စားသုံးသူအငြင်းပွားမှု ဖြေရှင်းရေးအဖွဲ့သို့ ဆက်သွယ်ရေး၊ ရုပ်သံလိုင်း ၀န်ဆောင်မှုနှင့် ရောင်းချပြီးပစ္စည်းကို အာမခံချက်ပေးသည့် ၀န်ဆောင်မှု လုပ်ငန်းများအပေါ် မကျေနပ်၍ တိုင်ကြားမှု ပိုများလာ

ဈေးဝယ်စင်တာ တစ်ခုတွင် ရောင်းချနေသည့် လူသုံးကုန်နှင့် အသုံးအဆောင်ပစ္စည်း အရောင်းဆိုင်များအား တွေ့ရစဉ် (ဓာတ်ပုံ-အိသဉ္ဇာကျော်)

စားသုံးသူအငြင်းပွားမှု ဖြေရှင်းရေး အဖွဲ့သို့ ဆက်သွယ်ရေး ၀န်ဆောင်မှုလုပ်ငန်းများ၊ ရုပ်သံလိုင်းဝန်ဆောင်မှု လုပ်ငန်းများနှင့် ရောင်းချပြီး ပစ္စည်းအပေါ် အာမခံချက်ပေးသည့် ၀န်ဆောင်မှု လုပ်ငန်းများနှင့် ပတ်သက်၍ ကျေနပ်မှု မရှိသဖြင့် တိုင်ကြားမှုများ ယခင်ထက်ပိုမို များပြားလာကြောင်း စားသုံးသူရေးရာ ဦးစီးဌာနမှ သိရသည်။

ယခုနှစ်ပိုင်းအတွင်း စားသုံးသူ အငြင်းပွားမှု ဖြေရှင်းရေးအဖွဲ့သို့ တိုင်ကြားလာသည့် အမှုများအနက် စားသောက်ကုန်များ၏ အရည်အသွေးပိုင်းနှင့် ပတ်သက်သော အမှုများ သာမက အခြားဝန်ဆောင်မှု အပိုင်းနှင့် ပတ်သက်သော တိုင်ကြားမှုများပါ မြင့်တက်လာကြောင်းနှင့် အဖွဲ့သို့ တိုင်ကြားမှု အခြေအနေအရ ၂၀၁၇ ခုနှစ် အောက်တိုဘာလအထိ တိုင်ကြားမှု စုစုပေါင်း ၄၅ မှုရှိခဲ့ကြောင်း၊ ၂၀၁၆ ခုနှစ် တစ်နှစ်တာအတွင်း တိုင်ကြားမှုပေါင်း ၄၆ မှုရှိခဲ့ကြောင်းနှင့် ယခင်က တိုင်ကြားလာသည့် အမှုများအနက် အများစုမှာ စားသောက်ကုန်များ၏ အရည်အသွေးနှင့် ပတ်သက်သော တိုင်ကြားမှုများ ဖြစ်ကြောင်း သိရသည်။

“တိုင်ကြားစာတွေအရ အရင်ကတော့ အစားအသောက်တွေပဲများတယ်။ ဘာလို့လဲဆိုတော့ စားသုံးသူ ကာကွယ်ရေး ဆိုတော့လည်း အစားအသောက်ကိုပဲ ပြေးမြင်ကြလို့ပါ။ တကယ်က ကုန်စည်တွေရော၊ ၀န်ဆောင်မှုတွေရော ပါပါတယ်။ အဓိကက မြန်မာနိုင်ငံမှာ ၀န်ဆောင်မှုကဏ္ဍမှာ လစ်ဟာနေတဲ့အတွက် စားသုံးသူရေးရာဌာနက ၀န်ဆောင်မှုနဲ့ ပတ်သက်လို့ စားသုံးသူတွေ စိတ်ကျေနပ်မှု မဖြစ်ရင်၊ နစ်နာတယ် ထင်ရင် တိုင်ကြားတာတွေ ဖြေရှင်းပေးတယ်။ ဥပမာ ပစ္စည်းတစ်ခုကို အာမခံပေးတာမျိုးပေါ့။ ရောင်းတုန်းကတော့ ဘယ်လိုဆောင်ရွက်ပေးမယ်၊ ဘာညာ ပြောပြီး တကယ်လက်တွေ့မှာ မဟုတ်ဘူးဆိုရင် ကျွန်တော်တို့ဆီမှာ တိုင်ကြားလို့ရတယ်။ ဥပဒေအရ အရေးယူလို့ ရပါတယ်။ အခုနောက်ပိုင်းမှာ ၀န်ဆောင်မှု အပိုင်းတွေကို မကျေနပ်လို့ တိုင်တာတွေ များလာတယ်။ ဥပမာ ခရီးသွားတယ်။ မူလသူ့မှာပါတဲ့ ကြေညာထားတဲ့ ၀န်ဆောင်မှုက တစ်မျိုး၊ လက်တွေ့ ကိုယ်သွားတဲ့အခါမှာ ၀န်ဆောင်မှုက ပြောင်းသွားတာ မျိုးတွေပေါ့။ ကားအသစ်ဆိုပြီးပြောတယ် ပို့တော့ အဟောင်းနဲ့ ပို့တာမျိုးတွေပေါ့။ ကျွန်တော်တို့ဌာနကို တိုင်ကြားလာလို့ရှိရင် ဖြေရှင်းပေးတာကျတော့ ၂၀၁၄ ခုနှစ် စားသုံးသူ အကာအကွယ်ပေးရေး ဥပဒေအရ ဖြေရှင်းပေးပါတယ်။ တိုင်ကြားမှု ခိုင်လုံတယ်ဆိုရင် သတိပေးတာ၊ ပြင်းထန်စွာ သတိပေးတာ၊ ပြန်လည် ပေးလျော်ခိုင်းတာ၊ လုပ်ငန်းကိုခေတ္တရပ်ဆိုင်းတာ၊ နောက်တစ်ခု အမြဲတမ်းရပ်ဆိုင်းဖို့ လိုတယ်ဆိုရင် သက်ဆိုင်ရာဌာနနဲ့ ညှိနှိုင်းလုပ်ဆောင်တာမျိုးတွေလည်း ရှိပါတယ်” ဟု စားသုံးသူရေးရာ ဦးစီးဌာနမှ ညွှန်ကြားရေးမှူး ဦးဆွေတင့်ကြူးက ပြောကြားသည်။

၂၀၁၆ ခုနှစ်အတွင်း တိုင်ကြားခဲ့သည့် အမှုများအနက် အရေးယူဆောင်ရွက်မှု အနေဖြင့် အရေးယူ ဆောင်ရွက်မှုပေါင်း ၂၃ မှုနှင့် စေ့စပ်ညှိနှိုင်းခဲ့မှု ၁၄ မှု၊ စုစုပေါင်း ၃၇ ခုကို လုပ်ဆောင်ခဲ့ကြောင်းနှင့် သတ်မှတ်စံချိန် စံညွှန်း အရည်အသွေး ကိုက်ညီမှုမရှိသော စားသောက်ကုန်၊ လူသုံးကုန်ပစ္စည်းများ ဈေးကွက်အတွင်း ဖြန့်ဖြူးရောင်းချနေသည်ကို တွေ့ရှိပါက ရန်ကုန်တိုင်းဒေသကြီး စားသုံးသူ အငြင်းပွားမှု ဖြေရှင်းရေးအဖွဲ့သို့ သတင်းပေး တိုင်ကြားနိုင်ကြောင်း သိရသည်။

စားသုံးသူများ၏ အငြင်းပွားမှုဆိုင်ရာကိစ္စများ ဖြေရှင်းပေးရန်၂၀၁၆ ခုနှစ် ဇူလိုင် ၂၈ ရက်တွင် ရန်ကုန်တိုင်းဒေသကြီး စားသုံးသူ အငြင်းပွားမှု ဖြေရှင်းရေးအဖွဲ့ကို ပြင်ဆင်ဖွဲ့စည်းခဲ့ကြောင်း၊ အငြင်းပွားမှုများ ပေါ်ပေါက်လာသောအခါ ဖောက်ဖျက်ကျူးလွန်သည်ဟု စွပ်စွဲခံရသော စီးပွားရေး လုပ်ငန်းရှင်ကို ခေါ်ယူစစ်ဆေးမည် ဖြစ်ကြောင်း၊ အငြင်းပွားမှုကို သိရှိတွေ့မြင်သော ပုဂ္ဂိုလ်များ၊ သက်သေများနှင့် ကျွမ်းကျင်သူများကို ခေါ်ယူမေးမြန်း စစ်ဆေးမည်ဖြစ်ကြောင်း၊ လိုအပ်သော အထောက်အထား စာရွက်စာတမ်းများ၊ အခြားသက်သေခံများကိုလည်း စစ်ဆေးအကဲဖြတ်မည်ဖြစ်ပြီး စားသုံးသူများဘက်မှ ဆုံးရှုံးမှုရှိမရှိ စစ်ဆေးဆုံးဖြတ်ပေးမည် ဖြစ်ကြောင်း၊ ယင်းဆုံးဖြတ်ချက်ကို ဖောက်ဖျက်ကျူးလွန်သော စီးပွားရေး လုပ်ငန်းရှင်ထံ ပေးပို့အကြောင်းကြားမည် ဖြစ်ကြောင်းနှင့် ဖောက်ဖျက်ကျူးလွန်ပါက စီမံခန့်ခွဲမှု နည်းလမ်းများဖြင့် အရေးယူ ဆောင်ရွက်မည်ဖြစ်ကြောင်း သိရသည်။

 

စားသုံးသူ အကာအကွယ်ပေးရေး လုပ်ငန်းများကို အာဆီယံ စားသုံးသူ အကာအကွယ်ပေးရေးကော်မတီ အပါအ၀င် အပြည်ပြည်ဆိုင်ရာ အဖွဲ့အစည်းများနှင့် ပူးပေါင်းဆောင်ရွက်လျက်ရှိ

မြန်မာနိုင်ငံတွင် စားသုံးသူ အကာအကွယ်ပေးရေး လုပ်ငန်းများကို အာဆီယံ စားသုံးသူ အကာအကွယ်ပေးရေးကော်မတီ အပါအ၀င် အပြည်ပြည်ဆိုင်ရာ အဖွဲ့အစည်းများနှင့် ပူးပေါင်းဆောင်ရွက်လျက် ရှိကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေဖြင့် စားသုံးသူ အကာအကွယ်ပေးရေး လုပ်ငန်းများ၊ ကုန်သွယ်မှုမြှင့်တင်ရေး လုပ်ငန်းများကို အဓိကဆောင်ရွက်လျက်ရှိရာ စားသုံးသူ အကာအကွယ်ပေးရေး လုပ်ငန်းများ ဆောင်ရွက်ရာတွင် တည်ဆဲဥပဒေများ၊ စားသုံးသူ အကာအကွယ်ပေးရေး ဥပဒေများနှင့်အညီ သက်ဆိုင်ရာဝန်ကြီးဌာနများ၊ အသင်းအဖွဲ့များ၊ ပုဂ္ဂလိကကဏ္ဍတို့နှင့် ပူးပေါင်းပြီး မြန်မာနိုင်ငံအတွင်း ကျယ်ကျယ်ပြန့်ပြန့် အကောင်အထည်ဖော် ဆောင်ရွက်လျက်ရှိကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့်က ပြောကြားသည်။

လက်ရှိအချိန်တွင် စားသုံးသူ အကာအကွယ်ပေးရေး ဥပဒေကို ခေတ်နှင့်အညီဖြစ်စေရေးအတွက် ပြင်ဆင်ရေးဆွဲပြဋ္ဌာန်းနိုင်ရေး ဆောင်ရွက်လျက်ရှိကြောင်း သိရသည်။

မြန်မာနိုင်ငံတွင်လည်း လူသုံးအိမ်သုံးပစ္စည်းများ၊ ၀န်ဆောင်မှုလုပ်ငန်းများနှင့် ပတ်သက်၍ စားသုံးသူများ၏ အခွင့်အရေးများ အပြည့်အ၀ရရှိရေး၊ ဘေးဥပဒ်အန္တရာယ် ကင်းရှင်းရေး၊ ထုတ်ကုန်များ လုံခြုံစိတ်ချရမှု ရှိစေရေး၊ နစ်နာဆုံးရှုံးမှုများကို ကုစားဖြေရှင်းပေးနိုင်ရေးအတွက် စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန စားသုံးသူရေးရာ ဦးစီးဌာနမှ စားသုံးသူ အကာအကွယ်ပေးရေး ဥပဒေ (၂၀၁၄) ပါပြဋ္ဌာန်းချက်များနှင့်အညီ မြန်မာနိုင်ငံရှိ ၅၁ သန်းကျော်သော ပြည်သူများ ကျန်းမာဝပြောသည့် လူ့ပတ်ဝန်းကျင်တွင် ရှင်သန်နေထိုင်နိုင်ရေး ဆောင်ရွက်လျက်ရှိကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသည်။

စားသုံးသူများနှင့် အရပ်ဘက်အဖွဲ့အစည်းများ၏ နစ်နာမှုများကို အချိန်တိုအတွင်း ကုစားဖြေရှင်းပေးနိုင်ရေးအတွက် လည်းကောင်း၊ စားသုံးသူများ မိမိတို့၏ နစ်နာဆုံးရှုံးမှုများကို အလွယ်တကူ တိုင်ကြားနိုင်ရေးအတွက် လည်းကောင်း၊ စားသုံးသူများ ယုံကြည်အားကိုးမှုများ မြင့်မားလာစေရေးအတွက် လည်းကောင်း စားသုံးသူ သတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ Consumer Information and Complaint Center (CICC) ရုံးများကို စားသုံးသူ အခွင့်အရေးနှင့် အကျိုးစီးပွား ကာကွယ်စောင့်ရှောက်ရန်၊ ထုတ်ကုန်များ လုံခြုံစိတ်ချမှုရှိစေရန်၊ ကုန်စည်ဝန်ဆောင်မှုများနှင့် ပတ်သက်၍ အရည်အသွေးစံနှုန်း သတ်မှတ်ချက်များ ကိုက်ညီရန်နှင့် စားသုံးသူများ လုံခြုံစိတ်ချရမှု ရှိစေရန် တိုင်းဒေသကြီး/ပြည်နယ်များရှိ ခရိုင် ၄၈ ခရိုင်တွင် ဖွင့်လှစ်၍ စားသုံးသူပြည်သူများ၏ နစ်နာဆုံးရှုံးမှုများကို ဖြေရှင်းပေးလျက်ရှိကြောင်း၊ မြန်မာတစ်နိုင်ငံလုံး လွှမ်းခြုံ ဆောင်ရွက်နိုင်ရေးအတွက် တိုးချဲ့ဖွင့်လှစ်ရန်အတွက်လည်း ဆောင်ရွက်လျက်ရှိကြောင်း သိရသည်။

မြန်မာနိုင်ငံတွင် စားသုံးသူ အကာအကွယ်ပေးရေး လုပ်ငန်းစဉ်များနှင့် ပတ်သက်ပြီး အရပ်ဘက်အဖွဲ့အစည်းအချို့က အသိပညာပေးခြင်းများကို ဆောင်ရွက်လျက် ရှိသော်လည်း အများပြည်သူအကြားတွင် အဆိုပါလုပ်ငန်းစဉ်များနှင့် ပတ်သက်ပြီး သိရှိမှုအားနည်းသေးကြောင်း သိရသည်။

ကုန်စည်တွင် ကုန်အညွှန်း အမှတ်အသား ဖော်ပြရာ၌ မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ်  တစ်ခုထက်ပို၍ တွဲလျက်ဖြစ်စေ ရေးသားမဖော်ပြပါက နှစ်နှစ်ထက် မပိုသော ထောင်ဒဏ်ဖြစ်စေ၊ ကျပ်သိန်း ၂၀၀၀ ထက်မပိုသော ငွေဒဏ်ဖြစ်စေ ချမှတ်ရမည်ဟု စားသုံးသူကာကွယ်ရေး  ဥပဒေကြမ်းတွင် ထည့်သွင်းရေးဆွဲထား

သင်္ဃန်းကျွန်းမြို့နယ်ရှိ စံပြဈေးမြင်ကွင်းအား ၂၀၁၇ ခုနှစ်အတွင်းက တွေ့ရစဉ် ဓာတ်ပုံ-ရှိုင်းလင်းအောင်

ကုန်စည်တွင် ကုန်အညွှန်း အမှတ်အသား ဖော်ပြရာ၌ မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားမဖော်ပြပါက နှစ်နှစ်ထက်မပိုသော ထောင်ဒဏ်ဖြစ်စေ၊ ကျပ်သိန်း ၂၀၀၀ ထက် မပိုသော ငွေဒဏ်ဖြစ်စေ ချမှတ်ရမည်ဟု စားသုံးသူ ကာကွယ်ရေး ဥပဒေကြမ်းတွင် ထည့်သွင်းရေးဆွဲထားသည်။

စားသုံးသူကာကွယ်ရေး ဥပဒေကြမ်းကို အခန်း ၂၆ ခန်းဖြင့် ရေးဆွဲထားပြီး ပြည်ထောင်စုလွှတ်တော်က ၎င်းဥပဒေကြမ်းကို လေ့လာနိုင်ရန် အတွက်လည်း ထုတ်ပြန်ထားသည်။

၎င်းဥပဒေကြမ်းကို စားသုံးသူ အခွင့်အရေးများ အပြည့်အ၀ ရရှိနိုင်စေရန်၊ စားသုံးသူ ကာကွယ်ရေးနှင့် စပ်လျဉ်း၍ မှန်ကန်ရှင်းလင်းသည့် သတင်းအချက်အလက်များ ဖြန့်ဝေအသိပေးခြင်းကို ဆောင်ရွက်နိုင်ရန်၊ စားသုံးသူများ ဘေးအန္တရာယ် ကင်းရှင်းရေး၊ ကျန်းမာရေး၊ စိတ်ကျေနပ်မှု ရရှိစေရေးတို့အတွက် အာမခံချက် ပေးနိုင်သော အရည်အသွေးမြင့်မားသည့် ကုန်စည် သို့မဟုတ် ၀န်ဆောင်မှုများကို ဖော်ဆောင် ဖြည့်ဆည်းနိုင်စေရန်၊ စားသုံးသူ ကာကွယ်ရေးနှင့် စပ်လျဉ်း၍ စီးပွားရေး လုပ်ငန်းရှင်ဘက်မှလည်း လိုက်နာဆောင်ရွက် လာနိုင်စေရန်၊ စားသုံးသူတို့ကို ဘေးအန္တရာယ် ကင်းရှင်းမှု မရှိသော ကုန်စည် သို့မဟုတ် ၀န်ဆောင်မှုများနှင့် ယင်းတို့ကို သုံးစွဲခြင်းကြောင့် ဖြစ်ပေါ်လာသော နစ်နာဆုံးရှုံးမှုများကို ကာကွယ်ပေးနိုင်ရန်တို့ကို ရည်ရွယ်ကာ ရေးဆွဲထားခြင်းဖြစ်သည်။

ဥပဒေကြမ်း၏ အခန်း ၁၇ ပုဒ်မ ၃၆ တွင် စားသုံးသူသည် ကုန်စည် သို့မဟုတ် ၀န်ဆောင်မှုကို အသုံးပြုခြင်းကြောင့် နစ်နာဆုံးရှုံးမှုများ ဖြစ်ပေါ်လာပါက (က) ကုန်စည်ထုတ်လုပ်သူ သို့မဟုတ် ၀န်ဆောင်မှု ပေးသည့် စီးပွားရေးလုပ်ငန်းရှင်၊ (ခ) ကုန်စည်ပေါ်တွင် လူပုဂ္ဂိုလ်အမည်၊ ကုန်အမှတ်တံဆိပ် သို့မဟုတ် အခြားထင်ရှားသော အမှတ်အသားများကို အသုံးပြုခွင့်ရှိသူ၊ (ဂ) ပြည်ပမှ ကုန်စည်များ တင်သွင်းလာပြီး ပြည်တွင်းရှိ စားသုံးသူများအား ပြန်လည်ရောင်းချဖြန့်ဖြူးသူ၊ (ဃ) တစ်ဆင့်ပြန်လည်ရောင်းချ ဖြန့်ဖြူးသူတို့တွင် တာဝန်ရှိကြောင်း ရေးဆွဲထားသည်။

စားသုံးသူကာကွယ်ရေး ဥပဒေကြမ်း၏ အခန်း ၁၈ ကုန်အညွှန်း အမှတ်အသား ဖော်ပြခြင်းတွင် ပုဒ်မ ၄၂ ၌ စီးပွားရေး လုပ်ငန်းရှင်သည် ကုန်စည်တွင် ကုန်အညွှန်း အမှတ်အသား ဖော်ပြခြင်းနှင့် စပ်လျဉ်း၍ (က) ကုန်စည်၏ တံဆိပ်အမှတ်အသား၊  (ခ) ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင် ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ထုတ်လုပ်သည့် ရက်စွဲနှင့် သက်တမ်းကုန်ဆုံးသည့် ရက်စွဲ၊ ထုတ်လုပ်မှုအမှတ်စဉ်၊ (ဂ) ပြည်တွင်းသို့ တင်သွင်းလာသော ကုန်စည်ဖြစ်ပါက တင်သွင်းသူ၏ အမည်နှင့် လိပ်စာ၊ ထုတ်လုပ်သည့် လုပ်ငန်းအမည်နှင့် လိပ်စာ၊ (ဃ) ထုတ်လုပ်သည့်နေရာ သို့မဟုတ် ပြည်ပမှ ကုန်စည်များ တင်သွင်းပြီး ပြန်လည်ထုပ်ပိုးသည့်နေရာ၊ (င) ကုန်စည်တွင် ပါဝင်သော ကုန်ကြမ်းပစ္စည်း အမျိုးအမည်များနှင့် ပစ္စည်းများ၏ ပမာဏ၊ (စ) ကျန်းမာရေးဆိုင်ရာ ဘေးထွက်ဆိုးကျိုး သို့မဟုတ် ဓာတ်မတည့်ကြောင်း ဖော်ပြချက်နှင့် ကြိုတင်သတိပေးချက်၊ (ဆ) သက်ဆိုင်ရာ အစိုးရဌာနများမှ ဖော်ပြရန် သတ်မှတ်ထားသော အချက်အလက်များကို သိသာထင်ရှားစွာ ဖော်ပြရမည်ဟု ရေးဆွဲထားသည်။

ဥပဒေကြမ်း၏ ပုဒ်မ ၄၄ ၌ မည်သည့်စီးပွားရေး လုပ်ငန်းရှင်မဆို ပုဒ်မ ၄၂ ၏ ပုဒ်မ ခွဲ (က) မှတစ်ပါး ကျန်ပုဒ်မခွဲများကို ကုန်အညွှန်း အမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည်ဟု ထည့်သွင်းထားသည်။

ထို့အတူ ဥပဒေကြမ်း၏ အခန်း ၂၄ တားမြစ်ချက်များတွင် ပုဒ်မ ၇၀ ၌ မည်သည့် စီးပွားရေးလုပ်ငန်းရှင်မျှ ကုန်စည် သို့မဟုတ် ၀န်ဆောင်မှုကို ရောင်းဝယ်မှု ပြုလုပ်ရာတွင် (က) အသုံးမပြုနိုင်သော သို့မဟုတ် မရရှိနိုင်သော ကုန်စည် သို့မဟုတ် ၀န်ဆောင်မှုဖြစ်ခြင်း၊ (ခ) အပြစ်အနာအဆာ၊ ချွတ်ယွင်းချက်များကို ဖုံးကွယ်ထားသည့် ကုန်စည် သို့မဟုတ် ၀န်ဆောင်မှုဖြစ်ခြင်း၊ (ဂ) အခြားသော ကုန်စည် သို့မဟုတ် ၀န်ဆောင်မှုကို တိုက်ရိုက် သို့မဟုတ် သွယ်ဝိုက်၍ ချိုးနှိမ်ဖော်ပြခြင်း၊ (ဃ) ကုန်စည် သို့မဟုတ် ၀န်ဆောင်မှုတွင် ပါဝင်ရမည့် သတင်းအချက်အလက်များကို ပြည့်စုံခိုင်မာမှု မရှိဘဲ ချဲ့ကားဖော်ပြမှုများကို အသုံးပြုခြင်း၊ (င) ကမ်းလှမ်းထားသော ကုန်စည်မဟုတ်ဘဲ အခြားကုန်စည်ကို အစားထိုး ရောင်းချခြင်း၊ (စ) အရောင်းမြှင့်တင် ရောင်းချခြင်းမပြုမီ ဈေးနှုန်းများကို တိုးမြှင့်ခြင်း၊ (ဆ) အသုံးပြုလိုသော ကုန်စည်တစ်ခုကို ၀ယ်ယူရာတွင် ခိုင်လုံသော အကြောင်းပြချက် တစ်စုံတစ်ရာ မရှိဘဲ စားသုံးသူ မလိုအပ်သော အခြားကုန်စည် တစ်ခုနှင့် တွဲဖက်ရောင်းချခြင်း အခြေအနေ တစ်ခုခုဖြင့် လိမ်လည်လှည့်ဖြားမှု မပြုရဟု ဥပဒေကြမ်းတွင် ထည့်သွင်း ရေးဆွဲထားသည်။

ဆက်လက်၍ ပုဒ်မ ၇၁ တွင် မည်သည့် စီးပွားရေး လုပ်ငန်းရှင်မျှ (က) ပုဒ်မ ၄၂ အရ ကုန်စည်နှင့် သက်ဆိုင်သည့် ကုန်အညွှန်း အမှတ်အသားတွင် ဖော်ပြထားသည့် အချက်အလက်များနှင့် ကိုက်ညီမှုမရှိသော ကုန်စည် သို့မဟုတ် ၀န်ဆောင်မှု၊ (ခ) ကြော်ငြာနှင့် အရောင်းမြှင့်တင်ခြင်းတို့တွင် ပါဝင်သော ဖော်ပြချက်တို့နှင့် ကိုက်ညီမှုမရှိသော ကုန်စည် သို့မဟုတ် ၀န်ဆောင်မှု၊ (ဂ) သတ်မှတ်ထားသော စံချိန်စံညွှန်းများနှင့် ကိုက်ညီမှု မရှိသော ကုန်စည် သို့မဟုတ် ၀န်ဆောင်မှုတို့ကို ထုတ်လုပ်ခြင်း၊ ကုန်သွယ်ခြင်း၊ ရောင်းချခြင်း မပြုရဟု ဥပဒေကြမ်းတွင် ထည့်သွင်းရေးဆွဲထားသည်။

ဥပဒေကြမ်း၏ ပုဒ်မ ၇၂ တွင် မည်သည့် စီးပွားရေးလုပ်ငန်းရှင်မျှ ကုန်အညွှန်း အမှတ်အသားများ ဖော်ပြရာတွင် ပုဒ်မ ၄၄ ပါ ပြဋ္ဌာန်းချက်နှင့် ကိုက်ညီမှုမရှိသည့် ကုန်စည်ကို ထုတ်လုပ်ခြင်း၊ ကုန်သွယ်ခြင်း၊ ရောင်းချခြင်း မပြုရဟု ရေးဆွဲထားသည်။

စားသုံးသူ ကာကွယ်ရေး ဥပဒေကြမ်း၏ အခန်း ၂၅ ပြစ်မှုနှင့် ပြစ်ဒဏ်များတွင် ပုဒ်မ ၇၈ ၌ မည်သည့်စီးပွားရေး လုပ်ငန်းရှင်မဆို ပုဒ်မ ၇၁ နှင့်  ၇၂ ပါ တားမြစ်ချက်တစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်း ခံရလျှင် ထိုသူကို နှစ်နှစ်ထက်မပိုသော ထောင်ဒဏ်ဖြစ်စေ၊ ကျပ်သိန်း ၂၀၀၀ ထက်မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်ဟု ထည့်သွင်းရေးဆွဲထားသည်။

ထို့အတူ ပုဒ်မ ၇၇ ၊ ပုဒ်မခွဲ (က) တွင် မည်သည့်စီးပွားရေး လုပ်ငန်းရှင်မဆို ပုဒ်မ ၇၀ ပါ တားမြစ်ချက် တစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်း ခံရလျှင် ထိုသူကို တစ်နှစ်ထက်မပိုသော ထောင်ဒဏ်ဖြစ်စေ၊ ကျပ်သိန်း ၁၅၀ ထက် မပိုသော ငွေဒဏ်ဖြစ်စေ ချမှတ်ရမည်၊ ပုဒ်မခွဲ (ခ) တွင် အဆိုပါ ပြစ်မှုထင်ရှား စီရင်ခြင်း ခံရသူသည် ပုဒ်မ ၇၀ ပါ တားမြစ်ချက် တစ်ရပ်ရပ်ကို ထပ်မံကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ထိုသူကို နှစ်နှစ်ထက်မပိုသော ထောင်ဒဏ်ဖြစ်စေ၊ ကျပ်သိန်း ၁၅၀၀ ထက်မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်ဟု ဥပဒေကြမ်းတွင် ထည့်သွင်း ရေးဆွဲထားသည်။

 

စားသုံးသူ အကာအကွယ်ပေးရေး လုပ်ငန်းများကို အာဆီယံနိုင်ငံများနှင့် တစ်ပြေးညီ ဆောင်ရွက်နိုင်ရန် အမျိုးသား စားသုံးသူ အကာအကွယ်ပေးရေး စီမံကိန်း ရေးဆွဲမည်

စားသုံးသူ အကာအကွယ်ပေးရေး လုပ်ငန်းများနှင့် ပတ်သက်၍ တာဝန်ရှိသူများ ဆွေးနွေးနေကြစဉ်

စားသုံးသူ အကာအကွယ်ပေးရေး လုပ်ငန်းများကို ပိုမိုထိရောက်စေရန်နှင့် အာဆီယံနှင့် တစ်ပြေးညီ လိုက်ပါဆောင်ရွက်နိုင်စေရန် အပြည်ပြည်ဆိုင်ရာ အတွေ့အကြုံ အလေ့အထများကို လေ့လာပြီး အမျိုးသား စားသုံးသူ အကာအကွယ်ပေးရေး စီမံကိန်းကို ရေးဆွဲချမှတ် သွားမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၊ စားသုံးသူရေးရာ ဦးစီးဌာနမှ သိရသည်။

ကုန်စည်နှင့် ၀န်ဆောင်မှုကဏ္ဍ အားလုံးတွင် စားသုံးသူများ၏ အခွင့်အရေး ထိခိုက်ဆုံးရှုံးမှုမရှိအောင် ဥပဒေဘောင်အတွင်းမှ ဆောင်ရွက်ရမည်ဖြစ်ပြီး ထုတ်ကုန်လုံခြုံ စိတ်ချရမှုလုပ်ငန်း၊ အရေးယူ ဖြေရှင်းဆောင်ရွက်ပေးသည့်လုပ်ငန်း၊ စားသုံးသူ ပညာပေးရေး လုပ်ငန်းများကို အစိုးရဌာနများ၊ ပုဂ္ဂလိက အသင်းအဖွဲ့များနှင့် လုပ်ငန်းရှင်များ၊ အစိုးရမဟုတ်သော စားသုံးသူကာကွယ်ပေးရေး အသင်းအဖွဲ့များနှင့် ပူးပေါင်းဆောင်ရွက်ရမည် ဖြစ်ကြောင်း သိရသည်။

ထို့ပြင် အာဆီယံ စားသုံးသူကာကွယ်ရေး ကော်မတီအပါအ၀င် ဒေသတွင်း အဖွဲ့အစည်းများ၊ အပြည်ပြည်ဆိုင်ရာ အဖွဲ့အစည်းများနှင့် ပူးပေါင်းပြီး ဒေသတွင်းနှင့် နိုင်ငံတကာတွင် ဆောင်ရွက်နေသည့် အလေ့အထများကို လေ့လာဆောင်ရွက်ရန် လိုအပ်ကြောင်း သိရသည်။

အဆိုပါ စီမံကိန်းရေးဆွဲရေးနှင့် ပတ်သက်၍ နေပြည်တော်ရှိ Horizon Lake View ဟိုတယ်တွင် အမျိုးသား စားသုံးသူ အကာအကွယ်ပေးရေး စီမံကိန်း အလုပ်ရုံဆွေးနွေးပွဲကို စားသုံးသူရေးရာ ဦးစီးဌာနနှင့် EUGIZ အဖွဲ့အစည်းတို့ ပူးပေါင်းကာ စက်တင်ဘာ ၄ ရက်မှ ၇ ရက်အထိ ပြုလုပ်လျက်ရှိကြောင်း သိရသည်။

“ကျွန်တော်တို့က စားသုံးသူ အကာအကွယ်ပေးရေး လုပ်ငန်းတွေကို INGO တွေနဲ့ ပူးပေါင်းဆောင်ရွက်ပါတယ်။ နည်းပညာပိုင်းဆိုင်ရာတွေ သင်တန်းတွေ ထောက်ပံ့ပါတယ်။ အမျိုးသားစားသုံးသူ ကာကွယ်ပေးရေး စီမံကိန်းကို ရေးဆွဲဖို့ လိုအပ်လာတဲ့အတွက် သူတို့ရဲ့ အကူအညီနဲ့ ရေးဆွဲဖို့ စတင်ဆောင်ရွက်နေတာပဲ ဖြစ်ပါတယ်” ဟု စားသုံးသူရေးရာဌာန ဒုတိယညွှန်ကြားရေးမှူး ဦးစိုးအောင်က ပြောကြားသည်။

အမျိုးသားစားသုံးသူ အကာအကွယ်ပေးရေး စီမံကိန်းရေးဆွဲခြင်းနှင့် ပတ်သက်၍ နိုင်ငံပေါင်း ၆၀ ကျော်တွင် စီမံကိန်း ရေးဆွဲပေးခဲ့သည့် ကျွမ်းကျင်ပညာရှင်မှလည်း အကူအညီပေးမည် ဖြစ်ကြောင်း၊ အဆိုပါ အလုပ်ရုံ ဆွေးနွေးပွဲမှ ရလဒ်များက စီမံကိန်းရေးဆွဲရာတွင် အကျိုးရှိမည် ဖြစ်ကြောင်းလည်း ၎င်းက ပြောကြားသည်။

စားသုံးသူရေးရာ ဦးစီးဌာနက စားသုံးသူအခွင့်အရေးနှင့် ပတ်သက်ပြီး အသိပညာပေးရေးကို ပြည်နယ်နှင့် တိုင်းများတွင် ဆောင်ရွက်နေကြောင်း၊ စားသုံးသူ အကျိုးစီးပွား ထိခိုက်နစ်နာခြင်းများကို တိုင်ကြားနိုင်ရန် စားသုံးသူ သတင်းပြန်ကြားရေးနှင့် တိုင်ကြားရေးဌာနများ ဖွင့်လှစ်ထားကြောင်း၊ လက်ရှိတွင် ပြည်နယ်နှင့် တိုင်းဒေသကြီးများ၌ ၄၇ ဌာနဖွင့်ပြီးဖြစ်ကြောင်း သိရသည်။

စားသုံးသူ အခွင့်အရေးနှင့် အကျိုးစီးပွား နစ်နာမှုများအတွက် တိုင်ကြားမှုများမှာလည်း ယမန်နှစ်ကထက် ပိုများလာကြောင်း သိရသည်။