ဆရာမ ဖြစ်ချင်သူတစ်ဦး၏ မျှော်လင့်ချက်နှင့် အဓိပ္ပာယ်ရှိသော နေ့ရက်များ

အရွတ်ကင်ဆာ ဝေဒနာရှင် ချမ်းအား ခွဲစိတ်ခန်းမ၀င်မီပုံနှင့် အလယ်တန်း ကျောင်းသူဘ၀ ချမ်း (ခေါ်) မအိချမ်းမြေ့အောင်၏ပုံအား တွေ့ရစဉ်

အနီရောင်တွေ ခြယ်သထားသည့် ကိုလိုနီခေတ် ယဉ်ကျေးမှုလက်ရာ အဆောက်အအုံတွေက ရန်ကုန်ပြည်သူ့ဆေးရုံကြီး၏ ပြယုဂ်ပင်ဖြစ်သည်။ ဆေးရုံတစ်ခုထက် ကျောင်းတစ်ကျောင်းနှင့် ပိုဆင်တူသည့် အဆောက်အအုံများကိုဖြတ်ပြီး လျှောက်လာသည့်အခါ အဆောက်အအုံ တစ်ခုရှိနေပြီး သိမ်းဆည်းထားသည့် လူသားများ၏ အငွေ့အသက်တွေကြောင့် နွမ်းလျလျ ဖြစ်နေသည်ဟု ထင်ရသည်။ ကင်ဆာရောဂါကုဌာနဆိုသည့် ဆိုင်းဘုတ်တစ်ခု၏ ကြိုဆိုမှုက အဆောက်အအုံ အတွင်းက ဘ၀တွေကို အကျဉ်းချုပ် ထင်ဟပ်ပြသနေသကဲ့သို့ပင်။ စစ်ပွဲအတွင်းက ဒဏ်ရာရ စစ်သားတွေနှင့် အလားတူစွာ ပြင်းထန်သည့် ဝေဒနာများကို အန်တုထားရသည့် မျက်နှာများက အ၀င်ကနေ ထပ်မံဆီးကြိုနေသည်။

ညည်းညူသံများ၊ မိန်းမောမှုများ၊ နွမ်းနယ်မှုများ၊ ဝေဒနာများ ရောယှက်နေသည့်  လူသားများ၏ အကြားတွင် ရုပ်ဝတ္ထုပစ္စည်း ကြွယ်ဝမှုကိုလည်း ရှာဖွေ့မတွေ့ပေ။ ၁၀ ပေ၀န်းကျင် လောက်သာရှိမည့် နေရာအပိုင်းတွေ၌ သေခြင်းတရား၏ အပြင်းအထန် ထိုးစစ်ဆင်မှုကို ရောဂါသည်များက  ကုသတုံ့ပြန့် ခံစစ်ပြင်နေကြရသည်။ ဝေဒနာရှင်များ နားခိုနေသည့် ခုတင်များ၏ ပတ်ပတ်လည်တွင်  မိသားစုဝင်များက ကိုယ်စီကိုယ်စီ စောင့်ကြပ်နေကြရပြီး ခြေချစရာနေရာကိုတောင် တစ်ခါတစ်ရံ ရှာဖွေရခက်နိုင်သည်။ ခပ်ဆင်ဆင်တူသည့် နွမ်းလျအားလျော့ဖွယ် မြင်ကွင်းများအကြားက ကွဲထွက်မှု တစ်ခုကို ရှာတွေ့လိုက်သည်။ ဒီနေရာတွင် မရှိနိုင်လောက်ဘူး ထင်ခဲ့သည့် မျှော်လင့်ချက်များ ပြည့်နေသည့် မျက်ဝန်း၊ ပေါ့ပါးလန်းဆန်းသည့် အပြုံးတွေနှင့်အတူ ဆယ်ကျော်သက်အရွယ် မိန်းကလေးငယ်တစ်ဦး ထိုင်နေသည်။ သူမ၏ ဘေးတွင်ရှိသည့် လူသားများ၏ ပူဆွေးမှုတွေကို မြင်တွေ့ရခြင်း မရှိ။ ပကတိ ကလေးငယ် တစ်ဦး၏ ဖြူစင်ခြင်း သက်သက်သာ သူမမှာ ရှိနေသည်။ ထိုမိန်းကလေးငယ်၏ အမည်က အိချမ်းမြေ့အောင် ဖြစ်ပြီး ကိုယ့်ကိုယ်ကိုယ် ချမ်းလို့ သုံးနှုန်းတတ်သူလည်း ဖြစ်သည်။

ချမ်းဆိုတဲ့ ဆယ်ကျော်သက် အမျိုးသမီးငယ်မှာ လူတစ်သိန်းတွင် တစ်ယောက်သာ ဖြစ်ပွားနိုင်ခြေရှိသည့် အရွတ်ကင်ဆာကို ခံစားနေရသူဖြစ်သည်။ သေမင်းတမန်ရောဂါနှင့် တိုက်ပွဲဆင်နွှဲ နေရဆဲဖြစ်သည်။ ရောဂါနှင့် စစ်ခင်းနေသည့် လူတစ်ဦးဖြစ်ပေမယ့် ယခုနှစ် တက္ကသိုလ်ဝင်တန်းကို အောင်မြင်ခဲ့သည်။ ကင်ဆာရောဂါအတွက် ပြင်းထန်သည့် ကုထုံးများ အကြားမှာ အောင်မြင်ဖို့ အခွင့်အရေး နည်းပါးတဲ့ စာမေးပွဲကို ကျော်ဖြတ်နိုင်ခဲ့သူ တစ်ဦးဖြစ်သည်။

အတိတ်က ကျန်းမာခြင်းတွေကို သတိရနေကြပြီး အနာဂတ်အတွက် အပြင်းအထန် တိုက်ပွဲဝင်နေသူတွေ အပြည့်ရှိနေတဲ့ ဒီနေရာနှင့် ချမ်းဆိုသည့် မိန်းကလေးငယ် မည်သို့မျှ သက်ဆိုင်ခြင်း ရှိနိုင်မည်မဟုတ် ထင်မြင်မိကြမည်ဖြစ်သည်။ နားကြပ်နှစ်ဖက်တပ်ရင်း ဖုန်းဖြင့် ချမ်းသီချင်း နားထောင်နေပုံရသည်။ တီရှပ်ခပ်ပွပွနှင့် ချည်သားဘောင်းဘီ ၀တ်ဆင်ထားသည့် သူမ၏ ရုပ်ပုံတွင် ဆယ်ကျော်သက် အတော်တော်များများမှာ တွေ့ရတတ်တဲ့ အပူနှောသည့် မေတ္တာတရား မျိုးကိုလည်း မတွေ့ရပေ။ အိမ်ပြန်လာမည့် မိခင်ကို ဧည့်ခန်းတွင် ဆော့ကစားရင်း စောင့်မျှော်နေသည့် ကလေးငယ် တစ်ဦး၏ အသွင်မျိုးကို မြင်တွေ့ရသည်။ အမှတ်တမဲ့ မြင်တွေ့သူတိုင်းအတွက် ချမ်းဟာ ဆေးရုံတင်ထားရသည့် ဆွေမျိုးတစ်ဦးအား လာရောက်ကြည့်ရှုသည့် ကလေးငယ် တစ်ဦးပင် ဖြစ်သည်။ ဒီအဆောက်အအုံ တစ်ခုလုံးတွင် သူမအနားတွင်သာ ပျော်ရွှင်မှုတွေ ခစားဝန်းရံနေသလိုပင် ထင်မှတ်ရသည်။

သို့သော် သူမ၏နံဘေးတွင် ဆေးသွင်းသည့် တိုင်တစ်ခုရှိနေပြီး လက်ဖျံတွင် ပိုက်တပ်ဆင် ထားရသည်။ သူမ၏ ယာဘက်ခြေထောက်က အခြားတစ်ဘက်ထက် သိသာစွာ သေးငယ်နေပြီး ဒူးခေါက်ကြောတွင် ခွဲစိတ်ကုသမှုကို ကြိမ်ဖန်များစွာ ခံယူထားရသည့် လက္ခဏာများကို အထင်အရှား မြင်တွေ့ရသည်။ ဆေးသွင်းပိုက် တပ်ထားရသည့် လက်တွင်လည်း ခွဲစိတ်ဓားဒဏ်ရာတွေမှရတဲ့ အမာရွတ်တွေက သူမခံစားနေရသည့် ရောဂါ၏ အတိမ်အနက်ကို ခန့်မှန်းကြည့်ရှုနိုင်ရန် ဖန်တီးထား သကဲ့သို့ ဖြစ်နေ၏။ ချမ်းကတော့ ဒီဝေဒနာတွေအတွက် ထူးထူးခြားခြား စိတ်ပူပန်ခြင်း မရှိသည့် ပုံစံမျိုးပင်။

မှော်ဘီ အ.ထ.က (၁) အ တွက် အနာဂတ်၏ ကြယ်တစ်ပွင့်အဖြစ် တင်စားခြင်း ခံခဲ့ရသည့် မအိမ့်ချမ်းမြေ့အောင်အတွက် ၂၀၁၅ ခုနှစ်မှာ ကံဆိုးခြင်းများ ယူဆောင်လာသည့် နှစ်ဖြစ်သည်။ ချမ်း၏ ညာဘက်ခြေထောက်တွင် အကျိတ်တစ်ခု စတင်ဖြစ်ပွားခဲ့ခြင်းက အဋ္ဌမတန်း ဖြေဆိုအပြီးတွင် ပြုလုပ်သည့် မြို့နယ်လုံးဆိုင်ရာ ဘက်စုံထူးချွန်ဆုပြိုင်ပွဲ ယှဉ်ပြိုင်နေစဉ်တွင် သတိလစ် လဲကျခဲ့သည်။ ဆေးစစ်ချက်များစွာ ပြုလုပ်အပြီးတွင် ချမ်း၏ခြေထောက်မှ အကျိတ်ကို ခွဲစိတ်ခဲ့သည်။

စစ်ဆေးချက်၏ ရလဒ်က နုနယ်သည့် ချမ်းအတွက် ပြင်းထန်လွန်းခဲ့ပြီး လူတစ်သိန်းတွင်မှ တစ်ယောက် ဖြစ်နိုင်ခြေရှိသည့် အရွတ်ကင်ဆာ ဖြစ်ပွားနေခြင်း ဖြစ်သည်။ အသက်အရွယ်နှင့် မမျှသည့် ရောဂါကြောင့် သမီးငယ် စိတ်ဓာတ်ကျဆင်းမည်ကို စိုးရိမ်သဖြင့် မိခင်ဖြစ်သူက ကင်ဆာရောဂါဌာနတွင် ပြောင်းလဲကုသရမည့် ချမ်းအား သူမ၏ ရောဂါအခြေအနေကို ဖုံးကွယ်ထားခဲ့ရသည်။ သူငယ်ချင်းများနှင့် ဆရာ၊ ဆရာမများ လာရောက် ကြည့်ရှုသည့်အခါတွင် ချမ်းက သူမသည် ကင်ဆာရောဂါ ကာကွယ်ရန်အတွက် ဆေးသွင်းနေရခြင်း ဖြစ်သည်ဟု မိခင်ဖြစ်သူ ပြောပြမှုအတိုင်း ပြန်လည်ပြောပြရာ သူမကို ချစ်ခင်ကြသူများ ငိုပွဲဆင်ခဲ့ရသည်။ အသက် ၁၄ နှစ်သာ ရှိသေးသည့် ကလေးငယ်သည် ဓာတ်ရောင်ခြည်ဖြင့် ကုသမှု ကြိမ်ဖန်များစွာ၊ ခွဲစိတ်ကုသမှု များစွာတို့ကို မိခင်၏ စကားသံဖြင့် စိတ်တင်းခံခဲ့ပြီး ဆေးကုသမှုများ ပြီးဆုံးသည့် အခါတွင် ကျောင်းသို့ သွားရောက်၍ ပညာသင်ကြားနိုင်ရန်အတွက် လုံလောက်သည့် ကျန်းမာရေး အခြေအနေ မရှိတော့ပေ။

ကံကြမ္မာက မည်သို့ပင် ရက်စက်သော်လည်း ချမ်းအတွက် မမှုခဲ့ပေ။ မီးလျှံထဲမှ ဖီးနစ်ငှက်ကဲ့သို့ပင် သေမင်းတမန်ရောဂါနှင့် ပထမအကြိမ်တိုက်ပွဲ အပြင်းအထန်ဆင်နွှဲ အပြီးတွင် သူမပြန်လည် နိုးထလာနိုင်ခဲ့သည်။ ပညာသင်နှစ်တစ်နှစ် အောက်ခဲ့ရသော်လည်း စိတ်မပျက်ဘဲ န၀မတန်း တက်ရောက်ရန် အသင့်ဖြစ်နေခဲ့ပြီဖြစ်သည်။ ၂၀၁၆ ခုနှစ် ဇွန်လတွင် ချမ်းသည် န၀မတန်းသို့ စတင်တက်ရောက် ပညာသင်ကြား ရမည်ဖြစ်ပြီး ထိုလတွင်ပင် ခြောက်လတစ်ကြိမ် ပုံမှန်စစ်ဆေးနေကျ ဆေးစစ်မှုကို ပြန်လည်စစ်ဆေးရမည်ဖြစ်ပြီး နောက်ဆုံးတစ်ကြိမ် စစ်ဆေးမှုတွင် သူမ၏ ရောဂါအခြေအနေသည် ကောင်းလုနီးပါး အခြေအနေတွင် ရှိနေခဲ့သည်။

အဖြူနှင့်အစိမ်း ကျောင်းဝတ်စုံဖြင့် ချမ်းတစ်ယောက် လန်းဆန်းတက်ကြွ နေခဲ့သော်လည်း ဆေးကုသမှု၏ ဘေးထွက်ဆိုးကျိုးက ပြင်းထန်သည့်အတွက် လမ်းလျှောက်နိုင်ခြင်းအတွက် လုံလောက်သည့် ခွန်အား အခြေအနေမျိုးတွင် မရှိတော့ပေ။ မိခင်ဖြစ်သူ၏ ကျောပေါ်တွင် ချီပိုးလိုက်ပို့မှုဖြင့် တက်ကြွစွာ ကျောင်းသို့သွားရောက်နေသည့် ချမ်းနှင့် သူမ၏ မိခင်တို့၏ ပုံရိပ်က မြင်ရသူတိုင်း၏ရင်ကို ကရုဏာ သက်စေသည်။ ပီတိကြည်နူးမှုကို ရိုက်ခတ်လာစေသည်။ သို့သော် ချမ်းသည် ယခင်ကကဲ့သို့ ကျန်းမာလန်းဆန်းနေသည့် ကလေးတစ်ယောက် မဟုတ်တော့ပေ။ ရောဂါနှင့် ဆေးကုသမှုမှ ရရှိသည့် ဘေးထွက်ဆိုးကျိုးတွေက လူအများနှင့် ပညာသင်ကြားရာတွင် အဆင်ပြေနိုင်ခြင်း မရှိနိုင်တော့။ ချမ်းနှင့် ကင်ဆာရောဂါတို့ ဒုတိယအကြိမ် တိုက်ပွဲဆင်နွှဲရန် ပြင်ဆင်နေပြီ ဖြစ်သည်ကို ချမ်းတစ်ယောက် သိရှိခဲ့ခြင်း မရှိသလို သူမတွင် ကင်ဆာဖြစ်ပွား နေသည်ကိုလည်း မသိရှိရသေးပေ။

ဒုတိယအကြိမ် ဆင်နွှဲရသည့် တိုက်ပွဲက ချမ်းအတွက် ပိုမိုပြင်းထန်ခဲ့ပြီး ခွဲစိတ်မှု အကြိမ်အရေအတွက် များက ပိုမိုစိပ်လာခဲ့သည်။ အခြေအနေကို ဖွင့်ပြောမှ ဖြစ်တော့မည် ဖြစ်သဖြင့် မိခင်က ချမ်းအား အမှန်အတိုင်း ပြောပြခဲ့ရပြီဖြစ်သည်။ သို့သော် မိခင်စိုးရိမ်သကဲ့သို့ ချမ်း၏ စိတ်ဓာတ်များ ပျက်ပြားကျဆင်း ခဲ့ခြင်းမရှိ။ ကျန်းမာမှ ပညာဆက်လက် သင်ကြားနိုင်မည် ဖြစ်သည့်အတွက် သူမ၏ ရည်မှန်းချက်အတွက် အားအင်အပြည့်ဖြင့် ဝေဒနာကို စိန်ခေါ်ခဲ့သည်။

တစ်နှစ်နီးပါး အပြင်းအထန် ကုသမှုများ အပြီးတွင် ချမ်း၌ကင်ဆာဆဲလ် ပြန့်ပွားမှု မရှိသလောက် အခြေအနေ ရောက်ရှိခဲ့ပြီ ဖြစ်သည်။ ပြင်းထန်သည့် ဆေးသွင်းကုသမှု၊ ဓာတ်ရောင်ခြည် သက်ရောက်မှုများက ချမ်း၏ ဆံပင်များ ကျွတ်ထွက်ခြင်း ကဲ့သို့သော ဆိုးကျိုးများကို ဖြစ်စေခဲ့သော်လည်း ရောဂါအခြေအနေကို ထိန်းချုပ်နိုင်ခဲ့သည်က ကံကောင်းမှုတစ်ခုပင် ဖြစ်လာစေသည်။ န၀မတန်းစာမေးပွဲကို သီးသန့်ဖြေဆိုခဲ့ရပြီး အောင်မြင်အောင် ဖြေဆိုနိုင်ခဲ့ ပြန်သည်။ ကင်ဆာသည် ဒုတိယအကြိမ်တွင်လည်း ချမ်းကို အနိုင်မယူနိုင်ခဲ့ပေ။

န၀မတန်း အောင်မြင်ပြီးဖြစ်သည့် ချမ်းသည် ၂၀၁၇ ခုနှစ် ဇွန်လတွင် တက္ကသိုလ်ဝင်တန်းကို တက်ရောက်ရတော့မည် ဖြစ်သည်။ သွားသွားလာလာ ပြုလုပ်နိုင်ခြင်း မရှိတော့သည့် သမီးငယ်အတွက် မိခင်ဖြစ်သူက အိမ်တွင် စာသင်ဝိုင်း စီစဉ်ပေးခြင်းဖြင့် ချမ်း၏ ပညာသင်ကြားရေးကို ဂရုတစိုက် အားပေးခဲ့သည်။ ကင်ဆာဝေဒနာမှ သက်သာလာပြီ ဖြစ်သော်လည်း ပုံမှန်ဆေးစစ်မှုကို ခံယူနေရဆဲဖြစ်ပြီး တစ်သက်တာလုံးတွင်လည်း ပုံမှန်ဆေးစစ်မှုကို ခံယူရမည်ဖြစ်သည်။

ဒီတစ်ကြိမ်တွင်လည်း ကံကြမ္မာက ရက်စက်ကြမ်းတမ်း ခဲ့ပြန်ပြီဖြစ်သည်။ ပျောက်လုနီးပါး ဖြစ်နေသည့် အရွတ်ကင်ဆာ ဆဲလ်များက ပြန်လည်ပြန့်ပွား နေခဲ့သည်ကို ဆေးစစ်မှု ရလဒ်များတွင် ရှာဖွေတွေ့ရှိခဲ့သည်။ ဆယ်ကျော်သက်အရွယ် မိန်းကလေးငယ် တစ်ဦးအတွက် သေမင်းနှင့် တတိယအကြိမ် တိုက်ခိုက်ရတော့မည်ဖြစ်သည်။ ခွဲစိတ်မှု ခံယူရလွန်းသဖြင့် နာကျင်မှုသည် ချမ်းအတွက် မထူးဆန်းတော့။ ထို့ပြင် သူမသည် တက္ကသိုလ်ဝင်တန်း တက်ရောက်နေရသည့်အတွက် ရည်မှန်းချက်အတွက် ပညာသင်ကြားရန် အရေးကြီးဆုံး အချိန်ကို ရောက်နေပြီ ဖြစ်သည်ဟု ခံယူထားပြီး ကင်ဆာနှင့် တိုက်ပွဲအပြင် စစ်မျက်နှာ နှစ်ဖက်ကို တစ်ပြိုင်တည်း ဖွင့်တိုက်ရန် ရည်ရွယ်ထားခဲ့ပြီးလည်း ဖြစ်သည်။ ကုသမှုတွေကတော့ ရှေ့နှစ်ကြိမ်ကအတိုင်း ပြင်းထန်ဆဲပင် ဖြစ်သည်။ သို့သော် ချမ်းကတော့ ပိုမိုရင့်ကျက်လာခဲ့ပြီး ဆေးရုံတက်ရောက်နေစဉ် အတွင်းမှာပင် ပညာကို လက်ဖျားခါလောက်အောင် သင်ယူလေ့လာ နိုင်ခဲ့သည်။ ဆေးရုံတွင် သူမနှင့် ဘ၀တူ ကင်ဆာရောဂါသည် ဆရာမများထံမှ ရသည့်အချိန်တွင် ရသလို သင်ယူခဲ့သည်။ အိမ်တွင် ပြန်လည် နေထိုင်ရသည့် အချိန်တွင်လည်း မိသားစုဝင်များ တားမြစ်ရသည်အထိ ပညာရေးကို ဦးစားပေး လေ့လာခဲ့သည်။ အိမ်မှစာသင်ဝိုင်းတွင်ပင် ရက်မှန်အောင် တက်ရောက်နိုင်ခြင်း မရှိသည်အထိ ဝေဒနာ ခံစားနေရသော်လည်း ဝေဒနာ လျော့ပါးသည်နှင့် ပညာရေးအတွက် လေ့လာမှုကို မနေမနား ပြုလုပ်ခဲ့သည်။

သို့ပေမယ့် ချမ်းအတွက် လွယ်ကူခြင်းတော့ မရှိခဲ့ပေ။ ခွဲစိတ်မှုပေါင်း မြောက်မြားစွာကြောင့် နာကျင်မှုဒဏ်ကို ခံနိုင်ရန် ခန္ဓာကိုယ်အတွင်း ထိုးသွင်းခဲ့ရသည့် မေ့ဆေးများ၏ အရှိန်များက ချမ်း၏ မှတ်ဥာဏ်စွမ်းအားကို အပြင်းအထန် ထိုးနှက်ခဲ့သည်။

“သမီးလေးက စာကျက်ရင် မေ့တတ်လာတယ်။ အစ်မတို့ တားယူရလောက်အောင် သမီးလေးက စာအရမ်း ကျက်ခဲ့တာပါ။ ဒါပေမဲ့ ခွဲစိတ်တိုင်း ခွဲစိတ်တိုင်းမှာ ထိုးခဲ့ရတဲ့ မေ့ဆေးဒဏ်တွေကို သမီးက ကလေးဆိုတော့ ပိုခံရတယ်။ သူအခုကျက်လို့ ရပြီးသား စာတွေကို ခဏနေကျရင် အစဖော်မရတာမျိုး ခဏခဏ ဖြစ်လာတယ်။ အဲဒီလို မေ့သွားတာမျိုး ဖြစ်လာရင် သမီးလေးက မေ့ဦးဟာ၊ မေ့ဦးဟာဆိုပြီး သူ့ခေါင်းသူ ထုနှက်နေလို့ မနည်းကြီး အားပေးခဲ့ရတယ်။ ဒါပေမဲ့ သမီးလေး ကြိုးစားနိုင်ခဲ့တယ်” ဟု မအိမ့်ချမ်းမြေ့အောင်၏ မိခင်က ပြောသည်။

၂၀၁၇ ခုနှစ်အတွက် တက္ကသိုလ်ဝင်တန်း စာမေးပွဲများ ဖြေဆိုရန် အချိန်နီးကပ်လာပြီဖြစ်သည်။ ချမ်း၏ ယာဘက်ခြေထောက်တွင် အကျိတ်တစ်ခု ပြန်လည်ဖြစ်ပွား လာခဲ့သည်။ မိမိ၏ ခမ်းနားသည့် ရည်မှန်းချက်များ မပြည့်ဝမည်ကို စိုးရိမ်သဖြင့် စာမေးပွဲ မဖြေဆိုဘဲ ကျန်းမာသည်အထိ စောင့်ဆိုင်းရန် ချမ်းဆုံးဖြတ်ခဲ့သေးသည်။ မိခင်ဖြစ်သူ၏ တိုက်တွန်းမှုကြောင့် ၀င်ရောက်ဖြေဆိုရမည် ဖြစ်သော်လည်း ရလဒ်မကောင်းမည်ကို ချမ်းစိုးထိတ်နေခဲ့မိသည်။ ထိုစိုးထိတ်မှုက သူမ၏ ဝေဒနာအပေါ် ထားရှိသည့် စိုးထိတ်မှုထက် များပြားသည်က အသေအချာပင်ဖြစ်သည်။ အခြေအနေတွေက စိုးရိမ်စရာများသာ ဖြစ်ခဲ့ခြင်း ဖြစ်သော်လည်း ဆယ်ကျော်သက် မိန်းကလေးငယ်၏ စိတ်ဓာတ်နှင့် ခံနိုင်ရန်၊ စိတ်အားထက်သန်မှုများက ကျော်ဖြတ်နိုင်ခဲ့သည်။ တက္ကသိုလ်ဝင်တန်း စာမေးပွဲကို ဖြေဆိုနိုင်ခဲ့သည်။ ပြင်းထန်သည့် ကုသမှုတွေကြားမှ ရရှိသည့် အချိန်ကို အံ့အားသင့်စရာ အသုံးချနိုင်ခဲ့သည်။ ရလဒ်များ ထွက်ပေါ်ခြင်း မရှိသေးသော်လည်း ချမ်းအတွက် အလွန်စိတ်စောနေခဲ့ပြီး သေမင်းတမန် ကင်ဆာနှင့် တတိယအကြိမ် တိုက်ပွဲကလည်း ယခင်နှစ်ကြိမ်ထက် ပိုမိုပြင်းထန်လာပြန်သည်။ ချမ်းမမှုပါ။ ပထမအကြိမ်နှင့် ဒုတိယအကြိမ်တွင် သူမအနိုင်ယူထားပြီးသား ဖြစ်သည့်အတွက် မည်မျှ အားကောင်း ပြင်းထန်ပါသော်လည်း ကင်ဆာဆိုသည် ချမ်းအတွက် အနိုင်ယူနေကျ ငယ်နိုင်ပင် ဖြစ်နေခဲ့၏။

၂၀၁၈ ခုနှစ် ဇွန် ၁ ရက်တွင် တက္ကသိုလ်ဝင်တန်း ရလဒ်များ ထုတ်ပြန်ခဲ့ပြီး ကိုယ်တိုင် သွားရောက်နိုင်ခြင်း မရှိခဲ့သော်လည်း မောင်နှမအရင်းနှင့် မခြားသည့် ၀မ်းကွဲအစ်ကိုက ချမ်း၏ အောင်မြင်မှု သတင်းကို သွားရောက်ရယူ ပေးခဲ့သည်။ ငယ်စဉ်ကတည်းက ထူးချွန်မှုတွေဖြင့် အသားကျနေခဲ့သည့် ချမ်းအတွက် ဂုဏ်ထူးမဲ့နေသည့် အောင်စာရင်းရလဒ်က စိတ်ထိခိုက် ခံစားစေခဲ့ရသည်။ ခွဲစိတ်မှုများစွာ၊ ဓာတ်ရောင်ခြည် ကုသမှုများစွာ ဝေဒနာခံစား ရမှုများကြောင့် မျက်ရည်မကျခဲ့သည့် ချမ်း ငိုကြွေးခဲ့သည်။

“အမှတ်စာရင်းက ဒီလောက် ရမယ်လို့လည်း မထင်ထားဘူး။ ဒါပေမဲ့ ဒီလောက်ပဲ ရတာကိုလည်း သမီးမကျေနပ်ဘူး။ သမီးတက်ချင်တဲ့ကျောင်းကို တက်လို့မရတော့ဘူး။ သမီးသာ နေကောင်းနေခဲ့ရင် အနည်းဆုံး ဂုဏ်ထူးလေးခုကတော့ အသေအချာပဲ” ဟု မအိချမ်းမြေ့အောင်က ပြောသည်။

ကင်ဆာဝေဒနာ အပြင်းအထန် ခံစားရင်း တက္ကသိုလ်ဝင်တန်းကို အောင်မြင်ခဲ့သည့် မအိချမ်းမြေ့အောင်၏ ရည်ရွယ်ချက်မှာ ကျောင်းဆရာမအဖြစ် လုပ်ကိုင်ခွင့်ရရေး ဖြစ်သည်။ လက်တွင် ဆေးသွင်းပိုက် တပ်လျက်ဖြင့် ဆေးရုံခုတင်ပေါ်တွင် ပြုံးရွှင်စွာထိုင်ရင်း ချမ်းတစ်ယောက် သူမ၏ ရည်မှန်းချက်များကို ပြောပြနေခဲ့သည်။

“သမီးကျောင်းဆရာမ ဖြစ်ချင်တယ်။ သမီးကလေးတွေကို ပညာတွေ သင်ကြားပေးချင်တယ်။ ဒါပေမဲ့ သမီးလေ ဆရာဝန်တော့ အရင်ကတည်းက မဖြစ်ချင်ခဲ့ဘူး။ သမီးဆေးရုံတွေကို မုန်းတယ်။ ခွဲစိတ်ဓားတွေကို မုန်းတယ်။ ဆေးထိုးအပ်တွေကို မုန်းတယ်။ ဆေးရုံကား အသံကိုလည်း  မကြားချင်ဘူး။ မေမေ့ကို မှာထားတယ်။ တစ်ခုခု ဖြစ်ရင်တောင် သမီးကို ဆေးရုံကားနဲ့ မခေါ်ပါနဲ့လို့” ဟု အရွတ်ကင်ဆာ ခံစားနေရသည့် မအိမ့်ချမ်းမြေ့အောင်က ပြောသည်။

 

သပိတ်ကျင်းမြို့နယ် ဇရပ်ကွင်းကျေးရွာ အုပ်ချုပ်ရေးမှူးနှင့် အပေါင်းပါတစ်စုက Grade-2 သင်တန်းမှ ဆရာများအား ဥပဒေမဲ့ ပြုကျင့်မှုအပေါ် မြန်မာနိုင်ငံလုံးဆိုင်ရာ ဆရာဆရာမများ အဖွဲ့ချုပ်က ကြေညာချက် ထုတ်ပြန်ခဲ့ပြီး တာဝန်ရှိသူများ လာရောက်စစ်ဆေး၍ မှားသည့်သူအား အရေးယူရန် ဇရပ်ကွင်းကျေးရွာ အုပ်ချုပ်ရေးမှူး အကြောင်းပြန်

ပြီးခဲ့သည့် မေ ၂၀ ရက် ည ၁၀ နာရီခွဲခန့်က မန္တလေးတိုင်းဒေသကြီး ပြင်ဦးလွင်ခရိုင် သပိတ်ကျင်းမြို့နယ် ဇရပ်ကွင်းကျေးရွာ အထကကျောင်းတွင် Grade-2 မွမ်းမံသင်တန်း တက်ရောက်နေသည့် ကျောင်းဆရာများနှင့် ဒေသခံများအကြား ရုန်းရင်းဆန်ခတ် ဖြစ်ပွားခဲ့သည့် ကိစ္စနှင့်စပ်လျဉ်း၍ ဇရပ်ကွင်းကျေးရွာ အုပ်ချုပ်ရေးမှူးနှင့် အပေါင်းပါတစ်စုက Grade-2 သင်တန်းမှ ဆရာများအား ဥပဒေမဲ့ ပြုကျင့်မှုအပေါ် မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ်က သဘောထား ကြေညာချက် ထုတ်ပြန်ခဲ့ပြီး တာဝန်ရှိသူများ လာရောက်စစ်ဆေး၍ မှားသည့်သူအား အရေးယူပေးရန် ဇရပ်ကွင်းကျေးရွာ အုပ်ချုပ်ရေးမှူးက အကြောင်းပြန်ခဲ့ကြောင်း သိရသည်။

မန္တလေးတိုင်းဒေသကြီး သပိတ်ကျင်းမြို့နယ် ဇရပ်ကွင်းကျေးရွာတွင် ကျေးရွာအုပ်ချုပ်ရေးမှူးနှင့် အပေါင်းပါ တစ်စုသည် ပြီးခဲ့သည့် မေ ၂၀ ရက်ညက ဇရပ်ကွင်း အထကသို့ Grade-2 သင်တန်း တက်ရောက်နေသည့် ဆရာများကို ညပိုင်းဂစ်တာတီးသည်ဟူသော အကြောင်းပြချက်ဖြင့် အပြင်းအထန် ဒဏ်ရာရသည်အထိ ရိုက်နှက်ခြင်း၊ ဆရာများ၏ ဂုဏ်သိက္ခာကို မထောက်ဘဲ လက်ထိပ်နောက်ပြန်ခတ်ခြင်း၊ ကူညီရန် လိုက်လာသည့် ဆရာများကိုလည်း ခြိမ်းခြောက်ပြောဆိုခြင်း စသော ဥပဒေမဲ့ အနိုင်အထက် ပြုကျင့်ခြင်းများ ပြုလုပ်ခဲ့ကြောင်း စိတ်မကောင်းဖြစ်ဖွယ် ကြားသိခဲ့ရသည်။

အဆိုပါ လုပ်ရပ်များကို ပြုကျင့်ခဲ့သော ဇရပ်ကွင်းကျေးရွာ အုပ်ချုပ်ရေးမှူးနှင့် အပေါင်းပါများကို မိမိတို့ မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ် အနေဖြင့် အပြင်းအထန် ကန့်ကွက်ရှုတ်ချကြောင်း၊ ထိုသို့ နိုင်ငံ့ဝန်ထမ်း ဆရာများအပေါ် ဥပဒေမဲ့ အနိုင်အထက် ပြုကျင့်ခြင်းသည် ကာယကံရှင် ဆရာများကို သာမကဘဲ မြန်မာနိုင်ငံ တစ်ဝန်းလုံးရှိ ဆရာ၊ ဆရာမများကိုပါ စော်ကားခြင်း ဖြစ်သည်ဟု မိမိတို့ မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ်အနေဖြင့် ယူဆပါသည်။

ထို့ကြောင့် ဥပဒေမဲ့ အနိုင်အထက် ပြုကျင့်သော အုပ်ချုပ်ရေးမှူးနှင့် အပေါင်းပါများကို မိမိတို့ အဖွဲ့ချုပ် အနေဖြင့် တရားဥပဒေကြောင်းအရ တုံ့ပြန်သွားမည်ဖြစ်ကြောင်း အသိပေးအပ်သည်ဟု မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ်က မေ ၂၂ ရက် နေ့စွဲဖြင့် သဘောထား ကြေညာချက် ထုတ်ပြန်ခဲ့သည်။

ဇရပ်ကွင်းကျေးရွာ ဒေသခံများက ကာလသားတစ်စု သောက်စားပျော်ပါး၍ ဂီတာတီးခတ်နေသဖြင့် ထိန်းသိမ်းပေးရန် ဖုန်းဆက် အကြောင်းကြားသဖြင့် မေ ၂၀ ရက်ည ၁၀ နာရီ ၁၅ မိနစ်ခန့်က ဇရပ်ကွင်းကျေးရွာ ရပ်ကွက် (၁) သို့ ထွက်လာခဲ့ကာ ဂစ်တာတီးနေသည့် လူငယ်များအား မေးမြန်းကြည့်ရာ မိမိတို့ ဒေသခံများ မဟုတ်ဘဲ အခြားနယ်များမှ လာရောက် သင်တန်းတက်နေသည့် ကျောင်းဆရာများ ဖြစ်ကြောင်း သိရသည်။

ထို့ကြောင့် ဇရပ်ကွင်းဒေသသည် နယ်မြေကြမ်းသောဒေသ ဖြစ်သဖြင့် ည ၉ နာရီကျော်ပါက ဂစ်တာတီးခတ်ခြင်း မပြုရန် တားမြစ်ထားကြောင်း အသိပေးခဲ့သည်ဟု ဇရပ်ကွင်း အုပ်ချုပ်ရေးမှူး ဦးစောချစ်ညွန့်က ပြောကြားသည်။

“အဲဒီလို အသိပေးလိုက်တော့ ဂစ်တာလာတီးတဲ့ ကျောင်းဆရာအုပ်စုက အေးအေးဆေးဆေးပဲ။ သူတို့မသိလို့ တီးမိတာပါဆိုပြီး ပြန်ကြတယ်။ သူတို့အုပ်စုက ဆိုင်ကယ်တွေနဲ့ လာကြတာပါ။ ဆယ့်လေးငါးယောက် လောက်ပါတယ်။ နောက်ဆုံး ဆိုင်ကယ်မှာပါတဲ့ သူတစ်ယောက်က ဟာ….ဂစ်တာတီးတာတောင် လာပိတ်တယ်။ မင်းတို့ကောင်တွေ သတ္တိရှိရင် ငါ့ရွာလိုက်ခဲ့။ ဘာညာနဲ့ ဆဲဆိုလိုက်တော့ အခြေအနေကြည့်နေတဲ့ ရွာခံလူငယ်တွေနဲ့ ရုန်းရင်းဆန်ခတ်ဖြစ်ပြီး အဲဒီဆိုင်ကယ်က ကျောင်းဘေးက ကုက္ကိုပင်ကြီးကို ၀င်တိုက်မိသွားတယ်။ ဒါနဲ့ ကျွန်တော်လည်း မဖြစ်တော့ဘူးဆိုပြီး ရဲကင်းမှူးကို ဖုန်းဆက် အကြောင်းကြား၊ သူတုိ့ကိုလည်း ရွာခံတွေနဲ့ ထပ်ရန်မဖြစ်ရအောင် ၀င်တားမြစ်ပြီး ဒေသခံတွေ ကျေနပ်အောင် သူတို့ကို လက်ထိပ်ခတ်ပြီး ကျေးရွာအုပ်ချုပ်ရေးမှူးရုံးကို ခေါ်လာခဲ့ပါတယ်။ ရုံးကိုရောက်တော့ ပညာရေးမှူးကို ဖုန်းဆက် အကြောင်းကြားတယ်။ လက်ထောက် ပညာရေးမှူးလည်း ကျွန်တော်တို့ဘေးနားမှာ ရှိပါတယ်။ ကျွန်တော်က အထက်ကို တင်ပြမယ်ဆိုတော့ ကလေးတွေ အလကားနေရင်း နစ်နာနေပါမယ်။ ဒီမှာပဲ ကျေအေးလိုက်ပါဆိုပြီး ပညာရေးမှူးနဲ့ ဒုပညာရေးမှူးက ပြောတာနဲ့ အဲဒီမှာတင် တစ်ခါတည်း ကျေအေးလွှာ ထိုးပေးလိုက်တယ်။ နောက်ရက်ကျ Facebook ပေါ်မှာ လိုရာဆွဲပြီး တစ်ဖက်သတ် ရေးတင်နေကြတာပါ။ ဒီဖြစ်စဉ်အပေါ် သူတို့ဘက်က အမှုဖွင့်တယ် ဆိုရင်လည်း အဖြစ်မှန်ကို တကယ်စစ်ဆေးလိုက်လို့ သူတို့အတွက် နစ်နာသွားမယ်ဆိုရင် ကျွန်တော့်ဘက်က စိတ်မကောင်း ဖြစ်ရုံပါပဲ။ တာဝန်ရှိသူတွေ လာစစ်ဆေးပါ။ မှားတယ်ဆိုရင် မှားတဲ့သူကို အရေးယူပါလို့ ကျွန်တော့်ဘက်က ပြောချင်ပါတယ်” ဟု ဦးစောချစ်ညွန့်က ပြောကြားသည်။

ဇရပ်ကွင်းဖြစ်စဉ်အား မည်သည့်ဘက်ကမှ လာရောက် အမှုဖွင့် တိုင်ကြားခြင်း မရှိကြောင်း၊ မိမိမှာ အမှုတစ်ခု လိုက်နေသဖြင့် ဖြစ်စဉ်အသေးစိတ်ကို လတ်တလော ဖြေကြားနိုင်သေးခြင်း မရှိကြောင်း ဇရပ်ကွင်း ရဲအုပ်မျိုးမင်းလွင်က အဆိုပါ ဖြစ်စဉ်နှင့် ပတ်သက်၍ ပြောကြားသည်။

လူမှုကွန်ရက်တွင် ကျောင်းဆရာဟု ယူဆရသူ အရပ်ဝတ်ဖြင့် လူငယ်သုံးဦးက ကြမ်းပေါ်တွင် ထိုင်နေသည့်ပုံများ ပျံ့နှံ့နေပြီး ကျောင်းဆရာများက တောင်းပန်သော်လည်း လက်ထိပ်ခတ်၍ ရိုက်နှက်ကာ အုပ်ချုပ်ရေးမှူးရုံးသို့ ခေါ်သွားပြီး အနိုင်ကျင့် ပြောဆိုသောကြောင့် ခံဝန်လက်မှတ် ရေးထိုးခဲ့ကြသည်ဆိုသည့် ရေးသားချက်များ ပျံ့နှံ့နေပြီး တစ်ဆင့် ဖြန့်ဝေသူများ အများအပြား ရှိသည်ကို တွေ့ရသည်။

လူမှုကွန်ရက်တွင် အပုပ်ချ စွပ်စွဲသည်ဟုဆိုကာ ရတနာပုံတက္ကသိုလ် ဆရာဆရာမများအစည်းအရုံး ဥက္ကဋ္ဌက တက္ကသိုလ်ဆရာဆရာမအသင်းများ ကိုယ်စားပြုကော်မတီနှင့် အခြေခံပညာရေးလုပ်သားသမဂ္ဂများ ဖြစ်မြောက်ရေးဗဟိုကော်မတီ ဦးဆောင်သူများအား အမှုဖွင့်

ဖေ့စ်ဘွတ် လူမှုကွန်ရက်တွင် ၎င်းအား အပုပ်ချစွပ်စွဲသည်ဟုဆိုကာ ရတနာပုံတက္ကသိုလ် ဆရာဆရာမများအစည်းအရုံး ဥက္ကဋ္ဌဖြစ်သူ ဦးသုတက တက္ကသိုလ်ဆရာဆရာမအသင်းများ ကိုယ်စားပြုကော်မတီနှင့် အခြေခံပညာရေးလုပ်သားသမဂ္ဂများ ဖြစ်မြောက်ရေး ဗဟိုကော်မတီ ဦးဆောင်သူများ ဖြစ်သည့် ဒေါက်တာ အာကာမိုးသူ၊ ဦးသန်းထိုက်အောင်၊ ဒေါက်တာ သန်းလွင်ဦးတို့အား အမရပူရရဲစခန်းတွင် အမှုဖွင့်တိုင်ကြားထားကြောင်း သိရသည်။

“ရတနာပုံတက္ကသိုလ် ကျောင်းဝင်းထဲမှာ ဗမာနိုင်ငံလုံးဆိုင်ရာ ကျောင်းသားများသမဂ္ဂလို့ နာမည်ခံထားတဲ့ ကျောင်းသားတစ်စုက ဥပဒေနဲ့မညီဘဲ ဆန္ဒပြတောင်းဆိုခဲ့ပါတယ်။ အဲဒီလို ဆန္ဒပြတောင်းဆိုခြင်းဟာ ပညာသင်ကြားနေတဲ့ ကျောင်းသူကျောင်းသားတွေကို အနှောင့်အယှက် ဖြစ်ပေါ်စေသလို ဆန္ဒပြ တောင်းဆိုတဲ့ ကျောင်းသားတွေအတွက် နစ်နာဖွယ် အခြေအနေတွေလည်း ဖြစ်ပေါ်နိုင်တဲ့အတွက် ကျွန်တော်တို့ ရတနာပုံတက္ကသိုလ် ဆရာ၊ ဆရာမများအစည်းအရုံးက အလုပ်အမှုဆောင်တွေ အစည်းအဝေးထိုင်ပြီး အဲဒီဆန္ဒပြခြင်းကို ကန့်ကွက်ကြောင်း စာထုတ်ခဲ့ပါတယ်။ ကျွန်တော်တို့ရဲ့ ထုတ်ပြန်ကြေညာချက်ကို တက္ကသိုလ်ဆရာဆရာမအသင်းများ ကိုယ်စားပြုကော်မတီနှင့် အခြေခံပညာရေးလုပ်သားသမဂ္ဂများ ဖြစ်မြောက်ရေးဗဟိုကော်မတီ ဆိုတဲ့ အဖွဲ့အစည်းနှစ်ရပ်က ပြန်လည်ထုတ်ပြန် ကြေငြာခဲ့ရာမှာ ဆရာ့ဝတ်ငါးဖြာထဲက ဘေးရန်ဆီးကာဆိုသည့် ဆရာတွေ လိုက်နာရမယ့် ၀တ္တရားကို မျက်ကွယ်ပြုပြီးဆိုသည့် စကားရပ် ပါဝင်ခဲ့သလို ဖေ့စ်ဘွတ်လူမှုကွန်ရက်မှာလည်း သူတို့ရဲ့ ဖေ့စ်ဘွတ်အကောင့်မှာ ရှက်ဖွယ်၊ ဆရာလို့ မခေါ်ထိုက်ဘူး၊ အလွန်ရှက်ဖို့ကောင်းတယ်လို့ ပြန်လည်ရေးသား ဖြန့်ဝေမှုတွေ လုပ်ဆောင်ခဲ့တဲ့အတွက် အမရပူရရဲစခန်းမှာ ဥပဒေနဲ့အညီ အရေးယူပေးဖို့ အမှုဖွင့်တိုင်တန်းရတာ ဖြစ်ပါတယ်”ဟု ဆရာဦးသုတက ပြောကြားသည်။

“ဆရာတစ်ယောက်အနေနဲ့ တပည့်တွေထဲ လိမ္မာတဲ့တပည့်၊ ဆိုးတဲ့တပည့်၊ စာတော်တဲ့တပည့်၊ စာညံ့တဲ့တပည့် မျိုးစုံရှိပေမယ့် ဆရာတစ်ယောက်ရဲ့ကျင့်ဝတ်အရ မည်သည့်တပည့် အမျိုးအစားပဲဖြစ်ဖြစ် အားလုံးကို ကျောသားရင်သား ခွဲခြားလို့မရပါ။ အားလုံးကို တန်းတူရည်တူထားပြီး တစ်ပြေးတည်း ဆက်ဆံရပါတယ်။ ဆိုးတဲ့တပည့်၊ စာညံ့တဲ့ တပည့်ဆိုရင် ပိုတောင် ဂရုစိုက်ရပါသေးတယ်။ ဆရာတစ်ယောက်ရဲ့ ဆရာမဆန်တဲ့ အပြုအမူတွေ ဆုံးဖြတ်ချက်တွေကြောင့် သူတို့ရဲ့ ဘ၀အညွန့်အဖူးတွေ ချိုးခံရတဲ့ အခြေအနေမျိုးတွေကို လုံးဝ လက်မခံနိုင်ပါ။ ဒါဟာ ဆရာပီသတဲ့ ဆရာတစ်ယောက်ရဲ့ မယိမ်းမယိုင် စောင့်ထိန်းရမည့် ရပ်တည်ချက်လို့ ခံယူပါတယ်။ ဆရာတစ်ယောက်အနေနဲ့ တပည့်တွေအပေါ် ဆရာဝတ် ငါးဖြာထဲက ဘေးရန်ဆီးကာဆိုတဲ့ ၀တ်ကို စောင့်ထိန်းမိလို့ တရားစွဲခံရမယ် အရေးယူခံရမယ် ဆိုရင်လည်း ဆရာတစ်ယောက်အနေနဲ့ ဂုဏ်သိက္ခာရှိရှိ ရင်ဆိုင်သွားမှာပါ”ဟု အမှုဖွင့်ခံရသူထဲတွင် တစ်ဦးအပါအ၀င်ဖြစ်သည့် ရန်ကုန်တက္ကသိုလ်၊ နိုင်ငံတကာဆက်ဆံရေးဌာနမှ ကထိကဒေါက်တာ သန်းလွင်ဦးက ၎င်း၏ ဖေ့စ်ဘွတ်အကောင့်တွင် ရေးသားထားကြောင်း သိရသည်။

 

အဆင့်မြင့် ပညာရေးဥပဒေ (မူကြမ်း) သည် ဒီမိုကရေစီစံနှုန်းများနှင့် ဆန့်ကျင်နေခြင်းတို့ကြောင့် အသိအမှတ် မပြုကြောင်း ရန်ကုန်အနောက်ပိုင်း တက္ကသိုလ် ဆရာ၊ ဆရာမများသမဂ္ဂ ကြေညာချက်ထုတ်ပြန်

ပညာရေး ၀န်ကြီးဌာနမှ ရေးဆွဲထားသော အဆင့်မြင့် ပညာရေးဥပဒေ (မူကြမ်း) သည် ပါဝင်သင့် ပါဝင်ထိုက်သူများ မပါဝင်ခြင်း၊ ပွင့်လင်းမြင်သာမှု မရှိခြင်း၊ မိခင်ဥပဒေ (Mother Law) ဖြစ်သည့် အမျိုးသား ပညာရေးဥပဒေနှင့် ကိုက်ညီမှုမရှိခြင်း၊ ဗဟိုချုပ်ကိုင်မှု လွန်ကဲခြင်း၊ ဒီမိုကရေစီစံနှုန်းများနှင့် ဆန့်ကျင်နေခြင်း စသည်တို့ကြောင့် အသိအမှတ်မပြုကြောင်း ရန်ကုန်အနောက်ပိုင်း တက္ကသိုလ် ဆရာ၊ ဆရာမများ သမဂ္ဂ၏ ထုတ်ပြန်ကြေညာချက်တွင် ထည့်သွင်းရေးသားထားသည်။

ရန်ကုန်အနောက်ပိုင်းတက္ကသိုလ် ဆရာ၊ ဆရာမများ သမဂ္ဂမှ အဆင့်မြင့် ပညာရေးဥပဒေ (မူကြမ်း) နှင့် ပတ်သက်သည့် သဘောထား ကြေညာချက်ကို ဇန်န၀ါရီ ၂၆ ရက်တွင် ထုတ်ပြန်ကြေညာခဲ့ပြီး ထုတ်ပြန်ကြေညာချက်တွင် ယင်းကဲ့သို့ ထည့်သွင်းရေးသား ထားခြင်းဖြစ်သည်။

ထုတ်ပြန်ကြေညာချက်၌ ပညာရေးဝန်ကြီးဌာနမှ ရေးဆွဲထားသော အဆိုပါ အဆင့်မြင့် ပညာရေးဥပဒေ (မူကြမ်း) သည် ဥပဒေရေးဆွဲရေး လုပ်ငန်းစဉ်များတွင် Stake-holders ပါဝင်ခဲ့ခြင်းမရှိဘဲ ပညာရေးဝန်ကြီး ဌာနကသာ စိတ်တိုင်းကျ ရေးဆွဲထားသည့်အတွက် All Inclusiveness မဖြစ်ခြင်းနှင့် ပွင့်လင်းမြင်သာခြင်း မရှိသောကြောင့် ပညာရေးနှင့် ပတ်သက်သည့် Sectorial Law များ ရေးဆွဲရေး လုပ်ငန်းစဉ်များအတွက် ပြဌာန်းထားသော အမျိုးသား ပညာရေးဥပဒေပါ ပြဋ္ဌာန်းချက်များကို ပညာရေး ၀န်ကြီးဌာနမှ လိုက်နာမှု မရှိခဲ့ကြောင်း၊ အဆိုပါ အစဉ်အလာသည် အဆင့်မြင့်ပညာကဏ္ဍ ဖွံ့ဖြိုးရေးအတွက် အပြုသဘောဆောင်သော အခြေအနေတစ်ရပ် မဟုတ်ဟု အလေးအနက် ယုံကြည်ကြောင်း ရေးသားထားသည်။

အဆိုပါ ဥပဒေသည် ဒီမိုကရေစီစံနှုန်းများနှင့် သွေဖည်ကာ ဗဟိုချုပ်ကိုင်မှု လွန်ကဲစွာဖြင့် ရေးဆွဲထားသော ဥပဒေမူကြမ်း တစ်ရပ်ဖြစ်ခြင်း၊ အဆင့်မြင့်ပညာရေး ဥပဒေ (မူကြမ်း) ပါ ပြဋ္ဌာန်းချက်အချို့သည် ပညာရေးကဏ္ဍ၏ မိခင်ဥပဒေဖြစ်သည့် အမျိုးသား ပညာရေးဥပဒေ (၂၀၁၄) နှင့် အမျိုးသား ပညာရေးဥပဒေကို ပြင်ဆင်သည့် ဥပဒေ (၂၀၁၅) ပြဋ္ဌာန်းချက်အချို့နှင့် ကိုက်ညီမှု မရှိသည့်အပြင် အချို့ပြဋ္ဌာန်းချက်များသည် အမျိုးသား ပညာရေးဥပဒေကိုပင် ကျော်လွန်နေသည့်အတွက် UTA ကိုယ်စားပြု ကော်မတီမှ သတင်းစာ ရှင်းလင်းပွဲတစ်ရပ် ပြုလုပ်ခဲ့ပြီး အသိအမှတ်မပြုကြောင်း ကြေညာချက် ထုတ်ပြန်ခဲ့ကြောင်း၊ ထို့ပြင် ဒဂုံတက္ကသိုလ်၊ မအူပင်တက္ကသိုလ်၊ ပုသိမ်တက္ကသိုလ်၊ ရန်ကုန်အရှေ့ပိုင်း တက္ကသိုလ်၊ စစ်တွေတက္ကသိုလ်၊ ရန်ကုန်တက္ကသိုလ်၊ ရန်ကုန်အဝေးသင် တက္ကသိုလ်များရှိ ရန်ကုန်အနောက်ပိုင်း တက္ကသိုလ် ဆရာ၊ ဆရာမများ သမဂ္ဂ၏ ညီနောင်တက္ကသိုလ် ဆရာ၊ ဆရာမများသမဂ္ဂ အသီးသီးမှလည်း ကန့်ကွက်ကြောင်း ကြေညာချက်များကို ထုတ်ပြန်ခဲ့ပြီး တက္ကသိုလ် ဆရာ၊ ဆရာမ အသင်းများ ကိုယ်စားပြုကော်မတီ၏ သဘောထားနှင့် တစ်သားတည်း ရပ်တည်ခဲ့ကြောင်း၊ အမျိုးသား ပညာရေးဥပဒေပါ ပြဋ္ဌာန်းချက်များကို အကောင်အထည် ဖော်ဆောင်မည့် အဆင့်မြင့်ပညာရေး ဥပဒေသည် အဆင့်မြင့်ပညာရေးကဏ္ဍ အတွက်သာမက တိုင်းပြည်ဖွံ့ဖြိုးရေးနှင့် ဒီမိုကရေစီ အသွင်ကူးပြောင်းရေး၊  ငြိမ်းချမ်းရေး လုပ်ငန်းစဉ်များ အတွက် လွန်စွာအရေးကြီးသည့် ဥပဒေတစ်ရပ်အဖြစ် UTA ကိုယ်စားပြုကော်မတီနှင့် ညီနောင် UTA များနည်းတူ ရန်ကုန်အနောက်ပိုင်း UTA မှလည်း အလေးအနက် ယုံကြည်ခံယူထားကြောင်း သဘောထား ကြေညာချက်၌ ထည့်သွင်းဖော်ပြထားသည်။

မကွေးတိုင်းဒေသကြီးအတွင်း ချင်းစာပေသင်ကြားနေသည့် ဆရာဆရာမ ၃၃၀ ကျော်ကို နေ့စားလပေး ဆရာဆရာမများအဖြစ် ခန့်အပ်

မကွေးတိုင်းဒေသကြီးအတွင်း ချင်းစာပေ သင်ကြားနေသည့်သူ ၃၃၀ ကျော်ကို နေ့စားလပေး ဆရာ၊ ဆရာမများအဖြစ် ခန့်အပ်မှုများ ပြုလုပ်ခဲ့ကြောင်း သိရသည်။

မကွေးတိုင်းအတွင်း ချင်းလူမျိုးများ တည်ရှိရာ မြို့နယ်များ၌ ကလေးငယ်များကို ချင်းစာပေ သင်ကြားပေးလျက်ရှိသော ဆရာ၊ ဆရာမ ၃၃၀ ကျော်ကို ပညာရေးဝန်ကြီးဌာနနှင့် တိုင်းရင်းသားရေးရာဝန်ကြီးဌာနတို့ ပူးပေါင်းပြီး နေ့စားလပေး ဆရာ၊ ဆရာမများအဖြစ် ခန့်အပ်မှု ပြုလုပ်ခဲ့ပြီးထိုဆရာ၊ ဆရာမများထဲမှ ဘွဲ့ရရှိသူများသည်ဆရာလုပ်သက် တစ်နှစ်ပြည့်ပါက ဆရာဖြစ်သင်တန်းတက်စေပြီး မူလတန်းပြဆရာ၊ ဆရာမများအဖြစ် ခန့်အပ်မှုများလည်း ပြုလုပ်သွားမည်ဖြစ်ကြောင်း သိရသည်။

“ဆရာ၊ ဆရာမလျှောက်လွှာ လျှောက်တုန်းကတော့ ၅၀၉ လောက်ရှိပါတယ်။ ဒီထဲကမှ ကိုးတန်းအောင်ကနေစပြီး ဘွဲ့ရတဲ့သူတွေ ၁၈ နှစ်ကနေ ၃၅ နှစ်အတွင်း ချင်းစာပေသင်ကြားဖို့ နေ့စားလပေး ဆရာ၊ ဆရာမအဖြစ် ပညာရေးဌာနက ခန့်တာပါ။ လစာလည်းကလည်း ပညာရေးဌာနက ပေးမှာပါ။နောက်ပြီး ဒီချင်းစာပေသင်ကြားပေးတဲ့ ဆရာ၊ ဆရာမတွေထဲကမှ ဘွဲ့ရရှိထားတဲ့ လူတွေကို တစ်နှစ် ဆရာလုပ်သက်ပြည့်သွားရင် ဆရာဖြစ်သင်တန်း တက်စေပြီး မူလတန်းပြတွေအဖြစ် ခန့်အပ်သွားဖို့လည်း ရှိတယ်လို့ သိရပါတယ်” ဟု မကွေးတိုင်းဒေသကြီး ချင်းဝန်ကြီး ဦးလှထွန်းက ပြောကြားသည်။

“အရင်က ချင်းစာပေ သင်တဲ့လူတွေကို ယူနီဆက်ကနေ တစ်နှစ်ကို ချီးမြှင့်ငွေကျပ် ၃၀၀၀၀ ပေးပါတယ်။ အခုလို နေ့စားလပေးတွေအဖြစ် ခန့်ထားမယ်ဆိုတော့ ကျွန်မတို့အတွက်လည်း အဆင်ပြေတယ်။ နောက်ပြီး ကလေးတွေကိုလည်း အရင်ကထက် အချိန်ပေးပြီး စာသင်နိုင်တာပေါ့။ နေ့စားလပေးတွေအဖြစ် အရွေးမခံရတဲ့သူတွေကတော့ အရင်ကလို ချီးမြှင့်ငွေ ၃၀၀၀၀ ရရှိမှာပါ” ဟု အောင်လံမြို့နယ်၌ ချင်းစာပေသင်ကြားပေးနေသည့် ဆရာမတစ်ဦးက ဆိုသည်။

တိုင်းရင်းသား ဘာသာစကားဖြင့် သင်ကြားပေးနိုင်ရန် အခြေခံပညာ ကျောင်းများတွင် နေ့စားလပေး ဆရာ၊ ဆရာမ ၅၀၀၀ ကျော် ခန့်အပ်

၂၀၁၇-၂၀၁၈ ပညာသင်နှစ်၌ တိုင်းရင်းသားဘာသာ စကားဖြင့် သင်ကြားပေးနိုင်ရန် အခြေခံပညာ ကျောင်းများတွင် နေ့စားလပေး ဆရာ၊ ဆရာမ ၅၀၀၀ ကျော်အား ပညာရေး ၀န်ကြီးဌာနနှင့် တိုင်းရင်းသား လူမျိုးများရေးရာ ၀န်ကြီးဌာနတို့ ပူးပေါင်း၍ ခန့်အပ်ခဲ့ကြောင်း သိရသည်။

အခြေခံပညာ ကျောင်းများတွင် တိုင်းရင်းသား ကလေးငယ်များ သင်ကြားသင်ယူမှု အဆင်ပြေစေရေးနှင့် သင်ယူတတ်မြောက်မှု အရည်အသွေး မြင့်မားလာစေရေးတို့အတွက် တိုင်းရင်းသားဘာသာစကားဖြင့် လိုအပ်သည်များကို ကူညီရှင်းပြ သင်ကြားပေးရန် နေ့စားလပေး ၅၁၆၁ ဦးကို တာဝန်ပေးအပ်ခဲ့ကြောင်း သိရသည်။

“နေ့စားလပေး ခန့်အပ်တဲ့ ငါးထောင်ကျော်ထဲမှာ ဘွဲ့ရ၊ ဘွဲ့ကြို၊ ဒသမတန်း၊ န၀မ တန်းတွေပါ, ပါတယ်။ အဲဒီအထဲမှာမှ ဘွဲ့ရ ၇၅၀ ဦးပါပါတယ်။ ဘွဲ့ရတွေကိုတော့ ဆရာအတတ်ပညာ သင်တန်းကို ဆက်လက် တက်ရောက်စေပြီးတော့ မူလတန်းပြ ဆရာ၊ ဆရာမတွေအဖြစ် ခန့်အပ်တာဝန်ပေးမှာ ဖြစ်ပါတယ်” ဟု ပညာရေး ၀န်ကြီးဌာနမှ တာဝန်ရှိသူ တစ်ဦးက ပြောကြားသည်။

တိုင်းရင်းသားဒေသ အတွင်းရှိ အစိုးရ စာသင်ကျောင်းများတွင် တိုင်းရင်းသား ကလေးငယ်များ ပညာသင်ယူခွင့် အခွင့်အလမ်း ပိုမိုရရှိစေရန်နှင့် သင်ယူတတ်မြောက်မှု အရည်အသွေး မြင့်မားစေရန်အတွက် လက်ရှိ တိုင်းရင်းသားစာပေ သင်ကြားနေသည့် ဆရာ၊ ဆရာမများကို ပညာရေး ၀န်ကြီးဌာန၏ နေ့စားလပေး ၀န်ထမ်းများအဖြစ် ခန့်အပ်နိုင်ရေးအတွက် စီစဉ်ဆောင်ရွက်ခဲ့ခြင်းဖြစ်သည်။

“အခြေခံပညာကျောင်းတွေမှာ အခုလိုမျိုး ခန့်အပ်လိုက်တဲ့အတွက် တိုင်းရင်းသား ကလေးငယ်တွေရဲ့ သင်ကြားသင်ယူမှုတွေ အတွက် အရမ်းအဆင်ပြေသွားမှာ ဖြစ်ပါတယ်။ သင့်လျော်ပြီး ဖြစ်သင့်တဲ့ကိစ္စပါ။ တိုင်းရင်းသားဒေသမှာ မူလတန်းကလေးတွေကို သူတို့ဘာသာစကားနဲ့ သင်ခွင့်ရတော့ သင်ကြားသင်ယူမှု ပိုမိုထိရောက် အောင်မြင်တာပေါ့။ တချို့အရာတွေက သူတို့ဘာသာစကားနဲ့ မဟုတ်ရင် နားလည်အောင်ရှင်းပြဖို့ ခက်တာတွေ ရှိတတ်ပါတယ်။ အဲဒီလိုတွေအတွက် အဆင်ပြေ ထိရောက်သွားတာပေါ့” ဟု စစ်ကိုင်းတိုင်းဒေသကြီး၊ ကလေးမြို့နယ်၊ နတ်ချောင်းအခြေခံပညာ အထက်တန်းကျောင်းမှ ဆရာဦးတင့်ထွန်းနိုင်က ပြောကြားသည်။

တိုင်းဒေသကြီးနှင့် ပြည်နယ်အလိုက်  ၂၀၁၇-၂၀၁၈ ပညာသင်နှစ်၌ နေ့စားလပေး ဆရာ၊ ဆရာမများ ခန့်အပ်ရာတွင် ကချင်ပြည်နယ်၌ ၁၈၁ ဦး၊ ကယားပြည်နယ်၌ ၅၈ ဦး၊ ကရင်ပြည်နယ်၌ ၅၄၅ ဦး၊ ချင်းပြည်နယ်၌ ၄၉၉ ဦး၊ စစ်ကိုင်းတိုင်း ဒေသကြီး၌ ၂၀၄ ဦး၊ တနင်္သာရီတိုင်း ဒေသကြီး၌ ၁၄၈ ဦး၊ ပဲခူးတိုင်းဒေသကြီး၌ ၃၆၈ ဦး၊ မကွေးတိုင်းဒေသကြီး၌ ၃၃၄ ဦး၊မန္တလေးတိုင်း ဒေသကြီး၌ ၈၄ ဦး၊ မွန်ပြည်နယ်၌ ၄၆၃ ဦး၊ ရခိုင်ပြည်နယ်၌ ၁၅၀ ဦး၊ ရန်ကုန်တိုင်း ဒေသကြီး၌ ၁၇၈ ဦး၊ ရှမ်းပြည်နယ်၌ ၆၇၅ ဦး၊ ဧရာဝတီတိုင်း ဒေသကြီး၌ ၁၂၆၇ ဦးနှင့် နေပြည်တော်၌ ခုနစ်ဦး တို့ဖြစ်ကြောင်း သိရသည်။ အဆိုပါ နေ့စားလပေးအဖြစ် ခန့်အပ်သူများအနက် ဘွဲ့ရရှိသူများကို ဆရာအတတ်ပညာ သင်တန်းများသို့ တက်ရောက် သင်ကြားခွင့် ပြုမည်ဖြစ်ပြီး မူလတန်းပြ ဆရာ၊ ဆရာမများအဖြစ် ခန့်အပ်သွားမည်ဖြစ်ကြောင်း သိရသည်။

 

ဆရာ၊ ဆရာမများ ပြည်ပနိုင်ငံများသို့ သွားလာရာတွင် By Name ဖြင့် ဖိတ်ကြားချက်များအား ပညာရေးဝန်ကြီးဌာနက ခွင့်ပြုတော့မည် မဟုတ်ကြောင်း ထုတ်ပြန်ချက်မှာ ဗဟိုချုပ်ကိုင်သော ပညာရေးစီမံခန့်ခွဲမှုကို ဦးတည်နေကြောင်းနှင့် အာဏာရှင်ဆန်ဆန် ပိတ်ပင်သော လုပ်ရပ်ဖြစ်၍ ပယ်ဖျက်ပေးရန် ထုတ်ပြန်

ပညာရေးကဏ္ဍရှိ ဆရာ၊ ဆရာမများ ပြည်ပနိုင်ငံများသို့ သွားလာရာတွင် By Name (အမည်တပ်ဖိတ်ကြားမှု) ဖြင့် ဖိတ်ကြားချက်များကို ပညာရေးဝန်ကြီးဌာနက ခွင့်ပြုတော့မည် မဟုတ်ကြောင်း ထုတ်ပြန်ချက်မှာ ဗဟိုချုပ်ကိုင်သော ပညာရေးစီမံခန့် ခွဲမှုကို ဦးတည်နေကြောင်းနှင့် အာဏာရှင်ဆန်ဆန် ပိတ်ပင်သော လုပ်ရပ်ဖြစ်ကြောင်းင့် အဆိုပါထုတ်ပြန်ချက်ကို ပယ်ဖျက်ပေးရန် မြန်မာနိုင်ငံလုံးဆိုင်ရာ ဆရာ၊ ဆရာမများ အဖွဲ့ချုပ်နှင့် အခြေခံပညာပညာရေး လုပ်သားများသမဂ္ဂဖြစ်မြောက်ရေးကော်မတီ တို့က ထုတ်ပြန်ချက်နှစ်စောင်ကို ဒီဇင်ဘာ ၂၂ ရက်တွင် ထုတ်ပြန်ခဲ့သည်။

၂၀၁၇ ခုနှစ် ဒီဇင်ဘာ ၂၀ ရက်က အဆင့်မြင့်ပညာဦးစီးဌာနက ကြေညာချက် တစ်စောင် ထုတ်ပြန်ခဲ့ပြီး ယင်းထုတ်ပြန်ချက်တွင် ၀န်ကြီးရုံး၏ ညွှန်ကြားချက်ကို ပြန်လည်ရည်ညွှန်းလျက် တက္ကသိုလ်၊ ဒီဂရီကောလိပ်၊ ကောလိပ်အသီးသီးမှ ဆရာ၊ ဆရာမများ၊ အရာထမ်း၊ အမှုထမ်းများ ပြည်ပနိုင်ငံများသို့ သွားလာရေးတွင် အမည်တပ်ဖိတ်ကြားမှု By Name ဖြင့် ဖိတ်ကြားချက်များကို ၀န်ကြီးဌာနက ခွင့်ပြုတော့မည် မဟုတ်ဟု ကန့်သတ်ပိတ်ပင်ထားကြောင်း၊ ယင်းကန့်သတ်ချက်များကို လက်မခံနိုင်ကြောင်းနှင့် ယခုထုတ်ပြန်ချက်သည် ဗဟိုချုပ်ကိုင်သော ပညာရေးစီမံခန့်ခွဲမှုကို ဦးတည်နေကြောင်း တွေ့ရှိရပြီး အမျိုးသားပညာရေးဥပဒေတွင် အာမခံထားသည့် ဗဟိုချုပ်ကိုင်မှုလျှော့ချရေးသို့ သွားရောက်မည်ဟူသော လမ်းစဉ်များနှင့် လည်းကောင်း၊ စနစ်သစ် ပညာရေးတွင် ကျင့်သုံးရမည့် တက္ကသိုလ်၊ ဒီဂရီကောလိပ်၊ ကောလိပ်များ၏ ကိုယ်ပိုင်အုပ်ချုပ်ခွင့်နှင့် လွတ်လပ်စွာ စီမံခန့်ခွဲခွင့်များနှင့်လည်းကောင်း လုံးဝ သွေဖည်ဆန့်ကျင်လျက်ရှိပြီး ခေတ်နောက်ပြန်ဆွဲနေသည့် မူဝါဒတစ်ရပ်ဖြစ်နေကြောင်း အထူးစိတ်မကောင်းဖွယ် တွေ့ရှိရသည်ဟု မြန်မာနိုင်ငံလုံးဆိုင်ရာဆရာ၊ ဆရာမများအဖွဲ့ချုပ်က ထုတ်ပြန်သည်။ ထို့ပြင် နိုင်ငံတော်ဖွဲ့စည်းပုံ အခြေခံဥပဒေ ပုဒ်မ ၃၄၈ ပါ နိုင်ငံသားများကို “ရာထူးဌာနန္တရ၊ အဆင့်အတန်းအရ ခွဲခြားမှု မရှိစေရ”ဟူသော အချက်ကို သွေဖည်လျက် နိုင်ငံဝန်ထမ်းများဖြစ်သော ပညာရေးဝန်ထမ်းများကို အထူးကန့်သတ် ပိတ်ပင်မှုပြုခြင်းသည် ဖွဲ့စည်းပုံအခြေခံဥပဒေကို ချိုးဖောက်ရာ ရောက်နေသည်ဟု သုံးသပ်သည်။ အထူးသဖြင့် အဆင့်မြင့်ပညာဦးစီးဌာနမှ ထုတ်ပြန်သော ကြေညာချက်သည် နိုင်ငံတော်ဖွဲ့စည်းပုံအခြေခံဥပဒေပုဒ်မ ၃၄၉ (က)၊ (င) နှင့် (စ) အရ နိုင်ငံသားတိုင်း တူညီသော အခွင့်အလမ်း ရရှိစေရမည်ဆိုသည့် အချက်များနှင့်လည်း ကိုက်ညီမှုမရှိကြောင်း တွေ့ရကြောင်းနှင့် အမည်တပ်ဖိတ်ကြားမှုကို ကန့်သတ်ရသည့် အကြောင်းပြချက်ကိုလည်း အဆိုပါထုတ်ပြန်ချက်တွင် ရှင်းလင်းထားခြင်း မရှိသည့်အတွက် ပြုပြင်ပြောင်းလဲရေး လုပ်ငန်းစဉ်များ ပွင့်လင်းမြင်သာမှု ရှိရေးဆိုသောအချက်ကို မျက်ကွယ်ပြုရာ ရောက်နေကြောင်း ထုတ်ပြန်သည်။ ထို့ကြောင့် အဆိုပါ ထုတ်ပြန်ချက်ကို ပြင်းထန်စွာ ကန့်ကွက်ကြောင်းနှင့် ယင်းအဆင့်မြင့်ပညာဦးစီးဌာန၏ ကြေညာချက်ကို ပညာရေးဝန်ကြီးဌာနအနေဖြင့် အမိန့်စာတစ်ရပ် ထပ်မံထုတ်ပြန်၍ လွှမ်းမိုးပယ်ဖျက်ပေးရန် အလေးအနက်ထုတ်ပြန် ကြေညာလိုက်သည်ဟု မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ်၏ ထုတ်ပြန်ချက်က ဆိုသည်။

ထို့အတူ အခြေခံပညာရေး လုပ်သားများသမဂ္ဂ ဖြစ်မြောက်ရေးကော်မတီ၏ ထုတ်ပြန်ချက်တွင်လည်း အဆိုပါလုပ်ရပ်မှာ နိုင်ငံ၏ ပညာရေးအဆင့်အတန်း မြင့်မားရေးအတွက် အရေးပါသော ကဏ္ဍတစ်ရပ်ဖြစ်သည့် ပညာရေးလွတ်လပ်မှုကို အာဏာရှင်ဆန်ဆန် ပိတ်ပင်သည့်သဘော သက်ရောက်ရုံမက နိုင်ငံတကာရှိ ပညာရေးအဖွဲ့အစည်းများနှင့် လွတ်လပ်စွာတွေ့ဆုံနှီးနှော ဖလှယ်ခွင့်စံနှုန်းများကို ချိုးဖောက်ရာရောက်သည်ဟု ယုံကြည်ကြောင်းနှင့် ၀န်ကြီးဌာနတစ်ခု၊ ဦးစီးဌာနတစ်ခု၏ ဗဟိုချုပ်ကိုင်မှုသည် ဒီမိုကရေစီ စံနှုန်းများနှင့် သွေဖည်ရုံသာမက ဖွဲ့စည်းပုံ အခြေခံဥပဒေနိုင်ငံသား အခွင့်အရေးကဏ္ဍပါ ပုဒ်မ ၃၄၈ နှင့် ၃၄၉ (က)(င)(စ) ပြဋ္ဌာန်းချက်များကို ချိုးဖောက်ရာရောက်သည်ဟု ယူဆကြောင်းနှင့် အဆိုပါထုတ်ပြန်ချက်ကို ပြင်းထန်စွာ ကန့်ကွက်ပြီး ယင်းကြေညာချက်ကို ခြွင်းချက်မရှိ ပြန်လည်ပယ်ဖျက်ပေးရန် အလေးအနက် တောင်းဆိုလိုက်ကြောင်း ထုတ်ပြန်ချက်တွင် ဖော်ပြထားသည်။

တစ်နှစ်ကြိုတင်၍ ဘဏ္ဍာငွေလျာထားရခြင်းဖြစ်သည့်အတွက် နေ့စားလပေး ဆရာ၊ ဆရာမများကို ဆရာဖြစ်သင်တန်းပေးပြီး Permanent အဖြစ် တစ်ပါတည်း မခန့်အပ်နိုင်ခြင်းဖြစ်ကြောင်း ဒုတိယ၀န်ကြီး ပြောကြား

အခြေခံပညာကျောင်းတစ်ကျောင်းတွင် တာဝန်ထမ်းဆောင်နေသည့် ဆရာမများကို တွေ့ရစဉ် (ဓာတ်ပုံ-ကြည်နိုင်)

 

တစ်နှစ်ကြိုတင်၍ ဘဏ္ဍာငွေလျာထား ရခြင်းဖြစ်သည့်အတွက် အခြေခံပညာဦးစီးဌာနမှ နေ့စားလပေး ဆရာ၊ ဆရာမများကို ဆရာဖြစ်သင်တန်းပေးပြီး Permanent အဖြစ် တစ်ပါတည်း မခန့်အပ်နိုင်ခြင်းဖြစ်ကြောင်း ပညာရေးဝန်ကြီးဌာန ဒုတိယ၀န်ကြီး ဦးဝင်းမော်ထွန်းက ပြောကြားသည်။

နေပြည်တော်ရှိ အမျိုးသားလွှတ်တော်၌ နိုဝင်ဘာ ၂၀ ရက်က ပြုလုပ်သည့် ဒုတိယအကြိမ် အမျိုးသားလွှတ်တော် ဆဋ္ဌမပုံမှန်အစည်းအဝေး (၁၄) ရက်မြောက်နေ့ အစီအစဉ်တွင် ချင်းပြည်နယ် မဲဆန္ဒနယ်အမှတ် (၈) မှ အမျိုးသားလွှတ်တော်ကိုယ်စားလှယ် ဦးမာန်လောမောင်း၏ အခြေခံပညာဦးစီးဌာနမှ နေ့စားလပေး ဆရာ၊ ဆရာမများကို ဆရာဖြစ်သင်တန်းပေးပြီး တစ်ပါတည်း အတည်ခန့် Permanent ပေးရန်အစီအစဉ် ရှိ မရှိနှင့် စပ်လျဉ်းသည့်မေးခွန်းကို ပညာရေးဝန်ကြီးဌာန ဒုတိယ၀န်ကြီး ဦးဝင်းမော်ထွန်းက ဖြေကြားရာတွင် ယင်းကဲ့သို့ ထည့်သွင်း ပြောကြားခဲ့ခြင်းဖြစ်သည်။

“ကိုယ်စားလှယ်တော်ကြီး တင်ပြထားတဲ့အထဲမှာပါတဲ့ ဖေဖော်ဝါရီလမှာ လျှောက်လွှာများခေါ်ယူပြီး မတ်လမှာ စစ်ဆေးကာ ဧပြီလလယ်ကနေ မေလလယ်ထိ ဆရာဖြစ်သင်တန်းပေးပြီး ဇွန်လကျောင်းဖွင့်ရက်အမီ ခန့်ထားနိုင်ဖို့ကိစ္စကတော့ နေ့စားလပေး (မူလတန်းပြ) ဆရာ၊ ဆရာမအဖြစ် ခေါ်ယူ ခန့်ထားနိုင်ဖို့အတွက် လိုအပ်တဲ့ဘဏ္ဍာငွေတွေကို ကြိုတင်လျာထားရပါတယ်။ လိုအပ်တဲ့ ဘဏ္ဍာငွေကို လျာထားတဲ့ နေရာမှာလည်း တစ်နှစ်ကြိုတင်ပြီး လျာထားရတာဖြစ်တဲ့အတွက် ချက်ချင်းရ အတည်ခန့် Permanent အဖြစ် ခန့်ထားရန် မဆောင်ရွက်နိုင်ဘဲ နေ့ စားလပေးအဖြစ် ဦးစွာဆောင်ရွက်ပြီးမှ ဘဏ္ဍာငွေခွင့်ပြုချက်ရမှ ဆက်လက်ခန့်ထားနိုင်မှာပါ” ဟု ဒုတိယ၀န်ကြီး ဦးဝင်းမော်ထွန်းက ပြောကြားသည်။

ပညာရေးဝန်ကြီးဌာနအနေဖြင့် အခြေခံ ပညာကျောင်းများတွင် လိုအပ်သည့် ဆရာ၊ ဆရာမများကို ပညာရေးတက္ကသိုလ်များမှ B.Ed ဘွဲ့ရ၊ ပညာရေးကောလိပ်မှ လုပ်ငန်းခွင်ကြို ဆရာအတတ်ပညာ ဒီပလိုမာသင်တန်းနှင့် လုပ်ငန်းခွင်ကြို မူလတန်း ဆရာ အတတ်ပညာသင်တန်း သင်တန်းဆင်းများကို နှစ်စဉ်ဖြည့်ဆည်း ဆောင်ရွက်ပေးလျက်ရှိပြီး ထိုသို့ဆောင်ရွက်ပေးခြင်းဖြင့် ထပ်မံလိုအပ်သည့် ဆရာ၊ ဆရာမများကို နေ့စားလပေး (မူလတန်းပြ) များအဖြစ် သတ်မှတ်မှုများနှင့်အညီ ခေါ်ယူကြောင်း ဒုတိယ၀န်ကြီးက ပြောကြားသည်။

ထိုသို့ခေါ်ယူပြီး တိုင်းဒေသကြီး၊ ပြည်နယ် အစိုးရအဖွဲ့၏ အစီအစဉ်ဖြင့် ရွေးချယ်ခန့်ထားကာ နွေရာသီကျောင်းပိတ်ရက်တွင် မြို့နယ်အခြေပြု မူလတန်းဆရာအတတ်သင်တန်းအဖြစ် ရက် ၃၀ ပေး၍ မူလတန်းပြအဖြစ် သြဂုတ် ၁ ရက်မှ စတင်အတည်ပြုခန့်ထားပြီး မြို့နယ်အခြေပြု မူလတန်းဆရာအတတ် သင်တန်းတက်ရောက်ပြီးသူများကို မူလတန်း ဆရာအတတ် စာပေးစာယူ သင်တန်း တစ်နှစ် ထပ်မံတက်ရောက်စေပြီး မူလတန်းဆရာ အတတ်လက်မှတ်ပေးအပ်ကြောင်း ပညာရေးဝန်ကြီးဌာန ဒုတိယ၀န်ကြီး ဦးဝင်းမော်ထွန်းက ရှင်းလင်းပြောကြားသည်။

ကျောင်းသား ကျောင်းသူများအား သွန်သင်ဆုံးမရာတွင် ကာယိနြေ္ဒပျက်ပြားစေမည့် အပြုအမူများ မပြုလုပ်ကြရန်နှင့် ကျောင်းသားကျောင်းသူများ အနေဖြင့်လည်း ယဉ်ကျေးမှုနှင့် ဆီလျော်ခြင်း မရှိသည့် အပြုအမူများ မပြုလုပ်ကြရန် ညွှန်ကြားချက် ထုတ်ပြန်

ကျောင်းသားကျောင်းသူများအား သွန်သင်ဆုံးမရာတွင် ကာယိနြေ္ဒပျက်ပြားစေမည့်  အပြုအမူများ မပြုလုပ်ရန်နှင့် ကျောင်းသား ကျောင်းသူများ အနေဖြင့်လည်း ယဉ်ကျေးမှုနှင့် ဆီလျော်ခြင်းမရှိသည့် အပြုအမူများ မပြုလုပ်ကြရန် ပညာရေး ၀န်ကြီးဌာန၊ အခြေခံပညာ ဦးစီးဌာနက ညွှန်ကြားချက် ထုတ်ပြန်ခဲ့ကြောင်း သိရသည်။

အဆိုပါ ညွှန်ကြားချက်အား အခြေခံပညာဦးစီးဌာနအောက်ရှိ တိုင်းဒေသကြီး/ပြည်နယ် ပညာရေးမှူး ရုံးများမှတစ်ဆင့် သက်ဆိုင်ရာ ခရိုင်ပညာရေးမှူးရုံး၊ မြို့နယ်ပညာရေးမှူးရုံးများနှင့် အခြေခံပညာ ကျောင်းများသို့ ထပ်ဆင့်ညွှန်ကြားပြီး တိကျစွာ လိုက်နာဆောင်ရွက်ကြရန် အသိပေး ကြေညာထားကြောင်း သိရသည်။

ယင်းညွှန်ကြားချက် အပြည့်အစုံတွင် ကျောင်းသား ကျောင်းသူများအား သွန်သင်ဆုံးမရာတွင် ကာယိနြေ္ဒ ပျက်ပြားစေမည့် အပြုအမူများ မပြုလုပ်ရန်၊ မည်သည့် တုတ်ဖြင့်လည်းကောင်း၊ လက်ဖြင့်လည်းကောင်း၊ အခြားတစ်စုံတစ်ခုဖြင့် လည်းကောင်း ရိုက်နှက်ခြင်း မပြုလုပ်ရန်၊ ကျောင်းသား ကျောင်းသူများ ယဉ်ကျေးမှုနှင့် ဆီလျော်ခြင်း မရှိသည့် ၀တ်စားဆင်ယင်မှုများဖြင့် ကခုန်ခြင်း၊ သီဆိုဖျော်ဖြေခြင်း၊ တေးသရုပ်ဖော် တင်ဆက်ခြင်း၊ အလှပြလမ်းလျှောက်ခြင်းများ မပြုလုပ်ရန်၊ ခရိုင်ပညာရေးမှူးရုံး၊ မြို့နယ်ပညာရေးမှူးရုံးများနှင့် အခြေခံပညာကျောင်းများမှ အဆိုပါ ညွှန်ကြားချက်အား တိကျစွာ လိုက်နာဆောင်ရွက်ကြရန် ဖော်ပြပါရှိထားသည်။

“မြန်မာ့လူ့အသိုင်းအ၀ိုင်းမှာ အရင်တုန်းကတော့ ရိုက်တာကို မိဘဘက်ကလည်း လက်ခံတာရှိသလို ဆရာ၊ ဆရာမတွေကလည်း ဒီလိုမျိုး စေတနာကို အကြောင်းပြုပြီး ရိုက်နှက်ဆုံးမတာမျိုးတွေ ရှိပါတယ်။ အခုနောက်ပိုင်းမှာတော့ ရိုက်နှက်ဆုံးမတာနဲ့ ပတ်သက်ပြီး အယူအဆတွေ ပြောင်းလာတယ်။ ရိုက်နှက်ဆုံးမတာကို လက်မခံတဲ့ အယူအဆတွေ ဖြစ်လာကြတယ်။ ဆရာတို့ကိုယ်တိုင် ဆရာတွေ ဖြစ်ပေမယ့်လည်း ကလေးတွေကို ရိုက်နှက်ဆုံးမတာကို လက်မခံချင်ပါဘူး။ အခြားနည်းနဲ့ပဲ စည်းရုံးသိမ်းသွင်း ဆုံးမဖို့ လိုပါတယ်။ သို့ပေမဲ့ ပြဿနာတစ်ခုက ကျောင်းတွေမှာ ဆရာနဲ့ ကျောင်းသားအချိုးက မမျှဘူး။ အဲဒီအတွက် ဆရာ၊ ဆရာမတွေ အနေနဲ့ကလည်း မတစ်ထောင်သားတွေကို ထိန်းရတဲ့အတွက် အရမ်းပင်ပန်း ကြရပါတယ်။ အဲဒီလိုမျိုးမှာ မလွှဲသာ မရှောင်သာတဲ့ အခြေအနေမျိုးမှာ တုတ်ပြရတာမျိုးတွေ ရှိပါတယ်။ အချို့ကျောင်းသားတွေကလည်း တုတ်ပြမှထိန်းလို့ရတဲ့ အနေအထားမျိုး ရှိတယ်လို့ လုပ်ငန်းခွင်ထဲက ဆရာ၊ ဆရာမတွေက မြင်နေကြတာမျိုးလည်း ရှိပါတယ်။ အရသာခံရိုက်တာ မဟုတ်ဘူး။ ကလေးကို ဆုံးမချင်တဲ့ သဘောနဲ့ လုပ်ဆောင်ရတာမျိုးလည်း ရှိပါတယ်။ ဆိုလိုချင်တာက ဆရာ၊ ဆရာမတွေက ကျောင်းသား ဆရာ အချိုးမညီတဲ့အတွက် မနိုင်မနင်းထိန်းနေရတဲ့ အနေအထားမျိုးတွေ၊ နောက်တစ်ချက်က စာမေးပွဲ စနစ်ကြောင့်လည်း ပါပါတယ်။ KG နဲ့ Grade 1 မှာတော့ ပြုပြင်ပြောင်းလဲမှုစလိုက်ပြီ။ စာမေးပွဲစနစ်က အဓိက မဟုတ်တော့ဘူး။ ကျန်တဲ့အတန်းတွေမှာတော့ စာမေးပွဲစနစ်က ကျန်နေသေးတယ်။ စာမေးပွဲ အောင်စေချင်တဲ့ အတွက် ဆရာ၊ ဆရာမတွေကလည်း တပည့်တွေကို စာကျက်ဖို့ ဖိအားပေးတယ်။ ဖိအားပေးတဲ့အခါ ပါးစပ်နဲ့ ပြောမရတဲ့ ကလေးတွေကို ရိုက်နှက်ဆုံးမပြီး ဖိအားပေးတယ်။ စာရဖို့ရာ အကြောင်းပြုပြီးတော့ တုတ်ကိုကိုင်ပြီး ဖိအားပေးကြရတဲ့ အနေအထားမျိုးတွေ ရှိပါတယ်။ ကာယိနြေ္ဒ ပျက်ပြားအောင်တော့ ဘယ်ကိစ္စကိုမှ မပြုမူ သင့်ပါဘူး။ ဆရာတွေအနေနဲ့ ကျောင်းသားတွေကို မည်သည့်အကြောင်းပြချက်နဲ့မဆို အပြစ်ပေးချင်တယ် ဆိုရင်လည်း အပြစ်နဲ့လျော်ညီတဲ့ အပြစ်ပေးတာမျိုးပဲ ဖြစ်စေချင်ပါတယ်။ ရိုက်နှက်ဆုံးမ အပြစ်ပေးတာကို အတတ်နိုင်ဆုံး ရှောင်ကြဉ်ပြီး စည်းရုံးဆွဲဆောင် သိမ်းသွင်းပြီး လိုသလို ပုံသွင်းတာမျိုးပဲ ဖြစ်စေချင်ပါတယ်” ဟု ကျောက်ဆည် တက္ကသိုလ်၊ ရူပဗေဒဌာန၊ ကထိက ဒေါက်တာဇော်မျိုးလှိုင်က အဆိုပါကိစ္စရပ်နှင့် စပ်လျဉ်း၍ သုံးသပ်ပြောကြားသည်။

မကြာသေးမီ ကာလကလည်း ကျောင်းသားကျောင်းသူ အချို့အား အပြစ်ပေးဆုံးမခြင်းနှင့် ကျောင်းသား ကျောင်းသူအချို့ ယဉ်ကျေးမှုနှင့် ဆီလျော်မှုမရှိသည့် သရုပ်ဖော်တင်ဆက်ခြင်း စသည့်ဖြစ်စဉ်များမှာ လူမှုကွန်ရက် စာမျက်နှာပေါ်တွင် ပျံ့နှံ့ခဲ့ပြီး ဝေဖန်မှုများစွာ ရှိခဲ့သည်။