အာဆီယံနိုင်ငံများ ထုတ်လုပ်မှု PMI ညွှန်းကိန်းတွင် နှစ်လဆက်တိုက် ထိပ်ဆုံး၌ ရပ်တည်ခဲ့သော မြန်မာနိုင်ငံ စီးပွားရေးအရှိန် ပျော့လာခြင်းကြောင့် မေလညွှန်းကိန်းတွင် အဆင့်လေးနေရာအထိ ကျဆင်း

ရန်ကုန်မြို့ရှိ စားသောက်ကုန် ထုတ်လုပ်သော စက်ရုံတစ်ရုံကို တွေ့ရစဉ် (ဓာတ်ပုံ-ပြည့်ဖြိုးအောင်)

၂၀၁၈ ခုနှစ် မတ်၊ ဧပြီ အာဆီယံနိုင်ငံများ ထုတ်လုပ်မှု PMI (Manufacturing Purchasing Manager’s Index – ၀ယ်ယူရေး မန်နေဂျာများ၏ အညွှန်းကိန်း) ညွှန်းကိန်းတွင် နှစ်လဆက်တိုက် ထိပ်ဆုံး၌ ရပ်တည်ခဲ့သော မြန်မာနိုင်ငံသည် စီးပွားရေးအရှိန် ပျော့လာခြင်းကြောင့် မေလညွှန်းကိန်းတွင် အဆင့်လေးနေရာအထိ ကျဆင်းခဲ့ကြောင်း Nikkei ၏ ပံ့ပိုးမှုဖြင့် ပြုလုပ်သော IHS Markit စစ်တမ်းတွင် ဖော်ပြချက်အရ သိရသည်။

၂၀၁၈ ခုနှစ် မေလ အာဆီယံထုတ်လုပ်မှု PMI ညွှန်းကိန်းတွင် ဗီယက်နမ်နိုင်ငံက ၅၃ ဒသမ ၉၊ ဖိလစ်ပိုင်နိုင်ငံက ၅၃ ဒသမ ၇၊ စင်ကာပူနိုင်ငံက ၅၂ ဒသမ ၈၊ မြန်မာနိုင်ငံက  ၅၂ ဒသမ ၆၊ အင်ဒိုနီးရှားနိုင်ငံက ၅၁ ဒသမ ၇၊ ထိုင်းနိုင်ငံက ၅၁ ဒသမ ၁၊ မလေးရှားနိုင်ငံ က ၄၇ ဒသမ ၆ ရရှိခဲ့ပြီး စစ်တမ်းကောက်ယူသည့် အာဆီယံနိုင်ငံ ခုနစ်နိုင်ငံတွင် မြန်မာနိုင်ငံက အဆင့်လေးသာ ရပ်တည်နိုင်ခဲ့ခြင်း ဖြစ်သည်။

ထုတ်လုပ်ရေး PMI အလိုက် နိုင်ငံများ၏ ထိပ်သီးအဆင့်ကို ဗီယက်နမ်က ထုတ်လုပ်ရေးကဏ္ဍ မေလတွင် အရှိန်ပိုရလာခဲ့ခြင်းဖြင့် မြန်မာနိုင်ငံထံမှ ရယူလိုက်သည်။ ဖိလစ်ပိုင်သည် လုပ်ကိုင်မှု အခြေအနေများ လျင်မြန်စွာ တိုးတက်လာနေကြောင်း မှတ်တမ်းတင်နိုင်ခဲ့လျက် ကပ်ပြီးလိုက်နိုင်ခဲ့သည်။ မြန်မာနိုင်ငံ၏ စီးပွားရေးသည် အားကောင်းနေဆဲ ဖြစ်သော်လည်း ဧပြီနှင့် နှိုင်းယှဉ်လျှင်  စီးပွားရေးအရှိန် ပျော့လာခဲ့သောကြောင့် အဆင့်သတ်မှတ်မှုတွင် စတုတ္ထနေရာသို့ ဆင်းပေးလိုက်ရခြင်းဖြစ်သည်။

မြန်မာနိုင်ငံဆိုင်ရာ ၀ယ်ယူရေး မန်နေဂျာများ၏ အညွှန်းကိန်းသည် ၂၀၁၇ ခုနှစ် မတ်လတွင် ၅၃ ဒသမ ၁ အထိရှိခဲ့ရာမှ ဧပြီ လတွင် ၅၂ ဒသမ ၉၊ မေလတွင် ၅၂ ဒသမ ၀၀ ရှိခဲ့ကာ ဇွန်လတွင် ၄၉ ဒသမ ၄၊ ဇူလိုင် လတွင် ၄၉ ဒသမ ၁ အထိ ဆက်တိုက်ပြန်လည် ကျဆင်းခဲ့သည်။ ထို့နောက် သြဂုတ်လတွင် ၄၉ ဒသမ ၃၊ စက်တင်ဘာလတွင် ၄၉ ဒသမ ၄၊ အောက်တိုဘာလတွင် ၅၁ ဒသမ ၁ အထိ၊ နိုဝင်ဘာလတွင် ၅၁ ဒသမ ၆ အထိ ပြန်လည် မြင့်တက်ခဲ့သော်လည်း ဒီဇင်ဘာလတွင် ၅၁ ဒသမ ၁ အထိ ကျဆင်းခဲ့သည်။ ၂၀၁၈ ခုနှစ် ဇန်န၀ါရီလတွင် ၅၁ ဒသမ ၇၊ ဖေဖော်ဝါရီ လတွင် ၅၂ ဒသမ ၆ အထိ၊ မတ်လတွင် ၅၃ ဒသမ ၇၊ ဧပြီလတွင် ၅၅ ဒသမ ၅ (၂၀၁၅ ခုနှစ် ဒီဇင်ဘာတွင် စတင်ခဲ့သည့် စစ်တမ်းကာလအတွင်း အမြင့်ဆုံး) အထိ မြင့်တက်ခဲ့ကာ မေလတွင် ၅၂ ဒသမ ၆ အထိ လျှောဆင်းခဲ့ခြင်းဖြစ်သည်။

မေလစစ်တမ်းဒေတာသည် မြန်မာနိုင်ငံ၏ ထုတ်လုပ်ရေးကဏ္ဍ တစ်ဝန်း၌ တိုးတက်မှုအရှိန် ကျဆင်းလာမှုကို အချက်ပြနေပြီး သုံးလတာအတွက် အားအပျော့ဆုံး ဖြစ်ခဲ့သည်။ ထုတ်လုပ်မှုနှင့် အော်ဒါသစ်များ ဦးမော့လာမှုမှာ ခြုံပြောရလျှင် တိုးတက်မှုနှုန်း အမြင့်ပိုင်းတွင် ရှိသော်လည်း အားပျော့လာခဲ့သည်။ လက်ကျန် အလုပ်များမှာ သိသာသည့်အရှိန်ဖြင့် ကျဆင်းလာခဲ့ပြီး အလုပ်နေရာ တိုးတက်ခန့်ထားမှုမှာ လွန်ခဲ့သည့် နိုဝင်ဘာမှစပြီး အနှေးဆုံးသို့ အားပျော့သွားခဲ့သည်။ ယင်းအတောအတွင်း ထည့်သွင်းကုန်ဈေးနှုန်း ဖောင်းပွမှုသည် အရှိန်ရလာပြီး ကုန်ကျစရိတ်များမှာ လေးလအတွင်း အမြန်ဆုံးနှုန်းဖြင့် မြင့်တက်ခဲ့သည်။

ထို့အတူ ထုတ်လုပ်ရေး တိုးတက်မှု မသိမသာ နှေးလာခဲ့သည်နှင့်အမျှ အလုပ်နေရာ တိုးခန့်မှုလည်း အနည်းငယ် အားပျော့ခဲ့ရာ အလုပ်နေရာသစ် ဖန်တီးနှုန်းသည် ၂၀၁၇ ခုနှစ် နိုဝင်ဘာမှစပြီး အနှေးဆုံး ဖြစ်ခဲ့သည်။ ထုတ်လုပ်ရေး စွမ်းအားများအပေါ် ဖိအားပေးမှု နည်းလာခြင်း၏ ရောင်ပြန်ဟပ်မှုကို လက်ကျန်အလုပ်များ သိသာစွာ ကျဆင်းလာမှုတွင်ပါ တွေ့မြင်နိုင်ခဲ့သည်။ လုပ်ငန်းများတွင် အကောင်းမြင်စိတ် မသိမသာ မြင့်တက်ခဲ့သော်လည်း လုပ်ငန်းဆိုင်ရာ ယုံကြည်မှုမှာ အားနည်းလျက်ရှိသည်။

စီးပွားက ကျပ်၊ လုပ်ရကိုင်ရ ခက်၊ ကုန်ဈေးနှုန်းက တက်

ရန်ကုန်မြို့ သံဈေးတွင် ဈေးရောင်းချနေသူ တစ်ဦးအား တွေ့ရစဉ် (ဓာတ်ပုံ-ကျော်ဇင်ဖြိုး)

အစိုးရသစ် တက်လာပြီးနောက် မြန်မာ့စီးပွားရေး ဦးမော့လာရန် ဆောင်ရွက်ခဲ့သော်လည်း နှစ်နှစ်တာ ကုန်လွန်သွားချိန်၌ စီးပွားရေး တိုးတက်မလာသည့်အပြင် ပြိုလဲမသွားအောင်ပင် ရုန်းကန်နေရသည်။

စီးပွားရေး လုပ်ငန်းရှင် အများစုက မြန်မာ့စီးပွားရေး အနာဂတ်အတွက် မှန်းဆရခက်ပြီး ထိလွယ်ရှလွယ် ဖြစ်နေသည်ဟု ဆိုကြသည်။

စီးပွားရေး ဖွံ့ဖြိုးတိုးတက်မှုအတွက် အလားအလာကောင်းများ ရှိနေသည်ဟု ကမ္ဘာ့ဘဏ်က ထုတ်ပြန်သည့် မြန်မာ့စီးပွားရေး စောင့်ကြည့် အစီရင်ခံစာတွင် ခန့်မှန်းခဲ့ကြသော်လည်း ပြည်သူများ ခံစားရမှု မရှိသလောက် နည်းပါးနေသည်။

ပုဂ္ဂလိကစီးပွားရေး လုပ်ငန်းများ ရုန်းကန်နေရသည်။ ပြည်သူအများစု စီးပွားရေး အကျပ်အတည်းအောက် ရောက်နေသည်။ စက်သုံးဆီဈေးနှုန်း မြင့်တက်ခြင်း၊ နိုင်ငံခြားငွေလဲနှုန်း မြင့်တက်လာခြင်း၊ ၀န်ထမ်းလစာ တိုးမြှင့်ခြင်း၊ အခွန်တိုးမြှင့် ကောက်ခံခြင်း၊ ကုန်ဈေးနှုန်း မြင့်တက်လာခြင်း စသည်တို့က ပြည်သူများ၊ လုပ်ငန်းရှင်များအပေါ် ထိုးနှက်ချက်များ ဖြစ်လာပြန်သည်။

နိုင်ငံဖွံ့ဖြိုး တိုးတက်ရေးအတွက် စက်သုံးဆီများကို အရည်အသွေးနှင့် ဈေးနှုန်းမှန်ကန်စွာဖြင့် သုံးစွဲနိုင်ရေး အထူးအရေးကြီးပြီး နိုင်ငံတကာ ဈေးနှုန်းအပေါ် အခြေခံ၍ ပြည်တွင်းဈေးနှုန်းများ ပြောင်းလဲမည် ဖြစ်သော်လည်း ဖြစ်သင့်ဖြစ်ထိုက်သည့် ပြောင်းလဲမှုမျိုး ဖြစ်စေရန် လိုအပ်နေကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန ပြည်ထောင်စုဝန်ကြီး ဒေါက်တာသန်းမြင့်က ဆိုသည်။

 စက်သုံးဆီဈေး မြင့်တက်လာခြင်း

ကမ္ဘာ့ရေနံစိမ်းနှင့်အတူ နိုင်ငံခြားငွေလဲနှုန်း မြင့်တက်ခဲ့သဖြင့် ပြည်တွင်း စက်သုံးဆီဈေးနှုန်း ဧပြီလကုန်ပိုင်းမှ စတင်မြင့်တက်လာခဲ့ရာမှ မေလတတိယပတ်အထိ တစ်လအတွင်း တစ်လီတာလျှင် ကျပ် ၁၀၀ ၀န်းကျင်အထိ မြင့်တက်ခဲ့သည်။

၂၀၁၇ ခုနှစ် အောက်တိုဘာ ဒုတိယပတ်မှစတင်၍ ကမ္ဘာ့ရေနံဈေးနှုန်း သိသိသာသာ စတင်မြင့်တက်ခဲ့ပြီး ၂၀၁၇ ခုနှစ် သြဂုတ်လဆန်းပိုင်းက ၄၉ ဒေါ်လာဝန်းကျင်ရှိသော ကမ္ဘာ့ရေနံဈေးနှုန်းသည် အောက်တိုဘာ လဆန်းပိုင်းတွင် ၅၁ ဒေါ်လာ၊ နိုဝင်ဘာလဆန်းတွင် ၅၅ ဒေါ်လာ၊ ဒီဇင်ဘာလဆန်းတွင် ၅၈ ဒေါ်လာ၊ ဇန်န၀ါရီလဆန်းတွင် ၆၁ ဒေါ်လာ၊ ဖေဖော်ဝါရီလဆန်းတွင် ၆၄ ဒေါ်လာ၊ ဧပြီလကုန်ပိုင်းတွင် ၆၈ ဒေါ်လာ၊ မေ ၁၀ ရက်တွင် ၇၁ ဒေါ်လာအထိ ဆက်လက် မြင့်တက်ခဲ့ကာ ဧပြီလဆန်းပိုင်း ဈေးနှုန်းနှင့် နှိုင်းယှဉ်ပါက ၁၂ ရာခိုင်နှုန်းဝန်းကျင် မြင့်တက်ခဲ့သည်။

ပြည်တွင်းဈေးကွက်အတွင်း ရောင်းချလျက်ရှိသော စက်သုံးဆီဈေးနှုန်းသည် ကမ္ဘာ့စက်သုံးဆီဈေးနှုန်း၊ နိုင်ငံခြားငွေလဲနှုန်းနှင့် သယ်ယူပို့ဆောင်ရေး စရိတ်အပေါ် အခြေခံပြီး ဈေးနှုန်းအပြောင်းအလဲ ဖြစ်ပေါ်ခြင်းဖြစ်သည်။

ပြည်တွင်းဈေးကွက်တွင် ၂၀၁၈ ခုနှစ် မေ ၁၈ ရက်တွင် ဖြစ်ပေါ်သော စက်သုံးဆီ လက်လီဈေးများမှာ ဒီဇယ်တစ်လီတာ ကျပ် ၈၈၀  (တစ်ဂါ လန် ၃၉၉၅ ကျပ်) ပရီမီယံဒီဇယ် တစ်လီတာ  ကျပ် ၈၉၅ (တစ်ဂါလန် ၄၀၆၃ ကျပ်)၊ အောက်တိန်း 92 Ron တစ်လီတာ ကျပ် ၈၄၅  (တစ်ဂါလန် ၃၈၃၆ ကျပ်) အောက်တိန်း 95 Ron တစ်လီတာ ၈၉၅ ကျပ် (တစ်ဂါလန် ၄၀၆၃ ကျပ်) ဖြစ်သည်။

၂၀၁၈ ခုနှစ် ဧပြီ ၃၀ ရက်တွင် ဖြစ်ပေါ်သည့် ဈေးနှုန်းနှင့် နှိုင်းယှဉ်ပါက ဒီဇယ်တစ်လီတာ ၃၅ ကျပ် (၄  ဒသမ ၁၄ ရာခိုင်နှုန်း)၊ ပရီမီယံဒီဇယ် တစ်လီတာ ၃၅ ကျပ် (၄ ဒသမ ၀၆ ရာခိုင်နှုန်း)၊ အောက်တိန်း 92 Ron တစ်လီတာ ၃၅ ကျပ် (၄ ဒသမ ၃၂ ရာခိုင်နှုန်း)၊ အောက်တိန်း 95 Ron တစ်လီတာ ၄၀ ကျပ် (၄ ဒသမ ၆၇ ရာခိုင်နှုန်း) ၁၈ ရက်အတွင်း မြင့်တက်ခဲ့ခြင်းဖြစ်သည်။

ပြည်တွင်းဈေးကွက်တွင် ၂၀၁၈ ခုနှစ် ဇန်န၀ါရီ ၁ ရက်တွင် ဖြစ်ပေါ်သော စက်သုံးဆီ လက်လီဈေးများမှာ ဒီဇယ်တစ်လီတာ ကျပ် ၈၀၀ (တစ်ဂါ လန် ၃၆၃၂ ကျပ်) ပရီမီယံဒီဇယ် တစ်လီတာ ကျပ် ၈၂၀ (တစ်ဂါလန် ၃၇၂၂ ကျပ်)၊ အောက်တိန်း 92 Ron တစ်လီတာ ကျပ် ၈၀၀ (တစ်ဂါလန် ၃၆၃၂ ကျပ်) အောက်တိန်း 95 Ron တစ်လီတာ ၈၄၅ ကျပ် (တစ်ဂါလန် ၃၈၃၆ ကျပ်) ဖြစ်ရာ ငါးလကျော်အတွင်း ဒီဇယ် ၁၀ ရာခိုင်နှုန်း၊ ပရီမီယံဒီဇယ် ၉ ဒသမ ၁၄ ရာခိုင်နှုန်း၊ 92 Ron ၅ ဒသမ ၆၂ ရာခိုင်နှုန်း၊ 95 Ron ၅ ဒသမ ၉၁ ရာခိုင်နှုန်း ဈေးနှုန်းမြင့်တက်ခဲ့သည်။

မေ ၂၆ ရက်တွင် ဖြစ်ပေါ်သော စက်သုံးဆီ လက်လီဈေးများမှာ 92 Ron အမြင့်ဆုံးဈေး ၈၇၀ ကျပ်၊ 95 Ron အမြင့်ဆုံးဈေး ၉၂၀ ကျပ်၊ ပရီမီယံဒီဇယ် ၉၂၀ ကျပ်၊ ဒီဇယ်ဈေး ၉၀၅ ကျပ်အထိ ပေါက်ဈေးရှိကြောင်း မြန်မာနိုင်ငံ စက်သုံးဆီ တင်သွင်းရောင်းချ ဖြန့်ဖြူးရေးအသင်းမှ ထုတ်ပြန်ထားသည်။

“ကျွန်တော်တို့က အလုပ်ကိစ္စနဲ့ ခရီးခဏခဏ ထွက်ရပါတယ်။ တစ်လီတာကို ၈၀၀ ကျပ်ဝန်းကျင် တုန်းက ခရီးတွေ ဆက်တိုက်သွားတယ်။ ၉၀၀ ကျပ်အထိ သွားနိုင်သေးတယ်။ အဲဒီထက် ကျော်သွားရင် ခရီးမသွားနိုင်တော့ဘူး။ နယ်တွေမှာ ဆီဈေးပိုတက်တယ်။ အခု ဒီဈေးနဲ့တင် မြို့ထဲ ဟိုနားဒီနားသွားတာ ကိုယ့်ကားနဲ့ကိုယ် သိပ်မသွားနိုင်တော့ဘူး။ လိုင်းကားနဲ့ပဲ သွားရတော့မလို ဖြစ်နေတယ်။ ဆီဈေးဒီထက် တက်လာရင်တော့ ကားထိုးထားရတော့မယ်” ဟု ရန်ကုန်မြို့ခံတစ်ဦးက ပြောကြားခဲ့သည်။

“စက်သုံးဆီ ဈေးတက်တော့ ကျွန်တော်တို့ ကားသမားတွေ အရင်ခံရတယ်။ ကိုယ်ပိုင်နဲ့ Taxi မောင်းနေတဲ့သူတွေက သိပ်အထိမနာပေမဲ့ ကျွန်တော်တို့လို အငှားမောင်းနေရတဲ့သူတွေမှာ နေ့တွက်တောင် မကိုက်တော့ဘူး။ ကားဆွဲမကောင်းတာကြာပြီ။ Taxi ဈေးကွက် မကောင်းတာ ကြာပြီ။ ဒီကြားထဲ ဆီဈေးတက်တော့ ပိုဆိုးပေါ့ဗျာ” ဟု ရန်ကုန်မြို့ရှိ Taxi ယာဉ်မောင်းတစ်ဦးက ပြောကြားသည်။

မြန်မာနိုင်ငံက တစ်နှစ်လျှင် ဓာတ်ဆီ တန်ချိန်နှစ်သိန်း၊ ဒီဇယ် တန်ချိန်လေးသိန်းခန့် တင်သွင်းလျက်ရှိသည်။ ဓာတ်ဆီကို မော်တော်ကားနှင့် မော်တော်ဆိုင်ကယ်၊ မီးစက်များ စသည်တို့တွင် အသုံးပြုသည်။ ဒီဇယ်ကိုမူ မော်တော်ကားများ၊ အိမ်စီးကားများ၊ ကုန်တင်ကားများ၊ သင်္ဘောများ၊ ကုန်တင်သင်္ဘောများ၊ ငါးဖမ်းသင်္ဘော၊ သတ္တုတူးဖော်ရေးလုပ်ငန်း၊ ကျောက်မျက် တူးဖော်ရေးလုပ်ငန်း၊ ရွှေတူးဖော်ရေး လုပ်ငန်းများ၊ စက်မှုလုပ်ငန်းများ စသည်တို့တွင် အသုံးပြုသည်။

၂၀၁၇-၂၀၁၈ ဘဏ္ဍာနှစ်အတွင်း ပြည်တွင်းသို့ စက်သုံးဆီ တင်သွင်းမှုတန်ဖိုး ဒေါ်လာသုံးဘီလျံအထိ စံချိန်တင် တင်သွင်းထားပြီး ယခင်နှစ် ကာလတူထက် ဒေါ်လာတစ်ဘီလျံကျော် ပိုများနေကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

စက်သုံးဆီဈေးတွေ မြင့်တက်မှု ဘယ်လိုရင်ဆိုင်မလဲ

ကမ္ဘာ့ဈေးကွက်တွင် ရေနံစိမ်း ဈေးတက်လာချိန် ပြည်တွင်း၌ စက်သုံးဆီဈေး မြင့်တက်သည်။ ကမ္ဘာ့ဈေး ကျဆင်းချိန်၌မူ ပြည်တွင်းဈေးကွက်တွင် စက်သုံးဆီဈေး ကျဆင်းလေ့ မရှိခြင်းမှာလည်း မေးခွန်းထုတ်စရာ ရှိလာခဲ့သည်။

လက်ရှိအချိန်တွင် စက်သုံးဆီ အရောင်းဆိုင်များမှ နိုင်ငံတကာ ဈေးနှုန်းထက် လေးရာခိုင်နှုန်းကျော် အရှုံးခံ ရောင်းချနေသော်လည်း ယင်းအရှုံးခံ ရောင်းချမှုသည် စာရွက်ပေါ်၌သာ အရှုံးပေါ်နေခြင်း ဖြစ်ကြောင်း မေ ၂၂ ရက်က မြန်မာနိုင်ငံ စက်သုံးဆီတင်သွင်း ဖြန့်ဖြူးရောင်းချသူများ အသင်း၌ ပြုလုပ်သည့် သတင်းစာ ရှင်းလင်းပွဲတွင် အဆိုပါ အသင်း၏ အတွင်းရေးမှူး ဒေါက်တာဝင်းမြင့်က ပြောကြားခဲ့သည်။

“ဈေးက နိုင်ငံခြားက တက်သွားတာက တစ်လီတာကို ၁၁၈ ကျပ်တက်သွားတယ်။ ကျွန်တော်တို့ ပြည်တွင်းမှာ တက်တာက ၁၀၈ ကျပ်ပဲတက်ဖြစ်တယ်။ ၁၀ လောက် တောင် ကျွန်တော်တို့ ဈေးနှုန်းတက်တာ လျော့တယ်။ အရှုံးအမြတ် ရာခိုင်နှုန်း အနေနဲ့ကတော့ ဧပြီလတုန်းက ၃ ဒသမ ၅ ရာခိုင်နှုန်းပဲ ရှုံးတယ်။ ခု ၄ ဒသမ ၂၃ ရာခိုင်နှုန်း စာရွက်ပေါ် မှာ အရှုံးပေါ်ပါတယ်” ဟု ဒေါက်တာဝင်းမြင့်က ပြောကြားသည်။

ယင်းကဲ့သို့ အရှုံးခံ ရောင်းနိုင်ခြင်းသည် ယခင်က စက်သုံးဆီဈေး နှုန်းအနိမ့်ဖြင့် ရထားသည့် ဆီများကို လက်ရှိရောက်ရှိနေသည့် ဈေးနှုန်းအတိုင်း ဈေးနှုန်းတက်ရောင်းချခြင်း မဟုတ်ဘဲ လေးရာခိုင်နှုန်းကျော် လျော့ရောင်းခြင်းဖြစ်သည်။ သို့သော်လည်း နိုင်ငံတကာ စက်သုံးဆီဈေး မြင့်တက်လာသည့် ကာလတွင် စက်သုံးဆီ ရောင်းချသည့် ဆိုင်များအနေဖြင့် ရှုံးနိုင်ကြောင်း ၎င်းက ရှင်းလင်းပြောကြားသည်။

“ကမ္ဘာ့ဈေး ဘယ်လောက်ရှိတယ်၊ မြန်မာ့ဈေး ဘယ်လောက်ရှိတယ်ဆိုတယ်။ ဒေါ်လာဈေး ဘယ်လောက်ရှိတယ် ဆိုတာ တစ်ချက်ကြည့်ရင် သိတာပဲဗျာ။ ကမ္ဘာ့ဈေးတက်လို့ မြန်မာ့ဈေး လိုက်တက်တာတော့ မပြောလိုပါဘူး။ ဒါပေမဲ့ ကမ္ဘာ့ဈေးကျပြီး မြန်မာ့ဈေး မကျတာကတော့ မကောင်းဘူးပေါ့ဗျာ၊ အခုဟာက လိမ်လို့ညာလို့ မရဘူးလေ။ အင်တာနက်ထဲမှာ သိချင်တာကို ခေါက်လိုက်ရင် သိနေတာပဲဟာ။ ဒီအပေါ်မှာ အာဏာရှိတဲ့ သူတွေက ထိန်းညှိပေးဖို့ လိုပါတယ်။ ထိန်းညှိပေးပါ” ဟု စက်မှုဇုန် လုပ်ငန်းရှင် တစ်ဦးက ပြောကြားသည်။

မြန်မာနိုင်ငံ၏ ကုန်စည်သယ်ယူပို့ဆောင်ရေး ကဏ္ဍတွင် မရှိမဖြစ် အရေးပါသည့် ဓာတ်ဆီ၊ ဒီဇယ်ဆီ စသည့် စက်သုံးဆီဆိုင်များမှာ နိုင်ငံတကာနှင့် နှိုင်းယှဉ်ပါက ဈေးနှုန်းကြီးမြင့်ခြင်း ကြုံတွေ့နေရပြီး လက်ရှိတွင် နိုင်ငံ့အရေးပေါ် အခြေအနေ ကြုံလာရပါက တည်ငြိမ်မှု ထိန်းထားနိုင်ရန်၊ စက်သုံးဆီ သိုလှောင်ခွင့် ရထားသူများ၏ ထိန်းချုပ်မှုအောက် ရောက်ရှိနေသည့် အခြေအနေများကို ပြင်ဆင်နိုင်ရန် လာမည့် ၂၀၁၈-၂၀၁၉ ဘဏ္ဍာနှစ်မှစ၍ အစိုးရက မမြင်နိုင်သောလက်ဖြင့် ထိန်းကျောင်းသွားမည့်အပြင် စက်သုံးဆီဈေးနှုန်း လျှော့ချနိုင်ရေးအတွက် ကုမ္ပဏီထူထောင်ရန် ကြိုးစားမည်ဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက မတ် ၇ ရက်တွင် ပြောကြားသည်။

“ဒီဇယ်၊ ဓာတ်ဆီစက်သုံးဆီတွေဟာ ကုန်စည်စီးဆင်းမှုအတွက် မရှိမဖြစ် လိုအပ်တာ ဖြစ်ပါတယ်။ ဒါပေမဲ့ နိုင်ငံတကာနဲ့ယှဉ်ရင် ဈေးအင်မတန်ကြီးပါတယ်။ ကျွန်တော်တို့ဆီက နိုင်ငံတကာထက် နည်းနည်းပိုပြီး ဈေးများနေတဲ့ အခြေအနေမျိုး ရှိပါတယ်။ ဒါကို စင်ကာပူကနေ တင်သွင်းရတာပဲဆိုပြီး စင်ကာပူ ပမာဏနဲ့ သင်္ချာနည်းနဲ့ တွက်မယ်ဆိုရင် ဒီအဖြေဟာ မှန်ကောင်း မှန်ပါလိမ့်မယ်။ စီးပွားရေးအရ တွက်မယ် ဆိုရင်တော့ ကျွန်တော်တို့ စက်သုံးဆီကို သန်းနဲ့ချီပြီး သိုလှောင်ထားမယ်ဆိုရင် စက်သုံးဆီဈေးကို ထိန်းနိုင်မှာပဲ ဖြစ်ပါတယ်။ အခုအခြေအနေမှာတော့ စက်သုံးဆီကို သိုလှောင်ခွင့်ရှိတဲ့ သူတွေရဲ့ထိန်းချုပ်မှုအောက်မှာပဲ တချို့အခြေအနေတွေက ရောက်နေတာ ဖြစ်နေပါတယ်။ ဒီအခြေအနေကို ၂၀၁၈-၂၀၁၉ မှာ ပြုပြင်ပြောင်းလဲဖို့အတွက် အစိုးရကိုယ်တိုင်က မမြင်ရတဲ့လက်နဲ့ ထိန်းဖို့ ပြင်ဆင်နေပါတယ်” ဟု ဦးဖြိုးမင်းသိန်းက မတ် ၇ ရက်က ပြောကြားသည်။

“ကျွန်တော်တို့ ကုမ္ပဏီအနေနဲ့လည်း ထူထောင်ဖို့ ကြိုးစားနေပါတယ်။ ဘာကြောင့်လဲဆို ကျွန်တော်တို့ ထိန်းပါမယ်။ စက်သုံးဆီ သိုလှောင်မှုဟာ ကျွန်တော်တို့ ခြောက်လစာလောက် ထိန်းထားနိုင်မယ်ဆိုရင် ကျွန်တော်တို့ဈေးကို လျှော့ချလို့ရပါတယ်။ ဘာကြောင့်လဲဆို ဈေးက နေ့စဉ်ပေါက်နေတဲ့ ဈေးနဲ့တွက်ပြီး ရောင်းရတဲ့ လုပ်ငန်းမဟုတ်ပါဘူး။ ဒီဥစ္စာက ဈေးကိုအနိမ့်ဆုံးအချိန်မှာ တစ်နှစ်စာဖြတ်ပြီး ၀ယ်ထားနိုင်ပါတယ်။ ရန်ကုန်ကို ပို့ထားလို့လည်း ရပါတယ်။ ဒါပေမဲ့ ကျွန်တော်တို့မှာ ဒီပစ္စည်းတွေကို သိုလှောင်နိုင်တဲ့ အဆင့်ရှိဖို့ လိုအပ်ပါတယ်။ နိုင်ငံတော်ရဲ့ အရေးပေါ် အခြေအနေ တစ်ခုခုမှာ စက်သုံးဆီကို ကာလကြာရှည် ထိန်းထားနိုင်မှသာလျှင် ကျွန်တော်တို့နိုင်ငံရဲ့ တည်ငြိမ်အေးချမ်းမှုကို ပိုပြီးထိန်းညှိ ပေးထားနိုင်မှာ ဖြစ်ပါတယ်” ဟု ဦးဖြိုးမင်းသိန်းက ပြောကြားသည်။

အဆိုပါ အခြေအနေများကြောင့် စက်သုံးဆီများ ဈေးနှုန်းကျဆင်း လာနိုင်ရေးနှင့် ကုန်စည်သယ်ယူ ပို့ဆောင်ရေးကဏ္ဍတွင် ဈေးအများဆုံး ဖြစ်နေသည့် နိုင်ငံအဖြစ်မှ ဆင်းသက်နိုင်ရန် တိုင်းဒေသကြီး အစိုးရက စီစဉ်နေကြောင်းနှင့် ရေကြောင်းပို့ဆောင်ရေးကိုပါ အဆင့်မြှင့်တင်နိုင်ရန် ကြိုးစားရမည်ဖြစ်ပြီး ကုန်းလမ်းတစ်ခုသာ အားပြုနေမည် ဆိုပါက ကုန်စည်သယ်ယူ ပို့ဆောင်မှုဈေးနှုန်း ကြီးမြင့်နေမည် ဖြစ်ကြောင်းနှင့် စက်သုံးဆီဆိုင်များ ဖွင့်လှစ်ခွင့်ပြုရာတွင် ပတ်ဝန်းကျင်မှ လက်သင့်မခံမှုကြောင့် ချိန်ညှိနေရသည့်အတွက် ကြန့်ကြာနေခြင်းဖြစ်ကြောင်း ဦးဖြိုးမင်းသိန်းက မတ် ၇ ရက်က ပြောကြားခဲ့သည်။

စက်သုံးဆီဈေးနှင့်အတူ နိုင်ငံခြား ငွေလဲနှုန်း မြင့်တက်လျက်ရှိသ ဖြင့် ပို့ကုန်လုပ်ငန်းရှင်များအတွက် အဆင်ပြေသော်လည်း သွင်းကုန်လုပ်ငန်းရှင်များ အတွက်မူ ပို၍ အခက်အခဲများ ရှိလာသည်ဟု ဆိုကြသည်။

ရန်ကုန်မြို့ မြို့နယ်တစ်ခု အတွင်းရှိ ဈေးတွင် ရောင်းချနေသူများအား တွေ့ရစဉ် (ဓာတ်ပုံ-ကြည်နိုင်)

နိုင်ငံခြားငွေလဲနှုန်း အခြေအနေ

ကမ္ဘာ့ဒေါ်လာဈေး အညွှန်းကိန်းသည် မေ ၂၅  ရက်တွင် ၉၄ ပွိုင့်အထက်ရောက်ပြီး တစ်ပတ်တာ ဈေးပိတ်ခဲ့ကာ မေ ၂၆ ရက် ပြည်တွင်းဈေးကွက်၌ နိုင်ငံခြား ငွေလဲနှုန်း တစ်ဒေါ်လာ ၁၃၄၈ ကျပ် ၀န်းကျင် ဖြစ်ပေါ်ခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

ကမ္ဘာ့ဒေါ်လာဈေး အညွှန်းကိန်းသည် သုံးနှစ်ကျော်အတွင်း အ နိမ့်ဆုံးနှုန်းထားအဖြစ် ဇန်န၀ါရီ ၂၅  ရက်တွင် ၈၈ ဒသမ ၆၃ ပွိုင့်အထိ ကျဆင်းခဲ့သည်။ ပြီးခဲ့သော ဒီဇင်ဘာ ၁၃ ရက်အထိ ၉၄ ပွိုင့်အထက်သို့ ရောက်ခဲ့သော်လည်း ဒီဇင်ဘာ ၁၈ နှင့် ၂၀ ရက်တွင် ၉၃ ပွိုင့်အောက်သို့ ရောက်ရှိခဲ့ကာ ဒီဇင်ဘာ ၂၉ ရက်တွင် ၉၂ ပွိုင့်အောက် စဆင်းခဲ့သည်။ ဇန်န၀ါရီ ၁၁ ရက်တွင် ၉၁ ပွိုင့်အောက်၊ ဇန်န၀ါရီ ၂၃ ရက်တွင် ပွိုင့် ၉၀ အောက်၊ ဇန်န၀ါရီ ၂၅ နှင့် ၃၁ ရက်တွင် ၈၉ ပွိုင့်အောက်သို့ ရောက်ခဲ့ပြီး ဖေဖော်ဝါရီ ၅ ရက်တွင် ၈၉ ပွိုင့် အထက်၊ မတ် ၁၇ ရက်အထိ ပွိုင့် ၉၀ အထက် ရှိသော်လည်း မတ် ၁၉ ရက်တွင် ပွိုင့် ၉၀ အောက်၊ မတ် ၂၆ ရက်တွင် ၈၉ ပွိုင့်အောက်သို့ ကျ ဆင်းကာ ဧပြီ ၅ ၊ ၂၁ တွင် ပွိုင့် ၉၀ အထက်၊ ဧပြီ ၂၆ ရက်တွင် ၉၁ ပွိုင့် အထက် မေ ၁ ရက်တွင် ၉၂ ပွိုင့်အထက်၊ မေ ၁၅ ရက်တွင် ၉၃ ပွိုင့်အထက်၊ မေ ၂၅ ရက်တွင် ၉၄ ပွိုင့်အထက် ပြန်ရောက်ခဲ့သည်။

အမေရိကန်နိုင်ငံ ရွေးကောက်ပွဲ ပြုလုပ်ခဲ့သည့် ၂၀၁၆ ခုနှစ် နိုဝင်ဘာလနောက်ပိုင်း ဇန်န၀ါရီ ၃ ရက် တွင် ၁၀၃ ဒသမ ၈၂ ပွိုင့်အထိအမြင့်ဆုံး ရောက်ရှိခဲ့ပြီး ၂၀၁၇ ခုနှစ် ဧပြီလက စတင်ကာ ဒေါ်လာဈေး အညွှန်းကိန်းများ ပြန်ကျခြင်းဖြစ်သည်။ ပြီးခဲ့သည့် ငါးလအတွင်း အမြင့်ဆုံး ဖြစ်ပေါ်ခဲ့သော ညွှန်းကိန်းများမှာ ဒီဇင်ဘာတွင် ၉၄ ဒသမ ၁၈ ပွိုင့်၊ ဇန်န၀ါရီတွင် ၉၂ ဒသမ ၃၆ ပွိုင့်၊ ဖေဖော်ဝါရီတွင် ၉၀ ဒသမ ၄၃ ပွိုင့်၊ မတ်တွင် ၉၀ ဒသမ ၃၇ ပွိုင့်၊ ဧပြီတွင် ၉၁ ဒသမ ၇၁ ပွိုင့်ဖြစ်သည်။

၂၀၁၇ ခုနှစ် မတ်လလယ်မှ စတင်ကာ ကမ္ဘာ့ဒေါ်လာဈေး အညွှန်းကိန်း သိသိသာသာ ကျဆင်းခဲ့ခြင်းဖြစ်ပြီး ပြည်တွင်းဈေးကွက်၌ ငါးလအတွင်း လအလိုက် ဖြစ်ပေါ်သော နိုင်ငံခြားငွေလဲနှုန်း အနိမ့်ဆုံးနှင့် အမြင့်ဆုံးနှုန်းများမှာ ဒီဇင်ဘာတွင် ၁၃၅၄-၁၃၅၉ ကျပ်၊ ဇန်န၀ါရီ တွင် ၁၃၂၃-၁၃၅၄ ကျပ်၊ ဖေဖော်ဝါရီတွင် ၁၃၂၃-၁၃၃၁ ကျပ်၊ မတ်တွင် ၁၃၂၆-၁၃၃၄ ကျပ်၊ ဧပြီတွင် ၁၃၂၄-၁၃၃၂ ကျပ်တို့ဖြစ်ပြီး ဇန်န၀ါရီတွင် ကွာဟချက် အများဆုံး ဖြစ်ပေါ်ခဲ့သည်။

ပြီးခဲ့သည့် မတ်လအတွင်း အမြင့်ဆုံး ဈေးနှုန်းအဖြစ် မတ် ၂၁ ရက် တွင် ၁၃၃၄ ကျပ်ဖြစ်ပေါ်ခဲ့သော ဒေါ်လာဈေးသည် မတ် ၂၉ ရက် တွင် ၁၃၂၈ ကျပ်အထိ၊ ဧပြီလဆန်း တွင် ၁၃၂၄ ၀န်းကျင်အထိ ကျဆင်းခဲ့သည်။ ထို့နောက် ဧပြီလကုန်ပိုင်း ၂၈ ရက်တွင် ၁၃၃၁  ကျပ်၊ မေ ၂၁ ရက်တွင် ၁၃၅၁ ကျပ်အထိ မြင့်တက်ခဲ့ပြီး မေ ၂၆ ရက်တွင် ၁၃၄၈ ကျပ်ဖြစ်ခဲ့သည်။ မေ ၂၅ ရက်တွင် သတ်မှတ်ထားသော ဗဟိုဘဏ် ရည်ညွှန်းငွေလဲနှုန်းမှာ ၁၃၅၆ ကျပ်ဖြစ်ကြောင်း သိရသည်။

NLD အစိုးရသစ် တက်လာပြီးနောက် နိုင်ငံခြားငွေလဲနှုန်း အခြေအနေကို လေ့လာကြည့်ပါက ၂၀၁၆ ခုနှစ် ဧပြီမှ သြဂုတ်လလယ်အထိ နိုင်ငံခြားငွေလဲနှုန်း အတက်အကျ နည်းပါးသော်လည်း သြဂုတ်လကုန်မှစပြီး မြန်မာကျပ်ငွေတန်ဖိုး သိသိသာသာ ကျဆင်းလာခြင်းဖြစ်ကာ စက်တင်ဘာ၊ အောက်တိုဘာလနှင့် နိုဝင်ဘာလဆန်းအထိ အတက်ဘက်သို့ ဆက်တိုက် ဦးတည်လာခဲ့သည်။

မြန်မာနိုင်ငံတွင် စံချိန်တင် ဖြစ်ပေါ်ခဲ့သည့် အမြင့်ဆုံး ငွေလဲနှုန်းမှာ ၁၃၆၅ ကျပ် (၂၀၀၇ ခုနှစ်၊ ဇူလိုင် ၁ ရက်) ဖြစ်ပြီး အနိမ့်ဆုံး နိုင်ငံခြားငွေလဲနှုန်းမှာ ၇၂၅ ကျပ် (၂၀၁၁ ခုနှစ် သြဂုတ် ၁၇ ရက်) ဖြစ်သည်။

မြန်မာ့စီးပွားရေး စောင့်ကြည့် အစီရင်ခံစာအရ ငွေကြေးဖောင်းပွမှုနှုန်းသည် ၂၀၁၆-၂၀၁၇ ခုနှစ်တွင် ခုနစ် ရာခိုင်နှုန်းရှိခဲ့ရာမှ ၂၀၁၇-၂၀၁၈ ဘဏ္ဍာနှစ်တွင် ၅ ဒသမ ၅ ရာခိုင်နှုန်းသို့ ကျဆင်းခဲ့ပြီး ၂၀၁၈-၂၀၁၉ ဘဏ္ဍာနှစ်တွင် ၄ ဒသမ ၉ ရာခိုင်နှုန်းအထိ ကျဆင်းသွားမည်ဟု ခန့်မှန်းထားသည်။

၂၀၁၇-၂၀၁၈ ဘဏ္ဍာနှစ်၏ ပထမနှစ်ဝက်တွင် ဈေးနှုန်းများသည် အသင့်အတင့်သာ မြင့်တက်ခဲ့သော်လည်း ဒုတိယနှစ်ဝက် ကာလတွင် ပိုမိုလျင်မြန်စွာ မြင့်တက်ခဲ့သည်။ အစားအသောက်နှင့် လောင်စာဆီဈေးနှုန်းများ မြင့်တက်ရခြင်းမှာ အထူးသဖြင့် ကမ္ဘာ့လောင်စာဆီ ဈေးနှုန်းများ မြင့်တက်ခဲ့၍ဖြစ်သည်။

၂၀၁၇-၂၀၁၈ ဘဏ္ဍာနှစ် တစ်လျှောက်တွင် နိုင်ငံခြားသုံးငွေနှင့် ယှဉ်လျှင် ပြည်တွင်းကျပ်ငွေတန်ဖိုး မြင့်တက်ခဲ့သော်လည်း ကျပ်ငွေ၏ ပကတိတန်ဖိုးမှာ ကျဆင်းခဲ့သည်။ ထိုင်း၊ မလေးရှားနှင့် တရုတ်နိုင်ငံကဲ့သို့ အဓိက ကုန်သွယ်ဖက် နိုင်ငံများနှင့်ယှဉ်လျှင် ငွေကြေးလဲလှယ်နှုန်းများ ကျဆင်းခဲ့ပြီး ငွေဖောင်းပွမှုနှုန်း မြန်ဆန်ခဲ့ရာ လက်လီကုန်သည်များနှင့် သွင်းကုန်သုံးစွဲသူများအပေါ် ထိခိုက်မှု ရှိခဲ့သည်ဟု ကမ္ဘာ့ဘဏ်က ဆိုသည်။

“ပို့ကုန်သမားတွေအတွက် ကောင်းပေမဲ့ သွင်းကုန်တွေ ဈေးကြီးတဲ့အတွက် အခက်အခဲ ဖြစ်ပေမဲ့ ဒါတွေက နောက်ဆုံးမှာတော့ စားသုံးသူတွေတွေဆီပဲ ရောက်ပါတယ်” ဟု သွင်းကုန်လုပ်ငန်းရှင် တစ်ဦးက ပြောကြားသည်။

“ဒီနှစ်ပိုင်းတွေမှာ လုပ်ငန်းတွေက မကောင်းကြဘူး၊ ၀န်ထမ်းစရိတ်၊ ရုံးစရိတ်၊ စက်ရုံစရိတ်ကျေရုံ အလုပ်လုပ်နေကြရတာ၊ ဆီဈေးတက်တော့ ၀င်ငွေပိုမရဘဲ စရိတ်ပိုထောင်းတာပေါ့” ဟု မြန်မာနိုင်ငံ ဆန်စပါး အသင်းချုပ်၊ တွဲဖက်အတွင်းရေးမှူး ဦးနေလင်းဇင်က ပြောကြားသည်။

ယင်းကဲ့သို့ နိုင်ငံခြားငွေလဲနှုန်းများ မြင့်တက်လာခြင်းကြောင့် ပြည်ပမှ တင်သွင်းနေရသည့် နို့မှုန့်၊ တစ်သျှူး၊ ကော်ဖီ စသည့် ကုန်စည်အမည်အချို့ ယခင်ကထက် ကျပ် ၂၀၀ မှ ၅၀၀ အထိ မြင့်တက်လာကြောင်း ဈေးကွက်အတွင်းမှ သိရသည်။

လက်ရှိအချိန်တွင် စက်သုံးဆီဈေးနှုန်းများ ကြီးမြင့်နေမှုကြောင့် ကုန်ထုတ်လုပ်မှုစရိတ်၊ သယ်ယူပို့ ဆောင်ရေး စရိတ်များ မြင့်တက်လာပြီး အထွေထွေ ကုန်ဈေးနှုန်းများ အပေါ်တွင်ပါ အကျိုးသက်ရောက်မှု ဖြစ်ပေါ်နေကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန ပြည်ထောင်စုဝန်ကြီး ဒေါက်တာသန်းမြင့်က ဆိုသည်။

ကုန်ဈေးနှုန်း အခြေအနေ

ပြီးခဲ့သည့် ဧပြီလဆန်းက သင်္ကြန် မတိုင်ခင်ကာလ ဖြစ်သည့်အတွက် အခြေခံစားသောက်ကုန် ဈေးနှုန်းများ စတင်မြင့်တက်လာရာ သင်္ကြန်ကျော်ကာလတွင် သမ္မတသစ် ဦးဝင်းမြင့် တက်လာပြီးနောက် နိုင်ငံ့ဝန်ထမ်းများအား လစာတိုးမြှင့်ပေးမည်ဆိုသည့် သတင်းများကြောင့် ကုန်ဈေးနှုန်း မြင့်တက်ခဲ့သည်။

စက်သုံးဆီဈေး မြင့်တက်လာခြင်း၊ ဒေါ်လာဈေး အခြေအနေများကြောင့်လည်း ပြည်တွင်း၌ ကုန်စည်အချို့ ဈေးနှုန်းလိုက်ပါ မြင့်တက်လာကြောင်း ဈေးကွက်အတွင်းမှ စုံစမ်းသိရှိရသည်။

“စားဆီ၊ စက်သုံးဆီဈေးတွေ တက်လာပါတယ်။ အဲဒီအတွက် ကုန်ဈေးနှုန်းတွေ တက်လာပါတယ်။ အခြားကုန်ဈေးနှုန်း တွေကလည်း လစာတိုးအရှိန်နဲ့ တက်လာကြတယ်။ ကြက်သွန်၊ မီးဖိုချောင်သုံး သီးနှံဈေးတွေလည်း တက်နေတယ်” ဟု မြန်မာနိုင်ငံ ဆန်စပါးအသင်းချုပ် တွဲဖက်အတွင်းရေးမှူး ဦးနေလင်းဇင်က ပြောကြားသည်။

အခြေခံစားသောက်ကုန် အများစုမှာ ကုန်ဈေးနှုန်း မြင့်တက်ပြီးနောက် ပြန်လည်ကျဆင်းလေ့ မရှိသဖြင့် လက်ရှိအချိန်တွင် အတက်ဈေးဘက်တွင်သာ ရှိနေခဲ့သည်။

ပြီးခဲ့သည့် လများအတွင်း ဖြစ်ပေါ်ခဲ့သည့် ကုန်စည်ဈေးနှုန်းများကို လေ့လာကြည့်ပါက သင်္ကြန်ကာလ မတိုင်မီ ကုန်ဈေးနှုန်း ဈေးကွက်အတွင်း အခြေခံ စားသောက်ကုန်များ ဖြစ်သည့် ဆန်၊ ဆီနှင့် သားငါးဈေး မြင့်တက်ခဲ့သည်။

ဆန်ဈေးနှုန်း အနေဖြင့် ရွှေဘိုပေါ်ဆန်း တစ်ပြည်လျှင် ယခင်ကျပ် ၂၂၀၀-၂၅၀၀ မှ ကျပ် ၂၃၀၀-၂၉၀၀၊ ယခင်တစ်အိတ်လျှင် ၅၃၀၀၀ မှ ၆၉၀၀၀၊ ဖျာပုံဆန်သစ် ရှယ်တစ်ပြည်လျှင် ယခင်ကျပ် ၁၈၀၀-၂၀၀၀ မှ ကျပ် ၁၉၀၀-၂၂၀၀၊ တစ်အိတ်လျှင် ယခင်ကျပ် ၄၅၀၀၀ မှ ကျပ် ၅၀၀၀၀ သို့ အသီးသီး ဈေးတက်ခဲ့သည်။

ဆန်ကြမ်းဈေး အနေဖြင့် ဧည့်မထဆန် တစ်အိတ်လျှင် ယခင်ကျပ် ၂၄၀၀၀ မှကျပ် ၃၁၀၀၀၊ ဇီယာဆန် တစ်အိတ်လျှင် ယခင်ကျပ် ၂၄၀၀၀ မှ ကျပ် ၁၉၀၀၀ မှ ၃၀၀၀၀ ကျပ်သို့ ဈေးတက်ခဲ့သည်။

သား၊ ငါး ဈေးနှုန်းများ အနေဖြင့် မွေးမြူရေး ကြက်တစ်ပိဿာလျှင် ယခင်ကျပ် ၅၀၀၀-၆၀၀၀ ကြားရှိရာမှ ယခုကျပ် ၆၀၀၀-၇၀၀၀၊ ဗမာ ကြက်တစ်ပိဿာလျှင် ယခင်ကျပ် ၇၀၀၀-၈၀၀၀ ကြားမှ ၉၀၀၀- ၁၀၀၀၀၊ ၀က်သားတစ်ပိဿာလျှင် ယခင် ကျပ် ၆၀၀၀- ၁၀၀၀၀ ကြားမှ ကျပ် ၇၀၀၀မှ ၁၂၀၀၀၊ အမဲသား တစ်ပိဿာလျှင် ယခင် ကျပ် ၇၀၀၀ -၉၀၀၀ ကြားရှိခဲ့ရာမှ ကျပ် ၁၀၀၀၀ ကျော်အထိ ဈေးတက်ခဲ့သည်။

ကုန်ဈေးနှုန်းများ အနေဖြင့် ၂၀၁၄ ခုနှစ်မှ ဈေးနှုန်းသိသိသာသာ မြင့်တက်လာခြင်းဖြစ်ပြီး လေးနှစ်တာ ကာလအတွင်း ကုန်ဈေးနှုန်းများ နှစ်ဆ၊ သုံးဆခန့် ဈေးနှုန်းမြင့်တက် ခဲ့ခြင်းဖြစ်သည်။

ကုန်ဈေးနှုန်း မြင့်တက်မှု အနေဖြင့် ၂၀၁၅ နိုဝင်ဘာလ ရွေးကောက်ပွဲပြီးကာလအတွင်းမှ စတင်ကာ သုံးနှစ်တာ ကာလအတွင်း အခြေခံ စားသောက်ကုန်ဈေးနှုန်းများ အနေဖြင့် စံချိန်တင်မြင့်တက် ခဲ့ခြင်းဖြစ်သည်။ ၂၀၁၅ နိုဝင်ဘာလမှ ထပ်မံ စတင်မြင့်တက်ခဲ့သည့် ကုန်ဈေးနှုန်းများသည် ၂၀၁၆ ဧပြီ သင်္ကြန်မတိုင်မီ ကာလတွင် ဈေးနှုန်းထပ်မံမြင့်ခဲ့သည်။

အခြေခံ စားသောက်ကုန်စည်များ အနေဖြင့် ၂၀၁၃ ခုနှစ်မှ စတင်၍ ကုန်ဈေးနှုန်းများ ဈေးနှုန်းစတင် မြင့်တက်လာခြင်းဖြစ်ပြီး ၂၀၁၃-၂၀၁၄ ခုနှစ်အတွင်း ကုန်ဈေးနှုန်းများ အနေဖြင့် မြင့်တက်ခဲ့သော်လည်း စံချိန်တင် မြင့်တက်ခဲ့ခြင်း မရှိခဲ့ပေ။

သုံးနှစ်တာကာလ ကုန်စည်ဈေးနှုန်းများ မြင့်တက်ခြင်း အကြောင်းရင်းများ အနေဖြင့် ၀န်ထမ်းလစာတိုးခြင်း၊ ဒေါ်လာဈေး မြင့်တက်ခြင်း၊ ကုန်ပစ္စည်း အ၀င်နည်းခြင်းနှင့် လမ်းပန်းဆက်သွယ်ရေး စသည့် အခက်အခဲများကြောင့် ဈေးနှုန်းမြင့်တက်ခြင်းဖြစ်ပြီး ပြည်သူများ အနေဖြင့် ကုန်ဈေးနှုန်း တစ်ဟုန်ထိုး မြင့်တက်သည့်ဒဏ်ကို ၂၀၁၃ ဇွန်လမှ စတင်၍ ခံစားလာရခြင်း ဖြစ်သည်။

သုံးနှစ်တာ ကာလအတွင်း မြင့်တက်ခဲ့သည့် အခြေခံ စားသောက်ကုန်စည်များ အနေဖြင့် တစ်ကြိမ်တစ်ခါမှ ဈေးနှုန်းသိသိသာသာ ပြန်လည်ကျဆင်းခြင်း မရှိသေးဘဲ ဈေးအနည်းငယ် အတက်အကျ ရှိရုံမျှသာ ရှိခဲ့သည်။

ထို့ပြင် အကောက်ခွန်နှုန်းများ ပြင်ဆင်သတ်မှတ် လိုက်ခြင်းကြောင့် ပြည်ပက တင်သွင်းသည့် အခြေခံ စားသောက်ကုန်အချို့ အကောက်ခွန် ပိုမိုပေးရမည် ဖြစ်သဖြင့် တင်သွင်းသူများက ဈေးတိုးရောင်းချမည် ဖြစ်သည်။ နောက်ဆုံးတွင်မူ စားသုံးသူ ပြည်သူများသာ ဈေးနှုန်းကြီးမြင့်သည့် ဒဏ်ကို ခါးစည်းခံရမည် ဖြစ်သည်ဟု မြန်မာ့စီးပွားရေး လေ့လာသူများက သုံးသပ်ကြသည်။

အခွန်တိုးမြှင့် ကောက်ခံခြင်း

၂၀၁၇ ခုနှစ် အောက်တိုဘာ ၁ ရက်ကစတင်ပြီး ဘတ်စ်ကား၊ ထရပ်ကား၊ လူစီးမော်တော်ယာဉ်၊ သတင်းစာစက္ကူ၊ ဟန်းဆက်များ၊ ပြည်တွင်း၌ စိုက်ပျိုးထွက်ရှိသော အသီးအနှံများ စသည်တို့အပေါ် အခွန်နှုန်းထားများ တိုးမြှင့်ကောက်ခံရန် ထုတ်ပြန်ခဲ့သည်။

ပြင်ဆင်တိုးမြှင့်လိုက်သည့် အကောက်ခွန်နှုန်းမှာ ဘိလပ်မြေကို တစ်ရာခိုင်နှုန်းကနေ သုံးရာခိုင်နှုန်း၊ အိမ်သုံးဆားကို ယခင် ၁၀ ရာခိုင် နှုန်းကနေ ရာခိုင်နှုန်း ၂၀၊ အသင့် သောက်သုံးနိုင်သည့် ကော်ဖီ (Instant Coffee) ကို ၁၅ ရာခိုင်နှုန်းမှ ရာခိုင်နှုန်း ၂၀၊ ပြည်တွင်းတွင် စိုက်ပျိုးထွက်ရှိသည့် အသီးအနှံများကို ၁၅ ရာခိုင်နှုန်းမှ ရာခိုင်နှုန်း ၃၀၊ ကြက်သွန်နီ/ကြက်သွန်ဖြူကို ယခင် ၀ ဒသမ ၅/၁ ရာခိုင်နှုန်းမှ ၁၀ ရာခိုင်နှုန်း၊ ပန်းမျိုးစုံကို ယခင် ငါးရာခိုင်နှုန်းမှ ၁၅ ရာခိုင်နှုန်း၊ ပရိဘောဂများကို ယခင် ၁၅ ရာခိုင်နှုန်းမှ ရာခိုင်နှုန်း ၂၀ တိုးမြှင့် ကောက်ခံခြင်းဖြစ်သည်။

“လွယ်လွယ်ပြောရရင် အရင် ၁၀၀ တန် ကော်ဖီမစ်ဟာ ၁၂၀ ဖြစ်လာမှာဖြစ်ပြီး သတ်မှတ်ရာခိုင်နှုန်း တိုးမြှင့်မှုအလိုက် ကုန်ဈေးနှုန်းမြင့် တက်မယ့်ဒဏ်ကို ပြည်သူတွေ ခံရဦးမှာပါ” ဟု လုပ်ငန်းရှင် တစ်ဦးက ပြောကြားသည်။

အကောက်ခွန်နှုန်း ပြင်ဆင်မှုတွင် မော်တော်ယာဉ်များလည်း မလွတ်ခဲ့ပေ။ ဘတ်စ်ကားနှင့် ကုန်တင်ယာဉ်များကို ယခင် သုံးရာခိုင်နှုန်း ကောက်ခံနေရာမှ ၁၀ ရာခိုင်နှုန်း CKD စနစ်ဖြင့် တင်သွင်းထုတ်လုပ်မည့် ဘတ်စ်ကားနှင့် ကုန်တင်ယာဉ်များကို ယခင်သုံးရာခိုင်နှုန်း ကောက်ခံနေရာမှ ၇ ဒသမ ၅ ရာခိုင်နှုန်း တိုးကောက်မည်ဖြစ်သည်။

အိမ်သုံးလူစီး မော်တော်ယာဉ်များကို ယခင်အတိုင်း မပြောင်းလဲဘဲ အင်ဂျင်ပါဝါ ၂၀၀၀ စီစီနှင့်အောက် မော်တော်ယာဉ်များကို ရာခိုင်နှုန်း ၃၀ အင်ဂျင်ပါဝါ ၂၀၀၀ စီစီအထက် မော်တော်ယာဉ်များကို ယခင်အတိုင်း ရာခိုင်နှုန်း ၄၀ ဖြင့်သာ ဆက်လက် ကောက်ခံမည်ဖြစ်သည်။

အကောက်ခွန်နှုန်းများ ပြင်ဆင်သတ်မှတ်ခြင်းနှင့် ပတ်သက်၍ “အကောက်ခွန်နှုန်း တိုးမြှင့်တယ် ဆိုတာက အာဆီယံနဲ့ လိုက်လျောညီထွေဖြစ်အောင် လုပ်တယ်ဆိုတဲ့ သဘောတော့ရှိတယ်။ နောက်တစ်ခုက တချို့နေရာတွေမှာ တိုင်းပြည်အတွက် အကျိုးနည်းစေမယ့်ဟာတွေ မြှင့်တာကတော့ မှန်တာပေါ့လေ။ အကျိုးများစေမယ့် ဟာကျတော့ လျှော့သင့်တာ လျော့ရမှာပေါ့။ အကောက်ခွန် ဆိုတာက နိုင်ငံတစ်ခုရဲ့ သွင်းကုန်အပေါ်မှာ ကောက်တဲ့အခါမှာ နိုင်ငံရဲ့ကုန်ထုတ်လုပ်မှု ပမာဏတို့ ၀ယ်ယူစားသုံးနိုင်မှု ပမာဏတို့ အခြေအနေတို့ကို ကြည့်ပြီးတော့ အပြောင်းအလဲ လုပ်တာကတော့ ထုံးစံပါပဲ” ဟု ဒေါက်တာအောင်ကိုကို (စီးပွားရေးပညာ၊ စီးပွားရေး ပေါ်လစီ) က သုံးသပ်ပြောကြားခဲ့သည်။

အန္တရာယ် စိန်ခေါ်မှုများအကြား အကောင်းဘက် ဦးတည်သည့် စီးပွားရေးဖွံ့ဖြိုးမှု အရှိန်အား ဆက်လက် ထိန်းသိမ်းထားနိုင်ရန်မှာ ဦးစားပေး ဆောင်ရွက်သင့်သည့် အစိုးရကဏ္ဍ သုံးစွဲမှုများနှင့် ပုဂ္ဂလိကကဏ္ဍ စီးပွားရေး လုပ်ငန်းများကို တည်ငြိမ်သည့် မေခရိုစီးပွားရေး အခြေအနေ၊ အားကောင်းခိုင်မာသော မူဝါဒများဖြင့် အားပေးထောက်ကူရန် လိုအပ်မည်ဖြစ်ကြောင်း၊ လျှပ်စစ်ဓာတ်အားခ နှုန်းထားများအား သင့်လျော်စွာ ပြင်ဆင်သတ်မှတ်ခြင်း၊ ကုမ္ပဏီများ ဥပဒေအား အကောင်အထည်ဖော် ဆောင်ရွက်ခြင်း၊ အခွန်ထမ်းများအတွက် ပြည်သူ့ရေးရာ ၀န်ဆောင်မှုများ တိုးတက်အောင် ဆောင်ရွက်ပေးခြင်း၊ ငွေရေးကြေးရေး လုပ်ငန်းများအတွက် လုံခြုံစိတ်ချရသည့် ၀န်းကျင်ကောင်းတစ်ခု ဖန်တီးပေးခြင်းတို့က အထောက်အကူ ပြုနိုင်မည်ဖြစ်ကြောင်း မြန်မာနိုင်ငံဆိုင်ရာ ကမ္ဘာ့ဘဏ်ရုံး၏ ဦးဆောင် ဘောဂဗေဒ ပညာရှင် ဟန်စ်အာနန်ဘက်ခ်က ပြောကြားသည်။

ထို့ပြင် “ဂယက်ကတော့ အားလုံးခံရတာပေါ့။ စက်ရုံအလုပ်ရုံဆိုတာ ရှုံးတာမြတ်တာ မကြောက်ပါဘူး၊ လုပ်လို့ရအောင်ပဲ လုပ်ချင်ကြတာ။ အလုပ်လုပ်လို့ မရလောက်အောင် ဖြစ်လာရင်တော့ လုပ်ငန်းတွေ ရပ်ကြမယ်၊ နောက်ဆုတ်ကြမယ်၊ လုပ်လို့ရတဲ့ တိုင်းပြည်မှာပဲ သွားလုပ်ကြမှာပေါ့” ဟု စက်မှုဇုန် လုပ်ငန်းရှင် တစ်ဦးက ဆိုသည်။

“ဘာဖြစ်လို့လဲဆိုတော့ ပြောတာကတော့ ဆီဈေးတစ်ခုတည်းပဲ။ အဲဒီနောက်ကွယ်မှာ ပြဿနာပေါင်း မြောက်မြားစွာ ရှိလာနိုင်တယ်။ ဘာဖြစ်လို့လဲဆိုရင် အချိန်နဲ့ တစ်ပြေးညီလေ။ လခကို ၄၈၀၀ ပေးရပြီ။ မီးကလည်း ဒီရက်ပိုင်းမှာ တောက်လျှောက် ပျက်နေပြီ။ ဒီကြားထဲ လယ်သမားကိစ္စတွေကလည်း တစ်စခန်းထနေပြီ။ အဲဒီတော့ ဌာနဆိုင်ရာတွေကလည်း အရမ်းရစ်နေပြီ။ အရင်လို မြန်ဆန်လွယ်ကူအောင် မဟုတ်တော့ဘူး။ ဘာဖြစ်လို့လဲဆိုတော့ အခက်အခဲတွေ ဖြစ်လာတဲ့ အခါကျတော့ လူတွေလုပ်ရတာ မပျော်ကြတော့ဘူး။ စိတ်ညစ်ကုန်ကြပြီ။ သူဌေးစိတ်ညစ်ရင် ဘာဖြစ်လဲ စက်ရုံပိတ်လိုက်ကွာဆိုပြီး တစ်ခွန်းတည်းပဲ ပြောလို့ရတယ်။ သူဌေးက ငတ်မသွားဘူး။ မှီခိုနေတဲ့သူတွေ ဒုက္ခရောက်မှတော့ ကျွန်တော် စိုးရိမ်တယ်ဗျာ” ဟု လုပ်ငန်းရှင်တစ်ဦးက ပြောကြားသည်။

လက်ရှိ ဖြစ်ပေါ်နေသည့် အခြေအနေတွင် လုပ်ငန်းရှင်များ လုပ်ရကိုင်ရ ပိုမိုခက်ခဲနေသည်။ မြန်မာ့စီးပွားရေး တိုးတက်မှုနှုန်း ကြီးကြီးမားမား လျော့နည်းသွားမည် ဆိုပါက မက်ခရိုစီးပွားရေး မတည်ငြိမ်မှု ကြီးထွားလာနိုင်ကာ နိုင်ငံ၏ အထွေထွေ မတည်ငြိမ်မှုကို ဖြစ်နိုင်ကြောင်း ကမ္ဘာ့ဘဏ်မှ ထုတ်ပြန်သည့် မြန်မာ့စီးပွားရေး စောင့်ကြည့် အစီရင်ခံစာတွင် ဖော်ပြထားသည်။

“ဒီအချိန်က ကုစားရင် မီပါသေးတယ်။ လုပ်တဲ့သူတွေကို ဥပဒေနဲ့ အကာအကွယ်ပေးပါ။ ဈေးကွက် စီးပွားရေးအရ Floating ဖြစ်နေတာကို နားလည်ပါတယ်။ ဒါပေမဲ့ သဘာဝ မကျတဲ့ ဟာမျိုးတွေကို ထိန်းညှိပေးပါ။ ဒါဆိုရင် ရပါပြီ။ နိုင်ငံတော်က ဘာမှ ကုန်ကျစရာ မလိုပါဘူး။ လုပ်တတ်တဲ့သူကိုသာ ခေါင်းဆောင်တင်ပြီး လုပ်ခိုင်းပါ။ အရည်အချင်းရှိတဲ့သူတွေ မြန်မာပြည်မှာ အများကြီးရှိပါတယ်” ဟု လုပ်ငန်းရှင်တစ်ဦးက ဆိုသည်။

အထက်ပါဈေးနှုန်းများသည် ဈေးကွက်အတွင်းမှ ရရှိသော ဈေးနှုန်းများကို ဖော်ပြထားခြင်းဖြစ်ပြီး နေရာကိုလိုက်၍ ဈေးနှုန်းအပြောင်းအလဲ ရှိနိုင်ပါသည်။

 

နှစ်နှစ်အတွင်း ကုန်သွယ်မှုနှင့် ဆန်တင်ပို့မှု စံချိန်တင်ခဲ့သော်လည်း ပို့ကုန်တင်ပို့ရန်အတွက် အရည်အသွေး၊ အချိန်မီတင်ပို့နိုင်မှု၊ သယ်ယူပို့ဆောင် သိုလှောင်စရိတ်ကြီးမြင့်မှု အားနည်းချက်များရှိဟု သိရ

ရန်ကုန်မြို့ရှိ အပြည်ပြည်ဆိုင်ရာ ဆိပ်ကမ်းတစ်ခုကို တွေ့ရစဉ် (ဓာတ်ပုံ-ကြည်နိုင်)

အစိုးရသစ် နှစ်နှစ်အတွင်း ကုန်သွယ်မှုပမာဏနှင့် ဆန်တင်ပို့မှု စံချိန်တင်နိုင်ခဲ့သော်လည်း ပို့ကုန်တင်ပို့ရန်အတွက် အရည်အသွေး၊ အချိန်မီ တင်ပို့နိုင်မှု၊ သယ်ယူပို့ဆောင် စရိတ်ကြီးမြင့်မှု အားနည်းချက်များရှိကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန ပြည်ထောင်စုဝန်ကြီး ဒေါက်တာသန်းမြင့်က ပြောကြားသည်။

အစိုးရသစ် နှစ်နှစ်အတွင်း အောင်မြင်မှုများ ရှိသကဲ့သို့ အားနည်းချက်များလည်း ရှိခဲ့ကြောင်း၊ အောင်မြင်မှု အနေဖြင့် ကုန်သွယ်မှု ပမာဏ စံချိန်တင် တိုးတက်လာခြင်း၊ ဆန်တင်ပို့မှု ယခင်အမြင့်ဆုံး စံချိန်နီးပါး တင်ပို့နိုင်ခြင်းဖြစ်ပြီး ပို့ကုန်တင်ပို့ရန်အတွက် အရည်အသွေး၊ အချိန်မီ တင်ပို့နိုင်မှု၊ သယ်ယူပို့ဆောင် သိုလှောင်စရိတ် ကြီးမြင့်မှု စသည့်အားနည်းချက်များလည်း ရှိကြောင်း ပြည်ထောင်စုဝန်ကြီး ဒေါက်တာသန်းမြင့်က ဆိုသည်။

နိုင်ငံတော်၏ စီးပွားရေးမူဝါဒ၊ ကုန်သွယ်ရေးကဏ္ဍ၏ လုပ်ငန်းစဉ်များ ချိတ်ဆက်ပြီး လုပ်ငန်းစဉ် ၂၆ ရပ်ကို ကဏ္ဍကြီးခြောက်ရပ် ခွဲခြားပြီး အကောင်အထည်ဖော် ဆောင်ရွက်လျက်ရှိကြောင်း သိရသည်။

စီးပွားရေးမူဝါဒများနှင့်အညီ အကောင်အထည်ဖော် ဆောင်ရွက်နေသည့် ကဏ္ဍကြီး ခြောက်ရပ်ဖြစ်သော ကုန်သွယ်မှုမြှင့်တင်ရေး၊ ကုန်သွယ်မှုလွယ်ကူရေး၊ ကုန်သွယ်မှု စေ့စပ်ညှိနှိုင်းရေး၊ ကုန်သွယ်မှုဆိုင်ရာ ဖြေလျှော့ပေးရေး၊ ကုန်သွယ်မှု ပညာပေးရေးနှင့် စားသုံးသူ အကာအကွယ်ပေးရေး လုပ်ငန်းစဉ်များအား ပြဋ္ဌာန်းထားသည့်ဥပဒေ၊ နည်းဥပဒေ လုပ်ထုံးလုပ်နည်း၊ စည်းမျဉ်းစည်းကမ်း များနှင့်အညီ ပိုမိုဆောင်ရွက်ကြရမည် ဖြစ်ကြောင်း ပြည်ထောင်စုဝန် ကြီး ဒေါက်တာသန်းမြင့်က ပြောကြားသည်။

အစိုးရသစ် လက်ထက်၌ ချမှတ်ခဲ့သည့် စီးပွားရေးမူဝါဒ ၁၂ ချက်နှင့်အညီ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန အနေဖြင့် ကုန်သွယ်မှုလုပ်ငန်းများဖြင့် ဖွံ့ဖြိုးတိုးတက်အောင် ဆောင်ရွက်ရန် မျှော်မှန်းချက် ချမှတ်ဆောင်ရွက်ရှိကြောင်း သိရသည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၏ ကုန်သွယ်ရေး အခြေခံမူများဖြစ်သည့် ကုန်သွယ်မှု လုပ်ငန်းများ နိုင်ငံတော်နှင့် နိုင်ငံသားများ၏ အကျိုးစီးပွားကို ရှေးရှုရေး၊ ကုန်သွယ်မှု လုပ်ငန်းများသည် ပြည်သူများအပေါ် ဖိစီးမှု မဖြစ်စေရေး၊ ကုန်သွယ်မှု လုပ်ငန်းများကို အမြတ်အစွန်းရရှိမှု အဓိကမထားဘဲ ရေရှည်တည်တံ့ခိုင်မြဲမှု ဦးတည်ချက်များဖြင့် ရှေးရှုဆောင်ရွက်ရေးတို့ကို အခြေခံထား ဆောင်ရွက်ခြင်းဖြစ်ကြောင်း သိရသည်။

ရည်ရွယ်ချက်များ အနေဖြင့် ဈေးကွက်စီးပွားရေး စနစ်နှင့်အညီ ကုန်သွယ်ရေး မူဝါဒများကို စနစ်တကျ ရေးဆွဲအကောင်အထည်ဖော်ရေး၊ ပို့ကုန်တိုးချဲ့မြှင့်တင်ရေး ဆောင်ရွက်ရန်နှင့် ကုန်သွယ်မှု လုပ်ငန်းများ ဖွံ့ဖြိုးတိုးတက်စေရေး၊ ခေတ်မီသတင်း အချက်အလက်နှင့် ဆက်သွယ်ရေး နည်းပညာ (ICT) အသုံးပြု၍ ဆောင်ရွက်သွားနိုင်ရေး၊ ဒေသတွင်း နိုင်ငံများနှင့်သာမက နိုင်ငံတကာနှင့် ပူးပေါင်း၍ ကုန်သွယ်မှု တိုးချဲ့ရေး၊ ကုန်သွယ်မှု ပတ်ဝန်းကျင် တိုးတက်ကောင်းမွန်ရေး တို့ကိုလည်း ဆောင်ရွက်သွားမည် ဖြစ်ကြောင်း ပြည်ထောင်စုဝန်ကြီး ဒေါက်တာသန်းမြင့်က ပြောကြားခဲ့သည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၏ မျှော်မှန်းချက်အနေဖြင့် “ကုန်သွယ်မှု လုပ်ငန်းများဖြင့် အမျိုးသားစီးပွားရေး ဖွံ့ဖြိုးတိုးတက်အောင် ဆောင်ရွက်ရန်” ချမှတ်ထားပြီး ကုန်သွယ်မှုပမာဏ တိုးတက်ရေး၊ ဈေးကွက်စီးပွားရေး စနစ်နှင့်အညီ ပုဂ္ဂလိက အခန်းကဏ္ဍ ဖွံ့ဖြိုးတိုးတက်အောင် အားပေးမြှင့်တင် ဆောင်ရွက်ရေး၊ နိုင်ငံတကာ အဖွဲ့အစည်းများနှင့် ပူးပေါင်းဆောင်ရွက်ခြင်းဖြင့် နိုင်ငံတကာ ဈေးကွက်တွင် မြန်မာ့ထွက်ကုန်များ ဈေးကွက်ဝေစု ပိုမိုရရှိအောင် ဆောင်ရွက်ရေး၊ ကုန်သွယ်မှုလုပ်ငန်းများ အဆင်ပြေ ချောမွေ့စွာ ဆောင်ရွက်နိုင်ရေး အတွက် ပံ့ပိုးကူညီရန် စသည့် ရည်မှန်းချက် လေးရပ်တို့ကို ချမှတ်အကောင်အထည်ဖော် ဆောင်ရွက်လျက်ရှိကြောင်း ၎င်းကဆက်လက် ပြောကြားသည်။

 

မြန်မာ့စီးပွားရေး တိုးတက်မှုနှုန်း ကြီးကြီးမားမား လျော့နည်းသွားမည် ဆိုပါက မက်ခရိုစီးပွားရေး မတည်ငြိမ်မှု ကြီးထွားလာနိုင်ပြီး နိုင်ငံ၏ အထွေထွေ မတည်ငြိမ်မှုကို ဖြစ်နိုင်ကြောင်း ကမ္ဘာ့ဘဏ်ခန့်မှန်း

ရန်ကုန်မြို့ရှိ ဆိပ်ကမ်းတစ်ခုကို တွေ့ရစဉ် (ဓာတ်ပုံ-ကြည်နိုင်)

မြန်မာ့စီးပွားရေး တိုးတက်မှုနှုန်း ကြီးကြီးမားမား လျော့နည်းသွားမည်ဆိုပါက မက်ခရို စီးပွားရေး မတည်ငြိမ်မှု ကြီးထွားလာနိုင်ကာ နိုင်ငံ၏ အထွေထွေ မတည်ငြိမ်မှုကို ဖြစ်နိုင်ကြောင်း ကမ္ဘာ့ဘဏ်မှ ထုတ်ပြန်သည့် မြန်မာ့စီးပွားရေး စောင့်ကြည့်အစီရင်ခံစာတွင် ဖော်ပြထားသည်။

၂၀၁၈-၂၀၁၉ဘဏ္ဍာနှစ်တွင် စီးပွားရေး တိုးတက်မှုသည် ၆ ဒသမ ၈ ရာခိုင်နှုန်းသို့ မြင့်တက်မည့် အလားအလာရှိကြောင်း၊ မြန်မာနိုင်ငံ၏ ယေဘုယျစီးပွားရေး အခြေအနေ မျှော်မှန်းချက်မှာမူ အကောင်းဘက်တွင် ရှိနေဆဲဖြစ်သည်ဟု အစီရင်ခံစာတွင် ဖော်ပြထားသည်။

သို့သော်လည်း ယေဘုယျစီးပွားရေး အခြေအနေ မျှော်မှန်းချက်ကို နှောင့်ယှက်မည့် အကြောင်းများလည်း ကြီးထွားလာနေကြောင်း၊ ရခိုင်ပြည်နယ် အရေးအခင်းများနှင့် ဆက်စပ်ပြီး မရေရာမှုများ ဆက်လက်ပေါ်ပေါက် နေခြင်းကြောင့် မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှုကို နှောင့်နှေးတိုးတက် စေနိုင်သည် ဟုဆိုသည်။ ဖြစ်နိုင်ခြေနည်းသည် ဆိုသော်လည်း စီးပွားရေး တိုးတက်မှုနှုန်း ကြီးကြီးမားမား လျော့နည်းသွားမည်ဆိုပါက မက်ခရိုစီးပွားရေး မတည်ငြိမ်မှု ကြီးထွားလာနိုင်ကာ နိုင်ငံ၏ အထွေထွေ မတည်ငြိမ်မှုကို ဖြစ်စေနိုင်သည်ဟု ကမ္ဘာ့ဘဏ်က ခန့်မှန်းထားသည်။

ထို့ပြင် နိုင်ငံခြား တိုက်ရိုက်ရင်းနှီးမြှုပ်နှံမှု (FDI) မြန်မာနိုင်ငံအတွင်း စီးဝင်မှု အလျင်အမြန် ကျဆင်းသွားခြင်းနှင့် နိုင်ငံတကာ ခရီးသွားလုပ်ငန်းများ အရှိန်နှေးကွေးသွားခြင်းများကလည်း (External Balance) နှင့် ငွေလဲလှယ်နှုန်းများကို ထိခိုက်စေနိုင်သည် ဟုဆိုသည်။

ဘဏ်လုပ်ငန်းကဏ္ဍ အနေဖြင့်ဆိုလျှင် ၂၀၁၇ ခုနှစ် ဇူလိုင်လက ထုတ်ပြန်ခဲ့သည့် စည်းမျဉ်းများကို လိုက်နာနိုင်အောင် ခက်ခက်ခဲခဲကြိုးပမ်း အသွင်ပြောင်းနေရကြောင်း၊ ကမ္ဘာလုံး အတိုင်းအတာဖြင့် စီးပွားရေး မျှော်မှန်းချက်အမြင်ကို အနှောင့်အယှက်ပေးမည့် အရာများ သိသိသာသာ လျော့နည်းသွားသော်လည်း အရေးတကြီး ကိုင်တွယ်ရမည့် စီးပွားရေး အန္တရာယ်များ ရှိနေဆဲဖြစ်သည်ဟု ဖော်ပြထားသည်။

ကမ္ဘာ့ကုန်သွယ်ရေးမူဝါဒပိုင်း မငြိမ်သက်မှု မြင့်မားလာနေခြင်းကြောင့် ကမ္ဘာလုံး အတိုင်းအတာ ကုန်သွယ်ရေး ပြန်လည်ဦးမော့နိုင်မှုကို ထိခိုက်နိုင်သကဲ့သို့  မြန်မာနိုင်ငံအပေါ်တွင်လည်း ၎င်း၏ဆိုးကျိုးများက အတန်အသင့် အကျိုးသက်ရောက်နိုင်သည်ဟု ကမ္ဘာ့ဘဏ်က ခန့်မှန်းထားသည်။

အန္တရာယ် စိန်ခေါ်မှုများအကြား အကောင်းဘက် ဦးတည်သည့် စီးပွားရေးဖွံ့ဖြိုးမှု အရှိန်အား ဆက်လက် ထိန်းသိမ်းထားနိုင်ရန်မှာ ဦးစားပေး ဆောင်ရွက်သင့်သည့် အစိုးရကဏ္ဍ သုံးစွဲမှုများနှင့် ပုဂ္ဂလိကကဏ္ဍ စီးပွားရေး လုပ်ငန်းများအား တည်ငြိမ်သည့် မက်ခရိုစီးပွားရေး အခြေအနေ၊ အားကောင်းခိုင်မာသော မူဝါဒများဖြင့် အားပေးထောက်ကူရန် လိုအပ်မည်ဖြစ်ကြောင်း၊ လျှပ်စစ်ဓာတ်အားခ နှုန်းထားများအား သင့်လျော်စွာ ပြင်ဆင်သတ်မှတ်ခြင်း၊ ကုမ္ပဏီများ ဥပဒေအား အကောင်အထည်ဖော် ဆောင်ရွက်ခြင်း၊ အခွန်ထမ်းများအတွက် ပြည်သူ့ရေးရာ ၀န်ဆောင်မှုများ တိုးတက်အောင် ဆောင်ရွက်ပေးခြင်း၊  ငွေရေးကြေးရေး လုပ်ငန်းများအတွက် လုံခြုံစိတ်ချရသည့် ၀န်းကျင်ကောင်းတစ်ခု ဖန်တီးပေးခြင်းတို့က အထောက်အကူ ပြုနိုင်မည်ဖြစ်ကြောင်း မြန်မာနိုင်ငံဆိုင်ရာ ကမ္ဘာ့ဘဏ်ရုံး၏ ဦးဆောင်ဘောဂဗေဒပညာရှင် ဟန်စ်အာနန်ဘက်ခ်က ပြောကြားသည်။

 

၂၀၁၇-၂၀၁၈ ဘဏ္ဍာနှစ်တွင် ရန်ကုန်တိုင်းဒေသကြီးတွင် ပြည်ပရင်းနှီးမြှုပ်နှံမှု ဒေါ်လာ ၃၂၂၁ သန်းနှင့် ပြည်တွင်းရင်းနှီးမြှုပ်နှံမှု ကျပ် ၈၅၁ ဘီလျံရှိကြောင်း စီမံကိန်းနှင့် ဘဏ္ဍာရေးဝန်ကြီး ပြောကြား

စီးပွားရေးမြို့တော်ဟု သတ်မှတ်ထားသည့် ရန်ကုန်မြို့တစ်နေရာအား တွေ့ရစဉ် (ဓာတ်ပုံ- ဆန်းထူးအောင်)

ရန်ကုန်တိုင်းဒေသကြီးအတွင်း ၂၀၁၇-၂၀၁၈ ဘဏ္ဍာနှစ် မတ်လအထိ နိုင်ငံခြား ရင်းနှီးမြှုပ်နှံမှု ဒေါ်လာ ၃၂၂၁ သန်းနှင့် မြန်မာနိုင်ငံသားရင်းနှီးမြှုပ်နှံမှု ကျပ် ၈၅၁ ဘီလျံရှိကြောင်း ရန်ကုန်တိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက မေ ၈ ရက်တွင် ပြုလုပ်သည့် ရန်ကုန်တိုင်းဒေသကြီးလွှတ်တော် ဒုတိယအကြိမ် ဆဋ္ဌမပုံမှန်အစည်းအဝေး (၂၅ရက်မြောက်နေ့) တွင် ပြောကြားသည်။

မင်္ဂလာတောင်ညွန့်မြို့နယ် မဲဆန္ဒနယ် အမှတ် (၁) လွှတ်တော်ကိုယ်စားလှယ် ဦးလှဌေး၏ “ရန်ကုန်တိုင်းဒေသကြီးအတွင်း စီးပွားရေး ပိုမိုဖွံ့ဖြိုးတိုးတက်စေရေးနှင့် ကုန်ဈေးနှုန်း ကျဆင်းစေရေးတို့အတွက် တိုင်းဒေသကြီးနှင့်ဆိုင်သော စီမံချက်၊ စီမံကိန်းများချမှတ် အကောင်အထည်ဖော်ဆောင်ရွက်ရန် အစီအစဉ်ရှိ/ မရှိ” မေးခွန်းအား ပြန်လည်ဖြေကြားရာတွင် စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ထည့်သွင်းပြောကြားခဲ့ခြင်း ဖြစ်သည်။

“ရန်ကုန်တိုင်းဒေသကြီး၏ ၂၀၁၇-၂၁၀၈ ဘဏ္ဍာနှစ် မတ်လအထိ နိုင်ငံခြားရင်းနှီးမြှုပ်နှံမှုဥပဒေအရ လုပ်ငန်းအရေအတွက်မှာ ၁၄၃ ခုနှင့် ရင်းနှီးမြှုပ်နှံမှုပမာဏက ဒေါ်လာ ၃၂၂၁ သန်း၊ မြန်မာနိုင်ငံသား ရင်းနှီးမြှုပ်နှံမှုအရ ခွင့်ပြုထားတာတော့ လုပ်ငန်းအရေအတွက်မှာ ၄၅ ခုနှင့် ရင်းနှီးမြှုပ်နှံမှုပမာဏ ကျပ်ဘီလျံ ၈၅၁ ရှိပါတယ်။ အလုပ်အကိုင် အခွင့်အလမ်းများကတော့ ၈၀၃၄ ဦးခန့် အလုပ်အကိုင်ရရှိလာမယ်လို့ ခန့်မှန်းထားပါတယ်” ဟု ၀န်ကြီး ဦးမြင့်သောင်းက ပြောကြားသည်။

ထို့ပြင် နိုင်ငံခြားရင်းနှီးမြှုပ်နှံမှု (FDI) အနေဖြင့်အထည်ချုပ်လုပ်ငန်းများ တိုးတက်များပြားပြီး အလုပ်အကိုင်အခွင့်အလမ်းများလည်း ပိုမိုရရှိလာနိုင်မည်ဖြစ်ကြောင်း၊ စီးပွားရေး ပိုမိုဖွံ့ဖြိုးတိုးတက်စေရေးနှင့် ကုန်ဈေးနှုန်း ကျဆင်းစေရေးကို အထောက်အကူပြုနိုင်မည်ဖြစ်ကြောင်း ၀န်ကြီးဦးမြင့်သောင်းက ပြန်လည်ဖြေကြားခဲ့သည်။

၂၀၁၇-၂၀၁၈ ဘဏ္ဍာနှစ်အတွင်း ပုံမှန်ဈေးနှုန်းအရ ရန်ကုန်တိုင်းဒေသကြီး၏ GDP တိုးတက်မှုနှုန်းများမှာ မူလလျာထားချက်အရ ၈ ဒသမ ၅ ရာခိုင်နှုန်းဖြစ်ပြီး နှစ်ကုန်ခန့်မှန်းခြေ (ယာယီ) စာရင်းအရ ၈ ဒသမ ၆ ရာခိုင်နှုန်းဖြစ်၍ တိုင်းဒေသကြီး / ပြည်နယ်များနှင့် နှိုင်းယှဉ်ပါက တိုးတက်မှုနှုန်းအများဆုံးဖြစ်သည်ကို တွေ့ရှိရပါကြောင်း၊ တိုင်းဒေသကြီး အစိုးရအဖွဲ့အနေဖြင့် မြို့သစ်စီမံကိန်းများ၊ နိုင်ငံ့ဝန်ထမ်း အငှားအိမ်ရာ၊ အရောင်းအိမ်ရာများ၊ စိုက်ပျိုးရေး၊ မွေးမြူရေးအဆင့်မြှင့်တင်ရန်အတွက် သင်တန်းကျောင်းများ၊ လယ်ယာစီးပွားရေးဝန်ဆောင်မှုစင်တာ စီမံကိန်းများ၊ ငါးလုပ်ငန်းဖွံ့ဖြိုးရန် ငါးကန်၊ ပုစွန်ကန် ဖွံ့ဖြိုးရေးကို မြန်မာနိုင်ငံငါးလုပ်ငန်းအဖွဲ့ချုပ်မှ ဦးဆောင်၍ ဆောင်ရွက်သွားမည်ဖြစ်ကြောင်း၊ Vocational Training သင်တန်းကျောင်းများ၊ စက်မှုဇုန်စီမံကိန်းများ၊ ရန်ကုန်အထူးစီးပွားရေးဇုန် (Yangon Special Economic Zone) များကိုလည်း ဆောင်ရွက်မည်ဖြစ်ကြောင်း ၀န်ကြီးမြင့်သောင်းက ပြောကြားသည်။

၂၃ နှစ်တာ ကာလအတွင်း ရန်ကုန်တိုင်းဒေသကြီးသို့ နိုင်ငံခြားရင်းနှီးမြှုပ်နှံမှုပမာဏ ဒေါ်လာဘီလျံ ၂၀ ကျော် ၀င်ရောက်ထား

နှစ်ဆယ့်သုံးနှစ်တာ ကာလအတွင်း ရန်ကုန်တိုင်းဒေသကြီးအတွင်းသို့ နိုင်ငံခြား ရင်းနှီးမြှုပ်နှံမှုပမာဏ အမေရိကန်ဒေါ်လာ ဘီလျံနှစ်ဆယ်ကျော်အထိ ၀င်ရောက်ထားကြောင်း မေလ ၂ ရက်က Cooperative Business Centre တွင် ပြုလုပ်သည့် Yangon Investment Forum 2018 ကြိုတင် သတင်းစာရှင်းလင်းပွဲမှ သိရသည်။

၁၉၉၄-၁၉၉၅ ဘဏ္ဍာနှစ်မှ ၂၀၁၇-၂၀၁၈ ဘဏ္ဍာနှစ်အထိ ရန်ကုန်တိုင်းဒေသကြီး အတွင်းသို့ နိုင်ငံခြားရင်းနှီးမြှုပ်နှံမှုလုပ်ငန်းပေါင်း ၈၅၄ ခုအထိ ၀င်ရောက်ထားကာ ရင်နှီးမြှုပ်နှံမှုပမာဏ ဒေါ်လာ ၂၀ဒသမ ၂၇၆ ဘီလျံအထိ ၀င်ရောက်ထားခြင်းဖြစ်သည်။

ရင်းနှီးမြှုပ်နှံမှု ဥပဒေအသစ်အရ ဒေါ်လာငါးသန်း (သို့မဟုတ်) ကျပ်ငွေသန်း ခြောက်ထောင်အထိ ရင်းနှီးမြှုပ်နှံမှုပမာဏ ရှိသော နိုင်ငံခြားရင်းနှီးမြှုပ်နှံမှုများကို တိုင်း ဒေသကြီး ပြည်နယ်အစိုးရ၏ ခွင့်ပြုပေးနိုင်ကြောင်း သိရသည်။

လက်ရှိအချိန်တွင် အဆိုပါဒေါ်လာ ငါးသန်း ရင်းနှီးမြှုပ်နှံမှုပမာဏရှိသော နိုင်ငံခြား ရင်းနှီးမြှုပ်နှံမှုများကို ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီမှ တစ်လမှ တစ်လခွဲ အတွင်း ပါမစ်ရရှိအောင် ဆောင်ရွက်ပေးနေခြင်းဖြစ်ကြောင်း သိရသည်။

၂၀၁၇ ခုနှစ် သြဂုတ်လမှ ၂၀၁၈ ခုနှစ် ဧပြီ ၁၁ ရက်အထိ ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီ အနေဖြင့် စက်မှုကဏ္ဍ နှင့် အခြားဝန်ဆောင်မှုကဏ္ဍတို့တွင်  မတည် ငွေရင်းပမာဏ ဒေါ်လာ ၅၉ သန်းကျော်နှင့် ကျပ် ၂၃ ဘီလျံကျော်အထိ ရင်းနှီးမြှုပ်နှံခွင့်ပြု လိုက်ကြောင်း ထုတ်ပြန်ထားသည်။

၂၀၁၇ ခုနှစ် သြဂုတ်လမှ ၂၀၁၈ ခုနှစ် ဧပြီ ၁၁ ရက်အထိ ရန်ကုန်တိုင်းဒေသကြီး ရင်းနှီးမြှုပ်နှံမှု ကော်မတီအနေဖြင့် စက်မှုကဏ္ဍနှင့် အခြားဝန်ဆောင်မှု ကဏ္ဍတို့တွင် စင်ကာပူနိုင်ငံ၊ တရုတ်ပြည်သူ့သမ္မတနိုင်ငံ၊ ကိုရီးယားသမ္မတနိုင်ငံ၊ ထိုင်ဝမ်၊ ဟောင်ကောင်၊ ဂျပန်နိုင်ငံ၊ မလေးရှားနိုင်ငံနှင့် British Virgin Islands  နိုင်ငံတို့မှ နိုင်ငံခြား ရင်းနှီးမြှုပ်နှံမှု ၀င်ရောက်ခဲ့သည်။

အဂတိလိုက်စားမှု တိုက်ဖျက်ရေးကော်မရှင် ဥက္ကဋ္ဌမှစ၍ ၀န်ထမ်းအားလုံး ကော်မရှင်၏ရည်မှန်းချက်နှင့် ဂုဏ်သိက္ခာထိခိုက်စေမည့် စီးပွားရေးလုပ်ငန်းများတွင် ပါဝင်ပတ်သက်မှုမရှိစေရေး COC တွင် ထည့်သွင်းရေးဆွဲထား

ဧပြီ ၁၀ ရက်က နေပြည်တော်ရှိ Park Royal ဟိုတယ်တွင် ပြုလုပ်သည့် အဂတိလိုက်စားမှု တိုက်ဖျက်ရေးကော်မရှင်၏ ကျင့်ဝတ်ရေးဆွဲသည့် စာအုပ်နှင့်ပတ်သက်၍ ဆွေးနွေးပွဲအခမ်းအနားကို တွေ့ရစဉ်

အဂတိလိုက်စားမှုတိုက်ဖျက်ရေး ကော်မရှင်ဥက္ကဋ္ဌမှစ၍ ၀န်ထမ်းများအားလုံး ကော်မရှင်၏ ရည်မှန်းချက်နှင့် ဂုဏ်သိက္ခာကို ထိခိုက်စေမည့် စီးပွားရေးလုပ်ငန်းများတွင် ပါဝင်ပတ်သက်မှုမရှိစေရေး COC (Code of Conduct) တွင် ထည့်သွင်းရေးဆွဲ ထားကြောင်း အဂတိလိုက်စားမှုတိုက်ဖျက် ရေးကော်မရှင်အဖွဲ့ဝင် ဦးဇော်ဝင်းက ပြောကြားသည်။

ဧပြီ ၁၀ ရက်က နေပြည်တော်ရှိ Park Royal ဟိုတယ်တွင် ပြုလုပ်သည့် အဂတိ လိုက်စားမှု တိုက်ဖျက်ရေးကော်မရှင်၏ ကျင့်ဝတ်ရေးဆွဲသည့် စာအုပ်နှင့်ပတ်သက်၍ ဆွေးနွေးပွဲအခမ်းအနားတွင် အဂတိလိုက်စားမှု တိုက်ဖျက်ရေး ကော်မရှင်အဖွဲ့ဝင် ဦးဇော်ဝင်းက အထက်ပါကဲ့သို့ ပြောကြားခဲ့ခြင်း ဖြစ်သည်။

“ကော်မရှင်မှာလုပ်တဲ့သူရဲ့  နောက်ကွယ်အဆက်အသွယ်က ကော်မရှင်လုပ်ငန်းနဲ့ ရည်မှန်းချက်တွေကို ဂုဏ်သိက္ခာကို ထိခိုက်စေနိုင်မယ့် စီးပွားရေးလုပ်ငန်းတွေမှာ ပါဝင်ပတ်သက်မှုရှိရဲ့လား။ သူ့ရဲ့အကျိုးစီးပွားတွေပါနေတဲ့ ကုမ္ပဏီဟာ ဒီနေ့ အဂတိလိုက်စားမှုနဲ့ပတ်သက်လို့ စစ်ဆေးခံနေတဲ့ ကုမ္ပဏီမှာ ရှယ်ယာတွေပါနေသလား စသည်ဖြင့်ပေါ့နော်။ အဲဒီလို အကျိုးစီးပွား ပဋိပက္ခတွေကို ဘယ်လိုရှောင်ရှားကြမလဲ။ ဘယ်လိုစဉ်းစားမလဲ။ ဒါတွေကိုလည်း ကျွန်တော်တို့ ထည့်သွင်းစဉ်းစားထားပါတယ်” ဟု ဦးဇော်ဝင်းက ပြောကြားသည်။

ဆက်လက်၍ “ကော်မရှင်ဥက္ကဋ္ဌကအစ ၀န်ထမ်းတွေအဆုံး အားလုံးလိုက်နာဖို့ပုံစံနဲ့ ကျွန်တော်တို့ ရေးဆွဲထားတယ်ဆိုတာ တင်ပြချင်ပါတယ်။ ကျွန်တော်တို့ရဲ့လူတွေကို ပိုမိုကောင်းမွန်တဲ့ အရည်အသွေးတွေရှိလာဖို့။ ပိုမိုကောင်းမွန်တဲ့ လမ်းကြောင်းကိုလျှောက်နိုင်ဖို့အတွက် Guide Line တစ်ခုဖြစ်ရပါမယ်။ ပြောရရင် ကြိုတင်ကာကွယ်ရေး Tool တစ်ခုလည်း ဖြစ်ပါတယ်။ လိုက်နာနိုင်ဖို့လည်း လိုပါတယ်။ အရမ်းကောင်းပြီး မလိုက်နာနိုင်ဘဲနဲ့ ဖိုင်တွဲဖို့ရေးတဲ့ COC ဖြစ်ဖို့ မသင့်ပါဘူး။ COC ဆိုတာနဲ့ (၁) အချက်က နိုင်ငံသားတို့က အစိုးရကိုယုံကြည်မှုတွေ တက်လာစေရမယ်။ (၂) ဂုဏ်သိက္ခာကို လေးစားတန် ဖိုးထားမှုတွေကို ပြနေရမယ်။ (၃) ပြည်သူ့ ၀န်ထမ်းပီသစွာ ပြုမူနေထိုင်နိုင်စေရန် အချက်နဲ့လည်း ပြည့်စုံရမယ်။ ဒီအချက်သုံးချက်နဲ့ ပြည့်စုံအောင် ကျွန်တော်တို့ စဉ်းစားထားပါတယ်” ဟု ၎င်းက ပြောကြားသည်။

ထို့ပြင် ကော်မရှင်တွင်ရှိသည့် ရာထူးကိုအသုံးချပြီး နောက်ထပ် လုပ်ငန်းများရှာ ဖွေခြင်းမပြုရန်၊ ကော်မရှင်မှအနားယူပြီး ကော်မရှင်နှင့် အမှုစစ်ဆေးနေသည့်ကုမ္ပဏီတွင် သွားရောက်အလုပ်လုပ်ခြင်းနှင့် အလုပ် ထွက်ပြီးချိန်မှစ၍ မည်ကဲ့သို့ ပြုမူဆက်ဆံရမည်ဆိုသည့် အချက်များအား အခြေခံမူ ခြောက်ချက်အောက်တွင် လိုအပ်သလိုထည့် သွင်းစဉ်းစားကာ ဆောင်ရွက်ထားကြောင်း ကော်မရှင်အဖွဲ့ဝင် ဦးဇော်ဝင်းက ဆိုသည်။

“ပြည်သူ့ဝန်ထမ်းထဲမှာမှ အများပြည်သူရဲ့ အကျိုးကိုစောင့်ကြည့်လေ့လာ အကာအကွယ်ပေးကြရတဲ့ အဂတိလိုက်စားမှု တိုက်ဖျက်ရေးကော်မရှင်ကဲ့သို့ အဖွဲ့အစည်းတွေက အင်မတန်မှ အရေးပါပါတယ်။ နိုင်ငံ့အကျိုး၊ ပြည်သူ့အကျိုးကို ကျွန်တော်တို့က စောင့်ကြည့်ထိန်းကျောင်းမယ့်အဖွဲ့ဟာ သူတို့ကို ဘယ်လိုစောင့်ကြည့်မလဲဆိုတဲ့အချက်က အင်မတန်မှ အရေးကြီးတာ ဖြစ်ပါတယ်။ အခြားသူတွေရဲ့ လုပ်မှုကိုင်မှုတွေကို စောင့်ကြည့်မယ့်သူဟာ အဲဒီစောင့်ကြည့်မယ့်သူကို ဘယ်သူက စောင့်ကြည့်မှာလဲ။ ဒါက အင်မတန်မှ အရေးကြီးတဲ့ အချက်ဖြစ်ပါတယ်။ ကော်မရှင်ရဲ့ ရုံးဝန်ထမ်းတွေရဲ့ ရိုးသားမှု၊ ဖြောင့်မတ်မှုဟာ အလွန်မှအရေးကြီးပါတယ်။ ရိုးသားဖြောင့်မတ်မှုကိုလည်း ကျွန်တော်တို့က သေချာအောင်တော့ လုပ်ပေးရပါမယ်” ဟု ကော်မရှင်အဖွဲ့ဝင် ဦးဇော်ဝင်းက ဆက်လက်ပြောကြားသည်။

အဆိုပါကျင့်ဝတ်စာအုပ်သည် အဂတိ လိုက်စားမှုတိုက်ဖျက်ရေးတွင် အလွန်အရေးပါပြီး ယင်းစာအုပ်အား ၂၀၁၈ ခုနှစ် မတ်လမှ စတင်ရေးဆွဲကာ လာမည့်နှစ်လအတွင်း ထွက်ပေါ်နိုင်ရန် ကြိုးပမ်းဆောင်ရွက်နေကြောင်း အဂတိလိုက်စားမှုတိုက်ဖျက်ရေး ကော်မရှင်အဖွဲ့ဝင် ဦးဟန်ညွန့်က ပြောကြားသည်။

လက်ရှိအစိုးရလက်ထက်တွင် အသစ်ပြန်လည်ဖွဲ့စည်းသည့် ၂၀၁၇ ခုနှစ် နိုဝင်ဘာ ၂၄ ရက်မှစ၍ မတ် ၃၀ ရက်အထိ အဂတိလိုက်စားမှုတိုက်ဖျက်ရေးကော်မရှင်သို့ တိုင်ကြားစာပေါင်း ၂၁၀၁ စောင်ရောက်ရှိခဲ့ပြီး ကော်မရှင်ဥပဒေဖြင့် အရေးယူနိုင်သည့် တိုင်ကြားစာ ၁၅ စောင်ရှိကာ လက်ရှိတွင် စိစစ်ဆဲအမှု ရှစ်စောင်ရှိကြောင်း အဂတိလိုက်စားမှု တိုက်ဖျက်ရေးကော်မရှင် ထုတ်ပြန်ချက်အရ သိရသည်။

မြန်မာ့စီးပွားရေး ကာလတိုအားဖြင့် ၇ ဒသမ ၅ ရာခိုင်နှုန်းအထိ တိုးတက်ဖွယ်ရှိဟု IMF က ခန့်မှန်းထားပြီး ဘဏ်လုပ်ငန်းစည်းမျဉ်းသစ်များ လိုက်နာနိုင်မှု၊ ရခိုင်အရေးကြောင့် ဘဏ္ဍာရေးနှင့် ရင်းနှီးမြှုပ်နှံမှုအပေါ် ထိခိုက်နိုင်မှု၊ ကုန်ဈေးနှုန်းမြင့်တက်မှု စသည့်စိန်ခေါ်မှုများ ရှိနေဟုဆို

မြန်မာနိုင်ငံ၏ စီးပွားရေးကာလတိုအားဖြင့် ၇ ဒသမ ၅ ရာခိုင်နှုန်းအထိ တိုးတက်ဖွယ်ရှိသည်ဟု အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF) က ခန့်မှန်းသော်လည်း ဘဏ်လုပ်ငန်းများ စည်းမျဉ်းသစ်များ လိုက်နာနိုင်မှု၊ ရခိုင်အရေးအကြောင့် မြန်မာနိုင်ငံ၏ ဘဏ္ဍာရေးနှင့် ရင်းနှီးမြှုပ်နှံမှုအပေါ် ထိခိုက်နိုင်မှု၊ ကုန်ဈေးနှုန်းမြင့်တက်မှု စသည့်စိန်ခေါ်မှုများရှိနေကြောင်း မတ် ၂၈ ရက်က ထုတ်ပြန်သည့် IMF Article IV Consultation ဆိုင်ရာအစီရင်ခံစာအရ သိရသည်။

NLD အစိုးရသည် ပြီးခဲ့သည့်ဘဏ္ဍာနှစ်အတွင်း ဆောက်လုပ်ရေးစီမံကိန်းများ ယာယီရပ်ဆိုင်းခဲ့ခြင်း၊ လယ်ယာစိုက်ပျိုးရေးထွက် ကုန်လျော့နည်းခဲ့ခြင်း၊ ပို့ကုန်တင်ပို့မှု ကျဆင်းခဲ့ခြင်းတို့ကြောင့် စိန်ခေါ်မှုအများအပြားနှင့် ကြုံတွေ့ခဲ့ကာ ၂၀၁၆-၂၀၁၇ ဘဏ္ဍာနှစ်အတွင်း မျှော်မှန်းထားသည်ထက် လျော့နည်းသည့် စီးပွားရေးတိုးတက်မှုနှုန်း ၅ ဒသမ ၉ ရာခိုင်နှုန်းသာဖြစ်ပေါ်ခဲ့သည်။ အခြားတစ်ဖက်တွင်လည်း ဘဏ္ဍာရေးအသုံးစရိတ်လို ငွေကို ဂျီဒီပီ (ပြည်တွင်းအသားတင် ကုန်ထုတ်လုပ်မှုတန်ဖိုး) ၏ ၂ ဒသမ ၅ ရာခိုင်နှုန်းအထိ လျှော့ချနိုင်ခဲ့ပြီး ပျမ်းမျှငွေကြေးဖောင်းပွနှုန်း ၆ ဒသမ ၈ ရာခိုင်နှုန်းသာဖြစ်ပေါ်ခဲ့သည်။ ထို့ပြင် နိုင်ငံခြားစာရင်းရှင်ငွေ စာရင်းလိုငွေကိုလည်း ယခင်ဘဏ္ဍာနှစ်က ဂျီဒီပီ၏ ၅ ဒသမ ၁ ရာခိုင်နှုန်းရှိရာမှ ၂၀၁၆-၂၀၁၇ ဘဏ္ဍာနှစ်တွင် ၃ ဒသမ ၉ ရာခိုင်နှုန်းအထိ လျှော့ချနိုင်ခဲ့ပြီး နိုင်ငံခြားအရန်ငွေကိုလည်း သွင်းကုန်တန်ဖိုး၏ ၃ ဒသမ ၂ လစာထိန်းထားနိုင်ခဲ့ကြောင်း သိရသည်။

လာမည့်နှစ်များအတွင်း မြန်မာနိုင်ငံ၏ ကာလလတ် မက်ခရိုစီးပွားရေးအခြေအနေကို IMF က အကောင်းဘက်ဖြစ်လာရေးအတွက် မျှော်မှန်းထားပြီး စိုက်ပျိုးရေးကဏ္ဍနှင့် ပြည်ပပို့ကုန်အား ပြန်ကောင်းလာနိုင်သောကြောင့် ၂၀၁၇-၂၀၁၈ ဘဏ္ဍာနှစ်တွင် ၆ ဒသမ ၇ ရာခိုင်နှုန်းတိုးတက်နိုင်ကြောင်း ခန့်မှန်းထားသည်။

မြန်မာနိုင်ငံ၏ စီးပွားရေးတိုးတက်မှုအတွက် အခွန်အခကောက်ခံရရှိမှုနှုန်း များပြားလာခြင်းက အထောက်အကူဖြစ်လာခဲ့သော်လည်း အခြားတစ်ဖက်တွင်လည်း ရခိုင်ပြည်နယ်တွင် ဖြစ်ပေါ်နေသော အရေးကိစ္စများကြောင့် မြန်မာ့စီးပွားရေးကို တိုက်ရိုက်အားဖြင့် ထိခိုက်မှုရှိစေသကဲ့သို့ လူမှုရေးအရ ဆုံးရှုံးမှုများလည်းဖြစ်ပေါ်လျက်ရှိကာ အဆိုပါထိခိုက်ဆုံးရှုံးမှုများ အားလုံးကိုမူ မမြင်တွေ့ရသေးကြောင်း IMF ၏ ထုတ်ပြန်ချက်တွင် ဖော်ပြထားသည်။

မြန်မာနိုင်ငံ၏ စီးပွားရေးအခြေအနေအား စိစစ်သုံးသပ်ချက်များအရ နိုင်ငံခြားတိုက်ရိုက်ရင်းနှီးမြှုပ်နှံမှုများကြောင့်နှင့် အများပြည်သူဆိုင်ရာကဏ္ဍများတွင် ရင်းနှီးမြှုပ်နှံမှုပုံစံ တိုးတက်ကောင်းမွန် ထိရောက်လာခြင်းကြောင့် ကာလတိုအားဖြင့် တိုးတက်မှုနှုန်း ၇ ရာခိုင်နှုန်းမှ ၇ ဒသမ ၅ ရာခိုင်နှုန်းအထိ တိုးတက်ရန်အလားအလာရှိသည်ဟု ခန့်မှန်းထားသည်။

မြန်မာနိုင်ငံစီးပွားရေးကို အကောင်းဘက်သို့ ရှုမြင်ထားသော်လည်း စီးပွားရေးကောင်းမွန်မှု နောက်ဆုတ်သွားနိုင်သည့် စိန်ခေါ်မှုများအဖြစ် အသစ်ချမှတ်ထားသည့် စည်းမျဉ်းစည်းကမ်းသစ်များအတိုင်း ဘဏ်လုပ်ငန်းများ လိုက်နာနိုင်မှု၊ ရခိုင်အရေးကိစ္စကြောင့် နိုင်ငံ့ဘဏ္ဍာရေးနှင့် ရင်းနှီးမြှုပ်နှံမှုအပိုင်းတွင် ဆက်လက်ထိခိုက်မှုများဖြစ်ပေါ်မှု၊ ကုန်ဈေးနှုန်းမြင့်တက်မှု၊ ကမ္ဘာ့ဘဏ္ဍာရေးဈေးကွက် မတည်မငြိမ်ဖြစ်နိုင်ခြေရှိမှု၊ တရုတ်၏ စီးပွားရေးဖိအားသက်ရောက်မှုနှင့် သဘာဝဘေးအန္တရာယ်များရှိနေကြောင်း သုံးသပ်ထားသည်။

ထို့အတူ မြန်မာနိုင်ငံ၏ စီးပွားရေးတိုးတက်မှုနှုန်းကို တွန်းတင်နိုင်ရေးအတွက် နိုင်ငံ၏ မဟာဗျူဟာမြောက် ပြုပြင်ပြောင်းလဲရေးအစီအစဉ်ကို ယခုထက်ပိုမို၍ အသေးစိတ် အကောင်အထည်ဖော် ဆောင်ရန်ရွက်နှင့် အာဆီယံနိုင်ငံများအတွင်း အနိမ့်ကျဆုံးဖြစ်နေသည့် အခြေခံအဆောက်အအုံအရည်အသွေးကို ဆက်လက်မြှင့်တင်သွားရန် လိုအပ်ကြောင်း IMF က အကြံပြုထားကြောင်း သိရသည်။

မြန်မာနိုင်ငံ၏ လက်ရှိစီးပွားရေး အခြေအနေမှာ အလွန်ဆိုးရွားနေသည်ဟု ၈၃ ရာခိုင်နှုန်းကျော် ဆန္ဒပြုပြီး အစိုးရက စီးပွားရေးတိုးတက်မှုထက် အခွန်ကောက်ခံရန်သာ အာရုံစိုက်နေကြောင်း Myanmar Insider စစ်တမ်းတွင် ဖော်ပြ

Myanmar Insider က ထုတ်ပြန်ခဲ့သည့် ၂၀၁၇ ဒီဇင်ဘာ စစ်တမ်းနှင့် ၂၀၁၈ မတ်လ စစ်တမ်း နှိုင်းယှဉ်မှုကို တွေ့ရစဉ်

မြန်မာနိုင်ငံ၏ လက်ရှိစီးပွားရေးအခြေအနေမှာ ပြီးခဲ့သည့် သုံးလကထက် အလွန်ဆိုးရွားနေသည်ဟု ၈၃ ရာခိုင်နှုန်းကျော်က ဆန္ဒပြုထားပြီး လက်ရှိအစိုးရက စီးပွားရေးတိုးတက်မှုထက် အခွန်ကောက်ခံရန်သာ အာရုံစိုက်နေကြောင်း Myanmar Insider Business ဂျာနယ်က ထုတ်ပြန်သည့် သုံးလတစ်ကြိမ် စီးပွားရေးဆိုင်ရာ ယုံကြည်မှုညွှန်းကိန်း စစ်တမ်း (၂၀၁၈ ခုနှစ် ဇန်န၀ါရီ-မတ်) တွင် ဖော်ပြထားသည်။

၂၀၁၇ ခုနှစ် အောက်တိုဘာ-ဒီဇင်ဘာတွင် ထုတ်ပြန်ခဲ့သည့် စစ်တမ်း၌ နောက်လာမည့် သုံးလအတွင်း စီးပွားရေးအခြေအနေအပေါ် စစ်တမ်းကောက်ယူရာ ပိုမိုဆိုးရွားလာမည်ထင်မြင်မှု လေးရာခိုင်နှုန်း၊ အနည်း ငယ် ဆိုးရွားမည်ထင်မြင်မှု ၄၆ ရာခိုင်နှုန်း၊ အနည်းငယ် ကောင်းလာမည်ဟု ထင်မြင်မှု ၃၈ ရာခိုင်နှုန်းနှင့် ပို၍ကောင်းလာမည်ဟု ထင်မြင်မှု လေးရာခိုင်နှုန်းက ဆန္ဒပြုခဲ့သည်ဟု စစ်တမ်းတွင်ဖော်ပြခဲ့ပြီး လက်ရှိတွင် အမှန်တကယ် လုပ်ငန်းလုပ်ဆောင်သူများ၏ ၂၀၁၈ ခုနှစ် ဇန်န၀ါရီ-မတ်စစ်တမ်းတွင် ဖြေဆိုမှုအရ မြန်မာ့စီးပွားရေးအခြေအနေမှာ ပြီးခဲ့သည့် သုံးလကထက် ပိုမိုဆိုးရွားခဲ့ကြောင်း ဖြေဆိုခဲ့ကြသည်။

မြန်မာနိုင်ငံရှိ စီးပွားရေးလုပ်ငန်းရှင် ၅၀ အထက်ကို အခြေခံကာ စစ်တမ်းကောက်ယူထားသည့် အဆိုပါညွှန်းကိန်းတွင် ယခုသုံးလအတွင်း သုံးလတစ်ကြိမ် စီးပွားရေးညွှန်းကိန်း၌ အနုတ် ၁၄ ပြခဲ့ပြီး လက်ရှိ ဇန်န၀ါရီ-မတ် စစ်တမ်းတွင် အနုတ် ၂၅ ပြခဲ့ကာ စီးပွားရေးဆိုင်ရာ ယုံကြည်မှုညွှန်းကိန်း သိသိသာသာ ကျဆင်းမှုဖြစ်ပေါ်ခဲ့သည်။

နောက်လာမည့်သုံးလအတွက် ကြိုတင်ဖြေဆိုရာတွင် လက်ရှိကာလထက် ပို၍ ဆိုးရွားမည်ဟု ဖြေဆိုမှု ၆ ဒသမ ၆၇ ရာခိုင် နှုန်း၊ အနည်းငယ် ဆိုးရွားမည်ဖြေဆိုမှု ရာခိုင်နှုန်း ၄၀ နှင့် အနည်းငယ်ကောင်းလာမည်ဟု ဖြေဆိုမှု ၅၃ ဒသမ ၃၃ ရာခိုင်နှုန်းအထိ ရှိခဲ့ပြီး ယခင်သုံးလကထက် မျှော်မှန်းချက် မြင့်တက်ခဲ့သည်။ ထိုသို့ မျှော်မှန်းချက် မြင့်တက်ခဲ့သော်လည်း မိမိတို့၏ စီးပွားရေးလုပ်ငန်းများနှင့်ပတ်သက်၍ ယုံကြည်မှုမှာ ယခင် သုံးလကထက် ကျဆင်းနေသည်ဟု စစ်တမ်းက ဆိုသည်။

လက်ရှိစီးပွားရေးအခြေအနေအပေါ်  အကျိုးသက်ရောက်စေနိုင်မည့် အချက်များအဖြစ် အခွန်အပါအ၀င် စီးပွားရေးလုပ်ငန်းများ၏ ကုန်ကျစရိတ်များကို ၆၃ ရာခိုင်နှုန်းအထိ ဆန္ဒပြုခဲ့ပြီး အစိုးရက စီးပွားရေးတိုး တက်ရန်ထက် အခွန်ကောက်ခံရန်သာ အာရုံစိုက်နေကြောင်း ဖော်ပြထားပြီး မြန်မာ့ငွေ ကြေးအားနည်းလာမှုအပေါ် ၆ ဒသမ ၆၇ ရာခိုင်နှုန်းနှင့် ကမ္ဘာ့စီးပွားရေးမသေချာမှုများက ၁၃ ဒသမ ၃၃ ရာခိုင်နှုန်းအထိ အကျိုးသက်ရောက်နိုင်မည်ဟု ဖြေဆိုခဲ့ကြသည်။

ဦးသိန်းစိန်အစိုးရလက်ထက် စီးပွားရေးစီမံခန့်ခွဲမှု ကောင်းမွန်ခြင်း ၄၆ ရာခိုင်နှုန်း၊ ပုံမှန်အခြေအနေ ၂၇ ရာခိုင်နှုန်းနှင့် စီမံခန့်ခွဲခြင်း ကောင်းမွန်ခြင်းမရှိမှု ၁၉ ရာ ခိုင်နှုန်းသာရှိသော်လည်း NLD အစိုးရလက်ထက် စီးပွားရေးစီမံခန့်ခွဲခြင်း မကောင်းမွန်မှုမှာ ၅၉ ရာခိုင်နှုန်းသာ ရှိခဲ့သော်လည်း လက်ရှိစစ်တမ်းတွင် ၆၇ ရာခိုင်နှုန်းအထိ မြင့်တက်လာပြီး လက်ရှိအစိုးရ၏ စီးပွားရေးစွမ်းဆောင်ရည်အပေါ် အကောင်းမြင်မှု ထပ်မံ ကျဆင်းခဲ့ကြောင်း Myanmar Insider Business ဂျာနယ်က ထုတ်ပြန်ခဲ့သည့် သုံးလတစ်ကြိမ် စီးပွားရေးဆိုင်ရာ ယုံကြည်မှုညွှန်းကိန်း စစ်တမ်းနှစ်စောင် ရလဒ်တွင် နှိုင်းယှဉ်ဖော်ပြထားသည်။

“ပြီးခဲ့တဲ့ အစိုးရနဲ့ လက်ရှိအစိုးရရဲ့ စီးပွားရေးစီမံခန့်ခွဲမှု နှိုင်းယှဉ်ရာမှာ လက်ရှိအစိုးရရဲ့ စီးပွားရေးစီမံခန့်ခွဲခြင်း မကောင်းမွန်မှုက ပထမအကြိမ် စစ်တမ်းမှာ ၅၉ ရာခိုင်နှုန်းပဲ ရှိခဲ့ရာကနေ လက်ရှိစစ်တမ်းမှာ ၆၇ ရာခိုင်နှုန်းအထိ မြင့်တက်သွားပြီး ပြည်သူတွေအနေနဲ့ NLD အစိုးရဟာ စီးပွားရေးဆိုင်ရာ ရလဒ်တွေကို ဆွဲဆောင်နိုင်မှု မရှိတာကြောင့် မကောင်းဘူးလို့ ဖြေဆိုသူများလာတာ တွေ့ရတယ်” ဟု  Myanmar Insider Business ဂျာနယ်၏ စစ်တမ်းတွင် ပြောကြားထားသည်။

ဦးသိန်းစိန်အစိုးရလက်ထက် ၂၀၁၄ ခုနှစ် ဖေဖော်ဝါရီတွင် ကောက်ခံခဲ့သည့် အချက်အလက်များအရ မြန်မာနိုင်ငံ၏ အခြေအနေ အရပ်ရပ်မှာ အကောင်းဘက်တွင် ရှိနေသည်ဟု ဖြေဆိုသူမှာ ၈၈ ရာခိုင်နှုန်းအထိ ရှိနေပြီး လက်ရှိအစိုးရလက်ထက်တွင် မြန်မာနိုင်ငံ၏ အခြေအနေအရပ်ရပ်မှာ အ ကောင်းဘက်တွင် ရှိနေသည်ဟု ယူဆသူမှာ ၇၅ ရာခိုင်နှုန်းသာ ရှိနေသည်ဟု ဖြေဆိုခဲ့သဖြင့် မြန်မာနိုင်ငံ၏ လက်ရှိအခြေအနေအပေါ် အကောင်းမြင်မှု ကျဆင်းသွားကြောင်း အမေရိကန်အခြေစိုက် International Rupublican Institute (IRI) က ထုတ်ပြန်သည့် မြန်မာနိုင်ငံဆိုင်ရာ လူထုစစ်တမ်းတွင် ယခင်အစိုးရလက်ထက် ကောက်ခံခဲ့သည့် စစ်တမ်းနှင့် နှိုင်းယှဉ်ဖော်ပြမှုအရ သိရသည်။