ကရင်ပြည်နယ်အတွင်းရှိ မြစ်၊ ချောင်းများ၏ မြစ်ရေချိန်များ စိုးရိမ်ရေမှတ်အထက်နှင့် စိုးရိမ်ရေမှတ်အနီးသို့ ရောက်ရှိနေ

ကရင်ပြည်နယ်အတွင်းရှိ မြို့နယ်အလိုက် မြစ်၊ ချောင်းများ၏ မြစ်ရေချိန်များမှာ သြဂုတ် ၁၅ ရက် နံနက် ၆ နာရီခွဲ တိုင်းထွာချက်အရ စိုးရိမ်ရေမှတ်အထက်နှင့် စိုးရိမ်ရေမှတ်အနီးသို့ ရောက်ရှိနေပြီး မိုးအားဆက်လက် ကောင်းမွန်ပါက စိုးရိမ်ရေမှတ်အထက်သို့ အသီးသီး ရောက်ရှိလာနိုင်ကြောင်း ကရင်ပြည်နယ် မိုးလေ၀သနှင့် ဇလဗေဒညွှန်ကြားမှုဦးစီးဌာန၏ ထုတ်ပြန်ချက်အရ သိရှိရသည်။

ကရင်ပြည်နယ်အတွင်း မြို့နယ်အလိုက် မြစ်ရေနှင့် မိုးရေချိန်များမှာ ဘားအံမြို့တွင် သံလွင်မြစ်သည် သြဂုတ် ၁၅ ရက် နံနက် ၆ နာရီခွဲ တိုင်းထွာချက်အရ ၎င်း၏စိုးရိမ်ရေအမှတ် ၇၅၀ စင်တီမီတာကို ကျော်လွန်ကာ ၈၈၆ စင်တီမီတာ ရောက်ရှိနေပြီး မိုးရေချိန် ၀ ဒသမ ၁၆ လက်မ၊ ကော့ကရိတ်မြို့နယ်တွင် ဂျိုင်း (ကျုံဒိုး) မြစ်ရေသည် စိုးရိမ်ရေအမှတ် ၅၅၀ စင်တီမီတာအနီး ၅၀၈ စင်တီမီတာသို့ ရောက်ရှိပြီး မိုးရေချိန် ၁ ဒသမ ၁၄ လက်မ၊ ဟောင်သရောမြစ်ရေသည် စိုးရိမ်ရေအမှတ် ၅၃၀ စင်တီမီတာအနီး ၄၈၈ စင်တီမီတာသို့ ရောက်ရှိပြီး မိုးရေချိန် ၁ ဒသမ ၁၄ လက်မ၊ မြ၀တီမြို့တွင် သောင်ရင်းမြစ်ရေသည် ၎င်း၏စိုးရိမ်ရေအမှတ် ၄၇၇ စင်တီမီတာအောက် ၂၃၅ စင်တီမီတာသို့ ရောက်ရှိပြီး မိုးရေချိန် ၀ ဒသမ ၄၄ လက်မ၊ လှိုင်းဘွဲမြို့နယ်တွင် လှိုင်းဘွဲချောင်းရေသည် စိုးရိမ်ရေအမှတ် ၉၈၀ စင်တီမီတာအနီး ၉၆၇ စင်တီမီတာသို့ ရောက်ရှိကာ မိုးရေချိန် ၁ ဒသမ ၅၇ လက်မ၊ သံလွင် မြစ်ရေသည် ရွှေဂွန်းကျေးရွာတွင် စိုးရိမ်ရေအမှတ် ၉၈၀ စင်တီမီတာအထက် ၁၁၁၈ စင်တီမီတာသို့ရောက်ရှိပြီး မိုးရေချိန် ၀ ဒသမ ၆၈ လက်မ၊ ကြာအင်းဆိပ်ကြီးမြို့နယ်တွင် ဇမိမြစ်ရေသည် စိုးရိမ်ရေအမှတ် ၁၀၆၈ စင်တီမီတာအောက် ၇၅၇ စင်တီမီတာ ရောက်ရှိပြီး မိုးရေချိန် ၁ ဒသမ ၆၆ လက်မ၊ ကျိုက်ဒုံမြို့နယ်တွင် ဟောင်သရောမြစ်ရေသည် စိုးရိမ်ရေအမှတ် ၅၁၈ စင်တီမီတာအောက် ၂၂၉ စင်တီမီတာသို့ ရောက်ရှိကာ မိုးရေချိန် ၀ ဒသမ ၈၃ လက်မ၊ ဘုရားသုံးဆူမြို့နယ်တွင် ဇမိမြစ်ရေသည် ၎င်း၏ စိုးရိမ်ရေအမှတ် ၂၇၄ စင်တီမီတာအောက် ၁၂၂ စင်တီမီတာရှိပြီး မိုးရေချိန် ၁ ဒသမ ၁၈ လက်မ၊ ဖာပွန်မြို့နယ်တွင် ယွန်းစလင်းချောင်းရေသည် စိုးရိမ်ရေအမှတ် ၆၀၀ စင်တီမီတာအောက် ၃၀၅ စင်တီမီတာသို့ ကျဆင်းနေပြီး မိုးရေချိန် ၁ ဒသမ ၈၁ လက်မ၊ သံလွင်မြစ်ရေသည် ကမမောင်းမြို့နယ်တွင် စိုးရိမ်ရေအမှတ် ၈၆၂ စင်တီမီတာအောက် ၆၄၆ စင်တီမီတာ ရောက်ရှိနေကြောင်း သိရသည်။

မန္တလေးမြို့ ဧရာဝတီမြစ်ရေမှတ်မှာ မြို့၏စိုးရိမ်ရေမှတ်ရောက်ရန် လေးပေခန့်အလိုအထိ မြင့်တက်လျက်ရှိပြီး လာမည့်ဇူလိုင်လ တတိယပတ်တွင် စိုးရိမ်ရေမှတ်အထက် ရောက်ရှိနိုင်

ဧရာဝတီမြစ် မန္တလေးမြို့ရေအမှတ်မှာ ဇူလိုင် ၁၁ ရက် နံနက်ပိုင်း တိုင်းထွာချက်များအရ ၁၁၁၅ စင်တီမီတာသို့ ရောက်ရှိနေပြီဖြစ်ကာ မန္တလေးမြို့၏ စိုးရိမ်ရေအမှတ်ဖြစ်သော ၁၂၆၀ စင်တီမီတာသို့ရောက်ရှိရန် လေးပေခန့်လိုသေးကာ လာမည့်ဇူလိုင် တတိယပတ်တွင် စိုးရိမ်ရေအမှတ်အထက် ရောက်ရှိသည်အထိ မြင့်တက်နိုင်ကြောင်း မိုးလေ၀သနှင့် ဇလဗေဒညွှန်ကြားမှုဦးစီးဌာနမှ သိရသည်။

ဧရာဝတီမြစ်ရေမှာ ဇူလိုင် ၁ ရက်တွင် ၉၈၀ စင်တီမီတာရှိခဲ့ရာမှ နေ့စဉ်တဖြည်းဖြည်းချင်း မြင့်တက်လာခြင်းဖြစ်ပြီး လက်ရှိတွင် စင်တီမီတာ ၁၁၀၀ ကျော်အထိ ရှိလာပြီဖြစ်ကြောင်း သိရသည်။

“လက်ရှိမြစ်ရေက သုံး၊ လေးရက်လောက်နေရင် ပြန်ကျဖုိ့ရှိတယ်။ မြောက်ပိုင်းမှာ မိုးတအားမကောင်းသေးပေမဲ့ အထက်ပိုင်းမှာ ရေနည်းနည်းပြန်တက်တယ်။ လက်ရှိမှာ ကသာနဲ့ ဗန်းမော်ကြားမှာ ရေကျနေတယ်။ မန္တလေးမှာက နောက်နှစ်ရက်လောက်မှာ ပြန်ကျဖို့ရှိတယ်။ ခုတော့ စိုးရိမ်ရေအမှတ်နီးဖို့ လေးပေလောက်လိုသေးတယ်။ ဇူလိုင်ဒုတိယ ၁၀ ရက်ပတ်မှာ မုတ်သုံအားကောင်းဖွယ် ရှိတာကြောင့် ဇူလိုင်တတိယ ၁၀ ရက်ပတ်မှာ မြစ်ရေမြင့်တက်ဖို့ရှိပြီး မန္တလေးရေအမှတ်က စိုးရိမ်ရေအမှတ် ရောက်သည်အထိ မြင့်တက်နိုင်ဖွယ်ရှိတယ်။ လက်ရှိ ရေအခြေအနေနဲ့ ဒုတိယ ၁၀ ရက်ပတ်မှာ မုတ်သုံအားကောင်းတဲ့ အခြေအနေနဲ့ဆိုရင် ဇူလိုင်နောက်ဆုံးအပတ်မှာ စိုးရိမ်ရေအမှတ်ရောက်နိုင်တဲ့ အလားအလာရှိတယ်” ဟု အထက်မြန်မာပြည် မိုးလေ၀သနှင့် ဇလဗေဒညွှန်ကြားမှုဦးစီးဌာန (မန္တလေး) မှ ညွှန်ကြားရေးမှူး ဦးကျော်လွင်ဦးက ပြောကြားသည်။

ဇူလိုင်လအတွင်း ဧရာဝတီမြစ် မန္တလေး ရေအမှတ်များမှာ ဇူလိုင် ၁ ရက်တွင် ၉၈၀ စင်တီမီတာမှ ဇူလိုင် ၁၁ ရက်အထိ ၁၀ ရက်အတွင်း လေးပေခွဲခန့် မြင့်တက်ခဲ့ကြောင်း သိရသည်။