တရုတ်နှစ်သစ်ကူးပွဲတော် အပြီးတွင် ဧရာဝတီတိုင်းအတွင်း ဆန်ဈေးနှုန်းများ ဆက်တိုက်မြင့်တက်လာခဲ့ပြီး ဆန်တစ်အိတ်လျှင် ကျပ် ၃၀၀၀ မှ ၅၀၀၀ ခန့်အထိ ဈေးနှုန်းမြင့်တက်ကာ အခြေခံလူတန်းစားများ အနေဖြင့် စားဝတ်နေရေး ကျပ်တည်းလာ

တရုတ်နှစ်သစ်ကူးပွဲတော် အပြီးတွင် ဧရာဝတီတိုင်းဒေသကြီး အတွင်း၌ ဆန်ဈေးနှုန်းများ ဆက်တိုက်မြင့်တက် လာခဲ့ပြီး မနောသုခကဲ့သို့သော ဆန်ကြမ်းအသစ် တစ်အိတ်လျှင် ကျပ် ၃၀၀၀ ခန့် ပေါ်ဆန်းကဲ့သို့သော ဆန်ချောအသစ် တစ်အိတ်လျှင် ကျပ် ၅၀၀၀ ခန့်အထိ ဈေးနှုန်းများ မြင့်တက်လာခဲ့ပြီး အခြေခံလူတန်းစားများ အနေဖြင့် ဆန်ဈေးကြီးမြင့်မှုနှင့် ရင်ဆိုင်လာရကာ စားဝတ်နေရေး ကျပ်တည်းမှုများ ဖြစ်ပေါ်လာခဲ့ကြောင်း သိရသည်။

ဧရာဝတီတိုင်း ဒေသကြီးအတွင်း အဓိကဆန်စပါးဈေးကွက် တစ်ခုဖြစ်သည့် မြောင်းမြ ဆန်စပါးဈေးကွက် အတွင်း တရုတ်နှစ်ကူးရက်များ မတိုင်မီ ဖေဖော်ဝါရီလဆန်းပိုင်း ရက်များက မနောသုခကဲ့သို့သော ဆန်အမျိုးအစားများမှာ ၁၀၅ ပေါင်ပါဆန်သစ်တစ် အိတ်လျှင် ကျပ် ၂၂၀၀၀ ခန့်သာရှိရာမှ ကျပ် ၂၅၀၀၀ ခန့်အထိ ဈေးနှုန်းများ မြင့်တက်လာခဲ့ကြောင်း၊ မနောသုခကဲ့သို့ စပါးအမျိုးအစားများမှာ တင်း ၁၀၀ လျှင် ကျပ် ၅၈၀၀၀၀ ၀န်းကျင်မှ ကျပ် ၆၄၀၀၀၀ ၀န်းကျင်အထိ ဈေး နှုန်းရောက်ရှိလာကြောင်း၊ ပြည်တွင်းစားသုံး သူများပြားသည့် ပေါ်ဆန်းဆန်ကဲ့သို့သော ဆန်အချောများမှာ ၁၀၈ ပေါင်ပါ ဆန်သစ် တစ်အိတ်လျှင် ကျပ် ၃၅၀၀၀ ၀န်းကျင်မှ ကျပ် ၄၀၀၀၀ ၀န်းကျင်အထိ ဈေးနှုန်းများ မြင့်တက်လာခဲ့ကြောင်း၊ ပေါ်ဆန်းကဲ့သို့ စပါး အမျိုးအစားများမှာ တင်း ၁၀၀ လျှင် ကျပ် ၈၉၀၀၀၀ ခန့်မှ ကျပ် ၉၅၀၀၀၀ ၀န်းကျင်အထိ ဈေးနှုန်းများ ရောက်ရှိလာကြောင်း၊ ဆန်ကွဲဈေးနှုန်းများမှာလည်း ၁၀၅ ပေါင်ပါ ဆန်ကွဲ တစ်အိတ်လျှင် ကျပ် ၁၇၀၀၀ ၀န်းကျင်အထိ ဈေးနှုန်းများ မြင့်တက်လျက်ရှိပြီး ဈေးကွက်အတွင်း စပါးအ၀င်များ မရှိသလောက် နည်းပါးနေခဲ့ကာ ကုန်ကြမ်းပစ္စည်း နည်းပါးနေခြင်းကြောင့် ဈေးနှုန်းများ ဆက်လက်မြင့်တက် လာမည်ဟု ခန့်မှန်းနေကြ လျက်ရှိကြောင်း ဆန်လုပ်ငန်းရှင်များထံမှ သိရသည်။

“ဒီရက်ထဲက တောက်လျှောက်ကို ဆန်ကတက်နေတာ။ အကြမ်းဆို တစ်အိတ်ကို ၃၀၀၀၊ ၄၀၀၀ တက်တယ်။ အချောဆို ၅၀၀၀ လောက်အထိတက်တယ်။ စပါးဈေးကလည်း လိုက်တက်တယ် ဆိုပေမယ့် စပါးအ၀င်က မရှိသလောက် ဖြစ်သွားပြီး တစ်နေ့ကို စက်လှေတစ်စင်းရဖို့တောင် မလွယ်တော့ဘူး။ တောင်သူတွေ လက်ထဲမှာလည်း စပါးက မရှိတော့ဘူး။ အကြီးသမားတွေ လက်ထဲပဲ ရှိတော့တယ်။ အရောင်းအ၀ယ်က ဒီရက်ထဲ ကောင်းနေတယ်။ မန္တလေး၊ မူဆယ်ဘက်က တောက်လျှောက်သွားနေကြတာ။ နှစ်ကူးပြီးတာနဲ့ တရုတ်က ပြန်ဆွဲမယ်ဆိုတော့ အဲဒီဘက်မှာ သွားပုံထားကြတာများတယ်။ ဈေးတက်က ပြန်ကျဖို့ ကျွန်တော်ကတော့ မမြင်ဘူး။ ဒီဘက်မှာက လက်ကျန်စပါး နည်းသွားပြီး အချို့ဆို နွေစပါးကိုတောင် ကြိုလိုက်ဝယ်နေကြတယ်။ ဒီနှစ်က စပါးက စောစောပြတ်မယ့် သဘောရှိတယ်” ဟု မြောင်းမြမြို့ရှိ ဆန်လုပ်ငန်းရှင် တစ်ဦးက ပြောကြားသည်။

ဆန်ဈေးနှုန်းများ ဆက်တိုက်မြင့်တက်လာမှုကြောင့် နေ့စဉ်ဆန်လက်လီ ၀ယ်ယူစားသောက်နေရသည့် အခြေခံလူတန်းစား ပြည်သူများအနေဖြင့် ကျပ်တည်းခက်ခဲမှုများကိုလည်း ရင်ဆိုင်လာရနေကြောင်း သိရသည်။

“ကျွန်တော်က ကယ်ရီဆွဲတော့ ဆွဲကောင်းတဲ့နေ့ရှိတယ်၊ ဆွဲမကောင်းတဲ့နေ့လည်း ရှိတယ်။ တစ်နေ့ကို ၁၅၀၀ လောက်မှန်းပြီးတော့ အိမ်အတွက်လုပ်ရတာ။ အခုကျတော့ ဆန်ဈေးက တစ်ပြည်ကို ၂၀၀၊ ၃၀၀ ကျော်လောက်မက တက်သွားတော့ နည်းနည်းဆိုပေမဲ့ မလွယ်ဘူး။ ဆန်ကွဲအသန့်တောင်မှ ၁၀၀၀ နီးပါး ဖြစ်ကုန်တယ်လို့ အိမ်ကပြောတာပဲ။ ဒီအတိုင်းဆို နောက်ရက်တွေမှာ တော်တော်ဆိုးမယ်။ ၀င်ငွေက တိုးမလာဘူး။ အထွက်က တိုးလာတယ်ဆိုတော့” ဟု မြောင်းမြမြို့တွင် ဆိုင်ကယ်ကယ်ရီ မောင်းနှင်နေသူ ကိုဘိုဘိုခိုင်က ပြောကြားသည်။

 

ဆန်ဈေးကွက်အတွင်း လက်ရှိ ကျပ်ဘီလျံနှင့် ချီသည့် လိမ်လည်မှုများ ဖြစ်ပေါ်နေသောကြောင့် ဆန်ဈေးကွက် ပျက်သွားနိုင်ဟုဆို

လက်ရှိအချိန်တွင် ဆန်ဈေးကွက်အတွင်း ဘီလျံနှင့်ချီ၍ လိမ်လည်မှုများ ဖြစ်ပေါ်နေသောကြောင့် ဆန်ဈေးကွက် ပျက်သွားနိုင်ကြောင်း ဇန်န၀ါရီ ၆ ရက်က ရန်ကုန်မြို့ရှိ ဘုရင့်နောင် ဆန်ကုန်စည်ဒိုင်တွင် ပြုလုပ်သော သတင်းစာရှင်းလင်းပွဲ၌ မြန်မာနိုင်ငံ ဆန်စပါးကုန်သည်များအသင်းဥက္ကဋ္ဌ ဦးအောင်သန်းဦးက ပြောကြားသည်။

“ပျက်တာပေါ့။ ကျွန်တော်တို့ ဒါ ဒီနေ့ အများပြောနေတဲ့ ဆန်တန်ချိန် နှစ်သန်းကျော် တင်ပို့တယ်။ ဒါပေမဲ့ ဆန်ဈေးကွက်မှာ တကယ် နှစ်သန်းကျော် တင်ပို့တဲ့အခါမှာ မိမိပြည်တွင်းမှာရှိတဲ့ ကုန်သည်တွေလည်း အကျိုးအမြတ် မရှိဘူး။ အောက်ခြေမှာ ရှိနေတဲ့ ဆန်စက်ပိုင်ရှင် ဆန်လုပ်ငန်းရှင်တွေလည်း အကျိုးအမြတ် သိပ်မရှိဘူး။ ဘယ်သူတွေက စားသွားတာလဲမေးရင် နိုင်ငံခြားမှာရှိတဲ့ ကုမ္ပဏီတွေကို ဆန်မရှိဘဲနဲ့ တက်ဈေးမျှော်ပြီးတော့ ဟိုလူတွေက ၀ယ်တာကို မင်းတို့ ဆန်ပေါ်တဲ့အချိန် ငါတို့ကိုရောင်း ၂၉၀ စာချုပ် ချုပ်လိုက်ကြ ၃၃၀၊ ၃၄၀ ဖြစ်တဲ့အချိန်ကျမှ မင်းတို့ ဆန်တင်တော့ တင်တော့ဆိုတာ ကျွန်တော်တို့လည်း မစားရဘူး။ ဘယ်သူတွေ စားသွားလဲ ဆိုတော့ ဒီလူတွေပဲ စားသွားတယ်။ အဲဒီအချိန်ကျတော့မှ ဆန်ကို အလုအယက် ၀ယ်တင်တဲ့အခါကျရင် လတ်တလော ပေါက်ဈေးနဲ့ ၀ယ်တင်တာရှိတယ်။ အရင်ဈေးနဲ့ ၀ယ်တင်တာရှိတယ်။ အဲဒီအချိန်မှာ ဘယ်သူမှ အကျိုးအမြတ် မရှိတော့ဘူး။ ဆန်မရှိတဲ့အခါ ရရာဈေးနဲ့ ၀ယ်ရတဲ့ အတွက်လည်း ဆန်ဈေးကွက်တွေ ပျက်သွားတာ” ဟု ဦးအောင်သန်းဦးက ပြောကြားသည်။

အဆိုပါ ငွေကြေးအရှုပ်အရှင်း ပြဿနာမှာ ဇန်န၀ါရီ ၅ ရက်ကတည်းက ဖြစ်ပေါ်ခဲ့ခြင်း ဖြစ်သည်။

မြန်မာနိုင်ငံ ဆန်ကုန်သည်များအသင်းအနေဖြင့် ၂၀၁၇ ခုနှစ် စက်တင်ဘာလကတည်းက ပစ္စည်းမှန်၊ ဈေးနှုန်းမှန်၊ အရောင်းအ၀ယ်မှန်၊ အရည်အသွေးမှန်စွာဖြင့် စနစ်တကျ ရောင်းဝယ်ကြရန် အကြိမ်ကြိမ် သတိပေးထားသော်လည်း ရောင်းသူဝယ်သူများက ပုံမှန်မဟုတ်သော အရောင်းအ၀ယ်ကို အကြိမ်ကြိမ် သတိပေးသည့်ကြားမှ လုပ်ကိုင်ကြ၍ ယခုကဲ့သို့ ဖြစ်စဉ်ဖြစ်ပေါ်လာခြင်း ဖြစ်ကြောင်း အထက်ပါ သတင်းစာရှင်းလင်းပွဲမှ သိရသည်။

၂၀၁၇-၂၀၁၈ ဘဏ္ဍာနှစ် လက်ရှိအချိန်အထိ ပြည်ပသို့ ဆန်တန်ချိန် နှစ်သန်းကျော် တင်ပို့ထားပြီး နှစ် ၅၀ အတွင်း ပထမဆုံး စံချိန်တင် တင်ပို့နိုင်ခဲ့ခြင်းဖြစ်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဒေါက်တာအောင်သူက ရန်ကုန်မြို့ရှိ ကုန်သည်စက်မှုအသင်းချုပ်၌ ဒီဇင်ဘာ ၁၅ ရက်က ကျင်းပသည့် မြန်မာနိုင်ငံ ဆန်စပါးအသင်းချုပ် ၂၀၁၇ ခုနှစ် နှစ်ပတ်လည် အထွေထွေအစည်းအဝေး အထွေထွေညီလာခံနှင့် ရွေးချယ်တင်မြှောက်ပွဲ အခမ်းအနားတွင် ပြောကြားခဲ့ခြင်း ဖြစ်သည်။

မြန်မာနိုင်ငံအနေဖြင့် ၂၀၁၇-၂၀၁၈ ဘဏ္ဍာနှစ် ဧပြီ ၁ ရက်မှ လက်ရှိအချိန်အထိ ပြည်ပသို့ ဆန်တင်ပို့မှုသည် နယ်စပ်ကုန်သွယ်ရေး လမ်းကြောင်းမှ ဆန်တန်ချိန် တစ်သန်း နှင့် ပင်လယ်ရေကြောင်းမှ ဆန်တန်ချိန် တစ်သန်းကျော် တင်ပို့ထားနိုင်ခဲ့ပြီး စုစုပေါင်း တန်ချိန် ၂ ဒသမ ၂ သန်းကျော် တင်ပို့ထားပြီး ဖြစ်ကြောင်း မြန်မာနိုင်ငံ ဆန်စပါးအသင်းချုပ်မှ သိရသည်။

မြန်မာနိုင်ငံ အနေဖြင့် ဗြိတိသျှကိုလိုနီခေတ် ၁၉၂၀ မှ ၁၉၄၁ ခုနှစ် ကာလများအတွင်း ပြည်ပသို့ ဆန်တန်ချိန် ၃ သိန်းအထိ အများဆုံး တင်ပို့နိုင်ခဲ့ကြောင်း၊ လွတ်လပ်ရေးခေတ် နှင့် လွတ်လပ်ရေးနှောင်းပိုင်းများ ကာလများအတွင်း ပြည်ပသို့ ဆန်တန်ချိန် အများဆုံးတင်ပို့မှု ၁၉၅၆၊ ၁၉၅၇၊ ၁၉၅၉ နှင့် ၁၉၆၀ ခုနှစ်များ တွင် ဆန်တန်ချိန် တစ်သန်း တင်ပို့ခဲ့ခြင်းသာရှိခဲ့ကြောင်း မြန်မာနိုင်ငံ ဆန်စပါးအသင်းချုပ်မှ သိရသည်။

မြန်မာ-တရုတ်နယ်စပ် လွယ်ဂျယ်နယ်စပ်ဂိတ်၌ မြန်မာဘက်မှ ဆန်တင်ပို့နေသည့်ကားများကို တရုတ်ဘက်က ဖမ်းဆီးမှုပြုလုပ်လျက်ရှိကြောင်း သိရ

ပြည်တွင်းပြည်ပဈေးကွက်သို့ ဖြန့်ချိရန် ဆန်များသိုလှောင်ဖြန့်ဖြူးနေမှုကို တွေ့ရစဉ်

မြန်မာ-တရုတ်နယ်စပ်ရှိ လွယ်ဂျယ်နယ်စပ်ဂိတ်၌ မြန်မာဘက်မှ တရုတ်ဘက်သို့ ဆန်တင်ပို့နေသည့် ကားများကို ဒီဇင်ဘာ ၃ ရက်ကစပြီး တရုတ်ဘက်မှ ဖမ်းဆီးနေကြောင်း ဆန်ကုန်သည်များထံမှ သိရသည်။

“လွယ်ဂျယ်မှာ မနေ့က ဆန်ကားတွေကို တရုတ်ဘက်က ဖမ်းနေတယ်။ ဆန်ကားအစီး ၃၀၊၄၀လောက် အဖမ်းခံလိုက်ရတယ်၊ အိတ်ရေနဲ့ဆိုရင် ၅၀၀၀နဲ့ ၁၀၀၀၀ ကြားတော့ ရှိမယ်” ဟု လွယ်ဂျယ်နယ်စပ်မှတစ်ဆင့် တရုတ်ဘက်သို့ ဆန်တင်ပို့နေသည့် ဆန်ကုန်သည်တစ်ဦးက ပြောကြားသည်။

လက်ရှိအချိန်တွင် ပြည်တွင်းဆန်ဈေးကွက်၌ ဆန်ဈေးအနည်းငယ်ကျဆင်းလာကြောင်း၊ သို့သော်လည်း ယခင်နှစ်ကာလတူ နှင့်နှိုင်းယှဉ်ပါက လက်ရှိကျဆင်းနေသည်ဆိုသည့် ဆန်ဈေးမှာ ယခင်နှစ်ဆန်ဈေးထက်ပင် မြင့်နေကြောင်း မန္တလေးမှ ဆန်ကုန်သည် ကိုစိုင်းကျော်က ပြောကြားသည်။

“ဆန်ဈေးကျတယ်ဆိုပေမယ့် ဒီအချက်လေးတွေ ရှိပါသေးတယ်။ ၁၂ လပိုင်း ၂၀၁၆ မန္တလေးဈေးက သုခ ၁၈၀၀၀ ၀န်းကျင်၊ ကရင်မ ၂၀၀၀၀ ၀န်းကျင်ရှိခဲ့တယ်၊ အခုပေါက်ဈေးပေါ့၊၂၀၁၇မှာ သုခ ၂၁၀၀၀ ၀န်းကျင်၊ ကရင်မ ၂၃၀၀၀ ၀န်းကျင်ရှိနေတယ်ဆိုတော့ မနှစ်ကထက်စာရင် အများကြီးပိုပါသေးတယ်” ဟု ကိုစိုင်းကျော်က ပြောကြားသည်။

“တောင်သူတွေ ပေါ်ဦးပေါ်စဈေးကောင်း ရသွားကြတယ်။ စက်ပိုင်တချို့ စပါးအမြင့်ဈေးနဲ့ လုပ်ရတာ ကျပ်သွားကြတယ်။ ကုန်သည်တချို့ဆို အနည်းငယ်ဈေးမြင့်နဲ့ မိသွားကြလို့ အရှုံးနဲနဲပေါ်သွားကြတယ်။ အရေးကြီးဆုံးအချက်က စပါးဈေး ဆန်ဈေးဟာ တရုတ်နယ်စပ် အရောင်းအ၀ယ်နဲ့ အများဆုံးအချိုးကျတယ်။ Normal သမားတွေက ပြည်ပကို တန်ချိန်ဘယ်လောက်များများ ရောင်းထားပါစေ ရောင်းထားကြသူတွေဟာ လူနည်းစုဆိုတော့ ဈေးကွက်ကို ကစားနိုင်ကြတယ်။ အားလုံးခြုံကြည့်မယ်ဆိုရင် မြန်မာ့ဆန်စပါးဈေး ကွက်ကောင်းမွန်စေဖို့ တရုတ် Border ကို အများဆုံး အားကိုးနေရတယ်ဆိုတာ ဘယ်သူမှ ငြင်းလို့မရပါဘူး” ဟု ၎င်းက သုံးသပ်ပြောကြားသည်။

၂၀၁၇-၂၀၁၈ဘဏ္ဍာနှစ် နိုဝင်ဘာလကုန်ပိုင်းအထိ ပြည်ပသို့ ဆန်နှင့်ဆန်ကွဲတန် ချိန်နှစ်သန်းကျော် တင်ပို့ထားပြီဖြစ်ကြောင်းနှင့် ဘဏ္ဍာနှစ်ကုန်ဆုံးရန် လေးလကျန်ရှိနေချိန်၌ပင် ယခုနှစ်လျာထားချက်ထက် ပိုမိုတင်ပို့ထားပြီဖြစ်ကြောင်း  မြန်မာနိုင်ငံ ဆန်စပါးအသင်းချုပ်မှ သိရသည်။

ယခင်နှစ်များက  မြန်မာ-တရုတ်နယ်စပ်ရှိ မူဆယ်နယ်စပ်ကုန်သွယ်ရေးစခန်းမှ တစ်ရက်လျှင် တန်ချိန်၂၀၀၀-၅၀၀၀ တန်ကြားသာ တင်ပို့နိုင်သော်လည်း ယခုနှစ်လက်ရှိ အချိန်တွင်နေ့စဉ်တန်ချိန် ၇၀၀၀မှ ၉၀၀၀ ကျော်အထိ တင်ပို့နိုင်ခဲ့ကြောင်း၊ အခြားနယ်စပ် ထွက်ပေါက်လေးပေါက်မှတင် ပို့မှုများပါ ထည့်သွင်းတွက်ချက်ပါက တစ်ရက်လျှင် ဆန်နှင့်ဆန်ကွဲတန်ချိန် တစ်သောင်း ကျော်တင်ပို့နေခြင်းဖြစ်ကြောင်း သိရသည်။

၂၀၁၇-၂၀၁၈ဘဏ္ဍာနှစ်တွင် ပြည်ပသို့ ဆန်တန်ချိန်နှစ်သန်းတင်ပို့ရန် ရည်မှန်းချက် ထားဆောင်ရွက်လျက်ရှိကြောင်း၊ မြန်မာနိုင်ငံ ဆန်စပါးအသင်းချုပ်မှ သိရသည်။

ယခုနှစ် လက်ရှိအချိန်အထိ ပြည်ပသို့ မြန်မာ့ဆန်တင်ပို့မှု အနေအထားကို လေ့လာကြည့်ပါက နိုင်ငံပေါင်း ၅၀ကျော်ကို တင်ပို့နေခြင်းဖြစ်ပြီး အများစုမှာ တရုတ်နိုင်ငံသို့လည်းကောင်း၊ ဒုတိယအများဆုံးအနေဖြင့် ဘင်္ဂလားဒေ့ရ်ှနိုင်ငံသို့ တင်ပို့ထားခြင်းဖြစ်ကြောင်း သိရသည်။

ပြည်တွင်းမှထွက်ရှိသည့်စပါးများ ကုန်ကြမ်းအတိုင်း နယ်စပ်မှတစ်ဆင့် ပြည်ပသို့ တရားမ၀င်တင်ပို့နေမှုကို ဥပဒေနှင့်အညီ အရေးယူဆောင်ရွက်ရန် စီစဉ်နေဟုဆို

လယ်ယာထွက်ကုန် သီးနှံများအား ပြည်တွင်း၌ လွတ်လပ်စွာရောင်းဝယ်ခွင့်ကို ခွင့်ပြုပေးထားသော်လည်း ပြည်တွင်းမှထွက်ရှိသည့် စပါးများကို ကုန်ကြမ်းအတိုင်း နယ်စပ်မှတစ်ဆင့် တရားမ၀င်တင်ပို့မှုကို တရားဥပဒေနှင့်အညီ ဆောင်ရွက်နိုင်ရန် စီစဉ်သွားမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

“လယ်ယာထွက်ကုန်သီးနှံများအား ပြည်တွင်းတွင် လွတ်လပ်စွာဝယ်ယူခြင်း၊ သယ်ယူခြင်း၊ သိုလှောင်ခြင်း၊ ကြိတ်ခွဲခြင်း၊ ဖြန့်ဖြူးရောင်းချခြင်းများကို ခွင့်ပြုပေးထားသော်လည်း ပြည်တွင်းမှစပါးများကို ၀ယ်ယူပြီး ကုန်ကြမ်းအတိုင်း နယ်စပ်မှတစ်ဆင့် တရားမ၀င် တင်ပို့မှုကိစ္စနှင့်ပတ်သက်၍ တားဆီးဆောင်ရွက်နိုင်မည့် နည်းလမ်းများကို ဥပဒေနှင့်အညီ ဆောင်ရွက်နိုင်ရန် တက်ရောက်လာကြသော ဌာနဆိုင်ရာများ၊ အသင်းအဖွဲ့များက ၀ိုင်းဝန်းဆွေးနွေးပေးကြရန်” ဟု စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယ၀န်ကြီး ဦးအောင်ထူးက ပြောကြားသည်။

ပြည်တွင်းလုပ်ငန်းငန်းရှင်များက စပါးများအား နယ်အသီးသီးမှဝယ်ယူပြီး နယ်စပ်ဒေသမှတစ်ဆင့် တရားမ၀င်တင်ပို့နေသည့် ကိစ္စနှင့်ပတ်သက်ပြီး ဆောင်ရွက်နိုင်ရန်အတွက် နေပြည်တော်တွင် စီးပွားရေးနှင့်ကူး သန်းရောင်းဝယ်ရေးဝန်ကြီးဌာန ဒုတိယ၀န်ကြီးက သက်ဆိုင်ရာတာဝန်ရှိသူများ၊ အသင်းအဖွဲ့များနှင့် တွေ့ဆုံဆွေးနွေးခဲ့ခြင်း ဖြစ်သည်။

ပြည်ပသို့ ဆန်တင်ပို့မှုအခြေအနေမှာလည်း တိုးတက်လာခဲ့ပြီး အထူးသဖြင့် ပင်လယ်ရေကြောင်းမှ တင်ပို့မှုမှာလည်း ပြီးခဲ့သည့် ဘဏ္ဍာနှစ်မှစ၍ ပိုမိုတိုးတက်လာခဲ့ကြောင်း၊ ထို့ပြင် ယခုနှစ်မိုးစပါးပေါ်ချိန် စပါးဈေးများ ကောင်းမွန်နေသည့်အတွက် စိုက်ပျိုးထုတ်လုပ်သူ တောင်သူများ တိုက်ရိုက်ခံစား ရမည်ဖြစ်သည့်အတွက် လက်ရှိအခြေအနေကောင်းများကို ဆက်လက်ထိန်းသိမ်းကာ ဆန်စပါးကဏ္ဍကို ပိုမိုဖွံ့ဖြိုးအောင် ဆောင်ရွက်ရန် ဒုတိယ၀န်ကြီး ဦးအောင်ထူးက ပြောကြားသည်။

၂၀၁၇-၂၀၁၈ ဘဏ္ဍာနှစ် နိုဝင်ဘာ ၁၀ ရက်အထိ ပြည်ပသို့ ဆန်တန်ချိန် ၁ ဒသမ ၉ သန်းကျော် တင်ပို့နိုင်ခဲ့ပြီး ပင်လယ်ရေကြောင်းမှ ဆန်တန်ချိန် တစ်သန်းခန့်နှင့် နယ်စပ်မှ တန်ချိန် ကိုးသိန်းကျော် တင်ပို့နိုင်ခဲ့ပါကြောင်း၊ ပြီးခဲ့သည့် ဘဏ္ဍာနှစ်မှစ၍ ပင်လယ်ရေကြောင်းမှတစ်ဆင့် ဆန်တင်ပို့မှု တိုးတက်လာကြောင်း သိရသည်။

ယခုနှစ် လက်ရှိအချိန်အထိ ပြည်ပသို့ မြန်မာ့ဆန်တင်ပို့မှုအနေအထားကို လေ့လာကြည့်ပါက နိုင်ငံပေါင်း ၅၀ ကျော်ကို တင်ပို့နေခြင်းဖြစ်ပြီး အများစုမှာ တရုတ်နိုင်ငံသို့လည်းကောင်း၊ ဒုတိယအများဆုံးအနေဖြင့် ဘင်္ဂလားဒေ့ရ်ှနိုင်ငံသို့လည်းကောင်း တင်ပို့ထားခြင်းဖြစ်ကြောင်း သိရသည်။

ပြီးခဲ့သည့်နှစ်များအတွင်း ဆန်တင်ပို့မှု အနေအထားကို လေ့လာကြည့်ပါက ၂၀၁၂- ၂၀၁၃ ဘဏ္ဍာနှစ်တွင် ပြည်ပသို့ ဆန်တန်ချိန် ၁ ဒသမ ၄ သန်းကျော်၊ ၂၀၁၃-၂၀၁၄ ဘဏ္ဍာနှစ်တွင် ဆန်တန်ချိန် ၁ ဒသမ ၂ သန်းကျော်၊ ၂၀၁၄-၂၀၁၅ ခုနှစ်တွင် ပြည်ပသို့ ဆန်တန်ချိန် ၁ ဒသမ ၈ သန်းကျော်ဖြင့် အများဆုံးတင်ပို့ထားသည်။

၂၀၁၅-၂၀၁၆ ဘဏ္ဍာနှစ်တွင် ပြည်ပသို့ ဆန်တန်ချိန် ၁ ဒသမ ၄ သန်းကျော်၊ ၂၀၁၆ -၂၀၁၇ ဘဏ္ဍာနှစ်တွင် ဆန်တန်ချိန် ၁ ဒသမ ၇ သန်းကျော် တင်ပို့ခဲ့သည်။

ထို့ကြောင့် ယခုနှစ်အတွင်း တန်ချိန်နှစ်သန်းတင်ပို့ပါက ယခင်နှစ်များထက် ပိုမိုတင်ပို့ခြင်းဖြစ်ကာ ဆယ်စုနှစ်အတွင်း အများဆုံးတင်ပို့သည့်နှစ် ဖြစ်လာဖွယ်ရှိနေခြင်း ဖြစ်သည်။

ဘုရင့်နောင် ဆန်ကုန်စည်ဒိုင်တွင် ကျပ်သိန်းပေါင်းနှစ်သောင်းနီးပါး ငွေကြေးအရှုပ်အရှင်း ဖြစ်ပေါ်ပြီးနောက် ရန်ကုန်မြို့သို့ ဆန်အ၀င် လျော့ကျကာ အရောင်းအ၀ယ်အေးနေဟုဆို

ဘုရင့်နောင်ရှိ ဆန်ပွဲရုံတစ်ရုံအား တွေ့ရစဉ် (ဓာတ်ပုံ-ရှိုင်းလင်းအောင်)

ဘုရင့်နောင်ဆန်ကုန်စည်ဒိုင်တွင် ကျပ်သိန်းနှစ်သောင်းနီးပါး ငွေကြေးအရှုပ်အရှင်း ဖြစ်ပေါ်ပြီးနောက် ရန်ကုန်မြို့သို့ ဆန်အ၀င် လျော့ကျကာ အရောင်းအ၀ယ်အေးနေကြောင်း ဆန်ကုန်သည်များထံမှ သိရသည်။

“အရောင်းအ၀ယ်ကတော့ ဈေးနည်းနည်း အေးသွားတာပေါ့လေ။ ဆန်ဈေးကွက်ကတော့ အရောင်းအ၀ယ်အေးတဲ့အပြင် ငွေရေးကြေးရေးမှာ ကုန်သည်တွေက ဆုံးရှုံးမှုများတော့ အောက်ကလည်း တက်မလာရဲတော့ဘူး။ ဈေးလည်းအေးတယ်၊ အရောင်းအ၀ယ်လည်းအေးတယ်” ဟု ၀ါးတန်းဆန်ကုန်စည်ဒိုင်ဥက္ကဋ္ဌ ဦးခင်မောင်ဝင်းက ပြောကြားသည်။

“ဈေးကျတယ်ဆိုတာက တစ်အိတ်ကို ၅၀၀ လောက် ကျသွားတယ်။ အရင်က ၂၁၅၀၀ တစ်ပတ်လည်ကို အခုတော့ ကျပ်၂၁၀၀၀၊ ကျပ်၂၀၅၀၀ အဲဒီလောက်ပဲ ရှိတော့တယ်။ ဒါပေမဲ့ ဒီရက်ထဲမှာ ပိတ်ရက်တွေများနေတော့ ဈေးကမငြိမ်သေးဘူးပေါ့လေ။ လာမယ့်တနင်္လာနေ့မှ ဈေးလည်းငြိမ်မယ်။ ဈေးမှန်လည်း ထွက်လာမယ်။ အရောင်းအ၀ယ်ကတော့ တော်တော်အေးသွားတယ်” ဟု ၎င်းက ဆက်လက်ပြောကြားသည်။

ဘုရင့်နောင်ဆန်ကုန်စည်ဒိုင်မှ တစ်ဆင့်ဆန်များဝယ်ယူပြီး ငွေမရှင်းပေးနိုင်၍ ရှောင်တိမ်းသွားသည့် ပြည်ပပို့ဆန်ကုန်သည်ထံမှ ကုန်သည် ၂၅ ဦးက ဆန်ဖိုး ကျပ်သိန်း ၁၄၀၀၀ ကျော် ရရန်ရှိသည်ဟု ဘုရင့်နောင်ကုန်စည်ဒိုင်သို့ တင်ပြထားသည်။

“အောက်သမားတွေက မလာရဲတော့ ကုန်လည်း သိပ်မတက်တော့ဘူး။ လာတဲ့ဟာတွေကျတော့ ဈေးချဝယ်တာ။ အရင်တုန်းက တစ်နေ့ကို ၀ါးတန်းဆန်ကုန်စည်ဒိုင်နဲ့ ဘုရင့်နောင်ဆန်ကုန်စည်ဒိုင် ဒိုင်နှစ်ဒိုင်ပေါင်းကို ဆန်အိတ်ရေ လေးသောင်းနဲ့ ငါးသောင်းကြား ကုန်အ၀င်ရှိခဲ့တာ။ များတဲ့နေ့ဆို ငါးသောင်းလောက်ဝင်တယ်။ နည်းတဲ့နေ့ဆို အိတ်ရေလေးသောင်းလောက် ကုန်အ၀င်ရှိတယ်” ဟု ဆန်ကုန်သည်တစ်ဦးက ဆိုသည်။

ယခုနှစ်အတွင်း ပြည်ပသို့ ဆန်တင်ပို့မှု အားကောင်းလာပြီး ပြည်တွင်းဈေးကွက်အတွင်းရှိ ပြည်ပပို့ဆန်ကြမ်း ဈေးနှုန်းများလည်း မြင့်တက်ခဲ့သည်။၂၀၁၇ ခုနှစ် နှစ်လယ်ပိုင်းတွင် ဧည့်မထဆန် (၂၅ ရာခိုင်နှုန်း) တစ်အိတ်လျှင် ကျပ် ၁၈၀၀၀ ၀န်းကျင်ရှိနေရာမှ ၂၀၁၇ ခုနှစ် စက်တင်ဘာ ၃၀ ရက်တွင် ကျပ် ၂၂၀၀၀ ၀န်းကျင်အထိ ရှိလာပြီး ငါးလခန့်အတွင်း ကျပ် ၄၀၀၀ ခန့် မြင့်တက်ခဲ့သည်။