ဒိုမာသို့ ဓာတုလက်နက် ကျွမ်းကျင်သူများ ဧပြီ ၁၈ ရက်တွင် ရောက်လာမည်ဟု ရုရှားပြောကြား

ဧပြီ ၁၆ ရက်က ဒိုမာတွင် အစိုးရက ဝေနေသည့် ပေါင်မုန်များကို ဆီးရီးယားပြည်သူများက ယူနေကြစဉ် (Photo: AFP)

စွပ်စွဲထားသော အဆိပ်ဓာတ်ငွေ့ တိုက်ခိုက်မှုကို စုံစမ်းရန်အတွက် ဆီးရီးယားနိုင်ငံ ဒိုမာမြို့သို့ ဧပြီ ၁၈ ရက်တွင် ဓာတုလက်နက်ရေးရာ ကျွမ်းကျင်သူများ ရောက်လာကြလိမ့်မည်ဟု ရုရှားအစိုးရအရာရှိများက ပြောကြားခဲ့သည်။ အမေရိကန်ကမူ တိုက်ခိုက်မှုဖြစ်ပွားသည့်နေရာ၌ သက်သေများကို ရုရှားက စွက်ဖက်ပြင်ဆင်ထားနှင့်မည်ကို စိုးရိမ်ကြောင်း ပြောနေသည်။

ဆီးရီးယားသို့ အမေရိကန်၊ ပြင်သစ်၊ ဗြိတိန်တို့၏ လေကြောင်းမှ ဒုံးကျည်ဖြင့် တိုက်ခိုက်မှုများ ဖြစ်ပွားခဲ့ပြီးနောက် ဧပြီ ၁၆ ရက်တွင် အနောက်နိုင်ငံများနှင့် ရုရှားအကြား၌ အပြန်အလှန် စွပ်စွဲမှုများ ဖြစ်ပေါ်ခဲ့သည်။ ရုရှားကမူ ဒိုမာမြို့မှ စုံစမ်းမှုများကို အဟန့်အတား လုပ်နေသည်ဟု ၎င်းတို့အပေါ် စွပ်စွဲချက်များသည် ဗြောင်ကျသည့် အလိမ်အညာ တစ်ခုဟုဆိုကာ ပယ်ချထားသည်။

မိမိဆန္ဒအလျောက် ပါဝင်သော လူကိုးဦးပါ အဖွဲ့သည် ဒမတ်စကတ်သို့ရောက်နေပြီဟု ဓာတုလက်နက်ထိန်းချုပ်ရေးအဖွဲ့အစည်း (OPCW) ၏ အထွေထွေဒါရိုက်တာ အာမတ်အူဇမ်ကူက ပြောကြားသည်။ သို့သော် ဆီးရီးယားနှင့် ရုရှားအစိုးရအရာရှိများက လုံခြုံရေး လုပ်ဆောင်ချက်များကို လုပ်နေသည်ဟုဆိုသဖြင့် OPCW စုံစမ်းသူများသည် ထိုနေရာသို့ မရောက်နိုင်သေးဘဲ ဖြစ်နေသည်ဟု ၎င်းက ပြောကြားခဲ့သည်။

ရုရှားမှ ရေဒီယိုသတ္တိကြွ၊ ဇီဝနှင့် ဓာတုကာကွယ်ရေးယူနစ်၏ အကြီးအကဲဖြစ်သူ အီဂေါကီရီလော့ဗ်ကမူ ထိုနေရာမှလမ်းများ သည် မိုင်းရှင်းလင်းမှုများ မလုပ်ရသေးဘဲ ကုလသမဂ္ဂလုံခြုံရေးများက စစ်ဆေး စမ်းသပ်ရဦးမည်ဟု ဧပြီ ၁၇ ရက်တွင် ပြောကြားခဲ့သည်။

“ဧပြီ ၁၈ ရက်မှာ OPCW က ကျွမ်းကျင်သူတွေ လာရောက်ရေးအတွက် စီစဉ်ထားပါတယ်” ဟု ၎င်းက သည်ဟိဂ်ရှိ ရုရှားသံရုံး၌ ပြုလုပ်သော သတင်းစာရှင်းလင်းပွဲအတွင်း ပြောကြားခဲ့သည်။

OPCW မှ အမေရိကန်သံအမတ်ကန် ၀ပ်ကမူ ရုရှားတို့သည် ထိုနေရာသို့ရောက်ရှိသွားပြီးဖြစ်ကာ OPCW စုံစမ်းစစ်ဆေးရေးမစ်ရှင်၏ ရည်ရွယ်ချက်ကို ပျက်ပြားစေရန် အပြောင်းအလဲများ လုပ်ထားပြီး ဖြစ်ဖွယ်ရှိသည်ဟု ပြောနေသည်။ ရုရှားအစိုးရကမူ ထိုစွပ်စွဲချက်ကို ပယ်ချထားသည်။

ဗြိတိန်ဝန်ကြီးချုပ်ထရီဆာမေနှင့် ပြင်သစ်သမ္မတအီမန်နျူရယ်မက်ခရွန်တို့မှာမူ အမေရိကန်နှင့်အတူ ဆီးရီးယားလေကြောင်း တိုက်ခိုက်မှုတွင်ပါခဲ့သဖြင့် မေ ၁၆ ရက်က ၎င်းတို့၏ လွှတ်တော်အမတ်များ၏ ဒေါသထွက်ခြင်းကို ခံနေရသည်။ တိုက်ခိုက်မှုအပေါ် ပြည်တွင်းမှ ထောက်ခံမှုနည်းပါးနေသော်လည်း ထရီဆာမေက ၀န်ကြီးချုပ်တစ်ဦးအနေနှင့် ထိုကဲ့သို့ ဆုံးဖြတ်ချက်များချရန် တာဝန်ရှိသည်ဟုပြောခဲ့ပြီး မက်ခရွန်ကမူ ထိုသို့ဆုံးဖြတ်ခဲ့ခြင်းသည် ဖွဲ့စည်းပုံအခြေခံဥပဒေထဲရှိ ၎င်း၏ အာဏာများမှ တစ်စိတ်တစ်ပိုင်းဖြစ်ကြောင်း ကာကွယ်ပြောကြားခဲ့သည်။

ထိုစဉ် ဧပြီ ၁၇ ရက်က နိုင်ငံအလယ်ပိုင်းရှိ ဟွမ်စ်မြို့၌ လေတပ်က ဒုံးကျည်များကို ပစ်ချခဲ့ရသည်ဟု ဆီးရီးယားအစိုးရမီဒီယာတွင် ဖော်ပြခဲ့သည်။ ထိုတိုက်ခိုက်မှုများသည် အစိုးရ၏ လေတပ်အခြေစိုက်စခန်းများကို ဦးတည်ခဲ့ခြင်းဖြစ်သည်ဟု သိရသည်။ ထိုတိုက်ခိုက်မှုကို လုပ်ဆောင်ခဲ့ကြောင်း ၀န်ခံသူမရှိသော်လည်း ပင်တဂွန်ပြောခွင့်ရပုဂ္ဂိုလ် ဟီသာဘာ့က ထိုနေရာတွင် အမေရိကန်နှင့် ညွန့်ပေါင်းတို့က စစ်ဆင်ရေးလုပ်ဆောင်ခဲ့ခြင်းမရှိဟု ပြောကြားခဲ့သည်။

Ref: AFP

ဆီးရီးယားတွင် ဓာတုလက်နက်တိုက်ခိုက်မှုအတွက် OPCW က အရေးအပေါ် အစည်းအဝေး ကျင်းပ

အမေရိကန်၊ ဗြိတိန်၊ ပြင်သစ်တို့၏ လေကြောင်းတိုက်ခိုက်မှုများကို ခံခဲ့ရသော ဒမတ်စကတ်မြောက်ပိုင်းမှ သိပ္ပံလေ့လာရေးနှင့် သုတေသနဌာနအား ဧပြီ ၁၄ ရက်နှင့် ၁၅ ရက်အတွင်းက ရိုက်ကူးထားသည့် ဂြိုဟ်တု ဓာတ်ပုံ (Photo: AFP)

ဆီးရီးယားတွင် ဓာတုအဆိပ်ဖြင့် တိုက်ခိုက်မှုကြောင့် အမေရိကန်၊ ဗြိတိန်၊ ပြင်သစ်တို့က လေကြောင်းတိုက်ခိုက်မှုများဖြင့် အရေးယူခဲ့ပြီးနောက် ကမ္ဘာ့ဓာတုလက်နက် ကာကွယ်ရေးအဖွဲ့ (OPCW) က ဧပြီ ၁၆ ရက်တွင် အရေးပေါ် အစည်းအဝေး ကျင်းပခဲ့သည်။

ဒမတ်စကတ်မြို့အနီးရှိ ဒိုမာမြို့တွင် ဓာတုလက်နက်ဖြင့် တိုက်ခိုက်ခဲ့ဖွယ်ရှိသည့်အတွက် အမေရိကန်ဦးဆောင်သော အနောက်အင်အားကြီးများက ဆီးရီးယားရှိ ဓာတုလက်နက်နှင့် သက်ဆိုင်သောနေရာများကို ဧပြီ ၁၄ ရက်တွင် လေကြောင်းမှ တိုက်ခိုက်ခဲ့သည်။

ဒိုမာမြို့တွင် အဆိပ်လက်နက်ဖြင့် တိုက်ခိုက်ခဲ့မှုအား OPCW က စုံစမ်းစစ်ဆေးမှု ဆောင်ရွက်ရန် လုပ်ဆောင်ချက်ကို ၀င်ရောက်စွက်ဖက်မည်မဟုတ်ကြောင်း ဧပြီ ၁၆ ရက်တွင် ရုရှားက ပြောကြားခဲ့သည်။ ထို့ပြင် ဆီးရီးယားရှိ နေရာသုံးနေရာကို အမေရိကန်၊ ဗြိတိန်၊ ပြင်သစ်တို့ တိုက်ခိုက်မှုသည် OPCW ၏ စုံစမ်းစစ်ဆေးရေးနှင့် ပတ်သက်သည့် ယုံကြည်စိတ်ချရမှုကို ထိပါးစေနိုင်ကြောင်း ရုရှားက ရှုတ်ချခဲ့သည်။ လူ ၄၀ သေဆုံးစေခဲ့သည်ဟုဆိုသော ဒိုမာတိုက်ခိုက်မှုကို စုံစမ်းစစ်ဆေးရန် OPCW က တံခါးပိတ် အစည်းအဝေးပွဲ စတင်ခဲ့ပြီး ဗြိတိန်၊ ရုရှား၊ ပြင်သစ် သံအမတ်ကြီးများသည် သည်ဟိဂ်ရှိ OPCW ရုံးချုပ်သို့ ရောက်ရှိခဲ့ကြသည်။

အဖွဲ့ဝင် ၁၉၂ နိုင်ငံပါဝင်သော OPCW ၏ အမှုဆောင်ကောင်စီ အစည်းအဝေးကို ၄၁ နိုင်ငံဖြင့် ကျင်းပမည်ဖြစ်ပြီး ဥက္ကဋ္ဌ ဘင်္ဂလားဒေ့ရ်ှသံအမတ်ကြီး ရှိတ်မိုဟာမက်ဘီလားက ဦးဆောင်မည်ဖြစ်သည်။ ဧပြီ ၇ ရက် ဒိုမာတိုက်ခိုက်မှုကို စုံစမ်းစစ်ဆေးရန်အတွက် OPCW ၏ စုံစမ်းရေးအဖွဲ့သည်လည်း ဆီးရီးယားသို့ ရောက်ရှိနေပြီဖြစ်သည်။

မြေပြင်တွင် စုံစမ်းစစ်ဆေးမှုများ ဆောင်ရွက်နေစဉ် အမေရိကန်ဦးဆောင်သော စစ်ရေးတုံ့ပြန်မှုက ဆက်လက်ပဲ့တင်ရိုက်နေခဲ့သည်။ ဆီးရီးယားတွင် အမေရိကန်တပ်ဖွဲ့ဝင်များ ဆက်လက်ရှိနေရန် အမေရိကန်သမ္မတ ဒေါ်နယ်ထရန့်ကို စည်းရုံးထားကြောင်း ပြင်သစ်သမ္မတ မက်ခရွန်က ပြောကြားခဲ့သည်။ သို့သော်လည်း နာရီအနည်းငယ်အကြာတွင် အိမ်ဖြူတော်က ဆီးရီးယားရှိ အမေရိကန်တပ်ဖွဲ့ဝင်များ အမြန်ဆုံးအိမ်ပြန်ကြစေလိုကြောင်း ကြေညာခဲ့သည်။ အသက် ၄၀ အရွယ် အလယ်အလတ်ဝါဒီ မက်ခရွန်က ရုပ်သံအင်တာဗျူးတွင် ဘာရှားအယ်အာဆတ်၏ အစိုးရအား စစ်ကြေညာထားခြင်း မဟုတ်ဟု ပြောကြားခဲ့သည်။ သို့သော်လည်း ပြင်သစ်သမ္မတတစ်ဦးအနေဖြင့် ပထမဆုံးအကြိမ် စစ်ရေးအရ ၀င်ရောက်စွက်ဖက်မှုသည် အရပ်သားများကို ဓာတုလက်နက် အသုံးပြုမှုအား အပြစ်မပေးဘဲနေမည် မဟုတ်ကြောင်း အချက်ပြရန်အတွက် လိုအပ်သည်ဟု မက်ခရွန်က အခိုင်အမာဆိုခဲ့သည်။

အမေရိကန်ဦးဆောင်သော ယင်းတိုက်ခိုက်မှုများသည် ဆီးရီးယား၏ ခုနစ်ကြာ စစ်ပွဲစတင်ခဲ့ပြီးနောက်ပိုင်း အာဆတ်အစိုးရကို အပြည်ပြည်ဆိုင်ရာက အကြီးဆုံး တိုက်ခိုက်မှုတစ်ခု ဖြစ်ခဲ့သည်။ ထိုတိုက်ခိုက်မှုက ဆီးရီးယားအစိုးရ၏ ထိပ်တန်းမဟာမိတ်ဖြစ်သော ရုရှားအစိုးရနှင့် ထိပ်တိုက်တွေ့မှု ဖြစ်လာခဲ့သည်။ ရုရှားသမ္မတ ဗလာဒီမာပူတင်က ယခုတိုက်ခိုက်မှုများကြောင့် ကသောင်းကနင်းဖြစ်ရပ်များ ပေါ်ပေါက်လာမည်ဖြစ်ကြောင်း ပူတင်က သတိပေးထားသည်။ ၀ါရှင်တန်ကလည်း စစ်ရေးတိုက်ခိုက်မှုများ ထပ်မံဆောင်ရွက်မှုထက် စီးပွားရေးပိတ်ဆို့မှုများ ဆောင်ရွက်သွားမည်ဖြစ်ကြောင်း ပြောကြားထားသည်။

ဆီးရီးယား၏ ဓာတုလက်နက် တိုက်ခိုက်မှုများအတွက် သက်သေရှိထားပြီဖြစ်ကြောင်း အနောက်အင်အားကြီးနိုင်ငံများက ပြောကြားထားပြီး ကြိုတင်လက်ဦးမှုရယူ စုံစမ်းမှုများ ဆောင်ရွက်ထားသောကြောင့် OPCW ၏ စုံစမ်းစစ်ဆေးသူများသည် ခက်ခဲသော တာဝန်ကို ထမ်းဆောင်ရမည်ဖြစ်သည်။ ရုရှားစစ်ရဲများနှင့် ဆီးရီးယားတပ်ဖွဲ့ဝင်များက ပြီးခဲ့သည့်သီတင်းပတ်တွင် ထိန်းချုပ်ထားသော ဧရိယာအတွင်းရှိ ဓာတုလက်နက် တိုက်ခိုက်မှုဆိုင်ရာနေရာ၌ သက်သေအထောက်အထားများ ဖယ်ရှားထားပြီးလည်း ဖြစ်နိုင်သည်။ ဆီးရီးယားအစိုးရ၏ ဓာတုလက်နက်များကို ဖယ်ရှားပြီးဖြစ်သည်ဟု OPCW က ၂၀၁၄ ခုနှစ်တွင် ကြေညာခဲ့သည်။ ၂၀၁၇ ခုနှစ်က ဆီးရီးယားမြောက်ပိုင်းရှိ ခန်ရှိတ်ဟန်မြို့တွင် ဆာရင်းဓာတ်ငွေ့ အသုံးပြုတိုက်ခိုက်မှု ဖြစ်ပွားခဲ့ကြောင်း နောက်ပိုင်းတွင် OPCW က အတည်ပြုထားသည်။

အမေရိကန်၊ ဗြိတိန်၊ ပြင်သစ်တို့က ဒုံးဖြင့် တိုက်ခိုက်မှုဖြစ်ခဲ့ပြီးနောက် နာရီအနည်းငယ်အကြာတွင် ဆီးရီးယားစစ်တပ်က သူပုန်တို့၏ အဓိကခြေကုပ်ဖြစ်သော အရှေ့ဂိုတာကို နှစ်လကြာထိုးစစ်ပြီးနောက် အလုံးစုံပြန်လည် သိမ်းယူနိုင်ခဲ့ပြီဖြစ်ကြောင်း ကြေညာခဲ့သည်။

Ref: AFP

အမေရိကန်၊ ဗြိတိန်နှင့် ပြင်သစ်တို့က ဆီးရီးယားကို လေကြောင်းမှတိုက်ခိုက်

မြေပြင်မှဝေဟင်ပစ်ဒုံးကြောင့်လင်းသွားသောဒမတ်စကတ်ကောင်းကင် (Photo : AP)

ပြီးခဲ့သည့် သီတင်းပတ်က လူဒါဇင်ချီ သေဆုံးစေခဲ့သည့် ဓာတုလက်နက် တိုက်ခိုက်မှုကို တုံ့ပြန်သည့် အနေဖြင့် အမေရိကန်၊ ဗြိတိန်၊ ပြင်သစ်တို့က ဧပြီ ၁၄ ရက် အစောပိုင်းတွင် ဆီးရီးယားကို လေကြောင်းတိုက်ခိုက်မှုများ ဆောင်ရွက်လာခဲ့ကြသည်။

အမေရိကန်သမ္မတ ဒေါ်နယ်ထရန့်က ဆီးရီးယားကို စစ်ရေးအရ အရေးယူ တိုက်ခိုက်မည်ဟု ဧပြီ ၁၃ ရက် နှောင်းပိုင်းတွင် အိမ်ဖြူတော်မှ ကြေညာချက် ထုတ်ပြန်ခဲ့ပြီးနောက် ဆီးရီးယားစစ်ပွဲတွင် အနောက် အင်အားကြီး နိုင်ငံများက အကြီးမားဆုံး စွက်ဖက်မှုကို ဆောင်ရွက်ခဲ့ကြခြင်း ဖြစ်သည်။

ဆီးရီးယား၏ ဓာတုလက်နက်ဖြင့် တိုက်ခိုက်ခြင်း ခံခဲ့ရသည်ဟု ယူဆရသည့် ကလေးငယ်အချို့အား တွေ့ရစဉ် (Photo : AFP)

ဆီးရီးယားသမ္မတ ဘာရှားအယ် အာဆတ်အစိုးရသည် ဓာတုလက်နက်များ အသုံးပြုမှုကို မရပ်တန့်ပါက လက်တုံ့ပြန်ရန် ပြင်ဆင်ထားကြောင်း ထရန့်က ပြောကြားထားခဲ့ပြီး သူပြောသည့်အတိုင်း ဒမတ်စကတ်တွင် ပေါက်ကွဲမှုများ ဖြစ်ပွားခဲ့ခြင်း ဖြစ်သည်။

ဆီးရီးယားတွင် သံသယဖြစ်ဖွယ် ဓာတုလက်နက်ဖြင့်တိုက်ခိုက်မှု ဖြစ်ပွားခဲ့အပြီး ပြင်းပြင်းထန်ထန် တုံ့ပြန်မည်ဟု ထရန့် ကတိပြု

ဧပြီ ၉ ရက်က ၀ါရှင်တန်ရှိ အစိုးရအဖွဲ့အစည်းအဝေးခန်းမတွင် ဆီးရီးယားအရေး ဆွေးနွေးပွဲ၌ သမ္မတ ထရန့် (ယာ-ဒုတိယမြောက်) ကို တွေ့ရစဉ် (Photo – AFP)

ဆီးရီးယားပြည်တွင်းစစ် ပဋိပက္ခတွင် သံသယဖြစ်ဖွယ် ဓာတုလက်နက်များဖြင့် ရက်စက်ကြမ်းကြုတ်စွာ နောက်ဆုံးတိုက်ခိုက်မှုအား ပြင်းပြင်းထန်ထန် တုံ့ပြန်သွားမည်ဟု ကတိပြုခဲ့ပြီးနောက် အမေရိကန် သမ္မတဒေါ်နယ်ထရန့်က ဆီးရီးယားသမ္မတ ဘာရှားအယ်အာဆတ်အစိုးရအား စစ်ရေးဖြင့် အရေးယူနိုင်ခြေကို ဧပြီ ၁၀ ရက်တွင်ဆုံး ဖြတ်သွားမည် ဖြစ်သည်။

ဆီးရီးယားတွင် ဓာတုလက်နက်ဖြင့် တိုက်ခိုက်မှုဖြစ်ပွားခဲ့ခြင်းအား စုံစမ်းစစ်ဆေးရန် အမေရိကန်နှင့်ရုရှားတို့က အဆိုပြုချက်များ အပြိုင်အဆိုင်တင်သွင်းခဲ့မှုကိုလုံခြုံ ရေးကောင်စီက ဧပြီ ၁၀ ရက်တွင် မဲခွဲဆုံးဖြတ်ရန် စီစဉ်ထားစဉ် ဗြိတိန်နှင့်ပြင်သစ်တို့၏ ထောက်ပံ့မှုရထားသော အမေရိကန်က ကုလသမဂ္ဂ၏ထောက်ခံမှု ရသည်ဖြစ်စေ၊ မရသည်ဖြစ်စေ တုံ့ပြန်ဆောင်ရွက်သွားရန်  အသင့်ရှိနေဟု သတိပေးခဲ့သည်။

ကုလသမဂ္ဂလုံခြုံရေးကောင်စီ၏ အရေးပေါ်ဆွေးနွေးပွဲ၌ ၀ါရှင်တန်နှင့် မော်စကိုတို့သည် သဘောထားအကြီးအကျယ် ကွဲလွဲခဲ့ကြပြီး အမေရိကန်က စစ်ရေးဖြင့်အရေးနိုင်ခြေသည် အလွန့်အလွန် အန္တရာယ်ကြီးမားကြောင်း ကုလသမဂ္ဂဆိုင်ရာ ရုရှားသံအမတ်ကြီး ဗက်ဆီလီနီဘင်ဇီယာက သတိပေးခဲ့သည်။ ဆီးရီးယားမြို့တော် ဒမတ်စကတ်အနီး သူပုန်များထိန်းချုပ်ထားသော ဒိုမာမြို့တွင် ဧပြီ ၇ ရက်ကအဆိပ်သင့် ကလိုရင်း ဓာတ်ငွေ့ဖြင့် တိုက်ခိုက်မှုဖြစ်ပွားခဲ့ကြောင်း ကယ်ဆယ်ရေးများက ထုတ်ပြန်ခဲ့ပြီးနောက် ထိုတိုက်ခိုက်မှု ကျူးလွန်သူများအား ဖော်ထုတ်နိုင်ရန်အတွက် စုံစမ်းစစ်ဆေးရေးအဖွဲ့ တစ်ဖွဲ့ကို ဖွဲ့စည်းရန်အမေရိကန်က ကုလသမဂ္ဂအား တောင်းဆိုခဲ့မှုကို နီဘင်ဇီယာက ပယ်ချခဲ့သည်။

ဆီးရီးယားတွင် ဓာတုလက်နက်များဖြင့် တိုက်ခိုက်မှုအား စုံစမ်းစစ်ဆေးရေးအဖွဲ့ဖွဲ့ရန် တောင်းဆိုထားသည့် ဆုံးဖြတ်ချက်မူကြမ်းအား ကုလသမဂ္ဂ၌ မဲခွဲရန်အတွက် အမေရိကန်က တွန်းအားပေးနေကြောင်း သံတမန်များက ပြောကြားခဲ့ကြသည်။ နောက်ဆုံးဖြစ်ပွားခဲ့သည့် ထိုတိုက်ခိုက်မှုအတွက် ပူတင်က တာဝန်ခံနိုင်သလားဟု ထရန့်က အစောပိုင်းတွင် မေးမြန်းခဲ့ပြီး “လူတိုင်းက ပြန်ပြီးပေးဆပ်ရမယ်။ သူရောပဲ။ အားလုံးက ပေးဆပ်ရမယ်” ဟု ထရန့်က သတိပေးခဲ့သည်။ ထရန့်သည် ပြင်သစ် သမ္မတအီမန်နျူ ရယ်မက်ခရွန်နှင့် နှစ်ရက်အတွင်း ဒုတိယအကြိမ် ဖုန်းဖြင့်ဆွေးနွေးခဲ့ပြီး ဓာတုလက်နက်များအား ပိတ်ပင်မှုကို ချိုးဖောက်သည့် ထိုတိုက်ခိုက်မှုသစ်များအား အပြည်ပြည်ဆိုင်ရာမှ ပြတ်ပြတ်သားသား တုံ့ပြန်မှုကို လိုလားကြောင်း ၎င်းတို့က ထုတ်ပြန်ခဲ့ကြသည်။

တစ်ချိန်က အင်အားကောင်းခဲ့သည့် အရှေ့ဂိုတာတွင် သူပုန်များက နောက်ဆုံးထိန်းချုပ်ထားသောနယ်မြေ၌ အဆိပ်ဓာတ်ငွေ့ဖြင့် တိုက်ခိုက်ခံခဲ့ရမှုကြောင့် လူ ၄၀ ကျော် သေဆုံးခဲ့ရသည်ဟု ဒိုမာရှိ ကယ်ဆယ်ရေးများနှင့် ကျန်းမာရေးဝန်ထမ်းများက ပြောကြားခဲ့ကြသည်။

ထိုတိုက်ခိုက်မှုနောက်ကွယ်တွင် အာဆတ်အစိုးရက ပါဝင်ပတ်သက်နေကြောင်း အထောက်အထားများ ထွက်ပေါ်လာပါက ပြန်လည်လက်တုံ့ပြန်သွားမည်ဖြစ်ကြောင်း ပြင်သစ်ကလည်း သတိပေးခဲ့သည်။ ဆီးရီးယားအစိုးရ၏ ဗုံးကြဲတိုက်ခိုက်မှုများကို သီတင်းပတ်များစွာ ကြုံခဲ့ရသည့် ထိုဒေသသို့ ၀င်ရောက်မှု ကန့်သတ်ခံခဲ့ရခြင်းကြောင့် ထိုထုတ်ပြန်မှုများကို အေအက်ဖ်ပီက လွတ်လပ်စွာ အတည်မပြုနိုင်သေးပေ။

Ref ; AFP

အမေရိကန်နှင့် ပြင်သစ်တို့၏ သတိပေးမှုထွက်ပေါ်ခဲ့ပြီးနောက် ဆီးရီးယားလေတပ်စခန်းတစ်ခု ဒုံးဖြင့် တိုက်ခိုက်ခံခဲ့ရ

ဧပြီ ၇ ရက်က ဆီးရီးယားရှိ ဦးထုပ်ဖြူအဖွဲ့က ထုတ်ပြန်ခဲ့သည့် ဓာတ်ပုံတွင် သံသယဖြစ်ဖွယ်အဆိပ်ငွေ့ဖြင့် တိုက်ခိုက်မှုအပြီး ကလေးတစ်ဦးအား ချီလာသည့် ကယ်ဆယ်ရေးသမားတစ်ဦးကို တွေ့ရစဉ် (Photo – AP)

ဆီးရီးယားမြို့တော် ဒမတ်စကတ်အနီး သူပုန်များထိန်းချုပ်ထားသော ဒေသတစ်ခုတွင် ဓာတုလက်နက်များဖြင့် ထိတ်လန့်ဖွယ် တိုက်ခိုက်မှုဖြစ်ပွားခဲ့ပြီးနောက် အပြင်းအထန် တုံ့ပြန်သွားမည်ဟု အမေရိကန်နှင့် ပြင်သစ်တို့က သတိပေးခဲ့ပြီးနောက် ဆီးရီးယားစစ်ဘက် လေဆိပ်တစ်ခုသည် ဒုံးများဖြင့် ပစ်ခတ်တိုက်ခိုက်ခံခဲ့ရကြောင်း ဆီးရီးယားအစိုးရ ပိုင်သတင်းအေဂျင်စီဆာနာက ဧပြီ ၉ ရက်တွင် ထုတ်ပြန်ခဲ့သည်။

ဒိုမာမြို့တွင် အဆိပ်ဓာတ်ငွေ့ဖြင့် တိုက်ခိုက်မှုဖြစ်ပွားခဲ့ကြောင်း သတင်းထွက်ပေါ်ခဲ့ ပြီးနောက် ကုလသမဂ္ဂက ဧပြီ ၉ ရက်တွင် အစည်းအဝေးမကျင်းပီ နာရီပိုင်းအလို၌ ဆီးရီးယားအလယ်ပိုင်း ဟွမ်းပြည်နယ်ရှိ T- 4 ဟုလည်း လူသိများသည့် တီယက်စ်လေတပ် စခန်းတိုက်ခိုက်ခံခဲ့ရမှုတွင် တာဝန်မရှိဟု အမေရိကန်က ငြင်းဆိုထားသည်။ အမေရိကန်သမ္မတ ဒေါ်နယ်ထရန့်နှင့် ပြင်သစ်သမ္မတ အီမန်နျူရယ်မက်ခရွန်တို့က ဖုန်းဆက်ဆွေးနွေးခဲ့ပြီး လူဒါဇင်များစွာ သေဆုံးခဲ့ရသော သံသယဖြစ်ဖွယ် ဓာတုလက်နက်များဖြင့် တိုက်ခိုက်မှုအား ပြင်းပြင်းထန်ထန်နှင့် ပူးတွဲတုံ့ပြန်သွားမည်ဖြစ်ကြောင်း ကတိပြုခဲ့ကြသည်ဟု အိမ်ဖြူတော်က ဧပြီ ၈ ရက်တွင် ထုတ်ပြန်ခဲ့သည်။ လူ့အခွင့်အရေးချိုးဖောက်မှုများ ဆက်လက်ဖြစ်ပေါ်နေမှုတွင် ဆီးရီးယားသမ္မတ ဘာရှားအယ်အာဆတ်အစိုးရက တာဝန်ခံရမည်ဖြစ်ကြောင်းလည်း ၎င်းတို့က ပြောကြားခဲ့သည်။

ဆီးရီးယားတွင် ဓာတုလက်နက်များဖြင့် အကြောင်းမဲ့ တိုက်ခိုက်မှုတွင် အမျိုးသမီးနှင့် ကလေးများအပါအ၀င် လူအများအပြား သေဆုံးခဲ့ရကြောင်း ထရန့်က အစောပိုင်းတွင် Twitter ၌ ရေးသားခဲ့သည်။ တိရစ္ဆာန် အာဆတ်အား ထောက်ခံမှုအတွက် သမ္မတပူတင်၊ ရုရှားနှင့် အီရန်တို့တွင် တာဝန်ရှိကြောင်း၊ တန်ဖိုးကြီးကြီး ပေးဆပ်ရမည်ဖြစ်ကြောင်းလည်း ထရန့်က ရေးသားခဲ့သည်။

တီယက်စ်လေဆိပ်အား ဒုံးအများအပြားထိမှန်ခဲ့ကြောင်း ဆာနာက ဧပြီ ၉ ရက် အစောပိုင်းတွင် ထုတ်ပြန်ခဲ့ပြီး ထိုတိုက်ခိုက်မှုအတွင်း သေဆုံးနှင့် ဒဏ်ရာရသူအများအပြားရှိခဲ့ကြောင်း နောက်ပိုင်းတွင် ထုတ်ပြန်ခဲ့သည်။ တီယက်စ်လေဆိပ်အား ဒုံးဖြင့်ပစ်ခတ်မှုသည် အမေရိကန်၏တိုက်ခိုက်မှုဟု သံသယရှိကြောင်း ဆာနာက ကနဦးတွင် ထုတ်ပြန်ခဲ့သော်လည်း နောက်ပိုင်း၌ အမေရိကန်ကို ရည်ညွှန်းမှုအားလုံးကို ရုပ်သိမ်းခဲ့သည်။

ထိုပစ်ခတ်မှုများအတွင်း ဆီးရီးယားအစိုးရ၏ မဟာမိတ်များဖြစ်သည့် အီရန်တပ်ဖွဲ့ဝင်များအပါအ၀င် တိုက်ခိုက်ရေးသမား ၁၄ ဦး သေဆုံးခဲ့ကြောင်း ဆီးရီးယားလူ့အခွင့်အရေး စောင့်ကြည့်သည့်အဖွဲ့က ထုတ်ပြန်ခဲ့သည်။

ပြင်သစ်ကလည်း ယင်းကဲ့သို့ ပစ်ခတ်တိုက်ခိုက်ခဲ့ခြင်းမရှိကြောင်း ပြင်သစ်စစ်ဘက်ပြောခွင့်ရပုဂ္ဂိုလ် ဗိုလ်မှူးကြီး ပက်ထရစ်စတေဂျာက ငြင်းဆိုခဲ့သည်။

ဆီးရီးယားရှိ သူပုန်များထိန်းချုပ်ထားသောဒေသများတွင် ပထမဆုံးတုံ့ပြန်ဖြေရှင်း ကြသူများဖြစ်သည့် ရှာဖွေကယ်ဆယ်ရေးအဖွဲ့ Syria’ White Helmet က သူပုန်များက ထိန်းချုပ်ထားသည့် လက်ကျန်နယ်မြေ ဒိုမာတွင် အဆိပ်သင့်သော ကလိုရင်းဓာတ်ငွေ့များဖြင့် တိုက်ခိုက်မှုဖြစ်ပွားခဲ့ကြောင်း ဧပြီ ၇ ရက်နှောင်းပိုင်း၌ ထုတ်ပြန်ခဲ့သည်။

၂၀၁၇ ခုနှစ် ဧပြီတွင် ဓာတုလက်နက်ဖြင့် တိုက်ခိုက်မှုအား တုံ့ပြန်ရန် အမေရိကန်တပ်များက ဆီးရီးယားအစိုးရ၏ Shayrat လေတပ်စခန်းကို ခရုဇ်ဒုံးကျည်များဖြင့် ပစ်ခတ်ခဲ့သည်။

Ref ; AFP

စစ်ဒဏ်ကြောင့် ပျက်စီးနေသည့် ဂိုတာထဲသို့ အကူအညီပေးရေးယာဉ်တန်း ၀င်ရောက်လာ

မတ် ၉ ရက်က အရှေ့ဂိုတာရှိ ဒိုမာမြို့တွင် ဆီးရီးယားကြက်ခြေနီအဖွဲ့၏ အကူအညီများ တင်ဆောင်ထားသည့် ထရပ်ကားတစ်စီးကို တွေ့ရစဉ် (Photo – AFP)

ဆီးရီးယားစစ်တပ်သည် မတ် ၁၀ ရက်က သူပုန်တို့ ထိန်းချုပ်ထားသောအရှေ့ဘက် ဂိုတာဒေသထဲတွင် စစ်ဆင်ရေးများ ဆက်လက်လုပ်ဆောင်ခဲ့ကြသည်။ ယင်းမတိုင်မီ တစ်ရက်ကပင် အကူအညီပေးရေး ယာဉ်တန်းတစ်ခုသည် ပြင်းပြင်းထန်ထန် ဗုံးကြဲတိုက်ခိုက်နေသည့်ကြားမှ ဆာလောင်မွတ်သိပ်နေသော အရှေ့ပိုင်းဂိုတာထဲရှိ ဒေသခံများအတွက် စားနပ်ရိက္ခာများ ဝေငှပေးခဲ့သေးသည်။

မြို့တော်ဒမတ်စကတ်အနီးမှ သူပုန်တို့ ထိန်းချုပ်ထားနိုင်သော နောက်ဆုံးနေရာဖြစ်သည့် အရှေ့ပိုင်းဂိုတာကို ပြန်လည်သိမ်းပိုက်ရန် ဆီးရီးယားအစိုးရတပ်များသည် ရုရှားတပ်များ၏ အကူအညီဖြင့် ဖေဖော်ဝါရီ ၁၈ ရက်ကတည်းက စတင်ထိုးစစ်ဆင်ခဲ့ကြသည်။ ထိုအချိန်မှစပြီး သေဆုံးခဲ့သည့် အရပ်သားဦးရေမှာ ၉၅၀ ရှိပြီဖြစ်ပြီး အစိုးရတပ်များကလည်း ထိုဒေသ၏ ထက်ဝက်ကျော်ကို ပြန်လည်သိမ်းနိုင်ခဲ့ပြီ ဖြစ်သည်။

တိုက်ခိုက်ရေးသမား ၁၃ ဦးနှင့်၎င်းတို့၏ မိသားစုဝင်များကို သယ်ဆောင်လာသော ဘတ်စ်ကားတစ်စီးသည် အယ်ဝါဖီဒန် စစ်ဆေးရေးဂိတ်ကို ဖြတ်ကျော်ပြီး ဂိုတာထဲမှ ထွက်သွားသည်ကို ဆီးရီးယားအစိုးရရုပ်သံမှ ပြသခဲ့သည်။ သို့သော်ထိုတိုက်ခိုက်ရေး သမားများသည် မည်သည့်အဖွဲ့အစည်းမှ ဖြစ်သည်ကိုမူ မဖော်ပြခဲ့ပေ။

ကုလသမဂ္ဂအပါအ၀င် အခြားကမ္ဘာ့ နိုင်ငံများနှင့် ဆွေးနွေးမှုများအပြီး၌ ချမှတ်ခဲ့သည့် စီစဉ်မှုအရ HTS  တိုက်ခိုက်ရေးသမားများသည် နိုင်ငံမြောက်ပိုင်းရှိ အိုင်ဒလစ်ပြည်နယ်သို့ ရွှေ့ပြောင်းတော့မည်ဖြစ်ကြောင်း သြဇာကြီး အစ္စလာမ္မစ်အဖွဲ့ဖြစ်သည့် ဂျာရစ်အယ် -အစ္စလာမ်က ထုတ်ပြန်ခဲ့သည်။ “ဂျာရစ်အယ်-အစ္စလာမ်ရဲ့ ထောင်တွေထဲမှာရှိတဲ့ HTS  တိုက်ခိုက်ရေးသမားတွေထဲက ပထမအသုတ်ကို လွှတ်ပေးဖို့ သဘောတူထားပါတယ်” ဟု ထုတ်ပြန်ချက်ထဲတွင် ဖော်ပြခဲ့သည်။

ဂိုတာထဲတွင် ဂျာရစ်အယ်-အစ္စလာမ် အစရှိသည့် အစ္စလာမ္မစ်အဖွဲ့များအပြင် အယ်ကေးဒါများနှင့် အများအားဖြင့် ဆက်နွှယ်မှုရှိသော HTS မှ ဂျီဟတ်များလည်း ရှိကြသည်။

အရပ်သားများမှာမူ အကြမ်းဖက်တိုက်ခိုက်မှုများ၏ဒဏ်ကို ဆက်လက်ခံနေရဆဲဖြစ်ပြီး မတ် ၉ ရက်က ဂျီစရန်ဒေသ၌ လေကြောင်းတိုက်ခိုက်မှုများကြောင့် လူခြောက်ဦးထက်မနည်း သေဆုံးခဲ့ရသည်ဟု ဆီးရီးယား လူ့အခွင့်အရေးစောင့်ကြည့်သည့် အဖွဲ့က ဆိုသည်။ ထိုစဉ် ရိက္ခာထုပ် ၂၄၀၀ ကို သယ်ဆောင်လာသော ထရပ်ကား ၁၃ စီးသည် အရှေ့ဘက်ဂိုတာဒေသထဲသို့ ရောက်ရှိလာခဲ့ကြသည်ဟု အပြည်ပြည်ဆိုင်ရာ ကြက်ခြေနီအဖွဲ့က ထုတ်ပြန်ခဲ့သည်။ သို့သော်အဓိကမြို့ ဒိုမာအနီးတွင် ပစ်ခတ်မှုများကြောင့် အကူအညီပေးရေးယာဉ်တန်းအတွက် အန္တရာယ်ရှိနေသည်ဟု သိရသည်။

သတင်းထောက်တစ်ဦး၏ ပြောကြားချက်အရ ဒိုမာမြို့တွင် စစ်လေယာဉ်များ က ဗုံးကြဲနေပြီး ရဟတ်ယာဉ်များက ဝေဟင်၌ ၀ဲနေကြစဉ် အကူအညီများကို ဝေငှခဲ့ရသည်ဟု သိရသည်။

ဂိုတာထဲမှ ဟမ်မူရီယာမြို့တွင်မူ လူဒါဇင်ပေါင်းများစွာသည် သွေးချောင်းစီးထိုးစစ်များကို ရပ်တန့်ရန် ဆန္ဒပြခဲ့ကြသည်ဟု သိရသည်။ ထိုမြို့မှ အရပ်သားညှိနှိုင်းသူ တစ်ဦးသည် ထိုဒေသအားတိုက်ခိုက်မှု ရပ်ဆိုင်းရန် အစိုးရနှင့် ဆွေးနွေးလိုနေသည်ဟု သိရသည်။

Ref ; AFP

ဖွတ်ဖွတ်ကြေနေသော ဂူတာထဲသို့ ဆီးရီးယားအစိုးရတပ်များ ချီတက်ဝင်ရောက်လာ

မတ် ၃ ရက်တွင် အရှေ့ပိုင်းဂူတာ၌ အစိုးရ၏ ဗုံးကြဲတိုက်ခိုက်မှုအပြီးတွင် ယာယီဆေးရုံတစ်ရုံတွင် ဆေးကုသမှုခံယူနေသည့် ကလေးတစ်ဦးကို တွေ့ရစဉ် (Photo -AFP)

သူပုန်တို့ထိန်းချုပ်ထားသော အရှေ့ပိုင်း ဂူတာဒေသမှ နယ်မြေတို့ကို ဆီးရီးယား အစိုးရတပ်ဖွဲ့များသည် မတ် ၃ ရက်တွင် သိမ်းပိုက်ခဲ့ကြကြောင်း သိရသည်။ အရပ်သား ထောင်ပေါင်းများစွာ အရေးပေါ်အကူအညီများရရှိရန် စောင့်ဆိုင်းနေကြသည့် ၀န်းရံပိတ်ဆို့ခံထားရသော အရှေ့ပိုင်း ဂူတာထဲတွင် တိုက်ခိုက်မှုများမှာ ပိုမိုပြင်းထန်လာလျက်ရှိသည်။

ခုနစ်နှစ်ကြာ ဆီးရီးယားပြည်တွင်းစစ်ပွဲအတွင်းမှ အခြားစစ်မျက်နှာတစ်ခုဖြစ်သော ကာ့ဒ်တို့နေထိုင်ရာ အာဖရင်ဒေသတွင်မူ တူရကီစစ်တပ်၏ ဗုံးကြဲတိုက်ခိုက်မှုများကြောင့် ဆီးရီးယားအစိုးရလိုလားသည့် တပ်ဖွဲ့ဝင် ၃၆ ဦး သေဆုံးခဲ့ကြောင်း သိရသည်။

ရုရှားက ကျောထောက်နောက်ခံပေးထားသည့် ဆီးရီးယားအစိုးရတပ်များသည် ဖေဖော်ဝါရီ ၁၈ ရက်ကတည်းက အရှေ့ပိုင်း ဂူတာစစ်ဆင်ရေးကို စတင်ခဲ့ခြင်း ဖြစ်သည်။ ယင်းအချိန်မှစပြီး သေဆုံးခဲ့သည့် အရပ်သား ၆၄၀ ကျော်ရှိပြီ ဖြစ်သည်။ အရှေ့ပိုင်းဂူတာသည် ဆီးရီးယား၏ လက်နက်ကိုင်အတိုက်အခံတို့ နောက်ဆုံးထိန်းချုပ်ထားနိုင်သည့် နေရာတစ်ခုလည်း ဖြစ်သည်။

အရှေ့ဘက် ဂူတာတွင် ဆီးရီးယားစစ်တပ်သည် လေကြောင်း ဗုံးကြဲတိုက်ခိုက်မှုများကို ပြင်းပြင်းထန်ထန် လုပ်ဆောင်ခဲ့ပြီးနောက် ပြီးခဲ့သည့်ရက်များအတွင်းက မြေပြင်စစ်ဆင် ရေးကိုပါ အရှိန်မြှင့်လာခဲ့ကြသည်။ လက်ရှိတွင် ဆီးရီးယားအစိုးရသည် အရှေ့ပိုင်း ဂိုတာဒေသထဲမှ နယ်မြေ ၁၀ ရာခိုင်နှုန်းကို ထိန်းချုပ်နိုင်သွားပြီဖြစ်ကြောင်း ဆီးရီးယားလူ့အခွင့်အရေး စောင့်ကြည့်သည့်အဖွဲ့က ထုတ်ပြန်ခဲ့သည်။

အစိုးရတပ်များသည် မတ် ၁ ရက်ကတည်းက အရှေ့ပိုင်း ဂူတာထဲသို့ ချီတက်လာခြင်းဖြစ်ပြီး ဒေသ၏ အရှေ့ပိုင်း၊ အရှေ့တောင်ပိုင်းမှ နယ်မြေများအပြင် လေတပ်အခြေစိုက် စခန်းနှစ်ခုကိုလည်း သိမ်းနိုင်ခဲ့ပြီဟု ဗြိတိန် အခြေစိုက်စောင့်ကြည့်ရေးအဖွဲ့က ထုတ်ပြန်ခဲ့သည်။

“အကြမ်းဖက်သမားတွေဟာ မကြာမီမှာ ရှုံးနိမ့်ခြင်းရဲ့အရသာကို ခံစားရတော့မှာပါ” ဟု ဆီးရီးယား ဒုတိယနိုင်ငံခြားရေးဝန်ကြီး အေမန်ဆွန်ဆင်က ဆိုသည်။

၂၀၁၃ ခုနှစ်ကစ၍ အစိုးရတပ်၏ ၀န်းရံပိတ်ဆို့မှုနှင့် ရင်ဆိုင်နေရသည့် အရှေ့ပိုင်း ဂူတာထဲမှ အရပ်သား ၄၀၀,၀၀၀ ခန့်သည် ယခုစစ်ဆင်ရေးမတိုင်မီကတည်းက စားနပ်ရိက္ခာ၊ ဆေးဝါးပြတ်လပ်မှုနှင့် ဆိုးဆိုးရွားရွား ရင်ဆိုင်နေရခြင်း ဖြစ်သည်။

 

တူရကီ ဗုံးကြဲတိုက်ခိုက်မှုများ

ဆီးရီးယားနိုင်ငံ အနောက်မြောက်ပိုင်းတွင်မူ တူရကီစစ်တပ်နှင့် မဟာမိတ်တိုက်ခိုက်ရေးသမားတို့၏ ကာဒ့်နှိမ်နင်းရေးစစ်ဆင်ရေးမှာ သီတင်းခြောက်ပတ် ကျော်လာပြီဖြစ်သည်။ အမေရိကန်တို့၏ မဟာမိတ်ဖြစ်သော ကာ့ဒ်ပြည်သူ့စစ်တို့ကို လက်ရှိတွင် ဆီးရီးယား အစိုးရလိုလားသည့် တပ်ဖွဲ့ဝင်များက ကျောထောက်နောက်ခံပေးနေသည်။

မတ် ၃ ရက်က အာဖရင်ဒေသသို့ တူရကီ လေကြောင်းတိုက်ခိုက်မှုအတွင်း ကာ့ဒ်တို့နှင့်အတူ တိုက်ပွဲဝင်နေသည့် အစိုးရသစ္စာခံ တိုက်ခိုက်ရေးသမား ၃၆ ဦးထက်မနည်း သေဆုံးခဲ့သည်ဟု စောင့်ကြည့်ရေးအဖွဲ့က ထုတ်ပြန်ခဲ့သည်။ တူရကီတို့သည် ဆီးရီးယားအစိုးရ သစ္စာခံတိုက်ခိုက်ရေးသမားများ၏ စခန်းများကို ပစ်မှတ်ထားတိုက်ခိုက်ခဲ့သည်ဟု ကာ့ဒ်ဦးဆောင်သော ဆီးရီးယားဒီမိုကရက်တစ်တပ်ဦး (SDF) က ထုတ်ပြန်ခဲ့သည်။

ထိုတိုက်ခိုက်မှုသည် ၄၈ နာရီကြာကာလအတွင်း အစိုးရသစ္စာခံတပ်များကို ပစ်မှတ်ထားသည့် တတိယအကြိမ် တိုက်ခိုက်မှုလည်း ဖြစ်သည်။ တူရကီ၏ လေကြောင်းတိုက်ခိုက်မှုများကြောင့် မတ် ၁ ရက်နှင့် ၂ ရက်တို့ကလည်း အစိုးရသစ္စာခံတပ်ဖွဲ့ဝင် ၁၈ ဦးခန့် သေဆုံးခဲ့ရပြီး ဖြစ်သည်။

ကာ့ဒ်ပြည်သူ့ကာကွယ်ရေးယူနစ် (YPG) က ထိန်းချုပ်ထားသော အာဖရင်ဒေသသို့ တူရကီဦးဆောင်သည့် ဆီးရီးယားတိုက်ခိုက်ရေးသမားများ၏ ထိုးစစ်သည် ဇန်န၀ါရီ ၂၀ ရက်ကတည်းက စတင်ခဲ့ခြင်း ဖြစ်သည်။ ထို့နောက် တစ်လအကြာတွင် ကာ့ဒ်များကိုကူညီရန် အစိုးရသစ္စာခံတပ်များ ရောက်လာခဲ့ကြသည်။

Ref ; AFP

ဆီးရီးယားရှိ ဂိုတာတွင် ယာယီအပစ်အခတ် ရပ်စဲမှုရှိသော်လည်း အရပ်သားများက ထွက်ခွာရန် ငြင်းဆန်နေ

ဆီးရီးယား သူပုန်ထိန်းချုပ်ထားသော အရှေ့ဂိုတာတွင် ရော့ကတ်ဖြင့် ပစ်ခတ်မှုကြောင့် မီးလောင်နေမှုကို ဖေဖော်ဝါရီ ၂၈ ရက်က တွေ့ရစဉ် (Photo: AFP)

ဆီးရီးယားရှိ သူပုန်များ ထိန်းချုပ်ထားသော အရှေ့ဂိုတာဒေသတွင် လူသားချင်းစာနာမှုဆိုင်ရာ အကူအညီပေးမှု၌ နှောင့်နှေးမှုကြုံရမှုအတွက် သူပုန်များနှင့် မော်စကိုတို့က အပြန်အလှန် အပြစ်တင်နေကြချိန်တွင် ယင်းဒေသမှ အရပ်သားများ ဘေးကင်းစွာ ထွက်ခွာနိုင်ရေးအတွက် ရုရှားက ကမ်းလှမ်းထားသော်လည်း ဒေသခံများသည် ထွက်ခွာရန် ငြင်းဆန်နေဆဲဖြစ်သည်။

အရှေ့ဂိုတာတွင် အစိုးရ၏ လေကြောင်း တိုက်ခိုက်မှုများနှင့် အမြောက်များဖြင့် ပစ်ခတ်မှုများကြောင့် ၁၀ ရက်အတွင်း အရပ်သား ၆၀၀ နီးပါး သေဆုံးခဲ့ရပြီးနောက် ဗုံးကြဲတိုက်ခိုက်မှုများအား ရပ်ဆိုင်းနိုင်ရန်အတွက် နေ့စဉ် ငါးနာရီကြာ အပစ်အခတ်ရပ်စဲရန် အစီအစဉ်ကို မော်စကိုက ကြေညာခဲ့သည်။ သို့သော် လူဦးရေ ၄၀၀,၀၀၀ ခန့် နေထိုင်ပြီး တိုက်ခိုက်မှု အကြီးအကျယ် ကြုံနေရသော အရှေ့ဂိုတာမှ ဒေသခံတစ်ဦးကမျှ အစိုးရက ထောက်ပံ့ထားသည့် ဘတ်စ်ကားများဆီသို့ ဖေဖော်ဝါရီ ၂၈ ရက် နှောင်းပိုင်းအထိ လာရောက်ခြင်းမရှိသေးပေ။

မွေးရပ်မြေသို့ ပြန်သွားလိုသူ အားလုံးအတွက် လူသားချင်းစာနာမှုဆိုင်ရာ စင်္ကြံများ ဖွင့်လှစ်ထားသော်လည်း ဒုတိယမြောက်နေ့အထိ မည်သူတစ်ဦးတစ်ယောက်ကမျှ ရွှေ့ပြောင်းပေးမည့် ဘတ်စ်ကားများရှိရာသို့ လာရောက်ခြင်းမရှိသေးကြောင်း အရပ်သားများအား ရွှေ့ပြောင်းပေးမည့် ၀ါဖီဒီးစစ် ဆေးရေးဂိတ်၌ စောင့်ကြပ်နေသော စစ်ဘက်တာဝန်ရှိသူတစ်ဦးက ပြောကြားခဲ့သည်။

အရှေ့ဂိုတာတွင် နေ့စဉ်အပစ်အခတ်ရပ်စဲရန် ဖေဖော်ဝါရီ ၂၆ ရက်က တိုက်တွန်းခဲ့သည့် ဆီးရီးယားအစိုးရ ကျောထောက်နောက်ခံပြု ရုရှားက အရပ်သားများဘေးကင်းစွာ ထွက်ခွာနိုင်ရေးအတွက် အာမခံကြောင်း ပြောကြားခဲ့သည်။ ယင်းတောင်းဆိုမှုသည် ကုလသမဂ္ဂလုံခြုံရေးကောင်စီက မဲခွဲ ဆုံးဖြတ်ခဲ့သည့် အပြည့်အ၀ အပစ်အခတ် ရပ်စဲရန် တောင်းဆိုချက်ကိုမူ မပြည့်မီသော်လည်း ယင်းဒေသတွင် နေထိုင်သူများကမူ တိုက်ခိုက်မှုများ အခိုက်အတန့် ရပ်ဆိုင်းမှုအတွက် ကြိုဆိုခဲ့ကြသည်။

ရုရှား၏ နေ့စဉ် ယာယီအပစ်အခတ်ရပ်စဲရန် သဘောတူညီချက် ရှိထားသော်လည်း ဖေဖော်ဝါရီ ၂၄ ရက်တွင် ကုလသမဂ္ဂက တောင်းဆိုခဲ့သည့် ရက် ၃၀ ကြာ အပစ်အခတ် ရပ်စဲရန် သဘောတူညီချက်ကို သက်ဆိုင်သည့်ဘက်အားလုံးက အကောင်အထည်ဖော်ကြရန် တိုက်တွန်းကြောင်းနှင့် အကူအညီပေးရေးပစ္စည်းများ တင်ဆောင်ထားသည့် ထရပ်ကား ၄၀ ခန့်သည် တိုက်ခိုက်မှုများ ရပ်ဆိုင်းမည့်အချိန်ကို စောင့်ဆိုင်းနေကြောင်း ကုလသမဂ္ဂက ထုတ်ပြန်ခဲ့သည်။

ယာယီအပစ်အခတ်ရပ်စဲမှုကာလအတွင်း သဘောတူညီချက်သည် သက်ရောက်မှုရှိခဲ့ကြောင်း၊ သို့သော် ဖေဖော်ဝါရီ ၂၈ ရက်က ယင်းအပစ်အခတ်ရပ်စဲမှု မတိုင်မီနှင့် အပြီးတွင် တိုက်ခိုက်မှုများကြောင့် အရပ်သား ကိုးဦး သေဆုံးခဲ့ကြောင်း ဗြိတိန်အခြေစိုက် ဆီးရီးယား လူ့အခွင့်အရေး စောင့်ကြည့်အဖွဲ့က ထုတ်ပြန်ခဲ့သည်။ ဖေဖော်ဝါရီ ၂၇ ရက်က ပထမဆုံး ငါးနာရီကြာ အပစ်အခတ်ရပ်စဲမှု ကျော်လွန်သွားချိန်တွင် အစိုးရ၏ ဗုံးကြဲတိုက်ခိုက်မှုများကြောင့် လူနှစ်ဦး သေဆုံးခဲ့ရကြောင်း ယင်းအဖွဲ့က ထုတ်ပြန်ခဲ့သည်။

အရှေ့ဂိုတာရှိ အစ္စလာမ္မစ်နှင့် ဂျီဟတ်အဖွဲ့များသည် လူသားချင်းစာနာမှု စင်္ကြံများကို ဗုံးကြဲမှု ဆက်လက်ပြုလုပ်ပြီး လူသားဒိုင်းများဖြင့် အသုံးချရန် ကြိုးပမ်းနေကာ ယာယီ အပစ်အခတ်ရပ်စဲရေး သဘောတူညီချက် ပျက်ပြားစေရန် ကြိုးပမ်းနေကြောင်း ဆီးရီးယားအစိုးရက စွပ်စွဲခဲ့သည်။

Ref: AFP

ဂူတာ၌ သေဆုံးသူ ၅၀၀ ကျော်လာစဉ် ကုလသမဂ္ဂက ဆီးရီးယား၌ အပစ်အခတ်ရပ်စဲရန် တောင်းဆို

ဆီးရီးယား အပစ်အခတ်ရပ်စဲရေးအတွက် ဖေဖော်ဝါရီ ၂၄ ရက်က လုံခြုံရေးကောင်စီ အစည်းအဝေးတွင် အမေရိကန်သံတမန် နီကီဟာလေ (ယာ)က တရုတ်သံတမန် မာကျောင်းရွှီအား စကားပြောနေသည်ကို တွေ့ရစဉ် (Photo – AFP)

ဆီးရီးယားနိုင်ငံထဲ၌ ရက် ၃၀ ကြာ အပစ်အခတ်ရပ်စဲရန် ကုလသမဂ္ဂလုံခြုံရေးကောင်စီက ဖေဖော်ဝါရီ ၂၅ ရက်တွင် တညီတညွတ်တည်း တောင်းဆိုခဲ့ကြသည်။ သို့သော် ဆီးရီးယားအစိုးရ၏ ခုနစ်ရက်ကြာ ဗုံးကြဲတိုက်ခိုက်မှုကြောင့် အရပ်သားသေဆုံးမှု ၅၀၀ ကျော်လာပြီဖြစ်သည့် အရှေ့ပိုင်းဂူတာတွင်မူ ဗုံးကြဲမှုများ ဆက်လက်ဖြစ်ပေါ်နေဆဲ ဖြစ်သည်။

ဂူတာထဲသို့ လူသားချင်းစာနာသော အကူအညီများပို့ဆောင်နိုင်ရေး၊ ဒဏ်ရာရသူများကို ဘေးလွတ်ရာသို့ ရွှေ့ပြောင်းရေးများအတွက် အပစ်အခတ်ရပ်စဲပေးရန် အဆိုပြုချက်တစ်ခုကို ရုရှား၏ ထောက်ခံမှုရရှိပြီး လုံခြုံရေးကောင်စီ၌ အတည်ပြုနိုင်ခဲ့ခြင်း ဖြစ်သည်။ သို့သော် ထိုသဘောတူညီချက်ထဲ၌ ပစ်ခတ်တိုက်ခိုက်မှုများကို နှောင့်နှေးခြင်းမရှိဘဲ ရပ်ဆိုင်းလိုက်ရန်သာ ဖော်ပြခဲ့ပြီး မည်သည့်အချိန်တွင် ရပ်ဆိုင်းရမည်ကို အတိအကျ မဖော်ပြထားပေ။

လုံခြုံရေးကောင်စီ၌ မဲခွဲဆုံးဖြတ်ခဲ့ပြီးနောက် ရုရှားလေတပ်က ကျောထောက်နောက်ခံပေးထားသည့် ဆီးရီးယား စစ်လေယာဉ်များသည် အရှေ့ဘက်ဂူတာထဲရှိ မြို့တစ်မြို့သို့ ဗုံးကြဲတိုက်ခိုက်မှုများ ထပ်မံပြုလုပ်ခဲ့ကြကြောင်း ဆီးရီးယားလူ့အခွင့်အရေး စောင့်ကြည့်သည့်အဖွဲ့က ထုတ်ပြန်ခဲ့သည်။ ဂူတာတွင် ဖေဖော်ဝါရီ ၁၈ ရက်က စတင်ခဲ့သည့် ဆီးရီးယားအစိုးရ၏ ဗုံးကြဲတိုက်ခိုက်မှုအတွင်း သေဆုံးသူဦးရေ ၅၁၉ ဦးရှိခဲ့ပြီး ယင်းတို့အနက် ၁၂၇ ဦးထက်မနည်းမှာ ကလေးများဖြစ်ကြသည်။

လုံခြုံရေးကောင်စီတွင် မဲခွဲပြီးနောက် ပြင်သစ်သမ္မတ အီမန်နျူယယ်မက်ခရွန်နှင့် ဂျာမနီဝန်ကြီးချုပ် အင်ဂျလာမာကယ်တို့သည် လာမည့်ရက်များအတွင်း အပစ်အခတ်ရပ်စဲမှု အသက်ဝင်နိုင်စေရန် တွန်းအားပေးရေးအတွက် ရုရှားသမ္မတ ဗလာဒီမာပူတင်အား ဖေဖော်ဝါရီ ၂၅ ရက်တွင် ဖုန်းဆက်၍ ပြောကြမည်ဟု သိရသည်။

 

အချိန်ဆွဲခံနေရသော ညှိနှိုင်းမှုများ

ဆီးရီးယား အပစ်အခတ်ရပ်စဲရေးအတွက် မဲခွဲဆုံးဖြတ်မှုကို မူလက ဖေဖော်ဝါရီ ၂၂ ရက်ကတည်းက လုပ်ဆောင်ရန် စီစဉ်ခဲ့ကြခြင်း ဖြစ်သည်။ သို့သော် ထိုအဆိုပြုချက်မှာ ရုရှား၏ဗီတိုအာဏာဖြင့် ပယ်ချခြင်းမခံရစေရန်အတွက် သံတမန်များသည် ခက်ခဲသော ဆွေးနွေးပွဲများထဲတွင် ပိတ်မိနေခဲ့ခြင်းဖြစ်သည်။ “ကောင်စီက ရုရှားကိုစောင့်နေရတဲ့ မိနစ်တိုင်းမှာ လူသားတွေရဲ့ ဒုက္ခခံစားရမှုတွေ တိုးသထက်တိုးလာပါတယ်” ဟု အမေရိကန်ဆိုင်ရာ ကုလသမဂ္ဂသံတမန် နီကီဟာလေက မဲခွဲဆုံးဖြတ်ပြီးနောက် ရုရှားကို ပြစ်တင်ခဲ့သည်။

“သူတို့ ညှိနှိုင်းဆွေးနွေးမှုတွေကို အချိန်ဆွဲနေချိန်မှာ အာဆတ် စစ်လေယာဉ်တွေရဲ့ ဗုံးတွေဟာ ဆက်လက်ကြဲချနေတာဖြစ်တယ်။ လွန်ခဲ့တဲ့သုံးရက်ကသာ အခုလို အတည်ပြုနိုင်ခဲ့မယ်ဆိုရင် သားသမီးတွေဆုံးရှုံးခဲ့ရတဲ့ မိခင်တွေ ဘယ်လောက်လျော့နည်းသွားလိုက်မလဲ” ဟု ဟာလေက ဆက်လက်ပြောကြားခဲ့သည်။ ရုရှားသံတမန် ဗစ်စလီနီဘန်ဇီယာကမူ ထိုစွပ်စွဲချက်များကို ပယ်ချကာ ဖြစ်နိုင်ခြေရှိသော အပစ်အခတ်ရပ်စဲမှုတစ်ခု ပေါ်ပေါက်လာစေရန်အတွက် ဆွေးနွေးညှိနှိုင်းမှုများလို အပ်သည်ဟု ပြောကြားသွားခဲ့သည်။

ယခုကဲ့သို့ အပစ်အခတ်ရပ်စဲရန်တောင်း ဆိုရာ၌ ရုရှား၏ သဘောတူညီချက်ရရှိရန်အတွက် အပစ်အခတ်ရပ်စဲမှုကို ၇၂ နာရီအတွင်း စတင်ရမည်ဆိုသောအချက်ကို ဖယ်လိုက်ရပြီး နှောင့်နှေးမှုမရှိစေရဆိုသည့် စကားလုံးဖြင့် အစားထိုးခဲ့ရသည်။ ထို့ပြင် အကူအညီပို့ဆောင်မှုများ၊ ကယ်ဆယ်ရေးများနှင့် ပတ်သက်၍ ‘ချက်ချင်း’ လုပ်ဆောင်ရန်ဆိုသည့် အသုံးအနှုန်းကိုလည်း ချန်ထားခဲ့ရကြောင်း သိရသည်။

ရုရှားသို့ လိုက်လျောခဲ့ရသည့် နောက်တစ်ချက်မှာ အပစ်အခတ်ရပ်စဲရေးထဲတွင် IS ၊ အယ်ကေးဒါးနှင့် ၎င်းတို့နှင့် ဆက်စပ်သည့် အဖွဲ့များ မပါဝင်သည့်အကြောင်း ဖြစ်သည်။ ထို့ကြောင့် ဆီးရီးယားအစိုးရသည် အီဒလစ်ရှိ အယ်ကေးဒါးနှင့် ဆက်စပ်နေသည့် ဂျီဟတ်များကို တိုက်ခိုက်မှုများ ဆက်လက်ပြုလုပ်နိုင်မည် ဖြစ်သည်။

Ref ; AFP

ဆီးရီးယားသူပုန်များ ထိန်းချုပ်ထားသော အရှေ့ဂိုအူတာတွင် ခြောက်ရက်မြောက် တိုက်ခိုက်ခံခဲ့ရပြီး အရပ်သား ၄၀ နီးပါး ထပ်မံသေဆုံး

အရှေ့ဂိုအူတာတွင် ဆီးရီးယားအစိုးရ၏ လေကြောင်းတိုက်ခိုက်မှုအပြီး မီးခိုးလုံးများထွက်နေမှုအား ဖေဖော်ဝါရီ ၂၃ ရက်က တွေ့ရစဉ် (Photo- AP)

ဆီးရီးယားသူပုန်များ ထိန်းချုပ်ထားသော အရှေ့ဂိုအူတာတွင် အစုလိုက်အပြုံလိုက် သေဆုံးစေခဲ့သော အင်အားသုံးတိုက်ခိုက်မှုများအား ရပ်ဆိုင်းစေရန်အတွက် ကုလသမဂ္ဂ၌ သဘောတူညီချက်ရရှိနိုင်ရန် ကမ္ဘာ့အင်အားကြီးနိုင်ငံများအကြား ခက်ခက်ခဲခဲညှိနှိုင်းနေရစဉ် အရှေ့ဂိုအူတာတွင် ဖေဖော်ဝါရီ ၂၃ ရက်၌ ခြောက်ရက်ဆက်တိုက် အစိုးရ၏လေကြောင်းတိုက်ခိုက်မှုနှင့် အမြောက်များဖြင့် ပစ်ခတ်မှုများကြောင့် အရပ်သား ၃၈ ဦး ထပ်မံသေဆုံးခဲ့ရသည်။

ခုနစ်နှစ်ကြာမြင့်လာပြီဖြစ်သော ဆီးရီးယားပြည်တွင်းစစ်ပဋိပက္ခတွင် လူသေဆုံးမှု အများဆုံးဖြစ်ရပ်တစ်ခုဖြစ်သည့် အရှေ့ဂိုအူတာ၌ သီတင်းပတ်တစ်ပတ်နီးပါးကြာ တိုက်ခိုက်ခံခဲ့ရမှုများကြောင့် ကလေး ၁၀၀ ကျော် အပါအ၀င် အရပ်သား ၄၆၀ ကျော် သေဆုံးခဲ့ရပြီး ဖြစ်သည်။

အရှေ့ဂိုအူတာတွင် ရက် ၃၀ ကြာ အပစ်အခတ်ရပ်စဲရန် တောင်းဆိုမှုကို ကုလသမဂ္ဂလုံခြုံရေးကောင်စီ၌ မဲခွဲဆုံးဖြတ်ရန် စီစဉ်ထားမှုသည် နှောင့်နှေးခဲ့ပြီး လုံခြုံရေး ကောင်စီအလှည့်ကျဥက္ကဋ္ဌဖြစ်သူ ကူဝိတ်သံအမတ်ကြီး မန်ဆာအယ်အိုတိုင်ဘီက ၎င်းတို့သည် ဆီးရီးယား၏ အဓိကမဟာမိတ် ရုရှားနှင့် သဘောတူညီချက်ရရှိရန် အလွန်အမင်း နီးကပ်နေပြီဟု ပြောကြားခဲ့သည်။ ရက် ၃၀ ကြာ အပစ်အခတ်ရပ်စဲမှုပါဝင်သည့် အဆိုပြုထားသော ဖြည့်စွက်ချက်များပါဝင်သော ဆုံးဖြတ်ချက်မူကြမ်းကို ဖေဖော်ဝါရီ ၂၄ ရက် တွင် မဲခွဲဆုံးဖြတ်ရန် စီစဉ်ထားသည်။ ရုရှားသည် မဟာမိတ်ဆီးရီးယားအား ပစ်မှတ်ထားသော ဆုံးဖြတ်ချက်မူကြမ်း ၁၁ ခုအထိကို လုံခြုံရေးကောင်စီတွင် ဗီတိုအာဏာဖြင့် ပယ်ချခဲ့ပြီး ဖြစ်သည်။ ဆီးရီးယားတွင် ဓာတုလက်နက်များဖြင့် တိုက်ခိုက်မှုများအား ကုလသမဂ္ဂဦးဆောင်၍ စုံစမ်းစစ်ဆေးရန် ဆုံးဖြတ်ချက်မူကြမ်းကို ရုရှားက နောက်ဆုံးအကြိမ် ပယ်ချထားသည်။

အချေအတင် ငြင်းခုံမှုဖြစ်ပေါ်နေစဉ် အမေရိကန်သမ္မတဒေါ်နယ်ထရန့်က ဆီးရီးယားအစိုးရ၊ ၎င်းတို့အား ထောက်ပံ့သည့် ရုရှားနှင့်အီရန်တို့၏ လုပ်ရပ်များသည် ရှက်ဖွယ်ကောင်းကြောင်း ပြင်းပြင်းထန်ထန် ဝေဖန်ခဲ့သည်။

အရှေ့ဂိုအူတာတွင် ဆီးရီးယားအစိုးရ နှင့် ၎င်း၏ မဟာမိတ်တပ်များက တိုက်ခိုက်မှုများအား အရှိန်မြှင့်ခဲ့သည့် ဖေဖော်ဝါရီ ၁၈ ရက်နောက်ပိုင်း လေကြောင်းမှဗုံးကြဲ တိုက်ခိုက်မှုများ အဆက်မပြတ်ပြုလုပ်ခဲ့ကြကြောင်း သိရသည်။ ဖေဖော်ဝါရီ ၂၃ ရက်တွင် ဆီးရီးယားအစိုးရနှင့် ရုရှားမဟာမိတ်များ၏ တိုက်ခိုက်မှုများကြောင့် ကလေး ၁၁ ဦးအပါအ၀င် အရပ်သား ၃၈ ဦးထက် မနည်းသေဆုံးခဲ့ကြောင်း ဆီးရီးယား လူ့အခွင့်အရေးစောင့်ကြည့်သည့်အဖွဲ့က ထုတ်ပြန်ခဲ့သည်။ ယင်းအတွက်ကြောင့် ဖေဖော်ဝါရီ ၁၈ ရက်နောက်ပိုင်း အရှေ့ဂိုအူတာတွင် တိုက်ခိုက်ခံခဲ့ရမှုများကြောင့် ကလေး ၁၀၈ ဦးအပါအ၀င် သေဆုံးသူအရပ်သား စုစုပေါင်း ၄၆၈ ဦးအထိ မြင့်တက်လာခဲ့ကြောင်း ယင်းအဖွဲ့က ထုတ်ပြန်ခဲ့သည်။ ဆီးရီးယားသူပုန်များကလည်း မြို့တော် ဒမတ်စကတ်ထဲသို့ ပြန်လည်ပစ်ခတ်ခဲ့ပြီး ဆေးရုံတစ်ရုံကို ထိမှန်ခဲ့ကြောင်း အစိုးရသတင်းအေဂျင်စီ ဆာနာက ထုတ်ပြန်ခဲ့သည်။

Ref ; AFP