မုံရွာမြို့တွင် တက္ကသိုလ်စာမေးပွဲ ဖြေဆိုနေသည့် ရှမ်းနီတိုင်းရင်းသား ကျောင်းသားသုံးဦး ဓားဖြင့်အထိုးခံရပြီး ကျောင်းသားတစ်ဦး စိုးရိမ်ရ

စစ်ကိုင်းတိုင်းဒေသကြီး မုံရွာခရိုင် မုံရွာမြို့တွင် တက္ကသိုလ်စာမေးပွဲ ဖြေဆိုနေကြသည့် ရှမ်းနီတိုင်းရင်းသား ကျောင်းသားသုံးဦး ဓားထိုးခံရပြီး ကျောင်းသားတစ်ဦး စိုးရိမ်ရကြောင်း သိရသည်။

စက်တင်ဘာ ၂၁ ရက် ည ၉ နာရီခန့်က တက္ကသိုလ်ကျောင်းအနီးရှိ အမျိုးသမီး ဘော်ဒါဆောင်ရှေ့တွင် အဆိုပါ ဓားထိုးခံရသည့် ကျောင်းသားများက ဂစ်တာတီးနေချိန်တွင် အမည်မသိ လူတစ်ဦးက ဓားဖြင့်ထိုးခဲ့ခြင်း ဖြစ်ကြောင်း သိရသည်။

“ဓားထိုးခံရတာက သုံးယောက်ပါ။ သုံးယောက်စလုံးက ရှမ်းနီတိုင်းရင်းသားတွေ ချည်းပါပဲ။ တစ်ယောက်ကတော့ စိုးရိမ်ရတဲ့အတွက် ခွဲစိတ်ခန်းထဲကို ပို့လိုက်ပါပြီ။ ကျန်တဲ့နှစ်ယောက်ကတော့ မစိုးရိမ်ရပါဘူး။ သူတို့ကတော့ အပြင်မှာပဲ ဆေးကုသနေတယ်။ စာမေးပွဲဖြေဆိုတာ နှစ်ဘာသာတောင် ပြီးနေပြီ။ တက္ကသိုလ်ကျောင်း အနီးနားမှာ အမျိုးသမီး ဘော်ဒါဆောင် တစ်ခုရှိတယ်။ ဓားထိုးခံရတဲ့ ကျောင်းသားတွေက အဆောင်ရှေ့မှာ ဂစ်တာထိုင်တီး နေတာတဲ့။ ကျောင်းသားတွေက အမျိုးသမီး အဆောင်ရှေ့မှာ စုပြီးတော့ ဂစ်တာတီးတာလို့ပြောတယ်။ ဂစ်တာတီးနေတဲ့အချိန်မှာ အမည်မသိလူတစ်ဦးက ဂစ်တာတီးနေတဲ့ ကျောင်းသားတွေထဲကို ၀င်လာပြီး ဓားနဲ့ရမ်းတာတွေ လုပ်တယ်ပြောတယ်။ ပြီးတော့ ဓားနဲ့လည်း ထိုးသွားတာလို့လည်း ပြောပါတယ်” ဟု စစ်ကိုင်းတိုင်းဒေသကြီး အစိုးရအဖွဲ့ဝင် ရှမ်းတိုင်းရင်းသားရေးရာဝန်ကြီး ဒေါ်နန်းမွှေးမွှေးခင်၏ PSO ဖြစ်သူ ကိုစိုင်းအုန်းလွင်က ပြောကြားသည်။

ဓားထိုးခံရသည့် တက္ကသိုလ်ကျောင်းသား သုံးဦးသည် ဆန်းသော် (စတုတ္ထနှစ် ဓာတုဗေဒ၊ မုံရွာတက္ကသိုလ်)၊ ဟုမ္မလင်းမြို့နယ် ပင်းဖဖာကျေးရွာ၊ အောင်မြင့်ဗိုလ် (ဒုတိယနှစ် ပထ၀ီ၊ မုံရွာတက္ကသိုလ်)၊ ဟုမ္မလင်းမြို့နယ် ပင်းဖဖာကျေးရွာ၊ နေထူးအောင် (တတိယနှစ် ဘူမိဗေဒ၊ မုံရွာတက္ကသိုလ်) ဟုမ္မလင်းမြို့နယ် ကသာကျေးရွာတို့ သုံးဦးဖြစ်ကြောင်း သိရသည်။

ဆန်းသော်နှင့် အောင်မြင့်ဗိုလ်တို့ နှစ်ဦးသည် ဓားဒဏ်ရာ အနည်းငယ်စီ ရရှိခဲ့သော်လည်း စိုးရိမ်ရသည့် အနေအထားတွင် မရှိကြောင်း၊ နေထူးအောင်သည် ညာဘက်ရင်အောက်၊ ဘယ်ဘက်ရင်အောက် စသည့်နေရာ အတော်များများတွင် ဓားထိုးဒဏ်ရာ ရရှိခဲ့သောကြောင့် ၎င်းမှာ စိုးရိမ်ရကြောင်း သိရသည်။

 

စစ်ကိုင်းတိုင်းဒေသကြီး မုံရွာမြို့တွင် မြေပဲဆန်ဈေးကောင်းနေပြီး ဆီအရောင်းအ၀ယ် ကျဆင်းမှုကြောင့် ဆီစက်လုပ်ငန်းအချို့ ရပ်နား

စစ်ကိုင်းတိုင်းဒေသကြီး မုံရွာမြို့တွင် မြေပဲဆန် ဈေးကောင်းနေပြီး ဆီအရောင်းအ၀ယ်တွင် ကျဆင်းမှုကြောင့် ဆီစက်လုပ်ငန်းအချို့ ရပ်နားထားရကြောင်း မြသီတာ ဆန်စက်နှင့် သီးနှံရောင်းဝယ်ရေးပိုင်ရှင် ဦးမြင့်ထွေး၏ ပြောကြားချက်အရ သိရသည်။

ထို့ပြင် ပဲဆီအတုများနှင့် နှမ်းဆီ အတုများ ဈေးကွက်အတွင်း နေရာယူလာမှုကြောင့် ဈေးကွက် ပျက်စီးခဲ့ကြောင်း၊ ဆီအတုများသည် ဈေးကွက်အတွင်း နေရာယူလာသည့်အတွက် ဆီစက်လုပ်ငန်းရှင်များမှာ အခက်အခဲနှင့် ရင်ဆိုင်ကြုံတွေ့နေရကြောင်း မုံရွာဆီစက်လုပ်ငန်းရှင် အများစုသည် မြေပဲဆန်အား စားဆီအဖြစ် ကြိတ်ကြကြောင်း ၎င်းကဆိုသည်။

“သုံးချိုးတစ်ချိုးတောင် မလည်နိုင်ကြဘူး။ ဆီစက်တွေ အတော်များများက နေ့တိုင်းမလည်နိုင်ကြဘူး။ ကျွန်တော်ထင်ပါတယ်။ တစ်လမှ ဆီစက်ရေ ခုနစ်စက်လောက်ပဲ ရှိမယ်ထင်ပါတယ်။ အမှန်တော့ စားအုန်းဆီက ဈေးကလည်း ချိုတယ်။ ပြီးတော့ လူတွေကလည်း ၀င်ငွေနည်းတဲ့ အခါကျတော့ ဈေးနှုန်းချိုတဲ့ဆီကိုပဲ အားပြုစားကြတယ်။ ပြီးတော့ ပဲဆီဆိုရင်လည်း ပဲဆီအတု၊ နှမ်းဆီဆိုရင်လည်း နှမ်းဆီအတု။ ဒီလိုဆီအတုတွေကြောင့် ဈေးကွက်ကိုလည်း ပျက်တာပဲ။ ဆီစက်လုပ်ငန်းရှင်တွေမှာ အဲဒီလိုမျိုးဒဏ်တွေ အတော်ခံရတယ်။ ဒီနှစ် မြေပဲဆန်ကတော့ ဈေးကောင်းနေတယ်။ ဆီဈေးကလည်း မြင့်နေတော့ ဆီအရောင်းအ၀ယ် ကျတော့လည်း နည်းနည်းလေးပါးတယ်။ ဆီစက်အချို့ ရပ်နားထားရတယ်” ဟု မုံရွာမြို့ မြသီတာဆန်စက်နှင့် သီးနှံရောင်းဝယ်ရေးပိုင်ရှင် ဦးမြင့်ထွေးက ဆက်လက် ပြောကြားသည်။

နိုင်ငံအနေဖြင့် စားအုန်းဆီအား အရည်အသွေး မြှင့်တင်ခြင်း၊ အခြားဆီများကိုလည်း ဈေးနှုန်းမြင့်မားလာအောင်  လုပ်ဆောင်ပေးပါက ပြည်တွင်းရှိ ဆီစက်များမှာ ပြန်လည်ရှင်သန်နိုင်မည် ဖြစ်ကြောင်း၊ စားသုံးသူများသည်  ဆင်းရဲသည့်အတွက် ဈေးနှုန်းကြီးမားသည့် ဆီများကို မစားသုံးနိုင်ကြကြောင်း၊ ထို့ပြင် စစ်ကိုင်းတိုင်း ဒေသကြီးက ထွက်ရှိသည့် နှမ်းများကို ရန်ကုန်မြို့နှင့် တရုတ်နိုင်ငံက ၀ယ်ယူနေခြင်းကြောင့် မုံရွာမြို့ပေါ်ရှိ ဆီစက်အများစုမှာလည်း နှမ်းဆီ မကြိတ်ခဲ့ရကြောင်း ဦးမြင့်ထွေးက ဆက်လက် ပြောကြားသည်။

မုံရွာမြို့ စက်မှုဇုန်ရပ်ကွက်တွင် ဆီစက်လုပ်ငန်းပေါင်း ၃၀ ကျော်ရှိပြီး လက်ရှိမှာတော့ ဆီစက်အချို့သာ လည်ပတ်နေပြီး ဆီစက်အများစုမှာ ရပ်နားထားရကြောင်း၊ စစ်ကိုင်းတိုင်းဒေသကြီး၌ မုံရွာ၊ ဘုတလင်၊ ချောင်းဦး၊ အရာတော်၊ ဆားလင်းကြီး၊ ယင်းမာပင်၊ ပုလဲ၊ ကနီ စသည့် မြို့နယ်အများအပြားတွင် မြေပဲသီးနှံ စိုက်ပျိုးလေ့ရှိကြောင်း သိရသည်။

 

ဗန်းမောက်မြို့နယ် နောင်မလင်ကျေးရွာအနီး၌ နွားခုနစ်ကောင် မိုးကြိုးပစ်ခံရမှုကြောင့် သေဆုံး

စစ်ကိုင်းတိုင်းဒေသကြီး ကသာခရိုင် ဗန်းမောက်မြို့နယ် နောင်မလင်ကျေးရွာ အနီးတွင် စက်တင်ဘာ ၁၄ ရက်က နွားခုနစ် ကောင် မိုးခိုနေစဉ်အတွင်း မိုးကြိုးပစ်ခံရမှု ကြောင့် နွားများသေဆုံးမှု ဖြစ်ပွားခဲ့ကြောင်း နောင်မလင်ကျေးရွာ အုပ်ချုပ်ရေးမှူး ဦးကျော်မျိုးက ပြောကြားသည်။

စက်တင်ဘာ ၁၄ ရက် မွန်းတည့် ၁၂ နာရီခန့်က ဗန်းမောက်မြို့နယ် နောင်မလင် ကျေးရွာအနီးရှိ သစ်ပင်အောက်သို့ နွားခုနစ် ကောင် မိုးခိုနေစဉ်အတွင်း မိုးကြိုးပစ်ခံရ၍ သေဆုံးမှု ဖြစ်ပွားခဲ့ခြင်းဖြစ်ကြောင်း၊ ဗန်း မောက် မြို့နယ် နောင်မလင်ကျေးရွာသည် ယခင်ကလည်း မိုးကြိုးပစ်ခံရ၍ လူသေဆုံး မှုအချို့လည်း ရှိခဲ့ကြောင်း ၎င်းကဆိုသည်။

“နွားမလေးကောင်၊ နွားထီး သုံးကောင် သေဆုံးသွားတယ်။ မနေ့က မွန်းတည့် ၁၂ နာရီခွဲလောက်က ဖြစ်သွားတာ။ မိုးရွာနေတော့ လယ်ကွင်းနားက သစ်ပင်အောက်မှာ နွားတွေက မိုးခိုကြတယ်။ မိုးခိုရင်းနဲ့ မိုးကြိုး ပစ်ခံရတာပါ။ မိုးခိုနေတဲ့ နွားခုနစ်ကောင်လုံး သေသွားတယ်။ ဒါနဲ့ပတ်သက်ပြီးတော့ လွှတ်တော် ကိုယ်စားလှယ်တွေနဲ့ ဌာနဆိုင်ရာတွေကိုတော့ အကြောင်းကြားထားပါတယ်” ဟု ဗန်းမောက်မြို့နယ် နောင်မလင်ကျေးရွာအုပ် ချုပ်ရေးမှူးဦးကျော်မျိုးက ပြောကြားသည်။

ထို့ပြင် ယခင်က ဗန်းမောက်မြို့နယ် နောင်မလင်ကျေးရွာ အနီးတွင် ရွှေကျင်နေသည့် လူလေးယောက်သည် မိုးကြိုးပစ်ခံရ၍ လူတစ်ဦးသေဆုံးခဲ့ရပြီး ကျန်လူသုံးဦးမှာ မိုးကြိုးစက်ကွင်းမှ လွတ်မြောက်ခဲ့ရကြောင်း သိရသည်။

မိုးကြိုးပစ်ခံခဲ့ရမှုကြောင့် သေဆုံးခဲ့သည့် နွားခုနစ်ကောင်လုံးအား မြေမြှုပ်ခဲ့ကြောင်း သိရသည်။

 

စစ်ကိုင်းမြို့တွင် ထိုင်း-မြန်မာ နံရံဆေးရေးပန်းချီများရှိသော ရှေးဟောင်း မဟာသိမ်တော်ကြီးအား ကမ္ဘာ့အမွေအနှစ် စာရင်းဝင်စေရန် ဆောင်ရွက်မည်

ထိုင်း-မြန်မာ နံရံဆေးရေးပန်းချီများရှိသော ရှေးဟောင်းမဟာသိမ်တော်ကြီးအား တွေ့ရစဉ်

စစ်ကိုင်းမြို့တွင် ထိုင်း-မြန်မာ နံရံဆေးရေးပန်းချီများရှိသော ရှေးဟောင်းမဟာသိမ်တော်ကြီးအား ကမ္ဘာ့အမွေအနှစ် စာရင်းဝင်စေရန် ဆောင်ရွက်မည်ဖြစ်ကြောင်း သိရသည်။

စစ်ကိုင်းမြို့ ဒါးဝယ်ဈေးရပ်ကွက် ငါးထပ်ကြီးဘုရားအနီး မဟာသိမ်တော် ကျောင်းတိုက်ရှိ ထိုင်း-မြန်မာ နံရံဆေးရေးပန်းချီ လက်ရာများစွာရှိသော ရှေးဟောင်းမဟာ သိမ်တော်ကြီးအား သဘာဝဘေး အန္တရာယ်များမှ ကာကွယ်နိုင်ရန် ရေကာတာနှင့် အမိုးတည်ဆောက် ပြီးစီးပါက ကမ္ဘာ့အမွေအနှစ်ဝင်စေရန် လုပ်ဆောင်မည် ဖြစ်ကြောင်း သိရသည်။

“သိမ်တော်ကြီးမှာ လူမျိုးနှစ်မျိုးရဲ့ အနုပညာနှစ်ရပ် တစ်နေရာတည်းမှာလာပြီး ပေါင်းစပ်နေတယ်။ သက်တမ်းလည်း နှစ် ၂၅၀ ကျော်သွားပြီ။ တချို့နေရာ တော်တော်များများ ဒီလိုမျိုး မရှိဘူး အင်မတန်ရှားတယ်။ ဥပမာ ပုဂံခေတ်က မွန်၊ ဗမာ၊ ပျူ၊ ပါဠိ လေးဘာသာ ရေးထိုးခဲ့တဲ့ ရာဇကုမာရ ကျောက်စာဆို ကမ္ဘာ့အမွေအနှစ် ရသွားပြီ။ ဒီဟာက လူမျိုးနှစ်ခုရဲ့ အနုပညာကို တစ်နေရာတည်းမှာ လာစုနေတဲ့အတွက် ရာဇကုမာရ ကျောက်စာနဲ့ သိပ်မကွာဘူး။ ဒါကြောင့် ကျွန်တော်တို့ သိမ်တော်ကြီးရဲ့ အမိုးနဲ့ ရေကာတာ တည်ဆောက်ပြီးတာနဲ့ ကမ္ဘာ့အမွေအနှစ် ရနိုင်ဖို့အတွက် တစ်ဆင့်ထပ် ကြိုးစားသွားမှာပါ။ ယူနက်စကိုကနေ ဒါ ထိန်းသိမ်းသင့်တယ်ဆိုရင် သူကူညီရင်လည်း ကူညီလာမှာပေါ့။ ကျွန်တော်တို့ တာဝန်အရ ကမ္ဘာ့အမွေအနှစ်ရဖို့ တောင်းရမယ်။ လာစစ်ဆေးပါ။ ကမ္ဘာ့အမွေအနှစ်နဲ့ ကိုက်ညီသလား။ ကိုက်ညီရင် ပေးပါပေါ့။ မပေးလည်း ကျွန်တော်တို့က ဆက်ထိန်းသိမ်းရမှာပေါ့။ ပေးတော့ ပိုကောင်းတာပေါ့” ဟု မဟာသိမ်တော်ကြီး ပြုပြင်ထိန်းသိမ်းရေး လုပ်ငန်းများ ဆောင်ရွက်နေသူ ထိုင်းနိုင်ငံသား မစ္စတာ မစ်ကီဟတ်က ပြောကြားသည်။

အဆိုပါ မဟာသိမ်တော်ကြီးသည် ရေ၀င်မြေတွင် တည်ရှိသောကြောင့် ဧရာဝတီမြစ်ရေ မြင့်တက်လာပါက ရေ၀င်နစ်မြုပ်မှု နှစ်စဉ်ဖြစ်လေ့ရှိခြင်း၊ လေဒဏ်မိုးဒဏ်ကြောင့် အမိုးပျက်စီးကာ မိုးရေ၀င်ခြင်း၊ ရေငွေ့ရိုက် ခြင်းများကြောင့် သိမ်တော်ကြီး အတွင်းရှိ နံရံဆေးရေးပန်းချီများ ပျက်စီးမှု ဖြစ်ပေါ်ခဲ့သဖြင့် ရေကာတာတစ်ခုနှင့် မဟာသိမ်တော်ကြီးအပေါ်မိုးမည့် ပေ ၈၀ အကျယ်ရှိ အမိုးတစ်ခုကို ထိုင်းဘတ်ငွေနှစ်သန်း အကုန်အကျခံ တည်ဆောက်မည် ဖြစ်ကြောင်း သိရသည်။

ရှေးဟောင်း မဟာသိမ်တော်ကြီး ပြုပြင်ထိန်းသိမ်းခြင်းဆိုင်ရာ ဆွေးနွေးပွဲကို သြဂုတ် ၃၁ ရက် မွန်းလွဲပိုင်းတွင် စစ်ကိုင်းမြို့ Hotel Sagaing ၌ ပြုလုပ်ခဲ့ပြီး အဆိုပါ ဆွေးနွေးပွဲတွင် မဟာသိမ်တော်ကြီး ပြုပြင်ရေး လုပ်ငန်းစဉ်များအား ထိုင်းနိုင်ငံသား မစ္စတာမစ်ကီဟတ်က စစ်ကိုင်းခရိုင် အုပ်ချုပ်ရေးမှူး၊ ဌာနဆိုင်ရာ ၀န်ထမ်းများ၊ ဟိုတယ်လုပ်ငန်းရှင်များ၊ မြို့မိမြို့ဖ အဖွဲ့များအား ချပြရှင်းလင်းခဲ့ပြီး သိမ်တော်ကြီး ပြုပြင်ရန်အတွက် မြို့ခံများ၊ ပညာရှင်များပါသော ကော်မတီတစ်ရပ် ဖွဲ့စည်းခဲ့ကြောင်း သိရသည်။

“ကျွန်တော်တို့က ပြည်ပက ဖြစ်နေတော့ သိမ်တော်ပြုပြင်ရေးကို ထဲထဲဝင်ဝင် လုပ်မရဘူး။ ဒါကြောင့် ဒေသခံတွေ ဦးဆောင်လုပ်မှရမယ်။ လုပ်ပိုင်ခွင့်လည်း ကျွန်တော်တို့မှာ မရှိဘူး။ ဒါကြောင့် ပညာရှင်၊ မြို့ခံတွေပါတဲ့ ကော်မတီတစ်ရပ် ဖွဲ့တယ်။ အဲဒီအဖွဲ့ကို လိုအပ်တာ ကျွန်တော်တို့က လုပ်ငန်းအောင်မြင်ဖို့ အကူအညီ ပေးသွားမှာပါ” ဟု မဟာသိမ်တော်ကြီး ပြုပြင်ထိန်းသိမ်းရေး လုပ်ငန်းများ ဆောင်ရွက်နေသူ ထိုင်းနိုင်ငံသား မစ္စတာမစ်ကီဟတ်က ပြောကြားသည်။

 

စစ်ကိုင်းမြို့ ဧရာဝတီမြစ်ကမ်းတွင် ကုန်တင်ကုန်ချ ပြုလုပ်နိုင်သောဆိပ်ကမ်း၊ River View Hotel စားသောက်ဆိုင်များပါသည့် ဖွံ့ဖြိုးရေးစီမံကိန်းတစ်ခုလုပ်ဆောင်ရန် စီစဉ်ဆောင်ရွက်နေ

စစ်ကိုင်းမြို့ ဧရာဝတီမြစ်ကမ်းတွင် ကုန်တင်ကုန်ချ ပြုလုပ်နိုင်သောဆိပ်ကမ်း၊ River View ဟိုတယ်၊ စားသောက်ဆိုင်များပါသည့် ဖွံ့ဖြိုးရေး စီမံကိန်းတစ်ခု လုပ်ဆောင်ရန် စီစဉ်ဆောင်ရွက်နေကြောင်း စစ်ကိုင်းခရိုင် စီမံခန့်ခွဲမှု ကော်မတီမှ သိရသည်။

စစ်ကိုင်းမြို့ ဖွံ့ဖြိုးတိုးတက်လာစေရန်နှင့် ခရီးသွားလုပ်ငန်းများ ဖွံ့ဖြိုးတိုးတက်လာစေရန် ဧရာဝတီမြစ်ကမ်းတွင် River View Hotel များ၊ River View Restaurant များနှင့် ကုန်တင်ကုန်ချ ပြုလုပ်နိုင်မည့် ဆိပ်ကမ်းများ ဆောင်ရွက်သွားရန် ဧရာဝတီမြစ်ဘေးရှိ အချက်အချာကျမည့် နေရာများကို ရှာဖွေဖော်ထုတ်သွားရန် စီစဉ်ဆောင်ရွက်နေကြောင်း စစ်ကိုင်းခရိုင် စီမံခန့်ခွဲမှု ကော်မတီမှ သိရသည်။

“စစ်ကိုင်းမြို့ ဖွံ့ဖြိုးတိုးတက်ဖို့ ဒီဧရာဝတီမြစ်ကြီးကို အသုံးပြုဖို့လိုတယ်။ ဘယ်လို အသုံးပြုမလဲဆိုတော့  River View Hotel၊ River View Restaurant တွေ ရှိဖို့လိုတယ်၊ ဒါက ခရီးသွားလုပ်ငန်း အတွက်ပေါ့။ နောက်တစ်ခါ စစ်ကိုင်းမြို့မှာ သင်္ဘောဆိပ်ခံကောင်းကောင်း တစ်ခုရှိဖို့လိုတယ်။ အရင်က ရှိခဲ့ရာက တဖြည်းဖြည်း ပပျောက်သွားပြီး မန္တလေးမှာပဲ သင်္ဘောတွေ သွားကပ်ကုန်တယ်။ Hotel နဲ့ စားသောက်ဆိုင်တွေအတွက် River View ရှိနိုင်မဲ့ နေရာတွေ ရှာဖွေဖော်ထုတ်ဖို့ စဉ်းစားထားပါတယ်။ Develop0er ခေါ်ဖို့နဲ့ ပြည်ထောင်စု အစိုးရအဆင့် တင်ပြဖို့လည်း ဆောင်ရွက်နေပါတယ်။ ဒီအစီအစဉ်က စဉ်းစားထားတဲ့ အစီအစဉ်ပဲ ရှိပါသေးတယ်။ တကယ်အကောင်အထည် ဖော်လာတဲ့အခါကျရင် အားလုံးကို ချပြမှာ ဖြစ်ပါတယ်။ ပြည်ထောင်စု အစိုးရကိုတင်ပြပြီး ခွင့်ပြချက်ရယူပြီး ဆောင်ရွက်သွားမှာ ဖြစ်ပါတယ်” ဟု စစ်ကိုင်းခရိုင် စီမံခန့်ခွဲမှု ကော်မတီဥက္ကဋ္ဌ ခရိုင်အုပ်ချုပ်ရေးမှူး ဦးကျော်ဝင်းလှိုင်က ပြောကြားသည်။

ဧရာဝတီတံတား (ရတနာပုံ) တည်ဆောက်ပြီးသည့် အချိန်မှစ၍ မန္တလေးဘက်မှ ကုန်စည်များ စစ်ကိုင်းဘက်သို့ စီးဝင်လာကြောင်း စစ်ကိုင်းတိုင်း၏ ၀င်ပေါက်ထွက်ပေါက်မြို့ဖြစ်သော စစ်ကိုင်းမြို့တွင်ဆိပ်ကမ်း တစ်ခုရှိမည် ဆိုပါက ကုန်စည်စီးဆင်းမှု ပိုမိုမြန်ဆန်လာမည်ဖြစ်ကြောင်း၊ မန္တလေးဆိပ်ကမ်းတွင် ရေယာဉ်ဆိုက်ကပ်သည့် နေရာအခက်အခဲ ပြဿနာများအား ဖြေရှင်းနိုင်မည်ဖြစ်ပြီး စစ်ကိုင်းမြို့တွင် တိုက်ရိုက်ကုန်စည် ချသွားနိုင်မည် ဆိုပါက ကုန်စည်ဈေးနှုန်းများ အထိုက်အလျောက် လျော့ကျသွားနိုင်ကြောင်း ၎င်းကဆက်လက် ပြောကြားသည်။

စစ်ကိုင်းမြို့ ဧရာဝတီမြစ်ဘေးရှိ အချက်အချာကျမည့် နေရာများအား ရှာဖွေဖော်ထုတ်၍ ပြုလုပ်ဆောင်ရွက်မည့် အစီအမံများကို သက်ဆိုင်ရာ တိုင်းဒေသကြီး အစိုးရအဖွဲ့၊ ပြည်ထောင်စုအစိုးရအဖွဲ့သို့ အဆင့်ဆင့်တင်ပြ ဆောင်ရွက်၍ ပြုလုပ်ဆောင်ရွက်သွားမည် ဖြစ်ကြောင်းနှင့် ပြုလုပ်ဆောင်ရွက်ခွင့် ရရှိပါက အများပြည်သူအား ပွင့်လင်းမြင်သာစွာ ချပြရှင်းလင်း ဆောင်ရွက်သွားမည် ဖြစ်ကြောင်း သိရသည်။

 

မုံရွာခရိုင် ဘုတလင်မြို့နယ် အတွင်းရှိ လယ်ယာမြေများတွင် ဖရဲနှင့်သခွား လာရောက်စိုက်ပျိုးသည့် တရုတ်နိုင်ငံသားများအား ယခုနှစ်မှစ၍ စစ်ဆေးရေးအဖွဲ့ ဖွဲ့စည်းစစ်ဆေးမည်ဟု သိရ

တရုတ်နိုင်ငံခြားသားများ စိုက်ပျိုးထားသည့် ဖရဲစိုက်ခင်း တစ်ခုကို တွေ့ရစဉ်

စစ်ကိုင်းတိုင်းဒေသကြီး မုံရွာခရိုင် ဘုတလင်မြို့နယ် အတွင်းရှိ လယ်ယာမြေများပေါ်တွင် ဖရဲနှင့်သခွားများ လာရောက်စိုက်ပျိုးသည့် တရုတ်နိုင်ငံခြားသားများကို ယခုနှစ်မှစတင်ကာ စစ်ဆေးရေးအဖွဲ့ ဖွဲ့စည်းသွားမည် ဖြစ်ကြောင်း ဘုတလင်မြို့နယ် မဲဆန္ဒနယ်မြေ အမှတ်(၁) တိုင်းဒေသကြီး လွှတ်တော်ကိုယ်စားလှယ် ဦးအောင်ကျော်က ပြောကြားသည်။

ဘုတလင်မြို့နယ် အတွင်းရှိ လယ်ယာမြေများပေါ်တွင် နှစ်စဉ် တရုတ်နိုင်ငံခြားသားများက ဖရဲနှင့်သခွားများ လာရောက် စိုက်ပျိုးလေ့ရှိကြောင်း၊ ယင်းဖရဲနှင့် သခွားများအား လာရောက် စိုက်ပျိုးသည့် တရုတ် နိုင်ငံခြားသားများက သက်ဆိုင်ရာသို့ အခွန်ပေးဆောင်မှုများလည်း လုံးဝမရှိကြောင်း ၎င်းကဆိုသည်။

“အခွန်ကောက်ဖို့ အတွက်လည်း လုပ်မယ်။ ပြီးတော့ ကျွန်တော်တို့ ဘုတလင်မြို့နယ်မှာ ဖရဲနဲ့သခွား လာစိုက်ကြတဲ့ တရုတ်နိုင်ငံခြားသားတွေဟာဆိုရင် ဘာဗီဇာနဲ့ လာတာမှန်းလဲ မသိရဘူး။ သက်ဆိုင်ရာဌာနကို အသိပေး အကြောင်းကြား တာမျိုးလည်း မရှိဘူးလို့ ကျွန်တော်တို့ ကြားနေရတယ်။ သက်ဆိုင်ရာဌာနတွေ စုပေါင်းပြီးတော့ တရုတ်နိုင်ငံခြားသားတွေကို ကြပ်မတ်စစ်ဆေးဖို့ရာအတွက် ဆိုပြီးတော့ စစ်ဆေးရေးအဖွဲ့ ဖွဲ့စည်းသွားမယ်။ ဘာဗီဇာမှ မရှိရင်တော့ အရေးယူတာမျိုးတွေ လုပ်သွားမယ်” ဟု ဘုတလင်မြို့နယ် မဲဆန္ဒနယ်မြေ အမှတ် (၁) တိုင်းဒေသကြီး လွှတ်တော်ကိုယ်စားလှယ် ဦးအောင်ကျော်က ဆက်လက် ပြောကြားသည်။

စစ်ကိုင်းတိုင်းဒေသကြီး အတွင်းရှိ ယင်းမာပင်မြို့နယ်၊ မုံရွာမြို့နယ်၊ ချောင်းဦးမြို့နယ်နှင့် ဘုတလင်မြို့နယ်များတွင် တရုတ်နိုင်ငံသားများသည် ပြည်တွင်းရှိ နီးစပ်ရာ လူပုဂ္ဂိုလ်များအား မြေ၀ယ်ခိုင်းပြီး နီးစပ်ရာ လူပုဂ္ဂိုလ်များကို အမည်ခံခိုင်းကာ နှစ်စဉ် ဖရဲနှင့်သခွား စိုက်ခင်းများ လာရောက် စိုက်ပျိုးလေ့ရှိကြောင်း သိရသည်။

မုံရွာခရိုင် ဘုတလင်မြို့နယ်တွင် ကျေးရွာပေါင်း ၁၀၀ ကျော်ရှိသည့်အနက် ကျေးရွာ၂၅ ရွာခန့်တွင် တရုတ်နိုင်ငံခြားသားများ ဦးဆောင်ကာ ဖရဲနှင့် သခွားများ နှစ်စဉ်လာရောက် စိုက်ပျိုးလေ့ရှိကြောင်း၊ အဆိုပါ စိုက်ပျိုးမှုနှင့် ပတ်သက်၍ ဘုတဘင်မြို့နယ် အခွန်ဦးစီးဌာနတွင် အခွန်ငွေများ ပေးဆောင်ခြင်း မရှိကြောင်း ဦးအောင်ကျော်၏ ပြောကြားချက်အရ သိရသည်။

 

မူးယစ်ဆေးဝါး ဖမ်းဆီးရာတွင် တရားခံက ရဲတပ်ဖွဲ့အား ရန်ပြုသောကြောင့် သေနတ်ဖြင့်ပစ်ခတ် ဖမ်းဆီးခဲ့ရပြီး မူးယစ်တရားခံများထံမှ တူမီးသေနတ် နှစ်လက်နှင့် ဘိန်းဖြူများ ဖမ်းဆီးရမိမှု ဗန်းမောက်မြို့နယ်၌ ဖြစ်ပွား

စစ်ကိုင်းတိုင်းဒေသကြီး ကသာခရိုင် ဗန်းမောက်မြို့နယ်တွင် သြဂုတ်၂၅ ရက်က မူးယစ်ဆေးဝါး ဖမ်းဆီးရာတွင် တရားခံက ရဲတပ်ဖွဲ့အား ရန်ပြုမူခဲ့သောကြောင့် သေနတ်ဖြင့် ပစ်ခတ်ဖမ်းဆီးခဲ့ရပြီး မူးယစ်တရားခံများထံမှ တူမီးသေနတ် နှစ်လက်နှင့် ဘိန်းဖြူများ ဖမ်းဆီးရမိမှု ဗန်းမောက်မြို့နယ်တွင် ဖြစ်ပွားခဲ့ကြောင်း ဗန်းမောက်မြို့မ ရဲစခန်း၏ ရဲမှတ်တမ်းများအရ သိရသည်။

ဗန်းမောက်မြို့နယ် တိုင်းဒေသကြီး လွှတ်တော်ကိုယ်စားလှယ် ဦးဝင်းရွှေနှင့် အဖွဲ့သည် တောင်းချောင်းအနီးရှိ ဦးမန်းရှင်း၏ လယ်တဲသို့ မူးယစ်ဆေးဝါး သတင်းအရ ၀င်ရောက်ရှာဖွေရာ တဲပေါ်တွင် ဦးမန်းရှင်းနှင့် အောင်တုတ်တို့ နှစ်ဦးအား တွေ့ရှိခဲ့ရကြောင်း သိရသည်။

အောင်တုတ်ဆိုသူက တဲပေါ်တက်လာသူ မူးယစ်ဆေးဝါး ဖမ်းဆီးရေး အဖွဲ့ဝင်များအနက် ရဲဒုတပ်ကြပ် မြတ်သူအောင်အား အရိုးအသွား သုံးပေခန့်၊ အသွားလေးလက်မခန့်ရှိ ရဲတင်းဖြင့် ခုတ်ရန်ပြေးလာစဉ် ရဲဒုတပ်ကြပ် မြတ်သူအောင်မှ ၎င်း၏လက်ထဲတွင် ကိုင်ဆောင်ထားသော MA – 13 နံပါတ်ပါ M – 32429 သေနတ်ဖြင့် ကျည်တစ်ထောင့်နှင့် ပစ်ခတ်ခဲ့သောကြောင့် အောင်တုတ်၏ ၀ဲဘက်ဝမ်းဗိုက် အရှေ့ဘက်တွင် ဖောက်ဝင်ဒဏ်ရာတစ်ချက် ရရှိသွားခဲ့ကြောင်း ရဲမှတ်တမ်းများအရ သိရသည်။

ထို့နောက် သက်ဆိုင်ရာ ရဲတပ်ဖွဲ့နှင့် ဗန်းမောက်မြို့နယ် တိုင်းဒေသကြီး လွှတ်တော်ကိုယ်စားလှယ်တို့သည် တဲအတွင်း ၀င်ရောက်ရှာဖွေရာ အရှည်ငါးပေခန့်ရှိ တူမီးသေနတ် တစ်လက်နှင့် လေးပေခြောက်လက်မခန့်ရှိ တူမီးသေနတ်တစ်လက် စုစုပေါင်း တူမီးသေနတ် နှစ်လက်တို့အား သိမ်းဆည်းရမိခဲ့ကြောင်း အလားတူ ဘိန်းဖြူအမှုန့် ၂ ဒသမ ၄ ဂရမ်ခန့်နှင့် မူးယစ်ဆေးဝါး သုံးစွဲရာတွင် စပ်ဆက်ပစ္စည်းများနှင့် ဓားဦးချွန် တစ်ချောင်းတို့ကို တစ်ပါတည်း ဖမ်းဆီးရမိခဲ့ပြီး အမှုဖွင့် အရေးယူထားကြောင်း သိရသည်။

 

အင်းတော်မြို့နယ် တောထဲတွင် သစ်စက်လည်နေသည်ကို ဓာတ်ပုံရိုက်ခဲ့သည့် အမျိုးသားတစ်ဦး အသတ်ခံရပြီး အလောင်းဖျောက်မှု ကျူးလွန်သူများအနက် တစ်ဦးဖမ်းဆီးရမိ

စစ်ကိုင်းတိုင်းဒေသကြီး ကသာခရိုင် အင်းတော်မြို့နယ် တောထဲတွင် သြဂုတ် ၂၀ ရက်က သစ်စက်လည်နေမှုကို ဓာတ်ပုံရိုက်ခဲ့သည့် အမျိုးသားတစ်ဦး အသတ်ခံရပြီး အလောင်းဖျောက်မှု ဖြစ်ပွားခဲ့ကြောင်း အင်းတော်မြို့မရဲစခန်း၏ ရဲမှတ်တမ်းများအရ သိရသည်။

သြဂုတ်၂၀ ရက်က အင်းတော်မြို့နယ် သောင်ကြီးကျေးရွာ အနီးတွင် စက်ရုံး (၅၀ နှစ်)၊ စိုးနိုင်(၃၇ နှစ်)တို့ နှစ်ဦးသည် ၀င်းအောင်၏ သစ်စက်အား ဓာတ်ပုံရိုက်ပြီး ပြန်လာစဉ် ၀င်းအောင်၏ အဖွဲ့က လမ်းကနေဖြတ်၍ စက်ရုံးနှင့် စိုးနိုင်တို့နှစ်ဦးအား ၀ိုင်းဝန်းရိုက်နှက်ခဲ့ကြောင်း သိရသည်။

ထိုသို့စက်ရုံးနှင့် စိုးနိုင်တို့နှစ်ဦး ၀ိုင်းဝန်းရိုက်နှက်ခံခဲ့ရမှုကြောင့် စက်ရုံးသည် ဒဏ်ရာများ အသီးသီးရရှိခဲ့ပြီး စိုးနိုင်မှာ သေဆုံးသွားခဲ့ကြောင်း၊ သေဆုံးခဲ့သည့် စိုးနိုင်၏ အလောင်းအား ၀ိုင်းဝန်းရိုက်နှက်ခဲ့သည့် လူလေးဦးအား တောထဲတွင် ချုံနွယ်များဖြင့် ဖုံးဝှက်ကာမြေမြှုပ်ပြီး အလောင်းဖျောက်ခဲ့ကြောင်း သိရသည်။

ဒဏ်ရာများ အသီးသီးရရှိခဲ့သည့် စက်ရုံး၏ ပြောပြချက်ကြောင့် ၀ိုင်းဝန်းရိုက်နှက်ခဲ့သည့် လူလေးဦးအနက် လူတစ်ဦးအား ဖမ်းဆီးရမိခဲ့ပြီး ကျန်လူသုံးဦးမှာ ထွက်ပြေးလွတ်မြောက် သွားခဲ့ကြောင်း၊ ထွက်ပြေးလွတ်မြောက်သူ သုံးဦးအား အမြန်ဆုံး ဖမ်းဆီးရမိရေး သက်ဆိုင်ရာ ရဲတပ်ဖွဲ့က အရေးတကြီး စုံစမ်းနေကြောင်း သိရသည်။

အဆိုပါ ဖြစ်စဉ်နှင့်ပတ်သက်၍ စက်ရုံးနှင့် စိုးနိုင် တို့နှစ်ဦးအား ၀ိုင်းဝန်းရိုက်နှက်ခဲ့သည့် သစ်စက်ပိုင်ရှင် ၀င်းအောင်ပါ လူလေးဦးအား အင်းတော်မြို့မရဲစခန်းမှ (ပ)၁၀၉/၂၀၁၈/ရာဇသတ်ကြီးပုဒ်မ ၃၀၂/၃၂၅/ ၃၂၆/၂၀၁/၁၁၄ အရ အမှုဖွင့် အရေးယူထားကြောင်း သိရသည်။

 

စစ်ကိုင်းတိုင်းဒေသကြီးအတွင်း သဘာဝဘေး အရေးပေါ်ခိုလှုံနိုင်သည့် School – Cum Shelter ခုနစ်လုံးကို အမျိုးသား သဘာဝဘေး အန္တရာယ်ဆိုင်ရာ စီမံခန့်ခွဲမှုရန်ပုံငွေမှ ငွေကျပ် ၁၁၈၆ ဒသမ ၄၄ သန်း အကုန်အကျခံ၍ တည်ဆောက်သွားမည်ဟု သိရ

၂၀၁၇ ခုနှစ် ကာလအတွင်းက ခန္တီးမြို့တွင် ရေလွှမ်းမိုးခဲ့စဉ်

သဘာဝဘေး အရေးပေါ်ခိုလှုံနိုင်သည့် School – Cum Shelter ခုနစ်လုံးကို အမျိုးသား သဘာဝဘေး အန္တရာယ်ဆိုင်ရာ စီမံခန့်ခွဲမှုရန်ပုံငွေမှ ငွေကျပ်သန်းပေါင်း ၁၁၈၆ ဒသမ ၄၄ အကုန်ကျခံ၍ စစ်ကိုင်းတိုင်း ဒေသကြီးအတွင်း တည်ဆောက်သွားမည်ဖြစ်ကြောင်း သိရသည်။

ထို School – Cum Shelter ခုနစ်လုံးကို  စစ်ကိုင်းတိုင်းဒေသကြီး အတွင်းရှိ နှစ်စဉ် နှစ်တိုင်း ရေဘေးဒဏ်ကို ခံစားရလေ့ရှိသော မြစ်သာမြစ်နှင့် ချင်းတွင်းမြစ်ကမ်းဘေး ကျေးရွာများမှ ပြည်သူများ ရေဘေးခိုလှုံနိုင်ရန် ကလေးမြို့နယ်တွင် အင်းစိန်ကျေးရွာ၊ သဖန်းအိုင်ကျေးရွာနှင့် တောင်ဦး/ပြင်သာကျေးရွာတို့၏ စာသင်ကျောင်းဝင်းများ အတွင်း၌ တစ်လုံးစီ၊ ဟုမ္မလင်းမြို့နယ်၊ ပရစ်ဖာနိုင်းကျေးရွာ၊ မုက္ကလိ အမကကျောင်း၊ ဖောင်းပြင် မြို့နယ်၊ မက်ဆက်ကျေးရွာ၊ အမကကျောင်း၊ ခန္တီးမြို့နယ် ပေါမိုင်းရပ်ကွက်၊ အမက(၁) စာသင်ကျောင်းနှင့် မော်လိုက်မြို့နယ်၊ ကြာအင်းကျေးရွာ၊ အထကခွဲကျောင်းတို့တွင် တစ်လုံးစီ စုစုပေါင်း School – Cum Shelter ခုနစ်လုံး ဆောက်လုပ်သွားမည်ဖြစ်ကြောင်း သိရသည်။

ထို School – Cum Shelter များကို မကြာမီ စတင်ဆောက်လုပ် တော့မည်ဖြစ်ပြီး School – Cum Shelter ဆိုသည်မှာ သာမန်အချိန်တွင် စာသင်နိုင်သည့် အဆောက်အအုံဖြစ်ကာ ဘေးအန္တရာယ် ကျရောက်ချိန်တွင် ခိုလှုံနိုင်သည့် အဆောက်အအုံ အမျိုးအစားဖြစ်ကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန စစ်ကိုင်းတိုင်းဒေသကြီး အမျိုးသား သဘာဝဘေး အန္တရာယ်ဆိုင်ရာ စီမံခန့်ခွဲမှု ဦးစီးဌာန ညွှန်ကြားရေးမှူး ဦးဝီလီယံဖရန့်၏ ပြောကြားချက်အရ သိရသည်။

“အမျိုးသား သဘာဝဘေး ရန်ပုံငွေတွေကို အစိုးရဘက်ကို လွှဲထားပြီးသားဆိုတော့ ဟိုဘက်မှာတော့ အဆောက်အဦးဆောက်ဖို့ လေလံပစ်ဖို့ကို လုပ်နေပြီပေါ့။ ဆိုတော့ အခုလာမယ့် ရှေ့လကနေပြီးတော့ လုပ်ငန်းစတင်နိုင်မယ့် အနေအထားရှိပါတယ်။ အားလုံးပေါင်း ကျောင်းခုနစ်လုံးပေါ့။ သာမန်အချိန်မှာ စာသင်ကျောင်းပေါ့။ ဘေးအန္တရာယ် ကျရောက်လာရင် ရေဘေးခိုလှုံတဲ့ နေရာတွေပေါ့။ အဲဒီလိုမျိုးဖြစ်အာင် လုပ်ထားတာပေါ့။ အောက်ထပ်ကတော့ ၁၀ ပေ/၁၂ ပေလောက် အမြင့်ရှိမှာပေါ့။ ပြီးတော့မှ ကျောင်းဆောင် ပေါ့။ ပြီးရင် ကျောင်းအမိုးကိုလည်း Slab နဲ့ မိုးပြီးတော့ အဲဒီ Slab ပေါ်မှာ ဒူးကာတွေရှိမှာပေါ့။ အနည်းဆုံး ပေ ၂၀ လောက်မြုပ်ရင်တောင်မှ အမိုးပေါ်မှာ Slab ပြားပေါ်မှာ တက်နေလို့ရအောင်လေ။ အဲဒီလိုပုံစံမျိုးလေး ဆောက်မှာပေါ့နော်။ ဆောက်တာကတော့ အဲဒီ Design တွေ ဆောက်ဖို့ရှိတာပေါ့နော်။ အခုဆောက်မယ့် အထဲမှာ မူလတန်းကျောင်းက လေးကျောင်းပါတယ်။ အလယ်တန်းကျောင်းက သုံးကျောင်းပါတယ်။ အဲဒီအခါကျတော့ ကျောင်းသား အရေအတွက်နဲ့ ပြောရမယ် ဆိုရင်တောင် မူလတန်းဆိုလည်း ဦးရေ ၁၀၀ ကျော်ကျော်လောက်တော့ ဆံ့မှာပေါ့။ အလယ်တန်းဆိုလည်း ဦးရေ ၁၅၀၊ ၂၀၀ လောက်တော့ဆံ့ပါတယ်” ဟု  ဦးဝီလီယံဖရန့်က ပြောကြားသည်။

စစ်ကိုင်းတိုင်းဒေသကြီးသည် နှစ်စဉ်နှစ်တိုင်း ရေဘေးဒဏ်ကို ခံစားရလေ့ရှိပြီး ရေဘေးဒဏ်ကြောင့် ထိခိုက်ပျက်စီးမှုများတွင် ၂၀၁၅-၁၆ ခုနှစ် ရေနစ်မြုပ်မှုသည် အဆိုးရွားဆုံးဖြစ်ပြီး ရေနစ်မြုပ်မှုများကြောင့် ထိခိုက်ပျက်စီးမှု အများဆုံးတွင် လူတို့၏ အသက်မွေးကျောင်း ထိခိုက်ပျက်စီးမှုက အဆိုးရွားဆုံးဖြစ်ကြောင်း သိရသည်။

“အဆိုးရွားဆုံး နှစ်ကတော့ ၂၀၁၅-၁၆ ခုနှစ်ပေါ့။ အဲဒီနှစ်က လူနေအိမ် အဆောက်အအုံပေါင်း ၈၀၀  ကျော် မျောပါပျက်စီးခဲ့တာပေါ့။ လက်ရှိအစိုးရ လက်ထက်မှာတော့ ၂၀၁၇ ခုနှစ်မှာလည်း နည်းနည်းတော့ ဖြစ်သေးတာပေါ့။ ၂၀၁၇ ခုနှစ်မှာတော့ ဖြစ်လေ့ဖြစ်ထရှိတဲ့ မြို့နယ် ၁၅ မြို့နယ်မှာပဲ ပြန်ဖြစ်တာပေါ့နော်။ ရေနစ်မြုပ်လို့ ထိခိုက်ပျက်စီးတဲ့အထဲမှာ လူနေအိမ်တွေကတော့ အချိန်တိုအတွင်းမှာ ပြန်ဆောက်လို့ လွယ်ပေမယ့် အဓိက ကတော့ လယ်ယာမြေ ကိစ္စတွေပေါ့။ ချောင်းတွေ၊ မြောင်းတွေကောသွားတယ်။ လယ်တွေ နုန်းဖုံးသွားတယ်။ အမှိုက်တွေ သစ်တုံးတွေ ဖုံးသွားတယ်။ အဲဒါတွေကျတော့ ဟိုဘက်အစိုးရအပြင် ဒီဘက်အစိုးရ လက်ထက်အထိ တစ်နှစ်ကျော်ကျော်လောက် လုပ်ယူရတာပေါ့။ လက်ရှိတက်လာတဲ့ အစိုးရ လက်ထက်မှာဆိုရင် ကလေးဒေသကို တစ်နှစ်ကျော်လောက်အထိ နုန်းတွေသယ် မြောင်းတွေ ပြန်တူးပေါ့။ လယ်တွေပြန်စိုက်လို့ရအောင် လုပ်နေတာတောင်မှ မပြည့်စုံနိုင်ဘူး ဖြစ်နေတာပေါ့။ နောက်နှစ်အထိ နည်းနည်းပြန်ပြီး ဆက်လုပ်ရသေးတယ်ဆိုတော့ အဓိက က လူတွေရဲ့ အသက်မွေးဝမ်းကျောင်းတွေ ထိခိုက်သွားတာက ပိုပြီးဆိုးတာပေါ့” ဟု ဦးဝီလီယံဖရန့်က ပြောကြားသည်။

 

တင်ဝင်းထွန်းကုမ္ပဏီက ကြက်ဆူစိုက်ခင်းအတွက် မြေဧက ၃၂၀၀ ရယူထားမှုနှင့် ပတ်သက်၍ စာချုပ်ချိုးဖောက်မှုကြောင့် သစ်တောမြေအဖြစ် ပြန်လည်သိမ်းဆည်းရန် စစ်ကိုင်းတိုင်းဒေသကြီး လွှတ်တော် အတည်ပြု

စစ်ကိုင်းတိုင်းဒေသကြီး ကနီမြို့နယ် ပေါက်အင်းတောင်ဒေသတွင် တင်ဝင်းထွန်း ကုမ္ပဏီက ကြက်ဆူစိုက်ခင်းအတွက် မြေဧက ၃၂၀၀ ရယူထားမှုနှင့် ပတ်သက်၍ စာချုပ်ချိုးဖောက်နေမှုကြောင့် သစ်တောမြေအဖြစ် ပြန်လည်သိမ်းဆည်းရန် တိုင်းဒေသကြီး လွှတ်တော်က အတည်ပြုခဲ့ကြောင်း သိရသည်။

သြဂုတ် ၁၄ ရက်က ကျင်းပသည့် ဒုတိယအကြိမ် စစ်ကိုင်းတိုင်းဒေသကြီး လွှတ်တော် ၁၅ ကြိမ်မြောက် ပုံမှန်အစည်းအဝေး ၁၂ ရက်မြောက်နေ့တွင် ယင်းအဆိုကို ထောက်ခံဆွေးနွေးခဲ့ကြသည့် တိုင်းဒေသကြီး လွှတ်တော်ကိုယ်စားလှယ် ရှစ်ဦးရှိခဲ့ကြောင်း၊ ယင်းအဆိုကို ကန့်ကွက်သည့် တိုင်းဒေသကြီး လွှတ်တော် ကိုယ်စားလှယ် မရှိခြင်းကြောင့် အဆိုကို လွှတ်တော်က အတည်ပြုခဲ့ကြောင်း သိရသည်။

“တရားစွဲခံထားတဲ့ တောင်သူ ၆၂ ဦး လွတ်မြောက်ဖို့ပေါ့နော်။ ဒီဒေသဟာ တောင်သူပေါင်း ၃၀၀၀ ကျော်လောက် ရှိနေတယ်။ အစိုးရ စာသင်ကျောင်းတွေ၊ ဘုန်းတော်ကြီးကျောင်းတွေ ရှိနေတယ်။ နောက်ပြီးတော့ သစ်ပင်သစ်တော ဆိုတာလည်း မရှိတော့ဘူး။ အိမ်ခြေ ၅၀ နဲ့ အထက်ရှိတဲ့နေရာကို ကျွန်တော်တို့က ကျေးရွာတည်ဆောက်ခွင့် ရရှိအောင် လုပ်ဆောင်သွားမယ်” ဟု ယင်းအဆို တင်သွင်းခဲ့သူ ကနီမြို့နယ် မဲဆန္ဒနယ်မြေ အမှတ်(၂) တိုင်းဒေသကြီး လွှတ်တော်ကိုယ်စားလှယ် ဦးထွန်းထွန်းဝင်းက ပြောကြားသည်။

အဆိုပါနေရာအား သီးနှံသစ်တော ရောနှောစိုက်ခင်း ထူထောင်ရန်၊ တင်ပြလာသည့် တောင်သူများနှင့် ညှိနှိုင်းဆောင်ရွက်ရန်၊ ထူထောင်လိုခြင်း မရှိသူများကို သစ်တောဥပဒေနှင့်အညီ ဆောင်ရွက်ရန်အတွက် စာဖြင့်အကြောင်းပြန်ခဲ့ပြီး ဖြစ်ကြောင်း၊ ကနီမြို့နယ် ပေါက်အင်းတောင်ဒေသတွင် တင်ဝင်းထွန်း ကုမ္ပဏီက အမှန်တကယ် စိုက်ပျိုးထားသည့် မြေ ၂၁၃ ဧကကို ပြန်လည်တိုင်းတာပြီး ဖြစ်ကြောင်း စစ်ကိုင်းတိုင်းဒေသကြီး အစိုးရအဖွဲ့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးကမ်ဇာမုံက ဆိုသည်။

“တောင်သူတွေက သဘောတူတဲ့အတွက် တိုင်းတာခဲ့တာမျိုး မရှိပါဘူး။ ကျန်တဲ့ ၄ ဒသမ ၇၅ ဧကမှာ အသုံးမပြုတော့တဲ့ အတွက် ရဟတ်ယာဉ်ကွင်းနဲ့ ကျူးကျော်နေတဲ့ ဘောလုံးကွင်း နေရာအဖြစ် သတ်မှတ်ထားပါတယ်။ ကနီမြို့နယ် သစ်တောသီးစီးဌာန မြို့နယ်တာဝန်ခံက အငြင်းပွားမှုများ ဖြစ်ပေါ်နေတဲ့ တိုင်းတာရန် ကျန်ရှိနေတဲ့ ၂၂ ဧကကို ထပ်မံကွင်းဆင်း စစ်ဆေးရာမှာ ကုမ္ပဏီပိုင် သရက်နဲ့ ယာသမားရဲ့ သရက်ပင်တွေ ရောနှောနေတဲ့ မြေဧက နှစ်ဧကမှ လွဲပြီးတော့ ကျန်နေရာတွေကို ယာခင်းအဖြစ် တွေ့ရပါတယ်” ဟု ဦးကမ်ဇာမုံက ပြောကြားသည်။

ကနီမြို့နယ် ပေါက်အင်းတောင်ဒေသတွင် တင်ဝင်းထွန်းကုမ္ပဏီက ကြက်ဆူစိုက်ခင်းအတွက် မြေဧက ၃၂၀၀ ကို သစ်တောဦးစီးဌာနနှင့် နှစ် ၃၀ စာချုပ် ချုပ်ဆိုခဲ့ကြောင်း၊ ယင်းစာချုပ်ကို တင်ဝင်းထွန်း ကုမ္ပဏီဘက်က စာချုပ်ပါ စည်းကမ်းချက်များအား ချိုးဖောက်နေသည့်အတွက် အဆိုပါ စာချုပ်ကိုလည်း ပြန်လည် ပယ်ဖျက်မည် ဖြစ်ကြောင်း သိရသည်။