လက်ရှိတွင် ဘတ်ဂျက်အနေအထားပေါ် မူတည်၍ စီမံကိန်းများ ရွေးချယ်လေ့ရှိပြီး နိုင်ငံအတွက် အမှန်တကယ် လိုအပ်သည့် စီမံကိန်းများကို ဦးစားပေး ရွေးချယ်ရန် ပို၍အဓိကကျကြောင်း နိုင်ငံတော်၏ အတိုင်ပင်ခံပုဂ္ဂိုလ် ပြောကြား

လက်ရှိအခြေအနေတွင် ဘတ်ဂျက်အနေအထားပေါ် မူတည်၍ စီမံကိန်းများ ရွေးချယ်လေ့ရှိသည်ကို တွေ့ရကြောင်း၊ စီမံကိန်းများ ရွေးချယ်ရာ၌ ငွေရေးကြေးရေး အခြေအနေကို ထည့်သွင်းစဉ်းစားရန် အရေးကြီးသော်လည်း နိုင်ငံအတွက် အမှန်တကယ် လိုအပ်သည့် စီမံကိန်း များကို ဦးစားပေးရွေးချယ်နိုင်ရန် ပို၍အဓိကကျသည်ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားခဲ့ကြောင်း မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှုစီမံကိန်း ၂၀၁၈-၂၀၃၀ တွင် ဖော်ပြထားသည်။

ထို့ကြောင့် ပြည်သူပြည်သားများအတွက် ကောင်းကျိုးအများဆုံး ဆောင်ကြဉ်းပေးနိုင်မည့် စီမံကိန်း များကို ရွေးချယ် အကောင်အထည်ဖော် ဆောင်ရွက်ရမည် ဖြစ်သည်ဟု ဖော်ပြထားသည်။

တစ်နည်းဆိုရလျှင် အမျိုးသားအဆင့် စီမံကိန်းများသည် နိုင်ငံသူ နိုင်ငံသားအားလုံး၏ ဘ၀မြှင့်တင်ရေးကို ရှေးရှုဖော်ဆောင်ထား သည့် စီမံကိန်းများ ဖြစ်ရမည်ဖြစ်ကြောင်း၊ လက်ရှိစီမံကိန်းများ အကောင်အထည်ဖော်မှု အပါအ၀င် အမျိုးသားအဆင့်စီမံကိန်းများ ရေးဆွဲရာတွင် ရေရှည်တည်တံ့ရေးနှင့် ဟန်ချက်ညီညီ ပူးပေါင်းဆောင်ရွက်ရေးကို အထူးအလေးထားရန် လိုအပ်ကြောင်းနှင့် မိမိတို့၏ လိုအပ်ချက်များနှင့် နိုင်ငံ၏ လိုအပ်ချက်များကို စဉ်းစားဆောင်ရွက်ရာ၌ မဟာဗျူဟာကျကျ စဉ်းစားဆောင်ရွက်ကြရန်ကိုလည်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုက်တွန်းထားကြောင်း သိရသည်။

လက်ရှိ မြန်မာနိုင်ငံတွင် ကဏ္ဍအလိုက် ၀န်ကြီးဌာနအလိုက်၊ ပြည်နယ်၊ တိုင်းဒေသကြီးအလိုက် စသည်ဖြင့် စီမံကိန်းများစွာ ရှိနေကြောင်း၊ ထိုသို့အမျိုးမျိုးသော စီမံကိန်းများကို အမျိုးသားအဆင့် မဟာဗျူဟာ စီမံကိန်းကြီး တစ်ခုအောက်၌ သဟဇာတ ဖြစ်စေရန် ပေါင်းစည်းပြီး ဆောင်ရွက်နိုင်မှသာ တိုင်းပြည်အတွက် စစ်မှန်သည့် ဖွံ့ဖြိုးတိုးတက်မှုကို ဆောင်ကြဉ်းနိုင်မည် ဖြစ်ကြောင်း သိရသည်။

ထို့ကြောင့် ဗဟိုအစိုးရ အဖွဲ့အစည်းများ၊ ပြည်နယ်၊ တိုင်းဒေသကြီးများ အနေဖြင့် ငြိမ်းချမ်းပြီး သာယာဝပြောသည့် ဖက်ဒရယ်ဒီမိုကရေစီ နိုင်ငံတစ်ခု ဖြစ်လာရန် ဖော် ဆောင်ရာတွင် မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း (Myanmar Sustainable Development Plan – MSDP) မှ ဘက်စုံပူးပေါင်း ဆောင်ရွက်မှု မူဘောင်တစ်ခုအဖြစ် ဆောင်ရွက်ပေးမည် ဖြစ်ကြောင်း သိရသည်။

ငြိမ်းချမ်းရေးနှင့် တည်ငြိမ်ရေးသည် ယခုစီမံကိန်း၏ မဏ္ဍိုင်သုံးခုအနက် တစ်ခုဖြစ်သည့်အပြင် ၎င်းတို့မရှိလျှင် တိုင်းပြည်ဖွံ့ဖြိုးတိုးတက်မှုကို ရေရှည်ထိန်းထားနိုင်ရန် ခက်ခဲလိမ့်မည်ဖြစ်ကြောင်း၊ တစ်ချိန်တည်းမှာပင် ရေရှည်တည်တံ့ပြီး မျှတသည့် ဖွံ့ဖြိုးမှုကသာ တိုင်းပြည်ကို ငြိမ်းချမ်းတည်ငြိမ်စေရန် အထောက်အကူ ပြုနိုင်ကြောင်း၊ မြန်မာနိုင်ငံသည် MSDP ၏ လမ်းပြမှုဖြင့် ဘက်စုံထောင့်စုံ ဟန်ချက်ညီညီ ဖွံ့ဖြိုးတိုးတက် လာနိုင်မည်ဖြစ်ကြောင်း၊ နောက်ထပ်ခြေလှမ်းတစ်ရပ် အနေနှင့် ဗဟိုအစိုးရ အဖွဲ့အစည်းများနှင့် ပြည်နယ်နှင့် တိုင်းဒေသကြီး အစိုးရ အားလုံးထံမှ အဆိုပြု စီမံကိန်းများသည် MSDP နှင့် မဟာဗျူဟာကျကျ ကိုက်ညီမှု ရှိ မရှိ ဆိုသည်ကို စိစစ်သုံးသပ်မည်ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

ထိုသို့ စိစစ်ထားသော နိုင်ငံတော်အဆင့် မဟာဗျူဟာ စီမံကိန်းများကို MSDP ၏ လွှမ်းခြုံမှုအောက်တွင် ပြည်သူ့ရင်းနှီးမြှုပ်နှံမှုဆိုင်ရာ စီမံချက်ဘဏ် (Project Bank) အဖြစ် တစ်စုတစ်ဝေးတည်းထားရှိ အကောင်အထည်ဖော်မည်ဖြစ်ကြောင်း သိရသည်။

 

မြရိပ်ညိုစီမံကိန်းမှာ ရန်ကုန်တိုင်းဝန်ကြီးချုပ်၏ သဘောတူညီမှုဖြင့် လုပ်ကိုင်နေခြင်းဖြစ်ပြီး ကုက္ကိုင်းရေလှောင်ကန်နှင့် ပတ်သက်၍ လုံခြုံစိတ်ချရမှုရှိစေရန် စီစဉ်ထားကြောင်း ဇေကမ္ဘာတာဝန်ရှိသူဆို

မြရိပ်ညိုစီမံကိန်း အတွင်းပိုင်းတစ်နေရာကို တွေ့ရစဉ် (ဓာတ်ပုံ-နေ၀န်းထက်)

ရန်ကုန်မြို့ ဗဟန်းမြို့နယ်ရှိ မြရိပ်ညို အထပ်မြင့်စီမံကိန်းမှာ ၂၀၁၇ ခုနှစ် ဇွန်လတွင် ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း၏ သဘောတူညီမှုဖြင့် ဆောင်ရွက်နေခြင်းဖြစ်ပြီး ကုက္ကိုင်းရေလှောင်ကန်နှင့် ပတ်သက်၍ လုံခြုံစိတ်ချရသည့် အစီအစဉ်များဖြင့် ဆက်လက် လုပ်ဆောင်နေကြောင်း အဆိုပါစီမံကိန်းအား တာဝန်ယူဆောင်ရွက်နေသည့် ဇေကမ္ဘာကုမ္ပဏီမှ တာဝန်ရှိသူတစ်ဦး ဖြစ်သည့် ဦးထွန်းဝင်းဟန်က ပြောကြားသည်။

မြရိပ်ညို အထပ်မြင့်စီမံကိန်း၏ လက်ရှိအခြေအနေများနှင့် မည်သည့်ခုနှစ်တွင် စတင်ဆောင်ရွက်ခဲ့ခြင်းများနှင့် ပတ်သက်ပြီး The Daily Eleven သတင်းစာ၏ မေးမြန်းမှုအား ဦးထွန်းဝင်းဟန်က စီမံကိန်းအား ရန်ကုန်မြို့တော် စည်ပင်သာယာရေးကော်မတီနှင့် ညှိနှိုင်းပြီး ဆက်လက် လုပ်ကိုင်နေခြင်းဖြစ်ပြီး ၂၀၁၇ ခုနှစ် ဇွန်လတွင် ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းနှင့် တွေ့ဆုံသဘောတူညီမှု ရရှိခဲ့ခြင်းဖြစ်ကြောင်း ပြန်လည်ဖြေကြားသည်။

“စီမံကိန်းကတော့ ရန်ကုန်မြို့တော် စည်ပင်သာယာရေးကော်မတီနှင့် ညှိနှိုင်းပြီး ဆက်လုပ်နေတယ်ပေ့ါ။ စီမံကိန်းနဲ့ ပတ်သက်ပြီးတော့ Retaining Wall ကို အရင်လုပ်နေတယ်။ သဘောတူညီမှုကို ရန်ကုန်တိုင်းဒေသကြီးကနေ ၂၀၁၇ ဇွန်လောက်မှာ တင်ပြီးတော့ ဦးဖြိုးမင်းသိန်းနဲ့ တွေ့တယ်။ ဇွန်၊ ဇူလိုင်မှာ Timeline Time Schedule နဲ့ ဆက်လက် ဆောင်ရွက်တယ်” ဟု ဦးထွန်းဝင်းဟန်က ပြောကြားသည်။

မြရိပ်ညို အထပ်မြင့်စီမံကိန်းနှင့် ပတ်သက်၍ ဧပြီ ၂၈ ရက်မှ မေ ၂၈ ရက်အထိ တစ်လအတွင်း ဆက်လက် လုပ်ဆောင်ခြင်းမပြုရန် တိုင်းဒေသကြီး လွှတ်တော်ကိုယ်စားလှယ်များက ရန်ကုန်မြို့တော် စည်ပင်သာယာရေးကော်မတီအား ညွှန်ကြားထားသော်လည်း ကာကွယ်ရေးဝန်ကြီးဌာနက ဇေကမ္ဘာ ဦးခင်ရွှေကို ငှားရမ်းထားသည့် စီမံကိန်းဖြစ်သည့်အတွက် တိုင်းဒေသကြီးအစိုးရနှင့် စည်ပင်က အနီးကပ် စောင့်ကြည့်လျက်ရှိကြောင်း ရန်ကုန်တိုင်းဒေသကြီး ဗဟန်းမြို့နယ် တိုင်းဒေသကြီး လွှတ်တော်ကိုယ်စားလှယ် ဦးသောင်းထွဋ် က ဇွန် ၁ ရက်တွင် The Daily Eleven သတင်းစာသို့ ပြောကြားထားပြီး ရန်ကုန်မြို့တော် စည်ပင်သာယာရေးကော်မတီ ရေနှင့် သန့်ရှင်းရေးဌာနမှ ဌာနမှူး ဦးအောင်ဆန်းဝင်းက စီမံကိန်းနှင့်ပတ်သက်ပြီး လုပ်ငန်းရှင်ဘက်နှင့် ဆွေးနွေးနေကြောင်း၊ စီမံကိန်း ရပ်ဆိုင်းထားခြင်းနှင့် ပတ်သက်ပြီး သိရှိခြင်းမရှိကြောင်း ပြောကြားထားသည်။

ကုက္ကိုင်း ရေလှောင်ကန်မှာ ၁၃ ဒသမ ၇၉၄ ဧကရှိသည့် မြရိပ်ညို အထပ်မြင့်စီမံကိန်းဧရိယာအတွင်း တည်ရှိနေပြီး ကုက္ကိုင်းရေလှောင်ကန် လုံခြုံစိတ်ချမှု ရှိစေရန်အတွက် စီမံကိန်း၏ ဆောက်လုပ်ရေးပိုင်းကို တာဝန်ယူ ဆောင်ရွက်နေသည့် တရုတ် ဆောက်လုပ်ရေးကုမ္ပဏီက ရန်ကုန်မြို့တော် စည်ပင်သာယာရေးကော်မတီမှ ညွှန်ကြားထားသည့် CBP ၊ CSP စနစ်များအတိုင်း Retaining Wall ကို ဆောက်လုပ်လျက်ရှိပြီး အဆိုပါကိစ္စနှင့် ပတ်သက်ပြီး Third Party အနေဖြင့် ရန်ကုန်မြို့တော် စည်ပင်သာယာရေးကော်မတီနှင့် ညှိနှိုင်းဆောင်ရွက်နေသဖြင့် ရေလှောင်ကန်နှင့် ပတ်သက်၍ အများပြည်သူ စိုးရိမ်ရန်မလိုကြောင်း ဦးထွန်းဝင်းဟန်၏ ပြောကြားမှုအရ သိရသည်။

ထို့ပြင် အများပြည်သူ စိုးရိမ်နေသကဲ့သို့ ကုက္ကိုင်းရေလှောင်ကန်၏ ရေထိန်းနံရံ အက်ကွဲနေခြင်းမျိုး၊ အပိုရေစိမ့်အိုင် ဖြစ်ပေါ်နေခြင်းမျိုး မရှိကြောင်း ၊ ရေစိမ့်ထွက်မှု မရှိစေရန်အတွက် CSP Wall နှစ်လွှာဖြင့် ဆောက်ရွက်လျက် ရှိကြောင်း သိရသည်။

“ကျွန်တော်တို့ မြို့တော်စည်ပင်နဲ့ Third Party အနေနဲ့ပေါ့။ ညှိပြီးတော့ စီမံကိန်းနဲ့ ပတ်သက်ပြီးတော့ Retaining Wall တွေကို အရင်လုပ်နေတယ်။ Two Role ကျန်သေးတယ်။ အများပြည်သူ စိုးထိတ်စရာ မလိုဘူး။ CBP တွေဆို အလျားက ၃၅ မီတာလောက် ရှိတယ်။ CSP တွေလည်း ပါပါတယ်။ ရေစိမ့်မှု မရှိအောင်လည်း လုပ်ထားပါတယ်။ အပိုရေစိမ့်အိုင်တွေလည်း မရှိပါဘူး။ ရေကန်ကြီးကို လုံးဝ ရွေ့လျားမှု မရှိအောင် Retaining Wall ကို ၁၁၅ ပေအနက်၊ သုံးလွှာ၊ ပေ ၂၃၀ အရှည် နဲ့ လုပ်ထားပေးတယ်။ မြေလည်း ထိန်းပြီးတော့ ရေစိမ့်ထွက် မရှိအောင် CSP Wall ကို Two Role လုပ်ထားတယ်” ဟု ဦးထွန်းဝင်းဟန်က ပြောကြားသည်။

ရေထိန်းနံရံလုပ်ငန်း ဆောင်ရွက်နေသည့် နေရာမှာလည်း အများပြည်သူ စိုးရိမ်သကဲ့သို့ တောင်ကိုဖြိုချပြီး ပြုလုပ်နေခြင်း မဟုတ်ကြောင်း၊ မူလရှိပြီး ဖြစ်သည့် ချောက်အတွင်းမှ မလိုအပ်သည့် ပစ္စည်းများကို ဖယ်ရှားလိုက်ခြင်း ဖြစ်ကြောင်း၊ ကုမ္ပဏီဘက်မှ ကုက္ကိုင်းရေလှောင်ကန်နှင့် ပတ်သက်ပြီး လုံခြုံစိတ်ချမှုရှိစေရန်အတွက် စီစဉ်ဆောင်ရွက်ထားကြောင်း၊ စီမံကိန်း၏ စွန့်ပစ်ပစ္စည်းများကြောင့် ရေလှောင်ကန် ထိခိုက်မှု မရှိစေရန်အတွက် တရုတ်နိုင်ငံမှ အဆင့်မီ ဆောက်လုပ်ရေးလုပ်ငန်းကုမ္ပဏီနှင့် ရန်ကုန်မြို့တော် စည်ပင်သာယာရေးကော်မတီတို့ ပူးပေါင်းဆောင်ရွက်လျှက် ရှိကြောင်း ဦးထွန်းဝင်းဟန်၏ ဆက်လက်ပြောကြားမှုအရ သိရသည်။

မေ ၃၁ ရက်တွင် မိုးများစွာ ရွာသွန်းခဲ့ပြီးနောက် ကုက္ကိုင်းရေလှောင်ကန် မြေအနေအထား ပျက်စီးမှုများကို အနီးရှိ ရပ်ကွက်နေပြည်သူများက မြင်တွေ့ခဲ့ပြီး ရေလှောင်ကန် ပြိုကျမည်ကို စိုးရိမ်မှုများ ရှိနေကြောင်း ကုက္ကိုင်း ရိပ်သာလမ်းတွင် နေထိုင်သည့် ဦးဝင်းဗိုလ်၏ ပြောကြားချက်အရ သိရသည်။

ထို့ပြင် အနီးရှိ ရပ်ကွက်နေပြည်သူများ စုပေါင်း၍ ကုက္ကိုင်းရေလှောင်ကန်နှင့် ပတ်သက်ပြီး ယခုလအတွင်းတွင် သတင်းစာရှင်းလင်းပွဲတစ်ခု ပြုလုပ်သွားရန် စီစဉ်နေကြောင်း သိရသည်။

“ကျွန်တော်တို့ ကုက္ကိုင်းရေလှောင်ကန်နှင့် ပတ်သက်ပြီး သတင်းစာရှင်းပွဲ တစ်ခုလောက်ကို နောက်တစ်ပတ်လောက်မှာ လုပ်ဖို့အစီအစဉ် ရှိပါတယ်” ဟု ဦးဝင်းဗိုလ်က ပြောကြားသည်။

လျှပ်စစ်နှင့် စွမ်းအင်ဝန်ကြီးဌာန အနေဖြင့် လုပ်ငန်း အကောင်အထည်ဖော် ဆောင်ရွက်ရာတွင် JICA ၊ World Bank ၊ ADB စသည်တို့မှ ချေးငွေ ၁၄ ခု ရယူ ဆောင်ရွက်နေကြောင်း ဒုတိယ၀န်ကြီး ပြောကြား

လျှပ်စစ်နှင့် စွမ်းအင်ဝန်ကြီးဌာန အနေဖြင့် လုပ်ငန်း အကောင်အထည်ဖော် ဆောင်ရွက်ရာတွင် JICA ၊ World Bank ၊ ADB စသည်တို့မှ ချေးငွေ ၁၄ ခု ရယူကာ ဆောင်ရွက်နေကြောင်း လျှပ်စစ်နှင့်စွမ်းအင်ဝန်ကြီးဌာန ဒုတိယ၀န်ကြီး ဒေါက်တာထွန်းနိုင်က ပြောကြားသည်။

မေ ၃၁ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် ၂၀၁၇ ခုနှစ် မတ် ၃၁ ရက်အထိ ပြည်ထောင်စုလွှတ်တော်၏ အတည်ပြုချက်ဖြင့် ရယူထားသည့် ပြည်ပချေးငွေများနှင့် စပ်လျဉ်းပြီး ဆောင်ရွက်ပြီးစီးမှု အခြေအနေများကို ရှင်းလင်းစဉ် ပြောကြားခဲ့ခြင်း ဖြစ်သည်။

ဝန်ကြီးဌာန အနေဖြင့် အကောင်အထည်ဖော် ဆောင်ရွက်နေသော ချေးငွေ ၁၄ ခုတွင် JICA ချေးငွေ ခုနစ်ခု ဂျပန်ယန်း ၁၀၈ ဒသမ ၈၅၀ ဘီလျံ၊ World Bank ချေးငွေ နှစ်ခု အမေရိကန်ဒေါ်လာ ၄၅၀ သန်း၊ ADB ချေးငွေ နှစ်ခု အမေရိကန်ဒေါ်လာ သန်း ၁၄၀၊ China Development Bank ချေးငွေ အမေရိကန်ဒေါ်လာ ၁၆ ဒသမ ၄၀၈ သန်း၊ Exam Bank of Korea ချေးငွေ အမေရိကန်ဒေါ်လာ သန်း ၁၀၀၊ ဂျာမနီချေးငွေ ယူရို ၂၃ ဒသမ ၈၈၃ သန်းတို့ ပါဝင်ကြောင်း ဒုတိယ၀န်ကြီးက ပြောကြားသည်။

အဆိုပါ ချေးငွေများတွင် JICA ချေးငွေ ခုနစ်ခုအနက် ရန်ကုန်မြို့ရှိ ဓာတ်အားပေးစက်ရုံများ၊ ဓာတ်အားခွဲရုံနှင့် ဓာတ်အားလိုင်းများ ပြုပြင်ခြင်း၊ သာကေတ ဓာတ်အားပေးစက်ရုံ အဆင့်မြှင့်တင်ခြင်း လုပ်ငန်းများကို Marubeni Co, Ltd နှင့် Pre-Engineering လုပ်ငန်းများကို စတင် ဆောင်ရွက်နေပြီ ဖြစ်သည့်အပြင် 230 KV ခွဲရုံ လေးရုံ အဆင့်မြှင့်တင်ခြင်း လုပ်ငန်းများကိုလည်း ဆောင်ရွက်လျက်ရှိကြောင်း ပြောကြားသည်။

အမျိုးသား လျှပ်စစ်ဓာတ်အား ပို့လွှတ်ရေးကွန်ရက် ဖွံ့ဖြိုးတိုးတက်မှု စီမံကိန်း အဆင့် (၁)အား JICA ချေးငွေဖြင့် ဆောင်ရွက်မည့် 500 KV မိတ္ထီလာခွဲရုံနှင့် တောင်ငူခွဲရုံ ဓာတ်အားလိုင်း စီမံကိန်းအတွက် ချေးငွေပမာဏ ဂျပန်ယန်း ၂၄ ဒသမ ၆၇၈ ဘီလျံမှ ၂၀၁၈ ခုနှစ် ဧပြီ ၃၀ ရက်အထိ ဂျပန်ယန်း ၀ ဒသမ ၄၀၃ ဘီလျံသာ ထုတ်ယူထားပြီး Consultant လုပ်ငန်းများအတွက် စာချုပ်ချုပ်ဆိုခဲ့ကာ လုပ်ငန်းတင်ဒါများကိုလည်း နိုင်ငံပိုင် သတင်းစာများက ခေါ်ယူကာ ဆောင်ရွက်ခဲ့ကြောင်း ဒုတိယ၀န်ကြီးက ပြောကြားသည်။

ထို့အတူ အဆင့် (၂) ဖြစ်သည့် 500 KV ဘုရားကြီး-လှိုင်သာယာ ဓာတ်အားလိုင်း၊ 500 KV ဘုရားကြီးခွဲရုံနှင့် လှိုင်သာယာခွဲရုံအတွက် ဂျပန်ယန်း ၄၁ ဒသမ ၁၁၅ မှ ဂျပန်ယန်း ၀ ဒသမ ၀၄၆ ဘီလျံသာ ထုတ်ယူထားကြောင်း၊ ကျန်စီမံကိန်း လေးခုအတွက် ချေးငွေများ ထုတ်ယူထားခြင်း မရှိသေးကြောင်း၊ Consultant တင်ဒါများ စိစစ်နေပြီး လုပ်ငန်းတင်ဒါများ ခေါ်ယူရန် ပြင်ဆင် ဆောင်ရွက်လျက်ရှိကြောင်း ဒုတိယ၀န်ကြီးက ပြောကြားသည်။

China Development Bank ချေးငွေဖြင့် ဆောင်ရွက်နေသည့် 230 KV အသုတ်-ပုသိမ် ဓာတ်အားလိုင်း (၃၀ ဒသမ ၂၅ မိုင်)၊ ဓာတ်အားခွဲရုံ နှစ်ရုံမှာ ချေးငွေပမာဏ အမေရိကန်ဒေါ်လာ ၁၆ ဒသမ ၄၀၈ သန်းအနက် ထုတ်ယူသုံးစွဲမှု ပမာဏသည် အမေရိကန်ဒေါ်လာ ၁၅ ဒသမ ၃၃၉ သန်း ရှိကြောင်း၊ လုပ်ငန်းအားလုံး ၁၀၀ ရာခိုင်နှုန်း ပြီးစီးပြီ ဖြစ်သည့်အတွက် ၂၀၁၅ ခုနှစ် နိုဝင်ဘာလမှ စတင်ကာ ဓာတ်အား ပို့လွှတ်နိုင်ခဲ့ကြောင်း၊ ၂၀၁၅ ခုနှစ်မှစ၍ ချေးငွေများကို စေ့ရက် ရောက်သည့်အတိုင်း ပြန်လည်ပေးဆပ်လျက် ရှိကြောင်း၊ ကမ္ဘာ့ဘဏ် ချေးငွေဖြင့် ဆောင်ရွက်လျက်ရှိသည့် ၁၁၈ ဒသမ ၉ မဂ္ဂါဝပ် သထုံ သဘာဝဓာတ်ငွေ့နှင့် စွန့်ပစ်အပူသုံး ဓာတ်အားပေးစက်ရုံ စီမံကိန်းအတွက် ချေးငွေပမာဏ အမေရိကန်ဒေါ်လာ သန်း ၁၄၀ ရရှိခဲ့ကြောင်း၊၂၀၁၈ ခုနှစ် ဧပြီလကုန်အထိ အမေရိကန်ဒေါ်လာ ၈၂ ဒသမ ၇၄၁ သန်း ထုတ်ယူ သုံးစွဲခဲ့ပြီးဖြစ်ကာ ၂၀၁၈ ခုနှစ် ဇွန်လအတွင်း ဆောင်ရွက်ပြီးစီးမည် ဖြစ်ကြောင်း ဒေါက်တာထွန်းနိုင်က ပြောကြားသည်။

ထို့ပြင် အာရှဖွံ့ဖြိုးရေးဘဏ် ချေးငွေဖြင့် ဆောင်ရွက်မည့် ရန်ကုန်၊ မန္တလေး၊ စစ်ကိုင်းနှင့် မကွေးတိုင်းဒေသကြီးများ ဓာတ်အား ဖြန့်ဖြူးမှု တိုးတက်ရေး စီမံကိန်းအတွက် ချေးငွေပမာဏ အမေရိကန်ဒေါ်လာ သန်း ၆၀ ရရှိခဲ့သည့်အနက် ၃၈ ဒသမ ၅၈၆ သန်း ထုတ်ယူ သုံးစွဲခဲ့ပြီးဖြစ်ကာ ရန်ကုန်၊ မန္တလေး၊ စစ်ကိုင်း၊ မကွေးမြို့ကြီးများတွင် 66 KV ၊ 33 KV ဓာတ်အားခွဲရုံများ အဆင့်မြှင့်တင်ခြင်း၊ သစ်သားတိုင်များအား ကွန်ကရစ်တိုင်များဖြင့် အစားထိုး လဲလှယ်ခြင်း၊ ACSR ကြိုးလဲလှယ်ခြင်း၊ ABC ကြိုးလဲခြင်း၊ Switch Bay လဲလှယ်ခြင်း လုပ်ငန်းများကို ဆောင်ရွက်လျက် ရှိကြောင်း၊ Exam Bank of Korea ချေးငွေဖြင့် ဆောင်ရွက်လျက်ရှိသည့် 500 KV တောင်ငူ – ကမာနက် (ဘုရားကြီး) ဓာတ်အားလိုင်း ၁၁၇ မိုင် တည်ဆောက်ခြင်း စီမံကိန်းအတွက် ချေးငွေပမာဏ အမေရိကန်ဒေါ်လာ သန်း ၁၀၀ မှ ၀ ဒသမ ၅၉၄ သန်း ထုတ်ယူသုံးစွဲခဲ့ကာ Consultant လုပ်ငန်းများအတွက် ပြည်ပကုမ္ပဏီ သုံးခုနှင့် စာချုပ်ချုပ်ဆို၍ စီမံကိန်းလုပ်ငန်းများ ဆောင်ရွက်ရန် တင်ဒါခေါ်ယူပြီး ဖြစ်ကြောင်း ဒုတိယ၀န်ကြီးက ပြောကြားသည်။

ဂျာမနီချေးငွေဖြင့် ဆောင်ရွက်မည့် ရှမ်းပြည်နယ် တောင်ကြီးခရိုင်၊ လွိုင်လင်ခရိုင်၊ လင်းခေးခရိုင်အတွင်းရှိ ကျေးရွာများ လျှပ်စစ်ဓာတ်အားရရှိရေး စီမံချက်အတွက် ချေးငွေယူရို၂၃ ဒသမ ၈၈၃ သန်းကို စာချုပ် ချုပ်ဆိုထားသော်လည်း ထုတ်ယူသုံးစွဲခြင်း မရှိသေးကြောင်း၊ လျှပ်စစ်ကဏ္ဍ အနေဖြင့် အကောင်အထည်ဖော် ဆောင်ရွက်လျက်ရှိသည့် ချေးငွေ စီမံကိန်း ၁၄ ခု၊ အခြားဝန်ကြီးဌာနများနှင့် ပူးပေါင်းကာ ချေးငွေရယူ၍ အကောင်အထည်ဖော် ဆောင်ရွက်လျက်ရှိသည့် စီမံကိန်း နှစ်ခု၊ ယင်းစီမံကိန်း ၁၆ ခုအား ချေးငွေစာချုပ်ပါ စည်းကမ်းချက်များအား လိုက်နာ ဆောင်ရွက်လျက်ရှိကြောင်း ဒုတိယ၀န်ကြီးက ပြောကြားသည်။

ကျန်ရှိနေသည့် သုံးနှစ်တာကာလအတွင်း ဆောင်ရွက်မည့် စီမံကိန်းများကို ရန်ကုန်တိုင်းအစိုးရ တိုင်းဒေသကြီးလွှတ်တော်သို့ တင်ပြသွားမည်ဟုဆို

ကျန်ရှိနေသည့် သုံးနှစ်တာကာလအတွင်း ဆောင်ရွက်မည့် စီမံကိန်းများကို ရန်ကုန်တိုင်းအစိုးရမှ တိုင်းဒေသကြီးလွှတ်တော်သို့ တင်ပြသွားမည်ဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောကြားသည်။

“ကျွန်တော်တို့ မြို့ပြစီမံကိန်းတွေ ဆောင်ရွက်နေတဲ့ အခြေအနေ ရှိပါတယ်။ စည်ပင်သာယာ နယ်နိမိတ် ၁၂ မြို့နယ်ရှိပါတယ်။ ကိုကိုးကျွန်းကို ဖယ်လိုက်မယ်ဆိုရင် ၁၁ မြို့နယ်ရှိပါတယ်။ ဒီနေရာမှာ စက်မူဇုန်တွေ ပေါ်ပေါက်ဖို့ ရှိပါတယ်။ ဒါကြောင့်မို့ မြို့တစ်မြို့ ဖွံ့ဖြိုးတိုးတက်လို့ရှိရင် ရန်ကုန်ကို ကျူးကျော်ဝင်စရာ မလိုတော့ဘဲနဲ့ သူ့မြို့နယ် မြေအလိုက် ဖွံ့ဖြိုးတိုးတက်သွားဖို့ ရှိပါတယ်။ ဒါကိုလည်း လေ့လာစမ်းစစ်နေပါတယ်။ လေ့လာစမ်းစစ်ပြီးရင် အစိုးရသစ်ရဲ့ တာဝန်ယူရမဲ့ သုံးနှစ်တာကာလအတွင်း ဆောင်ရွက်ရမယ့် အခြေအနေတွေကို တိုင်းဒေသကြီး အစိုးရအနေနဲ့ တိုင်းဒေသကြီးလွှတ်တော်ကို ပြည်ထောင်စုကပဲလုပ်မယ့်ကိစ္စဖြစ်ဖြစ်၊ တိုင်းဒေသကြီးက လုပ်ရမဲ့ကိစ္စဖြစ်ဖြစ် သုံးနှစ်စီမံကိန်းတစ်ရပ်ကို လွှတ်တော်ကို တင်ပြဖို့ ပြင်ဆင်နေပါတယ်။ လွှတ်တော်မှာ တင်ပြမဲ့ အစည်းအဝေးပွဲကိုလည်း သံတမန်တွေ စီးပွားရေးလုပ်ငန်းရှင်တွေကိုလည်း ဖိတ်ကြားပါမယ်။ ဘာဖြစ်လို့လဲဆိုရင် လုပ်ငန်းရှင်အားလုံးသိထားဖို့ လိုပါတယ်” ဟု ၀န်ကြီးချုပ်ဦးဖြိုးမင်းသိန်းက ဆိုသည်။

စီမံကိန်းများကို စိတ်ကူးမှစပြီးရေးဆွဲနေစဉ် အချိန်အထိ အားလုံးကို ထုတ်ပြန်ထားခြင်းဖြစ်ကြောင်း ယင်းကဲ့သို့ ထုတ်ပြန်ထားမှုကြောင့် အိမ်ရာစီမံကိန်း၊ မြို့ပြစီမံကိန်းနှင့် အထူးစီးပွားရေးဇုန်များ မည်သည့်နေရာတွင် ဖြစ်နိုင်မည်ကို ပြည်သူလူထုမှ သိနိုင်မည်ဖြစ်ကြောင်း၊ ထို့ကြောင့် စီမံကိန်းများ ဆောင်ရွက်ရာတွင် ရန်ကုန်မြို့ကို သန်လျင်ဘက်မှနေပြီး သီလ၀ါအထူးစီးပွားရေးဇုန်ဘက်စပြီး စည်ပင်သာယာ နယ်နိမိတ် ၁၁ မြို့နယ်မှာ အထူးစီးပွားရေးဇုန်တစ်ခု ထူထောင်ဖို့ရှိကြောင်း၊ ယင်းစီမံကိန်းနှင့် ပတ်သက်ပြီး ပြည်ထောင်စုလွှတ်တော် မပို့နိုင်သေးကြောင်း၊ အထူးစီးပွားရေးဗဟိုအဖွဲ့မှ လေ့လာဆန်းစစ်ပြီး လုပ်နိုင်ခြေရှိပြီဆိုမှသာ တင်ပြသွားမည်ဖြစ်ကြောင်း သိရသည်။

ပဲခူးတိုင်းဒေသကြီး၏ စီမံကိန်း အကောင်အထည်ဖော်နိုင်မှုမှာ တစ်နိုင်ငံလုံးတွင် နောက်ဆုံးအဆင့် ဖြစ်နေပြီး အစိုးရအဖွဲ့၏ စီမံခန့်ခွဲမှုများ ကြန့်ကြာနှောင့်နှေးမှုများကြောင့် စီးပွားရေး ဖွံ့ဖြိုးတိုးတက်မှုတွင် အဟန့်အတားဖြစ်နေကြောင်း လွှတ်တော်ကိုယ်စားလှယ် မေးခွန်းထုတ်

ပဲခူးတိုင်းဒေသကြီး အစိုးရအဖွဲ့၏ စီမံခန့်ခွဲမှုများ ကြန့်ကြာနှောင့်နှေးမှုများကြောင့် စီးပွားရေး ဖွံ့ဖြိုးတိုးတက်ရေးတွင် အဟန့်အတားဖြစ်နေကြောင်း လွှတ်တော်ကိုယ်စားလှယ်က မေးခွန်းထုတ်ခဲ့ကြောင်း သိရသည်။

အဆိုပါ မေးခွန်းကို ဖေဖော်ဝါရီ ၁၆ ရက်တွင် ပြုလုပ်သော ဒုတိယအကြိမ် ပဲခူးတိုင်းဒေသကြီး လွှတ်တော် န၀မပုံမှန် အစည်းအဝေး (တတိယနေ့) ၌ ပြည်မြို့နယ် မဲဆန္ဒနယ်အမှတ် (၂) ဦးကျော်ဇေယျက မေးမြန်းခဲ့ခြင်းဖြစ်ပြီး ပဲခူးတိုင်းဒေသကြီး အစိုးရအဖွဲ့၏ စီမံခန့်ခွဲမှုများ ကြန့်ကြာနှောင့်နှေးမှုများကြောင့် စီးပွားရေးဖွံ့ဖြိုးတိုးတက်မှုတွင် အဟန့်အတားဖြစ်စေခြင်း၊ ဌာနဆိုင်ရာ လုပ်ငန်းများတွင် အခက်အခဲများ ဖြစ်နေခြင်းများ ဖြစ်ပေါ်နေကြောင်း၊ ထို့အတွက်ကြောင့် အစိုးရလုပ်ငန်းများ သွက်လက်လျင်မြန်စေရန်အတွက် မည်ကဲ့သို့ ပြုပြင်ဆောင်ရွက်ရန် စီစဉ်ထားရှိသည်ကို သိရှိလိုပါကြောင်း မေးမြန်းခဲ့သည်။

“ကဏ္ဍပေါင်းစုံတော့ ရှိတာပေါ့။ အဓိက စီမံကိန်း အကောင်အထည်ဖော်နိုင်မှုမှာ ၂၀၁၇-၂၀၁၈ ပထမ ခြောက်လပတ်မှာ နေပြည်တော် အပါအ၀င် ပြည်နယ်နဲ့တိုင်း ၁၄ ခု နေပြည်တော် အပါအ၀င် ၁၅ ခုမှာ ပဲခူးတိုင်းက နံပါတ် ၁၅။ အဲဒီလိုဖြစ်တယ်။ စာရင်းဇယား ထွက်လာတော့ အဲဒီလိုဖြစ်တယ်။ နောက်တစ်ချက်က တင်ဒါ ထွက်လာတော့ သူများတိုင်းတွေက ဆောက်လုပ်ပြီးနေလို့ စစ်ဆေးနေတဲ့အချိန်မှာ ကျွန်တော်တို့ဆီမှာ တင်ဒါပစ်တုန်းပဲ။ အဲဒီအကျိုးဆက် ရလဒ်အနေနဲ့ ဘာဖြစ်တုန်းဆိုတော့ ဘတ်ဂျက်ကုန်ခါနီးမှ စုပြုံလုပ်တဲ့အတွက် ကျွမ်းကျင်လုပ်သား ရှားပါးမှုပြဿနာတွေ။ နောက်တစ်ခု ဒေသထွက် အုတ်သဲကျောက် မလုံလောက်တဲ့ ပြဿနာတွေ၊ ၀ယ်မရတဲ့ ပြဿနာ၊ အရည်အသွေးမမီတဲ့ ပြဿနာတွေ တတ်တယ် ။ အစိုးရပိုင်းနဲ့ ပတ်သက်ပြီး နှောင့်နှေးကြန့်ကြာမှုအတွက် ကြုံတွေ့ရတဲ့ အခက်အခဲတွေ”ဟု တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက ပြောကြားသည်။

ထို့ပြင် အစိုးရအဖွဲ့၏ နှောင့်နှေး ကြန့်ကြာမှုများကြောင့် တိုင်းဒေသကြီးအတွင်း စီးပွားရေးလုပ်ငန်းရှင်များကို ခွင့်ပြုမှု နည်းပါးနေကြောင်း၊ ရင်းနှီးမြှုပ်နှံသူများ နှောင့်နှေးခြင်းများ ဖြစ်နေကြောင်း၊ ထို့ပြင် အသေးအမွှားလေးများတွင်လည်း နှောင့်နှေးကြန့်ကြာနေကြောင်း ၎င်းက ဆက်လက်ပြောကြားသည်။

၂၀၁၇-၂၀၁၈ ဘဏ္ဍာနှစ်အတွင်း ပဲခူးတိုင်းဒေသကြီး ရင်းနှီးမြှုပ်နှံမှုကော်မတီက နိုင်ငံခြားရင်းနှီးမြှုပ်နှံမှု သုံးခုနှင့် ဖက်စပ် နိုင်ငံခြားရင်းနှီးမြှုပ်နှံမှု တစ်ခုအား အတည်ပြုမိန့် ထုတ်ပေးခဲ့ရာ ရင်းနှီးမြှုပ်နှံမှုပမာဏ စုစုပေါင်း အမေရိကန်ဒေါ်လာ ၉ ဒသမ ၅၅၄ သန်း ပဲခူးတိုင်းသေကြီးအတွင်း စီးဝင်လာပြီး အလုပ်အကိုင်အခွင့်အလမ်း ၇၁၆၄ နေရာ ဖော်ဆောင်ပေးနိုင်ခဲ့ကြောင်း၊ တစ်ချိန်တည်းမှာပင် ၂၀၁၇-၂၀၁၈ ဘဏ္ဍာနှစ်အတွင်း မြန်မာနိုင်ငံ ရင်းနှီးမြှုပ်နှံမှုကော်မရှင်က ပဲခူးတိုင်းဒေသကြီးအတွင်း နိုင်ငံခြားရင်းနှီးမြှုပ်နှံမှု ၁၀ ခု အတွက် အမေရိကန်ဒေါ်လာ ၃၅ ဒသမ ၇၂ သန်းနှင့် မြန်မာနိုင်ငံသား ရင်းနှီးမြှုပ်နှံမှု လေးခုအတွက် ကျပ် ၂၅၂၄၂၅ ဒသမ ၇ သန်း ခွင့်ပြုပေးခဲ့ပါကြောင်း အပါအ၀င် ရင်းနှီးမြှုပ်နှံမှု လုပ်ငန်းများကို သတ်မှတ်ချိန်အတွင်း စိစစ်ပေးရာတွင် အချိန်မီပြန်ကြားပေးနိုင်ရေးနှင့် လုပ်ငန်းအဆင့်ဆင့် မြန်ဆန်သွက်လက်စွာ ခွင့်ပြုရေးတို့ကို ပေါင်းစပ်ညှိနှိုင်း ဆောင်ရွက်ပေးနိုင်ပါက ပြည်တွင်းပြည်ပ ရင်းနှီးမြှုပ်နှံမှုများ တိုးတက်ဝင်ရောက်လာပြီး ဖွံ့ဖြိုးတိုးတက်ရေးအတွက် များစွာ အထောက်အကူပြုလာနိုင်မည် ဖြစ်ပါကြောင်း ပဲခူးတိုင်းဒေသကြီး စီမံကိန်းနှင့် ဘဏ္ဍာရေးဝန်ကြီး ဦးညွန့်ရွှေက ပြန်လည်ဖြေကြားသည်။

၂၀၁၆-၂၀၁၇ ဘဏ္ဍာနှစ်အတွင်း ပြည်ပချေးငွေ အမေရိကန်ဒေါ်လာ သန်း ၁၇၀၀ ကျော်ရှိပြီး လျှပ်စစ်နှင့် စွမ်းအင်ဝန်ကြီးဌာနမှ အများဆုံး ချေးယူထားကြောင်း သိရ

၂၀၁၆-၂၀၁၇ ဘဏ္ဍာနှစ်အတွင်း ပြည်ပချေးငွေ အမေရိကန်ဒေါ်လာ သန်း ၁၇၀၀ ကျော်ရှိပြီး လျှပ်စစ်နှင့် စွမ်းအင်ဝန်ကြီးဌာနက ချေးငွေအများဆုံး ချေးယူထားကြောင်း စီမံကိန်းနှင့် ဘဏ္ဍာရေးဝန်ကြီးဌာနမှ သိရသည်။

နေပြည်တော်၌ ဇန်န၀ါရီ ၁၉ ရက်က ပြုလုပ်သည့် ဒုတိယအကြိမ် ပြည်ထောင်စုလွှတ်တော် သတ္တမပုံမှန် အစည်းအဝေး စတုတ္ထနေ့တွင် ပြည်ထောင်စုအစိုးရအဖွဲ့မှ ပေးပို့ သော ၂၀၁၆-၂၀၁၇ ဘဏ္ဍာနှစ်အစိုးရ၏ ကြွေးမြီဆိုင်ရာ အစီရင်ခံစာနှင့် စပ်လျဉ်းပြီး စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးဆက်အောင်က လွှတ်တော်သို့ တင်သွင်းခဲ့ခြင်းဖြစ်သည်။

“၂၀၁၆-၂၀၁၇ ဘဏ္ဍာနှစ်အတွင်း ပြည်ပချေးငွေ စာချုပ်ချုပ်ဆိုတဲ့ စီမံကိန်း ၁၃ ခုရှိပြီးတော့ ဘဏ္ဍာနှစ် အတွင်းမှာ ၀န်ကြီးဌာနအလိုက် ပြည်ပချေးငွေစာချုပ်များ ချုပ်ဆိုတဲ့အပိုင်းမှာ ဆောက်လုပ်ရေး ၀န်ကြီးဌာနက အများဆုံးဖြစ်ပြီး အမေရိကန်ဒေါ်လာ ၆၀၀ ဒသမ ၇၁၂ သန်းခန့် ဖြစ်ပါတယ်။ ၂၀၁၇ ခုနှစ် မတ် ၃၁ ရက်အထိ ချေးငွေစာချုပ် ချုပ်ဆိုထားသည့် ပမာဏကို ကြည့်မယ်ဆိုရင် ချေးငွေအများဆုံးပေးတဲ့ နိုင်ငံမှာတော့ ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီဖြစ်ပြီးတော့ ကြွေးမြီလက်ကျန် အခြေအနေကတော့ တရုတ်နိုင်ငံက ချေးငွေက အများဆုံး ဖြစ်ပါတယ်။ ၂၀၁၇ ခုနှစ် မတ် ၃၁ ရက်အထိ ချေးငွေချုပ်ဆိုထားတဲ့ ပမာဏအရ ချေးငွေအများဆုံး ရယူတဲ့ ၀န်ကြီးဌာနကတော့ လျှပ်စစ်နှင့် စွမ်းအင်ဝန်ကြီးဌာနဖြစ်ပြီး ချေးငွေပေးဆပ်ရန် ကျန်ရှိမှုမှာလည်း လျှပ်စစ်နှင့် စွမ်းအင်ဝန်ကြီးဌာနက အများဆုံး ဖြစ်ပါတယ်” ဟု ဒုတိယ၀န်ကြီး ဦးဆက်အောင်က ပြောကြားသည်။

၂၀၁၆ -၂၀၁၇ ဘဏ္ဍာနှစ်အတွင်း ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (ဂျိုက်ကာ) မှ စီမံကိန်း ခြောက်ခုအတွက် အမေရိကန်ဒေါ်လာ ၁၁၁၅ ဒသမ ၇၈၁ သန်း ချေးငွေထုတ်ယူမှုသည် အများဆုံးဖြစ်ပြီး အပြည်ပြည်ဆိုင်ရာ စိုက်ပျိုးရေး ဖွံ့ဖြိုးတိုးတက်မှု ရန်ပုံငွေအဖွဲ့မှ အကောင်အထည်ဖော် ဆောင်ရွက်လျက်ရှိသည့် စီမံကိန်းတစ်ခုတည်း ဖြစ်သည့်အတွက် ချေးငွေထုတ်ယူမှု အနည်းဆုံးဖြစ်ကြောင်း ဒုတိယ၀န်ကြီးက ဆက်လက်ပြောကြားသည်။

ဝန်ကြီးဌာနအလိုက် ချေးငွေထုတ်ယူမှုတွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက ချေးငွေအများဆုံး ထုတ်ယူသုံးစွဲခဲ့ပြီး စက်မှုဝန်ကြီးဌာနက ချေးငွေထုတ်ယူမှု အနည်းဆုံးဖြစ်ကြောင်း စီမံကိန်းနှင့် ဘဏ္ဍာရေး ၀န်ကြီးဌာန ဒုတိယ၀န်ကြီးက ပြောကြားသည်။

၂၀၁၇ ခုနှစ် မတ် ၃၁ ရက်တွင်ရှိသည့် ပြည်တွင်း ကြွေးမြီလက်ကျန် အခြေအနေသည် အစိုးရငွေတိုက် စာချုပ်တွင် ကျပ် ၃၃၈၆ ဒသမ ၁ ဘီလျံ (ကိုးရာခိုင်နှုန်း)၊ အစိုးရငွေတိုက် လက်မှတ်တွင် ကျပ် ၉၇၅ ဒသမ ၇ ဘီ လျံ (ငါးရာခိုင်နှုန်း)နှင့် မြန်မာနိုင်ငံတော် ဗဟိုဘဏ်သို့ အစိုးရငွေတိုက် လက်မှတ်များ ရောင်းချ၍ ငွေချေးယူခြင်းသည် ကျပ် ၁၃၆၅၈ ဒသမ ၂ ဘီလျံ (၇၆ ရာခိုင်နှုန်း) ဖြစ်ပြီး စုစုပေါင်း ကျပ်ဘီလျံ ၁၈၀၂၀ ဖြစ် ကြောင်း သိရသည်။

၂၀၁၇ ခုနှစ် စက်တင်ဘာ ၃၀ ရက်အထိ ပြည်ပကြွေးမြီအနေဖြင့် အမေရိကန်ဒေါ်လာ ၉၅၇၁၇၁၃၄၀၄ ဒသမ ၂၈ ရှိကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ပြောကြားထားသည်။

၂၀၁၁-၂၀၁၂ ဘဏ္ဍာနှစ်မှ ၂၀၁၇-၂၀၁၈ ဘဏ္ဍာနှစ်အထိ နှစ်အလိုက် နိုင်ငံတော်၏ ပြည်တွင်းပြည်ပကြွေးမြီ အခြေအနေမှာ သမ္မတဦးသိန်းစိန် လက်ထက်ဖြစ်သည့် ၂၀၁၁-၂၀၁၂ ခုနှစ်တွင် ပြည်တွင်းကြွေးမြီ ကျပ် ၉၉၃၈ ဘီလျံ၊ ပြည်ပကြွေးမြီ ကျပ် ၆၃၃၅ ဘီလျံ၊ ၂၀၁၂-၂၀၁၃ ခုနှစ်တွင် ပြည်တွင်း ကြွေးမြီ ကျပ် ၁၀၈၂၄ ဘီလျံ၊ ပြည်ပကြွေးမြီ  ကျပ် ၇၃၀၁ ဘီလျံ၊ ၂၀၁၃-၂၀၁၄ ခုနှစ်တွင် ပြည်တွင်းကြွေးမြီ ကျပ် ၁၂၀၁၄ ဘီလျံ၊ ပြည်ပ ကြွေးမြီ ကျပ် ၉၅၆၁ ဘီလျံ၊ ၂၀၁၄-၂၀၁၅ ခုနှစ်တွင် ပြည်တွင်းကြွေးမြီ ကျပ် ၁၂၄၈၇ ဘီလျံ၊ ပြည်ပကြွေးမြီ ကျပ် ၉၅၄၅ ဘီလျံ၊ ၂၀၁၅-၂၀၁၆ ခုနှစ်တွင် ပြည်တွင်းကြွေးမြီ ကျပ် ၁၅၇၂၄ ဘီလျံ၊ ပြည်ပကြွေးမြီ ကျပ် ၁၂၂၄၆ ဘီလျံဖြစ်ကြောင်း သိရသည်။

အမျိုးသား ဒီမိုကရေစီအဖွဲ့ချုပ် ဦးဆောင်သည့် အစိုးရသစ် လက်ထက်ဖြစ်သည့် ၂၀၁၆-၂၀၁၇ ခုနှစ်တွင် ပြည်တွင်းကြွေးမြီ ကျပ်ဘီလျံ ၁၈၀၂၀၊ ပြည်ပကြွေးမြီ ကျပ် ၁၀၈၄၁ ဘီလျံ၊ ၂၀၁၇-၂၀၁၈ ခုနှစ် စက်တင်ဘာ ၃၀ ရက်အထိ ပြည်တွင်းကြွေးမြီ ကျပ် ဘီလျံ ၁၉၃၆၀၊ ပြည်ပကြွေးမြီ ကျပ် ၁၃၁၁၃ ဘီလျံဖြစ်ကြောင်း သိရသည်။

 

လွှတ်တော်ကို မတင်ဘဲ စီမံကိန်းတွေ လုပ်ဆောင်လို့ ရသလား

လှည်းကူးမြို့နယ်အတွင်း ယခု တည်ဆောက်မည့် Eco Green City အိမ်ရာစီမံကိန်းမြေနေရာသည် ယခင်က ကျူးကျော်ဟုဆိုကာ နေအိမ်များကို သက်ဆိုင်ရာက ဇွန် ၁၂ ရက် ဖြိုဖျက်စဉ်က မြင်ကွင်း (ဓာတ်ပုံ – အောင်မျိုးသန့်)

ဒီဇင်ဘာ ၂၃ ရက်တွင် ရန်ကုန်တိုင်းဒေသကြီး အစိုးရအဖွဲ့က အမြန်လမ်းမကြီး သုံးမိုင် တစ်ဖာလုံ လှည်းကူးမြို့နယ်ရှိ ဧက ၁၄၀၀ ကျော်တွင် အိမ်ရာစီမံကိန်းတစ်ခု လုပ်ဆောင်မည်ဟုဆိုကာ အုတ်မြစ်ချ အခမ်းအနားတစ်ခု ပြုလုပ်ခဲ့သည်။ အဆိုပါ စီမံကိန်းမှာ Eco Green City ဟု အမည်ပေးထားပြီး Alliancestar Group of Company က အကောင်အထည်ဖော် ဆောင်ရွက်မည်ဟု ရန်ကုန်တိုင်းဒေသကြီး အစိုးရအဖွဲ့က ထုတ်ပြန်ကြေညာထားသည်။
ယင်းစီမံကိန်းအား ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဝင်းခိုင် တက်ရောက်ခဲ့ပြီး ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းလည်း တက်ရောက်ခဲ့သည်။ သို့သော် တန်ဖိုးကို အသေးစိတ်ထုတ်ပြန်ခြင်း မရှိသည့် ယင်းစီမံကိန်းအား ရန်ကုန်တိုင်းဒေသကြီး လွှတ်တော် ကိုယ်စားလှယ်အများစု သိရှိခဲ့ခြင်းမရှိပေ။ ယင်းစီမံကိန်းအား မီဒီယာများတွင် ဖော်ပြထားမှုအရသာ သိရှိခဲ့ခြင်းဖြစ်ပြီး အစိုးရအဖွဲ့က လွှတ်တော်တွင် လာရောက်တင်ပြ ရှင်းလင်းခြင်း မရှိကြောင်း ရန်ကုန်တိုင်းဒေသကြီး လွှတ်တော်ကိုယ်စားလှယ်များက ပြောကြားသည်။

“လှည်းကူးက စီမံကိန်းဆိုရင် လွှတ်တော်ကိုယ်စားလှယ်တွေ တစ်ယောက်မှ မသိလိုက်ဘူး။ တိုင်းလွှတ်တော်တင် မကဘူး။ ပြည်သူ့လွှတ်တော်မှာလည်း မသိရဘူး။ အဲဒီက လုပ်ဖော်ကိုင်ဖက်တွေကို မေးကြည့်တော့။ လွှတ်တော်က အဲဒီစီမံကိန်းနဲ့ ပတ်သက်ပြီး လုပ်နေတယ်ဆိုတာကို ဂျာနယ်တွေမှာ ဖွင့်ပွဲပါမှ သိရတယ်” ဟု ဒဂုံမြို့နယ် မဲဆန္ဒနယ်မှ တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက ပြောကြားသည်။

အလားတူ သင်္ဃန်းကျွန်းမြို့နယ် မဲဆန္ဒနယ်အမှတ် (၁) မှ ဦးနေဘုန်းလတ်ကလည်း ယင်းစီမံကိန်းမှာ လွှတ်တော်တွင် လာရောက် ပြောဆို ရှင်းလင်းတင်ပြထားသည့် စီမံကိန်း မဟုတ်ကြောင်း၊ ပန္နက်ချအခမ်းအနား ပြုလုပ်ကြောင်း မီဒီယာများတွင် ဖော်ပြမှသာ သိရှိခဲ့ခြင်းဖြစ်သည်ဟု ပြောကြားသည်။

အဆိုပါ စီမံကိန်းမှာ ရွှေသံလွင်ကုမ္ပဏီ လက်အောက်ရှိ Alliance star ကုမ္ပဏီက တာဝန်ယူ အကောင်အထည်ဖော်မည် ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့မှ ထုတ်ပြန်ကြေညာခဲ့ပြီး စီမံကိန်း အသေးစိတ် အခြေအနေများနှင့် ပတ်သက်၍ ဒီဇင်ဘာ ၃၀ ရက်အထိ ထုတ်ပြန်ထားခြင်း မရှိပေ။

ယင်းစီမံကိန်းမှာ ယခင်အစိုးရ လက်ထက်က ခွင့်ပြုပေးထားခြင်း ဖြစ်သည်ဟု လှည်းကူးမြို့နယ် ပြည်သူ့လွှတ်တော်ကိုယ်စားလှယ် ဦးသိန်းနိုင်က ပြောကြားထားပြီး စီမံကိန်း အသေးစိတ်နှင့်ပတ်သက်ပြီး တိတိကျကျ မသိသေးကြောင်း သိရသည်။

“ဒီစီမံကိန်းက ပြည်ထောင်စုအဆင့် မဟုတ်တဲ့အတွက် အသေးစိတ် မသိရဘူး။ အခမ်းအနားတုန်းက ရှင်းပြတာလောက်ပဲ သိတယ်။ ပိုပြီးတော့ မသိသေးဘူး။ ဒါက တိုင်းဒေသကြီးက လုပ်တဲ့ စီမံကိန်းပါ။ သူတို့ဟာနဲ့ ဘယ်လိုလုပ်ခဲ့လဲ မသိရဘူး” ဟု လှည်းကူးမြို့နယ် ပြည်သူ့လွှတ်တော်ကိုယ်စားလှယ် ဦးသိန်းနိုင်က ပြောကြားသည်။

အဆိုပါ လှည်းကူးအိမ်ရာ စီမံကိန်းနှင့် ပတ်သက်ပြီး ရန်ကုန်တိုင်းဒေသကြီး လွှတ်တော်တွင် မေးခွန်းများ မေးမြန်းသွားမည်ဖြစ်ပြီး အစိုးရအဖွဲ့၏ ဖြေကြားမှုအပေါ် မူတည်၍ အဆိုအဖြစ် ပြောင်းလဲသင့်ပါက အဆိုအဖြစ် ပြောင်းလဲသွားမည်ဖြစ်ကြောင်း ဒဂုံမြို့နယ် မဲဆန္ဒနယ်အမှတ် (၁) တိုင်းဒေသကြီး လွှတ်တော်ကိုယ်စားလှယ်၊ ဘဏ္ဍာရေး၊ စီမံကိန်းနှင့် စီးပွားရေးကော်မတီ အတွင်းရေးမှူး ဦးကျော်ဇေယျက ပြောကြားသည်။

“အန်ကယ်တို့အနေနဲ့တော့ ပြန်စမယ့် လွှတ်တော်မှာ မေးခွန်းမေးမယ်။ အဲဒီပေါ်မှာ ပြန်ဖြေတဲ့အပေါ် မူတည်ပြီးတော့ အဆိုအဖြစ် ပြောင်းရင်ပြောင်းမယ်။ ကြားဖြတ်မေးခွန်းအပေါ်မှာ အစိုးရအဖွဲ့က ဘယ်လိုတုံ့ပြန်မလဲ ဆိုတာ မသိသေးဘူး။ အဲဒီအပေါ်မှာ အဆိုအနေနဲ့ တင်သင့်ရင် တင်မယ်လို့ စီစဉ်ထားတယ်” ဟု ဦးကျော်ဇေယျက ပြောကြားသည်။

အဆိုပါ စီမံကိန်းမှာ ဒုတိယအကြိမ် ရန်ကုန်တိုင်းဒေသကြီး လွှတ်တော် စတုတ္ထပုံမှန် အစည်းအဝေးတွင် ရန်ကုန်မြို့ပြ မဟာဗျူဟာစီမံကိန်း နောက်ဆက်တွဲအဖြစ် လွှတ်တော်သို့ တင်ပြခဲ့ပြီး လွှတ်တော်ကိုယ်စားလှယ်များက သီးခြားစီမံကိန်းအဖြစ် တင်ပြရန် အကြောင်းပြန်ခဲ့ကြောင်း၊ စီမံကိန်းအသေးစိတ် အချက်အလက်များကို လွှတ်တော်သို့ တင်ပြခဲ့ခြင်း မရှိဘဲ စီမံကိန်းကို အကောင်အထည်ဖော်ခြင်း ဖြစ်သည်ဟု တိုင်းဒေသကြီး လွှတ်တော် ကိုယ်စားလှယ်များက ပြောကြားသည်။

ပြည်သူ့လွှတ်တော်ဥက္ကဋ္ဌ ဦးဝင်းမြင့် အမျိုးသားဒီမိုကရေစီအဖွဲ့ချုပ်၏ ရန်ကုန်တိုင်းပါတီဝင်များနှင့် တွေ့ဆုံရာတွင် စီမံကိန်းမှန်သမျှ လွှတ်တော်သို့ တင်ပြပြီးမှသာ လုပ်ဆောင်ရမည်ဟု ပြောကြားထားသည်။ သို့သော် လက်ရှိ လုပ်ကိုင်မည့် လှည်းကူးစီမံကိန်းမှာ လွှတ်တော်ကိုယ်စားလှယ်များ သိရှိခဲ့ခြင်းမရှိပေ။

“အန်ကယ်တို့ ပြည်သူ့လွှတ်တော် ဥက္ကဋ္ဌကြီးက ပြောထားတာ ရှိတယ်။ အဲဒါ ပါတီဌာနချုပ်မှာပဲ ပါတီဝင်တွေလည်း အများကြီးရှိတယ်။ ရန်ကုန်အစိုးရအဖွဲ့လည်း ပါတယ်။ စီမံကိန်းတွေက လွှတ်တော်ကို မဖြတ်ဘဲနဲ့တော့ မိုးပေါ်ကတောင် ပျံလို့မရဘူးဆိုပြီး ပြောထားတယ်။ ၂၀၀၈ အခြေခံ ဥပဒေထဲမှာလည်း ရှိပြီးသား။ တိုင်းဒေသကြီးအစိုးရက စီမံကိန်းတွေကို လွှတ်တော်ကို တင်ပြရမယ်ဆိုတာ ပြဋ္ဌာန်းထားပြီးသား” ဟု ဦးကျော်ဇေယျက ပြောကြားသည်။

စီမံကိန်းများနှင့် ပတ်သက်ပြီး ဒီမိုကရေစီစနစ်တွင် လွှတ်တော်သို့ လာရောက်ရှင်းပြကာ တာဝန်ယူမှု၊ တာဝန်ခံမှုများဖြင့်သာ ဆောင်ရွက်ရမည် ဖြစ်ကြောင်း၊ သို့သော် ဥပဒေ၏ အားနည်းချက်အဖြစ် မှတ်ယူရမည့် မည်သည့် လုပ်ငန်းအမျိုးအစားအား စီမံကိန်းအဖြစ် သတ်မှတ်မည်၊ မည်သည့် လုပ်ငန်းအား လုပ်ငန်းအသေးအဖြစ် သတ်မှတ်မည်ဆိုသည့် အဓိပ္ပာယ်ဖွင့်ဆိုချက် မရှိကြောင်း၊ လှည်းကူးတွင် အကောင်အထည်ဖော်မည့် လုပ်ငန်းမှာ စီမံကိန်းအမျိုးအစားတွင် ပါဝင်ကြောင်း သင်္ဃန်းကျွန်း မဲဆန္ဒနယ်အမှတ် (၁) မှ တိုင်းဒေသကြီး လွှတ်တော်ကိုယ်စားလှယ် ဦးနေဘုန်းလတ်က ပြောကြားသည်။

“ဥပဒေထဲမှာတော့ စီမံကိန်း လုပ်မယ်ဆိုရင် လွှတ်တော်ရဲ့သဘောတူညီချက်ကို ယူရမယ်လို့ကို ဖော်ပြထားတယ်။ ဒါပေမဲ့ ပြဿနာက ဘာလဲဆိုတော့ စီမံကိန်းဆိုတာက ဘာကိုပြောတာလဲ။ တချို့ဟာတွေဆိုရင် အစိုးရလုပ်ပိုင်ခွင့်နဲ့ လုပ်တာတွေ ရှိတယ်။ ဒါပေမဲ့ နည်းနည်းကြီးသွားပြီဆိုရင် လွှတ်တော်ကို ခွင့်ပြုချက်ယူရမှာပေါ့။ အဲဒီမှာ ပြဿနာက စီမံကိန်းက ဘာကိုပြောတာလဲ။ လုပ်ငန်းသေးလေးတွေက ဘာကိုပြောတာလဲ။ ဥပဒေမှာ အဓိပ္ပာယ်ဖွင့်ထားတာ မရှိဘူး။ အဲဒါက ဥပဒေရဲ့ဟာကွက်။ လှည်းကူးကိစ္စဆိုရင် စီမံကိန်းကြီးဗျာ။ အမှန်မှာ စလို့ကို မရဘူး။ ဘာမှ လုပ်လို့မရဘူး။ အစိုးရအဖွဲ့မှာ လုပ်ပိုင်ခွင့် မရှိဘူး။ လွှတ်တော်ကိုတင်၊ သဘောတူရင်လုပ်ပေါ့။ ဒါက ဥပဒေကိုကျော်လွန်တဲ့ သဘောမှာရှိတယ်။ ဒါပေမဲ့ ပြန်ညွှန်းလို့ရတာက ဒါကြီးက စီမံကိန်းမဟုတ်ဘူးလို့ ပြောရင် ဘယ်လိုလုပ်မလဲ။ ဒါက ဥပဒေရဲ့ ဟာကွက်ဖြစ်တာလေ” ဟု ဦးနေဘုန်းလတ်က ပြောကြားသည်။

ယင်းအခြေအနေများကြောင့် စီမံကိန်းများဟု သတ်မှတ်ရန် ဥပဒေပြဋ္ဌာန်းမှုများ ပြုလုပ်ရန် လိုအပ်ကြောင်း၊ သို့မှသာ လုပ်ငန်းများ အဆင်ပြေချောမွေ့မည် ဖြစ်ကြောင်း ဦးနေဘုန်းလတ်က သူ၏အမြင်ကို ပြောကြားသည်။

လှည်းကူးအိမ်ရာစီမံကိန်း ကဲ့သို့သော လုပ်ငန်းများမှာ လွှတ်တော်သို့ တင်သွင်းပြီး အတည်ပြုချက် ရယူပြီးမှသာ လုပ်ဆောင်ရမည့် စီမံကိန်းအမျိုးအစားဖြစ်ကြောင်း လွှတ်တော်ကိုယ်စားလှယ်များက ဆိုသည်။

“လှည်းကူးလို စီမံကိန်းတွေ၊ YBS လို စီမံကိန်းတွေက လွှတ်တော်ကို ဖြတ်ကိုဖြတ်ရမယ်။ အန်ကယ်တို့ အနေနဲ့ကလည်း ကိုယ့်အစိုးရဆိုတော့ သိပ်မပြောကြတာ။ သူတို့ကလည်း အထက်ကပဲ ခိုင်းတယ်။ လာပြောတာတွေက ရှိတယ်။ အန်ကယ်တို့ ကော်မတီအနေနဲ့ကတော့ အဲဒီလိုမျိုးကို သဘောမတူဘူး။ လွှတ်တော်ကို ပွင့်လင်းမြင်သာမှုရှိစွာ ချပြရမယ်” ဟု ဦးကျော်ဇေယျက ပြောကြားသည်။

■ လှည်းကူးစီမံကိန်းက အရင်အစိုးရ သတ်မှတ်ခဲ့တဲ့ စီမံကိန်းလား

လှည်းကူးစီမံကိန်းမှာ ယခင်အစိုးရ လက်ထက်တွင် သတ်မှတ်ခဲ့သည့် မေးခွန်းအား တိုင်းဒေသကြီး လွှတ်တော် ကိုယ်စားလှယ်များကို မေးမြန်းရာတွင် တိကျသော အဖြေအား မရရှိခဲ့ပေ။ ထို့ပြင် ရန်ကုန်တိုင်းဒေသကြီး အစိုးရအဖွဲ့က လွှတ်တော်သို့ တင်ပြခဲ့သည့် မြို့သစ်စီမံကိန်းများတွင် အဆိုပါ လှည်းကူးစီမံကိန်းမှာ နောက်ဆက်တွဲအဖြစ်သာ တင်သွင်းခဲ့သည့် စီမံကိန်းတစ်ခု ဖြစ်သည်။

အဆိုပါ အခြေအနေနှင့် ပတ်သက်ပြီး လွှတ်တော်မှ အသေးစိတ်တင်ပြရန် ပြောကြားခဲ့သော်လည်း လွှတ်တော် ပြီးဆုံးချိန်အထိ ရန်ကုန်တိုင်းဒေသကြီး အစိုးရအဖွဲ့မှ တင်ပြနိုင်ခဲ့ခြင်း မရှိကြောင်း လွှတ်တော်ကိုယ်စားလှယ်များက ပြောကြားသည်။

“စီမံကိန်းဥပဒေ အကြံပြုတုန်းကတော့ လုပ်မယ်ဆိုတာကို တစ်ခါ ရှင်းပြဖူးတယ်။ အပြင်မှာ တစ်ခေါက်ပေါ့။ ရန်ကုန်မဟာဗျူဟာ စီမံကိန်းကို ရှင်းပြတာပါတယ်။ ဒါပေမဲ့ အသေးစိတ်တော့ မဟုတ်ဘူး။ ၀န်ကြီးချုပ်ကိုယ်တိုင် လာရှင်းပြတယ်။ စတုတ္ထအကြိမ် လွှတ်တော်မှာ နောက်ဆက်တွဲဆိုပြီး ထည့်တယ်။ ကိုယ်စားလှယ်တွေက စီမံကိန်းအနေနဲ့ တင်ပြပါဆိုပြီး ပြောခဲ့တာ” ဟု လှိုင်မြို့နယ် မဲဆန္ဒနယ်အမှတ် (၁) တိုင်းဒေသကြီးလွှတ်တော် ကိုယ်စားလှယ် ဦးကျော်ကျော်ထွန်းက ပြောကြားသည်။

ထိုသို့ နောက်ဆက်တွဲ အနေဖြင့် တင်ပြမှုအား လွှတ်တော်က လက်မခံခြင်းကြောင့် အသေးစိတ်တင်ပြရန် ပြန်လည် အကြောင်းကြားခဲ့သော်လည်း ပဉ္စမအကြိမ်လွှတ်တော် ပြီးဆုံးချိန်အထိ လာရောက်တင်ပြခြင်း မရှိခဲ့ကြောင်း ဦးကျော်ဇေယျက ပြောကြားသည်။

“သို့သော်လည်းပဲ လွှတ်တော်မှာ နောက်ဆက်တွဲ အနေနဲ့ တင်ပြတာ လက်မခံပါဘူးဆိုပြီး လွှတ်တော်ကိုယ်စားလှယ်တွေက ထကန့်ကွက်ကြတော့ လွှတ်တော်သာ ပြီးသွားတယ်။ အဲဒီဟာက ပြန်မတက်လာတော့ဘူး။ အန်ကယ်တို့ကတော့ စောင့်ကြည့်နေတာ။ ဘာထပ်လာဦးမလဲ ဆိုပြီးတော့။ ဒါပေမဲ့ ပြန်မလာတော့ဘူး” ဟု ဦးကျော်ဇေယျက ပြောကြားသည်။

ယခင်အစိုးရက ရန်ကုန်တိုင်းဒေသကြီး နှင့် ပတ်သက်သည့် မြို့သစ်စီမံကိန်းများ ပြုလုပ်မည်ဆိုသည့် နေရာများမှာ ကြည့်မြင်တိုင်မြို့နယ်ရှိ လယ်မြေ ၁၅၄၅ ဧက၊ ဆိပ်ကြီး ခနောင်တိုမြို့နယ်ရှိ လယ်မြေ ၈၇ ဧက၊ တွံတေးမြို့နယ်ရှိ လယ်မြေ ၁၆၇၈၉ ဧကတွင် အကောင်အထည်ဖော်မည်ဟု သတ်မှတ်ထားခဲ့သည်။

ယင်းစီမံကိန်းအတွက် အကောင်အထည်ဖော်မည့် ကုမ္ပဏီအဖြစ် ရန်ကုန်အနောက်တောင်ဒေသဖွံ့ဖြိုးရေး အများနှင့်သက်ဆိုင်သောကုမ္ပဏီ၊ Business Capital City Development Ltd ၊ ရွှေပုပ္ပားအပြည်ပြည်ဆိုင်ရာ ဆောက်လုပ်ရေး ကုမ္ပဏီတို့ စုပေါင်းဖွဲ့စည်းထားသော Consortium အား Developer အဖြစ် သတ်မှတ်ထားခဲ့သည်။

ယခုအစိုးရ လက်ထက်တွင် မူလစာချုပ် ချုပ်ဆိုခဲ့သည့် ကုမ္ပဏီသုံးခုကို ခေါ်ယူညှိနှိုင်းခဲ့သည်။ ညှိနှိုင်းခဲ့သည့် အကြောင်းရင်းမှာ အကောင်အထည်ဖော်မည့် စီမံကိန်းပမာဏ ကြီးမားခြင်း၊ ပြည်သူလူထူ၏ ဘ၀လူနေမှု မြင့်မားစေမည့် စီမံကိန်းဖြစ်ခြင်း၊ မဟာရန်ကုန်၏ အနာဂတ်ရည်မှန်းချက် ဖြစ်သော ဖွံ့ဖြိုးတိုးတက်မှု နောက်ကျလျက်ရှိသော ဒေသများကို တစ်ပြေးညီ တိုးတက်ဖွံ့ဖြိုးလာစေရေး၊ အလုပ်အကိုင် အခွင့်အလမ်းများ တိုးတက်လာစေရေး၊ ကုမ္ပဏီအနည်းငယ်မှ လက်ဝါးကြီးအုပ် လုပ်ကိုင်မည့်အစား နိုင်ငံသားလုပ်ငန်းရှင်များ ပါဝင်လုပ်ကိုင်ခွင့် ရရှိစေရေးတို့ကို ရှေးရှုပြီး ခေါ်ယူညှိနှိုင်းခဲ့ခြင်းဖြစ်ပြီး ယင်းတွေ့ဆုံ ညှိနှိုင်းမှုများအရ ယခင်အစိုးရနှင့် ချုပ်ဆိုခဲ့သော စာချုပ်အား ပြန်လည် ဖျက်သိမ်းခဲ့သည်။

သို့သော် ယခုလုပ်ကိုင်မည့် လှည်းကူးစီမံကိန်းနှင့် ပတ်သက်ပြီး လွှတ်တော်သို့ အကြမ်းဖျင်း တင်သွင်းမှုသာရှိခဲ့ပြီး တိကျရေရာသော အဖြေများမရှိခြင်းကြောင့် မေးခွန်းထုတ်ရန် များစွာကျန်ရှိနေသေးကြောင်း ဦးကျော်ဇေယျက ပြောကြားသည်။

ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းကမူ အဆိုပါ လှည်းကူးတွင် ပြုလုပ်မည့် Eco Green City အိမ်ရာစီမံကိန်း ပန္နက်တင်မင်္ဂလာနှင့် စီမံကိန်းဆိုင်ရာ ရှင်းလင်းပွဲတွင် ယခုစီမံကိန်းမှာ လှည်းကူးမြို့၏ အလားအလာကောင်းပေါင်း များစွာရှိနေသည့် မြို့တစ်မြို့ဖြစ်ပြီး အစိုးရအဖွဲ့သစ်၏ ပထမဆုံးဦးဆုံး တည်ဆောက်မည့် အကြီးမားဆုံး စီမံကိန်းကြီးတစ်ခု ဖြစ်ကြောင်း၊ လှည်းကူးမြို့နယ်တွင် ယင်းကဲ့သို့ စီမံကိန်းကြီးတစ်ရပ်ကို တည်ဆောက်နိုင်သည့်အတွက် မြို့၏ ဖွံ့ဖြိုးတိုးတက်မှုများကို များစွာ အထောက်အကူပြုနိုင်ပြီး ရန်ကုန်မြို့၏ ဖွံ့ဖြိုးတိုးတက်မှုအတွက်လည်း များစွာအရေးပါကြောင်း၊ စီမံကိန်းအား တိုင်းဒေသကြီးအစိုးရအဖွဲ့မှ အနီးကပ်ကြီးကြပ် ကွပ်ကဲသွားမည် ဖြစ်ကြောင်း ပြောကြားထားသည်။

■ လွှတ်တော်ကို မတင်ပြဘဲ လုပ်ကိုင်ခဲ့တဲ့ စီမံကိန်းတွေ ရှိသလား

လွှတ်တော်သို့ တင်ပြခြင်းမရှိဘဲ အကောင်အထည်ဖော် ဆောင်ရွက်ခဲ့သည့် စီမံကိန်းများလည်း ရှိပြီး အထင်သာဆုံး ဥပမာအဖြစ် အဆိုပါ လှည်းကူးစီမံကိန်းမှာ လတ်တလော လုပ်ကိုင်ခဲ့သည့် စီမံကိန်းတစ်ခုသာ ဖြစ်ကြောင်း လွှတ်တော်ကိုယ်စားလှယ်အချို့ က တညီတညွတ်တည်း ပြောကြားသည်။

အချို့သော လုပ်ငန်းများမှာ တိုင်းဒေသကြီး အစိုးရအဖွဲ့၏ အခွင့်အာဏာဖြင့် လုပ်ကိုင်ဆောင်ရွက်နိုင်သည့် လုပ်ငန်းများရှိသော်လည်း စီးပွားရေးအရ ကြီးမားကျယ်ပြန့်သည့် စီမံကိန်းများဖြစ်ပါက လွှတ်တော်သို့ တင်သွင်းရမည် ဖြစ်ကြောင်း ကျောက်တံတား မဲဆန္ဒနယ်အမှတ် (၁) မှ တိုင်းဒေသကြီး လွှတ်တော်ကိုယ်စားလှယ် ဒေါ်ကြည်ပြာက ပြောကြားသည်။

“စီမံကိန်းတွေ အားလုံးကတော့ တိုင်းလွှတ်တော်ကို တင်စရာမလိုတာတွေ ရှိတယ်။ သို့ပေမဲ့ ရန်ကုန်တစ်တိုင်းလုံးနဲ့ သက်ဆိုင်တဲ့ဟာမျိုးတွေ ဆိုရင်တော့ တင်ရတယ်။ ဥပမာ စတုတ္ထအကြိမ် လွှတ်တော်တုန်းကဆိုရင် မြို့သစ်စီမံကိန်းဆိုပြီး တင်တယ်။ အဲဒါမျိုးက သေချာတယ်။ လွှတ်တော်ကိုဖြတ်ဖို့ လိုတယ်။ ဆိုတော့ အဲဒီတုန်းက လွှတ်တော်က သေသေချာချာ ပြည့်ပြည့်စုံစုံလေး တင်ပြပေးပါဆိုပြီး ပြောလိုက်တယ်လေ။ အဲဒီတုန်းက စီမံကိန်းကို လွှတ်တော်က အတည်မပြုလိုက်ဘူး။ အဲဒီလိုလေးတွေ ရှိတယ်။ ဆိုတော့ များသောအားဖြင့်ကတော့ အခုလည်း စီမံကိန်းတွေ ကြားရတယ်။ တိုင်းအစိုးရက လုပ်တယ်။ သေချာတာကတော့ လွှတ်တော်ကတော့ မသိတာတွေ များတယ်။ ကိစ္စတိုင်းတော့ မဟုတ်ဘူးပေါ့။ လွှတ်တော်ကိုဖြတ်ဖို့ လိုတယ်ဆိုရင်တော့ လွှတ်တော်ကိုဖြတ်ဖို့ လိုကိုလိုအပ်တယ်။ တချို့ဟာတွေကတော့ တိုင်းအစိုးရ အာဏာနဲ့ပဲ သွားလို့ရတာတွေလည်း ရှိပါတယ်။ မြို့သစ်စီမံကိန်းလို ဟာမျိုးတွေဆိုရင် ဖြတ်ကို ဖြတ်ရမယ့် ဟာတွေ။ ဒါတွေက စီးပွားရေးအရလည်း အရမ်းကို ကြီးထွားတဲ့လုပ်ငန်းတွေ။ ဒါဆိုရင် လွှတ်တော်ကို ဖြတ်ရမယ်”ဟု ဒေါ် ကြည်ပြာက ပြောကြားသည်။

အချို့သော လုပ်ငန်းများမှာ လွှတ်တော်သို့ တင်ပြစရာမလိုသည့် လုပ်ငန်းများ ရှိသော်လည်း သက်ဆိုင်ရာ နယ်မြေခံလွှတ်တော် ကိုယ်စားလှယ်အား အသိပေး အကြောင်းကြားသင့်ကြောင်း ဒေါ်ကြည်ပြာက ပြောကြားသည်။

“ကိုယ့်အစိုးရ ကိုယ့်လွှတ်တော် ဖြစ်နေတဲ့အခါကျတော့ တချို့ကိစ္စလေးတွေက လွှတ်တော်ကို ဖြတ်စရာမလိုပေမယ့် သူ့မြို့နယ်နဲ့ သက်ဆိုင်တဲ့ ဟာမျိုးလေးတွေဆိုရင် မြို့နယ်ဆိုင်ရာ ကိုယ်စားလှယ်တွေကို ပေးသိထားရင် ကောင်းတာပေါ့။ မြို့နယ်ဆိုင်ရာ ကိုယ်စားလှယ်တွေ အနည်းဆုံးတော့ သိထားရင် စီမံဆောင်ရွက်ရတာ အဆင်ပြေမယ်။ တချို့ကိုယ်စားလှယ်တွေဆိုရင် ကိုယ့်မြို့နယ်ကို ၀န်ကြီးလာသွားတယ် ဆိုတာတောင် မသိလိုက်ဘူး။ ထွေအုပ်ပဲသိတဲ့ အဖြစ်တွေရှိတယ်။ ဘက်ညီညီနဲ့ အလုပ်လုပ်နိုင်ဖို့ မျှော်လင့်တယ်။ အစိုးရအဖွဲ့က မပြောမဆိုဘဲနဲ့ လုပ်နေတာတွေတော့ မဟုတ်ဘူး။ တချို့ကိစ္စလေးတွေမှာ ဟနေတာတွေတော့ ရှိတယ်”ဟု ဒေါ်ကြည်ပြာက ဆိုသည်။

ထို့ပြင် လွှတ်တော်သို့ တင်ပြခဲ့သော်လည်း တက်သုတ်ရိုက် တင်သွင်းခဲ့သည့် လုပ်ငန်းများလည်း ရှိကြောင်း၊ ထိုသို့ တက်သုတ်ရိုက် တင်သွင်းခဲ့သဖြင့် လုပ်ငန်း၏ အားသာချက်၊ အားနည်းချက်များကို လွှတ်တော်တွင်း တင်သွင်းဆွေးနွေးနိုင်ရန် အချိန်လုံလောက်မှု မရှိကြောင်း၊ တိုင်းဒေသကြီး အစိုးရအဖွဲ့အနေဖြင့် လုပ်ငန်းများ လုပ်ဆောင်ရာတွင် တိကျသေချာသော မူဝါဒများချမှတ်ရန် လိုအပ်ကြောင်း တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက အကြံပြုပြောကြားသည်။

“တချို့စီမံကိန်းတွေဆိုရင် ကပ်ပြီးတော့ လုပ်တယ်။ အထင်သာဆုံးကတော့ YBS ပေါ့။ အဲဒါကိုထားလိုက်ဦး။ အန်ကယ်တို့လည်း မေးခဲ့တယ်။ ကားတွေကို G to G ၀ယ်တာတွေ ဘာတွေကိုပေါ့။ အဲဒီအချိန် ကျောင်းကားဆိုပြီး ပေါ်လာတယ်။ ဘယ်သူမှ မသိကြဘူး။ ကျောင်းအုပ်ဆရာကြီးတွေဆိုရင် ကျောင်းဖွင့်ခါနီးမှ သိခဲ့တယ်။ အဲဒါက အစပိုင်းမှာ တော်တော်လေးကို လှုပ်ခတ်သွားတယ်။ အဲဒါကျောင်းအုပ်တွေကို ခေါ်ပြောတယ်။ အဲဒါနဲ့ သူတို့ အခက်အခဲကို ပြောတယ်။ အဲဒီလိုပြောတော့ ကိုယ်တွေမှာလည်း အဖြေမရှိဘူး။ အဲဒါနဲ့ ဒေါ်နီလာကျော်နဲ့ တွေ့တယ်။ အစ်မ အဲဒီကိစ္စ ဒီလိုလားဆိုပြီး မေးရတယ်။ အဲဒါနဲ့ လွှတ်တော်ထဲမှာ ဆွေးနွေးရတယ်။ အဲဒီလိုမျိုးတွေချည်းပဲ။ အဲဒီမှာ အခက်အခဲတွေကို ဆွေးနွေးပြောပြတော့မှ အခုကျောင်းဖွင့်ရာသီမှာတော့ သိပ်မလုပ်ပါဘူး။ သူတို့မှာထားတဲ့ ကားတွေကလည်း မရောက်သေးတော့ နောက်ပွင့်ကားတွေကိစ္စက ပြန်ငြိမ်သွားတယ်။ ကားတွေ ရောက်လာတော့ နောက်ပွင့်ကားတွေနဲ့ ကျောင်းကား မလုပ်ရဘူး ဖြစ်ပြန်ရော။ အဲဒီမှာ ကားတွေက ဈေးများတော့ ဘယ်ကျောင်းမှ မ၀ယ်နိုင်ဘူး။ ကားပိုင်ရှင်တွေကလည်း မ၀ယ်နိုင်ဘူး။ အဲဒါ နဲ့ ကျောင်းသုံးကျောင်းကို ပိုင်းလော့အနေနဲ့ စမ်းမယ်ဖြစ်ပြန်ရော။ အခုတော့ နောက်ပွင့်ကားတွေနဲ့တော့ မပြေးတော့ဘူး။ ဒါပေမဲ့ သူတို့ကားတွေကလည်း ဈေးကို မတတ်နိုင်တော့ ဘယ်သူမှလည်း မ၀ယ်နိုင်သေးဘူး။ အခုလည်း ပြေးနေတဲ့ ကျောင်းကားတွေကို YRTA သတ်မှတ်ချက်နဲ့ ကိုက်မကိုက် စစ်ဆေးဦးမယ်။ ဒါပေမဲ့ စဉ်းစားစရာက ဘယ်လိုစစ်မှာလဲ။ YRTA က ဥပဒေတောင် မထွက်သေးဘူး။ အဲဒါကလည်း ပြဿနာတွေ လာဦးမယ်။ အန်ကယ်တို့က ကန့်လန့်တိုက်တာ မဟုတ်ဘူး။ စနစ်တကျ လုပ်စေချင်တာ။ ဥပမာ တစ်ခုဆိုရင် ကျောင်းကားကို အရစ်ကျနဲ့ ရောင်းပေးမယ်တဲ့ဆိုပြီး ပြောထားတာ ရှိတယ်။ ယာဉ်ပိုင်ရှင်တွေက ကိုယ်စားလှယ်တွေကို မေးတာပေါ့။ အဲဒီတော့ ကျွန်တော်ကလည်း မေးတာပေါ့။ အစ်မကြီး ဘယ်လိုပုံစံမျိုးနဲ့လဲ။ အရစ်ကျက ဘယ်နှနှစ်လဲ။ ဘယ်လို ငွေသွင်းရမလဲ ဆိုတာကိုမေးတော့ အဲဒါကိုလည်း ရေရေရာရာ မပြောနိုင်ဘူး။ မူဝါဒမရှိဘူး ဖြစ်နေတယ်။ အစိုးရအဖွဲ့က လုပ်သာလုပ်တယ် အောက်ခြေမသိမ်းဘူး။ အဝေးကြီး ကြည့်စရာမလိုဘူး။ YBS ဆို တစ်နေ့တော့ အောင်မြင်မှာပါ။ ဒါပေမဲ့ ဆုံးရှုံးမှုများများနဲ့ ပေးဆပ်မှုများများနဲ့ အောင်မြင်တာတော့ သိပ်သဘာဝမကျဘူး။ အန်ကယ်တို့က ပြောင်းတာကို ကန့်ကွက်တာ မဟုတ်ဘူး။ စနစ်တကျ လေးလုပ်ဖို့ပဲ ပြောတာ”ဟု ဦးကျော်ဇေယျက ပြောကြားသည်။

အစိုးရအဖွဲ့နေဖြင့် စီမံခန့်ခွဲမှု အပိုင်းများတွင် လုပ်ကိုင် ဆောင်ရွက်နိုင်သော်လည်း စီမံကိန်းအဖြစ် အကောင်အထည်ဖော်မည် ဆိုပါက လုပ်ချင်တိုင်းလုပ်ရန် အခွင့်မရှိကြောင်း၊ လွှတ်တော်၏ တာဝန်မှာ အစိုးရအဖွဲ့ လုပ်ကိုင်ဆောင်ရွက်မည့် စီမံကိန်းများကို အပြုသဘောဆောင်သည့် အကြံပြုချက်များ ပေးရမည့်တာဝန် ရှိကြောင်း ဦးနေဘုန်းလတ်က ပြောကြားသည်။

“စီမံခန့်ခွဲမှုကတော့ အစိုးရက လုပ်လို့ရတယ်။ စီမံကိန်း ဖြစ်သွားရင်တော့ အစိုးရက လုပ်ချင်တိုင်း လုပ်လို့မရဘူး။ တံတားတစ်စင်း ဆောက်ရင်တောင် ကျွန်တော်တို့ဆီမှာ ဘတ်ဂျက်တောင်းရတယ်။ YBS တုန်းကဆိုရင် ဘတ်ဂျက်တော့ တောင်းလိုက်တယ်။ အဲဒါကို ဘယ်မှာသုံးမလဲ ဆိုတာကို သေချာရှင်းပြထားခြင်း မရှိတော့ ကျွန်တော်တို့မှာ လုပ်ရကိုင်ရတာ နည်းနည်းခက်တယ်”ဟု ဦးနေဘုန်းလတ် က ပြောကြားသည်။

စီမံကိန်းများ၊ ရှေ့ဆက်လုပ်ကိုင်မည့် လုပ်ငန်းစဉ်များကို လွှတ်တော်ကိုယ်စားလှယ်များအား ပြောကြားထားခြင်း မရှိခြင်း၊ တိကျ သေချာသော မူဝါဒချမှတ်ထားခြင်း မရှိသောကြောင့် လူထုနှင့်တွေ့ဆုံရာတွင် များစွာအခက်အခဲ ရှိကြောင်း ဘုရင့်နောင်ဈေး ပြောင်းရွှေ့မည့်ကိစ္စကို ဥပမာပေးကာ ဦးကျော်ဇေယျ က ပြောကြားသည်။

“ဘုရင့်နောင်ဈေးကိစ္စဆိုရင် မနေ့က (ဒီဇင်ဘာ ၂၉ ရက်) မှ သွားလေ့လာ မေးမြန်းတာ။ အဲဒီက လွှတ်တော်ကိုယ်စားလှယ်လည်း ပါတယ်။ လုပ်ငန်းရှင်တွေက ဆိုင်ခန်းကို ငှားချင်တယ်။ ပြင်ချင်တယ်။ ဒါပေမဲ့ သေချာတဲ့ ဆုံးဖြတ်ချက်က မကျတော့ လုပ်ငန်းရှင်တွေက မလုပ်ရဲဘူး။ အန်ကယ်တို့ သွားစစ်တော့ မပြတ်မသားပြောထားတော့ သူတို့မှာ ဘာဆက်လုပ်ရမှန်း မသိဘူး။ အဲဒါတွေကို ၀န်ကြီးချုပ်က ပြတ်ပြတ်သားသား ပြောသင့်တယ်။ အဲဒီကိစ္စကို လွှတ်တော်ကလည်း မသိ၊ လုပ်ငန်းရှင်တွေကလည်း ပြတ်ပြတ်သားသား မသိတော့ သူတို့က ဘယ်သူ့ အားကိုးရမလဲ မသိဘူး။ ဒါကလည်း စီမံကိန်းတစ်ခုပဲ။ ပြတ်ပြတ်သားသား ရှိရမယ်။ အကောင်အထည်ဖော်တာကို လုပ်ငန်းရှင်တွေကသိမှ သူတို့ ဘယ်လိုလုပ်ရမလဲ ဆိုတာသိမှာ။ နောက်ပြီးတော့ ကားတွေကိုလည်း ဒီအတိုင်းပဲ။ အဲဒီမှာရှိတဲ့ ကုန်ကားတွေကိုလည်း အာဆီယံပုံစံ လုပ်မယ်ပြောထားတယ်။ အဲဒါမှ မဆုံးသေးဘူး။ ယာဉ်ကြော ကျပ်တည်းလို့ မင်းတို့ကားတွေ မသုံးတော့ဘူး။ တစ်ခါ ရေလမ်းကြောင်းကနေ ကုန်တွေ ပို့ရမယ်ဆိုပြီး လုပ်ပြန်ရော။ ကုန်းလမ်းကြောင်းတောင်မှ မပြီးသေးဘူး။ အကောင်အထည်လည်း မပေါ်သေးဘူး။ ရေလမ်းကြောင်းက လုပ်မယ်ဆိုပြီး ပြောထားသေးတယ်။ ရေလမ်းကြောက လုပ်မယ်ဆိုပြီး ပြောထားတဲ့ စီမံကိန်းကလည်း ဘယ်လိုလုပ်မှာလဲ ဘာလဲဆိုတာလည်း မသိရသေးဘူး။ အဲဒါတွေက ၀န်ကြီးချုပ်က ပြောသွားတော့ ၀န်ကြီးချုပ် ဆိုတာကလည်း ရိုးရိုးကိုယ်စားလှယ်နဲ့ မတူဘူးလေ။ ရိုးရိုးကိုယ်စားလှယ်က ပြောတာနဲ့ ၀န်ကြီးချုပ်ကပြောတဲ့ဟာ ပိုလေးနက်တယ်။ သူပြောတဲ့စကားပေါ်မှာ အခြေပြုပြီး စီးပွားရေးသမားတွေက စောင့်ပြီး နားစွင့်မှာပဲ။ အန်ကယ်လည်း စီးပွားရေးသမားဆို ၀န်ကြီးချုပ်ပြောတဲ့ စကားကို နားစွင့်မှာပဲ။ သူက ပြတ်ပြတ်သားသားပြော။ ခင်ဗျားတို့ ကားတွေ ဘယ်နေ့နောက်ဆုံး သယ်စရာမလိုတော့ဘူး။ ရေလမ်းကြောင်းကနေ အကောင်အထည်ဖော်မယ်။ အဲဒီလိုလည်း မဟုတ်ဘူး။ အလုပ်လုပ်မယ့် သူတွေက ဘာလုပ်လို့ ဘာကိုင်ရမလဲ မသိဘူးဖြစ်နေတယ်။ အဲဒီတော့ လွှတ်တော် ကိုယ်စားလှယ်တွေဆီကို လာတယ်။ မေးတယ်။ အန်ကယ်တို့မှာလည်း သူတို့ကို ပြန်ဖြေရမယ့် အဖြေမရှိဘူး။ တချို့ဟာတွေက သူတို့ ( အစိုးရအဖွဲ့) ပြောထားပြီး အကောင်အထည် မဖော်တာတွေ ရှိတယ်။အဲဒါတွေဆိုရင် ဘယ်သူမှလည်း မသိလိုက်ဘူး။ ကြည့်မြင်တိုင်မှာဆိုရင် မြို့သစ်စီမံကိန်း လုပ်မယ်ဆိုပြီး ပြောထားတာ ရှိတယ်။ မိုးကုန်ရင် အကောင်အထည်ဖော်မယ်ဆိုပြီး ပြောထားတာ။ အဲဒါက လွှတ်တော်မှာလည်း လိပ်ခဲတည်းလည်း ဖြစ်နေတုန်း။ မြို့သစ်က ဒလဘက်ကို ပြောင်းသွားတယ်။ အဲဒီမှာ တချို့ ဒေသခံတွေကလည်း သဘောကျတာ ရှိသလို သဘောမကျတာလည်း ရှိတယ်။ သို့သော်လည်းပဲ အစိုးရအဖွဲ့က ၀န်ကြီးချုပ်ကိုယ်တိုင် လုပ်ရမယ့်အဆင့် မဟုတ်သေးဘူး။ သူ ဒီစီမံကိန်းတွေ လုပ်ချင်တယ်။ လွှတ်တော်ကိုပြောမယ်။ ဒေသခံ ကိုယ်စားလှယ်ကလည်း ဆွေးနွေးမယ်။ အန်ကယ်တို့ စီမံကိန်းကော်မတီကလည်း ကြည့်မယ်။ အပြန်အလှန် ဆွေးနွေးမယ်ဆိုရင် လုပ်ငန်းတွေ ချောမွေ့တာပေါ့” ဟု ဦးကျော်ဇေယျက ပြောကြားသည်။

■ လွှတ်တော်က အစိုးရကို ထိန်းကျောင်းမှု အားနည်းနေပြီလား

သက်တမ်း နှစ်နှစ်ကျော်လာပြီ ဖြစ်သည့် ရန်ကုန်တိုင်းဒေသကြီး အစိုးရအဖွဲ့အား ရန်ကုန်တိုင်းဒေသကြီး လွှတ်တော်အနေဖြင့် ထိန်းကျောင်း တည့်မတ်နိုင်ပြီလား ဆိုသည့် မေးမြန်းမှုအပေါ် တိုင်းဒေသကြီးလွှတ်တော် ကိုယ်စားလှယ် ဦးနေဘုန်းလတ်က “လွှတ်တော်က အစိုးရကို ထိန်းကျောင်းနိုင်ပြီလို့ မယူဆဘူး။ ကျွန်တော်တို့ လွှတ်တော်က မေးခွန်းတွေ မေးတယ်။ အဆိုတွေ တင်တယ်။ အတိုင်းအတာ တစ်ခုအထိတော့ ဘတ်ဂျက်တွေ စိစစ်ဖြတ်တောက်တာ ရှိတယ်။ လိုအပ်တဲ့ မေးခွန်းတွေလည်း မေးနေတာပဲ။ ဒါပေမဲ့ အဲဒီအပေါ်မှာ အစိုးရအနေနဲ့ တာဝန်ယူ ဆောင်ရွက်မှုပေါ့။ နောက်တစ်ခုကတော့ လေးစားမှုပေါ့။ အဲဒါကတော့ အခုထိတော့ အားရစရာမရှိဘူး။ အထူးသဖြင့် ထောက်ပြချင်တာက လွှတ်တော်က အဆိုတစ်ခုကို အတည်ပြုလိုက်တယ်ပေါ့။ တကယ်တမ်း လွှတ်တော်မှာ အဆိုတစ်ခု အတည်ပြုလိုက်ပြီဆိုရင် အစိုးရအနေနဲ့ တော်တော်လေးကို အလေးအနက်ထားပြီးတော့ လုပ်ငန်းစဉ်တွေ လိုက်ရမှာ။ ဒါပေမဲ့ အခုတော့ အဲဒီလိုလိုက်တာ မရှိဘူး။ အဆိုတင်တယ်။ အတည်ပြုတာပဲ အဖတ်တင်တယ်။ ထိထိရောက်ရောက် မရှိဘူး။ ကျွန်တော်မြင်တာကတော့ လွှတ်တော်က အစိုးရကို ထိန်းကျောင်းနိုင်တယ် ဆိုတာထက် လွှတ် တော်ရဲ့မေးခွန်းတွေ၊ အဆိုတွေကို အစိုးရအနေနဲ့ တာဝန်ယူဆောင်ရွက်မှု အားနည်းတယ်” ဟု ဦးနေဘုန်းလတ်က ပြောကြားသည်။

အချို့သော အခြေအနေများတွင် ရန်ကုန်တိုင်းဒေသကြီး အစိုးရအဖွဲ့နှင့် လွှတ်တော်ကိုယ်စားလှယ်များ ပူးပေါင်းဆောင်ရွက်မှုကြောင့် လုပ်ငန်းများ အကောင်အထည် ပေါ်ခဲ့သော်လည်း အဆင်မပြေမှုများလည်း ရှိကြောင်း တိုင်းဒေသကြီး လွှတ်တော်ကိုယ်စားလှယ် ဒေါ်ကြည်ပြာက ပြောကြားသည်။

“ညဈေးလို ဟာမျိုးဆိုရင် အစ်မကလည်း အဆိုတင်တယ်။ ဒါပေမဲ့ ညဈေး ဖွင့်ဖို့ လုပ်ဖို့ ပြောတာ မဟုတ်ဘူး။ မြို့ထဲမှာက လမ်းဘေးဈေးသည်ကိစ္စတွေနဲ့ တော်တော်အဆင်မပြေဘူး။ အဲဒါကြောင့် ဒါတွေနဲ့ပတ်သက်ပြီး စီမံပေးပါဆိုပြီး တင်လိုက်တာ။ သူတို့ကလည်း ညဈေးလုပ်ဖို့ အစီအစဉ်ကလည်း ရှိနေတော့ ညဈေးဆိုပြီး ဖြစ်သွားတာ။ အဲဒီအထိက အဆင်ပြေသေးတယ်။ ပြဿနာက ဘာရှိလဲဆိုတော့ ညဈေးလုပ်မယ်ဆိုတော့ အစ်မတို့ ကိုယ်စားလှယ်တွေက လိုက်ကူညီကြတယ်။ ဒါပေမဲ့ ပွင့်ပွင့်လင်းလင်းပြောရရင် တကယ်စီမံတာက စည်ပင်။ အဲဒီအချိန်မှာ အဆင်မပြေတာလေးတွေ တွေ့လာတယ်။ တကယ်တမ်းပြောရရင်လည်း ညဈေးက မအောင်မြင်ဘူးလို့ ပြောရမယ်” ဟု ဒေါ်ကြည်ပြာက ပြောကြားသည်။

အစိုးရအဖွဲ့၏ လုပ်ဆောင်ချက်များ၊ ဆက်လက် လုပ်ဆောင်ရမည့် အခြေအနေများနှင့် ပတ်သက်ပြီး ရန်ကုန်တိုင်းဒေသကြီး လွှတ်တော်တွင် တိုင်းဒေသကြီးအစိုးရ၏ ကတိက၀တ် အာမခံချက်များနှင့် လွှတ်တော် အခွင့်အရေးကော်မတီကို ဖွဲ့စည်းထားပြီး အဆိုပါကော်မတီ၏ ဥက္ကဋ္ဌဖြစ်သူ ပုဇွန်တောင်မဲဆန္ဒနယ် အမှတ် (၁) မှ တိုင်းဒေသကြီး လွှတ်တော်ကိုယ်စားလှယ် ဦးခင်မောင်ဝင်းက အစိုးရအနေဖြင့် လွှတ်တော်နှင့် ပူးပေါင်း ဆောင်ရွက်မှုများကို ယခုထက်ပိုမို လုပ်ကိုင်မည်ဆိုပါက ပြုပြင်ပြောင်းလဲမှုများ လျင်မြန်မည်ဖြစ်ကြောင်း ပြောကြားသည်။

“အခုလည်း ပူးပေါင်း ဆောင်ရွက်နေတယ်။ သူတို့ရဲ့ ကတိက၀တ်တွေ။ အာမခံချက်တွေ၊ လွှတ်တော်က အဆိုတွေကို အကောင်အထည်ဖော်တယ်။ ဒီထက်ပို လက်တွဲလုပ်ကိုင်ရင် ပိုမြန်တာပေါ့။ အခုလည်း တိုင်းဒေသကြီး အစိုးရအဖွဲ့က လက်တွဲ လုပ်ဆောင်နေပါတယ်” ဟု ပုဇွန်တောင်မဲဆန္ဒနယ်မှ တိုင်းဒေသကြီး လွှတ်တော်ကိုယ်စားလှယ် ဦးခင်မောင်ဝင်းက ပြောကြားသည်။

ဒီမိုကရေစီစနစ်တွင် မဏ္ဍိုင်သုံးရပ် အနေဖြင့် အပြန်အလှန် ထိန်းကျောင်းမှု အားကောင်းရန် လိုအပ်ပြီး ယင်းသို့ အားကောင်းမှသာ ဒီမိုကရေစီ အလေ့အကျင့်များ ရှင်သန်နိုင်မည် ဖြစ်ကြောင်း လွှတ်တော် ကိုယ်စားလှယ်များက တညီတညွတ်တည်း ပြောကြားသည်။

“ဒီမိုကရေစီနိုင်ငံတွေမှာတော့ အုပ်ချုပ်ရေးမဏ္ဍိုင်ရော၊ ဥပဒေပြုရေးမဏ္ဍိုင်ရော အပြန်အလှန် ထိန်းကျောင်းမှု အားကောင်းဖို့ လိုအပ်တယ်။ ပွင့်ပွင့်လင်းလင်း ပြောရရင် ကိုယ့်အစိုးရ ကိုယ့်လွှတ်တော် ထိန်းကျောင်းစရာက သိပ်မလိုဘူး။ ဒါပေမဲ့လည်း ပွင့်လင်းမြင်သာမှုရှိစွာ လွှတ်တော်အနေနဲ့လည်း လွှတ်တော်ကိုယ်စားလှယ်တွေက မြေပြင် အခြေအနေတွေကို အနီးစပ်ဆုံးဖြစ်တဲ့ သူတွေဖြစ်တော့ အစိုးရအဖွဲ့ကို တိုက်တွန်းတာတွေ၊ တောင်းဆိုတာတွေ ရှိတယ်ပေါ့။ အဲဒီလိုအခါမျိုးမှာ တစ်ယောက်နဲ့ တစ်ယောက် လွှတ်တော်ကိုယ်စားလှယ်ကလည်း မြေပြင်မှာ တကယ်ထိတွေ့နေရတဲ့ အခြေအနေဆိုတော့ သူတို့တောင်းဆိုတာကိုလည်း အစိုးရက လုပ်ပေးစေချင်တယ်။ သူတို့မှာက လုပ်ဆောင်နိုင်တဲ့ မက်ဂနက်ဇင်ကြီး ရှိတယ်။ လုပ်ပေးနိုင်တာတွေ ရှိတယ်။ အဲဒီလိုမျိုးလေး ဖြစ်စေချင်တာ။ အခုကတော့ နည်းနည်း လိုအပ်နေတယ်။ အခုကကျတော့ အစိုးရအနေနဲ့လည်း လုပ်ဆောင်ရတာတွေ များတာက မှန်ပါတယ်။ အဲဒါကိုလည်း နားလည်ပါတယ်။ ကိုယ်စားလှယ်တွေကလည်း မြေပြင်မှာ တကယ်ထိ တွေ့နေရတဲ့ သူတွေဖြစ်နေတော့ လုပ်ပေးစေချင်တဲ့ အနေအထားလေးတွေကိုလည်း ဂရုစိုက်စေချင်တယ်။ အဆိုတွေ၊ မေးခွန်းတွေကိုပေါ့” ဟု တိုင်းဒေသကြီး လွှတ်တော်ကိုယ်စားလှယ် ဒေါ်ကြည်ပြာက ပြောကြားသည်။

လွှတ်တော် ကိုယ်စားလှယ်များအနေဖြင့် လွှတ်တော်ဘက်မှ ရပ်တည်၍ ပြောနေုခြင်း မဟုတ်ကြောင်း၊ ဒီမိုကရေစီစနစ်၏ မူအရသာ လုပ်ကိုင်ဆောင်ရွက်နေခြင်း ဖြစ်ကြောင်း၊ အပြန်အလှန် လေးစားမှုမရှိပါက ဒီမိုကရေစီ ပုံဖျက်ခံရနိုင်ကြောင်း တိုင်းဒေသကြီး လွှတ်တော်ကိုယ်စားလှယ် ဦးနေဘုန်းလတ်က ပြောကြားသည်။

“ဒီမိုကရေစီစနစ်ကို ခိုင်မာစေချင်တယ် ဆိုရင်တော့ အစိုးရအနေနဲ့ လွှတ်တော်ကို ဒီထက်ပို အလေးထားသင့်တယ်။ အုပ်ချုပ်ရေး အာဏာကို ပေးလိုက်တယ်ဆိုတာ လုပ်ချင်တာလုပ်ဖို့ ပေးလိုက်တာ မဟုတ်ဘူး။ အားလုံးနဲ့ တိုင်ပင်ဆွေးနွေးပြီး လုပ်သင့်လုပ်ထိုက်တာကို လုပ်ဖို့ လူထုက ပေးအပ်လိုက်တာ။ မဏ္ဍိုင်သုံးရပ်က အပြန်အလှန် လေးစားမှုတစ်ခုနဲ့ ဖြတ်သန်းသင့်တယ်။ နို့မို့ဆိုရင်တော့ ဒီမိုကရေစီကို ပုံဖျက်တဲ့ သဘောပဲ။ လိုတဲ့ ပိုက်ဆံတော့ လွှတ်တော်မှာ လာလာတောင်းတယ်။ ဘာတွေလုပ်မယ် ဆိုတာတော့ ဘာတွေလဲဆိုတာ ရှင်းရှင်းလင်းလင်း မသိရဘူး။ လွှတ်တော်ကိုယ်စားလှယ်မို့လို့ လွှတ်တော်ဘက်က ပြောနေတာလည်း မဟုတ်ဘူး။ ဒီမိုကရေစီစနစ် ရှင်သန်အားကောင်းဖို့ဆိုရင် မဏ္ဍိုင်တစ်ခုနဲ့တစ်ခု လေးစားမှုရှိဖို့ လိုအပ်တယ်။ ဒါတွေက ဒီမိုကရေစီရဲ့ မူပဲ” ဟု ဦးနေဘုန်းလတ်က ပြောကြားသည်။

ရေစကြိုမြို့နယ်အတွင်း စာသင်ကျောင်းသုံးကျောင်းကို သတ်မှတ်ချိန်အတွင်းပြီးစီးအောင် တည်ဆောက်နိုင်ခြင်းမရှိသည့် ကုမ္ပဏီအား လုပ်ငန်းလုပ်ကိုင်ခွင့် ချမပေးတော့ဘဲ စာချုပ်ပါစည်းကမ်းများဖြင့် အရေးယူရန် စီစဉ်နေ

ဟိန်းမော်ကွန်းကုမ္ပဏီက တာဝန်ယူတည်ဆောက်ခဲ့ပြီး လုပ်ငန်းအပြီးမသတ်နိုင်ခဲ့သည့် ၄၆၈ သိန်း ချထားပေးသည့် ဗလဗကျေးရွာ စာသင်ဆောင်အား မြင်တွေ့ရစဉ်

ရေစကြိုမြို့နယ်အတွင်း စာသင်ကျောင်းသုံးကျောင်းအား သတ်မှတ်ချိန်အတွင်း ပြီးစီးအောင် တည်ဆောက်နိုင်ခြင်းမရှိသည့် ဟိန်းမော်ကွန်း ကုမ္ပဏီအား လုပ်ငန်းလုပ်ကိုင်ခွင့် ချထားမပေးတော့ဘဲ စာချုပ်ပါ စည်းကမ်းများဖြင့် အရေးယူနိုင်ရန် စီစဉ်နေကြောင်း ရေစကြိုမြို့နယ် ပြည်သူ့လွတ်တော် ကိုယ်စားလှယ်၏ ပြောကြားချက်အရ သိရသည်။

ရေစကြိုမြို့နယ် ဗလဗ၊ လှေခုပ်နှင့် မအူအောက်ဆိပ်ကျေးရွာများရှိ စာသင်ကျောင်းများအား ဟိန်းမော်ကွန်းကုမ္ပဏီက ပြီးခဲ့သည့် ၂၀၁၆ ခုနှစ်တွင် တင်ဒါယူ တည်ဆောက်ခဲ့ခြင်းဖြစ်ပြီး အဆိုပါ ကျေးရွာများမှ အဆောက်အအုံများအား အပြီးသတ် တည်ဆောက်နိုင်ခြင်း မရှိဘဲ ရပ်နားခဲ့ရကြောင်း သိရသည်။

ဗလဗ၊ လှေခုပ်ရွာတို့ရှိ တစ်ထပ်စာသင်ကျောင်းများနှင့် မအူအောက်ဆိပ်ကျေးရွာရှိ နှစ်ထပ် စာသင်ကျောင်းအား ၂၀၁၆ -၂၀၁၇ ဘဏ္ဍာနှစ် ငွေလုံးငွေရင်း အသုံးစရိတ်မှ ကျခံ သုံးစွဲ တည်ဆောက်ခြင်းဖြစ်ပြီး တာဝန်ယူ တည်ဆောက်သည့် ဟိန်းမော်ကွန်းကုမ္ပဏီက သတ်မှတ်ချိန်တွင်း မပြီးစီးသည့်အတွက် ထပ်တိုးအချိန်များ ထပ်မံခွင့်ပြုခဲ့သော်လည်း ယနေ့တိုင် အပြီးသတ်နိုင်ခြင်းမရှိကြောင်း သိရသည်။

“သူတို့ယူထားတဲ့ စီမံကိန်းတွေကို ကာလ ကန့်သတ်ချက်ထဲမှာ ပြီးအောင်ဆောက်ရမယ်။ သဘာဝဘေးအန္တရာယ်ကြောင့်သော် လည်းကောင်း၊ စစ်ဘေးအန္တရာယ်ကြောင့် သော်လည်းကောင်း မမျှော်လင့်တဲ့ အခြေ အနေတွေ တစ်မျိုး။ ဒီလိုမဟုတ်ဘဲ သူ့ဘက် က ချို့ယွင်းချက်နဲ့မပြီးခဲ့တာ ဖြစ်တဲ့အတွက် ကုမ္ပဏီဘက်က သွင်းထားတဲ့ငွေကို ကော်မတီ နဲ့ ထုတ်သုံးမယ်။ နောက်တစ်ခါ စာချုပ်ထဲမှာ  ဆောက်လုပ်မှုတွေမှာ နောက်ဆုံးရပ်သွားတဲ့ ရက်ကနေ ဒီနေ့အထိ တစ်ရက်ကို ငါးသောင်း နှုန်းနဲ့ ဒဏ်တပ်ရမယ်လို့ ပါပါတယ်။ အဲဒါကို တိုင်းတာဝန်ရှိသူတွေနဲ့ ဘယ်လိုဆောင်ရွက်သွားမလဲဆိုတာ ဆွေးနွေးဖို့ရှိပါတယ် ” ဟု ရေစကြိုမြို့နယ် ပြည်သူ့လွတ်တော်ကိုယ်စားလှယ် ဒေါက်တာဦးတင်ဌေးအောင်က ပြောကြားသည်။

ဟိန်းမော်ကွန်းကုမ္ပဏီက အပြီးသတ် တည်ဆောက်နိုင်ခြင်းမရှိသည့် ကျောင်းများ နှင့်ပတ်သက်၍ ကျန်ရှိနေသည့် ကျောင်းအဆောက်အအုံ အစိတ်အပိုင်းများအား ကျေးရွာရှိ ကျောင်းကြီးကြပ်ရေးကော်မတီက ဆက် လက်တည်ဆောက်နေရကြောင်း သိရသည်။

“၁၉ ရက်၊ ၁၁ လ၊ ၂၀၁၆ ခုနှစ်မှာ ဟိန်းမော်ကွန်းကုမ္ပဏီက တာဝန်ယူဆောက်ပါတယ်။ ကျောင်းကတော့ ၂၅ ရာခိုင်နှုန်းပဲပြီး သွားတယ်။ အဲဒီပြီးသွားတဲ့ ၂၅ ရာခိုင်နှုန်း ငွေကို သူတို့ကုမ္ပဏီက ထုတ်ယူသွားတယ်လို့ သိရတယ်။ ကျန်တဲ့ငွေနဲ့ ကျောင်းကို ကျွန်တော်တို့ ကော်မတီက ဆက်ဆောက်နေရတယ်” ဟု ရေစကြိုမြို့နယ် ဗလဗ ကျေးရွာ ဦးလှဌေးက ပြောကြားသည်။

ရေစကြိုမြို့နယ်အတွင်း စာသင်ကျောင်း သုံးကျောင်းအား သတ်မှတ်ချိန်အတွင်း ပြီးစီးအောင် တည်ဆောက်နိုင်ခြင်းမရှိသည့် ဟိန်းမော်ကွန်းကုမ္ပဏီအား ယခုဘဏ္ဍာနှစ်တွင် မကွေးတိုင်းအတွင်းရှိ စီမံကိန်းလုပ်ငန်းများအား လုပ်ကိုင်ခွင့် မပေးတော့ကြောင်းနှင့် အာမခံကြေး ငါးရာခိုင်နှုန်းအား ကျောင်းများ ဆောက်လုပ်ရာတွင် အသုံးပြုသွားမည်ဖြစ်ကြောင်း သိရသည်။

အစိုးရစီမံကိန်း အဆောက်အအုံများ တည်ဆောက်ခြင်းနှင့်ပတ်သက်၍ အချို့သော စီမံကိန်း အဆောက်အအုံများမှာ အရည်အသွေးပြည့်မီခြင်း မရှိသည့်အတွက် ဝေဖန်မှုများ ထွက်ပေါ်နေပြီး လွှတ်တော်ကိုယ်စားလှယ်များနှင့် ဒေသခံများ ပူးပေါင်း၍ လုပ်ငန်းများအား စိစစ်နေရကြောင်း သိရသည်။