ဆက်သွယ်ရေးဥပဒေ ပြင်ဆင်ပြီးနောက် တရားစွဲဆိုမှုများတွင် လွတ်လပ်စွာ ထုတ်ဖော်ပြောဆိုခွင့်အရ ရေးသားမှုများကို တရားစွဲဆိုမှု ၅၄ ရာခိုင်နှုန်းရှိကြောင်း လှုပ်ရှားမှုအဖွဲ့အသံ (Athan) ၏ အစီရင်ခံစာတွင် ဖော်ပြ

ဆက်သွယ်ရေးဥပဒေ ပြင်ဆင်ပြီးနောက် တရားစွဲဆိုမှုများတွင် လွတ်လပ်စွာ ထုတ်ဖော်ပြောဆိုခွင့်အရ ရေးသားမှုများအား တရားစွဲဆိုမှု ၅၄ ရာခိုင်နှုန်းရှိကြောင်း လွတ်လပ်စွာ ထုတ်ဖော်ပြောဆိုခွင့် လှုပ်ရှားမှု အဖွဲ့အသံ (Athan) ၏ ‘ဆက်သွယ်ရေးဥပဒေ ပြင်ဆင်ခြင်း တစ်နှစ်ပြည့် အစီရင်ခံစာ’ တွင် ဖော်ပြခဲ့သည်။

“ကျွန်တော်တို့ကတော့ အစိုးရသစ် လက်ထက်မှာ ဥပဒေပြင်ပြီးနောက်ပိုင်း တရားစွဲခံရတဲ့ အမှု ၄၈ မှုအပေါ် အခြေခံပြီး ဆန်းစစ်ထားတာပါ။ အဲဒီအထဲမှာဆို အစီ ရင်ခံစာထဲမှာ ပါတဲ့အတိုင်း ၅၄ ရာခိုင်နှုန်း ဟာ လုံးဝ တရားမဆိုသင့်ဟာတွေလို့ ပြော လို့ရတယ်။ အဲဒါတွေက လွတ်လပ်စွာ ထုတ် ဖော်ပြောဆိုခွင့်အရ ရေးသားတာတွေလို့ပဲ ပြောလို့ရပါတယ်” ဟု အသံအဖွဲ့မှ ကိုဆောင်းခက The Daily Eleven သတင်းစာသို့ ပြောကြားသည်။

ဆက်သွယ်ရေးဥပဒေဖြင့် တရားစွဲမှု ၄၈ မှုကို ကဏ္ဍများခွဲ၍ လေ့လာရာတွင် လွတ်လပ်စွာ ထုတ်ဖော်ပြောဆိုခွင့်အရ ရေးသားမှုများကို တရားစွဲဆိုမှု ၅၄ ရာခိုင်နှုန်း၊ ဆိုက်ဘာရာဇ၀တ်ဥပဒေဖြင့် တားမြစ်ရမည့် အပြုအမူများ ၂၅ ရာခိုင်နှုန်း၊ လူမှုရေးပြဿနာများ ၁၁ ရာခိုင်နှုန်းနှင့် အခြား (မသိရ) ၁၀ ရာခိုင်နှုန်းရှိပြီး လွတ်လပ်စွာ ထုတ်ဖော်ပြောဆိုခွင့်ကို တားမြစ်ကန့်သတ်ပြီး တရားစွဲဆိုခြင်း အများဆုံး ဖြစ်ကြောင်း ဖော်ပြထားသည်။

ဆက်သွယ်ရေး ဥပဒေအား ပြင်ဆင်ရာတွင် ထင်ရှားသည့် ပြင်ဆင်ချက်အဖြစ် ယင်းဥပဒေပါ ပုဒ်မ ၆၆ (ဃ) ၏ ပြစ်မှုမြောက်စေသည့် အချက်များကို လျှော့ချခြင်း၊ ယင်းပုဒ်မပါ ပြစ်မှု၏ ပြစ်ဒဏ်ကို လျှော့ချခြင်းနှင့် ကြားလူက တရားစွဲဆိုမှု မပြုလုပ်နိုင်ရန် ထည့်သွင်းပြဋ္ဌာန်းခြင်း စသည့် ပြင်ဆင်ချက်သုံးရပ် ပြုလုပ်ခဲ့ခြင်း ဖြစ်သည်။

၂၀၁၃ ခုနှစ် အောက်တိုဘာတွင် ပြဋ္ဌာန်းခဲ့သည့် ဥပဒေသက်တမ်း ငါးနှစ်ရှိပြီဖြစ်သော ဆက်သွယ်ရေးဥပဒေဖြင့် တရားစွဲဆိုမှုပေါင်း ၁၅၀ ရှိလာပြီး ယခင်အစိုးရ လက်ထက်တွင် တရားစွဲဆိုမှု ၁၁ မှုရှိကာ လက်ရှိအစိုးရ လက်ထက်တွင် ဥပဒေ မပြင်ဆင်ခင်ကာလ၌ အမှု ၉၁ မှုနှင့် ဥပဒေပြင်ဆင်ပြီး နောက်တွင် တစ်နှစ်အတွင်း ၄၈ မှု ရှိခဲ့သည်။

ဥပဒေပြင်ဆင်ပြီးနောက် ဆက်သွယ်ရေးဥပဒေဖြင့် တရားစွဲဆိုမှုများကို အမျိုးအစားအလိုက် ရာခိုင်နှုန်းဖြင့် ဖော်ပြရာတွင်လည်း နိုင်ငံရေးဝေဖန်မှုများမှာ ၂၃ ရာခိုင်နှုန်းဖြင့် အများဆုံးဖြစ်နေပြီး လူပုဂ္ဂိုလ်၊ အဖွဲ့အစည်းကို ဝေဖန်ခြင်းမှာ ဒုတိယ အများဆုံးဖြစ်ကြောင်း အစီရင်ခံစာတွင် ဖော်ပြခဲ့သည်။

အစီရင်ခံတွင် ဆက်သွယ်ရေး ဥပဒေပါ ပုဒ်မ ၆၆ (ဃ)၊ ၆၈ (က)၊ ပုဒ်မ ၇၇ နှင့် ပုဒ်မ ၇၈ တို့ကို အပြီးတိုင် ဖျက်သိမ်းသင့်ကြောင်း၊ ဆက်သွယ်ရေး ဥပဒေပါ ပုဒ်မ ၇၅ နှင့် ပုဒ်မ ၇၆ တို့ကို ပြန်လည်သုံးသပ် ပြင်ဆင်သင့်ကြောင်း၊ လွတ်လပ်စွာ ထုတ်ဖော်ပြောဆိုခွင့် စံနှုန်းများနှင့် နိုင်ငံတကာ စံနှုန်းများနှင့် လျော်ညီသည့် ဆိုက်ဘာဥပဒေ ပေါ်ပေါက်လာရန် ဖော်ဆောင်သင့်ကြောင်းနှင့် နိုင်ငံခေါင်းဆောင်များ၊ အစိုးရ၊ လွှတ်တော်ကိုယ်စားလှယ်များ၊ ဌာနဆိုင်ရာများ အနေဖြင့် မိမိတို့အပေါ် ဝေဖန်ပြောကြားမှုများနှင့် စပ်လျဉ်း၍ ဆက်သွယ်ရေး ဥပဒေဖြင့် တရားစွဲဆိုထားမှုများကို အမြန်ဆုံး ပြန်လည်ရုပ်သိမ်း ပေးသင့်ကြောင်း အကြံပြု ဖော်ပြထားသည်။

အဆိုပါ အစီရင်ခံစာတွင် ‘ဆက်သွယ်ရေးဥပဒေကို ပြင်ဆင်သည့်ဥပဒေ’ အား ၂၀၁၇ ခုနှစ် သြဂုတ် ၂၉ ရက်တွင် အတည်ပြု ပြဋ္ဌာန်းခဲ့ပြီးနောက် ဖြစ်ပွားခဲ့သော တရားစွဲဆိုမှု ၄၈ မှု၏ အခြေအနေများအား လေ့လာ၍ ပြင်ဆင်သင့်သည်များကို အကြံပြုထားခြင်း ဖြစ်သည်။ အစီရင်ခံစာပါ အကြံပြုချက်များကို ဥပဒေပြင်ဆင်ချိန်တွင် ဖျက်သိမ်းရေးဘက်မှ ဆွေးနွေးခဲ့သော လွှတ်တော်ကိုယ်စားလှယ် ၁၂ ဦးနှင့် အခြားစိတ်ဝင်စားသည့် လွှတ်တော်ကိုယ်စားလှယ်များထံ ပေးပို့ပေးမည် ဖြစ်ကြောင်း ကိုဆောင်းခထံမှ သိရသည်။

 

ဆက်သွယ်ရေးဥပဒေပုဒ်မဖြင့် တရားစွဲဆိုမှု စုစုပေါင်း ၁၅၀ အထိရှိလာပြီး ဥပဒေပြင်ဆင်ပြီးနောက်ပိုင်း ၄၈ မှုရှိ

ဆက်သွယ်ရေးဥပဒေပုဒ်မဖြင့် တရား စွဲဆိုထားသော အမှုပေါင်း  ၁၅၀ အထိရှိလာ ပြီး အဆိုပါဥပဒေပြင်ဆင်ပြီးနောက် ၄၈ မှုထိရှိလာကြောင်း အသံ(လွတ်လပ်စွာ ထုတ်ဖော်ပြောဆိုခွင့် လှုပ်ရှားမှုအဖွဲ့)ထံမှ သိရသည်။

အဆိုပါ တရားရုံးတင်ပြီး တရားစွဲဆိုထားသော အမှုများသည် စက်တင်ဘာ ၉ ရက်အထိ ကောက်ခံရရှိသော စာရင်းများအရ ဖြစ်သည်။

ဥပဒေပြင်ဆင်ပြီး နောက်ပိုင်းတွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့ နှင့်ပတ်သက်၍ ကြားလူများက တရားစွဲဆိုသော အမှုများ မတွေ့ရှိရတော့ကြောင်း သိရသည်။

အဆိုပါအမှုများအနက် သတင်းမီဒီယာသမားများအပေါ် ဆက်သွယ်ရေးဥပဒေဖြင့် တရားစွဲဆိုထားမှု ၁၉ မှုရှိပြီး တရားရင် ဆိုင်နေရသော သတင်းမီဒီယာသမား ၂၇ ဦးရှိကြောင်း သိရသည်။

ယခင်အစိုးရလက်ထက်တွင် ယင်းဥပဒေဖြင့် တရားစွဲခံရမှု ၁၁ မှုရှိခဲ့ပြီး လက်ရှိအစိုးရလက်ထက်တွင် ဥပဒေမပြင်ဆင်ရ သေးချိန်၌ ၉၁ မှုရှိကာ ဥပဒေပြင်ဆင်ပြီးချိန်တွင် တရားစွဲခံရမှု ၄၈ မှုရှိကြောင်း အသံအဖွဲ့မှ သိရသည်။

ထို့ပြင် ဥပဒေပြင်ဆင်ပြီး တရားစွဲသည့် အမှုများအနက်မှ ၁၇ မှုသည် လွှတ်တော်ကိုယ်စားလှယ်များနှင့် အစိုးရ၀န်ထမ်းများက တရားစွဲဆိုထားခြင်းဖြစ်ကြောင်း သိရသည်။

ယခင် ဆက်သွယ်ရေးဥပဒေတွင် ခြောက်လှန့်တောင်းယူခြင်း၊ အသရေဖျက်ခြင်း၊ နှောင့်ယှက်ခြင်း၊ ခြိမ်းခြောက်ခြင်း၊ အနိုင်အထက်ပြုခြင်း၊ မတရားတားဆီးကန့်ကွက်ခြင်း၊ မလျော်သြဇာသုံးခြင်း ခုနစ်ချက်မှ ၂၀၁၇ ခုနှစ် သြဂုတ် ၂၇ ရက်က ဆက်သွယ်ရေးဥပဒေ ပြင်ဆင်ချက်တွင် လေးချက်အထိ လျှော့ချကာ  နိုင်ငံတော်သမ္မတက လက်မှတ်ထိုးအတည်ပြုခဲ့ပြီး ခြောက်လှန့်တောင်းယူခြင်း၊ အသရေဖျက်ခြင်း၊ နှောင့်ယှက်ခြင်းနှင့် ခြိမ်းခြောက်ခြင်းအချက်လေးချက်ဖြင့် ပြင်ဆင်ပြဋ္ဌာန်းခဲ့သည်။

ထိုသို့ ၂၀၁၇ ခုနှစ်တွင် ဆက်သွယ်ရေး ဥပဒေအား ပြင်ဆင်ပြဋ္ဌာန်းချက်တွင် ဖယ်ရှားလိုက်သည့်အချက် သုံးခုဖြစ်သော အနိုင့်အထက်ပြုခြင်း၊ မတရားတားဆီးကန့်ကွက်ခြင်းနှင့် မလျော်သြဇာသုံးခြင်းတို့ဖြင့် တိုင်ကြားသော အမှုဟူ၍ တစ်ခုမျှ ယခင်က မရှိခဲ့ကြောင်း၊ ဖယ်ရှားလိုက်သော အကြောင်းပြချက်သုံးခုနှင့် တိုင်ကြားသောအမှုဟူ၍ တစ်ခုမျှမရှိခဲ့ဘဲ ဥပဒေ ပြင်ဆင်ချက်သည် ပုဒ်မ ၆၆(ဃ) အသုံးပြုမှုအပေါ် ထိထိရောက်ရောက် သက်ရောက်ခြင်း မရှိကြောင်းနှင့်  ဥပဒေပြင်ဆင်ချက်နောက်ပိုင်းတွင်လည်း ၆၆(ဃ)ဖြင့် အမှုများ တိုင်ကြားနေဆဲဖြစ်ကြောင်း Free Expression Myanmar (လွတ်လပ်သော ထုတ်ဖော်ပြောဆိုခြင်း မြန်မာ) မှ ဒီဇင်ဘာ ၁၁ ရက်တွင် အစီရင်ခံစာတစ်စောင် ထုတ်ပြန်ခဲ့သည်။

ဒစ်ဂျစ်တယ်နည်းပညာ၊ မီဒီယာနှင့် လွတ်လပ်စွာ ထုတ်ဖော်ပြောဆိုခွင့်အရေး အထူးဆောင်ရွက်နေသည့် အရပ်ဖက်အဖွဲ့အစည်းများက ပူးပေါင်းအဖွဲ့တစ်ခုပူးပေါင်းဖွဲ့စည်း၍ ဆက်သွယ်ရေးဥပဒေပါ ပုဒ်မ ၆၆(ဃ) သည် မြန်မာ့ဒီမိုကရေစီအကူး အပြောင်းနှင့်အခြေခံကျကျကြီး ဆန့်ကျင် ကွဲလွဲနေသည့်အတွက် ယင်းပုဒ်မကို အပြီးတိုင်ဖျက်သိမ်းရေး NLD အစိုးရကို တိုက် တွန်းခဲ့သော်လည်း အစိုးရက ပုဒ်မ ၆၆(ဃ)ကို ဖျက်သိမ်းမည့်အစား ယင်းပုဒ်မပါအချက် အရေအတွက် လျှော့ချခဲ့ခြင်း၊ ထောင်ဒဏ်လျှော့ချခြင်း၊ အာမခံပေးနိုင်ချေကို တိုးမြှင့်ခြင်းနှင့် တတိယပုဂ္ဂိုလ် (သို့) ကြားလူမှတရား စွဲဆိုခြင်းကို ကန့်သတ်လိုက်ခြင်း စသည်တို့ အပါအ၀င်အပြောင်းအလဲ အနည်းငယ်သာ ပြုလုပ်ခဲ့ကြောင်း Free Expression Myanmar အစီရင်ခံစာတွင် ဖော်ပြထားသည်။

လက်ရှိအစိုးရ လက်ထက်တွင် ဆက်သွယ်ရေး ဥပဒေပုဒ်မဖြင့် တရားစွဲဆိုမှု ၁၄၄ မှုရှိလာပြီး သတင်းမီဒီယာများအပေါ် ဆက်သွယ်ရေး ဥပဒေဖြင့် တရားစွဲဆိုထားမှု ၁၉ မှုရှိကာ တရားရင်ဆိုင်နေသည့် သတင်းသမား ၂၇ ဦးရှိ

လက်ရှိအစိုးရလက်ထက်တွင် ဆက်သွယ်ရေးဥပဒေပုဒ်မဖြင့် တရားစွဲဆိုမှု ၁၄၄ မှုအထိရှိလာပြီး သတင်းမီဒီယာများအပေါ် ဆက်သွယ်ရေးဥပဒေဖြင့် တရားစွဲဆိုထားမှု ၁၉ မှုရှိကာ တရားရင်ဆိုင်နေရသည့် သတင်းသမား ၂၇ ဦးအထိရှိကြောင်း အသံအဖွဲ့ (လွတ်လပ်စွာ ထုတ်ဖော်ပြောဆိုခွင့်လှုပ်ရှားမှု) ၏ ဖော်ပြချက်အရ သိရသည်။

ထိုသို့ ဆက်သွယ်ရေး ဥပဒေပုဒ်မဖြင့် တရားစွဲဆိုမှုစာရင်းမှာ ယခု (သြဂုတ်) ၇ ရက်အထိ ကောက်ခံရရှိသော စာရင်းများဖြစ်ကာ တရားရုံးတင် စစ်ဆေးမှု အဆင့်များဖြစ်သည်။

လက်ရှိအစိုးရ လက်ထက်တွင် ဆက်သွယ်ရေးဥပဒေ မပြင်ဆင်ရသေးချိန်၌ ယင်းပုဒ်မဖြင့် တရားစွဲဆိုခံခဲ့ရသော အမှုအရေအတွက်မှာ ၉၀ မှုနှင့် ဆက်သွယ်ရေးဥပဒေ ပြင်ဆင်ပြီး တရားစွဲဆိုခံရသော အမှုအရေအတွက်မှာ ၄၃ မှုဖြစ်ကြောင်း သိရသည်။

ထိုအနက် ဥပဒေပြင်ဆင်ပြီးနောက် တရားစွဲဆိုခံရသော အမှုများထဲမှာ ၁၆ မှုမှာ  လွှတ်တော် ကိုယ်စားလှယ်များနှင့် အစိုးရ၀န်ထမ်းများမှ တရားစွဲဆိုထားခြင်း ဖြစ်ကြောင်း အသံအဖွဲ့ (လွတ်လပ်စွာ ထုတ်ဖော်ပြောဆိုခွင့် လှုပ်ရှားမှု) က ဖော်ပြခဲ့သည်။

“ဒီဆက်သွယ်ရေး ဥပဒေက ပြင်ထားတာ မကြာသေးဘူး။ အဲဒီပြင်ဆင်ချက်တွေက မလုံလောက်ဘူးဆိုတာ အခုတရားစွဲဆိုနေတဲ့ အမှုစာရင်းတွေက လက်ရှိအခြေအနေကို သက်သေပြနေတယ်။ လွှတ်တော်ကိုယ်စားလှယ်တွေ အနေနဲ့ လွှတ်တော်သက်တမ်း မကုန်ဆုံးမီကာလမှာ ဒီဥပဒေတွေ အမြန်ဆုံး သုံးသပ်ပြီးတော့ ပြင်ဆင်ဖို့ လိုအပ်နေတယ်။ မဟုတ်ရင် အမှုတွေက ဒီထက်ပိုပြီး များလာဖို့ရှိတယ်။ ဒီတစ်လတည်းမှာတင် ဆက်သွယ်ရေး ဥပဒေပုဒ်မ အမှုက ကိုးမှုအထိ ရှိနေတယ်” ဟု အသံအဖွဲ့မှ ကိုဆောင်းခက သြဂုတ် ၇ ရက်တွင် ပြောကြားသည်။

ဆက်လက်၍ ၎င်းက “အဓိက,က အသရေဖျက်မှုဆိုတဲ့ အဓိပ္ပာယ်ဖွင့်ဆိုချက်မှာ ပြဿနာဖြစ်နေတယ်။ အခုက အစိုးရကို ဝေဖန်တာ၊ လွှတ်တော်ကိုယ်စားလှယ်တွေကို ဝေဖန်တာတွေကို အသရေဖျက်မှုအနေနဲ့ သတ်မှတ်ထားလို့တော့ မရဘူး” ဟု ဆိုသည်။

ထို့ပြင် ဆက်သွယ်ရေးဥပဒေ ပြင်ဆင်ပြီး နောက်ပိုင်းတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဗိုလ်ချုပ်မှူးကြီး မင်းအောင်လှိုင်တို့နှင့် ပတ်သက်၍ ကြားလူများက တရားစွဲဆိုထားသော အမှုများ မတွေ့ရှိရတော့ကြောင်း အသံအဖွဲ့၏ ဖော်ပြချက်တွင် ပါရှိခဲ့သည်။

ယင်းပုဒ်မဖြင့် တရားစွဲဆိုမှုများမှာ ယခင်အစိုးရလက်ထက် ထက် များပြားလာကာ ယင်းပုဒ်မမှာ လွတ်လပ်စွာ ထုတ်ဖော်ပြောဆိုခွင့် ဒီမိုကရေစီစံနှုန်းများကို ထိပါးလျက်ရှိကြောင်း သိရသည်။

 

မြောင်းမြမြို့တွင် လွှတ်တော်ကိုယ်စားလှယ်များ နယ်မြေကွင်းဆင်းရာတွင် ကျောင်းသားများ စောင့်ဆိုင်းကြိုဆိုနေသည့် ဖြစ်စဉ်နှင့်ပတ်သက်၍ Facebook ၌ ဝေဖန်ခဲ့သည့် ပြည်သူတစ်ဦးအား လွှတ်တော်ကိုယ်စားလှယ်များရုံးအဖွဲ့ဝင်က ပုဒ်မ ၆၆ (ဃ) ဖြင့် အမှုဖွင့်

မြောင်းမြမြို့တွင် လွှတ်တော်ကိုယ်စားလှယ်များ နယ်မြေကွင်းဆင်းရာတွင် ကျောင်းသားများ စောင့်ဆိုင်းကြိုဆိုနေသည့် ဖြစ်စဉ်နှင့်ပတ်သက်၍ ကျောင်းသားကျောင်းသူတွေ အခုထိ အသုံးချခံနေရပဲလား၊ ခေတ်အဆက်ဆက် လူကြီးတွေ လာတိုင်းလက်လေးပိုက်ပြီး ဦးခိုက်နေရတုန်းပဲလား ပြောင်းလဲခြင်းလား မပြောင်းလဲခြင်းလားဟု စာသားများပါဝင်သည့် ဝေဖန်ပြောကြားချက်တစ်ခုအား Facebook ပေါ်တွင် ရေးသားခဲ့သည့် ပြည်သူတစ်ဦးအား မြောင်းမြမြို့နယ် အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်များ ရုံးအဖွဲ့ဝင်မှ လွှတ်တော်ကိုယ်စားလှယ်များအား အကြည်ညိုပျက်စေရန် ရေးသားခဲ့သည်ဟုဆိုကာ ဇူလိုင် ၁၁ ရက် ညနေ ၅ နာရီခန့်တွင် ဆက်သွယ်ရေးဥပဒေပုဒ်မ ၆၆ (ဃ) ဖြင့် အမှုဖွင့် တိုင်ကြားခဲ့ကြောင်း သိရသည်။

ဖြစ်စဉ်မှာ ဇူလိုင် ၁၀ ရက်တွင် မြောင်းမြမြို့နယ် လွှတ်တော်ကိုယ်စားလှယ်ဖြစ်ကြသည့် အမျိုးသားလွှတ်တော်ကိုယ်စားလှယ် ဦးမန်းထွန်းကြိုင်၊ မဲဆန္ဒနယ်အမှတ် (၂) တိုင်းဒေသကြီးကိုယ်စားလှယ် ဒေါ်ခိုင်ဇင်ဦး၊ လွှတ်တော်ကိုယ်စားလှယ်များရုံးအဖွဲ့မှူး ဦးဝင်းမြင့်နှင့် ရုံးအဖွဲ့ဝင် ဦးအောင်ကိုလတ်တို့မှာမဲ ဆန္ဒရှင်ပြည်သူများနှင့် တွေ့ဆုံရန် ငါးမြင်းချောင်းကျေးရွာအုပ်စု ကွင်းကလေးကျေးရွာသို့ သွားရောက်ခဲ့ကြောင်း၊ ယင်းသို့သွားရောက်ခဲ့ရာတွင် ကျောင်းသားကျောင်းသူများက စောင့်ဆိုင်းကြိုဆိုခဲ့ကြောင်း၊ ယင်းသို့ ကြိုဆိုနေသည့် ဓာတ်ပုံများနှင့် အခြားသော မှတ်တမ်းဓာတ်ပုံများကို လွှတ်တော်ကိုယ်စားလှယ်များရုံးအဖွဲ့ဝင် ဦးပြုံး (ခ) ဦးပြူးက ၎င်း၏ Facebook အကောင့်ဖြစ်သည့် Sat Ka ဆိုသည့်အကောင့်မှ Post တင်ခဲ့ကြောင်း၊ ၎င်းပုံများတင်ပြီး တစ်နာရီခန့်အကြာတွင် ကိုကောင်းထက်ဇင်ဆိုသူက ၎င်း၏ Facebook အကောင့်ဖြစ်သည့် Kaung Htet Linn အမည်ရှိ အကောင့်မှ လွှတ်တော်ကိုယ်စားလှယ်အား ကျောင်းသားကျောင်းသူများ ကြိုဆိုနေသည့်ပုံအား ကူးယူ၍ လွှတ်တော်ကိုယ်စားလှယ်များနှင့် ရုံးအဖွဲ့မျက်နှာများအား စတစ်ကာဖြင့်အုပ်ကာ “ကျောင်းသား ကျောင်းသူတွေက အခုထိအသုံးချခံနေရပဲလား..ခေတ်အဆက်ဆက် လူကြီးတွေလာတိုင်း လက်ကလေးပိုက်ပြီး ဦးခိုက်နေရတုန်းပဲလား…ပြောင်းလဲခြင်းလား..မပြောင်းလဲခြင်းလား ကိုယ်မျက်နှာလို အားရလုပ်ချင်တာနဲ့ ကလေးတွေ စိတ်ဓာတ်ကိုရိုက်ချိုးပြီး စာသင်ချိန်တွေကို လုပ်ချင်တိုင်းလုပ်လို့ရသတဲ့လား၊ အခြေခံနိုင်ရေးအသိတွေ ဘယ်မှာတုံး၊ ဘယ်ရောက်ကုန်တုံး ဘယ်မလဲသိမှု၊ ဘယ်မလဲတတ်မှု၊ ဘယ်မလဲ ကျိုးကြောင်းဆင်ခြင်နိုင်မှု။ ဘယ်မလဲ..ဘယ်မလဲဘယ်မလဲ.. ပြုံးပြုံး ပြုံးပြုံးနဲ့ နေရင်တော့ ပြုံးပြုံး ပြုံးပြုံးနဲ့ပဲ ဇာတ်သိမ်းရမှာပဲ..။ Lower Creature တွေလောက် အသိဥာဏ်ထည့်မပေါ့။ အငိုနဲ့စပြီး အငိုနဲ့ဆုံးတဲ့ ဘ၀များအတွက် စဉ်းစားပေးကြပါဦး။ မပြောဘူး မပြောဘူးနေတာကလေးတွေကို လုပ်ရင်တော့ ပြောရတော့မှာပဲ။ သူများလုပ်လို့ ကိုယ်လုပ်ပေးရတာဆိုရင် သူများ ခ-ီးစားဆို စားမလား” ဟု ရေးသားကာ Post တင်ခဲ့ကြောင်း၊ ယင်းသို့ရေးသားခဲ့မှုများမှာ ပြည်သူလူထုက လွှတ်တော်ကိုယ်စားလှယ်များကို အထင်အမြင်လွဲမှားအောင် ရေးသားခဲ့ခြင်းဖြစ်သောကြောင့်ဟုဆိုကာ လွှတ်တော်ကိုယ်စားလှယ် ဒေါ်ခိုင်ဇင်ဦးက ကိုကောင်းထက်ဇင်အား Facebook Mesenger မှတစ်ဆင့် တင်ထားသည့် Post အား ဖျက်ပေးရန် ပြောကြားခဲ့ကြောင်း၊ ကိုကောင်းထက်ဇင်ကလည်း ဖျက်ပေးမည်ဟု ပြန်လည်ပြောကြားခဲ့သော်လည်း ဇူလိုင် ၁၁ ရက် ညနေပိုင်းအထိ Post အား ဖျက်ပေးခြင်းမရှိသောကြောင့် ကိုကောင်းထက်ဇင်မှာ လွှတ်တော်ကိုယ်စားလှယ်များအား ပြည်သူများက အထင်အမြင် လွဲမှားစေရန် ရေးသားခဲ့သည်ဟုဆိုကာ လွှတ်တော်ကိုယ်စားလှယ်များ ရုံးအဖွဲ့ဝင် ဦးပြုံး(ခ) ဦးပြူးက အမှုဖွင့် တိုင်ကြားခြင်းဖြစ်ကြောင်း သိရသည်။

“ကျွန်တော်တင်ထားတဲ့ပုံကို ယူပြီးတော့ သူကတင်တာမို့ သူဖျက်ပေးဖို့ နောက်ဆုံးအချိန်အထိ စောင့်ဆိုင်းပါတယ်။ အခုအမှုဖွင့်တာဟာ ကျွန်တော်တစ်ယောက်တည်းကနေ ဖွင့်တာမဟုတ်ပါဘူး။ လွှတ်တော်ကိုယ်စားလှယ်များရော ကိုယ်စားလှယ်များရုံးအဖွဲ့ရဲ့ ခွင့်ပြုချက်နဲ့ပါ အမှုဖွင့် တိုင်ကြားတာပါ” ဟု အမှုဖွင့်တိုင်ကြားခဲ့သူ ဦးပြုံး (ခ) ဦးပြူးက ပြောကြားသည်။

စွပ်စွဲခံရသူ ကိုကောင်းထက်ဇင်၏ ဖခင်မှာ မြောင်းမြမြို့နယ် အမျိုးသားဒီမိုကရေစီ အဖွဲ့ချုပ် မြို့နယ်သတင်းပြန်ကြားရေးအဖွဲ့ဝင်တစ်ဦးဖြစ်ပြီး မိခင်ဖြစ်သူမှာ ဧရာဝတီဒေသကြီး ကော်မတီဝင်တစ်ဦးလည်းဖြစ်ကြောင်း၊ ကိုကောင်းထက်ဇင်မှာ အောင်နိုင်ရေးကာလများတွင် မြောင်းမြမြို့နယ် အောင်နိုင်ရေးရုံးတွင် နေထိုင်ကာ အောင်နိုင်ရေးကိစ္စရပ်များအား ဆောင်ရွက်ပေးခဲ့သူတစ်ဦးဖြစ်ကြောင်း သိရသည်။

အမှုဖွင့်လှစ် တိုင်ကြားခံရမှုနှင့် ပတ်သက်၍ ကိုကောင်းထက်ဇင်အား ဆက်သွယ်မေးမြန်းရာတွင် “အခုဖြစ်စဉ်နဲ့ပတ်သက်ပြီး ကျွန်တော့်ဘက်က လိပ်ပြာသန့်ပါတယ်။ ဟိုအရင် စစ်အစိုးရလက်ထက်ကတည်းက လူကြီးတွေ ရွာတွေကိုလာရင် ကလေးတွေ ခေါင်းငုံ့လက်ပိုက်ပြီး ကြိုဆိုကြတာဟာ ကလေးတွေရဲ့ စိတ်ဓာတ်ကို ရိုက်ချိုးသလိုခံစားရတယ်။ ကလေးတွေဟာ စာသင်ချိန်မှာ စာသင်ကျောင်းထဲမှာပဲ ရှိသင့်တယ်။ ဒီလိုမျိုးတွေကို မကြိုက်လို့ ကျွန်တော်တို့က အခုအစိုးရကို ပခုံးထမ်းတင်ပေးခဲ့တာ။ အခုဖြစ်စဉ်နဲ့ ပတ်သက်ပြီး ကျွန်တော်က စိတ်သန့်ပါတယ်” ဟု ဆိုသည်။

ယင်းဖြစ်စဉ်နှင့်ပတ်သက်၍ မြောင်းမြမြို့မရဲစခန်းက (ပ) ၁၀၂၀/၂၀၁၈ ဆက်သွယ်ရေးဥပဒေပုဒ်မ ၆၆ (ဃ) ဖြင့် အမှုဖွင့်လှစ် စစ်ဆေး ဆောင်ရွက်နေလျက်ရှိကြောင်း သိရသည်။

ဆက်သွယ်ရေးဥပဒေ ပြင်ဆင်ပြီးနောက် တရားစွဲဆိုမှု ၃၃ မှုရှိပြီး နိုင်ငံတော်၏ အတိုင်ပင်ခံပုဂ္ဂိုလ်၊ တပ်မတော် ကာကွယ်ရေးဦးစီးချုပ်တို့နှင့် ပတ်သက်၍ ကြားလူက တရားစွဲဆိုမှု မတွေ့ရှိသေးကြောင်း သိရ

ဆက်သွယ်ရေးဥပဒေ ပြင်ဆင်ပြီးနောက် တရားစွဲဆိုမှု ၃၃ မှုရှိပြီး နိုင်ငံတော်၏ အတိုင်ပင်ခံပုဂ္ဂိုလ်၊ တပ်မတော် ကာကွယ်ရေးဦးစီးချုပ်တို့နှင့် ပတ်သက်၍ ကြားလူက တရားစွဲဆိုမှု မတွေ့ရှိသေးကြောင်း လွတ်လပ်စွာ ထုတ်ဖော်ပြောဆိုခွင့် လှုပ်ရှားမှုအဖွဲ့ (အသံ) ၏ သတင်းထုတ်ပြန်ချက်အရ သိရသည်။

လွတ်လပ်စွာ ထုတ်ဖော်ပြောဆိုခွင့် လှုပ်ရှားမှုအဖွဲ့ (အသံ) မှ ၂၀၁၅ ခုနှစ် အောက်တိုဘာမှ ၂၀၁၈ ခုနှစ် ဇူလိုင် ၄ ရက်အထိ ကောက်ခံရရှိသော စာရင်းများအရ ဆက်သွယ်ရေးဥပဒေဖြင့် တရားရုံးတင်ပြီး တရားစွဲဆိုမှု စုစုပေါင်း ၁၃၄ မှုအထိ ရှိလာကြောင်း သိရသည်။ အဆိုပါ ၁၃၄ မှုထဲတွင် ယခင်အစိုးရ လက်ထက်က ဆက်သွယ်ရေးဥပဒေဖြင့် တရားစွဲဆိုမှု ၁၁ မှုသာ ရှိခဲ့ကြောင်း သိရသည်။

“၂၀၁၅ အောက်တိုဘာကနေပြီးတော့ ၂၀၁၈ ခုနှစ် ဇူလိုင် ၄ ရက်အထိ စုစုပေါင်း ၁၃၄ မှုရှိတယ်။ အဲဒီထဲမှာ အရင်အစိုးရတုန်းက ၁၁ မှုပဲရှိတယ်။ လက်ရှိအစိုးရ လက်ထက်မှာတော့ နှစ်ပိုင်း ခွဲလိုက်တယ်။ ဥပဒေမပြင်မီ နဲ့ ပြင်ပြီး ဆိုပြီးတော့။ ဥပဒေမပြင်ခင် အမှု ၉၀ ရှိတယ်။ ဥပဒေပြင်ပြီးမှ ၃၃ မှု ရှိတယ်။ အဲဒီ ၃၃ မှုထဲမှာ နိုင်ငံတော်၏ အတိုင်ပင်ခံပုဂ္ဂိုလ်နဲ့ ဗိုလ်ချုပ်မှူးကြီး မင်းအောင်လှိုင်တို့နဲ့ ပတ်သက်ပြီးတော့ တရားစွဲဆိုတာတွေ မတွေ့ရသေးပါဘူး”ဟု လွတ်လပ်စွာ ထုတ်ဖော်ပြောဆိုခွင့် လှုပ်ရှားမှုအဖွဲ့ (အသံ)မှ အမှုဆောင်ဒါရိုက်တာ မောင်ဆောင်းခက ပြောကြားသည်။

NLD အစိုးရ လက်ထက်တွင် ဥပဒေ မပြင်ဆင်သေးမီအချိန်တွင် တရားစွဲဆိုသော အမှုအရေအတွက်မှာ ၉၀ ရှိပြီး အဆိုပါ အမှုများထဲတွင် တပ်မတော်က တရားစွဲဆိုခဲ့သောအမှု ခုနစ်မှု၊ NLD ပါတီက တရားစွဲဆိုခဲ့သောအမှု ရှစ်မှုနှင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ပတ်သက်၍ ကြားလူများက တရားစွဲဆိုခဲ့သောအမှု ၁၀ မှုရှိကြောင်း၊ ဥပဒေပြင်ဆင်ပြီးချိန်တွင် တရားစွဲဆိုသော အမှုပေါင်း ၃၃ မှုရှိပြီး နိုင်ငံတော်၏ အတိုင်ပင်ခံပုဂ္ဂိုလ်၊ တပ်မတော် ကာကွယ်ရေးဦးစီးချုပ်တို့နှင့် ပတ်သက်၍ ကြားလူက တရားစွဲဆိုမှု မတွေ့ရှိရကြောင်း ထုတ်ပြန်ချက်တွင် ပါရှိသည်။

အလားတူ ဆက်သွယ်ရေးဥပဒေဖြင့် သတင်းမီဒီယာသမားများအပေါ် တရားစွဲဆိုထားမှု ၁၈ မှုရှိပြီး သတင်းသမား ၂၆ ဦး တရားရင်ဆိုင်လျက် ရှိကြောင်း သိရသည်။

၂၀၁၇ ခုနှစ် သြဂုတ် ၂၇ ရက်က ဆက်သွယ်ရေးဥပဒေ ပြင်ဆင်ချက်အား နိုင်ငံတော်သမ္မတက အတည်ပြုခဲ့ပြီး ခြောက်လှန့်တောင်းယူခြင်း၊ အသရေဖျက်ခြင်း၊ နှောင့်ယှက်ခြင်း နှင့် ခြိမ်းခြောက်ခြင်း အချက်လေးချက်အား ပြင်ဆင်ခဲ့သည်။

 

ဆက်သွယ်ရေးဥပဒေပုဒ်မဖြင့် တရားစွဲဆိုခံထားရသည့် DVB အလွတ်တန်းသတင်းထောက် ကိုဝဏ္ဏထွန်းအား လက်ပံတန်းမြို့နယ်တရားရုံးက အမှုမှကွင်းလုံးကျွတ်လွှတ်ပေး

ဆက်သွယ်ရေးဥပဒေပုဒ်မဖြင့် တရားစွဲဆိုခံထားရသည့် DVB အလွတ်တန်း သတင်းထောက် ကိုဝဏ္ဏထွန်းအား ပဲခူးတိုင်းဒေသကြီး (အနောက်ပိုင်း) လက်ပံတန်းမြို့နယ်တရားရုံးက အမှုမှ ကွင်းလုံးကျွတ်လွှတ်ပေးခဲ့ကြောင်း သိရသည်။

အဆိုပါ ကွင်းလုံးကျွတ်လွှတ်ကြောင်း အမိန့်ကို လက်ပံတန်းမြို့နယ် တရားသူကြီး ဦးချစ်ချစ်လွင်က ဧပြီ ၉ ရက် ရုံးချိန်းတွင် ချမှတ်ခဲ့ခြင်းဖြစ်ပြီး တရားလိုဖြစ်သူက အမှုအား ကျေအေးပေးခဲ့ခြင်းဖြစ်ကြောင်း သိရသည်။

“သတင်းသမားတစ်ယောက်အနေနဲ့  ကျင့်ဝတ်စည်းကမ်းအတိုင်း ရေးသားခဲ့တာ ဖြစ်တယ်။ အမှုဖွင့်ခံရတုန်းကလည်း သေချာလေ့လာစုံစမ်းပြီး အမှုဖွင့်ခဲ့တာမဟုတ်ဘူး။ သူတို့ကလည်း သတင်းထောက်တွေဆိုရင်  ဘာဖြစ်ဖြစ် အမှုဖွင့် ထောင်ထဲထည့်ဖို့ပဲ လုပ်နေတာ။ အခုကတော့ တရားလိုကိုယ်တိုင်က အမှုကို ကျေအေးပေးတယ်။ တရားရုံးကလည်း လုပ်ထုံးလုပ်နည်းဥပဒေနဲ့အညီ ကွင်းလုံးကျွတ် လွှတ်ပေးလိုက်တယ်။ ကျွန်တော့်အတွက်တော့ တစ်နှစ်ကျော်လောက် အလုပ်ရှုပ်သွားတယ်။ သတင်းထောက်တစ်ယောက် အမှုဖွင့်ခံရတယ်ဆိုတော့ သတင်းလောက အတွက်လည်း သိက္ခာကျ နစ်နာတာပေါ့။ ကျွန်တော်တို့ကတော့ မှန်ကန်တဲ့သတင်းတွေကို ဆက်ပြီးကျင့်ဝတ်နဲ့အညီ ရေးနေဦးမှာပါ” ဟု တရားစွဲဆိုခံခဲ့ရသူ ကိုဝဏ္ဏထွန်းက ပြောကြားသည်။

စိုက်ဘဏ်ချေးငွေကိစ္စဖြင့် သတင်းရေးသားခဲ့သူ ကိုဝဏ္ဏထွန်းနှင့် Facebook ပေါ်တင်ခဲ့သူ ရဲနိုင်တို့အား အုပ်ချုပ်ရေးမှူးတစ်ဦးက ဆက်သွယ်ရေးဥပဒေဖြင့် အမှုဖွင့်ခဲ့ခြင်းဖြစ်ပြီး ကိုဝဏ္ဏထွန်းအား ကျေအေးပေးခဲ့ကာ ရဲနိုင်အား ဆက်လက်တရားစွဲဆိုထားဆဲဖြစ်ကြောင်း သိရသည်။

“အခင်းဖြစ်တာနဲ့ပတ်သက်ပြီး တရားလိုက ရုပ်သိမ်းပေးတဲ့အတွက် တရားရုံးကနေ ပြစ်မှုဆိုင်ရာကျင့်ထုံး ဥပဒေပုဒ်မ ၄၉၄ အရ လွှတ်ပေးလိုက်တာပါ” ဟု ကိုဝဏ္ဏထွန်း၏ အကျိုးဆောင်ရှေ့နေ ဦးရဲမြတ်အောင်က ပြောကြားသည်။

၂၀၁၆ ခုနှစ် အောက်တိုဘာလက အဆိုပါ DVB သတင်းထောက်နှင့် ရဲနိုင်ဟု ဆိုသူတို့အား ဆက်သွယ်ရေးဥပဒေပုဒ်မ ၆၆ (ဃ) ဖြင့် စတင်အမှုဖွင့်ခဲ့ခြင်းဖြစ်ပြီး နောက်ပိုင်းတွင် ကိုဝဏ္ဏထွန်းအား ၆၈ (က) ဖြင့် ပြောင်းလဲအမှုဖွင့်ခဲ့ခြင်းဖြစ်ကြောင်း သိရသည်။