ဆိုဗီယက်ယူနီယံကို အာခံခဲ့သူ ရုရှားစာရေးဆရာ ဗလာဒီမာ ဗွိုင်နိုဗစ်ခ်ျ

ထင်ရှားကျော်ကြားသည့် ရုရှားစာရေးဆရာနှင့် ယခင်ဆိုဗီယက်ယူနီယံအစိုးရကို ဆန့်ကျင်ခဲ့သူ ဗလာဒီမာ ဗွိုင်နိုဗစ်ခ်ျသည် အသက် ၈၆ နှစ်အရွယ်၌ နှလုံးရောဂါဖြင့် ကွယ်လွန်သွားကြောင်း ဇူလိုင် ၂၈ ရက်တွင် သူ၏ ဆွေမျိုးများက ကြေညာခဲ့သည်။

ဗွိုင်နိုဗစ်ခ်ျကို ၁၉၃၂ ခုနှစ် စက်တင်ဘာ ၂၆ ရက်၌ ဆိုဗီယက်ယူနီယံ တာဂျစ်နိုင်ငံ စတာလင်နာဘတ်၌ မွေးဖွားခဲ့သည်။ သူ၏ဖခင် နီကိုလိုင် ပါဗလိုဗစ်ခ်ျ ဗွိုင်နိုဗစ်ခ်ျ (၁၉၀၅-၁၉၈၇)  သည် ဆားဘီးယားမျိုးနွယ်  ဂျာနယ်လစ်တစ်ဦးဖြစ်ပြီး ပြည်တွင်းသတင်းစာများ၌ အယ်ဒီတာတစ်ဦးအဖြစ် လုပ်ကိုင်ခဲ့သည်။ သူ၏ မိခင် ရိုဇာကလီမန်တီဗနာ ဂွိုင်ခမန် (၁၉၀၈-၁၉၇၈) သည် ဂျူးနွယ်ဖွားတစ်ဦးဖြစ်သည်။ သူ၏မိခင်သည် ခင်ပွန်း ဖြစ်သူနှင့်အတူ ဂျာနယ်လစ်အဖြစ် လုပ်ကိုင်ခဲ့သော်လည်း နောက်ပိုင်းတွင် သင်္ချာဘာသာပြ ဆရာမအဖြစ် အသက်မွေးခဲ့သည်။

၁၉၃၆ ခုနှစ်တွင် ဗွိုင်နိုဗစ်ခ်ျ၏ဖခင် သည် ဆိုဗီယက်ဆန့်ကျင်ရေးလှုပ်ရှားသူအဖြစ် စွပ်စွဲခံရပြီး ထောင် ငါးနှစ်ကျခဲ့ပြီး ၁၉၄၁  ခုနှစ်၌ ပြန်လည်လွတ်မြောက်ခဲ့သည်။

ယင်းနောက် ၎င်းတို့၏ မိသားစုသည်  ဆွေမျိုးများရှိရာ ဇာပိုရိုဇိုင်းသို့ ရွှေ့ပြောင်းလာခဲ့သော်လည်း မျိုးချစ်စစ်ပွဲကြီး စတင်ဖြစ်ပွားပြီး နီကိုလိုင် ဗွိုင်နိုဗစ်ခ်ျသည် ရှေ့တန်း စစ်မြေပြင်သို့ စေလွှတ်ခြင်းခံရသည်။ နာဇီများ ကျူးကျော်ဝင်ရောက်ပြီးနောက် ဗွိုင်နိုဗစ်ခ်ျတို့ မိသားစုသည် အကြိမ်ကြိမ် ထွက်ပြေးခဲ့ရပြီး ရုရှားနိုင်ငံ နေရာအနှံ့အပြား၌ နေထိုင်ခဲ့ရသည်။

၁၉၄၅ ခုနှစ်တွင် ၎င်းတို့ မိသားစုသည် ဇာပိုရိုဇိုင်းသို့ ပြန်လာခဲ့ပြီး ဗွိုင်နိုဗစ်ခ်ျသည်  အသက်မွေးဝမ်းကျောင်းဆိုင်ရာ ကျောင်းတစ်ကျောင်းကို ၎င်းမြို့၌ ပြီးဆုံးသည်အထိ တက်ခဲ့ရသည်။

၁၉၅၁ ခုနှစ်နှင့် ၁၉၅၅ ခုနှစ်အကြားတွင် သူသည် ငြိမ်းချမ်းရေးကာလ ဆိုဗီယက်တပ်မတော်၌ တာဝန်ထမ်းဆောင်ခဲ့သည်။ ယင်းအချိန်၌ သူသည် သူ၏ကဗျာများကို စစ်တပ်သတင်းစာ၌ စတင်ရေးသားခဲ့သည်။

ယင်းနောက် ဗွိုင်နိုဗစ်ခ်ျသည် မက္ကဇင်ဂေါ်ကီစာပေတက္ကသိုလ်သို့ တက်ရောက်နိုင်ရန် ကြိုးပမ်းခဲ့သည်။ သို့သော် မအောင်မြင်ဘဲ မော်စကို သမိုင်းတက္ကသိုလ်ဖြစ်သော ခရက်စကားယားတက္ကသိုလ်သို့ တက်ရောက်ခဲ့သည်။ ယင်း၌ တစ်နှစ်ခွဲသာ ပညာသင်ကြားခဲ့ပြီး ကာဇက်စတန်သို့ သွားရောက်ရန် ညွှန်ကြားခြင်းခံရသည်။ သူသည် ကာဇက်စတန်၌ အချိန်အတိုင်းအတာတစ်ခုအထိ နေခဲ့ပြီး မော်စကိုသို့ပြန်လာကာ သူ၏ ပထမဆုံးဝတ္ထုရှည်ကို ရေးသားခဲ့သည်။

ဗွိုင်နိုဗစ်ခ်ျသည် သရော်စာဝတ္ထုများ ရေးသားခြင်းဖြင့်သာမက ကဗျာများရေးသားခြင်းကြောင့်ပါ ကျော်ကြားသူဖြစ်သည်။ ဘရက်ဇညက်လက်ထက်တွင် သူ၏စာများ ရေးသားထုတ်ဝေခြင်းကို ဆိုဗီယက်ယူနီယံ၌  ပိတ်ပင်ခြင်းခံရသည်။ သို့သော် အနောက်တိုင်း၌ အလွန်လူကြိုက်များသော စာရေးဆရာဖြစ်လာခဲ့သည်။ ၁၉၇၄ ခုနှစ်တွင် သူ၏အရေးအသားများနှင့် လူ့အခွင့်အရေး လှုပ်ရှားမှုများတွင် ပါဝင်ခဲ့မှုတို့ကြောင့် ဗွိုင်နိုဗစ်ခ်ျသည် ဆိုဗီယက်စာရေးဆရာများသမဂ္ဂမှ ထုတ်ပယ်ခြင်းခံရသည်။ ၁၉၇၆ ခုနှစ်တွင် သူ့အား ဆက်သွယ်သည့် တယ်လီဖုန်းလိုင်း  ဖြတ်တောက်ခြင်းခံရပြီး သူနှင့် သူ၏ မိသားစုသည် ၁၉၈၀ ပြည့်နှစ်တွင် ဖိအားပေးခံရသောကြောင့် ပြည်ပသို့ ထွက်ခွာသွားရသည်။ သူ သည် ဂျာမနီနိုင်ငံအနောက်ပိုင်း မြူးနစ်မြို့၌ အခြေချပြီး Radio Liberty ၌ အလုပ်လုပ်ခဲ့သည်။

၁၉၉၀ ပြည့်နှစ်တွင် ဗွိုင်နိုဗစ်ခ်ျသည် ရုရှားသို့ ပြန်လာခဲ့ပြီး မီခေးဂေါ်ဘာချော့က သူ့အား နိုင်ငံသားဖြစ်ခွင့် ပြန်လည်ပေးအပ်ခဲ့သည်။ ဗလာဒီမာပူတင်က ၂၀၀၀ ပြည့်နှစ်၌ သမ္မတဖြစ်လာပြီးမကြာမီ ဗွိုင်နိုဗစ်ခ်ျအား  နိုင်ငံတော်ဆုတစ်ဆု ချီးမြှင့်ခဲ့သည်။

ဗွိုင်နိုဗစ်ခ်ျသည် အခြားနိုင်ငံတကာဆုများနှင့် ဂုဏ်ပြုဆုများလည်း ချီးမြှင့်ခံရသူဖြစ်ပြီး ယင်းတွင် ရုရှားဖက်ဒရေးရှင်းနိုင်ငံတော်ဆု (၂၀၀၀)၊ အရပ်ဘက်ရဲစွမ်းသတ္တိဆိုင်ရာ စာရေးဆရာများအတွက် အင်ဒရေဆာခါရော့ဗ်ဆု (၂၀၀၂) တို့ ပါဝင်သည်။ သူသည် ဆားဘီးယားသိပ္ပံနှင့် ၀ိဇ္ဇာအကယ်ဒမီ ဘာသာစကားနှင့် စာပေဌာန အဖွဲ့ဝင်တစ်ဦးလည်းဖြစ်သည်။

ဗွိုင်နိုဗစ်ခ်ျသည် ၀တ္ထုရေးဆရာ၊ ကဗျာဆရာအပြင် ပြဇာတ်ရေးဆရာနှင့် ဂျာနယ်လစ်ဖြစ်ရုံမက ပန်းချီဆရာတစ်ဦးလည်းဖြစ်သည်။ သူသည် ၁၉၉၅ ခုနှစ် နောက်ပိုင်း တွင် ဂရပ်ဖစ်ပန်းချီများကို ရေးဆွဲခဲ့ပြီး သူ၏ ပန်းချီကားများကို ရုရှားပန်းချီပြခန်းများနှင့်  ၀က်ဘ်ဆိုက်တို့၌ ရောင်းချခဲ့သည်။

သူ၏ အထင်ရှားဆုံး ၀တ္ထုတစ်ပုဒ်ဖြစ် သည့် The Life and Extraordinary Adventures of Private Ivan Chonkin ကို ဒုတိယကမ္ဘာစစ်အတွင်း တပ်နီတော်၌ အခြေပြုထားပြီး အာဏာရှင်အစိုးရနှင့်ပတ်သက်၍ နေ့စဉ်ဘ၀အလွဲများကို သရော်ထားသည်။  Chonkin သည် ယခုအခါ ရုရှားပေါ် ပြူလာယဉ်ကျေးမှု၌ ထင်ရှားသော ဇာတ်ကောင်တစ်ဦးဖြစ်လာပြီး သူ၏ ၀တ္ထုကို ချက်ဒါရိုက်တာ ဂျီရီမင်ဇယ်က ရုပ်ရှင်ရိုက်ကူးခဲ့ သည်။

အဆိုပါ ၀တ္ထု၏ တတိယအပိုင်းကို ၂၀၀၇ ခုနှစ်ကျမှသာ ထုတ်ဝေနိုင်ခဲ့သည်။ ယင်းတတိယအပိုင်းတွင်  Chonkin  က အမေရိကသို့ မိမိသဘောဆန္ဒမပါဘဲ ရွှေ့ပြောင်းသွားခြင်း အပါအ၀င် စစ်ပြီးခေတ်နောက်ပိုင်း ယခုအထိ ဇာတ်ကောင်များကို ဖော်ပြခဲ့သည်။

၁၉၈၆ ခုနှစ်တွင် ဗွိုင်နိုဗစ်ခ်ျသည် Moscow 2042 အမည်ရှိ  ၀တ္ထုရှည်တစ်ပုဒ်ကို ရေးသားပြီး ၁၉၈၇ ခုနှစ်တွင် ထုတ်ဝေခဲ့သည်။ ယင်းဝတ္ထုတွင် ရုရှားနိုင်ငံကို နိုင်ငံတော်လုံခြုံရေးဆိုင်ရာ ကွန်မြူနစ်ပါတီက အုပ်ချုပ်ပုံကို သရုပ်ဖော်ထားသည်။ သူ သရုပ်ဖော်ထားသည့် ပါတီသည် KGB ၊ ရုရှား အော်သိုဒေါ့ ခရစ်ယာန်အသင်းတော်နှင့် ကွန်မြူ နစ်ပါတီတို့ကို ပေါင်းစပ်ထားခြင်းဖြစ်သည်။ ယင်းပါတီကို KGB ဗိုလ်ချုပ်ကြီးတစ်ဦးဖြစ်သော ဘူကာရှက် (ကြမ်းပိုးဟု အဓိပ္ပာယ်ရ) က ဦးဆောင်သည်။

ဗွိုင်နိုဗစ်ခ်ျ၏ အခြားဝတ္ထုများမှာလည်း  ကျော်ကြားထင်ရှားခဲ့သည်။ သူ၏ The Ivankiad ၀တ္ထု၌ ဆိုဗီယက်စနစ်၏ ဗျူရိုကရက်ပိတ်ဆို့မှုအတွင်း အိမ်ခန်းတစ်ခန်းရရန် ကြိုးစားသည့် စာရေးဆရာတစ်ဦးအ ကြောင်း ဖော်ပြထားသည်။

The Fur Hat ၀တ္ထုသည် ဂိုဂိုးလ်ရေးသားခဲ့သည့် Overcoat ၀တ္ထုအား ထင်ဟပ်လျက် သရော်လှောင်ပြောင်ထားသည့်ဝတ္ထု ဖြစ်သည်။

သူ၏ Monumental Propaganda ၀တ္ထုသည် ကွန်မြူနစ်ခေတ်လွန် ရုရှားအား ထိုးနှက်ဝေဖန်ထားသည့် ၀တ္ထုဖြစ်သည်။ ယင်းဝတ္ထု၌ စာရေးသူ၏ ထင်မြင်ချက်မှာ ရုရှားများသည် ဂျိုးဆက်စတာလင်ခေတ် နောက်ပိုင်း များစွာပြောင်းလဲသွားခြင်းမရှိ ဟူ၍ ဖြစ်သည်။

၂၀၀၂ ခုနှစ်တွင် ဗွိုင်နိုဗစ်ခ်ျသည် ထင်ရှားသည့် စာရေးဆရာ အလက်ဇန်းဒါး ဆိုဇန်နစ်စင်ကို အကြီးအကျယ် ဝေဖန်ထားသည့် အငြင်းပွားဖွယ်ရာ အမှတ်တရ ရုပ်ပုံလွှာ စာအုပ်တစ်အုပ်ကို ထုတ်ဝေခဲ့သည်။  ဗွိုင်နိုဗစ်ခ်ျသည် ဆိုဇန်နစ်စင်အား မိမိကိုယ်တိုင်ကို ပုဂ္ဂိုလ်ရေးကိုးကွယ်မှုဖြစ်လာအောင် ဖန်တီးခြင်းပြုသူ၊ စာရေးသားကျွမ်းကျင်းမှု ညံ့ဖျင်းသူနှင့် ဂျူးဆန့်ကျင်ရေးသမားဟု ဝေဖန်ခဲ့သည်။

ဗွိုင်နိုဗစ်ခ်ျသည် တက်ကြွ လှုပ်ရှားသူ တစ်ဦးအဖြစ်လည်း ထင်ရှားခဲ့သူဖြစ်သည်။ သူသည် ၂၀၀၁ ခုနှစ်တွင်  NTV ချန်နယ် အား ထောက်ခံမှုကို ဖော်ပြသည့် အိတ်ဖွင့် ပေးစာတစ်စောင်၌ လက်မှတ်ရေးထိုးခဲ့ပြီး  ၂၀၀၃ ခုနှစ်တွင် ဒုတိယမြောက် ချေချင်ညာစစ်ပွဲကို ဆန့်ကျင်သည့် စာတစ်စောင်ရေးသားခဲ့သည်။

၂၀၁၅ ခုနှစ် ဖေဖော်ဝါရီ ၂၅ ရက်တွင် ရုရှားသမ္မတထံ အိတ်ဖွင့်ပေးစာတစ်စောင် ရေးသားဖြန့်ချိခဲ့ရာ၌ ပူတင်ကို အစာငတ်ခံဆန္ဒပြနေသည့် ယူကရိန်းလေယာဉ်မှူး  နာဒီယာဆက်ချင်ကိုအား လွှတ်ပေးရန် တောင်းဆိုခဲ့သည်။

ဗွိုင်နိုဗစ်ခ်ျသည် သုံးကြိမ်တိုင်တိုင်လက်ထပ်ခဲ့သူဖြစ်သည်။ ၁၉၅၇ ခုနှစ်နှင့် ၁၉၆၄ ခုနှစ်အကြား၌ ဗလင်တီနာ ဗာဆယ် လီယက်နာ ဘော်တူရှာကီနာ (၁၉၂၉-၁၉၈၈) နှင့် ပေါင်းသင်းခဲ့ပြီး သမီး မာရီနာဗွိုင်နိုဗစ်ခ်ျ (၁၉၅၈-၂၀၀၆) နှင့် သား ပါဗယ်ဗွိုင်နိုဗစ်ခ်ျ (၁၉၆၂) တို့ကို မွေးဖွားခဲ့သည်။ သားဖြစ်သူသည် ရုရှားစာရေးဆရာနှင့် လူသိများထင် ရှားသူဖြစ်ပြီး သမိုင်းနောက်ခံဝတ္ထုများကို ရေးသားခဲ့သည်။

သူ၏ ဒုတိယဇနီးမှာ အီရီနာဒါနီလော့ဗ်နာဘရူဒီ (၁၉၃၈-၂၀၀၄) ဖြစ်သည်။ ဒုတိယဇနီးနှင့် အော်ဂါ ဗွိုင်နိုဗစ်ခ်ျ အမည်ရှိ သမီးတစ်ဦးကို ၁၉၇၃ ခုနှစ်တွင် မွေးဖွားခဲ့သည်။  သမီးဖြစ်သူသည် ဂျာမန်ဘာသာဖြင့် ရေးသားသော စာရေးဆရာမဖြစ်သည်။

၂၀၀၄ ခုနှစ်တွင် အီရီနာ ကွယ်လွန်ပြီးနောက် ဗွိုင်နိုဗစ်ခ်ျသည် ဆဗက်တလာနာ ယာကော့ဗ်လက်ဗ်နာ ကိုလက်နီချန်ကို အမည်ရှိ စွန့်ဦးလုပ်ကိုင်သူ လုပ်ငန်းတစ်ဦးနှင့် လက်ထပ်ခဲ့သည်။ အဆိုပါ အမျိုးသမီးသည် နာ မည်ကျော် ရုရှားဂျာနယ်လစ် တောမက်ကို လက်နီချန်ကို၏ ဇနီး မုဆိုးမဖြစ်သည်။

ဗွိုင်နိုဗစ်ခ်ျ ကွယ်လွန်သည့်အခါ ရုရှားယဉ်ကျေးမှုဝန်ကြီး ဗလာဒီမာ မက်ဒင်စကီး က သူ့အား အရှိတရားနှင့် ပတ်သက်၍ စူးရှသော အမြင်ကို အမြဲတမ်းပေးပြီး ရုရှား၌ လွတ်လပ်စွာဖော်ထုတ်ပြသခွင့်ကို အားကောင်းလာစေရန် အထောက်အကူပြုခဲ့သည့် ပါရမီရှင် စာရေးဆရာအဖြစ် ချီးကျူးခဲ့သည်။

၆၀ ကျော်တစ်ဦးရဲ့ အမှန်တရားများ

ဓာတ်ပုံ-ကြည်နိုင်

စာရေးဆရာမ အန်လာမော့ကို ကျွန်မ ဖတ်ခဲ့တဲ့ စာရေးနည်း စာအုပ်တစ်အုပ်က သူမရဲ့ ငှက်တစ်ကောင်ပြီးတစ်ကောင် (Bird by Bird) ဆိုတဲ့ စာအုပ်ကို ညွှန်းဆိုရာက သိခွင့်ရခဲ့ခြင်း ဖြစ်ပါတယ်။ လွန်ခဲ့တဲ့ ၁၆ နှစ် လောက်ကဖြစ်မယ်လို့ ထင်ပါတယ်။ သူမ စာအုပ်ခေါင်းစဉ်က သူမတို့ ကလေးဘ၀မှာ စာရေးဆရာတစ်ဦးဖြစ်တဲ့ သူမဖခင်က သူမ အစ်ကိုကိုပြောခဲ့တဲ့ စကားကနေ ဆင်းသက်လာခဲ့တာပါ။ သူမအစ်ကိုက ကျောင်းက အိမ်စာပေးလိုက်တဲ့ ငှက်တွေအကြောင်း စာတမ်းကိုမရေးဘဲ အချိန်ဆွဲပြီး နောက်ရွှေ့နေ ခဲ့ပါတယ်။ နောက်နေ့လို အပြီးသတ်ရတော့မယ်ဆိုတော့ သူက ငိုပါတယ်။ အဲဒီအချိန်မှာ သူမဖခင်က သူ့အစ်ကိုကို သူလုပ်ရမယ့် အလုပ်က တစ်ကြိမ်မှာ ငှက်တစ်ကောင်အကြောင်းကိုသာ ရေးသားရုံပါလို့ ပြောပြခဲ့ပါတယ်။ ငှက်တစ်ကောင်ပြီး တစ်ကောင် ပုံမှန် ရေးသားသွားခဲ့မယ်ဆိုရင် သူ့ရဲ့ စာတမ်းက အချိန်တန်ရင် ပြီးဆုံးသွားမယ်ဆိုတဲ့ သဘောပါ။ စာရေးချင်သူတွေကို အဲဒီဥပမာပြပြီး ပုံမှန်စာရေးဖို့ တိုက်တွန်းထားတာပါ။

အဲဒီစာအုပ်ကို ဖတ်ချင်ပေမယ့် ဖတ်ဖို့ နှစ်ပေါင်းများစွာ လက်လှမ်းမမီခဲ့ပါဘူး။ သို့ပေမဲ့ စာအုပ်ခေါင်းစဉ်ကို စွဲစွဲမြဲမြဲ မှတ်မိနေရင်း ကျွန်မ လက်လှမ်းမီနိုင်တဲ့အချိန်မှာ ၀ယ်ယူဖြစ်ခဲ့ပါတယ်။ သူမရဲ့ ရေးသားချက်အရ သူမက ဘ၀တစ်လျှောက်လုံးကို စာရေးခြင်းထဲမှာ နှစ်မြှုပ်ထားသူ၊ စာရေးနည်းလည်း သင်ကြားပေးသူတစ်ယောက်ဖြစ်ကြောင်း သိခဲ့ရပါတယ်။

ကျွန်မ နှစ်များစွာ စိတ်ဝင်တစားရှိခဲ့တဲ့ စာရေးဆရာမတစ်ဦးကို TED Talk ပြောသူအဖြစ် အွန်လိုင်းပေါ်မှာ တွေ့ခဲ့ရချိန်မှာ သူမရဲ့ TED Talk ကို အလေးထားပြီး နားထောင်ဖြစ်ခဲ့ပါတယ်။ သူမရဲ့ ရုပ်ပုံလွှာကို ပထမဆုံးအကြိမ် မြင်ဖူးခဲ့ခြင်းပါ။ သူမက အသက် ၆၀ ကျော်နေပြီဖြစ်ကြောင်း သူမရဲ့ ဟောပြောချက်ထဲကတစ်ဆင့် သိခွင့်ရခဲ့ပါတယ်။ သူမရဲ့ ဟောပြောမှုခေါင်းစဉ်က ဘ၀ နဲ့ စာရေးသားခြင်းတွေကနေ သူမ သင်ယူရရှိခဲ့တဲ့ အမှန်တရား ၁၂ ခု ဖြစ်ပါတယ်။ သူမ ပြောတဲ့ အမှန်တရားတွေကို နားထောင်ရင်း ကျွန်မသိမြင်လာခဲ့တဲ့ အမှန်တရားတွေနဲ့ လိုက်လံချိန်ထိုးကြည့်မိပါတယ်။

သူမ ပြောခဲ့တဲ့ ပထမဆုံး အမှန်တရားက အမှန်တရားတွေအားလုံးက ၀ိရောဓိဖြစ် နေပါတယ်တဲ့။ ဘ၀ကတစ်ဖက်မှာ လှပ ကောင်းမွန်တဲ့ အရာတွေကို ပေးအပ်ထားသလို အခြားတစ်ဖက်မှာ ဆိုးရွားတဲ့အရာ တွေ၊ ထိန်းချုပ်လို့ မရတဲ့အရာတွေကိုလည်း ပေးအပ်ထားကြောင်း သူမက ညွှန်းဆိုပြော ပြသွားခဲ့ပါတယ်။ အမှန်တရားတွေ အားလုံးက ၀ိရောဓိဆိုတာကို အငြင်းပွားနိုင်မှာဖြစ်ပေမယ့် သူမရဲ့ရှင်းလင်းချက်ကိုတော့ ငြင်းဖို့ ခက်ပါတယ်။ ဒုတိယ အမှန်တရားက ဆက်သွယ်မှုတွေအားလုံးကို မိနစ်အနည်းငယ် ဖြုတ်ပစ်လိုက်ရင် အရာရာတိုင်းက ပြန်ပြီး အဆင်ပြေသွားမှာပါတဲ့။ သူမက ပြောမသွားခဲ့ပေမဲ့ ကျွန်မ ပထမဆုံးတွေးမိတဲ့ ဥပမာတစ်ခုက ဆိုရှယ်မီဒီယာပါ။ Facebook သုံးဖြစ်တဲ့ ကာလတွေတုန်းက တစ်ခါတစ်ရံအထဲမှာ ငြင်းခုံရန်ဖြစ် ဒါမှမဟုတ် ပို့စ်တွေကို ကြည့်ပြီး စိတ်ဆင်းရဲ၊ ဒေါသထွက်တွေ ဖြစ်ခဲ့တဲ့ ကာလတွေကို ကြုံခဲ့ဖူးပါတယ်။ အဲဒီလို အချိန်တွေမှာ အဲဒါတွေအားလုံးကို ပိတ်ထားပြီးဝေးရာမှာ နေကြည့်လိုက်ရင် လောကကြီးကို မြင်တဲ့အမြင်တွေ ပြောင်းလဲလာပြီး အရာရာ ပြန်အဆင်ပြေလာတယ်လို့ ခံစားရတာကို သတိပြုမိခဲ့ဖူးပါတယ်။ အမေရိကန်နိုင်ငံ ယူစီဘာကလေတက္ကသိုလ်ရဲ့ Greater Good မဂ္ဂဇင်းက ဆောင်းပါးတစ်ပုဒ်ထဲမှာ Facebook သုံးသူ ၅၀၀၀ ကျော်ကို နှစ်နှစ်အကြာမှာ တိုင်းတာကြည့်တဲ့အခါ ဘ၀ကို ကျေနပ်ရောင့်ရဲမှုတွေ လျော့ကျသွားပြီး စိတ်ပိုင်းဆိုင်ရာ၊ ရုပ်ပိုင်းဆိုင်ရာ ကျန်းမာရေးတွေ ပိုမိုဆိုးရွားလာတယ်လို့တွေ့ရကြောင်း ဆိုထားပါတယ်။ အဲဒါက ပို့စ်တွေတင်၊ ကွန်မန့်တွေပေး စသဖြင့် တက်တက်ကြွကြွပဲ သုံး နေနေ၊ အခြားသူတွေ တင်တာတွေကိုပဲ ထိုင်ကြည့်ထိုင်ဖတ်ပြီး ခပ်အေးအေးပဲ သုံးနေနေ အတူတူပါပဲတဲ့။ ကျွန်မ ကမ္ဘာ့သတင်းတွေ ကြည့်ပါများခဲ့တဲ့ ကာလတွေကလည်း ကမ္ဘာ့ ဒေသအသီးသီးမှာရှိနေတဲ့ ထိခိုက်ပျက်စီးမှုတွေ၊ ထိတ်လန့်အံ့သြစရာတွေ၊ စိုးရိမ်ပူပန် စရာတွေကသာ အဓိကသတင်းတွေဖြစ်လေ့ရှိတာမို့ အပျက်တွေချည်းမြင်ပြီး စိုးရိမ်ပူပန် စိတ်တွေ များလာခဲ့ဖူးပါတယ်။ အစစအရာရာ အဆင်မပြေတော့ဘူးလို့ ခံစားရတိုင်း အားလုံးကို ပိတ်၊ လူတွေနဲ့ ဝေးရာမှာ ခဏနေလိုက်တာက ကိုယ့်မှာ တကယ်ရှိမနေတဲ့ ပြဿနာတွေကို ဖြေရှင်းဖို့ အကောင်းဆုံး နည်းလမ်းပဲလို့ သိခဲ့ဖူးတာကြောင့် သူမ ပြောတာကို ကျွန်မ သဘောတူဖြစ်ပါတယ်။

သူမ ပြောတဲ့ တတိယအမှန်တရားက ခန္ဓာကိုယ်က အစိတ်အပိုင်း တစ်စုံတစ်ခုကို လဲလှယ်ဖို့ အလှူရှင်ကို စောင့်နေရတဲ့ အခြေအနေမျိုးကလွဲရင် မိမိရဲ့ ပြင်ပကအရာတွေက မိမိကို ရေရှည်အတွက် ကူညီနိုင်စွမ်း မရှိပါဘူးတဲ့။ မိမိငြိမ်းချမ်းဖို့၊ မိမိအတွက် ရေရှည်ခံမယ့် တိုးတက်မှုတွေ ရရှိဖို့ဆိုတာ မိမိအတွင်းထဲကသာ ဆောင်ရွက်လို့ရတဲ့ ကိစ္စရပ်တွေဖြစ်ပါတယ်တဲ့။ သူတစ်ပါးရဲ့ ပြဿနာ တွေ၊ ကိစ္စရပ်တွေကို ကျွန်မတို့က ၀င်ဖြေ ရှင်းပေးလို့ မရနိုင်ကြောင်း၊ အရွယ်ရောက်ပြီး ဖြစ်တဲ့ မိမိသားသမီးတွေရဲ့ ပြဿနာတွေ၊ ကိစ္စရပ်တွေ ဖြစ်နေရင်တောင် သူတို့ဘာသာ သူတို့ အဖြေရှာဖို့ ခွင့်ပြုရမှာဖြစ်ကြောင်း သူမက ပြောခဲ့တာ ဖြစ်ပါတယ်။ ကျွန်မ အမြဲတမ်း မှတ်မိနေတဲ့ စတီဖန်အာကိုဗေးရဲ့ The Seven Habits of Highly Effective People စာအုပ်ထဲက ဥပမာပေးဇာတ်လမ်းကလေးကို ပြေးသတိရမိပါတယ်။ မျက်မှန်စမ်းသပ်စစ်ဆေးသူက မျက်စိလာစမ်းသူကို သူ့မျက်မှန်ချွတ်ပေးပြီး အနစ်နာခံ ကူညီလိုက်တဲ့ ဥပမာပါ။ သူ မျက်မှန် ဆုံးရှုံးရသလို လာစစ်ဆေးသူအတွက်ကလည်း ပါဝါမကိုက်တဲ့ မျက်မှန်မို့ ဘာမှအသုံးမ၀င်ပါဘူး။ ဘယ်သူမှ အကျိုးမရှိတဲ့ အကူအညီတွေကို ကျွန်မကိုယ်တိုင် ဘယ်နှကြိမ်ပေးခဲ့ဖူးသလဲ။ ဘယ် နှကြိမ် အပေးခံခဲ့ရသလဲ။ ကျွန်မ သတိတရ ရှိနေဆဲ ဖြစ်ရပ်အချို့က ကျွန်မကို စိတ်မသက်သာစွာ ပြုံးမိစေခဲ့ပါတယ်။ သူမက ကျွန်မတို့ရဲ့ အကူအညီပေးမှုတွေက များ သောအားဖြင့် အဆိပ်တွေဖြစ်သွားတတ်တယ်တဲ့။ ကျွန်မ အကြွင်းမဲ့ လက်ခံဖြစ်တဲ့ အမှန်တရားတစ်ခုပါပဲ။

နံပါတ်လေး အမှန်တရားကတော့ လူတိုင်းမှာ အဆင်မပြေမှုတွေ၊ ထိခိုက်မှုတွေ၊ တွယ်ဖက်မှုတွေ၊ ကြောက်ရွံ့မှုတွေ ရှိနေတာ ကြောင့် လူတွေရဲ့ အပြင်ပန်းကိုကြည့်ပြီး မိမိရဲ့အတွင်းနဲ့ နှိုင်းယှဉ်တာမျိုး မလုပ်ပါနဲ့တဲ့။အဲဒါက မိမိကို လက်ရှိထက် အခြေအနေ ပို ဆိုးသွားစေပါလိမ့်မယ်တဲ့။ ဟုတ်ပါတယ်။ လူတွေအားလုံးက ကိုယ့်အပူနဲ့ကိုယ် ရုန်းကန်နေကြရတာချည်းပါပဲ။ ညည်းညူမနေတိုင်း အစစအရာရာ အဆင်ပြေနေတာ မဟုတ် ပါဘူး။ နံပါတ်ငါးကတော့ ၇၅ ရာခိုင်နှုန်းကို ကာပါတဲ့ ချောကလက်က စားစရာမဟုတ်ပါဘူးတဲ့။ မြွေထောင်ဖို့၊ လှုပ်နေတဲ့ခုံကို ငြိမ်အောင် ခုဖို့လောက်သာ ကောင်းမယ့်အရာပါတဲ့။ ချောကလက်အမည်းတွေက ကျန်းမာရေးအတွက် ကောင်းတယ်ဆိုတဲ့ စာတွေကို ဖတ်ခဲ့ဖူးတာမို့ ကိုကာရာခိုင်နှုန်းများတဲ့ ချောကလက်တွေကို ရွေးစားဖို့ ကြိုးစားခဲ့ဖူးပါတယ်။ ၇၂ ရာခိုင်နှုန်းအထိသာ စားလို့ရခဲ့ပြီး အဲဒီထက် ကိုကာပိုများတာတွေက ဆေးခါးမျိုရသလို ခံစားရတာမို့ သူမပြောတာကို သဘောတူမိပြန်ပါတယ်။

နံပါတ်ခြောက်က စာရေးခြင်းနဲ့ပတ်သက်လို့ပါ။ ကျွန်မတို့ သိတဲ့ စာရေးသူတိုင်းရဲ့ ပထမဆုံးရေးတဲ့ စာမူကြမ်းတွေက အလွန်ကို ဆိုးဆိုးရွားရွား ဖြစ်ပါတယ်တဲ့။ ကွာခြားသွားစေတဲ့အချက်ဟာ သူတို့က အလုပ်လုပ်ကြတယ်။ သူတို့ကို ဖြတ်သန်းလာတဲ့ ဇာတ်လမ်းတွေကို နည်းနည်းချင်း ရေးသားသွားကြတယ်တဲ့။ ပထမဆုံးရေးတဲ့ စာမူကြမ်းတွေဟာ အလွန်ကို ဆိုးရွားတာကတော့ ကျွန်မအတွက် အမှန်ပါပဲ။ စာရေးဖုိ့ကို ဘယ်ကစရမယ်မှန်းမသိရင် ကျွန်မတို့တွေ့ကြုံခံစားခဲ့ ရတဲ့အရာတွေက ကျွန်မတို့ရဲ့ ကိုယ်ပိုင်တွေ မို့ အဲဒီအတိုင်း စတင်ရေးသားဖို့ တိုက်တွန်းထားပါတယ်။ လူတွေက သူတို့အကြောင်း ပိုပြီး နွေးနွေးထွေးထွေး အရေးခံချင်ရင် သူတို့ က ပိုပြီး ကောင်းကောင်းမွန်မွန် နေခဲ့ကြပေါ့တဲ့။ ကိုယ့်အသံကိုယ် ထုတ်ဖော်ပြီး မရေးခဲ့ရင် တစ်နေ့မှာ နောင်တရနိုင်ကြောင်း သတိပေးခဲ့ပါတယ်။ ကျွန်မ သတ္တိတွေမွေးနေဆဲပါပဲ။

နံပါတ်ခုနစ်က ပုံနှိပ်ထုတ်ဝေခံရမှုတွေ၊ ဖန်တီးခြင်းနဲ့ပတ်သက်တဲ့ ယာယီအောင်မြင်မှုတွေက စာရေးသူတွေအတွက် အဲဒီကနေ ကျန်းမာရေး ပြန်လည်ကောင်းမွန်လာအောင် ကြိုးစားရမယ့် အရာတွေသာ ဖြစ်ပါတယ်တဲ့။ အဲဒီအရာတွေက စာရေးသူတွေကို သတ်ပစ်နိုင်ပါတယ်တဲ့။ အောင်မြင်မှုတွေက အတွင်းထဲမှာ ရှိနေတဲ့ စိတ်ဒဏ်ရာတွေကို မကျက်စေနိုင်ပါဘူး။ စာရေးသားခြင်းကသာ စိတ်ဒဏ်ရာတွေကို ကျက်စေနိုင်တာ ဖြစ်ပါတယ်တဲ့။ အောင်မြင်မှုတွေက စာရေးသူတွေကို နာကျင်စေနိုင်တယ်၊ ပျက်စီးစေနိုင်တယ်၊ ထင်မထားတဲ့ ပုံစံအထိ ပြောင်းလဲသွားစေနိုင်တယ်လို့ သူမက ဆိုပါတယ်။ အောင်မြင်မှုတွေနဲ့ ပတ်သက်လို့ ကျွန်မခန့်မှန်းနားလည်လို့သာ ရနိုင်ပေမယ့် စာရေးသားခြင်းက စိတ်ဒဏ်ရာတွေကို အတိုင်းအတာတစ်ခုအထိ ကျက်စေနိုင်တယ် ဆိုတာကိုတော့ လက်ခံမိပါတယ်။ နံပါတ်ရှစ်က မိသားစုတွေက ဘယ်လောက် ချစ်မြတ်နိုးတာပဲဖြစ်ဖြစ်၊ ဘယ်လောက် အံ့အားသင့်စရာ ကောင်းတာ ပဲဖြစ်ဖြစ် အလွန်ကိုခက်ခဲပါတယ်တဲ့။ မိသားစု ဆုံတွေ့ပွဲတွေမှာ လူသတ်မိမလို၊ ကိုယ့် ကိုယ်ကိုယ် သတ်သေမိမလို ရုတ်တရက် ခံ စားရတာမျိုးအထိ ဖြစ်တတ်ပါတယ်တဲ့။ ခွင့် လွှတ်မှုတွေကို ကိုယ့်ကိုယ်ကိုယ် ခွင့်လွှတ်မှု ကနေ စတင်ဆောင်ရွက်ဖို့ သူမက အကြံပြု ထားပါတယ်။ ကျွန်မအတွက် အငြင်းပွားစရာ မရှိပါဘူး။

နံပါတ်ကိုးကတော့ အစားအစာနဲ့ပတ်သက်လို့ အနည်းငယ် ပိုကောင်းကောင်းမွန်မွန် ဆောင်ရွက်ဖို့ပါ။ နံပါတ် ၁၀ နဲ့ ၁၁ က သူမရဲ့ ဘာသာရေးအမြင်နဲ့ ပတ်သက်နေတာတွေမို့ ကျွန်မ ချန်ထားလိုက်ပါတယ်။ နောက်ဆုံးဖြစ်တဲ့ နံပါတ် ၁၂ က သေခြင်းတရားအကြောင်းပါ။ မိမိဘ၀ထဲမှာ သူတို့မရှိဘဲ မနေနိုင်ဘူးလို့ ခံစားရတဲ့ လူအနည်းငယ်ပဲ ရှိတတ်ပါတယ်။ အဲဒီထဲက တစ်စုံတစ်ယောက် သေဆုံးသွားချိန်မှာ အဲဒီအခြေအနေကို ကျော်လွန်ဖြတ်သန်းဖို့ တကယ်တမ်းမှာ မလွယ်ကူလှပါဘူးတဲ့။ ဒါပေမဲ့ သူမလို အရွယ်မျိုးရောက်လာရင် ကျွန်မတို့က သေခြင်းတရားဟာ မွေးဖွားခြင်းလိုပဲ အထွတ်အမြတ်ထားအပ်တဲ့အရာလို့ မြင်လာပါလိမ့်မယ်တဲ့။ သူမက “အားလုံးပြောပြီး ဆိုပြီးရှိကြတဲ့အခါ၊ ငါတို့အားလုံးက တကယ်တော့ တစ်ယောက်ကိုတစ်ယောက် အိမ်ပြန်ပို့နေကြတာပါပဲ”ဆိုတဲ့ စိတ်ပညာရှင်၊ စာ ရေးဆရာရမ်ဒါ့စ်ရဲ့ စကားကို ကောက်နုတ် ပြောပြခဲ့ပါတယ်။

သေခြင်းတရားကို သတိရလိုက်ခြင်းက လူတစ်ယောက်ကို ချက်ချင်း ရိုကျိုးနှိမ့်ချသွားစေနိုင်ပါတယ်။ ဒါက ကျွန်မတို့ အားလုံးရဲ့ သွားရာလမ်း၊ ကျွန်မတို့ မရှိမဖြစ်လို အပ်တယ်လို့ ခံစားရသူတွေရဲ့ သွားရာလမ်း ပါပဲ။ ထွက်ခွာသူတွေလည်း ထွက်ခွာသွားခဲ့ ပြီးပါပြီ။ နောက်ထပ် ဘယ်သူအရင် ထွက်ခွာမလဲ မသိနိုင်ပါဘူး။ ဒါကို သတိရတိုင်းမှာ ဦးစားပေးမှုတွေ ပြောင်းသွားတတ်သလို အမြင်တွေလည်း ပြောင်းသွားတတ်ပါတယ်။ ကျွန်မတို့ တစ်ယောက်ကိုတစ်ယောက် အိမ်ပြန်ပို့ရင်း လမ်းမှာ ရန်တွေဖြစ်နေမလား၊ တစ်ယောက်ကို တစ်ယောက် ဆွဲချနေကြမလား၊ မကျေမနပ်တွေ ဖြစ်နေကြမလား၊ ၆၀ ကျော် စာရေးဆရာမတစ်ဦး ပြောသွားခဲ့တဲ့ အမှန်တရားတွေက ကျွန်မကို ဆက်တွေးစရာတွေ အများကြီးနဲ့ ချန်ထားခဲ့ပါတယ်။

(Ref: 12 Truths I learned from Life and Writing by Anne Lamott TED Talk, How to use social media wisely and mindfully by Ravi Chandra)