ဆီးဂိမ်းစ်အမျိုးသားဘောလုံးပြိုင်ပွဲ အုပ်စု (က) ပွဲစဉ် သုံးသပ်ချက်

■ မြန်မာ – လာအို

အချိန် – ည ၇း၁၅ နာရီ (မြန်မာစံတော်ချိန်)၊ ကွင်း – UiTM

ဆီးဂိမ်းစ်ပြိုင်ပွဲ နောက်ဆုံးတွေ့ဆုံမှု

မြန်မာ  ၃-၂     လာအို  ၂၀၁၁ ပြိုင်ပွဲ

လာအိုအသင်းက ပထမဆုံးပွဲကစားရမှာဖြစ်လို့ ခြေစွမ်းကို မှန်းဆရခက်နိုင်ပါတယ်။ ပြီးခဲ့တဲ့ အာရှ ယူ-၂၃ ခြေစစ်ပွဲမှာ လာအိုအသင်း ခြေစစ်ပွဲမအောင်ခဲ့ပေမယ့် ထိုင်ဝမ်ကို  အနိုင်၊ ဟောင်ကောင်ကို သရေကစားခဲ့ပါတယ်။ ခြေစွမ်းပိုင်းအရ အလယ်အလတ်အဆင့် မှာရှိပြီး မြန်မာအသင်း ပေါ့ဆလို့ မရပါဘူး။ မြန်မာအသင်းဟာ စင်ကာပူအသင်းနဲ့ပွဲလိုပဲ  ဖိဖိစီးစီးကစားဖို့လိုပါတယ်။ စင်ကာပူအသင်းကို အနိုင်ရခဲ့ပေမယ့် မြန်မာအသင်းကစားပုံက အကောင်းကြီးမဟုတ်သေးပါဘူး။ မြန်မာအသင်းအနေနဲ့ အုပ်စုပထမနဲ့ ဆီမီးဖိုင်နယ်တက် ရောက်နိုင်ဖို့ဆိုရင် လာအို၊ ဘရူနိုင်းတို့ကို ဂိုးများများ သွင်းထားဖို့လိုပါတယ်။ အားကုန်ထုတ်ကစားရနိုင်ပေမယ့် မြန်မာအသင်းပဲ အမှတ်ပြည့်ယူသွားပါလိမ့်မယ်။

(၂၉) ကြိမ်မြောက် မလေးရှားဆီးဂိမ်းစ် အမျိုးသားဘောလုံးပြိုင်ပွဲ ယနေ့ စတင်ကျင်းပမည် အဖွင့်ပွဲအဖြစ် မြန်မာနှင့် စင်ကာပူ၊ အိမ်ရှင် မလေးရှားနှင့် ဘရူနိုင်းအသင်း ယှဉ်ပြိုင်ကစားမည်

 

ဆီးဂိမ်းစ်ပြိုင်ပွဲယှဉ်ပြိုင်မည့် မြန်မာ ယူ-၂၂ အသင်း (ဓာတ်ပုံ – ညီညီစိုးညွန့်)

မလေးရှားနိုင်ငံက အိမ်ရှင်အဖြစ် လက်ခံကျင်းပမည့် (၂၉) ကြိမ်မြောက် ဆီးဂိမ်းစ်အမျိုးသား ဘောလုံးပြိုင်ပွဲကို သြဂုတ် ၁၄ ရက် (ယနေ့)တွင် စတင်ကျင်းပမည်ဖြစ်ကြောင်း သိရသည်။ အဖွင့်ပွဲအဖြစ် ယနေ့ မြန်မာစံတော်ချိန် မွန်းလွဲ ၂ နာရီခွဲတွင် မြန်မာအသင်းနှင့် စင် ကာပူအသင်း၊ ည ၇ နာရီ ၁၅ မိနစ် တွင် အိမ်ရှင် မလေးရှားအသင်းနှင့် ဘရူနိုင်းအသင်းတို့ ယှဉ်ပြိုင်ကစားမည်ဖြစ်သည်။

ဆီးဂိမ်းစ်အမျိုးသားဘောလုံးပြိုင်ပွဲကို အုပ်စုနှစ်ခုခွဲ၍ ကျင်းပမည်ဖြစ်ပြီး အုပ်စု (က) တွင် မလေးရှား၊ မြန်မာ၊ စင်ကာပူ၊ လာအို၊ ဘရူနိုင်း၊ အုပ်စု (ခ) တွင် လက်ရှိချန်ပီယံ ထိုင်း၊ ဗီယက်နမ်၊ အင်ဒိုနီးရှား၊ တီမော၊ ကမ္ဘောဒီးယား၊ ဖိလစ်ပိုင်တို့ ပါဝင်နေသည်။ အုပ်စုပွဲစဉ်များကို သြဂုတ် ၁၄ ရက်မှ ၂၄ ရက်အထိ ကျင်းပမည်ဖြစ်ပြီး အိမ်ရှင်မလေးရှားအသင်းသည် ရှာအလမ်ကွင်း၌ ကစားမည်ဖြစ်ကာ ကျန်ပွဲများကို ဆီလာရန်ကွင်း၊ UITM ကွင်းနှင့် UM ကွင်းတို့၌ ကျင်းပမည်ဖြစ်သည်။ မြန်မာအသင်းသည် ဆီမီး ဖိုင်နယ်တက်ရောက်ရန် အိမ်ရှင် မလေးရှား၊ စင်ကာပူတို့နှင့် အဓိက ယှဉ်ပြိုင်ရမည်ဖြစ်ပြီး အုပ်စု (ခ) တွင်မူ ထိုင်း၊ ဗီယက်နမ်၊ အင်ဒိုနီးရှားတို့ အပြိုင်လုရဖွယ်ရှိနေသည်။  မြန်မာအသင်းသည် အုပ်စုအဖွင့်ပွဲ ကစားရမည့် စင်ကာပူအသင်းကို ပြီးခဲ့သည့် ဇူလိုင် ၁၉ ရက်က ယှဉ်ပြိုင်ကစားခဲ့သည့် အာရှ ယူ-၁၉ ခြေစစ်ပွဲတွင် တွေ့ဆုံစဉ်က (၂-၀) ဂိုးဖြင့် အနိုင်ရခဲ့သည်။ မြန်မာအသင်းသည် ဆီမီးဖိုင်နယ် တက်ရောက်နိုင်ရန် စင်ကာပူနှင့် အဖွင့်ပွဲတွင် ရလဒ်ကောင်းရယူနိုင်ရန် လိုအပ်နေသည်။

မြန်မာနှင့် စင်ကာပူအသင်း အာရှ ယူ-၂၃ ခြေစစ်ပွဲတွင် တွေ့ဆုံခဲ့စဉ် (ဓာတ်ပုံ – ညီညီစိုးညွန့်)

ဆီးဂိမ်းစ်ပြိုင်ပွဲယှဉ်ပြိုင်မည့် မြန်မာ ယူ-၂၂ အသင်း၏ အုပ်စုပွဲများကို အခမဲ့ရုပ်သံလိုင်းဖြစ်သည့် MRTV မှ တိုက်ရိုက်ထုတ်လွှင့်ပြသမည်ဖြစ်သည်။ မြန်မာနိုင်ငံဘောလုံးအဖွဲ့ချုပ် (MFF) သည် မလေးရှား ဆီးဂိမ်းစ်ပြိုင်ပွဲတွင် ဘောလုံးနှင့် ဖူဆယ်ပြိုင်ပွဲနှစ်ခုစလုံး၌ အမျိုးသား၊ အမျိုးသမီးအသင်းများဖြင့် ယှဉ်ပြိုင်မည်ဖြစ်သည်။ မြန်မာအသင်းသည် ယခုဆီးဂိမ်းစ်ပြိုင်ပွဲတွင် အောင်မြင်မှုရရန် မျှော်မှန်းထားကြောင်း သိရသည်။