိုက်ဦးမြို့နယ်တွင် ၁၂ ကျောင်း၊ ညောင်လေးပင် မြို့နယ်တွင် ၄၅ ကျောင်း၊ ရွှေကျင်မြို့နယ်တွင် ၈၉ ကျောင်း၊ ကျောက်တံခါး မြို့နယ်တွင် ကိုးကျောင်း၊ တောင်ငူမြို့နယ်တွင် ၁၁ ကျောင်း၊ ထန်းတပင်မြို့နယ်တွင် နှစ်ကျောင်း၊ အုတ်တွင်းမြို့နယ်တွင် ၁၄ ကျောင်း၊ ဖြူးမြို့နယ်တွင် ၃၆ ကျောင်း၊ ကျောက်ကြီးမြို့နယ်တွင် ၄၅ ကျောင်း၊ စုစုပေါင်း စာသင်ကျောင်း ၃၆၃ ကျောင်းအား ပိတ်ထားခဲ့ရသေးကြောင်း သိရသည်။

 

တောင်ငူမြို့တွင် စစ်တောင်းမြစ်ရေ အနည်းငယ်ကျဆင်းပြီး မြစ်အောက်ဘက်ရှိ မြို့နယ်များတွင် ရေကြီးမှုများ ကြုံတွေ့ခဲ့ရသော်လည်း ကြိုတင်ပြင်ဆင်နိုင်ခဲ့ဟုဆို

အုတ်တွင်းမြို့နယ် ဇီးဖြူသောင်ကျေးရွာသို့ သွားသောလမ်းတွင် ရေကျော်နေသည်ကို စက်တင်ဘာ ၁ ရက်က တွေ့ရစဉ်

ပဲခူးတိုင်းဒေသကြီး တောင်ငူခရိုင် ရေတာရှည်မြို့နယ် ဆွာမြို့ရှိ ဆွာတမံမှ ဆည်ရေများ ထိုးဆင်းခြင်းကြောင့် တောင်ငူခရိုင် အတွင်းရှိ မြို့နယ်များတွင် ရေကြီးရေလျှံမှု ဖြစ်ပွားခဲ့ရာ စက်တင်ဘာ ၁ ရက်တွင် တောင်ငူမြို့၏ စစ်တောင်းမြစ်ရေမှာ အနည်းငယ် ကျဆင်းသွားခဲ့ပြီး စစ်တောင်းမြစ်အောက်ဘက်ရှိ မြို့နယ်များတွင် ရေကြီးမှုများ ကြုံတွေ့ခဲ့ရသော်လည်း ကြိုတင်ပြင်ဆင်နိုင်ခဲ့ကြောင်း အုတ်တွင်းမြို့နယ် အုပ်ချုပ်ရေးမှူးက ပြောကြားသည်။

ယင်းအခြေအနေနှင့် ပတ်သက်ပြီး အုတ်တွင်းမြို့နယ် အုပ်ချုပ်ရေးမှူး ဦးစိုးလင်းက “မနေ့က အုတ်တွင်းမြို့နယ်မှာ ကယ်ဆယ်ရေးစခန်း ခြောက်ခုပေါ့။ အဲဒါကို အိမ်ထောင် စုက ၃၇၆ စု၊ လူဦးရေက ၁၄၆၀ ပေါ့။ အဲဒီမတိုင်ခင် တစ်ညမှာပဲ တောင်ငူမှာဖြစ်ထား တယ်ဆိုတော့ ကယ်ဆယ်ရေး စောင့်ဆိုင်းပြီးတော့ လာပြီးကူညီကြတယ်ဆိုတော့ ချက်ချင်းကြီး အဆင်ပြေသွားတယ်။ ဒီနေ့မှာတော့ ၈၉၉ ဦးရှိတော့တာ။ ကယ်ဆယ်ရေး စခန်းကတော့ မနေ့က အရေအတွက်အတိုင်းပဲ ရှေ့မှာကြိုပြီးတော့ အကြောင်းကြား ထားတာလေးရှိတော့ သူတို့လည်း Alart ဖြစ်ပါတယ်။ ကားလမ်းမှာ ရေကျော်တဲ့ နေရာကတော့ ဒီမနက် က ပထမတုန်းက လူကိုလမ်းလျှောက်ပြီးသွားလို့ရတဲ့ အခြေအနေပဲ။ အဲ့ဒါကို ကျွန်တော်တို့က ကြိုးလေးနဲ့ တားလိုက်ပြီးတော့ ကူးလို့ရအောင် လုပ်ပေးလိုက်တာ ဆိုတော့ အခုချိန်ဆိုရင် ဆိုင်ကယ်မောင်းပြီးတော့ သွားလို့ရတဲ့ အခြေအနေပဲ။ ကားကြီးတွေကတော့ နည်းနည်းမသွားရဲသေးဘူး။ အဲဒီလိုဖြစ်နေတာ” ဟု ပြောကြားသည်။

ဆွာတမံမှ ဆည်ရေတိုးခြင်းကြောင့် သြဂုတ် ၂၉ ရက်တွင် ဆွာမြို့နှင့် ရေတာရှည် မြို့နယ်တို့တွင် လည်းကောင်း၊ သြဂုတ် ၃၀ ရက်တွင် တောင်ငူမြို့နယ်တွင် လည်းကောင်း၊ သြဂုတ် ၃၁ ရက်တွင် အုတ်တွင်းမြို့နယ်၊ ကျောက်ကြီးမြို့နယ်၊ ဖြူးမြို့နယ်တို့မှ အနိမ့်ပိုင်းနေရာများအထိ ရေ၀င်ရောက်မှု ဖြစ်ပွားခဲ့ပြီး မြစ်ရေမှာလည်း စိုးရိမ်ရေအမှတ် ၆၀၀ စင်တီမီတာအထက် ၆၉၃ စင်တီမီတာအထိ မြင့်တက်ခဲ့သည်။

အဆိုပါ မြစ်ရေမှာ သြဂုတ် ၃၁ ရက် ည ပိုင်းတွင် အနည်းငယ် ကျဆင်းလာခဲ့ပြီး စက်တင်ဘာ ၁ ရက် နံနက်ပိုင်းတွင် မိုးဇလဦးစီးဌာန၏ ထုတ်ပြန်ချက်အရ ၆၅၆ စင်တီမီတာ (တစ်ပေခွဲခန့် လျော့နည်း) အထိ ကျဆင်းသွားကြောင်း သိရသည်။ ထိုကဲ့သို့ မြစ်ရေကျဆင်း သွားသော်လည်း မြစ်ရေအမှတ်မှာ စိုးရိမ်ရေအမှတ် ၆၀၀ စင်တီမီတာ အထက်တွင် နှစ်ပေခန့် ဆက်လက် ကျန်ရှိနေသောကြောင့် ရေဘေးကယ်ဆယ်ရေး စခန်းများအား ဆက်လက် ဖွင့်လှစ်ထားရဆဲဖြစ်ပြီး ရေဘေးသင့် ပြည်သူများမှာလည်း အခြားလုပ်ငန်းများ လုပ်ကိုင်နိုင်ခြင်း မရှိသေးဘဲ ရေဘေးကယ်ဆယ်ရေး စခန်းများတွင်သာ နေထိုင်နေရသေးကြောင်း သိရသည်။

ယင်းအခြေအနေနှင့် ပတ်သက်ပြီး တောင်ငူမြို့ အမှတ် (၉) ရပ်ကွက်နေ ကိုဇော်မင်းက “မိုးတွေကလည်းရွာ၊ ရေတွေကလည်း ကြီးနေတော့ ဘာအလုပ်မှ လုပ်လို့မှမရတာ။ ဒါပေမဲ့ အခုလာပြီးတော့ ပံ့ပိုးတဲ့လူတွေ၊ ကူညီတဲ့လူတွေပေါ့။ သူတို့ပေးလို့ အဆင်ပြေတယ် အကုန်လုံး” ဟု ပြောကြားသည်။

အုတ်တွင်းမြို့နယ် ဇီးဖြူသောင်ရွာမှ ကိုဝင်းက “မနေ့က တစ်နေကုန် တက်လိုက်တယ်။ တက်ပြီးတော့ တက်လိုက်ပြီးတော့ အခုတော့ နည်းနည်းပြန်လျော့နေပါပြီ။ အခုလက်ရှိ ဒီမှာချည်းပဲ နေကြရတာ။ လူတွေလည်း တစ်အိမ်နဲ့တစ်အိမ် ပေါင်းပြီးနေကြရတာပေါ့။ နိမ့်တဲ့လူတွေက မြင့်တဲ့အိမ်တက်ပြီး နေကြပေါ့။ သူ့မိသားစုလိုက် မိသားစုလိုက်၊ ရေတွေကတော့ မသန့်ဘူးပေါ့။ လက်ရှိရေတွေပဲ သုံးနေရတာ စိတ်တွေလည်းညစ်လို့” ဟု ပြောကြားသည်။

ဆွာတမံမှ ရေပိုလွှဲ ပဲ့ကျမှုကြောင့် စစ်တောင်းမြစ်ရေကြီးခြင်း ဖြစ်ပွားခဲ့ရာ ရေတာရှည်မြို့နယ်တွင် လူဦးရေ ၅၀၂၈ ဦးအား၊ ကယ်ဆယ်ရေးစခန်း ၂၂ ခု၊ တောင်ငူမြို့နယ်တွင် လူဦးရေ ၂၄၆၇၂ ဦးအား ကယ်ဆယ်ရေးစခန်း ၄၄ ခု၊ အုတ်တွင်းမြို့နယ်တွင် လူဦးရေ ၁၄၆၀ ဦးအား ကယ်ဆယ်ရေးစခန်း ခုနစ်ခု၊ ကျောက်ကြီးမြို့နယ်တွင် လူဦးရေ ၄၇၃ ဦးအား ကယ်ဆယ်ရေးခစန်း ၁၂ ခုတို့တွင် ယာယီရွှေ့ပြောင်း ထားခဲ့ရကြောင်း၊ ပဲခူးတိုင်းအရှေ့ခြမ်းမှ အခြေခံပညာကျောင်းပေါင်း ၃၁၉ ကျောင်းအား ယာယီပိတ်ထားခဲ့ရပြီး ရေဖြင့်မျောပါပြီး သေဆုံးသူ လေးဦး၊ ပျောက်ဆုံးသူ နှစ်ဦးရှိကြောင်း သြဂုတ် ၃၁ ရက်တွင် ပဲခူးတိုင်းဒေသကြီး အစိုးရအဖွဲ့၏ ထုတ်ပြန်ချက်များအရ သိရသည်။

ဆွာ ဆည်ရေတိုးခြင်းကြောင့် တောင်ငူမြို့နယ်မှ လူဦးရေ ၁၅၀၀၀ ကျော် ရေဘေးလွတ်ရာ ရွှေ့ပြောင်းနေကြပြီး လူတစ်ဦး ရေစီးဖြင့်မျောပါ ပျောက်ဆုံး

သြဂုတ် ၂၉ ရက် ဆွာချောင်း ရေလှောင်တမံရေကြောင့် ရေတာရှည်မြို့တွင် ရေကြီးရေလျှံမှုဖြစ်စဉ် ကူညီကယ်ဆယ်ရေး ဆောင်ရွက်နေစဉ် (ဓာတ်ပုံ-ဇော်ဝင်းချစ်)

ဆွာ ဆည်ရေတိုးခြင်းကြောင့် တောင်ငူမြို့၏ စစ်တောင်းမြစ်ရေမှာ မိုးဇလဦးစီးဌာန၏ သြဂုတ် ၃၀ ရက် မွန်းလွဲ ၁ နာရီခွဲအချိန် တိုင်းထွာချက်အရ စိုးရိမ်ရေမှတ် ၆၀၀ စင်တီမီတာ အထက် ၆၆၃ စင်တီမီတာ (နှစ်ပေကျော်)ခန့် ကျော်လွန် ရောက်ရှိနေပြီး တောင်ငူမြို့နယ် ကျေးရွာများမှ လူဦးရေ ၁၅၀၀၀ ကျော်မှာ ရေဘေးလွတ်ရာသို့ ရွှေ့ပြောင်းနေရပြီး အမှတ် ၁၀ ရပ်ကွက်မှ အမျိုးသားတစ်ဦး ရေစီးဖြင့် မျောပါပျောက်ဆုံး လျက်ရှိကြောင်း သိရသည်။

အဆိုပါ အခြေအနေနှင့် ပတ်သက်၍ တောင်ငူမြို့နယ် တိုင်းဒေသကြီးလွှတ်တော် ကိုယ်စားလှယ် ကိုမိုးမခက “၁၀ ရပ်ကွက်ထဲမှာတော့ လူတစ်ယောက် ရေထဲမျောသွားတယ်။ ပစ္စည်းပြန်သယ်ရင်းနဲ့လို့ ပြောတယ်။ အခုထက်ထိ မတွေ့သေးဘူးပေါ့။ ကယ်ဆယ်ရေးစခန်း အနေနဲ့ကတော့ ၂၆ ခုပေါ့။ အဲဒီထက်လည်း နည်းနည်း ပိုလာနိုင်တယ်ပေါ့။ ဒါကလည်း ၁၂ နာရီအထိ ရတဲ့ဟာပေါ့နော်။ အိမ်ထောင်စု အားလုံးပေါင်း ၃၇၃၁ စု၊ အားလုံးပေါင်း လူဦးရေ ၁၅၀၀၀ ကျော်ပေါ့။ ၁၅၀၀၀ ကျော်လောက် ကယ်ဆယ်ရေးစခန်းတွေမှာ ရောက်နေတယ်။ လောလောဆယ် ကျွန်တော်တို့ သိထားတဲ့ အနေအထားပေါ့။ နောက်ပြီးတော့ ဒီအထဲမှာ တချို့ကစခန်းတွေမှာ မဟုတ်ဘဲနဲ့ နီးစပ်ရာ တောင်ကုန်းပေါ်ကို သွားနေတဲ့ လူတွေတော့ ရှိတော့ ရှိသေးတယ်ပေါ့။ အဲဒါတော့ ကျွန်တော်တို့ အတိအကျ မရသေးဘူးပေါ့။ ဒါက စခန်းတွေမှာ ရောက်ရှိထားတဲ့ လူဦးရေနဲ့ အိမ်ထောင်စုပေါ့။ လောလောဆယ်ကတော့ ကျွန်တော်တို့ မနေ့ကတည်းက အစည်းအဝေးထိုင်ပြီးတော့ ထောက်ပံ့မယ့် ပစ္စည်းကို ဒီနေရာကနေပြီးတော့ ကြီးကြပ်ကွပ်ကဲပြီးတော့ ကော်မတီအနေနဲ့ အပိုင်းလိုက် ခွဲယူပြီးတော့ နီးစပ်ရာတော့ ထမင်းထုပ်ပေးပေါ့။ အရှေ့ဆင်ရွာတို့၊ ကမ်းနီရွာတို့၊ ရွှေလေးအင်းတို့။ ဝေးတဲ့ နေရာကျတော့ ထမင်းထုပ် မပို့တော့ဘူး။ သူတို့ဘာသာသူတို့ ချက်စားလို့ရတဲ့ ရေသန့်တို့၊ ဆန်တို့၊ ခေါက်ဆွဲခြောက်တို့ပေါ့။ အဲဒီရွာတွေကိုအရောက် ကျွန်တော်တို့ သွားပို့မယ်” ဟု ပြောကြားသည်။

သြဂုတ် ၃၀ ရက် ညနေပိုင်းတွင် ရေများ ထပ်မံ တိုးလာသဖြင့် တောင်ငူမြို့မှ ကရင်ပြည် နယ်သံတောင်ကြီးဒေသဘက်သို့ သွားသော တောင်ငူ-သံတောင် ကားလမ်းမကြီး ချောင်းမ မွေတော် ဘုရားရှေ့လမ်းပေါ်သို့ ရေများကျော်လာခဲ့ရာ ယာဉ်သွားလာမှုများကို ရပ်တန့်ခဲ့ရ ကြောင်း ဒေသခံများထံမှ သိရသည်။

ယင်းနောက် လမ်းမနံဘေးတွင် နေထိုင်သော မိုးကောင်းကျေးရွာနှင့် ရွာသစ်ကျေးရွာတို့မှ ဒေသခံများနှင့် တိရစ္ဆာန်များအား ညနေပိုင်းတွင် ရေဘေးလွတ်ရာသို့ အရေးပေါ် ရွှေ့ပြောင်းခဲ့ရပြီး တောင်ငူမြို့နယ်မှ မီးသတ်တပ်ဖွဲ့၊ ကြက်ခြေနီတပ်ဖွဲ့၊ လူမှုရေးပရဟိတအသင်း၊ သဘာဝဘေးအန္တရာယ် ကာကွယ်ရေးအဖွဲ့များက ကူညီဆောင်ရွက်ပေးလျက် ရှိကြောင်း သိရသည်။

သြဂုတ် ၃၀ ရက်က ဆွာဆည်ရေတိုးမှုကြောင့် ရွှေ့ပြောင်း ရေဘေးဒုက္ခသည်များအား တွေ့ရစဉ် (ဓာတ်ပုံ-ဇော်ဝင်းချစ်)

ည ၇ နာရီခန့်တွင် စစ်တောင်းမြစ်ရေ မြင့်တက်လာခြင်းကြောင့် ရေကြီးရေလျှံမှုများ ပိုမိုဖြစ်ပွားလာကြောင်းလည်း သိရသည်။

ယင်းအခြေအနေနှင့် ပတ်သက်ပြီး ရေကျော်သည့် နေရာသို့ သွားရောက် ကူညီပေးခဲ့သည့် တောင်ငူမြို့နယ် စည်ပင်သာယာရေးကော်မတီ အဖွဲ့ဝင်(၂) ဦးတင်အံ့ကိုက “ကားလေးတွေတော့ အကုန်လုံး သွားလို့မရတဲ့ အတွက်ကြောင့် ဟိုဘက်ဒီဘက် ကူးချင်တယ် ဆိုရင်လည်း လှေလေးနဲ့ ပို့ပေးပါတယ်။ ERT အဖွဲ့က လှေနဲ့ ပို့ပေးပါတယ်။ ဟိုဘက်မှာ နှစ်ယောက် ကျန်တယ်ပြောလို့ ခုနက နှစ်ယောက် ကယ်ပြီးပါပြီ။ အခုလည်း မဖြစ်မနေသွားရမယ့် လူဆိုရင်တော့ လှေနဲ့ ပို့ပေးပါတယ်”ဟုပြောကြားသည်။

တောင်ငူမြို့တွင် စစ်တောင်းမြစ်ရေမှာ သြဂုတ် ၂၉ ရက် ညနေ ၃ နာရီခန့်မှစ၍ မြစ်ရေတိုးခဲ့ပြီး သြဂုတ် ၂၉ ရက် ည ၉ နာရီခန့်တွင် စိုးရိမ်ရေမှတ် ၆၀၀ စင်တီမီတာအထက် စတင်ကျော်လွန် ရောက်ရှိကာ တောင်ငူမြို့ ပေါ် အနိမ့်ပိုင်း ရပ်ကွက်များအထိ ရေများ ၀င်ရောက်ခဲ့ကြောင်း သိရသည်။

ထို့ပြင် မြစ်ရေမှာ စိုးရိမ်ရေမှတ်အထက် ကျော်လွန်ပြီးနောက်၂၄ နာရီအတွင်း တစ်ပေခန့်အထိ ထပ်မံမြင့်တက်နိုင်ကြောင်း မိုးဇလဦးစီးဌာနက ထုတ်ပြန်ခဲ့သည်။

သြဂုတ် ၂၉ ရက် နံနက် ၄ နာရီခန့်က ပဲခူးတိုင်းဒေသကြီး ရေတာရှည်မြို့နယ် ဆွာမြို့ရှိ ဆွာချောင်းတမံ၏ ရေပိုလွှဲ လက်တံမြောင်းနံရံ ပြိုကျမှုကြောင့် ရေများ ထိုးဆင်းမှုဖြစ်ပွားခဲ့ရာ ယင်းနေ့ နံနက်ပိုင်းတွင် ဆွာမြို့တွင် ရေလွှမ်းမှု စတင်ခဲ့ပြီး ရန်ကုန်-မန္တလေး အမြန်လမ်းမကြီး ၁၆၆ မိုင် ၀န်းကျင်တွင်လည်း ရေကျော်မှု ဖြစ်ပွားခဲ့သည်။

အမြန်လမ်းမကြီးပေါ် ရေကျော်မှု ဖြစ်ပွားရာတွင် အမြန်လမ်းမကြီး ၁၆၅ မိုင် ၃ ဖာလုံအနီးရှိ ဆွာချောင်းတံတားမှာလည်း အနည်းငယ် နိမ့်ဆင်းမှု ဖြစ်ပွားခဲ့သည်။

ထို့ပြင် ဆွာဆည်ရေမှာ သြဂုတ် ၂၉ ရက် မွန်းလွဲပိုင်းတွင် ရေတာရှည်မြို့နယ်အထိ ထိုးဆင်းလာခဲ့ပြီးနောက် ရန်ကုန်-မန္တလေး လမ်းမဟောင်းပေါ်သို့ ရေကျော်လွန်သည့်အပြင် ကျေးရွာပေါင်း ၈၅ ရွာမှ ရေဘေးမှ ရွှေ့ပြောင်းရသူ လူဦးရေ ၆၀၀၀၀ ကျော်အထိ ရှိခဲ့ကြောင်း၊ ရေတာရှည်မြို့နယ်အတွင်း ဆည်ရေထိုးဆင်းမှုတွင် အမျိုးသမီးတစ်ဦး သေဆုံးကာ လူခြောက်ဦးခန့် မျောပါပျောက်ဆုံးခဲ့ပြီး အခြေခံပညာကျောင်း ၂၆၂ ကျောင်း ယာယီ ပိတ်ထားခဲ့ရသည်။

ဆွာချောင်း ရေလှောင်တမံမှ ရေမြောင်းလက်တံ ပြိုကျခြင်းကြောင့် ဆွာချောင်းတံတား တစ်ပေခွဲခန့် နိမ့်ဆင်း၊ ရေကြီးမှုကြောင့် ပဲခူးတိုင်း တောင်ငူခရိုင်တွင် တစ်ဦးသေဆုံးပြီး ခြောက်ဦး ပျောက်ဆုံးကာ လူ ၆၀၀၀၀ ကျော် ရေဘေးသင့်

ပျက်စီးခဲ့သည့် ဆွာချောင်းတံတားအား အပေါ်စီးမှ တွေ့ရစဉ် (ဓာတ်ပုံ- သိန်းလှိုင်)

ဆွာချောင်း ရေလှောင်တမံမှ ရေမြောင်းလက်တံ ပြိုကျခြင်းကြောင့် ဆွာချောင်းတံတား တစ်ပေခွဲခန့် နိမ့်ဆင်း၊ ရေကြီးမှုကြောင့် ပဲခူးတိုင်း တောင်ငူခရိုင်တွင် တစ်ဦးသေဆုံးကာ ခြောက်ဦးပျောက်ဆုံးနေပြီး ခြောက်သောင်းကျော် ရေဘေးသင့်ခဲ့ကြောင်း ပဲခူးတိုင်းဒေသကြီး ရေတာရှည်မြို့နယ် တိုင်းဒေသကြီး လွှတ်တော်ကိုယ်စားလှယ် ဒေါက်တာကျော်ကျော်က ပြောကြားသည်။

သြဂုတ် ၂၉ ရက် နံနက် ၇ နာရီမှ စတင်၍ ဆွာချောင်း ရေလှောင်တမံမှ ရေများ အရှိန်ဖြင့် စီးဆင်းလာမှုကြောင့် ရန်ကုန်-မန္တလေး အမြန်လမ်း လမ်းပေါ်တွင် နှစ်ပေခန့် ရေကျော်မှုဖြစ်ပွားခဲ့ပြီး ဆွာချောင်းတံတား ဘက်ခြမ်း တံတားတိုင် RP 1 သည် တစ်ပေခွဲခန့် နိမ့်ကျခဲ့ကြောင်း၊ ထို့ပြင် ရန်ကုန်-မန္တလေး လမ်းဟောင်း မိုင်တိုင်အမှတ် (၁၉၉/၄) တွင်လည်း ရေ နှစ်ပေကျော်လျက် ရှိကြောင်း ဆောက်လုပ်ရေးဝန်ကြီးဌာနက ထုတ်ပြန်သည်။

လတ်တလောတွင် အမြန်လမ်းရေကျော်မှု ဖြစ်စဉ်အား ဆောက်လုပ်ရေးဝန်ကြီး ဌာန၊ လမ်းဦးစီးဌာနနှင့် တံတားဦးစီးဌာန ၀န်ထမ်းများက အမြန်ပြင်ဆင်နိုင်ရေး ဆောင်ရွက်လျက်ရှိပြီး ပဲခူးတိုင်းဒေသကြီး ၀န်ကြီးချုပ်၊ ဆောက်လုပ်ရေး ၀န်ကြီးဌာန ဒုတိယ၀န်ကြီးနှင့် ဌာနဆိုင်ရာ အကြီးအကဲများ၊ ဒေသ အာဏာပိုင်များက လာရောက်ကြီးကြပ် ပူးပေါင်းဆောင်ရွက်လျက် ရှိကြောင်း ဆောက်လုပ်ရေးဝန်ကြီးဌာနက ထုတ်ပြန်သည်။

ပဲခူးတိုင်းဒေသကြီး တောင်ငူခရိုင် ရေတာရှည်မြို့ရှိ ဆွာချောင်း ရေလှောင်တမံမှ ရေမြောင်းလက်တံ ပြိုကျခြင်းကြောင့် ဆည်အတွင်းရှိ ရေများ အရှိန်ဖြင့် စီးဆင်းလာပြီး အနီးအနားရှိ ကျေးရွာအချို့နှင့် ရန်ကုန်- မန္တလေး အမြန်လမ်းများတွင် ရေလွှမ်းမိုးမှုများ ဖြစ်ပွားခဲ့သည်။

ဆွာချောင်းတံတားကို တာဝန်ရှိသူများ စစ်ဆေးနေစဉ်၊

သြဂုတ် ၂၉ ရက် မွန်းလွဲ ၂ နာရီခန့်တွင် ရရှိသော သတင်းများအရ လူတစ်ဦး သေဆုံးကာ ခြောက်ဦး ပျောက်ဆုံးလျက် ရှိပြီး ပဲခူးတိုင်းဒေသကြီး တောင်ငူခရိုင်အတွင်းရှိ ကျေးရွာအုပ်စု ၁၇ ရွာတွင် ပါဝင်သည့် ရွာ ၈၅ ရွာ ရေနစ်မြုပ်ခဲ့ပြီး လူဦးရေ ခြောက်သောင်းကျော် ရေဘေးသင့်ခဲ့ကြောင်း၊ ရေဘေးသင့် ပြည်သူများကို ကယ်ဆယ်ရေး လုပ်ငန်းများ လုပ်ဆောင်နေပြီး ကယ်ဆယ်ရေးစခန်းများလည်း ဖွင့်လှစ်ထားကြောင်း ဒေါက်တာကျော်ကျော်က ပြောကြားသည်။

ရေများ အရှိန်ဖြင့် စီးဆင်းလာမှုကြောင့် မျောပါ ပျောက်ဆုံးခဲ့ခြင်းဖြစ်ပြီး လတ်တလောတွင် ပျောက်ဆုံးနေသူများကို ရှာဖွေကယ်ဆယ်ရေး လုပ်ငန်းများ လုပ်ဆောင်နေကြောင်း ဒေါက်တာကျော်ကျော်က ပြောကြားသည်။

“ရေထဲ မျောပါတာကတော့ သေ မသေ မသိသေးဘူး။ တစ်ယောက်ကတော့ အလောင်း ပြန်တွေ့တယ်။ သေသွားတာက အဘွားကြီး တစ်ယောက်ပါ” ဟု ဒေါက်တာကျော်ကျော်က ဆိုသည်။

ဆည်မှရေများ တစ်ရှိန်ထိုး စီးဆင်းလာမှုမှာ နံနက် ၇ နာရီတွင် ဖြစ်ပွားခဲ့ခြင်းကြောင့် ရန်ကုန်- မန္တလေး အမြန်လမ်းအား ခေတ္တ ပိတ်ထားခဲ့ရသဖြင့် ယာဉ်သွားလာမှုများ ည်း ရပ်ဆိုင်းခဲ့ရသည်။

ယင်းရေကြီးမှုသို့ နံနက် ၁၀ နာရီတွင် ဒုတိယသမ္မတ ဦးဟင်နရီဗန်ထီးယူ၊ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး စသူတို့ ရောက်ရှိလာခဲ့ပြီး ကူညီကယ်ဆယ်ရေး လုပ်ငန်းများကို ကြီးကြပ် ဆောင်ရွက်ခဲ့ကြောင်း သိရသည်။

ဆွာချောင်း ရေလှောင်တမံရေကြောင့် ပျက်စီးခဲ့သည့် ဆွာချောင်းတံတားနှင့် ပတ်သက်ပြီး တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် အစိုးရတာဝန်ရှိသူများ ဆွေးနွေးနေစဉ်

“ ဒီလိုပေါ့ဗျာ။ သဘာဝ ဘေးအန္တရာယ်တော့ ကြုံတော့ ကြုံရမှာပဲ။ ၀ိုင်းလုပ်ကြရမှာပေါ့။ ကျွန်တော်တို့လည်း သိသိချင်းပဲ အခု ကျွန်တော်တို့ ဘုတ်တွေလည်း အကုန်လာနေပြီ။ ရာဘာဘုတ်တွေလည်း ဟိုဘက်ခြမ်းမှာ အောက်က ပိုဆိုးတယ်။ လမ်းဟောင်းက ပိုဆိုးတယ်။ အများကြီး ဒါကံကောင်းပါတယ်။ ဒီနေ့ တစ်ရက်တော့ ရေတော့ ရှိနေဦးမယ်။ ဆောက်လုပ်၊ ဒုသမ္မတတို့ နိုင်ငံတော်ဘက်ကလည်း အများကြီး လုပ်ပေးနေတယ်။ ဒုဝန်ကြီးလည်း ရောက်နေတယ် ဒီမှာ။ ရေကျော်တာကတော့ ရေပိုလွှဲက ကျော်တာလေ။ ရေပိုလွှဲ ကျိုးပြီးတော့ ကျော်သွားတာ။ လောလောဆယ်တော့ ဧကပေ ၆၀၀၀၀ လောက် ရေကျော်သွားတယ်။ အဲဒီတော့ တစ်သိန်းလောက်ကျော်ဖို့ ကျန်သေးတယ်။ ကျွန်တော်တို့ ဒါပြီးရင် အဲဒီ ကိုသွားပါမယ်။ သွားကြည့်မယ်။ ဒီနေ့ ဘယ်လိုမှတော့ ရေပိုလွှဲကတော့ လက်ရှိအနေအထားမှာ ထိန်းလို့ မရတော့ဘူး။ ကုန်အောင် ဆင်းသွားမှာပါပဲ။ တစ်သိန်းခွဲလောက်အထိ ဆင်းသွားပါလိမ့်မယ် ရေက” ဟု တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားသည်။

ရေကြီးမှုကြောင့် အထက်တန်းကျောင်း ရေနစ်မြုပ်စဉ်

အမြန်လမ်း ရေကျော်မှုကြောင့် နာရီအနည်းငယ်အကြာ လမ်းပိတ်ထားခဲ့ရပြီးနောက် နံနက် ၁၁ နာရီတွင် နိမ့်ကျမှု မရှိသည့် ဆွာချောင်းတံတား တစ်ဖက်အား ပြန်လည် ဖွင့်လှစ်ပေးခဲ့ကာ အိမ်စီး မော်တော်ယာဉ်များ ကို သွားလာခွင့်ပြုခဲ့သည်။

သာဂရ အမြန်လမ်းမကြီး ရဲစခန်းမှူးက “ကားလမ်းပေါ် ရေကျော်နေတာတော့ ပြန်ကျသွားပါပြီဗျ။ လောလောဆယ်တော့ စစ်ဆေးလို့ မပြီးသေးပါဘူးဗျ။ တံတားကတော့ စစ်ဆေးနေပါတယ်ဗျ။ တံတားက နိမ့်သွားတယ်ဗျ” ဟု ပြောကြားသည်။

ရေတိုက်စားမှုကြောင့် နိမ့်ကျသွားသည့် ဆွာချောင်းတံတားအား ပြန်လည် ပြင်ဆင်မည်ဖြစ်ကာ ၂၄ နာရီအတွင်း နောက်ထပ် ဘေလီတံတားတစ်စင်း ဆောက်လုပ်ကာ ခရီးသည်များ အဆင်ပြေစေရေးအတွက် ဆောင်ရွက်ပေးမည် ဖြစ်ကြောင်း ဆောက်လုပ်ရေးဝန်ကြီးဌာနမှ ဒုတိယ၀န်ကြီးဦးကျော်လင်းက ပြောကြားသည်။

ဆွာချောင်းတံတား နိမ့်ကျသွားမှု အခြေအနေကို အပေါ်စီးမှ တွေ့ရစဉ် (ပုံကြီး)၊

“ရေအောက် ကလိုင်ကြီးတွေ ဘယ်လိုရှိလဲဆိုတာကို ရေငြိမ်သွားတဲ့အချိန်မှာ ရေငုပ်သမားနဲ့ ဆင်းငုပ်ပြီးတော့ ကျောက်ချင်းကြီးချပြီး ဆောင်ရွက်မယ်။ ကလိုင်ကြီးတွေ ငြိမ်သွားပြီဆိုရင် ကားတွေ ပေးဖြတ်မယ်။ ဘေလီတံတားထိုးပြီး ၂၄ နာရီအတွင်း ဟိုဘက် ဒီဘက် သွားလို့ရအောင် ချက်ချင်းဆောင်ရွက်မယ်”ဟု ဒုဝန်ကြီးဦးကျော်လင်းက ပြောကြားသည်။

ထို့ပြင် ပဲခူးတိုင်းဒေသကြီးအတွင်းရှိ ကျွန်းတောစု၊ ဥယျာဉ်မှူးနှင့် ချောင်းတစ်လျှောက် ကျေးရွာများ ရေ၀င်နစ်မြုပ်လာခြင်းကြောင့် ကျေးရွာများရှိ ဒေသခံများ ရေလွတ်ရာသို့ အမြန်ဆုံးပြောင်းရွှေ့ရန် စီစဉ်လျက်ရှိကြောင်း သိရသည်။

အလားတူ ရေများအရှိန်ဖြင့် စီးဆင်းလာမှုကြောင့် ဆွာမြို့ တောင်ဘက်အထွက် ဆွာတိုးဂိတ်အနီးတွင် ယာဉ်တစ်စီး ရေထဲမျောပါမှု ဖြစ်ပွားခဲ့ကြောင်း သိရသည်။

ရေကြီးမှုကြောင့် ကားတစ်စီးရေနှင့်မျောပါစဉ်

ထို့ပြင် ဆွာမြို့နှင့် ရေတာရှည်မြို့ကြားရှိ မီးရထားလမ်း ရေကျော်ခဲ့ပြီး ကျွန်းကုန်းဘူတာ ၀န်ထမ်း ခုနစ်ဦး ပိတ်မိနေခဲ့ကြောင်း သိရသည်။ ပိတ်မိနေသည့် ၀န်ထမ်း ခုနစ်ဦးအား ကယ်ဆယ်နိုင်ရန် သက်ဆိုင်ရာမှ ဆောင်ရွက်ခဲ့ပြီး ဆွာမြို့နှင့် မီးရထားလမ်းများတွင် ရေကျော်မှုကြောင့် မီးရထားပြေးဆွဲမှုများလည်း ရပ်တန့်လျက်ရှိကြောင်း သိရသည်။

■ လမ်းပိုင်း ရေကျော်နေမှုကြောင့် ယာဉ်လိုင်းများတွင် ကုန်ကန့်သတ်၍ ပြေးဆွဲရန် ညွှန်ကြားထားပြီး ရထားခရီးစဉ်များ ယာယီရပ်နားထား

ရန်ကုန်-မန္တလေး အမြန်လမ်းလမ်းပိုင်း အချို့နေရာများတွင် ရေကျော်နေခြင်းကြောင့် မန္တလေးမှ ထွက်ခွာပြေးဆွဲမည့် ယာဉ်လိုင်းများအား ကုန်ကန့်သတ် ပြေးဆွဲရန်နှင့် မန္တလေးဘူတာကြီးမှ သြဂုတ် ၂၉ ရက်တွင် ထွက်ခွာမည့် မန္တလေး -ရန်ကုန် ရထားခရီးစဉ်များအား ယာယီရပ်နားခဲ့ကြောင်း သိရသည်။

“လမ်း ရေကျော်မှုနဲ့ ပျက်စီးမှုတွေကြောင့် မနက်က သိသိရချင်းမှာ မန္တလေးက ထွက်မယ့် မန္တလေး – ရန်ကုန် ကားဂိတ်တွေကို မထွက်ဖို့ ပြောထားတယ်။ လက်မှတ်ရောင်းချပြီး လက်မှတ်တွေကိုလည်း ဂိတ်တွေက သူ့အစီအစဉ်နဲ့သူ ငွေပြန်အမ်းနေပါတယ်။ တကယ်လို့ အခုလို တားထားတဲ့ကြားက ခိုးထွက်လို့ တစ်စုံတစ်ရာ ဖြစ်ခဲ့ရင် ယာဉ်အသင်းတွေနဲ့ တာဝန်ယူဖို့နဲ့ မနက်ပိုင်း ထွက်သွားတဲ့ ကားအချို့ကိုလည်း ပြန်လှည့်ခဲ့ဖို့ စာထုတ် အသိပေးခဲ့တယ်။ နေ့လယ်ပိုင်းမှာ လမ်းပိုင်းက တစ်စင်းချင်း ဖြတ်သန်းခွင့်ပေးမယ် ဆိုတာကြောင့် ယာဉ်အသင်းတွေအနေ နဲ့ ကုန်အများ တင်ဆောင်ခွင့်မပြုဘဲ ခရီးသည်တွေ အဓိက တင်ဆောင်ပြီး ဂိတ်ကနေ တစင်းချင်း ထွက်ခွာခွင့် ပြုခဲ့ပါတယ်”ဟု မန္တလေးတိုင်းဒေသကြီး ယာဉ်လုပ်ငန်း ကြီးကြပ်ရေးကော်မတီ (အဝေးပြေး)မှ ဥက္ကဋ္ဌက ပြောကြားသည်။

ဆွာမြို့နှင့် ရေတာရှည်မြို့ ဆက်သွယ်ထားသည့် မီးရထားလမ်းပိုင်း ရေဖုံးလွှမ်းနေသည်ကို တွေ့ရစဉ် (ဓာတ်ပုံ- ဇော်ဝင်းချစ်)

ထို့အတူ ရထားလမ်းပိုင်း ရေကျော်ခြင်းကြောင့် မန္တလေးဘူတာကြီးမှ ထွက်ခွာမည့် မန္တလေး-ရန်ကုန် ရထားခရီးစဉ် အမှတ် ၆ အစုန်ရထားနှင့် အမှတ် (၄ )အစုန်ရထားများကို လည်း သြဂုတ် ၂၉ ရက် ပြေးဆွဲမှု ဖျက်သိမ်းထားကြောင်း သိရသည်။

“ရထားခရီးစဉ်က မန္တလေးဘူတာကြီးကနေ ညနေ ၃ နာရီ ထွက်တဲ့ ရထားနဲ့ ညနေ ၅ နာရီထွက်တဲ့ ရထားခရီးစဉ်တွေကို ညွှန်ကြားချက်နဲ့ ဒီနေ့တစ်ရက် ခရီးစဉ်ပြေးဆွဲမှု ဖျက်လိုက်တာ ဖြစ်တယ်။ ဒါကြောင့် လက်မှတ်ခတွေကို ပြန်အမ်းပေးနေတယ်။ နောက်ရက်တွေအတွက် ခရီးစဉ်ပြေးဆွဲမှုက လမ်းပိုင်းအခြေအနေနဲ့ ညွှန်ကြားမှုအတိုင်း ဆက်လက် ဆောင်ရွက်သွားမှာပါ”ဟု မန္တလေးဘူတာကြီးရှိ တာဝန်ကျ ဒုရုံပိုင်ကြီးက ပြောကြားသည်။

■ ရေကြီးရေလျှံမှုကြောင့် ပိတ်မိနေသည့် ကျေးရွာများရှိနေဆဲ

ဆွာချောင်း ရေလှောင်တမံမှ ရေမြောင်းလက်တံ ပြိုကျခြင်းကြောင့် ဆွာချောင်းရေ မြင့်တက်လာပြီး ပဲခူးတိုင်းဒေသကြီး တောင်ငူခရိုင်အတွင်းရှိ ဆွာမြို့နှင့် ရေတာရှည်မြို့များရှိ ကျေးရွာများ ပိတ်မိနေဆဲဖြစ်ကြောင်း သိရသည်။

အဓိက ပိတ်မိနေသည့် ကျေးရွာများမှာ ဆွာချောင်းဆည် ရေလှောင်တမံအနီးရှိ ကျေးရွာများဖြစ်ကြောင်း အမျိုးသားဒီမိုကရေစီအဖွဲ့ချုပ်မှ ရေတာရှည်မြို့နယ် သတင်းနှင့် ပြန်ကြားရေးမှ တာဝန်ရှိသူတစ်ဦးက ပြောကြားသည်။

“ကျွန်း​တောစုရွာရယ်​၊ လှည်းလမ်းကူးရွာ၊ အလယ်​​မြောင်​ရွာ ခုနစ်​တဲစုရွာ အဲဒီရွာ​ လေးရွာက​တော့ ဆည်​နားက ရွာ​တွေဆိုတော့ လုံးဝအဆက်​အသွယ် ​မရ​သေးဘူး။ ပိတ်​မိ​နေတယ်​။ လူအ​သေအ​ပျောက်​​တွေ ရှိနိုင်​တယ်” ဟု သတင်းနှင့် ပြန်ကြားရေးမှ တာဝန်ရှိသူတစ်ဦးက ပြောကြားသည်။

ရေဘေးရှောင်ပြည်သူများကို တွေ့ရစဉ်

လက်ရှိတွင် ရေကြီးနစ်မြုပ်မှုဒဏ် ခံစားခဲ့ရသူများကို ရေလွတ်ရာ ကုန်းမြင့်များတွင် ရေဘေးကယ်ဆယ်ရေးစခန်းများ ဖွင့်လှစ်ထားရှိကြောင်း သိရသည်။

“ ဒုက္ခသည်​​တွေကို​တော့ ​တောင်​​ပေါ်မှာ ၅၀၀ ​လောက်​ရှိတာ ၁၀၀ လောက်​ ပြန်ဆင်းသွား​တော့ ၄၀၀ လောက် ကျန်​မယ်​။ ဆည်​က​တော့ စိုးရိမ်​​ရေမှတ်​​အောက်​ ကျသွားပြီ။ တ​ခြားပိတ်​မိ​နေ​ပေမဲ့​ အဆက်​အသွယ်​ ရသေးတယ်​။ ​ဒုက္ခသည်​က ခန့်မှန်းလို့ကို မရသေးဘူး”ဟု NLD ​ရေတာရှည်​ သတင်းနှင့် ပြန်​ကြား​ရေးဌာနမှ တာဝန်ရှိသူတစ်ဦးက ပြောကြားသည်။

လက်ရှိတွင် ကယ်ဆယ်ကူညီရေးအဖွဲ့များ အနေဖြင့် လက်လှမ်းမီသည့် နေရာများကို သွားရောက် ကူညီလျက်ရှိကြောင်း၊ ပိတ်မိနေသည့် ကျေးရွာများကို ကူညီကယ်ဆယ်ရန် အခက်အခဲများ ရှိနေကြောင်း တောင်ငူ သဘာဝဘေးအန္တရာယ် ကာကွယ်ရေးအသင်းဥက္ကဋ္ဌ မျိုးကျော်သူက ပြောကြားသည်။

“ ကျွန်တော်တို့ အခု အရပ်ဘက် အဖွဲ့အစည်းတွေရော၊ သက်ဆိုင်ရာ အုပ်ချုပ်ရေး အရာရှိတွေရော၊ တပ်မတော်ကရော အကုန်လုံး သူတို့ လက်လှမ်းမီသလောက် အင်တိုက်အားတိုက် ကူညီနေကြပါတယ်။ တစ်ချို့ ပိတ်မိနေတဲ့ ရွာတွေလည်း ရှိနေကြပါတယ်။ အဲဒီတော့ ပိတ်မိနေတဲ့ ရွာတွေကို ကျွန်တော်တို့အနေနဲ့ အခက်အခဲ ဖြစ်တာကတော့ အဲဒီကို သွားဖို့အတွက်ကို ကျွန်တော်တို့ဆီမှာ အဆင်မပြေပါဘူး။ အဲဒီအတွက်ကြောင့် လောလောဆယ် ရေတဖြည်းဖြည်း တက်လာတဲ့အပေါ်မှာပဲ အနီးစပ်ဆုံးကို ပြည်သူတွေကို ဘာကူညီရမလဲဘဲ အဲဒါကို အဆင်သင့် စောင့်နေပါတယ်” ဟု တောင်ငူ သဘာဝဘေးအန္တရာယ် ကာကွယ်ရေးအသင်းဥက္ကဋ္ဌ မျိုးကျော်သူက ပြောကြားသည်။

ရေဘေးရှောင်ပြည်သူများကို တွေ့ရစဉ်

သြဂုတ် ၂၉ ရက် ညနေ ၆ နာရီခန့်တွင် မိုးရွာသွန်းလျက် ရှိသည်ကို တွေ့ရပြီး တံတားပြုပြင်ရေး လုပ်ငန်းများအတွက် အင်ဂျင်နီယာများက ဆောင်ရွက်လျက် ရှိသည်ကို တွေ့ရသည်။

“ မိုးတအား ရွာလာရင်​​တော့ ​ရေဆက်​တက်​နိုင်​လို့ အ​ခြေအ​နေ စောင့်​ကြည့်​​ရမယ်” ဟု တံတား​ပြုပြင်​​ရေး လုပ်​​နေသူတစ်ဦးက ပြောကြားသည်။

ရန်ကုန်-မန္တလေး အမြန်လမ်းမကြီးအား ရန်ကုန်ဘက်သို့ ပြန်လာသည့်အခြမ်းကို ဖွင့်လှစ်ထားသည်ကို တွေ့ရပြီး မိုင်တိုင် ရဲတပ်ဖွဲ့၊ မီးသတ်​တပ်ဖွဲ့နှင့် ယာဉ်​ထိန်း​တပ်ဖွဲ့ဝင်များက လမ်းရှင်း​နေသည်ကို တွေ့ရသည်။

ယာဉ်ကြောပိတ်ဆို့မှုမှာ ရန်ကုန်ဘက်အခြမ်းသို့ ပြန်လာသည့် မိုင်​တိုင်​ ၁၆၄ မိုင်​ ၇ ဖာလုံအထိ ဖြစ်ပွားနေသည်။

ဆွာရေကြီးမှုတွင် လူတစ်ဦးသေဆုံးကာ ခြောက်ဦး ပျောက်ဆုံးနေပြီး လူ ခြောက်သောင်းကျော် ရေဘေးသင့်

ဆွာရေကြီးမှုကြောင့် ကယ်ဆယ်ရေးစခန်းတွင် လာရောက်ခိုလှုံနေသူများအား တွေ့ရစဉ်

ဆွာရေကြီးမှုတွင် လူတစ်ဦးသေဆုံးကာ  ခြောက်ဦး ပျောက်ဆုံးနေပြီး လူ ခြောက်သောင်းကျော် ရေဘေးသင့်ခဲ့ကြောင်း ပဲခူတိုင်းဒေသကြီး ရေတာရှည်မြို့နယ် တိုင်းဒေသကြီးလွှတ်တော်ကိုယ်စားလှယ် ဒေါက်တာ ကျော်ကျော်က ပြောကြားသည်။

အဆိုပါစာရင်းမှာ သြဂုတ် ၂၉ ရက် မွန်းလွဲ ၁ နာရီကျော်က ရရှိသော သတင်းဖြစ်ပြီး ပျောက်ဆုံးနေသည့် ခြောက်ဦးအား ဆက်လက်ရှာဖွေလျက်ရှိကြောင်း ၎င်းက ပြောကြားသည်။

“ရေထဲမျောပါတာကတော့ သေမသေ မသိသေးဘူး၊ တစ်ယောက်ကတော့ အလောင်းပြန်တွေ့တယ်၊ သေသွားတာက အဘွားကြီးတစ်ယောက်ပါ” ဟု ဒေါက်တာ ကျော်ကျော်က ဆိုသည်။

ရေကြီးမှုကြောင့် ပဲခူတိုင်းဒေသကြီး တောင်ငူခရိုင်ရှိ ကျေးရွာအုပ်စု ၁၇ ရွာတွင် ပါဝင်သည့် ရွာ ၈၅ ရွာ ရေနစ်မြုပ်ခဲ့ပြီး လူဦးရေ ခြောက်သောင်းကျော် ရေဘေးသင့်ခဲ့ကြောင်း ရေဘေးသင့်ပြည်သူများကို ကယ်ဆယ်ရေးလုပ်ငန်းများ လုပ်ဆောင်နေပြီး ကယ်ဆယ်ရေးစခန်းများလည်း ဖွင့်လှစ်ထားကြောင်း ဒေါက်တာ ကျော်ကျော်က ပြောကြားသည်။

ဆွာဆည်မှ ရေမြောင်းလက်တံ ပြိုကျခြင်းကြောင့် သြဂုတ် ၂၉ ရက် နံနက်ပိုင်းတွင် အမြန်လမ်းမကြီးပေါ် ဆွာဆည်ရေကျော်လွန်ခြင်း၊ ၁၆၅ မိုင်အနီး အမြန်လမ်းမကြီးတံတား အနည်းငယ် နိမ့်ဆင်းနေခြင်းတို့ကြောင့် မော်တော်ယာဉ်များအား သွားလာခွင့် မပြုသေးဘဲ လမ်းပိတ်ထားခြင်း၊ တံတားကြံ့ခိုင်မှုများအား စစ်ဆေးဆောင်ရွက်ခြင်းတို့ ပြုလုပ်နေရကြောင်း သိရသည်။

လက်ရှိအချိန်တွင် ဆည်ရေများ တစ်ဟုန်ထိုး စီးဆင်းကာ ရေကြီးရေလျှံခြင်းကြောင့် ရန်ကုန်-မန္တလေး လမ်းမကြီးဟောင်းနှင့် အမြန်လမ်းမကြီးများတွင် ယာဉ်ကြောပိတ်ဆို့မှုများ ဖြစ်ပွားလျက်ရှိနေပြီး ဆွာချောင်း အနီးဝန်းကျင် ကျေးရွာများမှ ဒေသခံများမှာ ရေဘေးလွတ်ရာများသို့ အရေးပေါ် ရွှေ့ပြောင်းနေရကာ တောင်ငူခရိုင်မှ ဆည်မြောင်းတာဝန်ရှိသူများ၊ အုပ်ချုပ်ရေး တာဝန်ရှိသူများနှင့် ပရဟိတ အသင်းအဖွဲ့များမှ ကူညီကယ်ဆယ်ရေးများ လုပ်ဆောင်နေရကြောင်း သိရသည်။