ကုန်စည်ပေါ်တွင် သုံးစွဲပုံနှင့် ပတ်သက်သည့် သတ်မှတ်ညွှန်ကြားချက်များကို မြန်မာဘာသာဖြင့် ဖော်ပြစေမည့် အမိန့်ကြော်ငြာစာကို လိုက်နာမှုမရှိက စားသုံးသူ အကာအကွယ်ပေးရေးဥပဒေ ပုဒ်မ ၁၉ အရ အရေးယူမည်

စူပါမားကတ်တစ်ခုအတွင်း ရောင်းချလျက်ရှိသည့် ပြည်တွင်း၊ ပြည်ပထုတ် စားသောက်ကုန်ပစ္စည်းများအား တွေ့ရစဉ် (ဓာတ်ပုံ – အိသဉ္ဇာကျော်)

ကုန်စည်များပေါ်တွင် သုံးစွဲပုံနှင့် ပတ်သက်သည့် သတင်းအချက်အလက် (သို့မဟုတ်) ညွှန်ကြားချက်များကို မြန်မာဘာသာဖြင့် ဖော်ပြစေမည့် အမိန့်ကြော်ငြာစာကို စားသုံးသူ အကာအကွယ်ပေးရေး ဗဟိုကော်မတီက ယခုလအတွင်း ထုတ်ပြန် ကြေညာမည်ဖြစ်ရာ လိုက်နာမှုမရှိပါက စားသုံးသူ အကာအကွယ်ပေးရေးဥပဒေ ပုဒ်မ ၁၉ အရ အရေးယူမည်ဖြစ်ကြောင်း စားသုံးသူရေးရာဦးစီးဌာနမှ ညွှန်ကြားရေးမှူး ဦးဆွေတင့်ကြူးက ပြောကြားသည်။

“အမိန့်ကြော်ငြာစာကို မကြာမီ ထုတ်ပြန်ပါမယ်။ ကြော်ငြာစာ ထုတ်ပြန်ပြီးနေ့ကစလို့ ခြောက်လပြည့်ချိန်မှာ စတင် အာဏာသက်ရောက်မှာ ဖြစ်ပါတယ်။ မြန်မာနိုင်ငံ ဈေးကွက်ထဲကို တင်သွင်းတာပဲဖြစ်ဖြစ်၊ ပြည်တွင်းက ထုတ်လုပ်ပြီးတော့ ပြည်ပကို တင်ပို့တာပဲဖြစ်ဖြစ် စားသုံးသူတွေဆီ ရောင်းချတာ ဖြစ်တဲ့အတွက် ဒီဟာကတော့ ခြွင်းချက်မရှိ လိုက်နာရမှာ ဖြစ်ပါတယ်။ လိုက်နာမှု မရှိရင်တော့ စားသုံးသူ အကာအကွယ်ပေးရေးဥပဒေအရ မလွဲမသွေ အရေးယူခံရမှာပါ” ဟု ညွှန်ကြားရေးမှူး ဦးဆွေတင့်ကြူးက ပြောကြားသည်။

၂၀၁၄ ခုနှစ် စားသုံးသူ အကာအကွယ်ပေးရေး ဥပဒေအရ ပုဒ်မ ၈၊ ပုဒ်မခွဲ (ဃ) အရ စီးပွားရေး လုပ်ငန်းရှင်များသည် ကုန်စည်များပေါ်တွင် သုံးစွဲပုံနှင့် ပတ်သက်သော သတင်း၊ အချက်အလက် သို့မဟုတ် ညွှန်ကြားချက်များကို မြန်မာဘာသာဖြင့် ဖြစ်စေ၊ မြန်မာနှင့် အခြားဘာသာ တွဲလျက်ဖြစ်စေ ဖော်ပြ၍ ထုတ်လုပ်ခြင်း၊ ကုန်သွယ်ခြင်း၊ ရောင်းချခြင်းများ ဆောင်ရွက်သွားရန် အမိန့်ကြော်ငြာစာကို မကြာမီ ထုတ်ပြန်ကြေညာမည် ဖြစ်ကြောင်းနှင့် ယင်း အမိန့်ကြော်ငြာစာ ထုတ်ပြန်ပြီး ခြောက်လပြည့်မြောက်သည့် နေ့မှစ၍ အာဏာသက်ရောက်မည် ဖြစ်၍ လိုက်နာခြင်း မရှိပါက စားသုံးသူ အကာအကွယ်ပေးရေးဥပဒေနှင့်အညီ အရေးယူမည် ဖြစ်ကြောင်း လုပ်ငန်းရှင်များသို့ ကြိုတင် အသိပေးထားကြောင်း သိရသည်။

စားသုံးသူ အငြင်းပွားမှု ဖြေရှင်းရေးအဖွဲ့သို့ တိုင်ကြားမှု အခြေအနေအရ ၂၀၁၇ ခုနှစ်အတွင်း တိုင်ကြားမှု စုစုပေါင်း ၁၀၀ ကျော် ရှိခဲ့ကြောင်းနှင့် ၂၀၁၆ ခုနှစ် တစ်နှစ်တာအတွင်း တိုင်ကြားမှုပေါင်း ၄၆ မှု ရှိခဲ့ကြောင်း နှင့် ယခင်က တိုင်ကြားလာသည့် အမှုများအနက် အများစုမှာ စားသောက်ကုန်များ၏ အရည်အသွေး၊ ၀န်ဆောင်မှု လုပ်ငန်းများနှင့် ပတ်သက်သော တိုင်ကြားမှုများ ဖြစ်ကြောင်း သိရသည်။

စားသုံးသူများ၏ အငြင်းပွားမှုဆိုင်ရာကိစ္စများ ဖြေရှင်းပေးရန်၂၀၁၆ ခုနှစ် ဇူလိုင် ၂၈ ရက်တွင် ရန်ကုန်တိုင်းဒေသကြီး စားသုံးသူအငြင်းပွားမှု ဖြေရှင်းရေးအဖွဲ့ကို ပြင်ဆင် ဖွဲ့စည်းခဲ့ကြောင်း၊ အငြင်းပွားမှုများ ပေါ်ပေါက်လာသောအခါ ဖောက်ဖျက် ကျူးလွန်သည်ဟု စွပ်စွဲခံရသော စီးပွားရေးလုပ်ငန်းရှင်ကို ခေါ်ယူ စစ်ဆေးမည် ဖြစ်ကြောင်း၊ အငြင်းပွားမှုကို သိရှိ၊ တွေ့မြင်သော ပုဂ္ဂိုလ်များ၊ သက်သေများနှင့် ကျွမ်းကျင်သူများကို ခေါ်ယူမေးမြန်း စစ်ဆေးမည်ဖြစ်ကြောင်း၊ လိုအပ်သော အထောက်အထား စာရွက်စာတမ်းများ၊ အခြား သက်သေခံများကိုလည်း စစ်ဆေး အကဲဖြတ်မည်ဖြစ်ပြီး စားသုံးသူများဘက်မှ ဆုံးရှုံးမှု ရှိ၊ မရှိ စစ်ဆေး ဆုံးဖြတ်ပေးမည် ဖြစ်ကြောင်း၊ ယင်းဆုံးဖြတ်ချက်ကို ဖောက်ဖျက် ကျူးလွန်သော စီးပွားရေးလုပ်ငန်းရှင်ထံ ပေးပို့အကြောင်းကြားမည် ဖြစ်ကြောင်းနှင့် ဖောက်ဖျက်ကျူးလွန်ပါက စီမံခန့်ခွဲမှု နည်းလမ်းများဖြင့် အရေးယူ ဆောင်ရွက်မည်ဖြစ်ကြောင်းလည်း သိရသည်။

ယခုနှစ်ပိုင်းအတွင်း စားသုံးသူ အငြင်းပွားမှုဖြေရှင်းရေးအဖွဲ့သို့ တိုင်ကြားလာသည့် အမှုများအနက် စားသောက်ကုန်များ၏ အရည်အသွေးပိုင်းနှင့် ပတ်သက်သော အမှုများသာမက အခြားဝန်ဆောင်မှု အပိုင်းနှင့် ပတ်သက်သော တိုင်ကြားမှုများပါ မြင့်တက်လာကြောင်း၊ ၀ယ်ယူ စားသောက်သုံးစွဲကြသည့် ကုန်ပစ္စည်းများ ထုတ်လုပ်သည့်နေ့နှင့် သက်တမ်း ကုန်လွန်သည့်နေ့တို့အား မသင်္ကာဖွယ်ရာ ပြုပြင်ထားခြင်းများ တွေ့ရှိပါက တိုင်ကြားရန်နှင့် တိုင်ကြားမှုများကို စားသုံးသူ သတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာများ (CICC) များအပြင် လူမှုကွန်ရက်စာမျက်နှာရှိ CICC – Nay Pyi Taw က တစ်ဆင့် လည်းကောင်း၊ ပြည်ထောင်စုနယ်မြေ ၀၆၇၃-၄၃၀၄၆၈၊ ရန်ကုန် တိုင်းဒေသကြီး ဦးစီးမှူးရုံး ၀၁-၂၄၅၀၈၆ သို့ ဆက်သွယ် တိုင်ကြားနိုင်ကြောင်း သိရသည်။

စားသုံးသူရေးရာဦးစီးဌာနသို့ အွန်လိုင်းမှတစ်ဆင့် တိုင်ကြားသည့် အမှုပေါင်း ၆၄ ခုရှိလာပြီး ၀န်ဆောင်မှုနှင့် ပတ်သက်သည့် တိုင်ကြားမှု အများဆုံးဖြစ်

စားသုံးသူရေးရာဦးစီးဌာနသို့ အွန်လိုင်းမှတစ်ဆင့် တိုင်ကြားလာသည့် အမှုပေါင်း ၆၄ မှုရှိပြီး ၀န်ဆောင်မှုနှင့်ပတ်သက်သည့် တိုင်ကြားမှုမှာ အများဆုံးဖြစ်ကြောင်း စားသုံးသူရေးရာဦးစီးဌာနမှ သိရှိရသည်။

ဝန်ဆောင်မှုနှင့်ပတ်သက်သည့် တိုင်ကြားမှု အများဆုံးဖြစ်ရာ ၎င်းတို့ထဲမှ တယ်လီကွန်းနှင့် ပတ်သက်သည့်တိုင်ကြားမှုသည် အများဆုံးဖြစ်ပြီး ကုန်ပစ္စည်းတွေနှင့် ပတ်သက်သည့် တိုင်ကြားစာများရှိကြောင်း စားသုံးသူရေးရာဦးစီးဌာန (ရန်ကုန်) ၏ ဒုတိယညွှန်ကြားရေးမှူး ဦးဇေယျာဆွေက ပြောကြားသည်။

အရေးယူမှုနဲ့ ပတ်သက်ပြီး စားသုံးသူရေးရာဦးစီးဌာန ညွှန်ကြားရေးမှူး ဦးဆွေတင့်ကြူက “အစ်ကိုတို့ဆီလာတိုင်ရင် အစ်ကိုတို့က သက်ဆိုင်ရာ တိုင်း၊ ပြည်နယ်တွေမှာ အငြင်းပွားမှုဖြေရှင်းရေးအဖွဲ့ဆိုတာ ရှိတယ်။ အဲဒီအဖွဲ့မှာ ဥက္ကဋ္ဌက သက်ဆိုင်ရာ တိုင်း၊ ပြည်နယ်ရဲ့ဝန်ကြီးတစ်ပါးက ဦးဆောင်တယ်။ အတွင်းရေးမှူးက စားသုံးသူရေးရာဦးစီးဌာနရဲ့ သက်ဆိုင်ရာဒေသရဲ့ အကြီးအကဲက တာဝန်ယူတယ်။ အဲဒီအဖွဲ့ကနေပြီးတော့ ဆုံးဖြတ်တယ်။ တိုင်ကြားခံရတဲ့ လုပ်ငန်းရှင်နဲ့  ခေါ်ဆွေးနွေးပြီးတော့ ပထမအဆင့် ညှိနှိုင်းပေးတယ်။ အဲဒီအဆင့်မှာ တော်တော်များများ ပြေလည်ပါတယ်။ တချို့က ငွေကြေးပြန်လျော်ပေးတာတွေရှိတယ်။ တချို့က ပစ္စည်းလဲပေးတာတွေ ရှိတယ်။ အကယ်၍ အဲတာမှ လုပ်လို့မရရင် သူတို့ (အငြင်းပွားမှုဖြေရှင်းရေးအဖွဲ့) မှာ အရေးယူပိုင်ခွင့်တွေ ရှိတယ်။ အဲဒီလို အဆင့်လိုက် ဖြေရှင်းပေးတယ်။ အဲဒီလိုမှ မလိုက်လျောဘူးဆိုရင် စီမံခန့်ခွဲရေးပြစ်ဒဏ် ချမှတ်လို့ရတယ်။ ဥပမာ ပြင်းထန်စွာ သတိပေးတာရယ်။ ပစ္စည်းဖြန့်ဖြူးခွင့်၊ ရောင်းချခွင့်တွေကို ကာလသတ်မှတ်ပြီး ရပ်နားခိုင်းတာမျိုး၊ သူ့လုပ်ငန်းကို ယာယီပိတ်သိမ်းတာမျိုး အဲဒီလိုလုပ်လို့ရတယ်။ ဒါပေမဲ့ ညှိနှိုင်းတဲ့ အဆင့်တွေမှာပဲ ပြေလည်သွားတာ များပါတယ်” ဟု ပြောကြားသည်။

စားသုံးသူများ စိတ်မကျေနပ်မှုရှိခြင်းနှင့် နစ်နာမှုများရှိပါက အွန်လိုင်းဝက်ဘ်ဆိုက်မှ အလွယ်တကူ တိုင်ကြားနိုင်ရန် ပြီးခဲ့သည့် မတ်လမှစ၍ www.doca.gov.mm/complaint အား အသုံးပြုခဲ့ကြောင်း သိရသည်။

အွန်လိုင်းမှ တိုင်ကြားမှုများတွင် ရန်ကုန်တိုင်းမှ ၅၁ မှု၊ ရှမ်းပြည်နယ်မှငါးမှု၊ မန္တလေးတိုင်းမှနှစ်မှု၊ ဧရာဝတီတိုင်းမှ နှစ်မှု၊ မွန်ပြည်နယ်မှနှစ်မှု၊ နေပြည်တော်မှတစ်မှုနှင့် တနင်္သာရီတိုင်းမှတစ်မှုတို့ဖြစ်ပြီး အမျိုးသား ၄၃ ဦးနှင့် အမျိုးသမီး ၂၁ ဦးတို့ တိုင်ကြားခံခဲ့ရကြောင်း သိရသည်။

ယမန်နှစ်က ဖုန်းဖြင့်တိုင်ကြားမှုနှင့် လူကိုယ်တိုင် လာရောက်တိုင်ကြားမှုမှာ ရာဂဏန်းနီးပါးသာ ရှိခဲ့သော်လည်း ယခုနှစ် ဧပြီမှ လက်ရှိအထိ ဖုန်းဖြင့်တိုင်ကြားခြင်း၊ လူကိုယ်တိုင် လာရောက်တိုင်ကြားခြင်းနှင့် အွန်လိုင်းမှ တစ်ဆင့် တိုင်ကြားခြင်း စုစုပေါင်း တိုင်ကြားသည့်အမှုပေါင်း ၁၅၀ ကျော်ရှိလာခဲ့ကြောင်း ညွှန်ကြားရေးမှူး ဦးဆွေတင့်ကြူက ပြောကြားသည်။

ကုန်ပစ္စည်းများတွင် ထုတ်လုပ်သည့်နေ့နှင့် သက်တမ်း ကုန်လွန်သည့်နေ့အား ပြုပြင်ထားခြင်း တွေ့ရှိပါက တိုင်ကြားရန် စားသုံးသူရေးရာ ဦးစီးဌာန အသိပေး

ဝယ်ယူ စားသောက်သုံးစွဲကြသည့် ကုန်ပစ္စည်းများ ထုတ်လုပ်သည့်နေ့နှင့် သက်တမ်း ကုန်လွန်သည့်နေ့တို့အား မသင်္ကာဖွယ်ရာ ပြုပြင်ထားခြင်းများ တွေ့ရှိပါက တိုင်ကြားရန် စားသုံးသူရေးရာ ဦးစီးဌာနက အသိပေး နှိုးဆော်ထားသည်။

တိုင်ကြားမှုများကို စားသုံးသူရေးရာ ဦးစီးဌာန၊ စားသုံးသူ သတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေး စင်တာများ (CICC) များအပြင် လူမှုကွန်ရက် စာမျက်နှာရှိ CICC- Nay Pyi Taw က တစ်ဆင့်လည်း တိုင်ကြားနိုင်ကြောင်းနှင့် ပြည်ထောင်စုနယ်မြေ ၀၆၇၃-၄၃၀၄၆၈၊ ၀၆၇၃-၀၄၃၀၁၄၉၊ ရန်ကုန်တိုင်းဒေသကြီး ဦးစီးမှူးရုံး ၀၁-၂၄၅၀၈၆ သို့ ဆက်သွယ် တိုင်ကြားနိုင်ကြောင်း သိရသည်။

လက်ရှိ စားသုံးသူရေးရာ ဦးစီးဌာနအနေဖြင့် ၂၀၁၄ ခုနှစ်က ပြဋ္ဌာန်းခဲ့သည့် စားသုံးသူ အကာအကွယ်ပေးရေး ဥပဒေတွင် စားသုံးသူများ နစ်နာဆုံးရှုံးမှုများအပေါ် ပြည့်ဝစွာ ကာကွယ်ပေးနိုင်ရေးနှင့် ကျင့်ဝတ်နှင့် မညီသော စီးပွားရေး လုပ်ငန်းများအပေါ် စစ်ဆေးအရေးယူနိုင်ရေးအတွက် အားနည်းချက်များ ရှိခဲ့သည့်အတွက် စားသုံးသူ ကာကွယ်ရေးဥပဒေသစ်ကို ပြင်ဆင်ရေးဆွဲလျက်ရှိကြောင်း သိရသည်။

ယခင်ဥပဒေတွင် အားနည်းချက်များ ရှိခဲ့သည့်အတွက် ဥပဒေသစ် ရေးဆွဲ၍ ဆောင်ရွက်သွားရန် ၂၀၁၆ ခုနှစ်၊ ဇန်န၀ါရီအတွင်းက ကျင်းပသော ဒုတိယအကြိမ်၊ စားသုံးသူ အကာအကွယ်ပေးရေး ဗဟိုကော်မတီ အစည်းအဝေးတွင် ဆုံးဖြတ်ခဲ့ကြောင်းနှင့် လက်ရှိတွင် စားသုံးသူ ကာကွယ်ရေး ဥပဒေသစ်အား သက်ဆိုင်ရာဝန်ကြီးဌာနများမှ ပညာရှင်များဖြင့် အသစ်ပြင်ဆင်ရေး ဆွဲခဲ့ပြီးဖြစ်ရာ ဥပဒေသစ် ပြင်ဆင်ပြဋ္ဌာန်းပေးနိုင်ရန် စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၏ တင်ပြမှုအပေါ် အစိုးရအဖွဲ့၊ အစည်းအဝေးမှ ပြည်ထောင်စုလွှတ်တော်သို့ ဆက်လက်ပေးပို့ ဆောင်ရွက်ရန် သဘောတူခဲ့ကြောင်း သိရသည်။

စားသုံးသူ ကာကွယ်ရေး လက်ရှိ ဥပဒေနှင့် ပြင်ဆင်မည့် ဥပဒေသစ်တွင် ကွာခြားချက်များအနက် ယခင် ဥပဒေတွင် အခန်း ၁၂ ခန်းသာ ပါဝင်သော်လည်း ယခုဥပဒေတွင် အခန်း ၂၆ ခန်း ပါဝင်ခြင်း၊ လက်ရှိ ဥပဒေတွင် ပုဒ်မ ၃၁ ခုသာ ပါဝင်သော်လည်း အသစ်ပြဋ္ဌာန်းမည့် ဥပဒေတွင် ပုဒ်မ ၈၇ ခု ပါဝင်ခြင်း၊ ယခင်က ပြစ်ဒဏ် ချမှတ်ရာတွင် ပြစ်ဒဏ်အမျိုးအစား တစ်မျိုးတည်းသာ ချမှတ်နိုင်သော်လည်း ပြဋ္ဌာန်းမည့် ဥပဒေသစ်တွင် ပြစ်မှုအကြီးအသေးပေါ် မူတည်၍ ပြစ်ဒဏ်အမျိုးမျိုး ရွေးချယ်ချမှတ်နိုင်ခြင်းများ အပါအ၀င် စားသုံးသူများ ဘေးအန္တရာယ် ကင်းရှင်းစွာ အသက်ရှင် နေထိုင်သုံးစွဲမှုများ ဆောင်ရွက်သွားနိုင်ရေးအတွက် အသေးစိတ် ညီညွတ်မျှတမှုရှိစေရန် ရေးဆွဲထားကြောင်း နှင့် စားသုံးသူ နစ်နာဆုံးရှုံးမှုများမှ အကာအကွယ်ပေးနိုင်ရေးအတွက် စားသုံးသူကာကွယ်ရေး ဥပဒေသစ်အား လွှတ်တော်အသီးသီးတွင် အမြန်ဆွေးနွေးပြဋ္ဌာန်းနိုင်ရေးအတွက် လုပ်ဆောင်နေကြောင်းလည်း သိရသည်။

 

ဒဂုံမြို့သစ် (အရှေ့ပိုင်း) မူလတန်းလွန်ကျောင်း တစ်ကျောင်းရှိ မုန့်ဈေးတန်းသို့ စစ်ဆေးရာ စားသုံးရန်မသင့် မုန့်များ တွေ့ရှိ

စားသုံးသူ ကာကွယ်ရေးအသင်းမှ ကျောင်းသားကျောင်းသူများကို အစားအစာနှင့် ပတ်သက်ပြီး အသိပညာပေးစဉ်

ဒဂုံမြို့ သစ် (အရှေ့ပိုင်း) ရှိ မူလတန်းလွန်ကျောင်းအား သြဂုတ်၂၁ တွင် သွားရောက် စစ်ဆေးရာ စားသုံးရန် မသင့်သောမုန့်များ တွေ့ရှိရကြောင်း မြန်မာနိုင်ငံ စားသုံးသူကာကွယ်ရေးအသင်းမှ သိရသည်။

ကျောင်းသားမိဘများ၏ တိုင်ကြားချက်အရ အ.မ.က (၅) ဒဂုံမြို့သစ် (အရှေ့ပိုင်း) ရှိ ကျောင်းသို့ သွားရောက် စစ်ဆေးခြဲ့ခင်းဖြစ်ပြီး စားသုံးရန် မသင့်တော်သော အာဖြန်းအချိုဗူး၊ လျှာနီအချိုဗူး၊ နို့မှုန့်များနှင့် သွေးပီကေ အစရှိသည့် တရုတ်မုန့် ၁၅ မျိုး တွေ့ရှိရကြောင်း သိရသည်။

အန္တရာယ်ရှိ အစားသောက်များ ရောင်းချမှုကို တွေ့ရှိရပါက ပထမအကြိမ်အနေဖြင့် ပစ္စည်းများ သိမ်းကာ ခံဝန်ကတိ ထိုးခိုင်းခြင်း၊ ဒုတိယအကြိမ် တွေ့ ရှိပါက ဈေးရောင်းချမှုအား ပိတ်သိမ်းခြင်းနှင့် တတိယအကြိမ် ရောင်းချမှုအား တွေ့ရှိရပါက အမျိုးသား စားသောက်ဥပဒေဖြင့်သော် လည်းကောင်း၊ စားသုံးသူ ကာကွယ်ရေး ဥပဒေဖြင့်သော် လည်းကောင်း အရေးယူ ဆောင်ရွက်သွားမည် ဖြစ်ကြောင်း သိရသည်။

“ကျောင်းသား မိဘတွေရဲ့ တိုင်ကြားစာတွေရလို့ အစ်ကိုတို့က လိုက်စစ်တာပါ။ စစ်တဲ့အပိုင်းလည်း ရှိသလို အရေးယူတဲ့အပိုင်းလည်း ရှိတယ်။ အဓိက ရည်ရွယ်ချက်ကတော့ ပြည်သူလူထုကို အစားအသောက် ဘေးအန္တရာယ် ကင်းရှင်းစေရန် အဓိက ရည်ရွယ်ချက်ပေါ့။ အရေးယူတဲ့ နေရာမှာ သူတို့က ဒီလို အန္တရာယ်ဖြစ်စေတဲ့ အစားအသောက်တွေ ရောင်းချတာတွေ့ရင် ပထမဦးဆုံးအနေနဲ့ ပစ္စည်းသိမ်းပြီးတော့ ခံဝန် လက်မှတ် ထိုးခိုင်းတယ်။ ဒုတိယအကြိမ် ရောင်းချနေတာ တွေ့ရင် ကျောင်းက ကျောင်းအုပ်ဆရာမကြီးနဲ့ ပေါင်းပြီး ဈေးရောင်းချမှုကို ပိတ်သိမ်းခိုင်းမယ်။ အသိပညာပေးမှု အနေနဲ့ကတော့ ဟောပြောပွဲတွေ အစ်ကိုတို့ လုပ်လေ့ရှိတယ်။ အခု ဒီကျောင်းမှာ တွေ့ရှိတာကတော့ အန္တရာယ်ဖြစ်စေတဲ့ အစားသောက် ၁၄/၁၅ မျိုးလောက် တွေ့တယ်”ဟု မြန်မာနိုင်ငံ စားသုံးသူကာကွယ်ရေးအသင်း အတွင်းရေးမှူး ဦးအောင်ကျော်က ဆိုသည်။

ကလေးများအား သန့်ရှင်း လတ်ဆတ်သော ဗမာမုန့်များ စားရန်နှင့် ရယ်ဒီမိတ်မုန့်များ စားမည်ဆိုပါက ထုတ်လုပ်သည့် ရက်စွဲပါသည့် မုန့်များကိုသာ စားသုံးသင့်ပြီး ကျောင်းသား၊ ကျောင်းသူများသာမက မိဘများကိုပါ တိုက်တွန်း နှိုးဆော်သင့်ကြောင်း ၎င်းကပြောကြားသည်။

ဆိုးဆေးပါသော အစားအသောက်များ၊ ရက်လွန် အစားအသောက်များ၊ အအေးအချို့နှင့် တရုတ်နိုင်ငံထုတ် အသင့်စား မုန့်ထုတ်အချို့ကို ကျောင်းသား/ကျောင်းသူများ မစားမမိစေရန် ကျောင်းများတွင် လတ်ဆတ်သော မြန်မာမုန့် (အစားအစာ) ကို ရောင်းချရန် ညွှန်ကြားထားသော်လည်း မြန်မာမုန့်များကို ကျောင်းသား/ကျောင်းသူများက ပုံမှန်စားသုံးလေ့ မရှိသဖြင့် အစားအသောက် ရောင်းချသူများအနေနဲ့  ၀ယ်လိုအား မရှိသောကြောင့် အမြတ်မရရှိဘဲ ထိုမြန်မာမုန့်များသည် ကြာရှည်မခံသဖြင့် အရှုံးပေါ်လျက် ရှိကြောင်း သိရသည်။

“ကျွန်မတို့ကလည်း ဒီလို ကလေးတွေ စားလို့မသင့်တဲ့ မုန့်တွေ မရောင်းခိုင်းပါဘူး။ မကြာခဏတော့ စစ်ဆေးတယ်။ ဒါပေမဲ့ အပြင်က ၀ယ်လာတာတွေ ရှိတယ်။ ကျွန်မတို့ကလည်း ပညာပေးတွေ ဟောပြောပွဲတွေ လုပ်ပါတယ်။ ကလေးတွေက ဒီဇိုင်းအသစ်လေးတွေဆို သဘောကျကျတယ်။ ဆရာမတို့ ကျောင်းကို ဒီလိုဝင်စစ်တာတော့ အခုက ပထမဦးဆုံးအကြိမ်ပါ။ ကျွန်မတို့ ကျောင်းဝန်းထဲမှာ ရောင်းချနေတဲ့ သူတွေကိုလည်း ဒါမျိုးတွေ မရောင်းချဖို့ သတိပေးမယ်။ ပြီးတော့ ကျောင်းဝန်းအပြင်မှာ ရှိတဲ့ဈေးသည်တွေလည်း ဒါမျိုးမရောင်းဖို့ လူကြီးတွေနဲ့ ပူးပေါင်းပြီး သတိပေးမယ်။ အခုရောင်းချနေတာ တွေ့ရှိတဲ့သူတွေကို နောက်နောင် ဒါမျိုး မရောင်းချဖို့ လက်မှတ် ထိုးခိုင်းပါမယ်”ဟု အ.မ.က (၅) ဒဂုံမြို့သစ်(အရှေ့ပိုင်း) မှ တာဝန်ခံ ဆရာမ ဒေါ်တင်လေးမော်က ပြောကြားသည်။

ရန်ကုန်တိုင်းအတွင်းရှိ အခြေခံကျောင်းများတွင် ကျောင်းသား/ကျောင်းသူ အများစုမှာ ကျန်းမာရေးနှင့် မညီညွတ်သော သန့်ရှင်းမှုမရှိသည့် အစားအသောက်များ စားသုံးနေရကြောင်း စားနပ်ရိက္ခာဖူလုံမှု ပူးပေါင်းဆောင်ရွက်ရေး အဖွဲ့မှ ပြုလုပ်ခဲ့သော ကျောင်းမုန့်ဈေးတန်း သုတေသနစာတမ်းမှ သိရသည်။

Sky Net အခပေး ရုပ်သံလိုင်း ကြည့်ရှုသူများအနက် မကျေနပ်သူများ စုပေါင်း၍ စားသုံးသူရေးရာ ဦးစီးဌာနသို့ တိုင်ကြားမည်ဟု သိရ

ရန်ကုန်မြို့ မြို့နယ်တစ်ခုအတွင်း နေအိမ်တိုက်ခန်းများတွင် Sky Net အခပေး ရုပ်သံလိုင်းများ တပ်ဆင်ထားသည်ကို သြဂုတ် ၈ ရက်က တွေ့ရစဉ် (ဓာတ်ပုံ-ရှိုင်းလင်းအောင်)

Sky Net အခပေး ရုပ်သံလိုင်း ကြည့်ရှုသူများအနက် မကျေနပ်သူများက စားသုံးသူရေးရာဦးစီးဌာနသို့ တိုင်ကြားမည် ဖြစ်ကြောင်း သြဂုတ် ၈ ရက်က စုံစမ်းသိရှိရသည်။

Sky Net အခပေး ရုပ်သံလိုင်းသည် လက်ရှိတွင် ပြည်သူများကို အ၀ါရောင်၊ အစိမ်းရောင်၊ အနီရောင် စသည်ဖြင့် Package သုံးခုခွဲ၍ ရောင်းချထားကြောင်း သိရသည်။

Sky Net အခပေး ရုပ်သံသည် လစဉ်ကြေးများကို ယခင်ကထက် လျှော့ချကာ အနီရောင် Package တွင် ရုပ်သံလိုင်း ၁၂၀ ကျော် ပါဝင်သည်ဟု ကြေညာထားသော်လည်း လက်တွေ့တွင် လိုင်းအားလုံးကို ပြသခြင်း မရှိပေ။

ထို့ပြင် ပြင်သစ်လီဂူးဘောလုံးပွဲစဉ်၊ အီတလီ စီးရီးအေ ဘောလုံးပွဲစဉ်နှင့် FA ဘောလုံးပွဲစဉ်များကို ပြသခြင်းမရှိဟု ဆိုသဖြင့် Sky Net အခပေး ရုပ်သံလိုင်းကြည့်ရှုသူများ စုပေါင်း၍ စားသုံးသူရေးရာဦးစီးဌာနသို့ တိုင်ကြားရန် လက်မှတ်များ ကောက်ယူနေခြင်း ဖြစ်ကြောင်း သိရသည်။

“ Sky Net ကို စားသုံးသူရေးရာ ဦးစီးဌာနကို တိုင်ကြားဖို့အတွက် Facebook မှာ Group လေးတစ်ခု ဖွဲ့ထားတာပေါ့။ အဓိက ကျွန်တော်တို့ တိုင်မှာက နှစ်ချက်ပေါ့။ သူတို့အနေနဲ့ ကျွန်တော်တို့ကို လိုင်းပေါင်း ၁၂၀ ကျော်လို့ ပြောထားတာက တစ်ချက်။ အဲဒီ လိုင်းပေါင်း ၁၂၀ ကျော်ကလည်း အားလုံး ကြည့်လို့မရဘူး။ တချို့လိုင်းတွေဆို မလွှင့်တော့ဘူး။ Future ဆိုပြီး တော်တော်များများ ရှိလာတယ်။ တကယ်က လိုင်းပေါင်းက ၁၁၀ လောက်ပဲ ကျန်တော့တယ်။ နောက်တစ်ချက် က ဘောလုံးပွဲတွေ အကုန်လွှင့်ပေးမယ်လို့ ပြောတယ်။ ဒါပေမဲ့ တကယ်တမ်းကျတော့ ဘောလုံးပွဲတွေ အစုံမလွှင့်တော့တာနဲ့ လိုင်းတွေ လျော့တာတွေကို ငွေသွင်းတဲ့အချိန်မှာ ပြောတာမဟုတ်ဘဲနဲ့ပြီးမှ ပြန်ကြေညာတာ။ ဒါဘောလုံးပွဲကိုဘဲ ကြေညာတာနော်။ Future ဆိုပြီး မလွှင့်တော့တာတွေကို လုံးဝမကြေညာဘူး။ ဒါတွေက ကျွန်တော်တို့ ကြည့်ရှုသူတွေကို ဂရုမစိုက်ဘဲ ကိုယ်လုပ်ချင်ရာ လုပ်ခွင့်ရှိတဲ့ပုံစံမျိုးနဲ့ဆိုတော့ ဒါက စားသုံးသူအခွင့်အရေးကို ချိုးဖောက်တယ်လို့ ကျွန်တော်တို့က ခံစားရတယ်။ ဒီကိစ္စနဲ့ ပတ်သက်ပြီး မကျေနပ်တဲ့သူတွေ အကုန်လုံးစုပြီး စားသုံးသူရေးရာ ဦးစီးဌာနကို တိုင်ကြားဖို့ လုပ်ထားတာပါ” ဟု Sky Net အခပေး ရုပ်သံလိုင်းကြည့်ရှုသူ ကိုသီဟ၀င်းတင်က ပြောကြားသည်။

“Sky Net မှာကြည့်မရတော့တဲ့ လိုင်းတွေရှိတယ်။ ဘောလုံးပွဲဆိုလည်း ပရီးမီးယားလိဂ် တစ်ခုပဲ ပြတော့မယ်ပြောတယ်။ ကျန်တာတွေ မပြတော့ဘူးလို့ ပြောတယ်။ ဦးလေးက ၃၆ လစာတောင် ၀ယ်ထားတာ။ အခုလို လိုင်းတွေ လျော့တာနဲ့ ဘောလုံးပွဲလိုင်းတွေ မစုံတော့တာကို မကျေနပ်ဘူး”ဟု တာမွေမြို့နယ်တွင် နေထိုင်သော Sky Net အခပေး ရုပ်သံလိုင်း ကြည့်ရှုသူ ဦးကျော်ဇေယျက ပြောကြားသည်။

Sky Net အခပေး ရုပ်သံလိုင်းကို ကြည့်ရှုသူ ပြည်သူများက စားသုံးသူရေးရာဦးစီးဌာနသို့ တိုင်ကြားရန် လက်မှတ်ကောက်ခံမှုနှင့် ပတ်သက်၍ Sky Net ၏ Customer Service ဌာနသို့ ဆက်သွယ် မေးမြန်းရာတွင် မိမိတို့ဖြေကြားရန် အဆင်မပြေကြောင်းနှင့် ယင်းကိစ္စအား ဌာနရှိ လူကြီးကို ပြန်လည်တင်ပြပေးမည် ဖြစ်ကြောင်း ဖြေကြားသည်။

Sky Net အခပေး ရုပ်သံအား စားသုံးသူကာကွယ်ရေး ဦးစီးဌာနသို့ တိုင်ကြားရန် လူမှုကွန်ရက် Facebook ၌ လက်မှတ်များ ကောက်ယူလျက်ရှိရာ လက်ရှိတွင် လက်မှတ်ပေါင်း ၃၀၀ ကျော် ရှိလာပြီ ဖြစ်ကြောင်း သိရသည်။

“တိုင်ချင်ရင်၊ တိုင်ဖို့ရှိရင် တိုင်ပါ။ ကျွန်တော်တို့ ရှင်းပေးပါ့မယ်။ တရားဝင် တိုင်လာရင် ကျွန်တော်တို့က Sky Net နဲ့ တရားဝင် မေးပြီး ပြန်ရှင်းပေးမှာပါ။ ဒီလိုဖြစ်စဉ်က စားသုံးသူကာကွယ်ပေးရေးဥပဒေနဲ့ ပတ်သက်တယ်။ Service နဲ့ ပတ်သက်လို့ သူတို့ရဲ့ ကတိက၀တ် ပျက်ကွက်တယ်လို့ ခေါ်တာပေါ့။ အဲဒီကျရင် ဥပဒေနဲ့ အရေးယူတယ်။ အရေးမယူခင် နစ်နာသူနဲ့ အတိုင်ခံရသူကို စေ့စပ်ညှိနှိုင်းမှု လုပ်တယ်။ နှစ်ဦးနှစ်ဖက်က မပြေလည်ဘူး။ တင်းမာနေတယ်ဆိုရင် စားသုံးသူအငြင်းပွားမှု ဖြေရှင်းရေးအဖွဲ့ဆိုတာ ရှိတယ်။ ပြည်နယ်နဲ့တိုင်း၊ ခရိုင်တွေမှာရော ရှိတယ်။ အဲဒီအဖွဲ့ကို တင်ပြီး အဆုံးအဖြတ် ခံရတယ်။ အဲဒီအဖွဲ့ သက်ဆိုင်ရာဝန်ကြီး တစ်ပါးစီ ဦးဆောင်တာပေါ့။ အဲဒီအဖွဲ့က ဥပဒေနဲ့အညီ ဘယ်သူ လွန်တယ်။ မလွန်ဘူးဆိုတာ ဆုံးဖြတ်ပေးတယ်။ ဒါမှ မရဘူးဆိုရင် ရာဇ၀တ်ကြောင်းအရ တရားစွဲဖို့ ဆက်တင်တယ်”ဟု စားသုံးသူရေးရာ ဦးစီးဌာနက တာဝန်ရှိသူတစ်ဦးက ပြောကြားသည်။

Sky Net အခပေး ရုပ်သံသည် လက်ရှိတွင် ကလပ်အသင်းများ၏ ပါဝင်ယှဉ်ပြိုင်သည့် ICC ဘောလုံးပွဲစဉ်များကို ပြသခြင်း မရှိခြင်း၊ ကွန်မြူနတီဒိုင်း ဗိုလ်လုပွဲစဉ်ကိုလည်း ပြသခြင်း မရှိသောကြောင့် ကြည့်ရှုသူများက မကျေနပ်မှုများ ဖြစ်ပွားလျက် ရှိသည်။

အလားတူ ယခင်ကလည်း Forever Group Co.,Ltd မှ 4TV ရုပ်သံလိုင်းများကို Canak + ရုပ်သံလိုင်းများဖြင့် ပြောင်းလဲပြသခြင်း ကိစ္စကြောင့် ကြည့်ရှုသူပြည်သူများ မကျေနပ်သဖြင့် ၂၀၁၈ ခုနှစ် ဧပြီက စားသုံးသူရေးရာ ဦးစီးဌာနသို့ တိုင်ကြားခဲ့ကြောင်း သိရသည်။

 

လူသုံးနှင့် အိမ်သုံးကုန် ပစ္စည်းများတွင် သုံးစွဲပုံနှင့် ပတ်သက်သော သတင်းအချက်အလက်နှင့် ညွှန်ကြားချက်များကို မြန်မာဘာသာဖြင့် ဖြစ်စေ၊ မြန်မာနှင့် အခြားဘာသာ တွဲလျက်ဖြစ်စေ ဖော်ပြရန် အမိန့်ကြော်ငြာစာ ထုတ်ပြန်မည်

လူသုံးနှင့် အိမ်သုံးကုန် ပစ္စည်းများတွင် သုံးစွဲပုံနှင့် ပတ်သက်သော သတင်းအချက်အလက်နှင့် ညွှန်ကြားချက်များကို မြန်မာဘာသာဖြင့် ဖြစ်စေ၊ မြန်မာနှင့် အခြားဘာသာ တွဲလျက်ဖြစ်စေ ဖော်ပြန်ရန် အမိန့်ကြော်ငြာစာ ထုတ်ပြန်မည်ဖြစ်ကြောင်း စားသုံးသူ ကာကွယ်ရေး ဗဟိုကော်မတီရုံးမှ သိရသည်။

“ကုန်စည်များနဲ့ ပတ်သက်ပြီး ကုန်စည်များဆိုတာ လူသုံးနဲ့ အိမ်သုံးကုန်ပစ္စည်းတွေကို ဒီအမိန့်နဲ့ ကြော်ငြာပြီး ထုတ်ပြန်သွားမှာပါ။ မကြာခင် အချိန်အတွင်းမှာ ထုတ်ပြန်နိုင်ဖို့ ဆောင်ရွက်နေပါတယ်။ အဓိကက တရားမ၀င် ၀င်ရောက်လာတဲ့ ကုန်စည်များနဲ့ ပြည်တွင်းထုတ်လုပ်တဲ့ ကုန်စည်တွေ ဈေးကွက်အတွင်း ယှဉ်ပြိုင်ရောင်းချရာမှာ ပြည်တွင်း ထုတ်လုပ်သူတွေ ပိုမိုအကျိုးဖြစ်ထွန်းစေတယ်။ နောက်တစ်ချက်က အရည်အသွေးပိုင်းကို ပိုမိုဂရုစိုက်လာပြီး တန်ဖိုးမြင့် ထုတ်ကုန်တွေ တိုးတက်ဖွံ့ဖြိုးလာမှာ ဖြစ်ပြီး နယ်စပ်ဒေသ ဒါမှမဟုတ် တစ်ဖက်နိုင်ငံက တခြားဘာသာ နဲ့ ရိုက်နှိက်တဲ့ တရားမ၀င် တင်သွင်းလာတဲ့ ကုန်စည်တွေကို ဖမ်းဆီး အရေးယူရာမှာ ပိုမို ထိရောက်စေတဲ့အပြင် သုံးစွဲပုံတွေကို မြန်မာလို သိရတော့ အန္တရာယ်ကင်းစေနိုင်တယ်” ဟု စားသုံးသူ ကာကွယ်ရေး ဗဟိုကော်မတီရုံး အဖွဲ့တာဝန်ခံ၊ စားသုံးသူရေးရာ ဦးစီးဌာန ဒုတိယညွှန်ကြားရေးမှူး ဦးစိုးအောင်က ဆိုသည်။

စားသုံးသူ အကာအကွယ်ပေးရေး ဥပဒေ ၏ အခန်း(၇) စီးပွားရေး လုပ်ငန်းရှင်အတွက် တားမြစ်ချက် အခန်းမှ ပုဒ်မ ၈ (ဃ) တွင် သုံးစွဲပုံနှင့် ပတ်သက်သော သတင်းအချက်အလက် သို့မဟုတ် ညွှန်ကြားချက်များကို ဗဟိုကော်မတီက သတ်မှတ်ထားသော နေ့ရက်မှစ၍ မြန်မာဘာသာဖြင့် ဖြစ်စေ၊ မြန်မာနှင့် အခြားဘာသာ တွဲလျက်ဖြစ်စေ ဖော်ပြထားခြင်း မရှိသော ကုန်စည်ဟု ပြဋ္ဌာန်းခဲ့သည်။

ထို့ပြင် လူသုံးနှင့် အိမ်သုံးကုန်ပစ္စည်းများတွင် သုံးစွဲပုံနှင့် ပတ်သက်သော သတင်းအချက်အလက်နှင့် ညွှန်ကြားချက်များကို မြန်မာဘာသာဖြင့် ဖြစ်စေ၊ မြန်မာနှင့် အခြားဘာသာ တွဲလျက်ဖြစ်စေ ဖော်ပြန်ရန် အမိန့်ကြော်ငြာစာ ထုတ်ပြန်ပြီးချိန်တွင် လိုက်နာခြင်းမရှိပါက ဥပဒေပါ ပုဒ်မ ၁၉ ဖြင့် အရေးယူမည် ဖြစ်ကြောင်း ၎င်းကဆိုသည်။ စားသုံးသူ အငြင်းပွားမှု ဖြေရှင်းရေးအဖွဲ့သည် စီးပွားရေးလုပ်ငန်းရှင်က ပုဒ်မ ၇၊ ပုဒ်မခွဲ(ခ) တွင် ဖော်ပြထားသည့် တာဝန်တစ်ရပ်ကို လိုက်နာရန် ပျက်ကွက်ကြောင်း သို့မဟုတ် ပုဒ်မ ၈ တွင် ဖော်ပြထားသည့် တားမြစ်ချက် တစ်ရပ်ရပ်ကို ဖောက်ဖျက်ကြောင်း စစ်ဆေးတွေ့ရှိပါက သတိပေးခြင်း၊ ပြင်းထန်စွာ သတိပေးခြင်း၊ လျော်ကြေးပေးခြင်း၊ အငြင်းပွားလျက်ရှိသော ကုန်စည်ကို ရောင်းချ ဖြန့်ဖြူးခြင်းအား ကာလ အကန့်အသတ်ဖြင့် တားမြစ်ခြင်း၊ ဈေးကွက်အတွင်းမှ ပြန်လည် သိမ်းဆည်းစေခြင်း၊ စားသုံးသူတို့အား ဘေးဥပဒ်ဖြစ်စေနိုင်သော ကုန်စည်များကို ဖျက်ဆီးစေခြင်းနှင့် လုပ်ငန်းလိုင်စင် ယာယီ ပိတ်သိမ်းခြင်း သို့မဟုတ် အမြဲပိတ်သိမ်းခြင်းတို့ကို ဆောင်ရွက်ရန် လိုအပ်ပါက သက်ဆိုင်ရာ ၀န်ကြီးဌာနများနှင့် ညှိနှိုင်း ဆောင်ရွက်ခြင်း စသည်ဖြင့် ပုဒ်မ ၁၉ တွင် ပြဋ္ဌာန်းထားသည်။

ကုန်ပစ္စည်းနှင့် ၀န်ဆောင်မှုများ ၀ယ်ယူသုံးစွဲသည့်အခါ နစ်နာဆုံးရှုံးမှုကြုံပါက တိုင်ကြားနိုင်ရန် ငွေပေးချေမှုပြေစာ အထောက်အထားများ ရယူသိမ်းဆည်းထားရန် စားသုံးသူရေးရာဦးစီးဌာန အသိပေး

ဈေးဝယ်စင်တာတစ်ခုရှိ အရောင်းကောင်တာများကို တွေ့ရစဉ် (ဓာတ်ပုံ-အိသဉ္ဇာကျော်)

ကုန်ပစ္စည်းနှင့် ၀န်ဆောင်မှုများ ၀ယ်ယူသုံးစွဲသည့်အခါ နစ်နာဆုံးရှုံးမှုများကြုံပါက တိုင်ကြားနိုင်ရန် ငွေပေးချေမှု ပြေစာအထောက်အထားများ ရယူသိမ်းဆည်းထားရန် စားသုံးသူရေးရာဦးစီးဌာနက အသိပေးနှိုးဆော်ထားကြောင်း သိရသည်။

စားသုံးသူရေးရာဦးစီးဌာန၊ စားသုံးသူ အငြင်းပွားမှု ဖြေရှင်းရေးအဖွဲ့သို့ ဆက်သွယ်ရေးဝန်ဆောင်မှု လုပ်ငန်းများ၊ ရုပ်သံလိုင်းဝန်ဆောင်မှု လုပ်ငန်းများနှင့် ရောင်းချပြီးပစ္စည်းအပေါ် အာမခံချက်ပေးသည့် ၀န်ဆောင်မှုလုပ်ငန်းများနှင့် ပတ်သက်၍ ကျေနပ်မှုမရှိသဖြင့် တိုင်ကြားမှု ယခင်ထက်ပိုများလာကြောင်း သိရသည်။

ယခုနှစ်ပိုင်းအတွင်း စားသုံးသူ အငြင်းပွားမှု ဖြေရှင်းရေးအဖွဲ့သို့ တိုင်ကြားသည့်အမှုများအနက် စားသောက်ကုန်များ၏ အရည်အသွေးပိုင်းနှင့် ပတ်သက်သော အမှုများ သာမက အခြားဝန်ဆောင်မှုအပိုင်းနှင့် ပတ်သက်သော တိုင်ကြားမှုများပါ မြင့်တက်လာကြောင်းနှင့် အဖွဲ့သို့ တိုင်ကြားမှုအခြေအနေအရ ၂၀၁၇ ခုနှစ် အောက်တိုဘာအထိ တိုင်ကြားမှု ၄၅ မှုရှိခဲ့ကြောင်း၊ ၂၀၁၆ ခုနှစ် တစ်နှစ်တာအတွင်း တိုင်ကြားမှု ၄၆ မှုရှိခဲ့ကြောင်းနှင့် ယခင်က တိုင်ကြားလာသည့်အမှုများအနက် အများစုမှာ စားသောက်ကုန်များ၏ အရည်အသွေးနှင့် ပတ်သက်သော တိုင်ကြားမှုများဖြစ်ကြောင်း သိရသည်။

“တိုင်ကြားစာတွေအရ အရင်ကတော့ အစားအသောက်တွေပဲ များတယ်။ ဘာလို့လဲဆိုတော့ စားသုံးသူကာကွယ်ရေးဆိုတော့လည်း အစားအသောက်ကိုပဲ ပြေးမြင်ကြလို့ပါ။ တကယ်က ကုန်စည်တွေရော၊ ၀န်ဆောင်မှုတွေရော ပါပါတယ်။ အဓိကက မြန်မာနိုင်ငံမှာ ၀န်ဆောင်မှုကဏ္ဍမှာ လစ်ဟာနေတဲ့အတွက် စားသုံးသူရေးရာဌာနက ၀န်ဆောင်မှုနဲ့ ပတ်သက်လို့ စားသုံးသူတွေ စိတ်ကျေနပ်မှုမဖြစ်ရင်၊ နစ်နာတယ်ထင်ရင် တိုင်ကြားတာတွေ ဖြေရှင်းပေးတယ်။ ဥပမာ ပစ္စည်းတစ်ခုကို အာမခံပေးတာမျိုးပေါ့။ ရောင်းတုန်းကတော့ ဘယ်လိုဆောင်ရွက်ပေးမယ်၊ ဘာညာပြောပြီး တကယ် လက်တွေ့မှာ မဟုတ်ဘူးဆိုရင် ကျွန်တော်တို့ဆီမှာ တိုင်ကြားလို့ရတယ်။ ဥပဒေအရ အရေးယူလို့ရပါတယ်။ အခုနောက်ပိုင်းမှာ ၀န်ဆောင်မှုအပိုင်းတွေကို မကျေနပ်လို့ တိုင်တာတွေ များလာပါတယ်” ဟု စားသုံးသူရေးရာဦးစီးဌာန ညွှန်ကြားရေးမှူး ဦးဆွေတင့်ကြူးက ပြောကြားသည်။

တိုင်ကြားမှုများကို စားသုံးသူရေးရာဦးစီးဌာန၊ စားသုံးသူ သတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာများ (CICC) များအပြင် လူမှုကွန်ရက်စာမျက်နှာရှိ CICC-Nay Pyi Taw မှတစ်ဆင့်လည်း တိုင်ကြားနိုင်ကြောင်းနှင့် ပြည်ထောင်စုနယ်မြေ ၀၆၇၃-၄၃၀၄၆၈၊ ၀၆၇၃-၀၄၃၀၁၄၉၊ ရန်ကုန်တိုင်းဒေသကြီး ဦးစီးမှူးရုံး ၀၁-၂၄၅၀၈၆ သို့ ဆက်သွယ် တိုင်ကြားနိုင်ကြောင်း သိရသည်။

၂၀၁၆ ခုနှစ်အတွင်း တိုင်ကြားခဲ့သည့် အမှုများအနက် အရေးယူ ဆောင်ရွက်မှုအနေဖြင့် အရေးယူ ဆောင်ရွက်မှု ၂၃ မှုနှင့် စေ့စပ်ညှိနှိုင်းမှု ၁၄ မှု၊ စုစုပေါင်း ၃၇ ခု လုပ်ဆောင်ခဲ့ကြောင်းနှင့် သတ်မှတ်စံချိန်စံညွှန်း၊ အရည်အသွေး ကိုက်ညီမှုမရှိသော စားသောက်ကုန်၊ လူသုံးကုန်ပစ္စည်းများ ဈေးကွက်အတွင်း ဖြန့်ဖြူးရောင်းချနေသည်ကို တွေ့ရှိပါက ရန်ကုန်တိုင်းဒေသကြီး စားသုံးသူ အငြင်းပွားမှုဖြေရှင်းရေး အဖွဲ့သို့ သတင်းပေး တိုင်ကြားနိုင်ကြောင်း သိရသည်။

စားသုံးသူများ၏ အငြင်းပွားမှုဆိုင်ရာကိစ္စများ ဖြေရှင်းပေးရန် ၂၀၁၆ ခုနှစ် ဇူလိုင် ၂၈ ရက်တွင် ရန်ကုန်တိုင်းဒေသကြီး စားသုံးသူ အငြင်းပွားမှုဖြေရှင်းရေးအဖွဲ့ကို ပြင်ဆင်ဖွဲ့စည်းခဲ့ကြောင်း၊ အငြင်းပွားမှုများ ပေါ်ပေါက်လာသောအခါ ဖောက်ဖျက်ကျူးလွန်သည်ဟု စွပ်စွဲခံရသော စီးပွားရေးလုပ်ငန်းရှင်ကို ခေါ်ယူစစ်ဆေးမည်ဖြစ်ကြောင်း၊ အငြင်းပွားမှုကို သိရှိတွေ့မြင်သော ပုဂ္ဂိုလ်များ၊ သက်သေများနှင့် ကျွမ်းကျင်သူများကို ခေါ်ယူမေးမြန်း စစ်ဆေးမည်ဖြစ်ကြောင်း၊ လိုအပ်သော အထောက်အထား စာရွက်စာတမ်းများ၊ အခြားသက်သေခံများကိုလည်း စစ်ဆေးအကဲဖြတ်မည်ဖြစ်ပြီး စားသုံးသူများဘက်မှ ဆုံးရှုံးမှု ရှိ မရှိ စစ်ဆေးဆုံးဖြတ်ပေးမည်ဖြစ်ကြောင်း၊ ယင်းဆုံးဖြတ်ချက်ကို ဖောက်ဖျက်ကျူးလွန်သော စီးပွားရေးလုပ်ငန်းရှင်ထံ ပေးပို့အကြောင်းကြားမည်ဖြစ်ကြောင်းနှင့် ဖောက်ဖျက်ကျူးလွန်ပါက စီမံခန့်ခွဲမှုနည်းလမ်းများဖြင့် အရေးယူ ဆောင်ရွက်မည်ဖြစ်ကြောင်း သိရသည်။