အွန်လိုင်းမှတစ်ဆင့် တစ်ကမ္ဘာလုံး တစ်ပြိုင်နက်ဖြေဆိုရသော MRCPCH ၀င်ခွင့်စာမေးပွဲ မြန်မာနိုင်ငံ၌ ကျင်းပစဉ် တစ်နာရီခွဲကြာ မီးပျက်ခဲ့သောကြောင့် ဖြေဆိုသူအများစု ဖြေဆိုခွင့်မရ

အွန်လိုင်းမှတစ်ဆင့် တစ်ကမ္ဘာလုံး တစ်ပြိုင်နက်ဖြေဆိုရသော ဗြိတိန်နိုင်ငံ တော်ဝင်ဘုရင့်တက္ကသိုလ် အသိအမှတ်ပြု MRCPCH ၀င်ခွင့်စာမေးပွဲ မြန်မာနိုင်ငံ၌ ကျင်းပစဉ် အချိန်တစ်နာရီခွဲကြာ မီးပျက်ခဲ့သောကြောင့် ဖြေဆိုသူအများစု ဖြေဆိုခွင့် မရခဲ့ကြောင်း ယင်းဝင်ခွင့်စာမေးပွဲ ဖြေဆိုခဲ့သူများ၏ ပြောကြားချက်အရ သိရသည်။

အဆိုပါ စာမေးပွဲကို ဇွန် ၁၃ ရက်က ပြုလုပ်ခဲ့ခြင်းဖြစ်ပြီး မြန်မာနိုင်ငံမှ ကလေးအထူးကုဆရာဝန် ၄၀ ၀န်းကျင် ၀င်ရောက်ဖြေဆိုခဲ့ရာ ဖြေဆိုချိန် နေ့လည် ၁ နာရီမှ ၃ နာရီခွဲကြား ဖြေဆိုရသည့် စာမေးပွဲ Part I ဖြေဆိုချိန်တွင် နေ့လည် ၁ နာရီခွဲ မှ ၃ နာရီအထိ တစ်နာရီခွဲကြာ မီးပျက်ခဲ့ခြင်းကြောင့် ဖြေဆိုခွင့် မရခဲ့ကြောင်းနှင့် အဆိုပါ စာမေးပွဲကို လက်ခံကျင်းပပေးသည့် ကုမ္ပဏီဘက်မှလည်း မီးပျက်ချိန်တွင် မီးစက်နှိုးပေးခြင်း မရှိခဲ့ကြောင်း စာမေးပွဲ ဖြေဆိုခဲ့သူများ၏ ပြောကြားချက်အရ သိရသည်။

“စာမေးပွဲက အွန်လိုင်းကနေ တစ်ကမ္ဘာလုံး တပြိုင်နက် ဖြေရတာပါ။ ဖြေတဲ့အချိန်က မြန်မာစံတော်ချိန် နေ့လည် ၁ နာရီကနေ ၃ နာရီခွဲအထိ တစ်ချိန်ရယ် ညနေ ၅ နာရီကနေ ၇ နာရီအထိရယ် ဆိုပြီး အချိန်နှစ်ပိုင်းခွဲ ဖြေရပါတယ်။ အဲဒီမှာ နေ့လည် ၁ နာရီကနေ ၃ နာရီခွဲအတွင်း ဖြေရတဲ့ Part I ဖြေနေတဲ့အချိန် မှာ မီးပျက်သွားတယ်။ စာမေးပွဲအချိန်က ၁ နာရီကတည်းက စတာဆိုတော့ ဖြေတဲ့အချိန် နာရီဝက်အတွင်းမှာ တချို့က မေးခွန်း ရှစ်ပုဒ်၊ ခြောက်ပုဒ်လောက် ပြီးနေကြပြီ။ ပုံမှန်ဆို မီးပျက်ရင် ကုမ္ပဏီက မီးစက် ပြန်နှိုးပေးရမှာလေ။ ဖြေဖို့လုပ်ပေးတဲ့ ကုမ္ပဏီက ပုဇွန်တောင်မြို့နယ်က G.L.C Technology ကုမ္ပဏီပါ။ ဗြိတိန်ကလုပ်တာ တစ်ကမ္ဘာလုံး တစ်ပြိုင်နက် ဖြေရတဲ့အတွက် အရေးကြီးတယ်။ သေချာ ဖြေရတာ ဖြစ်တယ်။ အဲဒီကုမ္ပဏီက မီးစက်နှိုးပေးဆိုတော့ မီးစက်မရှိဘူး။ တစ်နာရီခွဲလုံး ဖြေမယ့်သူတွေက ထိုင်စောင့်နေရတယ်။ တချို့ကလည်း ဆက်ဖြေရမလား။ ပြန်ရမလားဆိုပြီး ဖြစ်ကြတယ်။ စာမေးပွဲအတွက် သွင်းရတဲ့ ပိုက်ဆံက မြန်မာငွေကျပ် ၁၂ သိန်းဆိုတော့ စိတ်ပူကြတာပေါ့။ အဲဒီက တာဝန်ခံကိုလည်း မေးတယ်။ သူကလည်း ဘာမှမသိဘူး။ မီးသမားကို စောင့်ပါ။ ဖုန်းဆက်ပေးမယ်ပေါ့။ အဲဒီ ကုမ္ပဏီပိုင်ရှင်နဲ့ တွေ့မယ်ပြောတော့ ပိုင်ရှင်က ထိုင်ဝမ်နိုင်ငံသား ဖြစ်နေတယ်။ ဒီမှာမရှိဘူး။ ဘယ်သူမှလည်း တာဝန်ယူပေးမယ့်သူ မရှိဘူး။ နောက် ခဏကြာတော့ မီးပြန်လာတယ်။ ဘာပြဿနာ တက်သလဲဆိုတော့ System Error ဖြစ်သွားတဲ့အတွက် ဖြေလို့ရတဲ့ သူတွေလည်း ရှိသလို ဖြေလို့မရတဲ့ သူတွေလည်း ရှိခဲ့တယ်။ မီးပြန်လာတော့ ဖြေမလို့ လုပ်နေတုန်း ဖြေမယ့် စာတွေက တက်မလာတော့တဲ့အတွက် အရှုံးခံလိုက်ရတဲ့ သဘောပေါ့။ ကျွန်တော်တို့ သိချင်တာက ဒီကိစ္စနဲ့ ပတ်သက်ပြီး ကုမ္ပဏီကို ဖြေတဲ့သူတွေက အကြိမ်ကြိမ် ဆက်သွယ်တယ်။ ကုမ္ပဏီက တာဝန်ခံပြီး ဖြေရှင်းပေးတာ မရှိဘူး။ ဖုန်းပိတ်ထားတယ်။ ကုမ္ပဏီပိုင်ရှင်ဆိုတဲ့ ထိုင်ဝမ်နိုင်ငံသားကို ဖုန်းဆက်မေးကြတော့ ကောင်းကောင်း ပြန်မဖြေဘူး။ နောက်ပိုင်း ဖုန်းဆက်ရင် လုံးဝ မကိုင်တော့ဘူး။ တာဝန်ယူ ဖြေရှင်းပေးတာ မရှိတဲ့သဘော ဖြစ်နေပါတယ်”ဟု MRCPCH ၀င်ခွင့်စာမေးပွဲ ၀င်ရောက်ဖြေဆိုခဲ့သူ တစ်ဦးက ပြောကြားသည်။

အဆိုပါကိစ္စနှင့် ပတ်သက်၍ မြန်မာနိုင်ငံ ကိုယ်စားလှယ်အဖြစ် လက်ခံ ကျင်းပပေးသည့် တာဝန်ရှိသူထံ ဆက်သွယ် မေးမြန်းခဲ့ရာ ၎င်းတွင် တာဝန်မရှိကြောင်း၊ ယင်းကိစ္စနှင့် ပတ်သက်၍ သူ့အား ဆက်မမေးရန် ပြန်လည် ဖြေကြားခဲ့သည်။ ဆက်လက်၍ စာမေးပွဲ လက်ခံကျင်းပပေးသည့် ပုဇွန်တောင်မြို့နယ်ရှိ G.L.C Technology ကုမ္ပဏီမှ တာဝန်ရှိသူများထံ ဆက်သွယ် မေးမြန်းရာ ပြန်လည် ဖြေကြားခြင်း မရှိခဲ့ပေ။

ဇွန် ၁၃ ရက် နေ့လည် ၁ နာရီခွဲမှ ၃ နာရီ အထိ တစ်နာရီခွဲကြာ မီးပျက်ရခြင်း အကြောင်းရင်းနှင့် ပတ်သက်၍ ပုဇွန်တောင်မြို့နယ် လျှပ်စစ်ဓာတ်အားပေးရေးဌာနမှ တာဝန်ရှိသူထံ ဆက်သွယ်မေးမြန်းရာ “အဲဒီအချိန် မီးပျက်တာက 230 KV မြောင်းတကာနဲ့ လှိုင်သာယာကူးတဲ့ မဟာဓာတ်အားလိုင်း လိုင်းကြိုးပျက်ကျလို့ မီးပျက်သွားတာပါ။ ရုံးချုပ်က ဒါကိုပြင်ဆင်တာ ဖြစ်ပါတယ်။ လိုင်းကြိုးပြင်တာက နာရီပိုင်းလောက်နဲ့ မရဘူး။ အချိန်ကြာပါတယ်။ ကျွန်တော်တို့ ပုဇွန်တောင်ကို မီးပြန်ဝင်တဲ့အချိန် မှော်ဘီလို နေရာမျိုးတွေ ညမိုးချုပ်တဲ့အထိ မီးမရသေးဘူး။ အဲဒီအချိန် ရန်ကုန်မြို့ တစ်ဝက်လောက်က မီးမရဘူး။ ရန်ကုန်တိုင်းမှာ မြောက်ပိုင်း၊ အနောက်ပိုင်း၊ အရှေ့ပိုင်းခရိုင်အတွင်းက မြို့နယ်အချို့ မီးပျက်သွားပါတယ်” ဟု ပြောကြားသည်။

ယင်းကိစ္စနှင့် ပတ်သက်၍ ကုမ္ပဏီအနေဖြင့် မည်ကဲ့သို့ တာဝန်ယူပေးမည် ဆိုသည်ကို သိရှိရန် စာမေးပွဲဖြေဆိုခဲ့သူ တစ်ဦးက G.L.C Technology ကုမ္ပဏီပိုင်ရှင် ထိုင်ဝမ်နိုင်ငံသားထံ အီးမေးလ်ဖြင့် ဆက်သွယ် မေးမြန်းရာ ပိုင်ရှင်ဘက်မှ မြန်မာနိုင်ငံ မီးပျက်သည့်ကိစ္စမှာ ၎င်းတို့နှင့် မဆိုင်ကြောင်း၊ လျှပ်စစ်ပြဿနာကြောင့် ဖြစ်သည့်အတွက် တာဝန်မယူကြောင်း၊ ၎င်းတို့မှာ စာမေးပွဲဖြေဆိုရန် အခန်းနှင့် ကွန်ပျူတာသာပေးရန် စာချုပ်ချုပ်ထားခြင်း ဖြစ်ကြောင်း ပြန်လည် အကြောင်းပြန်ခဲ့သည်ဟု သိရသည်။

MRCPCH စာမေးပွဲသည် ဗြိတိန်နိုင်ငံ တော်ဝင်ကောလိပ်၏ ကလေးဆေးပညာဆိုင်ရာ အဖွဲ့ဝင်ခွင့် စာမေးပွဲဖြစ်သည်။ အွန်လိုင်းမှ အကောင့်ဖွင့်ကာ ဆေးပညာဆိုင်ရာ ဘွဲ့လက်မှတ်များနှင့်အတူ ဦးစွာ မှတ်ပုံတင်ရပြီး စာမေးပွဲနေ့တွင် ကြီးကြပ်သူများ၏ ရှေ့မှောက်၌ အွန်လိုင်းမှတစ်ဆင့် တပြိုင်နက် တိုက်ရိုက်ဖြေဆိုရခြင်း ဖြစ်သည်။

၂၀၁၉ ခုနှစ်မှစ၍ တက္ကသိုလ်ဝင်တန်း စာမေးပွဲအား အလွတ်ကျက်ဖြေစနစ်မှ တွေးခေါ်မြော်မြင်မှု သဘောတရားနှင့် ဖြေဆိုသည့်စနစ်ကို စတင်ပြောင်းလဲမည်ဖြစ်ကြောင်း ပြည်ထောင်စုဝန်ကြီး ပြောကြား

၂၀၁၉ ခုနှစ်မှစ၍ တက္ကသိုလ်ဝင်တန်းစာမေးပွဲအား အလွတ်ကျက်ဖြေစနစ်မှ တွေးခေါ်မြော်မြင်မှု သဘောတရားနှင့် ဖြေဆိုသည့်စနစ်ကို စတင်ပြောင်းလဲမည်ဖြစ်ကြောင်း ပြည်ထောင်စုဝန်ကြီးသူရဦးအောင်ကိုက ပြောကြားသည်။

“အခု ၂၀၁၉ ကစပြီးတော့မှ တက္ကသိုလ်ဝင်တန်း ၁၀ တန်းစာမေးပွဲတွေကလည်းပဲ အရင်တုန်းကလို အလွတ်ကျက်ဖြေတဲ့နေရာကနေပြီးမှ တွေးခေါ်မြော်မြင်မှု သဘောတရားနဲ့ ဖြေတဲ့စနစ်တွေကို စပြောင်းပါမယ်။ တွေးခေါ်မြော်မြင်မှုနဲ့ဖြေတဲ့အခါမှာ ကျောင်းစာအုပ်ထဲက သင်ရိုးညွှန်းတမ်းပါ ကျောင်းစာအုပ်ထဲက စာနဲ့မလုံလောက်တော့ပါဘူး။ ဆက်စပ်နေတဲ့ ဘာသာရပ်ဆိုင်ရာအကြောင်း အရာတွေအရ စာကြည့်တိုက်ကို လာရပါတော့မယ်။ စာကြည့်တိုက်မှာ ကိုယ့်ဟာကိုယ် ရှာဖွေလေ့လာရပါမယ်။ လုပ်ပြီးတော့မှ အတွေးအခေါ်၊ အမြော်အမြင်နဲ့ ကိုယ်ပိုင်သုံးသပ်ချက်နဲ့ ဖြေတာကိုကျယ်ကျယ်ပြန့်ပြန့် ဖြေနိုင်မှာဖြစ်ပါတယ်။ ဒါကြောင့်မို့လို့ အလွတ်ကျက်ပညာရေးစနစ်ကနေ ရုန်းထွက်ပြီးတော့မှ ကျောင်းသားအခြေပြုတဲ့၊ သုတေသီတွေအခြေပြုတဲ့ ပညာရေးစနစ်ကို တက်လှမ်းတဲ့အခါမှာ ဟန်ချက်ညီအထောက်အကူပြုနိုင်ဖို့အတွက်ကို ယနေ့စာကြည့်တိုက် ညီလာခံကျင်းပနိုင်ခြင်းဟာ သမိုင်းဝင်တဲ့ လှုပ်ရှားမှုတစ်ခုဖြစ်ပါတယ်”ဟု ပြည်ထောင်စုဝန်ကြီးက ပြောကြားသည်။

နေပြည်တော် MICC-2 တွင် မေ ၃ ရက်က ကျင်းပသည့် (၁၇) ကြိမ်မြောက် အရှေ့တောင်အာရှနိုင်ငံများ၏ စာကြည့်တိုက်မှူးများ ညီလာခံအပြီးတွင် သတင်းမီဒီယာများ၏မေးမြန်းမှုကို သာသနာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီးသူရဦးအောင်ကိုက အထက်ပါကဲ့သို့ ပြန်လည်ဖြေကြားခဲ့ခြင်း ဖြစ်သည်။

မြန်မာနိုင်ငံတွင် စာကြည့်တိုက်ယဉ်ကျေးမှု မှေးမှိန်နေသည်မှာ နှစ်ပေါင်းများစွာ ကြာနေပြီး ကျောင်းသူကျောင်းသားများ၊ ဆရာဆရာမများနှင့် သုတေသီများအနေဖြင့် စာကြည့်တိုက် သွားရောက်ခြင်း၊ အသုံးပြုခြင်းသည် လွန်စွာနည်းပါးသည့်အတွက် စာကြည့်တိုက်များ၏ အခန်းကဏ္ဍကို လူငယ်မျိုးဆက်သစ်များ ပိုမိုစိတ်ဝင်စားပြီး မြှင့်တင်ပေးနိုင်ရန် သာသနာရေးနှင့် ယဉ်ကျေးမှု ၀န်ကြီးဌာနနှင့် နိုင်ငံတကာပညာရှင်များဖြင့် တိုင်ပင်ကာ အရှေ့တောင်အာရှနိုင်ငံများ၏ စာကြည့်တိုက်မှူးများ ညီလာခံကျင်းပခြင်း ဖြစ်ကြောင်း ပြည်ထောင်စုဝန်ကြီးက ဆိုသည်။

“ပညာရေးစနစ်သစ်နဲ့လည်း အံဝင်ခွင်ကျ ဖြစ်ဖို့အတွက်ကို ဒီညီလာခံကို နိုင်ငံတော်ကနေပြီးတော့မှ ဘဏ္ဍာငွေ အကုန်အကျခံပြီးတော့မှ ကျင်းပပေးခြင်းဖြစ်ပါ တယ်။ ညီလာခံ ကျင်းပပေးခြင်းအားဖြင့် ပထမအဆင့် အမျိုးသားစာကြည့်တိုက် (ရန်ကုန်)၊ အမျိုးသားစာကြည့်တိုက် (နေပြည်တော်)၊ နောက်ဒုတိယအဆင့် တက္ကသိုလ်စာကြည့်တိုက်ကြီးတွေ ပြီးရင်ပြန်ကြားရေးဝန်ကြီးဌာနမှာရှိတဲ့ ခရိုင်၊ မြို့နယ်၊ ရပ်ကျေးစာကြည့်တိုက်တွေကို အဆင့်မြှင့်တင်ပေးဖို့ နောက်အချင်းချင်း ချိတ်ဆက်ဖို့အတွက်ကို ဆက်လက်ပြီးတော့မှ စီမံသွားမှာဖြစ်ပါတယ်” ဟု ပြည်ထောင်စုဝန်ကြီး သူရဦးအောင်ကိုက ဆက်လက်ပြောကြားသည်။

ဒီပလိုမာ သင်တန်းတက်မည့်သူများ၊ ဘွဲ့လွန်မဟာဒီဂရီ၊ ဒေါက်တာဘွဲ့များအတွက် ကျမ်းပြုမည့်သူများအတွက် Research လုပ်နိုင်ရန်အတွက် မကြာမီနှစ်ပိုင်းအတွင်း အာဆီယံနိုင်ငံများ၊ အာရှပစိဖိတ်နိုင်ငံများရှိ စာကြည့်တိုက်များနှင့် ချိတ်ဆက်နိုင်ရန် ဆောင် ရွက်မည်ဖြစ်ကြောင်း သိရသည်။

ပြည်ထောင်စုဝန်ကြီးက“နိုင်ငံတော်အတိုင်ပင်ခံပုဂ္ဂိုလ်ကြီးကလည်း အလွန်စိတ်ဝင်စားပါတယ်။ နှစ်အလိုက်ထည့်သွင်းမယ့် ဘဏ္ဍာငွေကိုလည်း ခွင့်ပြုချပေးမယ်လို့ ပြောထားပြီးသားဖြစ်ပါတယ်။စာကြည့်တိုက်တွေ ကို Online Library ၊ Digital Library ဖြစ်အောင် တည်ဆောက်ပါမယ်။ ဆောက်တဲ့အခါမှာ တက္ကသိုလ်စာကြည့်တိုက်ကြီးတွေ အမျိုးသားစာကြည့်တိုက်တွေက တစ်ကမ္ဘာလုံးပေါ့။ ဥရောပတို့ အမေရိကတို့စသဖြင့်ပေါ့။ တစ်ကမ္ဘာလုံးမှာရှိတဲ့ အမျိုးသားစာကြည့်တိုက်တွေ၊ တက္ကသိုလ်စာကြည့်တိုက်တွေနဲ့ Online ချိတ်ဆက်မိအောင် လုပ်ပါမယ်။ အဲဒီလိုလုပ်ဖို့အတွက်ကို အခုကျင်းပတဲ့ ညီလာခံက ကြီးမားတဲ့ အထောက်အကူ ပြုမှာဖြစ်ပါတယ်” ဟု ပြောကြားသည်။

(၁၇) ကြိမ်မြောက် အရှေ့တောင်အာရှ နိုင်ငံများ၏ စာကြည့်တိုက်မှူးများညီလာခံကို မြန်မာနိုင်ငံအနေဖြင့် ပထမဆုံးအကြိမ် လက်ခံကျင်းပခြင်းဖြစ်ပြီး အဆိုပါညီလာခံသို့  အရှေ့တောင်အာရှ ၁၀ နိုင်ငံ အပါအ၀င်  ဂျပန်၊ ကိုရီးယား၊ တရုတ်၊ သြစတြေးလျ၊ ဖိလစ်ပိုင်စသည့် နိုင်ငံပေါင်း ၂၀ ကျော်မှ ကိုယ်စားလှယ်များ တက်ရောက်ခဲ့ကြောင်း သိရသည်။

၂၀၁၉ ခုနှစ် တက္ကသိုလ်ဝင် စာမေးပွဲ၌ ပြောင်းလဲကျင့်သုံးမည့် တက္ကသိုလ်ဝင်စာမေးပွဲ မေးခွန်းပုံစံသစ်တွင် အလွတ်ကျက်မှတ်မှုထက် စဉ်းစားတွေးခေါ်မှုကို ဦးစားပေးသောမေးခွန်းများ ပိုမိုပါဝင်မည် ဖြစ်ကြောင်း သိရ

၂၀၁၉  ခုနှစ်တက္ကသိုလ်ဝင်စာမေးပွဲ၌ ပြောင်းလဲကျင့်သုံးမည့် တက္ကသိုလ်ဝင် စာမေးပွဲ မေးခွန်းပုံစံသစ်တွင် ကျောင်းသား ကျောင်းသူများအား အလွတ်ကျက်မှတ်မှုထက် ကိုယ်ပိုင်စဉ်းစား တွေးခေါ်မှုကို ဦးစားပေးသည့်မေးခွန်းများ ပိုမိုပါဝင်လာမည်ဖြစ်ကြောင်း သိရသည်။

တက္ကသိုလ်ဝင်စာမေးပွဲ မေးခွန်းလွှာတွင် ရွေးချယ်စရာမေးခွန်း အရည်အတွက် များနေပါက သင်ခန်းစာအချို့ကို စာမေးပွဲတွင် မဖြေဆိုဘဲ ရှောင်လွှဲခွင့်ရနိုင်ခြင်းကြောင့် တတ်မြောက်မှု အားနည်းနိုင်ခြင်းကြောင့် မေးခွန်းပုံစံသစ်တွင် ရွေးချယ်စရာ မေးခွန်းပုဒ်ရေကို လျှော့ချထားမည်ဖြစ်ပြီး မေးခွန်းပုံစံတစ်ခုလုံး ပြောင်းလဲသွားခြင်း မဟုတ်ဘဲ မေးခွန်းပုံစံ အများစုကို ယခင် မေးရိုးမေးစဉ်အတိုင်း ဆက်လက်ထည့်သွင်း မေးမြန်းမည်ဖြစ်ကြောင်း သိရသည်။

အဆိုပါ မေးခွန်းပုံစံသစ်တွင် မေးခွန်းပုံစံများမှာ လုံးဝအသစ်ပြောင်းလဲခြင်း မဟုတ်ဘဲ မေးခွန်းပုံစံဟောင်းမှာ ကဲ့သို့ပင် အလွတ်ကျက်မှတ်ရသည့် မေးခွန်းများနှင့် စဉ်းစားတွေးခေါ်ရသော မေးခွန်းများ ပိုမိုပါဝင်လာခြင်း၊ သင်ယူသူများကို သင်ရိုးကုန် လေ့လာနိုင်စေရန်ရည်ရွယ်ပြီး သင်ခန်းစာများ အားလုံးကို လွှမ်းခြုံမေးမြန်းမည်ဖြစ်ခြင်း၊ မေးခွန်းပုံစံတွင် လွယ်၊ သင့်၊ ခက် မျှတစွာ ပါဝင်ပြီး သင်ရိုးများအားလုံး ကျေညက်စွာ လေ့လာထားသော ကျောင်းသား ကျောင်းသူများ အလွယ်တကူ ဖြေဆိုနိုင်မည့် မေးခွန်းများဖြစ်ခြင်း စသည့်အချက်အလက်များနှင့် ကိုက်ညီမည် ဖြစ်ကြောင်း သိရသည်။

“မေးခွန်းပုံစံသစ်ကတော့ တွေးခေါ်မြော်မြင်နိုင်စွမ်းကို အားပြုတဲ့မေးခွန်းတွေ ပိုမေးလာမှာဆိုတော့ မေးခွန်းရဲ့ အနှစ်သာရကို ပိုမိုမြင့်မားလာစေမှာ ဖြစ်သလို ကျောင်းသား ကျောင်းသူတွေရဲ့ သင်ခန်းစာပေါ် တတ်မြောက်ကျွမ်းကျင်မှုနှုန်းကို ထိထိရောက်ရောက် သိရှိနိုင်မှာ ဖြစ်ပါတယ်” ဟု ပညာရေး ၀န်ကြီးဌာနမှ တာဝန်ရှိသူက အဆိုပါ မေးခွန်းပုံစံသစ်နှင့် ပတ်သက်၍ ပြောကြားသည်။

“ဘာသာရပ်တွေကို စဉ်းစားတွေးခေါ်ရမယ့် ပုံစံတွေကို ပြောင်းမယ်ဆိုတာ ကောင်းပါတယ်။ ဒါပေမဲ့ အင်္ဂလိပ်လို သင်တာဆိုတော့ ဓာတုဗေဒ၊ ရူပဗေဒနဲ့ သချာင်္ဘာသာရပ်တွေမှာ ဥာဏ်စမ်းမေးလို့ မရဘူး။ ကျောင်းသားက မေးခွန်းဖတ် မြန်မာပြန် နားလည်ပြီထားဦး၊ မြန်မာလို ပြန်ဖြေရတာ မဟုတ်တော့ အင်္ဂလိပ်လို ပြန်ဖြေဖို့ မလွယ်ပါဘူး။ မြန်မာလို သင်ရင်ကတော့ တွေးပြီး မြန်မာလို ဖြေတတ်ပါလိမ့်မယ်” ဟု ရေဦးမြို့နယ်မှ ကျူရှင်ဆရာ ဦးအောင်မြင့်သောင်းက ပြောကြားသည်။

၂၀၁၈ ခုနှစ် တက္ကသိုလ်ဝင် စာမေးပွဲတွင်လည်း ကျောင်းသား ကျောင်းသူများအား ကိုယ်ပိုင်စဉ်းစား တွေးခေါ်မှုကို ဦးစားပေးသည့် မေးခွန်းအချို့ကိုလည်း ထည့်သွင်း မေးမြန်းခဲ့သည်။၂၀၁၈ ခုနှစ် တက္ကသိုလ်ဝင် စာမေးပွဲကို မတ် ၇ ရက်၌ မြန်မာစာ၊ မတ်လ ၈ ရက်၌ အင်္ဂလိပ်စာ၊ မတ် ၉ ရက်၌ သင်္ချာ၊ မတ် ၁၂ ရက်၌ ဓာတုဗေဒ/စိတ်ကြိုက် မြန်မာစာ၊ မတ် ၁၃ ရက်၌ ရူပဗေဒ၊ မတ် ၁၄ ရက်၌ ဇီဝဗေဒ/ဘောဂဗေဒ၊ မတ် ၁၅ ရက်၌ ပထ၀ီဝင်၊ မတ် ၁၆ ရက်၌ သမိုင်းစသည့် ဘာသာရပ်များအား နံနက် ၉ နာရီမှ ၁၂ နာရီအထိ စစ်ဆေးခဲ့ခြင်း ဖြစ်သည်။ စာစစ်ဌာနများကို နိုင်ငံခြား စာစစ်ဌာန ၂၁ ခု အပါအ၀င် တစ်နိုင်ငံလုံး၌ စာစစ်ဌာနပေါင်း ၁၇၄၂ ခု ဖွင့်လှစ်စစ်ဆေးခြင်း ဖြစ်သည်။

တောင်တွင်းကြီးတွင် ၁၀ တန်းစာမေးပွဲဖြေဆိုနေချိန် ကျောင်းသူငါးဦး မူးဝေဗိုက်အောင့်မှုဖြစ်ပွားခဲ့ခြင်းကြောင့် ဆေးရုံသို့ပို့ဆောင်ခဲ့ရပြီး ဆေးရုံစာဖြေဌာနတွင် စာမေးပွဲဖြေဆိုခဲ့ရ

မကွေးတိုင်းဒေသကြီးတောင်တွင်းကြီးမြို့တွင် ၁၀ တန်း စာမေးပွဲဖြေဆိုနေချိန် ဓာတုဗေဒဘာသာရပ် ဖြေဆိုရသည့်ရက်တွင် စာမေးပွဲအခန်းအတွင်း ကျောင်းသူငါးဦး မူးဝေဗိုက်အောင့်မှုဖြစ်ပွားခဲ့ခြင်းကြောင့် ဆေးရုံသို့ ပို့ဆောင်ခဲ့ရပြီး ဆေးရုံစာဖြေဌာနတွင်စာမေးပွဲဖြေဆိုခဲ့ရကြောင်း သိရသည်။

မတ် ၁၂ ရက် နံနက်တက္ကသိုလ်ဝင် စာမေးပွဲဓာတုဗေဒဘာသာရပ်ဖြေဆိုရမည့်အချိန်တွင် တောင်တွင်းကြီးမြို့ရှိ စာဖြေဌာနသုံးခုမှ စာမေးပွဲဖြေဆိုနေသည့် ကျောင်းသူငါးဦးမှာ မူးဝေအော့အန်မှုဖြစ်ပွားခဲ့သဖြင့်

တောင်တွင်းကြီးမြို့နယ်ပြည်သူ့ဆေးရုံသို့ ပို့ဆောင်ခဲ့ရပြီး ပြန်လည်သက်သာလာသည့် အချိန်တွင် ဆေးရုံ၌သာ စာမေးပွဲဖြေဆိုမှုပြုလုပ်ခဲ့ရကြောင်း သိရသည်။

“ကလေးတွေက ဗိုက်အောင့်တာတို့ မူးတာတို့၊ အစာမစားလို့ မူးတာတို့ပါ။ ကျန်တာကတော့ ဘာမှမရှိပါဘူး။ စာမေးပွဲဖြေနေရင်း တန်းလန်းဖြစ်သွားတာပေါ့။ စာမေးပွဲဖြေဖို့ သံချောင်းခေါက်ပြီး ၁၀ မိနစ်ကျော်ကျော်လောက်မှာ ဖြစ်သွားတာပေါ့။ သူတို့ကိုတော့ ဆေးရုံစာဖြေဌာနဖွင့်ပြီးတော့ စာမေးပွဲဖြေခိုင်းလိုက်ရတာပေါ့။ သူတို့သက်သာလာရင်တော့ မူလစာဖြေတဲ့ ကျောင်းတွေမှာပဲပြန်ဖြေရမှာပါ” ဟု တောင်တွင်းကြီးမြို့နယ် ပညာရေးမှူးရုံး တာဝန်ရှိသူတစ်ဦးက ပြောကြားသည်။

“သူတို့ဘာမှတော့ စိုးရိမ်စရာမရှိပါဘူး။ မူးတယ်၊ အသက်ရှူကျပ်တယ်ပေါ့။ စိတ်လှုပ်ရှားလို့ ဖြစ်တယ်လို့ ထင်ပါတယ်။ ဆေးရုံရောက်လာတာတော့ ငါးဦးပေါ့။ စိုးရိမ်စရာမရှိပါဘူး။ သက်သာနေကြပါပြီ” ဟု တောင်တွင်းကြီးမြို့နယ် ဆေးရုံအုပ်ကြီးက ပြောကြားသည်။

ရခိုင်ပြည်နယ်အတွင်း တက္ကသိုလ်ဝင်စာမေးပွဲ ဖြေဆိုရန် ပျက်ကွက်သူ ၄၇၃၀ ရှိခဲ့ကြောင်းနှင့် ဖြေဆိုစဉ် ပျက်ကွက်သူ ရာဂဏန်းအထိ ရှိခဲ့ကြောင်း သိရ

စစ်တွေမြို့ရှိ အခြေခံပညာ အထက်တန်းကျောင်း တစ်ခုတွင် တက္ကသိုလ်ဝင်တန်း ဖြေဆိုမည့် ကျောင်းသား ကျောင်းသူများအား တွေ့ရစဉ်

ရခိုင်ပြည်နယ်အတွင်း တက္ကသိုလ်ဝင် စာမေးပွဲဖြေဆိုရန် ပျက်ကွက်သူ ၄၇၃၀ အထိ ရှိလာကြောင်းနှင့် မတ် ၉ ရက် စာရင်းများအရ ပထမနေ့တွင် ဖြေဆိုခဲ့ပြီး နောက်ရက်တွင် ပျက်ကွက်သူ ရာဂဏန်းအထိ ရှိလာကြောင်း သိရသည်။

ရခိုင်ပြည်နယ်အတွင်း တက္ကသိုလ်ဝင်စာမေးပွဲ ဖြေဆိုရန် စာရင်းသွင်းထားသူ ၄၄၆၀၈ ဦးရှိသည့်အနက် မတ် ၉ ရက်အထိ စာရင်းအများအရ စာမေးပွဲဖြေဆိုရန် ပျက်ကွက်သူ ၄၇၃၀ အထိရှိလာခဲ့ကြောင်း သိရပြီး ယင်းသို့ လာရောက်ဖြေဆိုရန် ပျက်ကွက်ခြင်းနှင့်ပတ်သက်ပြီး ဝေဖန်မှုများလည်း ရှိနေကြောင်း သိရသည်။

သို့သော် ပြည်နယ်ပညာရေးဌာနမှ ဦးစိန်ထွန်းလှက “ဒီလိုပေါ့။ လေးထောင်ကျော်ရှိတယ်ဆိုတာ ဖြေဆိုနေစဉ် ပျက်ကွက်တာ မဟုတ်ဘူး။ စာမေးပွဲဖြေဆိုဖို့ ကတ်လာမထုတ်တဲ့ ကျောင်းသူကျောင်းသား ဦးရေကို ပြောတာပါ။ ဖြေဆိုဖို့စာရင်း ပေးထားတာက ၄၄၆၀၀ ကျော်ရှိတယ်။ ဒါပေမဲ့ ကတ်လာယူတာက ၃၉၈၇၀ ကျော်ရှိတယ်။ ဒါကလည်း ရခိုင်ပြည်နယ်ထဲမှာ မရှိတော့လို့ မဖြေတာ ဖြစ်နိုင်တယ်။ အထူးသဖြင့်တော့ ဘူးသီးတောင်နဲ့ မောင်တောဘက်မှာ ပျက်ကွက်များပါတယ်။ အဲဒီအထဲ ဖြေဆိုနေစဉ်အတွင်း ပျက်ကွက်သူပေါ့။ ဆက်မဖြေတဲ့သူက ၁၀၀ ကျော်လောက်ရှိတယ်ဆိုတော့ ပေါင်းလိုက်ရင် ၄၇၀၀ ကျော်သွားတယ်။ အဲဒါကလည်း စာမေးပွဲကို ကြပ်ကြပ်မတ်မတ် ဆောင်ရွက်နေတော့ စာမရတဲ့ ကျောင်းသားတွေသာ ဖြစ်ဖို့များတယ်။ အဲဒီလို ကျောင်းသား ၁၀၀ ကျော်ကတော့ ဖြေနေရင်း ပျက်ကွက်တာပေါ့” ဟု ပြောကြားသည်။

ကျောင်းသား၊ ကျောင်းသူများ စာမေးပွဲ ဖြေဆိုနေကြမှုများအပေါ် အထက်တန်းပြဆရာ (ငြိမ်း) အလွတ်သင် ကျောင်းဆရာ ဦးသန်းထွန်းက ရခိုင်ပြည်နယ်အတွင်း တက္ကသိုလ်စာမေးပွဲဖြေဆိုမှု သုံးရက်အပြီးတွင် ကြားရသော သတင်းများမှာ ၀မ်းသာစရာရှိကြောင်း၊ ယခင်နှစ်ကတည်းက ပြည်နယ်ပညာရေးမှူး၏ ဖိဖိစီးစီး ကိုင်တွယ်မှုများကြောင့် ယခုနှစ်တွင် စာမေးပွဲဖြေဆိုရာ၌ မသမာမှုများ သိသိသာသာ လျော့နည်းလာသည်ကို ၀မ်းသာစွာ တွေ့ရကြောင်း ပြောကြားသည်။

“ဘာသာရပ်အလိုက် ပြောရမယ်ဆိုရင်တော့ မြန်မာစာဘာသာကို အများဆုံးဖြေဆို နိုင်ကြတာကို တွေ့ရတယ်။ အင်္ဂလိပ်စာ ဘာသာရပ်မှာတော့ တချို့တစ်ဝက်ကတော့ အနည်းအကျဉ်း အခက်အခဲ ရှိတယ်လို့ပြောတယ်။ သင်္ချာဘာသာကို အများစုဖြေနိုင်ကြတယ်လို့ သိရတယ်။ တချို့တော့ ကျောင်းသားတွေကို စစ်ဆေးတဲ့အခါမှာ အနည်းငယ် ကြမ်းတယ်လို့ ပြောတာလည်းရှိတယ်။ အဲဒါကလည်း ကျောင်းသားတွေ မသာမှု မလုပ်စေလိုတဲ့ ဆန္ဒကြောင့်လို့သာ ထင်ပါတယ်။ အဲဒီလို လုပ်တာတော့ ကျွန်တော်တို့လည်း မကြိုက်ဘူးပေါ့။ ဒါပေမဲ့ ဖြေဆိုစဉ်မှာ မသမာမှုတွေ့ရင်တော့ ဥပဒေအတိုင်း အရေးယူတာမျိုးကိုသာ ကြိုက်ပါတယ်။ ဒါမှလည်း မသမာမှု ပပျောက်သွားမယ်လို့ ယူဆပါတယ်” ဟုလည်း ဦးသန်းထွန်းက ပြောကြားသည်။

 

၂၀၁၈ ခုနှစ် တက္ကသိုလ်ဝင်စာမေးပွဲအား မတ် ၇ ရက်၌ စတင်စစ်ဆေးမည်ဖြစ်ပြီး တစ်နိုင်ငံလုံး အတိုင်းအတာအရ စာမေးပွဲဝင်ရောက်ဖြေဆိုရန် ၈၄၀၀၀၀ ကျော် စာရင်းပေးသွင်းထား

၂၀၁၇ ခုနှစ် တက္ကသိုလ်ဝင်စာမေးပွဲ ဖြေဆိုခဲ့သူအချို့အား တွေ့ရစဉ်

၂၀၁၈ ခုနှစ် တက္ကသိုလ်ဝင်စာမေးပွဲအား တစ်နိုင်ငံလုံးအတိုင်းအတာအရ စာမေးပွဲ ၀င်ရောက်ဖြေဆိုရန် စာရင်းပေးသွင်းထားသူဦးရေ ၈၄၀၀၀၀ ကျော်ရှိကြောင်း ပညာရေးဝန်ကြီးဌာန၊ မြန်မာနိုင်ငံစာစစ်ဦးစီးဌာနမှ သိရသည်။

၂၀၁၈ ခုနှစ် တက္ကသိုလ်ဝင်စာမေးပွဲကို နှစ်စဉ်ကျင်းပခဲ့သည့်ပုံစံအတိုင်း တစ်နိုင်ငံလုံးရှိ ပြည်တွင်းစာစစ်ဌာနများအတွက် မေးခွန်းတစ်စုံ၊ နိုင်ငံခြားစာစစ်ဌာနများအတွက် မေးခွန်းတစ်စုံဖြင့် မေးခွန်းလွှာပုံစံ (Question Format) အား ပြောင်းလဲမည်မဟုတ်ဘဲ ယခင်နှစ်များကကဲ့သို့ပင် စစ်ဆေးသွားမည် ဖြစ်ကြောင်း သိရသည်။

“မေးခွန်းလွှာပုံစံက လုံးဝမပြောင်းလဲပါဘူး။ အရင်နှစ်တွေတုန်းက ပုံစံအတိုင်းပဲ စစ်ဆေးမှာပါ။ ကျောင်းသားကျောင်းသူတွေ အလွတ်ကျက်မှတ်ဖြေဆိုရတာထက် ဆက်စပ်တွေးခေါ် စဉ်းစားသုံးသပ်ပြီး ဖြေဆိုရတဲ့ မေးခွန်းတွေကိုလည်း ထည့်သွင်းမေးမြန်းထားမှာဖြစ်ပါတယ်။ စာမေးပွဲလုပ်ငန်းစဉ်တွေကို သတင်းပေါက်ကြားမှုတွေမဖြစ်ဖို့ မေးခွန်း ပေါက်ကြားတာမျိုးတွေကိုလည်း မဖြစ်ပေါ်စေဖို့အတွက် အထူးကြပ်မတ်ဆောင်ရွက်နေ ပါတယ်” ဟု ပညာရေးဝန်ကြီးဌာန၊ မြန်မာနိုင်ငံ စာစစ်ဦးစီးဌာနမှ တာဝန်ရှိသူတစ်ဦးက ပြောကြားခဲ့သည်။

စာမေးပွဲစည်းကမ်းဖောက်ဖျက်ခြင်းနှင့် စာမေးပွဲ၌ မသမာမှုများကျူးလွန်ပါက စာမေးပွဲဖြေဆိုခွင့် နှစ်နှစ်၊ သုံးနှစ်နှင့် နှစ်အကန့်အသတ်မရှိ ပိတ်ပင်ခံရမည်ဖြစ်ပြီး မသမာမှုများ ကျူးလွန်နိုင်ခြင်း မရှိစေရေးအတွက် စနစ်တကျ ကြပ်မတ်ဆောင်ရွက်မည်ဖြစ်ကြောင်း သိရသည်။ ၂၀၁၈ ခုနှစ် တက္ကသိုလ်ဝင်စာမေးပွဲအား နိုင်ငံခြားစာစစ်ဌာန ၂၁ ခု အပါအ၀င် တစ်နိုင်ငံလုံး၌ စာစစ်ဌာနပေါင်း ၁၇၄၂ ခု ဖွင့်လှစ်စစ်ဆေးမည်ဖြစ်ပြီး ဆေးရုံတက်ရောက်၍ ဆေးကုသမှုခံယူနေကြရသော ကျောင်းသားကျောင်းသူများ နစ်နာမှုမရှိစေရေးအတွက် ဆေးရုံစာစစ်ဌာနများ ထားရှိ စစ်ဆေးသွားမည်ဖြစ်ပြီး ရန်ကုန်တိုင်းဒေသကြီးတွင် ရန်ကုန်ဆေးရုံကြီး၊ ဗဟိုအမျိုးသမီး ဆေးရုံ၊ မြောက်ဥက္ကလာအထွေထွေရောဂါကု ဆေးရုံနှင့် မြောက်ဥက္ကလာဝေဘာဂီဆေးရုံ စသည့် ဆေးရုံစာစစ်ဌာန လေးခု ထားရှိ စစ်ဆေးမည်ဖြစ်ကြောင်း သိရသည်။

၂၀၁၈ ခုနှစ်တက္ကသိုလ်ဝင်စာမေးပွဲကို မတ် ၇ ရက်၌ မြန်မာစာ၊ မတ် ၈ ရက်၌ အင်္ဂလိပ်စာ၊ မတ် ၉ ရက်၌ သချာင်္၊ မတ် ၁၂ ရက်၌ ဓာတုဗေဒ/စိတ်ကြိုက်မြန်မာစာ၊ မတ် ၁၃ ရက်၌ ရူပဗေဒ၊ မတ် ၁၄ ရက်၌ ဇီဝဗေဒ/ ဘောဂဗေဒ၊ မတ် ၁၅ ရက်၌ ပထ၀ီဝင်၊ မတ် ၁၆ ရက်၌ သမိုင်း စသည့်ဘာသာရပ်များအား နံနက် ၉ နာရီမှ ၁၂ နာရီအထိ ဖြေဆိုရမည် ဖြစ်သည်။ တက္ကသိုလ်ဝင်စာမေးပွဲဖြေဆိုမည့် ကျောင်းသားကျောင်းသူများအတွက် စာမေး ပွဲဖြေဆိုခွင့်ကတ်ပြားများကို ဖေဖော်ဝါရီ ၁၉ ရက်မှစတင်ကာ ထုတ်ယူခွင့်ပြုခဲ့ခြင်းဖြစ်ပြီး အခက်အခဲမရှိ ဆောင်ရွက်နိုင်စေရန် စီစဉ် ပေးထားကြောင်း သိရသည်။

ဘ၀နှင့် စာမေးပွဲ

ယမန်နှစ် တက္ကသိုလ်ဝင်တန်း စာမေးပွဲဖြေဆိုပြီး ပြန်ထွက်လာသည့် ကျောင်းသားများအား တွေ့ရစဉ် (ဓာတ်ပုံ-ကြည်နိုင်)

(၁) ဘ၀ဆိုတာ ဘာလဲ ….။

သိကြပြီးသားပါပဲ။ ဘ၀ဆိုတာ ကိုယ့်ဘ၀သူ့ဘ၀၊ သူတို့ ကိုယ်တို့ရဲ့ဘ၀။ တချို့ များ တစ်သက်မှာ နှစ်ဘ၀ သုံးဘ၀ဆိုသလို ခံစားဖြစ်ရသတဲ့။

“အချိန်ကလေးတွေတိုလွန်းလို့ ချစ်ချစ်ခင်ခင်နေကြစို့” တဲ့။ မိတ်ဆွေအရာရှိ တစ်ယောက်က သူ့ရုံးခန်းက ဗီရိုမှာ ဒီစာတန်းကလေး ကပ်ထားပါတယ်။ တကယ်လည်းပဲ သူဟာ လုပ်ဖော်ကိုင်ဖက် အပေါင်းအသင်းတွေနဲ့ ချစ်ချစ်ခင်ခင် သောက်သောက်စားစား နေသွားပါတယ်။ သူဆုံးတော့ အရွယ်ငယ်ငယ်ကလေးပါ။ အငြိမ်းစားဘ၀ကို မရောက်လိုက်ပါဘူး။ သူ့ဘ၀ အချိန်အကန့်အသတ် တိုတောင်းတာ ကြိုသိလို့ များလားဆိုရမလိုပါပဲ။

‘ချစ်သူတို့ သက်တမ်းတိုလှသည်။
မုန်းသူတို့ သက်တမ်းရှည်လှသည်။
ကြေကွဲ၍ မဆုံးပါ’

ကဗျာဆရာကြီး တင်မိုး (ဆရာဦးဘဂျမ်း)က ဆရာမမိုးမိုး (အင်းလျား) ဆုံးတော့ ဒီကဗျာကို ၀မ်းနည်းမှတ်တမ်းဖွဲ့ခဲ့တယ်လို့ မှတ်သားမိပါတယ်။ ဘ၀ဆိုတာ အချိန်။ သက်တမ်းကာလဖြစ်သလို လောကမှာဖြစ်တတ် ကြုံရတတ်ပုံတွေက မချစ်မနှစ်သက်ဖြစ်မိသူတွေက သက်ဆိုးတွေရှည်နေကြပြီး၊ ကိုယ်ချစ်ခင်သူတွေမှာတော့ အချိန်မတန်လှသေးပါလျက် ခွဲခွာရတတ်ပါတယ်။ လောကမှာ လူတွေဟာ လူ့ဘ၀ကို ရလာကြတဲ့အခါ လူသားတစ်ယောက်အဖြစ် ရလာတာကောင်းခဲ့ပါလျက်နဲ့ ခိုးသူအဖြစ်၊ မိုက်သူအဖြစ်၊ လူဆိုးအဖြစ် အကြမ်းဖက်သူ သောင်းကျန်းသူအဖြစ် ယုတ်မာလွန်းသူအဖြစ် တို့ကို ရသွားရောက် သွားတတ်ကြပါတယ်။ အဲဒါတွေလည်း သူတို့ သူတို့ရဲ့ဘ၀ပဲပေါ့။

မျက်မှောက်ခေတ်ကာလယေဘုယျ အနေအားဖြင့် လူတစ်ယောက်ဖြတ်သန်းရတဲ့ ဘ၀ကိုဆိုရရင် ကလေးဘ၀၊ ကျောင်းနေစာသင်အရွယ် ဘ၀အလယ်တန်းအထက်တန်း ကျောင်းသားဘ၀၊ အဆင့်မြင့်တက္ကသိုလ် ပညာဆည်းပူးတဲ့ဘ၀၊ အလုပ်ခွင်မှာ ရှိရတဲ့ ဘ၀၊ ကိုယ့်မိသားစုအတွက် စီးပွားရှာဖွေ လုပ်ကိုင်ရတဲ့ ဘ၀ဆိုသလို အစရှိတဲ့ အပိုင်းအခြား ဘ၀အသီးသီးမှာ ဖြစ်ရကြုံရရင်ဆိုင် ဖြတ်သန်းကြရပါတယ်။

အဲဒီအပိုင်းအခြားတွေမှာလည်း အယုတ်အလတ်ရယ် အမြတ်ရယ်ဆိုပြီး ဖြစ်ကြပါတယ်။ လောကဓံကိုလည်း ကြုံကြပါတယ်။ ဒီအခါမှာ ဖြစ်ချင်တာလည်း မဖြစ်ရ၊ မဖြစ်ချင်တာတွေလည်း ဖြစ်ရတာမှန်ပေမဲ့ တချို့ဒေသလူတွေကတော့ သူတို့ဖြစ်ချင်ကြတာတွေကို မဖြစ်ဖြစ်အောင် မရရအောင် ဇွတ်အတင်းကို နည်းမျိုးစုံနဲ့ ဖန်တီးလုပ်ယူကြတော့ လောကဆိုတဲ့ လူမှုအဖွဲ့အစည်းမှာ ဆိုးကျိုး တွေကြုံရဘ၀ဆိုးတွေ ရကုန်ကြပါတယ်။

ကုန်သွယ်၊ လယ်လုပ်၊ ကျောင်းဆရာ၊ ဗိသုကာ၊ ရှေ့နေ၊ ဆရာဝန်၊ ရဲ၊ တပ်မတော်၊ တရားသူကြီး၊ အနုပညာရှင်၊ အလုပ်ဌာန အရာရှိ၊ ဂေါပက၊ အသင်းအပင်းအဖွဲ့အစည်းတွေက အကြီးအမှူးတွေ၊ ဒါတွေဟာ သူတို့ရဲ့ ဘ၀တွေကို အရွယ်အလျောက် ရှင်သန်အောင် လုပ်ရင်းရလာကြတဲ့ ဘ၀ရဲ့ အမည်နာမတွေပါပဲ။

အဲဒီဘ၀တွေထဲမှာ “စိုင်ကော်လို့ ချုံပေါ်ရောက်” အဖြစ်ကိုရတဲ့ ဘ၀မျိုးရှိသလို ‘အရှင်မွေးလို့ နေ့ချင်းကြီး’ အဖြစ်ကို ရသူတွေလည်း ရှိကြပါတယ်။

တောင်းရမ်းစားသောက်ရတဲ့သူတစ်ယောက်အဖြစ်ကို ဘယ်သူတစ်ဦးတစ်ယောက်ကမှ မရချင်ကြပေမယ့်၊ လုပ်ပိုင်ခွင့် ရာထူးအာဏာနဲ့ လာဘ်သပ်ပကာမပေးပေးလာအောင် ကြံနိုင်တိုင်း ဟောခနဲ ဟောခနဲ လာဘ်တွေရလာတဲ့သူရဲ့ အဖြစ်ဟာ တောင်းရမ်းစားသောက်ရသူတစ်ယောက်ရဲ့ ဘ၀မျိုး၊ ခိုးဆိုးလုယက်ဓားပြတိုက်စားသူတို့ရဲ့ ဘ၀မျိုး အတူတူပဲဖြစ်တာကို မွေ့ပျော်နေကြသူတွေလည်း ရှိကြပါတယ်။

ဘုရားဟောအရ ရခဲတယ်ဆိုတဲ့ လူ့ဘ၀၊ သူ့ဘ၀၊ ကိုယ့်ဘ၀။ ကိုယ်တို့ဘ၀၊ သူတို့ရဲ့ဘ၀။

တစ်သက်မှာ နှစ်ဘ၀၊ သုံးဘ၀လောက် ရယူလိုက်၊ ခံစားလိုက်ကြတာများ လူကို သတ်ခိုင်းသူအဖြစ် ၀ရမ်းပြေးဘ၀ ရောက်တာတောင် လွတ်မြောက်နေတဲ့ ရိပ်မြုံထဲ အမြိုင့်သား ခံစားနေနိုင်ရော့သလားလို့ပါပဲ။

(၂) ကျွန်တော် ပထမဦးဆုံးနေခဲ့တဲ့ မြူနီစီပယ်ကျောင်းမှာ ‘နွားအကြောင်းရေးပါ’ ဆိုပြီး ဆရာမက မေးတာ ကျောက်သင်ပုန်းပေါ်မှာ နွားတစ်ကောင်ပုံကိုပဲ ဆွဲနေလို့ ခေါင်းခေါက်ခံခဲ့ရပါတယ်။ ‘နင့်ကိုရေးခိုင်းတာလေ ရေး’ လို့ဆိုပေမယ့် ကျွန်တော်က စာမရေးခဲ့ဘဲ ပုံပဲဆွဲနေခဲ့ပါတယ်။ ဒါပေမဲ့ ကျွန်တော်အောင်ခဲ့ပါတယ်။

ကျောင်းနေအရွယ် ကျောင်းသားဘ၀ဟာ စာတွေမေးလိုက်ကြ၊ ဖြေလိုက်ရနဲ့။ အပတ်စဉ်၊ လစဉ်၊ အခန်းဆုံး၊ ပထမအစမ်း၊ ဒုတိယအစမ်း၊ အတန်းတင်စာမေးပွဲကြီးဆိုပြီး ဖြေကြရတာ။ ဆရာဝန်လောင်းတွေဆိုရင်လည်း လူကိုတွေ့လိုက်လို့ မေးမိရင် ဒီနေ့ကျောင်းမှာ စာမေးပွဲရှိတယ်ဆိုတာချည်းပါပဲ။ သင်တန်းဝင်ခွင့်တွေဖြေ၊ သင်တန်းတက် ပြီးတော့ သင်တန်းစာမေးပွဲဖြေ။ ရှည်လျားထွေပြား မနေမနားဖြေကြရတဲ့ စာမေးပွဲတွေပါပဲ။

ဒီကနေ့ဆိုရင် တက္ကသိုလ်စာမေးပွဲဆိုတာကြီးကလည်း ကျောပေါ်ကို ရောက်နေပါပြီ။ ရာသီဥတုကလည်း ပူပူမှာ အပူတပြင်း ဖုတ်ပူမီးတိုက်လုပ်ကြသူတွေ လုပ်ဦးမှာပါ။

မျက်မှောက်ကာလ ဒီကနေ့ ပညာခေတ် ဆိုတာကလည်း အတန်းကျောင်း ကိုးတန်းအထိ စာမေးပွဲတွေ ပြီးပြီဆိုတာနဲ့ တစ်ပြိုင်နက် သတင်းစာတွေမှာ ကျူရှင်၊ ၀ိုင်း၊ ဘော်ဒါ၊ စာသင် ဥယျာဉ်၊ ပညာရွှေနန်းစံအိမ် စသည် စသည်နဲ့ ၀ါရင့် သမ္ဘာရင့် စာစစ်မှူး ဘာညာဦး စီးတာဆိုပြီး ကြော်ငြာလိုက်တာများ ဓာတ်ပုံတွေနဲ့ တကွပါပဲ။

တက္ကသိုလ်က ပါမောက္ခတွေက ဘာသာရပ်အလိုက် စာမေးပွဲဖြေဆိုကြမယ့် ကျောင်းသားကျောင်းသူတွေအတွက် သတိပြုဖွယ်ရာများ အစိုးရသတင်းစာများမှာ ရေးသားဖော်ပြကြသလို ခုတလော ပုဂ္ဂလိက သတင်းစာမှာလည်း ကျူရှင်က နာမည်ကြီး ဆရာများထင်ပါရဲ့ ရေးသားဖော်ပြလာကြတာ တွေ့ရပါတယ်။ ကျွန်တော်တို့ငယ်ငယ်က တစ်စတစ်စ အတန်းကြီးလာတဲ့အခါ ဆရာ ဆရာမတို့ပြောခဲ့တဲ့ လက်သုံးစကားတစ်ခွန်းကို သတိရမိပါတယ်။

“နင်တို့တွေ ငှက်ပျောသီးအခွံနွှာပေးတာမျိုး မခံယူချင်ကြနဲ့” တဲ့။ ခုပညာခေတ်ကျတော့ ငှက်ပျောသီးအခွံနွှာပေးရုံမက ပါးစပ်ဟရုံကလေးမှာ ခွံ့ထည့်ပေးသလိုများ ဖြစ်ကုန်တယ်ထင်ပါရဲ့။

တက္ကသိုလ်ဝင်စာမေးပွဲ နတ်ကြီးပုံများ ဥစ္စာရှိတဲ့ တတ်နိုင်တဲ့သူများက ငွေကုန်ကြေးကျများသလောက် စီးပွားဖြစ်တွေလည်း လုပ်ကုန်ကြတဲ့ဘ၀။

စာမေးပွဲဆိုတာကို ကြောက်လေ အရှုံးနဲ့ ရင်ဆိုင်ရတတ်လေဆိုတာ ကျွန်တော့်ကိုယ်တွေ့ပါ။

လေးဘာသာဖြေပြီး၊ နောက်ဆုံးပိတ် သင်္ချာဘာသာမှာ သတ်ရင်တော့ ဒုက္ခပဲဆိုပြီး ညအိပ်ခါနီး ကြောက်စိတ်ဝင်ခဲ့တာ နောက်တစ်နေ့ စာမေးပွဲခန်းထဲအ၀င်မှာ ပြန်တွေးမိပြန်တော့ ကြောက်စိတ်ထပ်ဝင်တာကြောင့် တလွဲတွေလုပ်ခဲ့တာ အဖြေလွှာပထမ မျက်နှာမှာ အဖြေမထွက်၊ ဒုတိယမျက်နှာလည်း အဖြေမထွက်။ သူငယ်ချင်းတွေကြည့်လိုက်တော့ ကုန်းဖြေနေကြပြီ။ ကိုယ့်မှာတော့ ဇောချွေးတွေပြန်လာပါပြီ။ အဖြေဘယ်ထွက်ပါ့မလဲ။ ဆွဲထားတဲ့ ပုံကမှားနေခဲ့တာကိုး။ ဒီလိုနဲ့ ရှိတဲ့အချိန်ကလေးမှာ တောင်ဖြေ မြောက်ဖြေနဲ့ ကျခဲ့တာပါပဲ။

တကယ်တော့ စာမေးပွဲဆိုတာ စာမေးတာပဲမို့ ကြိုတင်ပြင်ဆင်ကျက်ဖတ်လာခဲ့သမျှ အခုလို ကျောင်းပေါ်ရောက်ချိန်ကျတော့ ဘာကြောက်စိတ်မှ မမွေးဘဲ ခေါင်းအေးအေးထား စဉ်းစားဖြေဆို ရင်ဆိုင်ဖို့ပါပဲ။

ဒီစာမေးပွဲမှာ ကိုယ့်ပြင်ဆင်ခဲ့တာ နည်းပါးခဲ့လို့၊ အခြေခံစာမကျေခဲ့လို့၊ ကျန်းမာရေးပြဿနာရှိခဲ့လို့ တစ်နှစ်ကျရှုံးသွားလည်း ဘာအရေးလဲ။ နောက်တစ်နှစ်မှာဖြေရုံပေါ့။ စာမေးပွဲကြောင့် ဘ၀ကို အရှုံးမပေးသင့်ကြပါဘူး။ အခုတော့ တစ်ခါတစ်ခါသတင်းများမှာ ကြားရဖတ်ရတတ်တဲ့ စာမေးပွဲ အောင်စာရင်းထွက်ပြီး မအောင်ဘူး။ ကျရှုံးတယ်ဆိုတာနဲ့ ကိုယ့်ကိုယ်ကိုယ် ဘာလုပ်ပစ်တယ်။ ညာလုပ်ပစ်တယ်ဆိုတာတွေဟာ မဖြစ်သင့်တာမို့ ဆရာမိဘတို့ကလည်း စာဖြေပွဲဝင်တဲ့ သားသမီးလူငယ်တွေကို အသိဥာဏ်ဝင်အောင် အားပေးထားသင့်ကြပါတယ်။

“နင်စာလုပ်လေ၊ နင်စာကျက်တော့လေ၊ အချိန်တွေ ကုန်တော့မယ်လေ။ နင်မကြိုးစားဘူးလား၊ တို့ငွေတွေကုန်ထား အပင်ပန်းခံထားရတာ။ နင်ဒီအတိုင်းဆိုကျမှာနော်” ဆိုတာမျိုးနဲ့ ဖိအားမပေးသင့်ကြပါဘူး။

အေးအေးသက်သာ ကျန်းကျန်းမာမာ ပေါ့ပေါ့ပါးပါးကလေး စိတ်ကြည်ကြည်လင်လင်ကလေးနဲ့ စာမေးပွဲကို ၀င်ကြရင် အောင်မြင်ကြတာများပါတယ်။

ကိုယ်တိုင်လည်း ကြောက်ရွံ့ပူပန်စိတ်ကြောင့် တစ်နှစ်ကျသွားတော့ နောက်နှစ်မှာ ဗိုလ်လောင်းဖြေဖို့ သင်္ချာသွားယူခဲ့တဲ့ ကျောင်းကနေကိုယ့်ကျောင်းကို ကိုယ်ပြန်၊ စိတ်ကြိုက် မြန်မာစာတွဲနဲ့ မှန်မှန်စာဖတ်မှန်မှန်သင်ယူပြီး ဖြေခဲ့တော့ နောက်နှစ်မှာ အိုင်အယ်လ်အေကောင်းကောင်းနဲ့ အောင်မြင်ခဲ့ပါတယ်။

ဘာလဲဟဲ့ စာမေးပွဲ။ ကျောင်းသားဆို ရင်ဆိုင်ရမှာပါပဲ။

ကျွန်တော်တို့တစ်တွေမှာ တက်လိုက်ရတဲ့ ကျောင်းတွေ၊ ဖြေလိုက်ရတဲ့ စာမေးပွဲတွေ။ တစ်ခုပြီးပြန်တော့ နောက်တစ်ခုကိုတက်၊ နောက်တစ်ခု ဖြေရယ်နဲ့။ ကြုံခဲ့ရဖူးတဲ့ စာမေးပွဲ အကြောင်းတွေနဲ့ပတ်သက်လို့ ပြောရရင်တော့ အများကြီးပါပဲ။ ဆည်းပူးရှာဖွေ သင်ယူနေချင်သမျှ ကိုယ့်ဘ၀အတွက် တက်လမ်းဖြစ်ပြီး လမ်းပွင့်သွားအောင် စာမေးပွဲဆိုတာ ရင်ဆိုင်ဖြေဆိုရမှာပဲ။ ဘာအရေးလဲလို့ ပြေလွင့်တဲ့စိတ်နဲ့ ကြိုးစားရင် အောင်မြင်ကြမှာပါ။

အခုလို တွေးမိ ရေးမိချိန်မှာ ကျွန်တော့်ရဲ့ သမီးငယ်တစ်ယောက်ကလည်း သူ့အလုပ်ဌာနမှာ ရာထူးအတွက် စာမေးပွဲဖြေရ ဦးမှာဆိုပြီး ရုံးစာတွေကုန်းရုန်းပြီး ကျက်မှတ်နေပါလေရဲ့။

စစ်တိုင်းအောင်၊ ပစ်တိုင်းထောင်သူကလေးများအဖြစ် အောင်မြင်ကြပါစေ။

(၃) ဘ၀ဆိုတာ ဘာလဲ။ ဘယ်လိုလဲ။
စာမေးပွဲဆိုတာလည်း ဘာလဲ၊ ဘယ်လိုလဲ။

မြူနီစီပယ်ကျောင်းသားကလေးပဲဖြစ်ဖြစ်၊ အထက်တန်းကျောင်းသားပဲဖြစ်ဖြစ်၊ တက္ကသိုလ်ကျောင်းတော်သားကြီးပဲဖြစ်ဖြစ် အဲဒီအချိန်အရွယ် အဲဒီဘ၀တွေကိုရကြရင် စာမေးပွဲဆိုတာ ရင်ဆိုင်ဖြေဆိုကြရမှာပါ။ တွေးပြီးပူ ကြိုပြီးပူဖို့ မဟုတ်ပါဘူး။ မမှန်မကန် မတော်လောဘ မသမာမှုပြုပြီးတော့လည်း လုံးပန်းရမှာ မဟုတ်ပါဘူး။ အဲဒီလိုတွေ လုပ်ယူခဲ့ပြီး အောင်မြင်တယ်ဆိုရင်တော့လည်း ကိုယ့်ရဲ့ အောင်မြင်မှုဟာ အစစ်အမှန် မဟုတ်ဘူးဆိုတာ တစ်သက်တာလုံး ကိုယ့်စိတ်မှာ သိနေပြီး ယူဆောင်သွားကြရမှာပါ။

ဒီလိုပါပဲ။ လူ့ဘ၀မှာလည်း ကုန်သည်ကြီးဖြစ်တယ်၊ ကျောင်းဆရာဖြစ်တယ်၊ ရှေ့နေဖြစ်တယ်၊ ဆရာဝန်ဖြစ်တယ်၊ ရဲကြီးဖြစ်တယ်၊ စစ်သားဖြစ်တယ်၊ တရားသူကြီးဖြစ်တယ်၊ အရာရှိကြီး မာစတာကြီးဖြစ်တယ် စသဖြင့် ဖြစ်အင်ဘ၀တွေ ဘာပဲဖြစ်ဖြစ် လူယုတ်၊ လူဆိုး၊ လူကောက်ကျစ်၊ ကိုယ်ကျိုးသာ ပဓာန၊ အထက်ဖားအောက်ဖိ၊ မာန်မာနခက်ထန်၊ ကိုယ့်လိုဘမရရင် အပြစ်ရှာ အပြစ်တင် မာန်မဲတတ်ကြသူတွေဟာတော့ အတန်းစာမေးပွဲတွေ ဘယ်လောက်ပဲအောင်အောင်၊ ဘွဲ့ဒီကရီ၊ ဒေါက်တာပါရဂူတွေပဲရရ လူ့အဖြစ်ရဲ့ ဘ၀စာမေးပွဲမှာတော့ မချောမော မအောင်မြင်တဲ့သူတွေပါပဲလို့ ဆိုချင်ပါတယ်။

ကျွန်တော်တို့ဟာ ဘ၀စာမေးပွဲကို ဖြေလျှင် ချောမွေ့အောင်မြင်သူတွေဖြစ်အောင် ကြိုးစားကြရပါလိမ့်မယ်။

‘တစ်ရွက်တည်း ရှေ့နဲ့ကျောဖြစ်တဲ့ အဖြေလွှာစာမျက်နှာ နှစ်ဖက်လုံးပေါ်မှာ ဘယ်လိုမှ သင် ကြိုးစားပြီး မရေးနိုင်’ ဆိုတဲ့ စကားရှိပေမယ့် ဘ၀နဲ့ စာမေးပွဲမှာတော့ လူကောင်း လူမွန် ပီသအောင်မြင်မှု စစ်မှန်အောင် ဆင်ခြင်ကြိုးစားရပါလိမ့်မယ်။

အခြေခံပညာကဏ္ဍ ၂၀၁၇-၂၀၁၈ ပညာသင်နှစ် (ပထမနှစ်ဝက်) စာမေးပွဲများစစ်ဆေးရန် ရက်သတ်မှတ်ချက်နှင့် ဖြေဆိုချိန်များ ပညာရေးဝန်ကြီးဌာန ထုတ်ပြန်

ဒဂုံမြို့သစ် (မြောက်ပိုင်း) ရှိ အထက်တန်းကျောင်းတွင် ပညာသင်ကြားနေသော ကျောင်းသားကျောင်းသူများ ကျောင်းဆင်း၍ ပြန်ထွက်လာကြစဉ် (ဓာတ်ပုံ-ကြည်နိုင်)

အခြေခံပညာကဏ္ဍ ၂၀၁၇-၂၀၁၈ ပညာသင်နှစ် (ပထမနှစ်ဝက်) စာမေးပွဲများ စစ်ဆေးရန် ရက်သတ်မှတ်ချက်နှင့် ဖြေဆိုချိန်များကို ပညာရေးဝန်ကြီးဌာန၊ အခြေခံပညာ ဦးစီးဌာနမှ တိုင်းဒေသကြီးနှင့်ပြည်နယ်အလိုက် ထုတ်ပြန်ကြေညာခဲ့ကြောင်း သိရသည်။ ပထမနှစ်ဝက် စာမေးပွဲများကို တိုင်းမှ သတ်မှတ်ပေးသည့် ရက်အတွင်း အချိန်စာရင်း ထုတ်ပြန်စစ်ဆေးရန်ဖြစ်ပြီး မိမိကျောင်း မေးခွန်းဖြင့် စနစ်တကျစစ်ဆေးရန်၊ ကျောင်းအုပ်ကြီးက စာမေးပွဲအဖွဲ့ဖြင့်မေးခွန်းနှင့် အမှတ်ပေးစည်းမျဉ်းများကို သတ်မှတ်ပုံစံအ တိုင်းပြုစုရန်၊ မိမိကျောင်း၏ မေးခွန်းနှင့်အမှတ်ပေးစည်းမျဉ်းများ အားလုံးကို မှန်ကန်တိကျရန်နှင့် လုံခြုံမှုရှိရန် အဆင့်ဆင့် တာဝန်ယူ ဆောင်ရွက်ရန် ညွှန်ကြားထားကြောင်း သိရသည်။ “စာမေးပွဲက KG တန်းမှာ မရှိဘူး။ Grade 1 လည်း စာမေးပွဲ မရှိပါဘူး။ ဒုတိယ တန်းအတွက်ကိုတော့ သြဂုတ်လနဲ့ စက်တင်ဘာလ သင်ခန်းစာတွေကို အခြေခံပြီး လပတ်ပုံစံနဲ့ ၂၅ မှတ်ဖိုးကို စာသင်ချိန် တစ်ချိန် စာမိနစ် ၃၀ စစ်ဆေးသွားမှာ ဖြစ်ပါတယ်။ ကျောင်းအုပ်ကြီးတွေအနေနဲ့ ညွှန်ကြားချက်အတိုင်း စာမေးပွဲစစ်ဆေးဖို့ ခရိုင်နဲ့မြို့နယ် ပညာရေးမှူးတွေကတစ်ဆင့် ဆက်လက် အကြောင်းကြားထားပါတယ်” ဟု ပညာရေးဝန်ကြီးဌာန၊ အခြေခံပညာဦးစီးဌာနမှ တာဝန်ရှိသူတစ်ဦးက ပြောကြားသည်။ တတိယတန်းအတွက် တစ်ဘာသာလျှင် အမှတ် ၅၀ နှင့် ဖြေဆိုချိန် တစ်နာရီ၊ ပဉ္စမတန်းအတွက် တစ်ဘာသာလျှင် အမှတ် ၅၀ နှင့် ဖြေဆိုချိန်တစ်နာရီခွဲ၊ ဆဋ္ဌမတန်းအတွက် တစ်ဘာသာလျှင် အမှတ် ၅၀ နှင့် ဖြေဆိုချိန် တစ်နာရီခွဲ၊ သတ္တမတန်းအတွက် တစ်ဘာသာလျှင် အမှတ် ၅၀ နှင့် ဖြေဆိုချိန် တစ်နာရီခွဲ၊  န၀မတန်းအတွက် တစ်ဘာသာလျှင် အမှတ် ၅၀ နှင့် ဖြေဆိုချိန် နှစ်နာရီ၊ စတုတ္ထတန်းအတွက် တစ်ဘာသာလျှင် အမှတ် ၁၀၀ နှင့် ဖြေဆိုချိန် တစ်နာရီခွဲ၊ အဋ္ဌမတန်းအတွက် တစ်ဘာသာလျှင် အမှတ် ၁၀၀ နှင့် ဖြေဆိုချိန် နှစ်နာရီ၊ ဒသမတန်းအတွက် တစ်ဘာသာလျှင် အမှတ် ၁၀၀ နှင့် ဖြေဆိုချိန် သုံးနာရီ စသဖြင့် တစ်နေ့လျှင် တစ်ဘာသာ နှုန်း စစ်ဆေးသွားမည်ဖြစ်ကြောင်း သိရသည်။

အခြေခံပညာကဏ္ဍ ပထမနှစ်ဝက် စာမေးပွဲများကို ၂၀၁၇ ခုနှစ် စက်တင်ဘာ  ၂၆ ရက်မှ စတင် စစ်ဆေးသွားမည်ဖြစ်ကြောင်း သိရသည်။ ပညာရေးဝန်ကြီးဌာနက ကျောင်းသားကျောင်းသူများထံမှ စာမေးပွဲစစ်ဆေးခြင်း များအတွက် ငွေကြေး (လုံးဝ) မကောက် ခံရန် ညွှန်ကြားထားပြီး လက်ဆောင်ပစ္စည်း/ ငွေကြေးများ တောင်းခံမှုရှိခဲ့ပါက တိုင်ကြားမှုများပြုလုပ်နိုင်ရန် ထုတ်ပြန်ကြေညာထားကြောင်း သိရသည်။