မောင်တောမြို့နယ် မြောက်ပိုင်း ကြိမ်ချောင်း စစ်ဆေးရေးဂိတ်၌ ကျပ်သိန်းပေါင်း ၄၇၀၀ ကျော် တန်ဖိုးရှိ စိတ်ကြွဆေးပြား ၁၅၀,၀၀၀ ကျော်နှင့် ရွှေထည်ပစ္စည်းများ ဖမ်းဆီးရမိ

မောင်တောမြို့နယ် မြောက်ပိုင်း ကြိမ်ချောင်း စစ်ဆေးရေးဂိတ်၌ ကျပ်သိန်းပေါင်း ၄၇၀၀ ကျော် တန်ဖိုးရှိ စိတ်ကြွဆေးပြား ၁၅၇,၂၅၀ ပြားနှင့် ရွှေထည်ပစ္စည်းများ ဖမ်းဆီးရမိခဲ့ကြောင်း မြန်မာနိုင်ငံ ရဲတပ်ဖွဲ့မှ စက်တင်ဘာ ၁၂ ရက်က သတင်းထုတ်ပြန်ခဲ့သည်။

ဖြစ်စဉ်မှာ စက်တင်ဘာ ၁၀ ရက် မွန်းတည့် ၁၂ နာရီတွင် မောင်တောမြို့နယ် နယ်မြေ (၄) ကြိမ်ချောင်း စစ်ဆေးရေးဂိတ်၌ အမှတ် (၂) နယ်ခြားစောင့် ရဲတပ်ဖွဲ့ခွဲမှ တပ်ဖွဲ့ဝင်များသည် မောင်တောမှ ခမောင်းဆိပ်ကျေးရွာသို့ မောင်တောမြိုနယ် (၃) မိုင်ကျေးရွာနေ အောင်ကျော်ဌေး (၂၄) နှစ်မောင်းနှင်ပြီး ဦးအေးထွန်း (၅၃)နှစ်နှင့် မင်္ဂလာညွန့်ကျေးရွာနေ ကိုကိုဝင်း (၂၀)နှစ်တို့ လိုက်ပါလာသည့် 5M/—- Lifan ယာဉ်အား ရပ်တန့်စစ်ဆေးရာ ယာဉ်ပေါ်ရှိ ကျောပိုးအိတ် နှစ်လုံးအတွင်း ထည့်ထားသည့် အထုပ် ၁၁ ထုပ်အတွင်းမှ WY စိတ်ကြွဆေးပြား ၄၀,၀၀၀နှင့် ကိုကိုဝင်း၏ ခါးပတ်အိတ်အတွင်းမှ ကျပ် ၁,၀၀၀,၀၀၀၊ ရွှေနားကပ်နှစ်ရန်၊ ရွှေဆွဲကြိုး တစ်ကုံးတို့အား လည်းကောင်း၊ ယင်းယာဉ်နောက်မှ ကပ်၍ လိုက်ပါလာသော ဝေလာတောင်ကျေးရွာနေ ဟိန်းစိုးသူ (၂၀) နှစ် မောင်းနှင်လာသည့် ဆိုင်ကယ်အား ရပ်တန့်စစ်ဆေးရာ ၎င်း၏ ကျောပိုးအိတ်တွင်းရှိ အထုပ်တစ်ထုပ်အတွင်း ထည့်ထားသည့် WY စိတ်ကြွဆေးပြား ၁၀,၀၀၀ အား လည်းကောင်း၊ မောင်မောင် (ခ) မောင်လှ (၂၉) နှစ် မောင်းနှင်လာသည့် ဆိုင်ကယ်အား ရပ်တန့်စစ်ဆေးရာ ၎င်း၏ ကျောပိုးအိတ်အတွင်း ထည့်ထားသည့် အထုပ် လေးထုပ်နှင့် ဆိုင်ကယ် ခွကြားရှိ ကျောပိုးအိတ်အတွင်း ထည့်ထားသည့် အထုပ် သုံးထုပ်အတွင်းတို့မှ WY စိတ်ကြွဆေးပြား ၁၀၇,၂၅၀ နှင့် ကျပ် ၇၈၀,၀၀၀ တို့အား လည်းကောင်း စုစုပေါင်း WY စိတ်ကြွဆေးပြား ၁၅၇,၂၅၀ ပြား (တစ်ပြားလျင် ကျပ် ၃,၀၀၀ နှုန်းဖြင့်) တန်ဖိုးကျပ် ၄၇၁၇ ဒသမ ၅ သိန်းတို့အား သိမ်းဆည်းရမိခဲ့ခြင်း ဖြစ်ကြောင်း သိရသည်။

ဖမ်းဆီးရမိသူတို့အား စစ်မေးရာ မောင်တောမြို့နေ မွတ်စလင်လူမျိုး တစ်ဦး (စိစစ်ဆဲ)က မူးယစ်ဆေးဝါး အထုပ်တစ်ထုပ်လျှင် ကျပ် ၁၅၀,၀၀၀ နှုန်းဖြင့် ခမောင်းဆိပ်ကျေးရွာ လမ်းဆုံသို့ ပို့ဆောင်ခိုင်း၍ သယ်ဆောင်လာစဉ် ဖမ်းဆီးခံရခြင်း ဖြစ်ကြောင်း စစ်ဆေး ပေါ်ပေါက်ခဲ့သောကြောင့် မောင်မောင် (ခ) မောင်လှ၊ အောင်ကျော်ဌေးပါ သုံးဦးနှင့် မူးယစ်ဆေးဝါးများ ပိုင်ရှင် မွတ်စလင်လူမျိုး (စိစစ်ဆဲ)တို့အား မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာ ဥပဒေ ဖြင့် အရေးယူထားကြောင်း သတင်းရရှိသည်။

အလားတူ စက်တင်ဘာ ၁၀ ရက် ညနေ ၄ နာရီတွင် မောင်တောမြို့နယ် ရွှေဇား (အလယ်) ကျေးရွာနေ အာရ်တာဟူဆောင်း၏ နေအိမ်မှ စိတ်ကြွရူးသွပ်ဆေးပြား ၇၆,၀၀၀ ပြားကို လည်းကောင်း၊ ညနေ ၄ နာရီ မိနစ် ၂၀ တွင် မောင်တောမြို့နယ် မြောက်ပိုင်း ကြိမ်ချောင်း-တောင်ပြိုဝဲ ကားလမ်း၊ မီးတိုက်ကျေးရွာ လမ်းဆုံအနီးတွင် နုရ်ကာမာလ်(ခ) နိုခါမာ မောင်းနှင်ပြီး ဇာဟဲတာလောင်း လိုက်ပါလာသည့် Toyota Probox မော်တော်ယာဉ်မှ စိတ်ကြွရူးသွပ်ဆေးပြား ၅၅,၀၀၀ ပြားနှင့် လက်ကိုင်ဖုန်း နှစ်လုံးတို့ကို သိမ်းဆည်းရမိခဲ့ကြောင်း၊ ဖြစ်စဉ်မှ နုရ်ကာမာလ်(ခ)နိုခါမာ (၂၁)နှစ်၊ ဇာဟဲတာလောင်နှင့် အာရ်တာဟူဆောင်း (ဖမ်းမမိသေး) တို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ ဆိုင်ရာ ဥပဒေအရ အရေးယူထားကြောင်း သတင်းရရှိသည်။

ပခုက္ကူခရိုင် ပေါက်မြို့နယ် လက်ပံတိုရေနံမှော်အတွင်း လူနေထိုင်ခြင်းမရှိသည့် တဲဟောင်းအတွင်း ထိုင်နေသူနှစ်ဦးထံမှ ဘိန်းဖြူနှင့် စိတ်ကြွဆေးပြားများ ဖမ်းဆီးရမိ

ပခုက္ကူခရိုင် ပေါက်မြို့နယ် လက်ပံတိုရေနံမှော်အတွင်း လူနေထိုင်ခြင်းမရှိသည့် တဲဟောင်းအတွင်း ထိုင်နေသူနှစ်ဦးထံမှ ဆပ်ပြာခွက်များအတွင်း ထည့်ထားသည့် ဘိန်းဖြူများနှင့် ပန်းရောင်စိတ်ကြွဆေးပြားများအား ယခုစက်တင်ဘာ ၁၁ ရက် ညပိုင်းက ဖမ်းဆီးရမိခဲ့ကြောင်း သိရသည်။

ပေါက်မြို့နယ် ရေပြာရဲစခန်းတွင် အရေးယူ ဆောင်ရွက်ရန် ဖွင့်လှစ်ထားသည့် ရေနံတရားမ၀င်ချက်လုပ်သည့် အမှုများမှ တရားခံများအား စုံစမ်းဖမ်းဆီးရန်အတွက် ရဲတပ်ဖွဲ့ တာဝန်ရှိသူများက လက်ပံတိုရေနံမှော်အတွင်း ထွက်ခွာလာစဉ် လူနေထိုင်ခြင်းမရှိသည့် တဲဟောင်းအတွင်း ထိုင်နေသူနှစ်ဦးထံမှ ဘိန်းဖြူနှင့် စိတ်ကြွဆေးပြားများ ဖမ်းဆီးရမိခဲ့ခြင်းဖြစ်ကြောင်း သိရသည်။

လူနေထိုင်ခြင်း မရှိသည့် တဲဟောင်းအတွင်း ထိုင်နေသည့် ကိုမျိုးမင်းဌေး (၂၇ နှစ်) ဆိုသူထံရှိ ပျောက်ကျားကျောပိုးအိတ်အား စစ်ဆေးရာ အရှည်တစ်ပေခွဲ၊ အချင်း ၁၀ လက်မရှိ ဆောင်းဘောက်အတွင်းမှ ဘိန်းဖြူဟု ယူဆရသော ဖြူဝါရောင်မှုန့် ၁၀ ဂရမ်ဆီပါ ရောင်စုံဆပ်ပြာခွက် ၁၆ ခွက် စုစုပေါင်း ၁၆၀ ဂရမ်အား သိမ်းဆည်းရမိခဲ့ခြင်းဖြစ်ကြောင်း သိရသည်။

အဆိုပါ လူနေထိုင်ခြင်းမရှိသည့် တဲဟောင်းအတွင်း ထိုင်နေသည့် ကိုလွမ်းနိုင် (၃၀ နှစ်) ဆိုသူအား ဆက်လက်စစ်ဆေးရာ ၎င်းလွယ်ထားသည့် လွယ်အိတ်အတွင်းမှ Red Ruby ဆေးလိပ်ဘူးခွံအတွင်း အပြာရောင် ပလတ်စတစ်အိတ်ဖြင့် ထည့်ထားသည့် 88/1 စာတန်းပါ ပန်းရောင်စိတ်ကြွဆေးပြား ၁၁၉ ပြား၊ ဘိန်းဖြူဟု ယူဆရသည့် အ၀ါရောင်အမှုန့်များကပ်လျက် ပလတ်စတစ်ဘူး၊ ဘိန်းဖြူဟု ယူဆရသည့် အ၀ါရောင်အမှုန့် တစ်ဂရမ်ပါ ပလတ်စတစ်အိတ် တစ်အိတ်နှင့် မူးယစ်ဆေးဝါ သုံးစွဲရာတွင် အသုံးပြုသည့် ဆက်စပ်ပစ္စည်းများအား ဖမ်းဆီးရမိခဲ့ကြောင်း သိရသည်။

အဆိုပါဖြစ်စဉ်နှင့် ပတ်သက်၍ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ၊ ဆက်စပ်ပစ္စည်များနှင့် ငွေကြေးများအား လက်ဝယ်တွေ့ရှိခဲ့သည့် လွမ်းနိုင် (၃၀ နှစ်) ညောင်မကျေးရွာ၊ မြိုင်မြို့နယ်နေသူနှင့် မျိုးမင်းဌေး (၂၇ နှစ်) မကျီးကုန်းကျေးရွာ၊ ယင်းမာပင်မြို့နေသူတို့အား မူးယစ်ဆေးဝါးနှင့် စိတ်ကိုပြောင်းလဲစေနိုင်သော ဆေးဝါးများဆိုင်ရာ ဥပဒေပုဒ်မ ၁၉ (က)၊ ၂၀ (က)၊ ၂၁ တို့ဖြင့် ပေါက်မြို့နယ် ရေပြာရဲစခန်းတွင် အမှုဖွင့် အရေးယူထားကြောင်း သိရသည်။

ပေါက်မြို့နယ် လက်ပံတိုရေနံမှော်အတွင်း တရားမ၀င်ရေနံချက်လုပ်သည့် လုပ်ငန်း အများအပြား ရှိနေသည့်အတွက် ပြီးခဲ့သည့် သြဂုတ် ၁၈ ရက်မှ ၂၀ ရက်ထိ တိုင်း၊ ခရိုင်၊ မြို့နယ်ရဲတပ်ဖွဲ့များဖြင့် ၀င်ရောက်ရှာဖွေ ဖမ်းဆီးရာ တရားမ၀င်ရေနံချက်ဖို ၇၀ ကျော် ဖမ်းဆီးရမိခဲ့ကြောင်း သိရသည်။