ဆီးရီးယားတွင် အီရန်ရှိနေမည်ဆိုပါက ပြန်လည်တည်ဆောက်ရေးတွင် အမေရိကန် ကူညီမည်မဟုတ်ဟု ပွန်ပီယို ပြောကြား

အောက်တိုဘာ ၉ ရက်တွင် ဆီးရီးယားမြို့တော် ဒမတ်စကတ်၌ ပါလက်စတိုင်းဒုက္ခသည်စခန်းတွင် ပျက်စီးနေမှုကို တွေ့ရစဉ် (Photo: AFP)

ဆီးရီးယားအရေးတွင် အမေရိကန် ပါဝင်မှုအတွက် အကြောင်းပြချက် ကျယ်ဝန်းလာစေရန် ဆီးရီးယားတွင် အီရန်ရှိနေမည်ဆိုပါက စစ်အပြီးနိုင်ငံပြန်လည်တည်ဆောက်ရေး အထောက်အကူ မှန်သမျှကို ငြင်းဆန်ရလိမ့်မည်ဖြစ်ကြောင်း အမေရိကန်နိုင်ငံခြားရေးဝန်ကြီး မိုက်ပွန်ပီယိုက အောက်တိုဘာ ၁၀ ရက်တွင် ထုတ်ဖော်ပြောကြားခဲ့သည်။

အရှေ့အလယ်ပိုင်းတွင် အီရန်ကိုတန်ပြန်ရန် ထက်ထက်သန်သန် တွန်းအားပေးသွားမည်ဖြစ်ကြောင်း ပွန်ပီယိုက အစ္စရေးလိုလားသောအဖွဲ့ကို အခိုင်အမာ ပြောကြားခဲ့ခြင်းဖြစ်ပြီး ယင်းသို့တွန်းအားပေးရန် ဆီးရီးယားသည် အဆုံးအဖြတ်ပေးသော စစ်မြေပြင်ဖြစ်သည်ဟု ပြောကြားခဲ့သည်။

“အီရန်ကို မောင်းထုတ်ဖို့ တာဝန်ဟာ ဆီးရီးယားအစိုးရအပေါ်မှာ ကျရောက်နေတာ ဖြစ်ပါတယ်။ ဆီးရီးယားမှာ အီရန်ရှိနေတာဟာလည်း အဲ့ဒီဆီးရီးယားအစိုးရမှာပဲ တာဝန်ရှိပါတယ်။ အီရန်ကျောထောက်နောက်ခံပြုထားတဲ့တပ်တွေ လုံးလုံးဆုတ်ခွာသွားအောင် ဆီးရီးယားအစိုးရက လုပ်မပေးဘူးဆိုရင် ပြန်လည်တည်ဆောက်ရေးအတွက် ဆီးရီးယားဟာ အမေရိကန်ဆီကနေ တစ်ပြားတစ်ချပ်မှ ရမှာမဟုတ်ပါဘူး” ဟု ပွန်ပီယိုက အမေရိကန်အမျိုးသားလုံခြုံရေးဆိုင်ရာ ဂျူးအင်စတီကျု့၌ ပြောကြားခဲ့သည်။

၂၀၁၁ ခုနှစ်နောက်ပိုင်းမှစ၍ လူပေါင်း ၃၆၅၀၀၀ နီးပါးသေဆုံးခဲ့ရသည်ဟု လူ့အခွင့်အရေးစောင့်ကြည့်မှုအဖွဲ့က ပြောကြားခဲ့သော ဆီးရီးယားပဋိပက္ခတွင် အမေရိကန် ပါဝင်ပတ်သက်နေရသလဲဆိုသည့် အကြောင်းတရားဝင် ရှင်းလင်းချက်ကို မိုက်ပွန်ပီယို၏ စကားက အဓိပ္ပာယ် ကျယ်ဝန်းစေခဲ့သည်။

ဆီးရီးယားနှင့် အနောက်နိုင်ငံတို့တွင် ထိတ်လန့်ဖွယ်တိုက်ခိုက်မှုများကို လုပ်ဆောင်ခဲ့ကြသည့် အစွန်းရောက်အဖွဲ့ IS ကို အမြစ်ဖြုတ်ရေး ရည်မှန်းချက်ဖြင့် စစ်ရေးအရ အရေးယူရန် အမေရိကန်သမ္မတဟောင်း ဘာရက်အိုဘားမားက အခွင့်အာဏာပေးခဲ့သည်။ သမ္မတဘာရှားအယ်အာဆတ်ကို ဖြုတ်ချရန် မရေရာသောတိုက်ပွဲကို ဆင်နွှဲနေသော IS မဟုတ်သည့်တပ်ဖွဲ့များကို လေ့ကျင့်ပေးရန်၊ အကြံဥာဏ်ပေးရန် ဆီးရီးယားတွင် အမေရိကန်တပ်သား ၂၀၀၀ ခန့် ရှိနေသည်။ အီရန်၊ ရုရှားတို့၏ အကူအညီကြောင့် အာဆတ်သည် ပိုမိုတောင့်တင်းလာခဲ့သည်ဟု ပွန်ပီယိုက အသိအမှတ်ပြုခဲ့ပြီး ယခင်ကကဲ့သို့ အင်အားတောင့်တင်းခြင်း မရှိတော့သော IS အဖွဲ့နှင့်အတူ ဦးစားပေး လုပ်ဆောင်စရာများ ပေါ်ထွက်လာခဲ့ပြီဟု ပြောကြားခဲ့သည်။

တစ်ချိန်က အမေရိကန်၏အဓိက ဦးစားပေး ရည်မှန်းချက်ဖြစ်ခဲ့သည့် IS တို့ကို အောင်နိုင်ရေးဆိုသော ကိစ္စသည် ဦးစားပေးကိစ္စအဖြစ် ဆက်လက်ရှိသွားမည်ဖြစ်ကြောင်း၊ သို့ရာတွင် ယခုအခါ အပြန်အလှန် အားကောင်းသော မှန်းချက်များလည်း ပူးပေါင်းပါဝင်လာပြီဖြစ်ကြောင်း၊ အဆိုပါ ဦးစားပေးကိစ္စနှစ်ရပ်မှာ ဆီးရီးယား ပဋိပက္ခကို နိုင်ငံရေးအရ ငြိမ်းချမ်းစွာဖြေရှင်းရေးနှင့် အီရန်တပ်များနှင့် အီရန်ကျောထောက်နောက်ခံပြုထားသော တပ်အားလုံးကို ဆီးရီးယားနိုင်ငံမှ ဖယ်ရှားရေးတို့ဖြစ်ကြောင်း ပွန်ပီယိုက ပြောကြားခဲ့သည်။

Ref: AFP

ဆီးရီးယားတွင် ၂၀၁၁ ခုနှစ်နောက်ပိုင်း ပထမဆုံးအကြိမ် ဒေသဆိုင်ရာ ရွေးကောက်ပွဲများ ကျင်းပ

၂၀၁၈ ခုနှစ် ဇူလိုင် ၁၇ ရက်က နေတိုးအုပ်စုမှ အမေရိကန်စစ်သားများကို ဆီးရီးယားနိုင်ငံ နန်ဂါဟာပြည်နယ်ထဲ၌ တွေ့ရစဉ် (Photo – AFP)

ဆီးရီးယားနိုင်ငံထဲရှိ အစိုးရထိန်းချုပ်ထားသော နယ်မြေအနှံ့အပြားတွင် စက်တင်ဘာ ၁၆ ရက်က မဲပေးမှုများ ပြုလုပ်ခဲ့ကြသည်ဟု နိုင်ငံပိုင်သတင်းအေဂျင်စီ SANA တွင် ဖော်ပြခဲ့သည်။ ယင်းသည် ဆီးရီးယားပြည်တွင်း စစ်စတင်သော ၂၀၁၁ ခုနှစ်နောက် ပိုင်းပထမဆုံးကျင်းပသည့် ဆီးရီးယားဒေသဆိုင်ရာ ရွေးကောက်ပွဲများ ဖြစ်လာသည်။

မဲရုံများသည် နံနက် ၇ နာရီတွင် စတင်ဖွင့်ပြီး ၁၂ နာရီအကြာတွင် ပြန်ပိတ်မည်ဖြစ်သည်။ “ဒေသဆိုင်ရာ အုပ်ချုပ်ရေးကောင်စီတွေမှာ မိမိတို့အတွက် ကိုယ်စားပြုမယ့်သူတွေကို ရွေးကောက်တင်မြှောက်နိုင်ဖို့ ပြည်သူတွေအတွက် မဲရုံတွေကို ဖွင့်ထားပါတယ်” ဟု SANA တွင် ဖော်ပြခဲ့သည်။ ပြည်နယ်အားလုံးမှ နေရာပေါင်း ၁၈,၄၇၈ ခု အတွက် ပါဝင်ယှဉ်ပြိုင်မည်သူ ၄၀,၀၀၀ ကျော်ရှိသည်ဟု သိရသည်။

ဒမတ်စကက်မြို့တော်နှင့် အစိုးရ၏ အဓိကခြေကုပ်များဖြစ်သော တာတက်စ်၊ လာတာကီယာတို့တွင် ရွေးကောက်ပွဲတာဝန်ရှိသူများက စောင့်ကြည့်နေကြစဉ် မဲဆန္ဒရှင်များက ပလတ်စတစ်မဲပုံးများထဲသို့ မဲထည့်နေကြပုံများအား ဆီးရီးယားအစိုးရ ရုပ်သံက ထုတ်လွှင့်ပြခဲ့သည်။

ဆီးရီးယားတပ်များသည် ပြီးခဲ့သည့် လများအတွင်းက စစ်ရေးအောင်ပွဲများ ဆက်တိုက်ရရှိခဲ့ပြီးနောက် လက်ရှိတွင် နိုင်ငံ၏သုံးပုံနှစ်ပုံခန့်ကို ထိန်းချုပ်ထားနိုင်ပြီ ဖြစ်သည်။ ပြန်သိမ်းနိုင်ခဲ့သော နေရာအချို့တွင် ပါရွေးကောက်ပွဲများကို ကျင်းပဖွယ်ရှိသည်။ ယခုရွေးကောက်ပွဲတွင်ပါသည့် ရွေးကောက်ခံ နေရာအရေအတွက်သည် နောက်ဆုံးကျင်းပခဲ့သော ရွေးကောက်ပွဲတွင်ပါခဲ့သည့် ၁၇,၀၀၀ ထက် အနည်းငယ် ပိုမိုများပြားလာသည်။

ကောင်စီများသည် မြူနီစပယ်အဆင့်ဖြင့် လည်ပတ်မည်ဖြစ်ပြီး ရွေးကောက်တင်မြှောက်ခံလိုက်ရသည့် ကိုယ်စားလှယ်အသစ်များသည် ၎င်းတို့၏ ရှေ့လူများထက် တာဝန်ပိုများဖွယ်ရှိသည်။ အထူးသဖြင့် ပြန်လည်တည်ဆောက်ရေးနှင့် မြို့ပြဖွံ့ဖြိုးရေးတာဝန် ယူထားရသူများ ဖြစ်သည်။

ဆီးရီးယားတွင် နောက်ဆုံးဒေသဆိုင်ရာ ရွေးကောက်ပွဲပြုလုပ်ခဲ့သည်မှာ ၂၀၁၁ ခုနှစ် ဒီဇင်ဘာလကဖြစ်ပြီး ယင်းနောက် ကိုးလအကြာတွင် စစ်ပွဲဖြစ်ပွားခြင်း ဖြစ်သည်။

ဆီးရီးယားသည် ပါလီမန်ရွေးကောက်ပွဲကို ၂၀၁၆ ခုနှစ်ကကျင်းပခဲ့ခြင်းဖြစ်သည်။ ၂၀၁၄ ခုနှစ်က ကျင်းပခဲ့သည့် သမ္မတရွေးကောက်ပွဲမှာမူ လက်ရှိသမ္မတ ဘာရှားအယ်အာဆက်အား နောက်ထပ်ခုနစ်နှစ် ထပ်မံအုပ်ချုပ်နိုင်စေရန် ခွင့်ပြုခဲ့သည်။

Ref ; AFP

အမေရိကန် ကျောထောက်နောက်ခံပြု တပ်များက ဆီးရီးယားရှိ IS နောက်ဆုံးခြေကုပ်ကို ထိုးစစ်ဆင်ရန် ပြင်ဆင်

စက်တင်ဘာ ၁၃ ရက်တွင် ဆီးရီးယားနယ်စပ်အနီး ဒီယာအက်ဇောပြည်နယ်၌ အမေရိကန် ကျောထောက်နာက်ခံပြု တပ်ဖွဲ့ဝင်များကို တွေ့ရစဉ် (Photo : AFP)

အမေရိကန် ကျောထောက်နောက်ခံပြု ကာ့ဒ်များ ဦးဆောင်သော ဆီးရီးယားဒီမိုကရက်တစ်တပ်များ (SDF) မှ တိုက်ခိုက်ရေးသမားများသည် ဆီးရီးယားအရှေ့ပိုင်းရှိ IS ဂျီဟတ်အဖွဲ့၏ နောက်ဆုံးခြေကုပ်ကို ထိုးစစ်ဆင်ရန် အသင့်ဖြစ်နေပြီဖြစ်သည်။ SDF နှင့် ၎င်းတို့၏ အမေရိကန် အကြံပေးများသည် ဒီယာအက်ဇောပြည်နယ်၊ ယူဖရေးတီးမြစ် အရှေ့ဘက်ကမ်းရှိ အက်စ်ဆူဆာရွာ အပြင်ဘက်တွင် စုဝေးနေကြသည်။

ကွေ့ကောက်နေသော လမ်းများတစ်လျှောက် မောင်းလာသည့် ပစ်ကပ်ထရပ်ကားများတွင် ကာ့ဒ်-အာရပ် တပ်ဖွဲ့မှ တိုက်ခိုက်ရေးသမားများ လိုက်ပါလာကြပြီး ညွန့်ပေါင်းတပ်ဖွဲ့များက ဂျီဟတ်များ၏ နေရာများကို မော်တာများနှင့် ရော့ကတ်များဖြင့် ပစ်ခတ်ခဲ့ကြကြောင်း သိရသည်။

Daesh များသည် ခံစစ်အားကောင်းကြောင်း၊ ၎င်းတို့၏ ခံစစ်များကို ချိုးဖောက်ပြီး ယူဖရေးတီး အရှေ့ဘက်ကမ်းတွင် ခြေကုပ်ယူထားမှုကို အဆုံးသတ်ပစ်ရန် ကြိုးပမ်းနေကြောင်း တပ်မှူးတစ်ဦးဖြစ်သူ အီဘရာဟင်အယ်ဒိုင်ရီက IS အဖွဲ့၏ အာရပ်အမည်အတို ကောက်ကိုရည်ညွှန်းလျက် ပြောကြားခဲ့သည်။

SDF တပ်ဖွဲ့များသည် ထိုနယ်မြေအနီးသို့ ရောက်ရှိနေသည်မှာ လနှင့်ချီ ကြာမြင့်နေပြီဖြစ်ပြီး ထိုးစစ်ဆင်မှုကို စက်တင်ဘာ ၁၀ ရက်တွင် တရားဝင် စတင်ခဲ့ခြင်းဖြစ်သည်။ ယင်းနောက်ပိုင်း တိုက်ပွဲများအတွင်း ဂျီဟတ် ၅၃ ဦးနှင့် SDF တိုက်ခိုက်ရေးသမား ၃၇ ဦးတို့ သေဆုံးခဲ့ကြောင်း ဆီးရီးယား လူ့အခွင့်အရေး စောင့်ကြည့်သည့် အဖွဲ့က ထုတ်ပြန်ခဲ့သည်။ စက်တင်ဘာ ၁၄ ရက်တွင် IS အဖွဲ့၏ ခြုံခိုတိုက်ခိုက်မှုကြောင့် SDF တိုက်ခိုက်ရေးသမား ၂၀ ထက်မနည်း သေဆုံးခဲ့သည်။ သဲမုန်တိုင်း တိုက်ခိုက်နေစဉ် ဂျီဟတ်များသည် ဖောက်ခွဲရေး ပစ္စည်းများကို ဖောက်ခွဲခြင်းနှင့် ပစ်ခတ်ခြင်းတို့ လုပ်ဆောင်ခဲ့ခြင်းဖြစ်ကြောင်း ဗြိတိန်အခြေစိုက် ထိုစောင့်ကြည့်သည့် အဖွဲ့က ထုတ်ပြန်ခဲ့သည်။

ထိုထိုးစစ်သည် ဆီးရီးယား-အီရတ် နယ်စပ်သို့ ဦးတည်သော ယူဖရေးတီးမြစ်ဝှမ်း အလယ်ပိုင်းတစ်လျှောက် ဆီးရီးယား အရှေ့မြောက်ပိုင်းမှ IS လက်ကျန်များကို ချေမှုန်းသွားမည်ဖြစ်ကြောင်း ဂျီဟတ်အဖွဲ့ကို နှိမ်နင်းနေသည့် နိုင်ငံတကာ ညွန့်ပေါင်းက ထုတ်ပြန်ခဲ့သည်။ ထိုတိုက်ပွဲသည် ၎င်းတို့အတွက်သာမက Daesh တို့၏ ကံကြမ္မာအတွက်ပါ အရေးပါနေကြောင်း၊ ထိုလက်ကျန် ဂျီဟတ်များသည်  အသေအကျေ တိုက်ပွဲဝင်ကြမည်ဟု မျှော်လင့်ကြောင်း ဒိုင်ရီက ပြောကြားခဲ့သည်။

ထိုဝန်းရံခံထားရသော ဒေသတွင် ပြည်ပတိုက်ခိုက်ရေးသမား အများစု ပါဝင်သော IS ဂျီဟတ် ၃၀၀၀ ခန့် ရှိမည်ဟု SDF က ခန့် မှန်းထားသည်။

၂၀၁၄ ခုနှစ်တွင် ဆီးရီးယားနှင့် အီရတ်တို့ရှိ နယ်မြေအများအပြားအား သိမ်းယူပြီး မွတ်စလင်ပိုင်နက်အဖြစ် ကြေညာခဲ့ပြီးနောက်ပိုင်း IS ဂျီဟတ်အဖွဲ့သည် ထိုနှစ်နိုင်ငံ၌ စစ်ရေးဆိုင်ရာ ရှုံးနိမ့်မှုများ တစ်သီတစ်တန်း ကြုံတွေ့ခဲ့ရပြီးနောက် ယခုအခါ ဆီးရီးယား၏နယ်မြေ သုံးရာခိုင်နှုန်းအောက်ကိုသာ ထိန်းချုပ်ထားနိုင်တော့သည်။ IS အဖွဲ့သည် ဒီယာအက်ဇောကို ယခင်က တစ်ခုလုံးနီးပါး ထိန်းချုပ်ထား နိုင်ခဲ့သော်လည်း ပြီးခဲ့သောနှစ်တွင် SDF နှင့် ရုရှားကျောထောက်နောက်ခံပြု ဆီးရီးယားအစိုးရ တပ်များ၏ သီးခြားထိုးစစ်ဆင်မှုများကြောင့် အီရတ်နယ်စပ်အနီး နယ်မြေအနည်းငယ်ကိုသာ ထိန်းချုပ်ထားနိုင်သည်။ IS ခေါင်းဆောင် အဘူဘကာအယ် ဘဂ္ဂဒါဒီသည် မည်သည့်နေရာတွင် ရောက်နေကြောင်း အတိအကျ မသိရသော်လည်း ထိုဝန်းရံထားသော နယ်မြေတွင် IS ၏ အဓိက ခေါင်းဆောင်များ ပုန်းအောင်းနေသည်ဟု SDF က ယုံကြည်ထားသည်။

Ref : AFP

အင်အားကြီး သုံးနိုင်ငံက ဆွေးနွေးနေစဉ် ရုရှားနှင့် သူပုန်များက အိုင်ဒလစ်တွင် တိုက်ခိုက်မှုများပြုလုပ်

စက်တင်ဘာ ၇ ရက်တွင် အိုင်ဒလစ်ပြည်နယ် တောင်ဘက် ခန်ရှေးခန်းမြို့မှ အရှေ့ဘက် လေးကီလိုမီတာ အကွာ၌ အစိုးရတပ်၏ တိုက်ခိုက်မှုကြောင့် မီးခိုးများ ထွက်ပေါ်နေစဉ် (Photo : AFP)

ဆီးရီးယားတွင် သူပုန်များ ထိန်းချုပ်ထားသော နောက်ဆုံးပြည်နယ် အိုင်ဒလစ် တည်ငြိမ်ရေးအတွက် အင်အားကြီး သုံးနိုင်ငံက ဆွေးနွေးနေစဉ် ရုရှားက စက်တင်ဘာ ၇ ရက်တွင် အိုင်ဒလစ်၌ လေကြောင်းမှ တိုက်ခိုက်မှုကြောင့် လူငါးဦး သေဆုံးခဲ့ကြောင်း ဆီးရီးယား လူ့အခွင့်အရေး စောင့်ကြည့်သည့် အဖွဲ့က ထုတ်ပြန်ခဲ့သည်။ ထိုနေ့နှောင်းပိုင်းတွင် သဘောထား တင်းမာသော သူပုန်များက ထိုပြည်နယ်နှင့် ကပ်လျက်ဒေသတွင် အမြောက်များဖြင့် ပစ်ခတ်မှုကြောင့် အရပ်သား ၁၀ ဦးလည်း သေဆုံးခဲ့ရကြောင်း ထိုစောင့်ကြည့် အဖွဲ့က ထုတ်ပြန်ခဲ့သည်။

အယ်ကေးဒါးနှင့် ဆက်နွှယ်သော ဆီးရီးယား ဂျီဟတ်အဖွဲ့နှင့် တူရကီ ကျောထောက်နောက်ခံပြု ပြိုင်ဘက်သူပုန်များက ထိန်းချုပ်ထားသည့် အိုင်ဒလစ်ပြည်နယ်ကို ထိုးစစ်မစတင်မီ ဆီးရီးယားအစိုးရ တပ်ဖွဲ့များသည် ထိုပြည်နယ်တစ်ဝိုက်၌ ရောက်ရှိနေသည်မှာ သီတင်းပတ်နှင့်ချီ ကြာမြင့်နေပြီဖြစ်သည်။ ဂျီဟတ်မဟာမိတ်အဖွဲ့ Hayat Tahrir al-Sham (HTS) နှင့် သဘောထား တင်းမာသော Ahrar al-Sham အဖွဲ့တို့က ထိန်းချုပ်ထားသည့် အိုင်ဒလစ် အနောက်တောင်ပိုင်းရှိ သူပုန်များ၏ နေရာများကို စက်တင်ဘာ ၇ ရက် အစောပိုင်းတွင် ရုရှားက လေကြောင်းမှ တိုက်ခိုက်ခဲ့သည်။

ထိုတိုက်ခိုက်မှုအတွင်း Hobait ဒေသရှိ Ahraral-Sham စခန်းတစ်ခု ပျက်စီးခဲ့ပြီး သူပုန်လေးဦး သေဆုံးခဲ့ကာ အခြားလူ ၁၄ ဦး ဒဏ်ရာရခဲ့ကြောင်း စောင့်ကြည့်အဖွဲ့က ထုတ်ပြန်ခဲ့သည်။ ထိုဗုံးကြဲ တိုက်ခိုက်မှုအတွင်း သိုးထိန်းတစ်ဦးလည်း သေဆုံးခဲ့ပြီး အခြားလူလေးဦး ဒဏ်ရာရခဲ့ကာ ၎င်းတို့သည် တိုက်ခိုက်ရေးသမားများ သို့မဟုတ် အရပ်သားများ ဟုတ်၊ မဟုတ်သည် ရှင်းရှင်းလင်းလင်း မသိရသေးပေ။

စက်တင်ဘာ ၇ ရက် ညနေတွင် အိုင်ဒလစ်နှင့် ထိစပ်နေသည့် နယ်စပ်တောင်ဘက် ၁၀ မိုင်ခန့်အကွာရှိ ဟားမားစ် ပြည်နယ်ရှိ မာရာဒါမြို့ကို သဘောထားတင်းမာသည့် သူပုန်များက အမြောက်များဖြင့် ပစ်ခတ်ခဲ့ကြောင်း၊ အစောပိုင်း လေကြောင်းတိုက်ခိုက်မှုများကို တုံ့ပြန်သည့် ထိုတိုက်ခိုက်မှုများကြောင့် အမျိုးသမီးခြောက်ဦး အပါအ၀င် အရပ်သား ၁၀ ဦး သေဆုံးခဲ့ရကြောင်း စောင့်ကြည့်အဖွဲ့၏ ခေါင်းဆောင် ရာမီအဗ္ဗဒယ်ရာမန်က ပြောကြားခဲ့သည်။

စက်တင်ဘာ ၇ ရက်တွင် တီဟီရန်၌ အီရန်သမ္မတ ဟက်ဆန်ရိုဟာနီ၊ တူရကီသမ္မတ ရီဆပ်တေယစ် အာဒိုဂန်တို့နှင့် တွေ့ဆုံဆွေးနွေးခဲ့သည့် ရုရှားသမ္မတ ဗလာဒီမာပူတင်က ၎င်းတို့သည် အိုင်ဒလစ်ပြည်နယ် တည်ငြိမ်ရေးနှင့် သက်ဆိုင်သည့် ခိုင်မာသော တုံ့ပြန်ဆောင်ရွက်မှုများကို ဆွေးနွေးခဲ့ကြကြောင်း ပြောကြားခဲ့သည်။ သို့သော် ပူးတွဲကြေညာချက်၌မူ အသေးစိတ် အချက်အလက် အနည်းငယ်သာ ပါဝင်ခဲ့သည်။

လူသေဆုံးမှု အနည်းဆုံးဖြင့် အိုင်ဒလစ်မှ သူပုန်များအား ချေမှုန်းနိုင်ရန် ဆီးရီးယားသမ္မတ ဘာရှားအယ် အာဆတ်အစိုးရအား ကူညီလိုကြောင်း အီရန်က ပြောကြားထားသည်။ ရုရှားက သာမန်တိုက်ခိုက်ရေး သမားများနှင့် အကြမ်းဖက် သမားများအား ခွဲခြားရန် ဆက်လက် လုပ်ဆောင်နေဟု ထုတ်ပြန်ခဲ့သည်။ ထို့ပြင် သူပုန်များနှင့် ဂျီဟတ်များအား ထိန်းချုပ်ရန် တူရကီက ၎င်း၏ သြဇာအာဏာကို အသုံးပြုရန် ရုရှားက လိုလားနေသည်။ အိုင်ဒလစ်အား ထိုးစစ်ဆင်မှုသည် ဆီးရီးယား စစ်ပွဲအတွင်း အကြီးမားဆုံး လူသားချင်း စာနာမှု အကျပ်အတည်း ဖြစ်လာစေနိုင်သည်။

Ref : AFP

ဆီးရီးယားရှိ ရုရှားလေတပ် အခြေစိုက်စခန်းကို မောင်းသူမဲ့လေယာဉ်နှင့် တိုက်ခိုက်မှုများ မြင့်တက်လာ

သြဂုတ် ၂၀ ရက်တွင် အိုင်ဒလစ်ပြည်နယ်၌ ဆီးရီးယား အမျိုးသမီး တစ်ဦးအား ရုရှားစစ်သားတစ်ဦးက စကားပြောနေစဉ် (Photo : AFP)

ဆီးရီးယားရှိ ရုရှားလေတပ် အခြေစိုက်စခန်းတစ်ခုကို သူပုန်နှင့်ဂျီဟတ်တို့၏ မောင်းသူမဲ့လေယာဉ် တိုက်ခိုက်မှုများ မြင့်တက်လာခဲ့သော်လည်း ယင်းလေယာဉ်အားလုံး ပစ်ချခံခဲ့ရသည်ဟု စောင့်ကြည့်သည့် အဖွဲ့တစ်ဖွဲ့က သြဂုတ် ၂၄ ရက်တွင် ထုတ်ပြန်ခဲ့သည်။

“ဇူလိုင်ကနေစပြီး Hmeimim ကို မောင်းသူမဲ့ လေယာဉ်တိုက်ခိုက်မှုတွေ မြင့်တက်လာတယ်” ဟု ဆီးရီးယား လူ့အခွင့်အရေးဆိုင်ရာ စောင့်ကြည့်အဖွဲ့က စစ်ကြောင့်ပျက်စီးနေသည့် ဆီးရီးယားနိုင်ငံရှိ ရုရှား၏ အဓိက စစ်အခြေစိုက်စခန်းတစ်ခုကို ရည်ညွှန်းပြောကြားခဲ့သည်။ လက်နက်ကိုင် အတိုက်အခံများကို နှိမ်နင်းမှုအား ကူညီရန်အတွက် ရုရှားက ၂၀၁၅ ခုနှစ်တွင် ဆီးရီးယား အစိုးရ၏ဘက်မှ ၀င်ရောက်ကူညီခဲ့သည်။

ဇူလိုင်တွင် တိုက်ခိုက်မှု ၁၃ ကြိမ်နှင့် ယခုလတွင် တိုက်ခိုက်မှု ငါးကြိမ်ရှိခဲ့ပြီး ယခုနှစ်အစောပိုင်းမှစ၍ စုစုပေါင်း တိုက်ခိုက်မှု ၂၃ ကြိမ်ရှိခဲ့ကြောင်း ဗြိတိန်အခြေစိုက် ယင်းအဖွဲ့က ထုတ်ပြန်ခဲ့သည်။

ယင်းတိုက်ခိုက်မှုများတွင် အသေးစား မောင်းသူမဲ့လေယာဉ်၌ ဖောက်ခွဲရေးပစ္စည်းများ အပြည့်ပါသော်လည်း ယင်းမောင်းသူမဲ့လေယာဉ် အများစုကို ပစ်မှတ်များဆီသို့ မရောက်မီ ရုရှား(သို့မဟုတ်)ဆီးရီးယား လေကြောင်း ကာကွယ်ရေးများက ပစ်ချခဲ့ကြောင်း ဆီးရီးယား စောင့်ကြည့်အဖွဲ့၏ အကြီးအကဲ ရာမီအဗ္ဗဒယ်ရာမန်က အေအက်ဖ်ပီသို့ ပြောကြားခဲ့သည်။

ဆီးရီးယားရှိ ရုရှားတပ်ဖွဲ့ဝင်များအတွက် အဓိကစခန်းကို တိုက်ရိုက်ပစ်မှတ်ထား တိုက်ခိုက်နိုင်ကြောင်း ရုရှားအစိုးရထံသို့ တိုက်ခိုက်ရေးသမားများက သတင်းစကား ပေးပို့ခဲ့သည်ဟု အဗ္ဗဒယ်ရာမန်က ပြောကြားခဲ့သည်။

ယင်းတိုက်ခိုက်မှုများအတွက် ရုရှားနိုင်ငံခြားရေး ၀န်ကြီးဌာန၏ ပြောခွင့်ရပုဂ္ဂိုလ် မာရီရာဇာရိုဗာက အကြမ်းဖက်သမားများကို အပြစ်တင်ခဲ့သည်။

“Hmeimim မှာ မောင်းသူမဲ့လေယာဉ် တိုက်ခိုက်မှုတွေက အမြဲတမ်းလိုလို ဖြစ်လာပြီ။ ကျွန်မတို့ရဲ့ လေကြောင်း ကာကွယ်ရေးတွေက မောင်းသူမဲ့လေယာဉ် ၄၅ စင်းကို ပစ်ချခဲ့တယ်” ဟု ၎င်းက သြဂုတ် ၂၃ ရက်တွင် ပြောကြားခဲ့သည်။

ဇူလိုင်တွင်လည်း ယင်းတိုက်ခိုက်မှုများကို ဟန့်တား ဖျက်ဆီးနိုင်ခဲ့သည်ဟု ရုရှားစစ်တပ်ပြောခွင့်ရပုဂ္ဂိုလ် ဗိုလ်ချုပ်ကြီး အီဂေါကိုနာချင်ကော့က ယခုလအစောပိုင်းတွင် ပြောကြားခဲ့သည်။

Hmeimim လေတပ်အခြေစိုက်စခန်းသည် အိုင်ဒလစ်ပြည်နယ် အနောက်မြောက်ပိုင်းရှိ သူပုန်နှင့် ဂျီဟတ်တို့ ထိန်းချုပ်ထားသည့် နယ်မြေ၏ အနောက်အရပ်တွင် ရှိသည်။ အိုင်ဒလစ် ပြည်နယ်ကို ၎င်း၏ အုပ်ချုပ်မှုအောက် ပြန်လည်ရောက်ရှိစေရန် ရည်မှန်းထားသည်ဟု ဆီးရီးယားသမ္မတ ဘာရှားအယ်လ်အာဆတ်က ပြောကြားခဲ့သည်။

အိုင်ဒလစ်ပြည်နယ်၏ ထက်ဝက်ကျော်ကို ဂျီဟတ်အဖွဲ့ Hayat Tahrir al-Shan က ထိန်းချုပ်ထားပြီး ကျန်ရှိသည့် နယ်မြေများကို သူပုန်အဖွဲ့များက ထိန်းချုပ်ခဲ့သည်

ရုရှားကျောထောက် နောက်ခံပြု အစိုးရတပ်ဖွဲ့သည် မကြာမီ အိုင်ဒလစ်ပြည်နယ်၏ သေးငယ်သည့် အစိတ်အပိုင်းမျှကိုသာလျှင် ပစ်မှတ်ထားနိုင်ဖွယ် ရှိသည်ဟု လေ့လာသုံးသပ်သူများက ပြောကြားခဲ့သည်။

သူပုန်ထောက်ခံသည့် တူရကီနှင့် ဆီးရီးယားအစိုးရကို ထောက်ခံသည့် ရုရှားနိုင်ငံကြား ဆွေးနွေးပွဲများက သူပုန်နှင့် ဂျီဟတ်တို့ ထိန်းချုပ်ထားသည့် နောက်ဆုံးပြည်နယ်ဖြစ်သော အိုင်ဒလစ်ပြည်နယ်၏ ကံကြမ္မာကို ဆုံးဖြတ်ပေးမည်ဟု မျှော်လင့်ရသည်။

Ref : AFP

ဆီးရီးယားရှိ အီဒလစ်ပြည်နယ်ကို စစ်ရေးနည်းဖြင့် ဖြေရှင်းပါက ကပ်ဘေးကြီးဖြစ်လာနိုင်သည်ဟု တူရကီသတိပေး

သြဂုတ် ၂၀ ရက်တွင် အီဒလစ်ပြည်နယ် အရှေ့ဘက်စွန်း၌ အဘူဒူဟာဖြတ်သန်းရေးစခန်းတွင် ဆီးရီးယားသမ္မတအာဆတ်နှင့် ရုရှားသမ္မတပူတင်၏ ဓာတ်ပုံကို တွေ့ရစဉ် (Photo: AFP)

ဆီးရီးယားနိုင်ငံထဲမှ သူပုန်တို့ထိန်းချုပ်ထားသည့် နောက်ဆုံးပြည်နယ် အီဒလစ်နှင့် ပတ်သက်ပြီး စစ်ရေးနည်းဖြင့် ဖြေရှင်းရန် ကြိုးပမ်းမည်ဆိုပါက ဆိုးဆိုးရွားရွား ဒုက္ခရောက်မှုများ ဖြစ်လာနိုင်သည်ဟု တူရကီ နိုင်ငံခြားရေးဝန်ကြီး မက်ဗ်လုကာဗူဆိုဂလူက သြဂုတ် ၂၄ ရက်တွင် သတိပေးခဲ့သည်။

“စစ်ရေးနဲ့ဖြေရှင်းရင် ကပ်ဘေးတစ်ခု ဖြစ်သွားနိုင်ပါတယ်” ဟု ကာဗူဆိုဂလူက ရုရှားသမ္မတ ဗလာဒီမာပူတင်နှင့် မတွေ့မီ မော်စကိုတွင်ပြုလုပ်ခဲ့သည့် သတင်းစာရှင်းလင်းပွဲတစ်ခု၌ ပြောကြားခဲ့သည်။

“အီဒလစ်ပြည်နယ်အတွက်သာ မဟုတ်ဘဲ ဆီးရီးယားအနာဂတ်အတွက် ပြောတာ ဖြစ်ပါတယ်။ ဒါဟာ ကပ်ဘေးတစ်ခုဖြစ်သွားနိုင်ပြီး တိုက်ပွဲတွေဟာလည်း ရှည်ကြာသွားပါလိမ့်မယ်” ဟု ၎င်းက သတိပေးခဲ့သည်။

ဆီရီးယားနိုင်ငံ အနောက်မြောက်ပိုင်းရှိ အီဒလစ်ပြည်နယ်ကို ရုရှားကျောထောက် နောက်ခံပေးထားသော ဆီးရီးယားအစိုးရ၏ ထိုးစစ်ဆင်မှုများ ရောက်လာနိုင်သည်ဟု ခန့်မှန်းမှုများ မြင့်တက်နေသည်။ အီဒလစ်ပြည်နယ်၏ အရှေ့တောင်ဘက်စွန်းမှ နေရာငယ်တစ်ခုကိုသာ ထိန်းချုပ်နိုင်သေးသည့် သမ္မတ ဘာရှားအယ်အာဆတ်သည် တူရကီနှင့် နယ်နိမိတ်ချင်းထိစပ်နေသော အီဒလစ်ကို ပြန်သိမ်းရန် စီစဉ်လျက်ရှိပြီး ၎င်း၏ ဦးစားပေး လုပ်ဆောင်ရမည့်ကိစ္စများအနက် တစ်ခုဟုပင် ခေါ်ဆိုနေသည်။

ကာဗူဆိုဂလူကမူ တိုက်ပွဲများပြင်းပြင်းထန်ထန် ဖြစ်လာနိုင်ပြီး အရပ်သားအမြောက်အမြားအပေါ် သက်ရောက်မှုရှိလာနိုင်သည် ဟု သတိပေးထားသည်။ “အရပ်သားတွေထိခိုက်ကြလိမ့်မယ်။ အဲဒီမှာနေတဲ့ အရပ်သား ၃ ဒသမ ၅ သန်းဟာ ဘယ်ကိုရောက်သွားကြမလဲ” ဟု ၎င်းက မေးခွန်းပြန်ထုတ်ခဲ့သည်။ တူရကီသည် လက်ရှိတွင် ဆီးရီးယား ဒုက္ခသည် သုံးသန်းကျော်ကို လက်ခံထားသည်။

ဒုက္ခသည် အစုလိုက်အပြုံလိုက် ၀င်ရောက်မှုကို တားမြစ်ခြင်း ရုရှား၊ တူရကီ၊ အီရန်တို့ ယမန်နှစ်က  ဆွေးနွေးခဲ့ခြင်း၏ ရလဒ်ကြောင့် ပေါ်ပေါက် လာသော ပဋိပက္ခလျှော့ချရေးဇုန်များထဲတွင် အီဒလစ်မှာ တစ်ခုအပါအ၀င်ဖြစ်သည်။ ဒုက္ခသည်များ အစုလိုက်အပြုံ လိုက်ထွက်ပြေးမည့် ဖြစ်ရပ်ကို တားဆီးရန်အတွက် ပဋိပက္ခ လျှော့ချရေးဇုန်များထားရှိရန် လိုအပ်သည်ဟုကာ ဗူဆိုဂလူက အလေးပေး ပြောကြားခဲ့သည်။ “ဒီကိစ္စဟာ တူရကီအတွက်လည်း အရေးကြီးပါတယ်။ ဘာဖြစ်လို့လဲဆိုတော့ သူတို့ဟာ ကျွန်တော်တို့ နယ်စပ်ဘေးမှာ ရှိနေတာလေ။ ကျွန်တော်တို့ကို အရင်ဆုံး ခြိမ်းခြောက်မှုဖြစ်လာမှာပါ ဟု ၎င်းက ဆက်လက်ပြောခဲ့သည်။

ယင်းနောက်တွင် ပူတင်သည် တူရကီ  နိုင်ငံခြားရေး၊ ကာကွယ်ရေးဝန်ကြီးတို့နှင့် မော်စကို၌ တွေ့ဆုံခဲ့သည်။ ဆီးရီးယားပဋိပက္ခကို ဖြေရှင်းရန် ရုရှား၊ တူရကီနှင့်အခြား နိုင်ငံများ၏ ကြိုးပမ်းအား ထုတ်မှုမှတစ်ဆင့် လုပ်ဆောင်နေသည်ဟု ပူတင်က ရုပ်သံမှ တစ်ဆင့် ပြောကြားခဲ့သည်။ သို့သော် ဆီးရီးယားအရေးသည် ရုရှားအတွက်လည်း ယခုအချိန်အထိ ချက်ချင်းဖြေရှင်းရမည့်ကိစ္စ ဖြစ်နေဆဲဖြစ်သည်ကိုမူ ပူတင်က ၀န်ခံခဲ့သည်။