လက်ရှိ မြန်မာ့စီးပွားရေး ကျဆင်းလာရာ လာမည့် ၁၂ လအတွင်း လုပ်ငန်းများ ပြန်လည်ဦးမော့စေရန် ငွေကြေးစနစ်အတွက် ငွေကြေးထိန်းချုပ်ရေးနှင့် ဘဏ္ဍာရေးမူဝါဒများ တိုးမြှင့်ဆောင်ရွက်ရန် အပါအ၀င် အချက် ၁၂ ချက် အစိုးရထံတင်ပြ

ရန်ကုန်မြို့ ကမ်းနားလမ်းရှိ အပြည်ပြည်ဆိုင်ရာဆိပ်ကမ်း တစ်နေရာကို တွေ့ရစဉ်

လက်ရှိအချိန်တွင် မြန်မာ့စီးပွားရေးလုပ်ငန်းများ ကျဆင်းလာခဲ့ရာ လာမည့် ၁၂ လအတွင်း လုပ်ငန်းများ ပြန်လည်ဦးမော့ လာစေရန်အတွက် ငွေကြေးစနစ်အတွက် ငွေကြေးထိန်းချုပ်ရေးမူဝါဒနှင့် ဘဏ္ဍာရေး မူဝါဒများကို တိုးမြှင့်ဆောင်ရွက်ရန် အပါအ၀င် အချက် ၁၂ ချက်အား အစိုးရမှ ပြင်ဆင်ဆောင်ရွက်ပေးရန် မြန်မာနိုင်ငံ ကုန်သည်များနှင့် စက်မှု လက်မှု လုပ်ငန်းရှင်များ အသင်းချုပ်မှ ထုတ်ပြန်သည့် First Quarter Report တွင် တင်ပြထားသည်။

အစိုးရထံ ပြင်ဆင်ဆောင်ရွက်ပေးရန် တင်ပြချက်များတွင် Infrastructure မြှင့်တင်ရေးကို ဦးစားပေး ဆောင်ရွက်ရန်၊ တိကျသည့် ငွေကြေးစီမံခန့်ခွဲမှုနှင့် ပွင့်လင်းမြင်သာမှုရှိသည့် ငွေကြေးအရင်းအမြစ် တည်ဆောက်ရန်၊ လူ့စွမ်းအား အရင်းအမြစ် ဖွံ့ဖြိုးတိုးတက်ရေးအတွက် ပညာရေးနှင့် အသက်မွေးဝမ်းကျောင်း ပညာကို မြှင့်တင်ပေးရန်၊ နိုင်ငံပိုင်စီးပွားရေး လုပ်ငန်းများကို တာဝန်ယူမှု တာဝန်ခံမှု အားကောင်းအောင် အပြောင်းအလဲများ ပြုလုပ်ရန် ပြည်တွင်းလုပ်သားများနှင့် ရွှေ့ပြောင်းလုပ်သားများကို ပြန်လည်နေရာချထား ပေးနိုင်မည့် အလုပ်အကိုင် အခွင့်အလမ်းများ ဖန်တီးပေးရန်၊ စိုက်ပျိုးရေးနှင့် မွေးမြူရေးလုပ်ငန်း ကဏ္ဍကို ပိုမိုအားကောင်းအောင် ထောက်ပံ့ပေးရန်တို့ ပါဝင်သည်။

ထို့ပြင် နိုင်ငံခြား ရင်းနှီးမြှုပ်နှံမှုများကို ကြိုဆိုသည့် သီးခြားဥပဒေနှင့် မူဝါဒများ ချမှတ်ရန်၊ ငွေကြေးစနစ်အတွက် ငွေကြေးထိန်းချုပ်ရေး မူဝါဒနှင့် ဘဏ္ဍာရေးမူဝါဒများကို တိုးမြှင့်ဆောင်ရွက်ရန်၊ အခွန်ကောက်ခံရာတွင် အချိန်ငွေကုန် သက်သာသည့် လုပ်ငန်းဆောင်ရွက်မှု စနစ်ဖြစ်ရန်နှင့် နိုင်ငံတော်၏ အခွန်ကဏ္ဍကို ပိုမိုတိုးပွားအောင် ဆောင်ရွက်ရန်၊ မြို့တော်ဖွံ့ဖြိုး တိုးတက်ရေးအတွက် ပြည်သူ့ဝန်ဆောင်မှုများ အများပြည်သူနားနေရာ အပန်းဖြေသည့် နေရာများနှင့် ယဉ်ကျေးမှု၊ အမွေအနှစ်များကို အဆင့်မြှင့်တင် ထိန်းသိမ်းရန်၊ နည်းပညာများ ဆန်းသစ်တီထွင်မှုများ၏ ဥာဏပစ္စည်း မူပိုင်ခွင့်အတွက် ဥပဒေ၊ လုပ်ထုံးလုပ်နည်းဆိုင်ရာ စနစ်တစ်ခု တည်ဆောက်ရန်နှင့် ဒေသတွင်း နိုင်ငံများနှင့်သာမက နိုင်ငံတကာ စီးပွားရေးသို့ ၀င်ရောက်နိုင်အောင် ပြည်တွင်းစီးပွားရေးကဏ္ဍကို မြှင့်တင်ပေးရန်တို့လည်း တင်ပြထားသည်။

မြန်မာနိုင်ငံ၏ စီးပွားရေး အခြေအနေသည် ၂၀၁၆ ခုနှစ်က စတင်ပြီး ကဏ္ဍအားလုံးနီးပါး ကျဆင်းလျက် ရှိသည်ကို တွေ့ရှိရကြောင်း၊ ထိုသို့ကျဆင်းလာခြင်း၏ အကြောင်းရင်းများမှာ ကျပ်ငွေတန်ဖိုး ကျဆင်းခြင်း၊ အခွန်နှင့် သွင်းကုန်စည်းကြပ်ခွန်၊ ငွေကြေးရရှိမှုနှင့် ဘဏ်လုပ်ငန်းများ၊ ကျွမ်းကျင်လုပ်သားမရှိခြင်း၊ ဥပဒေနှင့်မူဝါဒများ မတည်ငြိမ်ခြင်း၊ ပြည်တွင်း အသုံးစရိတ် မြင့်တက်ပြီး ငွေကြေးဖောင်းပွခြင်း၊ နိုင်ငံခြား ကုမ္ပဏီများနှင့် ယှဉ်ပြိုင်နိုင်စွမ်း၊ အခြေခံ အဆောက်အအုံ လိုအပ်ချက်၊ ပို့ကုန်/သွင်းကုန် ရုံးလုပ်ငန်းများကိစ္စနှင့် ဈေးကွက်ဝယ်လိုအား စသည့်အချက် ၁၀ ချက်ဖြင့် တိုင်းတာမေးမြန်းခဲ့ခြင်း ဖြစ်ကြောင်း သိရသည်။

ကုန်သည်စက်မှု အသင်းချုပ်၊ ပြည်တွင်းစီးပွားရေး လုပ်ငန်းများ ဖွံ့ဖြိုးတိုးတက်ရေး ကော်မတီမှ စီးပွားရေး လုပ်ငန်းများ၏ လက်ရှိစီးပွားရေးအခြေအနေ ကောင်း မကောင်း၊ အဘယ်ကြောင့် ကောင်းမွန်ရသည်/မကောင်းမွန်သည်နှင့် လာမည့် ၁၂ လအတွင်း ဖြစ်လာနိုင်သည့် အခြေအနေနှင့် လုပ်ငန်းများ တိုးတက်ရန် လိုအပ်နေသည့် အချက်များကို ပကတိ အနေအထားအတိုင်း သိရှိရန် အခြေအနေများကို စစ်တမ်းကောက်ယူခဲ့ခြင်း ဖြစ်သည်။

မြန်မာနိုင်ငံ၏ စီးပွားရေး ပိုမိုအားကောင်းလာစေရန် ပုဂ္ဂလိကစီးပွားရေး လုပ်ငန်းများ၏ မောင်းနှင်အားသည် အဓိကကျသဖြင့် ကုန်သည်စက်မှု အသင်းချုပ်မှ စီးပွားရေးလုပ်ငန်းများတွင် တွေ့ကြုံနေရသည့် အခက်အခဲများ၊ စိန်ခေါ်မှုများကို ဖြေရှင်းပေးရန် ကူညီဆောင်ရွက်ခဲ့ကြရာ ကိစ္စရပ်အားလုံးကို ဖြေရှင်းရန် တိကျခိုင်လုံသည့် သတင်း၊ အချက်အလက်များ လိုအပ်နေသည်။ ထို့ကြောင့် စီးပွားရေး လုပ်ငန်းများမှ တိကျသည့် သတင်းအချက်အလက်များ တိုက်ရိုက်ရရှိစေရန် B4 B Insights Forum ကို သုံးလလျှင်တစ်ကြိမ် ကျင်းပပြီး စနစ်တကျ စာတမ်းများပြုစု၍ သက်ဆိုင်ရာ အဖွဲ့အစည်းများသို့ အကြံပြုတင်ပြပြီး ပူးပေါင်း အကောင်အထည်ဖော် ဆောင်ရွက်သွားမည်ဖြစ်သည်။

 

ဝင်ငွေထွက်ငွေ မမျှခြင်းနှင့် အထွေထွေအကျပ်အတည်း

ဘူတာရုံတစ်ခုတွင် မြို့ပတ်ရထားစီးခရီးသည်အမျိုးသမီးတစ်ဦးကို တွေ့ရစဉ် (ဓာတ်ပုံ-မျိုးထက်ပိုင်)

မြန်မာနိုင်ငံတွင် စီးပွားရေး လုပ်ရကိုင်ရခက်ခဲနေပြီး ပြိုလဲမသွားအောင် မနည်းရုန်းကန်နေရကြောင်း၂၀၁၇ ခုနှစ်ကတည်းက လုပ်ငန်းရှင်များက ပြောဆိုခဲ့ကြ သည်။ လက်ရှိအချိန်တွင်လည်း  မြန်မာ့စီးပွားရေးအနာဂတ်အတွက် မှန်းဆရခက်ပြီး ထိလွယ်ရှလွယ်ဖြစ်နေဆဲ ဖြစ်နေသည်။

လုပ်ငန်းရှင်များအပေါ် မှီခိုနေရသည့် အလုပ်သမားထုမိသားစုများနှင့် ပြည်သူအများစုမှာ စီးပွားရေးအကျပ်အတည်းအောက် ရောက်နေကြပြီး ၀င်ငွေထွက်ငွေမမျှတမှုနှင့် စားဝတ်နေရေးအတွက် လုံး ပန်းနေရသည်ဆိုသည့် အသံများက ပိုပြီး ကျယ်ကျယ်လောင်လောင် ထွက်ပေါ်နေသည်။

“အဓိကက ကုန်ဈေးနှုန်းတွေ တက်တယ်။  ၀င်ငွေက တိုးမလာဘူး။ အဘက်ဘက်က ကုန်ကျစရိတ် တက်နေတယ်။ ၀င်ငွေနဲ့ ထွက်ငွေမမျှတော့ဘူး။ မိသားစုလူကုန်အလုပ် လုပ်နေလို့ ထမင်းနပ်မှန်တာ” ဟု တောင်ဒဂုံစက်မှုဇုန်တွင် အလုပ်လုပ်ကိုင်နေသူတစ်ဦးက ဆိုသည်။

ပြည်နယ်နှင့်တိုင်းဒေသကြီးများတွင် သဘာဝဘေးအန္တရာယ်ဖြစ်ပွားခဲ့ပြီးနောက်ပိုင်း စိုက်ပျိုးမြေ ပျက်စီးခြင်း၊ စိုက်ပျိုးသီးနှံအထွက်နှုန်းလျော့ကျခြင်း၊ ရေကြီးရေလျှံမှုကြောင့် တံတားများ၊လမ်းများပျက်စီးခြင်းနှင့် လမ်းပန်းဆက်သွယ်ရေး ပြတ်တောက်ခြင်းများကြောင့် ကုန်စည်စီးဆင်းမှု အခက်အခဲဖြစ်ကာ ကုန်ကြမ်းဈေးနှုန်းများ မြင့်တက်လာခြင်း၊ ပို့ဆောင်ဆက်သွယ်ရေးခက်ခဲသည့်အတွက် သယ်ယူပို့ဆောင် စရိတ်မြင့်တက်ခြင်း၊ ပြည်တွင်းလောင်စာဆီဈေးနှုန်း မြင့်တက်လာသောကြောင့် သယ်ယူပို့ ဆောင် စရိတ်မြင့်တက်ခြင်းစသည့် အကြောင်းရင်းများကြောင့် ဈေးနှုန်း အပြောင်းအလဲများစွာဖြစ်ပေါ်နေ ကြောင်း ဗဟိုစာရင်းအဖွဲ့က ထုတ်ပြန်ထားသည်။

ထို့ပြင် အမေရိကန်ဒေါ်လာ နှင့်မြန်မာကျပ်ငွေ လဲလှယ်နှုန်းများလည်း လက်ရှိအချိန်တွင်ဖြစ်ပေါ်နေသော နိုင်ငံခြားငွေလဲနှုန်းသည် ယခင်နှစ်အလားတူကာလနှင့်နှိုင်းယှဉ်ပါက မြင့်တက်လာသကဲ့သို့ ယခင်လနှင့်နှိုင်းယှဉ်ပါကလည်း သိသိသာသာ မြင့်တက်လာသည်။ ဒေါ်လာဈေးနှုန်း မြင့်တက်လာခြင်းသည် သွင်းကုန်အပေါ်အကျိုးသက် ရောက်မှုများပြီး စားသုံးကုန်စည်ဈေးနှုန်းများ မြင့်တက်လာမှုကြောင့် စားသုံးသူအပေါ် ထိခိုက်မှုဖြစ်စေသည်။

ရန်ကုန်မြို့ မြစ်ကမ်းနံဘေးတစ်ခုတွင် ရိုးသားစွာ ရှာဖွေလုပ်ကိုင်နေသူများအား တွေ့ရစဉ် (ဓာတ်ပုံ – မျိုးထက်ပိုင်)

မြန်မာနိုင်ငံ၏ ပထမဆုံးအဖြစ် အနည်းဆုံးလုပ်ခကို ၂၀၁၅ ခုနှစ် သြဂုတ်တွင် တစ်ရက်လျှင် ကျပ်  ၃၆၀၀၊ တစ်လလျှင် ကျပ် ၁၀၈၀၀၀ အဖြစ် အစိုးရက တရားဝင်သတ်မှတ်ခဲ့သည်။

အလားတူ ၂၀၁၈ ခုနှစ် မေတွင် အနည်းဆုံးလုပ်ခကို တစ်ရက်  ကျပ် ၃၆၀၀ မှ ကျပ် ၄၈၀၀ သို့ တိုးမြှင့် သတ်မှတ်ခဲ့သည်။  ယင်းသို့ အနည်းဆုံးလုပ်ခ တိုးမြင့်ခဲ့သော်လည်း ကုန်ဈေးနှုန်းမြှင့်မားလာခြင်း၊ နေထိုင်စားသောက်စရိတ် ကြီးမြင့်လာခြင်းတို့ကြောင့် အခြေခံလူတန်းစား ပြည်သူအများစုမှာ စားဝတ်နေရေး အခက်အခဲများ ဖြစ်ပေါ်လာသည်။

မြန်မာနိုင်ငံတွင် အနည်းဆုံးလုပ်ခ ကျပ် ၃၆၀၀ သတ်မှတ်ခဲ့သော ၂၀၁၅ ခုနှစ် သြဂုတ်တွင် ဗဟိုဘဏ် ၏ ဒေါ်လာဈေးနှုန်းအရ တစ်ဒေါ်လာလျှင် မြန်မာငွေ ၁၂၆၆ ကျပ်သာ ရှိခဲ့သည်။

၂၀၁၈ ခုနှစ် သြဂုတ်တွင် ဗဟိုဘဏ်၏ဈေးနှုန်းအရ တစ်ဒေါ်လာလျှင် ၁၄၄၂  ကျပ်အထိ မြင့်တက် လာခဲ့သည့်အတွက် သုံးနှစ်အတွင်း မြန်မာငွေတန်ဖိုးမှာ ကျပ်၂၀၀ ၀န်း ကျင်လျော့နည်းလာခဲ့သည်။ ဒေါ်လာဈေး တက်လာမှုကြောင့် ပြည်ပမှ မြန်မာသို့ တင်သွင်းရသည့် ကုန်ပစ္စည်းဈေးနှုန်းများ မြင့်မားလာ လျက်ရှိသည်။

မြန်မာကျပ်ငွေတန်ဖိုး ကျဆင်းနေချိန်တွင် ရရှိသည့်အနည်းဆုံး လုပ်ခလစာတိုးမြှင့်မှုမှာ ပြည်သူလူထုအတွက် အဆင်ပြေသော အနည်းဆုံးလုပ်ခတိုးမြှင့်မှု ဖြစ်မလာဘဲ ပိုမိုကျပ်တည်းလာသည့် လုပ်ခလစာ တိုးမြှင့်မှု ဖြစ်လာသကဲ့သို့ လုပ်ငန်းရှင်များလည်း ၀န်ပိခဲ့သည်။

 

(Source) စီမံရေးနှင့် ဘဏ္ဍရေးဝန်ကြီးဌာန ဗဟိုစာရင်းအင်းအဖွဲ့

■ ဗဟိုစာရင်းအင်းအဖွဲ့က ထုတ်ပြန်ထားသည့် စားသုံးသူဈေးနှုန်းနှိုင်းယှဉ်ချက်

၂၀၁၈ ခုနှစ် ဇွန်လအတွက် စားသုံးသူ ဈေးဆနှုန်းမှာ ၁၄၁ ဒသမ ၁၃ ဖြစ်ရာ ၂၀၁၇ ခုနှစ် ဇွန်လအခြေအနေ ၁၃၂ ဒသမ ၅၈ နှင့် နှိုင်းယှဉ်ပါက ၆ ဒသမ ၄၅ ရာခိုင်နှုန်း မြင့်တက်လာပြီး အုပ်စုအားလုံးတွင် ပါဝင်သည့် ကုန်ပစ္စည်း ဈေးနှုန်းများမှာ ယခင်နှစ်အလားတူ ကာလနှင့်နှိုင်းယှဉ်ပါက  သိသိသာသာမြင့်တက်လာခဲ့ကြောင်း ဗဟိုစာရင်းအင်းအဖွဲ့မှ  သိရသည်။

ငွေကြေးဖောင်းပွမှုနှုန်းမှာ ၂၀၁၈ ခုနှစ်  ဇွန်လအထိ တစ်နှစ်အတွင်း ပျှမ်းမျှ ၄ ဒသမ ၅၈ ရာခိုင်နှုန်း ဖြစ်ပေါ်ခဲ့ရာ ၂၀၁၇ ခုနှစ် ဇွန်လအခြေအနေ ၅ ဒသမ ၄၃ ရာခိုင် နှုန်းနှင့်နှိုင်းယှဉ်ပါက ၀ ဒသမ ၈၅ ရာခိုင်နှုန်း လျော့နည်းနေသည်ကို တွေ့ရသည်။ ထိုသို့ လျော့နည်းနေသော်လည်း ကုန်ဈေးနှုန်းမြင့်တက်မှုများကြောင့် ငွေကြေးဖောင်းပွမှု လျော့နည်းသည်ဆိုသည့်အပေါ် ပြည်သူများ အကျိုးရလဒ်မရှိ ဖြစ်နေသည်ဟု ဆိုရမည်ဖြစ်သည်။

ဆန်(ဧည့်မထ)ဈေးနှုန်းမှာ ယခင်နှစ် ကာလတူထက် ၅ ဒသမ ၇၈ ရာခိုင်နှုန်းမြင့်တက်နေသည်။ မြေပဲဆီဈေး ၆ ဒသမ ၁၈ ရာခိုင်နှုန်း၊ နှမ်းဆီ ၄ ဒသမ ၄၂ ရာခိုင်နှုန်း၊ ၀က်သား ၆ ဒသမ ၅၂ ရာခိုင်နှုန်း၊ အမဲသား ၂ ဒသမ ၀၅ ရာခိုင်နှုန်း၊ ငါးခူ ၆ ဒသမ ၄၆ ရာခိုင်နှုန်း၊ ငါးရံ့ ၅ ဒသမ ၅ ရာခိုင်နှုန်း၊ ငါးမြစ်ချင်း ၀ ဒသမ ၆၅ ရာခိုင်နှုန်း၊ ပုစွန်ခြောက် ၉ ဒသမ ၃၇ ရာခိုင်နှုန်း၊ ငါးရံ့ခြောက် ၇ ဒသမ ၅၇ ရာခိုင်နှုန်းဖြင့် ဈေးနှုန်း အသီးသီးမြင့်တက်လာသည်။

အ၀တ်အထည်အုပ်စုတွင် ၂၀၁၈ ခုနှစ် ဇွန်လ၌ ၁၂၀ ဒသမ ၁၄ ရှိပြီး ယခင်နှစ်၏ဈေးဆနှုန်းမှာ ၁၁၆ ဒသမ ၉၀ ဖြစ်သောကြောင့် ၂  ဒသမ ၇၇ ရာခိုင်နှုန်း မြင့်တက်လာသည်။ အမျိုးသမီး၊ အမျိုးသားဝတ် လုံချည်၊ ဂျာကင်၊ တီရှပ်၊ စပို့ရှပ်၊ ဆွယ်တာ၊ သားရေဖိနပ်၊ မိုးကာနှင့် အမျိုးသမီးစက်ချုပ်ခဈေးနှုန်းများလည်း  ယခင်နှစ်ထက် မြင့်တက်ခဲ့သည်။

အိမ်လခနှင့်အိမ်ပြင်ခတွင် ၂၀၁၈ ခုနှစ် ဇွန်လ၌ ယခင်နှစ်ထက် ရှစ်ရာခိုင်နှုန်း မြင့်တက်လာသည်။ အိမ်ငှားခ၊ အိမ်ဆောက်ပစ္စည်းများ၊ ထင်း၊ မီးသွေးဈေးနှုန်းများ၊ အိမ်ပြင် ခ၊ဂက်စ်ဓာတ်ငွေ့၊ ရေခွန်နှင့် ရေဖိုး ဈေးနှုန်းများမှာ ယခင်နှစ်ထက် မြင့်တက်လာခြင်း ဖြစ်သည်။

ကျန်းမာရေးအုပ်စုတွင် ရိုးရိုးဆေးကုသခ၊ အထူးဆေးကုသခ၊ အထွေထွေ ဆေးကုသခ၊ ဆေးရုံ၌ဆေးကုသခ၊ အားဆေး၊ အကိုက်အခဲ ပျောက်ဆေးနှင့်တိုင်းရင်းဆေးဈေးနှုန်းများ ယခင်နှစ်ထက် မြင့်တက်နေသည်။ သယ်ယူပို့ဆောင်ရေးအုပ်စုတွင် ဒီဇယ်ဆီဈေးနှုန်းများမှာ တစ်ဂါလန်လျှင် ယခင်နှစ် ဇွန်လက ၃၂၄၁ ဒသမ ၄၀ ကျပ်ရှိရာမှ ယခုနှစ်တွင် ၄၂၄၄ ဒသမ ၀၅ ကျပ်သို့ မြင့်တက်လာသည်။

အလားတူ ဓာတ်ဆီဈေးနှုန်းမှာလည်း တစ်ဂါလန်လျှင် ၃၄၁၁ ဒသမ ၁၃ ကျပ်ရှိရာမှ ၄၁၉၆ ဒသမ ၆၁ ကျပ်သို့ သိသိသာသာ မြင့်တက်ခဲ့သည်။ ထို့ပြင် မော်တော်ကား၊ မော်တော်ဆိုင်ကယ်၊ စက်ဘီး၊ ဘတ်စ်ကားခ (ခရီးဝေး)၊ (ပြည်တွင်း)၊ အငှားယာဉ်ခ၊ ဆိုက်ကားခနှင့် မော်တော်ယာဉ် ပြုပြင်ထိန်းသိမ်းစရိတ် ဈေးနှုန်းများမှာ ယခင်နှစ်ကထက် မြင့်တက်လာသည်။

ထိုသို့သော အထွေထွေ ဈေးနှုန်းမြင့် တက်မှုများကို ပြည်သူများကသာ ရင်စည်းခံရမည်ဖြစ်သည်။

 

■ ဈေးကွက်အတွင်းက  ကုန်ဈေးနှုန်း အခြေအနေ

၂၀၁၈ သြဂုတ်လဆန်းပိုင်းမှ စတင်ကာ ဆန်၊ ဆီ၊ အာလူး၊ ကြက်သွန်နီ၊ ကြက်သွန်ဖြူ၊ ကြက်သား၊ ၀က်သား၊ အမဲသား၊ ဆိတ်သား၊ ငါး အမျိုးမျိုးနှင့် ပုစွန်စသည့်အခြေခံ စားသောက်ကုန်ဈေးနှုန်းများမှာ ယခင်လကထက်ဈေးနှုန်းများ မြင့်တက်လာသည်။

ကုန်ဈေးနှုန်းကြောင့် အိမ်ရှင်မများ အခက်အခဲများဖြစ်ပွားနေသည့် အပြင်ဈေးသည်အများစုမှာလည်း ကုန်ဈေးနှုန်း မြင့်တက်မှုကြောင့် ဈေးရောင်းမကောင်းခြင်း၊ အရောင်းထိုင်းခြင်းများနှင့် ရင်ဆိုင်နေရသည်။

“အရင်လတွေက ကြက်ဥ တစ်လုံးကို ၁၀၀ ကနေ ၁၂၀ လောက်ပဲ ရှိတာကနေ ဒီလကျတော့ ၁၂၀ က နေ၁၇၀ အထိ ဖြစ်လာတယ်။ ဘဲဥကျတော့ အရင်က ၁၀၀ ကနေ ၁၄၀ ပဲရှိတာကနေ ၁၄၀ ကနေ ၂၀၀အထိ  ဈေးတက်လာတယ်။ ဈေးကအမြင့်ဆုံးပဲ။ အခုလိုဈေးတက်လာက ရေကြီးတာကြောင့် ကြက်ခြံတွေ မြုပ်ကုန်တယ်လို့ ပြောတာပဲ။ ကျွန်မတို့ကလည်း ဖောက်သည်တွေကို ဒိုင်က လူတွေပြောသလို ပြန်ပြောရောင်းရတယ်။ ရေကြီးတယ်ဆိုတာ သူတို့လည်းသိနေတာပဲလေ” ဟု သိမ်ကြီး ဈေးရုံဘေး၂၆ လမ်းတွင် ဈေးရောင်းချသူ မမြနီလာက ဆိုသည်။

နှစ်စဉ် အကျပ်အတည်းဖြစ်လာသော ရေဘေးဒဏ်အပေါ် အစိုးရအနေဖြင့် ကြိုတင်စီမံမှုအားနည်းခြင်း ဂယက်များကြောင့် ကုန်ဈေးနှုန်းများ မြင့်တက်မှုကို ရေကြီးနစ်မြုပ်မှုပြီးသည့်အချိန်တိုင်း ရင်ဆိုင်နေရသကဲ့သို့ ထိုသို့ရေကြီးမှုကြောင့်ပင် ဆက်စပ်ကုန်စည်များ ဈေးနှုန်းမြင့်တက်လာမှုဒဏ်ကိုလည်း နွမ်းပါးသော ပြည်သူများပင် ဆိုးရွားစွာ ဒုက္ခခံနေရသည့် အခြေအနေဖြစ် လာနေသည်။

“ဒီရက်ပိုင်းမှာ ဆိတ်သားဈေးတွေ တက်သွားတယ်။ အရင်လက ဆိတ်သားအသားချည်းပဲ တစ်ပိဿာ ၁၂၀၀၀ ရောင်းတယ်။ အခု က ၂၄၀၀၀၊ ၂၅၀၀၀အထိ ထိုးတက်သွားတယ်။ ရေတွေကြီးတယ်လို့တော့ အကြောင်းပြတာပဲ။ကျွန်တော်တို့ကတော့ တစ်ဆင့်ယူရောင်းတာဆိုတော့ ဈေးတက်ရင်တက်သလို၊ ကျရင်ကျသလိုရောင်းရတာပေါ့။  ဒီထက်သာ ဈေးထပ်တက်မယ်ဆိုရင် ဘယ်သူက စားနိုင်တော့မှာလဲ။ ဈေးတက်လာတော့ ဈေးရောင်းမကောင်းတော့ဘူး။ ၁၀ ယောက် ဈေးလာမေးပြီးမှ နှစ်ယောက်လောက်ပဲဝယ် တယ်။ အရင်ကထက် ထက်ဝက်လောက် ရောင်းအားကျသွားတယ်။ မြန်မာပြည်မှာဖြစ်နေတာက ရေကြီးတာလိုမျိုး အကြောင်းပြချက်ရှိပြီ ဆိုရင် အဲဒီအကြောင်းကိုပြပြီး ကုန်ဈေးနှုန်းက လိုက်တက်တော့တာပဲ။ ပြန်မကျတော့ဘူး။ ဒါက ထုံးစံလိုဖြစ်နေပြီ။ ကျွန်တော်တို့ဈေးသည်တွေကတော့ ဈေးကျလေ ပျော်လေပဲ။ ကုန်ဈေးနှုန်းကျမှ ဈေးသည်တွေက အ၀ယ်လိုက်တာကိုး။ ဒါမှ များများရောင်းရမှာ” ဟု သိမ်ကြီးဈေးရုံ ဘေးတွင်ဆိတ်သားရောင်းချနေသော ဦးတင်ဝင်းက ပြောကြားသည်။

■ အထွေထွေကျပ်တည်းမှုအောက် ရောက်နေတဲ့ ပြည်သူတွေ

စာမျက်နှာနှင့် ကိန်းဂဏန်းများဖတ်ပြီး အစိုးရသာ စီးပွားရေး တိုးတက်နေသည့် အခြေအနေတွင် ပြည်သူများကို ပြန်ငဲ့ကြည့်ပါက အထွေထွေကျပ်တည်းမှုအောက်သို့ ရောက်ရှိနေသည်ဟု ယူဆမှုများ ရှိလာနေသည်။  စာရွက်ပေါ်မှ ကိန်းဂဏန်းများသည် ပြည်သူလူထုကျပ်တည်းမှုကို ပြေလည်လာအောင် လုပ်ဆောင်နိုင်စွမ်း မရှိသဖြင့် လက်ရှိအစိုးရအနေနှင့် ပြည်သူလူထုကြားမှ ခက်ခဲမှုများကို သိရှိအောင် ကြိုးပမ်းရန်နှင့် ယခုထက် ပြည်သူ့ အသံနားစွင့်နိုင်ရန် လိုအပ်နေသည်။

“အခု ကျွန်မတို့ ဈေးရောင်းရတာ တော်တော်လေးကို အဆင်မပြေဘူး။ ၀ယ်သမျှပစ္စည်းတွေက အကုန်ဈေးတက်တယ်။ ၀ယ်ရတဲ့ပစ္စည်းက ဈေးတက်လို့ဆိုပြီး ကျွန်မတို့ရဲ့ရောင်းကုန်တွေကို ဈေးမြှင့် ရောင်းဖို့ဆိုတာကလည်း အဆင်မပြေဘူး။ နဂိုကတည်းက ၀င်ငွေထွက်ငွေ မမျှရတဲ့အထဲ စားသောက်ကုန်တစ်ခုကို ဈေးတက်ရောင်းလိုက်ရင် တော်ရုံတန်ရုံလူက လာ မစားကြတော့ဘူး။ အခုဆိုရင် ကျွန်မတစ်ဦးတည်းမဟုတ်ဘူး။ ဈေးသည် တော်တော်များများက အရောင်းတွေ ပါးကုန်ကြပြီ။ တစ်ရက်တစ်ရက်ကို အမြတ်ငွေရဖို့ထက် စားဖို့ ဘယ်လို ရှာမလဲဆိုတာပဲ လုပ်နေရတယ်။ ကုန်ဈေးနှုန်းမြင့်တက်တဲ့  ဒဏ်ကို ကျွန်မတို့လို လက်လုပ်လက်စားတွေက ခါးစည်းခံနေရတယ်။ ကိုယ်တစ် ယောက်တည်းလည်းမဟုတ်ဘူး။ အများဖြစ်နေတာလေ”  ဟု လှိုင်မြို့နယ်တွင် မုန့်ဟင်းခါးရောင်းချနေသူ ဒေါ်တင်ဌေးက ပြောကြားခဲ့သည်။

ပြည်သူ့အသံနားထောင်ရန်ဆိုသည်မှာ အစိုးရအနေနှင့် လုပ်ငန်းရှင်များနှင့် ထိတွေ့ပြီး ယင်းတို့၏ ညည်းတွားသံများကိုသာ နားစွင့်ရန် ဆိုလိုခြင်းမဟုတ်ဘဲ ၀င်ငွေနှင့်လစာ မမျှတသည့်ကြားမှာ ခြိုးခြံ ကျပ်တည်းစွာနေထိုင်နေရသည့် ပြည်သူများနှင့် ပိုမိုထိတွေ့ရန်လိုအပ်နေသည်ကို ဆိုလိုခြင်း ဖြစ်သည်။

“ကုန်ဈေးနှုန်းတက်လာတော့ ခြိုးခြံပြီး စားသောက်ရတာပေါ့။ အာဟာရဖြစ်တဲ့ဟာတွေ မစားရဘူးပေါ့။  ၃၆၀၀ ကနေ ၄၈၀၀ ရပေမယ့် ကုန်ဈေး တက်လာတော့ မထူးပါဘူး။ အရင် ၃၆၀၀ ရတုန်းကထက်တောင် ကုန်ဈေးနှုန်းက တက်သွားသေးတယ်။ လစာတိုးလာတာသာ လူတွေက မြင်ကြတာ တကယ်တော့ ပိုရတာမျိုးမရှိပါဘူး” ဟု လှိုင်သာယာ စက်မှုဇုန်ရှိ အထည်ချုပ်စက်ရုံတစ်ခုတွင် အလုပ်လုပ်ကိုင်နေသော မသီရိဒုံက ပြောကြားသည်။

ထို့ပြင် လက်လုပ်လက်စား လုပ်ကိုင်စားသောက်နေရသည့် မိသားစုများတွင် နေ့စဉ်ထမင်းနပ် မှန်မှန်စားရရေးအတွက်ပင် တစ်နပ်စာ ဆန်ဝယ်ယူစားသောက်မှု များလာကြောင်း ရန်ကုန်မြို့ခံများထံမှ သိရသည်။

“ကျွန်တော့်ဆန်ဆိုင်မှာ အရင်တုန်းက တစ်ပြည်နဲ့ လေးလုံးအထိ ၀ယ်စားကြတဲ့သူတွေရှိတယ်။ အခုဆိုရင် တချို့မိသားစုတွေ ဆန်လေးလုံးလောက်တောင် မ၀ယ်နိုင်တော့ဘဲရှိတဲ့ ပိုက်ဆံလေးနဲ့ ဆန်နှစ်လုံး လာဝယ်တယ်။ ညနေအဖေလုပ်တဲ့ သူအလုပ်က ပြန်လာမှ နောက်ထပ် ဆန်နှစ်လုံးစာလောက် လာဝယ်တာ မျိုး ရှိလာတယ်။ ကျွန်တော်လည်း မြင်ရကြားရ အတော်စိတ်မကောင်း ဖြစ်ရတယ်။ ဆန်ဈေးကလည်း တက် တယ်လေ။ ဈေးတက်မရောင်းလို့လည်း မရဘူး။ ကျွန်တော်ကိုယ်တိုင်လည်း အတက်ဈေးနဲ့ပဲဝယ်ပြီး ရောင်း နေရတာ။ ကျွန်တော်ကိုယ်တိုင်လည်း အရောင်းအ၀ယ် မကောင်းလို့ မကိုက်ပါဘူး” ဟု သင်္ဃန်းကျွန်းမြို့ နယ်တွင် ဆန်ဆိုင်ဖွင့်လှစ်ရောင်းချနေသူ ကိုကျော်သူက ဆိုသည်။

အခြေခံလူတန်းစားများ ခက်ခဲနေချိန်၌ အခြားတစ်ဖက်တွင် လုပ်ငန်းရှင်များမှာလည်း ယခုနှစ်ပိုင်းအတွင်း စီးပွားရေးလုပ်ရကိုင်ရ ခက်ခဲလာသဖြင့် ၀န်ထမ်းစရိတ်၊ ရုံးစရိတ်၊ အခွန်အခစရိတ်များဖြင့် အလုပ်ရုံ၊ စက်ရုံစရိတ်ကျေရုံအလုပ်လုပ်နေကြရသည်ဟု လုပ်ငန်းရှင် အချို့က ဆိုသည်။

“ရှိနေတဲ့ဝန်ထမ်းကို လစာတိုးမပေးရင်လည်း အလုပ်ကထွက်မယ်။ လစာချည်း တိုးပေးနေရင် လည်း လုပ်ငန်းကရှုံးမယ်။ အဲဒီလို အဖြစ်မခံနိုင်တော့ ၀န်ထမ်းတွေ လျှော့ချရတယ်။ ကျွန်တော်ဆို ဒီနှစ်နှစ်လောက်အတွင်းမှာ ၀န်ထမ်း  ၃၅ ရာခိုင်နှုန်းလောက်အထိ လျှော့ချလိုက်ရတယ်။ ကိုယ့်လုပ်ငန်း မသေသွားဖို့၊ လုပ်ငန်းရပ်ဆိုင်းမသွားဖို့ကို မနည်းတောင့်ခံနေရတဲ့ အခြေအနေဖြစ်နေတယ်”  ဟု လုပ် ငန်းရှင်တစ်ဦးက ဆိုသည်။

ဝင်ငွေဟုဆိုရာတွင် လုပ်မစားရဲသူ အစိုးရ၀န်ထမ်းများမှာလည်း ပုံမှန်လစာ၊ ရိုးရိုးကုမ္ပဏီဝန်ထမ်းများမှာလည်း လုပ်ငန်းကျဆင်းမှုကြောင့် အခြားသောဝင်ငွေများ မျှော်လင့်နိုင်မှုမရှိဘဲ ပုံမှန်လစာသာ ရရှိနေသည်။ ထို့ပြင် လက်လုပ်လက်စားများမှာလည်း ပုံမှန်ဝင်ငွေသာ ရှိနေသည်။

မုန့်ဟင်းခါးရောင်းချသူတစ်ဦး အဆိုအရ ယခင်ကတစ်နေ့လျှင် ငါးပိဿာကုန်သည်ဆိုပါက လက်ရှိ တွင် ငါးပိဿာသာ ရောင်းချနေရ ပြီး လုပ်ငန်းတိုးချဲ့ရန် အခြေအနေမပေးသည့်အပြင် မူလက မုန့်ဟင်းခါးငါးပိဿာ ရောင်းချရငွေဖြင့် မိသားစုအတွက် လောက်ငသော်လည်း လက်ရှိအချိန်တွင် ကုန်ဈေး နှုန်းကြီးမြင့်လာမှုများကြောင့် ၀င်ငွေနှင့်ထွက်ငွေ မမျှမတဖြစ်နေသည် ဟု ဖွင့်ဟသည်။

“အခုဟာက ပထမအချက်က မျှော်မှန်းထားတဲ့ နိုင်ငံခြားရင်းနှီးမြှုပ်နှံမှုတွေကလည်း ထင်သလောက် မ၀င်ဘူး။ တကယ်လို့ နိုင်ငံခြားရင်း နှီးမြှုပ်နှံမှုတွေများများ ၀င်လာလို့ ရှိရင် အလုပ်အကိုင်အခွင့်အလမ်းတွေရှိမယ်။ အလုပ်တွေများများ ရမယ်ပေါ့နော်။ အခုဟာက အလုပ် အကိုင်အခွင့်အလမ်းတွေလည်း မရှိတော့ နိုင်ငံခြားထွက်ပြီး အလုပ်လုပ်ရမယ့်သဘောပေါ့။ နောက်တစ်ခုက ပို့ကုန်နဲ့ သွင်းကုန်မှာ သွင်းကုန်က အရမ်းများပြီးပို့ကုန်က Export Earning ကနည်းနေတော့ ကုန်သွယ်မှုလိုငွေပြနေတယ်။ အဲတော့ ဘာဖြစ်လဲဆိုတော့ လိုငွေပြနေပြီဆိုရင် အဲဒီလိုတဲ့ငွေက ဘယ်ကရလဲဆိုရင် လိုက်ရှာဝယ်ရတော့ ဒေါ်လာတွေဈေးတက်တယ်။ ဒေါ်လာဈေးတက်တော့ သွင်းတဲ့ပစ္စည်းတွေ ဈေးတက်တယ်။ သွင်းကုန်တွေဈေး တက်ရင် ဥပမာ- ဓာတ်ဆီဈေးတက်တယ်။ ဓာတ်ဆီဈေးတက်ရင် သယ်ယူပို့ဆောင်စရိတ်တက်မယ်။ သယ်ယူပို့ဆောင်ခတွေဈေးတက်ရင် ကုန်ပစ္စည်း ဈေးတွေတက်တယ်။ အဲဒါ အခု ဈေးကဆန်တွေ ဈေးတက် တယ်။ တခြားလူ အများစုစားသုံးတဲ့ စားအုန်းဆီတို့ ဘာတို့လည်း ဈေးတက်တယ်။ အဲဒီတော့ အိမ်ရှင်မတွေ ငြီးတာပေါ့။  သာမန်အားဖြင့် လျှော့စားရင်တော့ ရတာပေါ့။ ခက်တာက မြန်မာက ဆီလည်းတော်တော် ကြိုက် တာ၊ထမင်းကလည်း သိပ်စားတာ။ စားတာက ကမ္ဘာပေါ်မှာ တစ်နှစ်ကို ဆန်အများဆုံးစားတာက မြန်မာလူမျိုးပဲ။ ဒုတိယအများဆုံး စားတာက ဘင်္ဂလားဒေ့ရှ်၊ တတိယအများဆုံး စားတာက ဗီယက်နမ်၊ စတုတ္ထအများဆုံးစားတာက အင်ဒိုနီးရှား၊ အဲဒီတော့ ထမင်းလျှော့စားပါဆို ဘယ်သူက လျှော့စားမှာလဲ။ အဲဒီ တော့ ထမင်းကလည်းလျှော့မစားဘူး၊ ဆီကလည်း လျှော့မစားဘူး၊ ဟင်းသီးဟင်းရွက်ကလည်း လျှော့ စားလို့မရဘူးဆိုတော့  ပိုက်ဆံက မလောက်တော့ဘူး” ဟု စီးပွားရေး ဆောင်းပါးရှင် ဦးအောင်ချိန်ဘွားက ပြောကြားသည်။

ပြည်သူအများစုမှာ နေစရိတ်ကြီးမြင့်မှု စားစရိတ်ကြီးမြင့်မှုတို့ ကြောင့် လုပ်ခလစာနှင့် မလောက်မငဖြစ်နေသည့် အခြေအနေများအပေါ် အစိုးရအနေဖြင့် သိအောင်လုပ်ပြီး အဖြေရှာသင့်သည်ဟု သုံးသပ်ကြသည်။

“အဲဒါတွေဖြစ်ရတဲ့အကြောင်းရင်းက နံပတ်တစ်အချက်က တိုတိုပြောရရင် လုပ်တာတွေမှားတယ်ပေါ့။ ဥပမာ ဘဏ္ဍာနှစ်ကို ပြောင်းလိုက်တယ်။ အခုဆိုရင် အောက်တိုဘာ ၁ ရက်မှ စမှာလေ။ အဲဒါစ ပြောင်းတော့ ဆရာ့ကို မေးကြတယ်။ ဆရာကတော့ ပြောတာပဲ ဒီအချိန်မှာ မလုပ်သင့်ဘူး။သူတို့က နိုင်ငံရေးရှုထောင့်အရ လုပ်တာလေ။ ခြောက်လပိုပြီးအချိန်ရအောင်ပေါ့။ ဒါပေ မဲ့ ဘာဖြစ်လဲဆိုတော့ ကြားကာလ ခြောက်လ၊ ဘဏ္ဍာရေးက မတ် ၃၁ ကကုန်သွားပြီ။ ဒီကြားထဲ ဘဏ္ဍာနှစ် မရှိတဲ့ခြောက်လကြီးမှာ ထပ်ပြီး အသုံးစရိတ်တွေ လွှတ်တော်ကရ သုံးမှန်းခြေငွေစာရင်းရေးဆွဲတာကို  အတည်ပြုရတယ်။ အတည်ပြုတဲ့ဟာကို သုံးလိုက်တာ   စက်တင်ဘာ ၃၀ ဆိုရင် ကုန်တော့မယ်။ အဲဒီလိုသုံးတော့ ကုန်ဈေးနှုန်းကတက်ရတဲ့အထဲ ကျန်းမာရေး၊ လူမှုရေး၊ စီးပွားရေး၊ ပညာရေး၊ အထူးသဖြင့် စစ်စရိတ်ပေါ့ ကာကွယ်ရေးပေါ့၊ အဲဒါတွေ ဖိသုံးတော့ အဲဒါတွေက ပြည်တွင်းလှည့်လည်ငွေထဲရောက်သွားတာ။ ပြည်တွင်း ငွေထဲရောက်လာတော့ ငွေကြေးဖောင်းပွသွား တာပေါ့။ငွေကြေးဖောင်းပွရင် ကုန် ဈေးနှုန်းတက်တာပေါ့။ ကုန်ဈေးနှုန်းတက်ရင် လူအများစု ဒုက္ခရောက် တာပေါ့။ အဓိပ္ပာယ်က ငွေကြေးဖောင်းပွစေတဲ့နည်းတွေချည်း လုပ်နေတယ်။ နိုင်ငံတကာအလယ်မှာ မြန်မာဟာ အဆင်းရဲဆုံးနိုင်ငံက လွတ်အောင်ဆိုရင် Gross National Income အဲဒါတက်လာရင် လွတ်တယ်ဆိုပြီး ဘာလုပ်လဲဆိုတော့ ၀န်ထမ်းလစာတွေတိုးပြတယ်။ အနည်းဆုံး အခကြေးငွေတွေတိုးလိုက်တယ်။ ၃၆၀၀ ကနေ ၄၈၀၀ လုပ်လိုက်တယ်။ ၀န်ထမ်းလစာတွေ နှစ်သိန်း အထက်ဖြစ်ကုန်တယ်။ တစ်ဦးကို ပျှမ်းမျှနှစ်သောင်းတိုးပေးရင်  ၀န်ထမ်းပေါင်း နှစ်သန်းနီးနီးရှိတယ်။ အဲဒါက ဘတ်ဂျက်လိုငွေပြရော။ ၀န်ထမ်း တွေက လခတွေတိုးရလို့ လောက်လား ဆိုတော့မလောက်ဘူး။ ကုန် ဈေးနှုန်းက တက်တာကိုး။ လစာတိုး တိုင်း ကုန်ဈေးနှုန်းကတက်တာပဲ။ ဟိုး ဖဆပလခေတ်၊ မဆလခေတ်၊ စစ်အစိုးရခေတ်၊   ဦးသိန်းစိန် အစိုးရ ခေတ်ကနေ အခုထိ လစာတိုးလိုက်ရင် ကုန်ဈေးနှုန်းကတက်တယ်။ အဲဒါကြောင့် LDC ကနေ လွတ်သွားပြီဆိုပြီး ပျော်နေတာလေ။ ဒါပေမဲ့ အဲဒီဂုဏ်ကလေး တစ်ခုပဲရတယ်။ ကျန်တာက ပြည်တွင်းက လက်လုပ်လက်စားနဲ့ လခစားတွေကျတော့ ဒုက္ခရောက်နေတာပေါ့” ဟု စီးပွားရေး ဆောင်းပါးရှင် ဦးအောင်ချိန်ဘွားက သုံးသပ်သည်။

၂၀၁၅ ခုနှစ် အထွေထွေရွေးကောက်ပွဲတွင် ပြည်သူလူထု၏ စားဝတ်နေရေး၊ ဘ၀လုံခြုံမှုနှင့် ငြိမ်း ချမ်းရေးရရှိလာအောင် စွမ်းဆောင်နိုင်ခြင်းမရှိသည့် USDP အစိုးရကို ပြည်သူများက လက်သန်းဖြင့် ဖြုတ်ချခဲ့သည်။ လက်ရှိအခြေအနေကိုကြည့်ပါက ပြည်သူများအကြား စားဝတ်နေရေးကျပ်တည်းနေပြီး နိုင်ငံ့ အခြေအနေမှာလည်း ဘက်စုံချို့ယွင်း ကျဆင်းလာနေသည်ကို ရှစ်လေးလုံးနိုင်ငံရေးဆွေးနွေးပွဲများ၏ ထုတ်ပြန်ချက်တို့က သက်သေပြနေသည်။

တိုင်းပြည်ဆင်းရဲတွင်းနက်နေခြင်း၊ တရားဥပဒေစိုးမိုးမှုအားနည်းခြင်း၊ သတင်းလွတ်လပ်ခွင့် ကင်းမဲ့ခြင်းများနှင့် အကျင့်ပျက် ခြစားမှုသည်ထင်ရှားသော အခက်အခဲများ ဖြစ်လာသည်ဆိုသော ထုတ်ပြန်ချက်သည် နှစ်နှစ်ကျော် သက်တမ်းရှိလာနေပြီဖြစ်သည့် NLD အစိုးရအတွက် ခေါင်းလောင်းသံ ဖြစ်လာနေသည်။

အစိုးရအတွက်ပဲ တိုးတက်နေတဲ့ စီးပွားရေးက ပုံစံမှန်တဲ့ စီးပွားရေးလား

ရန်ကုန်မြို့ စက်မှုဇုန်တစ်ခုအတွင်း နေထိုင်နေသည့် အလုပ်သမားမိသားစုများ၏မြင်ကွင်း (ဓာတ်ပုံ – ကြည်နိုင်)

စီးပွားရေးမူဝါဒ (၁၂) ချက်ကို အကျယ်ချဲ့ပြီး အသေးစိတ်အချက် ပေါင်း ၅၂ ချက်အဖြစ် စီမံကိန်းနဲ့ ဘဏ္ဍာရေး ၀န်ကြီးဌာနကနေ ရေးဆွဲထားပါတယ်။

အာဏာရပြီး လေးလအကြာ ၂၀၁၆ ခုနှစ် ဇူလိုင် ၂၉ ရက်မှာ ပြည်သူတွေသိအောင် တရားဝင်ထုတ်ပြန်ခဲ့တဲ့ အစိုးရရဲ့ စီးပွားရေးမူဝါဒ (၁၂) ချက် နှစ်နှစ်ပြည့်လာခဲ့ပြီး အသေးစိတ် အချက်ပေါင်း ၉၅ ချက်နဲ့ တိုင်းပြည်စီးပွားရေးကို မောင်းနှင်လာချိန်မှာ ပြန်ရလာတဲ့ ပြည်သူတွေရဲ့တုံ့ပြန်သံက စီးပွားရေး ကျပ်တည်းတယ်ဆိုတဲ့ အသံဖြစ်သလို ပြည်ထောင်စု လွှတ်တော်ဘက်က အသံကလည်း အစိုးရ ၀န်ကြီးဌာနတွေရဲ့ ငွေတောင်းခံမှု၊ သုံးစွဲမှု၊ ဘတ်ဂျက်ပိုငွေ၊ လိုငွေ၊ ပြန်အပ်ငွေတွေနဲ့ လုပ်ဆောင်မှုတွေမှာ ဒီမူဝါဒ (၁၂) ချက်နဲ့ ပြန်လည် သုံးသပ်သင့်တယ်ဆိုတဲ့ အကြုံပြုချက်တွေနဲ့ပါ။

ပြည်သူတွေကလည်း စီးပွားရေး လုပ်ရကိုင်ရတာ အဆင်မပြေ၊ စားဝတ်နေရေး ကျပ်တည်းလာတယ် အော်နေချိန်၊ လုပ်ငန်းရှင်တွေ ဘက်မှာလည်း လုပ်ရကိုင်ရ အဆင်မပြေဘူးလို့ အော်နေပြီး စက်ရုံ၊ အလုပ်ရုံတွေ လုပ်ငန်းကြီးတွေ ပိတ်သိမ်းနေချိန်၊ ပြည်ထောင်စု လွှတ်တော်ဘက်က ပြန်လည်သုံးသပ်ပါလို့ အကြံပြုနေချိန်မှာ အံ့အားသင့်စရာ ကောင်းနေတာက အစိုးရက စီးပွားရေး တိုးတက်နေတယ်လို့ ကြွေးကြော်နေမှုပါ။

ဘတ်ဂျက်လိုငွေကြီးမြင့်မှု၊ ကုန်သွယ်မှုလိုငွေများပြားမှု၊ ကုန် ဈေးနှုန်းမြင့်တက်မှု၊ အလုပ်အကိုင် အခွင့်အလမ်းရှားပါးမှု၊ မြန်မာကျပ် ငွေတန်ဖိုး ကျဆင်းမှုစတဲ့အခြေ အနေတွေနဲ့ ပြည်သူတွေ ဘေးကျပ် နံကျပ်ဖြစ်နေပြီး ၀ယ်ယူစားသုံးနိုင် စွမ်းကျဆင်းနေချိန်မှာ အစိုးရ ဘက် ကတော့ စီးပွားရေးတိုးတက်နေ တယ်လို့ ပြောနေတာဟာ တကယ် ကျပ်တည်းလာနေတဲ့ ပြည်သူတွေ ကို ပြက်ရယ်ပြုသလို ဖြစ်နေသလို အစိုးရတစ်ဖွဲ့အတွက်ပဲ စီးပွားရေး တိုးတက်နေတဲ့ မြန်မာ့စီးပွားရေးက ပုံစံမှန်တဲ့ စီးပွားရေးတိုးတက်မှုလား ဆိုတာ မေးခွန်းထုတ်စရာပါ။

ငြိမ်းချမ်းရေးကို ဦးစားပေးခဲ့တဲ့ ဦးသိန်းစိန်အစိုးရဟာ ငြိမ်းချမ်းရေး လည်း မအောင်မြင်၊ စီးပွားရေးမှာ လည်း ထင်သလောက် မအောင်မြင် တဲ့အပြင် ပြည်သူနှစ်လိုမှုနည်းတဲ့ အခံကလည်း ရှိနေတာကြောင့် ၂၀၁၅ ခုနှစ် အထွေထွေရွေးကောက် ပွဲမှာ ပြည်သူ့လက်သန်းနဲ့ တောက်ချခံရပြီး အာဏာရပါတီအဖြစ်က ဆင်းပေးလိုက်ရတာကို သင်ခန်းစာ မယူတတ်ဘူးလားလို့ မေးမြန်းရ လောက် အောင်ကို  လက်ရှိအစိုးရက လည်း ငြိမ်းချမ်းရေးပဲ ဦးစားပေးပြီး စီးပွားရေးကို ဟုတ်တိပတ်တိ လှည့် မကြည့်ဘဲ စာရွက်ပေါ်က ကိန်း ဂဏန်းတွေနဲ့ တကယ်ကျပ်တည်း လာနေတဲ့ ပြည်သူတွေကို ငဲ့မကြည့်ဘဲ “စီးပွားရေးတိုးတက်ပါတယ်” တွင်တွင်အော်နေတာဟာ ပြည်သူ တွေကြားမှာ ရယ်ပွဲဖွဲ့စရာလို ဖြစ်လာနေပါတယ်။

“စီးပွားရေးမူဝါဒ (၁၂) ချက် ကနေပြီးတော့ အစိုးရက ပြည်နယ်နဲ့ တိုင်းဝန်ကြီးချုပ်တွေဆီ လက်တွေ့ အကောင်အထည်ဖော်ဖို့ အချက် ၉၅ ချက်နဲ့ အသေးစိတ်ညွှန်ကြား ထားတာရှိတယ်။ အဲဒီတော့ ပြည် နယ်နဲ့တိုင်း ၀န်ကြီးချုပ်တွေက အဲဒီ အတိုင်း အကောင်အထည်ဖော်ပြ နေတာပေါ့။ အဲဒီမှာ ခက်နေတာက ပြည်နယ်နဲ့တိုင်းဝန်ကြီးချုပ်တွေက ပြုပြင် ပြောင်းလဲတယ်ပေါ့။ ဒါပေမဲ့ အောက်ခြေမှာတော့ ရှုပ်နေတုန်းပဲ။ အောက်ခြေက လုပ်ဆောင်ချက်တွေက တချို့ဌာနတော်တော်များများက အရင်အတိုင်းပဲရှိသေးတယ်။ ဆိုလိုတာက အဂတိလိုက်စားမှု တိုက်ဖျက်ရေးဆိုပြီး ကော်မရှင် အသစ်ကြီးဖွဲ့ပေမယ့် ငါးသေးသေးလေးတွေမှာ ဘာမှထူးခြားချက်မ ရှိဘူး။ ပြောင်ပဲတောင်းနေတာပဲ။ ပေးနေရတာပဲ။ အဲဒီလိုပေးပြီးတော့ လုပ်နေရတာဆိုတော့ နှေးတာပေါ့။ လေးတာပေါ့။ တချို့ကိစ္စတွေဆိုလည်း ဖြစ်ဖြစ်မြောက်မြောက်လုပ်တာ မတွေ့ရဘူး။ စီမံခန့်ခွဲရေးနဲ့ အုပ်ချုပ်ရေးအပိုင်းရဲ့ လစ်ဟာချက်၊ ပျော့ချက်၊ ညံ့ချက်ပေါ့။ အဲဒီတော့ ဆိုလိုတာက Doing Business မှာ အရင်တုန်းက ၁၈၄ နိုင်ငံမှာ ၁၈၂ မှာ ရှိတယ်။  ဦးသိန်းစိန်လက်ထက်မှာ  သမ္မတကြီးကိုယ်တိုင်က ၀န်ကြီးဌာန တွေ ပြင်ကြဦးဆိုပြီးလုပ်တော့ ၁၇၀ ဖြစ်လာတယ်။ တိုးတက်လာတယ်။ ၁၇၀ ကနေ ဒီအစိုးရတက်လာတော့ ၁၇၁  ပြန်ဖြစ်လာတယ်။ အခု ၁၇၁ ပြန်ဖြစ်လာတယ်။ ဆိုလိုတာက စင် ကာပူက (၁) ပဲ။ ဒီမှာက ဒီလောက်တောင် ခက်ခက်ခဲခဲ ဖြစ်နေတယ်ပေါ့။ ဗီယက်နမ်နဲ့ယှဉ်ရင် အများ ကြီးကွာနေတယ်။ ဒီလိုမျိုး ခက်ခက်ခဲခဲ လာလုပ်နေရတော့ နိုင်ငံခြား ရင်းနှီးမြှုပ်နှံမှုတွေကလည်း နှေးနေ တယ်။ လေးနေတယ်။ သိပ်မလာ ဘူး။ သူတို့က တိုးတက်တယ်တော့ ပြောတယ်။ ဒါပေမဲ့ နည်းနည်းပဲလာတယ်။ အဲဒီလို နည်းနည်းလေး လာနေတာက မြန်မာ့စီးပွားရေးကို အထောက်အကူ မဖြစ်ဘူး။ အထောက်အကူ မဖြစ်တော့ စီးပွားရေးပိုင်းက သိပ်ပြီးတော့ မအောင်မြင်ဘူး” လို့ စီးပွားရေး ဆောင်းပါးရှင် အောင်ချိန်ဘွားက ဆိုပါတယ်။

အစိုးရတစ်ရပ် အတွက်ပဲ စီးပွားရေးတိုး တက်နေပြီး ပြည်သူနဲ့ လုပ်ငန်းရှင်တွေ ကျပ်တည်းလာချိန်၊ ငြိမ်းချမ်းရေးက မရေမရာနဲ့ သေချာမှု မရှိသေးတဲ့အချိန်မှာ ဖြစ်သင့်တာက ပြည်သူရော၊ လုပ်ငန်းရှင်ရော၊ အစိုးရရော သုံးဦးသုံးဖလှယ် စီးပွားရေး တိုးတက်တယ်လို့ တစ်ပြေးညီ လက်ခံနိုင်မယ့် အဖြေတစ်ခုကို ရှာသင့်ချိန်ပါ။ ဒီလိုအဖြေရှာသင့်ချိန်မှာ အစိုးရက ပြည်သူ့ကျပ်တည်းမှု မသိချင်ဟန်ဆောင်ပြီး စီးပွားရေး တိုးတက်ပါတယ်လို့ ကိုယ့်ကိုယ်ကိုယ် အမွှမ်းတင်နေတာ အလွန်စိတ်ပျက်ဖွယ်ရာ ကောင်းနေပြီး ကိုယ့်ဂုဏ် ကိုယ်ဖော်သလို ဖြစ်နေပါတယ်။

“စီးပွားရေး တိုးတက်နေတယ်။ ကောင်းနေတယ်လို့ ပြောကြတယ်။ ခက်တာက ဘယ်အစိုးရမဆို သူ့ကိုယ်သူ အမွှမ်းတင်တယ်။ ဒါမဆန်းပါဘူး။ ခက်တာက အမွှမ်းတင်တာကြီးကို သူတို့က ယုံသွားလို့ရှိရင် ဒုက္ခရောက်တယ်။ အဲဒါမျိုး ကျွန်တော် မဖြစ်စေချင်ဘူး။ အမွှန်းတင်တာကြီးက ကိုယ့်ကိုယ်ကိုယ်ပြောရင်း ပြောနေရင်း ယုံစားရင် ဒုက္ခရောက်မယ်။ ဥပမာ ကျွန်တော်ပြောရရင် ကျွန်တော်တို့က ထီးတွေ၊ နန်းတွေနဲ့ နေခဲ့တယ်ပေါ့။ ကျွန်တော်တို့ တိုင်းပြည်ကြီးက ထီးနဲ့ နန်းနဲ့ နေချိန်မှာ စင်ကာပူက တံငါရွာလေး။ အခု စင်ကာပူနဲ့ ကျွန်တော်တို့နဲ့ ယှဉ်ကြည့်။ ကျွန်တော်တို့ရဲ့ တစ်ဦးကျ ၀င်ငွေပေါ့ဗျာ။ တစ်ဦးကျဝင်ငွေက ရှစ်ရာခိုင်နှုန်းပဲ တိုးတက်တိုးတက်၊ ၁၀ ရာခိုင်နှုန်းပဲ တိုးတက်တိုးတက် အခုလက်ရှိ စင်ကာပူ တစ်ဦးကျဝင်ငွေကိုမီဖို့ ဘယ်လောက် ကြာမယ်ထင်လဲ။ အနှစ် ၃၀ ကြာမယ်။ အဲဒါကြောင့်မို့လို့ ကျွန်တော် ပြောချင်တာက သိပ်ပြီးတော့ ဒါတွေကို လျှောက်လျှောက် ပြောမနေပါနဲ့။ သိပ်ပြီးလည်း အမွှမ်းတင်မနေပါနဲ့။ နည်းနည်းပါးပါးလေးလည်း စဉ်းစားပါလို့ ကျွန်တော် ပြောချင်ပါတယ်” လို့ စီးပွားရေး ပညာရှင် ဒေါက်တာဦးမြင့်က ဝေဖန်ပါတယ်။

 

အစိုးရအတွက်ပဲ တိုးတက်တဲ့ စီးပွားရေး

နိုင်ငံရေးတစ်ခုပဲ ဇောက်ချမလုပ်ဘဲ စီးပွားရေးပါ တွဲလုပ်ဖို့ NLD အစိုးရကို ပညာရှင်တွေ၊ ဆောင်းပါးရှင်တွေက စတက်လာကတည်းက ပြောထားပြီးသားပါ။

ဒီလိုပြောထားပေမဲ့လည်း NLD အစိုးရဟာ စီးပွားရေးကို အခုအချိန်အထိ လှည့်မကြည့်သလောက် ဖြစ်နေဆဲပါ။ ဥပမာပြရရင် ကျဆင်းနေတဲ့ ခရီးသွားကဏ္ဍ အရှိန်အဟုန်မြှင့်ပြီး ပြန်လည်ဆွဲတင်ဖို့ တိုက်တွန်းတဲ့အဆိုမျိုးကို လွှတ်တော်မှာ မှတ်တမ်းပဲ တင်ခဲ့တာမျိုးက မြင်သာခဲ့သလို ကိုယ့်အစိုးရ၊ ကိုယ့်လွှတ်တော်မို့လို့ အစိုးရ အကျပ်အတည်းတွေ့အောင် မလုပ်ဘူးဆိုတဲ့ ပုံစံမျိုးကလည်း မြင်နေရဆဲ ဖြစ်ပါတယ်။ ဒီလိုမျိုးဖြစ်စဉ်တွေက မြန်မာ့စီးပွားရေးအပေါ် စောင့်ကြည်နေတဲ့ နိုင်ငံခြား ရင်းနှီးမြှုပ်နှံသူတွေကို ယုံကြည်မှုပျက်စေသလို Check & Balance ပျောက်နေတဲ့ အခြေအနေကိုလည်း ပုံဖော်ပြီးသား ဖြစ်စေပါတယ်။

လုပ်ငန်းရှင်တွေနဲ့ ပြည်သူတွေက စီးပွားရေး ကျဆင်းနေတယ်လို့ ယူဆနေချိန်မှာ အစိုးရဘက်က ပြောစကားတွေ ပြန်ကြည့်မယ်ဆိုရင် “နိုင်ငံ့စီးပွားရေး အလျင်အမြန် တိုးတက်နေပါတယ်” ဆိုတဲ့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အာဆီယံစီးပွားရေးနှင့် ရင်းနှီးမြှုပ်နှံမှု ထိပ်သီးအစည်းအဝေးမှာ ပြောကြားခဲ့မှု “စီးပွားရေး တက်နေတာကို ရပ်အောင် လုပ်တာမဟုတ်ဘူး။ အရှိန်ကို ထိန်းနေတာ” ဆိုတဲ့ ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းရဲ့ စကားတွေဟာ ထင်ရှားသလို “မြန်မာ့စီးပွားရေးကို ရက် ၁၀၀ အတွင်း ဆွဲတင်မယ်။ မြန်မာဟာ ကြိုးစားရင် အာရှမှာ ဂေါ်ဇီလာလည်းဖြစ်တယ်၊ ဆင်လည်းဖြစ်တယ်။ မြန်မာ့စီးပွားရေး ဂျက်ပါဝါနဲ့ ပြေးမယ်” ဆိုတဲ့ ကြွေးကြော်သံနဲ့ စီမံ/ဘဏ္ဍာဝန်ကြီး ဦးကျော်ဝင်းရဲ့ ပြောသံတွေကလည်း အဂတိလိုက်စားမှုနဲ့ တိုင်ကြားခံရပြီး နုတ်ထွက်သွားပေမဲ့ တိုင်းပြည်က ဘယ်လောက် နစ်နာခဲ့တယ် ဆိုတာကို ပြည်သူတွေ သိရှိခွင့်မရခြင်းနဲ့ဘဲ အဆုံးသတ်သွားတာကို တွေ့မြင်ရပါတယ်။

မြန်မာ့စီးပွားရေး တိုးတက်နေတယ်။ နှုန်းအားဖြင့် တိုးတက်နေတယ်။ အာရှဒေသမှာ မြန်မာနိုင်ငံဟာ စီးပွားရေး တိုးတက်မှု အမြင့်ဆုံးနိုင်ငံ ဖြစ်တယ်လို့ အစိုးရတာဝန်ရှိသူတွေဖြစ်တဲ့ ဒေါ်အောင်ဆန်းစုကြည်၊ MIC ဥက္ကဋ္ဌ ဦးသောင်းထွန်း၊ စီမံ/ဘဏ္ဍာ ဒုတိယ၀န်ကြီး ဦးမောင်မောင်ဝင်းတို့ရဲ့ စကားတွေက ဘယ်အချက်တွေကို မြစ်ဖျားခံသလဲ ဆိုတာကို ပြည်ကြည့်မယ်ဆိုရင် ဂျီဒီပီတိုးတက်မှု၊  ငွေဖောင်းပွမှု လျော့ကျမှု၊ LDC ဘ၀ကနေ လွတ်မြောက်ဖို့ လမ်းစပေါ်လာမှု၊ ကုန်သွယ်မှုလိုငွေ ဒေါ်လာငါးဘီလျံကျော်ကနေ လေးဘီလျံလောက်အထိ လျှော့ချနိုင်မှု၊ ဆန်တင်ပို့မှုနဲ့ အထည်ချုပ်ကဏ္ဍက ပို့ကုန်ရငွေမြင့်တက်မှုစတဲ့ ကဏ္ဍတွေကို တွေ့ရမှာ ဖြစ်ပါတယ်။

NLD အစိုးရ စတင်တာဝန်ယူစမှာ ဂျီဒီပီတိုးတက်မှုနှုန်းက ၅ ဒသမ ၉ ရာခိုင်နှုန်းပဲ ရှိခဲ့ပေမဲ့ ၂၀၁၇-၂၀၁၈ နှစ်ကု ခန့်မှန်းခြေမှာ ၆ ဒသမ ၈ ဖြစ်လာပါတယ်။ ၂၀၁၈ ခြောက်လ ဘဏ္ဍာနှစ်မှာ ၇ ဒသမ ၂ ရာခိုင်နှုန်းအထိ တိုးလာ မယ်လို့ ခန့်မှန်းလာနိုင်ပြီး ၂၀၁၈-၂၀၁၉ ဘဏ္ဍာနှစ်မှာ ၇ ဒသမ ၆ ရာခိုင်နှုန်းအထိ တိုးတက်မယ်လို့ ခန့်မှန်းထားတယ်လို့ နိုင်ငံတော် သမ္မတဦးဝင်းမြင့်က ပြောသွားပါ တယ်။  ဒီလို အချက်အလက်မျိုးက မြန်မာ့စီးပွားရေး တိုးတက်နေပါ တယ်လို့ စာရွက်ကြည့်ပြောလို့ ရတဲ့ အချက်ဆိုပေမဲ့ ကမ္ဘာ့ဘဏ် ခန့်မှန်း တာကတော့ ၂၀၁၈-၂၀၁၉ ဘဏ္ဍာ နှစ်မှာ ဂျီဒီပီတိုးတက်မှုနှုန်းက ၆ ဒသမ ၈ ပဲရှိပါတယ်။ ပြီးတော့ NLD အစိုးရလက်ထက် ဂျီဒီပီတိုးတက်မှု နှုန်းဟာ ဦးသိန်းစိန် လက်ထက်က တိုးတက်မှုနှုန်းကိုလည်း မမီတာကို တွေ့ရပြီး ၂၀၁၃- ၂၀၁၄ မှာ မြန်မာ့ ဂျီဒီပီတိုးတက်မှုနှုန်းက ၈ ဒသမ ၄ ရာခိုင်နှုန်းပါ။

အာဆီယံမှာ အဆင်းရဲဆုံး နိုင်ငံတစ်ခု၊ လာအိုကိုတောင် ကျော်တက်ဖို့ မဖြစ်နိုင်တဲ့ နိုင်ငံတစ်ခုက စီးပွားရေး အရှိန်အဟုန်နဲ့ တက်ေ တယ်လို့ ပြောချင်တယ်ဆိုရင် အနည်းဆုံးတော့ ဂျီဒီပီဟာ Two Digit မှာ ရှိရပါလိမ့်မယ်။ ဒီလို Two Digit မှာ မရှိဘဲ ဖွံ့ဖြိုးပြီးနိုင်ငံတွေရဲ့ ဖွံ့ဖြိုးဖို့ မလိုအပ်တဲ့ ဂျီဒီပီ တစ်ရာခိုင်နှုန်း၊ နှစ်ရာခိုင်နှုန်းလောက် တက်တာကိုကြည့်ပြီး ဘယ်နိုင်ငံမှ ငါတို့လောက် မတိုးတက်ပါဘူးလို့ စာရွက်ကြည့်ပြီး အော်နေရင်တော့ ကိုယ့်အခြေအနေ ကိုယ်နားမလည်တာ ၊ ဒါမှမဟုတ် အခြေအနေမှန်ကို မသုံးသပ်တတ်တာလို့ပဲ ပြောရမှာပါ။

NLD အစိုးရအနေနဲ့ နှုန်းအားဖြင့် တက်နေတယ်လို့ ကြွေးကြော်နေနိုင်တဲ့ အခြားညွှန်းကိန်းတွေ ရှိနေပါသေးတယ်။ အဲဒါတွေကတော့ ငွေကြေးဖောင်းပွမှု ကျဆင်းပြီး Two Digit ကနေ Single Digit  ဖြစ်လာတာပါ။ ဒါပေမဲ့ ငွေကြေးဖောင်းပွမှုသာ ကျတယ်ဆိုပေမဲ့ တွက်ချက်ပုံ ပြောင်းလဲထားတာ၊ ထည့်သွင်းတွက်ချက်တဲ့ အမျိုးအမည်တွေ ထပ်တိုးထားတာ၊ အခြေခံနှစ် ပြောင်းပစ်လိုက်တာနဲ့ ပြည်သူတွေကြားမှာ စားဝတ်နေရေးပိုပိုပြီး ကျပ်တည်းလာတယ်ဆိုတဲ့ အခြေအနေတွေကို တိုင်းတာမယ်ဆိုရင် ငွေကြေးဖောင်းပွ ၁၆ ရာခိုင်နှုန်းလောက်ကနေ ငါးရာခိုင်နှုန်းကျော်အထိ ကျလာလည်း ပြည်သူတွေအတွက် အကျိုးမဖြစ်ဘူးဆိုတာ သက်သေခံပါတယ်။ ပိုပြီးထင်ရှားတဲ့ သက်သေက ဘဏ်တိုးနှုန်းတွေ လျှော့ချပါလို့ အော်နေချိန်မှာ၊ ဗဟိုဘဏ်ရဲ့ ငွေကြေးဖောင်းပွမှုနှုန်း ညွှန်းကိန်းက Annual မှာ ၄ ဒသမ ၆ နဲ့ Year on Year မှာ ၆ ဒသမ ၄၅ လို့ အော်နေပေမဲ့ ဒီညွှန်းကိန်းတွေကို ယုံကြည်မှုမရှိတဲ့ပုံစံနဲ့ ဘဏ်တိုးနှုန်း မချရဲတာတွေက သက်သေခံပါတယ်။ ဒါတွေဟာ လက်ရှိကာလအထိ စာရင်းဇယား မမှန်ကန်သေးတဲ့ ဆိုးကျိုးတွေနဲ့ အထက်လူကြီး သဘောကျအောင် တွက်ပြတဲ့ ဆိုးကျိုးတွေပါ။ ငွေဖောင်းပွမှုက NLD အစိုးရ တွက်ပြနေသလို အမှန်တကယ် ကျဆင်းလာသလား ဆိုတာကို မြင့်တက်နေတဲ့ ကုန်ဈေးနှုန်းတွေက မှားယွင်းနေကြောင်း သက်သေပြနေသလို မြန်မာကျပ်ငွေတန်ဖိုး ဆိုးရွားစွာ ကျဆင်းနေမှုကလည်း သက်သေပြမှာပါ။

တခြားနိုင်ငံတွေလို သတ်မှတ်ခံရတာ မဟုတ်ဘဲ ကိုယ်တိုင်လျှောက်ပြီး ဖွံ့ဖြိုးမှုအနည်းဆုံး LDC နိုင်ငံအဖြစ် လျှောက်ထားခဲ့တဲ့ မြန်မာနိုင်ငံဟာ လက်ရှိအချိန်မှာ LDC ဘ၀ကနေ လွတ်မြောက်ဖို့ လမ်းစတော့ ရှိနေပြီဖြစ်ပြီး LDC က လွတ်မြောက်ဖို့ သတ်မှတ်ထားတဲ့ စံနှုန်းသုံးခုစလုံးနဲ့  ပထမဆုံးအကြိမ် ကိုက်ညီခဲ့ပါတယ်။

ကုလသမဂ္ဂ စီးပွားရေးနှင့် လူမှုရေးကောင်စီ (UNECOSOC) ဖွံ့ဖြိုးတိုးတက်မှု မူဝါဒဆိုင်ရာ ကော်မတီ (CDP) ရဲ့ သုံးနှစ်တစ်ကြိမ် အစီရင်ခံစာမှာ ဖော်ပြမှုအရ မြန်မာနိုင်ငံဟာ တစ်ဦးချင်းဝင်ငွေ (Gross National Income – GNI) အမေရိကန်ဒေါ် လာ ၁၂၃၀ ထက်ကျော်လွန်ဖို့၊ လူသားအရင်းအနှီး ညွှန်းကိန်း (Human Accesss Index HAI) ၆၆ နှင့် အထက်ရှိဖို့နဲ့ စီးပွားရေး ထိခိုက်နစ်နာလွယ်မှုဆိုင်ရာ ညွှန်းကိန်း (Economic Vulnerability Index – EVI) ၃၂ နှင့် အောက်ရှိဖို့ဆိုတဲ့ လိုအပ်ချက် သုံးခုစလုံးကို ၁၉၈၇ ခုနှစ်နောက်ပိုင်း ပထမဆုံးအကြိမ် ပြည့်မီခဲ့တာပါ။ CDP ရဲ့ သုံးနှစ်တစ်ကြိမ် အစီရင်ခံစာအရ မြန်မာနိုင်ငံဟာ GNI အမေရိကန်ဒေါ်လာ ၁၂၅၅၊ HAI ၆၈ ဒသမ ၅ နှင့် EVI ၃၁ ဒသမ ၇ ရရှိခဲ့တာဖြစ်ပြီး လာမယ့် ၂၀၂၁ ခုနှစ် Triennial Review မှာ စံနှုန်းသုံးခုထဲက အနည်းဆုံးနှစ်ခု ပြည့်မီမယ်ဆိုရင် ၂၀၂၁ ခုနှစ်ရဲ့ နောက်ပိုင်းမှာ ဖွံ့ဖြိုးမှုအနည်းဆုံး နိုင်ငံများစာရင်းက လွတ်မြောက်မယ့် လမ်းစပွင့်သွားမှာ ဖြစ်ပါတယ်။ LDC နိုင်ငံဘ၀ကို ကိုယ်တိုင်ယူဖို့ လျှောက်ထားခဲ့တဲ့ မြန်မာနိုင်ငံဟာ LDC ဘ၀ကြောင့်ပဲ မျက်နှာငယ်ခဲ့ရတာ အနှစ် ၃၀ ကျော်နေခဲ့ပြီ ဖြစ်ပါတယ်။ ဒီလိုမျက်နှာငယ်မှုတွေက ရပ်တန်းက ရပ်ချိန်တန်နေပြီမို့လို့ တိုးတက်မှုအရှိန်ကို ၂၀၂၁ အထိ ဆက်ထိန်းနိုင်ပါစေလို့ ပြောရမယ့် အခြေအနေပါ။

ကဏ္ဍအလိုက် သေးသေးမွှားမွှား တိုးတက်မှုလေးတွေရှိပြီး အဂတိလိုက်စားမှု ညွှန်းကိန်းမှာ တိုးတက်လာတယ် ဆိုပေမဲ့ လာဘ်ပေးနေရဆဲ အခြေအနေ၊ ကျပ်ငွေတန်ဖိုး စံချိန်တင် ကျဆင်းမှု၊ ခရီးသွားကျဆင်းမှု၊ ဘတ်ဂျက်လိုငွေ စံချိန်တင်မြင့်တက်လာမှု၊ လိုအပ်တဲ့ ဘတ်ဂျက်လိုငွေကို ဗိုလ်ချုပ်ပုံ ငွေစက္ကူ ရိုက်ထုတ်ပြီး ဖြေရှင်းနိုင်တယ်ဆိုတဲ့ အခြေအနေ၊ Doing Business မှာ အဆင့်ကျဆင်းမှု၊ နိုင်ငံတကာအဆင့် ညွှန်းကိန်းတွေမှာ ရလဒ်မကောင်းမှု၊ ပြည်ပကြွေးမြီ ဒေါ်လာတစ်ဘီလျံကျော် မြင့်တက်လာမှု၊   နိုင်ငံခြား ရင်းနှီးမြှုပ်နှံမှု ကျဆင်းမှုတွေနဲ့  ပြန်ချိန်ထိုးမယ်ဆိုရင် အစိုးရအနေနဲ့ စီးပွားရေး တိုးတက်နေပါတယ်လို့ ကြွေးကြော်သင့်တဲ့ အချိန်ကာလ မဟုတ်ပါဘူး။

အထူးသဖြင့် အစိုးရနှစ်နှစ်ပြည့်မှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က “ကျွန်မတို့ အစိုးရရဲ့ အဓိက ရည်မှန်းချက်တွေထဲမှာ ပြည်သူများရဲ့ လူမှုစီးပွားရေးဘ၀ တိုးတက်မြင့်မားရေးလည်း ပါပါတယ်။ ဒီရည်မှန်းချက် ဘယ်လောက်အထိ ဖြစ်မြောက်အောင် စွမ်းဆောင်နိုင်တယ်ဆိုတာ တကယ်တော့ ပြည်သူတွေကပဲ ဆုံးဖြတ်နိုင်ပါတယ်။ လမ်းတွေ ဘယ်နှစ်မိုင် ဖောက်နိုင်ခဲ့တယ်။ တံတားတွေဘယ်နှစ်ခု တိုးတက်လာတယ်။ လျှပ်စစ်မီးရသွားတဲ့ ကျေးရွာတွေ၊ မြို့တွေ ဘယ်လောက်များလာတယ် စသည်ဖြင့် မွေးကင်းစမိခင်နဲ့ ကလေး ဆုံးရှုံးမှုနှုန်းက ဘယ်လောက် မြင့်နေ သေးတယ်။ ရင်းနှီးမြှုပ်နှံမှု ဘယ် လောက်နည်းနေ သေးတယ်။ ငွေကြေး ဖောင်းပွမှု ဘယ်လောက် ရှိနေသေး တယ်။ ဒါတွေ ဒါတွေကို ကိန်းဂဏန်း တွေနဲ့ ပြည်သူတွေကို တာဝန် သိစိတ်နဲ့   ပွင့်လင်းမြင်သာမှုကို အလေးထားတဲ့ အစိုးရပီပီ စဉ်ဆက် မပြတ်အသိပေးဖို့ ၀န်ကြီးဌာန အားလုံးကို ညွှန်ကြားထားပါတယ်။ ဒါပေမဲ့လည်း နိုင်ငံတစ်နိုင်ငံရဲ့ တိုးတက်မှုကို ကိန်းဂဏန်းနဲ့ ပြည်စုံ အောင် ဖော်ပြလို့ မရပါဘူး။ တစ်ခါ တလေလည်း အဖွဲ့အစည်းများ အကြား ကိန်းဂဏန်း တွက်ချက်မှု မတူတာကြောင့် အဖြေမှန်ကို သိဖို့ ခက်ပါတယ်။ ကိန်းဂဏန်းတွေက ပြနေတဲ့ အခြေအနေတွေဟာ ပြည်သူ များရဲ့ လူမှုဘ၀စီးပွားအပေါ် ဘယ် လောက် အစစ်အမှန် သက်ရောက်မှု ရှိလဲဆိုတာကသာ အဓိကပါ” လို့ စာရွက်ပေါ်က ကိန်းဂဏန်းတွေက ပြည်သူတွေရဲ့ လူမှုစီးပွားဘ၀ကို ဘယ်လောက် သက်ရောက်မှု ရှိ/မရှိ ဆိုတာကို မေးခွန်းထုတ်ခဲ့ပါတယ်။ သေချာတာကတော့ လက်ရှိမှာ အစိုးရက တက်ပါတယ်။ ကောင်းပါ တယ်ပြောနေတဲ့ စီးပွားရေးဟာ ပြည်သူလူထုအတွက်တော့ မမှန် ကန်ပါဘူး။ ဒီအခြေအနေတွေရဲ့ အဖြစ်မှန်ကိုသိရှိဖို့  အစိုးရအနေနဲ့  ပြည်သူတွေနဲ့ များများထိတွေ့ဖို့ လိုအပ်ပါတယ်။

ပြည်သူတွေနဲ့ လုပ်ငန်းရှင်တွေ အဆင်မပြေတဲ့ စီးပွားရေးမှာ ဘယ်သူအဖြေရှာမလဲ

၂၀၁၆ ခုနှစ်ကစပြီး စီးပွားရေး ကျဆင်းလာတယ်လို့ ခန့်မှန်းလာကြပြီး တစ်နှစ်ထက် တစ်နှစ် လုပ်ရကိုင်ရ ခက်လာတဲ့ အထဲမှာ ဒီ ၂၀၁၈ ခုနှစ်က အဆိုးဆုံးပဲလို့ ကုန်သည်စက်မှုအသင်းချုပ် အစီရင်ခံစာ ထုတ်ပြန်လာတဲ့နောက်မှာ လေကြောင်းလိုင်းတွေ၊ ဟိုတယ်တွေ၊ စက္ကူစက်ရုံတွေနဲ့ အထည်ချုပ်စက်ရုံတွေ ပိတ်သိမ်းလာခဲ့ပါတယ်။

ဒီလို ပိတ်သိမ်းလာတဲ့အထဲမှာ ဟိုတယ်လုပ်ငန်းတွေကတော့ အငြင်းပွားမှုတွေနဲ့ ၀င်ငွေကျဆင်းမှုတွေကြောင့် ပိတ်သိမ်းရတယ် ဆိုပေမဲ့ ခရီးသွားလုပ်ငန်းနဲ့ ဆက်နွှယ်နေတဲ့ Air Bagan၊ Apex၊ FMI စတဲ့ လေကြောင်းလိုင်းတွေ ရပ်နားမှုကတော့ စိတ်ပျက်စရာ ကျဆင်းမှုဖြစ်ပြီး Asian Wings ကလည်း ရပ်နားမယ်ဆိုတဲ့ ကောလာဟလ ထွက်ခဲ့ပါသေးတယ်။

“လတ်တလော အခြေအနေမှာ စီးပွားရေးဆိုင်ရာ စိန်ခေါ်မှုတွေ ရှိနေပေမဲ့ နောင်ကာလတွေမှာ ပြန်လည်ကောင်းမွန်မယ်လို့ ခန့်မှန်းထားပါတယ်” လို့ FMI ရဲ့ CEO ဦးထွန်းထွန်းက ပြောပါတယ်။

FMI လေကြောင်းလိုင်းပြေးဆွဲမှုနဲ့ လေယာဉ်စင်းလုံးငှား ၀န်ဆောင်မှုလုပ်ငန်းကို ရပ်ဆိုင်းလိုက်မှုက FMI ကို ထိခိုက်မှာ မဟုတ်ဘူးလို့ ထုတ်ပြန်ခဲ့သလို နောင်တစ်ချိန်မှာ ပြန်လည်ပြီး လုပ်ငန်းလည်ပတ်မယ်ဆိုတာ ပြောကြားခဲ့ပေမယ့် စတင်မယ့် ကာလတွေနဲ့ စီးပွားရေး ပြန်လည်ကောင်းမွန်လာမယ့် ကာလတွေကိုတော့ ပြောကြားနိုင်ခြင်း မရှိသေးပါဘူး။

အနည်းဆုံး အခကြေးငွေ၊ အော်ဒါမရရှိမှု၊ မြေဈေးကြီးမြင့်မှု တွေနဲ့ အလုပ်သမားဆန္ဒပြမှုတွေ ကြောင့် အထည်ချုပ်စက်ရုံတွေ ပိတ်သိမ်းခဲ့တာတွေကလည်း အခုအချိန်မှာ ပိုပြီးတော့ ဆိုးလာသလား ထင်စရာပါ။ တစ်ဖက်မှာလည်း USDP အစိုးရ လက်ထက်တုန်းက အထည်ချုပ်စက်ရုံ ၂၀၀ လောက်ပဲရှိပြီးတော့ NLD အစိုးရ လက်ထက်မှာ ၆၀၀ လောက် ဖြစ်လာပြီလို့ ရန်ကုန်ဝန်ကြီးချုပ် ဦးဖြိုးမင်းသိန်းက ပြောခဲ့တာကြောင့် ပုံမှန်ပိတ်သိမ်းမှုတွေပဲလို့ အငြင်းပွားစရာ ဖြစ်လာပါတယ်။ ဘယ်လိုပဲ အငြင်းပွားပွား အထည်ချုပ်စက်ရုံ တစ်ရုံဟာ အလုပ်သမ ရာထောင်ချီ အလုပ်အကိုင် ပေးနိုင်တာကြောင့် အထည်ချုပ်စက်ရုံ ဆယ်ဂဏန်း ပိတ်သိမ်းတာနဲ့တင် အလုပ်လက်မဲ့ သောင်းဂဏန်းကို ဖြစ်လာစေမှာပါ။ ဒီလိုအခြေအနေဟာ အလုပ်အကိုင် အခွင့်အလမ်းများများ ပေးနိုင်မဲ့ FDI တွေ ခွင့်ပြုပေးနေပါတယ်လို့ ကြွေးကြော်နေတဲ့ NLD အစိုးရအတွက်တော့ စိတ်ပျက်စရာ အခြေအနေ ဖြစ်လာပါတယ်။

နိုင်ငံခြား ရင်းနှီးမြှုပ်နှံမှု ကျဆင်းလို့ အလုပ်အကိုင် အခွင့်အလမ်း ဖန်တီးမပေးနိုင်ချိန်မှာ လုပ်သားပေါင်းများစွာကို အလုပ်ပေးထားနိုင်တဲ့ ခရီးသွားကဏ္ဍကလည်း ကျဆင်းနေတာဟာ ဆိုးရွားတဲ့ အခြေအနေပါ။ လုပ်ငန်းတွေ ရပ်တန့်ကုန်သလို အံ့သြစရာအဖြစ် ဆီဆိုင်အချို့ ရပ်တန့်တော့မယ်ဆိုတဲ့ စကားသံတွေလည်း စီးပွားရေး လုပ်ငန်းရှင် အသိုင်းအ၀ိုင်းမှာ ကျယ်လောင်နေပါတယ်။

တစ်ဖက်မှာလည်း စီးပွားရေး ညွှန်းကိန်းတွေ စစ်တမ်းတွေက NLD အစိုးရရဲ့ စီးပွားရေးစီမံခန့်ခွဲမှု စွမ်းရည်ဟာ ဦးသိန်းစိန် အစိုးရထက် ညံ့ဖျင်းတယ်ဆိုတဲ့ အခြေအနေတွေကိုလည်း ဖော်ပြနေပါတယ်။ ဒီလိုအခြေအနေမျိုးတွေ ကြုံတွေ့လာနေရချိန်မှာ စီးပွားရေးမူဝါဒ (၁၂) ချက်ဟာ သုံးနှစ်သက်တမ်း ဖြစ်လာတဲ့ NLD အစိုးရကို အထောက်အကူ မပေးနိုင်ဘဲ ကောင်းမွန်တဲ့ မူဝါဒ မဟုတ်ဘူးလား၊  ဒီမူဝါဒ (၁၂) ချက်ကို တကယ်ရော အကောင်အထည် ဖော်နေရဲ့လား တွေးစရာ ဖြစ်လာပါတယ်။ တစ်ဖက်မှာလည်း စီးပွားရေးမူဝါဒ (၁၂) ချက် ရှိနေပေမယ့် ၀န်ကြီးဌာနတွေရဲ့ ဗျုရိုကရေစီယန္တရားကို ကိုင်တွယ်နိုင်မှု မရှိတာ၊ စီမံခန့်ခွဲရေးနဲ့ အုပ်ချုပ်ရေး ညံ့ဖျင်းတာကြောင့် မြန်မာ့စီးပွားရေး လည်ပတ်မှုက အစိုးရမှာ တက်နေပြီး လုပ်ငန်းရှင်မှာ ကျလာနေတယ်ဆိုတဲ့ အခြေအနေ ဖြစ်လာပါတယ်။

“စီးပွားရေးအကြံပေး အဖွဲ့တို့ ဘာတို့ရှိတယ်။ နောက်ပြီး နိုင်ငံတော်၏ အတိုင်ပင်ခံပုဂ္ဂိုလ် အကြံပေး ဆိုတာကလည်း နိုင်ငံခြားသား ဖြစ်နေတယ်။ အဲဒါတွေကလည်း ကြည့်ရတာ တကယ်လက်တွေ့ ဖြစ်နေတာနဲ့ အကြံပြုနေတာ သိပ်ပြီးကိုက်ညီနေပုံမရဘူး။ ဥပမာ ဇူလိုင် ၈ ရက်က Bloomberg မှာ Sean Turnell က ပြောတယ်။ “အနောက်တိုင်းက ရင်းနှီးမြှုပ်နှံမှုတွေလာတာ မျှော်လင့်နေတယ်။ တကယ်တမ်းကျ လုံးဝမလာပါဘူး” တဲ့။ အဲဒါဘာလဲဆိုတော့ No Action Talk Only တဲ့။ လုပ်ဆောင်ချက်မရှိဘဲ ပြောပဲပြောနေတာ။ နောက်ပြီး အမေရိကန်ကလည်း ရိုဟင်ဂျာကိစ္စနဲ့ စီးပွားရေး ပိတ်ဆို့မှု စလုပ်လာတယ်။ ကုလ သမဂ္ဂကလည်း ပြောလာတယ်။ ဒီမှာတိုင်းရင်းသား မျိုးနွယ်စုကို လူမျိုးသုန်းအောင် သတ်ဖြတ်တယ်ဆိုတဲ့ စွပ်စွဲချက်တွေကလည်း စီးပွားရေးကို အများကြီး ထိခိုက်စေတယ်။ နဂိုကမှ လာလုပ်မယ့်သူတွေက စောင့်ကြည့်နေတဲ့ အချိန်မှာ မြန်မာနိုင်ငံက စီးပွားရေးလုပ်လို့ကောင်းတဲ့ အကွက်အကွင်း ဘာမှမတွေ့ဘဲနဲ့ ပြည်တွင်း စစ်ရှောင်ပြဿနာတွေကလည်း ရှိလာတာဆိုတော့ ပင်လုံ ညီလာခံကြီးကလည်း တစ်ဖက်မှာ ကျင်းပနေတယ်။ တစ်ဖက်မှာလည်း တိုက်နေတယ်။ အပစ်အခတ်၊ အတိုက်အခိုက်၊ ရပ်စဲရေးဆိုတာတွေက တိုင်းရင်းသား အချို့က လည်း စဉ်းစားမယ်ဆိုတဲ့အဆင့်ပဲ ရှိသေးတယ်။ ပြတ်ပြတ်သားသား မလုပ်နိုင်ဘူး။ အဲဒီတော့ တိုင်းပြည် တစ်ပြည်က စီးပွားရေးဆိုတာ နိုင်ငံတော်ရဲ့ ငြိမ်းချမ်းရေးရယ်၊ တည်ငြိမ်အေးချမ်းရေးရယ် အပေါ် မှာလည်း အများကြီးမူတည်တယ်။ ဘာသာရေး၊ လူမျိုးရေး ပဋိပက္ခတွေ မရှိဖို့ဆိုတာပါတယ်။ အဲဒါတွေက အားလုံးဒီမှာ ရှိနေတယ်။ အဲဒါတွေကြောင့် စီးပွားရေးက မတက်တာ” လို့ စီးပွားရေးပညာရှင် ဦးလှမောင် က ပြောပါတယ်။

တကယ်တော့ မြန်မာ့စီးပွားရေးဟာ အဖြေရှာချိန်ရောက်နေပါပြီ။ အစိုးရဘက်မှာပဲ တိုးတက်နေပြီး လုပ်ငန်းရှင်တွေနဲ့ ပြည်သူတွေ ကျပ် တည်းနေတဲ့ အခြေအနေဟာ ဘာဖြစ်လို့လဲ။ ဘယ်သူတွေ ကျပ်တည်းနေတာလဲ။ ဘာလို့ ကျပ်တည်းနေတာလဲ။ ဘယ်သူတွေက လုပ်နေတာလဲဆိုတာ အစိုးရ တစ်ရပ်အတွက် အရေးတကြီး အဖြေရှာသင့်တဲ့ ကာလပါ။ တစ်ဖက်မှာလည်း ကျပ်ငွေတန်ဖိုး ကျဆင်းမှုတွေ၊ တရုတ်-အမေရိကန် ကုန်သွယ်ရေး စစ်ပွဲအတွက် ကြိုတင်ပြင်ဆင်သင့်တဲ့ အခြေအနေပါ။ ကမ္ဘာ့အခြေအနေနဲ့ ပြည်သူတွေရဲ့ ကျပ်တည်းမှုက အစိုးရကို ကြိုတင်ပြင်ဆင်ထား ဖို့ ညွှန်ပြနေပေမယ့် အစိုးရဘက်ကတော့ လေးလံနေဆဲဖြစ်နေတာ မြန်မာနိုင်ငံအတွက် ကောင်းမွန်တဲ့ အလားအလာ မဟုတ်ပါဘူး။

“တိုးတက်မှု အတော်နှေးကွေးနေတယ်။ အောင်မြင်မှု အသီးအပွင့်တွေ အလှမ်းဝေးနေဆဲပဲ။ အားရမှု မရှိဘူး။ Macroeconomic မှာ Indicator ကိန်းဂဏန်းပွိုင့်စွန်းလေးတွေ တိုးတက်နေတာကိုကြည့်ပြီး ကျေနပ်နေတယ်။ ဒါပေမဲ့ သာမန်မိသားစုတွေအတွက် တိုးတက်နေတယ်ဆိုတာ မဟုတ်ဘူး။ ပြီးတော့ တရုတ်- အမေရိကန်ရဲ့ ကုန်သွယ် ရေး အစမှာတင် မြန်မာကျပ်ငွေ တန်ဖိုးကျဆင်းတဲ့ ဂယက်တွေဖြစ်ခဲ့ ပြီး ဒီကုန်သွယ်ရေးစစ်ပွဲက ၂၀၁၉ မှာ ပိုအထိနာနိုင်တယ် သုံးသပ်ထားတော့ မြန်မာနိုင်ငံက လက်ရှိထက် ပိုအထိမနာနိုင်အောင် အစိုးရက ဘာတွေ ကြိုပြင် ထားသင့်တယ်ထင်လဲဆိုရင် ဒီစစ်ပွဲကြောင့် မြန်မာ အထိမနာနိုင်ဘူး။ မြန်မာက အသာစီးရမှာ။ တစ်ချက်ပဲ။ ငွေလဲနှုန်း။ ဗဟိုဘဏ်ဟာ မြန်မာ့ငွေကြေးကို တောင့်တင်းခိုင်မာအောင် လုပ်နိုင်စွမ်းမရှိလို့ ဒုက္ခရောက်မှာ။ အဲဒီတော့ ကြိုပြင်ထားနိုင်မယ်လို့ ထင်လားဆိုရင် ကြိုပြင်ဖို့ဆိုတာ အခုရှိတဲ့ အစိုးရအဖွဲ့နဲ့ ၀န်ကြီးတွေက ကြိုမြင်မှကြိုပြင်နိုင်မှာ။ အခုရှိသူတွေက ပုဂ္ဂလိကကဏ္ဍက တွန်းလွန်းတာတောင် မရွေ့ချင်ဘူး။ အဲဒီတော့ အများကြီး မျှော်လင့်လို့ မရနိုင်ဘူး” လို့ စီးပွားရေး လုပ်ငန်းရှင်တစ်ဦးက NLD အစိုးရ စွမ်းဆောင်ရည်အပေါ် ထောက်ပြပါတယ်။

လက်ရှိအစိုးရ စွမ်းဆောင်ရည်နဲ့ စီးပွားရေး တိုးတက်ဖို့ဆိုတာ မလွယ်ကူဘူးလို့လည်း လုပ်ငန်းရှင်တချို့က ထင်မြင်နေတာကို တွေ့မြင်နေရပြီး Myanmar Insider စစ်တမ်းတွေမှာလည်း NLD အစိုးရရဲ့ စီးပွားရေး စီမံခန့်ခွဲမှု စွမ်းရည်တွေအပေါ် စစ်တမ်းဖြေဆိုတဲ့ လုပ်ငန်းရှင်တွေက အကောင်းမြင်မှု နည်းနေတာကို တွေ့ရပါတယ်။ ဒီလိုအခြေအနေတွေကြောင့် မြန်မာ့စီးပွားရေးဟာ လက်ရှိအစိုးရ လက်ထက်မှာ ပြန်ပြီးတိုးတက်လာဖို့ ဆိုတာ လက်ရှိအစိုးရ Capacity အရ မလွယ်ကူဘူးလို့ စီးပွားရေး လုပ်ငန်းရှင် တစ်ဦးဖြစ်တဲ့ ဦးနေလင်းက ပြောပါတယ်။

တိုင်းပြည်တစ်ပြည်ရဲ့ စီးပွားရေး စီမံခန့်ခွဲမှုကို တိုင်းတာပြီဆို င် ကုန်ထုတ်လုပ်မှု၊ အလုပ်လက်မဲ့နှုန်း၊ ဈေးကွက်တည်ငြိမ်မှုစတဲ့ အခြေအနေတွေအပေါ်မှာ ကြည့်ရှုကြတာပါ။ NLD အစိုးရလက်ထက်မှာ ဒီညွှန်းကိန်းသုံးခုက အားလုံးကောင်းတယ်လို့ ဘယ်သူမှ အာမခံချက် မပေးနိုင်ပါဘူး။ လတ်တလောမှာ ဆိုရင်လည်း NLD အစိုးရလက်ထက် ဘယ်နေရာတွေမှာ တိုးတက်ပြောင်းလဲသွားလဲ။ ဘယ်နေရာတွေမှာ လိုအပ်ချက်တွေ ရှိနေသေးလဲ ဆိုတာကို  နိုင်ငံပေါင်း ၁၂၉ နိုင်ငံနဲ့ နှိုင်းယှဉ်ပြီး အသေးစိတ် လေ့လာထားတဲ့ Bertelsman Stiftung’s Transformation Index (BTI) 2018 Myanmar Report မှာဆိုရင် ၂၀၁၅ ဖေဖော်ဝါရီကနေ ၂၀၁၇ ခုနှစ် ဇန်န၀ါရီ ၃၁ ရက်အတွင်း ဒီမိုကရေစီအသွင်ပြောင်းမှု၊ စီးပွားရေးစနစ်ကောင်း ဖော်ဆောင်နိုင်မှု၊ အရည်အသွေး ပြည့်မီသော နိုင်ငံရေး စီမံခန့်ခွဲမှုတွေကို အသေးစိတ် လေ့လာသုံးသပ် ပြထားပြီး ဒီစွမ်းဆောင်ရည်တွေမှာ လက်ရှိတာဝန်ယူနေတဲ့ NLD အစိုးရက အောင်မှတ်မရခဲ့ပါဘူး။ အပြောင်းအလဲမတိုင်ခင် အခြေအနေတွေကိုပါ လေ့လာသုံးသပ်ထားလို့ ဘက်လိုက်မှု ကင်းတယ်လို့ ယူဆရတဲ့  BTI 2018 Myanmar Report  ရဲ့ အခြေပြအဆင့်က နိုင်ငံပေါင်း ၁၂၉ နိုင်ငံမှာ အဆင့် ၁၁၁ ဖြစ်ပြီး ရမှတ်က ၁၀ မှတ်မှာ  ၃ ဒသမ ၃၈ ပဲရပါတယ်။ နိုင်ငံရေး ပြောင်းလဲနိုင်မှုမှာ အဆင့် ၁၀၄ ဖြစ်ပြီး ၃ ဒသမ ၅ မှတ်ပဲ ရပါတယ်။ စီးပွားရေး ပြုပြင်ပြောင်းလဲနိုင်မှုစွမ်းရည်က အနိမ့်ဆုံးဖြစ်ပြီး နိုင်ငံပေါင်း ၁၂၉ နိုင်ငံမှာ အဆင့် ၁၁၄ ဖြစ်ပြီး ရမှတ် ၃ ဒသမ ၂၅ ပဲ ရပါတယ်။ အ စိုးရစွမ်းဆောင်ရည်က နိုင်ငံပေါင်း ၁၂၉ မှာ အဆင့် ၉၂ ရပြီး ရမှတ် ၃ ဒသမ ၉၇ ဖြစ်ပြီး စွမ်းဆောင်ရည် အားလုံးဟာ ညံ့ဖျင်းမှုပြယုဂ်အဖြစ် တစ်ခုမှ အောင်မှတ်မရတာကို တွေ့ရပါတယ်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ၂၀၁၃ ခုနှစ်အတွင်းမှာ ဦးသိန်းစိန် အစိုးရရဲ့ သုံးနှစ်တာ ကာလနဲ့ ပတ်သက်ပြီး ဒီလှိုင်းဂျာနယ်ရဲ့ ဒီစကားကဏ္ဍမှာ “တချို့ကတော့ ဒီအစိုးရ သက်တမ်းသုံးနှစ်သားပဲ ရှိသေးတယ်လို့ ဖော့ပြီးပြောပါတယ်။ ကျွန်မက ပြန်ဖြေလိုက်တယ်။ အမေရိကန် သမ္မတက တစ်ခါလျှင် လေးနှစ်ပဲ။ ပြန်အရွေးခံရပါတယ်။ အဲဒီအချိန်အတွင်းမှာ ပြည်သူတွေရဲ့ မျှော်လင့်ချက်တွေကို လုံလောက်အောင်တော့ ဖြည့်ဆည်းပေးရပါမယ်။ သုံးနှစ်ဆိုတာ နိုင်ငံတစ်နိုင်ငံမှာ သိသာထင်ရှားတဲ့ တိုးတက်မှုဖြစ်ဖို့ အချိန်နည်းလွန်းတယ်လို့ မဆိုနိုင်ပါ။ တိုးတက်မှု ဆိုတာကလည်း ပြည်သူတို့ရဲ့ဘ၀ တိုးတက်မှုနဲ့ ပြရမှာပါ” လို့ ပြောကြားခဲ့ဖူးပါတယ်။ လက်ရှိအချိန်မှာလည်း NLD အစိုးရ တာဝန်ယူလာတာ သုံးနှစ်သက်တမ်း ရှိလာပါပြီ။ ဒါပေမဲ့ ပြည်သူတွေ အကြားမှာ သိသာထင်ရှားတဲ့ တိုးတက်မှုဖြစ်ဖို့ဝေးလို့ စားဝတ်နေရေး ကျပ်တည်းတယ်။ ကုန်ဈေးနှုန်း မြင့်တက်တယ် ဆိုတဲ့ အသံပဲ ထွက်နေပါတယ်။ တစ်ဖက်မှာ အစိုးရကလည်း စီးပွားရေး တက်နေပါတယ်ဆိုပြီး တစ်ဖက်သတ် ကိုယ့်ဂုဏ် ကိုယ်ဖော် လုပ်နေတာ မြင်နေရတာမို့ အစိုးရပဲ တိုးတက်နေတဲ့ မြန်မာ့စီးပွားရေးဟာ ပုံစံမှန်တဲ့ စီးပွားရေး ဖြစ်မနေဘူး ဆိုတာ သတိပေး ပြောကြားချင်ပါတယ်။

 

ကျောက်ဖြူဝိရောဓိ၊ ရေမြုပ်တဲ့ လယ်ဧက ခုနစ်သိန်းကျော်၊ မြန်မာ့စီးပွားရေးကို ဆွဲချနိုင်တဲ့ ရန်ကုန်မြို့သစ်စီမံကိန်း

ကျောက်ဖြူရေနက်ဆိပ်ကမ်း လုပ်ငန်းခွင်တစ်ခုကို ဇွန်လအတွင်းက တွေ့ရစဉ် (ဓာတ်ပုံ-အောင်ရမ္မာ)

စီးပွားရေးကျပ်တည်းမှုကြောင့် စားဝတ်နေရေးခက်ခဲလာတဲ့ ပြည်သူတွေကို စံချိန်တင်ပြီးရင်း တင်နေတဲ့ ဒေါ်လာဈေးက အခုဆိုရင် သမိုင်းတစ်လျှောက် မြန်မာကျပ်ငွေတန်ဖိုး အကျဆုံးအဖြစ် တစ်ဒေါ်လာ ၁၄၆၂ ကျပ်အထိ ဆိုးဆိုးရွားရွားဖြစ်နေခဲ့ပါပြီ။

ပြည်တွင်းဈေးနှုန်း တည်ငြိမ်အောင် လုပ်ကိုင်နိုင်စွမ်းမရှိတဲ့ ဗဟိုဘဏ်ဟာလည်း ထူးခြားတဲ့အပြောင်းအလဲကို မဖန်တီးနိုင်ဘဲ အစိုးရဘက်ကလည်း ဗဟိုဘဏ်ဥပဒေအရ ထိန်းကျောင်းနိုင်စွမ်း ကင်းမဲ့သလိုဖြစ်နေတဲ့ အခြေအနေမျိုးမှာ ကံဆိုးသူ ပြည်သူတွေကပဲ ကျပ်တည်းမှုဒဏ်ကို ခံစားနေရတာ တရားမျှတတဲ့ အခြေအနေမဟုတ်တာ အသေအချာပါ။ ကျပ်ငွေတန်ဖိုး စံချိန်တင်ထိုးကျနေတုန်းမှာ အောက်ခြေပြည်သူလူထုကလည်း တရားဥပဒေရဲ့ ဆိုးကျိုးတွေကို ရင်စည်းခံနေရပြီး စောင်နှစ်ထည် အကြွေးယူမိရာက တရားစွဲဆိုခံရပြီး အိမ်ပေါ်က ဆင်းပေးရမယ့် ဖြစ်စဉ်မျိုး၊ ကိုယ့်ခြံကိုယ့်မြေမှာနေရင်း လမ်းတံတားဥပဒေအရ တရားစွဲဆိုဖမ်းဆီးခံရတဲ့ အသက် ၇၀ ကျော် အဘွားအိုနဲ့ ဒေသခံပြည်သူတွေ၊ စားဝတ်နေရေးကျပ်တည်းမှုကြောင့် သား၊ သမီးခြောက်ဦးကို ထားခဲ့ပြီး ဆွဲကြိုးချသေသွားတဲ့ လင်မယား နှစ်ဦးဖြစ်စဉ်တွေကို တာဝန်ရှိသူတွေ မြင်တတ်မယ်ဆိုရင် ပြည်သူတွေဟာ စားဝတ်နေရေး အကျပ်အတည်းတင်မက တရားဥပဒေမလုံခြုံမှုကိုပါ ရင်စည်းခံနေရတာ အထင်အရှားပါ။

တစ်ဖက်မှာလည်း ကချင်ပြည်နယ်ဘက်က သစ်မှောင်ခိုတွေ ထိန်းချုပ်နိုင်မှုမရှိတာ၊ ဖားကန့်မြေပြိုမှုတွေအတွက် ပြည်သူတွေရဲ့ အသက်ပေါင်းများစွာ စတေးနေရတာတွေနဲ့ မြန်မာ့စက်မှု ကုန်ထုတ်လုပ်ငန်းအခြေအနေတွေ ဆုတ်ယုတ်လာနေပြီး ငွေလဲနှုန်းမြင့်တက်မှုကြောင့် ကုန်ကြမ်းနဲ့သွင်းကုန် ကုန်ကျစရိတ် ၀န်ထုပ်ဝန်ပိုးတွေ မြင့်တက်လာပြီး ငွေကြေး ဖောင်းပွမှုနှုန်း မြင့်တက်လာတဲ့ အခြေအနေဆိုးတွေကို ဘာဆက်ဖြစ်လာကြဦးမယ်မသိတဲ့ နိုင်ငံတကာ ပုဂ္ဂိုလ်နှစ်ဦးပါဝင်တဲ့ ရခိုင်ပြည်နယ်ဆိုင်ရာ လွတ်လပ်သော စုံစမ်း စစ်ဆေးရေးကော်မရှင်ကို အစိုးရဘက်က ဖွဲ့စည်းမှုကလည်း စောင့်ကြည့်ချင်စရာဖြစ်နေပြီး ပြည်ခိုင်ဖြိုးပါတီ ထုတ်ပြန်ချက်ဖြစ်တဲ့ အစိုးရက ရဲတင်းလွန်းတယ်၊ ဖြစ်လာတဲ့ ပြဿနာတွေကို တာဝန်ခံရမယ်ဆိုပြီး ထုတ်ပြန်ထားတာကြောင့် ဘာတွေဆက်ဖြစ်မလဲ စောင့်ကြည့်ချင်စရာပါ။

ဒီလိုမျိုး ဖြစ်စဉ်တွေ ပြည့်နေပေမယ့်လည်း ဒီတစ်ပတ်ရဲ့ စီးပွားရေး သုံးသပ်ချက်မှာဆိုရင် မပြီးဆုံးနိုင်သေးတဲ့ ကျောက်ဖြူဝိရောဓိ၊ ရေကြီးမှုဒဏ်ကြောင့် နစ်မြုပ်ခဲ့တဲ့ လယ်မြေဧက ခုနစ်သိန်းကျော်နဲ့ ဆက်လုပ်မှာလား၊ မလုပ်ဘူးလား မသေမချာ ဖြစ်နေတဲ့ ရန်ကုန်မြို့သစ်အကြောင်းတွေကို ဒီတစ်ပတ်ရဲ့ စီးပွားရေးသုံးသပ်ချက်မှာ တင်ပြချင်ပါတယ်။

■ ကျောက်ဖြူဝိရောဓိ

ဒေါ်လာ ၇ ဒသမ ၃ ဘီလျံကျော် ကုန်ကျမယ်ဆိုတဲ့ ကျောက်ဖြူရေနက်ဆိပ်ကမ်းစီမံကိန်းကြီးကို ဒေါ် လာ ၁ ဒသမ ၃ ဘီလျံနဲ့ စလုပ်မယ်ဆိုပြီး မစားရ၀ခမန်း ကြွေးကြော်သံတစ်ခုကို တာဝန်ရှိသူတွေကပြောကြားတယ်ဆိုပြီး ရိုက်တာသတင်းဌာနက ဖော်ပြချက်ကို အတိအကျမဟုတ်ဘဲ လူမှုကွန်ရက်မှာ ပျံ့နှံ့လာတာကို တွေ့ရပါတယ်။

တကယ်တမ်းမှာတော့ စီမံကိန်းကုန်ကျစရိတ်ကို အလုံးစုံလျှော့ချနိုင်တာမျိုး မဟုတ်ဘဲနဲ့ ၇ ဒသမ ၃ ဘီလျံကုန်ကျမယ့် စီမံကိန်းကို အဆင့်လေးဆင့်ခွဲမယ်။ ကနဦးကုန်ကျစရိတ်က ဒေါ်လာ ၁ ဒသမ ၃ ဘီလျံနဲ့ လုပ်ဆောင်ပြီး စီမံကိန်းအောင်မြင်မှုအလိုက် အဆင့်ဆင့် ဆောင်ရွက်သွားမယ့် ပုံစံမျိုးဆိုတာကို ရိုက်တာသတင်းဌာနမှာ ရေးသားထားတာ တွေ့ရပါတယ်။

ကြွေးမြီထောင်ချောက်ဆိုတာ မဖြစ်နိုင်ဘူးဆိုပြီး ရှေ့က တာဝန်ရှိသူတချို့ ငြင်းဆိုခဲ့တာတွေနဲ့ ကွဲလွဲပြီး တရုတ်ကြွေးမြီထောင်ချောက်မှာ မြန်မာပြည် အထိမနာဖို့ ဒီလိုမျိုးလုပ်ခဲ့တာဆိုတာကို စီမံ/ဘဏ္ဍာ ဒုတိယ၀န်ကြီး ဦးဆက်အောင်က ပြောခဲ့တာကိုလည်း တွေ့ရပါတယ်။

ပွင့်လင်းမြင်သာတဲ့ အစိုးရလို့ သာ ကြွေးကြော်နေပေမယ့် တကယ်တမ်းတော့ သတင်းအချက်အလက်တွေကို ပြည်သူတွေသိအောင် တိတိပပ ပြောပြတာမျိုး လက်ရှိအစိုးရလက်ထက်မှာ အလွန်အားနည်းပါတယ်။ ဒီလိုမျိုး အားနည်းတာကြောင့်လည်း ဒေါ်လာငါးဘီလျံကျော် ကုန်ကျမယ့် LNG စီမံကိန်းမှာ Conflict Interest လက်သိပ်ထိုးပေးထားတယ်ဆိုတဲ့ရှိတဲ့ ဝေဖန်သံမျိုး ထွက်လာတာပါ။

ဒီလိုမျိုး ပွင့်လင်းမြင်သာမှုအားနည်းနေတဲ့ အစိုးရလုပ်ရပ်တွေကြောင့်လည်း အရင်အစိုးရအဖွဲ့မှာ သြဇာကြီးတဲ့သူဖြစ်ခဲ့တဲ့ ဦးစိုးသိန်းက NLD အစိုးရကို ပွင့်လင်းအစိုးရအဖွဲ့ဝင် Open Government Partnership အဖွဲ့ဝင်ဖို့ ပြန်လည်အကောင်အထည်ဖော်ဖို့ ပြောခဲ့တာပါ။ OGP စံနှုန်းအရဆိုရင် NLD အစိုးရလုပ်ဆောင်မှုတွေမှာ လစ်ဟာအားနည်းချက်တွေရှိနေပြီး အဆိုးဆုံးကတော့ ပြည်သူတွေရဲ့ လွတ်လပ်စွာသတင်းသိရှိ ပိုင်ခွင့်ဆုံးရှုံးနေမှုပါ။ ပိုပြီးဆိုးတာက လက်ရှိသမ္မတဖြစ်နေတဲ့ ဦးဝင်းမြင့်ဟာ အတိုက်အခံလွှတ်တော်ကိုယ်စားလှယ်ဘ၀မှာ အစိုးရအဖွဲ့ဝင်တွေရဲ့ ပိုင်ဆိုင်မှုချပြဖို့ အဆိုတင်ခဲ့ပေမယ့် လက်ရှိအချိန်မှာတော့ တိတ်ဆိတ်နေမှုပါ။ ဒီလိုအခြေအနေမျိုးတွေဟာ လက်ညှိုးထိုးပြစရာဖြစ်တတ်တယ်ဆိုတာကို သတိမူမိစေချင်ပါတယ်။

■ ဘယ်သူကူမ,မလဲ ရေမြုပ်လယ်ဧက ခုနစ်သိန်းကျော်

တခြားသောနိုင်ငံတွေမှာ လူ ၂၀၀၀၀ လောက် သဘာဝဘေးကြုံရင်ကို အရေးပေါ် အခြေအနေကြေညာပေမယ့် စူပါလူစွမ်းကောင်းတွေရှိနေတဲ့ မြန်မာနိုင်ငံကတော့ လူဦးရေ သိန်းနဲ့ချီ ရေဘေးသင့်နေတာတောင် အရေးပေါ်အခြေအနေ မကြေညာပါဘူး။ နိုင်ငံတကာရဲ့ ကူပံ့မှု ရယူမှုမရှိပါဘူး။

ဒီလိုနိုင်ငံတကာရဲ့ အကူအညီ ရယူမှုမရှိချိန်မှာ အစိုးရမှာလည်း မြုပ်သွားတဲ့လယ်တွေနဲ့ ပျက်စီးသွားတဲ့ လယ်ဧကတွေအတွက် ထူမစရာ ငွေကြေးမရှိသလို ပြည်သူကို ပြည်သူက ပြန်ကူညီကြပါလို့ ကြွေးကြော် နေကြပေမယ့်လည်း စားဝတ်နေရေး ကျပ်တည်းနေတဲ့ ပြည်သူတွေရဲ့ အသံက “ကူညီချင်ပေမယ့် ကိုယ်လည်း အဆင်မပြေဘူး” ဆိုတဲ့ စီးပွားရေး ကျဆင်းခြင်း အကျပ်အတည်းအောက်က မချိတင်ကဲ ညည်းတွားသံဖြစ်နေ ပြန်ပါတယ်။

မိုးဦးပဲရှိသေးတယ်လို့ ပြောလို့ ရတဲ့ မိုးရာသီအစမှာ ရေမြုပ်ခဲ့တာက ဧကခုနစ်သိန်းကျော်ဖြစ်နေပြီး နှမ်းဧကနှစ်သိန်းကျော်နဲ့ မိုးစပါး ဧကတစ်သိန်းကျော် ထိခိုက်ခဲ့တာပါ။ တစ်ဖက်မှာလည်း စာရင်းထုတ် ပြန်နိုင်မှုမရှိသေးတဲ့ ပုစွန်ကန်၊ ငါး ကန်တွေရဲ့ ထိခိုက်ပျက်စီးမှုကလည်း ရှိနေပါသေးတယ်။

၂၀၁၅၊ ၂၀၁၆၊ ၂၀၁၇ ကာလ သုံးခုမှာ ငါးကန်၊ ပုစွန်ကန်တွေ နစ်မြုပ်မှုက ကျပ်ဘီလျံရာနဲ့ချီ ဆုံးရှုံးထားပါသေးတယ်။ ဒီလိုဆုံးရှုံးမှုတွေက နှစ်စဉ်ဖြစ်နေပြီး ဒီနှစ်မှာလည်း အောက်တိုဘာလကုန်လောက်အထိ ရင်ဆိုင်ရဦးမယ့် ရေကြီးနစ်မြုပ်မှု သဘာဝဘေးဒဏ်က စောင့်ကြိုနေဦးမှာပါ။ အစိုးရကလည်း မထူနိုင်၊ ပြည်သူကလည်း မ,မနိုင်တော့ရင် ကြုံလာဦးမယ့် ရေဘေးတွေအတွက် နိုင်ငံတကာကို ချိတ်ဆက်အကူအညီ တောင်းထားဖို့ လိုအပ်ပါလိမ့်မယ်။ ၂၀၁၅ ခုနှစ်မှာ ပြည်နယ်နဲ့ တိုင်း အကုန်လုံးနီးပါးမှာ လယ်ယာတွေ၊ ငါး၊ ပုစွန်ကန်တွေ ရေမြုပ်ပျက်စီးခဲ့တဲ့ဂယက်ဟာ မြန်မာ့စီးပွားရေးကျဆင်းမှု နာလန်ပြန်မထူနိုင်တဲ့ အ ချက်တစ်ချက်ဆိုတာ သတိပြုမိမယ်ဆို ရေဘေးဟာ ကျဆင်းနေတဲ့ NLD အစိုးရလက်ထက် စီးပွားရေးအတွက် စိုးရိမ်စရာတစ်ခုပါ။

■ ရန်ကုန်မြို့သစ်စီမံကိန်း

ဦးသိန်းစိန်အစိုးရ အစပြုခဲ့ပြီး ပြည်သူတွေကန့်ကွက်ခဲ့တာတောင် NLD အစိုးရက ဆက်ပြီးလုပ်နေခဲ့တဲ့ ရန်ကုန်မြို့သစ်စီမံကိန်းဟာ မဖြစ်မနေ တည်ဆောက်မယ်ဆိုရင် တိုင်းပြည်စီးပွားရေးကိုဆွဲချသွားပြီး ဘယ်သူ့အတွက်မှ အကျိုးမပြုတဲ့ တစ္ဆေမြို့တော်စီမံကိန်း ဖြစ်သွားမယ်ဆိုတဲ့ သုံးသပ်ကန့်ကွက်သံ တညံညံနဲ့ပါ။

လှိုင်သာယာလို မြို့သစ်ဟာ တံတားငါးစင်းလောက်ဖြစ်လာချိန်အထိ အလုပ်အကိုင်ဖန်တီးမပေးနိုင်တာကြောင့် လုပ်သားပေါင်းသိန်းနဲ့ချီဟာ ရန်ကုန်မြို့တွင်းဆီ ပြန်ဝင်လာနေတာကြောင့် ယာဉ်ကြောပိတ် ဆို့မှုအကျပ်အတည်းကို မကျော်လွှားနိုင်ချိန်မှာ အလုပ်အကိုင်အခွင့်အလမ်းကို နှစ်သန်းအထိ ပေးနိုင်အောင် လုပ်မယ်ဆိုတဲ့ မစားရ၀ခမန်း ကြွေးကြော်သံကြားမှာ ကျူးကျော်တွေအတွက် နေရာသစ်ရပြီဆိုပြီး အသံထွက်လာတဲ့အထိပါ။

ဒီနေ့တည်၊ ချက်ချင်းမြို့သစ်ကြီး ဖြစ်မလာနိုင်ဘဲ မြေနေရာအနေအထားအရ မဖြစ်နိုင်လို့ အစိုးရအဆက်ဆက်ချန်ခဲ့တဲ့နေရာကို ဘာတစ်ခုမှ စူးစမ်းလေ့လာမှုမရှိဘဲ တရုတ်အစိုးရရဲ့ CCCC လက်ထဲ တင်ဒါ မခေါ်ဘဲ ထိုးထည့်လိုက်တဲ့ ဖြစ်စဉ်မျိုးက တော်တော့်ကို ဆိုးဆိုးရွားရွား လုပ်ရပ်ပါ။

YBS  ကျောင်းကားလို စူးစမ်း လေ့လာမှုမရှိဘဲ ထပြီးဝယ်၊ ချောင်ထဲမှာ ပစ်ထားတဲ့ ကျပ်ဘီလျံပေါင်း များစွာနစ်နာနေတဲ့ စီမံကိန်းလိုမျိုး ရန်ကုန်မြို့သစ်ဟာ မအောင်မြင်တာနဲ့ ပစ်ထားလို့မရဘဲ တိုင်းတစ်ပါး လက်ထဲမှာ ကိုယ့်မြေကိုယ့်ရေကို နှစ်ပေါင်းများစွာ အကြွေးဆပ်သလို ပေးထားရမှာပါ။ တိုင်းပြည်ရဲ့အချုပ် အခြာအာဏာ၊ ကြွေးမြီ၊ မြန်မာ့စီးပွားရေးကို ဆွဲချနိုင်တဲ့အခြေအနေ၊ မဖြစ်နိုင်တဲ့စီမံကိန်းနေရာ၊ ရှိပြီး သားမြို့သစ်တွေတောင် လူ့အဆင့်အတန်းမမီလို့ နေထိုင်သူကျဲပါးနေတဲ့ အခြေအနေမျိုးမှာ ကန့်ကွက်သံတွေ ရှိနေလျက်နဲ့ ပြည်ထောင်စုအစိုးရအဖွဲ့ကိုလည်း မတင်ပြ၊ ပြည်ထောင်စုလွှတ်တော်ဆီလည်း အဆုံးအဖြတ်ခံယူမှုမရှိ၊ ယုတ်စွအဆုံး ရန်ကုန်တိုင်းဒေသကြီးလွှတ်တော်မှာတောင် လွှတ်တော်ကိုယ်စားလှယ်တွေ သိရှိနားလည်အောင် ရှင်းပြမှုမရှိဘဲ ထင်ရာစိုင်းနေတဲ့ ရန်ကုန်မြို့သစ်စီမံကိန်းဟာ ရပ်ဆိုင်းတော့မှာ လားဆိုတဲ့ တိုင်းပြည်အတွက် ၀မ်းသာစရာအခြေအနေတစ်ခုကို နိုင်ငံတော်သမ္မတ ဦးဝင်းမြင့်က ရန်ကုန်တိုင်းအစိုးရအဖွဲ့နဲ့ တွေ့ဆုံစဉ်မှာ ပြောကြားခဲ့တာကြောင့်ပါ။

“တည်ဆောက်ပြီးသား မြို့သစ်တွေမှာတောင် လူများ နေထိုင်မှုမရှိသေးဘဲနဲ့ မြို့သစ်ကို ဖော်မလား။ ဟိုဘက်မှာလည်း မြို့သစ်က ဖော်လိုက်တဲ့အခါ ဟိုမှာလည်း လူမရှိ၊ အရင်ဖော်တဲ့နေရာမှာလည်း လူမရှိ ခြောက်တီးခြောက်ကပ်ဖြစ်နေမယ်။ ဒါတွေကိုတော့ သတိထားပြီးတော့ စီမံဆောင်ရွက်ပါဆိုတဲ့ဟာကို လမ်းညွှန်သွားတယ်။ ၀န်ကြီးချုပ်ကြီး တင်ပြတဲ့အခါမှာ မြို့သစ်စီမံကိန်းကိုပဲ သူ ဦးတည်ပြောပါတယ်။ အခုရှိတဲ့ မြို့ဟောင်းတွေမှာရော လူတွေနေပါလားလို့ မေးသွားတယ်။ လူမရှိသူ မရှိနဲ့ မြို့သစ်တွေတည်ပြီး လူမရှိသူ မရှိနဲ့ ခြောက်တီးခြောက်ကပ်ဖြစ်နေမှာကို စိုးရိမ်တယ်။ မင်းတို့ အဲဒါတွေ ကြည့်ပြီးတော့ စီမံပါဦးလို့ ပြောသွား တယ်” လို့ ပုဂ္ဂလိကမီဒီယာတွေ တက်ခွင့်မရခဲ့တဲ့ သမ္မတနဲ့  ရန်ကုန်တိုင်း အစိုးရတွေ့ဆုံပွဲကို တက်ရောက်ခဲ့တဲ့ လွှတ်တော်ကိုယ်စားလှယ် ဦးကျော်ဇေယျက ပြောပါတယ်။

ဘယ်လိုပဲဖြစ်ဖြစ် တိုင်းပြည်မှာ မတည်ဆောက်သင့်သေးတဲ့ ရန်ကုန်မြို့သစ်စီမံကိန်းဟာ သမ္မတကြီး လမ်းညွှန်ခဲ့သလိုမျိုး ရပ်ကိုရပ်ဆိုင်းထားသင့်တဲ့ စီမံကိန်းလို့ ထင်မြင်ကြောင်း သုံးသပ်ဖော်ပြရင်း ဒီတစ်ပတ်ရဲ့ စီးပွားရေးသုံးသပ်ချက်ကို ရပ်နားလိုက်ပါတယ်။

ငွေကြေးဖောင်းပွမှုကို ထိန်းချုပ်ခြင်းနှင့် စီးပွားရေး အတက်အကျ မတည်ငြိမ်မှုများအား တုံ့ပြန်နိုင်သည့် မူဝါဒများ ချမှတ်ခြင်း စသည်တို့ကို အလေးထား ဆောင်ရွက်ရန် မြန်မာ့စဉ်ဆက်မပြတ် ဖွံ့ဖြိုးမှုစီမံကိန်း ၂၀၁၈-၂၀၃၀ တွင် ဖော်ပြ

ရန်ကုန်မြို့ မြို့နယ်တစ်ခုအတွင်း ဈေးသည်တို့၏ မြင်ကွင်း (ဓာတ်ပုံ-ကြည်နိုင်)

မြန်မာနိုင်ငံ၏ စီးပွားရေး တိုးတက်မှုတွင် မညီမျှမှုများ အခါအားလျော်စွာ ဖြစ်ပေါ်လေ့ရှိ၍ သတိထား စောင့်ကြည့်ခြင်း၊ ငွေကြေးဖောင်းပွမှုကို ထိန်းချုပ်ခြင်းနှင့် စီးပွားရေး အတက်အကျ မတည်ငြိမ်မှုများအား တုံ့ပြန်နိုင်သည့် မူဝါဒများ ချမှတ်ခြင်း စသည်တို့ကို အလေးထား ဆောင်ရွက်ရန် မြန်မာ့စဉ်ဆက်မပြတ် ဖွံ့ဖြိုးမှုစီမံကိန်း ၂၀၁၈-၂၀၃၀ တွင် ဖော်ပြထားသည်။

မြန်မာနိုင်ငံ၏ ငွေကြေးဖောင်းပွမှုနှုန်းသည် ၂၀၁၈ ခုနှစ်တွင် ခြောက်ရာခိုင်နှုန်း ကျော်အထိ ရှိနေမည်ဖြစ်ပြီး လာမည့်သုံးနှစ်အထိ ယင်းရာခိုင်နှုန်း၏ အထက်တွင်သာ ရှိနေမည်ဖြစ်ကြောင်း “Cost of Doing Business in Myanmar Survey Report 2018 တွင် ဖော်ပြထားသည်။

မြန်မာနိုင်ငံ၏ ငွေကြေးဖောင်းပွမှုနှုန်းသည် ၂၀၁၈ ခုနှစ်တွင် ၆ ဒသမ ၁ ရာခိုင်နှုန်းအထိ ရှိနေမည် ဖြစ်ပြီး ၂၀၁၉ ခုနှစ်တွင် ၆ ဒသမ ၅ ရာခိုင်နှုန်းအထိ ရှိနေမည်ဖြစ်ကြောင်း ဖော်ပြထားသည်။

ငွေလဲလှယ်မှုနှုန်းကို အကောင်းဆုံး သတ်မှတ်ခြင်းနှင့် စီးပွားရေး တည်ငြိမ်မှုကို ကျယ်ပြန့်စွာ ပြန်လည် ဆောင်ကြဉ်းခြင်း တို့အတွက် မဟာဗျူဟာတစ်ခု ရှိလာစေရန် ရည်ရွယ်၍ လုပ်ငန်းစဉ်များ သတ်မှတ် ဆောင်ရွက်သွားမည် ဖြစ်ကြောင်း အဆိုပါ MSDP တွင် ဖော်ပြထားသည်။

မျက်မှောက်ခေတ် မြန်မာနိုင်ငံသည် ငွေကြေးဖောင်းပွမှုနှုန်း အနိမ့်ဆုံးနှင့် ငွေကြေးနှင့် ဘဏ္ဍာရေး တည်ငြိမ်မှုအရှိဆုံး အချိန်ဖြစ်ပြီး ပြည်ပ ကြွေးမြီမှာ ဒေသတွင်း အနည်းဆုံးနိုင်ငံ ဖြစ်နေကြောင်းလည်း ဖော်ပြထားသည်။

နိုင်ငံခြားငွေအရင်းအမြစ်များ အကန့်အသတ်ရှိခြင်းနှင့် ငွေရေးကြေးရေးမူဝါဒ အကောင်အထည်ဖော်မှု လမ်းကြောင်းများ နည်းပါးခြင်းတို့ကြောင့် နိုင်ငံခြားငွေလဲလှယ်မှုနှုန်းထား မတည်ငြိမ်မှုနှင့် အနုတ်ပြသည့် နိုင်ငံခြား ငွေပေးငွေယူ ရှင်းတမ်းများ ဆက်လက်တည်ရှိခဲ့ကြောင်း မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှုစီမံကိန်း (Myanmar Sustainable Development Plan – MSDP) တွင် ဖော်ပြထားသည်။

နိုင်ငံခြားငွေလဲနှုန်း အတက်အကျ မြင့်မားခြင်းသည် ပို့ကုန်တိုးတက်မှု၊ နိုင်ငံခြားရင်းနှီးမြှုပ်နှံမှု စီးဝင်မှုနှင့် စီးပွားရေး တိုးတက်မှု တစ်ခုလုံးကို ထိခိုက်စေကြောင်း၊ ထို့နည်းတူစွာပင် စီးပွားရေး၏ ဖွံ့ဖြိုးမှုပြဿနာနှင့် စပ်လျဉ်း၍ ဖော်ထုတ်ရာ၌ ငွေပေးငွေယူ ရှင်းတမ်းများတွင် လိုငွေဆက်တိုက် ဖြစ်ပေါ်နေခြင်းမှာ မေခရိုစီးပွားရေးကို ထိခိုက်စေသည့် ရလဒ်များ ရရှိလာစေကြောင်း သိရသည်။

မြန်မာနိုင်ငံ၏ တံခါးဖွင့်မူဝါဒကြောင့် ရင်းနှီးမြှုပ်နှံမှုနှင့် ကုန်သွယ်မှုများ အရှိန်အဟုန်ဖြင့် တိုးတက်လျက်ရှိကြောင်း၊ ကုန်သွယ်ရေးမူဝါဒများကို လွတ်လပ်သည့် အခြေခံမူဝါဒများ၊ ဒေသတွင်းနှင့် နိုင်ငံတကာ ကတိက၀တ်များနှင့် ကိုက်ညီမှုရှိစေရန် ပြင်ဆင်ခဲ့ပြီး ဆက်လက်၍လည်း ပြင်ဆင်မွမ်းမံ သွားမည်ဖြစ်သည်။

အရှိန်အဟုန်ဖြင့် ဖွံ့ဖြိုးတိုးတက်လာသည်နှင့်အမျှ နိုင်ငံရေးနှင့် စီးပွားရေး တည်ငြိမ်မှုရှိအောင် ဆောင်ရွက်ရန်မှာလည်း အရေးအကြီးဆုံး အချက်ဖြစ်ကြောင်း၊ နိုင်ငံရေး တည်ငြိမ်မှု ရှိစေရန်အတွက် အမျိုးသား ပြန်လည်စည်းလုံးညီညွတ်ရေးနှင့် တည်ငြိမ်အေးချမ်းရေးတို့ကို ဆောင်ရွက်ရမည်ဖြစ်ပြီး စီးပွားရေး တိုးတက်စေရန်အတွက် မေခရိုစီးပွားရေး စီမံခန့်ခွဲမှုစနစ် အားကောင်းစေရန်နှင့်  ကောင်းမွန်သော အုပ်ချုပ်မှု ဖြစ်စေရန် ဆောင်ရွက်ရမည်ဖြစ်ကြောင်း မြန်မာ့စဉ်ဆက်မပြတ် ဖွံ့ဖြိုးမှုစီမံကိန်း ၂၀၁၈-၂၀၃၀ တွင် ဖော်ပြထားသည်။

နိုင်ငံစီးပွားရေး ကျပ်တည်းမှုနှင့် ပတ်သက်၍ စီးပွားရေး လုပ်ငန်းရှင်များ အနေဖြင့် လက်ရှိအခြေအနေကို ညည်းမနေဘဲ အဆင်ပြေအောင်နေနိုင်ရန် လိုအပ်ကြောင်း ဒေါက်တာအောင်ထွန်းသက် ပြောကြား

နိုင်ငံစီးပွားရေး ကျပ်တည်းမှုနှင့် ပတ်သက်၍ စီးပွားရေး လုပ်ငန်းရှင်များ အနေဖြင့်   လက်ရှိအခြေအနေကို ညည်းမနေဘဲ အဆင်ပြေအောင်နေနိုင်ရန် လိုအပ်ကြောင်း ပါမောက္ခ ဒေါက်တာအောင်ထွန်းသက်က ဆိုသည်။

အဆိုပါကိစ္စအား အမျိုးသားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် ပြုလုပ်သည့် PPP အစီအစဉ်မှ တစ်ဆင့် ငြိမ်းချမ်းရေးကို မြှင့်တင်သော စီးပွားရေး အလုပ်ရုံ ဆွေးနွေးပွဲ၌ မီဒီယာများက လက်ရှိနိုင်ငံ၏ စီးပွားရေး ကျပ်တည်းမှုအပေါ် သုံးသပ်ပေးရန် မေးမြန်းမှုနှင့် ပတ်သက်၍ ဒေါက်တာအောင်ထွန်းသက်က ပြောကြားသည်။

“စီးပွားရေး လုပ်ငန်းရှင်ဆိုတာ ရှိတဲ့အခြေအနေကို အဆင်ပြေအောင် နေတတ်ဖို့လိုတယ်။ ညည်းနေလို့ပြီးမှာ မဟုတ်ဘူး။ ပြောနေတာတွေရှိတယ်။ ကျပ်တည်းတာတို့ ကျပ်တည်းတာ သူများကျပ်တည်းတာ အရေးမကြီး ကိုယ်မကျပ်တည်းဖို့လိုတယ်။ ဆရာတို့ ကုမ္ပဏီတစ်ခုချင်းပဲ အားပေးချင်တယ်။ လုပ်ငန်းတစ်ခုပဲ အားပေးချင်တယ်။ မက်ကရိုအနေနဲ့ ပြောရင်တော့ ဟုတ်တာပေါ့။ တစ်နိုင်ငံလုံး စီးပွားရေးကျတာ။ သူများစီးပွားရေးကျတဲ့ အခါမှာ ကိုယ့်ကုမ္ပဏီ စီးပွားရေးမကျအောင် လုပ်လို့ရတာပဲ။ ဆရာကတော့ ယုံကြည်တာ တစ်ယောက်ချင်း၊ တစ်ဦးချင်း၊ တစ်ဖွဲ့ချင်းလုပ်မှ ရမယ်လို့ ယုံကြည်တယ်။ တစ်နိုင်ငံလုံးပြင်ဖို့ ဆိုတာကတော့ တစ်ပိုင်းပေါ့။ ပြင်နိုင်တာက တစ်ယောက်ချင်း၊ တစ်ဦးချင်း၊ တစ်ဖွဲ့ချင်း၊ တစ်ကုမ္ပဏီ ပြင်ဖို့လိုပါတယ်” ဟု ဒေါက်တာ အောင်ထွန်းသက်က ပြောကြားသည်။

လက်ရှိနိုင်ငံ၏ စီးပွားရေး အခြေအနေ မကောင်းသည်ကို နိုင်ငံတော်အစိုးရ သတိပြုမိနိုင်ရန် ဟိုတယ်သုံးလုံး ပိတ်ပစ်ခြင်းဖြစ်ပြီး တိုင်းပြည်စီးပွားရေး ကျပ်တည်းလာသဖြင့် လုပ်ငန်းရှင်များ လုပ်ကိုင်၍ မကောင်းကြောင်းကို ဟိုတယ်လုပ်ငန်းရှင် ဦးဌေးအောင်က ၎င်း၏ ဟိုတယ်သုံးလုံး အပြီးပိတ်သိမ်းမည် ဖြစ်ကြောင်းနှင့် ပတ်သက်၍ ဇူလိုင် ၁၇ ရက်က သတင်းစာရှင်းလင်းပွဲတွင် ပြောကြားသည်။

ထို့ပြင် မြန်မာ့လေကြောင်းလိုင်း ကဏ္ဍတွင် စီးပွားရေးစိန်ခေါ်မှုများစွာ ရှိနေပြီး အဖန်ဖန် ဆင်ခြင်သုံးသပ်မှုများ ပြုလုပ်ပြီးနောက် FMI လေကြောင်းလိုင်း၏ အကျိုးစီးပွားကို ရှေးရှု၍ လုပ်ငန်းလည်ပတ်မှုများကို ခေတ္တရပ်ဆိုင်းရန် ဆုံးဖြတ်ခဲ့ခြင်း ဖြစ်ကြောင်း ဇူလိုင် ၂၀ က FMI ၏ ထုတ်ပြန်ချက်တွင် ပါရှိသည်။

 

ဆက်လက်ရပ်တည်နိုင်စွမ်း မရှိသဖြင့် လှိုင်သာယာမြို့နယ် အတွင်းရှိ အထည်ချုပ်စက်ရုံ အပါအ၀င် စက်ရုံ ၁၄ ရုံ သုံးလအတွင်း ပိတ်သိမ်းခဲ့ဟု သတင်းများထွက်ပေါ်

ရန်ကုန်မြို့ လှိုင်သာယာမြို့နယ် အတွင်းရှိ စက်မှုဇုန်ကို ဝေဟင်မှ တွေ့ရစဉ် (ဓာတ်ပုံ-ဝေလင်းအောင်)

ဆက်လက်ရပ်တည်နိုင်စွမ်း မရှိသဖြင့် လှိုင်သာယာမြို့နယ် အတွင်းရှိ အထည်ချုပ်စက်ရုံ အပါအ၀င် စက်ရုံ ၁၄ ရုံ သုံးလအတွင်း ပိတ်သိမ်းခဲ့ရသည်ဟု သတင်းများ ထွက်ပေါ်နေခဲ့ကြောင်း သိရသည်။

“ကျွန်မတို့ဆီကို စက်မှုဇုန်ဥက္ကဋ္ဌက ပို့ ထားတာပါ။ စက်ရုံပိတ်သိမ်းတာ ဘာကြောင့် ပိတ်သိမ်းတာလဲဆိုတာ ရှိပါတယ်။ တချို့ဟာတွေက ခေတ်နဲ့မလျော်ညီတော့လို့ ပိတ်သိမ်းရတာမျိုးတွေလည်း ရှိပါတယ်။ ခေတ်နဲ့မလျော်ညီတော့ဘူး။ ပြိုင်ဘက်တွေ ရောက်လာတယ်။ ရပ်တည်နိုင်စွမ်းမရှိလို့ ပိတ်သိမ်းတာတွေ ရှိပါတယ်။ ဘာကြောင့် ပိတ်သိမ်းသလဲ ဆိုတာကို သူတို့က အကြောင်းပြချက် ရှိပါလိမ့်မယ်။ ဒီလိုမျိုး စက်ရုံတွေ ပိတ်သိမ်းတာ ဖြစ်တဲ့အတွက် ရပ်တည်နိုင်စွမ်း မရှိဘူးဆိုတာ အကြောင်းအမျိုးမျိုး ရှိပါတယ်။ အလုပ်သမားတွေက လုပ်ခလစာနည်းလို့ အခြားလုပ်ငန်းခွင်ကို ပြောင်းသွားတာလား။ သူ့အနေနဲ့ ခေတ်မမီတော့တဲ့ အတွက် ပြိုင်ဘက်တွေကို မယှဉ်ပြိုင်နိုင်တော့လို့ လုပ်ငန်းတွေ ပိတ်သိမ်းတာလား။ သူတို့ရဲ့ ထုတ်လုပ်မှုစွမ်းအားကျလို့ လုပ်ငန်းပိတ်သိမ်းတာလားဆိုတဲ့ အကြောင်းအမျိုးမျိုး ရှိပါတယ်။ ဘယ်လိုနည်းနဲ့ ဖြစ်ဖြစ် စက်ရုံပိတ်သိမ်းတဲ့အတွက် ကျွန်မ စိတ်ပူမိတာက အလုပ်သမား ၃၇၀၀ ကျော်လောက် အလုပ်အကိုင် အခွင့်အလမ်းက လျော့နည်းသွားတယ် ဆိုတာက စိုးရိမ်စရာ ဖြစ်တယ်” ဟု ရန်ကုန်တိုင်းဒေသကြီး လွှတ်တော် ဘဏ္ဍာရေး၊ စီမံကိန်းနှင့် စီးပွားရေး ကော်မတီဥက္ကဋ္ဌ ဒေါ်စန္ဒာမင်းက ပြောကြားသည်။

ထို့ပြင် အစိုးရအနေဖြင့် သတိပြုမိပါက ဆက်လက် ဆောင်ရွက်ရမည်များကို ဆုံးဖြတ်လိမ့်မည်ဖြစ်ကြောင်း၊ ယခုကိစ္စနှင့် ပတ်သက်၍ ဘဏ္ဍာရေး၊ စီမံကိန်းနှင့် စီးပွားရေး ကော်မတီက စောင့်ကြည့်နေကြောင်း၊ နောက်ထပ် တင်ပြလာမည့် ကိစ္စများကိုလည်း စောင့်ကြည့်နေကြောင်း၊ ယခုကိစ္စသည် လွှတ်တော်အတွင်း ဆွေးနွေးရမည့် ကိစ္စတစ်ခုအဖြစ် မြင်ကြောင်း ဒေါ်စန္ဒာမင်းက ပြောကြားသည်။

လက်ရှိ ပိတ်သိမ်းသွားသည့် စက်ရုံများသည် ၂၀၁၈ ခုနှစ် မေ ၇ ရက်မှ ဇူလိုင် ၁၀ ရက်အထိ စက်ရုံ ၁၄ ရုံရှိသည်ဟု သိရပြီး ၎င်းစက်ရုံများသည် မိကျောင်းပီနံအိတ်စက်ရုံ၊ ပုလဲအထည်ချုပ်စက်ရုံ၊ ၀ါးဟားဟား ရေခဲမုန့် စက်ရုံ၊ မြတ်ပန်းမွှေး သနပ်ခါးစက်ရုံ၊ ရေခဲတောင် အအေးခန်းစက်ရုံ၊ Cham Zon အထည်ချုပ် စက်ရုံ၊ Success Time ဖိနပ်စက်ရုံ၊ Beauty Place လူသုံးကုန်စက်ရုံ၊ Kuwahara အထည်စစ်စက်ရုံ၊ TMP ငါးဖမ်းပိုက် စက်ရုံ၊ မြို့မဆင်ဖြူတော် ပဲသန့်စင်စက်ရုံ၊ United Knitting Myanmar Co.,Ltd. ခြေအိတ်စက်ရုံ၊ Popular အထည်ချုပ်စက်ရုံနှင့် North Shore Group အထည်ချုပ်စက်ရုံ တို့ဖြစ်ကြောင်း ထွက်ပေါ်နေသော သတင်းများအရ သိရသည်။

အဆိုပါ မိကျောင်းပီနံအိတ် စက်ရုံတွင် အလုပ်သမား ၉၂ ဦး၊ ပုလဲအထည်ချုပ်စက်ရုံတွင် အလုပ်သမား ၉၆၃ ဦး၊ ၀ါးဟားဟား ရေခဲမုန့် စက်ရုံတွင် အလုပ်သမား ၁၇ ဦး၊ မြတ်ပန်းမွှေး သနပ်ခါးစက်ရုံတွင် အလုပ်သမား ၄၉ ဦး၊ ရေခဲတောင် အအေးခန်းစက်ရုံတွင် အလုပ်သမားကိုးဦး၊ Cham Zon အထည်ချုပ်စက်ရုံတွင် အလုပ်သမား ၃၈၀၊ Success Time ဖိနပ်စက်ရုံတွင် အလုပ်သမား ၃၆၀၊ Beauty Place လူသုံးကုန်စက်ရုံတွင် အလုပ်သမား ၁၈၅ ဦး၊ Kuwahara အထည်စစ်စက်ရုံတွင် အလုပ်သမား ၃၅ ဦး၊ TMP ငါးဖမ်းပိုက်စက်ရုံတွင် အလုပ်သမား ၅၆ ဦး၊ United Knitting Myanmar Co.,Ltd. ခြေအိတ် စက်ရုံတွင် အလုပ်သမား ၄၅၁ ဦး၊ Popular အထည်ချုပ်စက်ရုံတွင် အလုပ်သမား ၄၅၁ ဦးနှင့် North Shore Group အထည်ချုပ်စက်ရုံတွင် အလုပ်သမား ၆၈၆ ဦး စုစုပေါင်း ၃၇၃၉ ဦး အလုပ်လက်မဲ့ ဖြစ်ခဲ့ရသည်ဟု သိရသည်။

“စက်ရုံတွေ ပိတ်တယ်လို့ကြားတယ်။ ပိတ်ဖို့ရှိတယ်လို့ ကြားတယ်။ အဓိက,ကတော့ ထုတ်လုပ်မှုလုပ်ငန်း အလုပ်ပေါ့။ ထုတ်လုပ်မှုလုပ်တဲ့ အလုပ်ရုံတွေက နိုင်ငံခြား ရင်းနှီးမြှုပ်နှံတာလည်း ရှိတယ်။ ပြည်တွင်း ရင်းနှီးမြှုပ်နှံတာလည်း ရှိတယ်။ ထုတ်လုပ်မှု အပိုင်းမှာပဲ နိုင်ငံနဲ့ ပြည်တွင်း ပူးပေါင်းလို့ဖြစ်စေ၊ ပြင်ပပို့ ထုတ်လုပ်တာရှိတယ်။ ပိတ်သွားတဲ့ ရုံတွေထဲမှာ လေ့လာရသလောက် နိုင်ငံခြားပိုင်တဲ့ လူ ၈၀၀၊ ၉၀၀ လောက်ရှိတဲ့ရုံလည်း ပိတ်တယ်လို့ ကြားတယ်။ ပြည်တွင်းလုပ်ငန်းလေးတွေ ပိတ်တယ်လို့လည်း ကြားတယ်။ နောက်ဆုံး ရေခဲမုန့်ထုတ်တဲ့ ပြည်တွင်း အလုပ်ရုံ ပိတ်တာလည်း ကြားတယ်။ ထိခိုက်မှုက ဒီမှာပဲ ထိခိုက်တယ်လို့ ပြောလို့မရဘူး” ဟု ကုန်သည်စက်မှု အသင်းချုပ် (UMFCCI) မှ တွဲဖက်အတွင်းရေးမှူး ဒေါ်ခိုင်ခိုင်နွယ်က ဆိုသည်။

ထို့ပြင် စက်ရုံ၊ အလုပ်ရုံတစ်ခုအား ရင်းနှီးမြှုပ်နှံမှုသည် မလွယ်ကူကြောင်း၊ ရင်းနှီးမြှုပ်နှံရာတွင် ဥပဒေပိုင်းဆိုင်ရာများ၊ အလုပ်သမားရရှိမှုနှင့် အခြေခံအဆောက်အအုံ ပိုင်းများကို လေ့လာရကြောင်း၊ ရင်းနှီးမြှုပ်နှံရာတွင် တာဝန်ယူရသည့် အလုပ်သမားများ၊ ဆက်ဆံရသည့် ပတ်ဝန်းကျင်နှင့် ဈေးကွက် ရရှိလာသည့် အချိန်တွင် လုပ်ငန်းကို ရပ်ဆိုင်းရန် မလွယ်ကူကြောင်း၊ စက်ရုံများ ပိတ်လိုက်ခြင်းသည် ဆက်လက် လုပ်ကိုင်နိုင်ခြင်း မရှိခြင်းကြောင့် ဖြစ်ကြောင်း ၎င်းကဆက်လက် ပြောကြားသည်။

“နိုင်ငံခြားနဲ့ မြန်မာ ဘာတွေကွာလဲဆိုတော့ နိုင်ငံခြား ရင်းနှီးမြှုပ်နှံတဲ့ သူတွေက သူများနိုင်ငံကို လာလုပ်တဲ့အတွက် တွက်ချက်တဲ့အခါမှာ သူတို့ထုတ်တဲ့ ထုတ်ကုန်ရဲ့ဈေးကွက် မခိုင်မာရင် မလာဘူး။ အဲဒါကို သူတို့ အရမ်းတွက်တယ်။ ဒါပေမဲ့ မြန်မာနိုင်ငံရဲ့ ရင်းနှီးမြှုပ်နှံသူတွေက တိုင်းပြည်ကလည်း အကူးအပြောင်း တစ်ခုဆိုတော့ အချိန်က တကယ်ယူရမှာ။ ဒီလိုယူတဲ့ကာလမှာ ပြည်တွင်း လုပ်ငန်းရှင်တွေ အနေနဲ့က ဈေးကွက်တစ်ခု ခိုင်ခိုင်မာမာ ရှိတဲ့သူလည်း ရှိတယ်။ မရှိတဲ့သူ ပိုများတယ်။ အထူးသဖြင့် ထုတ်လုပ်မှု အပိုင်းမှာ။ အဲဒီမှာတင်ကို ဟိုဘက်က ခိုင်မာတဲ့ ဈေးကွက်ရှိတယ်။ ဒီဘက်က အခုမှ စ,စမ်းနေရတာရှိတယ်။ သူများကို မှီပြီးတော့ရတဲ့ ဈေးကွက်ရှိတယ်။ လွတ်လပ်မှုမရှိဘူး။ အဲဒါက ကိုယ့်မှာ အားနည်းချက်ဖြစ်တယ်” ဟု ဒေါ်ခိုင်ခိုင်နွယ်က ဆက်လက်ပြောကြားသည်။

ထို့ကြောင့် Public Private Partnership (PPP) ဖြင့် ပြုလုပ်ရမည်ဖြစ်ကြောင်း၊ အစိုးရဘက်မှလည်း ဥပဒေ အထောက်အပံ့များပေးရန် လိုအပ်ကြောင်း၊ နိုင်ငံခြား ရင်းနှီးမြှုပ်နှံသူများသည် ၎င်းတို့လုပ်ငန်း လုပ်ကိုင်ရန် ချေးယူထားသည့် Interest Rate သည် နည်းပါးကြောင်း၊ ပြည်တွင်းလုပ်ငန်းရှင်များ၏ ရင်းနှီးမြှုပ်နှံရန် အတွက် ဘဏ်များမှ ငွေချေးရာတွင် Interest Rate များနေကြောင်း ၎င်းကဆက်လက် ပြောကြားသည်။

“အရင်ထက်စာရင် ချေးငွေတွေ တော်တော်ရနေတယ်လို့ ကြားတယ်။ ဒါပေမဲ့ Interest Rate ကိုကြည့်တဲ့အခါမှာ မနိုင်ဝန် ဖြစ်နေတယ်။ ကိုယ်တိုင်ကလည်း ထုတ်လုပ်မှုမှာ လုပ်နေတဲ့သူဖြစ်တယ်။ ဘဏ်အတိုးနှုန်းဖြစ်တဲ့ တစ်နှစ်မှာ ၁၃ ရာခိုင်နှုန်း ဆိုတဲ့ဟာက မြန်မာနိုင်ငံရဲ့ ကိုယ့်လုပ်ငန်း ကိုယ်ပြောရင်တောင် အမြတ်က တစ်နှစ်မှာ ၁၀ ရာခိုင်နှုန်း ရဖို့မလွယ်ပါဘူး။ နှစ်ရာခိုင်နှုန်းတောင် ရဖို့မလွယ်တာတွေရှိတယ်။ အနုတ်ပြသွားတဲ့ ဟာတွေတောင်ရှိတယ်။ အနုတ်ပြတဲ့ လုပ်ငန်းတွေ အများကြီး ကြားနေတယ်။ အနည်းဆုံးတော့ အလုပ်သမားတွေကို အလုပ်ပေးနိုင်သေးတယ်ဆိုတဲ့ စိတ်နဲ့ လုပ်နေကြတဲ့ လုပ်ငန်းရှင်တွေ အများကြီး ရှိတယ်။ အဲဒီတော့ မြတ်ဖို့မလွယ်တဲ့ဟာကို Interest Rate ကို ၁၂ ရာခိုင်နှုန်း ၁၃ ရာခိုင်နှုန်း ပေးရတဲ့ အခါကျတော့ လုပ်ငန်းရှင်တွေမှာ ဒီဟာပေးဖို့ အတွက်ကို ၀န်ပိုပိတယ်။ အမှန်ပြောရရင် ဘယ်သူ့ကိုမှ အပြစ်တင်နေတာ မဟုတ်ဘူး။ အမှန်ကို ပြောပြတဲ့ အခြေအနေပဲရှိတယ်။ အစိုးရရဲ့ ထောက်ပံ့မှု အပိုင်းမှာတော့ လုပ်နေကြတာလည်း မြင်တယ်။ လိုအပ်မှုက နှစ်ရှည်လများ လိုအပ်တဲ့ လိုအပ်မှု ဖြစ်နေတာ။ အခုက စက်ရုံပိတ်တာက တစ်ခုတည်းကြောင့်တော့ မဟုတ်ဘူး။ ရင်းနှီးမြှုပ်နှံမှု လာတာက ခက်တယ်။ ပြန်ထွက်ဖို့က ပိုခက်တယ်။ အမြတ်အစွန်း နည်းနည်းနဲ့။ တစ်ခါတလေ အမြတ်အစွန်းတောင်မရှိဘဲ အိတ်စိုက်လုပ်နေတဲ့ လုပ်ငန်းရှင်တွေ ရှိတယ်လို့ ယုံကြည်စွာ ပြောရဲတယ်။ မြတ်ပြီးတော့ အကျိုးအမြတ် မရှိဘဲနဲ့ စက်ရုံပိတ်ပြီးတော့ ပြန်သွားတဲ့ လုပ်ငန်းရှင် မရှိဘူး ဆိုတာကို ယုံကြည်စွာ ပြောရဲတယ်။ ကောင်းနေ မြတ်နေရင် စီးပွားလုပ်ဖို့ လာတဲ့သူက ဘာကြောင့် ပြန်မှာလဲ။ အကြောင်းတစ်ခုခုကြောင့်သာ ပြန်တာဖြစ်တယ်” ဟု ဒေါ်ခိုင်ခိုင်နွယ်က ပြောကြားသည်။

ယခုကဲ့သို့ စက်ရုံများ ပိတ်သိမ်းမည်ဟု သတင်းများ ထွက်ပေါ်မှုနှင့် ပတ်သက်၍ မြန်မာနိုင်ငံဆိုင်ရာ အလုပ်သမား သမဂ္ဂများအဖွဲ့ချုပ်က ပိတ်သိမ်းမည်ဟု သတင်းထွက်ပေါ်နေသည့် စက်ရုံ ၁၄ ရုံအနက် အလုပ်သမား ၃၂၉၁ ဦးကို အလုပ်ခန့်ထားပေးသည့် စက်ရုံခြောက်ရုံကို စုံစမ်းလေ့လာခဲ့ကြောင်း အလုပ်သမားသမဂ္ဂ၏ လူမှုကွန်ရက် စာမျက်နှာတွင် ဖော်ပြထားသည်။

အဆိုပါ ဖော်ပြချက်တွင် United Knitting Myanmar Co., ခြေအိတ်စက်ရုံသည် မပိတ်သိမ်းဘဲ လက်ရှိ လည်ပတ်နေဆဲ ဖြစ်ကြောင်း၊ ပိတ်ဖို့အစီအစဉ် ရှိသည်ကိုလည်း မကြားရကြောင်း၊ Popular အထည်ချုပ် စက်ရုံသည် လက်ရှိလည်ပတ်လျက်ရှိကြောင်း၊ Success Time ဖိနပ်စက်ရုံသည် လုပ်ငန်းအပြီး ပိတ်သိမ်းပြီး ရင်းနှီးမြှုပ်နှံမှု ရပ်ဆိုင်းခြင်း မဟုတ်ဘဲ စက်ရုံမြေနေရာ ငှားရမ်းမှု စာချုပ်ပြည့်ပြီး ရွှေလင်ဗန်း စက်မှုဇုန် (၅)သို့ ပြောင်းရွှေ့ခြင်းဖြစ်ကာ အလုပ်သမားများကိုလည်း စက်ရုံနေရာသစ်သို့ လိုက်ပါရန် ခွင့်ပြုခဲ့ကြောင်း၊ North Shore  အထည်ချုပ်စက်ရုံသည် လုပ်ငန်းအပြီးပိတ်သိမ်းပြီး ရင်းနှီးမြှုပ်နှံမှု ရပ်ဆိုင်းခြင်း မဟုတ်ဘဲ မင်္ဂလာဒုံသို့ စက်ရုံပြောင်းရွှေ့ ဖွင့်လှစ်ခြင်းဖြစ်ကြောင်း၊ ပုလဲ အထည်ချုပ် စက်ရုံသည် စက်ရုံမြေနေရာ ငှားရမ်းမှု အခက်အခဲ ရှိသည့်အတွက် ပိုင်ရှင်တူ စက်ရုံဖြစ်သည့် လှိုင်သာယာ စက်မှုဇုန် (၄) ထဲမှ မြန်မာ အပရယ် အထည်ချုပ်စက်ရုံသို့ ပြောင်းရွှေ့ပြီး အလုပ်သမားများပေါင်းကာ လုပ်ကိုင်လျက်ရှိကြောင်း၊ Cham Zon အထည်ချုပ် စက်ရုံသည် အော်ဒါအရ နည်းသည့်အတွက် လွန်ခဲ့သည့် ခြောက်လခန့်မှစ၍ ပိတ်သွားခြင်း ဖြစ်ကြောင်း ပါရှိသည်။

 

စီးပွားရေး အနေအထားနှင့် အစိုးရ၏ သြဇာသက်ရောက်မှု

ဖွံ့ဖြိုးပြီး နိုင်ငံတစ်နိုင်ငံ၏ စီးပွားရေးသည်ပင်လျှင် တည်ငြိမ်သည်လည်း ရှိနိုင်၊ မတည်မငြိမ်ဖြစ်သည်လည်း ရှိနိုင်၏။ စီးပွားရေးအကျပ်အတည်းတစ်ရပ်အတွင်း ပြည်သူလူထုက အစိုးရအား ပြစ်တင်ဝေဖန်ကြမည်မှာလည်း ဓမ္မတာပင်။ မည်သို့ပင်ဖြစ်စေဝေ ဖန်ပြစ်တင်မှုများ၏ နောက်မှနေ၍ ဖြေရှင်းပေးရန် တောင်းဆိုမှုများ လိုက်ပါ၍လာမည်သာ ဖြစ်သည်။ အချို့က အရင်းရှင်စီးပွားရေးစနစ်တွင် အစိုးရက ၀င်ရောက်စွက်ဖက်ခြင်းသည် ဆိုရှယ်လစ်စနစ်နှင့် အတူတူပင်ဖြစ်သွားလိမ့်မည်ဟု တွေးနိုင်သည်။ အမှန်တကယ်၌ အစိုးရအဖွဲ့အနေဖြင့် စီးပွားရေးကို ထိန်းချုပ်ရန် နည်းလမ်းများစွာဖြင့် လုပ်ဆောင်နိုင်သည်။

ဥပမာအားဖြင့် ငွေကြေးဖောင်းပွမှုပုံစံတစ်ရပ်တွင် ကုန်ပစ္စည်းများနှင့် ၀န်ဆောင်မှုများ ဈေးနှုန်းမြင့်တက်လာပြီး ငွေကြေးတန်ဖိုး ကျဆင်းသွားသည်ကို တွေးကြည့်နိုင်သည်။ ယင်းအနေအထား၌ အစိုးရက အခွန်ငွေကို ဆွဲတင်ကာ အသုံးအစွဲ လျှော့ချလိုက်ခြင်းမျိုး  ပြုလုပ်နိုင်သည်။ ထိုအခါ နိုင်ငံအတွင်း၌ ငွေကြေးထည့်သွင်းမှု လျှော့ချလိုက်ခြင်းကြောင့် ငွေကြေးတန်ဖိုး ပြန်လည်မြင့်တက်လာကာ ဈေးနှုန်းများ ကျဆင်းသွားစေနိုင်သည်။

ဈေးနှုန်းများ ကျဆင်းသွားပြီးဖြစ်သော်လည်း စီးပွားရေးအကျပ်အတည်းနှင့်ရင်ဆိုင်ရကာ အလုပ်လက်မဲ့နှုန်း အလွန်မြင့်မားသည့် အနေအထားကိုလည်း တွေးကြည့်နိုင် သည်။ ထိုအခါ ယင်းပြဿနာကို ဖြေရှင်းရန်အတွက် အစိုးရသည် စီးပွားရေးအတွင်းသို့ ငွေကြေးပို၍ ထည့်သွင်းရမည်ဖြစ်ပြီး အသုံးအစွဲကို မြှင့်တင်ရမည်ဖြစ်သည်။ အချို့သော အနေအထားများ၌ အခွန်အတုတ်များကို လျှော့ချရမည်ဖြစ်သည်။ ပြည်သူလူထု၏ လက်ထဲသို့ ငွေကြေးပိုမိုရောက်ရှိစေခြင်းဖြင့် ၎င်းတို့အား အသုံးအစွဲ ပိုမိုမြင့်တက်အောင် ပြုလုပ်ရမည် ဖြစ်သည်။ ထိုအခါ ကုန်ပစ္စည်းနှင့်ဝန်ဆောင်မှု ၀ယ်လိုအားမြင့်တက်လာပြီး လုပ်ငန်းများအား ရောင်းလိုအားမြင့်တက်အောင် ပြုလုပ်ရန် လှုံ့ဆော်နိုင်မည်ဖြစ်သည်။ ရောင်းလိုအား မြင့်တက်အောင် ထုတ်လုပ်သည့်အခါ လုပ်သားများ ငှားရမ်းမှု မြင့်တက်လာမည် ဖြစ်သည်။ ယင်းသည် အလုပ်အကိုင် အခွင့်အလမ်းများကို ဖန်တီးပုံနှင့် စီးပွားရေးရောင်နီသန်းလာအောင် ပြုလုပ်ပုံဖြစ်သည်။

အစိုးရအနေဖြင့် အခြေခံအဆောက်အအုံများ တည်ဆောက်ခြင်းကဲ့သို့သော စီမံကိန်းများကို စတင်လုပ်ဆောင်ခြင်းဖြင့်လည်း အလုပ်လက်မဲ့များအား အလုပ်ရရှိအောင် ပြုလုပ်နိုင်သည်။ ယင်းသည်လည်း ပြည်သူလူထု၏ အိတ်ကပ်ထဲသို့ ငွေကြေးများထည့်ပေးခြင်းဖြစ်ပြီး ၎င်းတို့အား ငွေကြေးသုံးစွဲမှုပြုလုပ်ရန် အားပေးကာ စီးပွားရေးကို နွှေးပေးခြင်း ဖြစ်သည်။

၎င်းအပြင် ကြီးမားသော ကုမ္ပဏီများနှင့် ယှဉ်ပြိုင်ရေး မလုံလောက်အောင် သေးငယ်လွန်းသည်ဟု ယူဆရသော အချို့သောလုပ်ငန်းများမှ ကုန်ပစ္စည်းများနှင့်ဝန်ဆောင်မှုများကို ၀ယ်ယူအားပေးသည့် မူဝါဒမျိုးကိုလည်း ကျင့်သုံးနိုင်သည်။ ယင်းသည် အစိုးရက ၎င်းတို့အား ငွေကြေးရရှိရေးအတွက် ကူညီရန် ရည်ရွယ်ခြင်း ဖြစ်သည်။ သို့သော် ယင်းကဲ့သို့ အားပေးသင့်သည့် လုပ်ငန်းများအား ရွေးချယ်ရန် တိကျသည့် သတ်မှတ်ချက်များ ရှိထားရမည် ဖြစ်သည်။

အထက်ဖော်ပြပါ ဥပမာများသည် စီးပွားရေးအနေအထားအလိုက် အစိုးရအနေဖြင့် သြဇာသက်ရောက်ကာ ၀င်ရောက်ထိန်းချုပ်နိုင်ပုံ နည်းလမ်းအနည်းငယ်မျှသာ ဖြစ်သည်။ မည်သို့ပင်ဆိုစေကာမူ နိုင်ငံတစ်နိုင်ငံအနေဖြင့် စီးပွားရေးအကျပ်အတည်းတစ်ရပ်နှင့် ရင်ဆိုင်ရချိန်၌ ဖြစ်ပေါ်နေသည့် အနေအထားနှင့် ကိုက်ညီသော မူဝါဒများချမှတ်ကာ အစိုးရက မဖြစ်မနေ ဖြေရှင်းပေးရမည်သာ ဖြစ်ပါကြောင်း The Daily Eleven  သတင်းစာက ရေးသားအပ်ပါသည်။

(ဇူလိုင် ၂၁ ရက်နေ့ထုတ် The Daily Eleven သတင်းစာ အယ်ဒီတာ အာဘေ်ာ)

ဒေါ်လာဈေးဂယက်၊ ကုန်ဈေးနှုန်းအတက်နှင့် ရုန်းထနိုင်ရန် မမြင်သေးသော မြန်မာ့စီးပွားရေး

၂၀၁၇ ခုနှစ် မတ်လနောက်ပိုင်းမှစ၍ အတက်အကျနည်းပါး ခဲ့သည့် နိုင်ငံခြားငွေလဲနှုန်း ဒေါ် လာဈေးသည် ၂၀၁၈ ခုနှစ် ဇွန်လ ဒုတိယပတ်မှစတင်ကာ ပြန်လည် လှုပ်ခတ်ခဲ့သည်။ ကမ္ဘာ့ဈေးကွက် တွင် ဒေါ်လာဈေး အားကောင်းနေသောကြောင့် ပြည်တွင်းဈေးကွက်တွင် နိုင်ငံခြားငွေလဲနှုန်းနှစ်ပတ် ကျော်အတွင်း ကျပ် ၆၀ ခန့်မြင့်တက် ခဲ့ပြီး တစ်ဒေါ်လာ ၁၄၀၇ ကျပ်အထိ ရောက်ခဲ့ကာ စံချိန်တင်ဈေးနှုန်းကို ချိုးနိုင်ရန် ကျပ် ၃၀ ၀န်းကျင်သာ လိုတော့ခြင်းဖြစ်သည်။

၂၀၁၈ ခုနှစ် မေလမှစတင်ကာ ကမ္ဘာ့ဒေါ်လာဈေးအညွှန်းကိန်း သိ သိသာသာ ပြန်လည်မြင့်တက်ခဲ့ခြင်းဖြစ်ပြီး မြန်မာကျပ်ငွေ အပါအ၀င် နိုင်ငံတကာငွေကြေး တန်ဖိုးများအပေါ် သက်ရောက်မှုများ ဖြစ်ပေါ်ခဲ့ ခြင်းဖြစ်သည်။ အမေရိကန်နိုင်ငံ ရွေးကောက်ပွဲ ပြုလုပ်ခဲ့သည့် ၂၀၁၆ ခုနှစ် နိုဝင်ဘာလနောက်ပိုင်း ၂၀၁၇ ဇန်န၀ါရီ ၃ ရက်တွင် ၁၀၃ ဒသမ ၈၂  ပွိုင့် အထိမြင့်တက်ခဲ့ပြီး ၂၀၁၈ ခုနှစ် ဇန်န ၀ါရီ ၂၅ ရက်တွင် ၈၈ ဒသမ ၆၃ ပွိုင့် အထိကျဆင်းခဲ့သည်။ ပြီးခဲ့သည့် ငါးလအတွင်း အမြင့်ဆုံးဖြစ်ပေါ်ခဲ့ သော ကမ္ဘာ့ဒေါ်လာဈေးညွှန်းကိန်း များမှာ ဒီဇင်ဘာလတွင် ၉၄ ဒသမ ၁၈ ပွိုင့်၊ ဇန်န၀ါရီလတွင် ၉၂ ဒသမ ၃၆ ပွိုင့်၊ ဖေဖော်ဝါရီလတွင် ၉၀ ဒသမ ၄၃ ပွိုင့်၊ မတ်လတွင် ၉၀ ဒသမ ၃၇ ပွိုင့်၊ ဧပြီလတွင်  ၉၁ ဒသမ ၇၁ ပွိုင့်၊ မေလတွင် ၉၄ ဒသမ ၈၃ ပွိုင့်ဖြစ်ပြီး  ဇွန် ၂၁ ရက်တွင် ၉၅ ဒသမ ၁၆ ပွိုင့်ဝန်းကျင်၊ ဇွန် ၂၈ ရက် တွင် ၉၅ ဒသမ ၂၁ ပွိုင့်ဝန်းကျင်သို့ ရောက်ရှိခဲ့ခြင်း ဖြစ်သည်။

ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်း အနိမ့်ဆုံးနှင့် အမြင့်ဆုံးနှုန်းများမှာ ဇန်န၀ါရီတွင် ၁၃၂၃-၁၃၅၄ ကျပ်၊ ဖေဖော်ဝါရီ လတွင် ၁၃၂၃-၁၃၃၁ ကျပ်၊ မတ်လ တွင် ၁၃၂၆-၁၃၃၄ ကျပ်၊ ဧပြီလ တွင် ၁၃၂၄-၁၃၃၂ ကျပ်၊ မေလတွင် ၁၃၃၂-၁၃၅၁ တို့ဖြစ်ပြီး ဇန်န၀ါရီ တွင် ကွာဟချက်အများဆုံးဖြစ်ပေါ် ခဲ့သည်။

ပြီးခဲ့သည့် မတ်လအတွင်း အ မြင့်ဆုံးဈေးနှုန်းအဖြစ် မတ် ၂၁ ရက် တွင် ၁၃၃၄ ကျပ် ဖြစ်ပေါ်ခဲ့သော ဒေါ်လာဈေးသည် မတ် ၂၉ ရက်တွင် ၁၃၂၈ ကျပ်အထိ၊ ဧပြီလဆန်းတွင် ၁၃၂၄ ၀န်းကျင်အထိ ကျဆင်းခဲ့ သည်။ ထို့ နောက် ဧပြီလကုန်ပိုင်း ၂၈ ရက်တွင် ၁၃၃၁  ကျပ်၊ မေ ၂၁ ရက် တွင် ၁၃၅၁ ကျပ်အထိ မြင့်တက်ခဲ့ပြီး ဇွန် ၁၁ ရက်တွင် ၁၃၄၆ ကျပ်၊ ဇွန် ၁၅ ရက်တွင် ၁၃၅၅ ကျပ်၊  ဇွန် ၁၆ ရက် တွင် ၁၃၆၅ ကျပ်၊ ဇွန် ၂၀ ရက်တွင်  ၁၃၆၈ ကျပ်၊ ဇွန် ၂၁ ရက်တွင် ၁၃၇၅ ကျပ်၊ ဇွန် ၂၆ ရက်တွင် ၁၃၈၃၊ ဇွန် ၂၇ ရက်တွင် ၁၃၉၅၊ ဇွန် ၂၈ ရက်တွင် ၁၄၀၇ ကျပ်ဝန်းကျင် ဖြစ်ပေါ်ခဲ့သည်။

၂၀၁၆ ခုနှစ် ဒီဇင်ဘာ ၁၆ ရက်တွင် သမိုင်းတစ်လျှောက် အမြင့်ဆုံး ငွေလဲနှုန်းထားအဖြစ် ၁၄၃၈ ကျပ် အထိ ရောက်ရှိခဲ့ပြီး ၂၀၁၈ ခုနှစ် ဇွန် ၂၈ ရက်တွင် ဖြစ်ပေါ်သော တစ် ဒေါ်လာ ၁၄၀၇ ကျပ် ဈေးနှုန်းသည် ၂၀၁၆ ခုနှစ် ဒီဇင်ဘာနောက်ပိုင်း အမြင့်ဆုံးဈေးနှုန်းဖြစ်သည်။

ကမ္ဘာ့ဘဏ်မှ ထုတ်ပြန်ထား သော စီးပွားရေးဆိုင်ရာအစီရင်ခံ စာများအရ မြန်မာနိုင်ငံ ၏ စီးပွားရေး ဖွံ့ဖြိုးတိုးတက်မှုနှုန်းသည် ၂၀၁၃ -၂၀၁၄ ဘဏ္ဍာနှစ်တွင် ၈ ဒသမ ၄ ရာခိုင်နှုန်း၊ ၂၀၁၄-၂၀၁၅ ဘဏ္ဍာနှစ် တွင် ရှစ်ရာခိုင်နှုန်းရှိရာမှ ရွေးကောက် ပွဲနှင့် အစိုးရအပြောင်းအလဲကာလ များဖြစ်သော ၂၀၁၅-၂၀၁၆ ဘဏ္ဍာ နှစ်တွင် ခုနစ်ရာခိုင်နှုန်း၊ ၂၀၁၆-၂၀၁၇ ဘဏ္ဍာနှစ်တွင် ၅ ဒသမ ၉ ရာ ခိုင်နှုန်းအထိ ကျဆင်းခဲ့ကာ ၂၀၁၇-၂၀၁၈ ဘဏ္ဍာနှစ်တွင် ၆ ဒသမ ၄ ရာခိုင်နှုန်း၊ ၂၀၁၈-၂၀၁၉ ဘဏ္ဍာနှစ် တွင် ၆ ဒသမ ၈ ရာခိုင်နှုန်းအထိ ပြန် လည်မြင့်တက်ခဲ့သည်။ ထိုသို့ စီးပွား ရေးတိုးတက်မှုနှုန်း  တက်ရိပ်ပြလာ ချိန်တွင် ဒေါ်လာဈေးမြင့် တက်လာ ခြင်းကြောင့် ငွေကြေးဖောင်းပွမှုနှုန်းနှင့် ကုန်ဈေးနှုန်းများလည်း မြင့်တက်ကာ စီးပွားရေးတိုးတက်မှုနှုန်းကို အားပျော့စေနိုင်သည်။

နိုင်ငံခြားငွေလဲနှုန်းအတက် အကျသည် နိုင်ငံခြားငွေဝယ်လိုအားနှင့် ရောင်းလိုအားကို သက်ရောက် စေနိုင်သောအကြောင်းရင်းများ အ ပေါ်တွင် အခြေခံပြီး အဓိကကျသည့် အချက်များမှာ နိုင်ငံခြားငွေကြေးဈေး ကွက်အခြေအနေ၊ နိုင်ငံ့ပို့ကုန်သွင်း ကုန်ပမာဏ၊ နိုင်ငံ့စီးပွားရေးဖွံ့ဖြိုးတိုး တက်မှုနှုန်း၊ ရသုံးမှန်းခြေငွေစာရင်း အခြေအနေ၊ စီးပွားရေးစနစ်အတွင်း ရှိ ကုန်စည်နှင့် ၀န်ဆောင်မှုများ၏ ဈေးနှုန်းအခြေအနေတို့ ဖြစ်သည်။ မြန်မာနိုင်ငံ၏ လက်ရှိအခြေအနေ မှာ ကုန်သွယ်ရေးလိုငွေ၊ ဘတ်ဂျက် လိုငွေများပြားနေသည့်အပြင် စီးပွား ရေးတိုးတက်မှုနှုန်းမှာလည်း ၂၀၁၆ မတိုင်ခင်နှစ်များနှင့် နှိုင်းယှဉ်ပါက လျော့နည်းနေခြင်းဖြစ်သည်။ ယင်း အချိန်တွင် ဒေါ်လာဈေး မြင့်တက်မှု ကြောင့် သွင်းကုန်ဈေးနှုန်းများ၊ အထူး သဖြင့် ဈေးကွက်အတွင်းသုံးစွဲမှုများ ပြားသော စက်သုံးဆီ၊ ဆက်သွယ်ရေး ပစ္စည်း၊ ဆေးဝါး၊ အစားအစာကဲ့သို့ ကုန်စည်များကို ဈေးနှုန်းမြင့်တက်စေ ပြီး ကုန်ဈေးနှုန်းနှင့် ငွေကြေးဖောင်း ပွမှုနှုန်းကို မြင့်တက်စေမည်ဖြစ်သည်။

၂၀၁၈ ခုနှစ် မေလတွင် ပျမ်း မျှငွေကြေးဖောင်းပွမှုနှုန်း ၄ ဒသမ ၂၉ ရာခိုင်နှုန်းရှိပြီး ဧပြီလတွင် ဖြစ် ပေါ်ခဲ့သည့် ပျမ်းမျှငွေ ကြေးဖောင်း ပွမှုနှုန်းထက် ရာခိုင်နှုန်းအနည်းငယ် မြင့်တက်ခဲ့ကြောင်း ဗဟိုစာရင်းအင်း အဖွဲ့မှ ထုတ်ပြန်သည့်စားသုံးသူဈေး ဆနှုန်းနှင့် ငွေကြေးဖောင်းပွမှုနှုန်း အခြေအနေတွင် ဖော်ပြထားသည်။

၂၀၁၈ ခုနှစ် မေလအထိ တစ် နှစ်အတွင်း ပျမ်းမျှငွေကြေးဖောင်းပွမှု နှုန်းမှာ ၄ ဒသမ ၂၉ ရာခိုင်နှုန်းဖြစ်ပြီး  ၂၀၁၈ ခုနှစ် ဧပြီလတွင် ငွေကြေးဖောင်း ပွမှုနှုန်း ၄ ဒသမ ၁၂ ရာခိုင်နှုန်းနှင့် နှိုင်းယှဉ်ပါက ငွေကြေးဖောင်းပွမှုနှုန်း အနည်းငယ် ပြန်လည်မြင့်တက် လာခြင်းဖြစ်သည်။

တစ်နိုင်ငံလုံးအတွက် ၂၀၁၂  ခုနှစ် အခြေခံနှစ်ဖြင့် စားသုံးသူဈေး ဆနှုန်းအပေါ် အခြေခံတွက်ချက်ထား သော ငွေကြေးဖောင်းပွမှုနှုန်းမှာ ၂၀၁၈ ခုနှစ် မေလအထိ တစ်နှစ် ပျမ်းမျှ ၄ ဒသမ ၂၉ ရာခိုင်နှုန်းရှိပြီး ၂၀၁၈ ခုနှစ် မေလနှင့် ၂၀၁၇ ခုနှစ် မေလတို့၏ နှစ်အလိုက်ပြောင်းလဲမှု ကိုနှိုင်းယှဉ်ပါက (Year on Year Inflation) မှာ ၅ ဒသမ ၉ ရာခိုင်နှုန်းရှိသည်။

၂၀၁၈ ခုနှစ် မေလအတွင်း မန္တလေးမြို့တွင် ၈ ဒသမ ၅၁ ရာ ခိုင်နှုန်းဖြင့် ပျမ်းမျှငွေကြေး ဖောင်းပွမှုနှုန်း အမြင့်ဆုံးဖြစ်ပေါ်ခဲ့ပြီး ရခိုင်ပြည်နယ်တွင် ၈ ဒသမ ၄၁ ရာခိုင် နှုန်းဖြင့် ဒုတိယအမြင့်ဆုံးဖြစ်ကာ ဧရာဝတီတိုင်း ဒေသကြီးတွင် ၅ ဒသမ ၂၅ ရာခိုင်နှုန်းဖြင့် တတိယအမြင့်ဆုံး ဖြစ်ခဲ့ခြင်းဖြစ်သည်။

၂၀၁၈ ခုနှစ် မေလအထိ နှစ်အလိုက်ငွေကြေးဖောင်းပွမှုနှုန်းမှာ မန္တလေးမြို့တွင် ၁၁ ဒသမ ၃၈ ရာခိုင် နှုန်းဖြင့် ပြောင်းလဲမှု အများဆုံးဖြစ် ပေါ်ခဲ့ပြီး ပြည်ထောင်စုနယ်မြေ တွင် ၂ ဒသမ ၅၀ ရာခိုင်နှုန်းဖြင့် ပြောင်းလဲမှု ရာခိုင်နှုန်း အနည်းဆုံး ဖြစ်ပေါ်ခဲ့သည်။

တစ်နိုင်ငံလုံးအတွက် စားသုံးသူဈေးဆနှုန်းနှင့် ငွေကြေးဖောင်း ပွမှုနှုန်းကို ပြောင်းလဲတွက်ချက်တင် ပြနိုင်ရန် ၂၀၁၂ ခုနှစ် နိုဝင်ဘာလတွင် ဗဟိုစာရင်းအင်းအဖွဲ့သည် အိမ် ထောင်စုဝင်ငွေနှင့် စားသုံးမှုစစ်တမ်းကို မြို့နယ်ပေါင်း ၈၂ မြို့နယ်တွင် နမူနာအိမ်ထောင်စုပေါင်း ၃၂ç၆၆၉ ကို စစ်တမ်းကောက်ယူခဲ့ကြောင်း သိရသည်။

ယခင်က ၂၀၀၆ ခုနှစ်ကို အခြေခံ၍ ငွေကြေးဖောင်းပွမှုနှုန်းကို တွက်ချက်ခဲ့သော်လည်း ယခုအခါ ၂၀၁၂ ခုနှစ် စစ်တမ်းအပေါ် အခြေခံ၍ အခြေခံနှစ် (Base Year) အား ပြောင်းလဲတွက်ချက် ခဲ့ခြင်းဖြစ်သည်။

ငွေကြေးဖောင်းပွမှုနှုန်း လျော့ကျရန် ဘဏ္ဍာရေး၊ ငွေကြေး၊ ကုန်သွယ်ရေးနှင့် နိုင်ငံခြားငွေထိန်းချုပ် ရေးမူဝါဒများအပေါ် အခြေခံပြီး မဖြစ်မနေ ဆောင်ရွက်သွားမည်ဖြစ်ကြောင်း အမျိုးသားဖွံ့ဖြိုးတိုးတက်မှု ဒုတိယကာလတို ငါးနှစ်စီမံကိန်း (၂၀၁၆-၂၀၁၇ ဘဏ္ဍာနှစ်မှ ၂၀၂၀ -၂၀၂၁ ဘဏ္ဍာနှစ်) တွင် ဖော်ပြထားသည်။

ငွေကြေးဖောင်းပွမှုနှုန်းသည် ပထမကာလတို ငါးနှစ်စီမံကိန်း (၂၀၁၁-၂၀၁၂ ဘဏ္ဍာနှစ်မှ ၂၀၁၅ -၂၀၁၆ ဘဏ္ဍာနှစ်အထိ) ကာလ တွင် တိုးတက်ခဲ့ခြင်းကြောင့် ဒုတိယကာလတိုငါးနှစ်စီမံကိန်း (၂၀၁၆-၂၀၁၇ ဘဏ္ဍာနှစ်မှ ၂၀၂၀- ၂၀၂၁ ဘဏ္ဍာနှစ်) တွင် လက်ရှိဖြစ်ပေါ်နေ သည့်  ငွေကြေး ဖောင်းပွမှုနှုန်းလျော့ ကျစေရေးအတွက် ဘဏ္ဍာရေးမူ ၀ါဒ၊ ငွေကြေးမူဝါဒ၊ ကုန်သွယ်ရေး မူဝါဒနှင့်  နိုင်ငံခြားငွေထိန်းချုပ်ရေး မူဝါဒများအပေါ်အခြေခံ၍ ငွေ ကြေးဖောင်းပွမှုနှုန်း ထိန်းချုပ်ရေး ကိစ္စရပ်များအား မဖြစ်မနေဆောင် ရွက်သွားမည်ဟု ဆိုသော်လည်း  လက်ရှိအချိန်အထိ လေးရာခိုင်နှုန်း ကျော်တွင် တည်ရှိနေဆဲဖြစ်သည်။

မြန်မာနိုင်ငံ၏ တစ်နှစ်ပျမ်းမျှ ငွေကြေးဖောင်းပွမှုနှုန်းသည် ၂၀၀၆ ခုနှစ် အခြေခံနှစ်အရ ၂၀၁၁-၂၀၁၂  ဘဏ္ဍာနှစ်တွင် ၂ ဒသမ ၈၂ ရာခိုင် နှုန်း၊ ၂၀၁၂-၂၀၁၃ ဘဏ္ဍာ နှစ်တွင် ၂ ဒသမ ၈၅ ရာခိုင်နှုန်း၊ ၂၀၁၃-၂၀၁၄ ဘဏ္ဍာနှစ်တွင် ၅ ဒသမ ၇၂ ရာခိုင်နှုန်း၊ ၂၀၁၄-၂၀၁၅ ဘဏ္ဍာ နှစ်တွင် ၅ ဒသမ ၉၀ ရာခိုင်နှုန်း၊  ၂၀၁၂  ခုနှစ် အခြေခံနှစ်အရ ၂၀၁၅-၂၀၁၆ ဘဏ္ဍာနှစ် ၂၀၁၆ ခုနှစ် ဇွန်လတွင် ၁၀ ဒသမ ၆၀ ရာခိုင်နှုန်းဖြစ်ပေါ်ခဲ့ သည်။ ယင်း နောက်ပိုင်းငွေကြေးဖောင်းပွမှု နှုန်း တဖြည်းဖြည်းပြန်ကျခဲ့ရာ ၂၀၁၇ ခု နှစ် ဒီဇင်ဘာလတွင် ၄ ဒသမ ၆၁ ရာခိုင်နှုန်းအထိ ကျဆင်းခဲ့သည်။ ၂၀၁၈ ခုနှစ် မတ်လမှစ၍ ပျမ်းမျှ ငွေဖောင်းပွမှုနှုန်း ပြန်တက်ခဲ့ပြီး ဧပြီတွင် ၄ ဒသမ ၁၂ ရာခိုင်နှုန်း၊ ၂၀၁၈ ခု နှစ် မေတွင် ၄ ဒသမ ၂၉ ရာခိုင်နှုန်းအထိ မြင့်တက်ခဲ့သည်။

ထို့အတူ ပြီးခဲ့သည့် ၂၀၁၇ ခုနှစ် ဇူလိုင်နှင့် သြဂုတ်တွင် နှစ်အလိုက် ငွေကြေးဖောင်းပွမှုနှုန်း (Year on Year Inflation) သုံးရာခိုင်နှုန်းအောက်သာ ရှိရာမှ ၂၀၁၇ ခုနှစ် နိုဝင်ဘာမှ စတင်ကာ လေးရာခိုင်နှုန်းကို ကျော်လွန်ခဲ့ပြီး ၂၀၁၈ ခုနှစ် ဇန်န၀ါရီတွင် ငါးရာခိုင်နှုန်းအထက်၊ ၂၀၁၈ ခုနှစ် ဧပြီနှင့် မေတွင် ခြောက်ရာခိုင်နှုန်း နီးပါးအထိ မြင့်တက်ခဲ့ကာ နိုင်ငံခြားငွေလဲနှုန်း၊ ဒေါ်လာဈေး မြင့်တက်ခဲ့သည့် ၂၀၁၈ ခုနှစ် ဇွန်လတွင် မြင့်တက်ခဲ့သည့် ကုန်ဈေးနှုန်းများကြောင့် ငွေကြေးဖောင်းပွမှုနှုန်း မြင့်တက်စေဦးမည်ဖြစ်သည်။

စီမံကိန်းနှင့် ဘဏ္ဍာရေးဝန်ကြီးဌာန ဗဟိုစာရင်းအင်းအဖွဲ့မှ ထုတ်ပြန်သော ၂၀၁၈ ခုနှစ် မေလ အတွင်း မြန်မာနိုင်ငံ၏ စားသုံးသူ ဈေးဆနှုန်းနှင့် ငွေကြေးဖောင်းပွမှု နှုန်းအခြေအနေအရ ပျမ်းမျှငွေကြေး ဖောင်းပွမှုနှုန်းများမှာ အစား အစာအုပ်စုတွင် ၃ ဒသမ ၅၂ ရာ ခိုင်နှုန်း၊ အစားအစာမဟုတ်သော အုပ်စုတွင် ၅ ဒသမ ၆၇ ရာခိုင်နှုန်း၊ အစားအစာနှင့် လောင်စာဆီ မပါဝင်သော စားသုံးသူဈေးဆနှုန်း (Core CPI) ၄ ဒသမ ၁၄ ရာခိုင်နှုန်း  ဖြစ်ပေါ်ခဲ့သည်။

အစားအစာအုပ်စုအလိုက် အနေဖြင့်  ဖြစ်ပေါ်သော ပျမ်းမျှငွေကြေး ဖောင်းပွမှုနှုန်းထားများမှာ အဖျော်ယမကာနှင့် ဆေးရွက်ကြီး ထွက်ပစ္စည်း ၁၁ ဒသမ ၀၄ ရာခိုင် နှုန်း၊ အ၀တ်အထည် ၁ ဒသမ ၆၂ ရာခိုင်နှုန်း၊ အိမ်လခနှင့် အိမ်ပြင်ခ ၅ ဒသမ ၄၂ ရာခိုင်နှုန်း၊ အိမ်အသုံး အဆောင်ပစ္စည်းနှင့် ပြုပြင်ထိန်း သိမ်းရေးစရိတ် ၂ ဒသမ ၅၂ ရာခိုင် နှုန်း၊ ကျန်းမာရေး ၄ ဒသမ ၄၈ ရာ ခိုင်နှုန်း၊ သယ်ယူပို့ဆောင်ရေး ၉ ဒသမ ၄၅ ရာခိုင်နှုန်း၊ ဆက်သွယ် ရေး ၈ ဒသမ ၁၇ ရာခိုင်နှုန်း၊ အပန်း ဖြေခြင်းနှင့် ယဉ်ကျေးမှု ၀ ဒသမ ၈၁ ရာခိုင်နှုန်း၊ ပညာရေး ၀ ဒသမ ၉၁ ရာခိုင်နှုန်း၊ ပြင်ပအစားအသောက် ၆ ဒသမ ၃၅ ရာခိုင်နှုန်း၊ အထွေထွေ ကုန်ပစ္စည်း ၃ ဒသမ ၈၅ ရာခိုင် နှုန်းဖြစ်ပေါ်ခဲ့ပြီး အဖျော်ယမကာနှင့် ဆေးရွက်ကြီးထွက်ပစ္စည်း၊ သယ်ယူပို့ဆောင်ရေး၊ ဆက်သွယ်ရေး၊ ပြင်ပအစားအသောက်၊ အိမ်လခ၊ အိမ်ပြင်ခနှင့် ကျန်းမာရေး ကဏ္ဍတို့တွင် ငွေကြေးဖောင်းပွမှုနှုန်း မြင့်မားနေခြင်းဖြစ်သည်။

ထို့အတူ ၂၀၁၈ ခုနှစ် မေလ အတွက် တစ်နိုင်ငံလုံးအတွက် စား သုံးသူဈေးဆနှုန်းမှာ အစားအစာ အုပ်စုအတွက် ၁၅၁ ဒသမ ၈၂၊ အစားအစာ မဟုတ်သော အုပ်စုအတွက် ၁၂၃ ဒသမ ၉၄ နှင့် အုပ်စုအားလုံး အတွက် ၁၄၀ ဒသမ ၂၄ ရှိပြီး ၂၀၁၈ ခုနှစ် ဧပြီလ (၁၃၉ ဒသမ ၈၂) နှင့် နှိုင်းယှဉ်ပါက ၀ ဒသမ ၃၀ ရာခိုင်နှုန်း မြင့်တက်ခဲ့သည်။ စားသုံးသူ ဈေးဆနှုန်း၏ နှစ်အလိုက် ပြောင်းလဲမှု အခြေအနေမှာ ၂၀၁၈ ခုနှစ် မေလ၏ စားသုံးသူဈေးဆနှုန်း မှာ ၁၄၀ ဒသမ ၂၄ ဖြစ်သဖြင့် ၂၀၁၇ ခုနှစ် မေလ၏ အခြေအနေ ၁၃၂ ဒသမ ၄၂ နှင့် နှိုင်းယှဉ်ပါက ၅ ဒသမ ၉၀ ရာခိုင်နှုန်း မြင့်တက်ခဲ့သည်။ အလားတူ ၂၀၁၈ ခုနှစ် မေလ၏ အစားအစာနှင့် လောင်စာဆီ မပါဝင်သော စားသုံးသူဈေးဆနှုန်း (Core CPI)မှာ ၁၁၉ ဒသမ ၄၅ ဖြစ်ရာ ၂၀၁၇ ခုနှစ် မေလ၏ Core CPI အခြေအနေ ၁၁၃ ဒသမ ၇၁ နှင့် နှိုင်းယှဉ်ပါက ၅ ဒသမ ၀၅ ရာ ခိုင်နှုန်းမြင့်တက်ခဲ့ခြင်း ဖြစ်သည်။

ကုန်ဈေးနှုန်းအပေါ် သက်ရောက်မှု

ဇွန်လ ဒုတိယပတ်မှစတင်ကာ နိုင်ငံခြားငွေလဲနှုန်းများ နှစ်ပတ်ခန့် ဆက်တိုက်မြင့်တက်ခဲ့သဖြင့် ပြည်တွင်း၌ ဆေးဝါး၊ ပြည်ပမှ တင်သွင်းရသည့် ကုန်စည်အချို့ ဈေးနှုန်းမြင့်တက်ခဲ့သည်။

“ပြည်တွင်းကထုတ်တဲ့ ကုန်ပစ္စည်းတွေဖြစ်တဲ့ ဆန်၊ဆီ၊ ဆား၊ ငရုတ်၊ ကြက်သွန် ဖြူ/နီ၊ အာလူးတို့ကတော့ အရမ်းကြီးဈေးထိုးတက် သွားတာမရှိဘူး။ ပြည်ပကနေသွင်း ရတဲ့ ကုန်ပစ္စည်းတွေတော့ ဈေး တက်တယ်။ ထိုင်းကလာတဲ့ မီးဖိုချောင်သုံး ကုန်ပစ္စည်းတွေကတော့ ဈေးတက်တယ်။ မြန်မာငွေတန်ဖိုး ကျလို့လားတော့ မပြောတတ်ဘူးလေ။ ကျွန်တော်တို့ကတော့ ဒိုင်က ၀ယ်တဲ့ ဈေးထက်တော့ ဈေးနည်းနည်းတင်ပြီး ရောင်းတယ်။ ဒါမှလည်း အမြတ်ငွေကျန်မှာကိုး” ဟု တာမွေမြို့နယ် ကုန်စုံဆိုင်တစ်ခု၏ ဆိုင်ပိုင်ရှင်ဖြစ်သူက ပြောကြားသည်။

နိုင်ငံခြားငွေလဲနှုန်း ဆက်တိုက်မြင့်တက်မှုကြောင့် ဆေးဈေးကွက်အတွင်း ဆေးဝါးအများစုဈေးနှုန်း မြင့်တက်နေပြီး လက်ကားရောင်းချသူများက ပြည်ပမှတင်သွင်းသည့် ဆေးဝါးအချို့ကို ကန့်သတ်ရောင်းချမှုများ ရှိနေကြောင်း ရွှေပြည့်စုံဈေးရှိ ဆေးလက်လီလက်ကား အရောင်းဆိုင်များမှ သိရသည်။

လက်ရှိ ဆေးဈေးကွက်အတွင်း ဒေါ်လာဈေးမြင့်တက်မှုကြောင့် ဆေး ကုမ္ပဏီအချို့က ဆေးဝါးရောင်းချမှုကို ရပ်ဆိုင်းထားပြီး ကုမ္ပဏီဘက်မှ ဈေးနှုန်းအတက် အကျနှင့်ပတ်သက်၍ ဆေးရောင်းချသူများအား ပြန်လည် အသိပေးသွားမည်ဟု ပြောကြားထားကြောင်း ရွှေပြည့်စုံဈေးရှိ ဆေးလက်ကား အရောင်းဆိုင်များမှ သိရသည်။

“တစ်နေ့က ဈေးဆင်းဝယ်တော့ ပြည်ပက တင်သွင်းဆေးအချို့ကို ၀ယ်သလောက် ဒိုင်ကမရောင်း ဘူး။ ဘာလို့လဲမေးတော့ ပစ္စည်းနည်းနေတယ်။ ဈေးတက်မယ်ပေါ့။ အခုက ဒေါ်လာဈေးတွေလည်း တက် နေတော့ ဆေးကိုလုံးဝမရောင်းတာ မျိုးမဟုတ်ပေမဲ့ ချွေရောင်းတဲ့သဘော ဖြစ်နေတယ်။ လိုသလောက်မရတော့ ပိုလိုချင်တဲ့သူက ဈေးပိုပေးဆိုတဲ့ သဘောပေါ့။ ပုံမှန်အိမ်သုံး ဆေးဝါးတွေကိုတော့ အဲလိုမလုပ်ဘူး။ ပုံမှန်အတိုင်း ရောင်းပါတယ်” ဟု မြတ်မေတ္တာမွန်ဆေးဆိုင်မှ ဒေါ်မြင့်ရီက ပြောကြားသည်။

လက်ရှိ ဆေးဈေးကွက်အတွင်း ဒေါ်လာဈေးမြင့်တက်မှုကြောင့် ဆေးကုမ္ပဏီအချို့က ဆေးဝါးရောင်းချမှုကို ရပ်ဆိုင်းထားပြီး ကုမ္ပဏီဘက်မှ ဈေးနှုန်းအတက်အကျနှင့် ပတ်သက်၍ ဆေးရောင်းချသူများအား ပြန်လည် အသိပေးသွားမည်ဟု ပြောကြားထားကြောင်း ရွှေပြည့်စုံဈေးရှိ ဆေးလက်ကား အရောင်းဆိုင်များမှ သိရသည်။

“ဒေါ်လာဈေးတက်ရင် ဆေးတွေကလည်း နည်းနည်းစီ တက်သွားကြတာ။ တချို့ကုမ္ပဏီတွေက မတက်ဘူးလေ။ ဆေးကတော့ အများသုံး ဆေးတွေပဲတက်တာ။ တချို့ကျတော့လည်း ကုမ္ပဏီတွေက အရောင်းပိတ်သွားကြတယ်။ ဒီလပိုင်းဆို အရောင်းတော်တော်ပါးတယ်။ မိုးတွင်းမို့လည်း မဟုတ်ဘူး။ အရောင်းက ပါးကိုပါးနေတာ။ ဆိုင်တိုင်းလိုလို ပါးနေတာ တွေ့ရတယ်” ဟုရွှေပြည့်စုံဈေးမှ နိုင်ငံခြား ဆေးမျိုးစုံ ရောင်းချနေသည့် သူဇာဆေးဆိုင်မှ မသူဇာက ပြောကြားသည်။

ပုဂ္ဂလိကနိုင်ငံခြားငွေလဲကောင်တာ တစ်ခုတွင် ငွေကြေးလဲလှယ်နေသည်ကို တွေ့ရစဉ် (ဓာတ်ပုံ-ကြည်နိုင်)

ဆေးဈေးကွက်အတွင်း အရောင်းအ၀ယ်ပါးနေသည်မှာ ကာလတစ်ခု ရှိခဲ့ပြီဖြစ်ကြောင်း၊ လက်ရှိဖြစ်ပေါ်နေသည့် ငွေလဲနှုန်း အခြေအနေကြောင့် ကုမ္ပဏီအချို့က ဈေးတက်ရောင်းချင်ကြောင်း၊ သို့သော် လက်ရှိတွင် အရောင်းအ၀ယ် ပါးနေသဖြင့် မှိန်းပြီးသာ ဆက်လက်လုပ်ကိုင် နေကြရကြောင်း ရွှေပြည့်စုံဈေးတွင် နိုင်ငံခြားဆေးမျိုးစုံ ရောင်းချနေသူများက ဆိုသည်။

အချို့ကုန်စည်များ ဈေးနှုန်း မြင့်တက်ခဲ့သော်လည်း အချို့မှာမူ ပုံမှန်ဈေးနှုန်းများ အတိုင်းသာ ရှိနေဆဲဖြစ်သည်။

“လောလောဆယ်တော့ ဆီတွေ စားသောက်ကုန်အချို့တော့ ဈေးမတက်သေးပါဘူး” ဟု စမ်းချောင်းမြို့နယ်တွင် နေထိုင်သူ မသီရိက ပြော ကြားသည်။

“ဟော့ပေါ့ဆိုင်တွေမှာလည်း ဈေးတက်တယ်။ အသားတစ်ပွဲကို ၂၀၀ တက်တယ်။ အသီးအရွက် ၅၀ တက်တယ်” ဟု ရန်ကုန်မြို့ခံတစ်ဦးက ပြောကြားသည်။

ပြီးခဲ့သည့် ဧပြီလဆန်းက သင်္ကြန်မတိုင်ခင်ကာလ ဖြစ်သည့်အတွက် အခြေခံစားသောက်ကုန် ဈေးနှုန်းများ စတင်မြင့်တက်လာခဲ့ရာ သင်္ကြန်ကျော်ကာလတွင် သမ္မတသစ်ဦးဝင်းမြင့် တက်လာပြီးနောက် နိုင်ငံ့ဝန်ထမ်းများအား လစာတိုးမြှင့်ပေးမည်ဆိုသည့် သတင်းများကြောင့် ကုန်ဈေးနှုန်းမြင့်တက်ခဲ့သည်။

စက်သုံးဆီဈေး မြင့်တက်လာခြင်း၊ ဒေါ်လာဈေး အခြေအနေများကြောင့်လည်း  ပြီးခဲ့သည့် မေလအတွင်းက ပြည်တွင်း၌ ကုန်စည်အချို့ ဈေးနှုန်းလိုက်ပါ မြင့်တက်လာခဲ့သည်။

“စားဆီ၊ စက်သုံးဆီဈေးတွေ တက်လာပါတယ်။ အဲဒီအတွက် ကုန်ဈေးနှုန်းတွေ တက်လာပါတယ်။ အခြား ကုန်ဈေးနှုန်းတွေကလည်း လစာတိုး အရှိန်နဲ့ တက်လာကြတယ်။ ကြက်သွန်၊ မီးဖိုချောင်သုံးသီးနှံဈေးတွေ လည်းတက်နေတယ်” ဟု မြန်မာနိုင်ငံ ဆန်စပါးအသင်းချုပ်မှ တွဲဖက်အတွင်းရေးမှူး ဦးနေလင်းဇင်က ပြောကြားသည်။

အခြေခံစားသောက်ကုန် အများစုမှာ ကုန်ဈေးနှုန်းမြင့်တက်ပြီးနောက် ပြန်လည်ကျဆင်းလေ့ မရှိသဖြင့် လက်ရှိအချိန်တွင် အတက်ဈေးဘက်တွင်သာ ရှိနေခဲ့သည်။

သင်္ကြန်ကာလ ကုန်ဈေးနှုန်းအခြေအနေ

ပြီးခဲ့သည့်လများအတွင်း ဖြစ်ပေါ်ခဲ့သည့် ကုန်စည်ဈေးနှုန်းများကို လေ့လာကြည့်ပါက သင်္ကြန်ကာလ မတိုင်မီ ကုန်ဈေးနှုန်း ဈေးကွက်အတွင်း အခြေခံ စားသောက်ကုန်များဖြစ်သည့် ဆန်၊ ဆီနှင့် သားငါး ဈေးမြင့်တက်ခဲ့သည်။

ဆန်ဈေးနှုန်းအနေဖြင့် ရွှေဘိုပေါ်ဆန်း တစ်ပြည်လျှင် ယခင် ကျပ် ၂၂၀၀-၂၅၀၀ မှ ကျပ် ၂၃၀၀ -၂၉၀၀၊ ယခင်တစ်အိတ်လျှင် ၅၃၀၀၀ မှ ၆၉၀၀၀၊ ဖျားပုံဆန်သစ် ရှယ်တစ်ပြည်လျှင် ယခင်ကျပ် ၁၈၀၀ -၂၀၀၀ မှကျပ်၁၉၀၀-၂၂၀၀၊ တစ် အိတ်လျှင် ယခင်ကျပ် ၄၅၀၀၀မှ ကျပ် ၅၀၀၀၀ သို့ အသီးသီး ဈေးတက်ခဲ့သည်။

ဆန်ကြမ်းဈေး အနေဖြင့် ဧည့် မထဆန်တစ်အိတ်လျှင် ယခင်ကျပ် ၂၄၀၀၀ မှ ကျပ် ၃၁၀၀၀၊ ဇီရာဆန် တစ်အိတ်လျှင် ယခင်ကျပ် ၂၄၀၀၀ မှ ကျပ် ၁၉၀၀၀ မှ ၃၀၀၀၀ ကျပ်သို့ ဈေးတက်ခဲ့သည်။

သား၊ ငါးဈေးနှုန်းများအနေ ဖြင့် မွေးမြူရေးကြက် တစ်ပိဿာလျှင် ယခင်ကျပ် ၅၀၀၀-၆၀၀၀ ကြား ရှိရာမှ ယခုကျပ် ၆၀၀၀-၇၀၀၀၊ ဗမာကြက် တစ်ပိဿာလျှင် ယခင် ကျပ် ၇၀၀၀-၈၀၀၀ ကြားမှ ၉၀၀၀ – ၁၀၀၀၀၊ ၀က်သားတစ်ပိဿာ လျှင် ယခင်ကျပ် ၆၀၀၀- ၁၀၀၀၀ ကြားမှ ကျပ် ၇၀၀၀မှ ၁၂၀၀၀၊ အမဲသား တစ်ပိဿာလျှင် ယခင်ကျပ် ၇၀၀၀-၉၀၀၀ကြားရှိခဲ့ရာ ကျပ် ၁၀၀၀၀ ကျော်အထိ ဈေးတက်ခဲ့သည်။

ကုန်ဈေးနှုန်းများအနေဖြင့် ၂၀၁၄ ခုနှစ်မှ ဈေးနှုန်းသိသိသာသာ မြင့်တက်လာခြင်းဖြစ်ပြီး လေးနှစ်တာ ကာလအတွင်း ကုန်ဈေးနှုန်းများ ဈေးနှုန်း နှစ်ဆ၊ သုံးဆခန့်ဈေးနှုန်း မြင့်တက်ခဲ့ခြင်းဖြစ်သည်။

ကုန်ဈေးနှုန်းမြင့်တက်မှု အနေဖြင့် ၂၀၁၅ နိုဝင်ဘာလ ရွေးကောက် ပွဲပြီးကာလအတွင်းမှ စတင်ကာ သုံးနှစ်တာ ကာလအတွင်း အခြေခံ စားသောက်ကုန် ဈေးနှုန်းများအနေဖြင့် စံချိန်တင်မြင့်တက် ခဲ့ခြင်းဖြစ်သည်။ ၂၀၁၅ နိုဝင်ဘာလမှ ထပ်မံစတင်မြင်တက်ခဲ့သည့် ကုန်ဈေးနှုန်းများသည်၂၀၁၆ ဧပြီ သင်္ကြန်မတိုင်မီကာလတွင် ဈေးနှုန်းထပ်မံ မြင့်ခဲ့သည်။

အခြေခံစားသောက်ကုန်စည်များ အနေဖြင့် ၂၀၁၃ ခုနှစ်မှ စတင်၍ ကုန်ဈေးနှုန်းများ ဈေးနှုန်းစတင် မြင့်တက်လာခြင်းဖြစ်ပြီး ၂၀၁၃- ၂၀၁၄ခုနှစ်အတွင်း ကုန်ဈေးနှုန်းများအနေဖြင့် မြင့်တက်ခဲ့သော်လည်း စံချိန်တင် မြင့်တက်ခဲ့ခြင်း မရှိခဲ့ပေ။

သုံးနှစ်တာကာလ ကုန်စည်ဈေးနှုန်းများ မြင့်တက်ခြင်း အကြောင်းအရင်းများမှာ ၀န်ထမ်းလစာတိုးခြင်း၊ ဒေါ်လာဈေး မြင့်တက်ခြင်း၊ ကုန်ပစ္စည်း အ၀င်နည်းခြင်းနှင့် လမ်းပန်းဆက်သွယ်ရေး စသည့်အခက်အခဲ များကြောင့် ဈေးနှုန်းမြင့်တက်ခြင်းဖြစ်ပြီး ပြည်သူများအနေဖြင့် ကုန်ဈေးနှုန်း တစ်ဟုန်ထိုးမြင့်တက်သည့် ဒဏ်ကို ၂၀၁၃ ဇွန်လမှစတင်၍ ခံစားလာရခြင်းဖြစ်သည်။

သုံးနှစ်တာ ကာလအတွင်း မြင့်တက်ခဲ့သည့် အခြေခံ စားသောက်ကုန်စည်များ အနေဖြင့် တစ်ကြိမ်တစ်ခါမှ ဈေးနှုန်းသိသိသာသာ ပြန်လည်ကျဆင်းခြင်း မရှိသေးဘဲ ဈေးအနည်းငယ် အတက်အကျ ရှိရုံမျှသာ ရှိခဲ့သည်။

ထို့ပြင် အကောက်ခွန်နှုန်းများ ပြင်ဆင်သတ်မှတ် လိုက်ခြင်းကြောင့် ပြည်ပမှ တင်သွင်းသည့် အခြေခံ စားသောက်ကုန်အချို့ အကောက်ခွန် ပိုမိုပေးရမည် ဖြစ်သဖြင့် တင်သွင်းသူများက ဈေးတိုးရောင်းချ မည်ဖြစ်သည်။ နောက်ဆုံးတွင်မူ စားသုံးသူပြည်သူများသာ  ဈေးနှုန်းကြီး မြင့်သည့်ဒဏ်ကို ခါးစည်းခံရမည် ဖြစ်သည်ဟု မြန်မာ့စီးပွားရေး လေ့လာသူများက သုံးသပ်ကြသည်။

စားသုံးသူဈေးဆနှုန်း၏ လအလိုက် ပြောင်းလဲမှု အခြေအနေမှာ ၂၀၁၂ ခုနှစ် အခြေခံနှစ်ဖြင့် တွက်ချက်ထားသော ၂၀၁၈ ခုနှစ် ဧပြီလအတွက် တစ်နိုင်ငံလုံး၏ စားသုံးသူ ဈေးဆနှုန်းမှာ အစားအစာအုပ်စု အတွက် ၁၅၁ ဒသမ ၅၇၊ အစား အစာမဟုတ်သော အုပ်စုအတွက် ၁၂၃ ဒသမ ၂၉ နှင့် အုပ်စုအားလုံး အတွက် ၁၃၉ ဒသမ ၈၂ ရှိကြောင်း၊ ၂၀၁၈ ခုနှစ် မတ်လ၏အခြေအနေ မှာ ၁၃၉ ဒသမ ၁၁ ရှိခဲ့ပြီး ၂၀၁၈ ခုနှစ် ဧပြီလနှင့်နှိုင်းယှဉ်ပါ က ၀ ဒသမ ၅၁ ရာခိုင်နှုန်း မြင့်တက်လာကြောင်း၊ Core Inflation တွက်ချက်ရန် လိုအပ်သည့် အစားအစာ အုပ်စုနှင့် လောင်စာဆီဈေးနှုန်းများ မပါဝင်ဘဲ တွက်ချက်ထားသော စားသုံးသူဈေးဆနှုန်း (Core CPI) မှာ  ၁၁၉ ဒသမ ၀၈ ဖြစ်ရာ ၂၀၁၈ ခုနှစ် မတ်လ၏ Core CPI ဖြစ်သည့် ၁၁၈ ဒသမ ၈၃ နှင့်နှိုင်းယှဉ်ပါက ၀ ဒသမ ၂၁ ရာခိုင်နှုန်းဖြစ်ကြောင်း  စီမံကိန်းနှင့် ဘဏ္ဍာရေး ၀န်ကြီးဌာန၊ ဗဟိုစာရင်းအင်း အဖွဲ့က ထုတ်ပြန်ထားသည်။

စားသုံးသူဈေးဆနှုန်း၏ နှစ်အလိုက် ပြောင်းလဲမှု အခြေအနေမှာ ၂၀၁၈ ခုနှစ် ဧပြီလ၏ စားသုံးသူဈေးဆနှုန်းမှာ ၁၃၉ ဒသမ ၈၂ ဖြစ်သဖြင့် ၂၀၁၇ ခုနှစ် ဧပြီလ၏ အခြေအနေ ၁၃၂ ဒသမ ၀၇ နှင့် နှိုင်းယှဉ်ပါက ၅ ဒသမ ၈၇ ရာခိုင်နှုန်း မြင့်တက်လာသည်။ အလားတူ ၂၀၁၈ ခုနှစ် ဧပြီလ၏ Core CPI မှာ ၁၁၉ ဒသမ ၀၈ ဖြစ်ရာ ၂၀၁၇ ခုနှစ် ဧပြီလ၏ Core CPI အခြေအနေ ၁၁၃ ဒသမ ၆၄ နှင့် နှိုင်းယှဉ်ပါက ၄ ဒသမ ၇၈ ရာခိုင်နှုန်း မြင့်တက်ခဲ့ကြောင်း သိရသည်။

၂၀၁၈ ခုနှစ် မတ်လတွင် အစားအစာအုပ်စု (Food) ၏ဈေးဆနှုန်း မှာ ၁၅၁ ဒသမ ၅၇ ဖြစ်သဖြင့် ယခင်လကထက် ၀ ဒသမ ၇၀ ရာခိုင်နှုန်း မြင့်တက်လာသည်။ အခြေခံ စားသောက်ကုန်များဖြစ်သည့် အမဲသားဈေးနှုန်း ကျဆင်းလာသော်လည်း ဆန် (ဧည့်မထ)၊ စားအုန်းဆီ၊ အသား ငါးဈေးနှုန်းများနှင့် ကြက်ဥဈေးနှုန်းများ မြင့်တက်လာကြောင်း၊ အခြားမီးဖိုချောင်သုံး ကုန်ပစ္စည်းဖြစ်သည့် ပဲဈေးနှုန်းများ၊ ကြက်သွန်နီ၊ ကြက်သွန်ဖြူ၊ အာလူးနှင့် သကြားဈေးနှုန်းများ ကျဆင်းလာကြောင်း၊ အသီးအနှံနှင့် ဟင်းသီးဟင်းရွက်များဖြစ်သော သင်္ဘောသီး၊ ရှောက်သီး၊ သံပရာသီး၊ ချဉ်ပေါင်ရွက်၊ ပဲတောင့်ရှည်သီး၊ သခွားသီး၊ ခရမ်းသီး၊ ဂေါ်ဖီနှင့် ခရမ်းချဉ်သီး ဈေးနှုန်းများလည်း သိသိသာသာ မြင့်တက်နေသည်ကို တွေ့ရှိရသည်။

၂၀၁၈ ခုနှစ် ဧပြီလတွင် အစားအစာ မဟုတ်သောအုပ်စု (Non Food) ၏ ဈေးဆနှုန်းမှာ ၁၂၃ ဒသမ၂၉ ဖြစ်သဖြင့် ယခင်လနှင့် နှိုင်းယှဉ်ပါက ၀ ဒသမ ၂၀ ရာခိုင်နှုန်း မြင့်တက်နေသည်ကို တွေ့ရှိရသည်။ ယင်းအုပ်စုအတွင်းရှိ ဆေးဈေးနှုန်းများ၊ ကွမ်းသီးနှင့် ကွမ်းရွက်ဈေးနှုန်းများ သိသိသာသာ ကျဆင်းနေသော်လည်း သယ်ယူပို့ဆောင်ရေးအုပ်စုတွင် ပါဝင်သော ဓာတ်ဆီ၊ ဒီဇယ်ဆီနှင့် မော်တော်ဆိုင်ကယ် ဈေးနှုန်းများ၊ ရွှေထည်ပစ္စည်း ဈေးနှုန်းများ၊ အမျိုးသမီး/အမျိုးသားဝတ် လုံချည်များ၊ ရှပ်အင်္ကျီ၊ တီရှပ်၊ စပို့ရှပ်၊ အမျိုးသမီးဝတ်အင်္ကျီ၊ ဖိနပ်များ၊ အိမ်ပြုပြင် စရိတ်၊ ရေခဲသေတ္တာနှင့် အိမ်ဆောက်ပစ္စည်းများစသည့် ကုန်ပစ္စည်း ဈေးနှုန်းများမှ ယခင်လကထက် မြင့်တက်လာကြောင်း ဗဟိုစာရင်းအင်းအဖွဲ့မှ ထုတ်ပြန်ထားသည်။

၂၀၁၈ ခုနှစ် ဧပြီလအထိ ပျမ်းမျှငွေကြေးဖောင်းပွမှုနှုန်း (Annual Rate of Inflation) မှာ ၄ ဒသမ ၁၂ ရာခိုင်နှုန်းဖြစ်ပြီး အစားအစာအုပ်စုနှင့် လောင်စာဆီဈေးနှုန်းများ မပါဝင်ဘဲ တွက်ချက်ထားသော ပျမ်းမျှငွေကြေး ဖောင်းပွမှုနှုန်း (Core Inflation) မှာ ၃ ဒသမ ၉၆ ရာခိုင်နှုန်းရှိကြောင်း သိရသည်။

ထိရှလွယ်နေသည့် မြန်မာ့စီးပွားရေး

အစိုးရသစ် တက်လာပြီးနောက် မြန်မာ့စီးပွားရေး ဦးမော့လာရန် ဆောင်ရွက်ခဲ့သော်လည်း နှစ်နှစ်တာ ကုန်လွန်သွားချိန်၌ စီးပွားရေး တိုးတက်မလာသည့်အပြင် ပြိုလဲမသွားအောင်ပင် ရုန်းကန်နေရသည်။

စီးပွားရေးလုပ်ငန်းရှင် အများစုက မြန်မာ့စီးပွားရေး အနာဂတ်အတွက် မှန်းဆရခက်ပြီး ထိလွယ်ရှလွယ် ဖြစ်နေသည်ဟု ဆိုကြသည်။

လက်ရှိ ဖြစ်ပေါ်နေသည့် အခြေအနေတွင် လုပ်ငန်းရှင်များ လုပ်ရကိုင်ရ ပိုမိုခက်ခဲနေသည်။ မြန်မာ့စီးပွားရေး တိုးတက်မှုနှုန်း ကြီးကြီးမားမား လျော့နည်းသွားမည် ဆိုပါက မက်ခရိုစီးပွားရေး မတည်ငြိမ်မှု ကြီးထွားလာနိုင်ကာ နိုင်ငံ၏ အထွေထွေ မတည်ငြိမ်မှုကို ဖြစ်နိုင်ကြောင်း ကမ္ဘာ့ဘဏ်မှ ထုတ်ပြန်သည့် မြန်မာ့စီးပွားရေး စောင့်ကြည့် အစီရင်ခံစာတွင် ဖော်ပြထားသည်။

“ဒီအချိန်က ကုစားရင် မီပါသေးတယ်။ လုပ်တဲ့သူတွေကို ဥပဒေနဲ့ အကာအကွယ်ပေးပါ။ ဈေးကွက်စီးပွားရေးအရ Floating ဖြစ်နေတာကို နားလည်ပါတယ်။ ဒါပေမဲ့ သဘာဝမကျတဲ့ ဟာမျိုးတွေကို ထိန်းညှိပေးပါ။ ဒါဆိုရင်ရပါပြီ။ နိုင်ငံတော်က ဘာမှကုန်ကျစရာ မလိုပါဘူး။ လုပ်တတ်တဲ့သူကိုသာ ခေါင်းဆောင်တင်ပြီး လုပ်ခိုင်းပါ။ အရည်အချင်း ရှိတဲ့သူတွေ မြန်မာပြည်မှာ အများကြီး ရှိပါတယ်။ ဒီလူတွေကို တာဝန်ပေးပါ။ ရန်ကုန်တိုင်းမှာ အများကြီး ရှိပါတယ်။ ရန်ကုန်မှာ အလုပ်အကိုင် အခွင့်အလမ်းပေါလို့ ဒီမှာလာနေကြပါတယ်။ အဲဒါကြောင့်မို့ အလုပ်အကိုင် အခွင့်အလမ်းတွေ အများကြီး တိုးတက်အောင် တခြားနိုင်ငံတွေမှာ လုပ်ပေးနေတာတွေကို တွေ့နေတာပဲဗျာ။ ဗီယက်နမ်တွေ တိုးတက်သွားတယ်။ ကမ္ဘောဒီးယား တိုးတက်သွားတယ် ဘာလုပ်ထားသလဲ။ သူတို့အတိုင်း လိုက်လုပ်ပေးရုံပဲ။ ဒါကို ဆိုလိုတာ။ ကျွန်တော်က ဒါလေးတော့ မေတ္တာရပ်ခံပါရစေ” ဟု လုပ်ငန်းရှင်တစ်ဦးက ဆိုသည်။

ကုန်ဈေးနှုန်းကြီးမြင့်မှု၊ စားဝတ်နေရေးခက်ခဲမှု၊ ၀င်ငွေနှင့် အသုံးစရိတ် မမျှတမှုနှင့် ဒေါ်လာဈေး မြင့်တက်မှုများကြောင့် မြန်မာ့စီးပွားရေးမှာ ရပ်တန့်နေသည်ဟု ဆိုခြင်းထက် ကျဆင်းနေသည်ဟု ပြောဆိုရမည်ဖြစ်ပြီး ထိုသို့ကျဆင်းမှုတွင် အစိုးရ၌ အဓိက တာဝန်ရှိကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနတွင် ဒုတိယ၀န်ကြီး ဖြစ်ခဲ့သူ ဒေါက်တာပွင့်ဆန်းက ဇွန် ၂၉ ရက်တွင် ပြောကြားသည်။

နိုင်ငံ့စီးပွား ဖွံ့ဖြိုးတိုးတက်နေကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားအပြီးတွင် ပြည်သူလူထုအကြား ကျပ်တည်းမှုများကြောင့် မြန်မာ့စီးပွားရေး ရပ်တန့်နေကြောင်း သုံးသပ်မှုများ ရှိနေပြီး ထိုသို့တန့်နေသည် ဆိုသော်လည်း ကုန်ဈေးနှုန်းကြီးမြင့်မှု၊ စားဝတ်နေရေးခက်ခဲမှု၊ ၀င်ငွေနှင့် အသုံးစရိတ် မမျှတမှုနှင့် ဒေါ်လာဈေး မြင့်တက်မှုများကြောင့် မြန်မာ့စီးပွားရေးမှာ ရပ်တန့်နေသည် ဆိုခြင်းထက် ကျဆင်းနေသည်ဟု ပြောဆိုရမည်ဖြစ်ကြောင်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၏ ဗဟိုအလုပ်အမှုဆောင် ကော်မတီဝင်လည်းဖြစ်သူ ဒေါက်တာပွင့်ဆန်းက သုံးသပ်ခဲ့ခြင်းဖြစ်သည်။

“စီးပွားရေးက ရပ်တန့်နေတယ်။ ကုန်ဈေးနှုန်းတွေက ကြီးမြင့်နေတယ်။ စားဝတ်နေရေး ခက်ခဲမှုတွေရှိတယ်။ ၀င်ငွေနဲ့ အသုံးစရိတ်တွေက မမျှတဘူး။ ဒေါ်လာဈေးကလည်း စံချိန်တင် မြင့်တက်သွားပြီ (ငွေလဲလှယ်နှုန်းက)။ ဒါတွေက အမှန်တွေပဲပေါ့။ ဒီပြယုဂ်တွေ အခြေခံ ကြောင်းခြင်းရာတွေ ကြည့်ခြင်းအားဖြင့် မြန်မာနိုင်ငံရဲ့ စီးပွားရေး အခြေအနေ မကောင်းဘူး။ ရပ်တန့်နေတယ် ဆိုတာထက်ကို ကျဆင်းနေတယ်လို့တောင် ပြောလို့ရပါတယ်။ ရပ်တန့်နေတာ မဟုတ်ဘူး ကျဆင်းနေတာပါ” ဟု ဒေါက်တာပွင့်ဆန်းက ဆိုသည်။

ငွေကြေးဖောင်းပွမှုနှုန်း အနေအထားမှာ ယခင်နှစ်နှင့် နှိုင်းယှဉ်လျှင် လျော့ကျသွားသည်ဟု ကမ္ဘာ့ဘဏ်၏ မြန်မာ့စီးပွားရေး လေ့လာမှု အစီရင်ခံစာတွင် ဖော်ပြထားသည်။

မြန်မာကျပ်ငွေ တန်ဖိုးမှာ ၂၀၁၇-၂၀၁၈ အတွင်း အနည်းငယ် တန်ဖိုးတက်လာသည်။ ၂၀၁၇ -၂၀၁၈ ဘဏ္ဍာနှစ်၏ ပထမနှစ်ဝက်ကာလတွင် ဈေးနှုန်းများသည် အသင့်အတင့်သာ မြင့်တက်ခဲ့သော်လည်း ဒုတိယနှစ်ဝက် ကာလတွင် ပိုမိုလျင်မြန်စွာ မြင့်တက်ခဲ့သည်။ အစားအသောက်နှင့် လောင်စာဆီဈေးနှုန်းများ မြင့်တက်ခဲ့ရခြင်းမှာ အထူးသဖြင့် ကမ္ဘာ့လောင်စာဆီ ဈေးနှုန်းများ မြင့်တက်ခဲ့၍ဖြစ်ကြောင်း အဆိုပါ အစီရင်ခံစာတွင် ဖော်ပြထားသည်။

လက်ရှိဖြစ်ပေါ်နေသည့် နိုင်ငံခြားငွေလဲနှုန်း မတည်မငြိမ် ဖြစ်နေခြင်းက ပြည်သူအများစုအပေါ် သက်ရောက်နေသည်။ မြန်မာနိုင်ငံသည် အများအားဖြင့် သွင်းကုန်များအပေါ်တွင်သာ အားထားသုံးစွဲ နေရသဖြင့် ဒေါ်လာဈေး မြင့်တက်မှုနှင့် စက်သုံးဆီဈေး မြင့်တက်မှုများက ပြည်သူလူထုအပေါ် အကြီးအကျယ် ရိုက်ခတ်လာနိုင်မည်ဖြစ်သည်။ ကမ္ဘာ့ဘဏ်က ထုတ်ပြန်ခဲ့သည့် မြန်မာ့စီးပွားရေး စောင့်ကြည့်အစီရင်ခံစာတွင် မြန်မာ့စီးပွားရေး တိုးတက်မှုနှုန်း ကြီးကြီးမားမား လျော့နည်းသွားမည် ဆိုပါက မက်ခရိုစီးပွားရေး မတည်ငြိမ်မှု ကြီးထွားလာနိုင်ကာ နိုင်ငံ၏ အထွေထွေ မတည်ငြိမ်မှုကို ဖြစ်စေနိုင်ကြောင်း သုံးသပ်ခဲ့သည်။

မြန်မာ့စီးပွားရေး ကျဆင်းနေသဖြင့် ပြည်သူများ၏ ၀ယ်ယူစားသုံးနိုင်စွမ်း ကျဆင်းနေချိန်တွင် မြွေပူရာ ကင်းမှောင့်သကဲ့သို့ ဒေါ်လာဈေး၊ စက်သုံးဆီဈေးနှင့် ကုန်ဈေးနှုန်း မြင့်တက်မှုများကသာ ထပ်ဆင့်ထိုးနှက်ပါက ကျပ်တည်းလာသည့် ပြည်သူများအကြား ကမ္ဘာ့ဘဏ် သုံးသပ်ထားသကဲ့သို့ အထွေထွေ မတည်ငြိမ်မှု ဆိုက်ရောက်လာမည်ကို သတိပြုပြင်ဆင်ရန် လိုအပ်ကြောင်း အကြံပြုလိုပါသည်။

ကမ္ဘာ့နိုင်ငံကြီးတွေရဲ့ ကုန်သွယ်ရေးစစ်ပွဲကြားမှာ စိုးရိမ်စရာဖြစ်နေတဲ့ မြန်မာကျပ်ငွေ အတက်အကျ

ရန်ကုန်မြို့ မြို့နယ်တစ်ခုတွင် ဖွင့်လှစ်ထားသည့် နိုင်ငံခြားငွေကြေးလဲလှယ်မှုမြင်ကွင်း (ဓာတ်ပုံ – ကျော်ဇင်ဖြိုး)

၂၀၁၈ ခုနှစ် ဇွန် ၂၂ ရက်မှာ ဒေါ်လာဈေး ၁၃၇၆ ကျပ်၊ ပို့ကုန်ရငွေ တစ်ဒေါ်လာ ၁၃၈၄ ကျပ်အထိ မြင့် တက်ခဲ့ပြီး ၁၀ ရက်အတွင်း တစ် ဒေါ်လာ ကျပ် ၃၀ (၂ ဒသမ ၂၂ ရာ ခိုင်နှုန်း) မြင့်တက်ခဲ့တာဖြစ်ပါတယ်။ ပြည်တွင်းနိုင်ငံခြားငွေကြေး ဈေးကွက်ဟာ ကာလအတန်ကြာ တည်ငြိမ်နေခဲ့တာဖြစ်ပြီး အခုမြင့်တက်ခဲ့တဲ့ ဒေါ်လာဈေးဟာ ၂၀၁၇ ခုနှစ် မတ်လဆန်းနောက်ပိုင်း အမြင့်ဆုံး နှုန်းထားဖြစ်ကာ ၂၀၁၆ ခုနှစ်တုန်း ကလို နိုင်ငံခြားငွေလဲနှုန်း ဆက်တိုက်မြင့်တက် ဦးမလားဆိုတာ စောင့်ကြည့်ရဦးမှာပါ။ နဂိုကတည်းက မြန်မာနိုင်ငံမှာ ကုန်သွယ်မှုလိုငွေ များပြားမှု၊ ပို့ကုန်နည်းပါးမှု၊ ဘတ်ဂျက်လိုငွေ များပြားမှု၊ နိုင်ငံခြား ရင်းနှီးမြှုပ်နှံမှုအ၀င်နည်းမှု၊ စီးပွားရေး တိုးတက်မှုနှုန်း ကျဆင်းမှု၊ ဈေးကွက်အတွင်း ဒေါ်လာလိုအပ်ချက်များပြားမှု စတာတွေ ဖြစ်ပေါ်နေချိန်မှာ ကမ္ဘာ့ဈေးကွက်မှာ ဒေါ်လာဈေးနှုန်း မြင့်တက်မှုက ပြည်တွင်းနိုင်ငံခြားငွေကြေး ဈေးကွက်ကို သိသိသာသာ ရိုက်ခတ်ခဲ့တာ ဖြစ်ပါတယ်။

“ဒေါ်လာဈေးကတော့ သူက ကမ္ဘာသုံးငွေကြေးပါ။ နိုင်ငံအများ ဆုံးသုံးတဲ့ နိုင်ငံခြားငွေကြေးက ဒေါ်လာပဲ။ တစ်ကမ္ဘာလုံးမှာ ဖြစ်နေတဲ့ ၀ယ်လိုအားတွေ ရောင်းလိုအားတွေ အရ၊ အမေရိကန်အစိုးရရဲ့ မူဝါဒ အပြောင်းအလဲတွေအရ အတက်အကျဖြစ်တယ်။ အခု အမေရိကန်သမ္မတ ဒေါ်နယ်ထရမ့်နဲ့ တရုတ်ကြားက အပြန်အလှန် ကုန်သွယ်ရေး တားဆီးမှုတွေ ဖြစ်လာတယ်။ ဥရောပနိုင်ငံတွေနဲ့လည်း ကုန်သွယ်ရေးနဲ့ ပတ်သက်ပြီးတော့ အဖုအထစ်လေးတွေ ဖြစ်လာတယ်။ နောက်တစ်ခုက အမေရိကန်ဗဟိုဘဏ်ရဲ့ Inflation Target၊ သူက နှစ်ရာခိုင်နှုန်း ထားတယ်ဆို နှစ်ရာခိုင်နှုန်းဖြစ်ဖို့ လိုအပ်တဲ့ Money Supply က ဘယ်လိုရှိမယ်၊ အခွန်စနစ်တွေ ဘယ်လောက်အထိ ပြောင်းလဲရမယ်၊ Target ထားတယ် ဆိုကတည်းက ဒီ Target ကို ပြည့်မီအောင်၊ ထိန်းနိုင်အောင် တခြားလိုအပ်တဲ့မူဝါဒ အပိုင်းအစလေးတွေ ပေါင်းစပ်ပြီးမှသာ Target ကို ထိန်းလို့ရတယ်။ အဲဒီအပေါ်မှာမှ ဖြစ်ပေါ်လာတဲ့ ကောင်းခြင်းဆိုးခြင်းတွေ အများ ကြီးရှိတယ်။ သူတင်မဟုတ်ဘူး၊ သူ့နိုင်ငံတင် မဟုတ်ဘူး။ ကမ္ဘာသုံးငွေ ကြေးဖြစ်တော့ အားလုံးအပေါ် သက်ရောက်မှုရှိတယ်” လို့ မူဝါဒဆိုင်ရာ စီးပွားရေးပညာရှင် ဒေါက်တာအောင်ကိုကိုက ပြောကြားခဲ့ပါတယ်။

စီးပွားရေးပညာရှင် ဦးလှမောင်ကလည်း “အခုဒေါ်လာဈေးမြင့်တက်မှုက အမေရိကန်-တရုတ်  ကုန်သွယ်ရေးစစ်ပွဲ ဖြစ်နိုင်ခြေပေါ့။ အပြန်အလှန်သွင်းကုန်ခွန် ကောက်ခံမှုတွေဖြစ်လာတယ်။ အီးယူကလည်း ပါလာတယ်။ အဲဒီမှာ ဒေါ်လာဈေး က တခြားကမ္ဘာ့ငွေကြေးတွေနဲ့ ယှဉ် ရင် မြင့်လာတယ်။ တခြားငွေကြေး တွေတောင် တန်ဖိုးကျလာတော့ မြန်မာကျပ်ငွေလည်း ဘာခံနိုင်မလဲ၊ လိုက်ကျတာပေါ့။ အချိန်တိုအတွင်း ခုဂဏန်းတောင်မဟုတ်ဘူး၊ ဆယ် ဂဏန်း လိုက်ကျလာတယ်။ ကြားထဲက ရောင်တော်ပြန်နဲ့ ငွေကြေးဈေးကွက် လိုက်ကစားတဲ့သူတွေကြောင့် လည်းပါမှာပေါ့။ ဒေါ်လာဈေး တက် ရင် ပို့ကုန်သမားတွေအတွက် အခွင့် အလမ်းကောင်းပေမယ့် အခွင့်အရေး ယူနိုင်တဲ့သူပဲရမယ်။ သွင်းကုန်တွေကတော့ ဒေါ်လာဈေးတက်ရင် ဈေး တက်မယ်၊ အခုလို စက်သုံးဆီဈေး မြင့်တဲ့အချိန် ဒေါ်လာဈေး မြင့်လာတော့ ဈေးပိုတက်နိုင်ပြီး ကုန်ဈေးနှုန်းနဲ့ ငွေကြေးဖောင်းပွမှုနှုန်းကို မြင့်တက်စေနိုင်တယ်” လို့ ဆိုပါတယ်။

၂၀၁၈ ခုနှစ် မေနဲ့ ဇွန်နှစ်လ တာမှာ အမေရိကန်ဒေါ်လာ သိသိသာသာ အားပြန်ကောင်းလာပြီး သမိုင်းဝင် ထရမ့်နဲ့ ကင်ထိပ်သီးဆွေးနွေးပွဲ ပြင်ဆင်ချိန်ကတည်းက ဒေါ်လာဈေး အညွှန်းကိန်းက အတက်ဘက်မှာ အားကောင်းခဲ့တာ ဖြစ်ပါတယ်။ အမေရိကန်သမ္မတ ဒေါ်နယ်ထရမ့်နဲ့ မြောက်ကိုရီးယားခေါင်းဆောင် ကင်ဂျုံအန်တို့ အစည်းအဝေး အပေါင်းလက္ခဏာ ရရှိခဲ့မှု၊ အမေရိကန်ဗဟိုဘဏ် FED က အတိုးနှုန်းတိုးမြှင့်မှု၊ အတိုးနှုန်းထပ်တိုးဖို့ ပြင်ဆင်နေမှု၊ ဥရောပဗဟိုဘဏ် ECB က ၂၀၁၉ ခုနှစ်အထိ အတိုးနှုန်းတိုးမြှင့်ဖို့ အစီအစဉ်မရှိကြောင်း ထုတ်ဖော်မှု၊ အမေရိကန်နဲ့ တရုတ် အကြားအပြန်အလှန် ဒေါ်လာဘီလျံရာချီ တန်ဖိုးရှိတဲ့ သွင်းကုန်တွေ အခွန်ကောက်ခံမှုကြောင့် ဖြစ်ပေါ်နေတဲ့ ပထ၀ီနိုင်ငံရေး တင်းမာမှုတို့ကြောင့် ဒေါ်လာဈေး အညွှန်းကိန်း က ၁၁ လအတွင်း အမြင့်ဆုံးနှုန်း အဖြစ် ၉၅ ဒသမ ၂၀ ပွိုင့်အထိ ရောက်ရှိသွားခဲ့တာပါ။

အမေရိကန်နိုင်ငံ ရွေးကောက် ပွဲပြုလုပ်ခဲ့တဲ့၂၀၁၆ ခုနှစ် နိုဝင်ဘာလနောက်ပိုင်း ၂၀၁၇ ဇန်န၀ါရီ ၃ ရက်မှ ဒေါ်လာဈေးအညွှန်းကိန်း ၁၀၃ ဒသ မ ၈၂  ပွိုင့်အထိ မြင့်တက်ခဲ့ပြီး ၂၀၁၈ ခုနှစ် ဇန်န၀ါရီ ၂၅ ရက် တွင် ၈၈ ဒသမ ၆၃ ပွိုင့်အထိ ကျဆင်းခဲ့ပါတယ်။ ပြီးခဲ့တဲ့ငါးလအတွင်း အမြင့်ဆုံး ဖြစ်ပေါ်ခဲ့တဲ့ ကမ္ဘာ့ဒေါ်လာဈေး ညွှန်းကိန်းတွေကတော့ ဒီဇင် ဘာမှာ ၉၄ ဒသမ ၁၈ ပွိုင့်၊ ဇန်န ၀ါရီမှာ ၉၂ ဒသမ ၃၆ ပွိုင့်၊ ဖေ ဖော်ဝါရီမှာ ၉၀ ဒသမ ၄၃ ပွိုင့်၊ မတ်မှာ ၉၀ ဒသမ ၃၇ ပွိုင့်၊ ဧပြီမှာ  ၉၁ ဒသမ ၇၁ ပွိုင့်၊ မေမှာ ၉၄ ဒသမ ၈၃ ပွိုင့်ဖြစ်ပြီး  ဇွန် ၂၁ ရက်တွင် ၉၅ ဒသမ ၂၀ ပွိုင့်အထိ ရောက်ရှိခဲ့တာ ဖြစ်ပါတယ်။

ဒေါ်လာဈေး မြင့်တက်ခဲ့တာကြောင့် မြန်မာအပါအ၀င် အာရှနိုင်ငံအများစုရဲ့ ငွေကြေးတန်ဖိုးတွေ ကျဆင်းခဲ့ပြီး နဂိုကတည်းက စီးပွားရေး တိုးတက်မှု ကျဆင်းနေတဲ့ မြန်မာနိုင်ငံရဲ့ ကျပ်ငွေတန်ဖိုးကတော့ ကျဆင်းမှုနှုန်း မြင့်မားတဲ့ နှုန်းထားမှာ ရှိနေပါတယ်။ ဒေါ်လာငွေ မာလာတာကြောင့် အာရှစီးပွားရေး အင်အားကြီး နိုင်ငံတွေဖြစ်တဲ့ တရုတ်၊ ဂျပန်၊ သြစတြေးလျ၊ အိန္ဒိယ၊ တောင်ကိုရီးယားတို့ရဲ့ ငွေတန်ဖိုးတွေလည်း ကျဆင်းခဲ့တာ တွေ့ရပါတယ်။

ပြီးခဲ့တဲ့ ဧပြီ ၁၈ ရက်နဲ့ ဇွန် ၂၁  ရက် နှစ်လကျော် အတွင်းမှာ ဖြစ်ခဲ့တဲ့ အာရှငွေကြေး တန်ဖိုးတွေကို နှိုင်းယှဉ်ကြည့်မယ်ဆိုရင် စင်ကာပူဒေါ်လာက ၃ ဒသမ ၆၆ ရာခိုင်နှုန်း၊ ထိုင်း ဘတ်က ၅ ဒသမ ၄၈ ရာခိုင်နှုန်း၊ မလေးရှားက ၃ ဒသမ ၄၄ ရာခိုင်နှုန်း၊ ဗီယက်နမ် ဒေါင်က ၀ ဒသမ ၄၄ ရာခိုင်နှုန်း၊ လာအိုကစ်က ၁ ဒသမ ၂၉ ရာခိုင်နှုန်း၊ အင်ဒိုနီးရှား ရူပီယာက ၂ ဒသမ ၃၂  ရာခိုင်နှုန်း၊ ဖိလစ်ပိုင်ပီဆိုက ၂ ဒသမ ၄၆ ရာခိုင်နှုန်း၊ ဘရူနိုင်းဒေါ်လာက ၁၆ ဒသမ ၁၅ ရာခိုင်နှုန်း၊ ကမ္ဘောဒီးယားရီယဲလ် က ၁ ဒသမ ၄၄ ရာခိုင်နှုန်း တန်ဖိုး လျော့ကျခဲ့ပါတယ်။

အာရှစီးပွားရေး အင်အားကြီး နိုင်ငံတွေဖြစ်တဲ့ တရုတ်ယွမ်က ၀ ဒသမ ၃၄ ရာခိုင်နှုန်း၊ ဂျပန်ယန်းက ၂ ဒသမ ၅၁ ရာခိုင်နှုန်း၊ အိန္ဒိယ ရူပီးက ၃ ဒသမ ၄၁ ရာခိုင်နှုန်း၊ တောင်ကိုရီးယားဝမ်က ၂ ဒသမ ၉၇ ရာခိုင်နှုန်း၊ သြစတြေးလျဒေါ်လာက ၅ ဒသမ ၇၁ ရာခိုင်နှုန်းတန်ဖိုး ကျ ဆင်းခဲ့တာတွေ့ရပါတယ်။ မြန်မာ ကျပ်ငွေတန်ဖိုးက ဧပြီ ၁၈ ရက်မှာ တစ်ဒေါ်လာ ၁၃၂၅ ကျပ် ပေါက် ဈေးရှိခဲ့ပြီး ဇွန် ၂၂  ရက်မှာ ၁၃၇၆ ကျပ်အထိဖြစ်ပေါ်ခဲ့တာကြောင့် နှစ် လကျော်အတွင်း ၅၁ ကျပ်မြင့်တက် ခဲ့ပြီး ရာခိုင်နှုန်းအနေနဲ့ကြည့်ရင် ၃ ဒသမ ၈၄ ရာခိုင်နှုန်းအထိ တန်ဖိုး ကျဆင်းခဲ့တာပါ။ ဒီနှုန်းထားတွေကို ကြည့်မယ်ဆိုရင် ဒေါ်လာနဲ့ ယှဉ်ရင် နိုင်ငံအများစုရဲ့ ငွေကြေးတန်ဖိုးတွေ အသီးသီး ကျဆင်းခဲ့တာကို တွေ့ရမှာဖြစ်ပါတယ်။

ဒါ့ပြင်ပြည်တွင်းဈေးကွက်မှာ အဓိက အရောင်းအ၀ယ်လုပ်နေတဲ့ နိုင်ငံခြားငွေကြေးတွေရဲ့ ဧပြီ ၁၈ ရက်နဲ့ ဇွန် ၂၁ ရက်မှာဖြစ်ပေါ်ခဲ့တဲ့ ပေါက်ဈေးတွေကို နှိုင်းယှဉ်ကြည့် မယ်ဆိုရင် အမေရိကန်ဒေါ်လာက ၃ ဒသမ ၇၇ ရာခိုင်နှုန်း၊ မလေးရှား ရင်းဂစ်က ၁ ဒသမ ၃၃ ရာခိုင်နှုန်း၊ ထိုင်းဘတ်က ၀ ဒသမ ၃၅ ရာခိုင် နှုန်း၊ တရုတ်ယွမ်က ၀ ဒသမ ၂၃ ရာ ခိုင်နှုန်းအထိ မြင့်တက်ခဲ့ပါတယ်။ တစ်ဖက်မှာလည်း ယူရိုက ၂ ဒသမ ၉၃ ရာခိုင်နှုန်း၊ ဗြိတိန်ပေါင်က ၃ ဒသမ ၁၈ ရာခိုင်နှုန်း၊ ဂျပန်ယန်းက ၁ ဒသမ ၂ ရာခိုင်နှုန်း၊ သြစတြေး လျဒေါ်လာက ၀ ဒသမ ၉၆ ရာခိုင် နှုန်း၊ စင်ကာပူဒေါ်လာက ၀ ဒသမ ၁၉ ရာခိုင်နှုန်း ကျဆင်းခဲ့တာကို တွေ့ရပါတယ်။

လက်ရှိ NLD အစိုးရ စတင် တက်ရောက်တဲ့ ၂၀၁၆ ခုနှစ် ဧပြီ ၁ ရက်မှာ နိုင်ငံခြားငွေလဲနှုန်း တစ် ဒေါ်လာ ၁၁၉၃ ကျပ်ဖြစ်ပြီး အစိုးရ သက်တမ်း ၂၆ လကျော်အတွင်း အနိမ့်ဆုံးငွေလဲနှုန်းအဖြစ် ၂၀၁၆ ခုနှစ် ဧပြီ ၂၄ ရက်မှာ ၁၁၅၃ ကျပ်၊ အမြင့်ဆုံး ငွေလဲနှုန်းအဖြစ် ၂၀၁၆ ခုနှစ် ဒီဇင်ဘာ ၁၆ ရက်မှာ ၁၄၃၈ ကျပ် (နိုင်ငံခြားငွေလဲနှုန်း သမိုင်းတစ်လျှောက် စံချိန်တင်နှုန်းထား) အထိ ဖြစ်ပေါ်ခဲ့ပါတယ်။

၂၀၁၆ ခုနှစ်အတွင်း ဖြစ်ပေါ်ခဲ့တဲ့ အနိမ့်ဆုံးနှုန်းနဲ့ အမြင့်ဆုံးနှုန်းတွေကို နှိုင်းယှဉ်ပါက ၂၈၅ ကျပ် မြင့်တက်ခဲ့တာဖြစ်ပြီး ရာခိုင်နှုန်း အနေနဲ့ဆိုရင် ကျပ်ငွေတန်ဖိုး ၂၄ ဒသမ ၇၁ ရာခိုင်နှုန်း ကျဆင်းခဲ့ပါတယ်။ ကာလအလိုက် ကျပ်ငွေတန် ဖိုးကျဆင်းမှုကို ပြန်ကြည့်ပါက ၂၀၁၆ ခုနှစ် နိုဝင်ဘာဒုတိယပတ် နောက် ပိုင်းမှ ဒီဇင်ဘာတတိယပတ်အတွင်း ကျဆင်းမှုနှုန်း ပိုမိုမြင့်မားပြီး တစ် လကျော်အတွင်း ၁၅၁ ကျပ်ဝန်းကျင် ကျဆင်းခဲ့ပြီး ရာခိုင်နှုန်းအနေနဲ့ကြည့်ရင် ၁၁ ဒသမ ၇၃ ရာခိုင် နှုန်းအထိ ကျဆင်းခဲ့ပါတယ်။

ငွေကြေးဖောင်းပွမှုနှုန်း မြင့်တက်သလို လိုက်တက်နေသည့် အခြေခံစားသောက်ကုန်များ ရောင်းချနေသည့် မြင်ကွင်း

၂၀၁၇ ခုနှစ် မတ်လနောက် ပိုင်းမှစပြီး ၂၀၁၈ ခုနှစ် ဇွန်လဆန်းအထိ နိုင်ငံခြားငွေလဲနှုန်းဟာ တစ်ဒေါ်လာ ၁၃၂၀ ကျော်မှ ၁၃၇၀ ကျော် ကြားမှာရှိပြီး လတစ်လအတွင်း အမြင့်ဆုံးဈေးနှုန်း ကွာခြားမှုကလည်း နည်းပါးခဲ့ပေမယ့် ၂၀၁၈ ခုနှစ် ဇွန်လအတွင်းမှာ  ပြန်လည်လှုပ်ခတ်မှုတွေ ဖြစ်လာပါတယ်။

ပြည်တွင်းဈေးကွက်မှာ ၂၀၁၈ ခုနှစ် ငါးလအတွင်း လအလိုက်ဖြစ်ပေါ်တဲ့ နိုင်ငံခြားငွေလဲနှုန်း အနိမ့်ဆုံးနဲ့ အမြင့်ဆုံး နှုန်းတွေကတော့ ဇန်န၀ါရီမှာ ၁၃၂၃-၁၃၅၄ ကျပ်၊ ဖေဖော်ဝါရီမှာ ၁၃၂၃-၁၃၃၁ ကျပ်၊ မတ်မှာ ၁၃၂၆-၁၃၃၄ ကျပ်၊ ဧပြီမှာ ၁၃၂၄-၁၃၃၂ ကျပ်၊ မေမှာ ၁၃၃၂-၁၃၅၁ တို့ဖြစ်ပြီး ဇန်န၀ါရီမှာ ကွာဟချက် အများဆုံးဖြစ်ပေါ်ခဲ့ တာပါ။

ပြီးခဲ့တဲ့ မတ်လအတွင်းမှာ အ မြင့်ဆုံးဈေးနှုန်းအဖြစ် မတ် ၂၁ ရက် မှာ ၁၃၃၄ ကျပ်ဖြစ်ပေါ်ခဲ့တဲ့ ဒေါ် လာဈေးဟာ မတ် ၂၉ ရက်မှာ ၁၃၂၈ ကျပ်အထိ၊ ဧပြီလဆန်းမှာ ၁၃၂၄ ၀န်းကျင်အထိ ကျဆင်းခဲ့ပါတယ်။ အဲဒီနောက် ဧပြီလကုန်ပိုင်း ၂၈ ရက် မှာ ၁၃၃၁  ကျပ်၊ မေ ၂၁ ရက်မှာ ၁၃၅၁  ကျပ်အထိမြင့်တက်ခဲ့ပြီး ဇွန် ၉ ရက်မှာ ၁၃၄၆ ကျပ်၊ ဇွန် ၁၅ ရက် မှာ ၁၃၅၅ ကျပ်၊  ဇွန် ၁၆ ရက်မှာ ၁၃၆၅ ကျပ်၊ ဇွန် ၂၀ ရက်မှာ  ၁၃၆၈ ကျပ်၊ ဇွန် ၂၂ ရက်မှာ ၁၃၇၆ ကျပ် အထိ မြင့်တက်ခဲ့တာဖြစ်ပါတယ်။ ၂၀၁၈ ခုနှစ်အတွင်း အနိမ့်ဆုံးဖြစ် ပေါ်ခဲ့တဲ့ ၁၃၂၃ ကျပ်နဲ့  အမြင့်ဆုံးဖြစ်ပေါ်ခဲ့တဲ့ ၁၃၇၆ ကျပ်တို့နှိုင်းယှဉ်ရင် ၅၃ ကျပ် (လေးရာခိုင်နှုန်း) မြင့်တက် ခဲ့တာဖြစ်ပါတယ်။

နိုင်ငံခြားငွေလဲနှုန်း အတက်အကျဟာ နိုင်ငံခြားငွေဝယ်လိုအားနဲ့ ရောင်းလိုအားကို သက်ရောက်စေနိုင်တဲ့ အကြောင်းရင်းတွေအပေါ် မှာ အခြေခံပြီး အဓိကကျတဲ့အချက် တွေကတော့ နိုင်ငံတကာ ငွေကြေးဈေးကွက် အခြေအနေ၊ နိုင်ငံ့ပို့ကုန် သွင်းကုန်ပမာဏ၊ နိုင်ငံ့စီးပွားရေး ဖွံ့ဖြိုးတိုးတက်မှု အခြေအနေ၊ ရသုံးမှန်းခြေ ငွေစာရင်းရှင်းတမ်း အခြေအနေ၊ စီးပွားရေးစနစ် အတွင်းရှိ ကုန်စည်နဲ့ ၀န်ဆောင်မှုတွေရဲ့ ဈေးနှုန်း အခြေအနေတို့ဖြစ်ပြီး တစ်နည်းအားဖြင့် စီးပွားရေး စနစ်ထဲမှာရှိတဲ့ အတွင်း/အပြင် အခြေခံ အချက်တွေကြောင့် ဖြစ်တယ်လို့ မြန်မာနိုင်ငံတော် ဗဟိုဘဏ်က အကြီးတန်း တာဝန်ရှိသူ တစ်ဦးက ဆိုပါတယ်။

ဒီနေရာမှာ နိုင်ငံတကာ ငွေကြေးဈေးကွက် အခြေအနေကတော့ ကမ္ဘာ့နိုင်ငံကြီးတွေအကြား ဖြစ်ပွားနေတဲ့ ကုန်သွယ်ရေးစစ်ပွဲ အခြေအနေကြောင့် ဒေါ်လာဈေးညွှန်းကိန်းက စင်ပေါ်ပြန်ရောက်နေပြီး တခြားငွေကြေး တန်ဖိုးတွေ ကျဆင်းနေပါတယ်။ နိုင်ငံ့ကုန်သွယ်ရေး အခြေအနေက ပြီးခဲ့တဲ့ ၂၀၁၇-၂၀၁၈ ဘဏ္ဍာနှစ်မှာ လိုငွေဒေါ်လာ ၃၉၇၃  သန်းကျော်ဖြစ်ပေါ်ခဲ့ပါတယ်။ နိုင်ငံ စီးပွားရေးဖွံ့ဖြိုးတိုးတက်မှုအခြေ အနေကလည်း အရင်နှစ်တွေထက် လျော့ကျလာပြီး ဘတ်ဂျက်လိုငွေကလည်း နှစ်စဉ်နှစ်တိုင်း ဖြစ်ပေါ်နေဆဲဖြစ်ပါတယ်။ ပြည်တွင်းဈေးကွက်ထဲရှိ ကုန်စည်နဲ့ ၀န်ဆောင်မှုဈေးနှုန်း တွေကလည်း ကုန်ကျစရိတ်များပြားမှုနဲ့အတူ ငွေကြေးဖောင်းပွမှုနှုန်း မြင့်မားနေတာကလည်း ကျပ်ငွေ တန်ဖိုးကို ကျဆင်းစေပါတယ်။

အမျိုးသားဒီမိုကရေစီ အဖွဲ့ချုပ်ရဲ့ စီးပွားရေးကော်မတီ အဖွဲ့ဝင် ဦးရဲမင်းဦးကလည်း  “ မြန်မာနိုင်ငံက သွင်းကုန်အများဆုံး နိုင်ငံလို ဖြစ်နေတယ်။ ဒေါ်လာဈေးတက်ရင် လူတိုင်းကို ထိခိုက်နိုင်တယ်။ ဒေါ်လာဈေးတက်ရင် အဲဒါတွေ ဈေးတက်မယ်။ အဲဒါတွေ ဈေးတက်ရင် လူတန်းစားအားလုံးကို ထိခိုက်မယ်၊ တစ်နိုင်ငံလုံး စီးပွားပျက်မယ်။ အဲဒီအတွက် သက်သာအောင်၊ ခံသာအောင် ဘာလုပ်မလဲဆိုတာတော့ လုပ်လို့ရတယ်။ ဈေးမကျအောင်တော့ လုပ်လို့မရဘူး။ ဒါပေမဲ့ တက်သင့် တက်ထိုက်တဲ့ ပမာဏထက် မပိုအောင်တော့ လုပ်သင့်တယ်။ နောက်တစ်ခုက တက်တဲ့အတွက် ကိုယ့်နိုင်ငံသားတွေ အထိမနာအောင် အကြောင်းအရာလေး ရှာဖို့လိုတယ်” လို့ ပြောကြားထားပါတယ်။

အခုအချိန်မှာ တခြားငွေကြေးတွေနည်းတူ မြန်မာကျပ်ငွေဟာ ဒေါ်လာနှင့် နှိုင်းယှဉ်ပါက ကျဆင်းနေပြီး ကုန်သွယ်မှုကဏ္ဍမှာ သွင်းကုန်ပမာဏက ပို့ကုန်ပမာဏထက် ပိုများနေသလို ကုန်သွယ်ရေးလိုငွေပြမှု ကာလကြာရှည်စွာ ဖြစ်ပေါ်နေမှုကြောင့်  ဒေါ်လာဝယ်လိုအား မြင့်တက်စေပြီး နိုင်ငံ့ငွေတန်ဖိုးကို ကျဆင်းစေပါတယ်။

“ကိုယ့်ငွေတန်ဖိုး ကျတဲ့အချိန်မှာ အစိုးရအနေနဲ့ ကိုယ့်အသုံးစရိတ် ကို ပြန်ဆန်းစစ်သင့်တယ်။ ဘတ်ဂျက်ပေါ့။ နှစ်တိုင်းလည်း လိုငွေပြ နေတော့ ဒီအချိန်မှာ မသုံးသင့်တာ မသုံး၊ မကုန်သင့်တာမကုန်အောင် ထိန်းချုပ်ရမယ်။ မလုပ်သင့် မလုပ်ထိုက်သေးတဲ့ စီမံကိန်းတွေကို ဆိုင်းငံ့သင့်တာဆိုင်းငံ့၊ ရပ်ဆိုင်းသင့်တာ ရပ်ဆိုင်းရမယ်။ ငွေကုန်ကြေးကျများတဲ့ စစ်ပွဲတွေ မဖြစ်အောင် လုပ်ရမယ်။ ပညာရေး၊ ကျန်းမာရေးကလွဲလို့ ကျန်တဲ့အသုံးစရိတ်တွေ စိစစ်ချွေတာသင့်တယ်။ နောက်တစ်ခုက ၀င်ငွေတိုးအောင် လုပ်ရမယ်။ နိုင်ငံတစ်ခုရဲ့ ၀င်ငွေတိုးဖို့ အဓိကနည်းလမ်းဖြစ်တဲ့ ပို့ကုန်ရငွေတိုးအောင် လုပ်ရမယ်။ ပို့ကုန်ရငွေတိုးဖို့အတွက် နိုင်ငံအတွင်းမှာရှိတဲ့ စီးပွားရေး လုပ်ငန်းတွေကို အားပေးရမယ်၊ အခွင့်အလမ်းတွေ ရှာဖွေပေးရမယ်။ ပြီးတော့ အခွန်ကောက်ခံမှုမှာ လစ်ဟာမှုမရှိအောင် နိုင်ငံတကာ အဆင့်အတန်းနဲ့အညီ ကောက်ခံရမယ်။ အခွန်ကောက်ခံမှုမှာ သူများနိုင်ငံတွေ ဘယ်လိုကောက်ခံနေသလဲ ကြည့်ဖို့ လိုသလို အခွန်ကောက်ခံမှုဟာ စီးပွားရေး လုပ်ငန်းတွေနဲ့ အစိုးရအတွက် နှစ်ဦးနှစ်ဖက် အကျိုးရှိအောင် ပြင်ဆင်သွားရမယ်။ ပြီးတော့ အစိုးရအနေနဲ့ နိုင်ငံတကာ အစိုးရတွေ၊ အဖွဲ့အစည်းတွေ၊ စီးပွားရေး လုပ်ငန်းတွေဆီကနေ Fund ပိုရအောင် လုပ်ရမယ်၊ နိုင်ငံခြားရင်းနှီးမြှုပ်နှံမှု ပိုဝင်အောင် လုပ်ရမယ်၊ ဟိုတယ်နဲ့ ခရီးသွားလုပ်ငန်းတွေ တိုးတက်အောင် လုပ်ရမယ်။ ဒီလိုလုပ်ဆောင်လို့ ကိုယ့်ဂျီဒီပီ တက်လာတဲ့အခါ ကိုယ့်ကျပ်ငွေရဲ့ တန်ဖိုးလည်း တက်လာမယ်။ ငွေတန်ဖိုးကို ဖိစီးစေတဲ့ သက်ရောက်မှုဒဏ်တွေကို ပိုပြီးခံနိုင်ရည် ရှိလာပါမယ်” လို့ ဦးလှမောင်က သုံးသပ်ပါတယ်။

မြန်မာနိုင်ငံထဲကို နိုင်ငံခြားငွေတွေ လုံလုံလောက်လောက် စီးဝင်လာမယ်ဆိုရင် နိုင်ငံခြားငွေ ရောင်းချလိုတဲ့ ပမာဏများပြားလာပြီး နိုင်ငံခြားငွေအပေါ် ၀ယ်လိုအားနဲ့ ရောင်းလိုအားတို့ ညီမျှပြီး ငွေလဲလှယ်နှုန်းတွေလည်း တည်ငြိမ်သွားနိုင်တာကြောင့် နိုင်ငံအတွင်းကို နိုင်ငံခြားငွေတွေ လုံလုံလောက်လောက် စီးဝင်စေဖို့ မြန်မာနိုင်ငံတော် ဗဟိုဘဏ်အနေနဲ့ သက်ဆိုင်ရာ ၀န်ကြီးဌာနတွေနဲ့ ပေါင်းစပ်ညှိနှိုင်း ဆွေးနွေးနေဖို့ လိုတယ်လို့ ပညာရှင်တွေက သုံးသပ်ကြပါတယ်။

မြန်မာနိုင်ငံကို နိုင်ငံခြားငွေတွေ လုံလုံလောက်လောက် စီးဝင်လာဖို့အတွက်  ငွေတန်ဖိုးတက်လွန်း၊ ကျလွန်းမဖြစ်ဘဲ တည်ငြိမ်တဲ့နှုန်းဖြစ် ဖို့လိုပါတယ်။ လက်ရှိအချိန်အထိတော့ အဓိကနိုင်ငံခြားငွေစီးဝင်မှုလမ်း ကြောင်းဖြစ်တဲ့ နိုင်ငံခြားရင်းနှီးမြှုပ်နှံမှု ၀င်ရောက်မှုကတော့ အရင်ဘဏ္ဍာနှစ်တွေနဲ့ယှဉ်ရင် ကျဆင်းနေပါတယ်။ ကုန်သွယ်ရေးပိုငွေပြဖို့၊ ပို့ကုန်တိုးတက်ဖို့ အတွက်လည်း အချိန်ယူရဦးမယ့် အနေအထား ဖြစ်နေပါတယ်။ ပြည်တွင်းဈေးကွက်ကို ကြည့်ရင်လည်း ငွေကြေးဖောင်းပွမှုနှုန်း မြင့်တာကြောင့် ကုန်ဈေးနှုန်းတွေ တက်နေတဲ့ အချိန်မှာ နိုင်ငံခြားငွေလဲနှုန်းကပါ မတည်မငြိမ် မြင့်တက်နေမယ်ဆိုရင် အခြေခံစားသောက်ကုန်၊ လူသုံးကုန် ဈေးနှုန်းတွေလည်း ဆက်မြင့်လာဦးမှာပါ။

အခုလို ဒေါ်လာလဲနှုန်း မြင့် တက်တဲ့အခါ စီးပွားရေးလုပ်ငန်းရှင် တွေအားလုံး အခက်အခဲဖြစ်ပေါ်နေ ပြီး နောက်ဆက်တွဲအနေနဲ့ ဈေးကွက် ထဲမှာ သွင်းကုန်ဈေးနှုန်းနဲ့ ကုန်ထုတ် လုပ်မှုကုန်ကျစရိတ် မြင့်မားမှုဒဏ် တွေ ရိုက်ခတ်လာနိုင်ပါတယ်။ လုပ် ငန်းရှင်တွေ ခက်ခဲရင် ၀င်ငွေနည်း ပြည်သူတွေ အကျပ်အတည်းဖြစ်စေ မှာဖြစ်တဲ့အတွက် အစိုးရအနေနဲ့ နိုင်ငံ့စီးပွားရေးအပေါ် ထိခိုက်မှုနည်းအောင် ကြိုတင်စီမံထားသင့်ပါတယ်။

“အဲဒီတော့ ဒေါ်လာဈေးသည် တက်ဈေး၊ ကျဈေး သူ့ဟာသူတော့ ရှိမှာပဲ။ ရုတ်ခြည်းတက်သွားခြင်း၊ ရုတ်ချည်းကျသွားခြင်းမဖြစ်အောင် ဘယ်လိုလုပ်မလဲဆိုတာတော့ နိုင်ငံ အစိုးရနဲ့ သက်ဆိုင်သွားတာပေါ့။ ဗဟိုဘဏ်နဲ့လည်း သက်ဆိုင်တာ ပေါ့။ စီးပွားရေးနဲ့သက်ဆိုင်နေတဲ့ စီမံ/ဘဏ္ဍာတို့၊ ကူးသန်းရောင်းဝယ် ရေးဝန်ကြီးဌာနတို့အပြင် ဆောက်လုပ်ရေးနဲ့လည်း သက်ဆိုင်နေတာပဲ။ လယ်ယာစိုက်ပျိုးရေးဆိုလည်း စီးပွားရေးနဲ့ သက်ဆိုင်တာပဲ။ လယ်ယာထွက်ကုန်တွေ ပြည်ပကို တင်ပို့တာပဲဖြစ်ဖြစ်၊ ပြည်ပက တင်သွင်းတာပဲဖြစ်ဖြစ် ဒေါ်လာနဲ့ဆိုင်တာပဲ။ စက်မှုဝန်ကြီးဌာနလည်း သက်ဆိုင်နေတာပဲ။ သွင်းကုန်တွေနဲ့ ယှဉ်ပြိုင် နိုင်စွမ်းရှိတဲ့ ထုတ်ကုန်တွေ ဘယ်လိုထုတ်မလဲ၊ ပို့ကုန်တွေ ဘယ်လိုမြှင့်တင်မလဲ သူနဲ့သက်ဆိုင်တာပဲ။ စီးပွားရေးနဲ့ သက်ဆိုင်နေတဲ့ ၀န်ကြီးဌာနတွေအကုန်လုံး၊ ဗဟိုဘဏ်လည်းပါတာပေါ့။ ဗဟိုဘဏ်နဲ့ပေါင်း စပ်ပြီးတော့ စီးပွားရေးနဲ့ သက်ဆိုင်တဲ့ ၀န်ကြီးဌာနအားလုံး မြန်မာ့စီးပွားရေး အခြေအနေ၊ ကမ္ဘာ့စီးပွားရေး အခြေအနေတွေကို အမြဲသုံးသပ်နေဖို့ လိုတာပေါ့။ ဒေါ်လာဈေးနှုန်း အပြောင်းအလဲတွေ၊ ရေနံဈေးနှုန်း အပြောင်းအလဲတွေ၊ အခု တရုတ် OBOR ရဲ့ အကျိုးဆက်တွေ၊ တရုတ်ယွမ်ငွေရဲ့ ကျယ်ပြန့်လာမှုတွေ၊ တစ်ချိန်ချိန်မှာ တရုတ်ယွမ်ငွေက အခုထက် အားကောင်းလာတဲ့အခါ ကိုယ့်နိုင်ငံနဲ့ တရုတ်နီးစပ်မှုတွေ၊ ကုန်သွယ်ရေး၊ ရင်းနှီးမြှုပ်နှံမှု အများဆုံး နိုင်ငံဖြစ်နေမှုတွေက ကိုယ့်နိုင်ငံအတွက် ဘယ်လိုကောင်းကျိုးတွေ ဖြစ်လာမလဲ၊ ဒေါ်လာနဲ့ ယွမ်ကြားက အားပြိုင်မှုတွေကြားမှာ ကိုယ့်နိုင်ငံအတွက် ဘယ်လိုအခွင့်အရေး ရယူမလဲဆိုတာ ပြင်ထားဖို့တော့ လိုမှာပေါ့” လို့ ဒေါက်တာအောင်ကိုကိုက သုံးသပ်ပါတယ်။

ဒေါ်လာဈေးမြင့်တက်ပြီး နိုင်ငံ့ငွေတန်ဖိုး ကျဆင်းစေတဲ့ ကုန်သွယ်ရေးလိုငွေ၊ ဘတ်ဂျက်လိုငွေ၊ ရင်းနှီးမြှုပ်နှံမှု ကျဆင်းမှု၊ နိုင်ငံခြား အရန်ငွေ နည်းပါးမှု၊ စီးပွားရေး တိုးတက်မှုနှုန်း ကျဆင်းမှု၊ ကုန်စည်ထုတ်လုပ်မှုနှင့် ၀န်ဆောင်မှု လျော့နည်းမှု၊ နိုင်ငံခြားငွေသုံးစွဲမှုဆိုင်ရာ စည်းမျဉ်းတွေ အားနည်းမှုတွေဟာ မြန်မာနိုင်ငံမှာ ဆက်လက်ဖြစ်ပေါ်နေဆဲ ဖြစ်ပါတယ်။ အားနည်းချို့ယွင်းချက်တွေကြောင့် ပြည်တွင်းပြည်ပက အကြောင်းတစ်ခုခုဖြစ်တိုင်း နိုင်ငံ့စီးပွားရေးအပေါ် သက်ရောက်မှုအား ကြီးမားနေတာ ဖြစ်တယ်။ လက်ရှိအစိုးရ တက်ရောက်ချိန်မှာ စီးပွားရေး ပိုပြီးတိုးတက်မယ်လို့ အားလုံးက မျှော်လင့်ခဲ့ပေမယ့် နိုင်ငံ့စီးပွားရေးကတော့  ချွတ်ခြုံကျနေဆဲဆိုတော့ ကျန်ရှိနေသေးတဲ့ အစိုးရ လက်ကျန်သက်တမ်းမှာ စီးပွားရေး အားကောင်းလာအောင် စွမ်းဆောင်နိုင်မလား စောင့်ကြည့်ရပါဦးမယ်။