ဆန်စပါးကုန်စည်ဒိုင် (မူဆယ်) တွင် စပါးများ လုံးဝတင်ပို့ရောင်းချခွင့် မပြုကြောင်းနှင့် တင်ပို့ရောင်းချမှုများကို အထူးတားမြစ်ကြောင်း ထုတ်ပြန်

ဆန်စပါးကုန်စည်ဒိုင် (မူဆယ်) တွင် စပါးများ လုံးဝတင်ပို့ရောင်းချခွင့် မပြုကြောင်းနှင့် တင်ပို့ရောင်းချ နေမှုများအား အထူးတားမြစ်ကြောင်း ဆန်စပါး ကုန်စည်ဒိုင် (မူဆယ်) အလုပ်အမှုဆောင်အဖွဲ့က ထုတ်ပြန်ထားသည်။

ယခုအခါ ပြည်တွင်းပြည်ပမှ ကုန်သည်ပွဲစားများသည် မြန်မာနိုင်ငံ ဒေသအသီးသီးမှ ထွက်ရှိသော စပါးများကို တရုတ်နိုင်ငံသို့ မှောင်ခိုလမ်းကြောင်းများမှတစ်ဆင့် တင်ပို့ရောင်းချနေမှုများ ရှိနေကြောင်း သိရသည်။

စပါးတင်ပို့မှုကို နိုင်ငံတော် အစိုးရကလည်း တရားဝင် ခွင့်ပြုထားခြင်း မရှိသကဲ့သို့ ဥပဒေအရလည်း အရေးယူခံရခြင်းများ ရှိနိုင်သည်။

ထို့ကြောင့် ဆန်စပါးကုန်စည်ဒိုင် (မူဆယ်) အနေဖြင့် စပါးတင်ပို့ ရောင်းချနေမှုများသည် တရားမ၀င်ကြောင်းနှင့် စပါးတင်ပို့ရောင်းချနေမှုများ အားလည်း အထူးတားမြစ်ပါကြောင်း သတိပေး နှိုးဆော်ထားသည်။

တရားမ၀င် ရောင်းဝယ်ဖောက်ကား နေသူများအားလည်း သတိပေး တိုင်ကြားမှုများ  ရှိလာပါက သက်ဆိုင်ရာ ၀န်ကြီးဌာနများ၊ ဒေသခံ အာဏာပိုင်များနှင့် လိုအပ်သလို ပူးပေါင်းပါဝင်ဆောင်ရွက် သွားမည်ဖြစ်ကြောင်း ထပ်မံသတိပေး နှိုးဆော်ကြောင်း ထုတ်ပြန်ထားသည်။

အဆိုပါ ထုတ်ပြန်ချက်အား ၂၀၁၈ခု နှစ် အောက်တိုဘာ ၅ ရက်တွင် ကျင်းပသော  ဗဟိုအလုပ်အမှုဆောင်၊ အလုပ်အမှုဆောင် အစည်းအဝေး (၀၇၃/၂၀၁၈-၂၀၁၉) ၏ ဆုံးဖြတ်ချက်အရ အသင်းသား၊ အသင်းသူများ သိရှိစေရန် ထုတ်ပြန်ခြင်းဖြစ်ကြောင်း သိရသည်။

ယခုအခါ ပြည်နယ်နှင့် တိုင်းဒေသကြီး အသီးသီးရှိ စပါးထွက်ရှိရာ ဒေသများတွင် စပါးပေါ်ချိန်၌ အိမ်နီးချင်းနိုင်ငံမှ ကုန်သည်များက ဒေသထွက်စပါးများကို ၀ယ်ယူပြီး တရားမ၀င် တင်ပို့ကုန်သွယ်နေသည့် ကိစ္စနှင့် ပတ်သက်၍ ပြည်နယ်နှင့် တိုင်းဒေသကြီးများ၏ ဆန်စက်လုပ်ငန်းရှင်များ အသင်းမှ တင်ပြလာကြောင်း သိရသည်။

အဆိုပါ စပါးများ တရားမ၀င် ကုန်သွယ်တင်ပို့မှုများနှင့် ပတ်သက်၍ ၂၀၁၇ ခုနှစ်တွင်လည်း မြန်မာနိုင်ငံ ဆန်စက်လုပ်ငန်းရှင်များအသင်း အနေဖြင့် စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှတစ်ဆင့်  နိုင်ငံတော် အစိုးရသို့ တင်ပြထားခဲ့ကြောင်း သိရသည်။ နိုင်ငံတော် သမ္မတရုံးမှလည်း ပြည်ပသို့ နယ်စပ်မှတစ်ဆင့် စပါးများ တရားမ၀င်တင်ပို့မှုနှင့် ပတ်သက်၍ ဥပဒေအရ တားဆီးအရေးယူ ဆောင်ရွက်နိုင်ရေး ညှိနှိုင်းဆောင်ရွက်ရန် ညွှန်ကြားထားပြီးဖြစ်သည်။

ယခုနှစ်တွင် မိုးစပါး ကောက်စောစပါးပေါ်သည့် ပဲခူးတိုင်းဒေသကြီး အနောက်ခြမ်းတွင် ရာသီစ ကောက်သစ် စပါးများအား နေ့စဉ်တင်းသောင်းချီ မြို့နယ်အသီးသီးမှ  တရားမ၀င် ၀ယ်ယူတင်ပို့မှုများ ဖြစ်ပေါ်နေ၍ ဒေသခံ ဆန်စက်လုပ်ငန်းရှင်များ အသင်းများမှာ အခက်အခဲ ကြုံတွေ့နေရကြောင်း  ထပ်မံတင်ပြလာကြောင်း သိရသည်။

ယင်းကဲ့သို့ စပါးများ တရားမ၀င် ထွက်ရှိနေမှုအား ထိရောက်စွာ အရေးယူ ကိုင်တွယ်နိုင်ခြင်း မရှိပါက ဈေးနှုန်းဖျက်၍ လိုအပ်သလောက်သာ ၀ယ်ယူခြင်းကြောင့် ပြည်တွင်းဆန်စပါး ဈေးကွက်အပေါ် ထိခိုက်ခြင်း၊ စပါးဈေးနှုန်း ဆန်ဈေးနှုန်း ကြီးမြင့်လာစေခြင်း၊ ပြည်တွင်းဆန်စက်အချို့ လုံးဝရပ်နားရမည့် အခြေအနေ ဖြစ်လာခြင်း၊ ဆန်ထွက်ကုန်ကြမ်းများနှင့် ပတ်သက်၍ ဆက်နွယ်လုပ်ကိုင်နေသည့် ကြက်မွေးမြူရေး၊ ငါး၊ နွားမွေးမြူရေး လုပ်ငန်းများ လျော့ကျစေခြင်း စသည့်နောက်ဆက်တွဲ ဆိုးကျိုးများ ဖြစ်ပေါ်စေနိုင်ကြောင်း သိရသည်။

 

ပြီးခဲ့သည့် ငါးနှစ်အတွင်းက ပေါ်ဆန်းဆန်တစ်အိတ် ကျပ် ၇,၀၀၀ အထိသာ အမြင့်ဆုံး မြင့်တက်ခဲ့သော်လည်း ၂၀၁၇ ခုနှစ် သြဂုတ်မှ ၂၀၁၈ ခုနှစ် သြဂုတ်အထိ တစ်နှစ်အတွင်း ပေါ်ဆန်းဆန်တစ်အိတ် ကျပ် ၁၈,၀၀၀ အထိ စံချိန်တင် မြင့်တက်ဟုဆို

ဆန်ကုန်သည်များ၊ ဆန်အကျိုးဆောင်များနှင့် ဆန်လက်လီဆိုင်ပိုင်ရှင်များ တွေ့ဆုံဆွေးနွေးပွဲကို တွေ့ရစဉ် (ဓာတ်ပုံ-ဇေယျာငြိမ်း)

ပြီးခဲ့သည့်ငါးနှစ်အတွင်း ပြည်တွင်း၌ ပေါ်ဆန်းဈေးနှုန်းသည် တစ်အိတ်လျှင် ကျပ် ၇,၀၀၀ အထိသာ မြင့်တက်ခဲ့သော်လည်း ၂၀၁၇ ခုနှစ် သြဂုတ်မှ ၂၀၁၈ ခုနှစ် သြဂုတ်အထိ တစ်နှစ်အတွင်း ပေါ်ဆန်းတစ်အိတ်ကို ကျပ် ၁၈,၀၀၀ အထိ စံချိန်တင် မြင့်တက်ခဲ့ကြောင်း သြဂုတ်၂၃ ရက်က ၀ါးတန်းဆန် ကုန်စည်ဒိုင်တွင် ပြုလုပ်သည့် လတ်တလော ဖြစ်ပေါ်နေသော ဆန်ချောဈေးနှုန်းများအပေါ် ‘ဆန်ကုန်သည်များ၊ ဆန်အကျိုးဆောင်များနှင့် ဆန်လက်လီဆိုင် ပိုင်ရှင်များ တွေ့ဆုံဆွေးနွေးပွဲ’ အခမ်းအနားမှ သိရသည်။

“ဖော်ပြထားတဲ့ စာရင်းဇယားတွေအရ ပြီးခဲ့တဲ့ငါးနှစ်အတွင်းမှာ ပေါ်ဆန်းတစ်အိတ်ကို ၇,၀၀၀ ကျပ်အထိပဲ မြင့်တက်ခဲ့တယ်။ ဒီဘက်တစ်နှစ်အတွင်းမှာ တစ်အိတ်ကို ၁၈,၀၀၀ အထိ မြင့်တက်ခဲ့တာကို တွေ့ရပါတယ်” ဟု ဆွေးနွေးပွဲသို့ တက်ရောက်ဆွေးနွေးသော ဆန်လက်လီ အရောင်းဆိုင်ပိုင်ရှင် တစ်ဦးက ဆွေးနွေးတင်ပြခဲ့သည်။

နှစ်အလိုက်ဖြစ်ပေါ်ခဲ့သည့် ပေါ်ဆန်းဈေးနှုန်းများကို လေ့လာကြည့်ပါက ၂၀၁၃ ခုနှစ် သြဂုတ်တွင် ပေါ်ဆန်းတစ်အိတ် ကျပ် ၃၆,၅၀၀၊ ၂၀၁၄ ခုနှစ် သြဂုတ်တွင် ပေါ်ဆန်းတစ်အိတ် ကျပ် ၄၁,၀၀၀၊ ရေးကြီးနစ်မြုပ်မှုများ ဖြစ်ပေါ်ခဲ့သည့် ၂၀၁၅ ခုနှစ်တွင် ပေါ်ဆန်းတစ်အိတ် ကျပ် ၃၈,၅၀၀၊ ၂၀၁၆ ခုနှစ် သြဂုတ်တွင် ပေါ်ဆန်းတစ်အိတ် ကျပ် ၃၄,၅၀၀၊ ၂၀၁၇ ခုနှစ် သြဂုတ်တွင် ပေါ်ဆန်းတစ်အိတ် ကျပ် ၃၄,၀၀၀ အသီးသီး ရှိခဲ့ကြောင်း အဆိုပါ ဆွေးနွေးပွဲတွင် ဖော်ပြခဲ့သည့် နှစ်အလိုက် ဆန်ဈေးနှုန်း နှိုင်းယှဉ်ချက်များမှ သိရသည်။

ဖော်ပြချက်များအရ ၂၀၁၃ ခုနှစ်မှ ၂၀၁၇ ခုနှစ် ငါးနှစ်အတွင်း ဆန်းဈေးနှုန်း အမြင့်ဆုံးနှင့် အနိမ့်ဆုံး ကွာခြားချက်သည် ကျပ် ၇,၀၀၀ သာရှိသည်။

၂၀၁၈ ခုနှစ် သြဂုတ်တွင် ပေါ်ဆန်းဈေးနှုန်း တစ်အိတ်ကို ကျပ် ၅၂,၀၀၀ နှင့်အထက် ဖြစ်ပေါ်နေသည့်အတွက် ပြီးခဲ့သည့် ၂၀၁၇ ခုနှစ် သြဂုတ်တွင် ဖြစ်ပေါ်ခဲ့သည့် ပေါ်ဆန်းဈေးနှုန်းနှင့် နှိုင်းယှဉ်ပါက တစ်နှစ်အတွင်း တစ်အိတ်ကို ကျပ် ၁၈,၀၀၀ အထိ မြင့်တက်ခဲ့ခြင်းဖြစ်သည်။

“ဆန်ဈေးနှုန်းများကို နှိုင်းယှဉ်ဇယားနဲ့ ပြထားတာပါ။ ဒီနေရာမှာ လေ့လာကြည့်ရင် ဒီနှစ်သြဂုတ်လမှာ ဖြစ်နေတဲ့ ပေါ်ဆန်းဈေးနှုန်းဟာ အမြင့်ဆုံး ရောက်ရှိနေတာ တွေ့ရပါတယ်” ဟု မြန်မာနိုင်ငံ ဆန်စပါးကုန်သည်အသင်း ဥက္ကဋ္ဌ ဦးအောင်သန်းဦးက ပြောကြားသည်။

ယခင်နှစ်များတွင် ပေါ်ဆန်းဈေးနှုန်း တစ်ခါတက်ပါက တစ်အိတ်ကို ကျပ် ၃၀၀ မှ ကျပ် ၅၀၀ အထိသာ မြင့်တက်ခဲ့သော်လည်း လက်ရှိ ၂၀၁၈ ခုနှစ်တွင် ပေါ်ဆန်းဈေးနှုန်း တစ်ခါတက်ပါက တစ်အိတ်လျှင် ကျပ်၂၀၀၀ မှ ကျပ် ၃၀၀၀ အထိ မြင့်တက်ခဲ့ကြောင်း သိရသည်။ ယင်းကဲ့သို့ ဈေးနှုန်းများ စံချိန်တင် ဖြစ်ပေါ်နေသော်လည်း ပြည်တွင်း၌ ပေါ်ဆန်းဆန် စိုက်ပျိုးထုတ်လုပ်မှု လျော့ကျခြင်း မရှိကြောင်း သိရသည်။

“ပြန်လည်သုံးသပ်တဲ့ အခါမှာ ဒီနေ့ပေါ်ဆန်းဆန် စိုက်ပျိုးထုတ်လုပ်မှုကလည်း ယခင်နှစ်ထက်များပါတယ်။ မနှစ်ကထက် စိုက်ဧကများသလို အထွက်နှုန်းလည်း များပါတယ်” ဟု ဦးအောင်သန်းဦးက ပြောကြားသည်။

“ပြည်သူတွေစားနေတဲ့ ရွှေဘိုပေါ်ဆန်းဆန်က အခုဆို ၆၀,၀၀၀ ကျော်သွားပြီ။ ပြည်သူအများစုစိုက်တဲ့ ဆန်အမျိုးအစားတွေက ၂၅,၀၀၀ လောက်ပဲရှိတာ။ ဆိုတော့ ဈေးက ထက်ဝက်မကဘူး ဖြစ်နေတယ်။ တောင်သူတွေလည်း အဆင်မပြေဘူး၊ စားသုံးသူတွေလည်း အဆင်မပြေဘူး” ဟု ဆန်ကုန်သည်တစ်ဦးက ပြောကြားခဲ့သည်။

 

ထမင်းတစ်နပ်ကို ရှာဖွေခြင်း

ဓာတ်ပုံ-ကျော်ဇင်ဖြိုး

တစ်စုံတစ်ခုကို ကြားရသောအခါ၊ ဖတ်ရသောအခါ တွေ့ကြုံရသောအခါ ထိုအကြောင်းအရာနှင့် ဆက်စပ်ပြီး အတွေးပွားခြင်းသည် ဖြစ်လေ့ဖြစ်ထရှိသော သဘောတရား ဖြစ်သည်။ ထိုသို့သော တိုက်ဆိုင်မှုမှ တစ်ဆင့် အတိတ်မှ တွေ့ကြုံဖူးသော အဖြစ်အပျက်များ၊ ကြားဖူးနားဝ စကားများကို ပြန်လည် သတိရတတ်သည်မှာလည်း လူသားသဘာဝ တစ်ခုပင် ဖြစ်သည်။ လတ်တလော ကျွန်တော် စာအုပ်ဖတ်နေသည်။ ကျွန်တော် ဖတ်နေသော စာအုပ်မှာ ဆရာငြိမ်းအေးအိမ်၏ ညို့ငင်တောင် ဖြစ်သည်။ မြန်မာပြည် အရှေ့မြောက်ဖျားဒေသ ဆွမ်ပရာဘွမ် အီမောဘွမ်ဒေသအကြောင်း ရေးထားသော စာအုပ်ဖြစ်သည်။ သူကိုယ်တိုင် ထိုဒေသဘက်တွင် နေခဲ့သောကြောင့်လား သို့မဟုတ် ဆရာ၏ စာအရေးအသား စကားလုံး အသုံးအနှုန်းများကို သဘောကျ နှစ်သက်မိသောကြောင့်လား မသိ။ စာအုပ်ကို စဖတ်ကတည်းက လက်ထဲမှ မချချင်အောင် ဖြစ်ရသည်။ စာအုပ်ဖတ်ရင်း ကြည်နူးပီတိ ဖြစ်ရတာတွေ ရှိသလို ရင်မော နာကျင်ရတာတွေလည်း ပါသည်။ စာဖတ်နေရင်းက မတွေးဘဲ မနေနိုင်သော အတွေးများ ရောက်လာသည်။ မစဉ်းစားဘဲ မနေနိုင်သော စဉ်းစားစရာများ ရောက်လာသည်။

အသက်၏ အစေ့အဆန်…တဲ့။ ခေါင်းစဉ်ကို နာမည်ပေးတာကအစ စွဲမက်ဖွယ် ကောင်းသည်။ စာကို ဖတ်တဲ့အခါ တွေးစရာတွေ ပါလာသည်။ ဆင်ခြင် နှလုံးသွင်းစရာတွေ ပါလာသည်။ အထူးသဖြင့် ကွယ်လွန်သွားပြီဖြစ်တဲ့ အဖေနဲ့ ဘကြီးကို တိုက်တိုက်ဆိုင်ဆိုင် သတိရသွားမိသည်။ ( လာဗျူချောင်တွင် တွေ့ရှိသော စပါးစေ့များ၏ သက်တမ်းကို ကျောက်ခေတ်နှောင်းပိုင်းဟု ခန့်မှန်းသည်ကို ဖတ်ရပြီးသောအခါ မြန်မာပြည် မြောက်ပိုင်းက စပါးစိုက်ပျိုးမှု သမိုင်းသည် “ငေါ့ချန်းခ” ချိုင့်ဝှမ်းမှ စတင်ခဲ့လေသလား စဉ်းစားရင်း ကျွန်တော့် အတွေးတို့သည် စပါးနှင့်ဆန်ဆီသို့ ရောက်သွားခဲ့ပြန်ပါသည်) ဟု ရေးထားသည်။ ထို့နောက် ရုပ်ကြွင်းများအပေါ် ကာဗွန် (၁၄) စမ်းသပ်မှုဖြင့် သက်တမ်း ခန့်မှန်းချက်အရ ၅၅၀၀ ဘီစီခန့်တွင် ဆန်စပါး စိုက်ပျိုးခြင်းကို အာရှမှ စသည်ဟု ရေးထားသည်။ ဆန်စပါး စိုက်ပျိုးမှုကို တရုတ်နှင့် အရှေ့တောင်အာရှမှ စသည်ဟု မှတ်တမ်းပြုထားကြောင်းလည်း ဆရာငြိမ်းက ရေးပြထားသည်။ ထားပါ။ ဆန်စပါး စိုက်ပျိုးမှုကို တရုတ်ပြည်က စခဲ့တာပဲဖြစ်စေ အရှေ့တောင်အာရှ နိုင်ငံတစ်ခုခုက စခဲ့တာဖြစ်စေ ဆရာငြိမ်းတွေးသလို “ငေါ့ချန်းခ” ချိုင့်ဝှမ်းမှ စတင်ခဲ့သည် ဖြစ်စေ ဆန်စပါးသည် ကျွန်တော်တို့အတွက် အစားထိုးမရသော တန်ဖိုးကြီး သယံဇာတ ဖြစ်ပါသည်။

အနောက်နိုင်ငံများတွင် ဂျုံနှင့်ပေါင်မုန့်သည် လူသားသမိုင်း၏ အသက်သွေးကြော ဖြစ်သကဲ့သို့ ကျွန်တော်တို့ အရှေ့နိုင်ငံများတွင် ဆန်စပါးနှင့် ထမင်းသည် အဆင့်ဆင့် ပြောင်းလဲ တိုးတက်လာသော လူသားသမိုင်း၏ အသက်သွေးကြော ဖြစ်သည်။ (မိသားစု ထမင်းဝိုင်းတွင် ထမင်းအတူ စားကြစဉ် ကျွန်တော့်ပန်းကန်ထဲမှ ထမင်းစေ့များ ဖိတ်လျှံကျသည့်အခါ အဘွားက “ဟဲ့ ငါ့မြေး..ထမင်းတစ်စေ့ အပြင်ကို မဖိတ်စေရဘူး။ ထမင်းဟာ လူတွေရဲ့ အသက်ပဲ။ မင်းစားနေတဲ့ ထမင်းတစ်စေ့ ရဖို့ စပါးစိုက်နေရတဲ့ လူတွေရဲ့ ပင်ပန်းဆင်းရဲမှုကို အားနာရမယ်) ဟု စာအုပ်ရေးသူ ဆရာငြိမ်းအား သူ့အဘွားက ပြောဆိုဆုံးမပုံကို ရေးပြထားသည်။ ကျွန်တော်တို့ ဗမာကလေးငယ် တော်တော်များသည် ထိုသို့ပြောဆို ဆုံးမခံရလေ့ ရှိသည်။ အဆူအငေါက် အဆုံးအမ မခံရသော ကလေးငယ် မရှိသလောက် ရှားမည်ဟု ထင်သည်။ ကျွန်တော် ငယ်စဉ်က အဖေ့ရဲ့စိတ်ဆိုးဆူပူမှုကို မကြာခဏ ခံရသည်။ ထမင်းကို ပေပွနေအောင် စားပါက စိတ်ဆိုး ဆူပူလေ့ရှိပြီး ထမင်းစေ့ ဖိတ်ကျအောင် စားပါက ထိုထမင်းစေ့အား ပြန်လည် ကောက်ယူစေပြီး စားခိုင်းလေ့ ရှိသည်။ အောက်သို့ ပြုတ်ကျသော အစားအစာကို စားပါက ဉာဏ်ထိုင်းသည်ဟု ဗမာလူမျိုးများတွင် အယူရှိသော်လည်း ထမင်းစားသောအခါ ဖိတ်စဉ်ပါက ထိုအယူကို အဖေလက်ခံလေ့ မရှိပေ။

အဖေဆုံးပါး ကွယ်လွန်ပြီးနောက် ကျွန်တော်သည် ဘကြီးနှင့် နေခဲ့ရ၏။ ဘကြီးမှာ အမေ၏ အစ်ကိုဝမ်းကွဲဖြစ်ကာ သတင်းစာ ကိုယ်စားလှယ် တစ်ဦးဖြစ်သည်။ ဆရာ ပေါ်ဦးသက်၊ ဆရာကြီး ဦးသုခတို့နှင့်လည်း ရင်းနှီးသော မိတ်ဆွေများ ဖြစ်သည်။ ကျွန်တော် ဘကြီးထံ ရောက်သွားချိန်မှာတော့ သတင်းစာ ကိုယ်စားလှယ်လုပ်ငန်းကို မလုပ်တော့ပါ။ ဘကြီးနှင့် နေရစဉ် ကျွန်တော်သည် ထမင်းစေ့များကို ဖိတ်စင်အောင် စားတတ်သော ကလေးပေါက်စအရွယ်လည်း မဟုတ်တော့ပါ။ ထို့ကြောင့် ထမင်းစေ့များ ဖိတ်စဉ်အောင် စား၍ ဘကြီး၏ ဆူပူခြင်းကို မခံရ။ သို့သော် ပန်းကန်ထဲသို့ ထည့်ထားသော ထမင်းကို ကုန်အောင် မစားသည့်အတွက် မကြာခဏ အဆူခံရသည်။ ကျွန်တော်သည် မိမိကြိုက်သော ဟင်းချက်သည့်အခါဖြစ်ပါက ထမင်းပန်းကန်ထဲသို့ လောဘတကြီး ထမင်း ထည့်တတ်သည်။ ကိုယ်ထင်သလောက် ခံတွင်းမတွေ့သော အခါဖြစ်စေ၊ ထမင်းစားရင်း အီသွားသော အခါမျိုးတွင်ဖြစ်စေ ထည့်ထားသော ထမင်းကို ထက်ဝက်ခန့်ပင် ကုန်အောင် မစားတော့ဘဲ သွန်ပစ်တတ်သည်။ ထိုအခါမျိုးတွင် ဘကြီး၏ ဆူပူကြိမ်းမောင်းခြင်းကို ခံရတော့၏။ ဆူပူပြီးနောက် လေပြေအေးနှင့် ပြောဆိုဆုံးမလေ့ရှိသော စကားမှာ “မင်းက ထမင်းတစ်နပ်ကို လွယ်လွယ်လေး ခူးခပ်စားနေရတော့ ထမင်း တစ်ပန်းကန်ရဲ့ တန်ဖိုးကို မသိဘူး။ ထမင်းကို လွယ်လွယ်လေး သွန်ပစ်နေတယ်။ ထမင်းတစ်နပ် ထမင်း တစ်ပန်းကန်အတွက် ခက်ခက်ခဲခဲ ရှာဖွေ ရုန်းကန်နေရတဲ့ ဘ၀တွေ ဘယ်လောက်အများကြီး ရှိသလဲဆိုတာ မင်း နားမလည်သေးဘူး” ဟူ၍ဖြစ်သည်။

ထမင်းတစ်နပ်ရဲ့တန်ဖိုးကို နားလည်မည် ဆိုက နားလည်ချင်စရာ ကောင်းလောက်အောင် ခက်ခဲခဲ့သော အချိန်တချို့ ကျွန်တော့်မှာ ရှိခဲ့ဖူးသည်။ ထိုအချိန်က ကျွန်တော့်အသက် လေးနှစ်ခန့်အရွယ်သာ ဖြစ်သော်လည်း ထိုအဖြစ်အပျက်ကို ကောင်းကောင်း မှတ်မိနေသည်။ ရှစ်လေးလုံးဟု ခေါ်ဆိုသော (၈၈) အရေးအခင်း ကာလတွင်ဖြစ်သည်။ ကျွန်တော်တို့ရွာတွင် ဆန်ပြတ်သွား၏။ အိမ်ခြေ ၁၀၀၀ ခန့်ရှိသော ရွာတွင် အိမ်အတော်များများတွင် ဆန်ပြတ်သွားသည်။ ၀ယ်လို့လည်း မရ။ ဆန်လှောင်ထားသော အိမ်တချို့က သူတို့ လှောင်ထားသော ဆန်များကို ဘုန်းကြီးကျောင်းသို့ ပို့ပေးကြသည်။ ရပ်ရွာလူကြီးများနှင့် လူငယ်များက ထိုဆန်များကို သင့်တင့်မျှတအောင် ဆန်ပြုတ်ကျို၍ တိုက်ကြသည်။ ကလေးငယ်များကို ဦးစားပေးကာ ကျွေးမွေးခြင်း ဖြစ်၏။ ဘုန်းကြီးကျောင်းမှ ကြေးမောင်းတီးလျှင် ကလေးများသည် ဇလုံ၊ ချိုင့် စသဖြင့် တစ်ခုခုယူကာ ဘုန်းကြီးကျောင်းသို့ သွားရသည်။ အေးအေးဖြည်းဖြည်း သွားလို့မဖြစ်။ နောက်ကျပါက ရေရောထားသော ဆန်ပြုတ်ကိုသာ ရရှိသောကြောင့် ဖြစ်သည်။ တကယ်တော့ ထိုအချိန်က ထမင်းတစ်နပ်၏ တန်ဖိုး နားလည်ဖို့ထက် မိမိ မတွေ့ကြုံဖူးသော အတွေ့အကြုံပေါ်မှာ ကျွန်တော့်အာရုံက တိမ်းညွတ်နေခဲ့သည်။ ထို့ကြောင့် ဆန် ပြည့်ပြည့်စုံစုံ မရှိ၍ ဆန်ပြုတ်သောက်ခဲ့သော အနေအထားတွင် ထမင်းတစ်နပ်၏ တန်ဖိုးကို ကျွန်တော် နားမလည်ခဲ့ပါ။ ထို့ကြောင့်လည်း အဖေ နှင့် ဘကြီး၏ ဆူပူကြိမ်းမောင်းခြင်းကို မကြာခဏ ခံခဲ့ရခြင်း ဖြစ်မည်ထင်သည်။

ကျွန်တော့်တွင် သင်္ဘောသား မိတ်ဆွေတစ်ဦး ရှိပါသည်။ သူသည် သင်္ဘောဖြင့် နိုင်ငံတကာသို့ ကူးသန်းသွားလာရင်း ဂျာမနီနိုင်ငံ၏ ဆိပ်ကမ်းတစ်ခုသို့ ရောက်သွား၏။ သင်္ဘောပေါ် ရက်ပေါင်းများစွာ သင်္ဘောထမင်း၊ သင်္ဘောဟင်း၊ သင်္ဘောစားဖိုမှူး၏ လက်ရာဖြင့်သာ စားနေရာမှ ဆိပ်ကမ်းမြို့ရောက်ခိုက် စားသောက်ဆိုင်သို့ သွားကာ စားကြသောက်ကြသည်။ စိတ်ထဲရှိရာ မှာကြသည်။ အမှန်တကယ် စားကြသောက်ကြတော့ မှာထားတာတွေ ကုန်အောင် မစားနိုင်ကြဟု ဆိုသည်။ ထိုကိစ္စအတွက် သူတို့ကို ဒဏ်ငွေတပ်သည်ဟု ဆိုသည်။ သယံဇာတကို ဖြုန်းတီးသောကြောင့်ဟု ဆိုပါသည်။ ကျွန်တော်တို့ဆီမှာကတော့ အစားအသောက် ကုန်တာ မကုန်တာ၊ သွန်ပစ်ရတာ၊ လွှင့်ပစ်ရတာက အရေးမကြီး။ မိမိမှာသော အစားအစာအတွက် ကျသင့်ငွေ ရှင်းနိုင်ဖို့သာ ပဓာနဖြစ်၏။

ကျွန်တော့်အိမ်တွင် မကြာခဏ ထမင်းအိုး သွန်ရလေ့ ရှိသည်။ ပုံမှန်စားမည့်သူက နှစ်ဦးသာ ရှိသော်လည်း နေ့စာညစာ ပေါင်းကာ အိုးအပြည့် တည်လေ့ရှိသည်။ များသောအားဖြင့် ကျွန်တော်သည် အိမ်မှာ ထမင်းစားလေ့ မရှိဘဲ ကြုံတဲ့နေရာမှာ ကြုံသလို စားလေ့ရှိသည်။ ထို့ကြောင့် တစ်ယောက်စာ ထမင်းသည် နေ့စဉ်လို သွန်ပစ်နေရသည်။ နောက်တော့ ကျွန်တော့်အတွက် ထမင်း ထည့်မချက်ပါနဲ့ဟု ပြောရတော့သည်။ ကျွန်တော်သည် တခြားအရာတွေကို မနှမြောသော်လည်း ထမင်းများ စားသူမရှိဘဲ သွန်ပစ်ရတာကို အင်မတန် နှမြောသည်။ ထိုသို့နှမြောခြင်းသည် ကိုယ်ချင်းစာတရားဆီမှ လာသော နှမြောခြင်းသာ ဖြစ်သည်။ ဘကြီးပြောခဲ့ဖူးသော “မင်းက ထမင်းတစ်နပ်ကို လွယ်လွယ်လေး ခူးခပ်စားနေရတော့ ထမင်းတစ်ပန်းကန်ရဲ့တန်ဖိုးကို မသိဘူး။ ထမင်းကို လွယ်လွယ်လေး သွန်ပစ်နေတယ်။ ထမင်းတစ်နပ် ထမင်း တစ်ပန်းကန်အတွက် ခက်ခက်ခဲခဲ ရှာဖွေ ရုန်းကန်နေရတဲ့ ဘ၀တွေ ဘယ်လောက်အများကြီး ရှိသလဲဆိုတာ မင်းနားမလည်သေးဘူး” ဟူသော စကား ကို မကြာမကြာ ပြန်လည် ကြားယောင်မိသည်။ အခုတော့ ကျွန်တော် နားလည်ပြီဟု ထင်သည်။ နေရာပေါင်းစုံမှာ နေခဲ့ပြီးပြီ။ ဘ၀ပေါင်းစုံကို တွေ့ခဲ့ပြီးပြီ။ ဆန်ကို ကြမ်းသည် နုသည် ကြေးများမိသောအခါ ဆန်နီကြမ်းကိုပင် အနိုင်နိုင်စားနေရတဲ့ ရှားပါးခက်ခဲတဲ့ နယ်ပယ်ဒေသ လူမှုဘ၀တွေကို သတိရသည်။ ထမင်းများကို သွန်ပစ်ရသောအခါ ထမင်းစားချိန်လွန်မှ အနိုင်နိုင် ငွေကြေးလေးဖြင့် ဆန်တစ်ဘူး တန်သည်၊ နှစ်ဘူး တန်သည် ၀ယ်ယူချက်ပြုတ်ကာ စားဝတ်နေရေးကို ဖြေရှင်းနေရသော မိသားစုများကို သတိရသည်။ ဆန်စပါးရိက္ခာ ရှားပါးသော၊ ဆန်စပါးစိုက်ရန် ခက်ခဲသော တောင်ပေါ်ဒေသ တချို့ကို သတိရသည်။

ဆရာငြိမ်းအေး အိမ်ကတော့ သူ့ရဲ့ ညို့ငင်တောင် စာအုပ်မှာ ဆန်စပါးရိက္ခာ ရှားပါးခက်ခဲတဲ့ လန်ဆယ်ရွာလေးအကြောင်းကို အခုလို ရေးပြထားသည်။ “ဒီနေရာမှာ လယ်မရှိဘူး။ တောင်ယာပဲ လုပ်ကိုင် စားသောက်ကြတယ်။ တောင်ယာမှာ ပြောင်းဖူးပဲ ဖြစ်ထွန်းတယ်။ ဆန်ထွက်တဲ့ နေရာ၊ ၀ယ်ယူလို့ ရနိုင်မယ့် နေရာတွေက ခရီးဝေးလွန်းတော့ သူတို့ဟာ တောင်ယာထွက် ပြောင်းဖူးနဲ့ပဲ နှစ်ပေါင်းများစွာ အသက်ဆက်ခဲ့ရတယ်” တဲ့။ ဆရာငြိမ်း ရေးထားသည့် စာကြောင်းလေးတွေကို ဖတ်နေရင်း “ဆန်စပါး စိုက်လို့မရနိုင်သော တောင်ပေါ်ဒေသများတွင် ထမင်းတစ်နပ်သည် ဘယ်လောက်များ ခက်ခဲလိုက်မည်နည်း။ ငွေကြေး မပြည့်စုံလို့ ဆန်ကို အပိုဝယ်မထားနိုင်ဘဲ အလုပ်ကပြန်လာမှ ဆန်ဝယ်ပြီး ချက်ပြုတ်ရသော အခြေခံလူတန်းစားများအတွက် ထမင်းတစ်နပ်သည် ဘယ်လောက်များ ခက်ခဲလိုက်မည်နည်း”ဟု စဉ်းစားနေမိသည်။ ထို့နောက် ထမင်းကျန်များကို လွယ်လွယ်ကူကူ သွန်ပစ်နေကြသည့် မြင်ကွင်းများကို မြင်ယောင်ရင်း နှမြောလို့မဆုံး ဖြစ်နေရပါတော့သည်။

၂၀၁၈-၂၀၂၀ အတွင်း နှစ်စဉ် ဆန်တန်ချိန် သုံးသန်းကျော် တင်ပို့ရန် ရည်မှန်းပါက Beyond Yangon ကို စဉ်းစားပြင်ဆင်ရန်နှင့် စစ်တွေဆိပ်ကမ်း၊ ပုသိမ်ဆိပ်ကမ်းတို့မှ ပြန်လည်တင်ပို့နိုင်ရေး ဆောင်ရွက်ရန်လိုအပ်

ရန်ကုန်မြို့ရှိ ဆိပ်ကမ်းတစ်ခုတွင် လုပ်ငန်းများ ဆောင်ရွက်နေသည်ကို တွေ့ရစဉ် (ဓာတ်ပုံ-ကြည်နိုင်)

၂၀၁၈-၂၀၂၀ အတွင်း ဆန်တန်ချိန် သုံးသန်းကျော် နှစ်စဉ်တင်ပို့ရန် ရည်မှန်းပါက Beyond Yangon ကို စဉ်းစားပြင်ဆင်ရန် လိုအပ်ပြီး စစ်တွေဆိပ်ကမ်း၊ ပုသိမ်ဆိပ်ကမ်းတို့မှ ပြန်လည်တင်ပို့နိုင်ရေး ဆောင်ရွက်ရန် လိုအပ်ကြောင်း ဇွန် ၂၃ ရက်က ကုန်သည်စက်မှုအသင်းချုပ်ရှိ မြန်မာနိုင်ငံ ဆန်စပါးအသင်းချုပ်တွင်  ကျင်းပသည့် မြန်မာ့ဆန်စပါး ဥပဒေတစ်ရပ် ပြဋ္ဌာန်းနိုင်ရေး မြန်မာနိုင်ငံ ဆန်စပါးအသင်းချုပ်က ပြုစုထားသော အခြေခံ (မူကြမ်း) နှင့်စပ်လျဉ်း၍ ရှင်းလင်းဆွေးနွေးပွဲမှ သိရသည်။

“မြန်မာနိုင်ငံ၏ ဆိပ်ကမ်းကုန်ကျစရိတ်မှာ ဒေသတွင်းနိုင်ငံများဖြစ်သည့် ထိုင်း၊ ဗီယက်နမ်နိုင်ငံတို့နှင့် နှိုင်းယှဉ်ပါက နှစ်ဆမြင့်မားနေသောကြောင့် နိုင်ငံတကာမှ ဆန်ပမာဏများများ ၀ယ်ယူသူများသည် ယင်းနိုင်ငံများမှ ဆန်ဝယ်ယူလို့ မရမှသာလျှင် မြန်မာနိုင်ငံမှဆန်ကို ၀ယ်ယူခြင်းအပြင် ဆန်တစ်တန်ကို အမေရိကန်ဒေါ်လာ ၃၀ ခန့်အထိ ဈေးနှုန်းလျော့၍ ရရှိမှသာ ၀ယ်ယူနေတာ ဖြစ်ပါတယ်” ဟု မြန်မာနိုင်ငံ ဆန်စပါးအသင်းချုပ်မှ တာဝန်ရှိသူတစ်ဦးက ပြောကြားသည်။

တန်ချိန် နှစ်သောင်းဝင် သင်္ဘောကြီးများ ဆိပ်ကမ်းသို့ ဆိုက်ကပ်ရပ်နားရသည့် ကုန်ကျစရိတ်မှာ ပြည်ပသို့ ဆန်အဓိက တင်ပို့နေသည့် နိုင်ငံများဖြစ်သည့် ထိုင်းနိုင်ငံတွင် ဒေါ်လာ ၆၅၀၀၊ ဗီယက်နမ်နိုင်ငံတွင် ဒေါ်လာ ၆၀၀၀၊ အိန္ဒိယနိုင်ငံတွင် ဒေါ်လာ ၇၅၀၀ နှင့် ပါကစ္စတန်နိုင်ငံတွင် ဒေါ်လာ ၁၁၀၀၀ အသီးသီး ကုန်ကျကြောင်း မြန်မာနိုင်ငံ ဆန်စပါးအသင်းချုပ်မှ တင်ပြသည့် စာတမ်းတွင် ဖော်ပြထားသည်။

သို့သော်လည်း မြန်မာနိုင်ငံ၏ နိုင်ငံတကာ ဆိပ်ကမ်းဖြစ်သည့် ရန်ကုန်အပြည်ပြည်ဆိုင်ရာ ဆိပ်ကမ်းသို့ တန်ချိန်နှစ်သောင်းဝင် သင်္ဘောများ ဆိုက်ကပ်ရပ်နားရသည့် ကုန်ကျစရိတ်သည် ဒေါ်လာ ၁၄၅၀၀ အထိ ကုန်ကျသည့်အတွက် ယင်းပမာဏသည် ထိုင်းနိုင်ငံနှင့် ဗီယက်နမ်နိုင်ငံများထက် ထက်ဝက်ကျော် ပိုများနေသည့် ကုန်ကျစရိတ် ဖြစ်နေကြောင်း သိရသည်။

ထို့ကြောင့် နိုင်ငံတကာမှ ဆန်ပမာဏများစွာ ၀ယ်ယူသူများသည် အခြားနိုင်ငံများ ၀ယ်၍မရမှသာလျှင် မြန်မာနိုင်ငံမှ ၀ယ်ယူရန် နောက်ဆုံးမှ စဉ်းစားကြောင်း၊  အထူးသဖြင့် ထိုင်း၊ ဗီယက်နမ်၊ အိန္ဒိယနှင့် ပါကစ္စတန် နိုင်ငံတို့တွင် ၀ယ်ယူရန် အဆင်မပြေမှသာ မြန်မာနိုင်ငံမှ ၀ယ်ယူရန် စဉ်းစားခြင်း (သို့မဟုတ်) ဈေးလျှော့ဝယ်ယူခြင်း ဖြစ်ကြောင်း ဖော်ပြထားသည်။

ထို့ပြင် မြန်မာ့ဆန်သည် အမျိုးအစားတူ၊ အရည်အသွေးတူ ဖြစ်သော်လည်း အဆိုပါနိုင်ငံများ၏ Quoted Price  ထက် အမြဲဆိုသလို တစ်တန်လျှင် အမေရိကန်ဒေါ်လာ ၂၀ မှ ၃၀ ခန့် လျော့နည်းလေ့ရှိကြောင်း ထုတ်ပြန်ထားသည်။

လယ်ယာပို့ကုန်နှင့် ဆန်ဝယ်ယူသူများအတွက် Think Myanmar Last မှ Think Myanmar First ဖြစ်စေရန် နိုင်ငံတကာနှင့် ယှဉ်ပြိုင်နိုင်သော ဆိပ်ကမ်းစရိတ်စက ဖြစ်စေရေး မြန်မာနိုင်ငံ ဆန်စပါးအသင်းချုပ်က လေ့လာအကြံပြုခြင်း၊ နိုင်ငံတော်အစိုးရနှင့် ပူးပေါင်းဆောင်ရွက်ခြင်းတို့ ဆောင်ရွက်လျက်ရှိကြောင်း သိရသည်။

မြန်မာ့ဆန်စပါး ကဏ္ဍအတွက် လာမည့် ၂၀၂၀-၂၀၂၁ တွင် ဆန်တန်ချိန်လေးသန်း တင်ပို့ရေးနှင့် ဆန်တင်ပို့မှုမှ အမေရိကန်ဒေါ်လာ ၁ ဒသမ ၅ ဘီလျံအထိ ၀င်ငွေရရှိစေရန် ရည်မှန်းဆောင်ရွက်မည်ဖြစ်ကြောင်း သိရသည်။

 

ယခင်နှစ်က ကမ္ဘာ့ဆန်တင်ပို့မှု အများဆုံး ငါးနိုင်ငံစာရင်း၌ မြန်မာနိုင်ငံ ပါဝင်ခဲ့သော်လည်း ၂၀၁၈-၂၀၁၉ ဘဏ္ဍာနှစ်တွင်မူ တရုတ်သို့ နယ်စပ်မှ ဆန်တင်ပို့မှု အခြေအနေ ကောင်းမွန်မှသာ ပြည်ပသို့ စံချိန်တင် ဆန်တင်ပို့နိုင်မည်ဟုဆို

ဘုရင့်နောင်ရှိ ဆန်ပွဲရုံတစ်ခုကို တွေ့ရစဉ် (ဓာတ်ပုံ-ဇေယျာငြိမ်း)

ပြီးခဲ့သည့်နှစ်က ကမ္ဘာ့ဆန်တင်ပို့ အများဆုံး ငါးနိုင်ငံစာရင်းတွင် မြန်မာနိုင်ငံ ပါဝင်ခဲ့သော်လည်း ၂၀၁၈ -၂၀၁၉ ဘဏ္ဍာနှစ်တွင်မူ တရုတ်နိုင်ငံသို့ နယ်စပ်မှ ဆန်တင်ပို့မှု အခြေအနေ ကောင်းမွန်မှသာ ပြည်ပသို့ စံချိန်တင် ဆန်တင်ပို့နိုင်မည်ဖြစ်ကြောင်း မြန်မာနိုင်ငံ ဆန်စပါးအသင်းချုပ်မှ သိရသည်။

“အဓိကတော့ ပင်လယ်ရေကြောင်းက တင်ပို့မှုက ပုံမှန်ပဲ။ လျော့သွားမှာ မဟုတ်ဘူး။ နယ်စပ်ကိုတော့ နည်းနည်းစိုးရိမ်တယ်။ တရုတ်ပြည်ရဲ့အခြေအနေရော သူ့နိုင်ငံရဲ့ Minimum Support Price ပေါ်မှာ မူတည်ပြီးတော့ နည်းနည်းလေး လျော့နိုင်မလား တိုးနိုင်မလား။ အဲဒီအပေါ်မှာ အခြေခံနေတဲ့အတွက် နယ်စပ်ကိုတော့ အရမ်းကြီးပြောလို့ မရသေးဘူး။ ပင်လယ်ရေကြောင်းကတော့ ဒီအတိုင်းကို ဆက်လက်ပြီး သွားမှာပါ” ဟု မြန်မာနိုင်ငံ ဆန်စပါးအသင်းချုပ် တွဲဖက်အထွေထွေ အတွင်းရေးမှူး ဦးလူမော်မြင့်မောင်က ပြောကြားသည်။

ပြီးခဲ့သည့် ၂၀၁၇-၂၀၁၈ ဘဏ္ဍာနှစ်အတွင်း ဈေးကွက်သစ်များ တိုးချဲ့တင်ပို့နိုင်ခြင်းကြောင့် ပြည်ပသို့ မြန်မာ့ဆန် တန်ချိန် ၃ ဒသမ ၆ သန်းနီးပါး တင်ပို့နိုင်ခဲ့ပြီး နှစ်ပေါင်း ၅၀ ကျော်အတွင်း စံချိန်တင် တင်ပို့နိုင်ခဲ့ခြင်းဖြစ်သည်။

မြန်မာနိုင်ငံ၏ ပြည်ပဆန်တင်ပို့မှု ပမာဏသည် ၂၀၁၁-၂၀၁၂ ဘဏ္ဍာနှစ်မှစ၍ နှစ်စဉ်တိုးတက်လာခဲ့ပြီး ၂၀၁၇- ၂၀၁၈ ဘဏ္ဍာနှစ်ကုန်တွင် ပြည်ပသို့ ဆန်တန်ချိန် ၃ ဒသမ ၅၈ သန်းကျော်အထိ စံချိန်တင်ပို့နိုင်မှုမှဝင်ငွေ ဒေါ်လာ ၁ ဒသမ ၁၃၇ ဘီလျံ ရရှိခဲ့သည်။ ယင်းတင်ပို့မှုအရ မြန်မာနိုင်ငံသည် ကမ္ဘာ့ဆန်တင်ပို့ နိုင်ငံများ၏ အဆင့် (၁) မှ အဆင့် (၅) အတွင်း စာရင်းဝင်ခဲ့ကြောင်း မြန်မာနိုင်ငံ ဆန်စပါးအသင်းချုပ်မှ  သိရသည်။

တရုတ်နိုင်ငံအနေဖြင့် MSP (Minimum Support Price) ကို လျှော့ချလိုက်သောကြောင့် ဧပြီနှင့် မေ နှစ်လအတွင်း မြန်မာနိုင်ငံ၏ နယ်စပ်ဆန်တင်ပို့မှု ကျဆင်းခဲ့ကြောင်း မြန်မာနိုင်ငံ ဆန်စပါး အသင်းချုပ် တွဲဖက်အထွေထွေ အတွင်းရေးမှူး ဦးလူမော်မြင့်မောင်က ပြောကြားသည်။

“ပင်လယ်ရေကြောင်းကတော့ ပုံမှန်ပါပဲ။ သင်္ဘောနဲ့ တင်ပို့မှု၊ ကုန်တိန်နာနဲ့ တင်ပို့မှုကတော့ ပုံမှန်ရှိပါတယ်။ ဒီဧပြီနဲ့မေ နှစ်လ နယ်စပ်ကနေ တင်ပို့မှု နည်းနည်းလေး လျော့သွားတယ်။ ဘာကြောင့်လဲဆိုတော့ တရုတ်ပြည်မှာ သူရဲ့ Minimum Support Price ကို လျှော့ချလိုက်တဲ့အတွက် နောက်ပြီး သူ့ရဲ့အရန်ဆန်တွေလည်း အများကြီးရှိတယ်။ ဒါတွေကို ရောင်းချင်တယ်။ Minimum Support Price ကိုလည်း လျှော့ချလိုက်တဲ့အတွက် မြန်မာပြည်ကနေ ဆန်တွေဝယ်တာ တော်တော်လေး လျော့သွားတယ်” ဟု ဦးလူမော်မြင့်မောင်က ပြောကြားသည်။

ဇူလိုင်လအတွင်း မြန်မာနိုင်ငံမှ ဆန်တန်ချိန် တစ်သိန်း (သို့မဟုတ်) တန်ချိန်နှစ်သိန်းကို ဘင်္ဂလားဒေ့ရ်ှနိုင်ငံ အနေဖြင့် အစိုးရချင်း သဘောတူညီမှု (GtoG) စာချုပ် ချုပ်ဆိုပြီး ထပ်မံဝယ်ယူမည် ဖြစ်ကြောင်း မြန်မာနိုင်ငံ ဆန်စပါးအသင်းချုပ်မှ သိရသည်။

၂၀၁၈-၂၀၁၉ ဘဏ္ဍာနှစ် မေ ၁၁ ရက်အထိ ဆန်နှင့် ဆန်ကွဲ ပြည်ပတင်ပို့မှု တန်ချိန် ၂ ဒသမ ၇ သိန်း ကျော် (တန် ၂၇၈၉၆၃ ဒသမ ၁၆၀) ရှိပြီး တန်ဖိုးဒေါ်လာ ၉၆ သန်းကျော် (၉၆ ဒသမ ၇၅၂  သန်း) ရရှိခဲ့ကြောင်း  စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ထုတ်ပြန်ထားသော စာရင်းများအရ သိရသည်။

လက်ရှိဘဏ္ဍာနှစ် တစ်လကျော် ကာလအတွင်း ပင်လယ်ရေကြောင်း ကုန်သွယ်မှုမှ ဆန်နှင့် ဆန်ကွဲ တန်ချိန် ၁၁၄၄၀၀ ကျော်၊ နယ်စပ်ကုန်သွယ်မှုမှ ဆန်နှင့် ဆန်ကွဲတန်ချိန် ၁၆၄၅၀၀ ကျော် တင်ပို့ခဲ့ခြင်းဖြစ်သည်။

ယခင်နှစ်ပေါက်ဈေးထက် ဈေးနှုန်းကွာခြားမှုမရှိဘဲ စပါးအမျိုးအစားပေါ်မူတည်၍ နွေစပါး တင်းတစ်ရာလျှင် ကျပ်ခြောက်သိန်းခွဲ ၀န်းကျင်ရှိပြီး စပါးဈေးထက် ဆန်ကြမ်းဈေး ကျဆင်းလျက်ရှိကြောင်း ဆန်စပါးအသင်းချုပ် ဒု/ဥက္ကဋ္ဌ ပြောကြား

ယခင်နှစ်ပေါက်ဈေးထက် ဈေးနှုန်းကွာခြားမှုမရှိဘဲ စပါးအမျိုးအစားပေါ် မူတည်၍ နွေစပါး တင်းတစ်ရာလျှင် ကျပ်ခြောက်သိန်းခွဲ ၀န်းကျင်ရှိကာ စပါးဈေးထက် ဆန်ကြမ်းဈေးနှုန်း ကျဆင်းလျက်ရှိကြောင်း မြန်မာနိုင်ငံ ဆန်စပါး အသင်းချုပ်မှ ဒု/ဥက္ကဋ္ဌ ဒေါက်တာစိုးထွန်းက ပြောကြားသည်။

ပြည်ပတင်ပို့မှုနှင့် ပြည်တွင်းဈေးကွက်၌ စားသုံးမှုမြင့်တက်လျက်ရှိပြီး ဆန်ကြမ်း အမျိုးအစားဖြစ်သည့် ရတနာတိုး၊ ဇီယာ၊ မနောသုခနှင့် ဆင်းသွယ်လတ် အမည်ရှိ နွေစပါး တင်းတစ်ရာလျှင် ကျပ်ငါးသိန်းခွဲမှ ခြောက်သိန်းခွဲကြား ပေါက်ဈေးရှိကြောင်း သိရသည်။

“ဆန်ကြမ်းအမျိုးအစား နွေစပါးက တင်းတစ်ရာကို ကျပ်ငါးသိန်းခွဲကနေ ခြောက်သိန်းခွဲကြားထိ ပေါက်ဈေးရှိတယ်။ မနှစ်က ဈေးနဲ့ဆိုရင် ထူးထူးခြားခြား ကွာခြားမှုမရှိပါဘူး။ ပုံမှန်ဈေးအတိုင်းပါပဲ။ အခုနှစ်က စပါးဈေးထက် ဆန်ကြမ်းဈေးက ပိုကျတယ်။ တစ်အိတ်ကို အမျိုးအစားပေါ် မူတည်ပြီးတော့ ပျမ်းမျှ ကျပ် ၂၀၀၀ ကနေ ၃၀၀၀ ကြားထိ ဈေးကျတယ်။ အခု ချိန်စပါးဝယ်ပီး ဆန်ကျိတ် ရောင်းရင်ရှုံးတယ်။ နွေစပါးက အခုလောလောဆယ် ဈေးအများကြီး မကျန်တော့ပါဘူး။ တောင်သူတွေ လက်ထဲမှာလည်း သိပ်မရှိတော့ဘူး။ လာမယ့်မိုးစပါးကလည်း ဈေးအများကြီးကျဖို့ မရှိဘူးလို့ မြင်ပါတယ်” ဟု မြန်မာနိုင်ငံ ဆန်စပါးအသင်းချုပ်မှ ဒု/ဥက္ကဋ္ဌ ဒေါက်တာစိုးထွန်းက ပြောကြားသည်။

နေရာဒေသနှင့် စပါးအမျိုးအစားပေါ် မူတည်ကာ နွေစပါးဈေးနှုန်း ကွဲပြားမှုများရှိပြီး တောင်သူများအနေဖြင့် ဈေးကွက်ကြိုက်မျိုးများကို ရွေးချယ်စိုက်ပျိုးသင့်ကြောင်း စပါးဈေးအနေဖြင့်လည်း တင်းတစ်ရာလျှင် ကျပ် လေးသိန်းခွဲအထက် ရရှိနိုင်မှသာ တောင်သူများအတွက် အကျိုးအမြတ် ရရှိနိုင်မည်ဖြစ်ကြောင်း မြန်မာဆန်စပါး အသင်းချုပ်မှ တာဝန်ရှိသူများ သုံးသပ်ပြောကြားသည်။

“စပါးဈေးကောင်းတယ်၊ မကောင်းဘူး ဆိုတာက အမျိုးအစားပေါ်လည်း မူတည်တယ်။ တောင်သူတွေ အနေနဲ့ကလည်း ဈေးကွက်ကြိုက်မျိုးတွေကို ရွေးချယ်စိုက်ပျိုးသင့်တယ်။ စပါးအရည်အသွေးပေါ် မူတည်ပြီးတော့ ဈေးတွေကလည်း ကွဲသွားတာပါ။ တောင်သူတွေကလည်း ကိုယ့်စပါးမျိုးကို သန့်အောင်လုပ်သင့်တယ်။ ဒါမှလည်း ဈေးကောင်းရမှာပါ” ဟု မြန်မာနိုင်ငံ ဆန်စပါးအသင်းချုပ်မှ အထွေထွေ အတွင်းရေးမှူး ဦးရဲမင်းအောင်က ပြောကြားသည်။

ဈေးကွက်၌ စပါးဈေးနှုန်း ကောင်းမွန်စေရန် အဓိက စပါးဈေးနှုန်းပေါ်တွင် လွှမ်းမိုးနိုင်သည့် အချက်သုံးချက်ရှိပြီး အဆိုပါ  အချက်များမှာ (၁) ဈေးကွက်မှ လိုအပ်သည့် စပါးမျိုးကို ရွေးချယ်စိုက်ပျိုးရန် (၂) တောင် သူများအတွက် တွက်ခြေကိုက်သည့် စပါးမျိုးကို ရွေးချယ်သင့်ရန် (၃) ကမ္ဘာ့ကုန်သွယ်မှု အဆင်မပြေ ဖြစ်ပေါ်လာပြီး ဈေးကွက် ကမောက်ကမ ဖြစ်ပေါ်လာပါက ဥပဒေပြဋ္ဌာန်းချက်အရ အစိုးရအနေဖြင့် ၀င်ရောက်ညှိနှိုင်းပေးရန်ဆိုသည့် အချက်များဖြစ်ကြောင်း သိရသည်။

မြန်မာနိုင်ငံတွင် အခြေခံစပါးဈေးနှုန်းအား မတ်လအတွင်းက သတ်မှတ်ခဲ့ပြီး အခြေခံဈေးနှုန်းအား တင်းတစ်ရာလျှင် ကျပ်ငါးသိန်း သတ်မှတ်ခဲ့ကြောင်း သိရသည်။

မြန်မာနိုင်ငံမှ ထွက်ရှိသည့် ဆန်ကြမ်းအမျိုးအစားများကို ပြည်ပနိုင်ငံဖြစ်သည့် တရုတ်နိုင်ငံသို့ အများဆုံး တင်ပို့နေပြီး အာဖရိက၊ ဘယ်ဂျီယံ၊ ဂျပန်၊ စင်ကာပူ၊ အိန္ဒိယ၊ စပိန် အပါအ၀င် ပြင်သစ်၊ မလေးရှားနှင့် ကနေဒါ စသည့် နိုင်ငံများသို့လည်း တင်ပို့နေခြင်းဖြစ်ကြောင်း သိရသည်။

ပြီးခဲ့သည့် ဘဏ္ဍာနှစ်တွင် ပြည်ပသို့ ဆန်တန်ချိန် ၃ ဒသမ ၄ သန်းတင်ပို့ထားပြီး လက်ရှိဘဏ္ဍာနှစ်တွင် ဆန်တန်ချိန် သုံးသန်းတင်ပို့ရန် မျှော်မှန်းထားကြောင်း ဦးစိုးထွန်းက ဆက်လက်ပြောကြားသည်။

လက်ရှိတွင် တရုတ်က မြန်မာနိုင်ငံမှ ထွက်ရှိသည့် ဆန်များကို ပုံမှန်ဝယ်ယူလျက်ရှိပြီး ဈေးနှုန်းအနေဖြင့် အနည်းငယ် ကျဆင်းလျက်ရှိကြောင်း သိရသည်။

စပါးပေါ်ချိန် ဈေး အလွန်အမင်း ကျဆင်းမှုအား တားဆီးရန် နိုင်ငံအများစုတွင် ဆောင်ရွက်နေသည့် သိုလှောင်ရုံ ကုန်အပ်လက်မှတ်ကိုအခြေခံပြီး ချေးငွေထုတ်ပေးသည့်စနစ် စတင်ဆောင်ရွက်နိုင်ရန် အစိုးရထံတင်ပြ

စပါးပေါ်ချိန်တွင် ဈေးအလွန်အမင်းကျဆင်းမှုမှ ကာကွယ်တားဆီးနိုင်ရန် နိုင်ငံအများစုတွင်ဆောင်ရွက်သည့် ဈေးကျချိန်တွင်ရောင်းရန်မလိုဘဲ ဈေးတက်ချိန် စောင့်ရောင်းနိုင်သည့် သိုလှောင်ရုံကုန်အပ်လက်မှတ်ကို အခြေခံပြီး ချေးငွေထုတ်ပေးသည့်စနစ် (Warehouse Receipt Financing System)ကို စနစ်တကျ စတင်ဆောင်ရွက်နိုင်ရန် ပြင်ဆင်ဆောင်ရွက်ပေးရေးကို နိုင်ငံတော်အစိုးရထံ တင်ပြထားကြောင်း  မြန်မာနိုင်ငံ ဆန်စပါးအသင်းချုပ်မှ သိရသည်။

ပြည်ပသို့ ဆန်တင်ပို့ရာတွင် နိုင်ငံတကာ ပေါက်ဈေးမြင့်နေချိန်ကို အချိန်ကိုက်၍ ရောင်းနိုင်ခြင်းဖြင့် ပို့ကုန်ဝင်ငွေ ပိုမိုရရှိနိုင်သည့်အချက်ကို ဦးစားပေးဖော်ဆောင်ရန် လိုအပ်နေကြောင်း သိရသည်။

ထိုကဲ့သို့ အချိန်ကိုက် စောင့်ရောင်းနိုင်ရန်အတွက် သိုလှောင်ရုံများ လိုအပ်ခြင်းအပြင် ငွေကြေးဖြင့်တောင့်ခံထားနိုင်ရန်လည်း လိုအပ်ကြောင်း တင်ပြခဲ့သည်။

စပါးပေါ်ချိန် တောင်သူများထံ ငွေလုံးငွေရင်းများဖြင့် ဈေးကောင်းပေးဝယ်ယူနိုင်ရန်အတွက် ဆန်စက်ပိုင်များ၊ ဆန်ကုန်သည်နှင့် Exporter များအား ချေးငွေထုတ်ပေးနိုင်မည့်စနစ်တစ်ခု စဉ်းစားသုံးသပ်ပေးရန် အစိုးရထံအကြံပြုတင်ပြထားကြောင်း မြန်မာနိုင်ငံဆန်စပါးအသင်းချုပ်မှ သိရသည်။

“အိမ်နီးချင်းနိုင်ငံတစ်ခုကို ဆန်ရောင်းပါတယ် စုစုပေါင်းဆန်တန်ချိန်တစ်သိန်းပါ ဘယ်အချိန်မှာလည်းဆိုတော့ ကျွန်တော်တို့ စပါးသစ်ပေါ်တဲ့ သီတင်းကျွတ်ကာလပေါ့ သီတင်ကျွတ်ကာလဆိုတော့ တင်ပို့ဖို့စာချုပ် ချုပ်ပါတယ်။ အစိုးရချင်းဖြစ်တဲ့အခါမှာ G to G ဖြစ်တဲ့အတွက် LC နဲ့ ရောင်းရပါတယ်။ LC နဲ့ရောင်းတဲ့အခါကျတော့ ဒီဇင်ဘာလောက်မှ ငွေကြေးတွေ ၀င်လာပါတယ်။ စုစုပေါင်း ဒေါ်လာ ၄၄ သန်းဖိုးလောက်ရောင်းရပါတယ်။ ရောင်းတဲ့အခါမှာ လက်ထဲမှာ Exporter ၁၀ ခုလောက်ကနေ တင်ပို့ပါတယ်။ တင်ပို့တဲ့အခါမှာ ကျွန်တော်တို့ လက်ထဲမှာ စပါးတွေပေါ်လာတဲ့အချိန်မှာ လုံလုံလောက်လောက်ဝယ်ပေးဖို့ မလောက်ပါဘူး မလုံလောက်တဲ့အခါမှာ ပြည်တွင်းဘဏ်တစ်ခုကနေ ကျွန်တော်တို့ ရောင်းတဲ့ LC ကို  ဒီဇင်ဘာမှ ၀င်မယ်ငွေကို ၁၀ လပိုင်းမှာ TT ပေးပါဆိုတော့ ပြည်တွင်းဘဏ်တစ်ခုကနေ ၇၀ ရာခိုင်နှုန်း TT Financing ကြိုပေးပါတယ်။ ဒီလိုမျိုးကြိုပေးလိုက်တဲ့အခါ ဆန်ပိုင်တွေ စပါးကုန်သည်တွေ လယ်သမားတွေဆီ စပါးကို ဈေးကောင်းပေးပြီး ၀ယ်နိုင်တယ်”  ဟု မြန်မာနိုင်ငံ ဆန်စက်လုပ်ငန်းရှင်များအသင်း အတွင်းရေးမှူး ဦးနေလင်းဇင်က ပြောကြားသည်။

နှစ်စဉ် ဆန်စပါးအခြေခံဈေးနှုန်းများ ထုတ်ပြန်ခြင်းကို မိုးစပါးအတွက် မတ်နှင့် ဧပြီတွင်လည်းကောင်း၊ နွေစပါးအတွက် နိုဝင်ဘာနှင့် ဒီဇင်ဘာလတို့တွင်လည်းကောင်း ထုတ်ပြန်ကြေညာပေးရန် နိုင်ငံတော်အစိုးရ ထံ တင်ပြထားကြောင်း မြန်မာနိုင်ငံဆန်စပါးအသင်းချုပ်မှ သိရသည်။

မြန်မာနိုင်ငံဆန်စပါးအသင်းချုပ်မှ ၂၀၁၈ ခုနှစ် အခြေခံရည်ညွှန်းစပါးဈေးနှုန်းအဖြစ် တင်း ၁၀၀ လျှင် ကျပ်ငါးသိန်းသတ်မှတ်လိုက်ပြီး စိုက်ပျိုးထုတ်လုပ်မှုရာသီအလိုက်ဖြစ်သင့်သည့် အခြေခံဈေးနှုန်းများ ထုတ်ပြန်ပေးသွားမည်ဖြစ်ကြောင်း သိရသည်။

ဆန်စပါးအခြောက်ခံစက်နှင့် သိုလှောင်ရုံ ပူးတွဲပါဝင်သည့် DSC Project နေရာ ၁၀၀ ကို တည်ဆောက်နိုင်ရန် ချေးငွေ ကျပ် ၅၀ ဘီလျံခန့်ရရှိရေး အစိုးရထံ တင်ပြထား

ဆန်စပါး အခြောက်ခံစက်နှင့် သိုလှောင်ရုံများ ပူးတွဲပါဝင်သည့် Drying & Storage Center (DSC Project) နေရာ ၁၀၀ ကို အမြန်ဆုံး စတင်တည်ဆောက်ထားရှိနိုင်ရေးအတွက် ချေးငွေ ကျပ်၅၀ ဘီလျံခန့်ကို သက်သာသော အတိုးနှုန်းဖြင့် အမြန်ဆုံးရယူ ဆောင်ရွက်နိုင်ရေး ကူညီထောက်ပံ့ပေးရန် အစိုးရထံ တင်ပြထားကြောင်း မြန်မာနိုင်ငံ စပါးအသင်းချုပ်မှ သိရသည်။

ပြည်ပသို့ ဆန်တင်ပို့ရာတွင် ကြာရှည် သိုလှောင်နိုင်မည့် သိုလှောင်ရုံများ၊ အခြောက်ခံစက်များသည် ဆန်စပါးကဏ္ဍအတွက် အလွန်အရေးကြီးသော လိုအပ်ချက်ဖြစ်သဖြင့် အဆိုပါ စီမံကိန်းကို အထောင်အထည် ဖော်ခြင်းဖြစ်ကြောင်း သိရသည်။

အဆိုပါချေးငွေ ကျပ် ၅၀ ဘီလျံသည် စီမံကိန်းကုန်ကျစရိတ်၏ ရာခိုင်နှုန်း ၇၀ ဖြစ်ပြီး ကျန်ကုန်ကျစရိတ်ရာခိုင်နှုန်း ၃၀ ကိုမူ ပုဂ္ဂလိကလုပ်ငန်းရှင်များမှ Equity အဖြစ်ထည့်ဝင် ဆောင်ရွက်သွားမည်ဖြစ်ကြောင်း မြန်မာ့ဆန်စပါးကဏ္ဍအတွက် ဆောင်ရွက်ပေးသင့်သော အကြံပြုချက်များနှင့် စပါးသီးနှံစိုက်ပျိုးသော တောင်သူလယ်သမားအတွက် အခြေခံ စပါးဈေးနှုန်း ထုတ်ပြန်ကြေညာပေးရန် အကြံပြုချက်၌ ထည့်သွင်းဖော်ပြထားသည်။

မြန်မာ့ဆန်စပါးကဏ္ဍအတွက် ၂၀၁၈-၂၀၁၉ မှ ၂၀၂၀-၂၀၂၂ (၃ နှစ်) ကာလတိုအတွင်း ဦးစားပေးဆောင်ရွက်မည့် အစီအစဉ်များအရ ကာတိုစီမံချက်၏ မျှော်မှန်းချက် (Visoin)၊ ကာလတိုစီမံချက်၏ လုပ်ငန်းတာဝန်များ (Mission) နှင့် ကာလတိုစီမံချက်၏ ရည်မှန်းချက်များ (Target) တို့ကို ချမှက်ခဲ့ခြင်းဖြစ်သည်။

ယင်းအနက် ကာလတိုစီမံချက်၏ ရည်မှန်းချက်များအရ လာမည့် ၂၀၂၀-၂၀၂၁ တွင် ဆန်တန်ချိန် လေးသန်းတင်ပို့နိုင်ရန်နှင့် ဆန်တင်ပို့မှုမှ အမေရိကန်ဒေါ်လာ ၁ ဒသမ ၅ ဘီလျံအထိ ၀င်ငွေရရှိရန် ရည်မှန်းဆောင်ရွက်သွားမည်ဖြစ်ကြောင်း ဖော်ပြသည်။

ပြည်ပသို့ ဆန်ပိုမိုတင်ပို့နိုင်ရန်အတွက် နိုင်ငံတကာဈေးကွက်များကို ပိုမိုရှာဖွေခဲ့ပြီး လက်ရှိ ၂၀၁၇-၂၀၁၈ ဘဏ္ဍာနှစ်တွင် နိုင်ငံပေါင်း ၆၂ နိုင်ငံအထိ တိုးချဲ့ကာ တင်ပို့နိုင်ခဲ့ကြောင်း၊ ယခင်ဘဏ္ဍာနှစ်များထက် နိုင်ငံပေါင်း ၂၂ နိုင်ငံကို တိုးချဲ့ကာတင်ပို့နိုင်ခဲ့ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

ယင်းကဲ့သို့ နိုင်ငံတကာဈေးကွက်များကို ပိုမိုရှာဖွေထားနိုင်သည့်အတွက် လာမည့်ဘဏ္ဍာနှစ်များတွင် ပြည်ပသို့ ဆန်တင်ပို့နိုင်မည့် အခြေအနေကောင်းများရှိကြောင်း မြန်မာနိုင်ငံဆန်စပါးအသင်းချုပ် အထွေထွေ အတွင်းရေးမှူး ဦးရဲမင်းအောင်က ပြောကြားထားသည်။

“မြန်မာနိုင်ငံရဲ့ ဆန်စပါးဈေးကွက် တိုးချဲ့ရေးကို IFC,World Bank ပေါ့ ကမ္ဘာ့ဘဏ်ကလည်း ကူညီပေးတယ်။ မြန်မာနိုင်ငံ ဆန်စပါးအသင်းချုပ်ရဲ့ကော်မတီတွေ နောက်တစ်ခါ ကုမ္ပဏီတွေကလည်း တိုးချဲ့လုပ်တော့ ဈေးကွက်ရှာဖွေရေးကတော့ တော်တော်ကောင်းနေပြီ အဲနောက်ကနေ ထုတ်လုပ်မှုကပါ လိုက်လာမယ်ဆိုရင် တန်ချိန်လေးသန်းကို ၂၀၂၀-၂၀၂၁ ခုနှစ်မှာ လွယ်လွယ်ကူကူနဲ့ ပို့နိုင်ပြီ” ဟု ဦးရဲမင်းအောင်က ဆိုသည်။

မြန်မာနိုင်ငံအနေနဲ့ ယခုနှစ်တွင် ဆန်စပါးထုတ်လုပ်မှုတွင် နိုင်ငံ၏စားနပ်ရိက္ခာဖူလုံရုံသာမက ပြည်ပသို့ ဆန်တန်ချိန်သုံးသန်းအထိ တိုးချဲ့တင်ပို့နိုင်ခဲ့သည့်အတွက် နှစ်ပေါင်း ၇၀ အတွင်း စံချိန်သစ်တစ်ရပ် မှတ်တမ်းတင် ရေးထိုးနိုင်ခဲ့ကြောင်း မတ် ၂ ရက်တွင် ကျရောက်သော တောင်သူလယ်သမားနေ့ အခမ်းအနားသို့ နိုင်ငံတော်သမ္မတ ဦးထင်ကျော်ထံမှ ပေးပို့လိုက်သည့် သ၀ဏ်လွှာတွင် ထည့်သွင်းပြောကြားထားသည်။

ဆန်စပါးနှင့် ပဲမျိုးစုံ အပါအ၀င် လယ်ယာထွက်ကုန်သီးနှံများ၏ ထုတ်လုပ်မှု ကုန်ကျစရိတ်ကို လေ့လာပြီး တောင်သူများ တွက်ခြေကိုက်သည့် ဈေးကွက်နှင့် ဈေးနှုန်းရရှိအောင် ဆောင်ရွက်ရမည်ဟုဆို

ဧရာဝတီတိုင်း ကျေးလက်တစ်ခုတွင် ပြီးခဲ့သည့် မိုးစပါးပေါ်ချိန်က မြင်ကွင်း (ဓာတ်ပုံ-မင်းသူဝင်းထွဋ်)

ဆန်စပါးနှင့် ပဲမျိုးစုံ အပါအ၀င် လယ်ယာထွက်ကုန်သီးနှံများ၏ ထုတ်လုပ်မှု ကုန်ကျစရိတ်ကို လေ့လာပြီး တောင်သူများ တွက်ခြေကိုက်သည့် ဈေးကွက်နှင့် ဈေးနှုန်းရရှိအောင် ဆောင်ရွက်သွားရမည်ဖြစ်ကြောင်း လယ်ယာထုတ်ကုန် စီမံခန့်ခွဲရေးအဖွဲ့၏ ဒုတိယအကြိမ်မြောက် ညှိနှိုင်းအစည်းအဝေးတွင် လယ်ယာထုတ်ကုန် စီမံခန့်ခွဲရေးအဖွဲ့ ဥက္ကဋ္ဌ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယ၀န်ကြီး ဦးအောင်ထူးက ပြောကြားသည်။

လယ်ယာထုတ်ကုန်စီမံခန့်ခွဲရေးအဖွဲ့ ဥက္ကဋ္ဌ ဒုတိယ၀န်ကြီး ဦးအောင်ထူးက လယ်ယာထုတ်ကုန် စီမံခန့်ခွဲရေးအဖွဲ့ကို တောင်သူလယ်သမား အခွင့်အရေး ကာကွယ်ရေးနှင့် အကျိုးစီးပွားမြှင့်တင်ရေးဥပဒေနှင့်အညီ ဖွဲ့စည်းထားခြင်းဖြစ်ကြောင်း၊ မိမိတို့အဖွဲ့အနေဖြင့် မြန်မာနိုင်ငံ၏ အဓိက စိုက်ပျိုးသီးနှံများဖြစ်သည့် ဆန်စပါး၊ ပဲမျိုးစုံတို့နှင့် စပ်လျဉ်း၍ တောင်သူများသင့်တင့် မျှတသော ဈေးနှုန်းနှင့် ဈေးကွက်ရရှိရေးတို့အတွက် ကူညီပံ့ပိုးဆောင်ရွက်ရန် တာဝန်ရှိကြောင်း ပြောကြားသည်။

မြန်မာနိုင်ငံအလယ်ပိုင်း ဒေသများ၌ ယခုနှစ်ထွက်ရှိသော ပဲစင်းငုံများသည် မိုးရွာသွန်းမှုကြောင့် သီးနှံအရည်အသွေး ညံ့ဖျင်းခြင်းနှင့် ဈေးနှုန်းမတည်ငြိမ်ခြင်းများ ဖြစ်ပေါ်ခဲ့ပြီး စိုက်ပျိုးထုတ်လုပ်သူ တောင်သူများအနေဖြင့် ထိခိုက်နစ်နာ ဆုံးရှုံးမှုများရှိကြောင်း၊ ထို့ကြောင့် တောင်သူများ၏ ထိခိုက်နစ်နာမှုများအပေါ် ဖြေရှင်းဆောင်ရွက်ပေးနိုင်မည့် အစီအမံများကို ဖော်ထုတ်ဆွေးနွေးပေးကြရန် လိုအပ်ကြောင်း ၎င်းကဆက်လက် ပြောကြားသည်။

နှစ်စဉ်ဆန်စပါး အခြေခံဈေးနှုန်းများ ထုတ်ပြန်ခြင်းကို မိုးစပါးအတွက် မတ်နှင့် ဧပြီတွင်လည်းကောင်း၊ နွေစပါးအတွက် နိုဝင်ဘာနှင့် ဒီဇင်ဘာလတွင်လည်းကောင်း ထုတ်ပြန် ကြေညာပေးရန် နိုင်ငံတော်အစိုးရထံ တင်ပြထားကြောင်း မြန်မာနိုင်ငံ ဆန်စပါးအသင်းချုပ်မှ သိရသည်။

မြန်မာနိုင်ငံ ဆန်စပါးအသင်းချုပ်က ၂၀၁၈ ခုနှစ် အခြေခံရည်ညွှန်းစပါးဈေးနှုန်းအဖြစ် တင်း ၁၀၀ လျှင် ကျပ်ငါးသိန်း သတ်မှတ်ခဲ့ကြောင်း သိရသည်။

နှစ်စဉ် ဆန်စပါးအခြေခံ ဈေးနှုန်းများထုတ်ပြန်ရာ၌ မိုးစပါးအတွက် မတ်နှင့် ဧပြီတွင်လည်းကောင်း၊ နွေစပါးအတွက် နိုဝင်ဘာနှင့် ဒီဇင်ဘာတွင်လည်းကောင်း ထုတ်ပြန်ကြေညာရန် ဆန်စပါးအသင်းချုပ်က အစိုးရထံ တင်ပြ

နှစ်စဉ် ဆန်စပါးအခြေခံဈေးနှုန်းများ ထုတ်ပြန်ခြင်းကို မိုးစပါးအတွက် မတ်နှင့် ဧပြီတွင်လည်းကောင်း နွေစပါးအတွက် နိုဝင်ဘာနှင့် ဒီဇင်ဘာတွင်လည်းကောင်း ထုတ်ပြန်ကြေညာပေးရန် နိုင်ငံတော်အစိုးရထံ တင်ပြထားကြောင်း မြန်မာနိုင်ငံဆန်စပါးအသင်းချုပ်မှ သိရသည်။

မြန်မာနိုင်ငံ ဆန်စပါးအသင်းချုပ်မှ ၂၀၁၈ ခုနှစ် အခြေခံရည်ညွှန်းစပါးဈေးနှုန်း အဖြစ် တင်း ၁၀၀ လျှင် ကျပ်ငါးသိန်း သတ်မှတ်လိုက်ပြီး စိုက်ပျိုးထုတ်လုပ်မှုရာသီအလိုက် ဖြစ်သင့်သည့် အခြေခံဈေးနှုန်းများ ထုတ်ပြန်ပေးသွားမည်ဖြစ်ကြောင်း ထုတ်ပြန်ကြေညာချက်အမှတ် (၈ /၂၀၁၈) ဖြင့် မတ် ၆ ရက်တွင် အသိပေးကြေညာလိုက်သည်။

ထုတ်လုပ်မှုကုန်ကျစရိတ်ကို ကာမိပြီး အကျိုးအမြတ် အနည်းဆုံး ရာခိုင်နှုန်း ၅၀ အာမခံပေးသင့်ပြီး အခြေခံဈေးနှုန်းဖြစ်သောကြောင့် ဈေးကွက်ပေါက်ဈေးထက် မြင့်လို့မရကြောင်းနှင့် ဈေးထပ်မကျစေရန်အတွက်သာ ခုခံပေးသော ဈေးနှုန်းဖြစ်ရမည်ဖြစ်ကြောင်း တင်ပြခဲ့သည်။

ဈေးကွက်ပေါက်ဈေးသည် အခြေခံဈေးနှုန်း၏ အပေါ်တွင်ဖြစ်ပါက ဈေးကွက်ပေါက် ဈေးအတိုင်း ၀ယ်ယူရမည်ဖြစ်ပြီး အကယ်၍ ဈေးကွက်ပေါက်ဈေးသည် အခြေခံဈေးနှုန်းအောက်တွင် ကျဆင်းဖြစ်ပေါ်ပါက အခြေခံဈေးအတိုင်း ၀ယ်ယူရမည်ဖြစ်ကြောင်း သိရသည်။

ယခု မတ်လအတွင်းပေါ်မည့် နွေစပါးများ ဈေးနှုန်းကောင်းနေခြင်းကြောင့် ပင်လယ်ရေကြောင်းမှ တင်ပို့နေသော တန်းနိမ့်ဆန်ရရှိရန် အခက်အခဲရှိနေပြီး ပြည်တွင်း၌ စားသုံးနေသည့် ရှယ်ဆန်များ တရုတ်နိုင်ငံသို့ ပိုမိုထွက်သွားနိုင်ပြီး ပြည်တွင်းဆန်ဈေးနှုန်း ထပ်မံမြင့်တက်နိုင်ကြောင်း ဘုရင့်နောင်ဆန် ကုန်စည်ဒိုင်မှ သိရသည်။

“အခုဆန်ရဲ့ ၀ယ်လိုအားက တရုတ်ပြည်က ၀ယ်လိုအားရှိတယ်။ ပင်လယ်ရေကြောင်း ကလည်း ၂၅ မှတ်ကလည်း ၀ယ်ဖို့ရှိတယ်။ အခုထွက်လာတဲ့ နွေစပါးက ခြောက်သိန်းဈေးနဲ့ စနေတော့ ၂၅ မှတ် တန်းနိမ့်အဆင့်ကိုရမယ့် အနေအထားကို မရှိဘဲနဲ့ ရှယ်တွေချည်းပဲ တရုတ်ပြည်နယ်စပ်ကို ထွက်သွားလိမ့်မယ်။ ဒီဘက် ၂၅ မှတ်သမားက ပြဿနာတက်မယ်။ ဆန်ဈေးက ကျစရာတော့ မရှိဘူး” ဟု ဘုရင့်နောင်ဆန်ကုန်စည်ဒိုင် အတွင်းရေးမှူး ဦးသန်းဦးက ပြောကြားသည်။

လက်ရှိတွင်လည်း တရုတ်နိုင်ငံ၏ ၀ယ်လိုအားမှာ ပိုမိုမြင့်တက်နေပြီး မြန်မာ -တရုတ်နယ်စပ်မှ ကုန်သည်အချို့က ဧရာဝတီတိုင်းဒေသကြီးအထိဆင်းကာ ယင်းဒေသမှ ထွက်ရှိမည့် ဆန်များကို ပေါက်ဈေးထက်ပိုသော ဈေးနှုန်းဖြင့် ကြိုတင်ငွေပေးချေကာ ၀ယ်ယူလျက်ရှိကြောင်း ဘုရင့်နောင်ဆန်ကုန်စည်ဒိုင်မှ သိရသည်။

“အခု ဧရာဝတီတိုင်းက ထွက်မယ့်ဆန်ကို သူတို့က ထပ်ဝယ်ဖို့ရှိတယ်။ ထပ်ဝယ်ဖို့ ရှိတဲ့ဟာက ရှမ်းမတွေက တိုက်ရိုက်ဆင်းဝယ်လာတယ်။ သူတို့ကလည်း သကြားတွေ ရောင်းထားတော့ ငွေတွေပိုနေတယ်” ဟု ဘုရင်နောင်ဆန်ကုန်စည်ဒိုင်အတွင်း ရေးမှူး ဦးသန်းဦးက ဆိုသည်။