နမ္မတူမြို့နယ်တွင် တိုက်ပွဲများ ဖြစ်ပွားနေခြင်းကြောင့် စစ်ဘေးရှောင် ၁၀၀၀ ကျော် အနီးအနား ကျေးရွာများနှင့် သီပေါမြို့နယ်ရှိ ဘုန်းကြီးကျောင်းများသို့ ထွက်ပြေးတိမ်းရှောင်နေ

သီပေါမြို့နယ် ဘုန်းတော်ကြီးကျောင်း တစ်ကျောင်းသို့ စစ်ဘေးရှောင်များ ရောက်ရှိစဉ် (ဓာတ်ပုံ-ကိုမျိုး (နယ်စည်းမခြား) နှင့် နန်းစမ်းစမ်းအေး)

ရှမ်းပြည်နယ်မြောက်ပိုင်း နမ္မတူမြို့နယ်တွင် တိုက်ပွဲများ ဖြစ်ပွားနေကြောင့် စစ်ဘေးရှောင်ပြည်သူ ၁၀၀၀ ကျော်တို့သည် နမ္မတူမြို့နယ်ရှိ ပန်လုံကျေးရွာ၊ မန်စံကျေးရွာနှင့် သီပေါမြို့နယ်ရှိ မိုးတေဘုန်းကြီးကျောင်း တို့တွင် တိမ်းရှောင်နေကြရသည်ဟု သတင်းရရှိသည်။

ဇူလိုင် ၁၆ ရက်မှ စတင်ကာ နမ္မတူမြို့နယ် မိုင်းမုကျေးရွာတွင် တိုက်ပွဲများ ဖြစ်ပွားခြင်းကြောင့် ပန်လုံကျေးရွာမှ တိုင်းရင်းသား ပြည်သူများ သီပေါမြို့နယ် မိုးတေကျေးရွာ ဘုန်းတော်ကြီးကျောင်းသို့ စစ်ဘေးရှောင် ၄၀၀ ခန့်၊ ဘိုးတော်ကျောင်း ၅၂ ဦး၊ ရွှေဂူကျောင်း ၃၀ ဦးခန့် ရောက်ရှိလာပြီး စားဝတ်နေရေး ဆန်ဆီဆား၊ ရေနှင့်ဟင်း ချက်စရာများ လိုအပ်နေကြောင်း သီပေါမြို့နယ် ပြည်နယ် လွှတ်တော်ကိုယ်စားလှယ် ဒေါ်နန်းစမ်းစမ်းအေးက ပြောကြားသည်။

“မနှစ်ကတိုက်ပွဲမှာ ဒုက္ခိတဖြစ်ခဲ့တဲ့ အဘိုး ဒီနှစ်လဲစစ်ပွဲကြောင့် ထပ်ပြေးရတာ ခြေထောက်မရှိဘူး။ လမ်းလည်းမလျှောက်နိုင်ဘူး။ ဒီတိုင်းလဲလျောင်းနေရတယ်။ ဒီလိုဖြစ်လာရင် ဘယ်သူက တာဝန်ယူပေးလို့လဲ၊ အသက် ၇၈ နှစ်ရှိပြီ။ နမ္မတူမြို့နယ်တွင်းမှာရှိတဲ့ ပန်လုံမှာ တိုက်ပွဲတွေကြောင့် သီပေါမြို့နယ်ထဲမှာရှိတဲ့ မိုးတေကျောင်းကို စစ်ရှောင်ပေါင်း လေးရာကျော် ဒီနေ့ရောက်လာတယ်။ စာရင်းက ဒီထက်လည်း ပိုများနိုင်တယ်” ဟု သီပေါမြို့နယ် ပြည်နယ်လွှတ်တော် ကိုယ်စားလှယ် ဒေါ်နန်းစမ်းစမ်းအေးက ပြောကြားသည်။

ထို့ပြင် နမ္မတူမြို့နယ် ပန်လုံကျေးရွာတွင်လည်း စစ်ဘေးရှောင်ပေါင်း ၂၀၀ နီးပါးရှိနေကြောင်း၊ စားဝတ်နေရေး လိုအပ်ချက်များ ရှိနေကြောင်း သီပေါမြို့နယ်မှ နယ်စည်းမခြား ပရဟိတ လူမှုကူညီရေး အသင်းမှ ကိုမျိုးက ပြောကြားသည်။

“ပန်လုံနဲ့ မန်စံကြားမှာ ဖြစ်တာပေါ့။ အခုက သီပေါမှာလည်းရှိတယ်။ မန်စံမှာလည်းရှိတယ်။ ပန်လုံမှာလည်း ဘုန်းကြီးကျောင်းမှာ ရှောင်နေတာ ၂၀၀ နီးပါးလောက်ရှိတယ်။ ကျွန်တော်တို့က ပန်လုံမှာ ထိုင်နေတယ်။ အရေးအကြောင်းဆိုရင် ပန်လုံမှာကျန်နေတဲ့ သူတွေကိုလာပြီးတော့ ကယ်ထုတ်ပေးဖို့ စောင့်နေတယ်။ ရွာသားတွေက တဖွဲဖွဲနဲ့ ပန်လုံဘက်ကို ဆုတ်လာကြတာကို တွေ့ရတယ်လေ။ ခုတော့ ဘာအရိပ်အယောင်မှတော့ မတွေ့ရသေးဘူး။ ရွာသားတွေ လိုအပ်ချက်က စားသောက်ကုန်ပါပဲ” ဟု သီပေါမြို့နယ်မှ နယ်စည်းမခြား ပရဟိတ လူမှုကူညီရေးအသင်းမှ ကိုမျိုးက ပြောကြားသည်။

ထို့ပြင် နမ္မတူမြို့နယ် မုံးရင်ကျေးရွာ တစ်ဝိုက်နှင့် လုံမိတ်ကျေးရွာတို့တွင် RCSS/SSA တပ်ဖွဲ့၊ တပ်မတော်နှင့် အခြားသော တိုင်းရင်းသားလက်နက်ကိုင် တပ်ဖွဲ့များ စစ်ရေးတင်းမာနေခြင်းကြောင့် ဇူလိုင် ၁၆ ရက်မှ စတင်၍ ဒေသခံများ တိုက်ပွဲဖြစ်ပွားမည်ကို စိုးရိမ်မှု မြင့်တက်နေခြင်းကြောင့် မန်စံကျေးရွာသို့ ထွက်ပြေးတိမ်းရှောင် နေကြခြင်းလည်း ဖြစ်ကြောင်း သိရသည်။

ရှမ်းမြောက် နမ္မတူမြို့နယ် မိုင်းမုကျေးရွာအနီးတွင် RCSS/SSA တပ်ဖွဲ့နှင့် TNLA တအာင်း၊ ပလောင်တပ်ဖွဲ့တို့ ထိတွေ့မှု ဖြစ်ပွားခြင်းကြောင့် ကျေးရွာပေါင်းရှစ်ရွာမှ တိုင်းရင်းသား ပြည်သူလူထုပေါင်း တစ်ထောင်ကျော်သည် မန်စံကျေးရွာတွင် စစ်ဘေးရှောင် ခိုလှုံနေကြရကြောင်း ဒေသခံများထံမှ သိရသည်။

ရှမ်းတောင်ပိုင်း မိုင်းကိုင်မြို့နယ်၊ ဟမ်းငိုင်းတွင် နယ်မြေတည်ငြိမ်သွားသဖြင့် စစ်ဘေးရှောင် တစ်ထောင်ကျော်တို့သည် မိမိတို့ နေရပ်များသို့ ဇူလိုင် ၁၅ ရက်မှ စတင်၍ မိမိတို့ နေအိမ်များကို ပြန်သွားကြပြီ ဖြစ်ကြောင်း စခန်းတာဝန်ခံထံမှ သိရသည်။

စစ်ဘေးရှောင် ခုနစ်နှစ်ပြည့် အခမ်းအနား မြစ်ကြီးနားမြို့ မနောကွင်းတွင် ကျင်းပ

စစ်ဘေးရှောင် ခုနစ်နှစ်ပြည့် အခမ်းအနား မြစ်ကြီးနားမြို့ စီတာပူရပ်ကွက် မနောကွင်းတွင် ဇွန် ၉ ရက်က ကျင်းပစဉ်

စစ်ဘေးရှောင် ခုနစ်နှစ်ပြည့် အခမ်းအနားကို မြစ်ကြီးနားမြို့ စီတာပူရပ်ကွက် မနောကွင်းတွင် ဇွန် ၉ ရက်က ကျင်းပခဲ့ကြောင်း သိရသည်။

အခမ်းအနားသို့ မြစ်ကြီးနားနှင့် ၀ိုင်းမော်မြို့များရှိ စစ်ရှောင်စခန်း ၃၀ ကျော်မှ လူပေါင်းထောင်နှင့်ချီ တက်ရောက်ခဲ့ကြသည်။ အခမ်းအနားတွင် စစ်ရှောင်ပြည်သူများက သဘောထား ကြေညာချက်တစ်စောင် ထုတ်ပြန်ခဲ့ပြီး စစ်ပြေးဒုက္ခသည် လူ့အခွင့်အရေး ကျူးလွန်မှုနှင့် လုံခြုံရေး ကင်းမဲ့နေကြောင်း၊ ၂၀၁၈ ခုနှစ် ဧပြီ ၁၁ ရက်မှစ၍ ဖားကန့်မြို့နယ်၊ တနိုင်းမြို့နယ်နှင့် အင်ဂျန်းယန်မြို့နယ်တို့တွင် ပိတ်မိပြည်သူ ၃၀၀ ခန့်သည် လူသားချင်း စာနာထောက်ထားမှု အကူအညီများ လိုအပ်လျက်ရှိကြောင်း၊ ပိတ်မိနေဆဲ ပြည်သူအချို့လည်း လွတ်မြောက်ရန် လိုအပ်နေကြောင်း၊ လူသားချင်း စာနာထောက်ထားမှု အကူအညီပေးရန် ကန့်သတ်ခြင်း၊ သတင်းအချက်အလက် ပိတ်ပင်ခြင်း မရှိဘဲ လွတ်လပ်စွာ သွားခွင့်ပြုရန် တောင်းဆိုခဲ့ကြောင်း သိရသည်။

ထို့ပြင် စစ်ရှောင်စခန်းများကို ပိတ်သိမ်းခြင်းမပြုဘဲ ထပ်မံရောက်ရှိလာသော စစ်ရှောင်များအတွက် စားဝတ်နေရေး၊ ပညာရေးပစ္စည်းများ ထောက်ပံ့ရန်၊ ပြည်သူများနေထိုင်ရာ ရပ်ရွာအနီးတွင် တပ်စခန်းများ ဆုတ်ပေးရန်၊ ငြိမ်းချမ်းရေးအတွက် လက်နက်ကိုင် အဖွဲ့အစည်းများ၊ အစိုးရ တပ်မတော်နှင့် အစိုးရအဖွဲ့တို့ စားပွဲပေါ်တွင် ဆွေးနွေးအဖြေရှာကြရန်၊ ၂၁ ရာစု ပင်လုံညီလာခံသည် တိုင်းရင်းသား ကိုယ်စားလှယ်များ၊ အမျိုးသား ခေါင်းဆောင်များ၊ အမျိုးသမီး ကိုယ်စားလှယ်များ ပြည့်စုံသည့် ညီလာခံ ဖြစ်ရမည်ဖြစ်ပြီး မူလပင်လုံစာချုပ် ကတိက၀တ်အရ တိုင်းရင်းသားများ၏ ကိုယ်ပိုင်ပြဋ္ဌာန်းပိုင်ခွင့်ရှိရန် တောင်းဆိုခဲ့ကြကြောင်း သိရသည်။

ဆုတောင်းပွဲသို့ တက်ရောက်ခဲ့သည့် မိုင်းနား၊ မခေါယန်စစ်ရှောင် အေဂျီစခန်းတာဝန်ခံ ဒေါ်ငွားမတားက “ကျွန်မတို့ စစ်ရှောင် စခန်းမှာ အိမ်ထောင်စု ၃၀၀ ကျော်၊ လူဦးရေ ၂၀၀၀ ကျော်ပါတယ်။ အစိုးရစာရင်းနှင့် လည်း ကွဲနေတယ်။ အစိုးရစာရင်းမှာက အိမ် ထောင်စု ၅၀ ကျော်၊ လူဦးရေက ၃၀၀ ကျော် ပဲ ရှိပါတယ်။ လူငယ်တွေက ဖားကန့်၊ တနိုင်း မှော်ဘက်သွားကြတယ်။ တရုတ်နိုင်ငံဘက် ကိုသွားပြီး အလုပ်လုပ်တဲ့ သူတွေလည်း ရှိ နေပါတယ်။ ကလေးတွေအတွက် ရေရှည်မှာ စိုးရိမ်စရာကောင်းတယ်။ ပညာရေးမှာက အတန်းကြီးလာတာနဲ့အမျှ ကျောင်းထွက်လာတာတွေ  များလာတယ်။ မူးယစ်ဆေးဝါးလည်း ကြောက်စရာ ကောင်းနေတယ်။ သက်ဆိုင်ရာ တွေကလည်း ပြန်နိုင်ဖို့ လုပ်ဆောင်စေချင်တယ်။ ဟိုရောက်ရင်တော့ ကလေးတွေကို အလုပ်ပေးဖို့ရှိတယ်” ဟု ပြောကြားသည်။

ပြဇာတ်သရုပ်ဖော် တင်ဆက်မှုနှင့် ပတ်သက်၍ ရဲအင်အား ၃၀ ကျော် မနောကွင်း အပြင်ဘက်၌ စုရုံးရောက်ရှိလာစဉ်

စီတာပူရပ်ကွက်မှ အသက် ၆၀ ကျော် အရွယ်ရှိ အမျိုးသားတစ်ဦးက “ကျွန်တော်တို့ မိသားစုမှာက ခုနစ်နှစ် အတွင်းမှာ စစ်ကြောင့် သေတာမရှိဘူး။ ၀မ်းကွဲမိသားစု ထဲမှာတော့ ရှိတယ်။ သေရင်သူ့မိသားစုကို အမျိုးတွေက ၀ိုင်းထောက်ပံ့ရတာပေါ့။ အမျိုးမဝေးသူတွေလည်း စစ်ရှောင်စခန်းမှာ ရှိတယ်။ အိမ်မှာ အများကြီး လာနေတာ မတတ်နိုင်တော့ စစ်ရှောင်ပို့ရတာပေါ့။ ကိုယ်တိုင်တော့ မထိခိုက်ပေမယ့် အမျိုးတွေထိခိုက်တော့ အပူတွေ ကိုယ့်ဆီရောက်တာပေါ့။ ငြိမ်းချမ်းရေး အတွက်တော့ သေသေချာချာ ဆွေးနွေးအဖြေရှာသင့်ပါပြီ” ဟု ပြောကြားသည်။

အခမ်းအနားတွင် ဆုတောင်းပွဲအတွင်း ပြဇာတ်သရုပ်ဖော် တင်ဆက်မှုနှင့် ပတ်သက်၍ သက်ဆိုင်ရာ ရဲတပ်ဖွဲ့က တားမြစ်ခဲ့ကြောင်းနှင့် ယင်းသရုပ်ဖော် တင်ဆက်မှုကြောင့် ရဲအင်အား ၃၀ ကျော် မနောကွင်း အပြင်ဘက်သို့ ရောက်ရှိခဲ့ပြီး လက်နက်ပစ္စည်း အပြည့်အစုံဖြင့် စောင့်ကြည့်ခဲ့ကြောင်း သိရသည်။

ကချင်ပြည်နယ်အတွင်း ၂၀၁၁ ခုနှစ် ဇွန် ၉ ရက်မှ ၂၀၁၈ ခုနှစ် ဧပြီ ၃၀ ရက်အထိ တိုက်ပွဲပေါင်း ၃၈၀၀ ကျော်ဖြစ်ပွားခဲ့ရာ ပျမ်းမျှ တစ်လလျှင် ၄၆ ပွဲနှုန်း ဖြစ်ပွားခဲ့ကြောင်း၊ လူပေါင်း ၁၂၀၀၀၀ ကျော်သည် စစ်ရှောင်စခန်းများတွင် ခိုလှုံနေရကြောင်း သိရသည်။

၂၀၁၇ ခုနှစ် စာရင်းများအရ အစိုးရထိန်းချုပ်နယ်မြေတွင် စခန်းပေါင်း ၉၄ ခု၊ လူဦးရေ ၄၀၀၀၀ နီးပါး ခိုလှုံနေပြီး ကေအိုင်အို ထိန်းချုပ်နယ်မြေအတွင်း ဒုက္ခသည်စခန်းပေါင်း ၂၅ ခုရှိကာ လူဦးရေ ၄၆၀၀၀ ကျော် ခိုလှုံကြောင်း ကေအိုင်အို ဒုက္ခသည်များဆိုင်ရာ ကော်မတီ၏ စာရင်းအရ သိရသည်။

ကချင်ပြည်နယ်အတွင်း စစ်ရှောင်များ၏ အသုံးစရိတ် ငါးနှစ်အတွင်း ကုဋေပေါင်း ၁၉၀၀ ကျော် (၁၉၈၁၉၉၆၈၄၆၉ ကျပ်) သုံးခဲ့ကြောင်း ကချင်ပြည်နယ် အစိုးရအဖွဲ့ စာရင်းများအရ သိရသည်။

နိုင်ငံတော်သမ္မတ အပါအ၀င် လွှတ်တော်၊ ပါတီ၊ လူမှုအဖွဲ့အစည်း၊ NGOs၊ INGOs များ၏ အစိုးရထံ ရောက်သော စာရင်းသာဖြစ်ပြီး အမည်ပေါက် မရောက်သည့် စာရင်းများလည်း အများအပြား ကျန်နေကြောင်း သိရသည်။

ကချင်တိုင်းရင်းသား လက်နက်ကိုင်အဖွဲ့ KIO/KIA အဖွဲ့သည် ၁၉၆၂ ခုနှစ်တွင် စတင်တည်ထောင်ခဲ့ပြီး ၁၉၉၄ ခုနှစ်တွင် အပစ်အခတ် ရပ်စဲရေး ပြုလုပ်နိုင်ခဲ့သည်။ ယင်းနောက် ၁၇ နှစ်အကြာ ၂၀၁၁ ခုနှစ် ဇွန် ၉ ရက်တွင် ကချင်ပြည်နယ် မိုးမောက်မြို့နယ်တွင် တိုက်ပွဲများ ပြန်လည်ဖြစ်ပွားခဲ့ရာ ယခုနှစ် ဇွန် ၉ ရက်တွင် ခုနစ်နှစ် ပြည့်ပြီဖြစ်သည်။

၂၀၁၁ ခုနှစ်တွင် ဖြစ်ပွားခဲ့သော တပ်မတော်နှင့် ကေအိုင်အေတို့ ပစ်ခတ်တိုက်ခိုက်မှုများ ပျံ့နှံ့လာပြီး ရှမ်းပြည်နယ်မြောက်ပိုင်း၊ လိုင်ဇာ၊ မိုင်ဂျာယန်၊ ၀ိုင်းမော်၊ ကာမိုင်း၊ ဖားကန့်၊ မိုးညှင်း၊ မိုးကောင်း၊ တနိုင်း၊ ဆွမ်ပရာဘွမ် စသည့်ဒေသများတွင်ပါ ဖြစ်ပွားခဲ့ပြီး စစ်ရှောင်သူ တစ်သိန်းကျော်မှာ နီးစပ်ရာ ဘုရားကျောင်း၊ ဘုန်းကြီးကျောင်းများတွင် ခိုလှုံနေသည်မှာ ခုနစ်နှစ် ကြာမြင့်ပြီ ဖြစ်သည်။

 

ချင်းပြည်နယ် ပလက်ဝမြို့နယ်အတွင်း တိုက်ပွဲများကြောင့် စစ်ဘေးရှောင်များ အကူအညီ လိုအပ်နေ

ချင်းပြည်နယ် ပလက်ဝမြို့နယ်အတွင်းရှိ ကျေးရွာအချို့မှ စစ်ဘေးရှောင်များအား လာရောက် လှူဒါန်းသူများနှင့်အတူ တွေ့ရစဉ်

ချင်းပြည်နယ်  ပလက်ဝမြို့နယ် အတွင်းရှိ ကျေးရွာအချို့မှ ဒေသခံများသည် တိုက်ပွဲများကြောင့် ထွက်ပြေးခဲ့ကြပြီး အကူအညီများ လိုအပ်နေဆဲဟု သိရသည်။ မေ ၁၈၊ ၁၉ ရက်က ကူချောင်းဖျား ကျေးရွာမှ ဒေသခံများသည်  ဇဉ်ဘောင်းပြင် ကျေးရွာသို့ ခြေကျင်ထွက်ပြေး လာခဲ့ကြသည်ဟု သိရသည်။

“ကျွန်တော်တို့ အခုတိုက်ပွဲတွေ ဖြစ်လို့ လူထုတွေက ထွက်ပြေးတယ်။ ထွက်ပြေးတိမ်းရှောင်တဲ့ ရွာတွေမှာပဲ ကျွန်တော်တို့ သွားပြီးတော့ သူတို့ရဲ့ အဓိက အရေးပေါ် လိုအပ်နေတဲ့ စားဝတ်နေရေးနဲ့ အ၀တ်အထည် လေးတွေကို ကျွန်တော်တို့ တတ်နိုင်သလောက် ပလက်ဝမြို့နယ် လူမှုကူညီရေး ပရဟိတ အဖွဲ့ကနေပြီးတော့ မြို့နယ်အုပ်ချုပ်ရေးမှူးတို့နဲ့ ပူးပေါင်းပြီး လုပ်ပေးတာမျိုးတော့ ရှိပါတယ်။  အခုဒီရက်ပိုင်းမှာ ပြောင်းတာက ကူချောင်းဖျားဆိုတဲ့ ကျေးရွာရှိပါတယ်။ တစ်ရွာပဲ အခုလောလော    ဆယ်ပြေးလာတဲ့ ရွာပေါ့။ သူတို့က ကူချောင်းဖျား ကျေးရွာကနေ ဇဉ်ဘောင်းပြင်ရွာကနေ ပြေးလာတာ  သူတို့ပြေးလာတာ အိမ်ခြေ ၁၂ အိမ်ထောင်စု၊ လူဦးရေ ၅၉ ဦး ပြောင်းလာတယ်။ ကူချောင်းဖျားမှာတော့ လေးအိမ်ထောင်စု၊ လူဦးရေ ၁၆၊ ၁၇  ဦးလောက် ကျန်သေးတယ်ပြောတယ်။ သူတို့ကလည်း အဲဒီနေရာက ဖုန်းလိုင်းလည်း မမိဘူး။ အဆက်အသွယ်ကလည်း မရ၊ သွားလည်း မသွားရဲဘူး အဲဒီလိုမျိုးပြောတယ်။ ကူချောင်းဖျားနဲ့ ဇဉ်ပြောင်းပြင် ကျေးရွာက ခြေကျင်ပဲ သွားရတယ်။ သူတို့ နံနက် ၈ နာရီလောက်ကတည်းက ရွာကနေ လမ်းလျှောက်လာရင် ညနေ ၃ နာရီလောက်ဆိုရင် ဇဉ်ဘောင်းပြင်ရွာကို ရောက်တယ် ပြောတယ်။ အဲဒီနေရာက ရေကြောင်းလမ်းလည်း မရှိဘူး။ ယာဉ်တွေလည်း သွားမရဘူး” ဟု ပလက်ဝမြို့ဒေသခံကို ကျော်အောင်က ပြော ကားသည်။

လွန်ခဲ့သည့် ငါးလကျော် ခြောက်လက တိုက်ပွဲများကြောင့် ကုန်ပြေကျေးရွာမှ ထွက်ပြေးလာသော ဒေသခံများ အနေဖြင့်လည်း ယနေ့အချိန်အထိ ရှင်းလက်ဝကျေးရွာတွင် ဆက်လက် နေထိုင်ကြဆဲ ဖြစ်သည်ဟု သိရသည်။

“အရင် ထွက်ပြေးလာတဲ့ ဒုက္ခသည် စခန်းတွေက ရှိသေးတယ်။ အခု ကုန်ပြေကျေးရွာက အိမ် ၆၇ အိမ်လူဦးရေ ၃၃၄ ယောက်ကတော့ ရှင်းလက်ဝ ကျေးရွာမှာ နေကြတယ်။ သူတို့ ထွက်ပြေးလာတာက ငါးလ၊ ခြောက်လလောက် ရှိရော့မယ် ။ အခုထိ မပြန်နိုင်သေးဘူး” ဟုကို ကျော်အောင်က ဆက်လက် ပြောကြားသည်။

 

ကချင်ပြည်နယ် ကဆုန့်ဒေသ တိုက်ပွဲများကြောင့် စစ်ဘေးရှောင် ၈၀၀ နီးပါး နမ္မတီးမြို့နှင့် မြစ်ကြီးနားမြို့သို့ တိမ်းရှောင်လာကြ

ကဆုန့်ဒေသ တိုက်ပွဲများကြောင့် စစ်ဘေးရှောင်များအား လူမှုရေးအဖွဲ့များက ကူညီနေစဉ် (ဓာတ်ပုံ-မုန်ဆန်အောင်)

ကချင်ပြည်နယ် ကဆုန့်ဒေသ တိုက်ပွဲများကြောင့် ဧပြီ ၂၂ ရက်တွင် စစ်ဘေးရှောင် ၈၀၀ နီးပါး နမ္မတီးမြို့နှင့် မြစ်ကြီးနားမြို့သို့ တိမ်းရှောင်လာကြကြောင်း သတင်းရရှိသည်။

ဧပြီ ၂၀ ရက် ညနေပိုင်းတွင် ကဆုန့်ဒေသရှိ ကေအိုင်အေ တပ်မဟာ (၂) လက်အောက်ခံတပ်ရင်း (၁၁) ၀န်းကျင်တွင် တပ်မတော်နှင့် ကေအိုင်အေတို့ ပစ်ခတ်မှုဖြစ်ပွားပြီးနောက် ကဆုန့်ကျေးရွာ၊ ဇွတ်မိုင်ယန်ကျေးရွာမှ ရွာသူရွာသားများ နမ္မတီးမြို့နှင့် မြစ်ကြီးနားမြို့သို့ ထွက်ပြေးတိမ်းရှောင်လာခဲ့ကြခြင်း ဖြစ်သည်။

အဆိုပါစစ်ရှောင်များကို ဘာသာရေးအဖွဲ့အစည်းများနှင့် ငြိမ်းချမ်းရေးအကျိုးဆောင်အဖွဲ့ဝင်များက ကူညီမှုများလုပ်ဆောင်နေပြီး အစိုးရအဖွဲ့အစည်းများကလည်း မှတ်တမ်းကောက်ယူခြင်း၊ အိမ်ထောင်စုများ ကောက်ယူခြင်းများ ပြုလုပ်နေကြောင်း သိရသည်။ လက်ရှိတွင် နမ္မတီးမြို့ လမ်းခွကျေးရွာရှိ KBC ကချင်နှစ်ခြင်း ဘုရားကျောင်းတွင် ၃၁၁ ဦး၊ မြို့ဦး ကက်သလစ်ကျောင်းတွင် ၁၈၂ ဦး၊ လမ်းခွကျေးရွာ ကစ်သလစ်ဘုရားကျောင်းတွင် ၁၀၄ ဦး၊ အပြင်ဆွေမျိုးများထံတွင် မှီခိုသူ ၁၈၉ ဦး၊ စုစုပေါင်း ၇၈၆ ဦးရှိနေကြောင်း သိရသည်။

နမ္မတီးမြို့ လူမှုကူညီရေးအသင်းမှ ဦးဝင်းဗိုလ်က “NLD လူငယ်တွေသံချပ်ဆုရတဲ့ ဆန်ငါးအိတ် လာလှူတယ်။ တိုက်ပွဲကြောင့် ကျေးရွာတွေမှာ သေဆုံးခဲ့ကြတာတော့မရှိဘူး။ တပ်မတော်ကလည်းရင်း (၁၁) နေရာကို ၀င်ယူလိုက်ပြီလို့ သိရတယ်။ စစ်ပြေးရယ်လို့တော့ မဟုတ်ဘူး။ ရှောင်လာကြတာပေါ့။ လောလောဆယ်တော့ ဘုရားကျောင်းတွေမှာပဲ။ ဆွေမျိုးအိမ်သွားတဲ့လူတွေလည်း ရှိနေသေးတယ်။ နောက်ထပ်လိုတာကို တတ်နိုင်သလောက် ဖြည့်ဖို့စာရင်း လာကြည့်နေတယ်။ ဟိုကဒီက လာလှူကြတာတွေလည်း ရှိပါတယ်” ဟုပြောကြားသည်။

ကချင်ပြည်နယ်အစိုးရအဖွဲ့ လူမှုရေးဝန်ကြီးက ကဆုန့်တိုက်ပွဲရှောင်များနှင့် ပတ်သက်၍ အောက်ခြေတွင် စာရင်းကောက်ယူနေကြောင်း၊ ကြက်ခြေနီအဖွဲ့ဝင်များ တနိုင်းဒေသ အောင်လောဒ်ကျေးရွာတွင် ရောက်ရှိနေပြီး နောက်ထပ်တက်လာသည့် သတင်းများ မကြားသိရသေးကြောင်း ပြောကြားသည်။

ကေအိုင်အိုဗဟိုမှ အရာရှိတစ်ဦးက ကဆုန့်ဒေသတွင် ဧပြီ ၂၀ ရက်ညနေပိုင်းတွင် လက်နက်ကြီးများဖြင့် ပစ်ခတ်မှုများ၊ မြေပြင်တွင် ပစ်ခတ်မှုများ ည ၈ နာရီကျော်အထိ ဖြစ်ပွားခဲ့ကြောင်း၊ ရင်း (၁၁) နေရာကို တပ်မတော်က နေရာယူခဲ့ပြီး ရင်း (၁၁) မှာ မသိမ်းပိုက်ခင်ကတည်းက Mobile အဖြစ် ပြုလုပ်ခဲ့ကြောင်း ပြောကြားသည်။

ကဆုန်းကျေးရွာနှင့် ဇွတ်မိုင်ယန်ကျေးရွာသား ၁၀၄၇ ဦးသည် ၂၀၁၇ ခုနှစ် သြဂုတ် ၁၁ ရက်တွင် တပ်မတော်စစ်ကြောင်းက ကဆုန်းရွာသို့ ၀င်ရောက်လာပြီးနောက် နမ္မတီးမြို့ လမ်းခွကျေးရွာတွင် သြဂုတ် ၂၂ ရက်အထိ ခေတ္တတိမ်းရှောင်ခဲ့ကြသည်။ ကဆုန်းဒေသမှ စစ်ရှောင်သူများသည် ပြည်နယ်အစိုးရလမ်း ညွှန်ချက်၊ ငြိမ်းချမ်းရေးအကျိုးဆောင်အဖွဲ့၏ ဆောင်ရွက်ချက်များဖြင့် တပ်မတော်နှင့် ကေအိုင်အေတို့နှင့် ညှိနှိုင်းပြီး ကချင်ပြည်နယ်အတွင်း ပထမဆုံး နေရပ်ပြန်နိုင်ခဲ့ခြင်းဖြစ်သည်။

ကျောက်မဲမြို့နယ်အနီး တိုက်ပွဲများအတွင်း ပိတ်မိနေသော စစ်ဘေးရှောင် ၂၂၀ ကျော်ကို ကယ်ထုတ်နိုင်သော်လည်း ရွာအချို့ ပိတ်မိနေဆဲဖြစ်

ကျောက်မဲမြို့နယ်အောင်မြေသာယာ ဘုန်းတော်ကြီးကျောင်းရှိ စစ်ဘေးရှောင်များအား မတ် ၁၆ ရက်က တွေ့ရစဉ်(ဓာတ်ပုံ-သားဇော်)

တိုက်ပွဲအတွင်း ပိတ်မိနေသောပြည်သူများကို ကယ်ထုတ်နိုင်ရန်အတွက် လူမှုကူညီရေး အသင်းများနှင့်အရပ်ဘက်အဖွဲ့အစည်း စုစုပေါင်းငါးဖွဲ့ ပူးပေါင်းပြီး မတ် ၁၅ ရက်က သွားရောက်ကယ်တင်ရာ တိုက်ပွဲများပြင်းထန်နေသဖြင့် ကယ်တင်မရဘဲ ပြန်လာခဲ့ရပြီး မတ် ၁၆ ရက် ညနေပိုင်းမှသာ မိုင်းငေါ့မြို့ နယ်ခွဲဘုန်းတော်ကြီးကျောင်းမှ လူ ၂၂၀ ကျော်ကို ကယ်ထုတ်လာနိုင်ကြောင်း၊ ကျောက်မဲမြို့နယ် အောင်မြေသာယာဘုန်းတော်ကြီးကျောင်းသို့ စစ်ဘေးရှောင်များကို ခိုလှုံထားရှိကြောင်း သိရသည်။

ထိုသို့ ကယ်တင်နိုင်ရန်အတွက် ကျောက်မဲ ဇီဝိတလူမှုကူညီရေးအသင်း၊ ကမ်းလင့်လက်များ လူမှုကူညီရေးအသင်း (နောင်ပိန်)၊ နယ်စည်းမခြားပရဟိတ (သီပေါ) ၊ One More (သီပေါ) နှင့် မွတ်စလင်အသင်းတို့ ပူးပေါင်းပြီး ပရဟိတအသင်းများမှ ယာဉ်ကိုးစီး၊ အရပ်ဘက်လူ့အဖွဲ့အစည်းများမှ နှစ်စီး၊ ဦးဆောင်ဦးရွက်ပြုသောအဖွဲ့နှစ်စီး အပါအ၀င် ယာဉ်တန်းဖြင့် နှစ်ရက်တာ သွားရောက်ကယ်တင်ရခြင်းဖြစ်ကြောင်း သိရသည်။

“တိုက်ပွဲတွေဖြစ်နေသေးတယ်။ ပိတ်မိ နေတာ ခြောက်ရက်လောက်ရှိပြီလို့ ပြောတယ်။ သူတို့ စွတ်ထွက်လာလို့ကယ်နိုင်တာ ၂၂၀ ကျော်တော့ ရောက်နေပြီ။ ရွာတွေမှာ တိုက်ပွဲတွေလှည့်ပတ်ဖြစ်နေတာ။ မလာနိုင်တဲ့ ရွာတွေအများကြီး ကျန်သေးတယ်။ စား သောက်စရာတွေ ကျန်းမာရေးတွေလိုအပ်မယ်ထင်တယ်။ မနေ့က တစ်ခါသွားကြိုတာ တိုက်ပွဲတွေ ပြင်းထန်တော့လှည့်ပြန်လာတာ” ဟု ကမ်းလင့်လက်များ လူမှုကူညီရေးအသင်း (နောင်ပိန်)မှ တာဝန်ခံစိုင်းနေအောင်က ဆိုသည်။ တိုက်ပွဲကြားရှိ ကျေးရွာသုံးခုမှ ဒေသခံ လေးရာနီးပါး ပိတ်မိနေပြီး စားဝတ်နေရေးနှင့် လုံခြုံရေးအခြေအနေ စိုးရိမ်ရသည့်အတွက် ဒေသခံပရဟိတအဖွဲ့များက ယခုလိုကူညီဆောင်ရွက်ပေးခြင်း ဖြစ်ကြောင်း သိရသည်။

ထို့ပြင် တော့ဖယ်ကျေးရွာတွင် တိုက်ပွဲများ ပြင်းထန်ပြီး နေအိမ် ၁၂ လုံး မီးလောင် ခံထားရကြောင်း ထိခိုက်ဒဏ်ရာရသည့် ဒေသခံများလည်း ရှိနေကြောင်း သိရသည်။

“တိုက်ပွဲဖြစ်ပွားတဲ့ရွာတွေက ဒေသခံတွေက အားကိုးတကြီးနဲ့ လာကယ်ထုတ်ဖို့ ဆက်သွယ်လာပေမယ့် ကျွန်တော်တို့ သူတို့ ရွာအထိ မရောက်နိုင်ခဲ့ဘူး။ အောင်ချမ်းသာရွာကနေ ရှေ့ဆက်တိုးဖို့ အခက်အခဲရှိနေတာနဲ့ ရွာသားတွေကို ထွက်လာနိုင်အောင် ကြိုးစားပေမယ့်လည်း အသက်အန္တရာယ်တွေ ရှိနေတာကြောင့် လက်လျှော့ခဲ့ရပါတယ်။ စားနပ်ရိက္ခာ သောက်သုံးရေ ကျန်းမာရေး အခက်အခဲများစွာ ရင်ဆိုင်နေရတဲ့ ဒေသခံတွေအတွက် မေတ္တာရှေ့ထားပြီး တောင်းဆိုပါရစေ။ သူတို့တတွေ သူတို့ရွာကနေ ဘေး အန္တရာယ်ကင်းကင်းနဲ့ ထွက်လာနိုင်ဖို့ ခဏတာ လမ်းဖွင့်ကူညီပေးပြီး ဒေသတွင်းငြိမ်းချမ်းရေးကို ဦးတည်စေချင်ပါတယ်လို့ ကျွန်တော်တို့အနေနဲ့ တောင်းဆိုချင်ပါတယ်ဟု တိုက်ပွဲဖြစ်ပွားသည့်ဒေသများရှိ ဒေသခံများအား ကယ်ထုတ်ရန် သွားရောက်ခဲ့သည့် ကျောက်မဲမြို့ မှ ကိုသားဇော်က မတ် ၁၅ ရက် က ပြောကြားသည်။

ဆက်လက်၍ ကိုသားဇော်က “လတ်တလောမိုင်းငေ့ါမြို့အနီးက မန်ခေါက်ရွာကို ရောက်လာတဲ့ စစ်ဘေးရှောင်တွေကို ကျောက်မဲမြို့မှာ လာနေဖို့ သွားကြိုဖို့လုပ်ဖို့ ဆက်သွယ်ပေမယ့်လည်း သူတို့က မန်ခေါက်ရွာကနေ ထွက်မလာချင်ကြသေးဘူး။ သူတို့ရဲ့ ရွာသားတွေတောထဲမှာ ကျန်ခဲ့တာတွေလည်း ရှိတယ်။ နောက်တစ်ချက်က အဲဒီနားက ရွာက လူတွေထွက်လာရတော့မယ်။ တချို့တွေဆို စားသောက်ရေး အခက်အခဲဖြစ်နေတယ်။ ရွာတွေမှာ တချို့ရေတွေတောင်ပြတ်နေကြတယ်” ဟု ပြောကြားသည်။

လားရှိုး၊ နမ္မတူလမ်းပေါ်ရှိ နားဆိုင်းကျေးရွာ၊ ၁၈ မိုင်ရွာတို့တွင်လည်း တိုက်ပွဲများဖြစ်ပွားမှုကြောင့် နမ္မတူမြို့နယ်နှင့် မန်စံကျေးရွာတို့တွင် စစ်ဘေးရှောင်များ ခိုလှုံနေရကြောင်း သိရသည်။