မြိုင်ကြီးငူ စစ်ဘေးရှောင်စခန်း၌ ခိုလှုံနေသူ ဒုက္ခသည် ၅၀၀၀ ကျော်အတွက် ရိက္ခာ အရေးတကြီး လိုအပ်နေ

မြိုင်ကြီးငူ စစ်ဘေးရှောင်စခန်း၌ ခိုလှုံနေသည့် စစ်ဘေးဒုက္ခသည်များအား တွေ့ရစဉ် (ဓာတ်ပုံ-ကိုစောဝင်းစိုး)

မြိုင်ကြီးငူ စစ်ဘေးရှောင်စခန်း၌ ခိုလှုံနေသူ ဒုက္ခသည် ၅၀၀၀ ကျော်အတွက် စားသောက်ရေး အဓိက ရိက္ခာဆန် အရေးတကြီး လိုအပ်နေကြောင်း ရိက္ခာတာဝန်ခံ ဂေါပကအဖွဲ့ထံမှ သိရသည်။

ကရင်ပြည်နယ် ဖာပွန်ခရိုင် လှိုင်းဘွဲမြို့နယ်တွင် လွန်ခဲ့သောနှစ်က တပ်မတော်၊ BGF နှင့် ခွဲထွက် DKBA တို့ ဖြစ်ပွားခဲ့သည့် ရက်ရှည်တိုက်ပွဲများကြောင့် မဲသဝေါဒေသမှ ကျေးရွာ ၃၀ ကျော်တွင် နေထိုင်သည့်  ပြည်သူ ၅၀၀၀ ကျော် မြိုင်ကြီးငူဒေသသို့ ခိုလှုံခဲ့ရသည်။

စစ်ဘေးရှောင်ပြည်သူများ၏ နေထိုင်ရေးထက် စားသောက်ရေး အခက်အခဲအပြင် ကျန်မာရေး၊ ကလေးငယ်များ ပညာသင်ကြားရေးတို့အတွက် ခက်ခက်ခဲခဲ ဆောင်ရွက်နေရ ပြီး ယခုအခါ ရိက္ခာဆန် ပြတ်လပ်မှု ဖြစ်နေကြောင်း သိရသည်။

မကြာသေးမီက တစ်ကျော့ပြန် ဖြစ်ပွားခဲ့သော ထိတွေ့မှု၊ ချုံခိုတိုက်ခိုက်မှုနှင့် မိုင်းဆွဲခြင်းများကြောင့် မြိုင်ကြီးငူ-မဲသဝေါသွား ကားလမ်းကို လုံခြုံရေးအရ ပိတ်ထားခဲ့ရသည့်အတွက် စစ်ဘေးရှောင်ပြည်သူများ စားသောက်ရေး ပိုမိုခက်ခဲလာသည်။

ယခုအခါ မြေမြှုပ်မိုင်းအန္တရာယ်ကြောင့် နေရပ်ဒေသသို့ ပြန်နေရန် ခက်ခဲနေဆဲဖြစ်ပြီး အချိန်ကြာလာသည်နှင့်အမျှ အလှူရှင် နည်းပါးကာ အဓိကရိက္ခာဆန် ပြတ်လပ်လာသည် ဟုဆိုသည်။

“မနေ့က မြိုင်ကြီးငူ စစ်ဘေးရှောင်စခန်းမှ ရိက္ခာတာဝန်ခံ ဂေါပကဥက္ကဋ္ဌကိုယ်တိုင် ကျွန်တော့်ထံ ဖုန်းဆက်ပြီး အကြောင်းကြား လာပါတယ်။ ဆန်နဲ့ စားနပ်ရိက္ခာပြတ်လပ်ပြီး အရေးပေါ် လိုအပ်နေလို့ အကူအညီတောင်းဖို့ ပြောပါတယ်။ အရေးပေါ်ရိက္ခာ လိုအပ်နေပါတယ်။ စစ်ဘေးရှောင်ပြည်သူများ ထမင်းငတ်ဖို့ ရှိနေပါတယ်။ တာဝန်ရှိသူများရဲ့ အရေးစိုက်မှုကို မခံရတော့ပါဘူး။ စေတနာရှင်ကိုသာ အားကိုးမျှော်လင့် နေရပါတယ်” ဟု စစ်ဘေးရှောင် ပြည်သူများအား တစ်ဖက်တစ်လမ်းမှ ကူညီမှုပေးနေသူ ကိုစောဝင်းစိုးက ပြောကြားသည်။

ထို့ပြင် ကိုစောဝင်းစိုးက “ပြည်နယ်က ကူညီပေးဖို့ အစီအစဉ်လည်း မကြားမိဘူး။ သူတို့က စစ်ဘေးဒုက္ခသည်တွေကို ပြန်ပို့သင့်ပြီလို့ ယူဆကြတယ်။ ဒီအတိုင်းကျွေးထားရင် ပြည်သူတွေ အပျင်းထူလာလိမ့်မယ်လို့ ပြောကြတယ်။ လောလောဆယ်မှာ မိုင်းတွေက ဗလပွ ထောင်ထားတော့ လမ်းနံဘေးတောင် မဆင်းရဲတဲ့ အခြေအနေ ရောက်သွားပြီ။ ကျုံထော် ရေတံခွန်မှာလည်း မိုင်းတွေနဲ့ ပြည့်နေပြီလို့ ဆိုကြတယ်။ ဒီအခြေအနေနဲ့ဆို စစ်ဘေးဒုက္ခသည်တွေ ဘယ်လိုမှ အိမ်ပြန်ဖို့ မဖြစ်နိုင်ဘူး” ဟု သုံးသပ်ပြောကြားသည်။

 

ချင်းပြည်နယ် ပလက်ဝမြို့နယ်အတွင်းရှိ စစ်ဘေးရှောင်ဒုက္ခသည်များ နေရပ်သို့မပြန်နိုင်သေးဘဲ ဆောင်းရာသီကာလအတွင်း အနွေးထည်နှင့်စောင်များ အဓိကလိုအပ်နေ

ပလက်ဝမြို့နယ်အတွင်းရှိ စစ်ဘေးရှောင်ဒုက္ခသည်များအား တွေ့ရစဉ်

ချင်းပြည်နယ် ပလက်ဝမြို့နယ် ရှင်းလက်ဝကျေးရွာတွင် နေထိုင်နေကြသော အတွင်းရှိ စစ်ဘေးရှောင်ဒုက္ခသည်များသည် နေရပ်သို့ မပြန်နိုင်သေးဘဲ ဆောင်းရာသီကာလအတွင်း အနွေးထည်နှင့် စောင်များ၊ အိုးခွက်ပန်းကန်များလိုအပ်လျက်ရှိသည်ဟု သိရသည် ။

“အဲဒီမှာ ကျွန်တော်တို့ရောက်တော့ လက်ရှိအခြေအနေက ဆန်တွေဘာတွေ အလှူရှင်တွေက လှူဒါန်းတာတွေရှိတယ်။ စားဖို့ရှိတယ်ပေါ့။ ငွေကြေးထောက်ပံ့မှုတော့ နည်းသေးတယ်။ ငွေမရှိတော့သူတို့အတွက် ကျန်းမာရေးအတွက် ဆေးကုသဖို့ ငွေမရှိတော့ ဆေးမကုနိုင်ဘူးဆိုတဲ့ အနေအထားမှာ ရှိတယ်။ သူတို့လိုအပ်နေတာက ကျန်းမာရေး စောင့်ရှောက်ဖို့လိုအပ်နေတယ်။ ဆောင်းတွင်းကလည်း ၀င်နေပြီ။ သူတို့ရဲ့ အ၀တ်အစားတွေ၊ စောင်တွေရယ်၊ လှူထားတာရှိပေမဲ့ စောင်တွေကမလောက်ဘူး။ မိသားစုများတဲ့ မိသားစုဆိုရင် မလောက်ဘူး။ အိမ်မှာအ၀တ်အစားကလည်း နည်းတော့ အနွေးထည် အ၀တ်အစားတွေ လိုအပ်နေပါတယ်။  အိမ်အတွက်ကတော့ ငွေကြေးထောက်ပံ့ထားတာတွေရှိတော့ လက်ရှိအိမ်အလုံးတွေ ဆောက်နေပါတယ်။ တစ်အိမ်ကိုငါးသောင်းပေါ့။ သူတို့ လုပ်အားနဲ့ ပူးပေါင်းဆောက်လုပ်ရမှာပေါ့။ အိမ်အလုံး ၂၀ လောက်ပေါ့။ အခုလိုကမ်းစပ်မှာ မဟုတ်ပဲနဲ့ပေါ့။ ရေရှည်မှာဆိုရင် မြေပြင်မှာအိပ်ရတာကလည်း သိပ်အဆင်ပြေမယ် မထင်ဘူး။ အိမ်ကတော့ ပလက်ဝကော် မတီကတစ်ဆင့် လှူဒါန်းပြီးတော့ ကျွန်တော်တို့က စီမံပေးတာပေါ့။ အိမ်တွေကအပြည့်အ၀တော့ မလုံလောက်သေးဘူး။ အခုပြောနေတာက ရှင်းလက်ဝကျေးရွာက စစ်ဘေးရှောင်တွေ အကြောင်းပါ။ ရှင်းလက်ဝမှာက ၅၉ အိမ်ထောင်စုရှိပါတယ်။ လူဦးရေ ၃၀၀ ကျော် ရှိပါတယ်” ဟု ပလက်ဝမြို့မှ လူမှုရေးလုပ်ငန်းများ လုပ်ကိုင်သူ ကိုအိုက်ခင်က ဆိုသည်။

“ချင်းပြည်နယ်၊ ပလက်ဝမြို့နယ်၊ ငရှားကျေးရွာအုပ်စု၊ ငရှား (အထက်) ကျေးရွာနေ မောင်ဖြူ (ခ) ကျော်သာအောင် (၂၅ နှစ်) (ဘ) ဦးထွန်းသန်း (ချင်းလူမျိုး) သည် ရွာအနောက်ဘက် သုံးမိုင်ခန့်အကွာ ကားတောင် (Tanglang Mawi) ခြေရင်းရှိတောင်ယာခင်းသို့ သွားနေစဉ် နိုဝင်ဘာ ၂၈ ရက်တွင် မိုင်းထိမှန်ပြီး ညာဘက်ပေါင်ရင်းမှ ပြတ်ထွက်သွားကာ ရရှိဒဏ်ရာဖြင့် ကွယ်လွန်သွားကြောင်း သတင်းထုတ်ပြန်အပ်ပါသည်” ဟု ချင်းပြည်နယ်အစိုးရက သတင်းထုတ်ပြန်ထားသည်။

“သူတို့ရဲ့ အခြေအနေကလုံးဝကို ကြောက်နေတာပေါ့။ သူတို့မူရင်းနေရပ်ကို မပြန်ချင်သေးဘူး။ အဲဒီမှာလုံခြုံရေးတွေလည်း မရှိသေးဘူး။ အဲဒီမှာဆိုရင် မိုင်းတွေဘာတွေလည်း ကြောက်တယ်။ ပြန်ရင်လည်း တောင်ယာကိုသွားဖို့ အဆင်မပြေသေးဘူး။ လုံးဝမပြန်ချင်ဘူး။ အခုရှင်းလက်ဝမှာပဲ အဆင်ပြေအောင်နေမယ်။ လောလောဆယ် တာဝန်ရှိတဲ့ လူကြီးတွေကလည်း အဆင်ပြေအောင် လုပ်ပေးပါတယ်” ဟု ပလက်ဝဒေသခံ လူမှုရေးအသင်းတစ်ခုမှ တာဝန်ရှိသူက ပြောကြားသည် ။

“ချင်းပြည်နယ် ပလက်ဝမြို့နယ်အတွင်း AA သောင်းကျန်းသူများ ၀င်ရောက်လှုပ်ရှားသဖြင့် တပ်မတော်မှ နယ်မြေလုံခြုံရေးအတွက် ရှင်းလင်းဆောင်ရွက်စဉ် တိုက်ပွဲဖြစ်ပွားမှုကြောင့် ထွက်ပြေးတိမ်းရှောင်ခဲ့ရသည့် ရွှေလိုင်ပွီအုပ်စု၊ အမက ဖွီလိုက်ဝ (၁) မှ မူပြ ဆရာမဒေါ် ဆွီငွန်ဆန်း (ဖလမ်းမြို့နယ်ဇာတိ)၊ မူပြဆရာမဒေါ်ညိုမာလွင် (ဂန့်ဂေါမြို့နယ်ဇာတိ)၊ အမက ပကာဝမှ မူပြဆရာမ ဒေါ်ခင်ထွေးရီ (ဂန့်ဂေါမြို့နယ်ဇာတိ)၊ အမက မွေလိုက်ဝမှ မူပြဆရာမဒေါ်သီတာနှင်း (ဂန့်ဂေါမြို့နယ်ဇာတိ)၊ မူပြဆရာမဒေါ်သူ သူလင်း (ဂန့်ဂေါမြို့နယ်ဇာတိ) နှင့် မူပြဆရာ ဦးလျန်ဇထန်း (မတူပီမြို့ဇာတိ) တို့သည် နိုဝင်ဘာ ၂၇ ရက်တွင် ၎င်းတို့၏ နေရပ်အသီးသီးသို့ ဘေးကင်းလုံခြုံစွာ ပြန်လည်ရောက်ရှိပြီးဖြစ်ကြောင်း သတင်းထုတ်ပြန်အပ်ပါသည်” ဟု ချင်းပြည်နယ် ပလက်ဝမြို့နယ်အတွင်း တာဝန်ထမ်းဆောင်လျက်ရှိသော ပညာရေးဝန်ထမ်းများနှင့် ပတ်သက်ပြီး ချင်းပြည်နယ်အစိုးရမှ နိုဝင်ဘာ ၂၉ ရက်တွင် သတင်းထုတ် ပြန်ထားသည်။

“စစ်ဘေးရှောင်ဒုက္ခသည်မှာ ကျောင်းသားတွေ အနေနဲ့ပါလာတာ ၆၇ ယောက် ရှိပါတယ်။ မူလတန်းတွေပေါ့။ သူတို့က အခုတက်ရတဲ့ ကျောင်းဆောင်က အဆင်မပြေဘူး။ နှစ်တန်း၊ သုံးတန်းပေါင်းပြီး တစ်ခန်းဆိုပြီး နှစ်ခန်းရတယ်။ အဆင်မပြေဘူး။ နဂိုရှိတဲ့ ကျောင်းသားတွေတောင် အိမ်သာလုံလောက် မှုမရှိတော့ နောက်ရောက်လာတဲ့ ကျောင်းသားတွေနဲ့ဆို မလွယ်ဘူးပေါ့။ အဲဒီကလေးတွေမှာ Kg က ၁၉ ယောက်၊ ပထမတန်းက ၂၅ ယောက်၊ ဒုတိယတန်းက ၁၂ ယောက်၊ တတိယတန်းရှစ်ယောက်၊ စတုတ္ထတန်းက သုံးယောက် စုစုပေါင်း ၆၇ ယောက်၊ ဆရာသုံးယောက်နဲ့ အထွေထွေလုပ်သား တစ်ယောက်ရှိပါတယ်။ လောလောဆယ်မှာတော့ ရှင်းလက်ဝကျောင်းမှာ ပေါင်းတက်နေပါတယ်” ဟု စစ်ဘေးရှောင်ကျောင်းသားများ အခြေအနေကို ပလက်ဝမြို့ဒေသခံတစ်ဦး ကရှင်းလင်းပြောကြားသည်။

ကချင်ပြည်နယ် အတွင်းရှိ စစ်ဘေးရှောင်ကျေးရွာ ၃၀၀ ကျော်အနက် ကျေးရွာ ၂၇ ရွာကို နေရပ်ပြန်နိုင်ရေး ဆောင်ရွက်နေ

တရုတ်နိုင်ငံ နယ်စပ်အနီးမှ ရောက်ရှိလာသူများကို နေရာချပေးထားသည့် ၀ိုင်းမော်မိုင်းနား KBC စစ်ရှောင်စခန်းအား တွေ့ရစဉ်

ကချင်ပြည်နယ် အတွင်းရှိ စစ်ဘေးရှောင် ကျေးရွာပေါင်း ၃၀၀ ကျော်အနက် ကျေးရွာ ၂၇ ရွာကို နေရပ်ပြန်နိုင်ရေး ဆောင်ရွက်နေကြောင်း သတင်းရရှိသည်။

စစ်ဘေးရှောင်များ နေရပ်ပြန်နိုင်ရေးကို  ၂၀၁၅ ခုနှစ် အစိုးရသစ် တက်လာပြီးနောက် ကချင်နှစ်ခြင်း ခရစ်ယာန် အဖွဲ့ချုပ်က ကြိုးစားနေခြင်းဖြစ်ပြီး နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ အစိုးရအဖွဲ့၊ တပ်မတော်အရာရှိများ၊ ကေအိုင်အို ဒုက္ခသည်များဆိုင်ရာ ကော်မတီ၊ ကေအိုင်အို ဗဟိုအဖွဲ့များနှင့် ညှိနှိုင်းမှုများ ရှိခဲ့ကြောင်း၊ နယ်မြေအခြေအနေအရ နှစ်ဖက်တပ်များနှင့် ထိတွေ့မှု နည်းနိုင်သည့် မြစ်ကြီးနား-ဗန်းမော် ကားလမ်းနံဘေးမှ ကျေးရွာများကို လုပ်ဆောင်နေကြောင်း ကချင်နှစ်ခြင်း ခရစ်ယာန်အဖွဲ့ချုပ် (KBC) မှ သိရသည်။

ကချင်နှစ်ခြင်း ခရစ်ယာန်အဖွဲ့ချုပ်မှ အထွေထွေ အတွင်းရေးမှူး ဒေါက်တာခလမ်ဆမ်ဆွမ်က “ပြန်နိုင်ခြေရှိတဲ့ရွာတွေကို စာရင်းကောက်တော့ ကျေးရွာ ၂၇ ရွာက လူဦးရေ တစ်သောင်းကျော်မယ်။ မြစ်ကြီးနား-ဗန်းမော် ကားလမ်းပိုင်းပေါ့။ ရှမ်းမြောက်ဘက်ရောပေါ့။ ခက်တာက စစ်ဘေးရှောင်တွေက မြစ်ကြီးနားဘက် ပြေးတာရှိတယ်။ လိုင်ဇာကို ပြေးတာရှိတယ်။ အစိုးရဘက်ကိုလည်း ဒေါ်အောင်ဆန်းစုကြည် အပါအ၀င် အစိုးရအဖွဲ့နဲ့ တွေ့တယ်။ တပ်မတော်ပိုင်းက ကထစမှူး ဒုတိယဗိုလ်ချုပ်ကြီး ထွန်းထွန်းနောင်၊ လိုင်ဇာက ဒုက္ခသည်များဆိုင်ရာ ကော်မတီ၊ ကေအိုင်အိုဗဟိုနဲ့ တွေ့ဆုံဆွေးနွေးတာရှိတယ်။ အစိုးရဘက်ကတော့ ပြန်စေချင်တယ်။ ကေအိုင်အို ဗဟိုကတော့ နှစ်ဖက်ညှိနှိုင်း အဖြေရမှာသာ စံချိန်အတိုင်း ပြန်စေချင်တယ်။ ကေအိုင်အေနဲ့ တပ်မတော်တို့ ညှိနှိုင်းဆွေးနွေးမှုတော့ လိုကိုလိုအပ်နေတယ်။ စံချိန်အတိုင်း ပြန်ရမယ်ဆိုရင် လုပ်ငန်းစဉ်တွေက များလွန်းနေတယ်။ စစ်ရှောင်တွေ အတွက်လည်း အချိန်အများကြီး နစ်နာနိုင်တယ်။ မိုင်းရှင်း၊ တိုက်ပွဲစောင့်ကြည့်ရေး၊ အသက်မွေးဝမ်းကျောင်းလုပ်ငန်း ပြန်လည်ထူထောင်ရေး အများကြီး လုပ်ရမယ်။ အဲဒီတော့ အတိုင်းအတာ တစ်ခုအထိပဲ လုပ်နိုင်မယ်။ တချို့ရွာတွေက အစိုးရဘက်ရော၊ ကေအိုင်အေဘက်ရော နှစ်ခြမ်းကွဲသွားတယ်။ အားလုံးပြန်ဖို့တော့ ဆွေးနွေးနေပါတယ်။ တစ်ဖက်တည်းက ပြန်လို့လည်း မဖြစ်နိုင်ဘူး။ ရွာတွေကွဲမယ်။ ပြန်တဲ့သူလည်း အားမရှိဘူး။ စိန်ခေါ်မှုတွေများတယ်။ ပြန်ထူထောင်ရမယ်။ ရွာတွေမှာ တပ်တွေက များနေတယ်။ နောက်တစ်ခုက စိုက်ပျိုးမြေတွေမှာ တရုတ်ငှက်ပျော စိုက်ခင်းလို၊ ကုမ္ပဏီလိုတွေ ၀င်လာတယ်” ဟု ပြောကြားသည်။

စစ်ဘေးရှောင် ပြည်သူများနှင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည့်တို့ ၂၀၁၇ ခုနှစ် မတ်လအတွင်းက တွေ့ဆုံရာတွင်လည်း  စစ်ဘေးရှောင်များက လယ်ယာမြေဆုံးရှုံးမှုများ၊ အကူအညီ အထောက်အပံ လျှော့ချမှုများ၊ အလုပ်အကိုင် ရှားပါးမှုများကို တင်ပြခဲ့ကြသည်။

ကချင်ပြည်နယ်အတွင်း နေရပ်အစောဆုံး ပြန်ခဲ့သူများမှာ မြစ်ကြီးနားမြို့နယ် တာလောကြီးတိုက်နယ်၊ စံကင်းကျေးရွာမှ ရှမ်းတိုင်းရင်းသားများဖြစ်ပြီး ၂၀၁၃ ခုနှစ် ဒီဇင်ဘာ ၁ ရက်တွင် အိမ်ထောင်စု ၁၅ စု၊ လူဦးရေ ၈၃ ဦးဖြစ်ပြီး ဒုတိယအနေဖြင့် ၂၀၁၄ ခုနှစ် မတ် ၃၁ ရက်တွင် ဆွမ်ပရာဘွမ်မြို့၌ ခိုလှုံနေသည့် အိမ်ထောင်စု ခုနစ်စု လူဦးရေ ၄၂ ဦး နေရပ်ပြန်နိုင်ခဲ့သည်။

၂၀၁၁ ခုနှစ်မှစ၍ တပ်မတော်နှင့် ကေအိုင်အေတို့ တိုက်ပွဲများ ပြန်လည်ဖြစ်ပွားမှုကြောင့် စစ်ဘေးဒုက္ခသည် တစ်သိန်းကျော်မှာ နေရပ်သို့ မပြန်နိုင်ဘဲ ကယ်ဆယ်ရေးစခန်းများ၌ ခိုလှုံနေခဲ့ရသည်မှာ ခြောက်နှစ်ကျော် ကြာမြင့်ခဲ့ပြီ ဖြစ်သည်။

ကချင်ပြည်နယ်တွင် ၂၀၁၁ ခုနှစ် တိုက်ပွဲများ ဖြစ်ပွားခဲ့ပြီးနောက် ကျေးရွာပေါင်း ၃၀၀ ကျော်မှ ဒေသခံများမှာ စစ်ဘေးရန်မရှိသည့် ဒေသများသို့ ထွက်ပြေးတိမ်းရှောင်လာခဲ့ပြီး ခရစ်ယာန် ဘုရားရှိခိုးကျောင်းများ၊ ဘုန်းတော်ကြီးကျောင်းများ၊ နီးစပ်ရာဆွေမျိုးများထံ မှီခိုနေထိုင်ခဲ့ကြသည်။

အစိုးရလက်အောက် ခိုလှုံလာသည့် စစ်ဘေးရှောင်များမှာ မြစ်ကြီးနားခရိုင်တွင် စခန်းပေါင်း ၄၁ စခန်း၊ ဗန်းမော်ခရိုင်တွင် ၂၈ စခန်း၊ မိုးညှင်းခရိုင်တွင် ၂၈ စခန်း၊ ပူတာအိုခရိုင်တွင် နှစ်စခန်း၊ စုစုပေါင်း ၉၅ စခန်းရှိ ပြီး အိမ်ထောင်စု ၉၃၉၂ စု၊ လူဦးရေ ၄၃၃၈၀ မှာ ဒုက္ခသည်စခန်းများတွင် ခိုလှုံနေရဆဲဖြစ်ကြောင်း ၂၀၁၆ ခုနှစ် မေလကုန်တွင် အစိုးရအဖွဲ့ ကောက်ယူထားသည့် စာရင်းအရ သိရသည်။

ကေအိုင်အို ထိန်းချုပ်နယ်မြေအတွင်း စစ်ရှောင်သူပေါင်း ရှစ်သောင်းကျော်ရှိနေပြီး အစိုးရ ထိန်းချုပ်နယ်မြေတွင် နေထိုင်သူများထက် အကူအညီရရှိမှု လျော့ကျကာ ချို့တဲ့မှုများ ရှိနေကြောင်း သိရသည်။

ငါးနှစ်တာ ကာလအတွင်း အစိုးရ စိုးမိုးမှု ဒေသအတွင်း ခိုလှုံနေသူ လေးသောင်းကျော်အတွက် ငါးနှစ်တာအတွင်း ကျပ်သန်းပေါင်း တစ်သောင်းကိုးထောင်ကျော် အသုံးပြုခဲ့ပြီး ကေအိုင်အေ ထိန်းချုပ်နယ်မြေ အတွင်းရှိ စစ်ရှောင်ရှစ်သောင်းကျော် အတွက် ငါးနှစ်တာအတွင်း မည်မျှအသုံးပြုခဲ့သည်ကို မသိရပေ။

ကချင်ပြည်နယ်ဝန်ကြီးချုပ် ဒေါက်တာခက်အောင်က ၂၀၁၇ ခုနှစ် မတ် ၂၀ ရက်က ပြည်နယ်လွှတ်တော်တွင် နယ်မြေလုံခြုံရေး အခြေအနေကြောင့် ထွက်ပြေးတိမ်းရှောင် လာသူများကို ကူညီစောင့်ရှောက်လျက်ရှိရာ DIP စခန်းပေါင်း ၉၄ ခု၊ အိမ်ထောင်စု ၈၀၀၁ စု၊ လူဦးရေ ၃၉၀၂၀ ဦးအား ကချင်ပြည်နယ် အစိုးရအဖွဲ့၊ လူမှုအသင်းအဖွဲ့များ၊ ကုလသမဂ္ဂ လက်အောက်ခံ အဖွဲ့များက လစဉ်ထောက်ပံ့လျက်ရှိပြီး ၂၀၁၇ ခုနှစ် ဖေဖော်ဝါရီ တစ်လအတွင်း ကျပ် ၅၇၇၉ သိန်း ထောက်ပံခဲ့ပြီး အလုပ်အကိုင် အခွင့်အလမ်း၊ ၀င်ငွေတိုးလုပ်ငန်း၊ အသက်မွေးဝမ်းကျောင်းလုပ်ငန်း စသည့် လူမှုစီးပွား အဆောက်အအုံများကိုလည်း တည်ဆောက်ထားကြောင်း တင်ပြခဲ့သည်။

 

ကချင်ပြည်နယ်နှင့် ရှမ်းပြည်နယ်အတွင်း လူသားချင်းစာနာမှုဆိုင်ရာ အကူအညီပေးရေးအဖွဲ့အစည်းများအား သွားလာခွင့် ကန့်သတ်မှုများနှင့်ပတ်သက်၍ UNOCHA ထုတ်ပြန်

 

ရှမ်းပြည်နယ် နမ္မတူမြို့နယ် စစ်ဘေးရှောင်စခန်းရှိ စစ်ဘေးဒုက္ခသည်ကလေးငယ်များကို တွေ့ရစဉ် (Photo – UNOCHA)

ကချင်ပြည်နယ်နှင့် ရှမ်းပြည်နယ်အတွင်း  လူသားချင်းစာနာမှုဆိုင်ရာ အကူအညီပေးရေး သွားလာခွင့်တိုးတက်ကောင်းမွန်လာခြင်း မရှိပါက အမျိုးသမီးများ၊ ကလေးငယ်များနှင့် သက်ကြီးရွယ်အိုများ အပါအ၀င် ထိခိုက်လွယ်သည့် အခြေအနေရှိသူများမှာ ၎င်းတို့ လိုအပ်လျက်ရှိသော အကူအညီများ နှင့် ကာကွယ်စောင့်ရှောက်မှုများကို ရရှိမည် မဟုတ်ကြောင်း ကုလသမဂ္ဂလူသားချင်း စာနာမှုဆိုင်ရာ ညှိနှိုင်းရေးရုံး UNOCHA က အောက်တိုဘာ ၃ ရက်က ထုတ်ပြန်ခဲ့သည်။

ထုတ်ပြန်ချက်တွင် အစိုးရမှ လူသားချင်းစာနာမှုဆိုင်ရာ အကူအညီပေးရေးအဖွဲ့အစည်းများအား ကချင်ပြည်နယ်နှင့် ရှမ်းပြည်နယ်ရှိ နေရပ်စွန့်ခွာ တိမ်းရှောင်သူစခန်းများနှင့် အခြားထိခိုက်လွယ်သော အခြေအနေရှိ ရပ်ရွာလူထုများအား အကူအညီ ပေးနိုင်ရန် သွားလာခွင့်အား ယခင်ကဲ့သို့ ခွင့်ပြုပေးခြင်း မရှိတော့ကြောင်း၊ ကုလသမဂ္ဂ အဖွဲ့အစည်းများနှင့် အခြားနိုင်ငံတကာ လူသားချင်းစာနာမှုဆိုင်ရာ အဖွဲ့အစည်းများမှာ အစိုးရထိန်းချုပ်မှုအောက် ဒေသများ၊ အစိုးရ ထိန်းချုပ်မှုပြင်ပရှိ ဒေသနှစ်ခုလုံးတွင်ရှိနေသော နေရပ်စွန့်ခွာတိမ်းရှောင်သူများနှင့် ပဋိပက္ခကြောင့် ထိခိုက်ခံစားရသည့် အခြားသူများကို အကူအညီများပေးနိုင်ရန်အတွက် ထိုဒေသများသို့ သွားလာခွင့် ၂၀၁၆ ခုနှစ် မေလအထိ ရရှိခဲ့သော်လည်း ယခုအချိန်တွင် ထိုကဲ့သို့ သွားလာခွင့် မရရှိတော့ကြောင်း ထုတ် ပြန်ထားသည်။

အစိုးရထိန်းချုပ်မှုပြင်ပရှိ ဒေသများတွင် နေရပ်စွန့်ခွာ တိမ်းရှောင်သူဦးရေ ၄၀,၀၀၀ ခန့် နေထိုင်လျက်ရှိပြီး ၎င်းတို့အား အကူအညီများ ပေးပို့ရန် အစိုးရက ကုလသမဂ္ဂအား ခွင့်ပြုပေးခြင်း မရှိသည်မှာ ၁၅ လကျော် ကြာ မြင့်ခဲ့ပြီဖြစ်ကြောင်း၊ ထိုအတောအတွင်း ပြည်တွင်းရှိ အစိုးရမဟုတ်သော အဖွဲ့အစည်းများနှင့် လူထုအခြေပြုအဖွဲ့အစည်းများသည် ၎င်းတို့၏ ကွန်ရက်အဆက်အသွယ်များမှ တစ်ဆင့် လူသားချင်းစာနာမှုဆိုင်ရာ အကူအညီများကို ဆက်လက်ပေးအပ်လျက်ရှိပြီး ကုလသမဂ္ဂအနေဖြင့် ထိုဒေသရှိ နေရပ်စွန့် ခွာတိမ်းရှောင်သူများနှင့် ထိခိုက်လွယ်သည့် အခြေအနေရှိ အခြားသူများ၏အခြေအနေကို အနီးကပ်စောင့်ကြည့်လျက်ရှိကြောင်း ရေးသားဖော်ပြထားသည်။

ဆက်လက်ပြီး အစိုးရထိန်းချုပ်မှုအောက်ရှိ ဒေသများတွင်လည်း အစိုးရအနေဖြင့် ကုလသမဂ္ဂအဖွဲ့အစည်းများ၊ နိုင်ငံတကာမှ အစိုးရမဟုတ်သော အဖွဲ့အစည်းများ၏လုပ်ငန်းဆောင်ရွက်မှုများ၊ သွားလာလှုပ်ရှားမှု များနှင့်စပ်လျဉ်း၍ တင်းကျပ်သော ကန့်သတ် မှုအသစ်များကို ချမှတ်ဆောင်ရွက်လျက်ရှိကြောင်း၊ အဖွဲ့အစည်းများမှ နိုင်ငံတကာ ၀န်ထမ်းများမှာ မြို့များအပြင်ဘက်ရှိ နေရပ်စွန့်ခွာ တိမ်းရှောင်စခန်းများသို့ သွားလာခွင့်အား ဆက်လက်ခွင့်ပြုပေးခြင်းမရှိတော့ဘဲ ခရီးသွားလာခွင့်ခွင့်ပြုချက် တောင်းခံရာတွင်လည်း အချိန်များစွာကြာမြင့်သည့် လုပ်ငန်းဆောင်ရွက်မှုများရှိနေကြောင်း၊ ပြည်တွင်း အဖွဲ့အစည်းများမှ နေရာဒေသအများစုကို ဆက်လက်သွားလာနိုင်သော်လည်း၊ ထိုအဖွဲ့အစည်းများပင်လျှင် အဆိုပါဒေသများ၌ လုပ်ငန်းဆောင်ရွက်ရာတွင် အခက်အခဲများ ပိုမိုကြုံတွေ့လာကြရကြောင်းနှင့် လူသားချင်းစာနာမှုဆိုင်ရာ အကူအညီပေးရေး သွားလာခွင့် တိုးတက်ကောင်းမွန်လာခြင်း မရှိပါက အမျိုးသမီးများ၊ ကလေးငယ်များနှင့် သက်ကြီးရွယ်အိုများ အပါအ၀င် ထိခိုက်လွယ်သည့် အခြေအနေရှိသူများမှာ ၎င်းတို့ လိုအပ်လျက်ရှိသော အကူအညီများ နှင့် ကာကွယ်စောင့်ရှောက်မှုများ ရရှိမည်မဟုတ်ကြောင်း ထုတ်ပြန်ချက်တွင် ဖော်ပြထားသည်။