မိုးကုတ်ဆရာတော်ဘုရားကြီး၏ အဆုံးအမများ၊ သစ္စာလေးပါး တရားတော်များကို မပျောက်ပျက်စေရန် စစ်ကိုင်းတောင် မြောက်ဘက်တွင် ကျောက်ထက် အက္ခရာတင် ဓမ္မစေတီ ၁၃၅၀ ကျော် တည်မည်

စကျင်ကျောက်ပြားပေါ်တွင် ကျောက်ထက်အက္ခရာ တင်ထားသော ဓမ္မစေတီများကို တွေ့ရစဉ်

မိုးကုတ်ဆရာတော် ဘုရားကြီး၏ အဆုံးအမများ၊ သစ္စာလေးပါး တရားတော်များကို မပျောက်ပျက်စေရန် စစ်ကိုင်းတောင် မြောက်ဘက်၊ တောင်ဖီလာစေတီအနီး ရှင်သီဝလိ တောရကျောင်းတွင် ကျောက်ထက် အက္ခရာတင် ဓမ္မစေတီ ၁၃၅၀ ကျော် တည်မည်ဖြစ်ကြောင်း သိရသည်။

ကျေးဇူးတော်ရှင် အဂ္ဂမဟာပဏ္ဍိတ မိုးကုတ်ဆရာတော်ဘုရားကြီး ဟောကြားခဲ့သော သစ္စာလေးပါး မြတ်တရားတော် အပုဒ်ရေ ၁၃၅၀ ကျော်အား ကျောက်ထက် အက္ခရာတင် ဓမ္မစေတီများအဖြစ် ရှင်သီဝလိတောရ ဆရာတော် ဘဒ္ဒန္တသုမန(မဟာထေရ်) ကဦးစီး၍ စေတနာရှင် အလှူရှင်များ၏ ကုသိုလ်ဖြင့် စေတီများ တည်ထားမည်ဖြစ်ကြောင်း သိရသည်။

“မိုးကုတ်ဆရာတော်ဘုရားကြီးရဲ့ တရားတော်တွေကို တောရဆရာတော်ကြီးက ပြန်လည်ရေးသားမှုနဲ့ ပူဇော်မှုနဲ့ ကျေးဇူးပြုခဲ့ပါတယ်။ ဟောကြားမှုကိုလည်း ယခုပြုလုပ်နေဆဲ ကျင့်ကြံခြင်းဖြင့်လည်း အားထုတ်နေဆဲပါ။ ကိုယ်သိသလို သူများသိပါစေဆိုတဲ့ ဆန္ဒနဲ့ သစ္စာတရားကို နာကြားနိုင်တဲ့သူတိုင်း သိပါစေ။ နောင်လာ နောင်သားတွေ  ဒီတရားတော်ကို အလွယ်တကူ သိနိုင်ပါစေဆိုတဲ့ ရည်ရွယ်ချက်နဲ့ ဒီစေတီတွေကို တည်တာပါ။ မိုးကုတ်ဆရာတော်ကြီးရဲ့ တရားတွေက မိနစ် ၅၀ ကနေ ၆၃ မိနစ်အထိ ရှိတယ်။ အဲဒီ တရားစာတွေကို ကွန်ပျူတာနဲ့ စာစီပြီး စကျင်ကျောက်ပြားပေါ် စက်နဲ့ရေးတာ။ တရားတစ်ပုဒ်ကို ကျောက်စာလေးချပ် ရှိပါတယ်။ အလှူရှင်ရဲ့ ကမ္ပည်းထိုးပေးတယ်။ အဲဒီအထက် တရားစာကျောက်စာ၊ ကျောက်စာအပေါ်က ရွှေတိဂုံစေတီပုံစေတီ” ဟု ရှင်သီဝလိ တောရကျောင်းတွင် သီတင်းသုံးသည့် ဆရာတော်က မိန့်ကြားသည်။

အဆိုပါ ကျောက်ထက်အက္ခရာတင် ဓမ္မစေတီများအား ၂၀၁၇ ခုနှစ်မှ စတင်၍ ရှင်သီဝလိတောရ ဆရာတော်ကြီးက စေတီခုနစ်ဆူဖြင့် စတင်တည်ထားရာမှ ယခု ၂၉၀ ဆူ တည်ထားရန် အလှူစာရင်း ရရှိနေပြီး ဓမ္မစေတီ ၅၇ ဆူ တည်ဆောက်ပြီးစီးနေကြောင်း သိရပြီး ဓမ္မစေတီ တစ်ဆူလျှင် မိုးကုတ်ဆရာတော် ဘုရားကြီး၏ တရားတစ်ပုဒ်အား လေးပိုင်းခွဲ၍ ခြောက်ပေ သုံးပေခွဲရှိ စကျင်ကျောက်ပြားပေါ်၌ ကျောက်ထက်အက္ခရာ တင်ထားကြောင်း သိရသည်။

ဓမ္မစေတီ တစ်ဆူလျှင် ကျပ်သိန်း ၇၀ နှုန်းဖြင့် တစ်ဦးချင်းဖြစ်စေ အများပေါင်းစု ကုသိုလ်အဖြစ် ထည့်ဝင်လှူဒါန်းနိုင်ကြောင်း သိရပြီး ၀၉-၇၈၀၉၁၁၈၇၁ ဒေါ်ဝါယမီ၊ ဦးအောင်မောင်း ၀၉-၇၉၇၉၅၅၂၈၉၊ ဦးမင်းမင်းမြတ် ၀၉-၄၀၂၅၀၇၀၁၆ သို့ ဆက်သွယ် လှူဒါန်းနိုင်ကြောင်း သိရသည်။

 

စစ်ကိုင်းတိုင်းဒေသကြီးအတွင်း စီးပွားရေးလုပ်ငန်းရှင်နှင့် လူပုဂ္ဂိုလ်အချို့က လွှတ်တော်ကိုယ်စားလှယ် အချို့အား အသက်အန္တရာယ် ခြိမ်းခြောက်မှုများ ရှိနေကြောင်း ခြိမ်းခြောက်ခံခဲ့ရသည့် လွှတ်တော် ကိုယ်စားလှယ်များ ပြောကြား

စစ်ကိုင်းတိုင်းဒေသကြီးလွှတ်တော် တက်ရောက်နေသည့် လွှတ်တော်ကိုယ်စားလှယ်များအား တွေ့ရစဉ်

စစ်ကိုင်းတိုင်းဒေသကြီး အတွင်းမှ လွှတ်တော်ကိုယ်စားလှယ် အချို့အား စီးပွားရေး လုပ်ငန်းရှင်နှင့် အခြားလူပုဂ္ဂိုလ် အချို့က ၎င်းတို့ကို အသက်အန္တရာယ် ခြိမ်းခြောက်မှုများ ရှိနေကြောင်း ခြိမ်းခြောက်ခံရသည့် လွှတ်တော် ကိုယ်စားလှယ်များက ပြောကြားသည်။

အသက်အန္တရာယ် ခြိမ်းခြောက်ခံ ကိုယ်စားလှယ်များသည် တရားဥပဒေစိုးမိုးမှုနှင့် ပတ်သက်၍ လက်ရှိအခြေအနေထက် ပြုပြင်ပြောင်းလဲရန် လိုအပ်ကြောင်း ယခုအနေအထားအတိုင်း ဆက်လက်သွားပါက ၎င်းတို့၏ ရပ်တည်မှုသည် စိုးရိမ်ရသည့် အခြေအနေတွင်ရှိကြောင်း ကနီမြို့နယ် မဲဆန္ဒနယ် အမှတ် (၂) တိုင်းဒေသကြီး လွှတ်တော်ကိုယ်စားလှယ် ဦးထွန်းထွန်းဝင်းက ပြောကြားသည်။

“အစိုးရအနေနဲ့က လွှတ်တော်ကိုယ်စားလှယ်တွေရဲ့ လုံခြုံရေးရော ပြည်သူတွေရဲ့လုံခြုံရေးရော ပိုပြီးတော့ အားစိုက်သင့်တယ်လို့ မြင်ပါတယ်။ ရုတ်တရက် လတ်တလော တယ်လီဖုန်းနဲ့ ခြိမ်းခြောက်တာတွေရှိတယ်။ နှုတ်နဲ့လည်း ခြိမ်းခြောက်တာတွေရှိတယ်။ အဲဒီလို ခြိမ်းခြောက်လာတဲ့ အခါမှာ သက်ဆိုင်ရာ ရဲတပ်ဖွဲ့ကိုတော့ ကျွန်တော်တို့က အကြောင်းကြားပါတယ်။ ကျွန်တော်တို့က လိုအပ်တဲ့အခါကျရင် ရဲတပ်ဖွဲ့ကို လုံခြုံရေး ခေါ်တာတွေရှိတယ်။ အမြဲတမ်းကျတော့လည်း သူတို့လည်း မလိုက်နိုင်ပါဘူး။ စီးပွားရေး လုပ်ငန်းရှင် တွေကလည်းရှိတယ်။ တချို့ဆိုရင် ဌာနဆိုင်ရာတွေက အကြီးအကဲတွေကိုယ်တိုင် ခြိမ်းခြောက်တာတွေ ရှိပါတယ်” ဟု ဦးထွန်း ထွန်းဝင်းက ဆိုသည်။

တရားဥပဒေ စိုးမိုးရေးသည် ပြည်သူအားလုံး သိနေသည့် အတိုင်းသာရှိကြောင်း လိုအပ်ချက်များနှင့် လုပ်စရာများရှိကြောင်း ခြိမ်းခြောက်မှုများ မည်မျှရှိစေကာမူ ပြည်သူများထံမှ မဲယူထားသည့်အတွက် လုပ်စရာရှိသည်ကို ရှေ့ဆက်လုပ်ဆောင် သွားမည်ဖြစ်ကြောင်း ဒေါ်စုမြတ်ထက်က ဆိုသည်။

“ဘယ်လိုပဲ ခြိမ်းခြောက်ပါစေ။ ကျွန်မကတော့ စိုးရိမ်ကြောင့်ကြမှု မရှိပါဘူး။ စိတ်အနှောင့်အယှက် လေးလောက်ပဲ နည်းနည်းဖြစ်ပါတယ်။ ကုမ္ပဏီတွေကိုတော့ ကျွန်မက လွှတ်တော်မှာ တင်ပြခဲ့ပါတယ်။ သူတို့နဲ့ပဲ ပြေပြေလည်လည် ညှိနှိုင်းပြီး လုပ်ပါတယ်။ ဒါပေမဲ့ သူတို့အတွက်ကတော့ အကျိုးအမြတ်က တော်တော်လေးကို ထိခိုက်တယ်လို့ သူတို့ က ယူဆတဲ့အခါမှာ ကျွန်မတို့အပေါ်ကို ဒီလိုခြိမ်းခြောက်လာတာပါ။ ခြိမ်းခြောက်မှုတွေနဲ့ ပတ်သက်ပြီး ပါတီက လူကြီးတွေနဲ့ ကျွန်မတို့ရဲ့ လွှတ်တော်ဥက္ကဋ္ဌကြီးကိုလည်း ပြောဖြစ်ပါတယ်။ အရင်တုန်းကတော့ ကုမ္ပဏီတွေက လွယ်လွယ်ကူကူ လက်မှတ်တွေ ရခဲ့ကြတာကိုတော့ ကျွန်မလည်း မပြောတတ်ဘူး။ ကျွန်မတို့ လက်ထက်မှာကတော့ သူ့ရဲ့စံချိန်စံညွှန်းအတိုင်း မဟုတ်ရင် လက်မှတ်မထိုးပေးဘူး။ ဒီအပေါ်မှာ သူတို့ကတော့ အခက်အခဲ ဖြစ်ပုံရပါတယ်” ဟု စစ်ကိုင်းမြို့နယ် မဲဆန္ဒနယ် အမှတ် (၁) တိုင်းဒေသကြီး လွှတ်တော်ကိုယ်စားလှယ် ဒေါ်စုမြတ်ထက်က ပြောကြားသည်။

လွှတ်တော်ကိုယ်စားလှယ် သက်တမ်းတစ်လျှောက်တွင် စိတ်ထဲ၌ စိုးရိမ်ပူပန်မှုများ၊ တုန်လှုပ်ခြင်းနှင့် ဒေါသထွက်သည့် အပိုင်းသာ ရှိကြောင်း ခြိမ်းခြောက်ခံခဲ့မှုသည် အတုံ့အပြန်ရှိကြောင်း စာဖြင့်ပေးပို့ကာ ခြိမ်းခြောက်ခံခဲ့ရကြောင်း ဒေါ်သန့်ဝေကျော်က ပြောကြားသည်။

“မူလတန်းအရွယ် ကလေးရဲ့ပါးကို လက်သည်းနဲ့ ဆရာမကဆိတ်တဲ့ကိစ္စ ပြဿနာပေါ့နော်။ ဒီကိစ္စကလည်း တစ်နိုင်ငံလုံး ဟိုးလေးတကျော်လည်း ဖြစ်သွားတယ်။ ကျွန်မ ရဲ့မိသားစုကိုလည်း ဂရုစိုက်ပါ။ အတုံ့အလှည့် ဆိုတာရှိတယ်။ ခြိမ်းခြောက်တဲ့ စာတွေတင်တယ်။ အမှန်တရား တစ်ခုကို ရပ်တည်တဲ့အခါ မှာ ကျွန်မတို့ကို ကြောက်သလားလို့မေးရင်တော့ လုံးဝမကြောက်ပါဘူး။ ဒါပေမဲ့ ဒီလိုမျိုး ခြိမ်းခြောက်တဲ့စာတွေကို ရုတ်တရက်တွေ့လိုက်တော့ နည်းနည်းလေး တုန်လှုပ်ပါတယ်” ဟု ကလေးမြို့နယ် မဲဆန္ဒနယ် အမှတ် (၁) တိုင်းဒေသကြီး လွှတ်တော်ကိုယ်စားလှယ် ဒေါ်သန့်ဝေကျော်က ဆိုသည်။

လွှတ်တော်ကိုယ်စားလှယ် အချို့အား အသက်အန္တရာယ် ခြိမ်းခြောက်သည့်နေရာတွင် တရားမ၀င် သစ်မှောင်ခို လုပ်ကိုင်သူများ၊ မူးယစ်ဆေးဝါး ဖြန့်ဖြူးရောင်းချနေသူများ၊ တင်ဒါအောင် ကုမ္ပဏီအချို့မှ စီးပွားရေး လုပ်ငန်းရှင်အချို့နှင့် အခြားလူပုဂ္ဂိုလ် အချို့တို့ကလည်း ခြိမ်းခြောက်မှုများရှိကြောင်း သိရသည်။

 

စစ်ကိုင်းတိုင်းဒေသကြီး၌ ၂၀၁၅ ခုနှစ်အတွင်း ရေကြီးရေလျှံမှု ကြုံတွေ့ခဲ့ရသည့် ကျေးရွာများအား ပြန်လည် ထူထောင်ရေးအတွက် ကမ္ဘာ့ဘဏ်ချေးငွေ IRM အစီအစဉ်ဖြင့် စိုက်ပျိုးရေ ရေတွင်း ၁၀၀ တူးဖော်ပေးသွားမည် ဟုဆို

စိုက်ပျိုးရေးတွင်း တစ်တွင်းမှ ရေပေးဝေနေစဉ်

၂၀၁၅ ခုနှစ်အတွင်းက စစ်ကိုင်းတိုင်းဒေသကြီး စစ်ကိုင်းခရိုင်၊ ကလေးခရိုင်နှင့် ယင်းမာပင်ခရိုင်တို့တွင် ရေကြီးရေလျှံမှု ဖြစ်ပွားခဲ့ပြီး ယင်းရေကြီးရေလျှံမှုများ ကြုံတွေ့ခဲ့ရသည့် ကျေးရွာများအား ပြန်လည်ထူထောင်ရေး အတွက် ကမ္ဘာ့ဘဏ်ချေးငွေ IRM အစီစဉ်ဖြင့် စိုက်ပျိုးရေ ရေတွင်း ၁၀၀ တူးဖော်ပေးသွားမည် ဖြစ်ကြောင်း စစ်ကိုင်းတိုင်းဒေသကြီး စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာန (ရေအရင်းအမြစ်) ဒုတိယညွှန်ကြားရေးမှူးရုံးမှ ဒုတိယညွှန်ကြားရေးမှူး ဦးစံပေါထံမှ သိရသည်။

ယင်းကဲ့သို့ ရေတွင်းများ တူးဖော်ပေးရခြင်း၏ ရည်ရွယ်ချက်သည် ရေကြီးရေလျှံမှု ကြုံတွေ့ခံစားခဲ့ရသည့် တောင်သူများအတွက် စိုက်ပျိုးရေ ရရှိစေရန်အတွက် ဖြစ်ကြောင်း ရေတွင်းများ တူးဖော်ပြီးစီးပါက နွေ၊ မိုး၊ ဆောင်း သီးနှံများအား စိုက်ပျိုးနိုင်မည် ဖြစ်ကြောင်း ၎င်းကဆက်လက် ပြောကြားသည်။

“ကျွန်တော်တို့ ၂၀၁၅ ခုနှစ်အတွင်းမှာ ရေကြီးရေလျှံမှု ဖြစ်သွားတဲ့ စစ်ကိုင်းတိုင်းဒေသကြီးမှာ ကမ္ဘာ့ဘဏ်ကနေပြီးတော့မှ အကူအညီနဲ့ ပစ္စည်းတွေပေးပြီးတော့ ရေတွင်းတွေ တူးပေးဖို့ရာ ရှိပါတယ်။ ရေတွင်းပေါင်း ၁၀၀ တူးဖော်ပေးမှာပါ။ ရေကြီးရေ လျှံတုန်းက နစ်နာသွားတဲ့ တောင်သူတွေရဲ့ လယ်ယာတွေကို အောင်ရေတို့ စိုက်ပျိုးရေတို့ နောက်တစ်ခါ ဆောင်းသီးနှံတို့ စိုက်ပျိုးနိုင်ရန်အတွက် ကျွန်တော်တို့ကနေပြီးတော့မှ ဆောင်ရွက်ပေးတာ ဖြစ်ပါတယ်” ဟု စစ်ကိုင်းတိုင်းဒေသကြီး စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ဆည်မြောင်းနှင့် ရေအသုံးချမှု စီမံခန့်ခွဲရေး ဦးစီးဌာန (ရေအရင်းအမြစ်) ဒုတိယညွှန်ကြားရေးမှုးရုံးမှ ဒုတိယညွှန်ကြားရေးမှူး ဦးစံပေါက ပြောကြားသည်။

ကမ္ဘာ့ဘဏ်အနေဖြင့် ရေတွင်း ၁၀၀ တူးဖော်မည့်လုပ်ငန်းတွင် လေးလက်မ ပိုက်၊ ဒီဇယ်ဆီ၊ ရေတွင်း၌ တပ်ဆင်မည့်စက် စသည့်ပစ္စည်းများကို ပေးသွားမည်ဖြစ်ကြောင်း စစ်ကိုင်းတိုင်းဒေသကြီး စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာန (ရေအရင်းအမြစ်) ဒုတိယညွှန်ကြားရေးမှူးရုံးက ရေတွင်းတူးဖော်ခြင်းများ၊ ရေတင်စက်ရုံများ၊ ရေကန်များနှင့် ရေမြောင်းများကိုပါ တည်ဆောက်ပေးမည် ဖြစ်ကြောင်း ၎င်းကဆိုသည်။

စစ်ကိုင်းတိုင်းဒေသကြီး၌ ရေတွင်း ၁၀၀ တူးဖော်ပေးမည့် ခရိုင်များမှာ စစ်ကိုင်းခရိုင်တွင် ၁၉ တွင်း၊ ကလေးခရိုင်တွင် ရေတွင်း ၇၀၊ ယင်းမာပင်ခရိုင်တွင် ၁၁ တွင်း စုစုပေါင်း ရေတွင်း ၁၀၀ အား ယခုဘတ်ဂျက်နှစ်အတွင်း ပြီးစီးအောင် ဆောင်ရွက်သွားမည် ဖြစ်ကြောင်း ရေတူးဖော်ပေးမည့် ကုန်ကျငွေပမာဏမှာ တိုင်းဒေသကြီး ဘတ်ဂျက်ငွေ ကျပ်သန်း ၅၄၈ ဖြင့် ရေတွင်း ၁၀၀ အား အမြန်ဆုံး တူးဖော်ပေးမည် ဖြစ်ကြောင်း သိရသည်။

 

စစ်ကိုင်း (အင်းဝ) တံတားတွင် ၁၃ တန် အထက်ယာဉ်များ ဖြတ်သန်းခွင့်မပြုရန် တံတားအသုံးပြုခ ကောက်ခံရေးတင်ဒါ ရရှိသူအား သတိပေး

စစ်ကိုင်း (အင်းဝ) တံတားအား တွေ့ရစဉ်

စစ်ကိုင်း (အင်းဝ) တံတားအပေါ် ၁၃ တန်အထက်ယာဉ်များ ဖြတ်သန်းခွင့်မပြုရန် တံတားအသုံးပြုခ ကောက်ခံရေးတင်ဒါ ရရှိသူအား မြန်မာ့မီးရထားတိုင်း (၂) စီးပွားရေးဌာနမှ ခေါ်ယူသတိပေးခဲ့ကြောင်း သိရသည်။

“အင်းဝတံတားပေါ် ၁၃ တန်အထက်ကားများ ဖြတ်သန်းသွားလာခွင့် မပြုဖို့ တင်ဒါရသူကို ဒီလ ၈ ရက်က မန်နေဂျာ စီးပွားရေးရုံးခန်းမှာ ခေါ်ယူသတိပေးတယ်။ တိုင်းတာဝန်ခံရုံးခန်းမှာ ၁၂ ရက်က ခေါ်ပြီး တင်ဒါစည်းမျဉ်းစည်းကမ်းကို လိုက်နာဖို့ ခံဝန်ကတိ လက်မှတ်ရေးထိုး ခိုင်းခဲ့ပါတယ်။ တင်ဒါစည်းကမ်းထဲမှာ ၁၃ တန်အထက်ယာဉ် တံတားပေါ် ဖြတ်သန်းခွင့် မရှိပါဘူး” ဟု မြန်မာ့မီးရထား တိုင်း (၂) စီးပွားရေးဌာန မန်နေဂျာ ဦးကျော်မိုးက ပြောကြားသည်။

စစ်ကိုင်းတံတား (အင်းဝ) ပေါ်တွင် ၁၃ တန်အထက် ယာဉ်ကြီးများ ညပိုင်းအချိန်များ၌ ဖြတ်သန်းသွားလာ နေကြောင်း စစ်ကိုင်းမြို့ခံများမှ လူမှုကွန်ရက် Facebook စာမျက်နှာများတွင် ဝေဖန်မှုများ ရှိနေသည်။

“ကျောက်တင်၊ မြေတင်ကားကြီးတွေ ညတိုင်းဖြတ်ပါတယ်။ ရတနာပုံတံတားက ဖြတ်သန်းခပိုများလို့ အင်းဝတံတားက ဖြတ်ကြတာ။ မြစ်ငယ်၊ ထုံးဘိုဘက်သွားတဲ့ကားတွေက အင်းဝတံတားပေါ်က သွားကြတယ်။ လုပ်ငန်းသုံးယာဉ်တွေ အများဆုံးဖြတ်တယ်” ဟု စစ်ကိုင်းတံတား (အင်းဝ) အနီးတကောင်း ရပ်ကွက်တွင် နေထိုင်သူတစ်ဦးက ဆိုသည်။

စစ်ကိုင်းတံတား (အင်းဝ) အသုံးပြုခ ကောက်ခံရေး လုပ်ငန်းအတွက် မြန်မာ့မီးရထား စီးပွားရေးဌာနမှ လေလံတင် ရောင်းချရာငွေကျပ် သိန်း ၂၀၅၀ ရရှိခဲ့ကြောင်းသိရပြီး စစ်ကိုင်းတံတား (အင်းဝ) အသုံးပြုခကောက်ခွင့် လုပ်ငန်းလိုင်စင်ကို သုံးနှစ်တစ်ကြိမ် လေလံတင် ရောင်းချလျက်ရှိရာ ပြီးခဲ့သည့် နှစ်လေလံရရှိမှုမှာ တစ်နှစ်လျှင် ကျပ်သိန်း ၁၁၀၀ ဖြစ်ပြီး ၂၀၁၇ လေလံရရှိမှုမှာ တစ်နှစ်လျှင် ကျပ်သိန်း ၂၀၅၀ ဖြစ်သဖြင့် ယခင်နှစ် လေလံကြေး ရရှိမှုထက် ပိုမိုရရှိခဲ့သည်။

စစ်ကိုင်းတံတား (အင်းဝ) ကို ၁၉၂၇ ခုနှစ် စတင်ဆောက်လုပ်ခဲ့ကာ ၁၉၃၄ ခုနှစ်တွင် တည်ဆောက်မှု ပြီးစီးခဲ့ကြောင်း သမိုင်းမှတ်တမ်းအရ သိရပြီး ပထမဆုံး ဧရာဝတီမြစ်ကူးတံတားဖြစ်ကာ မီးရထားနှင့်ကား သွားလာနိုင်ပြီး သက်တမ်းအားဖြင့် ၈၃ နှစ် ကြာမြင့်ပြီဖြစ်သည်။

 

မင်းကင်းမြို့နယ် တောင်တွင်းချောင်ဒေသတွင် သဘာဝဓာတ်ငွေ့များ အလိုအလျောက်ထွက်ရှိနေ

မင်းကင်းမြို့နယ် တောင်တွင်းချောင်ဒေသ ဇနပုဒ်ကျေးရွာအနီး တောင်တွင်းချောင်းဘေး အနီးတွင် သဘာဝဓာတ်ငွေ့များ အလိုအလျောက် ထွက်ရှိသည်ဟု ဒေသခံများ ပြောကြားချက်အရ သိရသည် ။

“သဘာဝဓာတ်ငွေ့တွေ ထွက်တယ်ဆိုတာက ၀ံဝအတိုင်း တောင်တွင်းချောင်းကို ဆန်တက်သွားတယ်ဆိုရင် ဇနပုဒ်ရွာနားလေးမှာ သိပ်မဝေးဘူး။ အရင်က ချောင်းထဲမှာ ထွက်တာ အခုတော့ ရွာသားတွေက တောထဲမှာ မီးမွှေးရအောင် လွယ်အောင်လို့ ကုန်းပေါ်မှာ မှန်းဖောက်ထောက်တာ။ ရွာသားတွေကတော့ သဘာဝဓာတ်ငွေ့ ထွက်တဲ့နေရာ ကုန်းပေါ်ကို မှန်းဖောက်ထားပြီး ထမင်းဟင်းချက်တာတို့ ရေနွေးတည်တာတို့ လုပ်တာပေါ့ ။ တောင်တွင်း ချောင်းထဲမှာတော့ တောက်လျှောက်ထွက်နေတာပဲ။ ဇနပုဒ်ရွာနဲ့ဆိုရင် ပေ ၄၀၀၊ ၅၀၀ ၀န်းကျင်လောက်ပဲဝေးမှာ၊ ရွာနဲ့ကပ်နေတာ။ ရွာရဲ့ အနောက်ဘက်မှာ တောတွေရှိတယ်လေ။ တောင်တွင်းချောင်ဒေသ ပျားရွာ၊ ဇနပုဒ်ရွာတို့ဆိုတာ ၀ံဝဆိုတဲ့ ရွာကတစ်ဆင့်လာရတာ။ မုံရွာယာကြီးလမ်း ဘေးကျော် ရွာအနီးမှာ ၀ံဝရွာကိုသွားတဲ့ လမ်းခွဲရှိပါတယ်။ အဲဒီကတစ်ဆင့် သွားရတာ ပါ။ ဒီလို သဘာဝဓာတ်ငွေ့တွေ ထွက်နေတာ ကြာပါပြီ။ ၁၉၆၆၊ ၁၉၆၇ လောက်တုန်းကတည်းက ချောင်းထဲမှာ ထွက်နေတာ ကြာလှပါ ပီ။ ဒီလိုထွက်နေတဲ့ သဘာဝဓာတ်ငွေ့တွေကို လာရောက်လေ့လာ စမ်းသပ်တာကိုတော့ မတွေ့ဘူးဖူး။ ပျားရွာတို့၊ ဇနပုဒ်ရွာကတော့ သွားရလာရ ခက်တယ်လေ။ အရင်တုန်းကတော့ အဲဒီဘက်မှာ ရေနံစိမ်း တူးတာရှိတယ်။ ဒေသခံ တစ်ပိုင်တစ်နိုင် လောက်ပါပဲ။ အခုတော့ သဘာဝဓာတ်ငွေ့ကို ကုန်းပေါ်မှာ မှန်းဖောက်ပြီး တောထဲရေနွေးတို့ ထမင်းအိုး ဟင်းအိုးတို့ တည်လိုက်တာပဲ။ မီးပြန်သတ်ချင်ရင်တော့ သဲနဲ့ပြန်ဖို့ လိုက်တာ။ သူတို့ကတော့ လက်နဲ့ပဲတူးပြီး ဖောက်လိုက်တာပါ။ ဇနပုဒ်ရွာရဲ့ အခင်းထဲမှာပါ” ဟု သဘာဝဓာတ်ငွေ့ ထွက်ရှိနေမှုကို ဒေသခံတစ်ဦးက ပြောကြားသည်။

အဆိုပါဒေသနှင့် တစ်ဆက်တည်းဖြစ်သော ကလေးမြို့နယ်အတွင်းရှိ တောင်တန်းများတွင် လွန်ခဲ့သည့် နှစ်၂၀ ၀န်းကျင်မှစ၍ ရေနံစိမ်းများ အမြောက်အမြား ထွက်ရှိခဲ့ပြီး တစ်ပိုင်တစ်နိုင် လုပ်ငန်းများ လုပ်ကိုင်ကြကာ ယခုအခါတွင် ရေနံထွက်ရှိမှု နည်းပါးလာမှုကြောင့် လုပ်ကိုင်သူ မရှိသလောက် နည်းပါးလာခဲ့သည်ဟု သိရသည်။

“ဒီလို ဖြစ်စဉ်တွေက ဘူမိသဘောအရ မြန်မာနိုင်ငံမှာ တခြားနယ်တွေနဲ့ ကလေးနယ်နဲ့ တောင်တွင်းချောင်ဒေသ ကြားမှာရှိတဲ့ တောင်ကြောတွေပေါ်မှာ ရေနံနဲ့ ဓာတ်ငွေ့သိုက် သေးသေးလေးတွေ ရှိပါတယ်။ ဒါကို အစိုးရကနေသော် လည်းကောင်း၊ တကယ်လုပ်နိုင်တဲ့ ဂုဏ်သိက္ခာရှိတဲ့ ကုမ္ပဏီတစ်ခုခုကသော် လည်းကောင်း စမ်းသပ်မှုတွေ သုတေသနပြုမှုတွေလုပ်မယ် ဆိုရင်တော့ လက်ခံပါတယ်။ ဒါမှမဟုတ်ဘဲ လူတွေအများကြီးလာပြီး ဘာမှမဟုတ်ဘဲ တူးကြဆွကြနဲ့ဆိုရင် ဒီဒေသလေးရဲ့ သဘောဝပတ်ဝန်းကျင် တောတောင်တွေ ပျက်စီးသွားမှာ စိုးရိမ်တယ်” ဟု မင်းကင်းမြို့နယ် သူရိယစန္ဒာ သဘာဝပတ်ဝန်းကျင် ထိန်းသိမ်းရေးအဖွဲ့မှ တာဝန်ရှိသူ ဦးကျော်မင်းထွဋ်က ပြောကြားသည်။

 

စစ်ကိုင်းမြို့ ကံတလူတိုးဂိတ်အနီး အောင်ရတနာ ခရီးသည်တင် မှန်လုံယာဉ်ပေါ်မှ သင်းခွေချပ် ခြောက်ကောင်နှင့် လိပ်ပျော့သုံးကောင် ဖမ်းဆီးရမိ

စစ်ကိုင်းမြို့ ကံတလူတိုးဂိတ်အနီး အောင်ရတနာ ခရီးသည်တင်ယာဉ်ပေါ်မှ တရားမ၀င် သယ်ဆောင်လာသော သင်းခွေချပ်ကို တွေ့ရစဉ်

စစ်ကိုင်းမြို့ ကံတလူတိုးဂိတ်အနီး အောင်ရတနာ ခရီးသည်တင်ယာဉ်ပေါ်မှ တရားမ၀င် သယ်ဆောင်လာသော သင်းခွေချပ်အရှင် ခြောက်ကောင်နှင့် လိပ်ပျော့အရှင် သုံးကောင် ဖမ်းဆီးရမိခဲ့ကြောင်း ဇန်န၀ါရီ ၅ ရက်တွင် စစ်ကိုင်းခရိုင် ရဲတပ်ဖွဲ့မှ သိရသည်။

“ဒီနေ့မနက် တစ်နာရီက ဖမ်းဆီးရမိတာပါ။ ကားကိုတားစစ်ဆေးရင်း တရားမ၀င် သယ်ဆောင်လာတဲ့ သင်းခွေချပ်တွေနဲ့ လိပ်ပျော့သုံးကောင် ရှာဖွေတွေ့ရှိခဲ့တယ်။ တရားမ၀င် သယ်ဆောင်လာတဲ့ အမျိုးသား နှစ်ဦးကို ဖမ်းဆီးစစ်ဆေး နေပါတယ်” ဟု စစ်ကိုင်းခရိုင်ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

ဇန်န၀ါရီ ၅ ရက် နံနက် ၁ နာရီခန့်က စစ်ကိုင်းမြို့ ကံတလူတိုးဂိတ်အနီး မုံရွာ-မန္တလေးကားလမ်း မြောက်မှတောင်သို့ ယာဉ်မောင်းကျော်ကျော် မောင်းနှင်လာသော 5I/—- ဟီးနိုးအဖြူရောင် အောင်ရတနာ ခရီးသည်တင် မှန်လုံယာဉ်အား မသင်္ကာ၍ ရွာသစ်ကြီးနယ်မြေစခန်း မြို့နယ်သစ်တော ဦးစီးဌာနမှ တာဝန်ရှိသူများ၊ စစ်ကိုင်းခရိုင်မှု/ နှိမ်အဖွဲ့မှ ရဲအုပ်အောင်စိုးမင်း ဦးဆောင်သော ပူးပေါင်းအဖွဲ့က ရပ်တန့်စစ်ဆေးရာ ယာဉ်၏ အောက်ဘောက်ထဲတွင် ဖုံးအုပ်သိုဝှက် တင်ဆောင်လာသော သင်းခွေချပ် ခြောက်ကောင်နှင့် လိပ်ပျော့သုံးကောင် (တန်ဖိုးစိစစ်ဆဲ)တို့အား တရားမ၀င် တင်ဆောင်လာ၍ ဖမ်းဆီးသိမ်းဆည်းခဲ့ကြောင်း ရဲမှုခင်းမှတ်တမ်းအရ သိရသည်။

ထိုသို့ တောရိုင်းတိရစ္ဆာန်များဖြစ်သည့် သင်းခွေချပ် ခြောက်ကောင်၊ လိပ်ပျော့သုံးကောင်အား တရားမ၀င် သယ်ဆောင်လာသူ ယာဉ်မောင်းကျော်ကျော် (ခ) ကျော်ကြီး (၄၀ နှစ်) အောင်ချမ်းသာရပ်ကွက် ရေဦးမြို့နှင့် ယာဉ်နောက်လိုက် ရွှေရည်ဝင်းထွေး (၁၈ နှစ်) အောင်ချမ်းသာရပ်ကွက် ရေဦးမြို့တို့အား ရွာသစ်ကြီး နယ်မြေရဲစခန်း၌ (ပ) ၂/၂၀၁၈ တောရိုင်းတိရစ္ဆာန်နှင့် သဘာဝအပင်များ ကာကွယ်ရေး၊ သဘာဝနယ်မြေများ ထိန်းသိမ်းရေး ဥပဒေပုဒ်မ ၃၇ (က) ဖြင့် ဖမ်းဆီးအမှုဖွင့် အရေးယူ ဆောင်ရွက်ထားကြောင်း သိရသည်။

 

လက်ပံတောင်းတောင် ကြေးနီအတွင်း သတ္တုထုတ်လုပ်သည့် အလုပ်သမား ၄၀၀ ကျော်က လုပ်ငန်းအား ယာယီရပ်စဲ

စစ်ကိုင်းတိုင်းဒေသကြီး ယင်းမာပင်ခရိုင် ဆားလင်းကြီးမြို့နယ်ရှိ လက်ပံတောင်းတောင် ကြေးနီစီမံကိန်းအတွင်း  သတ္တုထုတ်လုပ်သည့် အလုပ်သမား ၄၀၀ ကျော်က ဇန်န၀ါရီ ၁ ရက် နံနက်အစောပိုင်းတွင် လုပ်ငန်းအား ယာယီရပ်စဲခဲ့ကြောင်း အလုပ်သမားများ၏ ပြောကြားချက်အရ သိရသည်။

လက်ပံတောင်းတောင် ကြေးနီစီမံကိန်းဘက်က တာဝန်ရှိသူများက အလုပ်သမားများအား ယူနီဖောင်း မပြည့်စုံသည့်အတွက် လုပ်ငန်းခွင်အား ပေးမ၀င်ခဲ့ခြင်းဖြစ်ပြီး အလုပ်သမားများကလည်း ကြေးနီစီမံကိန်းမှ တာဝန်ရှိသူများကို ယူနီဖောင်းပြည့်စုံ လုံလောက်အောင် ထုတ်ပေးထားခြင်း မရှိဟုဆိုကာ ယင်းကဲ့သို့ ဖြစ်ပွားခဲ့ခြင်း ဖြစ်ကြောင်း သိရသည်။

“မနက်က ဖြစ်သွားတဲ့ ကိစ္စမှာကတော့ PPTE ပေါ့ဗျာ။ ၀န်ထမ်းတွေကို ယူနီဖောင်း မပြည့်စုံတဲ့အတွက် လုပ်ငန်းခွင်ကို ၀င်ခွင့်မပြုဘူးလို့ သတ်မှတ်တယ်။ အဲဒီတော့ ၀န်ထမ်းတွေ ဘက်ကလည်း မင်းတို့ဘက်က PPTE ကို ပြည့်စုံအောင် ထုတ်မပေးတဲ့ အတွက်ကြောင့် ငါတို့ကလည်း လုပ်ငန်းကို မ၀င်နိုင်ဘူးဆိုပြီး ၀န်ထမ်းတွေက အလုပ်မလုပ်ဘဲ အကုန်လုံးက ပြန်လာခဲ့တယ်။ ကျွန်တော်တို့ သတ္တုတူးဖော်ရေးကို လုပ်တယ်။ တူးဖော်ရေးကို ကျွန်တော်တို့က ရပ်လိုက်တာပါ။ ကျွန်တော်ဆီမှာကတော့ စက်ယန္တရားတွေနဲ့ လုပ်တဲ့ ၀န်ထမ်းတွေက များတာပါ။ ဒါနဲ့ပတ်သက်ပြီး ကုမ္ပဏီနဲ့ ကျွန်တော်တို့ အလုပ်သမားတွေကြား ညနေမှာ ဆွေးနွေးသွားမှာပါ” ဟု အမည်မဖော်လိုသူ တစ်ဦးက ပြောကြားသွားသည်။

ထို့ပြင် ကုမ္ပဏီဘက်က အလုပ်သမားများကို လုပ်ငန်းခွင် ၀င်နိုင်ရေးအတွက် ကတ်ထုတ်ပေးထားကြောင်း၊ ၂၀၁၇ ခုနှစ်အတွင်းက ကတ်ထုတ်ပေးထားသည့် အလုပ်သမားများအနက် အလုပ်သမား တစ်ယောက်မှာ ကတ်ပျောက်ဆုံး သွားသည့်အတွက် ကုမ္ပဏီထံ သွားရောက်ကာ ကတ်ထုတ်ပေးရေးအတွက် တောင်းဆိုခဲ့သော်လည်း ကတ်တစ်ခုအတွက် ကျပ်တစ်သိန်းပေးရန် ကုမ္ပဏီဘက်မှ ငွေတောင်းခံမှုလည်း ရှိခဲ့ကြောင်း ၎င်းကဆက်လက် ပြောကြားသည်။

“ကုမ္ပဏီဘက်က အခုထိ ကျွန်တော်တို့ကို အကြောင်းမပြန်သေးဘူးဗျ။ ၀မ်ပေါင်ကုမ္ပဏီသည် နိုင်ငံတော်နဲ့ တရားဝင် စာချုပ်ချုပ်ထားတဲ့ ကုမ္ပဏီပါ။ ရင်းနှီးမြုပ်နှံမှု ဥပဒေကို လက်တလုံးခြား လုပ်ထားပြီး ဆပ်ကန်ထရိုက်တွေနဲ့ ဆွဲထားတာတွေရှိတယ်။ ဆပ်ကန်ထရိုက်တွေကို အုပ်ချုပ်မှုကွပ်ကဲမှု အပေါ်မှာ ၀မ်ပေါင်ကုမ္ပဏီက ညံ့တယ်။ ပြီးတော့ ဆပ်ကန်ထရိုက်တွေ အကုန်လုံးကလည်း တရုတ်ကုမ္ပဏီတွေ ဖြစ်နေတယ်။ စီးပွားရှာမှုနဲ့ အလေးထား ဇောင်းပေးနေတဲ့ ဆပ်ကန်ထရိုက်တွေ ဖြစ်နေတယ်” ဟု ဆားလင်းကြီးမြို့နယ် သတ္တုတွင်း အလုပ်သမားရေးရာအဖွဲ့မှ အတွင်းရေးမှူး ဦးစောနိုင်က ပြောကြားသည်။

လက်ပံတောင်းတောင် ကြေးနီစီမံကိန်းအတွင်း ၀မ်ပေါင်ကုမ္ပဏီ၏ လက်အောက်ခံရှိ ဆပ်ကန်ထရိုက်များသည် လုပ်ငန်းခွင်လုံခြုံရေး၊ ကျန်းမာရေးများနှင့် သဘာဝပတ်ဝန်းကျင် ထိန်းသိမ်းမှု စသည့်အချက်များအား အလေးပေး လိုက်နာဆောင်ရွက်သည့် ကုမ္ပဏီမျိုး မရှိကြောင်း ၎င်းကဆက်လက် ပြောကြားသည်။

လက်ပံတောင်းတောင် ကြေးနီအတွင်း သတ္တုထုတ်လုပ်သည့် အလုပ်သမား ၄၀၀ ကျော်က လုပ်ငန်းအား ယာယီရပ်စဲခဲ့သည့် အလုပ်ခွင်မှာ စီနိုကုမ္ပဏီပိုင် အတွင်းသာ ဖြစ်ကြောင်း၊ ၎င်းစီနိုကုမ္ပဏီသည် ကချင်ပြည်နယ် မြစ်ဆုံရေကာတာ စီမံကိန်းအား လုပ်ခွင့်ရရှိထားသည့် ကုမ္ပဏီသာဖြစ်ကြောင်း မြစ်ဆုံရေကာတာ စီမံကိန်း ရပ်စဲပြီးနောက် နားလည်မှုအရ ကြေးနီထုတ်လုပ်ခွင့် ပေးထားကြောင်း သိရသည်။

 

စစ်ကိုင်းမြို့သို့ အစိုးရဌာနဆိုင်ရာရုံးများ ပြန်လည်ရောက်ရှိရေး ဆန္ဒပြုလက်မှတ်များ တင်ပြထားသော်လည်း အကြောင်းပြန်ကြားခြင်း မရှိသည့်အတွက် ပြည်ထောင်စုအစိုးရထံ ဒုတိယအကြိမ် ထပ်မံတင်ပြ

စစ်ကိုင်းမြို့သို့ တိုင်းရုံးများ ပြန်လည်ရောက်ရှိရေး ဦးဆောင်ကော်မတီမှ တင်ပြသည့် မြို့ရှုခင်းအား ဝေဟင်မှ တွေ့ရစဉ်

စစ်ကိုင်းမြို့သို့ အစိုးရဌာနဆိုင်ရာရုံးများ ပြန်လည်ရောက်ရှိရေးအတွက် ဆန္ဒပြုလက်မှတ်များ တင်ပြထားသော်လည်း အကြောင်းပြန်ကြားခြင်း တစ်စုံတစ်ရာ မရှိသည့်အတွက် ဒုတိယအကြိမ် ပြည်ထောင်စု အစိုးရထံ ထပ်မံတင်ပြထားကြောင်း ဒီဇင်ဘာ၂၀ ရက်တွင် တိုင်းရုံးများအားလုံး ဖွဲ့စည်းပုံ အခြေခံ ဥပဒေနှင့်အညီ ပြန်လည်ရောက်ရှိရေး ဦးဆောင်ကော်မတီထံမှ သိရသည်။

“ပြီးခဲ့တဲ့နှစ် မေလက တိုင်းရုံးများ ပြန်လည်ရောက်ရှိရေး ဆန္ဒပြုလက်မှတ်တွေကို တင်ပြထားခဲ့ပေမဲ့ ခုချိန်ထိ တစ်စုံတစ်ရာ အကြောင်းပြန်ကြားခြင်း မရှိသေးပါဘူး။ အခုဒုတိယ အကြိမ်မှာတော့ စစ်ကိုင်းမြို့က ဘာကြောင့် တိုင်းမြို့ဖြစ်သင့်သလဲဆိုတာ ခေါင်းစဉ် ခြောက်ခုနဲ့ မှတ်တမ်းဓာတ်ပုံတွေပါတဲ့ စာအုပ်ကို ပြည်ထောင်စု အစိုးရကို တင်ပြတာပါ။ စစ်ကိုင်းမြို့က ၁၉၄၇၊ ၁၉၇၄၊၂၀၀၈ အခြေခံဥပဒေတွေအရ တိုင်းမြို့တော်အဖြစ် ရှိနေဆဲပါ။ ဖွဲ့စည်းပုံ အခြေခံဥပဒေနဲ့အညီ စစ်ကိုင်းမြို့ကို တိုင်းရုံးတွေ ပြန်စိုက်ရမှာပါ။ လက်ရှိအစိုးရကလည်း ဖွဲ့စည်းပုံအခြေခံ ဥပဒေကို လေးစားလိုက်နာမယ်လို့ ထင်ပါတယ်” ဟု ဦးဆောင်ကော်မတီ အတွင်းရေးမှူး (၂) ဦးကျော်စိုးလင်းက ပြောကြားသည်။

ပထမအကြိမ် အစိုးရဌာနဆိုင်ရာရုံးများ စစ်ကိုင်းမြို့သို့ ပြန်လည်ရောက်ရှိရေးအတွက် ဆန္ဒပြုလက်မှတ်များကို စစ်ကိုင်းမြို့ပေါ်ရပ်ကွက် ၂၃ ခုနှင့် စစ်ကိုင်းမြို့နယ်အတွင်းရှိ ကျေးရွာများမှ ပြည်သူလူထု၏ ဆန္ဒပြုလက်မှတ်များကို ကောက်ခံခဲ့ကာ နိုင်ငံတော်သမ္မတ ဦးထင်ကျော်၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ပြည်သူ့လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌထံသို့ ပေးပို့ထားခဲ့ကြောင်း အဆိုပါကော်မတီမှ သိရသည်။

“၂၀၀၈ ဖွဲ့စည်းပုံ အခြေခံဥပဒေ ပုဒ်မ ၄၉ (င) မှာ စစ်ကိုင်းတိုင်း ဒေသကြီးဖြစ်တဲ့ ပြည်နယ်များကို အများစု နေထိုင်တဲ့ တိုင်းရင်းသား လူမျိုးများရဲ့ အမည်ကို အစွဲပြုပြီး ခေါ်တွင်စေပြီး တိုင်းရုံးများစိုက်ထားတဲ့ မြို့တွေကို အစွဲပြုပြီး စစ်ကိုင်း၊ မန္တလေး၊ ရန်ကုန်၊ မကွေး၊ ပဲခူးစသဖြင့် တိုင်းဒေသကြီးအဖြစ် မှည့်ခေါ်ကြတယ်။ ခုစစ်ကိုင်းတိုင်းရဲ့ မြို့တော်အဖြစ် မုံရွာကို တိုင်းရုံးအခြေစိုက်နေတာ အခြေခံဥပဒေနဲ့ ညီညွတ်မှု မရှိပါဘူး” ဟု စစ်ကိုင်းမြို့ နယ် ဌာနပေါင်းစုံ ပင်စင်စား အသင်းဥက္ကဋ္ဌ ဦးဝင်းမော်က ပြောကြားသည်။

၂၀၀၅ ခုနှစ်တွင် စစ်ကိုင်းမြို့မှ အနောက်မြောက်တိုင်း စစ်ဌာနချုပ် တည်ရှိရာ မုံရွာမြို့သို့ အစိုးရဌာနဆိုင်ရာ ရုံးများအားလုံး ရွှေ့ပြောင်းခဲ့ကြောင်း သိရပြီး စစ်ကိုင်းမြို့နည်းတူ ပဲခူးတိုင်းမြို့တော်ကို ပဲခူးမြို့မှ တောင်ငူမြို့၊ တနင်္သာရီတိုင်းမြို့တော် ထားဝယ်မြို့မှ မြိတ်မြို့သို့ တိုင်းမြို့များအဖြစ် ပြောင်းရွှေ့အခြေစိုက်ခဲ့ကြောင်း သိရပြီး ၂၀၁၀ ပြည့်နှစ် အောက်တိုဘာ ၁ ရက်တွင် အပြောင်းရွှေ့ခံထားရသော တိုင်းသုံးတိုင်း၏ တိုင်းရုံးများကို မူလမြို့တော် အသီးသီးသို့ ပြန်လည်ပြောင်းရွှေ့ရန် အမိန့်ထုတ်ပြန် ခဲ့သော်လည်း ပဲခူးမြို့နှင့် ထားဝယ်မြို့များကိုသာ တိုင်းမြို့အဖြစ် ပြန်လည်ရွှေ့ပြောင်းခဲ့ပြီး စစ်ကိုင်းမြို့မှာ မြို့တော်အဖြစ် ပြန်လည် ပြောင်းရွှေ့မှု မခံခဲ့ရကြောင်း မြို့မှတ်တမ်းများအရ သိရသည်။

စစ်ကိုင်းတိုင်း၏ မြို့တော်မှာ စစ်ကိုင်းမြို့သာဖြစ်ကြောင်း၂၀၀၈ ဖွဲ့စည်းပုံအခြေခံ ဥပဒေ ပုဒ်မ ၉ (က) ပြဋ္ဌာန်းထားကြောင်း သိရပြီး ယခင်အစိုးရနှင့် လက်ရှိ NLD အစိုးရတို့သည် စစ်ကိုင်းမြို့၌ တိုင်းရုံးများ ပြန်လည်ရုံးစိုက်ရန် ပျက်ကွက်ခဲ့ပြီး ခရိုင်မြို့ တစ်မြို့ဖြစ်သော မုံရွာမြို့၌ တိုင်းအစိုးရဌာနဆိုင်ရာရုံးများ ရုံးစိုက်နေခြင်းမှာ ၂၀၀၈ ဖွဲ့စည်းပုံ အခြေခံဥပဒေ ပြဋ္ဌာန်းချက်များကို ဆန့်ကျင်ချိုးဖောက်နေကြောင်း ကော်မတီမှ သိရသည်။

 

EMG ၏ မုံရွာသတင်းထောက် ကိုစိုးမိုးထွန်း လုပ်ကြံခံရမှု တစ်နှစ်ပြည့်ပြီဖြစ်သော်လည်း အမှုမှန်မပေါ်ပေါက်သေးသည့်အတွက် အမှုမှန်ဖော်ထုတ်ပေးရန် မုံရွာမြို့တွင် စုဝေးတောင်းဆို

ကိုစိုးမိုးထွန်း လုပ်ကြံသတ်ဖြတ်ခံရမှုအတွက် ကျန်ရစ်သူမိသားစုဝင်များနှင့် လုပ်ဖော်ကိုင်ဖက်များ အမှုမှန်ဖော်ထုတ်ပေးရေး စုဝေးတောင်းဆိုစဉ်

Eleven Media Group ၏ မုံရွာမြို့ အခြေစိုက်သတင်းထောက် ကိုစိုးမိုးထွန်း လုပ်ကြံသတ်ဖြတ်ခံရမှု တစ်နှစ်ပြည့်ခဲ့သော်လည်း အမှုမှန်မပေါ်ပေါက်သေးသဖြင့် အမှုမှန် အမြန်ဆုံးဖော်ထုတ်ပေးရန် ဒီဇင်ဘာ ၁၃ ရက် ညနေ ၄ နာရီက မုံရွာမြို့ ကန်သာယာ ကျောက်တိုင်ကွင်း၌ မိသားစုဝင်များ၊ လုပ်ဖော်ကိုင်ဖက် သတင်းထောက်များနှင့် မြို့ခံများက စုဝေးတောင်းဆိုမှုများ ပြုလုပ်ခဲ့ကြသည်။

Eleven Media Group ၏ မုံရွာမြို့ အခြေစိုက်သတင်းထောက် ကိုစိုးမိုးထွန်း လုပ်ကြံသတ်ဖြတ်ခံရမှု တစ်နှစ်ပြည့်ခဲ့သော်လည်း ကျူးလွန်ခဲ့သူ တရားခံအား ဖော်ထုတ်နိုင်ခြင်း မရှိသေးသည့်အပေါ် ၎င်း၏မိသားစုဝင်များ၊ လုပ်ဖော်ကိုင်ဖက် သတင်းထောက်များနှင့် မြို့ခံများက ဝေဖန်မှုများပြုလုပ်ခဲ့ကြသည်။

သတင်းထောက် ကိုစိုးမိုးထွန်း လုပ်ကြံသတ်ဖြတ် ခံရချိန်တွင် ကျန်ရစ်ခဲ့သည့် အသက်ရှစ်နှစ်ကျော်အရွယ် ၎င်း၏သားငယ်လေးအား တွေ့ရစဉ်

ထို့ပြင် သတင်းထောက် ကိုစိုးမိုးထွန်း လုပ်ကြံသတ်ဖြတ်ခြင်းခံရမှု တစ်နှစ်ပြည့် အောက်မေ့ဖွယ် အထိမ်းအမှတ် ပြုလုပ်ရာသို့ မိသားစုဝင်များ၊ လုပ်ဖော်ကိုင်ဖက်သတင်းထောက်များ၊ လွှတ်တော်ကိုယ်စားလှယ်အချို့ နှင့် ၎င်း၏မြို့ခံ မိတ်ဆွေများ၊ EMG လုပ်ဖော်ကိုင်ဖက် ၀န်ထမ်းများ တက်ရောက်ခဲ့ကြသည်။

“ကျွန်မရဲ့သားလေးကို ရက်ရက်စက်စက် လုပ်ကြံသတ်ဖြတ်ခံခဲ့ရတာ ဒီနေ့ဆိုရင် တစ်နှစ်ပြည့်ခဲ့ပါပြီ။ ဒါပေမဲ့ အခုအချိန်အထိ အမှုမှန်က မပေါ်ပေါက်သေးပါဘူး။ ကျွန်မရဲ့အသက်က ၆၅ နှစ်ကျော်ပါပြီ။ ကျွန်မအသက်ရှိ နေတဲ့ကာလအတွင်းမှာတော့ အမှုမှန်ပေါ်ပေါက်တာ မြင်သွားချင်ပါတယ်။ အမှုမှန်အမြန်ဆုံး ပေါ်ပေါက်အောင် ၀ိုင်းဝန်းကူညီပေးကြပါလို့ တောင်းဆိုချင်ပါတယ်”ဟု လုပ်ကြံခံခဲ့ရသူ ကိုစိုးမိုးထွန်း၏ မိခင်ဖြစ်သူက ပြောကြားသည်။

ထို့ပြင် သတင်းထောက် ကိုစိုးမိုးထွန်း၏ ဇနီးဖြစ်သူ မခင်ချိုလတ်က “အမှုက တစ် နှစ်ပြည့်သွားခဲ့ပြီ။ ဒါပေမဲ့ ဘာမှမထူးခြားသေးပါဘူး။ သူ့ရဲ့အမှုကို မေ့ဖျောက်ခံထားရသလားလို့ ကျွန်မ စိုးရိမ်နေမိတယ်။ အမှုမှန် အမြန်ဆုံး ပေါ်ပေါက်စေချင်တယ်။ စစ်ကိုင်းတိုင်းဒေသကြီးဝန်ကြီးချုပ် ပြောကြားခဲ့သလို ဒီအမှုမှာက  တစ်ဦးတစ်ယောက်ထက် မကဘူး။ နောက်ကွယ်ကနေ ပါဝင်ပတ်သက်နေသူတွေအများကြီး ရှိနေနိုင်ပါတယ်။ အဲဒီ နောက်ကွယ်ကနေ သူတွေကိုပါ ဖော်ထုတ်ပေးပါလို့ တောင်းဆိုချင်ပါတယ်။ ဒီလူသတ်မှုကိုမှ မဖော်ထုတ်နိုင်ရင် ၀န်ကြီးချုပ်ပြောကြားခဲ့သလို မုံရွာမြို့အတွက်သာမက သက်ဆိုင်သူတွေအတွက်ပါ  သိက္ခာကျစေနိုင်ပါတယ်။ ဒါကြောင့် အမှုမှန် အမြန်ဆုံးဖော်ထုတ်ပေးကြပါလို့ တောင်းဆိုချင်ပါတယ်” ဟု ပြောကြားသည်။

Eleven Media Group ၏ မုံရွာမြို့ အခြေစိုက်သတင်းထောက် ကိုစိုးမိုးထွန်း လုပ်ကြံသတ်ဖြတ်ခံရမှု တစ်နှစ်ပြည့်အဖြစ် နံနက်ပိုင်းတွင် ၎င်း၏ မိသားစုဝင်များက မုံရွာမြို့ လယ်တီရပ်ရှိ ဧသုဝတီစာသင်တိုက်တွင် နေ့ဆွမ်းဆက်ကပ် အမျှပေးဝေခဲ့ကြသည်။

ညနေ ၄ နာရီခန့်တွင် သတင်းထောက် ကိုစိုးမိုးထွန်း လုပ်ကြံသတ်ဖြတ်ခြင်းခံရမှု တစ်နှစ်ပြည့် အောက်မေ့ဖွယ်အခမ်းအနားနှင့် အမှုမှန် အမြန်ဆုံးဖော်ထုတ်ပေးရေးအတွက် မိသားစုဝင်များ၊ လုပ်ဖော်ကိုင်ဖက် သတင်းထောက်များ၊ လွှတ်တော်ကိုယ်စားလှယ်အချို့ အပါအ၀င် ‘ကိုစိုးမိုးထွန်း လုပ်ကြံသတ်ဖြတ်ခံရမှုအပေါ် အမှုမှန်အမြန်ဆုံး ဖော်ထုတ်ပေးရေးအတွက် အမေ့လျော့ခံ ကိုစိုးမိုးထွန်းအမှု အမြန်ဆုံးဖော်ထုတ်ပေး၊ သတင်းသမားဘ၀  လုံခြုံရေး အပြည့်အ၀ ကာကွယ်ပေး၊ မတရားမှု မှန်သမျှ အလိုမရှိ၊ တရားဥပဒေစိုးမိုးရေး ချက်ချင်း ဆောင်ရွက်ပေး၊ အကြမ်းဖက်သတ်ဖြတ်ခံရမှု မှန်သမျှ အလိုမရှိ’ အစရှိသည့် ဗွီနိုင်းဆိုင်းဘုတ်များဖြင့် ကြွေးကြော်ခြင်း၊ သတင်းထောက် ကိုစိုးမိုးထွန်း အသတ်ခံရမှု အမှုမှန် အမြန်ဆုံးဖော်ထုတ်နိုင်ပါစေ စာသားပါဝင်သည့် ဗွီနိုင်းဆိုင်းဘုတ်များဖြင့် တောင်းဆိုမှုများပြုလုပ်ခဲ့ကြသည်။

EMG သတင်းထောက် ကိုစိုးမိုးထွန်း လုပ်ကြံသတ်ဖြတ်ခံရမှု တစ်နှစ်ပြည့်အထိမ်းအမှတ်တွင် တက်ရောက်လာကြသည့် လုပ်ဖော်ကိုင်ဖက် သတင်းထောက်များက အမှုမှန်အမြန်ဆုံး ဖော်ထုတ်ပေးရန် တောင်းဆိုခဲ့ကြပြီး လွှတ်တော်ကိုယ်စားလှယ်အချို့ကလည်း အမှုမှန်အမြန်ဆုံးပေါ်ပေါက်စေရန်အတွက် ကူညီဆောင်ရွက်ပေးမည်ဖြစ်ကြောင်း ပြောကြားသည်။

ထို့နောက် အခမ်းအနားသို့ တက်ရောက်လာကြသူများက ၀မ်းနည်းခြင်းအဖြစ် နှစ်မိနစ် ငြိမ်သက်ခြင်း၊ မတရားမှုအလိုမရှိ စာသားစာလုံးကို ဆီမီးဖြင့်ပုံဖော်မှုများ ပြုလုပ်ခဲ့ကြသည်။

လုပ်ကြံသတ်ဖြတ်ခံရမှုကြောင့် သေဆုံးခဲ့ရသည့် သတင်းထောက် ကိုစိုးမိုးထွန်း၏ သားဖြစ်သူကလည်း အဆိုပါအထိမ်းအမှတ်တွင် အမှုမှန်အမြန်ဆုံး ဖော်ထုတ်ပေးရန်အတွက် တောင်းဆိုခဲ့သည်။

Eleven Media Group ၏ မုံရွာမြို့ အခြေစိုက်သတင်းထောက် ကိုစိုးမိုးထွန်းမှာ ၂၀၁၆ ခုနှစ် ဒီဇင်ဘာ ၁၃ ရက် နံနက် ၁၂ နာရီ မိနစ် ၂၀ တွင် မုံရွာမြို့ အောင်ချမ်းသာ ရပ်ကွက် ပြည်ထောင်စုလမ်းမကြီးနံဘေးတွင် ဦးခေါင်းထိပ် ကွဲပြဲဒဏ်ရာနှစ်ချက်၊ ၀ဲမျက်ခုံး ကွဲပြဲဒဏ်ရာတစ်ချက်၊ မျက်နှာဖူးရောင်ဒဏ်ရာများဖြင့် အခင်းဖြစ်ပွားသည့်နေရာတွင် မှောက်လျက်သေဆုံးနေသည်ကို တွေ့ခဲ့ကြပြီး အဆိုပါအမှုနှင့်ပတ်သက်၍ မုံရွာမြို့မရဲ စခန်းက လူသတ်မှုအမှတ်စဉ် (၁၀/၂၀၁၆)၊ (ပ) ၁၅၆၄/၂၀၁၆၊ ရာဇသတ်ကြီးဥပဒေပုဒ်မ ၃၀၂ ဖြင့် အမှုဖွင့်ဆောင်ရွက်ထားကြောင်း သိရသည်။

ရွှေဘိုမြို့ အမှတ် (၂) ရပ်ကွက် နေအိမ်တစ်လုံးတွင် ဓားထောက်ပြီး အနုကြမ်းစီးမှုကြောင့် မိသားစုဝင်သုံးဦး ဒဏ်ရာရရှိ

အခင်းဖြစ်ပွားခဲ့သည့် နေအိမ်အား တွေ့ရစဉ်

စစ်ကိုင်းတိုင်းဒေသကြီး ရွှေဘိုမြို့အမှတ် (၂) ရပ်ကွက်မှ နေအိမ်တစ်လုံးတွင် ဒီဇင်ဘာ ၁၃ ရက် နံနက် ၂ နာရီခန့်က လူတစ်ဦးက ဓားထောက်ပြီး အနုကြမ်းစီးမှုကြောင့် မိသားစုဝင်သုံးဦး ဒဏ်ရာရရှိခဲ့ကြောင်း ရွှေဘိုမြို့မ ရဲစခန်းမှ သိရသည်။

အမည်မသိ လူတစ်ဦးက နေအိမ်အတွင်း ၀င်ရောက်လာကာ မိသားစုဝင်များ အိပ်ပျော်နေစဉ် ခြင်ထောင်အား ဆွဲလှန်သဖြင့် နိုးလာသူ တစ်ဦးက အော်ဟစ်ခဲ့ကြောင်း၊ ထို့နောက် အမည်မသိ လူတစ်ဦးက အသင့်ပါလာသည့် ဓားကို ထုတ်ကာ ဓားဖြင့်ထောက်ခဲ့ကြောင်း၊ အော်သံကြောင့် အိမ်အောက်ထပ်မှ မိဘနှစ်ဦးမှာ အခင်းဖြစ်နေရာသို့ ရောက်ရှိလာခဲ့ကြောင်း၊ ထို့ကြောင့် အားလုံးကိုဓားဖြင့် ရမ်းကာ ထွက်ပြေးသွားခဲ့ကြောင်း သိရသည်။

“အိမ်ထဲကိုဝင်လာတယ်။ ခြင်ထောင်ကို ဆွဲလှန်တယ်။ ခြင်ထောင်ထဲကသူ နိုးလာတော့ ဓားထုတ်ပြီး ဓားနဲ့ထောက်တယ်။ အော်သံကြားတော့ မိဘနှစ်ဦးက အိမ်ပေါ်ကို တက်လာတယ်။ အဲဒီအချိန်မှာ ဓားထောက်ခံထားရသူကို ဓားနဲ့ဆက်ထောက်ထားပြီး ပစ္စည်းတောင်းတယ်။ ပြီးတော့ ဓားနဲ့ ဟိုယမ်း ဒီယမ်း ယမ်းသွားတယ်။ ထွက်ပြေးတယ်” ဟု ရွှေဘိုမြို့မရဲစခန်းမှ ဖုန်းတာဝန်ကျ ရဲတစ်ဦးက ပြောကြားသည်။

ဓားထောက်ကာ အနုကြမ်းစီးခဲ့သူ ထွက်ပြေးသွားပြီးနောက် အိမ်ရှင်က ပတ်ဝန်းကျင်အား အော်ဟစ်ကာ အကူအညီ တောင်းခဲ့ကြောင်း၊ ရပ်ကွက်နေ ပြည်သူများကလည်း ဓားထောက် အနုကြမ်းစီးသူ၏နောက်ကို လိုက်ခဲ့သော်လည်း ပျောက်ဆုံးသွားခဲ့ကြောင်း အဆိုပါ တာဝန်ကျရဲက ဆက်လက်ပြောကြားသည်။

ဓားထောက်ပြီး အနုကြမ်းစီးခံခဲ့ရသည့် မိသားစုဝင် သုံးဦးမှာ ဒဏ်ရာများ အသီးသီး ရရှိခဲ့ကြောင်း စိုးရိမ်ရသည့် အနေအထားတွင် မရှိကြောင်း ဓားထောက်အနုကြမ်းစီးခဲ့သူအား ရွှေဘိုခရိုင်ရဲတပ်ဖွဲ့က စုံစမ်းနေကြောင်း သိရသည်။

အဆိုပါ ဖြစ်စဉ်နှင့် ပတ်သက်၍ ရွှေဘိုမြို့မ ရဲစခန်း(ပ)၇၀၂/၂၀၁၇ ရာဇသတ်ကြီးပုဒ်မ ၃၉၄ အရ အမှုဖွင့် အရေးယူထားကြောင်း သိရသည်။